| | ᠣᠨ ᠵᠢᠯ ᠤᠨ ᠲᠥᠷᠭᠡᠨ ᠤᠷᠤᠰᠬᠠᠯ ᠳᠤ ᠥᠩᠭᠡᠷᠡᠨ ᠣᠳᠤᠭᠰᠠᠨ ᠵᠦᠢᠯᠡᠰ ᠤᠨ ᠵᠠᠷᠢᠮ ᠨᠢ ᠣᠷᠤ ᠮᠥᠷ | ᠦᠭᠡᠢ ᠮᠠᠷᠲᠠᠭᠳᠠᠵᠤ ᠣᠷᠬᠢᠭᠳᠠᠳᠠᠭ ᠴᠦ ᠵᠠᠷᠢᠮ ᠨᠢ ᠴᠠᠭ ᠦᠷᠭᠦᠯᠵᠢ ᠰᠡᠳᠬᠢᠯ ᠳᠤ ᠮᠥᠩᠭᠡᠷᠡᠨ ᠪᠣᠳᠤᠯ ᠳᠤ | ᠡᠷᠢᠭᠳᠡᠵᠦ᠂ ᠡᠷᠬᠢᠮᠯᠠᠨ ᠨᠠᠨᠳᠢᠩᠨᠠᠵᠤ ᠬᠠᠶᠢᠷᠠᠯᠠᠭᠳᠠᠳᠠᠭ ᠨᠢ ᠪᠠᠰᠠ ᠴᠦ ᠰᠣᠨᠢᠬᠠᠨ᠃ ᠮᠢᠨᠦ ᠪᠢᠴᠢᠭ ᠤᠨ ᠬᠤᠷᠭᠤᠨ ᠳᠤ | ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠭᠡᠳᠦᠭᠡᠷ ᠣᠨ ᠠᠴᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠲᠡᠭᠦᠰᠬᠦ ᠪᠣᠯᠲᠠᠯᠠᠬᠢ | ᠬᠤᠭᠤᠴᠠᠭᠠᠨ ᠳᠤ ᠪᠡᠶᠡᠯᠡᠭᠦᠯᠦᠭᠰᠡᠨ ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠮᠢᠨᠢ ᠣᠳᠤ ᠪᠣᠯᠲᠠᠯᠠ ᠴᠡᠪᠡᠷ ᠲᠡᠭᠰᠢ ᠬᠠᠳᠠᠭᠠᠯᠠᠭᠠᠰᠤᠲᠠᠢ | ᠪᠠᠶᠢᠭᠰᠠᠭᠠᠷ᠃ ᠡᠨᠡ ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠢᠶᠠᠨ ᠤᠷᠪᠠᠭᠤᠯᠤᠨ ᠦᠵᠡᠬᠦ ᠪᠦᠷᠢ ᠬᠠᠭᠤᠳᠠᠰᠤ ᠨᠢᠭᠡᠪᠦᠷᠢ ᠳᠤᠨᠢ ᠮᠢᠨᠦ | ᠪᠠᠭᠠ ᠨᠠᠰᠤ ᠬᠠᠷᠠᠭᠳᠠᠵᠤ᠂ ᠬᠢᠴᠢᠶᠡᠩᠭᠦ᠋ᠢᠯᠡᠨ ᠪᠢᠴᠢᠭᠰᠡᠨ ᠦᠰᠦᠭ ᠪᠦᠷᠢ ᠠᠴᠠ ᠨᠢ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤᠨ ᠤ | ᠢᠲᠡᠭᠡᠯ ᠬᠦᠰᠡᠯ ᠤᠨ ᠭᠠᠯ ᠨᠢᠯᠴᠢᠬᠢᠨᠡᠨᠡ᠃ ᠬᠦᠨᠳᠦᠲᠦ ᠪᠠᠭᠰᠢ ᠨᠠᠷ ᠤᠨ ᠮᠢᠨᠢ ᠰᠢᠷᠭᠠᠭᠤ ᠬᠥᠳᠡᠯᠮᠦᠷᠢ ᠪᠠᠷ ᠤᠬᠠᠭᠠᠨ | ᠲᠡᠯᠡᠵᠦ ᠮᠡᠳᠡᠯᠭᠡ ᠨᠡᠮᠡᠭᠳᠡᠨ᠂ ᠮᠣᠩᠭᠤᠯ ᠰᠣᠶᠤᠯ ᠤᠨ ᠰᠣᠳᠤᠨ ᠭᠠᠶᠢᠬᠠᠮᠰᠢᠭ ᠢ ᠪᠢᠰᠢᠷᠡᠨ ᠪᠠᠭ᠋ᠠᠲᠤᠵᠤ ᠶᠠᠪᠤᠭᠰᠠᠨ | ᠤᠯᠠ ᠮᠥᠷ ᠮᠢᠨᠢ ᠲᠣᠳᠤᠷᠠᠨᠠ᠃ ᠡᠨᠡ ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠤᠳ ᠪᠣᠯ ᠦᠨᠡᠨ ᠳᠡᠭᠡᠨ ᠭᠡᠨᠡᠨ ᠴᠠᠶᠢᠯᠭᠠᠨ | ᠰᠤᠷᠤᠭᠴᠢ ᠦᠶᠡ ᠶᠢᠨ ᠮᠢᠨᠢ ᠦᠨᠡᠨ ᠪᠣᠳᠠᠲᠠᠢ ᠠᠮᠢᠳᠤᠷᠠᠯ ᠪᠣᠯᠬᠤ ᠶᠤᠮ᠃ ᠲᠡᠷᠡ ᠨᠢ ᠵᠥᠪᠬᠡᠨ ᠨᠢᠭᠡ ᠬᠤᠪᠢ | ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠢᠶᠠᠷ ᠯᠡ ᠵᠣᠭᠰᠤᠬᠤ ᠦᠭᠡᠢ᠂ ᠪᠠᠭᠰᠢ ᠨᠠᠷ ᠤᠨ ᠮᠢᠨᠢ ᠵᠢᠭᠠᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠠᠯᠲᠠᠨ | ᠵᠠᠮ᠂ ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨ ᠳᠤ ᠮᠢᠨᠢ ᠬᠠᠳᠠᠩᠰᠢᠭᠰᠠᠨ ᠠᠷᠢᠭᠤᠬᠠᠨ ᠰᠤᠷᠭᠠᠯ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠡᠶᠢᠮᠦ ᠶᠢᠨ | ᠲᠤᠯᠠᠳᠠ ᠰᠦᠯᠳᠠ ᠲᠠᠬᠢᠯᠭᠠ ᠲᠠᠢ ᠮᠠᠨᠳᠤᠯ ᠣᠪᠤᠭᠠ ᠶᠢ ᠲᠦᠰᠢᠵᠦ ᠠᠯᠳᠠᠯᠠᠭᠰᠠᠨ ᠬᠠᠳᠠᠭ ᠰᠢᠭ᠋ ᠬᠡᠷᠦᠯᠦᠨ | ᠭᠤᠣᠯ ᠢ ᠤᠷᠢᠳᠤᠭᠤᠷ ᠢᠶᠠᠨ ᠳᠡᠯᠭᠡᠭᠰᠡᠨ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠳᠤᠭᠤᠨᠴᠢᠯᠠᠭᠤ ᠰᠤᠮᠤ ᠨᠢ | ᠨᠠᠳᠠ ᠳᠤ ᠤᠭᠤᠷᠠᠭ ᠴᠠᠭᠠᠨ ᠬᠦᠰᠡᠯ ᠤᠷᠭᠤᠭᠤᠯᠵᠤ᠂ ᠳᠠᠷᠬᠠᠨ ᠮᠣᠩᠭᠤᠯ ᠰᠣᠶᠤᠯ ᠤᠨ ᠳᠠᠯᠠᠢ ᠶᠡᠭᠡ ᠪᠤᠶᠠᠨ ᠳᠤ | ᠤᠮᠪᠠᠨ ᠱᠤᠩᠪᠠᠨ ᠬᠥᠮᠥᠨ ᠪᠣᠯᠬᠤ ᠤᠴᠢᠷᠲᠡᠢ ᠰᠠᠶᠢᠬᠠᠨ ᠢᠷᠦᠭᠡᠯ ᠬᠠᠶᠢᠷᠠᠯᠠᠭᠰᠠᠨ ᠪᠠᠶᠢᠵᠠᠢ ᠳ᠋ᠠ᠃ ᠪᠢ ᠲᠡᠨᠳᠡ ᠯᠡ | ᠳᠡᠪᠡᠯ ᠲᠠᠢ ᠮᠣᠩᠭᠤᠯ ᠵᠣᠨ ᠤ ᠳᠡᠯᠭᠡᠷ ᠶᠡᠭᠡ ᠤᠬᠠᠭᠠᠨ ᠰᠣᠷᠢᠵᠤ᠂ ᠳᠡᠭᠳᠡᠭᠡᠬᠡᠢ ᠰᠢᠭ ᠪᠠᠭᠠ ᠪᠡᠶᠡ ᠮᠢᠨᠢ ᠳᠡᠯᠡᠬᠡᠢ ᠳᠤ | ᠪᠠᠭᠲᠠᠮᠠ ᠦᠭᠡᠢ ᠥᠷᠢ ᠲᠠᠢ ᠪᠠᠨ ᠮᠡᠳᠡᠷᠡᠭᠰᠡᠨ ᠪᠢᠯᠡ᠃ | ᠨᠠᠮᠠᠢᠢ ᠠᠳᠤᠭᠤᠨᠴᠢᠯᠠᠭᠤ ᠰᠤᠮᠤᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠤ ᠮᠢᠨᠦ ᠠᠩᠭᠢ ᠶᠢᠨ ᠡᠷᠭᠢᠯᠡᠭᠴᠢ | ᠰᠧᠳᠡᠨᠳᠣᠷᠵᠢ ᠪᠠᠭᠰᠢ ᠨᠢᠭᠡ ᠤᠳᠠᠭᠠᠨ ᠤ ᠬᠢᠴᠢᠶᠡᠯ ᠳᠡᠭᠡᠷᠡ᠄ ︽ᠥᠩᠭᠡᠷᠡᠭᠰᠡᠨ ᠳᠤ ᠮᠠᠨ ᠤ ᠡᠨᠡ ᠨᠤᠲᠤᠭ ᠲᠤ ᠨᠢᠭᠡ | ᠮᠡᠷᠭᠡᠨ ᠰᠢᠨᠵᠢᠭᠡᠴᠢ ᠬᠥᠮᠥᠨ ᠪᠠᠶᠢᠭᠰᠠᠨ ᠶᠤᠮ ᠭᠡᠨᠡ᠃ ᠲᠡᠭᠡᠭᠡᠳ ᠲᠡᠷᠡ ᠬᠥᠮᠥᠨ ᠮᠠᠨ ᠤ ᠰᠤᠮᠤᠨ ᠤ ᠬᠤᠶᠢᠨᠠ | ᠪᠠᠶᠢᠭᠠ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠤ ᠡᠳᠦᠷ ᠲᠠᠬᠢᠳᠠᠭ | ᠮᠠᠨᠳᠤᠯ ᠣᠪᠤᠭᠠ ᠶᠢ ᠯᠤᠤ ᠶᠢᠨ ᠲᠣᠯᠤᠭᠠᠢ ᠶᠢᠨ ᠣᠷᠤᠢ ᠭᠡᠵᠤ᠂ ᠠᠳᠤᠭᠤᠨᠴᠢᠯᠠᠭᠤ ᠰᠤᠮᠤ ᠶᠢᠨ ᠶᠠᠭ ᠪᠠᠷᠠᠭᠤᠨ | ᠳᠡᠷᠭᠡᠳᠡ ᠨᠢ ᠪᠠᠶᠢᠭᠠ ᠪᠤᠶᠠᠨᠲᠤ ᠪᠦᠷᠢᠳᠦ ᠭᠡᠳᠡᠭ ᠬᠤᠶᠠᠷ ᠨᠠᠭᠤᠷ ᠪᠦᠷᠢᠳᠦ ᠶᠢ ᠯᠤᠤ ᠶᠢᠨ ᠬᠤᠶᠠᠷ ᠨᠢᠳᠦ ᠭᠡᠵᠤ᠂ | ᠪᠠᠶᠢᠷᠢᠰᠢᠵᠤ ᠪᠠᠶᠢᠭᠠ ᠡᠨᠡ ᠭᠠᠵᠠᠷ ᠢ ᠨᠢ ᠯᠤᠤ ᠬᠡᠪᠲᠡᠵᠦ ᠪᠠᠶᠢᠭᠠ ᠰᠢᠨᠵᠢᠲᠡᠢ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠰᠠᠶᠢᠬᠠᠨ | ᠭᠠᠵᠠᠷ ᠭᠡᠵᠤ ᠰᠢᠨᠵᠢᠭᠰᠡᠨ ᠭᠡᠨᠡ᠃ ᠡᠶᠢᠮᠦ ᠠᠴᠠ ᠶᠤᠮ ᠤᠤ ᠳ᠋ᠠ᠃ ᠮᠠᠨ ᠤ ᠰᠤᠮᠤᠨ ᠤ ᠴᠢᠯᠠᠭᠤ ᠲᠠᠢ ᠨᠤᠲᠤᠭ ᠠᠴᠠ | ᠰᠢᠨᠳᠠᠰᠤ ᠲᠠᠢ ᠦᠷᠡᠰ ᠴᠣᠯᠭᠤᠷᠠᠨ ᠭᠠᠷᠳᠠᠭ ᠶᠤᠮ ᠰᠢᠦ ᠁︾ ᠭᠡᠵᠤ ᠰᠡᠳᠬᠢᠯ ᠤᠶᠠᠷᠠᠭᠠᠮᠠ ᠰᠠᠶᠢᠬᠠᠨ | ᠳᠣᠮᠤᠭ ᠢᠶᠠᠷ ᠵᠢᠷᠦᠬᠡ ᠶᠢ ᠮᠢᠨᠢ ᠠᠷᠭᠠᠮᠵᠢᠵᠤ᠂ ᠰᠣᠷᠢᠨᠵᠢᠨ ᠳᠤ ᠲᠠᠲᠠᠭᠳᠠᠭᠰᠠᠨ ᠰᠢᠭ᠋ ᠠᠩᠬᠠᠷᠤᠯ ᠲᠥᠪᠯᠡᠷᠡᠭᠦᠯᠦᠭᠰᠡᠨ | ᠣᠨᠢᠨ ᠳᠡᠭᠡᠷᠡ ᠰᠢᠨᠡ ᠰᠤᠷᠤᠭᠰᠠᠨ ᠬᠡᠳᠦᠨ ᠦᠭᠡ ᠪᠠᠷ ᠥᠭᠦᠯᠡᠪᠦᠷᠢ ᠵᠣᠬᠢᠶᠠᠯᠭᠠᠪᠠ᠃ | ᠪᠠᠭᠰᠢ ᠶᠢᠨ ᠮᠢᠨᠢ ᠰᠠᠶᠢᠬᠠᠨ ᠶᠠᠷᠢᠶᠠ ᠬᠦᠷᠦᠰᠦᠨ ᠳᠤ ᠳᠠᠷᠤᠭᠰᠠᠨ ᠲᠠᠮᠠᠭᠠ ᠰᠢᠭ᠋ ᠰᠡᠳᠬᠢᠯ ᠳᠤ ᠮᠢᠨᠢ ᠭᠦᠨ | ᠰᠠᠭᠤᠭᠳᠠᠭᠰᠠᠨ ᠠᠴᠠ ᠤᠷᠮᠠᠰᠢᠵᠤ ᠵᠣᠷᠢᠭᠵᠢᠭᠰᠠᠨ ᠪᠢ ᠰᠤᠷᠴᠤ ᠥᠩᠭᠡᠷᠡᠭᠰᠡᠨ ᠰᠢᠯᠦᠭ ᠤᠨ ᠢᠶᠠᠨ ᠲᠢᠭ ᠮᠠᠶ᠋ᠢᠭ ᠢ | ᠳᠠᠭᠤᠷᠢᠶᠠᠵᠤ ᠥᠭᠦᠯᠡᠪᠦᠷᠢ ᠪᠠᠨ ᠵᠣᠬᠢᠶᠠᠭᠰᠠᠨ ᠳᠤ ᠪᠠᠭᠰᠢ ᠮᠢᠨᠢ ᠳᠣᠣᠷᠠ ᠪᠠᠨ ᠣᠯᠠᠨ ᠢ ᠨᠠᠮ ᠵᠢᠮ ᠰᠠᠭᠤᠯᠭᠠᠵᠤ᠂ | ᠮᠢᠨᠦ ᠵᠣᠬᠢᠶᠠᠭᠰᠠᠨ ᠥᠭᠦᠯᠡᠪᠦᠷᠢ ᠶᠢ ᠤᠩᠰᠢᠵᠤ ᠥᠭᠭᠦᠭᠡᠳ ᠨᠠᠮᠠᠢᠢ᠄ ︽ᠲᠠᠷᠢᠬᠢ ᠪᠠᠨ ᠬᠥᠳᠡᠯᠭᠡᠵᠦ ᠰᠤᠷᠤᠭᠰᠠᠨ | ᠮᠡᠳᠡᠯᠭᠡ ᠪᠠᠨ ᠠᠮᠢᠳᠤᠯᠢᠭ ᠬᠡᠷᠡᠭᠯᠡᠵᠦ ᠪᠠᠶᠢᠨᠠ︾ ᠭᠡᠵᠤ ᠮᠠᠭᠲᠠᠭᠰᠠᠨ᠃ ᠲᠡᠷᠡ ᠮᠠᠭᠲᠠᠭᠠᠯ ᠨᠢ ᠨᠠᠳᠠ ᠳᠤ ᠨᠠᠰᠤᠨ | ᠲᠤᠷᠰᠢᠲᠠ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠭᠦᠨ ᠰᠠᠭᠤᠭᠳᠠᠯ ᠦᠯᠡᠳᠡᠭᠡᠵᠦ᠂ ᠪᠠᠭᠰᠢ ᠶᠢᠨ ᠮᠢᠨᠢ ᠮᠢᠨᠦ ᠳᠠᠰᠬᠠᠯ ᠢ ᠦᠵᠡᠭᠰᠡᠨ ᠤ | ᠰᠡᠭᠦᠯᠡᠷ ᠶᠠᠭᠠᠬᠢᠵᠤ ᠪᠡᠶᠡ ᠡᠷᠭᠢᠭᠰᠡᠨ᠂ ᠨᠢᠭᠤᠷ ᠲᠤᠨᠢ ᠶᠠᠮᠠᠷ ᠰᠢᠤᠬᠠᠨ ᠢᠨᠢᠶᠡᠮᠰᠦᠭᠯᠡᠯ ᠲᠣᠳᠤᠷᠠᠭᠰᠠᠨ᠂ ᠶᠠᠭᠠᠬᠢᠵᠤ | ᠰᠡᠳᠬᠢᠯ ᠲᠣᠭᠳᠤᠯᠤᠭᠰᠠᠨ ᠨᠢ ᠬᠦᠷᠲᠡᠯᠡ ᠣᠳᠤ ᠪᠣᠯᠲᠠᠯᠠ ᠲᠣᠳᠤ ᠴᠡᠭᠡᠵᠢᠯᠡᠭᠳᠡᠭᠰᠡᠭᠡᠷ᠁ ᠤᠴᠢᠷ ᠨᠢ ᠪᠢ ᠲᠡᠷᠡ | ᠤᠳᠠᠭᠠ ᠠᠴᠠ ᠬᠤᠶᠢᠰᠢ ᠬᠡᠯᠡ ᠪᠢᠴᠢᠭ ᠰᠤᠷᠬᠤ ᠳᠤᠷᠠᠲᠠᠢ ᠪᠣᠯᠤᠭᠰᠠᠨ ᠪᠢᠯᠡ᠃ | 1979 ᠣᠨ ᠳᠤ ᠪᠢ ᠣᠨᠴᠠ ᠰᠠᠶᠢᠨ ᠬᠢᠷᠢ ᠪᠦᠲᠦᠮᠵᠢ ᠪᠠᠷ ᠠᠳᠤᠭᠤᠨᠴᠢᠯᠠᠭᠤ ᠰᠤᠮᠤᠨ ᠤ ᠪᠠᠭᠠ | ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬᠠ ᠵᠡᠷᠭᠡ ᠶᠢᠨ ᠨᠢᠭᠡᠳᠦᠭᠡᠷ | ᠣᠨ ᠳᠤ ᠰᠢᠯᠭᠠᠭᠳᠠᠨ ᠣᠷᠤᠵᠤ᠂ ᠳᠠᠷᠠᠭᠠ ᠵᠢᠯ ᠨᠢ ᠬᠤᠪᠢ ᠵᠠᠶᠠᠭᠠᠨ ᠤ ᠠᠯᠲᠠᠨ ᠪᠠᠷᠢᠯᠳᠤᠯᠭᠠ ᠪᠠᠷ ᠠᠰᠠᠭᠠᠭᠰᠠᠨ ᠯᠠ | ᠰᠢᠭ᠋ ᠠᠷᠠᠳ ᠤᠨ ᠬᠡᠦᠬᠡᠳ ᠤᠨ ᠲᠥᠯᠥᠭᠡ ᠠᠯᠢᠪᠠ ᠪᠠᠨ ᠵᠣᠷᠢᠭᠤᠯᠳᠠᠭ ᠠᠨ ᠶᠢᠨ ᠱᠠᠨ ᠭᠡᠳᠡᠭ ᠪᠠᠭᠰᠢ ᠲᠠᠢ | ᠲᠣᠬᠢᠶᠠᠯᠳᠤᠭᠰᠠᠨ ᠶᠤᠮ᠃ ᠠᠨ ᠶᠢᠨ ᠱᠠᠨ ᠪᠠᠭᠰᠢ ᠪᠢᠳᠡᠨ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠤ ᠳᠠᠷᠠᠭᠠ ᠬᠠᠮᠤᠭ ᠠᠩᠬᠠᠨ ᠤ | ᠵᠣᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠳᠠᠰᠬᠠᠯ ᠬᠢᠯᠭᠡᠬᠦ ᠳᠡᠭᠡᠨ ᠵᠠᠬᠢᠳᠠᠯ ᠪᠢᠴᠢᠭᠦᠯᠪᠡ᠃ ᠬᠡᠳᠦᠨ ᠡᠳᠦᠷ ᠤᠨ ᠳᠠᠷᠠᠭᠠ ᠮᠢᠨᠦ | ᠳᠠᠰᠬᠠᠯ ᠤᠯᠠᠭᠠᠨ ᠤᠰᠤᠨ ᠪᠢᠷ ᠢᠶᠠᠷ ᠳᠤᠷᠠᠶᠢᠲᠠᠯᠠ ᠵᠠᠰᠠᠭᠳᠠᠭᠰᠠᠨ᠂ ᠠᠷᠤ ᠳᠤᠨᠢ᠄ ︽ᠨᠡᠯᠢᠶᠡᠳ ᠰᠠᠶᠢᠨ᠂ ᠦᠭᠡ | ᠥᠭᠦᠯᠡᠪᠦᠷᠢ ᠪᠠᠨ ᠪᠢᠲᠡᠭᠡᠢ ᠣᠯᠠᠨ ᠨᠣᠷᠱᠢ︾ ᠭᠡᠳᠡᠭ ᠴᠣᠬᠤᠯᠠᠪᠤᠷᠢ ᠲᠠᠢ ᠪᠤᠴᠠᠵᠤ ᠢᠷᠡᠯᠡ᠃ ᠲᠡᠭᠦᠨ ᠠᠴᠠ ᠡᠬᠢᠯᠡᠵᠦ | ᠪᠢ ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠢᠶᠠᠨ ᠪᠡᠶᠡᠯᠡᠭᠦᠯᠬᠦ ᠪᠦᠷᠢ ᠦᠭᠡ ᠥᠭᠦᠯᠡᠪᠦᠷᠢ ᠪᠠᠨ ᠨᠣᠷᠱᠤᠭᠰᠠᠨ ᠡᠰᠡᠬᠦ ᠶᠢ | ᠣᠨᠴᠠᠭᠠᠶᠢᠯᠠᠨ ᠠᠩᠬᠠᠷᠬᠤ ᠪᠣᠯᠵᠤ᠂ ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠢᠶᠠᠨ ᠲᠤᠰᠢᠶᠠᠭᠰᠠᠨ ᠤ ᠰᠡᠭᠦᠯᠡᠷ ᠪᠠᠭᠰᠢ ᠶᠢᠨ ᠢᠶᠠᠨ | ᠤᠯᠠᠭᠠᠨ ᠪᠢᠷ ᠢᠶᠠᠷ ᠳᠤᠷᠠᠶᠢᠲᠠᠯᠠ ᠪᠢᠴᠢᠭᠰᠡᠨ ᠴᠣᠬᠤᠯᠠᠪᠤᠷᠢ ᠶᠢ ᠨᠢ ᠦᠵᠡᠬᠦ ᠭᠡᠳ ᠶᠠᠭᠠᠷᠠᠵᠤ ᠬᠦᠯᠢᠶᠡᠳᠡᠭ ᠪᠣᠯᠪᠠ᠃ | ᠣᠳᠤ ᠪᠣᠳᠤᠬᠤ ᠳᠤ ᠲᠡᠷᠡ ᠴᠣᠬᠤᠯᠠᠪᠤᠷᠢ ᠨᠠᠮᠠᠢᠢ ᠤᠷᠮᠠᠰᠢᠭᠤᠯᠵᠤ ᠵᠣᠷᠢᠭᠵᠢᠭᠤᠯᠳᠠᠭ ᠤᠨ ᠬᠠᠮᠲᠤ ᠮᠢᠨᠦ ᠡᠮᠵᠡᠭ | ᠪᠠᠭᠤᠷᠠᠢ ᠶᠢ ᠢᠯᠳᠠᠷ ᠦᠭᠡᠢ ᠢᠯᠡᠴᠢᠯᠡᠵᠦ ᠨᠠᠳᠠ ᠳᠤ ᠳᠠᠩᠴᠤ ᠦᠨᠡᠲᠡᠢ᠂ ᠳᠠᠩᠴᠤ ᠴᠢᠩᠭᠠ ᠬᠠᠨᠳᠤᠳᠠᠭ ᠠᠴᠠ ᠯᠡ | ᠪᠣᠯᠤᠭᠰᠠᠨ ᠪᠠᠶᠢᠬᠠ ᠳ᠋ᠠ᠃ | ᠠᠩᠬᠠ ᠬᠤᠶᠠᠷ ᠤᠨ ᠲᠡᠷᠡ ᠵᠢᠯ ᠳᠤ ᠮᠠᠨ ᠤ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ | ᠮᠣᠩᠭᠤᠯ ᠬᠡᠯᠡᠨ ᠤ ᠳᠤᠭᠤᠶᠢᠯᠠᠩ ᠠᠴᠠ ᠡᠷᠬᠢᠯᠡᠭᠰᠡᠨ ᠵᠣᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠪᠢ ︽ᠵᠤᠯᠵᠠᠭᠠᠨ | ᠮᠣᠳᠤ ᠪᠠᠨ ᠤᠰᠤᠯᠠᠬᠤ ᠪᠦᠷᠢ︾ ᠭᠡᠬᠦ ᠵᠣᠬᠢᠶᠠᠯ ᠢᠶᠠᠷ ᠢᠶᠠᠨ ᠬᠤᠶᠠᠳᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠬᠦᠷᠲᠡᠭᠰᠡᠨ ᠪᠥᠭᠡᠳ | ᠡᠨᠡ ᠵᠣᠬᠢᠶᠠᠯ ᠮᠠᠨᠢ ᠮᠥᠨ ᠵᠢᠯ ᠳᠡᠭᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠰᠡᠳᠬᠦᠯ ᠳᠤ ᠰᠣᠩᠭᠤᠭᠳᠠᠨ ᠣᠷᠤᠪᠠ᠃ ᠲᠡᠷᠡ | ᠬᠤᠷᠤᠮ ᠳᠤ ᠣᠶᠤᠨ ᠰᠠᠨᠠᠭᠠᠨ ᠳᠤ ᠮᠢᠨᠢ ᠶᠡᠭᠡ ᠥᠰᠦᠷᠦᠯᠲᠡ ᠭᠠᠷᠴᠤ ᠦᠭᠡ ᠪᠠᠷ ᠳᠦᠷᠰᠦᠯᠡᠨ ᠥᠯᠥ ᠴᠢᠳᠠᠬᠤ | ᠬᠦᠰᠡᠯ ᠤᠨ ᠭᠠᠯ ᠢ ᠳᠦᠷᠡᠯᠵᠡᠭᠦᠯᠵᠦ ᠰᠣᠶᠤᠯ ᠤᠨ ᠠᠯᠲᠠᠨ ᠠᠶᠠᠭᠠᠨ ᠠᠴᠠ ᠴᠠᠢ ᠣᠭᠤᠴᠢᠬᠤ ᠪᠢᠲᠡᠭᠦᠬᠡᠨ | ᠲᠣᠭᠳᠤᠯᠤᠯ ᠢ ᠵᠠᠩᠭᠢᠳᠴᠤ ᠣᠷᠬᠢᠭᠰᠠᠨ ᠪᠠᠶᠢᠯᠠ᠃ | ᠬᠡᠰᠢᠭᠲᠦ ᠪᠠᠭᠰᠢ ᠪᠣᠯ ᠮᠢᠨᠦ ᠬᠠᠶᠢᠯᠠᠷ ᠲᠠᠬᠢ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ | ᠰᠤᠷᠤᠯᠴᠠᠵᠤ ᠪᠠᠶᠢᠬᠤ ᠦᠶᠡ ᠶᠢᠨ ᠤᠳᠬᠠ ᠵᠣᠬᠢᠶᠠᠯ ᠤᠨ ᠪᠠᠭᠰᠢ ᠪᠣᠯᠤᠨᠠ᠃ ︽ᠰᠣᠶᠤᠯ︾ ᠤᠨ ᠥᠨᠳᠦᠷ ᠲᠦᠪᠰᠢᠨ᠂ | ᠮᠡᠳᠡᠯᠭᠡ ᠶᠢᠨ ᠳᠡᠯᠭᠡᠷ ᠬᠡᠮᠵᠢᠶᠡ ᠪᠣᠯ ᠪᠠᠭᠰᠢ ᠬᠥᠮᠥᠨ ᠤ ᠬᠤᠶᠠᠷ ᠵᠢᠭᠦᠷ ᠶᠤᠮ ᠰᠢᠦ ᠭᠡᠵᠤ ᠪᠠᠶᠢᠩᠭᠤ ᠰᠤᠷᠭᠠᠳᠠᠭ | ᠬᠥᠮᠥᠨ ᠤ ᠨᠢᠭᠡ᠃ | ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠣᠨ ᠤ ᠵᠢᠯ ᠳᠤ ᠬᠡᠰᠢᠭᠲᠦ ᠪᠠᠭᠰᠢ ᠪᠢᠳᠡᠨ ᠳᠤ︽ᠥᠪᠡᠷ ᠤᠨ | ᠬᠠᠮᠤᠭ ᠠᠴᠠ ᠣᠶᠢᠯᠠᠭᠠᠳᠠᠭ ᠬᠥᠮᠥᠨ ᠢᠶᠠᠨ ᠪᠢᠴᠢ︾ ᠭᠡᠰᠡᠨ ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠦᠯᠡᠳᠡᠭᠡᠪᠡ᠃ ᠪᠢ ᠲᠡᠷᠡ | ᠵᠣᠬᠢᠶᠠᠯ ᠢᠶᠠᠨ ︽ᠵᠠᠯᠠᠭᠤ ᠨᠠᠰᠤᠨ ᠤ ᠡᠷᠢᠯ ᠬᠦᠰᠡᠯ︾ ᠭᠡᠵᠤ ᠭᠠᠷᠴᠠᠭᠯᠠᠭᠰᠠᠨ ᠪᠥᠭᠡᠳ ᠬᠥᠳᠡᠭᠡ ᠶᠢᠨ ᠨᠢᠭᠡ ᠮᠠᠯᠴᠢᠨ | ᠬᠡᠦᠬᠡᠨ ᠠᠶᠢᠮᠠᠭ ᠤᠨ ᠤᠷᠠᠯᠢᠭ ᠤᠨ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠭᠳᠠᠨ ᠣᠷᠤᠭᠰᠠᠨ ᠢᠶᠠᠷ ᠰᠡᠳᠦᠪᠯᠡᠵᠦ ᠪᠢᠴᠢᠭᠰᠡᠨ ᠶᠤᠮ᠃ | ᠲᠤᠰ ᠵᠣᠬᠢᠶᠠᠯ ᠳᠤ ᠮᠢᠨᠢ ᠬᠡᠰᠢᠭᠲᠦ ᠪᠠᠭᠰᠢ ᠮᠠᠰᠢ ᠬᠠᠨᠤᠮᠵᠢᠲᠠᠢ ᠦᠨᠡᠯᠡᠯᠲᠡ ᠥᠭᠴᠦ᠂ ᠮᠠᠨ ᠤ ᠠᠩᠭᠢ ᠶᠢᠨ | ᠰᠤᠷᠤᠭᠴᠢᠳ ᠲᠤ ᠤᠩᠰᠢᠨ ᠥᠭᠭᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠥᠭᠦᠭᠡ ᠠᠩᠬᠢ ᠶᠢᠨ ᠨᠥᠬᠦᠳ ᠲᠤ ᠴᠦ ᠤᠩᠰᠢᠨ | ᠰᠣᠨᠢᠷᠬᠠᠭᠤᠯᠤᠭᠰᠠᠨ ᠠᠴᠠ ᠰᠠᠨᠠᠭᠠᠨ ᠳᠤ ᠦᠭᠡᠢ ᠬᠠᠷᠢᠨ ᠪᠠᠭᠰᠢ ᠰᠤᠷᠤᠭᠴᠢᠳ ᠤᠨ ᠰᠡᠳᠬᠢᠯ ᠢ ᠬᠥᠳᠡᠯᠭᠡᠵᠦ᠂ ᠣᠨ | ᠪᠦᠯᠦᠭ ᠢᠶᠠᠨ ᠳᠣᠷᠭᠢᠭᠤᠯᠤᠭᠰᠠᠨ ᠪᠠᠶᠢᠯᠠ᠃ ᠡᠨᠡ ᠮᠡᠳᠦ ᠪᠠᠷ ᠪᠠᠭᠰᠢ ᠨᠠᠷ ᠮᠢᠨᠢ ᠨᠠᠳᠠ ᠶᠢ ᠬᠡᠯᠡ ᠪᠢᠴᠢᠭ ᠢ | ᠤᠷᠮᠠ ᠲᠠᠢ ᠰᠤᠷᠬᠤ ᠵᠠᠮ ᠲᠡᠰᠢ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠬᠥᠲᠥᠯᠥᠭᠰᠡᠨ ᠶᠤᠮ᠃ | ᠰᠢᠪᠠᠭᠤ ᠥᠳᠦ ᠵᠢᠭᠦᠷ ᠨᠢ ᠤᠷᠭᠤᠵᠤ ᠭᠦᠢᠴᠡᠪᠡᠯ ᠥᠨᠳᠦᠷ ᠣᠭᠲᠠᠷᠭᠤᠢ ᠳᠤ ᠬᠠᠯᠢᠨ ᠨᠢᠰᠳᠡᠭ ᠲᠠᠢ | ᠠᠳᠠᠯᠢ ᠪᠠᠷ 1987 ᠣᠨ ᠤ ᠵᠤᠨ ᠪᠢ ᠠᠵᠢᠯ ᠦᠢᠯᠡᠰ ᠤᠨ ᠠᠯᠲᠠᠨ ᠬᠠᠷᠭᠤᠢ ᠪᠠᠷ ᠵᠠᠮᠨᠠᠬᠤ ᠠᠩᠬᠠᠨ ᠤ | ᠠᠯᠬᠤᠭᠠ ᠪᠠᠨ ᠠᠳᠤᠭᠤᠨᠴᠢᠯᠠᠭᠤ ᠰᠤᠮᠤᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠡᠬᠢᠯᠡᠭᠦᠯᠵᠦ ᠰᠧᠳᠡᠨᠳᠣᠷᠵᠢ ᠪᠠᠭᠰᠢ ᠲᠠᠢ ᠪᠠᠨ | ᠬᠠᠮᠲᠤ ᠠᠵᠢᠯᠯᠠᠬᠤ ᠪᠣᠯᠪᠠ᠃ ᠪᠠᠭᠰᠢ ᠶᠢᠨ ᠬᠥᠮᠥᠵᠢᠯ ᠳᠣᠣᠷᠠ ᠡᠳᠦᠷᠵᠢᠨ ᠳᠠᠪᠲᠠᠯᠭᠠ ᠬᠢᠴᠢᠶᠡᠯ ᠭᠡᠵᠤ ᠶᠠᠭᠠᠷᠠᠳᠠᠭ | ᠪᠠᠶᠢᠭᠰᠠᠨ ᠢᠶᠠᠨ ᠨᠢᠳᠦ ᠢᠷᠮᠡᠬᠦ ᠶᠢᠨ ᠵᠠᠭᠤᠷᠠ ᠥᠪᠡᠷ ᠢᠶᠠᠨ ᠬᠠᠷᠢᠨ ᠪᠠᠭᠰᠢ ᠶᠢᠨ ᠠᠯᠪᠠ ᠭᠦᠢᠴᠡᠳᠬᠡᠵᠦ᠂ | ᠰᠤᠷᠤᠭᠴᠢᠳ ᠢᠶᠠᠨ ᠭᠡᠵᠤ ᠭᠦᠶᠦᠬᠦ ᠪᠣᠯᠤᠭᠰᠠᠨ ᠨᠢ ᠰᠤᠷᠤᠭᠴᠢ ᠶᠢᠨ ᠠᠮᠢᠳᠤᠷᠠᠯ ᠳᠤ ᠳᠡᠩᠳᠡᠭᠦᠦ ᠳᠠᠰᠤᠭᠰᠠᠨ | ᠨᠠᠳᠠ ᠳᠤ ᠲᠣᠩ ᠰᠣᠨᠢᠬᠠᠨ ᠰᠠᠨᠠᠭᠳᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠨᠡᠩ ᠴᠦ ᠮᠠᠨ ᠤ ᠠᠳᠤᠭᠤᠨᠴᠢᠯᠠᠭᠤ ᠰᠤᠮᠤ ᠨᠢ ᠪᠤᠶᠢᠳᠠ | ᠪᠦᠭᠯᠡᠭᠦᠦ᠂ ᠨᠥᠬᠦᠴᠡᠯ ᠪᠠᠷᠤᠭ ᠲᠠᠢ᠂ ᠭᠠᠷᠠᠭ ᠲᠤ ᠨᠢᠭᠡ ᠯᠡ ᠤᠳᠠᠭᠠ ᠬᠤᠰᠢᠭᠤ ᠰᠤᠮᠤᠨ ᠤ ᠬᠤᠭᠤᠷᠤᠨᠳᠤ | ᠨᠡᠶᠢᠲᠡ ᠶᠢᠨ ᠮᠠᠰᠢᠨ ᠭᠦᠶᠦᠳᠡᠭ ᠠᠴᠠ ᠵᠠᠮ ᠬᠠᠷᠢᠯᠴᠠᠭᠠ ᠳᠦᠭᠦᠮ ᠦᠭᠡᠢ᠂ ᠴᠠᠬᠢᠯᠭᠠᠨ ᠴᠦ ᠪᠠᠶᠢᠬᠤ ᠦᠭᠡᠢ | ᠪᠠᠶᠢᠳᠠᠯ ᠳᠣᠣᠷᠠ ᠣᠷᠤᠢ ᠨᠢ ᠰᠦᠮᠡᠯᠵᠡᠭᠰᠡᠨ ᠯᠠ ᠶᠢᠨ ᠭᠡᠷᠡᠯ ᠳᠤ ᠬᠢᠴᠢᠶᠡᠯ ᠪᠡᠯᠡᠳᠬᠡᠵᠦ ᠰᠠᠭᠤᠬᠤ ᠳᠤ | ᠥᠪᠡᠷ ᠢ ᠪᠠᠨ ᠠᠩᠬᠠ ᠤᠳᠠᠭᠠ ᠲᠣᠮᠤ ᠬᠥᠮᠥᠨ ᠪᠣᠯᠤᠭᠰᠠᠨ ᠢᠶᠠᠨ ᠮᠡᠳᠡᠷᠡᠵᠦ᠂ ᠥᠪᠡᠷ ᠤᠨ ᠪᠡᠶᠡ ᠪᠠᠨ ᠨᠡᠶᠢᠭᠡᠮ | ᠨᠡᠶᠢᠲᠡ ᠳᠤ ᠶᠠᠮᠠᠷ ᠰᠢᠤᠬᠠᠨ ᠠᠪᠴᠤ ᠶᠠᠪᠤᠪᠠᠯ ᠲᠠᠭᠠᠷᠠᠨᠠ ᠭᠡᠬᠦ ᠪᠣᠳᠤᠯ ᠲᠠᠢ ᠪᠣᠯᠪᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ | ᠭᠠᠭᠴᠠ ᠬᠦ ᠭᠠᠷᠠᠭ ᠤᠨ ᠡᠳᠦᠷ ᠤᠨ ᠠᠮᠠᠷᠠᠯᠲᠠ ᠶᠢ ᠥᠩᠭᠡᠷᠡᠭᠡᠬᠦ ᠨᠢ ᠨᠠᠳᠠ ᠳᠤ ᠲᠣᠩ ᠬᠡᠴᠡᠭᠦᠦ ᠤᠶᠢᠳᠬᠠᠷᠯᠠᠯᠲᠠᠢ | ᠰᠠᠨᠠᠭᠳᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠬᠡᠳᠦ᠋ᠢᠪᠡᠷ ᠲᠡᠶᠢᠮᠦ ᠪᠣᠯᠪᠠᠴᠤ ᠰᠤᠷᠤᠭᠴᠢ ᠦᠶᠡ ᠶᠢᠨ ᠵᠢᠷᠤᠭ ᠳᠤᠷᠠᠰᠬᠠᠯ ᠢᠶᠠᠨ | ᠡᠬᠢᠨ ᠠᠴᠠ ᠨᠢ ᠦᠵᠡᠵᠦ᠂ ᠨᠣᠮ ᠪᠢᠴᠢᠭ ᠢᠶᠠᠨ ᠤᠷᠪᠠᠭᠤᠯᠤᠨ ᠰᠠᠭᠤᠵᠤ ᠪᠠᠶᠢᠲᠠᠯᠠ ᠮᠥᠨ ᠥᠨᠥᠬᠢ ᠵᠣᠬᠢᠶᠠᠯ ᠤᠨ | ᠳᠠᠰᠬᠠᠯ ᠮᠢᠨᠢ ᠭᠠᠷᠤᠭᠠᠳ ᠢᠷᠡᠪᠡ᠃ ᠪᠢ ᠨᠢᠭᠡ ᠯᠡ ᠠᠮᠢᠰᠬᠤᠭᠠ ᠪᠠᠷ ᠡᠬᠢᠨ ᠠᠴᠠ ᠨᠢ ᠤᠩᠰᠢᠬᠤ ᠳᠤ ᠪᠠᠭᠰᠢ ᠶᠢᠨ | ᠰᠤᠷᠭᠠᠭᠤᠯᠢ ᠶᠢᠨ ᠳᠥᠷᠪᠡᠳᠦᠭᠡᠷ ᠣᠨ ᠤ ᠵᠢᠯ ᠳᠤ ᠪᠢᠴᠢᠭᠰᠡᠨ ︽ᠮᠢᠨᠦ ᠡᠵᠢ ᠮᠣᠩᠭᠤᠯ ᠪᠦᠰᠡᠭᠦᠢ︾ ᠭᠡᠳᠡᠭ ᠰᠢᠯᠦᠭ | ᠮᠢᠨᠢ ᠬᠡᠰᠢᠭᠲᠦ ᠪᠠᠭᠰᠢ ᠶᠢᠨ ᠴᠣᠬᠤᠯᠠᠪᠤᠷᠢ ᠲᠠᠢ ᠬᠠᠮᠲᠤ ᠨᠢᠳᠦᠨ ᠳᠤ ᠮᠢᠨᠢ ᠲᠣᠳᠤᠷᠠᠵᠤ᠂ ᠨᠠᠳᠠ ᠳᠤ ᠨᠢᠭᠡ ᠵᠦᠢᠯ ᠤᠨ | ᠲᠤᠷᠰᠢᠵᠤ ᠦᠵᠡᠬᠦ ᠪᠣᠳᠤᠯ ᠲᠥᠷᠥᠭᠳᠡᠭᠦᠯᠪᠡ᠃ ᠢᠩᠭᠢᠭᠡᠳ ᠲᠤᠰ ᠰᠢᠯᠦᠭ ᠢᠶᠠᠨ ᠣᠯᠠᠨ ᠳᠠᠬᠢᠨ ᠤᠩᠰᠢᠵᠤ | ᠵᠠᠰᠠᠭᠠᠳ ︽ᠬᠥᠯᠥᠨ ᠪᠤᠶᠢᠷ ᠤᠨ ᠡᠳᠦᠷ ᠤᠨ ᠰᠣᠨᠢᠨ︾ ᠳᠤ ᠶᠠᠪᠤᠭᠤᠯᠤᠯᠠ᠃ ᠲᠡᠷᠡ ᠰᠢᠯᠦᠭ ᠮᠠᠨᠢ ᠬᠠᠷᠢᠨ 1987 | ᠤᠨ ᠤ 10 ᠰᠠᠷᠠ ᠶᠢᠨ 24 ᠤ ᠡᠳᠦᠷ ᠲᠤᠰ ᠰᠣᠨᠢᠨ ᠳᠤ ᠨᠡᠶᠢᠲᠡᠯᠡᠭᠳᠡᠵᠦ᠂ ᠨᠠᠮᠠᠢᠢ ᠮᠠᠰᠢ ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠶᠤᠮ | ᠃ ᠡᠨᠡ ᠪᠣᠯ ᠮᠢᠨᠦ ᠬᠠᠮᠤᠭ ᠠᠩᠬᠠᠨ ᠤ ᠪᠦᠲᠦᠭᠡᠯ ᠪᠣᠯᠤᠨᠠ᠃ ᠮᠥᠨ ᠴᠦ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠪᠢ ᠢᠷᠠᠭᠤ | ᠨᠠᠶᠢᠷᠠᠭ ᠤᠨ ᠮᠥᠩᠬᠡ ᠶᠢᠨ ᠡᠷᠢᠯ ᠳᠤ ᠮᠣᠷᠳᠠᠵᠤ᠂ ᠭᠠᠷᠠᠭ ᠤᠨ ᠡᠳᠦᠷ ᠪᠣᠯᠭᠠᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ᠨᠣᠮ ᠢ | ᠲᠣᠯᠤᠭᠠᠢ ᠥᠨᠳᠡᠶᠢᠯ ᠦᠭᠡᠢ ᠤᠩᠰᠢᠵᠤ᠂ ᠳᠠᠩᠳᠠ ᠪᠢᠷ ᠴᠠᠭᠠᠰᠤ ᠡᠪᠦᠷᠯᠡᠨ ᠰᠢᠯᠦᠭ ᠵᠣᠬᠢᠶᠠᠯ ᠪᠢᠴᠢᠨᠡ ᠬᠡᠮᠡᠨ | ᠬᠡᠶᠢᠷᠬᠡᠵᠦ᠂ ᠲᠡᠷᠡ ᠬᠦ ᠬᠠᠲᠠᠭᠤ ᠪᠡᠷᠬᠡ ᠣᠷᠴᠢᠨ ᠲᠣᠭᠤᠷᠢᠨ ᠳᠤ ᠥᠪᠡᠷ ᠢ ᠪᠠᠨ ᠮᠠᠰᠢ ᠠᠮᠠᠷᠬᠠᠨ ᠵᠣᠬᠢᠴᠠᠭᠤᠯᠵᠤ | ᠴᠢᠳᠠᠭᠰᠠᠨ ᠶᠤᠮ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠨ ᠣᠨ ᠠᠴᠠ ᠡᠬᠢᠯᠡᠨ ᠣᠳᠤ ᠪᠣᠯᠲᠠᠯᠠ ᠨᠠᠮᠠᠢᠢ ᠲᠥᠭᠡ ᠰᠠᠯᠤᠯ ᠦᠭᠡᠢ ᠳᠠᠭᠠᠵᠤ | ᠶᠠᠪᠤᠭᠠ ᠡᠨᠡ ᠬᠦ ᠴᠡᠪᠡᠷ ᠲᠡᠭᠰᠢ ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠪᠦᠰᠡᠭᠦᠢ ᠮᠢᠨᠦ ᠬᠤᠪᠢ ᠵᠠᠶᠠᠭᠠ ᠲᠠᠢ ᠬᠠᠮᠲᠤ ᠭᠤᠨᠢᠭ | ᠪᠠᠶᠠᠰᠤᠯ ᠢᠶᠠᠨ ᠬᠤᠪᠢᠶᠠᠯᠴᠠᠵᠤ᠂ ᠥᠩᠭᠡᠷᠡᠭᠰᠡᠨ ᠢ ᠮᠢᠨᠢ ᠡᠷᠭᠢᠴᠡᠭᠦᠯᠵᠦ ᠢᠷᠡᠭᠡᠳᠦᠢ ᠲᠠᠶᠢᠰᠢ ᠮᠢᠨᠢ ᠵᠢᠳᠬᠦᠭᠦᠯᠵᠦ᠂ | ᠠᠮᠢ ᠨᠠᠰᠤᠨ ᠳᠤ ᠮᠢᠨᠢ ᠳᠠᠪᠬᠤᠷ ᠴᠡᠭ ᠲᠠᠯᠪᠢᠬᠤ ᠪᠣᠯᠲᠠᠯᠠ ᠳᠠᠭᠠᠵᠤ ᠶᠠᠪᠤᠬᠤ ᠪᠣᠯᠤᠨᠠ᠃ ᠲᠡᠭᠡᠬᠦ ᠳᠡᠭᠡᠨ ᠥᠨᠥᠳᠦᠷ | ᠡᠨᠡ ᠬᠦ ᠵᠣᠬᠢᠶᠠᠯ ᠤᠨ ᠳᠠᠰᠬᠠᠯ ᠠᠴᠠ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠢᠨᠦ ᠪᠠᠭᠰᠢ ᠨᠠᠷ ᠰᠤᠷᠤᠭᠴᠢᠳ ᠤᠨ ᠢᠶᠠᠨ ᠲᠥᠯᠥᠭᠡ | ᠬᠡᠴᠢᠨᠡᠨ ᠬᠦᠴᠦ ᠬᠥᠯᠥᠰᠦ ᠤᠷᠤᠰᠬᠠᠵᠤ ᠪᠠᠶᠢᠭᠰᠠᠨ ᠠᠷᠢᠭᠤᠨ ᠴᠠᠭᠠᠨ ᠬᠥᠳᠡᠯᠮᠦᠷᠢ ᠶᠢ ᠣᠯᠵᠤ ᠬᠠᠷᠠᠬᠤ ᠪᠣᠯᠤᠨᠠ᠃ | ︽ᠪᠤᠷᠠᠮ ᠢᠶᠠᠷ ᠲᠡᠵᠢᠭᠡᠬᠦ ᠪᠠᠷ ᠤᠷᠮᠠ ᠪᠠᠷ ᠲᠡᠵᠢᠭᠡ︾ ᠭᠡᠳᠡᠭ ᠢᠶᠠᠷ ᠰᠤᠷᠤᠭᠴᠢᠳ ᠢᠶᠠᠨ ᠤᠷᠮᠠᠰᠢᠭᠤᠯᠵᠤ | ᠵᠣᠷᠢᠭᠵᠢᠭᠤᠯᠵᠤ ᠪᠠᠶᠢᠭᠰᠠᠨ ᠢ ᠣᠯᠵᠤ ᠬᠠᠷᠠᠬᠤ ᠪᠥᠭᠡᠳ ᠨᠢᠭᠡ ᠵᠠᠯᠠᠭᠤ ᠬᠡᠦᠬᠡᠨ ᠤ ᠡᠷᠢᠯ ᠬᠦᠰᠡᠯ᠂ ᠮᠡᠷᠡᠶᠢᠯᠲᠡ | ᠴᠢᠷᠮᠠᠶᠢᠯᠲᠠ᠂ ᠬᠡᠯᠡ ᠪᠢᠴᠢᠭ ᠰᠤᠷᠤᠭᠰᠠᠨ ᠤᠯᠠ ᠮᠥᠷ᠂ ᠥᠩᠭᠡᠷᠡᠯᠲᠡ ᠶᠢ ᠣᠯᠵᠤ ᠬᠠᠷᠠᠬᠤ ᠪᠣᠯᠤᠨᠠ᠃ | ᠢᠩᠭᠢᠬᠦ ᠳᠡᠭᠡᠨ ᠪᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠯᠡ ᠪᠢᠴᠢᠭ ᠤᠨ ᠪᠠᠭᠰᠢ ᠰᠧᠳᠡᠨᠳᠣᠷᠵᠢ᠂ ᠳᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠦᠶᠡ ᠶᠢᠨ ᠬᠡᠯᠡ ᠪᠢᠴᠢᠭ ᠤᠨ ᠠᠨ ᠶᠢᠨ ᠱᠠᠨ ᠪᠠᠭᠰᠢ᠂ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠰᠢᠭᠲᠦ | ᠪᠠᠭᠰᠢ ᠪᠠᠨ ᠮᠢᠨᠦ ᠬᠡᠯᠡ ᠪᠢᠴᠢᠭ ᠤᠨ ︽ᠲᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ︾ ᠭᠡᠵᠤ ᠪᠣᠳᠤᠳᠠᠭ ᠶᠤᠮ᠃ ᠡᠨᠡ ᠬᠦ | ︽ᠲᠤᠯᠭᠠ ᠶᠢᠨ ᠭᠤᠷᠪᠠᠨ ᠴᠢᠯᠠᠭᠤ︾ ᠶᠢᠨ ᠲᠦᠰᠢᠵᠦ ᠲᠤᠯᠵᠤ ᠪᠠᠶᠢᠭᠠᠳ ᠳᠦᠷᠡᠯᠵᠡᠭᠦᠯᠦᠭᠰᠡᠨ ᠭᠠᠯ ᠳᠠᠷᠤᠢ | ᠳᠡᠯᠡᠬᠡᠢ ᠳᠤ ᠭᠠᠭᠴᠠᠬᠠᠨ ᠪᠣᠰᠤᠭᠠ ᠪᠠᠶᠢᠳᠠᠭ ᠢᠷᠠᠭᠤ ᠰᠠᠶᠢᠬᠠᠨ ᠤᠶᠠᠩᠭᠠ ᠬᠥᠭᠵᠢᠮᠯᠢᠭ ᠮᠣᠩᠭᠤᠯ ᠬᠡᠯᠡ ᠪᠢᠴᠢᠭ | ᠪᠠᠶᠢᠬᠤ ᠶᠣᠰᠤᠲᠠᠢ᠃ ᠡᠶᠢᠮᠦ ᠠᠴᠠ ᠪᠢ ᠡᠨᠡ ᠬᠦ ᠳᠦᠷᠡᠯᠵᠡᠭᠰᠡᠨ ᠭᠠᠯ ᠤᠨ ᠢᠶᠠᠨ ᠢᠯᠴᠢᠨ ᠳᠤ ᠨᠠᠰᠤᠨ ᠲᠤᠷᠰᠢᠲᠠ | ᠳᠤᠯᠠᠭᠠᠴᠠᠵᠤ ᠶᠠᠪᠤᠬᠤ ᠨᠢ ᠯᠠᠪᠲᠠᠢ᠃ | | |