ᠨᠡᠬᠡᠶᠢᠲᠦ | ᠬᠤᠷᠤᠭᠤᠴᠠᠬᠤ ᠨᠠᠭᠠᠳᠤᠮ ︵ᠬᠤᠸᠠ ᠬᠤᠸᠠᠯᠠᠬᠤ︶ | ᠮᠠᠨ ᠤ ᠪᠠᠷᠭᠤᠴᠤᠳ ᠳᠡᠭᠡᠷᠡ ᠦᠶᠡ ᠠᠴᠠ ᠬᠤᠷᠤᠭᠤᠴᠠᠬᠤ ᠲᠣᠭᠯᠠᠭᠠᠮ ᠨᠠᠭᠠᠳᠤᠮ ᠢ ᠬᠤᠷᠠᠯ ᠴᠤᠭᠯᠠᠭᠠᠨ᠂ ᠬᠤᠷᠢᠮ ᠨᠠᠶᠢᠷ ᠲᠤ ᠠᠭᠤᠯᠵᠠᠵᠤ ᠤᠴᠠᠷᠠᠬᠤ | ᠳᠤ ᠪᠠᠨ ᠬᠥᠷ ᠬᠥᠭᠵᠢᠶᠡᠨ ᠪᠣᠯᠭᠠᠵᠤ ᠬᠤᠸᠠ ᠬᠤᠸᠠᠯᠠᠵᠤ ᠮᠥᠷᠥᠶᠢᠴᠡᠨ ᠨᠠᠭᠠᠳᠳᠠᠭ ᠪᠠᠶᠢᠵᠠᠢ᠃ ᠡᠨᠡ ᠬᠦ ᠨᠠᠭᠠᠳᠤᠮ ᠲᠣᠭᠯᠠᠭᠠᠮ ᠨᠢ ᠲᠤᠭᠠ ᠬᠡᠯᠡᠯᠭᠡ ᠨᠢ ᠮᠠᠨᠵᠤ | ᠦᠭᠡ᠂ ᠬᠢᠲᠠᠳ ᠦᠭᠡ ᠣᠯᠠᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠠᠴᠠ ᠨᠢ ᠦᠵᠡᠪᠡᠯ ᠮᠠᠨᠵᠤ ᠶᠢᠨ ᠦᠶᠡ ᠳᠤ ᠡᠭᠦᠰᠴᠦ ᠭᠠᠷᠤᠭᠰᠠᠨ ᠪᠠᠶᠢᠬᠠ ᠭᠡᠵᠤ ᠦᠵᠡᠵᠦ ᠪᠠᠶᠢᠨᠠ᠃ ᠡᠨᠡ | ᠨᠠᠭᠠᠳᠤᠮ ᠲᠣᠭᠯᠠᠭᠠᠮ ᠳᠡᠭᠡᠷᠡ ᠵᠠᠭᠤᠨ ᠤ ᠲᠠᠪᠢ ᠵᠢᠷᠠᠭᠠᠳ ᠣᠨ ᠤ ᠦᠶᠡ ᠪᠠᠷ ᠤᠯᠠᠮᠵᠢᠯᠠᠭᠳᠠᠨ ᠳᠡᠯᠭᠡᠷᠡᠵᠦ ᠬᠤᠷᠠᠯ ᠴᠤᠭᠯᠠᠭᠠᠨ᠂ ᠬᠤᠷᠢᠮ ᠨᠠᠶᠢᠷ ᠲᠤ ᠤᠴᠠᠷᠠᠵᠤ | ᠠᠭᠤᠯᠵᠠᠬᠤ ᠪᠠ ᠠᠵᠢᠯ ᠤᠨ ᠴᠢᠯᠦᠭᠡ᠂ ᠬᠤᠨᠢᠴᠢᠳ ᠮᠠᠯᠴᠢᠳ ᠣᠶᠢᠷᠠ ᠣᠷᠴᠢᠮ ᠢᠶᠠᠷ ᠢᠶᠠᠨ ᠨᠠᠭᠠᠳᠴᠤ ᠲᠣᠭᠯᠠᠬᠤ ᠪᠤᠶᠤ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠭᠡᠷᠡ ᠠᠩᠭᠢ ᠶᠢᠨ | ᠰᠤᠷᠤᠭᠴᠢᠳ ᠴᠦ ᠲᠣᠭᠯᠠᠵᠤ ᠨᠠᠭᠠᠳᠴᠤ ᠪᠠᠶᠢᠵᠠᠢ᠃ 1966 ᠣᠨ ᠤ ︽ᠰᠣᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠳᠤᠮᠳᠠ ︽ᠳᠥᠷᠪᠡᠨ ᠬᠠᠭᠤᠴᠢᠨ ᠢ ᠡᠪᠳᠡᠵᠦ | ᠳᠥᠷᠪᠡᠨ ᠰᠢᠨᠡ ᠶᠢ ᠪᠠᠶᠢᠭᠤᠯᠬᠤ ᠬᠥᠳᠡᠯᠭᠡᠭᠡᠨ︾ ᠳᠤ ᠣᠷᠬᠢᠭᠳᠠᠭᠠᠳ ᠡᠳᠦᠭᠡ ᠪᠣᠯᠲᠠᠯᠠ ᠰᠡᠷᠭᠦᠭᠰᠡᠨ ᠦᠭᠡᠢ᠃ ᠤᠴᠢᠷ ᠨᠢ ᠲᠤᠰ ᠨᠠᠭᠠᠳᠤᠮ ᠢ ᠮᠡᠳᠡᠬᠦ ᠬᠥᠮᠥᠨ | ᠳᠡᠮᠡᠢ ᠦᠭᠡᠢ ᠪᠣᠯᠵᠤ ᠨᠠᠭᠠᠳᠴᠤ ᠲᠣᠭᠯᠠᠬᠤ ᠬᠥᠮᠥᠰ ᠴᠦ ᠲᠣᠩ ᠴᠥᠭᠡᠬᠡᠨ ᠪᠣᠯᠵᠠᠢ᠃ ᠮᠠᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠡᠨᠡ ᠬᠦ | ᠲᠣᠭᠯᠠᠭᠠᠮ ᠨᠠᠭᠠᠳᠤᠮ ᠢ ᠰᠡᠷᠭᠦᠭᠡᠨ ᠨᠠᠭᠠᠳᠪᠠᠯ ᠲᠠᠭᠠᠷᠠᠨᠠ ᠭᠡᠵᠤ ᠦᠵᠡᠯᠡ᠃ | ᠬᠤᠷᠤᠭᠤᠴᠠᠬᠤ ᠨᠠᠭᠠᠳᠤᠮ ᠨᠢ ︽ᠬᠤᠸᠠ︾ ᠬᠤᠸᠠᠯᠠᠬᠤ ᠳᠤ ᠪᠠᠨ ᠬᠤᠶᠠᠷ ᠬᠥᠮᠥᠨ ᠮᠥᠷᠥᠶᠢᠴᠡᠨ ᠨᠠᠭᠠᠳᠳᠠᠭ ᠶᠤᠮ᠃ ᠬᠤᠶᠠᠷ ᠬᠥᠮᠥᠨ ᠲᠤᠰ ᠪᠦᠷᠢ | ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤ ᠪᠠᠷ ᠲᠤᠭᠠ ᠪᠣᠯᠭᠠᠨ ᠭᠠᠷᠭᠠᠵᠤ ᠬᠤᠶᠠᠷ ᠲᠠᠪᠤᠨ ᠬᠤᠷᠤᠭᠤᠨ ᠤ ᠭᠠᠷᠭᠠᠭᠰᠠᠨ ᠲᠣᠭᠠᠨ ᠤ ᠨᠡᠶᠢᠯᠡᠪᠦᠷᠢ ᠨᠢ ᠬᠡᠨ ᠤ ᠬᠢᠨᠢ ᠬᠡᠯᠡᠭᠰᠡᠨ ᠨᠢ | ᠲᠠᠭᠠᠷᠠᠪᠠᠯ ᠲᠡᠷᠡ ᠨᠢ ᠨᠢᠭᠡ ᠬᠤᠪᠢ ᠣᠯᠵᠤ ᠨᠢᠭᠡ ᠤᠳᠠᠭᠠᠨ ᠤ ᠬᠤᠵᠢᠯ ᠳᠤ ᠲᠠᠪᠤᠨ ᠬᠤᠪᠢ ᠪᠠᠷ ᠮᠥᠷᠥᠶᠢᠴᠡᠨ ᠨᠠᠭᠠᠳᠳᠠᠭ᠃ ᠬᠤᠷᠤᠭᠤᠴᠠᠬᠤ ᠨᠠᠭᠠᠳᠤᠮ ︽ | ᠬᠤᠸᠠ︾ ᠨᠢ ᠳ᠋ᠠᠩ ᠬᠤᠸᠠ᠂ ᠳᠠᠪᠬᠤᠷ ᠬᠤᠸᠠ᠂ ᠠᠶᠠᠯᠭᠤ ᠲᠠᠢ ᠬᠤᠸᠠ ᠭᠡᠵᠤ ᠬᠡᠳᠦᠨ ᠵᠦᠢᠯ ᠪᠠᠶᠢᠳᠠᠭ᠃ | ᠠᠩᠬᠠᠷᠬᠤ ᠨᠢ᠄ ᠮᠣᠩᠭᠤᠯ ᠬᠤᠸᠠ ᠬᠤᠸᠠᠯᠠᠬᠤ ᠳᠤ ᠲᠤᠭᠠ ᠭᠠᠷᠭᠠᠪᠠᠯ ᠵᠠᠪᠠᠯ ᠡᠷᠡᠬᠡᠢ ᠬᠤᠷᠤᠭᠤ ᠶᠢ ᠭᠠᠷᠭᠠᠬᠤ ᠬᠡᠷᠡᠭᠲᠡᠢ᠃ ᠲᠤᠭᠠ ᠪᠠᠨ ᠬᠡᠯᠡᠭᠡᠳ ᠬᠤᠷᠤᠭᠤ ᠪᠠᠨ | ᠭᠠᠷᠭᠠᠬᠤ ᠳᠤ ᠪᠠᠨ ᠨᠥᠭᠦᠭᠡ ᠲᠠᠯᠠ ᠶᠢᠨ ᠬᠥᠮᠥᠨ ᠤ ᠲᠠᠪᠤᠨ ᠬᠤᠷᠤᠭᠤ ᠲᠠᠢ ᠨᠡᠶᠢᠯᠡᠭᠡᠳ ᠬᠦᠷᠬᠦ ᠲᠤᠭᠠ ᠶᠢ ᠭᠠᠷᠭᠠᠬᠤ ᠬᠡᠷᠡᠭᠲᠡᠢ᠃ | ᠠᠷᠪᠠᠨ ᠲᠣᠭᠠᠨ ᠤ ᠨᠡᠷᠡᠶᠢᠳᠦᠯ | ᠨᠢᠭᠡ ᠶᠢ ᠡᠷᠭᠢᠮ ᠢ ᠳ᠋ᠧ︔ ᠬᠤᠶᠠᠷ ᠢ ᠡᠷᠬᠢᠮ ᠢᠯᠴᠡ ︵ᠡᠷᠡᠨᠡ ᠢᠯᠴᠡ︶︔ ᠭᠤᠷᠪᠠ ᠶᠢ ᠭᠤᠷᠪᠠ ᠶᠢᠨ ᠭᠤᠨᠳᠠ ︵ᠰᠠᠮᠬᠠᠨ ᠰᠠᠩᠲᠸᠦ︶︔ ᠳᠥᠷᠪᠡ | ᠶᠢ ᠴᠡᠪᠡᠷᠬᠡᠨ ᠴᠡᠭᠡᠯᠡ︔ ᠲᠠᠪᠤ ᠶᠢ ᠦ᠋ ᠮᠧᠨ ᠲᠠᠪᠤ ︵ᠦ᠋ ᠭᠧᠨ ᠦ᠋ ᠱᠧ︶ ᠦᠵᠢᠨ ᠲᠠᠪᠤ︔ ᠵᠢᠷᠭᠤᠭᠠ ᠶᠢ ᠳ᠋ᠠᠰᠠᠨᠠᠮ ᠯᠢᠦ ᠭᠡ ︵ᠵᠢᠷᠭᠤᠭᠠ ᠳ᠋ᠠᠭᠠᠰᠠ︶︔ | ᠳᠣᠯᠤᠭᠠ ᠶᠢ ᠳᠤᠯᠵᠢᠮ ᠴᠢ ᠭᠡ ︵ᠳᠣᠬᠢᠭᠤᠷ ᠳᠣᠯᠤᠭᠠ︶︔ ᠨᠠᠢᠮᠠ ᠶᠢ ᠪᠠ ᠴᠢ ᠯᠢᠭ ᠪᠠ ᠮᠠ ︵ᠪᠠ ᠭᠡᠯ ᠪᠠ ᠭᠡ︶︔ ᠶᠢᠰᠦ ᠶᠢ ᠳ᠋ᠧ ᠬᠡᠨ ᠳ᠋ᠧ ᠨᠢ ᠬᠦᠦ︔ | ᠠᠷᠪᠠ ᠶᠢ ᠪᠠᠷᠵᠢᠨ ᠲᠠᠯᠪᠢᠨᠠ︔ ᠨᠢᠭᠡ ᠴᠦ ᠦᠭᠡᠢ ᠪᠣᠯ ᠪᠢᠲᠡᠭᠦᠦ ᠪᠣᠭᠤᠮᠠ ᠭᠡᠵᠤ ᠲᠤᠰ ᠪᠦᠷᠢ ᠨᠡᠷᠡᠯᠡᠳᠡᠭ ᠪᠠᠶᠢᠨᠠ᠃ | ⒈ ᠳ᠋ᠠᠩ ᠬᠤᠸᠠ | ᠬᠤᠶᠠᠷ ᠬᠥᠮᠥᠨ ᠲᠤᠰ ᠪᠦᠷᠢ ᠶᠢᠨ ᠨᠢᠭᠡ ᠭᠠᠷ ᠢᠶᠠᠨ ᠭᠠᠷᠭᠠᠵᠤ ᠬᠤᠶᠠᠭᠤᠯᠠ ᠪᠠᠨ ᠡᠬᠢᠯᠡᠨ ᠠᠶᠠ ᠳᠠᠭᠤᠤ ᠪᠠᠷ ᠦᠵᠡᠯ ᠬᠤᠸᠠ ᠳ᠋ᠠ ᠳ᠋ᠧ ᠭᠧ ᠯᠠ ᠮᠠ ᠳ᠋ᠦ᠋ | ᠭᠡᠵᠤ ᠳᠠᠭᠤᠯᠠᠨ ᠥᠪᠡᠷ ᠥᠪᠡᠷ ᠤᠨ ᠲᠤᠭᠠ ᠪᠠᠨ ᠬᠡᠯᠡᠵᠦ ᠮᠥᠷᠥᠶᠢᠴᠡᠨ ᠨᠠᠭᠠᠳᠳᠠᠭ᠃ | ᠵᠢᠱᠢᠶᠠ ᠨᠢ᠄ ᠦᠵᠡᠯ ᠬᠤᠸᠠ ᠳ᠋ᠠ ᠳ᠋ᠧ ᠭᠧ ᠯᠠ ᠮᠠ ᠳ᠋ᠥ᠋᠂ ᠡᠷᠬᠢᠮ ᠢ ᠳ᠋ᠧ ᠳ᠋ᠧ ᠭᠧ ᠯᠠ ᠮᠠ ᠳ᠋ᠥ᠋᠂ ᠭᠤᠷᠪᠠ ᠶᠢᠨ ᠭᠤᠨᠳᠠ ᠳ᠋ᠧ ᠭᠧ ᠯᠠ ᠮᠠ ᠳ᠋ᠥ᠋᠂ ᠦ᠋ ᠮᠧᠨ | ᠲᠠᠪᠤ ᠳ᠋ᠠ ᠳ᠋ᠧ ᠭᠧ ᠯᠠ ᠮᠠ ᠳ᠋ᠥ᠋ ᠭᠡᠬᠦ ᠪᠠᠷ ᠦᠷᠭᠦᠯᠵᠢᠯᠡᠭᠦᠯᠦᠨ ᠳᠠᠭᠤᠯᠠᠵᠤ ᠬᠡᠨ ᠨᠢ ᠲᠠᠪᠤᠨ ᠬᠤᠪᠢ ᠣᠯᠪᠠᠯ ᠬᠤᠵᠢᠯ ᠭᠠᠷᠴᠤ ᠵᠣᠭᠰᠤᠳᠠᠭ᠃ | ⒉ ᠦᠵᠢᠨ ᠲᠠᠪᠤ | ᠦᠵᠢᠨ ᠲᠠᠪᠤ ᠶᠢ ᠮᠢᠨᠢ ᠭᠠᠷᠭᠠᠭᠠᠳ ᠢᠷᠡᠭᠡᠷᠡᠢ᠂ ᠭᠤᠷᠪᠠ ᠶᠢᠨ ᠭᠤᠨᠳᠠ ᠮᠠᠨ ᠤ ᠳᠤ ᠪᠠᠶᠢᠨᠠ᠂ ᠴᠡᠪᠡᠷᠬᠡᠨ ᠴᠡᠭᠡᠯᠡ ᠲᠠᠨ ᠤ ᠳᠤ ᠪᠠᠶᠢᠪᠠᠯ ᠡᠷᠬᠢᠮ ᠢᠯᠴᠡ ᠠᠮᠠᠨ | ᠳᠤ ᠪᠣᠯᠵᠠᠢ ᠭᠤᠵᠢ ᠨᠠᠨ ᠠ ᠬᠦᠢ ᠭᠡᠵᠤ ᠳᠠᠭᠤᠯᠠᠵᠤ ᠬᠤᠶᠠᠷ ᠬᠥᠮᠥᠨ ᠤ ᠲᠤᠰ ᠪᠦᠷᠢ ᠶᠢᠨ ᠲᠠᠪᠤᠨ ᠬᠤᠷᠤᠭᠤᠨ ᠤ ᠲᠣᠭᠠᠨ ᠤ ᠨᠡᠶᠢᠯᠡᠪᠦᠷᠢ ᠠᠴᠠ ᠬᠡᠨ ᠤ ᠬᠢᠨᠢ | ᠲᠠᠭᠠᠷᠠᠭᠰᠠᠨ ᠪᠣᠯ ᠲᠡᠷᠡ ᠨᠢ ᠳᠠᠷᠤᠢ ᠬᠤᠵᠢᠯ ᠣᠯᠤᠨᠠ᠃ ᠬᠡᠷᠪᠡ ᠰᠡᠭᠦᠯᠴᠢ ᠲᠤᠭᠠ ᠶᠢ ᠳᠠᠬᠢᠨ ᠣᠯᠪᠠᠯ ᠡᠷᠭᠢᠭᠡᠳ ᠢᠷᠡᠯᠡ ᠭᠤᠵᠢ ᠨᠠᠨ ᠠ ᠬᠦᠢ ᠭᠡᠵᠤ | ᠳᠠᠭᠤᠯᠠᠵᠤ ᠵᠠᠪᠰᠠᠷᠯᠠᠨᠠ᠃ | ⒊ ᠮᠢᠩ ᠲᠢᠶᠠᠨ ᠽᠣᠣ | ᠲᠡᠮᠦᠷ ᠴᠢ ᠶᠣᠣ ᠲᠡᠷᠭᠡ ᠪᠠᠨ ᠬᠥᠯᠯᠡᠭᠡᠳ ᠭᠠᠷᠤᠯᠠ ᠬᠦᠢ | ᠲᠦᠰᠢᠶᠡᠲᠦ ᠸᠠᠩ ᠤᠨ ᠬᠤᠰᠢᠭᠤ ᠪᠠᠷ ᠳᠠᠭᠠᠷᠢᠨ ᠢᠷᠡᠯᠡ ᠬᠦᠢ | ᠦᠵᠡᠯ ᠬᠤᠸᠠ ᠰᠢᠦ ᠮᠢᠩ ᠲᠢᠶᠠᠨ ᠽᠣᠣ ᠡᠷᠬᠢᠮ ᠢ ᠳ᠋ᠧ᠂ ᠭᠤᠷᠪᠠ ᠶᠢᠨ ᠭᠤᠨᠳᠠ᠂ ᠦ᠋ ᠮᠧᠨ ᠲᠠᠪᠤ ᠬᠦᠢ ᠭᠡᠵᠤ ᠬᠤᠶᠠᠷ ᠬᠥᠮᠥᠨ ᠬᠤᠣᠰ ᠢᠶᠠᠷ ᠳᠠᠭᠤᠯᠠᠵᠤ ᠲᠤᠰ | ᠪᠦᠷᠢ ᠶᠢᠨ ᠲᠠᠪᠤᠨ ᠬᠤᠷᠤᠭᠤ ᠪᠠᠨ ᠭᠠᠷᠭᠠᠨ ᠥᠪᠡᠷ ᠤᠨ ᠬᠡᠯᠡᠬᠦ ᠲᠤᠭᠠ ᠪᠠᠨ ᠬᠡᠯᠡᠵᠦ ᠭᠠᠷᠭᠠᠬᠤ ᠬᠤᠷᠤᠭᠤ ᠪᠠᠨ ᠭᠠᠷᠭᠠᠨ ᠭᠤᠷᠪᠠ ᠤᠳᠠᠭᠠ ᠲᠤᠭᠠ ᠪᠠᠨ ᠬᠡᠯᠡᠵᠦ | ᠥᠪᠡᠷ ᠤᠨ ᠬᠡᠯᠡᠭᠡᠳ ᠲᠠᠭᠠᠷᠠᠭᠰᠠᠨ ᠬᠤᠵᠢᠯ ᠢᠶᠠᠨ ᠣᠯᠣᠨᠠ᠃ | ⒋ ᠦ᠋ ᠢᠨᠳᠡᠷ ᠬᠤᠸᠠ ᠰᠢᠦ | ︽ᠦ᠋ ᠢᠨᠳᠡᠷ ᠬᠤᠸᠠ ᠰᠢᠦ ᠳᠠᠸᠠ ᠢᠨᠳᠡᠷ ᠱᠠᠩᠬᠠᠢ | ᠦ᠋ ᠮᠧᠨ ᠲᠠᠪᠤ ᠮᠠᠨ ᠤ ᠳᠤ ᠪᠣᠯᠵᠠᠢ ᠬᠥᠭᠡᠷᠦᠬᠦᠢ | ᠭᠤᠷᠪᠠ ᠶᠢᠨ ᠭᠤᠨᠳᠠ ᠠᠮᠠᠨ ᠳᠤ ᠪᠣᠯᠵᠠᠢ ᠬᠥᠭᠡᠷᠦᠬᠦᠢ | ᠴᠡᠪᠡᠷᠬᠡᠨ ᠴᠡᠭᠡᠯᠡ ᠳ᠋ᠦᠢ ᠮᠧᠩ ᠪᠣᠯᠵᠠᠢ ᠬᠥᠭᠡᠷᠦᠬᠦᠢ | ᠪᠠ ᠴᠢ ᠯᠢᠭ ᠪᠠ ᠮᠠ ᠲᠠᠨ ᠤ ᠳᠤ ᠪᠣᠯᠵᠠᠢ ᠬᠥᠭᠡᠷᠦᠬᠦᠢ︾ ᠭᠡᠬᠦ ᠮᠡᠲᠦ ᠪᠠᠷ ᠳᠠᠭᠤᠯᠠᠵᠤ ᠬᠡᠨ ᠨᠢ ᠬᠤᠵᠢᠯ ᠣᠯᠪᠠᠯ ᠵᠣᠭᠰᠤᠳᠠᠭ ᠪᠠᠶᠢᠨᠠ᠃ | ᠡᠨᠡ ᠬᠦ ᠬᠤᠸᠠ ᠨᠢ ᠵᠠᠯᠭᠠᠭᠤᠯᠵᠤ ᠳᠠᠭᠤᠯᠠᠭᠠᠳ ᠬᠡᠨ ᠨᠢ ᠲᠠᠪᠤᠨ ᠬᠤᠵᠢᠯ ᠣᠯᠪᠠᠯ ᠬᠤᠵᠢᠯ ᠭᠠᠷᠤᠨᠠ᠃ | | ⒌ ᠳ᠋ᠢ ᠳ᠋ᠢ ᠳ᠋ᠢ | ︽ᠦ᠋ ᠮᠧᠨ ᠲᠠᠪᠤ ᠯᠤᠩ ᠲᠣᠣ ᠳ᠋ᠠ ᠳᠣᠲᠤᠬᠠᠨ ᠳ᠋ᠠ ᠳ᠋ᠢ ᠳ᠋ᠢ ᠳ᠋ᠢ | ᠡᠷᠬᠢᠮ ᠢᠯᠴᠠ ᠯᠣᠩ ᠲᠣᠣ ᠳ᠋ᠠ ᠲᠣᠳᠤᠬᠠᠨ ᠳ᠋ᠠ ᠳ᠋ᠢ ᠳ᠋ᠢ ᠳ᠋ᠢ | ᠲᠤᠯᠵᠠᠮ ᠴᠢ ᠭᠡ ᠯᠣᠩ ᠲᠣᠣ ᠳ᠋ᠠ ᠲᠣᠳᠤᠬᠠᠨ ᠳ᠋ᠠ ᠳ᠋ᠢ ᠳ᠋ᠢ ᠳ᠋ᠢ︾ ᠭᠡᠬᠦ ᠮᠡᠲᠦ ᠪᠠᠷ ᠦᠷᠭᠦᠯᠵᠢᠯᠡᠭᠦᠯᠦᠨ ᠬᠤᠶᠠᠷ ᠬᠥᠮᠥᠨ ᠤ ᠲᠤᠰ ᠪᠦᠷᠢ ᠶᠢᠨ ᠲᠠᠪᠤᠨ | ᠬᠤᠷᠤᠭᠤᠨ ᠤ ᠨᠡᠶᠢᠯᠡᠪᠦᠷᠢ ᠶᠢᠨ ᠬᠡᠨ ᠤ ᠬᠢᠨᠢ ᠲᠠᠭᠠᠷᠠᠪᠠᠯ ᠬᠡᠨ ᠨᠢ ᠬᠤᠵᠢᠯ ᠣᠯᠤᠨᠠ᠃ | ᠡᠨᠡ ᠬᠤᠸᠠ ᠬᠡᠨ ᠨᠢ ᠤᠷᠢᠳ ᠢᠶᠠᠷ ᠲᠠᠪᠤᠨ ᠬᠤᠵᠢᠯ ᠣᠯᠪᠠᠯ ᠬᠤᠵᠢᠯ ᠭᠠᠷᠤᠨᠠ᠃ | | | ᠬᠤᠷᠤᠭᠤᠴᠠᠬᠤ ᠨᠠᠭᠠᠳᠤᠮ ︵ᠬᠤᠸᠠ ᠬᠤᠸᠠᠯᠠᠬᠤ︶ ᠲᠣᠭᠯᠠᠭᠠᠮ ᠢ ᠨᠠᠶᠢᠷᠠᠭᠤᠯᠤᠨ ᠰᠡᠷᠭᠦᠭᠡᠬᠦ ᠪᠠᠷ ᠤᠤᠯ ᠤᠨ ᠲᠤᠰ ᠨᠠᠭᠠᠳᠤᠮ ᠲᠣᠭᠯᠠᠭᠠᠮ ᠢ ᠮᠡᠳᠡᠳᠡᠭ | ᠬᠡᠰᠡᠭ ᠨᠥᠬᠦᠳ ᠢ ᠴᠤᠭᠯᠠᠭᠤᠯᠤᠨ ᠶᠠᠷᠢᠯᠴᠠᠨ ᠵᠥᠪᠳᠡᠵᠦ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠭᠯᠡᠯᠡ᠃ | ᠭᠤᠣᠯᠴᠢᠯᠠᠨ ᠨᠠᠶᠢᠷᠠᠭᠤᠯᠤᠭᠴᠢ᠄ ᠨᠡᠬᠡᠶᠢᠲᠦ | ᠠᠶᠠ ᠠᠶᠠᠯᠭᠤ ᠲᠣᠬᠢᠷᠠᠭᠤᠯᠤᠭᠴᠢ᠄ ᠭᠠᠷᠮᠠᠭᠠᠢ | ᠬᠠᠪᠰᠤᠷᠤᠨ ᠵᠥᠪᠳᠡᠯᠴᠡᠭᠰᠡᠳ᠄ ᠰᠸ᠊ · ᠳᠤᠯᠭᠠᠷ᠂ ᠬᠠᠰᠤᠨᠬᠡᠷᠡᠯ᠂ ᠵᠢᠪᠽᠤᠨᠳᠤᠯᠮᠠ᠂ ᠰᠠᠶᠢᠨᠪᠢᠯᠢᠭ᠌ | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠶᠠᠳᠠᠭᠤ ᠶᠢ | ᠲᠡᠳᠬᠦᠬᠦ ᠠᠯᠪᠠᠨ ᠭᠡᠷ ᠤᠨ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠠᠬᠠᠮᠠᠳ ᠺᠠᠳ᠋ᠷ | |