ᠰᠢᠨᠬᠤᠧᠠ ᠮᠤᠩᠭᠤᠯ ᠨᠧᠲ ᠬᠦᠬᠡᠬᠤᠳᠠ ᠶᠢᠨ 5 ᠰᠠᠷᠠ ᠶᠢᠨ 16 ᠤ ᠡᠳᠦᠷ ᠤᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ 5 | ᠰᠠᠷᠠ ᠶᠢᠨ 11 ᠤ ᠦᠷᠯᠦᠭᠡ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠯᠢᠩᠬᠤᠳᠠ ᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ | ᠬᠤᠶᠠᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ᠤ ᠭᠤᠷᠪᠠᠨ ᠠᠩᠭᠢ ᠶᠢᠨ ᠵᠠᠭᠤ ᠭᠠᠷᠤᠢ ᠰᠤᠷᠤᠬᠴᠢ᠂ | ᠪᠠᠭᠰᠢ ᠨᠠᠷ ᠤᠨ ᠢᠶᠠᠨ ᠳᠠᠭᠠᠭᠤᠯᠭᠠ ᠪᠠᠷ ᠨᠡᠭᠦᠳᠡᠯ ᠮᠠᠯᠵᠢᠬᠤ ᠰᠤᠶᠤᠯ ᠤᠨ ᠨᠢᠭᠡ ᠠᠭᠤᠯᠭᠠ ᠪᠤᠯᠬᠤ ᠬᠤᠷᠠᠭᠠ | ᠢᠮᠨᠡᠬᠦ᠂ ᠮᠤᠩᠭᠤᠯ ᠭᠡᠷ ᠪᠤᠰᠬᠠᠬᠤ ᠵᠡᠷᠭᠡ ᠵᠠᠩ ᠦᠢᠯᠡ ᠢᠶᠠᠨ ᠦᠪᠯᠡᠨ ᠰᠤᠷᠴᠦ᠂ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ | ᠠᠮᠢᠳᠤᠷᠠᠯ ᠳᠤ ᠪᠡᠶᠡᠴᠢᠯᠡᠨ ᠤᠷᠤᠯᠴᠠᠬᠤ ᠪᠠᠷ ᠰᠢᠯᠢᠩᠬᠤᠳᠠ ᠶᠢᠨ ᠪᠤᠯᠠᠭᠠᠨ ᠰᠤᠮᠤᠨ ᠤ ᠰᠠᠷᠠᠭᠤᠯᠳᠠᠯᠠ ᠭᠠᠴᠠᠭᠠᠨ ᠤ | ᠡᠩᠬᠡᠪᠡᠳᠦ ᠶᠢᠨ ᠬᠢ ᠶᠢ ᠵᠤᠷᠢᠯᠠ᠃ | | ᠵᠤᠨ ᠤ ᠡᠬᠢᠨ ᠰᠠᠷᠠ ᠳᠤ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠰᠡᠷᠭᠦᠨ ᠲᠦᠯᠵᠢᠵᠦ᠂ ᠠᠭᠤᠯᠠ ᠰᠢᠯᠢ ᠪᠠᠷ ᠬᠤᠨᠢ ᠦᠬᠡᠷ | ᠠᠯᠠᠬᠯᠠᠨ ᠪᠡᠯᠴᠢᠵᠦ᠂ ᠤᠨᠠᠭᠠ ᠲᠤᠭᠤᠯ ᠰᠦᠷᠦᠭ ᠤᠨ ᠳᠡᠷᠭᠡᠳᠠ ᠲᠤᠬᠯᠠᠯᠳᠤᠨᠠ᠃ ᠬᠡᠤᠬᠡᠳ ᠤᠳ ᠪᠠᠶᠠᠰᠤᠨ | ᠳᠠᠭᠤᠯᠠᠵᠦ᠂ ᠱᠤᠯᠤᠭᠠᠨᠠᠨ ᠬᠦᠭᠡᠷᠦᠯᠳᠦᠵᠦ ᠲᠡᠷᠭᠡ ᠳᠦᠭᠦᠷᠡᠩ ᠢᠨᠢᠶᠡᠳᠦ ᠪᠠᠶᠠᠷ ᠤᠨ ᠳᠤᠮᠳᠠ ᠡᠩᠭᠡᠪᠡᠳᠦ ᠶᠢᠨ | ᠭᠠᠳᠠᠭᠠ ᠬᠦᠷᠴᠦ ᠢᠷᠡᠯᠡ᠃ ᠡᠩᠭᠡᠪᠡᠳᠦ᠂ ᠭᠡᠷᠭᠡᠢ ᠵᠤᠯᠠ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠪᠠᠭᠰᠢ ᠰᠤᠷᠤᠬᠴᠢᠳ ᠢ | ᠬᠠᠯᠠᠭᠤᠨ ᠢᠶᠠᠷ ᠤᠬᠳᠦᠵᠦ ᠬᠤᠷᠠᠭᠠ ᠢᠮᠨᠡᠬᠦ ᠠᠵᠢᠯ ᠡᠬᠢᠯᠡᠪᠡ᠃ ᠮᠤᠩᠭᠤᠯᠴᠤᠳ ᠲᠦᠯ ᠮᠠᠯ ᠢᠶᠠᠨ ᠢᠮᠨᠡᠬᠦ ᠳᠤ ᠪᠠᠨ | ᠠᠶᠢᠯ ᠠᠶᠢᠯ ᠠᠳᠠᠯᠢ ᠪᠤᠰᠤ ᠢᠮ ᠳᠡᠮᠳᠡᠭ ᠰᠤᠩᠭᠤᠵᠦ᠂ ᠡᠳᠦᠷ ᠤᠨ ᠰᠠᠶᠢᠨ ᠲᠡᠭᠷᠢ ᠶᠢᠨ ᠰᠠᠶᠢᠬᠠᠨ ᠢ | ᠳᠤᠬᠢᠶᠠᠯᠳᠤᠭᠤᠯᠤᠨ ᠢᠮᠨᠡᠳᠡᠭ᠃ ᠡᠳᠡᠨ ᠤ ᠬᠤᠨᠢ ᠨᠢ ᠬᠤᠶᠠᠷ ᠴᠢᠬᠢᠨ ᠠᠴᠠ ᠪᠠᠨ ᠴᠤᠭᠤᠯᠪᠤᠷᠢ ᠢᠮ ᠲᠠᠢ ᠶᠤᠮ | ᠪᠠᠶᠢᠨᠠ᠃ | ᠰᠠᠷᠠᠭᠤᠯᠳᠠᠯᠠ ᠭᠠᠴᠠᠭᠠ ᠪᠤᠯ ᠠᠯᠳᠠᠷᠳᠦ ᠳᠠᠷᠬᠠᠨ ᠳᠠᠭᠤᠴᠢᠨ ᠯᠾᠠᠵᠠᠪ ᠭᠤᠸᠠᠢ ᠶᠢᠨ ᠲᠦᠷᠦᠭᠰᠡᠨ ᠨᠤᠳᠤᠭ | ᠪᠤᠯᠬᠤᠷ ᠯᠾᠠᠵᠠᠪ ᠤᠨ ᠳᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠲᠤᠰ ᠭᠠᠴᠠᠭᠠᠨ ᠤ ᠲᠦᠪ ᠲᠤ ᠪᠠᠶᠢᠷᠢᠯᠠᠵᠦ ᠪᠠᠶᠢᠳᠠᠭ᠃ ᠬᠤᠷᠠᠭᠠ | ᠢᠮᠨᠡᠬᠦ ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠭᠠᠳ᠂ ᠪᠦᠭᠦᠳᠡᠭᠡᠷ ᠳᠠᠷᠬᠠᠨ ᠳᠠᠭᠤᠴᠢᠨ ᠤ ᠪᠠᠨ ᠠᠯᠳᠠᠷ ᠲᠡᠤᠬᠡ ᠶᠢ | ᠤᠶᠢᠯᠠᠭᠠᠬᠤ ᠪᠠᠷ ᠳᠤᠷᠠᠰᠬᠠᠯ ᠤᠨ ᠤᠷᠳᠤᠨ ᠳᠤᠨᠢ ᠬᠦᠷᠴᠦ ᠲᠤᠭᠤᠷᠢᠨ ᠦᠵᠡᠵᠡᠭᠡᠯᠡ᠃ ᠳᠤᠷᠠᠰᠬᠠᠯ ᠤᠨ | ᠤᠷᠳᠤᠨ ᠳᠤ ᠯᠾᠠᠵᠠᠪ ᠭᠤᠸᠠᠢ ᠶᠢᠨ ︽ᠡᠪᠦᠭᠡᠨ ᠰᠢᠪᠠᠭᠤ︾ ᠬᠡᠮᠡᠬᠦ ᠤᠷᠳᠤ ᠶᠢᠨ ᠳᠠᠭᠤᠤ ᠤᠶᠠᠩᠭᠠᠷᠠᠨ | ᠳᠠᠭᠤᠷᠢᠰᠴᠦ᠂ ᠰᠤᠷᠤᠬᠴᠢᠳ ᠲᠠᠶᠢᠯᠪᠤᠷᠢᠯᠠᠬᠴᠢ ᠶᠢᠨ ᠶᠠᠷᠢᠬᠤ ᠠᠴᠠ ᠳᠠᠷᠬᠠᠨ ᠳᠠᠭᠤᠴᠢᠨ ᠤ ᠡᠯᠠ ᠴᠠᠭ ᠦᠶᠠ ᠶᠢᠨ | ᠭᠡᠷᠡᠯ ᠵᠢᠷᠤᠭ᠂ ᠦᠯᠢᠭᠡᠷ ᠲᠡᠤᠬᠡ᠂ ᠤᠴᠢᠷ ᠤᠳᠬᠠ ᠶᠢ ᠨᠢᠯᠬᠠ ᠪᠠᠯᠴᠢᠷ ᠤᠶᠤᠨ ᠲᠠᠷᠢᠬᠢᠨ ᠳᠤ ᠪᠠᠨ ᠳᠤᠬᠳᠠᠭᠠᠵᠦ | ᠠᠪᠤᠷᠭᠤ ᠪᠦᠳᠦᠭᠡᠯ ᠤᠳ ᠢ ᠨᠢ ᠪᠢᠰᠢᠷᠡᠨ ᠪᠠᠭ᠋ᠠᠳᠤᠵᠦ ᠪᠠᠶᠢᠪᠠ᠃ | ᠦᠳᠠ ᠠᠴᠠ ᠬᠤᠶᠢᠨᠠ᠂ ᠡᠩᠭᠡᠪᠡᠲᠦ ᠶᠢᠨ ᠬᠦᠷᠢᠶᠡᠨ ᠳᠤ ᠮᠤᠩᠭᠤᠯ ᠭᠡᠷ ᠪᠤᠰᠬᠠᠵᠤ᠂ ᠳᠡᠬᠦᠨ ᠤ | ᠪᠦᠳᠦᠴᠠ ᠠᠴᠠ ᠡᠬᠢᠯᠡᠭᠡᠳ ᠶᠠᠭᠠᠬᠢᠵᠦ ᠪᠠᠷᠢᠬᠤ ᠶᠤᠰᠦ ᠵᠠᠶ᠋᠊ᠢᠭ ᠲᠠᠢ ᠨᠠᠷᠢᠨ ᠲᠠᠨᠢᠯᠴᠠᠨ ᠲᠡᠳᠡᠨ ᠢᠶᠠᠷ ᠬᠠᠮᠵᠢᠭᠤᠯᠤᠨ | ᠪᠡᠶᠡᠳᠡᠨ ᠤᠶᠢᠯᠠᠭᠠᠭᠤᠯᠤᠯᠠ᠃ ᠵᠤᠯᠠ᠄ ︽ᠮᠤᠩᠭᠤᠯ ᠭᠡᠷ ᠤᠨ ᠲᠤᠭᠤᠨᠤ᠂ ᠤᠨᠢ᠂ ᠬᠠᠨᠠ᠂ ᠬᠠᠭᠠᠯᠭᠠ ᠪᠣᠯ ᠪᠦᠷ | ᠮᠤᠳᠤᠨ ᠪᠦᠳᠦᠴᠠ ᠲᠠᠢ᠃ ᠡᠷᠦᠬᠡ᠂ ᠳᠡᠭᠡᠪᠦᠷ᠂ ᠲᠤᠭᠤᠷᠭᠠ ᠶᠢ ᠪᠣᠯ ᠢᠰᠡᠭᠡᠢ ᠪᠠᠷ ᠬᠢᠳᠡᠭ᠂ ᠤᠭᠤᠰᠤᠷ᠂ | ᠪᠦᠰᠡᠯᠡᠭᠦᠷ᠂ ᠦᠳᠡᠭᠡᠷᠢ ᠶᠢ ᠪᠣᠯ ᠬᠠᠷᠢᠨ ᠳᠡᠭᠡᠰᠦ᠂ ᠰᠤᠷ ᠢᠶᠠᠷ ᠬᠢᠳᠡᠭ ᠶᠤᠮ᠃ ᠮᠤᠩᠭᠤᠯ ᠭᠡᠷ ᠪᠤᠰᠬᠠᠬᠤ ᠳᠤ ᠪᠠᠨ | ᠬᠠᠮᠤᠭ ᠤᠷᠢᠳᠠᠪᠠᠷ ᠬᠠᠭᠠᠯᠭᠠ ᠪᠠᠨ ᠰᠠᠶᠢᠬᠠᠨ ᠬᠠᠷᠠᠭᠠ ᠲᠠᠭᠠᠷᠠᠭᠤᠯᠤᠨᠠ᠂ ᠠᠭᠤᠯᠠ ᠶᠢᠨ ᠠᠮᠠ ᠪᠤᠶᠤ ᠪᠤᠷᠤᠭᠤ | ᠬᠠᠵᠠᠭᠤ ᠳᠡᠰᠢ ᠬᠠᠷᠠᠭᠤᠯᠬᠤ ᠶᠢ ᠴᠡᠭᠡᠷᠡᠯᠳᠡᠭ᠃ ᠲᠡᠭᠡᠭᠡᠳ ᠬᠠᠨᠠ ᠪᠠᠨ ᠳᠡᠯᠭᠡᠵᠦ᠂ ᠲᠤᠭᠤᠨᠤ ᠪᠠᠨ ᠡᠷᠭᠦᠵᠦ᠂ | ᠤᠨᠢ ᠪᠠᠨ ᠬᠠᠳᠬᠤᠨᠠ᠃ ᠭᠡᠷ ᠪᠤᠰᠬᠠᠬᠤ ᠳᠤ ᠪᠠᠨ ᠪᠠᠷᠠᠭᠤᠨ ᠤᠷᠢᠳᠦ ᠲᠠᠯᠠ ᠠᠴᠠ ᠨᠢ ᠡᠬᠢᠯᠡᠵᠦ᠂ ᠵᠡᠭᠦᠨ ᠤᠷᠢᠳᠤ | ᠲᠠᠯᠠ ᠳᠤᠨᠢ ᠭᠦᠢᠴᠡᠭᠡᠳᠡᠭ ᠰᠢᠤ ᠁︾ ᠭᠡᠵᠦ ᠰᠤᠷᠤᠬᠴᠢᠳ ᠲᠤ ᠨᠠᠷᠢᠨ ᠲᠠᠶᠢᠯᠪᠤᠷᠢᠯᠠᠵᠦ ᠦᠭᠭᠦᠨᠠ᠃ ᠤᠳᠠᠯ | ᠦᠭᠡᠢ ᠡᠳᠡᠨ ᠤ ᠬᠦᠷᠢᠶᠡᠨ ᠳᠤ ᠲᠠᠪᠤᠨ ᠬᠠᠨᠠ ᠲᠠᠢ ᠪᠦᠮᠪᠦᠭᠡᠷ ᠴᠠᠭᠠᠨ ᠮᠤᠩᠭᠤᠯ ᠭᠡᠷ ᠪᠤᠰᠴᠦ᠂ ᠬᠡᠤᠬᠡᠳ ᠤᠳ | ᠤᠷᠤᠵᠦ ᠭᠠᠷᠤᠨ ᠬᠦᠭᠡᠷᠦᠯᠳᠤᠨ ᠭᠦᠶᠦᠯᠳᠦᠨᠠ᠃ | | | | | | | | |