ᠭ᠊ · ᠴᠡᠷᠡᠨᠬᠠᠨᠳᠠ ︵ᠮᠣᠩᠭᠤᠯ︶ | ᠪᠠᠷᠭᠤ ᠮᠣᠩᠭᠤᠯᠴᠤᠳ ᠢ ᠰᠤᠳᠤᠯᠬᠤ | ᠤᠭᠰᠠᠭᠠᠲᠠᠨ ᠤ ᠵᠦᠢ ᠶᠢᠨ ᠠᠰᠠᠭᠤᠳᠠᠯ ᠳᠤ | ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠤ ᠲᠡᠦᠬᠡ ᠶᠢ ᠡᠷᠳᠡᠮᠲᠡᠳ ᠤᠨ ᠰᠤᠳᠤᠯᠭᠠᠨ ᠤ ᠪᠦᠲᠦᠭᠡᠯ ᠤᠳ ᠠᠴᠠ ᠨᠢᠭᠡᠳᠬᠡᠨ ᠦᠵᠡᠪᠡᠯ᠂ ᠤᠳᠤᠮ ᠭᠠᠷᠪᠠᠯᠢ ᠨᠢᠭᠡᠲᠡᠢ | ᠣᠮᠤᠭ ᠶᠠᠰᠤ᠂ ᠤᠭᠰᠠᠭᠠᠨ ᠤ ᠪᠦᠯᠦᠭ ᠪᠤᠶᠤ ᠶᠠᠰᠤᠲᠠᠨ ᠨᠢ ᠲᠡᠦᠬᠡᠨ ᠬᠥᠭᠵᠢᠯ ᠤᠨ ᠶᠠᠪᠤᠴᠠ ᠳᠤ ᠪᠠᠨ ᠣᠭᠲᠤ ᠥᠭᠡᠷᠡᠴᠢᠯᠡᠭᠳᠡᠬᠦ ᠦᠭᠡᠢ ᠨᠢᠭᠡ ᠶᠠᠩᠵᠤ ᠪᠠᠶᠢᠬᠤ | ᠨᠢ ᠬᠡᠵᠢᠶᠡ ᠴᠦ ᠦᠭᠡᠢ ᠬᠡᠮᠡᠨ ᠳ᠋ᠦᠩᠨᠡᠳᠡᠭ ᠶᠠᠪᠤᠳᠠᠯ ᠲᠤᠬᠠᠢ ᠶᠢᠨ ᠤᠭᠰᠠᠭᠠᠲᠠᠨ ᠤ ᠡᠭᠦᠰᠦᠯ᠂ ᠲᠦᠯᠦᠪᠰᠢᠯ᠂ ᠵᠠᠳᠠᠷᠠᠯ᠂ ᠰᠡᠷᠭᠦᠯᠲᠡ ᠵᠡᠷᠭᠡ ᠶᠢ ᠬᠠᠮ | ᠲᠤᠰᠬᠠᠭᠰᠠᠨ ᠣᠶᠢᠯᠠᠭᠠᠯᠲᠠ ᠭᠡᠵᠤ ᠪᠣᠯᠤᠨᠠ᠃ ᠤᠴᠢᠷ ᠡᠶᠢᠮᠦ ᠳᠤ ᠲᠡᠦᠬᠡᠨ ᠤᠭᠰᠠᠭᠠᠲᠠᠨ ᠤ ᠵᠦᠢ ᠶᠢ ᠰᠤᠳᠤᠯᠬᠤ ᠳᠤ ᠶᠠᠭᠤᠨ ᠤ ᠡᠮᠦᠨᠡ ᠨᠢᠭᠡ ᠳᠤ᠂ | ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠤ ᠡᠬᠢᠯᠡᠯ ᠪᠦᠷᠢᠯᠳᠦᠨ ᠲᠥᠯᠥᠪᠰᠢᠭᠰᠡᠨ ᠲᠡᠷᠡ ᠦᠶᠡ ᠠᠴᠠ ᠡᠬᠢᠯᠡᠨ ᠣᠷᠴᠢᠨ ᠴᠠᠭ ᠢ ᠬᠦᠷᠲᠡᠯᠡ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠣᠯᠠᠨ ᠵᠠᠭᠤᠨ | ᠤ ᠡᠭᠡᠳᠡᠷᠡᠭᠡ ᠲᠠᠢ ᠦᠢᠯᠡ ᠶᠠᠪᠤᠴᠠ ᠶᠢ ᠤᠯᠠᠷᠢᠭᠤᠯᠤᠨ ᠬᠠᠷᠠᠵᠤ᠂ ᠤᠭᠰᠠᠭᠠᠲᠠᠨ ᠤ ᠰᠢᠨᠡ ᠨᠡᠶᠢᠲᠡᠯᠢᠭ ᠡᠭᠦᠰᠬᠦ ᠰᠢᠯᠲᠠᠭᠠᠨ᠂ ᠤᠭᠰᠠᠭᠠ ᠪᠦᠯᠦᠭ ᠤᠳ ᠤᠨ | ᠬᠤᠭᠤᠷᠤᠨᠳᠤ ᠶᠢᠨ ᠢᠵᠢᠯᠢᠰᠢᠯ ᠪᠠ ᠨᠢᠭᠡᠳᠬᠦ ᠰᠠᠯᠬᠤ ᠦᠢᠯᠡ ᠶᠠᠪᠤᠴᠠ ᠬᠡᠷᠬᠢᠨ ᠶᠠᠪᠤᠭᠳᠠᠳᠠᠭ ᠵᠦᠢ ᠲᠣᠭᠲᠠᠯ ᠵᠡᠷᠭᠡ ᠠᠰᠠᠭᠤᠳᠠᠯ ᠢ ᠣᠨᠤᠯ ᠤᠨ ᠡᠭᠦᠳᠡᠨ ᠠᠴᠠ | ᠰᠢᠢᠳᠪᠦᠷᠢᠯᠡᠬᠦ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠬᠤᠶᠠᠷ ᠲᠤ᠂ ᠪᠠᠷᠭᠤ ᠮᠣᠩᠭᠤᠯᠴᠤᠳ ᠤᠨ ᠨᠡᠭᠦᠳᠡᠯ ᠤᠨ ᠰᠣᠶᠤᠯ ᠢᠷᠭᠡᠨᠰᠢᠯ ᠳᠤ ᠣᠷᠤᠭᠤᠯᠤᠭᠰᠠᠨ ᠬᠤᠪᠢ ᠨᠡᠮᠡᠷᠢ ᠪᠣᠯᠤᠨ | ᠠᠵᠤ ᠠᠬᠤᠢ — ᠰᠣᠶᠤᠯ ᠤᠨ ᠬᠡᠪ ᠮᠠᠶ᠋ᠢᠭ᠂ ᠲᠡᠭᠦᠨ ᠤ ᠨᠡᠶᠢᠲᠡᠯᠢᠭ ᠪᠠ ᠥᠪᠡᠷᠮᠢᠴᠡ ᠲᠠᠯᠠ ᠶᠢ ᠣᠨᠴᠠᠭᠠᠶᠢᠯᠠᠨ ᠠᠪᠴᠤ ᠦᠵᠡᠬᠦ᠃ ᠭᠤᠷᠪᠠ ᠳᠤ᠂ ᠮᠣᠩᠭᠤᠯ | ᠲᠦᠮᠡᠨ ᠤ ᠨᠡᠶᠢᠭᠡᠮ᠂ ᠤᠯᠤᠰ ᠲᠥᠷᠥ ᠶᠢᠨ ᠦᠢᠯᠡ ᠶᠠᠪᠤᠴᠠ ᠶᠢᠨ ᠨᠥᠯᠥᠭᠡ᠂ ᠨᠥᠯᠥᠭᠡᠯᠡᠯ ᠤᠭᠰᠠᠭᠠ ᠪᠦᠯᠦᠭ ᠤᠳ ᠤᠨ ᠦᠦᠬᠡ ᠲᠡᠦᠬᠡ ᠶᠢ ᠲᠠᠶᠢᠯᠬᠤ ᠭᠤᠣᠯ | ᠦᠵᠡᠭᠦᠯᠦᠯᠲᠡ ᠪᠣᠯᠬᠤ ᠶᠢ ᠬᠠᠷᠠᠭᠠᠯᠵᠠᠨ ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠤ ᠪᠢᠴᠢᠯ ᠨᠡᠶᠢᠲᠡᠯᠡᠯ ᠪᠣᠯᠬᠤ ᠪᠠᠷᠭᠤ ᠭᠡᠬᠦ ᠳᠤ ︽ᠪᠢᠳᠡ︾ ᠬᠡᠨ ᠪᠣᠢ ᠬᠡᠮᠡᠨ ᠣᠶᠢᠯᠠᠭᠠᠬᠤ | ᠥᠪᠡᠷᠰᠡᠳ ᠤᠨ ᠤᠬᠠᠮᠰᠠᠷ ᠲᠤ ᠬᠠᠳᠠᠭᠳᠠᠭᠰᠠᠨ ᠨᠡᠷᠡ ︽ᠨᠡᠷᠡᠰᠢᠯ︾᠂ ᠰᠣᠶᠤᠯ᠂ ᠵᠠᠩ ᠦᠢᠯᠡ ᠶᠢᠨ ᠤᠯᠪᠠᠭᠠ᠂ ᠣᠶᠤᠨ ᠰᠡᠳᠬᠢᠯᠭᠡᠨ ᠤ ᠥᠪᠡᠷᠮᠢᠴᠡ ᠪᠠᠶᠢᠳᠠᠯ | ᠵᠡᠷᠭᠡ ᠨᠢ ᠲᠡᠦᠬᠡᠨ ᠤᠷᠲᠤ ᠬᠤᠭᠤᠴᠠᠭᠠᠨ ᠳᠤ ᠦᠷᠭᠦᠯᠵᠢᠯᠡᠭᠰᠡᠨ ᠪᠥᠭᠡᠳ ᠲᠡᠭᠦᠨ ᠢ ᠭᠦᠨᠵᠡᠭᠡᠶᠢᠷᠡᠭᠦᠯᠬᠦ ᠶᠠᠪᠤᠳᠠᠯ ᠴᠢᠬᠤᠯᠠ ᠶᠤᠮ᠃ ᠪᠠᠷᠭᠤ ᠨᠢ ᠡᠷᠲᠡᠨ ᠤ | ᠮᠣᠩᠭᠤᠯ ᠬᠡᠯᠡᠲᠡᠨ ᠤ ᠶᠠᠮᠠᠷ ᠣᠮᠤᠭ ᠶᠠᠰᠤᠨ ᠠᠴᠠ ᠡᠭᠦᠳᠦᠯ ᠲᠠᠢ ᠪᠣᠯᠬᠤ᠂ ᠤᠤᠭᠠᠯ ᠡᠬᠡ ᠨᠤᠲᠤᠭ ᠨᠢ ᠤᠭᠰᠠᠭᠠᠲᠠᠨ ᠤ ᠨᠢᠭᠡᠳᠦᠯ ᠢ ᠡᠭᠦᠰᠬᠡᠬᠦ ᠣᠪᠶᠧᠺᠲ᠋ᠢᠪ | ᠨᠥᠬᠦᠴᠡᠯ ᠢ ᠪᠦᠷᠢᠳᠦᠭᠦᠯᠦᠭᠰᠡᠨ ᠡᠰᠡᠬᠦ ᠭᠡᠬᠦ ᠮᠡᠲᠦ ᠤᠭᠰᠠᠭᠠᠨ ᠤ ᠵᠦᠢ ᠶᠢᠨ ᠴᠢᠬᠤᠯᠠ ᠰᠡᠳᠦᠪ ᠤᠳ ᠢ ᠲᠤᠳᠤᠳᠬᠠᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠪᠠᠷ ᠡᠷᠲᠡᠨ ᠠᠴᠠ | ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠬᠡᠯᠡ ᠠᠶᠠᠯᠭᠤ ᠪᠣᠯᠤᠨ ᠳᠤᠮᠳᠠᠳᠤ ᠵᠠᠭᠤᠨ ᠤ ᠠᠷᠭᠧᠯᠣᠬᠢ ᠶᠢᠨ ᠳᠤᠷᠠᠰᠬᠠᠯ ᠤᠳ ᠠᠴᠠ ᠣᠯᠳᠠᠵᠤ ᠪᠣᠢ ᠡᠳ᠋ ᠦᠯᠦᠭ ᠤᠨ ᠰᠣᠶᠤᠯ ᠳᠤ | ᠬᠠᠮᠢᠶᠠᠷᠬᠤ ᠪᠠᠷᠭᠤ ᠪᠤᠷᠢᠶᠠᠳ ᠡᠬᠡᠨᠡᠷ ᠳᠡᠪᠡᠯ ᠤᠨ ᠬᠡᠪ ᠮᠠᠶ᠋ᠢᠭ ᠲᠤ ᠬᠤᠯᠪᠤᠭᠳᠠᠬᠤ ᠬᠤᠨᠢᠶᠠᠰᠤ ︽ᠲᠠᠲᠠᠭᠠᠰᠤᠨ︾ ᠤ ᠪᠠᠶᠢᠳᠠᠯ ᠣᠯᠠᠨ ᠢᠶᠠᠷ ᠣᠯᠳᠠᠵᠤ ᠪᠠᠶᠢᠭᠠ ᠨᠢ | ᠪᠠᠷᠭᠤ ᠨᠠᠷ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠤᠭᠰᠠᠭᠠ ᠰᠣᠶᠤᠯ ᠤᠨ ᠨᠡᠶᠢᠳᠡᠯᠢᠭ ᠨᠡᠩ ᠡᠷᠲᠡᠨ ᠠᠴᠠ ᠲᠥᠯᠥᠪᠰᠢᠵᠦ ᠪᠠᠶᠢᠭᠰᠠᠨ ᠢ ᠢᠯᠡᠳᠬᠡᠬᠦ ᠪᠣᠳᠠᠲᠤ ᠬᠡᠷᠡᠭᠯᠡᠭᠳᠡᠭᠦᠨ | ᠭᠡᠯᠲᠡᠢ᠃ ᠡᠶᠢᠨ ᠬᠦ ᠤᠭᠰᠠᠭᠠ — ᠪᠦᠯᠦᠭ ᠤᠨ ᠨᠤᠲᠤᠭ ᠤᠨ ᠣᠨᠴᠠᠯᠢᠭ ᠲᠤ ᠵᠣᠬᠢᠴᠠᠭᠤᠯᠤᠨ ᠪᠦᠲᠦᠭᠡᠭᠰᠡᠨ ᠰᠣᠶᠤᠯ ᠶᠠᠭᠤᠲᠠᠢ ᠴᠦ ᠵᠦᠢᠷᠯᠡᠰᠢ ᠦᠭᠡᠢ ᠦᠨᠡ | ᠲᠠᠢ ᠥᠪ ᠪᠣᠯᠵᠤ᠂ ᠲᠡᠭᠦᠨ ᠢ ᠪᠠᠶᠠᠵᠢᠭᠤᠯᠳᠠᠭ ᠨᠢ ᠡᠭᠦᠨ ᠠᠴᠠ ᠲᠣᠳᠤᠷᠬᠠᠢ ᠬᠠᠷᠠᠭᠳᠠᠵᠤ ᠪᠠᠶᠢᠭᠠ ᠶᠢ ᠲᠡᠮᠳᠡᠭᠯᠡᠵᠦ ᠪᠣᠯᠬᠤ ᠪᠠᠶᠢᠨᠠ᠃ | ᠡᠷᠲᠡᠨ ᠤ ᠪᠠ ᠳᠤᠮᠳᠠᠳᠤ ᠦᠶᠡ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠤ ᠠᠮᠠᠨ ᠠᠶᠠᠯᠭᠤᠨ ᠤ ᠣᠨᠴᠠᠯᠢᠭ ᠰᠡᠭᠦᠯ ᠦᠶᠡ ᠬᠦᠷᠲᠡᠯᠡ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠭᠠ ᠠᠴᠠ | ᠰᠡᠳᠦᠪᠯᠡᠨ ᠮᠣᠩᠭᠤᠯᠴᠤᠳ ᠤᠨ ᠳᠤᠲᠤᠷᠠᠬᠢ ᠤᠭᠰᠠᠭᠠ ᠪᠦᠯᠦᠭ ᠤᠨ ᠲᠠᠷᠬᠠᠯᠲᠠ᠂ ᠢᠵᠢᠯᠢᠰᠢᠯ ᠵᠡᠷᠭᠡ ᠤᠭᠰᠠᠭᠠᠲᠠᠨ ᠤ ᠬᠥᠭᠵᠢᠯ ᠤᠨ ᠲᠡᠦᠬᠡᠨ ᠶᠠᠪᠤᠴᠠ ᠶᠢ | ᠲᠣᠳᠤᠷᠠᠭᠤᠯᠬᠤ ᠳᠤ ᠴᠢᠭᠯᠡᠭᠳᠡᠭᠰᠡᠨ ᠵᠠᠷᠢᠮ ᠳ᠋ᠦᠩᠨᠡᠯᠲᠡ ᠳᠤ ᠬᠦᠷᠬᠦ ᠪᠣᠯᠤᠮᠵᠢᠲᠠᠢ᠃ ᠮᠣᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠶᠠᠩᠵᠤ ᠪᠦᠷᠢ ᠶᠢᠨ ᠦᠶᠡ ᠲᠠᠢ ᠤᠶᠠᠯᠳᠤᠨ | ᠲᠥᠯᠥᠪᠰᠢᠭᠰᠡᠨ ᠤᠭᠰᠠᠭᠠ — ᠪᠦᠯᠦᠭ ᠤᠳ ᠤᠨ ᠬᠤᠪᠢ ᠵᠠᠶᠠᠭᠠᠨ ᠤ ᠣᠨᠴᠠᠯᠢᠭ ᠬᠥᠭᠵᠢᠯ ᠤᠨ ᠣᠯᠠᠨ ᠲᠠᠯᠠᠲᠤ ᠦᠢᠯᠡ ᠶᠠᠪᠤᠴᠠ ᠳᠤ ᠮᠡᠳᠡᠷᠡᠭᠳᠡᠭᠴᠢ ᠬᠡᠯᠡ | ᠠᠶᠠᠯᠭᠤᠨ ᠤ ᠤᠯᠠᠮᠵᠢᠯᠠᠯᠲᠤ ᠦᠭᠡ ᠬᠡᠯᠡᠯᠭᠡᠨ ᠳᠤ ᠠᠩᠬᠠᠷᠤᠯ ᠬᠠᠨᠳᠤᠭᠤᠯᠬᠤ ᠶᠠᠪᠤᠳᠠᠯ ᠴᠢᠬᠤᠯᠠ ᠶᠤᠮ᠃ ᠳᠤᠮᠳᠠᠳᠤ ᠦᠶᠡ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠠᠴᠠ ᠪᠠᠷᠭᠤ | ᠪᠤᠷᠢᠶᠠᠳ ᠬᠡᠯᠡ ᠠᠶᠠᠯᠭᠤ ᠬᠠᠳᠠᠭᠠᠯᠠᠭᠳᠠᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠪᠠᠷ ᠲᠡᠭᠦᠨ ᠤᠷᠤᠭᠤ ᠦᠢᠷᠠ ᠲᠥᠰᠲᠡᠢ ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠳᠠᠷᠬᠠᠳ᠂ ᠲᠤᠸᠠ᠂ | ᠣᠶᠢᠷᠠᠳ ᠤᠨ ᠳᠤᠮᠳᠠ ᠶᠠᠪᠤᠭᠤᠯᠤᠭᠰᠠᠨ ᠪᠢᠳᠡᠨ ᠤ ᠤᠭᠰᠠᠭᠠᠲᠠᠨ ᠤ ᠵᠦᠢ ᠶᠢᠨ ᠰᠤᠳᠤᠯᠭᠠᠨ ᠤ ᠦᠶᠡ ᠳᠤ ᠲᠣᠳᠤ ᠠᠵᠢᠭᠯᠠᠭᠳᠠᠳᠠᠭ᠃ ᠡᠭᠦᠨ ᠠᠴᠠ ᠤᠯᠪᠠᠭᠠᠯᠠᠨ | ᠬᠡᠯᠡ ᠠᠶᠠᠯᠭᠤᠨ ᠤ ᠣᠨᠴᠠᠯᠢᠭ ᠢ ᠰᠤᠳᠤᠯᠤᠭᠰᠠᠨ ᠢᠶᠠᠷ ᠲᠤᠬᠠᠢ ᠶᠢᠨ ᠠᠷᠠᠳ ᠲᠦᠮᠡᠨ ᠤ ᠰᠡᠳᠬᠢᠬᠦᠢ ᠶᠢᠨ ᠮᠥᠨ ᠴᠢᠨᠠᠷ᠂ ᠤᠭᠰᠠᠭᠠ ᠲᠡᠦᠬᠡ ᠶᠢ ᠨᠢᠭᠲᠠᠯᠠᠬᠤ ᠳᠤ | ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠴᠢᠬᠤᠯᠠ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠪᠣᠯᠤᠨᠠ᠃ | ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠤ ᠲᠦᠷᠬᠦ ᠪᠠᠶᠢᠳᠠᠯ᠂ ᠰᠡᠳᠬᠢᠯ ᠣᠶᠤᠨ ᠤ ᠣᠨᠴᠠᠯᠢᠭ ᠨᠢ ᠬᠡᠳᠦᠶᠢᠪᠡᠷ ᠣᠯᠠᠨ ᠮᠢᠩᠭᠠᠨ ᠤ ᠲᠡᠷᠲᠡᠭᠡ ᠠᠴᠠ ᠤᠯᠠᠮᠵᠢᠯᠠᠨ | ᠤᠳᠤᠮᠰᠢᠵᠤ ᠢᠷᠡᠭᠰᠡᠨ ᠭᠧᠨᠧᠲ᠋ᠢᠺ ᠦᠨᠳᠦᠰᠦᠯᠡᠯ ᠲᠠᠢ ᠬᠡᠳᠦᠢ ᠴᠦ ᠭᠠᠵᠠᠷ ᠵᠦᠢ ᠶᠢᠨ ᠣᠷᠴᠢᠨ᠂ ᠨᠡᠶᠢᠭᠡᠮ ᠲᠡᠦᠬᠡ ᠶᠢᠨ ᠶᠠᠩᠵᠤ ᠪᠦᠷᠢ ᠶᠢᠨ ᠦᠶᠡ ᠳᠤ | ᠬᠠᠮᠢᠶᠠᠷᠬᠤ ᠥᠭᠡᠷᠡᠴᠢᠯᠡᠯᠲᠡ ᠬᠤᠪᠢᠰᠤᠯ ᠢ ᠲᠤᠰᠬᠠᠨ ᠲᠥᠯᠥᠪᠰᠢᠵᠦ ᠢᠷᠡᠭᠰᠡᠨ ᠲᠡᠦᠬᠡ ᠲᠠᠢ᠃ ᠡᠶᠢᠮᠦ ᠠᠴᠠ ᠤᠭᠰᠠᠭᠠᠲᠠᠨ ᠤ ᠪᠠ ᠤᠭᠰᠠᠭᠠ ᠨᠢᠭᠡᠴᠢ ᠶᠢ | ᠲᠣᠳᠤᠷᠠᠭᠤᠯᠬᠤ ᠬᠡᠪ ᠰᠢᠨᠵᠢ ᠤᠳ ᠬᠥᠭᠵᠢᠯ ᠤᠨ ᠲᠡᠦᠬᠡᠨ ᠦᠶᠡ ᠪᠦᠷᠢ ᠳᠤ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ᠂ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠤᠭᠰᠠᠭᠠ — ᠪᠦᠯᠦᠭ ᠤᠨ | ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠨᠢ ᠲᠤᠬᠠᠢ ᠶᠢᠨ ᠬᠥᠭᠵᠢᠯ ᠤᠨ ᠦᠶᠡ ᠳᠤ ᠪᠦᠬᠦᠯᠢ ᠳᠤ ᠪᠠᠨ ᠪᠠᠶᠢᠬᠤ ᠠᠯᠪᠠ ᠦᠭᠡᠢ ᠪᠥᠭᠡᠳ ᠨᠡᠶᠢᠭᠡᠮ᠂ ᠤᠯᠤᠰ ᠲᠥᠷᠥ ᠶᠢᠨ ᠦᠢᠯᠡ | ᠶᠠᠪᠤᠴᠠ ᠲᠠᠢ ᠤᠶᠠᠯᠳᠤᠨ ᠣᠷᠤᠨ ᠵᠠᠢ᠂ ᠴᠠᠭ ᠬᠤᠭᠤᠴᠠᠭᠠ᠂ ᠤᠯᠠᠮᠵᠢᠯᠠᠯ ᠢᠶᠠᠨ ᠥᠪᠯᠡᠬᠦ ᠪᠤᠶᠤ ᠳᠠᠮᠵᠢᠭᠤᠯᠵᠤ ᠢᠷᠡᠭᠰᠡᠨ ᠪᠠᠶᠢᠳᠠᠯ ᠠᠴᠠ ᠰᠢᠯᠲᠠᠭᠠᠯᠠᠨ | ᠨᠡᠷᠡᠯᠡᠭᠳᠡᠵᠦ ᠪᠣᠢ ᠨᠡᠷᠡ᠂ ᠬᠡᠯᠡ ᠰᠣᠶᠤᠯ᠂ ᠵᠠᠩ ᠵᠠᠩᠰᠢᠯ᠂ ᠵᠠᠩ ᠦᠢᠯᠡ ᠶᠢᠨ ᠲᠠᠯᠠ ᠪᠠᠷ ᠬᠢ ᠣᠶᠢᠯᠠᠭᠠᠯᠲᠠ ᠤᠬᠠᠮᠰᠠᠷ ᠤᠨ ᠠᠯᠢ ᠨᠢᠭᠡ ᠪᠠᠷ ᠢᠯᠭᠠᠭᠳᠠᠵᠤ | ᠪᠠᠶᠢᠳᠠᠭ ᠢ ᠤᠭᠰᠠᠭᠠᠲᠠᠨ ᠤ ᠣᠨᠤᠯ ᠤᠨ ᠡᠭᠦᠳᠡᠨ ᠠᠴᠠ ᠥᠭᠦᠯᠡᠬᠦ ᠪᠦᠷᠢᠨ ᠦᠨᠳᠦᠰᠦᠯᠡᠯ ᠲᠠᠢ ᠶᠢ ᠲᠡᠮᠳᠡᠭᠯᠡᠬᠦ ᠬᠡᠷᠡᠭᠲᠡᠢ ᠶᠤᠮ᠃ ᠲᠡᠭᠦᠨ ᠲᠠᠢ ᠤᠶᠠᠯᠳᠤᠭᠤᠯᠤᠨ | ᠠᠪᠴᠤ ᠦᠵᠡᠪᠡᠯ ᠡᠳᠦᠭᠡ ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠤ ᠳᠣᠲᠤᠷᠠᠬᠢ ᠠᠷᠪᠠ ᠭᠠᠷᠤᠢ ᠤᠭᠰᠠᠭᠠ — ᠪᠦᠯᠦᠭ ᠲᠡᠦᠬᠡᠨ ᠨᠡᠶᠢᠲᠡᠯᠢᠭ ᠤᠳ ᠤᠨ ᠶᠡᠬᠡᠩᠬᠢ ᠨᠢ ᠬᠥᠭᠵᠢᠯ | ᠤᠨ ᠡᠭᠡᠳᠡᠷᠡᠭᠡᠨᠲᠡᠢ ᠵᠠᠮ ᠢ ᠲᠤᠭᠤᠯᠵᠤ᠂ ᠥᠪᠡᠷᠰᠡᠳ ᠤᠨ ᠤᠬᠠᠮᠰᠠᠷ ᠲᠤ ᠰᠢᠩᠭᠡᠭᠡᠭᠰᠡᠨ ︽ᠡᠲᠨᠣᠨᠢᠮ︾ ᠨᠡᠷᠡ᠂ ᠥᠪᠡᠷ ᠤᠨ ᠪᠦᠲᠦᠭᠡᠭᠰᠡᠨ ᠡᠳ᠋ ᠦᠯᠦᠭ᠂ | ᠣᠶᠤᠨ ᠤ ᠰᠣᠶᠤᠯ ᠤᠨ ᠥᠪᠡᠷᠮᠢᠴᠡ ᠪᠠᠶᠢᠳᠠᠯ ᠢᠶᠠᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠢᠯᠡ᠃ ᠪᠠᠷᠭᠤ ᠮᠣᠩᠭᠤᠯᠴᠤᠳ ᠭᠡᠬᠦ ᠳᠤ ᠯᠡ ᠡᠷᠲᠡᠨ ᠤ ᠡᠪᠦᠭᠡ ᠳᠡᠭᠡᠳᠦᠰ | ᠠᠴᠠ ᠤᠳᠤᠮ ᠭᠠᠷᠪᠠᠯᠢ ᠢᠶᠠᠨ ᠥᠪᠯᠡᠨ ᠬᠠᠳᠠᠭᠠᠯᠠᠵᠤ᠂ ᠠᠮᠢᠳᠤᠷᠠᠬᠤ ᠣᠷᠴᠢᠨ ᠤ ᠨᠥᠯᠥᠭᠡ ᠪᠠᠷ ᠪᠠᠶᠢᠭᠠᠯᠢ ᠴᠠᠭ ᠠᠭᠤᠷ ᠲᠠᠢ ᠪᠠᠨ ᠵᠣᠬᠢᠴᠠᠨ ᠠᠵᠤ ᠠᠬᠤᠢ᠂ | ᠰᠣᠶᠤᠯ ᠤᠨ ᠤᠯᠠᠮᠵᠢᠯᠠᠯ ᠢᠶᠠᠨ ᠡᠷᠬᠢᠮᠯᠡᠵᠦ ᠪᠣᠢ ᠨᠢ ᠤᠭᠰᠠᠭᠠᠲᠠᠨ ᠤ ᠬᠥᠭᠵᠢᠯ ᠤᠨ ᠲᠡᠦᠬᠡᠨ ᠶᠠᠪᠤᠴᠠ ᠶᠢᠨ ᠲᠣᠳᠤᠷᠬᠠᠢ ᠵᠢᠱᠢᠶᠡ ᠪᠣᠯᠤᠨᠠ᠃ ᠪᠠᠷᠢᠮᠲᠠ ᠪᠣᠯᠭᠠᠨ | ᠳᠤᠷᠠᠳᠪᠠᠯ᠂ ᠨᠡᠭᠦᠳᠡᠯᠴᠢᠳ ᠤᠨ ᠳᠤᠮᠳᠠ ᠲᠡᠷᠭᠡ ᠡᠭᠦᠰᠦᠭᠰᠡᠨ ᠶᠠᠪᠤᠳᠠᠯ ᠣᠯᠠᠨ ᠵᠠᠭᠤᠨ ᠤ ᠲᠡᠦᠬᠡ ᠲᠠᠢ᠃ ᠡᠨᠡ ᠨᠢ ᠶᠠᠭᠤᠨ ᠤ ᠡᠮᠦᠨᠡ ᠵᠢᠳᠬᠦᠬᠦ ᠬᠦᠴᠦᠨ ᠤ | ᠮᠠᠯ ᠢ ᠡᠳ᠋ᠯᠡᠭᠡᠨ ᠳᠤ ᠬᠡᠷᠡᠭᠯᠡᠬᠦ ᠪᠣᠯᠤᠭᠰᠠᠨ ᠦᠶᠡ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ ᠭᠡᠵᠤ ᠦᠵᠡᠵᠦ ᠪᠣᠯᠤᠨᠠ᠃ ᠱᠠᠷ ᠦᠬᠡᠷ᠂ ᠲᠠᠮᠡᠭᠡᠨ ᠳᠤ ᠲᠣᠬᠢᠷᠠᠭᠤᠯᠤᠨ | ᠲᠣᠨᠤᠭ ᠬᠡᠷᠡᠭᠰᠡᠯ᠂ ᠭᠡᠷ ᠲᠡᠷᠭᠡ ᠪᠦᠲᠦᠭᠡᠨᠡ ᠭᠡᠳᠡᠭ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠡᠭᠦᠳᠡᠯ ᠤᠨ ᠠᠵᠤ ᠲᠥᠷᠥᠬᠦ ᠣᠨᠴᠠᠯᠢᠭ᠂ ᠠᠮᠢᠳᠤᠷᠠᠬᠤ ᠨᠥᠬᠦᠴᠡᠯ ᠢ | ᠲᠤᠰᠬᠠᠭᠰᠠᠨ ᠮᠣᠩᠭᠤᠯᠴᠤᠳ ᠤᠨ ᠰᠣᠶᠤᠯ ᠤᠨ ᠥᠪ ᠪᠢᠯᠡ᠃ ᠭᠡᠷ ᠲᠡᠷᠭᠡᠨ ᠤ ᠬᠤᠪᠢᠰᠤᠯ ᠲᠡᠦᠬᠡᠨ ᠤᠷᠲᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠳᠤ ᠶᠠᠪᠤᠭᠳᠠᠭᠰᠠᠨ ᠨᠢ | ᠣᠶᠢᠯᠠᠭᠠᠮᠵᠢᠲᠠᠢ᠃ ᠮᠣᠩᠭᠤᠯ ᠭᠠᠵᠠᠷ ᠣᠷᠤᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠣᠪᠤᠭ ᠠᠶᠢᠮᠠᠭ᠂ ᠤᠭᠰᠠᠭᠠ — ᠪᠦᠯᠦᠭ ᠤᠳ ᠠᠵᠤ ᠠᠬᠤᠢ ᠳᠤ ᠪᠠᠨ ᠲᠡᠷᠭᠡ | ᠬᠡᠷᠡᠭᠯᠡᠬᠦ ᠪᠣᠯᠤᠭᠰᠠᠨ ᠨᠢ ᠨᠢᠷᠤᠭᠤ ᠠᠴᠢᠬᠤ ᠲᠡᠭᠡᠭᠡᠪᠦᠷᠢ ᠠᠴᠠ ᠮᠠᠯ ᠢ ᠬᠥᠯᠯᠡᠭᠡᠨ ᠤ ᠵᠣᠷᠢᠭᠤᠯᠤᠯᠲᠠ ᠪᠠᠷ ᠠᠰᠢᠭᠯᠠᠬᠤ ᠲᠠᠢ ᠬᠤᠯᠪᠤᠭᠳᠠᠬᠤ ᠶᠤᠮ᠃ ᠲᠡᠷᠭᠡ ᠶᠢ | ᠾᠦᠩᠨᠦ ᠨᠠᠷ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠲᠤᠬᠠᠢ ᠥᠭᠦᠯᠡᠭᠳᠡᠵᠢ᠃ ᠮᠥᠨ ᠵᠤᠵᠠᠨᠴᠤᠳ ᠭᠡᠷ ᠲᠡᠷᠭᠡ ᠪᠠᠷ ᠨᠡᠭᠦᠳᠡᠭ ᠪᠠᠶᠢᠭᠰᠠᠨ ᠲᠠᠯᠠ ᠪᠠᠷ ᠬᠢ ᠵᠠᠷᠢᠮ ᠮᠡᠳᠡᠭᠡ ᠶᠢ | ᠳᠤᠷᠠᠳᠪᠠᠯ᠂ 429 ᠣᠨ ᠤ ᠦᠶᠡ ᠳᠤ ᠲᠤᠸᠠ ᠤᠯᠤᠰ ᠤᠨ ᠭᠡᠨᠡᠳᠲᠡ ᠶᠢᠨ ᠳᠣᠪᠲᠤᠯᠭᠠᠨ ᠠᠴᠠ ᠰᠠᠮᠭᠠᠷᠳᠠᠨ ᠵᠤᠵᠠᠨ ᠤ ᠳ᠋ᠠᠲ᠋ᠠᠨ ᠬᠠᠭᠠᠨ ᠣᠷᠤᠨ ᠪᠠᠶᠢᠷᠢ ᠪᠠᠨ | ᠰᠢᠲᠠᠭᠠᠨ ᠤᠰᠠᠳᠬᠠᠭᠠᠳ ᠥᠪᠡᠷ ᠢᠶᠠᠨ ᠭᠡᠷ ᠲᠡᠷᠭᠡᠨ ᠳᠤ ᠰᠠᠭᠤᠵᠤ᠂ ᠬᠡᠳᠦᠨ ᠵᠠᠭᠤᠨ ᠢᠷᠭᠡᠳ ᠤᠨ ᠬᠠᠮᠲᠤ ᠭᠠᠷᠴᠤ ᠡᠮᠦᠨᠡ ᠵᠦᠭ ᠵᠢᠭᠤᠲᠠᠭᠰᠠᠨ ᠭᠡᠵᠡᠢ᠃ | ᠡᠭᠦᠨ ᠠᠴᠠ ᠦᠵᠡᠬᠦ ᠳᠤ ᠭᠡᠷ ᠢᠶᠠᠨ ᠲᠡᠷᠭᠡᠨ ᠳᠡᠭᠡᠷᠡ ᠪᠠᠷᠢᠭᠰᠠᠨ ᠬᠡᠪ ᠢᠶᠠᠷ ᠨᠡᠭᠦᠳᠡᠭ ᠶᠠᠪᠤᠳᠠᠯ ᠨᠡᠯᠢᠶᠡᠳ ᠳᠡᠯᠭᠡᠷ ᠪᠠᠶᠢᠭᠰᠠᠨ ᠮᠡᠲᠦ᠃ | ᠡᠷᠲᠡ ᠦᠶᠡ ᠳᠤ ᠮᠣᠩᠭᠤᠯᠴᠤᠳ ᠤᠨ ᠭᠡᠷ ᠲᠡᠷᠭᠡ ᠨᠢ ᠤᠨᠤᠭᠠ ᠴᠦ ᠪᠣᠯᠳᠠᠭ᠂ ᠰᠠᠭᠤᠴᠠ ᠴᠦ ᠪᠣᠯᠳᠠᠭ ᠢᠶᠠᠷ ᠢᠶᠠᠨ ᠣᠨᠴᠠᠯᠢᠭ ᠪᠠᠶᠢᠵᠤ᠂ ᠭᠡᠷ ᠲᠡᠷᠭᠡ ᠶᠢ | ᠾᠦᠩᠨᠦ ᠶᠢᠨ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠨ ᠬᠤᠵᠢᠮ ᠢᠶᠠᠨ ᠣᠯᠠᠨ ᠵᠠᠭᠤᠨ ᠵᠢᠯ ᠤᠨ ᠲᠤᠷᠰᠢ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠤᠭᠰᠠᠭᠠᠷ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠦᠶᠡ ᠳᠤ | ᠰᠣᠩᠭᠤᠳᠠᠭ ᠬᠡᠯᠪᠡᠷᠢ ᠪᠠᠨ ᠣᠯᠤᠭᠰᠠᠨ ᠭᠡᠵᠤ ᠪᠣᠯᠬᠤ ᠪᠢᠯᠡ᠃ ᠭᠡᠷ — ᠲᠡᠷᠭᠡᠨ ᠤ ᠲᠠᠯᠠ ᠪᠠᠷ ᠭ᠊ · ᠷᠣᠪᠷᠤᠺ ᠰᠣᠨᠢᠷᠬᠠᠯᠲᠠᠢ ᠲᠡᠮᠳᠡᠭᠯᠡᠯ ᠦᠯᠡᠳᠡᠭᠡᠵᠡᠢ᠃ ︽᠁ | ᠪᠢ ᠨᠢᠭᠡ ᠤᠳᠠᠭᠠ ᠭᠡᠷ ᠲᠡᠷᠭᠡᠨ ᠤ ᠳᠤᠭᠤᠢ ᠶᠢᠨ ᠬᠤᠭᠤᠷᠤᠨᠳᠤ ᠶᠢᠨ ᠵᠠᠢ ᠶᠢ ᠬᠡᠮᠵᠢᠵᠦ ᠦᠵᠡᠭᠰᠡᠨ ᠳᠤ ᠬᠤᠷᠢᠨ ᠠᠯᠬᠤᠮ ᠪᠠᠶᠢᠭᠰᠠᠨ ᠪᠥᠭᠡᠳ ᠲᠡᠷᠭᠡᠨ ᠳᠡᠭᠡᠷᠡ | ᠪᠣᠰᠬᠠᠭᠰᠠᠨ ᠭᠡᠷ ᠨᠢ ᠬᠠᠮᠢᠭᠠᠰᠢ ᠬᠠᠮᠢᠭᠠᠰᠢ ᠪᠠᠨ ᠲᠠᠪᠤᠨ ᠠᠯᠬᠤᠮ ᠠᠴᠠ ᠢᠯᠡᠭᠦᠦ ᠭᠠᠷᠴᠤ ᠪᠠᠶᠢᠪᠠ᠃ ᠨᠢᠭᠡ ᠭᠡᠷ — ᠲᠡᠷᠭᠡᠨ ᠳᠤ ᠬᠥᠯᠯᠡᠭᠰᠡᠨ ᠦᠬᠡᠷ ᠢ | ᠲᠣᠭᠠᠯᠠᠵᠤ ᠦᠵᠡᠬᠦ ᠳᠤ ᠬᠤᠷᠢᠨ ᠬᠤᠶᠠᠷ ᠬᠦᠷᠦᠭᠰᠡᠨ ᠠᠭᠠᠳ ᠠᠷᠪᠠᠨ ᠨᠢᠭᠡ ᠠᠷᠪᠠᠨ ᠨᠢᠭᠡ ᠪᠠᠷ ᠨᠢ ᠬᠤᠶᠠᠷ ᠡᠩᠨᠡᠭᠡ ᠪᠣᠯᠭᠠᠨ ᠬᠥᠯᠯᠡᠭᠰᠡᠨ ᠪᠠᠶᠢᠯᠠ᠃ ᠲᠡᠷᠭᠡᠨ ᠤ | ᠲᠡᠩᠭᠡᠯᠢᠭ ᠨᠢ ᠬᠥᠯᠭᠡ ᠣᠩᠭᠤᠴᠠᠨ ᠤ ᠱᠤᠷᠠᠭ ᠰᠢᠭ᠋ ᠪᠦᠲᠦᠭᠦᠨ᠂ ᠨᠢᠭᠡ ᠬᠥᠮᠥᠨ ᠲᠡᠷᠭᠡᠨ ᠳᠡᠭᠡᠷᠡ ᠭᠡᠷ ᠤᠨ ᠪᠣᠱᠤᠭᠠᠨ ᠤ ᠡᠮᠦᠨᠡ ᠵᠣᠭᠰᠤᠭᠠ ᠪᠠᠷ ᠬᠥᠯᠯᠡᠭᠰᠡᠨ | ᠦᠬᠡᠷ ᠢ ᠲᠠᠭᠤᠳᠠᠭ︾ ᠲᠤᠬᠠᠢ ᠪᠢᠴᠢᠵᠡᠢ᠃ ᠲᠡᠭᠦᠨ ᠠᠴᠠ ᠭᠠᠳᠠᠨᠠ ᠴᠢᠩᠬᠡᠯᠢᠭ ︵ᠰᠢᠩᠭᠡᠯᠢᠭ︶ ᠲᠡᠷᠭᠡᠨ ᠤ ᠲᠤᠬᠠᠢ ᠥᠭᠦᠯᠡᠬᠦ ᠳᠤ ᠪᠠᠨ ︽ᠲᠠᠲ᠋ᠠᠷ ᠤᠳ | ᠨᠠᠷᠢᠨ ᠰᠦᠯᠵᠢᠮᠡᠯ ᠮᠣᠳᠤ ᠪᠠᠷ ︵ᠪᠤᠷᠭᠠᠰᠤ ᠪᠣᠯᠤᠯᠲᠠᠢ︶ ᠲᠣᠮᠤ ᠠᠪᠳᠠᠷᠠ ᠶᠢᠨ ᠣᠪᠤᠷ ᠬᠡᠮᠵᠢᠶᠡᠲᠡᠢ ᠳᠥᠷᠪᠡᠯᠵᠢᠨ ᠴᠢᠩᠭᠡᠯᠢᠭ ᠬᠢᠬᠦ ᠪᠥᠭᠡᠳ ᠲᠡᠭᠡᠳᠦ ᠲᠠᠯᠠ ᠶᠢ | ᠨᠢ ᠮᠥᠨ ᠶᠠᠩᠵᠤ ᠪᠠᠷ ᠦᠢᠯᠡᠳᠦᠭᠰᠡᠨ ᠬᠠᠭᠠᠯᠲᠠ ᠪᠠᠷ ᠲᠡᠭᠡᠪᠦᠷᠯᠡᠳᠡᠭ ᠠᠵᠠᠢ᠃ ᠴᠢᠩᠭᠡᠯᠢᠭ ᠤᠨ ᠤᠷᠲᠤ ᠲᠠᠯᠠ ᠳᠤ ᠡᠭᠦᠳᠡ ᠭᠠᠷᠭᠠᠨᠠ᠃ ᠲᠡᠭᠡᠭᠡᠳ ᠡᠨᠡ | ᠴᠢᠩᠭᠡᠯᠢᠭ ᠪᠤᠶᠤ ᠪᠢᠴᠢᠬᠠᠨ ᠪᠠᠶᠢᠰᠢᠩ ᠢᠶᠠᠨ ᠤᠰᠤ ᠪᠣᠷᠤᠭᠠ ᠨᠡᠪᠲᠡᠷᠡᠬᠦ ᠠᠴᠠ ᠬᠠᠮᠠᠭᠠᠯᠠᠵᠤ᠂ ᠥᠭᠡᠬᠦ ᠶᠤᠮ ᠦᠦ ᠬᠤᠨᠢᠨ ᠤ ᠰᠦ ︵ᠱᠠᠪᠰᠢᠵᠤ︶ ᠰᠢᠩᠭᠡᠭᠡᠭᠰᠡᠨ | ᠬᠠᠷᠠ ᠢᠰᠡᠭᠡᠢ ᠪᠠᠷ ᠪᠦᠷᠢᠳᠡᠭ᠃ ᠭᠡᠷ ᠶᠤᠭᠠᠨ ᠴᠢᠮᠡᠭᠯᠡᠬᠦ ᠶᠢᠨ ᠠᠳᠠᠯᠢ ᠲᠡᠷᠡ ᠴᠢᠩᠭᠡᠯᠢᠭ ᠢᠶᠠᠨ ᠬᠡ ᠤᠭᠠᠯᠵᠠ᠂ ᠥᠩᠭᠡ ᠥᠩᠭᠡ ᠶᠢᠨ ᠤᠷᠠᠨ ᠬᠠᠳᠬᠤᠮᠠᠯ ᠢᠶᠠᠷ | ᠭᠤᠶᠤᠳᠠᠭ᠃ ᠡᠨᠡ ᠬᠦ ᠴᠢᠩᠭᠡᠯᠢᠭ ᠲᠤ ᠲᠠᠲ᠋ᠠᠷ ᠤᠳ ᠣᠶᠢᠷᠠ ᠵᠠᠭᠤᠷᠠ ᠶᠢᠨ ᠪᠦᠬᠦᠶᠢᠯᠡ ᠬᠡᠷᠡᠭᠯᠡᠯ᠂ ᠰᠠᠪᠠ ᠰᠠᠭᠤᠯᠠᠭᠠ᠂ ᠦᠨᠡᠲᠦ ᠡᠳ᠋ᠯᠡᠯ ᠢᠶᠠᠨ ᠠᠭᠤᠯᠳᠠᠭ | ᠠᠭᠠᠳ ᠭᠤᠣᠯ ᠮᠥᠷᠡᠨ ᠲᠤᠭᠤᠯᠬᠤ ᠳᠤ ᠤᠨᠠᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠨ ᠲᠡᠮᠡᠭᠡᠨ ᠳᠤ ᠬᠥᠯᠯᠡᠳᠡᠭ ᠥᠨᠳᠦᠷ ᠲᠡᠷᠭᠡᠨ ᠳᠡᠭᠡᠷᠡ ᠪᠠᠨ ᠪᠠᠲᠤ ᠪᠠᠬᠢ ᠪᠠᠭᠯᠠᠳᠠᠭ᠃ | ᠴᠢᠩᠭᠡᠯᠢᠭ ᠢ ᠲᠡᠷᠭᠡᠨ ᠠᠴᠠ ᠪᠠᠭᠤᠯᠭᠠᠳᠠᠭ ᠦᠭᠡᠢ᠃ ᠲᠡᠳᠡ ᠭᠡᠷ — ᠲᠡᠷᠭᠡ ᠪᠠᠨ ᠵᠣᠭᠰᠤᠭᠠᠬᠤ ᠳᠤ ᠪᠠᠨ ᠭᠡᠷ ᠤᠨ ᠡᠭᠦᠳᠡ ᠶᠢ ᠢᠮᠠᠭᠲᠠ ᠡᠮᠦᠨᠡ ᠵᠦᠭ | ᠬᠠᠷᠠᠭᠤᠯᠳᠠᠭ᠃ ᠲᠡᠶᠢᠨ ᠬᠦ ᠴᠢᠩᠭᠡᠯᠢᠭ ᠲᠡᠷᠭᠡ ᠨᠦᠭᠦᠳ ᠢᠶᠠᠨ ᠭᠡᠷ ᠤᠨ ᠢᠶᠠᠨ ᠬᠤᠶᠠᠷ ᠲᠠᠯᠠ ᠪᠠᠷ ᠁ ᠬᠡᠷᠡᠮ ᠠᠶᠠᠲᠠᠢ ᠤᠭᠰᠠᠷᠠᠭᠤᠯᠤᠨ ᠵᠣᠭᠰᠤᠭᠠᠳᠠᠭ︾ | ᠭᠡᠵᠡᠢ᠃ | ᠣᠯᠠᠨ ᠵᠠᠭᠤᠨ ᠵᠢᠯ ᠤᠨ ᠲᠡᠷᠲᠡᠭᠡ ᠮᠣᠩᠭᠤᠯ ᠨᠡᠭᠦᠳᠡᠯ ᠤᠨ ᠰᠣᠶᠤᠯ ᠪᠤᠶᠤ ᠭᠡᠷ — ᠲᠡᠷᠭᠡᠨ ᠤ ᠬᠤᠪᠢᠰᠤᠯ ᠢ ᠪᠠᠷᠭᠤ ᠮᠣᠩᠭᠤᠯᠴᠤᠳ ᠤᠨ ᠳᠤᠮᠳᠠ | ᠰᠡᠭᠦᠯ ᠤᠨ ᠦᠶᠡ ᠬᠦᠷᠲᠡᠯᠡ ᠤᠯᠠᠮᠵᠢᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠨᠡᠭᠦᠳᠡᠯ ᠪᠣᠯᠤᠨ ᠠᠯᠤᠰ ᠤᠨ ᠵᠠᠮ ᠳᠤ ᠰᠠᠭᠤᠵᠤ ᠶᠠᠪᠤᠬᠤ ᠵᠣᠷᠢᠭᠤᠯᠤᠯᠲᠠ ᠲᠠᠢ ︽ᠮᠤᠬᠤᠯᠢᠭ︾ | ᠲᠡᠷᠭᠡ᠂ ᠠᠶᠢᠯ ᠤᠨ ᠡᠳ᠋ ᠪᠠᠷᠠᠭᠠ ᠶᠢ ᠬᠠᠳᠠᠭᠠᠯᠠᠬᠤ ︽ᠬᠦᠯᠢᠶᠡ︾ ᠲᠡᠷᠭᠡ᠂ ᠬᠤᠣᠰ ᠱᠠᠷ ᠬᠥᠯᠯᠡᠳᠡᠭ ᠳᠥᠷᠪᠡᠨ ᠲᠤᠭᠤᠢ ᠲᠠᠢ ᠲᠡᠷᠭᠡ᠂ ᠠᠷᠭᠠᠯ ᠤᠨ ᠲᠡᠷᠭᠡ | ᠵᠡᠷᠭᠡ ᠪᠠᠷ ᠲᠥᠰᠥᠭᠡᠯᠡᠨ ᠲᠣᠳᠤᠷᠠᠭᠤᠯᠬᠤ ᠪᠣᠯᠤᠮᠵᠢᠲᠠᠢ ᠮᠡᠲᠦ ᠰᠠᠨᠠᠭᠳᠠᠯᠠ᠃ ᠪᠠᠷᠭᠤ ᠠᠶᠢᠯ ᠭᠡᠬᠦ ᠳᠤ ᠶᠡᠬᠡᠪᠴᠢᠯᠡᠨ ᠠᠷᠪᠠ ᠭᠠᠷᠤᠢ ᠲᠡᠷᠭᠡ ᠲᠠᠢ᠂ ᠲᠡᠷᠭᠡ ᠪᠦᠷᠢ | ᠲᠤᠰ ᠲᠤᠰ ᠤᠨ ᠵᠣᠷᠢᠭᠤᠯᠤᠯᠲᠠ ᠲᠠᠢ ᠠᠵᠠᠢ᠃ ᠡᠭᠦᠨ ᠳᠤ᠂ ᠨᠢᠭᠡᠳᠦᠭᠡᠷ ᠲᠤ᠂ ᠨᠡᠭᠦᠳᠡᠯ ᠤᠨ ᠦᠶᠡ ᠳᠤ ᠪᠣᠯᠤᠨ ᠠᠶᠠᠨ ᠵᠢᠩ ᠲᠡᠭᠡᠭᠡᠬᠦ᠂ ᠪᠠᠶᠠᠷ ᠨᠠᠭᠠᠳᠤᠮ ᠳᠤ | ᠶᠠᠪᠤᠬᠤ ᠲᠡᠷᠭᠡ ᠪᠠᠨ ︽ᠮᠤᠬᠤᠯᠢᠭ︾ ᠭᠡᠳᠡᠭ᠃ ᠡᠨᠡ ᠲᠡᠷᠭᠡᠨ ᠳᠡᠭᠡᠷᠡ ᠲᠣᠬᠢᠷᠠᠭᠤᠯᠤᠨ ᠬᠤᠰᠤ ᠮᠣᠳᠤ ᠪᠠᠷ ᠪᠥᠮᠪᠥᠭᠡᠷᠳᠡᠭᠦᠦ ᠨᠢᠷᠤᠭᠤ ᠬᠢᠵᠦ ᠢᠰᠡᠭᠡᠢ | ᠪᠠᠷ ᠪᠦᠷᠢᠭᠰᠡᠨ ᠪᠢᠲᠡᠭᠦᠦ ᠰᠠᠭᠤᠴᠠ ᠪᠥᠭᠡᠳ ᠰᠠᠯᠬᠢ ᠵᠢᠪᠠᠷ᠂ ᠨᠠᠷᠠ᠂ ᠪᠣᠷᠤᠭᠠᠨ ᠠᠴᠠ ᠬᠠᠮᠠᠭᠠᠯᠠᠭᠰᠠᠨ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠣᠨᠴᠠᠯᠢᠭ ᠶᠤᠮ᠃ ᠠᠶᠢᠯ ᠳᠤ | ᠮᠤᠬᠤᠯᠢᠭ ᠬᠤᠶᠠᠷ ᠠᠴᠠ ᠳᠣᠭᠤᠭᠰᠢ ᠦᠭᠡᠢ ᠪᠠᠶᠢᠭᠰᠠᠨ ᠠᠵᠠᠢ᠃ ᠮᠤᠬᠤᠯᠢᠭ ᠤᠨ ᠮᠣᠳᠤ ᠶᠢ ᠪᠦᠷᠢᠭᠰᠡᠨ ᠢᠰᠡᠭᠡᠢ ᠳᠤ ᠬᠠᠷᠠ ᠳᠡᠭᠡᠰᠦᠨ ᠬᠤᠰᠢᠯᠠᠩ ︵ᠨᠠᠷᠢᠨ | ᠳᠡᠭᠡᠰᠦ ᠶᠢ ᠬᠤᠣᠰᠯᠠᠭᠤᠯᠤᠨ ᠣᠶᠤᠵᠤ ᠬᠢᠳᠡᠭ︶ ᠢᠶᠠᠷ ᠠᠷᠤ ᠥᠪᠥᠷ ᠳᠡᠭᠡᠭᠦᠷ ᠨᠢ ᠪᠦᠭᠲᠡᠷᠡᠨ ᠵᠡᠭᠡᠭ᠂ ᠤᠭᠠᠯᠵᠠ ᠲᠠᠯᠪᠢᠵᠤ ᠣᠶᠤᠨᠠ᠃ ᠤᠷᠳᠤ ᠬᠤᠶᠢᠲᠤ ᠲᠠᠯᠠ | ᠳᠤ ᠨᠢ ᠮᠣᠩᠭᠤᠯ ᠭᠡᠷ ᠤᠨ ᠢᠰᠡᠭᠡᠢ ᠡᠭᠦᠳᠡ ᠮᠡᠲᠦ ᠡᠭᠦᠳᠡ ᠬᠢᠵᠦ ᠮᠤᠬᠤᠯᠢᠭ ᠤᠨ ᠨᠢᠷᠤᠭᠤᠨ ᠠᠴᠠ ᠲᠣᠭᠤᠭᠰᠢ ᠤᠨᠵᠢᠭᠤᠯᠤᠨ ᠪᠦᠷᠢᠶᠡᠰᠦᠨ ᠳᠤ ᠪᠠᠷᠢᠵᠤ | ᠣᠶᠤᠨᠠ᠃ ᠣᠶᠤᠳᠠᠯ ᠦᠭᠡᠢ ᠦᠯᠡᠳᠡᠭᠰᠡᠨ ᠬᠡᠰᠡᠭ ᠤᠨ ᠢᠷᠮᠡᠭ ᠢ ᠮᠥᠨ ᠳᠡᠭᠡᠰᠦ ᠪᠠᠷ ᠵᠡᠭᠡᠭᠯᠡᠵᠦ᠂ ᠪᠣᠷᠤᠭᠠ ᠬᠤᠷᠠ ᠦᠭᠡᠢ ᠦᠶᠡ ᠳᠤ ᠳᠣᠲᠤᠷᠠ ᠨᠢ ᠨᠠᠷᠢᠨ | ᠮᠣᠳᠤ ᠪᠠᠷᠢᠵᠤ ᠬᠤᠶᠢᠯᠠᠨ ᠳᠡᠭᠡᠭᠰᠢ ᠰᠢᠭᠤᠭᠠᠳ ᠬᠤᠶᠠᠷ ᠣᠭᠤᠰᠤᠷ ᠢᠶᠠᠷ ᠴᠢᠭᠲᠠᠯᠠᠨ ᠲᠣᠭᠲᠠᠭᠠᠬᠤ ᠪᠠ ᠮᠤᠬᠤᠯᠢᠭ ᠤᠨ ᠱᠠᠯᠠ ᠨᠢᠮᠭᠡᠨ ᠪᠠᠩᠵᠠ ᠪᠠᠶᠢᠳᠠᠭ᠃ ᠡᠩ | ᠤᠨ ᠦᠶᠡ ᠳᠤ ᠮᠤᠬᠤᠯᠢᠭ ᠲᠤ ᠡᠮᠡᠭᠡᠯ ᠬᠠᠵᠠᠭᠠᠷ᠂ ᠲᠠᠲᠠᠯᠭᠠ ᠵᠡᠷᠭᠡ ᠶᠢ ᠨᠣᠷᠬᠤ ᠠᠴᠠ ᠬᠠᠮᠠᠭᠠᠯᠠᠵᠤ ᠲᠦᠷ ᠬᠠᠳᠠᠭᠠᠯᠠᠳᠠᠭ ᠪᠠ ᠲᠡᠷᠡᠴᠢᠯᠡᠨ ᠬᠤᠨᠢ ᠮᠠᠯ ᠢᠶᠠᠨ | ᠮᠠᠨᠠᠵᠤ ᠪᠠᠶᠢᠭᠠ ᠬᠥᠮᠥᠰ ᠤᠨᠲᠠᠵᠤ ᠠᠮᠠᠷᠠᠬᠤ ᠪᠣᠯᠤᠨ ᠮᠠᠯ ᠣᠲᠤᠷᠯᠠᠬᠤ ᠦᠶᠡ ᠳᠤ ᠨᠡᠭᠦᠳᠡᠯ ᠤᠨ ᠰᠠᠭᠤᠴᠠ ᠪᠤᠶᠤ ︽ᠭᠡᠷ︾ ᠲᠡᠷᠭᠡ ᠮᠠᠶ᠋ᠢᠭ ᠢᠶᠠᠷ ᠠᠰᠢᠭᠯᠠᠵᠤ | ᠪᠠᠶᠢᠵᠠᠢ᠃ ᠬᠤᠶᠠᠳᠤᠭᠠᠷ ᠲᠤ᠂ ᠠᠶᠢᠯ ᠤᠨ ᠬᠥᠮᠥᠰ ᠤᠨ ᠬᠤᠪᠴᠠᠰᠤ᠂ ᠡᠳ᠋ ᠪᠠᠷᠠᠭᠠ ᠶᠢ ᠬᠠᠳᠠᠭᠠᠯᠠᠬᠤ ᠵᠣᠷᠢᠭᠤᠯᠤᠯᠲᠠ ᠪᠦᠬᠦᠢ ᠲᠡᠷᠭᠡ ᠶᠢ ︽ᠬᠦᠯᠢᠶᠡ︾ ᠭᠡᠨᠡ᠃ | ᠬᠦᠯᠢᠶᠡ ᠶᠢ ᠲᠡᠷᠭᠡᠨ ᠳᠡᠭᠡᠷᠡ ᠨᠢᠮᠭᠡᠨ ᠪᠠᠩᠵᠠ ᠪᠠᠷ ᠮᠤᠵᠢᠯᠠᠵᠤ ᠪᠠᠬᠢᠯᠡᠭᠡᠳ ᠴᠠᠭᠠᠨ ᠢᠰᠡᠭᠡᠢ ᠪᠠᠷ ᠪᠦᠷᠢᠵᠦ᠂ ᠬᠠᠷᠠ ᠬᠢᠯᠭᠠᠰᠤ ᠪᠠᠷ ᠵᠡᠭᠡᠭ ᠣᠶᠤᠨᠠ᠃ ᠬᠠᠵᠠᠭᠤ | ᠲᠠᠯᠠ ᠳᠤ ᠨᠢ ᠡᠭᠦᠳᠡ ᠭᠠᠷᠭᠠᠨᠠ᠃ ᠭᠠᠳᠠᠨᠠᠬᠢ ᠪᠠᠶᠢᠳᠠᠯ ᠢᠶᠠᠷ ᠢᠶᠠᠨ ᠴᠢᠩᠭᠡᠯᠢᠭ ᠲᠠᠢ ᠲᠦᠰᠲᠠᠢ᠃ ᠱᠠᠷ ᠬᠥᠯᠯᠡᠭᠰᠡᠨ ᠬᠦᠯᠢᠶᠡ ᠲᠠᠢ ᠬᠤᠪᠴᠠᠰᠤ ᠥᠬᠢᠨ ᠤ | ᠢᠨᠵᠢ ᠳᠤ ᠢᠷᠡᠬᠦ ᠪᠠ ᠶᠡᠷᠦ ᠨᠢ ᠬᠡᠦᠬᠡᠨ ᠤ ᠬᠤᠪᠴᠠᠰᠤ ᠭᠤᠣᠯᠳᠠᠭᠤ ᠬᠦᠯᠢᠶᠡ ᠳᠤ ᠠᠭᠤᠯᠤᠭᠳᠠᠨᠠ᠃ ᠬᠦᠯᠢᠶᠡ ᠶᠢᠨ ᠲᠤᠭᠠ ᠪᠠᠶᠠᠨ ᠠᠶᠢᠯ ᠳᠤ 5 — 6᠂ | ᠵᠢᠷ ᠤᠨ ᠠᠶᠢᠯ ᠳᠤ 2 — 3 ᠪᠠᠶᠢᠵᠠᠢ᠃ ᠭᠤᠷᠪᠠᠳᠤᠭᠠᠷ ᠲᠤ᠂ ᠪᠠᠷᠭᠤᠴᠤᠳ ᠲᠠᠯᠠ ᠭᠠᠵᠠᠷ ᠤᠨ ᠶᠡᠭᠡ ᠴᠠᠰᠤᠨ ᠳᠤ ᠵᠣᠬᠢᠮᠵᠢ ᠪᠦᠬᠦᠢ ᠥᠨᠳᠦᠷ ᠲᠡᠷᠭᠡ | ᠬᠡᠷᠡᠭᠯᠡᠬᠦ ᠨᠢ ᠨᠡᠯᠢᠶᠡᠳ ᠳᠡᠯᠭᠡᠷ ᠪᠠᠶᠢᠪᠠ᠃ ᠡᠨᠡ ᠬᠦ ᠥᠨᠳᠦᠷ ᠲᠡᠷᠭᠡ ᠨᠢ ᠴᠠᠰᠤ ᠬᠤᠩᠭᠠᠷ ᠲᠤ ᠲᠡᠩᠭᠡᠯᠢᠭ ᠲᠤ ᠪᠠᠨ ᠬᠦᠷᠲᠡᠯᠡ ᠰᠠᠭᠤᠬᠤ ᠦᠭᠡᠢ᠂ ᠥᠳᠬᠡᠨ | ᠡᠪᠡᠰᠦᠨ ᠳᠤ ᠴᠦ ᠦᠯᠦ ᠲᠣᠷᠬᠤ ᠰᠠᠶᠢᠨ ᠲᠠᠯᠠ ᠲᠠᠢ ᠶᠢᠨ ᠳᠡᠭᠡᠷᠡ ᠵᠢᠳᠬᠦᠬᠦ ᠬᠦᠴᠦᠨ ᠳᠤ ᠬᠥᠩᠭᠡᠨ ᠪᠠᠶᠢᠳᠠᠭ ᠣᠨᠴᠠᠯᠢᠭ ᠲᠠᠢ᠃ ᠪᠠᠷᠭᠤ ᠨᠤᠲᠤᠭ ᠲᠤ ᠡᠭᠦᠨ ᠢ | ︽ᠪᠤᠳᠬᠠᠨ︾ ᠰᠢᠷᠠ ᠪᠤᠯᠤᠲᠤ ᠭᠡᠵᠤ ᠨᠡᠷᠡᠯᠡᠨᠡ᠃ ᠪᠤᠯᠤ ᠪᠣᠯᠤᠨ ᠬᠢᠭᠡᠰᠦ ᠶᠢ ᠴᠠᠷᠠᠰᠤ ᠮᠣᠳᠤ ᠪᠠᠷ ᠬᠢᠨᠡ᠃ ᠪᠤᠯᠤ ᠶᠢ ᠨᠣᠶᠢᠲᠠᠨ ᠪᠠᠶᠢᠬᠤ ᠳᠤ ᠨᠢ ᠲᠡᠩᠭᠡᠯᠢᠭ | ᠤᠨ ᠪᠣᠯᠤᠨ ᠰᠠᠷᠬᠢᠶᠠᠭ ᠤᠨ ᠨᠥᠬᠡ ᠤᠬᠤᠳᠠᠭ ᠤᠴᠢᠷ ᠬᠠᠭᠠᠷᠠᠵᠤ ᠴᠠᠪᠠ ᠭᠠᠷᠴᠤ ᠬᠠᠲᠠᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠨ ᠭᠠᠳᠠᠭᠤᠷ ᠨᠢ ᠰᠢᠷᠠ ᠥᠩᠭᠡᠲᠡᠢ ᠮᠠᠭᠠᠵᠢᠩ ᠢᠶᠠᠷ | ᠪᠣᠳᠤᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠡᠶᠢᠮᠦ ᠨᠡᠷᠡ ᠲᠠᠢ ᠪᠣᠯᠤᠭᠰᠠᠨ ᠪᠠᠶᠢᠵᠤ ᠮᠠᠭᠠᠳ᠃ ᠥᠨᠳᠦᠷ ᠲᠡᠷᠭᠡᠨ ᠤ ᠬᠢᠴᠡ ︽ᠢᠮᠠᠭᠠᠨ︾ ᠲᠡᠷᠭᠡ ᠲᠠᠢ ᠢᠵᠢᠯ᠃ ᠭᠠᠭᠴᠠ ᠬᠦ | ᠮᠠᠰᠢ ᠥᠨᠳᠦᠷ᠂ ᠡᠶᠢᠮᠦ ᠲᠡᠷᠭᠡᠨ ᠤ ᠬᠢᠭᠡᠰᠦ 70 — 80 ᠰᠠᠨᠲ᠋ᠢᠮᠧᠲᠷ᠂ ᠪᠤᠯᠤ ᠶᠢᠨ ᠬᠦᠨᠳᠡᠯᠡᠨ 30 — 40 ᠰᠠᠨᠲ᠋ᠢᠮᠧᠲᠷ ᠪᠠᠶᠢᠬᠤ ᠤᠴᠢᠷ ᠲᠡᠷᠭᠡᠨ ᠤ | ᠥᠨᠳᠦᠷ 180 — 190 ᠰᠠᠨᠲ᠋ᠢᠮᠧᠲᠷ ᠪᠠᠶᠢᠵᠠᠢ᠃ ᠬᠠᠰᠠᠭ ᠲᠡᠷᠭᠡᠨ ᠤ ᠬᠢᠭᠡᠰᠦ ᠪᠤᠰᠤᠳ ᠲᠡᠷᠭᠡᠨ ᠤ ᠬᠢ ᠠᠴᠠ ᠪᠣᠭᠤᠨᠢ᠂ ᠠᠷᠠᠯ ᠨᠢ ᠪᠦᠳᠦᠭᠦᠨ ᠬᠦᠨᠳᠦ᠂ | ᠰᠢᠨᠡᠰᠦ ᠮᠣᠳᠤ ᠪᠠᠷ ᠬᠢᠭᠰᠡᠨ ᠪᠠᠶᠢᠳᠠᠭ ᠠᠴᠠ ᠵᠢᠳᠬᠦᠬᠦ ᠬᠦᠴᠦᠨ ᠳᠤ ᠨᠦᠰᠡᠷ ᠪᠣᠯᠪᠠᠴᠤ ᠨᠠᠮᠬᠠᠨ ᠲᠤᠯᠠ ᠠᠭᠤᠯᠠᠷᠬᠠᠭ ᠨᠤᠲᠤᠭ ᠲᠤ ᠨᠡᠩ ᠲᠣᠬᠢᠷᠠᠮᠵᠢᠲᠠᠢ ᠪᠠᠶᠢᠵᠠᠢ | ᠃ ᠪᠠᠷᠭᠤ ︽ᠢᠮᠠᠭᠠᠨ︾ ᠲᠡᠷᠭᠡ ᠨᠡᠯᠢᠶᠡᠳ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠶᠢᠵᠤ᠂ ᠡᠨᠡ ᠲᠡᠷᠭᠡᠨ ᠤ ᠮᠤᠬᠤᠷ ᠪᠤᠯᠤ ᠶᠢ ᠴᠠᠷᠠᠰᠤ ᠮᠣᠳᠤ ᠪᠠᠷ ᠬᠢᠭᠡᠰᠦ ᠨᠢᠷᠤᠭᠤ ᠶᠢ ᠶᠡᠬᠡᠪᠴᠢᠯᠡᠨ | ᠬᠤᠰᠤ ᠪᠠᠷ ᠬᠢᠳᠡᠭ ᠨᠢ ᠵᠢᠳᠬᠦᠬᠦ ᠮᠠᠯ ᠳᠤ ᠬᠥᠩᠭᠡᠨ ᠪᠠ ︽ᠢᠮᠠᠭᠠᠨ︾ ᠲᠡᠷᠭᠡᠨ ᠤ ᠬᠢᠭᠡᠰᠦ ᠬᠠᠰᠠᠭ ᠲᠡᠷᠭᠡᠨ ᠤ ᠬᠢ ᠠᠴᠠ ᠤᠷᠲᠤ ᠤᠴᠢᠷ ᠲᠡᠭᠦᠨ ᠠᠴᠠ ᠠᠷᠠᠢ | ᠥᠨᠳᠦᠷ ᠲᠡᠷᠭᠡᠨ ᠤ ᠲᠣᠭᠠᠨ ᠳᠤ ᠣᠷᠤᠳᠠᠭ ᠠᠵᠠᠢ᠃ ᠳᠥᠷᠪᠡᠳᠦᠭᠡᠷ ᠲᠤ᠂ ᠠᠷᠭᠠᠯ ᠤᠨ ᠲᠡᠷᠭᠡ ᠪᠤᠶᠤ ᠴᠢᠩᠭᠡᠯᠢᠭ ᠲᠤ ᠣᠳᠤ ᠶᠢᠨ ᠬᠡᠯᠡᠯᠭᠡ ᠪᠠᠷ ᠠᠷᠭᠠᠯ | ᠲᠦᠯᠡᠰᠢ ᠬᠢᠵᠦ ᠠᠴᠢᠵᠤ ᠶᠠᠪᠤᠬᠤ ᠳᠤ ᠵᠣᠷᠢᠭᠤᠯᠤᠭᠳᠠᠨᠠ᠃ ᠨᠢᠭᠡ ᠠᠶᠢᠯ ᠳᠤ ᠬᠤᠶᠠᠷ ᠠᠴᠠ ᠳᠣᠭᠤᠭᠰᠢ ᠦᠭᠡᠢ ᠴᠢᠩᠭᠡᠯᠢᠭ ᠪᠠᠶᠢᠭᠰᠠᠨ ᠪᠠ 4 — 5 | ᠴᠢᠩᠭᠡᠯᠢᠭ ᠲᠠᠢ ᠴᠦ ᠠᠶᠢᠯ ᠪᠠᠶᠢᠵᠤ᠂ ᠡᠪᠦᠯ ᠤᠨ ᠣᠲᠤᠷ ᠠᠴᠠ ᠬᠠᠪᠤᠷᠵᠢᠶᠠᠨ ᠳᠤ ᠨᠡᠭᠦᠬᠦ ᠦᠶᠡ ᠳᠤ ᠬᠤᠷᠠᠭᠠ ᠢᠰᠢᠭᠡ ᠪᠠᠨ ᠴᠢᠩᠭᠡᠯᠢᠭ ᠲᠤ ᠠᠴᠢᠬᠤ ᠪᠠ | ᠱᠠᠭᠠᠷᠳᠠᠯᠭᠠ ᠭᠠᠷᠪᠠᠯ ᠴᠢᠩᠭᠡᠯᠢᠭ ᠢᠶᠠᠨ ᠵᠠᠳᠠᠯᠤᠨ ᠬᠤᠷᠠᠭᠠ ᠢᠰᠢᠭᠡᠨ ᠤ ᠬᠠᠰᠢᠶᠠ ᠪᠣᠯᠭᠠᠳᠠᠭ ᠪᠠᠶᠢᠪᠠ᠃ ᠬᠥᠯᠯᠡᠭᠡᠨ ᠤ ᠮᠠᠯ ᠳᠤ ᠬᠥᠩᠭᠡᠨ ᠢ ᠪᠣᠳᠤᠵᠤ | ᠶᠡᠬᠡᠪᠴᠢᠯᠡᠨ ᠨᠠᠷᠠᠰᠤ ᠮᠣᠳᠤ ᠪᠠᠷ ᠬᠢᠵᠦ ᠠᠳᠠᠶᠢᠷ ᠲᠠᠢ ᠲᠡᠷᠭᠡᠨ ᠳᠡᠭᠡᠷᠡ ᠤᠭᠰᠤᠷᠠᠨ ᠲᠡᠭᠡᠰᠦᠨ ᠤᠶᠠᠭᠠ ᠬᠦᠯᠢᠭ ᠢᠶᠠᠷ ᠤᠶᠠᠵᠤ ᠪᠠᠬᠢᠯᠡᠳᠡᠭ᠃ ᠲᠠᠪᠤᠳᠤᠭᠠᠷ ᠲᠤ᠂ | ᠤᠰᠤᠨ ᠤ ᠭᠠᠩ ᠵᠠᠷᠢᠮ ᠭᠠᠵᠠᠷ ᠲᠤ ᠲᠠᠶᠢᠯᠤ ᠭᠡᠵᠤ ᠨᠡᠷᠡᠯᠡᠳᠡᠭ ᠪᠠ ᠭᠠᠩ ᠢ ᠤᠰᠤᠨ ᠳᠤ ᠠᠮᠠᠷᠬᠠᠨ ᠢᠯᠵᠠᠷᠠᠳᠠᠭ ᠦᠭᠡᠢ ᠰᠢᠨᠠᠰᠤ ᠮᠣᠳᠤ ᠪᠠᠷ 3 — 4 | ᠪᠦᠰᠡᠯᠡᠭᠦᠷ ᠲᠠᠢ ᠵᠤᠤᠪᠠᠩ ᠳᠤᠭᠤᠢ ᠪᠣᠰᠤᠭᠠ ᠬᠡᠯᠪᠡᠷᠢ ᠲᠠᠢ ᠬᠢᠳᠡᠭ ᠪᠠᠶᠢᠵᠠᠢ᠃ ᠬᠤᠶᠠᠷ ᠬᠠᠵᠠᠭᠤ ᠪᠠᠩᠵᠠ ᠶᠢ ᠥᠷᠭᠡᠨ ᠬᠢᠵᠦ ᠳᠡᠭᠡᠳᠦ ᠦᠵᠦᠭᠦᠷ ᠠᠴᠠ ᠳᠡᠭᠡᠭᠰᠢ | ᠭᠠᠷᠤᠭᠰᠠᠨ ᠬᠡᠰᠡᠭ ᠢ ᠴᠢᠬᠢ ᠭᠡᠨᠡ᠃ ᠭᠠᠩ ᠢ ᠶᠡᠬᠡᠪᠴᠢᠯᠡᠨ ᠠᠳᠠᠶᠢᠷ ᠦᠭᠡᠢ ᠲᠡᠷᠭᠡᠨ ᠳᠡᠭᠡᠷᠡ ᠲᠤᠰᠬᠠᠢ ᠪᠡᠯᠡᠳᠬᠡᠭᠰᠡᠨ ᠰᠠᠭᠤᠷᠢ ᠬᠢᠵᠦ ᠬᠤᠶᠠᠷ ᠴᠢᠬᠢᠨ ᠠᠴᠠ | ᠰᠤᠷ ᠪᠤᠶᠤ ᠬᠢᠯᠭᠠᠰᠤᠨ ᠳᠡᠭᠡᠰᠦ ᠪᠠᠷ ᠣᠭᠤᠰᠤᠷᠯᠠᠵᠤ ᠲᠡᠷᠭᠡᠨ ᠤ ᠬᠤᠶᠠᠷ ᠨᠢᠷᠤᠭᠤ ᠪᠠᠷ ᠣᠷᠤᠭᠤᠯᠤᠨ ᠮᠣᠳᠤ ᠪᠠᠷ ᠡᠷᠡᠵᠦ ᠪᠠᠬᠢᠯᠡᠳᠡᠭ᠃ ᠭᠠᠩ ᠤᠨ ᠤᠷᠳᠤ | ᠬᠤᠶᠢᠨᠠ ᠨᠢ ᠤᠰᠤ ᠠᠪᠴᠤ ᠶᠠᠪᠤᠭᠠ ᠬᠥᠮᠥᠨ ᠰᠠᠭᠤᠬᠤ ᠪᠠ ᠨᠡᠭᠦᠳᠡᠯ ᠳᠤ ᠠᠶᠢᠷᠠᠭ ᠤᠨ ᠭᠠᠩ᠂ ᠤᠰᠤᠨ ᠤ ᠠᠭᠠᠷᠤ ᠵᠡᠷᠭᠡ ᠶᠢ ᠪᠠᠬᠢᠯᠡᠵᠦ ᠤᠶᠠᠬᠤ ᠳᠤ | ᠵᠣᠷᠢᠭᠤᠯᠵᠤ ᠬᠠᠪᠲᠠᠰᠤ ᠳᠠᠯᠪᠢᠭᠰᠠᠨ ᠪᠠᠶᠢᠳᠠᠭ ᠲᠤᠬᠠᠢ ᠤᠭᠰᠠᠭᠠᠲᠠᠨ ᠤ ᠵᠦᠢ ᠶᠢᠨ ᠮᠠᠲ᠋ᠧᠷᠢᠶᠠᠯ ᠳᠤ ᠲᠤᠰᠬᠠᠭᠳᠠᠭᠰᠠᠨ ᠪᠣᠯᠤᠨᠠ᠃ | ᠡᠨᠡ ᠪᠦᠬᠦᠨ ᠠᠴᠠ ᠦᠵᠡᠬᠦ ᠳᠤ᠂ ᠭᠡᠷ — ᠲᠡᠷᠭᠡᠨ ᠤ ᠤᠯᠠᠮᠵᠢᠯᠠᠯ ᠢ ᠬᠤᠶᠠᠷ ᠬᠡᠯᠪᠡᠷᠢ ᠪᠠᠷ ᠠᠩᠭᠢᠯᠡᠵᠤ ᠪᠣᠯᠬᠤ ᠶᠤᠮ᠃ ᠡᠷᠲᠡ ᠦᠶᠡ ᠳᠤ ᠪᠠᠨ | ᠮᠣᠩᠭᠤᠯ ᠨᠡᠭᠦᠳᠡᠯᠴᠢᠳ ᠭᠡᠷ ᠢᠶᠠᠨ ᠲᠡᠷᠭᠡᠨ ᠳᠤ ᠪᠠᠬᠢᠯᠡᠵᠦ ᠪᠠᠷᠢᠭᠠᠳ ᠪᠠᠭᠤᠯᠭᠠᠬᠤ ᠦᠭᠡᠢ ᠨᠥᠬᠦᠴᠡᠯ ᠢ ᠪᠦᠷᠢᠳᠦᠭᠦᠯᠵᠦ ᠲᠣᠬᠢᠷᠠᠭᠤᠯᠤᠭᠰᠠᠨ ᠮᠠᠯ ᠠᠵᠤ | ᠠᠬᠤᠶᠢᠲᠠᠨ ᠤ ᠰᠣᠶᠤᠯ ᠤᠨ ᠣᠨᠴᠠᠯᠢᠭ ᠢ ᠡᠭᠦᠰᠬᠡᠵᠦ ᠪᠠᠶᠢᠭᠰᠠᠨ ᠪᠣᠯ ᠤᠭᠰᠠᠭᠠ — ᠲᠡᠦᠬᠡ ᠶᠢᠨ ᠬᠥᠭᠵᠢᠯ ᠤᠨ ᠶᠠᠪᠤᠴᠠ ᠳᠤ ᠲᠡᠷᠡ ᠨᠢ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ | ᠳᠤ ᠵᠣᠬᠢᠴᠠᠨ ᠬᠤᠪᠢᠰᠴᠤ ᠠᠬᠤᠢ ᠶᠢᠨ ᠵᠣᠷᠢᠭᠤᠯᠤᠯᠲᠠ ᠪᠠᠷ ᠢᠶᠠᠨ ᠬᠥᠰᠬᠡ ᠲᠡᠷᠭᠡᠨ ᠤ ᠲᠥᠷᠥᠯ ᠪᠣᠯᠤᠨ ᠲᠥᠯᠥᠪᠰᠢᠵᠦ ᠨᠡᠭᠦᠳᠡᠯ ᠢᠷᠭᠡᠨᠰᠢᠯ ᠤᠨ ᠲᠣᠳᠤᠷᠬᠠᠢ | ᠲᠡᠦᠬᠡᠨ ᠵᠢᠱᠢᠶᠡ ᠪᠣᠯᠵᠤ ᠢᠷᠡᠵᠡᠢ᠃ | ᠨᠡᠭᠦᠳᠡᠯ ᠢᠷᠭᠡᠨᠰᠢᠯ ᠲᠠᠢ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠭᠰᠡᠨ ᠮᠣᠩᠭᠤᠯ ᠬᠡᠯᠡᠲᠡᠨ ᠠᠷᠠᠳ ᠲᠦᠮᠡᠨ ᠤ ᠤᠭᠰᠠᠭᠠ ᠰᠣᠶᠤᠯ ᠤᠨ ᠤᠯᠪᠠᠭᠠ ᠨᠡᠶᠢᠲᠡᠯᠢᠭ ᠬᠡᠳᠦᠢ | ᠪᠣᠯᠪᠠᠴᠤ ᠲᠠᠯᠠ ᠨᠤᠲᠤᠭ ᠤᠨ ᠣᠨᠴᠠᠯᠢᠭ ᠢ ᠲᠤᠰᠬᠠᠭᠰᠠᠨ ᠪᠠᠷᠭᠤᠴᠤᠳ ᠤᠨ ᠰᠣᠶᠤᠯ᠂ ᠵᠠᠩ ᠵᠠᠩᠰᠢᠯ ᠤᠨ ᠤᠯᠠᠮᠵᠢᠯᠠᠯ ᠥᠪᠡᠷ ᠤᠨ ᠭᠡᠬᠦ ᠣᠨᠴᠠᠯᠢᠭ ᠢ ᠠᠭᠤᠯᠵᠤ | ᠢᠷᠡᠭᠰᠡᠨ ᠨᠢ ᠤᠭᠰᠠᠭᠠᠲᠠᠨ ᠤ ᠵᠦᠢ ᠶᠢᠨ ᠡᠬᠢ ᠬᠡᠷᠡᠭᠯᠡᠭᠳᠡᠬᠦᠨ ᠢᠶᠠᠷ ᠢᠯᠡᠷᠬᠡᠢ ᠪᠣᠯᠵᠤ ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠤ ᠲᠡᠦᠬᠡᠨ ᠶᠠᠪᠤᠴᠠ ᠶᠢ ᠪᠠᠶᠠᠵᠢᠭᠤᠯᠤᠭᠰᠠᠭᠠᠷ | ᠪᠠᠶᠢᠭᠠ ᠪᠢᠯᠡ᠃ ᠮᠣᠩᠭᠤᠯᠴᠤᠳ ᠤᠨ ᠤᠭᠰᠠᠭᠠ ᠰᠣᠶᠤᠯ ᠤᠨ ᠥᠪ᠂ ᠨᠡᠶᠢᠭᠡᠮ᠂ ᠲᠡᠦᠬᠡ ᠶᠢᠨ ᠦᠢᠯᠡ ᠶᠠᠪᠤᠴᠠ ᠳᠤ ᠬᠤᠪᠢᠰᠤᠨ ᠥᠭᠡᠷᠡᠴᠢᠯᠡᠭᠳᠡᠭᠰᠡᠭᠡᠷ | ᠢᠷᠡᠭᠰᠡᠨ ᠨᠢ ᠵᠦᠢ ᠲᠣᠭᠲᠠᠯ ᠭᠡᠵᠤ ᠪᠣᠯᠬᠤ ᠪᠣᠯᠪᠠᠴᠤ ᠲᠡᠭᠦᠨ ᠤ ᠲᠣᠳᠤᠷᠬᠠᠢ ᠦᠨᠡᠨ ᠢ ᠣᠯᠵᠤ ᠬᠠᠷᠠᠬᠤ᠂ ᠢᠯᠠᠩᠭᠤᠶᠠ ᠪᠠᠷᠭᠤᠴᠤᠳ ᠤᠨ ᠮᠡᠳᠡᠯᠭᠡ ᠤᠬᠠᠭᠠᠨ ᠤ | ᠠᠭᠤᠤ ᠤᠯᠠᠮᠵᠢᠯᠠᠯ ᠢ ᠬᠤᠶᠢᠴᠢ ᠦᠶᠡ ᠳᠤ ᠪᠠᠨ ᠲᠠᠨᠢᠨ ᠮᠡᠳᠡᠭᠦᠯᠬᠦ ᠶᠠᠪᠤᠳᠠᠯ ᠤᠭᠰᠠᠭᠠ ᠵᠦᠢ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠡᠷᠬᠢᠮ ᠵᠣᠷᠢᠯᠭᠠ ᠬᠤᠶᠢᠰᠢᠯᠠᠭᠤᠯᠤᠰᠢ | ᠦᠭᠡᠢ ᠡᠭᠦᠷᠭᠡ ᠪᠢᠯᠡ᠃ ᠮᠣᠩᠭᠤᠯ ᠬᠡᠯᠡᠲᠡᠨ ᠠᠶᠢᠮᠠᠭ ᠣᠪᠤᠭᠲᠠᠨ ᠤ ᠤᠭᠰᠠᠭᠠ — ᠨᠡᠶᠢᠲᠡᠯᠢᠭ ᠤᠳ ᠤᠨ ᠲᠡᠦᠬᠡᠨ ᠶᠠᠪᠤᠴᠠ ᠡᠭᠡᠳᠡᠷᠡᠭᠡ ᠲᠠᠢ ᠪᠥᠭᠡᠳ ᠮᠣᠩᠭᠤᠯ | ᠲᠡᠦᠬᠡ ᠶᠢᠨ ᠡᠷᠲᠡ᠂ ᠳᠤᠮᠳᠠᠳᠤ᠂ ᠡᠳᠦᠭᠡ ᠦᠶᠡ ᠶᠢ ᠪᠠᠭᠲᠠᠭᠠᠭᠰᠠᠨ ᠪᠠᠶᠢᠳᠠᠭ ᠲᠤ ᠣᠷᠤᠰᠢᠬᠤ ᠤᠴᠢᠷ ᠠᠮᠠᠨ ᠲᠡᠦᠬᠡ᠂ ᠰᠤᠷᠪᠤᠯᠵᠢ ᠪᠢᠴᠢᠭ᠂ ᠳᠣᠮᠤᠭ ᠤᠨ | ᠲᠠᠶᠢᠯᠤᠯ ᠵᠡᠷᠭᠡ ᠶᠢ ᠠᠩᠬᠠᠷᠴᠤ ᠣᠯᠠᠨ ᠲᠠᠯᠠ ᠠᠴᠠ ᠨᠢᠭᠲᠠᠯᠠᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠ ᠨᠡᠶᠢᠭᠡᠮ ᠰᠣᠶᠤᠯ ᠤᠨ ᠬᠥᠮᠥᠨ ᠰᠤᠳᠤᠯᠤᠯ ᠤᠨ ᠣᠨᠤᠯ ᠤᠨ ᠦᠵᠡᠯ | ᠪᠠᠷᠢᠮᠲᠠᠯᠠᠯ ᠤᠨ ᠴᠢᠭᠯᠡᠯ ᠳᠤ ᠦᠨᠳᠦᠰᠦᠯᠡᠬᠦ ᠨᠢ ᠴᠢᠬᠤᠯᠠ ᠪᠣᠯᠤᠨᠠ᠃ | ︵ᠦ᠊ · ᠰᠧᠪᠡᠯ ᠺᠢᠷᠢᠯ ᠦᠰᠦᠭ ᠠᠴᠠ ᠪᠠᠭᠤᠯᠭᠠᠪᠠ︶ |