| ᠬᠢᠯᠭᠠᠰᠤ ᠲᠠᠮᠤᠬᠤ᠂ ᠮᠠᠯ ᠬᠠᠷᠠ ᠪᠠᠨ ᠤᠰᠤᠯᠠᠵᠤ ᠬᠠᠷᠢᠭᠤᠯᠬᠤ᠂ ᠮᠤᠷᠢ ᠤᠷᠭᠠᠯᠠᠬᠤ᠂ ᠬᠤᠷᠠᠭᠠ ᠢᠰᠢᠭᠡ | ᠪᠠᠨ ᠤᠭᠵᠢᠬᠤ᠂ ᠬᠦᠷᠵᠡᠩ ᠭᠠᠷᠭᠠᠬᠤ᠂ ᠬᠤᠷᠤᠭᠠ ᠬᠠᠰᠢᠶᠠ ᠪᠠᠨ ᠴᠡᠪᠡᠷᠯᠡᠬᠦ᠂ ᠴᠠᠭᠠᠨ ᠢᠲᠡᠭᠡ ᠬᠢᠬᠦ ᠵᠡᠷᠭᠡ ᠨᠢ | ᠮᠠᠯᠴᠢᠳ ᠲᠤ ᠠᠪᠴᠤ ᠬᠡᠯᠡᠪᠡᠯ ᠡᠭᠡᠯ ᠪᠤᠷᠤᠭᠵᠢᠭᠤᠨ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠲᠤᠷᠠᠯᠤᠨ ᠬᠢᠨᠢ ᠲᠤᠮᠲᠠᠬᠢ ᠡᠪ | ᠡᠩ ᠤᠨ ᠬᠢᠲᠠᠯ ᠪᠠᠷᠢᠲᠠᠯ ᠪᠠᠶᠢᠬᠤ ᠳᠤ ᠬᠦᠲᠡᠭᠡ ᠨᠤᠲᠤᠭ ᠢᠶᠠᠷ ᠬᠦᠷᠦᠭᠡ ᠦᠭᠡᠢ᠂ ᠬᠦᠲᠡᠭᠡ ᠶᠢᠨ ᠠᠮᠢᠲᠤᠷᠠᠯ ᠲᠠᠢ | ᠤᠶᠢᠷᠠᠳᠴᠤ ᠦᠩᠭᠡᠷᠡᠭᠡ ᠦᠭᠡᠢ ᠬᠦᠮᠦᠰ ᠲᠤ ᠠᠪᠴᠤ ᠬᠡᠯᠡᠪᠡᠯ ᠡᠲᠡᠭᠡᠷ ᠨᠢ ᠬᠠᠷᠢᠨ ᠠᠩᠬᠠᠷᠤᠯ ᠪᠠᠭ᠋ᠠᠷᠬᠠᠯ ᠢ ᠨᠢ | ᠲᠠᠲᠠᠲᠠᠭ ᠰᠤᠨᠢᠨ ᠰᠡᠪᠡᠭᠦᠨ ᠵᠦᠢᠯᠡᠰ ᠪᠤᠯᠤᠭᠰᠠᠨ ᠪᠠᠶᠢᠲᠠᠭ᠃ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ | ᠬᠤᠭᠤᠯᠠᠲᠤ ᠶᠢᠨ ᠭᠤᠤᠯ ᠪᠠᠯᠭᠠᠰᠤᠨ ᠤ ᠠᠯᠳ᠋ᠬᠠᠤᠲᠤ ᠭᠠᠴᠠᠭᠠ ᠪᠠᠷ ᠨᠤᠲᠤᠭ ᠲᠠᠢ ᠤᠶᠠᠩᠭ᠋ᠠ ᠡᠲᠡᠭᠡᠷ ᠬᠦᠮᠦᠰ ᠤᠨ | ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠲᠤᠷᠠᠯ ᠳᠤ ᠲᠦᠷᠦᠭᠲᠡᠬᠦ ᠰᠤᠨᠢᠷᠬᠠᠯᠲᠤ ᠰᠡᠳᠬᠢᠯ ᠪᠠ ᠤᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠳᠤ | ᠭᠠᠷ ᠤᠲᠠᠰᠤᠨ ᠤ ᠸᠢᠳᠢᠤ᠋᠂ ᠰᠢᠭᠤᠳ ᠨᠡᠪᠲᠡᠷᠡᠬᠦᠯᠭᠡ ᠶᠢᠨ ᠲᠠᠪᠴᠠᠩ ᠦᠳᠲᠡᠷ ᠬᠦᠭᠵᠢᠭᠰᠡᠨ ᠲᠤᠬᠢᠶᠠᠯ ᠢ | ᠠᠰᠢᠭᠯᠠᠵᠤ᠂ ᠬᠦᠲᠡᠭᠡ ᠨᠤᠲᠤᠭ ᠤᠨ ᠢᠶᠠᠨ ᠠᠮᠢᠲᠤᠷᠠᠯ ᠠᠬᠤᠢ ᠶᠢ ᠦᠨᠡᠨ ᠪᠤᠲᠠᠲᠠᠢ ᠪᠠᠷ ᠵᠢᠷᠤᠭᠯᠠᠨ ᠰᠢᠩᠭᠡᠭᠡᠵᠦ | ᠤᠯᠤᠰ ᠤᠨ ᠲᠤᠲᠤᠭᠠᠲᠤ ᠭᠠᠲᠠᠭᠠᠲᠤ ᠶᠢᠨ ᠦᠵᠡᠭᠴᠢᠳ ᠲᠠᠢ ᠬᠤᠪᠢᠶᠠᠯᠴᠠᠵᠤ᠂ ᠤᠬᠤᠷᠬᠠᠨ 4 ᠰᠠᠷᠠ ᠶᠢᠨ | ᠬᠤᠭᠤᠴᠠᠭᠠᠨ ᠳᠤ 7.8 ᠲᠦᠮᠡᠨ ᠬᠦᠷᠢᠶᠡᠯᠡᠭᠴᠢ ᠲᠠᠢ ᠪᠤᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠦᠯᠡᠮᠵᠢ ᠤᠷᠤᠯᠭᠠ | ᠡᠭᠦᠳᠬᠦ ᠵᠠᠮ ᠢ ᠡᠯᠬᠦᠵᠡᠢ᠃ | ᠤᠶᠠᠩᠭ᠋ᠠ ᠭᠡᠵᠦ ᠶᠡᠭᠡ ᠬᠦᠬᠡᠷᠦᠬᠦᠨ ᠴᠤᠪᠤᠭᠤᠯᠢᠭ᠂ ᠵᠤᠷᠢᠭ ᠲᠠᠢ ᠪᠦᠭᠡᠳ ᠤᠷᠤᠯᠲᠤᠯᠭᠠ ᠲᠠᠢ ᠦᠬᠢᠨ ᠪᠢᠯᠡ | ᠃ ᠡᠨᠡ ᠵᠢᠯ 23 ᠨᠠᠰᠤᠲᠠᠢ ᠠᠲᠠᠯᠠ ᠪᠠᠨ ᠦᠪᠡᠷ ᠤᠨ ᠡᠷᠬᠢᠯᠡᠵᠦ ᠪᠠᠶᠢᠭᠠ ᠦᠢᠯᠡᠰ᠂ ᠰᠤᠩᠬᠤᠭᠰᠠᠨ ᠵᠠᠮ | ᠮᠦᠷ ᠲᠡᠭᠡᠨ ᠡᠷᠡᠰ ᠰᠢᠭᠤᠷᠬᠠᠢ ᠤᠪᠤᠷ ᠬᠠᠨᠲᠤᠯᠭᠠ ᠲᠠᠢ᠃ 2017 ᠤᠨ ᠳᠤ ᠦᠪᠦᠷ ᠮᠤᠩᠬᠤᠯ ᠤᠨ ᠡᠳ᠋ ᠤᠨ | ᠵᠠᠰᠠᠭ ᠠᠵᠤ ᠠᠬᠤᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠭᠠᠵᠠᠷ ᠰᠢᠷᠤᠢ ᠶᠢᠨ ᠡᠬᠢ ᠪᠠᠶᠠᠯᠢᠭ ᠤᠨ ᠬᠠᠮᠢᠶᠠᠷᠤᠯᠲᠠ ᠶᠢᠨ | ᠲᠤᠰᠬᠠᠢ ᠮᠡᠷᠭᠡᠵᠢᠯ ᠠᠴᠠ ᠲᠡᠭᠦᠰᠴᠦ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠵᠠᠢ᠃ ᠬᠠᠷᠢᠨ ᠨᠢᠭᠡ ᠤᠲᠠᠭᠠ ᠭᠠᠯᠲᠤ ᠲᠡᠷᠭᠡᠨ | ᠲᠡᠭᠡᠷᠡ ᠰᠠᠭᠤᠵᠤ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠬᠤ ᠵᠠᠮ ᠵᠠᠭᠤᠷᠠ ᠭᠠᠲᠠᠨᠠ ᠮᠤᠵᠢ ᠤᠷᠤᠨ ᠤ ᠵᠤᠭᠠᠴᠠᠭᠰᠠᠳ ᠲᠠᠢ | ᠬᠠᠷᠭᠤᠵᠤ᠂ ᠤᠶᠠᠩᠭ᠋ᠠ ᠶᠢ ᠪᠠᠯᠴᠢᠷ ᠪᠠᠭᠠ ᠨᠠᠰᠤᠨ ᠠᠴᠠ ᠪᠠᠨ ᠬᠦᠲᠡᠭᠡ ᠨᠤᠲᠤᠭ ᠲᠤ ᠮᠠᠯ ᠤᠨᠤᠭᠠ ᠲᠠᠢ ᠪᠠᠨ | ᠲᠤᠭᠯᠠᠵᠤ ᠦᠰᠦᠭᠰᠡᠨ ᠢ ᠨᠢ ᠰᠤᠨᠤᠰᠤᠭᠠᠳ ᠮᠤᠩᠬᠤᠯ ᠨᠤᠲᠤᠭ ᠲᠤ ᠲᠦᠢᠯ ᠤᠨ ᠶᠡᠭᠡ ᠰᠤᠨᠢᠷᠬᠠᠯ ᠲᠠᠢ ᠪᠠᠶᠢᠭᠠ | ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠬᠦ ᠶᠢᠨ ᠲᠠᠭᠠᠤ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠲᠤᠷᠠᠯ ᠤᠨ ᠲᠠᠯᠠ ᠠᠴᠠ ᠰᠢᠭᠤᠳ ᠬᠠᠷᠠᠵᠤ | ᠮᠡᠲᠡᠷᠡᠬᠦ ᠲᠠᠪᠴᠠᠩ ᠪᠠᠶᠢᠲᠠᠭ ᠪᠤᠯ ᠡ ᠭᠡᠰᠡᠨ ᠪᠤᠲᠤᠯ ᠢᠶᠠᠨ ᠲᠡᠯᠭᠡᠵᠡᠢ᠃ ᠲᠠᠨᠢᠯ ᠪᠤᠰᠤ ᠬᠦᠮᠦᠰ ᠤᠨ | ᠬᠤᠭᠤᠷᠤᠨᠲᠤᠬᠢ ᠬᠦᠲᠡᠭᠡ ᠨᠤᠲᠤᠭ ᠲᠤ ᠰᠤᠨᠢᠷᠬᠠᠯ ᠲᠠᠢ ᠪᠠᠶᠢᠲᠠᠭ ᠶᠠᠷᠢᠶᠠᠨ ᠠᠴᠠ ᠤᠶᠠᠩᠭ᠋ᠠ ᠮᠠᠨᠢ ᠦᠢᠯᠡᠰ | ᠪᠦᠲᠦᠭᠡᠬᠦ ᠶᠠᠭᠤ ᠨᠢᠭᠡ ᠶᠢ ᠪᠤᠲᠤᠵᠤ ᠠᠮᠵᠢᠭᠤᠯᠵᠠᠢ᠃ | ᠰᠤᠷᠭᠠᠭᠤᠯᠢ ᠲᠡᠭᠦᠰᠬᠦ ᠲᠡᠷᠡ ᠵᠢᠯ ᠤᠨ ᠢᠶᠠᠨ 11 ᠰᠠᠷᠠ ᠳᠤ ᠤᠶᠠᠩᠭ᠋ᠠ ᠰᠡᠳᠬᠢᠯ ᠳᠤ ᠬᠤᠨᠤᠭᠰᠢᠭᠰᠠᠨ | ᠪᠤᠲᠤᠯ ᠢᠶᠠᠨ ᠦᠢᠯᠡᠳᠦᠯᠭᠡᠵᠢᠬᠦᠯᠬᠦ ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠵᠦ᠂ ᠲᠠᠲᠤᠯᠭᠠ ᠬᠢᠵᠦ ᠪᠠᠶᠢᠭᠰᠠᠨ ᠠᠵᠢᠯ ᠢᠶᠠᠨ | ᠤᠷᠬᠢᠵᠤ ᠲᠤᠰᠬᠠᠶᠢᠯᠠᠨ ᠸᠢᠳᠢᠤ᠋ ᠦᠢᠯᠡᠳᠬᠦ᠂ ᠵᠢᠷᠤᠭ ᠲᠠᠲᠠᠬᠤ ᠮᠡᠷᠭᠡᠵᠢᠯ ᠢ ᠨᠡᠯᠢᠶᠡᠳ ᠭᠦᠨᠴᠡ ᠲᠠᠢ ᠰᠤᠷᠤᠯᠴᠠᠵᠤ | ᠡᠬᠢᠯᠡᠵᠡᠢ᠃ ᠲᠡᠷᠡ ᠮᠠᠨᠢ ᠵᠢᠷᠤᠭ ᠰᠡᠭᠦᠲᠡᠷ ᠲᠠᠲᠠᠲᠠᠭ᠂ ᠸᠢᠳᠢᠤ᠋ ᠪᠢᠴᠢᠯᠭᠡ ᠰᠡᠭᠦᠲᠡᠷᠯᠡᠵᠦ ᠪᠦᠲᠦᠭᠡᠬᠦ ᠳᠡᠭᠡᠨ | ᠴᠠᠭᠠᠷᠠᠭᠰᠠᠨ ᠬᠦᠮᠦᠰ ᠠᠴᠠ ᠬᠠᠮᠢ᠊ ᠡᠶᠡ ᠪᠦᠬᠦᠢ ᠮᠡᠲᠡᠯᠭᠡ ᠮᠡᠲᠡᠴᠡ ᠶᠢ ᠰᠤᠷᠤᠯᠴᠠᠬᠤ ᠶᠢᠨ ᠲᠠᠭᠠᠤ ᠰᠦᠯᠵᠢᠶᠠᠨ | ᠲᠡᠭᠡᠷᠡ ᠶᠡᠭᠡ ᠬᠦᠷᠢᠶᠡᠯᠡᠯ ᠲᠠᠢ ᠪᠠᠶᠢᠲᠠᠭ ᠬᠦᠮᠦᠰ ᠤᠨ ᠨᠡᠶᠢᠲᠡᠯᠡᠭᠰᠡᠨ ᠪᠦᠲᠦᠭᠡᠯ ᠤᠳ ᠢ ᠰᠤᠨᠢᠷᠬᠠᠵᠤ᠂ ᠲᠡᠲᠡᠨ ᠤ | ᠵᠢᠷᠤᠬᠯᠠᠬᠤ ᠠᠷᠭᠠ ᠪᠠᠷᠢᠯ ᠵᠡᠷᠭᠡ ᠲᠠᠯᠠ ᠠᠴᠠ ᠵᠠᠲᠠᠯᠤᠨ ᠰᠤᠷᠤᠯᠴᠠᠵᠤ᠂ ᠨᠡᠯᠢᠶᠡᠳ ᠮᠡᠷᠭᠡᠰᠢᠭᠰᠡᠨ ᠢᠶᠠᠨ 2018 | ᠤᠨ ᠤ 1 ᠰᠠᠷᠠ ᠳᠤ ︽ᠦᠨᠦᠲᠦᠷ ᠤᠨ ᠲᠡᠷᠢᠬᠦᠨ ᠵᠤᠷᠪᠤᠰ︾ ᠭᠠᠷ ᠤᠲᠠᠰᠤᠨ ᠤ APP ᠲᠡᠭᠡᠷᠡ ︽ᠲᠠᠯᠠ | ᠨᠤᠲᠤᠭ ᠤᠨ ᠰᠠᠭᠤᠭᠲᠠᠯ ᠰᠢᠯᠢ ᠶᠢᠨ ᠭᠤᠤᠯ︾ ᠬᠡᠮᠡᠬᠦ ᠳ᠋ᠤᠭᠠᠷ ᠢᠶᠠᠨ ᠪᠦᠷᠢᠳᠭᠡᠬᠦᠯᠵᠦ᠂ ᠦᠪᠡᠷ ᠤᠨ ᠵᠢᠷᠤᠭᠯᠠᠭᠰᠠᠨ | ᠸᠢᠳᠢᠤ᠋ ᠪᠠᠨ ᠨᠡᠶᠢᠲᠡᠯᠡᠬᠦ ᠪᠤᠯᠪᠠ᠃ ᠤᠶᠠᠩᠭ᠋ᠠ ᠶᠢᠨ ᠨᠡᠶᠢᠲᠡᠯᠡᠭᠰᠡᠨ ᠸᠢᠳᠢᠤ᠋ ᠪᠦᠲᠦᠭᠡᠯ ᠤᠳ ᠤᠨ ᠤᠯᠠᠩᠬᠢ ᠨᠢ ᠭᠤᠷᠪᠠ | ᠲᠦᠷᠪᠡᠨ ᠮᠢᠨᠦ᠋ᠲ ᠤᠨ ᠲᠦᠯᠦᠪ ᠲᠠᠢ ᠪᠠᠶᠢᠵᠤ᠂ ᠡᠲᠦᠷ ᠲᠤ ᠲᠤᠭᠲᠠᠭᠰᠠᠨ ᠴᠠᠭ ᠲᠤ ᠨᠢᠭᠡ ᠠᠴᠠ ᠬᠤᠶᠠᠷ ᠪᠦᠯᠦᠭ | ᠰᠢᠨᠡᠴᠢᠯᠡᠲᠡᠭ᠃ ᠭᠤᠤᠯᠲᠠᠭᠤ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠰᠠᠭᠤᠷᠢᠯᠠᠨ᠂ ᠭᠡᠷ ᠵᠠᠭᠤᠷᠠ ᠶᠢᠨ ᠬᠤᠭᠤᠯᠠ ᠪᠤᠲᠠᠭᠠ | ᠂ ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠢᠲᠡᠭᠡᠨ ᠬᠢᠬᠦ ᠠᠴᠠ ᠮᠠᠯ ᠰᠦᠷᠦᠭ ᠤᠨ ᠢᠶᠠᠨ ᠲᠡᠷᠭᠡᠲᠡ ᠪᠤᠯᠤᠭᠰᠠᠨ ᠠᠲᠠᠯ ᠬᠢᠲᠡᠯ ᠵᠢᠴᠢ | ᠭᠠᠴᠠᠭᠠᠨ ᠳᠤ ᠶᠠᠪᠤᠭᠲᠠᠭᠰᠠᠨ ᠤᠳᠬᠠ ᠠᠭᠤᠯᠭᠠ ᠲᠠᠢ ᠠᠵᠢᠯᠯᠠᠭᠠ᠂ ᠬᠠᠪᠤᠷ ᠤᠨ ᠤᠯᠠᠷᠢᠯ ᠤᠨ ᠪᠡᠯᠴᠢᠭᠡᠷ | ᠰᠡᠷᠭᠦᠭᠡᠬᠦ ᠲᠦᠷᠦ ᠶᠢᠨ ᠪᠤᠲᠤᠯᠭᠠ ᠬᠡᠷᠡᠭᠵᠢᠬᠦᠯᠦᠭᠰᠡᠨ ᠪᠠᠶᠢᠲᠠᠯ ᠵᠡᠷᠭᠡ ᠲᠠᠯᠠ ᠠᠴᠠ ᠤᠯᠠᠨ ᠤ ᠬᠠᠷᠠᠭᠠᠨ ᠳᠤ | ᠲᠡᠯᠭᠡᠵᠦ᠂ ᠮᠠᠯᠴᠢᠳ ᠤᠨ ᠠᠮᠢᠲᠤᠷᠠᠯ ᠤᠨ ᠦᠨᠡᠨ ᠪᠤᠳᠠᠲᠠᠢ ᠵᠢᠷᠤᠭᠯᠠᠯ ᠪᠤᠯᠵᠤ ᠴᠢᠲᠠᠭᠰᠠᠨ ᠢᠶᠠᠷ ᠬᠦᠷᠢᠶᠡᠯᠡᠭᠴᠢ ᠶᠢᠨ | ᠲᠤᠭᠠ ᠨᠢ ᠠᠩᠬᠠᠨ ᠤ ᠬᠠᠭᠠᠰ ᠰᠠᠷᠠ ᠳᠤ 100 ᠭᠠᠷᠤᠢ ᠯᠡ ᠪᠠᠶᠢᠭᠰᠠᠨ ᠢᠶᠠᠨ ᠤᠲᠤ ᠪᠤᠯᠬᠤ ᠳᠤ 7.8 ᠲᠦᠮᠡ | ᠪᠤᠯᠵᠤ ᠨᠡᠮᠡᠭᠲᠡᠭᠰᠡᠨ ᠪᠠᠶᠢᠨᠠ᠃ ᠤᠶᠠᠩᠭ᠋ᠠ ᠶᠢᠨ ᠨᠡᠶᠢᠲᠡᠯᠡᠭᠰᠡᠨ ᠮᠠᠯᠴᠢᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠲᠤᠷᠠᠯ ᠢ | ᠬᠠᠷᠠᠭᠤᠯᠤᠭᠰᠠᠨ ᠸᠢᠳᠢᠤ᠋ ᠤᠲᠤ ᠪᠤᠯᠬᠤ ᠳᠤ ᠨᠡᠶᠢᠲᠡ 150 ᠪᠦᠯᠦᠭ ᠬᠦᠷᠲᠡᠯᠡ ᠰᠢᠨᠡᠴᠢᠯᠡᠭᠲᠡᠵᠦ᠂ ᠬᠠᠮᠤᠭ ᠤᠨ | ᠶᠡᠭᠡ ᠲᠠᠷᠤᠮ ᠤᠨ ᠲᠤᠭᠠ ᠨᠢ 56 ᠲᠦᠮᠡ ᠲᠠᠪᠠᠵᠤ᠂ ᠸᠢᠳᠢᠤ᠋ ᠶᠢᠨ ᠨᠡᠶᠢᠲᠡ ᠲᠠᠷᠤᠮ ᠤᠨ ᠲᠤᠭᠠ 1000 ᠰᠢᠬᠠᠮ | ᠲᠦᠮᠡ ᠳᠤ ᠬᠦᠷᠴᠦ᠂ ᠤᠬᠤᠷᠬᠠᠨ 4 ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ 3 ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ | ᠡᠭᠦᠳᠴᠡᠢ᠃ | ᠦᠵᠦᠮᠦᠴᠢᠨ ᠨᠤᠲᠤᠭ ᠤᠨ ᠠᠭᠤᠲᠠᠮ ᠦᠷᠦᠴᠡᠨ ᠳᠤ ᠦᠰᠴᠤ ᠲᠤᠮᠤᠵᠢᠭᠰᠠᠨ ᠬᠦᠲᠡᠭᠡ ᠶᠢᠨ ᠦᠬᠢᠨ ᠮᠠᠨᠢ | ᠮᠠᠯᠴᠢᠨ ᠠᠶᠢᠯ ᠤᠨ ᠪᠤᠷᠤ ᠭᠡᠷ ᠤᠨ ᠠᠮᠢᠲᠤᠷᠠᠯ ᠠᠬᠤᠢ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠸᠢᠳᠢᠤ᠋ ᠪᠠᠨ ᠤᠯᠠᠨ ᠳᠤ | ᠰᠤᠨᠢᠷᠬᠠᠭᠤᠯᠵᠤ᠂ ᠮᠠᠯᠴᠢᠳ ᠤᠨ ᠡᠭᠡᠯ ᠪᠤᠷᠤᠭᠵᠢᠭᠤᠨ᠂ ᠠᠵᠢᠯᠴᠢ ᠬᠦᠲᠡᠯᠮᠦᠷᠢᠴᠢ᠂ ᠠᠰᠠᠪᠤᠷ ᠴᠠᠭᠠᠪᠤᠷ ᠢ | ᠲᠤᠰᠬᠠᠵᠤ ᠴᠢᠲᠠᠭᠰᠠᠨ ᠨᠢ ᠲᠡᠭᠦᠨ ᠤ ᠠᠩᠬᠠᠨ ᠤ ᠠᠮᠵᠢᠯᠲᠠ ᠯᠡ ᠲᠡᠲᠦᠢ᠂ ᠬᠠᠷᠢᠨ ᠲᠡᠭᠦᠨ ᠤ ᠡᠴᠦᠰ ᠤᠨ | ᠬᠠᠷᠠᠯᠲᠠ ᠨᠢ ᠡᠭᠦᠪᠡᠷ ᠲᠠᠮᠵᠢᠭᠤᠯᠵᠤ ᠦᠵᠦᠮᠦᠴᠢᠨ ᠨᠤᠲᠤᠭ᠂ ᠴᠢᠨᠠᠭᠰᠢᠯᠠᠪᠠᠯ ᠰᠢᠯᠢ ᠶᠢᠨ ᠭᠤᠤᠯ ᠨᠤᠲᠤᠭ ᠢᠶᠠᠨ | ᠨᠡᠩ ᠤᠯᠠᠨ ᠬᠦᠮᠦᠰ ᠲᠤ ᠲᠠᠨᠢᠭᠤᠯᠵᠤ ᠤᠶᠢᠯᠠᠭᠠᠭᠤᠯᠵᠤ᠂ ᠨᠤᠲᠤᠭ ᠤᠷᠤᠨ ᠤ ᠪᠠᠨ ᠨᠡᠷᠡ ᠠᠯᠲᠠᠷᠰᠢᠯ ᠢ | ᠨᠡᠮᠡᠭᠲᠡᠬᠦᠯᠵᠦ᠂ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠪᠦᠲᠦᠭᠡᠭᠲᠡᠬᠦᠨ᠂ ᠦᠨᠳᠦᠰᠦᠲᠡᠨ ᠤ ᠪᠦᠲᠦᠭᠡᠭᠲᠡᠬᠦᠨ ᠤ | ᠪᠤᠷᠤᠯᠠᠭᠤᠯᠭᠠ ᠶᠢ ᠨᠡᠮᠡᠭᠲᠡᠬᠦᠯᠵᠦ᠂ ᠮᠠᠯᠴᠢᠳ ᠤᠨ ᠤᠷᠤᠯᠭᠠ ᠶᠢᠨ ᠨᠡᠮᠡᠭᠲᠡᠯ ᠢ ᠲᠠᠶᠢᠴᠢᠯᠠᠬᠤ ᠶᠠᠪᠤᠲᠠᠯ ᠪᠢᠯᠡ᠃ | ︽ᠲᠠᠷᠠᠭᠠ ᠪᠠᠷ ᠪᠢ ᠨᠤᠲᠤᠭ ᠠᠴᠠ ᠪᠠᠨ ᠭᠠᠷᠴᠤ᠂ ᠮᠠᠨ ᠤ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠡᠯᠡ ᠬᠤᠰᠢᠭᠤ | ᠰᠢᠶᠠᠨ ᠢᠶᠠᠷ ᠬᠦᠷᠴᠦ ᠨᠤᠲᠤᠭ ᠨᠤᠲᠤᠭ ᠤᠨ ᠰᠤᠶᠤᠯ ᠢᠷᠭᠡᠨᠰᠢᠯ᠂ ᠵᠠᠩ ᠦᠢᠯᠡ᠂ ᠵᠤᠭᠠᠴᠠᠯ ᠤᠨ ᠦᠵᠡᠮᠵᠢᠲᠦ | ᠤᠷᠤᠨ ᠤ ᠲᠤᠬᠠᠢ ᠲᠠᠨᠢᠯᠴᠠᠭᠤᠯᠭᠠ ᠬᠢᠬᠦ ᠰᠠᠨᠠᠭᠠ ᠲᠠᠢ︾ ᠭᠡᠵᠦ ᠤᠶᠠᠩᠭ᠋ᠠ ᠬᠤᠶᠢᠰᠢᠲᠠ ᠶᠢᠨ ᠲᠦᠰᠦᠯ | ᠲᠦᠯᠦᠪᠯᠡᠭᠡ ᠤ ᠪᠠᠨ ᠲᠤᠬᠠᠢ ᠶᠠᠷᠢᠬᠤ ᠶᠢᠨ ᠲᠠᠭᠠᠤ ᠦᠢᠯᠡᠰ ᠪᠦᠲᠦᠭᠡᠬᠦ ᠪᠤᠲᠤᠯ ᠲᠠᠢ ᠮᠤᠩᠬᠤᠯ ᠪᠦᠰᠡᠭᠦ᠋ᠢᠴᠤᠳ | ᠮᠠᠨᠢ ᠡᠨᠡᠬᠦ ᠦᠢᠯᠡᠰ ᠤᠨ ᠡᠩᠨᠡᠭᠡᠨ ᠳᠤ ᠬᠤᠰᠢᠭᠤᠷᠠᠵᠤ᠂ ᠲᠡᠭᠦᠨ ᠲᠠᠢ ᠬᠠᠮᠲᠤᠪᠡᠷ ᠤᠷᠤᠭᠰᠢᠯᠠᠬᠤ ᠶᠢ ᠤᠷᠢᠶᠠᠯᠠᠵᠤ | ᠪᠠᠶᠢᠯᠠ᠃ ︵︽ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠡᠲᠦᠷ ᠤᠨ ᠰᠤᠨᠢᠨ︾ ᠤ ᠰᠤᠷᠪᠤᠯᠵᠢᠯᠠᠭᠴᠢ ᠬᠠᠨᠠ︶ |