| ᠪᠠᠷᠭᠤ ᠶᠢᠨ ᠨᠡᠷᠡᠲᠦ ᠪᠢᠴᠢᠭᠲᠡᠨ᠂ ᠡᠬᠡ ᠣᠷᠤᠨᠴᠢ ᠳᠣᠷᠵᠢᠵᠠᠪ ᠤᠨ ᠬᠦᠪᠡᠷᠢ | ᠳᠠᠯᠠᠩᠭᠤᠳ ᠣᠪᠤᠭ ᠤᠨ ᠭᠦᠪᠡᠷᠢ ᠪᠣᠯ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠭᠠᠷᠤᠨ ᠬᠥᠪᠡᠭᠡᠲᠦ ᠬᠥᠬᠡ ᠬᠤᠰᠢᠭᠤᠨ | ᠤ ᠬᠥᠮᠥᠨ᠂ ᠲᠥᠷᠥ ᠭᠡᠷᠡᠯᠲᠦ ᠶᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ︵1831︶ ᠣᠨ ᠳᠤ ᠲᠥᠷᠥᠵᠦ᠂ ᠪᠠᠳᠠᠷᠠᠭᠤᠯᠲᠤ | ᠲᠥᠷᠥ ᠶᠢᠨ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ︵1890︶ ᠣᠨ ᠳᠤ ᠨᠠᠰᠤᠨ ᠥᠭᠡᠳᠡ ᠪᠣᠯᠪᠠ᠃ | ᠬᠦᠪᠡᠷᠢ ᠪᠣᠯ ᠮᠣᠩᠭᠤᠯ᠂ ᠮᠠᠨᠵᠤ᠂ ᠬᠢᠲᠠᠳ᠂ ᠲᠦᠪᠡᠳ ᠪᠢᠴᠢᠭ ᠰᠣᠶᠤᠯ ᠲᠠᠢ᠂ ᠥᠨᠳᠦᠷ ᠪᠣᠯᠪᠠᠰᠤᠷᠠᠯ | ᠲᠠᠢ᠂ ᠵᠢᠷᠤᠬᠠᠢ ᠶᠢᠨ ᠤᠬᠠᠭᠠᠨ᠂ ᠠᠨᠠᠭᠠᠬᠤ ᠤᠨᠠᠭᠠᠨ᠂ ᠲᠡᠦᠬᠡ ᠶᠢᠨ ᠲᠤᠬᠠᠢ ᠨᠣᠮ ᠪᠢᠴᠢᠭ ᠣᠯᠠᠨ ᠲᠤᠭᠤᠷᠪᠢᠵᠤ᠂ | ᠡᠷᠲᠡᠨ ᠤ ᠨᠣᠮ ᠪᠢᠴᠢᠭ ᠢ ᠮᠠᠨᠵᠤ ᠬᠡᠯᠡᠨ ᠳᠤ ᠣᠷᠴᠢᠭᠤᠯᠵᠤ ᠪᠠᠶᠢᠭᠰᠠᠨ ᠨᠡᠷᠡᠲᠦ ᠪᠢᠴᠢᠭᠲᠡᠨ ᠶᠤᠮ᠃ ᠲᠡᠷᠡ 35 | ᠨᠠᠰᠤᠨ ᠠᠴᠠ ᠰᠤᠮᠤᠨ ᠵᠠᠩᠭᠢ ᠪᠣᠯᠵᠤ᠂ 45 ᠨᠠᠰᠤᠨ ᠠᠴᠠ ᠪᠠᠨ ᠨᠠᠰᠤᠨ ᠡᠴᠦᠰ ᠪᠣᠯᠲᠠᠯᠠ ᠵᠡᠭᠦᠨ ᠭᠠᠷᠤᠨ | ᠪᠦᠭᠦᠳᠡ ᠶᠢᠨ ᠳᠠᠷᠤᠭᠠ ᠪᠠᠶᠢᠵᠤ᠂ ᠲᠥᠷᠥ ᠬᠥᠷᠥᠨ ᠤ ᠲᠥᠯᠥᠭᠡ ᠰᠡᠳᠬᠢᠯ ᠢ ᠴᠢᠯᠡᠭᠡᠨ ᠵᠢᠳᠬᠦᠵᠦ ᠶᠠᠪᠤᠭᠰᠠᠨ | ᠭᠠᠪᠢᠶᠠᠲᠤ ᠲᠦᠰᠢᠮᠡᠯ ᠶᠤᠮ᠃ | ᠲᠡᠭᠦᠨ ᠤ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠤᠨ ᠬᠡᠰᠡᠭ ᠣᠯᠳᠠᠪᠤᠷᠢ ᠶᠢ 1989 ᠣᠨ ᠳᠤ ᠬᠤᠸᠠᠰᠠᠢ ᠳᠤᠭᠠᠷᠵᠠᠪ᠂ | ᠴᠣᠴᠣᠯᠢᠭ ᠳᠠᠮᠳᠢᠨᠵᠠᠪ᠂ ᠭᠠᠯᠵᠤᠳ ᠪᠠᠳᠮᠠᠸᠠᠩᠴᠢᠨ ᠨᠠᠷ ᠡᠮᠬᠢᠳᠬᠡᠨ᠂ ᠵᠠᠷᠢᠮ ᠮᠠᠨᠵᠤ ᠪᠠᠷ ᠪᠢᠴᠢᠭᠰᠡᠨ ᠵᠦᠢᠯ ᠢ ᠨᠢ | ᠣᠷᠴᠢᠭᠤᠯᠵᠤ᠂ ᠵᠠᠷᠢᠮ ᠵᠦᠢᠯ ᠳᠤᠨᠢ ᠲᠠᠶᠢᠯᠪᠤᠷᠢᠯᠠᠯᠲᠠ ᠬᠢᠵᠦ ︽ᠣᠯᠠᠨ ᠮᠣᠩᠭᠤᠯᠴᠤᠳ ᠤᠨ ᠤᠭ ᠡᠬᠢ ᠶᠢ | ᠲᠠᠮᠳᠡᠭᠯᠡᠭᠰᠡᠨ ᠪᠢᠴᠢᠭ ᠣᠷᠤᠰᠢᠪᠠ︾ ᠬᠡᠮᠡᠬᠦ ᠨᠡᠷᠡ ᠪᠠᠷ ᠬᠡᠪᠯᠡᠭᠦᠯᠵᠡᠢ᠃ 2011 ᠣᠨ ᠳᠤ ᠭᠦᠪᠡᠷᠢ ᠶᠢᠨ ᠨᠠᠰᠤ | ᠨᠥᠭᠴᠢᠭᠰᠡᠨ ᠤ 120 ᠵᠢᠯ ᠤᠨ ᠣᠢ ᠶᠢ ᠳᠤᠷᠠᠰᠬᠠᠨ ᠲᠤᠰ ᠨᠣᠮ ᠢ ᠬᠤᠶᠠᠳᠠᠬᠢ ᠤᠳᠠᠭᠠ ᠬᠡᠪᠯᠡᠭᠦᠯᠪᠡ᠃ | ᠡᠨᠡᠬᠦ ᠨᠣᠮ ᠳᠤ ᠬᠦᠪᠡᠷᠢ ᠶᠢᠨ ᠵᠣᠬᠢᠶᠠᠭᠰᠠᠨ ᠪᠠ ᠡᠮᠬᠢᠳᠬᠡᠭᠰᠡᠨ ︽ᠣᠯᠠᠨ ᠮᠣᠩᠭᠤᠯᠴᠤᠳ ᠤᠨ ᠤᠭ ᠡᠬᠢ | ᠶᠢ ᠲᠡᠮᠳᠡᠭᠯᠡᠭᠰᠡᠨ ᠪᠢᠴᠢᠭ︾᠂ ︽ᠬᠥᠯᠥᠨ ᠪᠣᠶᠢᠷ ᠤᠨ ᠭᠤᠷᠪᠠᠨ ᠠᠶᠢᠮᠠᠭ ᠤᠨ ᠤᠭ ᠡᠬᠢᠨ ᠤ ᠪᠢᠴᠢᠭ︾᠂ ︽ | ᠬᠠᠷᠠ ᠮᠥᠷᠡᠨ ᠳᠤ ᠵᠠᠷᠤᠯᠭᠠ ᠪᠠᠷ ᠣᠳᠤᠭᠰᠠᠨ ᠶᠠᠪᠤᠳᠠᠯ ᠢ ᠲᠡᠮᠳᠡᠭᠯᠡᠭᠰᠡᠨ ᠪᠢᠴᠢᠭ︾᠂ ︽ᠭᠤᠷᠪᠠᠨ | ᠰᠤᠷᠲᠠᠬᠤᠨ ᠢ ᠰᠢᠭᠦᠮᠵᠢᠯᠡᠭᠰᠡᠨ ᠦᠭᠡ︾᠂ ︽ᠠᠷᠪᠠᠨ ᠬᠤᠶᠠᠷ ᠪᠢᠯᠢᠭ ᠡᠭᠡᠰᠢᠭ︾᠂ ︽ᠳᠦᠭᠦᠷᠢᠭ ᠲᠣᠭᠤᠷᠢᠮ | ᠤᠨ ᠵᠡᠭᠦᠳᠦᠨ︾᠂ ︽ᠬᠠᠯᠬᠠ ᠪᠠᠷᠭᠤ ᠶᠢᠨ ᠨᠤᠲᠤᠭ ᠬᠢᠴᠡ ᠶᠢᠨ ᠤᠴᠢᠷ︾᠂ ︽ᠲᠤᠰᠢᠶᠠᠯ ᠵᠠᠯᠭᠠᠮᠵᠢᠯᠠᠭᠰᠠᠨ | ᠠᠮᠪᠠᠳ︾ ᠵᠡᠷᠭᠡ ᠬᠤᠷᠢ ᠰᠢᠬᠠᠮ ᠪᠦᠲᠦᠭᠡᠯ ᠢ ᠣᠷᠤᠭᠤᠯᠪᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ︽ᠪᠠᠷᠭᠤ ᠶᠢᠨ ᠬᠠᠯᠠ | ᠣᠪᠤᠭ︾᠂ ︽ᠥᠯᠵᠡᠢ ᠡᠩᠬᠡᠵᠢᠭᠦᠯᠦᠭᠴᠢ ᠰᠦᠮᠡ︾᠂ ︽ᠬᠦᠷᠢᠶᠡ ᠠᠮᠪᠠᠨ ᠤ ᠵᠠᠪᠬᠠᠢ ᠶᠠᠪᠤᠳᠠᠯ︾᠂ ︽ | ᠨᠠᠭᠠᠨᠳᠠᠢ ᠶᠢᠨ ᠨᠠᠷᠠᠰᠤ︾᠂ ︽ᠬᠢᠲᠠᠳ ᠤᠨ ᠭᠠᠶᠢᠬᠠᠮᠰᠢᠭᠲᠤ ᠭᠤᠷᠪᠠᠨ ᠣᠷᠤᠨ︾ ᠵᠡᠷᠭᠡ ᠨᠣᠮ ᠤᠳ ᠨᠢ ᠣᠳᠣ | ᠪᠣᠯᠲᠠᠯᠠ ᠣᠯᠳᠠᠭᠠᠳᠤᠢ ᠪᠠᠶᠢᠭᠰᠠᠭᠠᠷ ᠪᠠᠶᠢᠨᠠ᠃ | ᠭᠦᠪᠡᠷᠢ ᠪᠣᠯᠤᠨ ᠭᠦᠪᠡᠷᠢ ᠶᠢᠨ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠢ ︽ᠪᠠᠷᠭᠤ ᠶᠢᠨ ᠲᠡᠦᠬᠡᠨ ᠢᠷᠡᠯᠲᠡ︾᠂ ︽ | ᠡᠷᠲᠡᠨ ᠤ ᠪᠠᠷᠭᠤ ᠶᠠᠰᠤᠲᠠᠨ︾᠂ ︽ᠪᠠᠷᠭᠤ ᠳᠣᠮᠤᠭ︾᠂ ︽ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠮᠣᠩᠭᠤᠯ ᠠᠷᠠᠳ ᠤᠯᠤᠰ | ᠤᠨ ᠲᠡᠦᠬᠡ︾᠂ ︽ᠮᠣᠩᠭᠤᠯ ᠪᠦᠷᠢᠨ ᠵᠢᠷᠤᠬᠠᠢ ᠶᠢᠨ ᠬᠤᠷᠢᠶᠠᠩᠭᠤᠢ︾᠂ ︽ᠮᠥᠸᠧᠾᠧ ᠰᠢᠶᠠᠨ ᠤ ᠣᠶᠢᠯᠠᠯᠭᠠ︾ | ᠂ ︽ᠬᠥᠯᠥᠨ ᠪᠣᠶᠢᠷ ᠤᠨ ᠲᠡᠦᠬᠡᠲᠦ ᠬᠥᠮᠥᠰ ᠤᠨ ᠨᠠᠮᠲᠠᠷ︾ ᠵᠡᠷᠭᠡ ᠨᠣᠮ ᠳᠤ ᠴᠢᠬᠤᠯᠠᠴᠢᠯᠠᠨ ᠡᠰᠢᠯᠡᠵᠦ᠂ | ᠣᠨᠴᠠᠯᠠᠨ ᠳᠤᠷᠠᠳᠤᠭᠰᠠᠨ ᠪᠠᠶᠢᠳᠠᠭ᠃ 1934 ᠣᠨ ᠳᠤ ᠵᠣᠬᠢᠶᠠᠭᠳᠠᠭᠰᠠᠨ ︽ᠬᠠᠷᠠᠮᠦ᠋ᠷᠡᠨ ᠤ ᠲᠡᠮᠳᠡᠭᠯᠡᠯ ᠤᠨ | ᠨᠣᠣᠷᠠᠭ︾ ᠲᠤ ︽᠁ ᠭᠦᠪᠡᠷᠢ ᠪᠣᠯᠪᠠᠰᠤ ᠬᠥᠯᠥᠨ ᠪᠣᠶᠢᠷ ᠤᠨ ᠪᠦᠭᠦᠳᠡ ᠶᠢᠨ ᠳᠠᠷᠤᠭᠠ ᠠᠵᠤᠭᠤ᠃ ᠲᠡᠷᠡ | ᠤᠳᠬᠠ ᠤᠶᠠᠩᠭᠠ ᠳᠤᠷ ᠨᠡᠪᠲᠡᠷᠡᠵᠦ᠂ ᠬᠥᠮᠥᠨ ᠪᠦᠬᠦᠨ ᠳᠤᠷ ᠱᠠᠭᠰᠢᠭᠳᠠᠵᠤᠬᠤᠢ᠃ ᠲᠡᠭᠦᠨ ᠳᠤ ᠡᠷᠬᠢᠮᠯᠡᠭᠳᠡᠭᠰᠡᠨ | ᠢᠶᠠᠷ ᠨᠢᠭᠡᠨ ᠦᠶᠡ ᠶᠢᠨ ᠬᠡᠪ ᠰᠤᠷᠲᠠᠯ ᠶᠡᠬᠡᠳᠡ ᠬᠤᠪᠢᠷᠠᠵᠤᠬᠤᠢ︾ ᠭᠡᠵᠤ ᠪᠢᠰᠢᠷᠡᠨ ᠮᠠᠭᠲᠠᠭᠰᠠᠨ ᠪᠠᠶᠢᠳᠠᠭ᠃ | ᠬᠦᠪᠡᠷᠢ ᠪᠢᠴᠢᠭ ᠨᠣᠮ ᠳᠤ ᠭᠦᠨ ᠨᠡᠪᠲᠡᠷᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠲᠥᠷᠥ ᠶᠢᠨ ᠶᠣᠰᠤ ᠶᠢ ᠵᠢᠷᠤᠮᠯᠠᠵᠤ᠂ | ᠶᠠᠳᠠᠭᠰᠠᠨ ᠢ ᠲᠡᠳᠬᠦᠵᠦ᠂ ᠮᠣᠬᠤᠭᠰᠠᠨ ᠢ ᠲᠤᠰᠠᠯᠠᠵᠤ᠂ ᠠᠷᠠᠳ ᠣᠯᠠᠨ ᠤ ᠳᠤᠮᠳᠠ ︽ᠪᠤᠷᠬᠠᠨ ᠨᠣᠶᠠᠨ︾᠂ ︽ | ᠮᠡᠷᠭᠡᠨ ᠭᠦ᠊ ᠤᠭᠤᠷᠳᠠ︾ ᠬᠡᠮᠡᠨ ᠠᠯᠳᠠᠷᠰᠢᠵᠤ ᠦᠨᠡᠬᠡᠷ ᠬᠥᠮᠥᠨ ᠪᠦᠬᠦᠨ ᠳᠤᠷ ᠱᠠᠭᠰᠢᠭᠳᠠᠵᠤ ᠪᠠᠶᠢᠵᠠᠢ᠃ | ᠠᠷᠪᠠᠨ ᠶᠢᠰᠦᠳᠦᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠶᠢᠨ ᠦᠶᠡ ᠪᠠᠷ ᠮᠠᠨ ᠤ ᠤᠯᠤᠰ ᠤᠨ ᠵᠡᠭᠦᠨ ᠬᠤᠶᠢᠲᠤ ᠣᠷᠤᠨ ᠢᠶᠠᠷ | ᠲᠦᠷᠢᠨ ᠢᠷᠡᠵᠦ ᠬᠤᠮᠠᠭ ᠠᠯᠲᠠ ᠶᠡᠭᠡ ᠪᠠᠷ ᠬᠤᠯᠠᠭᠠᠶᠢᠯᠠᠵᠤ ᠪᠠᠶᠢᠭᠰᠠᠨ ᠣᠷᠤᠰᠴᠤᠳ ᠢ ᠬᠥᠭᠡᠭᠡᠨ ᠶᠠᠪᠤᠭᠤᠯᠬᠤ | ᠶᠢᠨ ᠲᠤᠯᠠᠳᠠ ᠬᠠᠷᠠᠮᠦ᠋ᠷᠡᠨ ᠤ ᠵᠠᠩᠵᠤᠨ ᠶᠠᠮᠤᠨ ᠠᠴᠠ ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠶᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ︵1885︶ | ᠣᠨ ᠤ ᠳᠣᠯᠤᠭᠠᠨ ᠰᠠᠷᠠ ᠳᠤ ᠳᠠᠯᠠᠩᠭᠤᠳ ᠬᠦᠪᠡᠷᠢ ᠶᠢ ᠲᠣᠮᠢᠯᠠᠪᠠ᠃ | ᠭᠦᠪᠡᠷᠢ ᠪᠦᠬᠦᠯᠢ ᠵᠢᠯ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠬᠠᠷᠠᠮᠦ᠋ᠷᠡᠨ ᠤ ᠮᠦᠸᠧᠾᠧ᠂ ᠵᠠᠷᠠᠯᠠᠩ ᠵᠡᠷᠭᠡ ᠭᠠᠵᠠᠷ | ᠢᠶᠠᠷ ᠣᠷᠤᠵᠤ ᠢᠷᠡᠭᠰᠡᠨ ᠲᠦᠮᠡ ᠭᠠᠷᠤᠢ ᠣᠷᠤᠰᠴᠤᠳ ᠢ ᠬᠥᠭᠡᠭᠡᠨ ᠶᠠᠪᠤᠭᠤᠯᠵᠤ᠂ ᠣᠷᠤᠰ ᠲᠠᠢ ᠰᠦᠯᠪᠡᠭᠡᠯᠡᠵᠦ | ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠡᠬᠢ ᠪᠠᠶᠠᠯᠢᠭ ᠢ ᠬᠤᠯᠠᠭᠠᠶᠢᠯᠠᠭᠰᠠᠳ ᠢ ᠬᠠᠤᠯᠢ ᠶᠤᠰᠤ ᠪᠠᠷ ᠴᠢᠩᠭᠠ ᠰᠢᠢᠳᠬᠡᠵᠦ᠂ ᠣᠯᠠᠨ | ᠳᠤ ᠴᠡᠭᠡᠷᠯᠡᠯ ᠦᠵᠡᠭᠦᠯᠵᠦ᠂ ᠲᠥᠷᠥ ᠬᠦᠷᠦᠨ ᠤ ᠲᠤᠰᠢᠶᠠᠭᠰᠠᠨ ᠡᠭᠦᠷᠭᠡ ᠶᠢ ᠨᠡᠷᠡ ᠲᠥᠷᠥ ᠲᠠᠢ ᠪᠡᠶᠡᠯᠡᠭᠦᠯᠵᠦ | ᠭᠠᠪᠢᠶᠠ ᠪᠠᠶᠢᠭᠤᠯᠪᠠ᠃ ᠡᠭᠦᠨ ᠤ ᠤᠯᠠᠮ ᠠᠴᠠ ᠪᠠᠳᠠᠷᠠᠭᠤᠯᠲᠤ ᠲᠥᠷᠤ ᠶᠢᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ︵1888︶ | ᠣᠨ ᠳᠤ ᠬᠠᠭᠠᠨ ᠳᠤ ᠪᠠᠷᠠᠳᠠᠵᠤ ᠬᠠᠰ ᠤᠨ ᠬᠤᠨᠳᠠᠭᠠ᠂ ᠭᠠᠤᠯᠢᠨ ᠳᠠᠩᠬᠤ ᠪᠠᠷ ᠱᠠᠩᠨᠠᠭᠤᠯᠵᠤ ᠮᠡᠶᠢᠷᠡᠨ ᠵᠠᠩᠭᠢ ᠳᠤ | ᠨᠡᠷᠡ ᠪᠠᠨ ᠲᠡᠮᠳᠡᠭᠯᠡᠭᠦᠯᠦᠭᠰᠡᠨ ᠶᠤᠮ᠃ | ᠲᠡᠭᠦᠨ ᠤ ᠭᠠᠪᠢᠶᠠ ᠵᠢᠳᠬᠦᠯ ᠢ ᠬᠤᠵᠢᠮ ᠤᠨ ᠡᠷᠳᠡᠮᠲᠡᠳ ᠠᠴᠠ ︽ᠭᠦᠪᠡᠷᠢ ᠪᠣᠯ ᠪᠠᠷᠭᠤᠴᠤᠳ ᠤᠨ ᠲᠡᠦᠬᠡ᠂ | ᠴᠢᠨᠠᠭᠰᠢᠯᠠᠭᠠᠳ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠡᠦᠬᠡᠨ ᠳᠤ ᠴᠢᠬᠤᠯᠠ ᠬᠤᠪᠢ ᠨᠡᠮᠡᠷᠢ ᠣᠷᠤᠭᠤᠯᠤᠭᠰᠠᠨ ᠨᠡᠷᠡᠲᠦ | ᠪᠢᠴᠢᠭᠲᠡᠨ ᠮᠥᠨ᠃ ᠠᠷᠠᠳ ᠲᠦᠮᠡᠨ ᠤ ᠬᠠᠶᠢᠷᠠ ᠬᠦᠨᠳᠦᠳᠬᠡᠯ ᠢ ᠣᠯᠤᠭᠰᠠᠨ ᠵᠠᠰᠠᠭ ᠲᠥᠷᠥ ᠶᠢᠨ ᠭᠠᠪᠢᠶᠠᠲᠤ | ᠲᠦᠰᠢᠮᠡᠯ ᠮᠥᠨ᠃ ᠮᠥᠨ ᠴᠦ ᠡᠬᠡ ᠣᠷᠤᠨ ᠤ ᠬᠢᠯᠢ ᠬᠢᠵᠠᠭᠠᠷ᠂ ᠡᠬᠢ ᠪᠠᠶᠠᠯᠢᠭ ᠢ ᠬᠠᠮᠠᠭᠠᠯᠠᠭᠰᠠᠨ ᠦᠨᠳᠦᠰᠦᠲᠡᠨ | ᠤ ᠪᠠᠭᠠᠲᠤᠷ ᠮᠥᠨ︾ ᠭᠡᠵᠡᠢ᠃ | ᠭᠦᠪᠡᠷᠢ ᠶᠢᠨ ᠡᠷᠳᠡᠮ ᠴᠢᠳᠠᠪᠤᠷᠢ᠂ ᠠᠪᠢᠶᠠᠰ ᠪᠢᠯᠢᠭ᠂ ᠭᠠᠪᠢᠶᠠ ᠵᠢᠳᠬᠦᠯ ᠢ ᠦᠶᠡ ᠶᠢᠨ ᠦᠶᠡ ᠳᠤ ᠠᠷᠠᠳ | ᠲᠦᠮᠡᠨ ᠨᠢ ᠳᠤᠷᠠᠰᠤᠨ ᠮᠥᠷᠦᠭᠡᠳᠴᠦ ᠪᠠᠶᠢᠭᠰᠠᠨ ᠤ ᠤᠯᠠᠮ ᠢᠶᠠᠷ ᠡᠨᠡᠬᠦ ᠨᠡᠷᠡᠲᠦ ᠪᠢᠴᠢᠭᠲᠡᠨ᠂ ᠡᠬᠡ ᠣᠷᠤᠨᠴᠢ | ᠠᠭᠤᠤ ᠬᠥᠮᠥᠨ ᠢ 2010 ᠣᠨ ᠳᠤ ᠲᠡᠭᠦᠨ ᠤ ᠲᠥᠷᠥᠭᠰᠡᠨ ᠨᠤᠲᠤᠭ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ | ᠪᠠᠷᠢᠮᠠᠯ ᠪᠣᠰᠬᠠᠨ ᠳᠤᠷᠠᠰᠬᠠᠵᠠᠢ᠃ | ᠠᠷᠠᠳ ᠤᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠢᠳᠡᠮ ᠤᠨ ᠸᠴᠢᠷᠪᠠᠲᠤ | ᠠᠯᠭᠤᠢ ᠣᠪᠤᠭ ᠤᠨ ᠢᠳᠡᠮ ᠤᠨ ᠬᠦᠯᠦᠭᠡ᠂ ᠡᠷᠦᠭᠡ ᠠᠮᠠ ᠶᠢᠨ ᠨᠡᠷᠡ ᠸᠴᠢᠷᠪᠠᠲᠦ ᠲᠥᠷᠥ ᠭᠡᠷᠡᠯᠲᠦ ᠶᠢᠨ | ᠬᠤᠷᠢᠨ ᠲᠠᠪᠤᠳᠤᠭᠠᠷ ᠣᠨ ︵1845︶ ᠳᠤ ᠲᠥᠷᠥᠵᠦ᠂ 1939 ᠣᠨ ᠳᠤ ᠨᠠᠰᠤ ᠪᠠᠷᠠᠪᠠ᠃ ᠰᠢᠨᠡ ᠪᠠᠷᠭᠤ | ᠪᠠᠷᠠᠭᠤᠨ ᠭᠠᠷᠤᠨ ᠰᠢᠯᠤᠭᠤᠨ ᠤᠯᠠᠭᠠᠨ ᠬᠤᠰᠢᠭᠤᠨ ᠤ ᠬᠥᠮᠥᠨ᠃ ᠮᠣᠩᠭᠤᠯ᠂ ᠮᠠᠨᠵᠤ᠂ ᠲᠦᠪᠡᠳ ᠪᠢᠴᠢᠭ ᠲᠠᠢ᠂ | ᠣᠷᠣᠰ᠂ ᠬᠢᠲᠠᠳ ᠬᠡᠯᠡ ᠦᠰᠦᠭ ᠲᠠᠢ᠂ ᠡᠷᠳᠡᠮ ᠰᠣᠶᠤᠯ ᠢᠶᠠᠷ ᠥᠨᠳᠦᠷ᠂ ᠠᠷᠠᠳ ᠤᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ | ᠬᠠᠤᠯᠢᠴᠢ᠂ ᠵᠠᠷᠭᠤᠴᠢ ᠬᠥᠮᠥᠨ ᠪᠠᠶᠢᠭᠰᠠᠨ ᠤᠴᠢᠷ ᠵᠣᠨ ᠣᠯᠠᠨ ᠳᠠᠭᠠᠨ ᠬᠦᠨᠳᠦᠯᠡᠭᠳᠡᠵᠦ ︽ᠭᠦ᠋ ᠬᠠᠹᠠᠨ︾ ᠪᠤᠶᠤ | ︽ᠬᠦᠯᠦᠭᠡ ᠬᠠᠹᠠᠨ︾ ᠬᠡᠮᠡᠨ ᠨᠡᠷᠡ ᠠᠯᠳᠠᠷᠰᠢᠪᠠ᠃ | ᠭᠦᠯᠦᠭᠡ ᠬᠠᠹᠠᠨ ᠪᠣᠯ ᠮᠠᠨ ᠤ ᠰᠢᠨᠡ ᠪᠠᠷᠭᠤᠴᠤᠳ ᠤᠨ ᠲᠡᠦᠬᠡᠨ ᠳᠤ ᠢᠷᠠᠭᠤ ᠨᠠᠶᠢᠷᠠᠭ ᠢᠶᠠᠷ ᠬᠤᠮᠰᠠᠳᠠᠵᠤ | ᠹᠸᠤᠳᠠᠯ ᠴᠠᠭ ᠦᠶᠡ ᠳᠤ ᠠᠷᠠᠳ ᠲᠦᠮᠡᠨ ᠢᠶᠠᠨ ᠢᠷᠠᠭᠤ ᠨᠠᠶᠢᠷᠠᠭ ᠢᠶᠠᠷ ᠰᠣᠶᠤᠨ ᠭᠡᠭᠡᠷᠡᠭᠦᠯᠵᠦ ᠶᠠᠪᠤᠭᠰᠠᠨ | ᠬᠤᠪᠤᠷᠬᠠᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠨᠢᠭᠡ ᠶᠤᠮ᠃ | ᠲᠡᠷᠡ ᠪᠣᠯ ᠦᠨᠦᠳᠦᠷ ᠤᠨ ᠪᠢᠳᠡᠨ ᠳᠤ ᠮᠡᠳᠡᠭᠳᠡᠵᠦ ᠪᠠᠶᠢᠭᠠ ᠣᠷᠴᠢᠨ ᠦᠶᠡ ᠶᠢᠨ ᠲᠡᠦᠬᠡᠨ ᠳᠠᠬᠢ ᠬᠠᠮᠤᠭ | ᠴᠠᠭᠠᠳᠤ ᠵᠠᠬᠠ ᠶᠢᠨ ᠠᠷᠠᠳ ᠤᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠪᠠᠶᠢᠭᠠ ᠶᠤᠮ᠃ ᠲᠡᠭᠦᠨ ᠤ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠤᠨ | ᠣᠯᠳᠠᠪᠤᠷᠢ ᠠᠴᠠ ᠦᠵᠡᠬᠦ ᠳᠤ ᠮᠠᠨᠵᠤ᠂ ᠮᠣᠩᠭᠤᠯ ᠢᠶᠠᠷ ᠪᠢᠴᠢᠭᠰᠡᠨ ᠵᠦᠢᠯ ᠬᠠᠷᠠᠭᠳᠠᠬᠤ ᠪᠣᠯᠪᠠᠴᠤ ᠣᠯᠠᠩᠬᠢ ᠨᠢ | ᠠᠷᠠᠳ ᠤᠨ ᠠᠮᠠᠨ ᠶᠠᠷᠢᠶᠠ ᠪᠠᠷ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠪᠥᠭᠡᠳ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠤᠨ ᠬᠢᠨᠢ ᠲᠠᠷᠬᠠᠴᠠ | ᠮᠠᠰᠢ ᠥᠷᠭᠡᠨ ᠪᠠᠶᠢᠵᠤ ᠤᠯᠤᠰ ᠤᠨ ᠳᠤᠲᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠡᠷᠳᠡᠮᠲᠡᠳ ᠤᠨ ᠰᠣᠨᠢᠷᠬᠠᠯ ᠢ ᠲᠠᠲᠠᠭᠰᠠᠨ | ᠪᠠᠶᠢᠳᠠᠭ᠃ ᠡᠨᠡ ᠲᠠᠯᠠ ᠪᠠᠷ ᠦᠨᠡ ᠴᠡᠨᠡ ᠲᠠᠢ ᠵᠢᠳᠬᠦᠯ ᠦᠵᠡᠭᠦᠯᠦᠭᠰᠡᠨ ᠰ᠊ · ᠮᠢᠰᠢᠭᠳᠦᠷᠵᠢ᠂ ᠷ᠊ · | ᠮᠠᠵᠢᠭᠰᠦ᠋ᠷᠦᠩ᠂ ᠼ᠊ · ᠨᠣᠷᠵᠢᠨ᠂ ᠴ᠊ · ᠮᠥᠩᠭᠡᠰᠦ᠋ᠷᠦᠩ᠂ ᠮᠥᠨ ᠮᠣᠩᠭᠤᠯ ᠤᠯᠤᠰ ᠤᠨ ᠵᠣ᠊ · ᠲᠡᠮᠦᠷᠴᠡᠷᠡᠩ᠂ | ᠲ᠊ · ᠰᠧᠨᠳᠡᠷ᠂ ᠵ᠊ · ᠥᠯᠵᠠᠢ ᠨᠠᠷ ᠢ ᠲᠡᠮᠳᠡᠭᠯᠡᠬᠦ ᠶᠣᠰᠤᠲᠠᠢ᠃ | ᠤᠤᠯ ᠤᠨ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠬᠤᠰᠢᠭᠤᠨ ᠳᠠᠷᠤᠭᠠ ᠠᠭᠰᠠᠨ ᠰᠠᠨᠳᠠᠭ ᠤᠨ ᠮᠢᠰᠢᠭᠳᠦᠷᠵᠢ | ᠭᠤᠸᠠᠢ᠂ ᠠᠳᠤᠭᠤᠨᠴᠢᠯᠠᠭᠤ ᠰᠤᠮᠤᠨ ᠤ ᠷᠡᠪᠳᠠᠨ ᠪᠠᠷᠢᠭᠠᠴᠢ ᠶᠢᠨ ᠮᠠᠵᠢᠭᠰᠦ᠋ᠷᠦᠩ ᠨᠠᠷ ᠤᠨ ᠴᠤᠭᠯᠠᠭᠤᠯᠤᠭᠰᠠᠨ | ᠬᠦᠯᠦᠭᠡ ᠬᠠᠹᠠᠨ ᠤ ᠢᠷᠠᠭᠤ ᠨᠠᠶᠢᠷᠠᠭ ︽ᠪᠣᠭᠳᠠ ᠶᠢᠨ ᠬᠦᠷᠢᠶᠡᠨ ᠤ ᠮᠠᠭᠳᠠᠭᠠᠯ︾᠂ ᠭᠠᠨᠵᠤᠤᠷ ᠰᠦᠮᠡ ᠶᠢᠨ | ᠮᠠᠭᠲᠠᠭᠠᠯ︾᠂ ︽ᠨᠥᠬᠦᠷ ᠶᠠᠭᠤ ᠪᠠᠨ ᠮᠥᠷᠥᠭᠡᠳᠦᠭᠰᠡᠨ ᠢᠨᠦ︾᠂ ︽ᠨᠣᠮᠲᠤ ᠶᠢᠨ ᠰᠠᠯᠠᠢ ᠶᠢ ᠮᠠᠭᠲᠠᠭᠰᠠᠨ ᠠᠨᠤ︾ | ᠂ ︽ᠰᠤᠷᠭᠠᠯ ᠰᠢᠯᠦᠭ︾᠂ ︽ᠡᠴᠢᠭᠡ ᠡᠬᠡ ᠳᠡᠭᠡᠨ ᠪᠠᠷᠢᠭᠰᠠᠨ ᠰᠢᠯᠦᠭ︾᠂ ︽ᠬᠦᠦ ᠪᠠᠨ ᠰᠤᠷᠭᠠᠭᠰᠠᠨ | ᠪᠠᠳᠠᠭ︾᠂ ︽ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠤᠨ ᠮᠠᠭᠲᠠᠭᠠᠯ︾᠂ ︽ᠡᠷᠬᠡ ᠭᠡᠭᠡᠷ︾ ᠵᠡᠷᠭᠡ ᠠᠷᠪᠠᠭᠠᠳ | ᠪᠦᠲᠦᠭᠡᠯ ᠤᠳ ᠪᠠᠶᠢᠳᠠᠭ᠃ | ᠮᠣᠩᠭᠤᠯ ᠤᠯᠤᠰ ᠤᠨ ᠵᠣ᠊ · ᠲᠡᠮᠦᠷᠴᠡᠷᠡᠩ 1969 ᠣᠨ ᠳᠤ ᠳᠣᠷᠤᠨᠠᠳᠤ ᠠᠶᠢᠮᠠᠭ ᠤᠨ ᠪᠠᠷᠭᠤᠴᠤᠳ ᠠᠴᠠ | ᠬᠦᠯᠦᠭᠡ ᠬᠠᠹᠠᠨ ᠤ ᠤᠷᠠᠨ ᠪᠦᠲᠦᠭᠡᠯ ︽ᠠᠪᠤᠷᠠᠯ ᠤᠨ ᠬᠤᠷᠢᠶᠠᠩᠭᠤᠢ︾᠂ ︽ᠬᠡᠲᠡ ᠶᠢᠨ ᠢᠷᠦᠭᠡᠯ︾᠂ ︽ᠴᠡᠭᠡ | ᠪᠠᠷᠢᠬᠤ ᠢᠷᠦᠭᠡᠯ︾᠂ ︽ᠰᠤᠮᠤᠨ ᠤ ᠢᠷᠦᠭᠡᠯ︾᠂ ︽ᠪᠣᠭᠳᠠ ᠳᠤ ᠮᠠᠨᠳᠤᠯ ᠡᠷᠭᠦᠭᠰᠡᠨ ᠢᠷᠦᠭᠡᠯ︾᠂ ︽ᠶᠢᠰᠦᠨ | ᠵᠸᠦ ᠶᠢᠨ ᠰᠢᠯᠦᠭ︾᠂ ︽ᠬᠢᠩᠭᠠᠨ ᠠᠭᠤᠯᠠ ᠶᠢ ᠥᠩᠭᠡᠷᠡᠭᠦᠢ ᠳᠤᠷ︾᠂ ︽ᠴᠢᠴᠢᠬᠠᠷ ᠬᠤᠲᠠ ᠶᠢᠨ ᠮᠠᠭᠲᠠᠭᠠᠯ︾ | ᠵᠡᠷᠭᠡ ᠶᠢᠨ ᠠᠷᠪᠠᠭᠠᠳ ᠪᠦᠲᠦᠭᠡᠯ ᠴᠤᠭᠯᠠᠭᠤᠯᠤᠨ ᠡᠮᠬᠢᠳᠬᠡᠵᠦ ᠰᠤᠳᠤᠯᠭᠠ ᠬᠢᠭᠰᠡᠨ ᠪᠠᠶᠢᠨᠠ᠃ ᠮᠥᠨ ᠰᠣᠶᠤᠯ ᠤᠨ | ᠵᠢᠳᠬᠦᠯᠲᠡᠨ ᠲ᠊ · ᠰᠧᠨᠳᠡᠷ ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠳᠤ ᠳᠣᠷᠤᠨᠠᠳᠤ ᠪᠠᠷ ᠰᠤᠷᠪᠤᠯᠵᠢᠯᠠᠵᠤ ᠶᠠᠪᠤᠬᠤ | ᠳᠠᠭᠠᠨ ᠬᠦᠯᠦᠭᠡ ᠬᠠᠹᠠᠨ ᠤ ᠵᠣᠬᠢᠶᠠᠭᠰᠠᠨ ︽ᠵᠠᠰᠠᠨ ᠵᠠᠯᠠᠨ ᠰᠠᠭᠤᠭᠠᠷᠠᠢ︾ ᠭᠡᠳᠡᠭ ᠳᠠᠭᠤᠤ ᠶᠢ ᠣᠯᠵᠤ ︽ᠪᠠᠷᠭᠤ | ᠠᠷᠠᠳ ᠤᠨ ᠳᠠᠭᠤᠤ︾ ᠶᠢᠨ ᠡᠮᠬᠢᠳᠬᠡᠯ ᠳᠡᠭᠡᠨ ᠣᠷᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠡᠦᠬᠡᠴᠢ ᠵ᠊ · ᠥᠯᠵᠡᠢ ᠬᠦᠯᠦᠭᠡ | ᠬᠠᠹᠠᠨ ᠤ ᠲᠤᠬᠠᠢ ᠳᠤᠷᠠᠰᠤᠮᠵᠢ ᠪᠢᠴᠢᠵᠦ ︽ᠪᠠᠷᠭᠤ ᠶᠢᠨ ᠲᠡᠦᠬᠡᠨ ᠳᠠᠬᠢ ᠨᠡᠷᠡᠲᠦ ᠬᠥᠮᠥᠰ︾ ᠭᠡᠳᠡᠭ ᠨᠣᠮ | ᠳᠠᠭᠠᠨ ᠲᠡᠮᠲᠡᠭᠯᠡᠵᠡᠢ᠃ | ᠭᠦᠯᠦᠭᠡ ᠬᠠᠹᠠᠨ ᠤ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠤᠨ ᠣᠯᠳᠠᠪᠤᠷᠢ ᠠᠴᠠ ᠠᠵᠢᠭᠯᠠᠬᠤ ᠳᠤ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠢᠶᠠᠷ | ᠭᠤᠣᠯᠯᠠᠵᠤ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠠᠷᠠᠳ ᠤᠨ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠬᠡᠪ ᠨᠠᠮᠪᠠ ᠶᠢ ᠬᠠᠷᠠᠭᠤᠯᠤᠭᠰᠠᠨ | ᠪᠠᠶᠢᠳᠠᠭ᠃ | ᠲᠡᠷᠡ ︽ᠬᠢᠩᠭᠠᠨ ᠠᠭᠤᠯᠠ ᠶᠢ ᠥᠩᠭᠡᠷᠡᠭᠦᠢ ᠳᠤᠷ︾ ᠬᠡᠮᠡᠬᠦ ᠮᠠᠭᠲᠠᠭᠠᠯ ᠳᠠᠭᠠᠨ᠄ | ︽ᠠᠭᠤᠯᠠ ᠶᠢᠨ ᠣᠢ ᠢᠭᠴᠤ ᠦᠳᠬᠡᠨ | ᠤᠷᠭᠤᠭᠠ ᠮᠣᠳᠤ ᠵᠠᠢ ᠵᠠᠪᠰᠠᠷ ᠦᠭᠡᠢ | ᠶᠠᠭᠠᠷᠠᠨ ᠲᠡᠪᠡᠳᠡᠨ ᠥᠩᠭᠡᠷᠡᠭᠦᠶᠡ ᠬᠡᠮᠡᠪᠡᠴᠦ | ᠶᠠᠪᠤᠬᠤ ᠵᠦᠭ ᠨᠡᠩ ᠴᠦ ᠣᠯᠳᠠᠬᠤ ᠦᠭᠡᠢ ᠁︾ ᠭᠡᠵᠤ ᠪᠠᠶᠢᠭᠠᠯᠢ ᠠᠬᠤᠢ ᠶᠢ ᠨᠢᠳᠦ ᠪᠠᠷ ᠦᠵᠡᠭᠰᠡᠨ | ᠢᠶᠠᠨ ᠮᠠᠭᠲᠠᠨ ᠤᠶᠠᠩᠭᠠᠯᠠᠭᠰᠠᠨ ᠪᠠᠶᠢᠬᠤ ᠳᠤ ᠨᠥᠭᠦᠭᠡ ᠨᠢᠭᠡ ︽ᠤᠲᠠᠢ ᠠᠭᠤᠯᠠ ᠶᠢᠨ ᠮᠠᠭᠲᠠᠭᠠᠯ︾ ᠳᠠᠭᠠᠨ᠄ | ︽ᠬᠥᠯᠥᠨ ᠳᠠᠯᠠᠢ ᠶᠢᠨ ᠬᠦᠪᠡᠭᠡᠨ ᠠᠴᠠ | ᠬᠦᠢᠲᠡᠨ ᠡᠷᠡᠨ ᠳᠤ ᠭᠠᠷᠴᠤ | ᠁ | ᠠᠷᠪᠠᠨ ᠰᠠᠷᠠ ᠶᠢᠨ ᠦᠶᠡ ᠪᠠᠷ | ᠠᠶᠠᠯᠠᠨ ᠵᠠᠮᠨᠠᠵᠤ ᠶᠠᠪᠤᠬᠤ ᠳᠠᠭᠠᠨ | ᠁ | ᠪᠡᠭᠡᠵᠢᠩ᠂ ᠵᠠᠩ ᠵᠢᠶᠠ ᠺᠸᠦ ᠲᠡᠷᠢᠭᠦᠨ | ᠪᠢᠰᠢᠭᠦᠢ ᠬᠤᠲᠠ ᠶᠢ ᠳᠠᠭᠠᠷᠢᠵᠤ | ᠁︾ ᠭᠡᠵᠤ ᠬᠥᠯᠥᠨ ᠪᠣᠶᠢᠷ ᠠᠴᠠ ᠬᠡᠳᠦᠢ ᠳᠤ ᠭᠠᠷᠤᠭᠰᠠᠨ᠂ ᠵᠠᠮ ᠵᠠᠭᠤᠷᠠ ᠣᠯᠠᠨ ᠬᠤᠲᠠ ᠪᠠᠯᠭᠠᠰᠤ | ᠪᠠᠷ ᠳᠠᠭᠠᠷᠢᠵᠤ ᠥᠩᠭᠡᠷᠡᠭᠰᠡᠨ ᠵᠡᠷᠭᠡ ᠪᠠᠨ ᠲᠣᠳᠤᠷᠬᠠᠢ ᠳᠤᠷᠠᠳᠤᠭᠰᠠᠨ ᠪᠠᠶᠢᠳᠠᠭ᠃ ᠮᠥᠨ ︽ᠪᠣᠭᠳᠠ ᠶᠢᠨ | ᠬᠦᠷᠢᠶᠡᠨ ᠤ ᠮᠠᠭᠲᠠᠭᠠᠯ︾ ᠬᠡᠮᠡᠬᠦ ᠰᠢᠯᠦᠭ ᠲᠡᠭᠡᠨ᠄ | ︽ᠬᠥᠭᠰᠢᠨ ᠶᠡᠭᠡ ᠬᠦᠷᠢᠶᠡᠨ ᠳᠤ | ᠬᠦᠷᠴᠦ ᠵᠣᠷᠢᠭᠯᠠᠵᠤ ᠮᠥᠷᠭᠦᠯᠡ | ᠬᠦᠨᠳᠦᠲᠦ ᠪᠣᠭᠳᠠ ᠶᠢᠨ ᠣᠷᠣᠨ ᠳᠤ | ᠬᠦᠰᠡᠯ ᠰᠡᠳᠬᠢᠯ ᠬᠠᠩᠭᠠᠪᠠ᠃ | ᠲᠦᠷᠭᠡᠨ ᠲᠤᠤᠯᠠ ᠶᠢᠨ ᠬᠦᠪᠡᠭᠡᠨ ᠳᠤ | ᠲᠦᠭᠡᠭᠡᠵᠦ ᠪᠠᠷᠢᠭᠰᠡᠨ ᠣᠷᠳᠤᠨ ᠲᠠᠢ | ᠲᠦᠭᠡᠮᠡᠯ ᠪᠦᠭᠦᠨ ᠢ ᠠᠪᠤᠷᠠᠭᠴᠢ | ᠲᠦᠮᠡᠨ ᠤ ᠢᠲᠡᠭᠡᠯᠲᠦ ᠪᠣᠭᠳᠠ ᠮᠢᠨᠢ ᠁︾ ᠭᠡᠵᠤ ᠵᠣᠷᠢᠭᠰᠠᠨ ᠵᠣᠷᠢᠯᠲᠠ ᠪᠠᠨ ᠲᠣᠳᠤᠷᠬᠠᠢ ᠳᠤᠷᠠᠳᠴᠤ᠂ | ᠲᠤᠤᠯᠠ ᠶᠢᠨ ᠭᠤᠣᠯ ᠤᠨ ᠳᠡᠨᠵᠢᠨ ᠳᠠᠬᠢ ᠠᠷᠤ ᠪᠣᠭᠳᠠ ᠶᠢᠨ ᠬᠦᠷᠢᠶᠡ ᠶᠢ ᠵᠢᠷᠤᠭᠯᠠᠨ ᠮᠠᠭᠳᠠᠭᠰᠠᠨ ᠪᠠᠶᠢᠳᠠᠭ᠃ | ᠲᠡᠭᠡᠷᠡᠬᠢ ᠮᠠᠭᠲᠠᠭᠠᠯ ᠢᠷᠠᠭᠤ ᠨᠠᠶᠢᠷᠠᠭ ᠤᠳ ᠠᠴᠠ ᠭᠦᠯᠦᠭᠡ ᠬᠠᠹᠠᠨ ᠵᠡᠭᠦᠨᠰᠢ ᠬᠢᠩᠭᠠᠨ ᠳᠠᠪᠠᠭᠠ ᠶᠢ ᠳᠠᠪᠠᠵᠤ᠂ | ᠡᠮᠦᠨᠡᠰᠢ ᠪᠡᠭᠡᠵᠢᠩ᠂ ᠤᠲᠠᠢ᠂ ᠪᠠᠷᠠᠭᠤᠨᠰᠢ ᠠᠷᠤ ᠮᠣᠩᠭᠤᠯ ᠤᠨ ᠳ᠋ᠠ ᠬᠦᠷᠢᠶᠡ ᠬᠦᠷᠴᠦ᠂ ᠲᠡᠷᠡ ᠦᠶᠡ ᠳᠡᠭᠡᠨ | ᠦᠨᠡᠬᠡᠷ ᠬᠤᠯᠠ ᠶᠠᠪᠤᠵᠤ᠂ ᠶᠡᠭᠡ ᠶᠢ ᠦᠵᠡᠭᠰᠡᠨ ᠡᠷᠳᠡᠮ ᠨᠣᠮ ᠲᠠᠢ ᠠᠷᠠᠳ ᠤᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠬᠥᠮᠥᠨ | ᠪᠠᠶᠢᠭᠰᠠᠨ ᠭᠡᠳᠡᠭ ᠢ ᠡᠭᠦᠨ ᠠᠴᠠ ᠠᠩᠵᠠᠭᠠᠷᠠᠵᠤ ᠪᠣᠯᠤᠨᠠ᠃ | ᠲᠡᠭᠦᠨ ᠤ ᠪᠦᠲᠦᠭᠡᠯ ᠠᠴᠠ ︽ᠭᠠᠯ ᠤᠨ ᠢᠷᠦᠭᠡᠯ︾᠂ ︽ᠶᠢᠰᠦ ᠶᠢᠰᠦ ᠶᠢ ᠥᠩᠭᠡᠷᠡᠭᠦᠯᠬᠦ ᠢᠷᠦᠭᠡᠯ︾᠂ ︽ | ᠮᠣᠷᠢᠨ ᠤ ᠴᠣᠯᠠ︾᠂ ︽ᠵᠠᠬᠢᠳᠠᠯ ᠤᠨ ᠲᠥᠷᠥᠯ ᠵᠦᠢᠯ︾᠂ ︽ᠤᠰᠤ᠂ ᠤᠷᠭᠤᠮᠠᠯ᠂ ᠬᠥᠮᠥᠨ ᠠᠮᠢᠲᠠᠨ᠂ ᠡᠳ᠋ᠯᠡᠯ | ᠬᠡᠷᠡᠭᠰᠡᠯ ᠤᠨ ᠵᠦᠢᠯᠡᠰ ᠤᠨ ᠨᠡᠷᠡᠰ ᠤᠨ ᠲᠠᠶᠢᠯᠪᠤᠷᠢ ᠪᠢᠴᠢᠭ︾᠂ ︽ᠵᠠᠭᠤᠨ ᠣᠨᠢᠰᠤᠭᠠ︾ ᠵᠡᠷᠭᠡ ᠶᠢᠨ ᠵᠣᠬᠢᠶᠠᠯ | ᠪᠠ ᠨᠠᠶᠢᠷᠠᠭᠤᠯᠤᠨ ᠡᠮᠬᠢᠳᠬᠡᠭᠰᠡᠨ ᠵᠦᠢᠯ ᠤᠳ ᠢ ᠨᠢ ᠣᠳᠤ ᠪᠣᠯᠲᠠᠯᠠ ᠡᠰᠡ ᠣᠯᠪᠠ᠃ | ᠭᠦᠯᠦᠭᠡ ᠬᠠᠹᠠᠨ ᠤ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠲᠥᠷᠥ ᠱᠠᠰᠢᠨ᠂ ᠨᠡᠶᠢᠭᠡᠮ᠂ ᠬᠥᠮᠥᠨ | ᠠᠷᠠᠳ᠂ ᠪᠠᠶᠢᠭᠠᠯᠢ ᠠᠬᠤᠢ ᠶᠢ ᠰᠤᠳᠤᠯᠬᠤ ᠳᠤ ᠴᠢᠬᠤᠯᠠ ᠰᠦᠪᠡᠭᠴᠢ ᠬᠠᠩᠭᠠᠬᠤ ᠬᠤᠪᠤᠷ ᠨᠠᠨᠳᠢᠨ ᠲᠡᠦᠬᠡᠨ | ᠮᠠᠲ᠋ᠧᠷᠢᠶᠠᠯ ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠨᠡᠩ ᠴᠦ ᠪᠠᠷᠭᠤᠴᠤᠳ ᠤᠨ 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ᠂ | ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠡ ᠶᠢᠨ ᠠᠷᠠᠳ ᠤᠨ ᠤᠷᠠᠨ ᠪᠦᠲᠦᠭᠡᠯ ᠤᠨ ᠰᠤᠳᠤᠯᠭᠠᠨ ᠳᠤ ᠲᠣᠮᠤᠬᠠᠨ | ᠪᠠᠶᠢᠷᠢ ᠰᠠᠭᠤᠷᠢ ᠶᠢ ᠡᠵᠡᠯᠡᠬᠦ ᠨᠢ ᠯᠠᠪᠲᠠᠢ ᠶᠤᠮ᠃ | ᠵᠣᠭᠰᠤᠯᠲᠠ ᠪᠠᠲᠤ ᠵᠣᠷᠢᠭ ᠬᠠᠲᠠᠭᠤ ᠵᠠᠮᠢᠶᠠᠨ ᠤ ᠭᠤᠩᠭᠤᠷ ᠤᠭᠤᠷᠳᠠ | ᠠᠯᠭᠤᠢ ᠣᠪᠤᠭ ᠤᠨ ᠭᠤᠩᠭᠤᠷᠵᠠᠪ᠂ ᠰᠢᠯᠦᠭᠤᠨ ᠰᠢᠷᠠ ᠬᠤᠰᠢᠭᠤᠨ ᠤ ᠬᠤᠶᠠᠳᠤᠭᠠᠷ ᠰᠤᠮᠤᠨ ᠤ ᠬᠥᠮᠥᠨ᠃ | ᠪᠠᠳᠠᠷᠠᠭᠤᠯᠲᠤ ᠲᠥᠷᠥ ᠶᠢᠨ ᠬᠤᠷᠢᠨ ᠲᠠᠪᠤᠳᠤᠭᠠᠷ ︵1899︶ ᠣᠨ ᠳᠤ ᠲᠥᠷᠥᠪᠡ᠃ ᠲᠡᠷᠡ 1943 ᠣᠨ | ᠠᠴᠠ 1946 ᠣᠨ ᠳᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠬᠤᠰᠢᠭᠤᠨ ᠳᠠᠷᠤᠭᠠ ᠪᠠᠶᠢᠪᠠ᠃ | ᠠᠷᠠᠳ ᠣᠯᠠᠨ ᠤ ᠳᠤᠮᠳᠠ ᠭᠤᠩᠭᠤᠷ ᠤᠭᠤᠷᠳᠠ ᠬᠡᠮᠡᠨ ᠠᠯᠳᠠᠷᠰᠢᠪᠠ᠃ | ᠭᠤᠩᠭᠤᠷᠵᠠᠪ ᠪᠠᠷ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠭᠠᠷᠤᠨ ᠲᠡᠦᠬᠡᠨ ᠳᠠᠬᠢ ᠡᠬᠡ ᠣᠷᠤᠨ᠂ ᠠᠷᠠᠳ ᠲᠦᠮᠡᠨ ᠤ ᠲᠥᠯᠥᠭᠡ | ᠵᠢᠳᠬᠦᠵᠦ ᠶᠠᠪᠤᠭᠰᠠᠨ ᠠᠯᠳᠠᠷᠲᠤ ᠬᠥᠮᠥᠰ ᠤᠨ ᠨᠢᠭᠡ ᠶᠤᠮ᠃ | 1945 ᠣᠨ ᠤ 8 ᠰᠠᠷᠠ ᠳᠤ ᠶᠠᠫᠤᠨ ᠪᠠᠭᠤᠨ ᠥᠭᠪᠡ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ | ᠭᠠᠷᠤᠨ ᠬᠤᠰᠢᠭᠤ ᠨᠢ ᠶᠠᠫᠤᠨ ᠤ ᠲᠠᠯᠬᠢᠭᠳᠠᠯ ᠠᠴᠠ ᠠᠩᠬᠢᠵᠢᠷᠠᠭᠰᠠᠨ ᠪᠣᠯᠪᠠᠴᠤ᠂ ᠭᠠᠳᠠᠭᠠᠳᠤ ᠶᠢᠨ | ᠲᠦᠷᠢᠮᠡᠬᠡᠶᠢᠯᠡᠭᠴᠢᠳ ᠲᠤ ᠡᠵᠡᠯᠡᠭᠳᠡᠵᠦ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠴᠣᠬᠤᠮ ᠭᠤᠮᠢᠨᠳᠠᠩ ᠢ ᠳᠠᠭᠠᠳᠠᠭ ᠶᠤᠮ ᠤᠤ︖ ᠡᠪ | ᠬᠠᠮᠲᠤ ᠨᠠᠮ ᠢ ᠳᠠᠭᠠᠳᠠᠭ ᠶᠤᠮ ᠤᠤ︖ ᠡᠰᠡᠪᠡᠯ ᠬᠠᠭᠤᠷᠮᠠᠭ ᠮᠠᠨᠵᠤ ᠤᠯᠤᠰ ᠢ ᠳᠠᠭᠠᠳᠠᠭ ᠶᠤᠮ ᠤᠤ︖ ᠭᠡᠰᠡᠨ | ᠶᠠᠩᠵᠤ ᠪᠦᠷᠢ ᠶᠢᠨ ᠶᠠᠷᠢᠶᠠ ᠴᠤᠤᠷᠬᠠᠯ ᠳᠡᠯᠭᠡᠷᠡᠵᠦ᠂ ᠬᠥᠮᠥᠰ ᠤᠨ ᠰᠡᠳᠬᠢᠯ ᠰᠠᠨᠠᠭᠠ ᠲᠣᠭᠲᠠᠪᠤᠷᠢ ᠦᠭᠡᠢ ᠡᠷᠢᠨ | ᠪᠣᠯᠵᠤ ᠪᠠᠶᠢᠪᠠ᠃ ᠶᠠᠭ ᠡᠨᠡ ᠦᠶᠡ ᠳᠤ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠬᠡᠰᠡᠭ ᠵᠣᠨ ᠬᠠᠯᠬᠠ | ᠮᠣᠩᠭᠤᠯ ᠳᠤ ᠨᠡᠭᠦᠨ ᠣᠷᠣᠪᠠ᠃ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠠᠶᠢᠯ ᠵᠣᠨ ᠢ ᠨᠡᠭᠦᠯᠭᠡᠬᠦ ᠪᠠᠷ ᠵᠠᠷᠢᠮ ᠬᠥᠮᠥᠰ | ᠥᠳᠦᠭᠡᠯᠭᠡ ᠬᠢᠵᠦ ᠬᠥᠯ ᠦᠢᠮᠡᠭᠡᠨ ᠪᠣᠯᠵᠤ ᠪᠠᠶᠢᠪᠠ᠃ | ᠭᠤᠩᠭᠤᠷᠵᠠᠪ ᠡᠨᠡ ᠬᠦᠨᠳᠦ ᠬᠡᠴᠡᠭᠦᠦ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠲᠠᠢ ᠴᠠᠭ ᠡᠷᠢᠨ ᠳᠤ ᠡᠬᠡ ᠣᠷᠤᠨ ᠠᠴᠠ ᠪᠠᠨ | ᠰᠠᠯᠵᠤ ᠪᠣᠯᠬᠤ ᠦᠭᠡᠢ ᠭᠡᠰᠡᠨ ᠪᠠᠲᠤ ᠵᠣᠭᠰᠤᠯᠲᠠ ᠲᠠᠢ ᠪᠠᠶᠢᠵᠤ᠂ ᠤᠤᠯ ᠤᠨ ᠪᠠᠷᠠᠭᠤᠨ ᠭᠠᠷᠤᠨ ᠤᠭᠤᠷᠳᠠ | ᠪᠠᠶᠢᠭᠰᠠᠨ ᠱᠠᠨᠵᠢᠮᠢᠲᠤᠪ᠂ ᠬᠤᠰᠢᠭᠤ ᠶᠠᠮᠤᠨ ᠤ ᠪᠢᠴᠢᠭᠡᠴᠢ ᠰᠧᠶ᠋ᠢ᠂ ᠮᠠᠭᠰᠤᠷ ᠵᠠᠩᠭᠢ᠂ ᠶᠣᠨᠳᠤᠨ ᠰᠢᠷᠡᠭᠡᠲᠦ ᠵᠡᠷᠭᠡ | ᠨᠡᠷᠡ ᠬᠦᠨᠲᠦᠲᠦ ᠬᠥᠮᠥᠰ ᠲᠠᠢ ᠠᠭᠤᠯᠵᠠᠨ ︽ᠣᠯᠠᠨ ᠤ ᠰᠡᠳᠬᠢᠯ ᠢ ᠲᠣᠭᠲᠠᠪᠤᠷᠢᠵᠢᠭᠤᠯᠤᠨ᠂ ᠬᠥᠯ ᠦᠢᠮᠡᠭᠡᠨ | ᠭᠠᠷᠭᠠᠬᠤ ᠶᠢ ᠬᠤᠷᠢᠭᠯᠠᠵᠤ᠂ ᠲᠠᠬᠢᠯᠭᠠ ᠰᠢᠲᠦᠯᠭᠡ ᠲᠠᠢ ᠰᠦᠮᠡ ᠬᠡᠶᠢᠳ᠂ ᠣᠪᠤᠭᠠ ᠠᠭᠤᠯᠠ ᠣᠩᠭᠤᠨ ᠪᠣᠩᠬᠤᠨ | ᠢᠶᠠᠨ ᠣᠷᠬᠢᠵᠤ ᠨᠤᠲᠤᠭ ᠣᠷᠤᠨ ᠠᠴᠠ ᠪᠠᠨ ᠰᠠᠯᠵᠤ ᠬᠠᠷᠢ ᠭᠠᠵᠠᠷ ᠢᠶᠠᠷ ᠴᠠᠭᠠᠴᠢᠯᠠᠵᠤ ᠪᠣᠯᠬᠤ ᠦᠭᠡᠢ︾ ᠭᠡᠵᠤ | ᠴᠢᠬᠤᠯᠠᠴᠢᠯᠠᠨ ᠳᠤᠷᠠᠳᠴᠤ᠂ ᠲᠡᠳᠡᠨ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠠᠷᠠᠳ ᠣᠯᠠᠨ ᠤ ᠰᠠᠨᠠᠭᠠ ᠰᠡᠳᠬᠢᠯ ᠢ ᠲᠣᠭᠲᠠᠭᠤᠨ | ᠪᠣᠯᠭᠠᠵᠤ᠂ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤ ᠠᠴᠠ ᠭᠠᠭᠴᠠ ᠴᠦ ᠠᠶᠢᠯ ᠢ ᠮᠣᠩᠭᠤᠯ ᠤᠯᠤᠰ ᠲᠤ ᠨᠡᠭᠦᠯᠭᠡᠭᠰᠡᠨ ᠦᠭᠡᠢ | ᠪᠢᠯᠡ᠃ ᠲᠡᠷᠡ ᠪᠠᠰᠠ ᠥᠳᠦᠭᠡᠯᠭᠡ ᠬᠢᠵᠦ ᠴᠤᠤᠷᠬᠠᠯ ᠲᠠᠷᠬᠠᠭᠠᠵᠤ ᠪᠠᠶᠢᠭᠰᠠᠨ ᠵᠠᠷᠢᠮ ᠬᠡᠷᠡᠭᠲᠡᠨ ᠤ ᠲᠦᠷᠦᠭᠦᠦ ᠶᠢ | ᠶᠠᠯᠠᠯᠠᠨ ᠰᠢᠢᠳᠬᠡᠪᠡ᠃ | ᠢᠩᠭᠢᠭᠰᠡᠨ ᠢᠶᠠᠷ ᠳᠠᠶᠢᠨ ᠤ ᠳᠠᠷᠠᠭᠠᠬᠢ ᠬᠥᠯ ᠦᠢᠮᠡᠭᠡᠨ ᠳᠠᠷᠤᠭᠳᠠᠵᠤ ᠨᠡᠶᠢᠭᠡᠮ ᠲᠣᠭᠲᠠᠭᠤᠨ ᠪᠣᠯᠵᠤ᠂ ᠠᠷᠠᠳ | ᠲᠦᠮᠡᠨ ᠡᠩᠬᠡ ᠲᠠᠶᠢᠪᠤᠩ ᠠᠵᠤ ᠲᠥᠷᠥᠬᠦ ᠪᠣᠯᠪᠠ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠣᠩᠭᠤᠯ ᠤᠨ ᠴᠡᠷᠢᠭ ᠤᠨ ᠲᠠᠯᠠ ᠠᠴᠠ ᠶᠠᠫᠤᠨ ᠤ ᠲᠠᠩᠨᠠᠭᠤᠯ᠂ ᠬᠠᠭᠤᠷᠮᠠᠭ ᠮᠠᠨᠵᠤ ᠶᠢᠨ | ᠴᠡᠷᠢᠭ ᠴᠠᠭᠳᠠᠭᠠ ᠶᠢ ᠪᠦᠬᠦᠨ ᠢ ᠪᠠᠷᠢᠪᠴᠢᠯᠠᠬᠤ ᠪᠠᠷ ᠱᠠᠭᠠᠷᠳᠠᠪᠠ᠃ ᠡᠭᠦᠨ ᠳᠤ ᠭᠤᠩᠭᠤᠷᠵᠠᠪ ᠮᠣᠩᠭᠤᠯ ᠤᠨ | ᠴᠡᠷᠢᠭ ᠤᠨ ᠲᠦᠯᠦᠭᠡᠯᠡᠭᠴᠢ ᠳᠠᠸᠠᠵᠠᠪ ᠲᠠᠢ ᠠᠭᠤᠯᠵᠠᠵᠤ᠂ ︽ᠶᠠᠫᠤᠨ ᠤ ᠲᠠᠩᠨᠠᠭᠤᠯ ᠢ ᠪᠠᠷᠢᠪᠴᠢᠯᠠᠬᠤ ᠨᠢ ᠵᠥᠪ᠂ | ᠬᠠᠷᠢᠨ ᠬᠠᠭᠤᠷᠮᠠᠭ ᠮᠠᠨᠵᠤ ᠤᠯᠤᠰ ᠤᠨ ᠴᠡᠷᠢᠭ ᠴᠠᠭᠳᠠᠭᠠ ᠨᠢ ᠠᠯᠪᠠᠨ ᠵᠢᠷᠤᠮ ᠢᠶᠠᠷ ᠴᠡᠷᠢᠭ ᠲᠤ ᠲᠠᠲᠠᠭᠳᠠᠵᠤ | ᠠᠯᠪᠠ ᠭᠦᠢᠴᠡᠳᠬᠡᠵᠦ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠶᠠᠫᠤᠨ ᠤ ᠲᠠᠩᠨᠠᠭᠤᠯ ᠲᠠᠢ ᠰᠢᠨᠵᠢ ᠴᠢᠨᠡᠷ ᠨᠢ ᠠᠳᠠᠯᠢ ᠦᠭᠡᠢ ᠶᠤᠮ᠂ | ᠬᠡᠷᠪᠡ ᠴᠡᠷᠢᠭ ᠴᠠᠭᠳᠠᠭᠠ ᠪᠦᠬᠦᠨ ᠢ ᠪᠠᠷᠢᠪᠴᠢᠯᠠᠬᠤ ᠳᠤ ᠬᠦᠷᠪᠡᠯ᠂ ᠮᠠᠨᠵᠤ ᠶᠢᠨ ᠠᠯᠪᠠ ᠬᠠᠭᠠᠵᠤ ᠪᠠᠶᠢᠭᠠ ᠠᠯᠪᠠᠨ | ᠲᠤᠰᠢᠶᠠᠯᠲᠠᠨ ᠪᠣᠯᠬᠤ ᠮᠢᠨᠦ ᠪᠡᠶᠡ ᠠᠴᠠ ᠲᠡᠷᠢᠭᠦᠯᠡᠨ ᠪᠠᠷᠢᠪᠴᠢᠯᠠᠬᠤ ᠬᠡᠷᠡᠭᠲᠡᠢ ᠪᠠᠶᠢᠨᠠ︾ ᠭᠡᠰᠡᠨ ᠳᠤ ᠮᠣᠩᠭᠤᠯ ᠤᠨ | ᠲᠦᠯᠦᠭᠡᠯᠡᠭᠴᠢ ᠠᠴᠠ ᠡᠨᠡ ᠰᠠᠨᠠᠯ ᠢ ᠵᠥᠪ ᠬᠡᠮᠡᠨ ᠵᠥᠪᠰᠢᠶᠡᠷᠡᠵᠦ ᠬᠠᠭᠤᠷᠮᠠᠭ ᠮᠠᠨᠵᠤ ᠶᠢᠨ ᠴᠡᠷᠢᠭ ᠴᠠᠭᠳᠠᠭᠠ | ᠪᠠᠶᠢᠭᠰᠠᠨ ᠣᠯᠠᠨ ᠬᠥᠮᠥᠨ ᠢ ᠪᠠᠷᠢᠪᠴᠢᠯᠠᠭᠰᠠᠨ ᠦᠭᠡᠢ ᠦᠯᠡᠳᠡᠭᠡᠪᠡ᠃ ᠡᠨᠡ ᠤᠳᠠᠭᠠ ᠭᠤᠩᠭᠤᠷᠵᠠᠪ ᠣᠯᠠᠨ | ᠬᠥᠮᠥᠨ ᠢ ᠠᠶᠤᠯ ᠠᠴᠠ ᠠᠪᠤᠷᠠᠭᠰᠠᠨ ᠶᠤᠮ᠃ | ᠲᠤᠰ ᠣᠨ ᠤ ᠨᠠᠢᠮᠠᠨ ᠰᠠᠷᠠ ᠳᠤ ᠶᠠᠫᠤᠨ ᠤ ᠲᠠᠩᠨᠠᠭᠤᠯ ᠨ᠊ · ᠵᠣᠩᠳᠤᠢ᠂ ᠨ᠊ · ᠦᠷᠭᠡᠨᠵᠠᠪ᠂ ᠬᠠᠮᠠᠷ ᠳ᠋ᠠᠰᠢ᠂ | ᠴᠢᠯᠠᠭᠤᠨ᠂ ᠪᠢᠯᠢᠭᠲᠦ ᠶᠢᠨ ᠨᠢᠮᠡ ᠵᠡᠷᠭᠡ ᠶᠢᠨ ᠬᠤᠷᠢ ᠭᠠᠷᠤᠢ ᠲᠠᠩᠨᠠᠭᠤᠯ ᠢ ᠪᠠᠷᠢᠪᠴᠢᠯᠠᠪᠠ᠃ ᠲᠡᠭᠦᠨ ᠠᠴᠠ ᠨᠢᠭᠡ | ᠭᠡᠰᠡᠭ ᠨᠢ ᠡᠷᠬᠢᠵᠦ ᠢᠷᠡᠭᠰᠡᠨ ᠠᠴᠠ ᠨ᠊ · ᠦᠷᠭᠡᠨᠵᠠᠪ ᠭᠤᠸᠠᠢ ᠠᠮᠢᠳᠦ ᠰᠡᠷᠡᠭᠦᠨ ᠪᠠᠶᠢᠭᠰᠠᠭᠠᠷ᠃ |