ᠨᠢᠭᠡ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠪᠠᠶᠢᠳᠠᠯ | 1914 ᠤᠨ ᠤ ᠲᠡᠯᠡᠬᠡᠢ ᠶᠢᠨ ᠨᠢᠭᠡᠳᠤᠭᠡᠷ ᠲᠠᠶᠢᠨ ᠤ ᠲᠠᠷᠠᠭᠠ᠂ ᠤᠷᠤᠰ ᠤᠨ ᠪᠤᠯᠱᠸᠧᠢᠡᠡ ᠨᠠᠮ ᠤᠨ | ᠤᠳᠤᠷᠢᠳᠤᠭᠰᠠᠨ ᠬᠤᠪᠢᠰᠬᠠᠯᠳᠤ ᠬᠦᠳᠡᠯᠭᠡᠭᠡᠨ ᠮᠠᠰᠢ ᠲᠦᠷᠭᠡᠨ ᠦᠷᠨᠢᠵᠤ᠂ ᠨᠡᠩ ᠴᠤ 1917 ᠤᠨ ᠤ ᠤᠷᠤᠰ ᠤᠨ | ᠤᠺᠲ᠋ᠢᠶᠠᠪᠠᠷ ᠤᠨ ᠬᠤᠪᠢᠰᠬᠠᠯ ᠢ ᠦᠡᠭᠭᠡᠷᠡᠭᠡᠨ ᠤᠷᠤᠰ ᠤᠯᠤᠰ ᠤᠨ ᠬᠠᠭᠠᠨᠳᠤ ᠵᠠᠰᠠᠭ ᠲᠦᠷᠤ ᠰᠦᠢᠷᠡᠵᠤ ᠵᠦᠪᠯᠡᠯᠳᠤ | ᠵᠠᠰᠠᠭ ᠲᠦᠷᠤ ᠲᠤᠭᠳᠠᠬᠤ ᠦᠶᠡ ᠳᠤ ᠶᠡᠭᠡ ᠰᠠᠮᠠᠭᠤᠨ ᠪᠠᠶᠢᠳᠠᠯ ᠤᠷᠤᠰ ᠤᠯᠤᠰ ᠲᠠᠶᠠᠭᠠᠷ ᠲᠤ ᠦᠷᠬᠦᠯᠵᠢᠯᠡᠨ | ᠭᠠᠷᠤᠭᠰᠠᠭᠠᠷ ᠪᠠᠶᠢᠪᠠ᠃ ᠰᠢᠪᠧᠷᠢᠶᠠ ᠪᠤᠯᠤᠨ ᠪᠤᠷᠢᠶᠠᠳ ᠤᠷᠤᠨ ᠳᠤ ᠴᠤ ᠤᠺᠲ᠋ᠢᠶᠠᠪᠠᠷ ᠤᠨ ᠬᠤᠪᠢᠰᠬᠠᠯ ᠳᠤ | ᠴᠤᠬᠢᠭᠳᠠᠭᠰᠠᠨ ᠬᠠᠭᠠᠨᠳᠠᠨ ᠤ ᠦᠯᠡᠳᠡᠭᠳᠡᠮᠡᠯ ᠬᠦᠴᠤᠨ ᠤ ᠨᠢᠭᠡᠨ ᠲᠦᠷᠤᠭᠦᠤ ᠺᠤᠯᠴᠢᠶᠠᠬᠢᠨ ᠤ ᠲᠤᠭᠳᠠᠭᠠᠭᠰᠠᠨ | ᠲᠢᠭᠯᠢᠮ ᠪᠤᠶᠤ ᠲᠡᠭᠦᠨ ᠤ ᠬᠠᠮᠰᠠᠭᠠᠳᠠᠨ ᠠᠳ᠋ᠮᠠᠨ ᠰᠢᠮᠢᠶᠤᠨᠤᠸ᠋ ᠪᠠ ᠪᠠᠷᠤᠨ ᠤᠡᠭᠬᠢᠷᠠᠨ ᠤ ᠪᠦᠯᠦᠭ ᠤᠳ᠂ ᠶᠠᠫᠤᠨ᠂ | ᠠᠮᠧᠷᠢᠺᠡ᠂ ᠠᠩᠭ᠍ᠯᠢ ᠵᠡᠷᠭᠡ ᠶᠢᠨ ᠭᠠᠳᠠᠭᠠᠳᠤ ᠶᠢᠨ ᠬᠦᠴᠤᠨ ᠳᠤ ᠲᠦᠰᠢᠭᠯᠡᠨ ᠵᠦᠪᠯᠡᠯᠳᠤ ᠵᠠᠰᠠᠭ ᠦᠭᠡᠳᠡ | ᠲᠤᠪᠳᠤᠯᠤᠯᠳᠠ ᠬᠢᠵᠤ᠂ ᠪᠤᠷᠢᠶᠠᠳ ᠮᠤᠩᠭᠤᠯ ᠤᠷᠤᠨ ᠲᠠᠶᠢᠨ ᠤ ᠬᠦᠯ ᠳᠤ ᠲᠠᠭᠠᠷᠢᠭᠳᠠᠪᠠ᠃ ᠲᠡᠳᠡ ︽ᠨᠠᠷᠮᠠᠢ | ᠮᠤᠩᠭᠤᠯ ᠤᠯᠤᠰ︾ ᠢ ᠪᠠᠶᠢᠭᠤᠯᠬᠤ ᠨᠡᠷᠡ ᠪᠠᠷ ᠤᠷᠤᠨ ᠨᠤᠳᠤᠭ ᠤᠨ ᠦᠨᠳᠤᠰᠤᠳᠡᠨ ᠤ ᠦᠵᠡᠯᠳᠡᠨ ᠨᠦᠭᠦᠳ ᠢ | ᠦᠳᠤᠭᠡᠨ ᠠᠰᠢᠭᠯᠠᠵᠤ᠂ ᠴᠡᠷᠢᠭ ᠪᠠᠶᠢᠭᠤᠯᠤᠨ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠤ ᠪᠤᠷᠢᠶᠠᠳ ᠮᠤᠩᠭᠤᠯ ᠤᠨ ᠨᠤᠳᠤᠭ ᠪᠠ | ᠪᠤᠤᠷᠵᠢ᠂ ᠳ᠋ᠠᠤᠷᠢ ᠵᠡᠷᠭᠡ ᠶᠢᠨ ᠭᠠᠯᠳᠤ ᠲᠡᠷᠭᠡ ᠶᠢᠨ ᠦᠷᠳᠡᠭᠡ ᠪᠠᠷ ᠪᠠᠶᠢᠷᠢᠯᠠᠨ᠂ ᠨᠢᠭᠡ ᠲᠠᠯᠠ ᠪᠠᠷ ᠤᠯᠠᠭᠠᠨ | ᠴᠡᠷᠢᠭ ᠲᠠᠢ ᠲᠠᠶᠢᠨ ᠬᠢᠵᠤ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠢᠳᠡᠷ ᠬᠦᠪᠡᠭᠦᠳ ᠢ ᠠᠯᠪᠠᠳᠠᠨ | ᠴᠡᠷᠢᠭ ᠲᠤ ᠡᠯᠰᠡᠬᠦ᠂ ᠴᠡᠷᠢᠭ ᠤᠨ ᠠᠭᠳᠠ ᠮᠤᠷᠢ ᠪᠤᠯᠤᠨ ᠬᠦᠨᠡᠰᠤ ᠬᠤᠭᠤᠯᠠᠨ ᠤ ᠮᠠᠯ ᠢ ᠰᠢᠭᠤᠳ ᠲᠠᠳᠠᠪᠤᠷᠢᠯᠠᠬᠤ᠂ | ᠮᠦᠨ ᠤᠯᠠᠭᠠᠨ ᠨᠠᠮ ᠠᠴᠠ ᠵᠠᠶᠢᠯᠠᠵᠤ ᠨᠡᠭᠦᠳᠡᠯ ᠬᠢᠬᠦ ᠶᠢ ᠱᠠᠭᠠᠷᠳᠠᠬᠤ ᠵᠡᠷᠭᠡ ᠪᠠᠷ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠤ ᠮᠠᠯᠴᠢᠨ | ᠠᠷᠠᠳ ᠲᠤ ᠶᠡᠬᠡᠬᠡᠨ ᠲᠠᠷᠤᠯᠳᠠ ᠦᠵᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠲᠡᠳᠡᠨ ᠤ ᠬᠦᠳᠡᠯᠭᠡᠭᠡᠨ ᠳᠤ ᠠᠭᠠ ᠨᠤᠳᠤᠭ ᠤᠨ | ᠲᠠᠪᠬᠠᠢ ᠶᠢᠨ ᠲᠤᠭᠠᠷ ᠴᠤ ᠤᠳ᠋ᠷᠢᠶᠠᠳ᠋ ᠪᠠᠶᠢᠭᠤᠯᠤᠨ ᠬᠠᠮᠢᠶᠠᠷᠳᠠᠵᠤ ᠤᠷᠤᠯᠴᠠᠭᠰᠠᠨ ᠪᠢᠯᠡ᠃ ᠡᠶᠢᠨ ᠬᠦ ᠪᠤᠷᠢᠶᠠᠳ | ᠮᠤᠩᠭᠤᠯ ᠮᠠᠯᠴᠢᠳ ᠴᠠᠭᠠᠨ ᠤ ᠲᠡᠭᠡᠷᠡᠮᠴᠢᠳ ᠤᠨ ᠰᠦᠷᠳᠡᠭᠦᠯᠤᠯ᠂ ᠬᠢᠬᠠᠯᠳᠠ᠂ ᠬᠢᠳᠤᠯᠭᠠ᠂ ᠲᠤᠨᠤᠯᠭᠠ ᠳᠤ ᠤᠷᠤᠵᠤ᠂ | ᠦᠨᠤᠴᠢᠨ ᠦᠷᠤᠭᠡᠰᠤᠨ᠂ ᠦᠭᠡᠶᠢᠭᠦᠤ ᠶᠠᠳᠠᠭᠤ ᠨᠡᠮᠡᠭᠳᠡᠨ᠂ ᠬᠦᠮᠤᠰ ᠤᠨ ᠰᠡᠳᠭᠢᠯ ᠰᠠᠨᠠᠭᠠ ᠴᠤ ᠲᠤᠭᠳᠠᠭᠤᠨ ᠪᠤᠰᠤ | ᠪᠤᠯᠵᠤ ᠬᠦᠨᠳᠤ ᠪᠠᠶᠢᠳᠠᠯ ᠳᠤ ᠲᠤᠯᠭᠠᠷᠠᠭᠰᠠᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠦᠶᠡ ᠶᠢᠨ ᠦᠶᠡ ᠪᠠᠷ ᠢᠶᠠᠨ ᠨᠡᠭᠦᠳᠡᠯ ᠮᠠᠯᠵᠢᠯ | ᠡᠷᠬᠢᠯᠡᠨ ᠢᠷᠡᠭᠰᠡᠨ ᠮᠠᠯᠴᠢᠳ ᠶᠠᠭᠠᠬᠢᠬᠤ ᠪᠠᠨ ᠤᠯᠵᠤ ᠶᠠᠳᠠᠨ ᠪᠠᠶᠢᠯᠠ᠃ ᠡᠶᠢᠨ ᠬᠦ ᠪᠤᠷᠢᠶᠠᠳ ᠨᠤᠳᠤᠭ ᠤᠨ | ᠲᠤᠮᠤᠭᠠᠳᠠᠳ ᠪᠤᠯᠤᠨ ᠠᠭᠠ᠂ ᠴᠦᠬᠡᠯ ᠳ᠋ᠠᠴᠡᠩ ᠤᠨ ᠶᠡᠭᠡ ᠯᠠᠮᠠ ᠨᠠᠷ ᠡᠨᠡ ᠪᠠᠶᠢᠳᠠᠯ ᠠᠴᠠ ᠬᠡᠷᠬᠢᠨ ᠮᠤᠯᠳᠤᠷᠠᠬᠤ ᠶᠢ | ᠰᠦᠪᠡᠭᠴᠢᠯᠡᠬᠦ ᠨᠢ ᠪᠠᠴᠢᠮ ᠲᠦᠷᠭᠡᠨ ᠰᠢᠢᠳᠪᠤᠷᠢᠯᠡᠬᠦ ᠠᠰᠠᠭᠤᠳᠠᠯ ᠪᠤᠯᠤᠨ ᠲᠤᠯᠭᠠᠷᠠᠵᠤ᠂ ᠲᠤᠰ ᠪᠦᠷᠢ ᠳᠡᠭᠡᠨ | ᠪᠤᠯᠤᠯᠴᠠᠭᠠ ᠪᠦᠬᠦᠢ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠲᠡᠯᠡᠬᠡᠢ ᠶᠢᠨ ᠨᠢᠭᠡᠳᠤᠭᠡᠷ ᠲᠠᠶᠢᠨ ᠳᠤ ᠠᠭᠠ ᠨᠤᠳᠤᠭ ᠠᠴᠠ ᠲᠠᠳᠠᠭᠳᠠᠨ ᠠᠵᠢᠯ ᠬᠢᠬᠦ ᠪᠠᠷ ᠶᠠᠪᠤᠭᠰᠠᠨ | ᠬᠦᠮᠤᠰ ᠢ ᠲᠠᠭᠠᠭᠤᠯᠵᠤ ᠶᠠᠪᠤᠭᠰᠠᠨ ᠨᠠᠩᠵᠢ ᠶᠢᠨ ᠰᠠᠨᠵᠢᠶᠠ ᠪᠤᠯᠤᠨ ᠲᠤᠮᠠ ᠶᠢᠨ ᠴᠡᠷᠠᠨᠵᠠᠪ ᠨᠠᠷ ᠠᠭᠠ ᠲᠠᠭᠠᠨ | ᠪᠤᠴᠠᠵᠤ ᠢᠷᠡᠭᠰᠡᠨ ᠤ ᠰᠡᠭᠦᠯᠡᠷ ᠠᠭᠠ᠂ ᠤᠨᠤᠨ ᠤ 200 ᠰᠢᠬᠠᠮ ᠡᠷᠤᠬᠡ ᠠᠶᠢᠯ ᠢ ᠲᠠᠭᠠᠭᠤᠯᠵᠤ᠂ ᠡᠮᠤᠨᠡᠰᠢ ᠪᠠᠨ | ᠮᠤᠩᠭᠤᠯ ᠤᠯᠤᠰ ᠤᠨ ᠭᠠᠵᠠᠷ ᠲᠤ ᠨᠡᠭᠦᠳᠡᠯᠯᠡᠨ ᠤᠷᠤᠭᠰᠠᠨ ᠪᠠᠶᠢᠪᠠ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢᠬᠢ ᠵᠢᠯ ᠤᠳ ᠲᠤ | ᠪᠤᠷᠢᠶᠠᠳ ᠮᠤᠩᠭᠤᠯ ᠤᠨ ᠨᠤᠳᠤᠭ ᠪᠦᠬᠦᠨ ᠠᠴᠠ ᠮᠤᠩᠭᠤᠯ ᠤᠷᠤᠨ ᠦᠭᠡᠳᠡ ᠨᠡᠭᠦᠭᠴᠢᠳ ᠤᠯᠠᠮ ᠤᠯᠠᠨ | ᠪᠤᠯᠤᠭᠰᠨᠨ ᠪᠠᠶᠢᠨᠠ᠃ | ᠬᠤᠶᠠᠷ᠂ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠰᠢᠨᠡᠬᠡᠨ ᠳᠤ ᠨᠡᠭᠦᠨ ᠢᠷᠡᠭᠰᠡᠨ ᠦᠡᠭᠭᠡᠷᠡᠯᠳᠡ ᠪᠤᠯᠤᠨ ᠲᠡᠭᠦᠨ ᠤ | ᠰᠢᠯᠳᠠᠭᠠᠨ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠠᠯᠢ ᠲᠡᠭᠡᠳᠤ ᠠᠴᠠ ᠪᠠᠶᠢᠭᠠᠯ ᠲᠠᠯᠠᠢ ᠪᠤᠯᠤᠨ ᠬᠢᠨᠭ᠍ᠭᠠᠨ ᠲᠠᠪᠠᠭᠠᠨ ᠤ ᠲᠤᠮᠳᠠᠬᠢ | ᠦᠷᠭᠡᠨ ᠠᠭᠤᠳᠠᠮ ᠨᠤᠳᠤᠭ ᠲᠤ ᠨᠤᠳᠤᠭᠯᠠᠵᠤ ᠪᠠᠶᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠡᠷᠳᠡ ᠦᠶᠡ ᠳᠤ ᠡᠮᠤᠨᠡᠰᠢ | ᠬᠠᠳᠤᠨ ᠭᠤᠤᠯ᠂ ᠬᠦᠬᠡᠨᠠᠭᠤᠷ ᠬᠦᠷᠳᠡᠯᠡ ᠨᠡᠭᠦᠳᠡᠯᠯᠡᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠲᠡᠤᠬᠡ ᠲᠠᠢ ᠶᠤᠮ᠃ 1727 | ᠤᠨ ᠳᠤ ᠮᠠᠨᠵᠤ ᠴᠢᠩ ᠪᠤᠯᠤᠨ ᠤᠷᠤᠰ ᠤᠨ ᠴᠠᠭᠠᠨ ᠬᠠᠭᠠᠨ ᠤ ᠬᠢᠭᠰᠡᠨ ᠨᠢᠪᠴᠦ᠋ ᠶᠢᠨ ᠭᠡᠷᠡ ᠪᠠᠷ ᠨᠤᠳᠤᠭ ᠤᠰᠤ᠂ | ᠬᠦᠮᠤᠨ ᠠᠷᠠᠳ ᠲᠠᠢ ᠪᠠᠨ ᠤᠷᠤᠰ ᠤᠨ ᠮᠡᠳᠡᠯ ᠳᠤ ᠤᠷᠤᠭᠰᠠᠨ ᠪᠢᠯᠡ᠃ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠡᠶᠢᠨ ᠬᠦ ᠴᠠᠭᠠᠨ | ᠬᠠᠭᠠᠨ ᠤ ᠮᠡᠳᠡᠯ ᠳᠤ ᠤᠷᠤᠭᠰᠠᠨ ᠴᠤ ᠬᠢᠯᠢ ᠲᠠᠭᠠᠤ ᠳᠠᠬᠢ ᠦᠯᠢᠷᠡᠩᠭᠡ᠂ ᠪᠤᠤᠷᠵᠢ᠂ ᠲᠠᠷᠢ ᠨᠤᠳᠤᠭ ᠤᠨ ᠪᠤᠷᠢᠶᠠᠳ | ᠮᠤᠩᠭᠤᠯ ᠨᠡᠭᠦᠳᠡᠯᠴᠢᠳ ᠡᠷᠭᠦᠨᠡ ᠶᠢᠨ ᠦᠪᠤᠷ᠂ ᠲᠠᠯᠠᠢ ᠨᠠᠭᠤᠷ᠂ ᠮᠠᠨᠠᠩ ᠤᠨ ᠲᠠᠯᠠ ᠪᠠᠷ ᠮᠦᠨ ᠯᠡ ᠤᠷᠤᠵᠤ ᠭᠠᠷᠤᠨ | ᠨᠡᠭᠦᠳᠡᠯᠯᠡᠵᠤ ᠪᠠᠶᠢᠭᠰᠠᠨ ᠶᠤᠮ᠃ 1918 ᠤᠨ ᠤ ᠦᠶᠡ ᠪᠤᠯᠬᠤ ᠳᠤ ᠠᠭᠠ ᠶᠢᠨ ᠳ᠋ᠦᠮᠠ ᠶᠢᠨ ᠵᠠᠬᠢᠷᠭᠠ ᠶᠢᠨ | ᠬᠢᠯᠢ ᠳᠤ ᠤᠢᠢᠷᠠᠯᠴᠠᠭᠠ ᠪᠠᠶᠢᠭᠰᠠᠨ ᠤᠨᠤᠨ᠂ ᠠᠭᠠ᠂ ᠪᠤᠤᠷᠵᠢ᠂ ᠲᠦᠤᠷᠬᠡ᠂ ᠲᠠᠷᠢ᠂ ᠦᠯᠢᠷᠡᠩᠭᠡ ᠵᠡᠷᠭᠡ ᠶᠢᠨ | ᠨᠤᠳᠤᠭ ᠤᠨ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠪᠠ ᠲᠡᠳᠡᠨ ᠲᠠᠢ ᠬᠠᠮᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠬᠠᠮᠨᠢᠭᠠᠳ ᠬᠦᠯᠤᠨ | ᠪᠤᠶᠢᠷ ᠤᠨ ᠬᠡᠷᠤᠯᠤᠨ ᠭᠤᠤᠯ᠂ ᠮᠡᠨᠡᠩ ᠤᠨ ᠲᠠᠯᠠ᠂ ᠲᠠᠯᠠᠢ ᠨᠠᠭᠤᠷ᠂ ᠬᠠᠶᠢᠯᠠᠷ ᠭᠤᠤᠯ ᠬᠦᠷᠳᠡᠯᠡ ᠨᠡᠭᠦᠳᠡᠯᠯᠡᠨ ᠬᠡᠳᠤᠨ | ᠵᠢᠯ ᠢᠶᠠᠷ ᠨᠤᠳᠤᠭᠯᠠᠭᠠᠳ ᠡᠷᠭᠢᠨ ᠤᠷᠤᠰ ᠤᠨ ᠠᠭᠠ ᠶᠢᠨ ᠳ᠋ᠦᠮᠠ ᠳᠡᠭᠡᠨ ᠪᠤᠴᠠᠭᠰᠠᠨ ᠦᠭᠡᠢ᠃ ᠶᠠᠭ ᠡᠨᠡ | ᠦᠶᠡ 1918 ᠤᠨ ᠳᠤ ᠠᠭᠠ ᠨᠤᠳᠤᠭ ᠤᠨ ᠪᠠᠵᠠᠷ ᠤᠨ ᠨᠠᠮᠳᠠᠭ ᠨᠤᠶᠠᠨ ︵ᠲᠤᠭᠲ᠋ᠤᠷ ᠬᠤᠸᠠᠰᠠᠢ ᠤᠪᠤᠭ ᠤᠨ | ᠠᠭᠠ ᠶᠢᠨ ᠲᠠᠶᠢᠱᠠ ᠨᠤᠶᠠᠨ ᠪᠠᠶᠢᠭᠰᠠᠨ ᠲᠤᠪᠤ ᠶᠢᠨ ᠲᠡᠭᠦᠯᠳᠡᠷ ᠤᠨ ᠠᠴᠢ ᠬᠦᠪᠡᠭᠦᠨ︶ ᠪᠤᠯᠤᠨ ᠪᠠᠭᠳᠠᠨᠤᠸ᠋ ᠬᠡᠮᠡᠬᠦ | ᠬᠦᠮᠤᠨ ᠲᠠᠢ ᠬᠠᠮᠳᠤ ᠬᠡᠳᠤᠨ ᠬᠦᠮᠤᠨ ᠬᠦᠯᠤᠨ ᠪᠤᠶᠢᠷ ᠤᠨ ᠨᠤᠳᠤᠭ ᠲᠤ ᠢᠷᠡᠵᠤ᠂ ᠬᠦᠯᠤᠨ ᠪᠤᠶᠢᠷ ᠤᠨ ᠮᠠᠶᠢᠷᠠᠨ | ᠵᠠᠩᠭᠢ ᠶᠢᠨ ᠶᠠᠮᠤᠨ ︵ᠠᠮᠪᠠᠨ ᠶᠠᠮᠤᠨ︶ ᠤ ᠡᠷᠬᠡ ᠪᠠᠷᠢᠭᠴᠢᠳ ᠲᠠᠢ ᠤᠴᠠᠷᠠᠵᠤ ᠨᠢᠭᠡ ᠪᠦᠯᠦᠭ ᠪᠤᠷᠢᠶᠠᠳ | ᠮᠤᠩᠭᠤᠯᠴᠤᠳ ᠬᠦᠯᠤᠨ ᠪᠤᠶᠢᠷ ᠲᠤ ᠨᠡᠭᠦᠵᠤ ᠢᠷᠡᠨ ᠨᠤᠳᠤᠭᠰᠢᠨ ᠰᠠᠭᠤᠬᠤ ᠲᠤᠬᠠᠢ ᠭᠠᠵᠠᠷ ᠨᠤᠳᠤᠭ | ᠭᠤᠶᠤᠴᠢᠯᠠᠬᠤ ᠶᠢᠨ ᠵᠡᠷᠭᠡ ᠰᠢᠨᠡᠬᠡᠨ ᠭᠤᠤᠯ᠂ ᠢᠮᠢᠨ ᠭᠤᠤᠯ ᠲᠠᠭᠠᠤ ᠭᠠᠵᠠᠷ ᠤᠳ ᠢ ᠶᠡᠬᠡᠪᠴᠢᠯᠡᠨ ᠬᠠᠶᠢᠨ | ᠪᠠᠶᠢᠴᠠᠭᠠᠵᠤ ᠦᠵᠡᠭᠡᠳ ᠠᠩᠬᠠᠨ ᠤ ᠬᠠᠷᠠᠯᠳᠠ ᠪᠠᠨ ᠲᠤᠭᠳᠠᠭᠠᠨ ᠠᠩᠬᠠ ᠠᠯᠬᠤᠮ ᠤᠨ ᠵᠦᠪᠰᠢᠶᠡᠷᠡᠯ ᠤᠯᠤᠭᠠᠳ | ᠪᠤᠴᠠᠭᠰᠠᠨ ᠶᠤᠮ᠃ | ᠲᠡᠭᠡᠬᠦ ᠳᠡᠭᠡᠨ ᠨᠠᠮᠳᠠᠭ ᠨᠤᠶᠠᠨ᠂ ᠰᠢᠨᠡᠬᠡᠨ ᠭᠤᠤᠯ ᠤᠨ ᠢᠮᠢᠨ ᠭᠤᠤᠯ ᠳᠤ ᠴᠢᠳᠬᠤᠳᠠᠭ ᠠᠭᠤᠯᠵᠠᠭᠤᠷ ᠤᠨ | ᠬᠤᠶᠢᠳᠤ ᠲᠠᠯᠠ ᠳᠤ ᠢᠮᠢᠨ ᠭᠤᠤᠯ ᠤᠨ ᠵᠡᠭᠦᠨ ᠲᠡᠨᠵᠢᠨ ᠳᠤ ᠪᠦᠬᠦᠢ ᠨᠢᠭᠡᠨ ᠲᠤᠪᠤᠴᠠᠭ ᠲᠤᠯᠤᠭᠠᠢ ᠲᠡᠭᠡᠷᠡ | ᠮᠦᠷᠢᠨ ᠠᠴᠠ ᠪᠠᠭᠤᠵᠤ᠂ ᠡᠮᠡᠭᠡᠯ ᠤᠨ ᠲᠤᠬᠤᠮ ᠢᠶᠠᠨ ᠠᠪᠴᠤ ᠭᠠᠵᠠᠷ ᠲᠤ ᠲᠡᠪᠢᠰᠤᠭᠡᠳ ᠲᠡᠭᠡᠷᠡ ᠨᠢ ᠦᠪᠡᠷ ᠤᠨ | ᠤᠷᠤᠰ ᠴᠠᠮᠪᠠ ᠪᠤᠷᠤᠭᠠᠨ ᠤ ᠴᠤᠪᠠ ᠪᠠᠨ ᠲᠡᠯᠭᠡᠵᠤ᠂ ᠢᠳᠡᠭᠡᠨ ᠤ ᠵᠦᠢᠯ ᠰᠢᠬᠢᠷ ᠪᠤᠭᠤᠷᠰᠤᠭ ᠵᠡᠷᠭᠡ ᠪᠠᠷ ᠲᠠᠬᠢᠯ | ᠲᠠᠯᠪᠢᠭᠠᠳ ᠬᠤᠶᠠᠷ ᠭᠠᠷ ᠤᠨ ᠨᠡᠷᠡᠭᠦᠢ ᠬᠤᠷᠤᠭᠤᠨ ᠳᠠᠭᠠᠨ ᠵᠡᠭᠦᠵᠤ ᠶᠠᠪᠤᠭᠰᠠᠨ ᠠᠯᠳᠠᠨ ᠪᠦᠭᠡᠵᠢ ᠪᠤᠯᠤᠨ ᠴᠠᠭᠠᠨ | ᠮᠦᠡᠭᠭᠦ ᠵᠡᠷᠭᠡ ᠶᠢ ᠲᠠᠯᠪᠢᠵᠤ ︽ᠡᠨᠡ ᠨᠤᠳᠤᠭ ᠮᠠᠨ ᠤ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠦᠨᠢᠷᠵᠢᠨ ᠦᠭᠡᠳᠡᠯᠡᠵᠤ | ᠮᠦᠡᠭᠬᠡᠵᠢᠨ ᠰᠠᠭᠤᠬᠤ ᠨᠤᠳᠤᠭ ᠪᠤᠯᠬᠤ ᠪᠤᠯᠳᠤᠭᠠᠢ︾ ᠬᠡᠮᠡᠨ ᠢᠷᠤᠭᠡᠵᠤ ᠮᠦᠷᠭᠦᠨ ᠶᠤᠰᠤᠯᠠᠭᠠᠳ ᠮᠤᠷᠳᠠᠭᠰᠨᠨ ᠭᠡᠳᠡᠭ᠃ | ᠨᠠᠮᠳᠠᠭ ᠨᠤᠶᠠᠨ 1921 ᠤᠨ ᠤ ᠬᠠᠪᠤᠷ᠂ ᠬᠤᠶᠠᠳᠡᠬᠢ ᠤᠳᠠᠭᠠ ᠪᠠᠨ ᠬᠦᠯᠤᠨ ᠪᠤᠶᠢᠷ ᠲᠤ ᠢᠷᠡᠬᠦ ᠳᠡᠭᠡᠨ | ᠨᠡᠭᠦᠳᠡᠯᠴᠢᠳ ᠤᠨ ᠲᠦᠷᠤᠭᠦᠤ ᠪᠤᠤᠷᠵᠢ ᠨᠤᠳᠤᠭ ᠤᠨ ᠪᠤᠳᠤᠩᠭᠤᠳ ᠤᠪᠤᠭ ᠤᠨ ᠷᠠᠳᠨᠠ ᠶᠢᠨ ᠠᠪᠢᠳᠠ᠂ | ᠦᠯᠢᠷᠡᠩᠭᠡ ᠨᠤᠳᠤᠭ ᠤᠨ ᠬᠤᠸᠠᠰᠠᠢ ᠤᠪᠤᠭ ᠤᠨ ᠵᠠᠮᠰᠤᠷᠠᠨ ᠤ ᠠᠶᠤᠰᠢ ᠵᠡᠷᠭᠡ ᠬᠦᠮᠤᠰ ᠢ ᠲᠠᠭᠠᠭᠤᠯᠤᠨ ᠮᠠᠶᠢᠷᠠᠨ | ᠵᠠᠩᠭᠢ ᠶᠢᠨ ᠶᠠᠮᠤᠨ ᠳᠤ ᠲᠠᠬᠢᠨ ᠢᠷᠡᠵᠤ᠂ ᠬᠦᠯᠤᠨ ᠪᠤᠶᠢᠷ ᠭᠠᠵᠠᠷ ᠲᠤ ᠨᠢᠭᠡᠨᠳᠡ ᠨᠡᠭᠦᠳᠡᠯᠯᠡᠨ ᠢᠷᠡᠭᠰᠨᠨ ᠪᠤᠷᠢᠶᠠᠳ | ᠮᠤᠩᠭᠤᠯᠴᠤᠳ ᠲᠤ ᠤᠷᠤᠰᠢᠨ ᠰᠠᠭᠤᠬᠤ ᠨᠤᠳᠤᠭ ᠤᠯᠭᠤᠬᠤ ᠶᠢ ᠬᠡᠯᠡᠯᠴᠡᠭᠰᠡᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠮᠠᠶᠢᠷᠠᠨ | ᠵᠠᠩᠭᠢ ᠶᠢᠨ ᠶᠠᠮᠤᠨ ᠠᠴᠠ ᠴᠡᠪᠰᠠᠩᠭᠡ᠂ ᠡᠷᠬᠢᠮᠪᠠᠳᠤ ᠵᠡᠷᠭᠡ ᠶᠢᠨ ᠲᠤᠰᠢᠶᠠᠯᠳᠠᠳ ᠢ ᠬᠡᠷᠤᠯᠤᠨ ᠭᠤᠤᠯ᠂ ᠲᠠᠯᠠᠢ ᠨᠠᠭᠤᠷ | ᠬᠠᠪᠢ ᠪᠠᠷ ᠨᠤᠳᠤᠭᠯᠠᠵᠤ ᠪᠠᠶᠢᠭᠰᠠᠨ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠲᠤ ᠲᠤᠮᠢᠯᠠᠨ ᠢᠯᠡᠭᠡᠵᠤ᠂ ᠲᠡᠨᠳᠡᠬᠢ ᠲᠦᠯᠤᠭᠡᠯᠡᠬᠦ | ᠬᠦᠮᠤᠰ ᠪᠤᠯᠤᠨ ᠮᠠᠯᠴᠢᠳ ᠤᠨ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠢ ᠤᠢᠢᠯᠠᠭᠠᠬᠤ ᠶᠢᠨ ᠬᠠᠮᠳᠤ ᠨᠡᠭᠦᠨ ᠢᠷᠡᠭᠰᠡᠳ ᠢ | ᠲᠤᠳᠤᠷᠬᠠᠢᠢᠯᠠᠨ ᠲᠠᠩᠰᠠᠯᠠᠵᠠᠢ᠃ ᠲᠡᠳᠡ ᠪᠤᠴᠠᠵᠤ ᠢᠷᠡᠭᠡᠳ ᠠᠮᠪᠠᠨ ᠶᠠᠮᠤᠨ ᠤ ᠡᠮᠤᠨᠡ ᠠᠴᠠ ᠬᠠᠷᠠᠮᠦ᠋ᠷᠡᠨ ᠤ ᠳᠤ | ᠵᠢᠶᠦ᠋ᠨ ᠶᠠᠮᠤᠨ ᠳᠤ ᠡᠨᠡ ᠬᠦ ᠤᠴᠢᠷ ᠢ ᠮᠡᠳᠡᠭᠦᠯᠦᠭᠰᠡᠨ ᠳᠤ᠂ ᠪᠤᠷᠢᠶᠠᠳ ᠤᠨ ᠨᠤᠳᠤᠭᠰᠢᠨ ᠰᠠᠭᠤᠬᠤ ᠶᠢ | ᠵᠦᠪᠰᠢᠶᠡᠷᠡᠭᠰᠡᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠪᠦᠬᠦ ᠶᠠᠪᠤᠴᠠ ᠳᠤ ᠠᠮᠪᠠᠨ ᠨᠤᠶᠠᠨ ᠬᠦᠢᠹᠦ᠋ ᠪᠤᠯᠤᠨ ᠲᠡᠭᠦᠨ ᠤ ᠵᠡᠭᠦᠨ | ᠲᠠᠩᠬᠢᠮ ᠤᠨ ᠲᠠᠷᠤᠭᠠ ᠴᠸᠡᠭᠳᠧ ︵ᠴᠡᠩᠳᠡ︶ ᠭᠦᠡᠭ ᠨᠠᠷ ᠶᠡᠭᠡ ᠲᠡᠮᠵᠢᠯᠭᠡ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ | ᠡᠶᠢᠨ ᠬᠦ 1921 ᠤᠨ ᠤ 8 ᠳ᠋ᠤᠭᠠᠷ ᠰᠠᠷᠠ ᠶᠢᠨ 28 ᠤ ᠡᠳᠤᠷ᠂ ᠬᠦᠯᠤᠨ ᠪᠤᠶᠢᠷ ᠤᠨ ᠮᠠᠶᠢᠷᠠᠨ | ᠵᠠᠩᠭᠢ ᠶᠢᠨ ᠶᠠᠮᠤᠨ ᠠᠴᠠ ᠠᠯᠪᠠᠨ ᠪᠢᠴᠢᠭ ᠭᠠᠷᠭᠠᠨ᠂ ᠰᠢᠨᠡᠬᠡᠨ ᠭᠠᠵᠠᠷ ᠤᠷᠤᠨ ᠢ ᠰᠢᠨᠡ ᠪᠠᠷ ᠨᠡᠭᠦᠵᠤ ᠢᠷᠡᠭᠰᠡᠨ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠨᠤᠳᠤᠭ ᠪᠤᠯᠭᠠᠨ ᠰᠠᠭᠤᠷᠢᠰᠢᠭᠤᠯᠬᠤ ᠰᠢᠢᠳᠪᠤᠷᠢ ᠭᠠᠷᠭᠠᠬᠤ ᠶᠢᠨ ᠬᠠᠮᠳᠤ ᠵᠠᠰᠠᠭ | ᠵᠠᠬᠢᠷᠭᠠᠨ ᠤ ᠲᠠᠯᠠ ᠪᠠᠷ ᠪᠤᠷᠢᠶᠠᠳ ᠬᠤᠰᠢᠭᠤ ᠬᠡᠮᠡᠨ ᠪᠠᠶᠢᠭᠤᠯᠵᠤ᠂ ᠬᠦᠯᠤᠨ ᠪᠤᠶᠢᠷ ᠤᠨ ᠨᠢᠭᠡᠨ ᠪᠦᠷᠢᠯᠳᠤᠭᠦᠨ | ᠪᠤᠯᠭᠠᠭᠰᠠᠨ ᠪᠠᠶᠢᠨᠠ᠃ ᠠᠮᠪᠠᠨ ᠨᠤᠶᠠᠨ ᠠᠯᠪᠠᠨ ᠪᠢᠴᠢᠭ ᠪᠠᠭᠤᠯᠭᠠᠵᠤ᠂ ᠨᠤᠳᠤᠭ ᠬᠤᠪᠢᠶᠠᠨ ᠪᠤᠷᠢᠶᠠᠳ ᠬᠤᠰᠢᠭᠤ | ᠪᠠᠶᠢᠭᠤᠯᠵᠤ᠂ ᠷᠠᠳᠨᠠ ᠶᠢᠨ ᠠᠪᠢᠳᠠ ᠶᠢ ᠬᠤᠰᠢᠭᠤᠨ ᠲᠠᠷᠤᠭᠠ ᠪᠠᠷ ᠲᠤᠮᠢᠯᠠᠪᠠ᠃ ᠡᠨᠡ ᠬᠦ ᠰᠢᠨᠡᠬᠡᠨ ᠬᠡᠮᠡᠬᠦ ᠭᠠᠵᠠᠷ ᠨᠢ | ᠢᠮᠢᠨ᠂ ᠬᠤᠢ ᠬᠤᠶᠠᠷ ᠭᠤᠤᠯ ᠤᠨ ᠠᠭᠤᠯᠵᠠᠭᠤᠷ ᠠᠴᠠ ᠡᠮᠤᠨᠡᠰᠢ ᠢᠮᠢᠨ ᠭᠤᠤᠯ ᠤᠨ ᠬᠤᠶᠠᠷ ᠲᠠᠯᠠ ᠪᠤᠯᠤᠨ | ᠵᠡᠭᠦᠨᠰᠢ ᠪᠠᠨ ᠰᠢᠨᠡᠭᠡᠨ ᠭᠤᠤᠯ ᠤᠨ ᠬᠤᠶᠠᠷ ᠲᠠᠯᠠ ᠶᠢ ᠲᠠᠭᠠᠭᠰᠠᠨ ᠪᠠ ᠡᠮᠤᠨᠡᠰᠢ ᠦᠢᠳᠬᠡᠨ᠂ ᠤᠭᠤᠨᠤ ᠶᠢᠨ ᠭᠤᠤᠯ ᠢ | ᠪᠠᠭᠳᠠᠭᠠᠵᠤ᠂ ᠪᠠᠷᠠᠭᠤᠨᠰᠢ ᠪᠠᠨ ᠬᠤᠢ ᠭᠤᠤᠯ ᠲᠠᠭᠠᠭᠰᠠᠨ ᠭᠠᠵᠠᠷ ᠨᠤᠳᠤᠭ ᠪᠠᠶᠢᠪᠠ᠃ ᠢᠡᠭᠭᠢᠭᠡᠳ ᠰᠢᠨᠡᠬᠡᠨ | ᠨᠤᠳᠤᠭ ᠲᠤ ᠠᠩᠬᠠ ᠤᠳᠠᠭᠠ ᠨᠡᠭᠦᠵᠤ ᠢᠷᠡᠭᠰᠡᠳ ᠨᠡᠶᠢᠳᠡ 170 ᠭᠠᠷᠤᠢ ᠡᠷᠤᠬᠡ᠂ 700 ᠭᠠᠷᠤᠢ ᠬᠦᠮᠤᠨ ᠠᠮᠠ | ᠪᠠᠶᠢᠯᠠ᠂ ᠡᠭᠦᠨ ᠳᠤ ᠠᠮᠪᠠᠨ ᠶᠠᠮᠤᠨ ᠤ ᠨᠤᠳᠤᠭ ᠤᠯᠭᠤᠬᠤ ᠠᠴᠠ ᠡᠮᠤᠨᠡ ᠬᠦᠯᠤᠨ ᠪᠤᠶᠢᠷ ᠲᠤ ᠢᠷᠡᠭᠰᠡᠨ ᠴᠦᠬᠡᠨ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠴᠤ ᠪᠠᠭᠳᠠᠨᠠ᠃ ᠡᠳᠡᠭᠡᠷ ᠬᠦᠮᠤᠰ ᠦᠪᠡᠷ ᠤᠨ ᠬᠡᠮᠡᠬᠦ ᠨᠡᠷᠡᠯᠡᠭᠰᠡᠨ ᠭᠠᠵᠠᠷ ᠨᠤᠳᠤᠭ | ᠦᠭᠡᠢ᠂ ᠰᠢᠨᠡ ᠪᠠᠷᠭᠤ ᠪᠤᠯᠤᠨ ᠬᠠᠭᠤᠴᠢᠨ ᠪᠠᠷᠭᠤ ᠶᠢᠨ ᠠᠬᠠ ᠲᠡᠭᠦᠤ ᠨᠠᠷ ᠤᠨ ᠨᠤᠳᠤᠭ ᠲᠤ ᠨᠤᠳᠤᠭᠯᠠᠵᠤ | ᠪᠠᠶᠢᠭᠰᠠᠨ ᠪᠠᠶᠢᠳᠠᠯ ᠢ ᠡᠴᠤᠰᠯᠡᠭᠦᠯᠤᠨ᠂ ᠨᠠᠮᠳᠠᠭ ᠨᠤᠶᠠᠨ ᠢᠶᠠᠷ ᠲᠦᠷᠤᠭᠦᠯᠡᠭᠦᠯᠦᠭᠰᠡᠨ ᠨᠡᠭᠦᠨ ᠢᠷᠡᠭᠰᠡᠳ ᠲᠠᠢ ᠬᠠᠮᠳᠤ | ᠰᠢᠨᠡᠭᠡᠨ ᠳᠤ ᠢᠷᠡᠭᠰᠡᠨ ᠪᠦᠬᠦ ᠪᠤᠷᠢᠶᠠᠳ᠂ ᠬᠦᠯᠤᠨ ᠪᠤᠶᠢᠷ ᠤᠨ ᠮᠠᠶᠢᠷᠠᠨ ᠵᠠᠩᠭᠢ ᠶᠢᠨ ᠶᠠᠮᠤᠨ ᠤ ᠵᠠᠬᠢᠷᠭᠠᠨ ᠲᠤᠤᠷᠠ | ᠲᠤᠮᠳᠠᠳᠤ ᠢᠷᠭᠡᠨ ᠤᠯᠤᠰ ᠤᠨ ᠬᠠᠷᠢᠶᠠᠳᠤ ᠢᠷᠭᠡᠨ ᠪᠤᠯᠵᠤ᠂ ᠦᠪᠡᠷ ᠤᠨ ᠬᠡᠮᠡᠬᠦ ᠨᠤᠳᠤᠭ ᠤᠷᠤᠨ ᠲᠠᠢ᠂ ᠵᠠᠰᠠᠭ | ᠵᠠᠬᠢᠷᠭᠠ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠠᠩᠬᠠ ᠰᠢᠨᠡᠬᠡᠨ ᠳᠤ ᠢᠷᠡᠭᠰᠡᠨ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠩᠭᠢ ᠨᠢ | ᠪᠤᠤᠷᠵᠢ᠂ ᠦᠯᠢᠷᠡᠩᠭᠡ ᠨᠤᠳᠤᠭ ᠤᠨ ᠬᠢᠨ ᠪᠠᠶᠢᠵᠤ᠂ ᠠᠭᠠ᠂ ᠤᠨᠤᠨ ᠨᠤᠳᠤᠭ ᠤᠨ ᠬᠢᠨ ᠴᠦᠬᠡᠨ ᠪᠠᠶᠢᠪᠠ᠃ | ᠡᠳᠡᠭᠡᠷ ᠠᠩᠬᠠ ᠨᠡᠭᠦᠨ ᠢᠷᠡᠭᠰᠡᠳ ᠤᠨ ᠤᠯᠠᠩᠭᠢ ᠨᠢ ᠢᠮᠢᠨ ᠭᠤᠤᠯ ᠤᠨ ᠵᠡᠭᠦᠨ ᠲᠠᠯᠠ᠂ ᠰᠢᠨᠡᠬᠡᠨ ᠭᠤᠤᠯ ᠢ | ᠲᠠᠭᠠᠵᠤ ᠨᠤᠳᠤᠭᠰᠢᠨ ᠰᠠᠭᠤᠷᠢᠰᠢᠪᠠ᠃ ᠢᠮᠢᠨ ᠭᠤᠤᠯ ᠤᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠬᠤᠢ ᠶᠢᠨ ᠭᠤᠤᠯ ᠢ ᠲᠠᠭᠠᠵᠤ ᠨᠢᠭᠡ | ᠪᠦᠯᠦᠭ ᠠᠶᠢᠯ ᠤᠳ ᠤᠳᠤᠷᠯᠠᠨ ᠨᠡᠭᠦᠳᠡᠭ ᠪᠠᠶᠢᠭᠰᠨᠨ ᠪᠤᠯᠪᠠᠴᠤ ᠬᠤᠯᠠᠭᠠᠢ ᠲᠡᠭᠡᠷᠡᠮ ᠤᠨ ᠠᠶᠤᠯ ᠠᠴᠠ ᠵᠠᠶᠢᠯᠠᠵᠤ᠂ | ᠢᠮᠢᠨ ᠭᠤᠤᠯ ᠤᠨ ᠵᠡᠭᠦᠨ ᠲᠠᠯᠠ ᠳᠤ ᠭᠠᠷᠴᠤ ᠰᠠᠭᠤᠷᠢᠰᠢᠯ ᠪᠠᠶᠢᠭᠤᠯᠵᠤ ᠡᠪᠤᠯᠵᠢᠬᠦ ᠪᠤᠯᠪᠠ᠃ ᠢᠡᠭᠭᠢᠭᠡᠳ ᠠᠭᠠ | ᠨᠤᠳᠤᠭ ᠤᠨ ᠬᠦᠮᠤᠰ ᠵᠠᠯᠭᠠ ᠪᠠᠷ ᠨᠡᠮᠡᠵᠤ ᠢᠷᠡᠭᠰᠡᠭᠡᠷ ᠬᠡᠳᠤᠬᠡᠨ ᠵᠢᠯ ᠤᠨ ᠲᠤᠳᠤᠷᠠ 800 ᠰᠢᠬᠠᠮ ᠡᠷᠤᠬᠡ᠂ | 3000 ᠤᠷᠴᠢᠮ ᠬᠦᠮᠤᠨ ᠠᠮᠠ ᠲᠠᠢ ᠪᠤᠯᠤᠭᠰᠨᠨ ᠪᠠᠶᠢᠨᠠ᠃ | ᠰᠢᠨᠡᠬᠡᠨ ᠳᠤ ᠢᠷᠡᠭᠰᠡᠨ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠢ ᠲᠤᠯᠤᠭᠠᠢᠢᠯᠠᠨ ᠲᠠᠭᠠᠭᠤᠯᠵᠤ ᠢᠷᠡᠭᠰᠡᠨ ᠬᠦᠮᠤᠨ ᠪᠤᠯ | ᠪᠠᠵᠠᠷ ᠤᠨ ᠨᠠᠮᠳᠠᠭ ᠨᠤᠶᠠᠨ ᠪᠦᠭᠡᠳ ᠲᠡᠷᠡ ᠤᠷᠢᠳ ᠬᠤᠵᠢᠳ 2 ᠤᠳᠠᠭᠠ ᠬᠦᠯᠤᠨ ᠪᠤᠶᠢᠷ ᠲᠤ ᠢᠷᠡᠵᠤ᠂ ᠪᠦᠬᠦ | ᠶᠠᠪᠤᠳᠠᠯ ᠢ ᠬᠢᠵᠤ ᠦᠭᠭᠦᠭᠰᠡᠨ ᠪᠤᠯᠪᠠᠴᠤ 1921 ᠤᠨ ᠳᠤ ᠠᠭᠠ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠤ ᠲᠠᠬᠢᠨ ᠢᠷᠡᠭᠰᠡᠨ | ᠦᠭᠡᠢ ︵ᠰᠤᠨᠤᠰᠤᠯᠳᠠ ᠪᠠᠷ ᠲᠦᠷᠭᠡᠨ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠤᠯᠤᠭᠰᠨᠨ ᠭᠡᠨᠡ︶᠃ ᠬᠠᠷᠢᠨ ᠲᠡᠭᠦᠨ ᠤ ᠡᠬᠡᠨᠡᠷ᠂ | ᠬᠦᠤ ᠪᠠᠪᠤᠤ ᠲᠠᠢ ᠪᠠᠨ᠂ ᠲᠡᠭᠦᠤ ᠨᠢ ᠪᠠᠵᠠᠷ ᠤᠨ ᠠᠶᠤᠰᠢ ᠭᠡᠷ ᠪᠦᠯᠢ ᠲᠠᠢ ᠪᠠᠨ ᠨᠡᠭᠦᠵᠤ ᠢᠷᠡᠭᠰᠡᠨ ᠶᠤᠮ᠃ ᠲᠡᠷᠡ | ᠦᠶᠡ ᠳᠤ ᠨᠤᠳᠤᠭ ᠪᠦᠬᠦᠨ ᠠᠴᠠ ᠨᠡᠭᠦᠳᠡᠯᠯᠡᠨ ᠭᠠᠷᠴᠤ ᠢᠷᠡᠭᠰᠡᠨ ᠠᠶᠢᠯ ᠤᠳ ᠤᠨ ᠲᠤᠳᠤᠷᠠ ᠲᠤᠰ ᠪᠦᠷᠢ | ᠤᠷᠢᠳᠤ ᠪᠠᠨ ᠬᠠᠷᠠᠵᠤ ᠲᠠᠭᠠᠵᠤ ᠶᠠᠪᠤᠳᠠᠭ ᠲᠤᠮᠤᠭᠠᠳᠠᠨ ᠬᠦᠮᠤᠰ ᠲᠠᠢ ᠪᠠᠶᠢᠪᠠ᠃ ᠡᠳᠡᠭᠡᠷ ᠢ ᠶᠡᠬᠡᠪᠴᠢᠯᠡᠨ ᠲᠤᠷᠠᠳᠪᠠᠯ | ᠄ ᠠᠭᠠ ᠨᠤᠳᠤᠭ ᠤᠨ ᠬᠢᠨ ᠳᠤ ᠪᠠᠵᠠᠷ ᠤᠨ ᠠᠶᠤᠰᠢ᠂ ᠪᠠᠳᠮᠠ ᠶᠢᠨ ᠱᠢᠷᠨᠢᠨ᠃ ᠪᠤᠤᠷᠵᠢ ᠨᠤᠳᠤᠭ ᠤᠨ ᠬᠢᠨ ᠳᠤ | ᠷᠠᠳᠨᠠ ᠶᠢᠨ ᠠᠪᠢᠳᠠ᠂ ᠭᠠᠷᠮᠠ ᠶᠢᠨ ᠦᠷᠵᠢᠨ᠃ ᠦᠯᠢᠷᠡᠩᠭᠡ ᠨᠤᠳᠤᠭ ᠤᠨ ᠬᠢᠨ ᠳᠤ ᠵᠤᠳᠪᠠ ᠶᠢᠨ ᠪᠠᠳᠮᠠ᠂ | ᠵᠠᠮᠰᠠᠷᠠᠨ ᠤ ᠠᠶᠤᠰᠢ᠂ ᠱᠦᠢᠮᠫᠤᠯ ᠤᠨ ᠳ᠋ᠠᠰᠢ᠃ ᠤᠨᠤᠨ ᠨᠤᠳᠤᠭ ᠤᠨ ᠬᠢᠨ ᠳᠤ ᠰᠡᠩᠭᠡ ᠶᠢᠨ ᠳ᠋ᠤᠯᠮᠠ᠂ ᠮᠢᠨᠳᠡᠭ ᠤᠨ | ᠮᠢᠵᠢᠳ ᠵᠡᠷᠭᠡ ᠶᠢᠨ ᠲᠤᠮᠤᠭᠠᠳᠠᠳ ᠪᠠᠶᠢᠪᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠲᠠᠪᠠᠭ᠋ᠠᠢ ᠶᠢᠨ ᠲᠤᠭᠠᠷ ᠴᠡᠷᠡᠨᠵᠠᠪ ᠤᠨ | ᠷᠢᠨᠴᠢᠨᠳᠤᠷᠵᠢ᠂ ᠬᠤᠷᠤᠳᠬᠠ ᠶᠢᠨ ᠮᠠᠷᠭᠤ᠂ ᠨᠠᠮᠰᠠᠷᠠᠢ ᠶᠢᠨ ᠰᠤᠩᠳᠤᠢ ︵ᠪᠠᠯᠬᠤᠵᠢᠨ︶᠂ ᠮᠠᠬᠠᠷ ᠭᠤᠮᠪᠤ᠂ ᠴᠠᠪᠡᠭ ᠤᠨ | ᠬᠤᠯᠬᠤᠢ᠂ ᠭᠤᠮᠪᠤ ᠶᠢᠨ ᠮᠤᠬᠠᠨ ᠵᠡᠷᠭᠡ ᠶᠢᠨ ᠨᠡᠯᠢᠶᠡᠳ ᠨᠡᠷᠡᠳᠠᠢ ᠬᠦᠮᠤᠰ ᠪᠠ ᠪᠠᠶᠠᠴᠤᠤᠯ ᠪᠠᠶᠢᠪᠠ᠃ ᠲᠡᠷᠡᠴᠢᠯᠡᠨ | ᠱᠠᠰᠢᠨ ᠤ ᠲᠠᠯᠠ ᠳᠤ᠂ ᠴᠦᠬᠡᠯ ᠪᠤᠯᠤᠨ ᠠᠭᠠ ᠶᠢᠨ ᠳ᠋ᠠᠴᠠᠩ ᠤᠳ ᠠᠴᠠ ᠭᠠᠷᠴᠤ ᠢᠷᠡᠭᠰᠡᠨ ᠨᠠᠶᠠᠨᠳᠠᠢ ᠶᠢᠨ ᠵᠠᠯᠴᠠᠨ᠂ | ᠲᠠᠭᠠᠷᠢᠨ ᠭᠡᠭᠡᠨ ︵ᠲᠦᠪᠡᠳ ᠬᠦᠮᠤᠨ︶᠂ ᠭᠤᠨᠭ᠍ᠴᠤᠭ ᠤᠨ ᠨᠠᠶᠢᠳᠠᠨ ᠳ᠋ᠤᠷᠤᠮᠪᠠ᠂ ᠬᠡᠰᠢᠭᠳᠦ ᠶᠢᠨ ᠰᠢᠷᠠᠪ᠂ ᠶᠢᠰᠢ ᠮᠡᠷᠡᠮᠪᠠ᠂ | ᠷᠠᠳᠨᠠ ᠶᠢᠨ ᠮᠠᠭᠰᠤᠷ᠂ ᠮᠦᠡᠭᠬᠡ ᠶᠢᠨ ᠲᠤᠷᠵᠢ᠂ ᠲᠡᠩᠵᠡᠨ ᠤ ᠭᠠᠴᠢᠨ᠂ ᠳ᠋ᠤᠯᠳᠢ ᠶᠢᠨ ᠭᠡᠭᠡᠨ ᠵᠡᠷᠭᠡ ᠶᠢᠨ ᠶᠡᠭᠡ | ᠯᠠᠮᠠ ᠨᠠᠷ ᠨᠡᠯᠢᠶᠡᠳ ᠪᠠᠶᠢᠪᠠ᠃ ᠰᠢᠨᠡᠬᠡᠨ ᠨᠤᠳᠤᠭ ᠲᠤ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠢᠷᠡᠭᠰᠡᠨ ᠤ ᠲᠠᠷᠠᠭᠠ᠂ ᠤᠤᠯ ᠤᠨ | ᠴᠠᠭᠠᠨᠳᠠᠨ ᠤ ᠴᠡᠷᠢᠭ ᠲᠤ ᠡᠯᠰᠡᠭᠳᠡᠭᠡᠳ ᠶᠠᠪᠤᠭᠰᠠᠨ ᠢᠶᠠᠨ ᠲᠤᠳᠠᠭᠠᠨ ᠭᠠᠷᠴᠤ ᠢᠷᠡᠭᠰᠡᠨ ᠰᠡᠯᠡᠩᠭᠡ᠂ ᠵᠠᠳ᠋ | ᠨᠤᠳᠤᠭ ᠤᠨ ᠰᠠᠷᠳᠠᠭᠤᠤᠯ᠂ ᠴᠤᠩᠭᠤᠤᠯ ᠤᠪᠤᠭᠳᠤ ᠬᠦᠮᠤᠰ᠂ ᠡᠷᠺᠦ ᠭᠠᠵᠠᠷ ᠤᠨ ᠪᠤᠤᠬᠠᠨ᠂ ᠪᠤᠯᠠᠭᠠᠨ ᠨᠤᠳᠤᠭ ᠤᠨ | ᠬᠦᠮᠤᠰ᠂ ᠪᠠᠷᠭᠤᠵᠢᠨ ᠬᠤᠷᠢ ᠨᠤᠳᠤᠭ ᠤᠨ ᠬᠦᠮᠤᠰ ᠴᠦᠬᠡᠨ ᠲᠤᠭᠠᠳᠠᠢ ᠪᠠᠶᠢᠵᠤ ᠰᠢᠨᠡᠬᠡᠨ ᠤ ᠪᠤᠷᠢᠶᠠᠳ ᠢ | ᠲᠦᠰᠢᠭᠯᠡᠨ ᠢᠷᠡᠵᠤ ᠰᠠᠭᠤᠷᠢᠰᠢᠭᠰᠠᠳ ᠪᠠᠶᠢᠭᠰᠨᠨ ᠶᠤᠮ᠃ ᠮᠦᠨ ᠬᠢᠯᠢ ᠤᠷᠴᠢᠮ ᠦᠯᠢᠷᠡᠩᠭᠡ᠂ ᠪᠤᠤᠷᠵᠢ᠂ ᠤᠨᠤᠨ | ᠵᠡᠷᠭᠡ ᠶᠢᠨ ᠨᠤᠳᠤᠭ ᠤᠳ ᠲᠤ ᠪᠤᠷᠢᠶᠠᠳᠴᠤᠳ ᠲᠠᠢ ᠬᠠᠮᠳᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠬᠠᠮᠨᠢᠭᠠᠨ ᠠᠶᠢᠯ ᠤᠳ ᠪᠠᠰᠠ | ᠪᠤᠷᠢᠶᠠᠤᠴᠤᠳ ᠲᠠᠢ ᠬᠠᠮᠳᠤ ᠨᠡᠭᠦᠳᠡᠯᠯᠡᠨ ᠬᠢᠯᠢ ᠲᠠᠪᠠᠵᠤ ᠭᠠᠷᠴᠤ ᠢᠷᠡᠭᠡᠳ ᠨᠢᠭᠡ ᠪᠦᠯᠦᠭ ᠨᠢ ᠲᠡᠨᠢᠭᠡ᠂ ᠮᠡᠷᠭᠡᠯ | ᠵᠡᠷᠭᠡ ᠶᠢᠨ ᠭᠠᠵᠠᠷ ᠤᠳ ᠢᠶᠠᠷ ᠲᠤᠬᠢᠷᠠᠭᠤᠯᠤᠭᠳᠠᠨ ᠨᠤᠳᠤᠭᠰᠢᠪᠠ᠃ | ᠬᠦᠯᠤᠨ ᠪᠤᠶᠢᠷ ᠤᠨ ᠠᠮᠪᠠᠨ ᠶᠠᠮᠤᠨ ᠤ ᠭᠠᠷᠭᠠᠭᠰᠠᠨ ᠠᠯᠪᠠᠨ ᠪᠢᠴᠢᠭ ᠤᠨ ᠶᠤᠰᠤᠭᠠᠷ ᠰᠢᠨᠡ ᠲᠤᠮᠢᠯᠠᠭᠰᠠᠨ | ᠤᠭᠤᠷᠳᠠ ᠷᠠᠳᠨᠠ ᠶᠢᠨ ᠠᠪᠢᠳᠠ ᠬᠤᠰᠢᠭᠤ ᠰᠤᠮᠤ ᠨᠤᠭᠤᠳ ᠢᠶᠠᠨ ᠴᠡᠭᠴᠡᠯᠡᠨ ᠪᠠᠶᠢᠭᠤᠯᠬᠤ ᠠᠵᠢᠯ ᠢᠶᠠᠨ ᠭᠠᠷᠳᠠᠨ | ᠬᠢᠪᠠ᠃ ᠪᠦᠬᠦ ᠠᠶᠢᠯ ᠤᠳ ᠢᠶᠠᠨ 4 ᠰᠤᠮᠤᠨ ᠳᠤ ᠬᠤᠪᠢᠶᠠᠨ ᠲᠦᠷᠪᠡᠳᠤᠭᠡᠷ ᠰᠤᠮᠤ ᠪᠤᠯᠭᠠᠵᠤ᠂ ᠲᠤᠰ ᠪᠦᠷᠢ ᠨᠢᠭᠡ | ᠰᠤᠮᠤᠨ ᠵᠠᠩᠭᠢ ᠪᠠ ᠰᠤᠮᠤᠨ ᠤ ᠬᠠᠹᠠᠨ ︵ᠤᠷᠤᠯᠠᠨ ᠬᠦᠭᠡᠭᠡᠭᠴᠢ︶ ᠲᠤᠬᠢᠷᠠᠭᠤᠯᠤᠨ ᠨᠤᠳᠤᠭ ᠤᠷᠤᠨ ᠤ ᠦᠨᠳᠤᠰᠤᠨ | ᠵᠠᠬᠢᠷᠭᠠ ᠪᠤᠯᠭᠠᠪᠠ᠃ ᠪᠤᠷᠢᠶᠠᠳᠴᠤᠳ ᠲᠠᠢ ᠬᠠᠮᠳᠤ ᠨᠡᠭᠦᠵᠤ ᠢᠷᠡᠭᠰᠡᠨ ᠤᠯᠠᠨ ᠬᠠᠮᠨᠢᠭᠠᠨ ᠠᠶᠢᠯ ᠤᠳ ᠤᠨ | ᠤᠯᠠᠩᠬᠢ ᠶᠢ ᠨᠢ ᠬᠠᠶᠢᠯᠠᠷ ᠭᠤᠤᠯ ᠤᠨ ᠠᠷᠤ ᠲᠠᠯᠠ᠂ ᠲᠡᠨᠢᠬᠡ᠂ ᠮᠡᠷᠭᠡᠯ ᠵᠡᠷᠭᠡ ᠶᠢᠨ ᠭᠠᠵᠠᠷ ᠤᠳ ᠢᠶᠠᠷ ᠨᠤᠳᠤᠭ | ᠲᠤᠬᠢᠷᠠᠭᠤᠯᠵᠤ 2 ᠰᠤᠮᠤ ᠪᠤᠯᠭᠠᠨ ᠲᠡᠷᠡ ᠦᠶᠡ ᠶᠢᠨ ᠰᠤᠯᠤᠨ ᠵᠡᠭᠦᠨ ᠭᠠᠷ ᠤᠨ ᠵᠠᠬᠢᠷᠭᠠ ᠳᠤ ᠬᠠᠮᠢᠶᠠᠷᠤᠭᠤᠯᠪᠠ᠃ | ᠡᠨᠡ ᠨᠢ ᠤᠳᠤ ᠶᠢᠨ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ ᠳᠤ ᠪᠠᠶᠢᠬᠤ ᠡᠸᠡᠩᠬᠢ ᠰᠤᠮᠤᠨ ᠤ ᠪᠦᠷᠢᠯᠳᠦᠭᠰᠡᠨ ᠤᠤᠯ ᠤᠨ | ᠰᠠᠭᠤᠷᠢ ᠪᠢᠯᠡ᠃ ᠰᠢᠨᠡᠬᠡᠨ ᠤ ᠪᠤᠷᠢᠶᠠᠳ ᠬᠤᠰᠢᠭᠤᠨ ᠳᠤ ᠮᠦᠨ ᠴᠤ ᠬᠡᠳᠤᠨ ᠠᠷᠪᠠᠨ ᠬᠠᠮᠨᠢᠭᠠᠨ ᠠᠶᠢᠯ ᠤᠳ | ᠦᠯᠡᠳᠡᠵᠤ ᠰᠠᠭᠤᠷᠢᠰᠢᠭᠠᠳ ᠤᠳᠤ ᠬᠦᠷᠳᠡᠯᠡ ᠪᠤᠷᠢᠶᠠᠳᠴᠤᠳ ᠲᠠᠢ ᠬᠠᠮᠳᠤ ᠰᠠᠭᠤᠵᠤ ᠪᠠᠶᠢᠳᠠᠭ᠃ ᠶᠡᠷᠤ ᠳᠡᠭᠡᠨ | ᠬᠠᠮᠨᠢᠭᠠᠨ ᠪᠤᠯ ᠪᠤᠷᠢᠶᠠᠳ ᠨᠠᠷ ᠲᠠᠢ ᠦᠯᠢᠷᠡᠩᠭᠡ᠂ ᠪᠤᠤᠷᠵᠢ᠂ ᠤᠨᠤᠨ ᠵᠡᠷᠭᠡ ᠶᠢᠨ ᠨᠤᠳᠤᠭ ᠤᠳ ᠲᠤ ᠬᠠᠮᠳᠤ | ᠰᠠᠭᠤᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠮᠦᠨ ᠬᠠᠮᠳᠤ ᠪᠠᠷ ᠨᠡᠭᠦᠳᠡᠯᠯᠡᠨ ᠭᠠᠷᠴᠤ ᠢᠷᠡᠭᠡᠳ ᠰᠢᠨᠡᠬᠡᠨ ᠳᠤ ᠢᠷᠡᠭᠰᠡᠨ ᠠᠴᠠ | ᠬᠤᠶᠢᠰᠢ ᠴᠤ ᠨᠢᠭᠡ ᠪᠦᠯᠦᠭ ᠨᠢ ᠪᠤᠷᠢᠶᠠᠳᠴᠤᠳ ᠲᠠᠢ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠬᠠᠮᠳᠤ ᠤᠷᠤᠰᠢᠨ | ᠰᠠᠭᠤᠭᠰᠨᠨ ᠤ ᠬᠤᠪᠢ ᠳᠤ᠂ ᠤᠷᠤᠭ ᠲᠦᠷᠤᠯ ᠤᠨ ᠬᠠᠷᠢᠴᠠᠭᠠ ᠮᠠᠰᠢ ᠤᠯᠠᠨ ᠪᠤᠯᠵᠤ ᠤᠳᠤ ᠶᠢᠨ ᠪᠠᠶᠢᠳᠠᠯ ᠢᠶᠠᠷ | ᠤᠪᠤᠭ ᠬᠠᠯᠠ ᠶᠢ ᠨᠢ ᠮᠦᠷᠳᠡᠵᠤ ᠯᠡ ᠮᠡᠳᠡᠬᠦ ᠠᠴᠠ ᠪᠤᠰᠤ ᠶᠡᠷᠤ ᠳᠡᠭᠡᠨ ᠪᠤᠷᠢᠶᠠᠳ ᠬᠠᠮᠨᠢᠭᠠᠨ ᠬᠡᠮᠡᠨ ᠢᠯᠭᠠᠬᠤ ᠳᠤ | ᠪᠡᠷᠭᠡᠳᠠᠢ ᠪᠤᠯᠤᠭᠠᠳ ᠪᠠᠶᠢᠨᠠ᠃ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠰᠢᠨᠡᠬᠡᠨ ᠳᠤ ᠨᠤᠳᠤᠭ ᠤᠷᠤᠨ᠂ ᠪᠠᠶᠢᠷᠢ ᠰᠠᠭᠤᠷᠢ ᠪᠠᠨ ᠤᠯᠵᠤ ᠵᠠᠰᠠᠭ | ᠵᠠᠬᠢᠷᠭᠠ ᠲᠠᠢ ᠪᠤᠯᠵᠤ ᠲᠠᠶᠢᠪᠤᠰᠢᠷᠠᠨ ᠡᠬᠢᠯᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠠᠷᠪᠠᠭᠠᠳ ᠵᠢᠯ ᠤᠨ ᠲᠤᠷᠰᠢ ᠳᠤ ᠦᠷᠬᠦᠯᠵᠢ ᠶᠢᠨ | ᠴᠢᠨᠠᠷᠳᠠᠢ ᠪᠠᠷ ᠤᠷᠤᠰ ᠤᠷᠤᠨ ᠤ ᠪᠤᠷᠢᠶᠠᠳ ᠤᠨ ᠨᠤᠳᠤᠭ ᠪᠦᠬᠦᠨ ᠠᠴᠠ ᠤᠯᠠᠨ ᠴᠦᠬᠡᠨ ᠠᠳᠠᠯᠢ ᠪᠤᠰᠤ ᠪᠠᠷ | ᠬᠦᠮᠤᠰ ᠨᠡᠮᠡᠵᠤ ᠢᠷᠡᠭᠰᠡᠭᠡᠷ ᠯᠡ ᠪᠠᠶᠢᠪᠠ᠃ ᠭᠠᠭᠴᠠ ᠬᠤᠶᠠᠷ ᠬᠦᠮᠤᠰ᠂ ᠭᠤᠷᠪᠠ ᠲᠠᠪᠤᠨ ᠬᠦᠮᠤᠰ ᠪᠤᠶᠤ ᠬᠡᠳᠤᠨ | ᠡᠷᠤᠬᠡ᠂ ᠬᠡᠳᠤᠨ ᠠᠷᠪᠠᠨ ᠡᠷᠤᠬᠡ ᠭᠡᠬᠦ ᠮᠡᠳᠤ ᠪᠠᠷ ᠤᠷᠢᠳ ᠬᠤᠵᠢᠳ ᠦᠷᠬᠦᠯᠵᠢᠯᠡᠵᠤ᠂ 1929 ᠤᠨ ᠤ | ᠡᠬᠢᠨ ᠳᠤ ᠪᠤᠤᠷᠵᠢ᠂ ᠲᠠᠷᠢ ᠨᠤᠳᠤᠭ ᠤᠳ ᠤᠨ 100 ᠭᠠᠷᠤᠢ ᠡᠷᠤᠬᠡ ᠠᠶᠢᠯ ᠮᠠᠯ ᠬᠦᠷᠤᠩᠭᠡ᠂ ᠭᠡᠷ ᠪᠦᠯᠢ ᠲᠠᠢ ᠪᠠᠨ | ᠪᠦᠭᠡᠮ ᠢᠶᠠᠷ ᠨᠡᠭᠦᠳᠡᠯᠯᠡᠨ ᠬᠢᠯᠢ ᠲᠠᠪᠠᠵᠤ ᠭᠠᠷᠴᠤ ᠢᠷᠡᠭᠰᠡᠨ ᠡᠳᠡᠭᠡᠷ ᠢ ᠲᠤᠷᠵᠢ ᠶᠢᠨ ᠬᠤᠯᠬᠤᠨ ᠪᠤᠯᠤᠨ ᠪᠤᠳ᠋ ᠤᠨ | ᠴᠠᠷᠠᠶᠢᠳᠠᠷ ᠬᠤᠶᠠᠷ ᠭᠡᠷ ᠠᠬᠠᠯᠠᠨ ᠲᠠᠭᠠᠭᠤᠯᠵᠤ ᠢᠷᠡᠭᠰᠡᠨ ᠶᠤᠮ᠃ ᠮᠦᠨ ᠲᠡᠷᠡ ᠦᠶᠡ ᠳᠤ ᠮᠤᠩᠭᠤᠯ ᠤᠯᠤᠰ ᠤᠨ | ᠬᠠᠯᠬᠠ ᠨᠦᠮᠤᠷᠭᠡ ᠶᠢᠨ ᠬᠤᠰᠢᠭᠤᠨ ᠤ ᠪᠤᠷᠢᠶᠠᠳ ᠨᠠᠷ ᠠᠴᠠ ᠬᠡᠳᠤᠨ ᠡᠷᠤᠬᠡ ᠬᠦᠮᠤᠰ ᠭᠠᠷᠴᠤ ᠢᠷᠡᠭᠰᠡᠨ ᠤᠳᠠᠭᠠ | ᠴᠤ ᠪᠠᠶᠢᠪᠠ᠃ ᠡᠶᠢᠮᠤᠷᠬᠦᠤ ᠪᠠᠶᠢᠳᠠᠯ ᠠᠩᠬᠠ ᠬᠤᠰᠢᠭᠤ ᠪᠤᠯᠤᠭᠰᠠᠨ ᠠᠴᠠ ᠬᠤᠶᠢᠰᠢ 10 ᠵᠢᠯ ᠦᠷᠬᠦᠯᠵᠢᠯᠡᠵᠤ᠂ | ᠢᠷᠡᠭᠰᠡᠳ ᠤᠨ ᠤᠯᠠᠩᠬᠢ ᠨᠢ ᠭᠡᠷ ᠪᠠᠷᠠᠭᠠ ᠦᠭᠡᠢ᠂ ᠮᠠᠯ ᠬᠦᠷᠤᠩᠭᠡ ᠦᠭᠡᠢ᠂ ᠲᠠᠩ ᠮᠤᠷᠢ ᠪᠤᠶᠤ ᠨᠢᠭᠡ ᠬᠤᠶᠠᠷ | ᠲᠡᠷᠭᠡ ᠤᠨᠤᠯᠭᠠ ᠲᠠᠢ ᠪᠠᠷ ᠭᠡᠷ ᠪᠦᠯᠢ ᠪᠠᠨ ᠠᠪᠴᠤ ᠢᠷᠡᠭᠰᠡᠳ ᠠᠯᠢ ᠤᠯᠠᠨ ᠪᠠᠶᠢᠪᠠ᠃ 1929 ᠤᠨ | ᠪᠤᠯᠬᠤ ᠳᠤ ᠰᠢᠨᠡᠭᠡᠨ ᠤ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠬᠦᠮᠤᠰ ᠨᠠᠮᠡᠵᠤ ᠢᠷᠡᠭᠰᠡᠭᠡᠷ ᠪᠠᠶᠢᠭᠠᠳ ᠡᠷᠤᠬᠡ ᠶᠢᠨ ᠲᠤᠭᠠ | 900 ᠰᠢᠬᠠᠮ᠂ ᠬᠦᠮᠤᠨ ᠠᠮᠠ 4000 ᠤᠷᠴᠢᠮ ᠪᠤᠯᠵᠤ ᠠᠮᠪᠠᠨ ᠶᠠᠮᠤᠨ ᠠᠴᠠ ᠪᠤᠷᠢᠶᠠᠳ ᠬᠤᠰᠢᠭᠤ ᠶᠢ | ᠦᠷᠭᠡᠳᠭᠡᠨ ᠪᠠᠷᠠᠭᠤᠨ ᠵᠡᠭᠦᠨ ᠬᠤᠶᠠᠷ ᠭᠠᠷ᠂ ᠨᠠᠢᠮᠠᠨ ᠰᠤᠮᠤ ᠪᠤᠯᠭᠠᠬᠤ ᠰᠢᠢᠳᠪᠤᠷᠢ ᠶᠢ 1929 ᠤᠨ ᠤ 4 ᠳ᠋ᠤᠭᠡᠷ | ᠰᠠᠷᠠ ᠳᠤ ᠭᠠᠷᠭᠠᠨ᠂ ᠮᠢᠨᠳᠡᠭ ᠤᠨ ᠮᠢᠵᠢᠳ ᠢ ᠦᠷᠬᠦᠯᠵᠢᠯᠡᠨ ᠪᠦᠭᠦᠳᠡ ᠶᠢᠨ ᠲᠠᠷᠤᠭᠠ ᠤᠭᠤᠷᠳᠠ ᠪᠠᠷ | ᠠᠵᠢᠯᠯᠠᠭᠤᠯᠤᠨ᠂ ᠵᠡᠭᠦᠨ ᠭᠠᠷ ᠤᠨ ᠲᠡᠳ᠋ ᠲᠠᠷᠤᠭᠠ ︵ᠭᠠᠯᠢᠳᠠ︶ ᠳᠤ ᠵᠠᠮᠰᠠᠷᠠᠨ ᠤ ᠠᠶᠤᠰᠢ᠂ ᠪᠠᠷᠠᠭᠤᠨ ᠭᠠᠷ ᠤᠨ | ᠲᠡᠳ᠋ ᠲᠠᠷᠤᠭᠠ ︵ᠭᠠᠯᠢᠳᠠ︶ ᠳᠤ ᠱᠦᠢᠮᠫᠤᠯ ᠤᠨ ᠳ᠋ᠠᠰᠢ ︵ᠱᠠᠷᠠᠶᠢᠳ ᠤᠪᠤᠭ ᠲᠠᠢ︶ ᠶᠢ ᠲᠤᠬᠢᠷᠠᠭᠤᠯᠤᠭᠰᠠᠨ | ᠪᠠᠶᠢᠨᠠ᠃ ᠢᠡᠭᠭᠢᠭᠡᠳ ᠲᠡᠷᠡ ᠵᠢᠯ ᠤᠨ ᠡᠬᠢᠨ ᠳᠤ ᠨᠡᠭᠦᠵᠤ ᠢᠷᠡᠭᠰᠡᠨ ᠲᠠᠷᠢ᠂ ᠪᠤᠤᠷᠵᠢ ᠨᠤᠳᠤᠭ ᠤᠨ 100 | ᠭᠠᠷᠤᠢ ᠠᠶᠢᠯ ᠤᠳ ᠢ ᠬᠤᠢ ᠭᠤᠤᠯ ᠲᠠᠭᠠᠤ ᠲᠦᠰᠢ᠂ ᠰᠢᠪᠡᠭᠡ ᠬᠦᠷᠳᠡᠯᠡ ᠲᠤᠬᠢᠷᠠᠭᠤᠯᠤᠨ ᠰᠠᠭᠤᠷᠢᠰᠢᠭᠤᠯᠪᠠ᠃ | ᠠᠳᠡ ᠲᠠᠬᠢᠨ ᠬᠡᠯᠡᠬᠦ ᠳᠤ ᠠᠩᠬᠠ ᠬᠢᠯᠢ ᠲᠠᠪᠠᠵᠤ ᠨᠡᠭᠦᠳᠡᠯᠯᠡᠨ ᠢᠷᠡᠬᠦ ᠦᠶᠡ ᠳᠤ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠬᠡᠷᠤᠯᠤᠨ᠂ ᠮᠡᠨᠡᠩ ᠬᠠᠪᠢ ᠠᠴᠠ ᠪᠤᠶᠦ ᠲᠡᠭᠦᠨ ᠠᠴᠠ ᠨᠠᠭᠠᠰᠢᠯᠠᠬᠤ ᠵᠠᠮ ᠲᠤᠮᠳᠠ ᠠᠴᠠ᠂ ᠡᠰᠡᠪᠡᠯ | ᠰᠢᠨᠡᠬᠡᠨ ᠳᠤ ᠢᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠡᠯᠳᠡᠪ ᠰᠢᠯᠳᠠᠭᠠᠨ ᠢᠶᠠᠷ ᠬᠡᠳᠤᠨ ᠡᠷᠤᠬᠡ ᠪᠤᠶᠤ ᠬᠡᠳᠤᠨ ᠠᠷᠪᠠᠨ | ᠡᠷᠤᠬᠡ ᠪᠠᠷ ᠨᠡᠶᠢᠳᠡ 100 ᠭᠠᠷᠤᠢ ᠡᠷᠤᠬᠡ ᠠᠶᠢᠯ ᠨᠢ ᠮᠤᠩᠭᠤᠯ ᠤᠯᠤᠰ ᠤᠨ ᠬᠠᠯᠭᠠ ᠭᠤᠤᠯ᠂ ᠨᠦᠮᠤᠷᠬᠡ ᠶᠢᠨ | ᠭᠤᠤᠯ ᠦᠭᠡᠳᠡ ᠤᠴᠢᠵᠤ ᠨᠢᠭᠡᠨᠳᠡ ᠲᠡᠨᠳᠡ ᠤᠴᠢᠭᠠᠳ ᠪᠠᠶᠢᠭᠰᠠᠨ ᠪᠠᠷᠳᠠᠰᠢ ᠶᠢᠨ ᠰᠠᠨᠵᠢᠶᠠ ᠨᠤᠶᠠᠨ ᠲᠡᠷᠢᠭᠦᠨ ᠲᠠᠢ | ᠪᠤᠷᠢᠶᠠᠳᠴᠤᠳ ᠲᠠᠢ ᠨᠡᠶᠢᠯᠡᠭᠰᠡᠨ ᠪᠤᠶᠤ ᠤᠯᠠᠮ ᠴᠢᠨᠠᠭᠰᠢ ᠬᠡᠨᠳᠠᠢ ᠬᠠᠨ ᠠᠶᠢᠮᠠᠭ ᠤᠨ ᠶᠦᠬᠦᠵᠡᠷ ᠬᠤᠳᠤᠭᠳᠤ ᠶᠢᠨ | ᠱᠠᠪᠢ ᠪᠤᠯᠵᠤ ᠤᠷᠤᠭᠰᠠᠨ ᠡᠷᠤᠬᠡ ᠪᠠᠰᠠ 70 ᠤᠷᠴᠢᠮ ᠪᠠᠶᠢᠭᠰᠠᠨ ᠶᠢᠨ ᠰᠡᠭᠦᠯ ᠳᠤ 1924 ᠤᠨ ᠳᠤ ᠬᠠᠯᠬᠠ | ᠨᠦᠮᠤᠷᠭᠡ ᠶᠢᠨ ᠭᠤᠤᠯ ᠤᠨ ᠪᠤᠷᠢᠶᠠᠳ ᠬᠤᠰᠢᠭᠤᠨ ᠳᠤ ᠬᠠᠮᠵᠢᠵᠤ ᠤᠷᠤᠭᠰᠠᠨ ᠭᠡᠳᠡᠭ᠃ ᠡᠳᠡᠭᠡᠷ ᠢ ᠶᠡᠷᠤ ᠳᠡᠭᠡᠨ ︽ | ᠱᠠᠪᠢ ᠶᠢᠨ ᠬᠢᠳ︾ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠰᠢᠨᠡᠬᠡᠨ ᠤ ᠪᠤᠷᠢᠶᠠᠳᠴᠤᠳ ᠪᠤᠯᠤᠨ ᠮᠤᠩᠭᠤᠯ ᠤᠯᠤᠰ ᠤᠨ ᠬᠠᠯᠬᠠ | ᠨᠦᠮᠤᠷᠭᠡ ᠶᠢᠨ ᠭᠤᠤᠯ ᠤᠨ ᠪᠤᠷᠢᠶᠠᠳ ᠬᠤᠰᠢᠭᠤᠨ ᠤ ︵ᠤᠳᠤ ᠶᠢᠨ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠤᠨ ᠴᠠᠭᠠᠨ ᠤᠪᠤᠭᠠ | ᠰᠤᠮᠤ︶ ᠬᠦᠮᠤᠰ ᠤᠨ ᠲᠤᠮᠳᠠ ᠲᠦᠷᠤᠯ ᠰᠠᠳᠤᠨ ᠤ ᠬᠤᠯᠪᠤᠭᠠ ᠪᠦᠬᠦᠢ ᠬᠦᠮᠤᠰ ᠤᠯᠠᠨ ᠪᠠᠶᠢᠬᠤ ᠰᠢᠯᠳᠠᠭᠠᠨ ᠨᠢ | ᠠᠩᠬᠠᠨ ᠳᠠᠭᠠᠨ ᠪᠤᠤᠷᠵᠢ᠂ ᠤᠨᠤᠨ᠂ ᠦᠯᠢᠷᠡᠩᠬᠡ᠂ ᠠᠭᠠ ᠨᠤᠳᠤᠭ ᠤᠳ ᠲᠤ ᠬᠠᠮᠳᠤ ᠪᠠᠶᠢᠵᠤ᠂ ᠲᠡᠭᠡᠷᠡ ᠵᠠᠭᠤᠨ ᠤ | ᠬᠤᠷᠢᠭᠠᠳ ᠤᠨ ᠤ ᠡᠬᠢᠨ ᠤ ᠦᠶᠡ ᠳᠤ ᠶᠡᠭᠡ ᠨᠡᠭᠦᠳᠡᠯ ᠤᠨ ᠲᠤᠮᠳᠠ ᠠᠬᠠ ᠲᠡᠭᠦᠤ᠂ ᠲᠦᠷᠤᠯ ᠰᠠᠳᠤᠨ ᠬᠠᠷᠢᠯᠴᠨᠨ | ᠬᠠᠭᠠᠴᠠᠭᠰᠠᠨ ᠠᠴᠠ ᠪᠤᠯᠤᠭᠰᠠᠨ ᠪᠦᠭᠡᠳ ᠲᠡᠭᠡᠷᠡ ᠵᠠᠭᠤᠨ ᠤ ᠬᠤᠷᠢᠭᠠᠳ ᠤᠨ ᠤ ᠦᠶᠡ ᠳᠤ ᠬᠠᠷᠢᠯᠴᠠᠨ | ᠶᠠᠪᠤᠯᠴᠠᠵᠤ ᠪᠠᠶᠢᠭᠰᠠᠨ ᠲᠡᠤᠬᠡ ᠲᠠᠢ ᠶᠤᠮ᠃ | ᠰᠢᠨᠡᠬᠡᠨ ᠤ ᠪᠤᠷᠢᠶᠠᠳᠴᠤᠳ ᠭᠡᠪᠡᠯ ᠦᠨᠳᠤᠰᠤ ᠢᠵᠠᠭᠤᠷ ᠠᠴᠠ ᠦᠵᠡᠬᠦ ᠳᠤ᠂ ᠠᠭᠠ ᠶᠢᠨ ᠪᠤᠷᠢᠶᠠᠳ ᠤᠨ | ᠪᠦᠷᠢᠯᠳᠤᠭᠦᠨ ᠳᠤ ᠪᠠᠭᠳᠠᠬᠤ ᠪᠦᠭᠡᠳ ᠬᠤᠷᠢ ᠶᠢᠨ 11 ᠤᠪᠤᠭ ᠤᠨ ᠲᠤᠳᠤᠷᠠᠬᠢ 8 ᠤᠪᠤᠭ ᠢᠶᠠᠷ ᠭᠤᠤᠯᠯᠠᠵᠤ | ᠪᠠᠷᠠᠭᠤᠨ ᠵᠦᠭ ᠤᠨ ᠪᠤᠷᠢᠶᠠᠳ᠂ ᠰᠡᠯᠡᠩᠭᠡ᠂ ᠪᠠᠷᠭᠤᠵᠢᠨ ᠤ ᠪᠤᠷᠢᠶᠠᠳ ᠴᠦᠬᠡᠨ ᠪᠠᠶᠢᠵᠤ᠂ ᠪᠠᠰᠠ ᠨᠢᠭᠡ ᠪᠦᠯᠦᠭ | ᠬᠠᠮᠨᠢᠭᠠᠨ ᠤᠪᠤᠭᠳᠠᠨ ᠪᠠᠶᠢᠬᠤ ᠶᠤᠮ᠃ ᠰᠢᠨᠡᠬᠡᠨ ᠪᠤᠷᠢᠶᠠᠳ ᠤᠨ ᠬᠦᠯᠤᠨ ᠪᠤᠶᠢᠷ ᠲᠤ ᠨᠡᠭᠦᠨ ᠢᠷᠡᠵᠤ | ᠨᠤᠳᠤᠭᠰᠢᠭᠰᠨᠨ ᠨᠢ ᠲᠤᠤᠷᠠᠬᠢ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠬᠤ ᠶᠤᠮ᠃ | ᠨᠡᠭᠦᠳᠡᠯᠴᠢᠨ ᠠᠮᠢᠳᠤᠷᠠᠯᠳᠠᠢ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ᠂ ᠤᠢᠢᠷᠠ ᠵᠡᠷᠭᠡᠯᠡᠳᠡᠭᠡ ᠪᠠᠶᠢᠬᠤ ᠮᠤᠩᠭᠤᠯ ᠤᠷᠤᠨ | ᠪᠤᠶᠤ ᠬᠦᠯᠤᠨ ᠪᠤᠶᠢᠷ ᠤᠨ ᠨᠤᠳᠤᠭ ᠤᠷᠤᠨ ᠨᠤᠭᠤᠳ ᠢᠶᠠᠷ ᠤᠳᠤᠷᠯᠠᠨ ᠨᠤᠳᠤᠭᠯᠠᠵᠤ ᠤᠷᠤᠵᠤ ᠭᠠᠷᠴᠤ ᠪᠠᠶᠢᠷᠢᠰᠢᠨ | ᠰᠠᠭᠤᠵᠤ ᠪᠠᠶᠢᠭᠰᠠᠨ ᠲᠡᠤᠬᠡ ᠲᠠᠢ ᠶᠤᠮ᠃ ᠵᠢᠱᠢᠶᠡ ᠨᠢ᠄ ᠮᠦᠨ ᠴᠤ ᠠᠯᠢ ᠡᠷᠳᠡ ᠲᠡᠭᠡᠳᠤ ᠴᠠᠭ ᠠᠴᠠ ᠪᠠᠷᠭᠤ | ᠪᠤᠷᠢᠶᠠᠳ ᠪᠠᠶᠢᠭᠠᠯ ᠠᠴᠠ ᠬᠢᠨᠭ᠍ᠭᠠᠨ ᠤ ᠠᠷᠤ ᠬᠤᠷᠮᠤᠢ ᠬᠦᠷᠳᠡᠯᠡ ᠦᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠨᠤᠳᠤᠭ ᠲᠤ | ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠨᠨ ᠲᠡᠤᠬᠡ ᠲᠠᠢ ᠪᠦᠭᠡᠳ 16 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠪᠠᠷᠠᠭᠤᠨ ᠲᠦᠮᠡᠳ ᠤᠨ ᠠᠯᠳᠠᠨ | ᠬᠠᠨ ᠦᠬᠢᠨ ᠪᠠᠯᠵᠢᠨ ᠢᠶᠠᠨ ᠰᠤᠯᠤᠩᠭᠤᠳ ᠠᠶᠢᠮᠠᠭ ᠤᠨ ᠪᠦᠪᠠᠢ ᠪᠠᠶᠢᠯᠡ ᠬᠠᠨ ᠤ ᠬᠦᠪᠡᠭᠦᠨ ᠳ᠋ᠠᠢ ᠬᠤᠨᠭ᠌ | ᠲᠠᠶᠢᠵᠢ ᠳᠤ ᠤᠷᠤᠭᠯᠠᠭᠤᠯᠤᠨ ᠬᠦᠷᠭᠡᠬᠦ ᠳᠡᠭᠡᠨ ᠲᠡᠭᠦᠨ ᠤ ᠬᠠᠷᠢᠶᠠ ᠨᠢᠭᠡ ᠪᠦᠯᠦᠭ ᠬᠤᠷᠢ ᠲᠦᠮᠡᠳ ᠤᠨ ᠪᠤᠷᠢᠶᠠᠳ | ᠨᠠᠷ ᠢ ᠪᠠᠯᠵᠢᠨ ᠬᠠᠳᠤᠨ ᠤ ᠢᠨᠵᠢ ᠪᠤᠯᠭᠠᠨ ᠲᠠᠭᠠᠭᠤᠯᠤᠭᠰᠠᠨ ᠤᠴᠢᠷ ᠠᠴᠠ ᠲᠡᠳᠡ ᠨᠠᠷ ᠬᠦᠯᠤᠨ ᠪᠤᠶᠢᠷ ᠤᠨ | ᠨᠤᠳᠤᠭ ᠲᠤ ᠳ᠋ᠠᠢ ᠬᠤᠨᠭ᠌ ᠲᠠᠶᠢᠵᠢ ᠶᠢᠨ ᠬᠠᠷᠢᠶᠠᠳᠤ ᠪᠠᠷ ᠤᠳᠠᠭᠠᠨ ᠵᠢᠯ ᠰᠠᠭᠤᠭᠰᠠᠨ ᠲᠡᠤᠬᠡ ᠲᠠᠢ ᠪᠢᠯᠡ᠃ ᠬᠠᠷᠢᠨ | ᠡᠨᠡ ᠤᠳᠠᠭᠠ ᠤᠯᠠᠨ ᠲᠤᠭᠠ ᠪᠠᠷ ᠨᠡᠭᠦᠳᠡᠯᠯᠡᠨ ᠬᠢᠯᠢ ᠲᠠᠪᠠᠨ ᠭᠠᠷᠴᠤ ᠢᠷᠡᠭᠰᠡᠨ ᠨᠢ ᠲᠡᠤᠬᠡ ᠶᠢᠨ ᠤᠳᠤᠮᠰᠢᠯ ᠢ | ᠪᠠᠷᠢᠮᠳᠠᠯᠠᠨ ᠠᠩᠬᠠ ᠲᠡᠭᠡᠳᠤ ᠶᠢᠨ ᠨᠤᠳᠤᠭ ᠤᠷᠤᠨ ᠳᠠᠭᠠᠨ ᠪᠤᠴᠠᠵᠤ ᠢᠷᠡᠬᠦ ᠨᠢᠭᠡᠨ ᠲᠠᠯᠠ ᠶᠢᠨ ᠰᠢᠯᠳᠠᠭᠠᠨ ᠪᠤᠯᠬᠤ | ᠶᠤᠮ᠃ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠰᠢᠨᠡᠬᠡᠨ ᠨᠤᠳᠤᠭ ᠲᠤ ᠢᠷᠡᠭᠰᠡᠨ ᠪᠦᠬᠦ ᠶᠠᠪᠤᠴᠠ ᠨᠢ ᠲᠡᠷᠡ ᠦᠶᠡ ᠶᠢᠨ ᠴᠠᠭ | ᠲᠦᠷᠤ ᠶᠢᠨ ᠬᠤᠪᠢᠰᠤᠯ ᠪᠠ ᠤᠷᠤᠰᠢᠨ ᠲᠤᠭᠳᠠᠨᠢᠬᠤ ᠭᠠᠵᠠᠷ ᠨᠤᠳᠤᠭ᠂ ᠲᠠᠶᠢᠪᠤᠡᠭ ᠴᠢᠯᠤᠭᠡᠳᠠᠢ ᠠᠮᠢᠳᠤᠷᠠᠬᠤ | ᠬᠦᠰᠡᠯ ᠡᠷᠡᠮᠡᠯᠵᠡᠯ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠠᠯᠳᠠᠢ ᠪᠦᠭᠡᠳ ᠲᠡᠷᠡ ᠴᠠᠭ ᠦᠶᠡ ᠳᠤ ᠵᠦᠪᠯᠡᠯᠳᠤ ᠤᠯᠤᠰ ᠤᠨ | ᠲᠤᠳᠤᠭᠠᠳᠤ ᠳᠠᠭᠠᠨ ᠵᠡᠭᠦᠨ ᠤ ᠱᠤᠭᠤᠮ ᠢ ᠴᠢᠩᠭᠠ ᠪᠠᠷ ᠶᠠᠪᠤᠭᠤᠯᠵᠤ᠂ ᠮᠠᠰᠢ ᠤᠯᠠᠨ ᠬᠦᠮᠤᠰ ᠢ ᠬᠤᠪᠢᠰᠬᠠᠯ ᠤᠨ | ᠡᠰᠡᠷᠭᠦᠤ ᠪᠤᠶᠤ ᠨᠢᠳᠤᠷᠭᠠᠨ ᠪᠠᠶᠠᠨ ᠬᠡᠮᠡᠨ ᠬᠡᠯᠮᠡᠭᠳᠡᠬᠦᠯᠭᠦ᠂ ᠪᠠᠷᠢᠪᠴᠢᠯᠠᠬᠤ᠂ ᠬᠤᠷᠢᠬᠤ᠂ ᠴᠦᠯᠡᠬᠦ ᠵᠡᠷᠭᠡ ᠶᠢᠨ | ᠶᠠᠪᠤᠳᠠᠯ ᠬᠦᠨᠳᠤ ᠪᠠᠶᠢᠭᠰᠨᠨ ᠲᠤᠯᠠ ᠲᠡᠭᠦᠨ ᠠᠴᠠ ᠠᠶᠤᠬᠤ᠂ ᠵᠠᠶᠢᠯᠠᠬᠤ᠂ ᠲᠤᠳᠠᠭᠠᠬᠤ ᠨᠢ ᠮᠦᠨ ᠨᠢᠭᠡᠨ ᠲᠠᠯᠠ ᠶᠢᠨ | ᠰᠢᠯᠳᠠᠭᠠᠨ ᠪᠤᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃ | ᠭᠤᠷᠪᠠ᠂ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠰᠢᠨᠡᠬᠡᠨ ᠨᠤᠲᠤᠭ ᠲᠤ ᠢᠷᠡᠭᠰᠡᠨ ᠠᠩᠬᠠᠨ ᠤ ᠦᠶᠡ | ᠰᠢᠨᠡᠬᠡᠨ ᠬᠡᠮᠡᠬᠦ ᠨᠤᠳᠤᠭ ᠪᠤᠯ ᠰᠢᠨᠡᠬᠡᠨ ᠭᠤᠤᠯ ᠤᠨ ᠨᠡᠷᠡ ᠪᠠᠷ ᠨᠡᠷᠡᠶᠢᠳᠦᠭᠳᠡᠵᠤ᠂ ᠰᠢᠨᠡᠬᠡᠨ ᠭᠤᠤᠯ ᠨᠢ | ᠲᠡᠤᠬᠡᠨ ᠲᠡᠭᠡᠷᠡ ᠲᠠᠬᠢᠮ ᠤᠨ ᠭᠤᠤᠯ ᠬᠡᠮᠡᠬᠦ ᠨᠡᠷᠡᠳᠠᠢ ᠪᠠᠶᠢᠭᠰᠠᠨ ᠢᠶᠠᠨ 1730 ᠭᠠᠳ ᠤᠨ ᠠᠴᠠ ᠡᠬᠢᠯᠡᠨ | ᠦᠭᠡᠯᠡᠳ ᠬᠦᠮᠤᠰ ᠰᠢᠨᠡᠬᠡᠨ ᠭᠤᠤᠯ ᠭᠡᠵᠤ ᠨᠡᠷᠡᠶᠢᠳᠦᠭᠡᠳ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠰᠢᠨᠡᠬᠡᠨ ᠭᠤᠤᠯ ᠬᠡᠮᠨᠬᠦ | ᠨᠡᠷᠡ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠵᠠᠢ᠃ ᠡᠨᠡ ᠨᠤᠳᠤᠭ ᠦᠨᠢ ᠬᠤᠯᠠ ᠠᠴᠠ ᠠᠶᠢᠯ ᠬᠦᠮᠤᠨ ᠦᠭᠡᠢ ᠤᠷᠬᠢᠭᠳᠠᠮᠠᠯ ᠭᠠᠵᠠᠷ | ᠪᠠᠶᠢᠭᠰᠠᠨ ᠪᠦᠭᠡᠳ ᠭᠤᠤᠯ ᠤᠨ ᠪᠤᠷᠭᠠᠰᠤ᠂ ᠮᠠᠩᠬᠠ ᠪᠤᠯᠳᠤᠷᠤᠤ ᠶᠢᠨ ᠮᠤᠳᠤ ᠰᠢᠭᠤᠢ ᠰᠠᠬᠤᠯᠢᠭ᠂ ᠡᠪᠡᠰᠤ | ᠤᠷᠭᠤᠮᠠᠯ ᠦᠨᠳᠤᠷ ᠦᠳᠭᠡᠨ ᠪᠠᠶᠢᠵᠤ᠂ ᠵᠡᠷᠯᠢᠭ ᠠᠡᠭ ᠬᠦᠷᠤᠭᠡ ᠰᠢᠪᠠᠭᠤ ᠱᠤᠩᠬᠤᠷ ᠠᠴᠠ ᠦᠭᠡᠷᠡ ᠶᠠᠭᠤ ᠴᠤ | ᠬᠠᠷᠠᠭᠳᠠᠬᠤ ᠦᠭᠡᠢ ᠭᠠᠵᠠᠷ ᠪᠠᠶᠢᠪᠠ᠃ ᠦᠭᠡᠯᠡᠳ ᠤᠪᠤᠭᠠ ᠬᠡᠮᠡᠬᠦ ᠠᠭᠤᠯᠠ ᠲᠤᠯᠤᠭᠠᠢ ᠶᠢᠨ ᠦᠪᠤᠷ ᠲᠤ ᠨᠢᠭᠡᠨ | ᠰᠦᠮᠡ ᠶᠢᠨ ᠰᠠᠭᠤᠷᠢ ᠲᠡᠭᠡᠷᠡᠬᠢ ᠡᠪᠳᠡᠷᠬᠡᠢ ᠰᠤᠪᠤᠷᠭᠠ ᠪᠠ ᠪᠠᠶᠠᠨ ᠬᠤᠰᠢᠭᠤ ᠤᠪᠤᠭᠠ ᠶᠢᠨ ᠦᠪᠤᠷ ᠲᠤ ᠨᠢᠭᠡᠨ | ᠰᠦᠮᠡ ᠶᠢᠨ ᠰᠠᠭᠤᠷᠢ ᠠᠴᠠ ᠦᠭᠡᠷᠡ ᠶᠠᠭᠤ ᠴᠤ ᠦᠭᠡᠢ ᠴᠦᠯ ᠭᠠᠵᠠᠷ ᠪᠠᠶᠢᠪᠠ᠃ ᠡᠨᠡ ᠭᠠᠵᠠᠷ ᠠᠩᠬᠠᠨ ᠳᠠᠭᠠᠨ | ᠦᠭᠡᠯᠡᠳ ᠮᠤᠩᠭᠤᠯᠴᠤᠳ 18 ᠵᠠᠭᠤᠨ ᠤ ᠭᠤᠴᠢᠭᠠᠳ ᠤᠨ ᠤ ᠡᠬᠢᠨ ᠤ ᠦᠶᠡ ᠳᠤ ᠬᠦᠯᠤᠨ ᠪᠤᠶᠢᠷ ᠲᠤ ᠢᠷᠡᠵᠤ | ᠨᠤᠳᠤᠭᠰᠢᠨ ᠰᠠᠭᠤᠭᠰᠠᠨ ᠭᠠᠵᠠᠷ ᠪᠠᠶᠢᠭᠰᠠᠨ ᠪᠦᠭᠡᠳ 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠰᠡᠭᠦᠯ ᠦᠶᠡ ᠳᠤ ᠬᠠᠯᠳᠠᠪᠤᠷᠢᠳᠤ | ᠡᠪᠡᠳᠴᠢᠨ ᠲᠠᠷᠪᠠᠭᠠᠨ ᠲᠠᠬᠤᠯ ᠲᠡᠯᠭᠡᠷᠡᠵᠤ ᠮᠠᠰᠢ ᠤᠯᠠᠨ ᠬᠦᠮᠤᠰ ᠦᠭᠦᠭᠰᠡᠨ ᠲᠤᠯᠠ ᠦᠭᠡᠯᠡᠳ ᠮᠤᠩᠭᠤᠯᠴᠤᠳ | ᠨᠤᠳᠤᠭ ᠤᠷᠤᠨ᠂ ᠰᠦᠮᠡ ᠬᠡᠶᠢᠳ ᠢᠶᠠᠨ ᠬᠦᠷᠳᠡᠯᠡ ᠤᠷᠬᠢᠵᠤ ᠨᠤᠳᠤᠭ ᠰᠢᠯᠵᠢᠨ ᠢᠮᠢᠨ ᠭᠤᠤᠯ ᠢ ᠪᠠᠭᠠ ᠦᠭᠰᠤᠨ | ᠨᠡᠭᠦᠨ ᠵᠠᠶᠢᠯᠠᠵᠤ ᠰᠠᠭᠤᠷᠢᠰᠢᠭᠰᠠᠨ ᠪᠠᠶᠢᠪᠠ᠃ ᠡᠶᠢᠮᠤ ᠤᠴᠢᠷ ᠠᠴᠠ ᠰᠢᠨᠡᠬᠡᠨ ᠭᠤᠤᠯ ᠲᠠᠭᠠᠤ ᠠᠳᠡ ᠲᠡᠨᠳᠡ | ᠦᠭᠦᠭᠰᠡᠨ ᠬᠦᠮᠤᠰ ᠤᠨ ᠠᠷᠠᠭ ᠶᠠᠰᠤ᠂ ᠭᠡᠷ ᠲᠡᠷᠭᠡ ᠶᠢᠨ ᠢᠯᠵᠢᠷᠡᠵᠤ ᠬᠤᠪᠠᠭ᠋ᠠᠢ ᠪᠤᠯᠤᠭᠰᠠᠨ ᠦᠯᠡᠳᠡᠭᠳᠡᠯ᠂ | ᠠᠶᠢᠯ ᠤᠳ ᠤᠨ ᠬᠠᠶᠠᠭᠳᠠᠮᠠᠯ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤᠨ ᠵᠦᠢᠯ ᠤᠳ ᠬᠠᠷᠠᠭᠳᠠᠳᠠᠭ ᠪᠠᠶᠢᠪᠠ᠃ ᠡᠨᠡ ᠨᠤᠳᠤᠭ ᠲᠤ | ᠢᠷᠡᠭᠰᠡᠨ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠵᠠᠷᠢᠮ ᠨᠢ ᠡᠯᠳᠡᠪ ᠰᠡᠵᠢᠭ ᠲᠦᠷᠤᠵᠤ᠂ ᠱᠠᠰᠢᠨ ᠤ ᠲᠠᠯᠠ ᠪᠠᠷ ᠨᠤᠮ | ᠭᠦᠷᠢᠮ ᠤᠡᠭᠰᠢᠭᠤᠯᠵᠤ ᠵᠠᠰᠠᠯ ᠬᠢᠯᠭᠡᠬᠦ᠂ ᠵᠠᠷᠢᠮ ᠨᠢ ᠵᠠᠶᠢᠯᠠᠨ ᠶᠠᠪᠤᠬᠤ ᠶᠢ ᠬᠦᠰᠡᠵᠤ ᠦᠨᠡᠬᠡᠷ ᠪᠠᠷᠠᠭᠤᠨᠰᠢ ᠪᠠᠨ | ᠬᠠᠯᠬᠠ ᠭᠤᠤᠯ ᠬᠦᠷᠳᠡᠯᠡ ᠨᠡᠭᠦᠵᠤ ᠤᠴᠢᠭᠰᠠᠨ ᠠᠶᠢᠯ ᠤᠳ ᠴᠤ ᠪᠠᠶᠢᠪᠠ᠃ ᠭᠡᠰᠡᠨ ᠴᠤ ᠤᠯᠠᠩᠬᠢ ᠬᠦᠮᠤᠰ ᠤᠳ | ᠪᠢᠳᠡ ᠤᠷᠤᠨ ᠨᠤᠳᠤᠭ ᠠᠴᠠ ᠭᠠᠷᠴᠤ ᠰᠢᠨᠠ ᠭᠠᠵᠠᠷ ᠲᠤ ᠢᠷᠡᠭᠡᠳ ᠪᠠᠭᠳᠠᠬᠤ ᠲᠤᠭᠳᠠᠬᠤ ᠭᠠᠵᠠᠷ ᠦᠭᠡᠢ ᠨᠡᠭᠦᠵᠤ | ᠰᠠᠭᠤᠵᠤ ᠶᠠᠪᠤᠭᠰᠠᠨ ᠠᠴᠠ ᠶᠠᠮᠠᠷ ᠴᠤ ᠭᠡᠰᠡᠨ ᠤᠷᠤᠰᠢᠨ ᠰᠠᠭᠤᠬᠤ ᠭᠠᠵᠠᠷ ᠨᠤᠳᠤᠭ ᠲᠠᠢ ᠪᠤᠯᠬᠤ ᠨᠢ ᠶᠠᠭᠤᠨ ᠠᠴᠠ | ᠴᠤ ᠴᠢᠬᠤᠯᠠ ᠪᠠᠶᠢᠨᠠ ᠬᠡᠮᠡᠯᠳᠤᠨ ᠬᠠᠷᠢᠨ ᠡᠪᠡᠳᠴᠢᠨ ᠲᠠᠬᠤᠯ ᠭᠠᠷᠬᠤ ᠶᠢ ᠯᠡ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠳᠠᠢ ᠭᠡᠵᠤ | ᠦᠵᠡᠳᠡᠭ ᠪᠠᠶᠢᠪᠠ᠃ ᠡᠶᠢᠮᠤᠷᠬᠡᠤ ᠪᠠᠶᠢᠳᠠᠯ ᠢ ᠦᠨᠳᠤᠰᠤᠯᠡᠨ ᠠᠩᠬᠠᠨ ᠤ ᠤᠭᠤᠷᠳᠠ ︵ᠬᠤᠰᠢᠭᠤᠨ ᠲᠠᠷᠤᠭᠠ︶ | ᠠᠪᠢᠳᠠ ᠲᠤᠰᠬᠠᠢᠢᠯᠠᠨ ᠮᠦᠭᠳᠡᠨ ᠬᠤᠳᠠ ᠬᠦᠷᠳᠡᠯᠡ ᠤᠴᠢᠵᠤ ᠲᠡᠷᠡ ᠦᠶᠡ ᠳᠤ ᠮᠦᠭᠳᠡᠨ ᠬᠤᠳᠠᠨᠠ ᠪᠠᠶᠢᠷᠢᠯᠠᠵᠤ | ᠪᠠᠶᠢᠭᠰᠠᠨ ᠶᠡᠭᠡ ᠯᠠᠮᠠ ᠵᠠᠩᠵᠢᠶᠠ ᠬᠤᠳᠤᠭᠳᠤ ᠷᠢᠯᠪᠢᠳᠤᠷᠵᠢ ᠭᠡᠭᠡᠨ ᠳᠤ ᠤᠴᠠᠷᠠᠨ ᠨᠤᠳᠤᠭ ᠤᠷᠤᠨ ᠨᠡᠭᠦᠨ | ᠰᠤᠯᠢᠵᠤ ᠰᠢᠨᠡ ᠭᠠᠵᠠᠷ ᠢᠷᠡᠭᠰᠡᠨ ᠲᠤᠬᠠᠢ ᠪᠠᠨ ᠬᠡᠯᠡᠵᠤ ᠭᠤᠶᠤᠭᠰᠠᠨ ᠳᠤ ︽ᠲᠦᠢᠨᠠᠭ ᠤᠨ ᠲᠤᠷᠳᠤᠭ︾ ᠭᠡᠮᠡᠬᠦ | ᠨᠤᠮ ᠭᠦᠷᠢᠮ ᠤᠡᠭᠰᠢᠭᠤᠯᠬᠤ ᠬᠡᠷᠡᠭᠳᠠᠢ ᠭᠡᠵᠤ ᠠᠪᠤᠷᠠᠯ ᠪᠠᠭᠤᠯᠭᠠᠭᠰᠠᠨ ᠭᠡᠳᠡᠭ᠃ ᠡᠶᠢᠨ ᠬᠦ ᠤᠭᠤᠷᠳᠠ ᠬᠠᠷᠢᠵᠤ | ᠢᠷᠡᠩᠭᠦᠳᠡ ᠦᠪᠡᠰᠤᠪᠡᠨ ᠭᠤᠤᠯᠯᠠᠨ ᠰᠦᠰᠦᠭᠳᠡᠨ ᠤᠯᠠᠨ ᠲᠠᠢ ᠪᠠᠨ ᠬᠠᠮᠳᠤᠷᠠᠨ ᠢᠮᠢᠨ ᠭᠤᠤᠯ ᠤᠨ ᠵᠡᠭᠦᠨ ᠲᠠᠯᠠ | ᠰᠤᠪᠤᠷᠭᠠᠳᠤ ᠶᠢᠨ ᠠᠷᠤ ᠳᠤ ᠬᠤᠶᠠᠷ ᠮᠤᠩᠭᠤᠯ ᠭᠡᠷ ᠪᠠᠷᠢᠵᠤ ᠪᠤᠳ᠋ ᠤᠨ ᠭᠤᠨᠭ᠍ᠭᠠ᠂ ᠮᠠᠨᠽᠠ ᠷᠢᠨᠴᠢᠨ ᠵᠡᠷᠭᠡ ᠶᠢᠨ 8 | ᠨᠡᠷᠡ ᠵᠤᠳᠴᠢ ᠯᠠᠮᠠ ᠨᠡᠷ ᠢ ᠴᠤᠭᠯᠠᠭᠤᠯᠤᠨ ︽ᠲᠦᠢᠨᠠᠭ ᠤᠨ ᠲᠤᠷᠳᠤᠭ︾ ᠬᠡᠮᠡᠬᠦ ᠨᠤᠮ ᠢ 7 ᠡᠳᠤᠷ 7 ᠰᠦᠨᠢ | ᠤᠡᠭᠰᠢᠭᠤᠯᠵᠤ᠂ ᠨᠤᠳᠤᠭ ᠤᠷᠤᠨ ᠤ ᠵᠠᠰᠠᠯ ᠬᠢᠯᠭᠡᠭᠰᠡᠨ ᠪᠦᠭᠡᠳ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠬᠦᠮᠤᠰ ᠤᠨ ᠰᠡᠳᠭᠢᠯ | ᠰᠠᠨᠠᠭᠠᠨ ᠤ ᠲᠠᠯᠠ ᠶᠢᠨ ᠰᠡᠵᠢᠭ ᠬᠦᠡᠭᠬᠡᠷᠡᠨ ᠰᠠᠨᠠᠭᠠ ᠠᠮᠤᠷ ᠰᠠᠭᠤᠬᠤ ᠪᠤᠯᠤᠭᠰᠠᠨ ᠬᠡᠯᠡᠯᠴᠡᠳᠡᠭ᠃ ᠭᠡᠰᠡᠨ ᠴᠤ | ᠠᠩᠬᠠᠨ ᠤ ᠦᠶᠡ ᠳᠤ ᠬᠡᠳᠤ ᠬᠡᠳᠤᠨ ᠬᠦᠮᠤᠨ ᠡᠯᠳᠡᠪ ᠵᠦᠢᠯ ᠤᠨ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠭᠰᠠᠨ ᠪᠤᠯᠪᠠᠴᠤ | ᠲᠡᠷᠡ ᠦᠶᠡ ᠳᠤ ᠨᠡᠯᠢᠶᠡᠳ ᠵᠦᠭᠡᠷ ᠯᠠᠮᠠ ᠡᠮᠴᠢ ᠨᠠᠷ ᠪᠠᠶᠢᠵᠤ ᠲᠡᠳᠡᠨ ᠤ ᠤᠷᠤᠯᠳᠤᠯᠭᠠ ᠪᠠᠷ ᠡᠪᠡᠳᠴᠢᠨ ᠢ | ᠬᠤᠷᠢᠭᠯᠠᠨ ᠴᠢᠳᠠᠭᠰᠠᠨ ᠶᠤᠮ᠃ ᠰᠢᠨᠡᠬᠡᠨ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠤᠨ ᠠᠵᠢᠯ ᠠᠮᠢᠳᠤᠷᠠᠯ ᠨᠡᠯᠢᠶᠡᠳ | ᠲᠦᠪᠬᠢᠨᠡᠭᠦᠨ ᠪᠤᠯᠤᠭᠰᠨᠨ ᠪᠠᠶᠢᠳᠠᠯ ᠲᠤᠤᠷᠠ 1924 ᠤᠨ ᠤ ᠮᠢᠵᠢᠳ ᠤᠭᠤᠷᠳᠠ ︵ᠬᠠᠯᠪᠢᠨ ᠤᠪᠤᠭ ᠤᠨ | ᠮᠢᠨᠳᠡᠭ ᠤᠨ ᠮᠢᠵᠢᠳ︶ ᠲᠡᠷᠢᠭᠦᠯᠡᠨ ᠵᠠᠩᠭᠢ ᠨᠠᠷ ᠪᠤᠯᠤᠨ ᠨᠤᠳᠤᠭ ᠤᠨ ᠤᠯᠠᠨ ᠲᠦᠮᠡᠨ ᠲᠠᠢ ᠪᠠᠨ ᠵᠦᠪᠳᠡᠨ | ᠬᠡᠯᠡᠯᠴᠡᠵᠤ᠂ ᠰᠢᠨᠡᠬᠡᠨ ᠭᠤᠤᠯ ᠤᠨ ᠬᠤᠶᠢᠳᠤ ᠲᠡᠨᠵᠢ ᠶᠢᠨ ᠦᠨᠳᠤᠷ ᠪᠤᠯᠳᠤᠷᠤᠤ ᠳᠤ ᠰᠢᠨᠡᠬᠡᠨ ᠳᠤ ᠨᠤᠳᠤᠭᠰᠢᠨ | ᠰᠠᠭᠤᠭᠰᠠᠨ ᠪᠠᠶᠠᠷ ᠤᠨ ᠶᠡᠭᠡ ᠨᠠᠶᠢᠷ ᠨᠠᠭᠠᠳᠤᠮ ᠬᠢᠵᠤ᠂ ᠠᠮᠪᠠᠨ ᠶᠠᠮᠤᠨ ᠤ ᠡᠷᠬᠡ ᠪᠠᠷᠢᠭᠴᠢᠳ ᠠᠴᠠ ᠠᠮᠪᠠᠨ ᠨᠤᠶᠠᠨ | ᠬᠦᠢᠹᠦ᠋᠂ ᠬᠦᠡᠭ ᠨᠤᠶᠠᠨ ᠴᠸᠡᠭᠳᠧ ︵ᠴᠡᠩᠳᠡ︶ ᠪᠤᠯᠤᠨ ᠪᠤᠰᠤᠳ ᠤᠯᠠᠨ ᠲᠤᠰᠢᠶᠠᠯᠳᠠᠳ ᠪᠠ ᠵᠡᠷᠭᠡᠯᠡᠳᠡᠭᠡ | ᠬᠤᠰᠢᠭᠤ ᠰᠤᠮᠤ ᠨᠤᠭᠤᠳ ᠤᠨ ᠤᠭᠤᠷᠳᠠ᠂ ᠭᠠᠯᠢᠳᠠ᠂ ᠵᠠᠩᠬᠢ ᠨᠠᠷ ᠢ ᠬᠦᠷᠳᠡᠯᠡ ᠤᠷᠢᠵᠤ ᠬᠦᠨᠳᠤᠳᠭᠡᠨ | ᠵᠤᠴᠢᠯᠠᠬᠤ ᠶᠢᠨ ᠬᠠᠮᠳᠤ ᠨᠤᠳᠤᠭ ᠤᠰᠤ ᠤᠯᠭᠤᠵᠤ ᠪᠠᠭᠳᠠᠭᠠᠨ ᠠᠪᠴᠤ ᠨᠤᠳᠤᠭᠰᠢᠭᠤᠯᠤᠭᠰᠠᠨ ᠳᠤ ᠪᠠᠶᠠᠷ | ᠲᠠᠯᠠᠷᠬᠠᠯ ᠢᠶᠠᠨ ᠢᠯᠡᠳᠭᠡᠨ ᠠᠮᠪᠠᠨ ᠨᠤᠶᠠᠨ ᠳᠤ ᠮᠦᠡᠭᠭᠦᠨ ᠡᠮᠡᠭᠡᠯ ᠬᠠᠵᠠᠭᠠᠷ ᠲᠠᠢ ᠠᠭᠳᠠ ᠮᠤᠷᠢ ᠲᠡᠷᠢᠭᠦᠨ ᠲᠠᠢ | ᠡᠷᠬᠢᠮ ᠰᠠᠶᠢᠨ ᠡᠳ᠋ ᠢ ᠪᠡᠯᠡᠭ ᠪᠤᠯᠭᠠᠨ ᠪᠠᠷᠢᠵᠤ᠂ ᠲᠠᠯᠠᠷᠬᠠᠬᠤ ᠰᠡᠳᠭᠢᠯ ᠢᠶᠠᠨ ᠢᠯᠡᠷᠭᠡᠶᠢᠯᠡᠭᠰᠡᠨ ᠶᠤᠮ᠃ ᠲᠡᠷᠡ | ᠦᠶᠡ ᠳᠤ ᠷᠠᠳᠨᠠ ᠶᠢᠨ ᠠᠪᠢᠳᠠ ᠤᠭᠤᠷᠳᠠ ᠪᠡᠶᠡ ᠮᠠᠭᠤᠳᠠᠢ ᠪᠠᠶᠢᠭᠰᠠᠨ ᠲᠤᠯᠠ ᠤᠷᠤᠨ ᠳᠤᠨᠢ ᠮᠢᠨᠳᠡᠭ ᠤᠨ | ᠮᠢᠵᠢᠳ ᠤᠭᠤᠷᠳᠠ ᠪᠤᠯᠤᠭᠠᠳ ᠪᠠᠶᠢᠭᠰᠠᠨ ᠶᠤᠮ᠃ | ᠮᠢᠨᠳᠡᠭ ᠤᠨ ᠮᠢᠵᠢᠳ ᠤᠭᠤᠷᠳᠠ 1929 ᠤᠨ ᠳᠤ ᠮᠦᠭᠳᠡᠨ ᠬᠤᠳᠠ ᠬᠦᠷᠳᠡᠯᠡ ᠤᠴᠢᠵᠤ ᠨᠢᠭᠡ ᠪᠦᠯᠦᠭ | ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳ ᠬᠦᠯᠤᠨ ᠪᠤᠶᠢᠷ ᠲᠤ ᠨᠡᠭᠦᠳᠡᠯᠯᠡᠨ ᠢᠷᠡᠵᠤ ᠨᠤᠳᠤᠭᠰᠢᠭᠰᠠᠨ ᠲᠤᠬᠠᠢ ᠤᠴᠢᠷ ᠢᠶᠠᠨ ᠲᠡᠷᠡ | ᠦᠶᠡ ᠶᠢᠨ ᠵᠡᠭᠦᠨ ᠬᠤᠶᠢᠳᠤ ᠤᠷᠤᠨ ᠤ ᠴᠡᠷᠢᠭ ᠤᠨ ᠡᠷᠬᠡᠳᠡᠨ ᠵᠠᠩ ᠽᠦᠸᠧ ᠯᠢᠨ ᠪᠤᠯᠤᠨ ᠲᠡᠭᠦᠨ ᠤ ᠬᠦᠤ ᠵᠠᠩ | ᠰᠢᠤᠸᠠᠢ ᠯᠢᠶᠠᠩ ᠳᠤ ᠬᠡᠯᠡᠵᠤ᠂ ᠲᠡᠳᠡᠨ ᠤ ᠲᠡᠮᠵᠢᠯᠡᠭᠡ ᠶᠢ ᠤᠯᠵᠤ᠂ ᠪᠡᠶᠡ ᠪᠠᠨ ᠬᠠᠮᠠᠭᠠᠯᠠᠬᠤ ᠪᠠᠭᠠ ᠵᠡᠷᠭᠡ ᠵᠡᠪᠰᠡᠭ | ᠪᠤᠯᠤᠨ ᠤᠯᠠᠨ ᠳᠤ ᠬᠤᠭᠤᠯᠠ ᠬᠦᠨᠡᠰᠤᠨ ᠤ ᠨᠡᠮᠡᠷᠢ ᠬᠡᠮᠡᠨ ᠪᠠᠭᠠ ᠵᠡᠷᠭᠡ ᠶᠢᠨ ᠠᠮᠤ ᠪᠤᠳᠠᠭᠠ ᠠᠪᠴᠢᠷᠠᠨ ᠤᠯᠠᠨ | ᠲᠦᠮᠡᠨ ᠳᠤ ᠬᠤᠪᠢᠶᠠᠷᠢᠯᠠᠨ ᠦᠭᠭᠦᠭᠰᠡᠨ ᠪᠠᠶᠢᠪᠠ᠃ ᠮᠦᠨ ᠲᠡᠷᠡ ᠦᠶᠡ ᠳᠤ ᠲᠤᠳᠤᠭᠠᠳᠤ ᠶᠢᠨ ᠠᠮᠤᠷ ᠲᠦᠪᠰᠢᠨ ᠤ | ᠪᠠᠶᠢᠳᠠᠯ ᠢ ᠬᠠᠮᠠᠭᠠᠯᠠᠬᠤ ᠵᠤᠷᠢᠯᠭᠠ ᠪᠠᠷ ᠮᠧᠶ᠋ᠢᠨ ᠬᠡᠮᠡᠬᠦ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠠᠩᠭᠢ ᠲᠠᠢ ᠪᠤᠯᠪᠠ᠃ ᠲᠡᠷᠡ ᠨᠢ | ᠨᠤᠳᠤᠭ ᠤᠨ ᠵᠠᠯᠠᠭᠤᠰ ᠠᠴᠠ 20 ᠭᠠᠷᠤᠢ ᠬᠦᠮᠤᠨ ᠢ ᠨᠢᠭᠡᠨ ᠡᠭᠡᠯᠵᠢ ᠪᠤᠯᠭᠠᠨ 15 ᠬᠤᠨᠤᠭ ᠢᠶᠠᠷ ᠡᠭᠡᠯᠵᠢᠯᠡᠭᠦᠯᠤᠨ | ᠰᠠᠭᠤᠯᠭᠠᠳᠠᠭ ᠪᠠᠶᠢᠪᠠ᠃ ᠡᠨᠡ ᠨᠢ 2 ᠮᠤᠩᠭᠤᠯ ᠭᠡᠷ ᠲᠠᠢ᠂ ᠠᠯᠪᠠᠨ ᠤ ᠫᠤᠤ ᠵᠡᠪᠰᠡᠭ ᠲᠠᠢ ᠴᠤ ᠭᠡᠰᠡᠨ ᠮᠤᠷᠢ ᠡᠮᠡᠭᠡᠯ | ᠂ ᠬᠤᠪᠴᠠᠰᠤ ᠬᠤᠨᠠᠷ ᠨᠢ ᠴᠦᠮ ᠬᠤᠪᠢ ᠶᠢᠨ ᠪᠦᠭᠡᠳ ᠡᠨᠡ ᠬᠦ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠠᠩᠭᠢ ᠮᠧᠶ᠋ᠢᠨ ᠤ | ᠲᠠᠷᠤᠭᠠ ᠶᠢ ᠵᠢᠷᠬᠡᠢ ︵ᠮᠠᠨᠵᠤ ᠦᠭᠡ︶ ᠭᠡᠵᠤ ᠬᠡᠯᠡᠳᠡᠭ ᠪᠠᠶᠢᠵᠤ᠂ ᠡᠨᠡ ᠬᠦ ᠲᠤᠰᠢᠶᠠᠯ ᠳᠤ ᠤᠷᠢᠳ ᠬᠤᠵᠢᠳ | ᠯᠠᠮᠠᠵᠠᠪ ᠤᠨ ᠰᠤᠳᠨᠠᠮ᠂ ᠲᠠᠸᠠ ᠶᠢᠨ ᠬᠦᠯᠬᠡᠨ᠂ ᠠᠴᠢᠳᠤ ᠶᠢᠨ ᠭᠤᠮᠪᠤᠵᠠᠪ ᠨᠠᠷ ᠪᠠᠶᠢᠵᠤ᠂ ᠮᠦᠨ ᠡᠭᠡᠯᠵᠢ ᠪᠠᠷ | ᠲᠤᠰᠢᠶᠠᠯ ᠢᠶᠠᠨ ᠭᠦᠢᠴᠡᠳᠭᠡᠬᠦ ᠳᠡᠭᠡᠨ ᠤᠭᠤᠷᠢᠳᠠ ᠨᠤᠶᠠᠨ ᠤ ᠰᠢᠭᠤᠳ ᠤᠳᠤᠷᠢᠳᠤᠯᠭᠠ ᠶᠢ ᠬᠦᠯᠢᠶᠡᠳᠡᠭ ᠪᠠᠶᠢᠪᠠ᠃ | ᠲᠤᠬᠠᠢ ᠶᠢᠨ ᠦᠶ ᠡ ᠳᠤ ᠲᠤᠳᠤᠨᠠ ᠭᠠᠳᠠᠨᠠ ᠶᠢᠨ ᠬᠤᠯᠠᠭᠠᠢ ᠲᠡᠭᠡᠷᠡᠮ ᠡᠳᠤᠢ ᠲᠡᠳᠤᠢ ᠪᠠᠶᠢᠳᠠᠭ ᠪᠠᠶᠢᠪᠠ᠃ | ᠤᠷᠤᠰ ᠤᠨ ᠴᠠᠭᠠᠨᠳᠠᠨ ᠤ ᠪᠦᠯᠦᠭ ᠠᠴᠠ ᠪᠤᠳᠠᠷᠠᠨ ᠰᠠᠷᠨᠢᠭᠰᠠᠨ ᠤᠷᠤᠰ ᠤᠳ 10 — 20 ᠪᠠᠷ ᠪᠦᠯᠦᠭᠯᠡᠨ | ᠠᠭᠤᠯᠠ ᠬᠦᠪᠴᠢ ᠪᠠᠷ ᠪᠠᠶᠢᠷᠢᠯᠠᠨ ᠲᠡᠭᠡᠷᠡᠮ ᠬᠢᠭᠴᠢᠳ ᠬᠡᠳᠤ ᠬᠡᠳᠤᠨ ᠪᠦᠯᠦᠭ ᠪᠠᠶᠢᠪᠠ᠃ ᠵᠢᠱᠢᠶᠠ ᠨᠢ᠄ ᠤᠷᠤᠰ | ᠪᠠᠳ᠋ᠯᠢᠶᠡᠳ᠋ ᠤᠨ ᠪᠦᠯᠦᠭ 20 ᠭᠠᠷᠤᠢ ᠬᠦᠮᠤᠨ ᠲᠠᠢ᠂ ᠫᠤᠤ ᠵᠡᠪᠰᠡᠭ ᠲᠠᠢ᠃ ᠼᠠᠸᠢᠢᠺᠤᠸ᠋ ᠤᠨ ᠪᠦᠯᠦᠭ ᠨᠢ 20 | ᠰᠢᠬᠠᠮ ᠬᠦᠮᠤᠨ ᠲᠠᠢ᠂ ᠫᠤᠤ ᠵᠡᠪᠰᠡᠭ ᠲᠠᠢ᠃ ᠮᠤᠲ᠋ᠤᠷᠢᠨ ᠤ ᠪᠦᠯᠦᠭ ᠨᠢ 10 ᠰᠢᠬᠠᠮ ᠬᠦᠮᠤᠨ ᠲᠠᠢ᠃ ᠡᠳᠡᠭᠡᠷ | ᠲᠡᠭᠡᠷᠡᠮ ᠤᠳ ᠬᠢᠨᠭ᠍ᠭᠠᠨ ᠤ ᠠᠷᠤ ᠬᠦᠪᠴᠢ ᠬᠠᠨᠭ᠍ᠭᠠᠢ᠂ ᠬᠦᠨᠳᠡᠢ ᠵᠢᠯᠠᠭᠠ ᠨᠤᠭᠤᠳ ᠢᠶᠠᠷ ᠪᠠᠶᠢᠷᠢᠯᠠᠨ ᠬᠡᠨᠡᠳᠳᠡ | ᠭᠠᠷᠴᠤ ᠢᠷᠡᠨ ᠪᠤᠯᠢᠶᠠᠵᠤ ᠲᠡᠭᠡᠷᠡᠮᠳᠡᠬᠦ ᠪᠤᠶᠤ ᠵᠠᠬᠠ ᠦᠵᠤᠭᠦᠷ ᠤᠨ ᠵᠠᠷᠢᠮ ᠲᠤᠰᠢᠶᠠᠯᠳᠠᠨ ᠢ ᠪᠠᠷᠢᠵᠤ᠂ ᠪᠠᠷᠢᠶᠠᠰᠤ | ᠪᠤᠯᠭᠠᠨ ᠬᠤᠭᠤᠴᠠᠭᠠ ᠲᠤᠭᠳᠠᠭᠠᠨ ᠡᠳᠤᠢ ᠲᠡᠳᠤᠢ ᠮᠤᠷᠢ ᠦᠬᠡᠷ᠂ ᠬᠤᠨᠢ ᠪᠤᠶᠤ ᠬᠤᠪᠴᠠᠰᠤ ᠬᠤᠨᠠᠷ ᠵᠡᠷᠭᠡ ᠶᠢ | ᠠᠪᠤᠨᠠ ᠬᠡᠮᠡᠨ ᠱᠠᠭᠠᠷᠳᠠᠬᠤ ᠮᠡᠳᠤ ᠶᠢᠨ ᠶᠠᠪᠤᠳᠠᠯ ᠤᠳ ᠭᠠᠷᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠡᠶᠢᠮᠤ ᠠᠴᠠ ᠬᠦᠮᠤᠰ | ᠲᠡᠳᠡᠨ ᠠᠴᠠ ᠠᠶᠤᠬᠤ ᠪᠦᠭᠡᠳ ᠠᠯᠢ ᠪᠤᠯᠬᠤ ᠪᠠᠷ ᠰᠡᠷᠭᠡᠶᠢᠯᠡᠳᠡᠭ ᠪᠠᠶᠢᠪᠠ᠃ ᠡᠳᠡᠭᠡᠷ ᠢ ᠰᠡᠷᠭᠡᠶᠢᠯᠡᠬᠦ ᠨᠢ ᠠᠮᠤᠷ ᠢ | ᠬᠠᠮᠠᠭᠠᠯᠠᠬᠤ ᠠᠩᠭᠢ ᠮᠧᠶ᠋ᠢᠨ ᠬᠡᠮᠡᠬᠦ ᠶᠢᠨ ᠴᠢᠬᠤᠯᠠ ᠨᠢᠭᠡ ᠡᠭᠦᠷᠭᠡ ᠪᠠᠶᠢᠪᠠ᠃ ᠡᠨᠡ ᠬᠦ ᠤᠷᠤᠰ ᠲᠡᠭᠡᠷᠡᠮᠴᠢᠳ | ᠬᠡᠮᠡᠬᠦ ᠨᠢ ᠶᠡᠷᠤ ᠠᠴᠠ ᠬᠤᠯᠠᠭᠠᠢ ᠲᠡᠭᠡᠷᠡᠮ ᠢᠶᠠᠷ ᠠᠮᠢᠳᠤᠷᠠᠨᠠ ᠭᠡᠰᠡᠨ ᠲᠦᠷᠤᠯᠬᠢ ᠵᠤᠷᠢᠯᠭᠠᠳᠠᠨ ᠪᠤᠰᠤ᠂ ᠬᠠᠷᠢᠨ | ᠤᠷᠤᠰ ᠤᠨ ᠪᠤᠯᠱᠸᠧᠡᠭ ᠨᠠᠮ ᠢ ᠡᠰᠡᠷᠭᠦᠴᠡᠭᠰᠡᠨ ᠠᠳ᠋ᠮᠠᠨ ᠰᠢᠮᠢᠶᠤᠨᠤᠸ᠋ ᠤᠨ ᠴᠡᠷᠢᠭ ᠤᠨ ᠪᠤᠳᠠᠷᠠᠭᠰᠠᠨ | ᠰᠠᠯᠪᠤᠷᠢ ᠨᠤᠭᠤᠳ ᠪᠦᠭᠡᠳ ᠤᠯᠤᠰ ᠲᠦᠷᠤ ᠶᠢᠨ ᠲᠠᠯᠠ ᠪᠠᠷ ᠴᠠᠭᠠᠨᠳᠠᠨ ᠤ ᠪᠦᠯᠦᠭ ᠤᠳ ᠪᠠᠶᠢᠵᠤ᠂ ᠭᠤᠴᠢᠭᠠᠳ | ᠤᠨ ᠤ ᠡᠬᠢᠨ ᠳᠤ ᠶᠠᠫᠤᠨ ᠤ ᠡᠵᠡᠷᠭᠡᠭᠴᠢᠳ ᠤᠨ ᠤᠷᠤᠵᠤ ᠢᠷᠡᠬᠦ ᠶᠢ ᠲᠠᠭᠠᠯᠳᠤᠨ ᠠᠶᠠᠨᠳᠠᠭᠠᠨ ᠪᠤᠳᠠᠷᠠᠨ ᠰᠠᠷᠨᠢᠵᠤ | ᠭᠤᠷᠪᠠᠨ ᠭᠤᠤᠯ ᠲᠠᠭᠠᠤ ᠤᠷᠤᠰ ᠲᠤᠰᠬᠤᠨ ᠨᠤᠭᠤᠳ ᠪᠤᠯᠤᠨ ᠲᠡᠮᠤᠷ ᠵᠠᠮ ᠲᠠᠭᠠᠤ ᠰᠠᠭᠤᠭᠰᠠᠨ ᠤᠷᠤᠰ ᠤᠳ ᠤᠨ | ᠲᠤᠳᠤᠷᠠ ᠤᠷᠤᠵᠤ ᠤᠷᠤ ᠮᠦᠷ ᠦᠭᠡᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | |