| ᠬᠤᠨᠲᠣᠨ ᠰᠣᠨᠣᠷ | ᠡᠵᠢ ᠶᠢᠨ ᠬᠤᠷᠮᠣᠢ ᠲᠠᠢ ᠣᠷᠴᠢᠯᠠᠩ | ᠨᠠᠭᠤᠷ ᠲᠤ ᠪᠠᠨ ᠪᠤᠴᠠᠬᠤ ᠰᠢᠪᠠᠭᠤᠳ ᠢ ᠬᠠᠷᠠᠵᠤ ᠪᠢ ᠤᠶᠠᠷᠠᠨᠠ | ᠨᠠᠷᠠᠲᠤ ᠶᠢᠨ ᠬᠤᠨᠤᠭ ᠤᠳ ᠲᠤ ᠳᠤᠷᠠᠰᠤᠨ ᠳᠤᠷᠠᠰᠤᠨ ᠰᠠᠨᠠᠨᠠ | ᠨᠤᠲᠤᠭ ᠢᠶᠠᠨ ᠭᠡᠰᠡᠨ ᠰᠡᠳᠬᠢᠯ ᠢᠶᠠᠨ ᠠᠷᠭᠠᠳᠠᠵᠤ | ᠨᠣᠮᠣᠬᠠᠨ ᠪᠣᠷᠣ ᠵᠡᠭᠦᠳᠦᠨ ᠳᠤ ᠪᠠᠨ ᠡᠵᠢ ᠶᠢ ᠪᠠᠨ ᠦᠭᠡᠶᠢᠯᠡᠨᠡ᠃ | ᠣᠨᠣᠨ ᠤ ᠬᠥᠪᠡᠭᠡᠨ ᠠᠴᠠ ᠮᠣᠩᠭᠤᠯ ᠠᠶᠠᠯᠭᠤ ᠲᠠᠲᠠᠭᠤᠯᠤᠭᠰᠠᠨ | ᠣᠶᠣᠳᠠᠯ ᠳᠤ ᠬᠡᠴᠡᠭᠦᠦ ᠤᠷᠠᠨ ᠡᠵᠢ ᠶᠢᠨ ᠢᠶᠠᠨ ᠬᠤᠷᠮᠣᠢ ᠠᠴᠠ | ᠣᠷᠴᠢᠯᠠᠩ ᠤᠨ ᠵᠠᠢ ᠳᠤ ᠲᠡᠨᠲᠦᠷ ᠮᠥᠨᠳᠥᠷ ᠠᠯᠬᠤᠯᠠᠬᠤ ᠳᠤ ᠪᠠᠨ | ᠡᠵᠢ ᠶᠢ ᠪᠠᠨ ᠰᠠᠨᠠᠵᠤ ᠬᠦᠦ ᠨᠢ ᠰᠢᠯᠦᠭ ᠪᠢᠴᠢᠯᠡ᠃ | ᠵᠡᠯᠡ ᠪᠠᠨ ᠲᠠᠲᠠᠵᠤ ᠵᠣᠭᠰᠣᠳᠠᠭ ᠮᠣᠩᠭᠤᠯ ᠪᠦᠰᠡᠭᠦᠢ ᠶᠤᠮ ᠪᠣᠯᠬᠤᠷ | ᠡᠵᠢ ᠶᠢᠨ ᠮᠢᠨᠢ ᠬᠤᠷᠮᠣᠢ ᠠᠴᠠ ᠠᠶᠢᠷᠠᠭ ᠦᠨᠦᠷᠲᠦᠭᠳᠡᠬᠦ ᠴᠦ ᠶᠤᠮ ᠰᠢᠭ | ᠮᠣᠩᠭᠤᠯ ᠢᠶᠠᠨ ᠰᠢᠲᠦᠨ ᠪᠠᠭ᠋ᠠᠳᠤᠭᠰᠠᠨ ᠮᠠᠯᠴᠢᠨ ᠪᠦᠰᠡᠭᠦᠢ ᠶᠤᠮ ᠪᠣᠯᠬᠤᠷ | ᠡᠵᠢ ᠶᠢᠨ ᠮᠢᠨᠢ ᠬᠤᠷᠮᠣᠢ ᠠᠴᠠ ᠨᠠᠶᠢᠷᠠᠭ ᠤᠶᠠᠩᠭᠠᠷᠠᠬᠤ ᠴᠦ ᠶᠤᠮ ᠰᠢᠭ᠋ | ᠢᠰᠡᠭᠡᠢ ᠴᠠᠭᠠᠨ ᠭᠡᠷ ᠲᠤ ᠪᠠᠨ ᠰᠦ ᠰᠠᠮᠤᠷᠴᠤ | ᠵᠠᠩ ᠦᠢᠯᠡ ᠶᠢᠨ ᠤᠬᠠᠭᠠᠨ ᠢ ᠲᠠᠨᠢᠭᠤᠯᠤᠭᠰᠠᠨ | ᠮᠣᠩᠭᠤᠯ ᠬᠡ ᠲᠠᠢ ᠬᠥᠰᠢᠭᠡ ᠪᠠᠨ ᠬᠠᠨᠠ ᠳᠠᠭᠠᠭᠤᠯᠵᠤ | ᠦᠷᠭᠦᠭᠡ ᠭᠡᠷ ᠢᠶᠠᠨ ᠳᠡᠯᠡᠬᠡᠢ ᠪᠠᠨ ᠭᠡᠵᠤ ᠴᠢᠮᠡᠭᠰᠡᠨ | ᠠᠮᠢᠳᠤᠷᠠᠯ ᠢᠶᠠᠨ ᠳᠣᠳᠣᠮᠳᠠᠵᠤ ᠠᠷᠭᠠᠯ ᠢᠶᠠᠨ ᠬᠤᠷᠮᠣᠶᠢᠯᠠᠭᠰᠠᠨ | ᠠᠵᠢᠯ ᠢᠶᠠᠨ ᠡᠷᠭᠦᠵᠦ ᠦᠢᠯᠡᠰ ᠢᠶᠠᠨ ᠬᠤᠷᠤᠶᠢᠯᠠᠭᠰᠠᠨ | ᠬᠠᠳᠠ ᠰᠢᠭ᠋ ᠮᠣᠩᠭᠤᠯ ᠡᠷᠡ ᠳᠤ ᠬᠠᠶᠢᠷᠠ ᠶᠡᠭᠦᠯᠡᠵᠦ ᠮᠣᠷᠳᠠᠭᠰᠠᠨ | ᠬᠠᠶᠢᠷᠠᠲᠤ ᠮᠣᠩᠭᠤᠯ ᠦᠷᠡ ᠶᠢ ᠪᠠᠨ ᠡᠪᠦᠷ ᠲᠤ ᠪᠠᠨ ᠪᠦᠪᠡᠶᠢᠯᠡᠭᠰᠡᠨ | ᠴᠡᠯᠮᠡᠭ ᠲᠡᠭᠷᠢ ᠶᠢᠨ ᠢᠶᠠᠨ ᠣᠳᠣ ᠶᠢ ᠮᠠᠨᠠᠵᠤ ᠬᠤᠨᠣᠬᠤ ᠳᠤ ᠪᠠᠨ | ᠠᠮᠢᠳᠤᠷᠠᠯ ᠡᠯᠡᠭᠡᠭᠰᠡᠨ ᠦᠷᠴᠢᠯᠡᠭᠡᠲᠦ ᠡᠵᠢ ᠶᠢ ᠪᠠᠨ ᠰᠠᠨᠠᠬᠤ ᠶᠤᠮ | ᠠᠭᠠᠷ ᠰᠡᠩᠭᠢᠨᠡᠭᠰᠡᠨ ᠲᠠᠯᠠ ᠶᠢᠨ ᠢᠶᠠᠨ ᠰᠠᠯᠬᠢ ᠶᠢ ᠴᠢᠩᠨᠠᠬᠤ ᠳᠤ ᠪᠠᠨ | ᠠᠷᠭᠠ ᠦᠭᠡᠢ ᠠᠴᠢᠲᠤ ᠡᠵᠢ ᠶᠢ ᠪᠠᠨ ᠳᠤᠷᠠᠰᠬᠤ ᠶᠤᠮ᠃ | ᠮᠠᠨᠳᠤᠬᠤ ᠨᠠᠷᠠᠨ ᠠᠴᠠ ᠵᠠᠪᠳᠤᠵᠤ ᠲᠠᠨ ᠳᠤ ᠪᠠᠨ ᠣᠴᠢᠵᠤ ᠵᠣᠯᠭᠠᠬᠤ ᠭᠡᠵᠤ | ᠰᠡᠳᠬᠢᠯ ᠳᠤ ᠪᠠᠨ ᠰᠡᠮ ᠰᠡᠮᠬᠡᠨ ᠰᠠᠨᠠᠬᠤ ᠶᠤᠮ | ᠬᠠᠶᠢᠷᠠᠲᠤ ᠡᠵᠢ ᠪᠠᠷ ᠢᠶᠠᠨ ᠲᠡᠪᠡᠷᠢᠭᠦᠯᠦᠨ ᠦᠨᠦᠰᠦᠭᠦᠯᠵᠦ | ᠬᠠᠯᠠᠭᠤᠨ ᠴᠡᠭᠡᠵᠢᠨ ᠳᠤ ᠴᠢᠨᠢ ᠨᠠᠯᠠᠶᠠ ᠭᠡᠵᠤ ᠪᠣᠳᠤᠬᠤ ᠶᠤᠮ᠃ | ᠨᠠᠭᠤᠷ ᠲᠤ ᠪᠠᠨ ᠪᠤᠴᠠᠬᠤ ᠰᠢᠪᠠᠭᠤᠳ ᠢ ᠬᠠᠷᠠᠵᠤ ᠪᠢ ᠤᠶᠠᠷᠠᠨᠠ | ᠨᠤᠲᠤᠭ ᠢᠶᠠᠨ ᠰᠠᠨᠠᠭᠰᠠᠨ ᠰᠡᠳᠬᠢᠯ ᠢᠶᠠᠨ ᠠᠷᠭᠠᠳᠠᠵᠤ | ᠨᠣᠮᠣᠬᠠᠨ ᠪᠣᠷᠣ ᠵᠡᠭᠦᠳᠦᠨ ᠳᠤ ᠪᠠᠨ ᠡᠵᠢ ᠶᠢ ᠪᠠᠨ ᠦᠭᠡᠶᠢᠯᠡᠨᠡ | ᠨᠠᠷᠠᠲᠤ ᠶᠢᠨ ᠬᠤᠨᠤᠭ ᠤᠳ ᠲᠤ ᠳᠤᠷᠠᠰᠤᠨ ᠳᠤᠷᠠᠰᠤᠨ ᠰᠠᠨᠠᠨᠠ᠃ |