| ᠭᠤᠴᠢᠳ ᠬᠠᠳᠠ | ᠨᠠᠮᠤᠷ | ᠭᠠᠩᠭᠠᠩ ᠵᠤᠨ ᠢᠶᠠᠨ ᠵᠡᠭᠦᠳᠦᠯᠡᠬᠦ ᠨᠠᠭᠤᠷ ᠤᠨ | ᠭᠠᠩᠰᠠᠷᠠᠯ ᠬᠠᠲᠠᠬᠤ ᠲᠡᠭᠷᠢ ᠳᠤ | ᠭᠠᠯᠪᠠ ᠶᠢᠨ ᠰᠢᠷᠭᠠᠯ ᠰᠠᠯᠬᠢ ᠪᠠᠷ ᠠᠷᠴᠢᠵᠤ | ᠭᠠᠯᠭᠢᠬᠤ ᠴᠠᠭ ᠤᠨ ᠡᠷᠬᠡ ᠳᠠᠭᠠᠵᠤ | ᠭᠠᠯᠠᠭᠤᠳ ᠤᠨ ᠴᠤᠪᠤᠭᠠ ᠠᠴᠠ ᠨᠠᠮᠤᠷ ᠡᠬᠢᠯᠡᠨᠡ᠃ | ᠦᠦᠷ ᠣᠨᠣᠷᠠᠬᠤ ᠶᠢᠨ ᠠᠯᠳᠠ ᠳᠤ | ᠡᠷᠦᠬᠡᠨ ᠤ ᠣᠭᠤᠰᠣᠷ ᠳᠠᠶᠠᠯᠠᠭᠰᠠᠨ | ᠡᠵᠡᠭᠲᠡᠢ ᠪᠣᠯᠣᠭᠰᠠᠨ ᠪᠦᠰᠡᠭᠦᠢ ᠶᠢᠨ | ᠡᠷᠬᠡ ᠬᠤᠩᠭᠤᠷ ᠨᠠᠰᠤ ᠶᠢ ᠨᠢ ᠳᠤᠷᠠᠰᠤᠭᠤᠯᠵᠤ | ᠡᠷᠭᠢᠨᠡᠭ ᠤᠨ ᠴᠠᠭᠠᠨᠠ ᠠᠴᠠ ᠨᠠᠮᠤᠷ ᠡᠬᠢᠯᠡᠨᠡ᠃ | ᠡᠩᠬᠡ ᠵᠢᠷᠭᠠᠯ ᠢ ᠥᠪᠡᠷ ᠲᠡᠭᠡᠨ ᠪᠢᠰᠢ | ᠦᠷᠡ ᠳᠡᠭᠡᠨ ᠯᠡ ᠭᠡᠵᠤ ᠳᠠᠭᠠᠳᠬᠠᠭᠰᠠᠨ | ᠮᠠᠨᠢ ᠲᠣᠭᠠᠯᠠᠭᠰᠠᠨ ᠢᠵᠢᠢ ᠶᠢᠨ ᠮᠢᠨᠢ | ᠰᠢᠯᠦᠭ ᠰᠢᠭ ᠵᠠᠯᠠᠭᠤ ᠨᠠᠰᠤ ᠶᠢ ᠨᠢ ᠳᠤᠷᠠᠰᠤᠭᠤᠯᠵᠤ | ᠰᠢᠪᠲᠤᠷᠠᠬᠤ ᠡᠷᠢᠬᠡᠨ ᠤ ᠬᠢᠨᠢ ᠮᠥᠬᠦᠯᠢᠭ ᠠᠴᠠ ᠨᠠᠮᠤᠷ ᠡᠬᠢᠯᠡᠨᠡ᠃ | ᠬᠤᠯᠠ ᠶᠢᠨ ᠠᠭᠤᠯᠠ ᠬᠥᠬᠡᠷᠡᠨ ᠠᠯᠤᠰᠷᠠᠵᠤ | ᠬᠤᠵᠢᠭᠤᠳᠠᠭᠰᠠᠨ ᠪᠣᠷᠣᠭᠠᠨ ᠳᠤ ᠰᠠᠷᠠ ᠴᠠᠩᠲᠤᠬᠤ ᠳᠤ | ᠨᠡᠭᠦᠳᠡᠯ ᠤᠨ ᠲᠡᠷᠭᠡᠨ ᠤ ᠠᠷᠠᠯ ᠳᠤ ᠱᠠᠷ ᠳᠠᠳᠴᠤ | ᠨᠠᠷᠠ ᠬᠤᠯᠠᠳᠠᠵᠤ ᠨᠠᠮᠤᠷᠵᠢᠶᠠ ᠣᠶᠢᠷᠠᠲᠤᠭᠰᠠᠨ | ᠮᠠᠯᠴᠢᠨ ᠠᠶᠢᠯ ᠤᠨ ᠬᠤᠲᠠᠨ ᠤ ᠵᠠᠬᠠ ᠠᠴᠠ ᠨᠠᠮᠤᠷ ᠡᠬᠢᠯᠡᠨᠡ᠃ | ᠨᠠᠶᠢᠷ ᠬᠠᠪᠲᠠᠭᠠᠶᠢᠷᠠᠭᠰᠠᠨ ᠨᠤᠲᠤᠭ ᠤᠨ | ᠨᠠᠷᠠ ᠬᠤᠷᠭᠤᠳᠠᠭᠰᠠᠨ ᠬᠤᠶᠢᠮᠤᠷ ᠲᠤ | ᠨᠠᠩᠴᠢᠳ ᠤᠨ ᠢᠳᠡᠨ ᠳᠤ ᠰᠠᠯᠬᠢ ᠬᠠᠯᠠᠰᠠᠭᠠᠵᠤ | ᠨᠠᠰᠤᠲᠠᠨ ᠵᠠᠯᠠᠭᠤ ᠦᠭᠡᠢ ᠪᠠᠶᠠᠷᠯᠠᠯᠳᠤᠭᠰᠠᠨ | ᠨᠠᠶᠢᠷ ᠤᠨ ᠳᠠᠭᠤᠨ ᠤ ᠰᠢᠷᠤᠩᠬᠠᠢ ᠠᠴᠠ ᠨᠠᠮᠤᠷ ᠡᠬᠢᠯᠡᠨᠡ᠃ | ᠲᠠᠷᠭᠤᠨ ᠮᠣᠷᠢᠳ ᠤᠶᠠᠭᠠᠨ ᠳᠡᠭᠡᠷᠡ ᠰᠠᠩᠬᠠᠯᠵᠠᠵᠤ | ᠲᠠᠶᠢᠪᠤᠩ ᠮᠣᠩᠭᠤᠯ ᠠᠮᠢᠳᠤᠷᠠᠯ ᠪᠠᠭᠤᠴᠠᠨ ᠳᠡᠭᠡᠷᠡ ᠪᠠᠨ ᠵᠢᠷᠭᠠᠵᠤ | ᠲᠠᠯᠪᠢᠭᠤᠬᠠᠨ ᠠᠭᠤᠳᠠᠮ ᠨᠤᠲᠤᠭ ᠲᠤ ᠮᠢᠨᠢ | ᠲᠠᠩᠰᠤᠭ ᠤᠯᠠᠷᠢᠯ ᠰᠠᠭᠠᠲᠠᠨ ᠨᠠᠯᠠᠶᠢᠬᠤ ᠳᠤ | ᠲᠠᠲᠠᠯᠠᠬᠤ ᠰᠢᠯᠦᠭ ᠤᠨ ᠣᠩᠭᠤᠳ ᠠᠰᠬᠠᠷᠠᠭᠤᠯᠵᠤ ᠮᠢᠨᠤ ᠨᠠᠶᠢᠷᠠᠭ ᠤᠨ ᠨᠠᠮᠤᠷ ᠡᠬᠢᠯᠡᠨᠡ᠃ | |