ᠪᠠᠷᠭᠤ ᠶᠠᠰᠤᠲᠠᠨ | | ᠭᠤ · ᠠᠯᠮᠠᠰ ᠪᠠᠭᠤᠯᠭᠠᠪᠠ | | | ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ᠪᠠᠷᠭᠤᠵᠢᠨ ᠠᠶᠢᠮᠠᠭ ᠢ ᠪᠠᠷᠭᠤᠳᠠᠢ ᠮᠡᠷᠭᠡᠨ ᠵᠠᠬᠢᠷᠴᠦ ᠪᠠᠶᠢᠭᠰᠠᠨ ᠪᠦᠭᠡᠳ ᠲᠡᠭᠦᠨ ᠤ | ᠦᠬᠢᠨ ᠪᠠᠷᠭᠤᠵᠢᠨ ᠭᠤᠸᠠ ᠠᠴᠠ ᠲᠦᠷᠦᠭᠰᠡᠨ ᠴᠢᠩᠭᠢᠰ ᠬᠠᠭᠠᠨ ᠤ ᠲᠡᠭᠡᠳᠦ ᠤᠳᠤᠮ ᠤᠨ ᠠᠯᠤᠩᠭᠤᠸᠠ ᠡᠬᠡ ᠪᠤᠯᠤᠨᠠ᠃ ᠪᠠᠷᠭᠤ ᠪᠤᠶᠤ ᠪᠠᠷᠭᠤᠳ ᠨᠢ ᠠᠷᠪᠠᠨ | ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠤᠢ ᠶᠢᠨ ᠢᠷᠭᠡᠳ᠂ ᠬᠤᠷᠢ ᠲᠦᠮᠡᠳ ᠤᠨ ᠬᠠᠮᠳᠤ ᠮᠤᠩᠭᠤᠯ ᠤᠨ ᠡᠵᠡᠨᠳᠦ ᠬᠦᠷᠦᠨ ᠤ ᠪᠦᠷᠢᠯᠳᠦᠬᠦᠨ ᠳᠤ ᠤᠷᠤᠵᠤ | ᠤᠷᠢᠶᠠᠩᠬᠠᠢ ᠮᠢᠩᠭᠠᠨ ᠤ ᠨᠢᠭᠡᠨ ᠪᠤᠯᠵᠤ ᠪᠠᠶᠢᠵᠠᠢ᠃ | ᠪᠠᠷᠭᠤ ᠠᠶᠢᠮᠠᠭ ᠨᠢ ᠮᠤᠩᠭᠤᠯ ᠤᠳᠤᠮ ᠤᠨ ᠠᠶᠢᠮᠠᠭ ᠤᠳ ᠤᠨ ᠨᠢᠭᠡ ᠶᠤᠮ᠃ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠠᠴᠠ ᠤᠷᠢᠳᠤ ᠪᠠᠶᠢᠭᠠᠯ ᠲᠠᠯᠠᠢ ᠶᠢᠨ | ᠲᠡᠨᠳᠡᠬᠢ ᠪᠠᠷᠭᠤᠵᠢᠨ ᠲᠦᠬᠦᠮ ᠭᠡᠳᠡᠭ ᠭᠠᠵᠠᠷ 11 — 12 ᠳ᠋ᠤᠭᠠᠷ ᠵᠠᠭᠤᠨ ᠳᠤ ᠨᠤᠳᠤᠭᠯᠠᠵᠤ ᠪᠠᠶᠢᠭᠰᠠᠨ ᠪᠠᠷᠭᠤᠳ ᠬᠡᠮᠡᠬᠦ ᠬᠦᠴᠦᠷᠬᠡᠭ ᠠᠶᠢᠮᠠᠭ ᠪᠤᠯᠤᠨᠠ᠃ | ᠡᠷᠳᠡᠨ ᠤ ᠰᠤᠷᠪᠤᠯᠵᠢᠳᠤ ᠮᠤᠩᠭᠤᠯ ᠠᠶᠢᠮᠠᠭ ᠪᠠᠷᠭᠤ ᠨᠠᠷ ᠤᠨ ᠭᠤᠯᠤᠮᠳᠠ ᠨᠤᠳᠤᠭ ᠪᠠᠶᠢᠭᠠᠯ ᠨᠠᠭᠤᠷ ᠠᠴᠠ ᠬᠢᠩᠭᠠᠨ ᠤ ᠨᠢᠷᠤᠭᠤ ᠬᠦᠷᠳᠡᠯᠡ ᠦᠷᠭᠦᠯᠵᠢᠯᠡᠵᠤ ᠪᠠᠶᠢᠵᠠᠢ | ᠃ ᠪᠠᠷᠭᠤᠴᠤᠳ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠠᠶᠠᠨ ᠲᠠᠶᠢᠨ ᠤ ᠦᠶᠡ ᠳᠤ ᠴᠡᠷᠢᠭ ᠤᠨ ᠠᠷᠤ ᠲᠠᠯᠠ ᠶᠢᠨ ᠡᠳ᠋ ᠪᠠᠷᠠᠭᠠ ᠶᠢ ᠬᠠᠷᠢᠭᠤᠴᠠᠨ ᠬᠠᠷᠠᠭᠤᠯ ᠤᠨ ᠴᠡᠷᠢᠭ ᠤᠨ | ᠠᠯᠪᠠ ᠶᠢ ᠬᠠᠭᠠᠵᠤ ᠪᠠᠶᠢᠵᠠᠢ᠃ ᠪᠠᠷᠭᠤᠴᠤᠳ ᠤᠨ ᠬᠡᠯᠡ ᠠᠶᠠᠯᠭᠤ ᠨᠢ ᠪᠤᠷᠢᠶᠡᠳ ᠲᠠᠢ ᠨᠡᠯᠢᠶᠡᠳ ᠲᠦᠰᠳᠡᠢ ᠶᠤᠮ᠃ ᠤᠪᠤᠭ ᠤᠨ ᠲᠢᠭ ᠵᠢᠷᠤᠮ ᠢ ᠨᠠᠷᠢᠨ | ᠪᠠᠷᠢᠮᠳᠠᠯᠠᠨ ᠰᠠᠬᠢᠵᠤ᠂ ᠠᠬᠠᠮᠠᠳ ᠢ ᠬᠦᠨᠳᠦᠳᠬᠡᠨ᠂ ᠤᠪᠤᠭ ᠲᠤᠳᠤᠷᠠ ᠪᠠᠨ ᠭᠡᠷ ᠪᠦᠯᠢ ᠪᠤᠯᠬᠤ ᠶᠢ ᠬᠤᠷᠢᠭᠯᠠᠵᠤ᠂ ᠠᠬᠠ ᠲᠡᠭᠦᠦᠰ ᠢᠶᠠᠷ ᠬᠤᠳᠠᠯᠠᠬᠤ᠂ ᠨᠠᠭᠠᠴᠤ | ᠲᠠᠯᠠ ᠪᠠᠨ ᠲᠡᠭᠡᠳᠦᠯᠡᠬᠦ ᠵᠡᠷᠭᠡ ᠨᠢ ᠤᠷᠤᠭ ᠪᠠᠷᠢᠯᠳᠤᠬᠤ᠂ ᠴᠠᠭᠠᠨ ᠰᠠᠷᠠ ᠶᠢ ᠲᠡᠮᠳᠡᠭᠯᠡᠬᠦ᠂ ᠨᠡᠭᠦᠳᠡᠯ ᠤᠨ ᠵᠠᠩ ᠦᠢᠯᠡ ᠳᠤ ᠲᠤᠳᠤ ᠲᠤᠰᠬᠠᠭᠳᠠᠨ ᠦᠯᠡᠳᠡᠵᠡᠢ᠃ | ᠬᠦᠯᠦᠨ ᠪᠤᠶᠢᠷ᠂ ᠪᠠᠶᠢᠭᠠᠯ ᠨᠠᠭᠤᠷ᠂ ᠠᠯᠳᠠᠢ ᠠᠭᠤᠯᠠ ᠶᠢᠨ ᠬᠤᠭᠤᠷᠤᠨᠳᠤ᠂ ᠲᠡᠤᠬᠡ ᠶᠢᠨ ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠳᠤ ᠨᠡᠭᠦᠳᠡᠯᠯᠡᠵᠤ ᠪᠠᠶᠢᠭᠰᠠᠨ | ᠪᠦᠭᠡᠳ ᠠᠯᠳᠠᠢ ᠠᠴᠠ ᠨᠠᠭᠠᠰᠢ ᠨᠡᠭᠦᠬᠦ ᠳᠡᠭᠡᠨ ᠤᠳᠤ ᠶᠢᠨ ᠵᠠᠪᠬᠠᠨ ᠨᠤᠳᠤᠭ ᠲᠤ ᠤᠳᠠᠭᠠᠨ ᠰᠠᠭᠤᠷᠢᠰᠢᠵᠤ᠂ ᠨᠢᠭᠡ ᠬᠡᠰᠡᠭ ᠨᠢ ᠲᠡᠨᠳᠡ ᠦᠯᠡᠳᠡᠭᠰᠡᠨ ᠪᠤᠯᠤᠯᠳᠠᠢ᠃ | ᠤᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠲᠤᠷᠤᠨᠠᠳᠤ᠂ ᠲᠤᠮᠳᠠᠭᠤᠪᠢ᠂ ᠠᠷᠤᠬᠠᠩᠭᠠᠢ᠂ ᠬᠤᠪᠳᠤ᠂ ᠪᠠᠶᠠᠨ — ᠦᠯᠦᠭᠡᠢ᠂ ᠲᠦᠪ᠂ ᠵᠠᠪᠬᠠᠨ ᠠᠶᠢᠮᠠᠭ ᠤᠨ ᠰᠤᠮᠤᠳ ᠲᠤ | ᠪᠠᠷᠭᠤ ᠶᠠᠰᠤᠳᠠᠨ ᠨᠤᠭᠤᠳ ᠠᠵᠤ ᠲᠦᠷᠦᠨ ᠪᠤᠢ᠃ ᠮᠥᠨ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠳᠡᠳ ᠠᠷᠠᠳ ᠤᠯᠤᠰ ᠤᠨ ᠦᠪᠦᠷ ᠮᠤᠩᠭᠤᠯ ᠤᠨ ᠬᠦᠯᠦᠨ ᠪᠤᠶᠢᠷ | ᠠᠶᠢᠮᠠᠭ ᠤᠨ ᠵᠡᠭᠦᠨ ᠪᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠭᠳᠠᠨ ᠤᠷᠱᠤᠨ ᠭᠤᠤᠯ ᠢᠶᠠᠷ ᠨᠤᠳᠤᠭᠯᠠᠨ ᠪᠠᠶᠢᠨᠠ᠃ | ᠮᠤᠩᠭᠤᠯ ᠤᠨ ᠶᠤᠸᠠᠨ ᠤᠯᠤᠰ ᠠᠴᠠ ᠬᠤᠶᠢᠰᠢ ᠪᠠᠷᠭᠤᠳ ᠠᠶᠢᠮᠠᠭ ᠨᠤᠳᠤᠭ ᠵᠡᠭᠦᠨᠰᠢᠯᠡᠵᠤ᠂ ᠡᠷᠭᠦᠨᠡ᠂ ᠤᠨᠤᠨ ᠭᠤᠤᠯ᠂ ᠬᠦᠯᠦᠨ ᠨᠠᠭᠤᠷ ᠤᠨ ᠭᠠᠵᠠᠷ | ᠰᠠᠭᠤᠷᠢᠰᠢᠵᠤ᠂ ᠬᠤᠷᠴᠢᠨ ᠠᠶᠢᠮᠠᠭ ᠤᠨ ᠵᠠᠬᠢᠷᠭᠠᠨ ᠳᠤ ᠤᠷᠤᠭᠰᠠᠨ ᠪᠠᠶᠢᠨᠠ᠃ 15 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠬᠠᠭᠠᠰ ᠲᠤ ︵1437 ᠤᠨ ᠳᠤ︶ | ᠤᠶᠢᠷᠠᠳ ᠤᠨ ᠲᠤᠭᠤᠨ ᠲᠠᠶᠢᠰᠢ ᠵᠡᠭᠦᠨ ᠮᠤᠩᠭᠤᠯ ᠤᠨ ᠬᠤᠷᠴᠢᠨ ᠤ ᠤᠷᠤᠭᠲᠡᠮᠦᠷ ᠢ ᠢᠯᠠᠭᠰᠠᠨ ᠢᠶᠠᠷ ᠲᠡᠭᠦᠨ ᠤ ᠬᠠᠷᠢᠶᠠᠳᠤ ᠪᠠᠷᠭᠤ ᠪᠤᠷᠢᠶᠡᠳ ᠠᠶᠢᠮᠠᠭ ᠲᠦᠷᠪᠡᠨ | ᠤᠶᠢᠷᠠᠳ ᠤᠨ ᠪᠦᠷᠢᠯᠳᠦᠬᠦᠨ ᠳᠤ ᠪᠠᠭᠳᠠᠬᠤ ᠪᠤᠯᠪᠠ᠃ | ᠡᠭᠦᠨ ᠠᠴᠠ ᠬᠤᠶᠢᠰᠢ ᠵᠡᠬᠦᠨ ᠮᠤᠩᠭᠤᠯ ᠤᠨ ᠠᠯᠳᠠᠨ ᠪᠤᠳᠢ ᠠᠯᠠᠭ ᠬᠠᠭᠠᠨ 1525 — 1538 ᠤᠨ ᠳᠤ ᠪᠠᠷᠭᠤ ᠪᠤᠷᠢᠶᠠᠳ ᠠᠶᠢᠮᠠᠭ ᠢ ᠳᠡᠶᠢᠯᠠᠵᠦ | ᠂ ᠤᠶᠢᠷᠠᠳ ᠠᠴᠠ ᠰᠠᠯᠭᠠᠨ ᠮᠡᠳᠡᠯ ᠳᠡᠭᠡᠨ ᠤᠷᠤᠭᠤᠯᠵᠤ ᠠᠪᠴᠠᠢ᠃ | ᠲᠡᠷᠡ ᠴᠠᠭ ᠲᠤ ᠬᠢᠩᠭᠠᠨ ᠲᠠᠪᠠᠭᠠᠨ ᠤ ᠠᠷᠤ ᠨᠤᠳᠤᠭ ᠡᠵᠡᠬᠦᠢ ᠵᠡᠯᠡᠭᠦᠳ ᠭᠠᠵᠠᠷ ᠪᠠᠶᠢᠭᠰᠠᠨ ᠲᠤᠯᠠ ᠪᠠᠷᠭᠤᠴᠤᠤᠯ ᠲᠡᠨᠳᠡ ᠬᠦᠷᠦᠯᠴᠡᠨ ᠤᠴᠢᠵᠤ | ᠰᠠᠭᠤᠭᠰᠠᠨ ᠤ ᠲᠡᠭᠡᠷᠡ ᠲᠡᠳᠡᠨ ᠤ ᠠᠷᠤ ᠠᠴᠠ ᠬᠠᠯᠬᠠ᠂ ᠦᠭᠡᠯᠡᠳ ᠤᠨ ᠨᠡᠯᠢᠶᠡᠳ ᠤᠳᠤᠭ ᠤᠮᠤᠭ ᠤᠴᠢᠵᠤ ᠨᠤᠳᠤᠭᠯᠠᠭᠰᠠᠨ ᠪᠠᠶᠢᠨᠠ᠃ | 1730 ᠭᠠᠳ ᠤᠨ ᠳᠤ ᠡᠯᠠ ᠪᠠᠷᠭᠤ ᠶᠢᠨ ᠬᠦᠮᠦᠨ ᠠᠮᠠ ᠶᠢ ᠮᠠᠨᠵᠤ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠬᠤᠰᠢᠭᠤ ᠰᠤᠮᠤ ᠵᠤᠬᠢᠶᠠᠵᠤ᠂ ᠬᠠᠭᠤᠴᠢᠨ | ᠰᠢᠨᠡ ᠪᠠᠷᠭᠤ ᠶᠢᠨ ᠬᠤᠰᠢᠭᠤ ᠶᠢ ᠪᠠᠶᠢᠭᠤᠯᠵᠠᠢ᠃ | ᠨᠠᠶᠢᠷᠠᠯᠳᠤ ᠲᠦᠪ ᠤᠨ 10 ᠤᠨ ︵1732︶ ᠳᠤ ᠴᠢᠪᠴᠢᠨ᠂ ᠰᠤᠯᠤᠨ ᠪᠠᠷᠭᠤ ᠶᠢ ᠪᠠᠷᠠᠭᠤᠨ ᠵᠡᠭᠦᠨ ᠭᠠᠷ ᠪᠤᠯᠭᠠᠭᠠᠳ ᠴᠢᠪᠴᠢᠨ 2᠂ ᠰᠤᠯᠤᠨ 6 | ᠬᠤᠰᠢᠭᠤ ᠵᠤᠬᠢᠶᠠᠨ᠂ ᠮᠦᠨ ᠤᠨ ᠳᠤ ᠴᠡᠪᠳᠡᠨ ᠬᠡᠮᠡᠭᠴᠢ ᠶᠢᠨ ᠲᠠᠭᠠᠭᠤᠯᠵᠤ ᠤᠴᠢᠭᠰᠠᠨ ᠬᠤᠶᠠᠷ ᠤᠳᠤᠭ ᠦᠭᠡᠯᠡᠳ ᠢ ᠬᠠᠶᠢᠯᠠᠷ ᠠᠴᠠ ᠤᠷᠤᠭᠰᠢ | ᠨᠤᠳᠤᠭᠯᠠᠭᠤᠯᠤᠨ ᠨᠢᠭᠡ ᠬᠤᠰᠢᠭᠤ ᠪᠤᠯᠭᠠᠵᠠᠢ᠃ | 1734 ᠤᠨ ᠳᠤ ᠬᠠᠯᠬᠠ ᠶᠢᠨ ᠴᠡᠴᠡᠨ ᠬᠠᠨ ᠠᠶᠢᠮᠠᠭ ᠤᠨ ᠰᠠᠩ ᠪᠠᠶᠢᠰᠡ᠂ ᠲᠠᠯᠠᠢ ᠪᠠᠶᠢᠰᠡ ᠶᠢᠨ ᠬᠤᠰᠢᠭᠤᠨ ᠤ ᠬᠠᠯᠬᠠ — ᠪᠤᠷᠢᠶᠠᠳ ᠤᠨ 8 | ᠰᠤᠮᠤ ᠲᠠᠰᠤᠷᠠᠵᠤ ᠵᠠᠬᠢᠷᠤᠭᠴᠢ ᠵᠠᠭᠳᠠ ᠶᠢ ᠲᠠᠭᠠᠨ ᠢᠷᠡᠭᠰᠠᠨ ᠢ ᠨᠠᠢᠮᠠᠨ ᠬᠤᠰᠢᠭᠤ ᠪᠤᠯᠭᠠᠨ ᠰᠢᠨᠡ ᠪᠠᠷᠭᠤ ᠬᠡᠮᠡᠨ ᠨᠡᠷᠡᠶᠢᠳᠴᠦ᠂ ᠬᠠᠶᠢᠯᠠᠷ ᠠᠴᠠ ᠬᠤᠶᠢᠰᠢ ᠬᠦᠯᠦᠨ | ᠪᠤᠶᠢᠷ ᠨᠠᠭᠤᠷ ᠤᠳ ᠤᠨ ᠬᠤᠭᠤᠷᠤᠨᠳᠤ ᠨᠤᠳᠤᠭᠯᠠᠭᠤᠯᠵᠠᠢ᠃ ᠲᠡᠷᠡ ᠨᠢ ᠰᠢᠯᠤᠭᠤᠨ ᠰᠢᠷᠠ᠂ ᠰᠢᠯᠤᠭᠤᠨ ᠤᠯᠠᠭᠠᠨ᠂ ᠰᠢᠯᠤᠭᠤᠨ ᠴᠠᠭᠠᠨ᠂ ᠰᠢᠯᠤᠭᠤᠨ ᠬᠦᠬᠡ᠂ | ᠬᠦᠪᠡᠭᠡᠳᠦ ᠰᠢᠷᠡ᠂ ᠬᠦᠪᠡᠭᠡᠳᠦ ᠤᠯᠠᠭᠠᠨ᠂ ᠬᠦᠪᠡᠭᠡᠳᠦ ᠴᠠᠭᠠᠨ᠂ ᠬᠦᠪᠡᠭᠡᠳᠦ ᠬᠦᠬᠡ ᠬᠤᠰᠢᠭᠤ ᠠᠵᠢ᠃ ᠢᠩᠭᠢᠭᠡᠳ ᠪᠠᠷᠭᠤ ᠬᠠᠭᠤᠴᠢᠨ 9᠂ ᠰᠢᠨᠡ 8᠂ | ᠪᠦᠭᠦᠳᠡ 17 ᠬᠤᠰᠢᠭᠤ ᠲᠠᠢ ᠪᠤᠯᠵᠤ ᠪᠠᠷᠭᠤ ᠶᠢᠨ ᠲᠦᠪ ᠵᠠᠬᠢᠷᠭᠠ ᠶᠢ ᠬᠠᠶᠢᠯᠠᠷ ᠠᠮᠪᠠᠨ ᠳᠤ ᠬᠠᠮᠢᠶᠠᠷᠤᠭᠤᠯᠵᠠᠢ᠃ ᠦᠭᠡᠯᠡᠳ ᠤᠷᠴᠤᠨ ᠬᠤᠶᠠᠷ ᠠᠴᠠ ᠪᠤᠰᠤᠳ | ᠬᠤᠰᠢᠭᠤᠨ ᠳᠤ ᠭᠤᠷᠪᠠᠨ ᠰᠤᠮᠤ ᠵᠤᠬᠢᠶᠠᠵᠤ᠂ ᠰᠤᠮᠤ ᠪᠦᠷᠢ ᠠᠴᠠ 200 ᠬᠤᠶᠠᠭ ᠭᠠᠷᠭᠠᠬᠤ ᠪᠠᠷ ᠲᠤᠭᠳᠠᠭᠰᠠᠨ ᠪᠠᠶᠢᠨᠠ᠃ ᠬᠤᠰᠢᠭᠤᠨ ᠤ ᠲᠡᠷᠢᠭᠦᠯᠡᠭᠴᠢ ᠨᠢ ︽ | ᠤᠭᠤᠷᠳᠠ︾ ᠪᠤᠶᠤ ︽ᠪᠦᠭᠦᠳᠡ ᠶᠢᠨ ᠲᠠᠷᠤᠭᠠ︾ ᠭᠡᠳᠡᠭ ᠪᠠᠶᠢᠨᠠ᠃ | 1905 ᠤᠨ ᠠᠴᠠ ᠪᠠᠷᠭᠤ ᠶᠢᠨ ᠵᠠᠬᠢᠷᠭᠠ ᠶᠢ ᠦᠭᠡᠷᠡᠴᠢᠯᠡᠨ᠂ ᠪᠠᠷᠭᠤ ᠴᠡᠷᠢᠭ ᠢ ᠪᠠᠭᠤᠯᠭᠠᠨ ᠬᠢᠳᠡᠳ ᠴᠡᠷᠢᠭ ᠢᠶᠠᠷ ᠤᠷᠤᠯᠠᠭᠤᠯᠵᠠᠢ᠃ 1911 ᠤᠨ ᠳᠤ ᠠᠷᠤ | ᠮᠤᠩᠭᠤᠯ ᠳᠤ ᠮᠠᠨᠵᠤ ᠶᠢᠨ ᠵᠠᠬᠢᠷᠭᠠ ᠶᠢ ᠤᠰᠠᠳᠬᠠᠵᠤ ᠲᠤᠰᠠᠭᠠᠷ ᠲᠤᠭᠳᠠᠨᠢᠬᠤ ᠳᠤ 1912 ᠤᠨ ᠤ 1 ᠰᠠᠷᠠ ᠳᠤ ᠪᠠᠷᠭᠤ ᠳᠤ ᠪᠤᠰᠤᠯᠭᠠ ᠭᠠᠷᠴᠤ ᠬᠠᠶᠢᠯᠠᠷ | ᠬᠤᠳᠠ ᠶᠢ ᠴᠢᠯᠦᠭᠡᠯᠡᠭᠰᠡᠨ ᠪᠠᠶᠢᠨᠠ᠃ ᠪᠠᠷᠭᠤ ᠶᠢᠨ ᠲᠦᠷᠦᠭᠦᠴᠦᠳ ᠬᠤᠷᠠᠯᠳᠤᠨ ᠪᠠᠷᠭᠤ ᠶᠢ ᠪᠤᠭᠳᠠ ᠬᠠᠭᠠᠨᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠬᠠᠷᠢᠶᠠᠳᠤ ᠭᠡᠵᠤ ᠵᠠᠷᠯᠠᠨ | ᠵᠠᠩᠭᠢ ᠲᠠᠮᠳᠢᠨᠰᠦ᠋ᠷᠦᠩ ᠲᠡᠷᠢᠭᠦᠳᠡᠢ ᠲᠦᠯᠦᠭᠡᠯᠡᠭᠴᠢᠳ ᠨᠡᠶᠢᠰᠯᠡᠯ ᠬᠦᠷᠢᠶᠡᠨ ᠳᠤ ᠢᠷᠡᠵᠡᠢ᠃ | ᠵᠠᠮᠰᠦ᠋ᠷᠦᠩ ᠤᠨ ᠲᠠᠮᠳᠢᠨᠰᠦ᠋ᠷᠦᠩ ᠨᠢ ᠤᠭ ᠲᠠᠭᠠᠨ ᠰᠢᠨᠡ ᠪᠠᠷᠭᠤ ᠶᠢᠨ ᠰᠢᠯᠤᠭᠤᠨ ᠴᠠᠭᠠᠨ ᠬᠤᠰᠢᠭᠤᠨ ᠤ ᠨᠤᠳᠤᠭ ︽ᠴᠠᠭᠠᠨ ᠬᠤᠰᠢᠭᠤ︾ ᠬᠡᠮᠡᠬᠦ | ᠭᠠᠵᠠᠷ 1871 ᠤᠨ ᠳᠤ ᠮᠡᠨᠳᠦᠯᠡᠭᠰᠡᠨ ᠬᠦᠮᠦᠨ ᠪᠦᠭᠡᠳ 1912 ᠤᠨ ᠳᠤ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠢ ᠲᠦᠪᠰᠢᠳᠭᠡᠬᠦ ᠰᠠᠶᠢᠳ ᠢᠶᠠᠷ ᠮᠠᠭᠰᠤᠷᠵᠠᠪ ᠤᠨ ᠬᠠᠮᠳᠤ | ᠲᠤᠮᠢᠯᠠᠭᠳᠠᠨ ᠬᠤᠪᠳᠤ ᠳᠤ ᠢᠷᠡᠵᠤ᠂ ᠲᠤᠰ ᠬᠤᠳᠠ ᠶᠢ ᠮᠠᠨᠵᠤ ᠶᠢᠨ ᠲᠦᠷᠢᠮᠡᠬᠡᠢ ᠴᠡᠷᠢᠭ ᠠᠴᠠ ᠴᠢᠯᠦᠭᠡᠯᠡᠬᠦ ᠳᠤ ᠶᠡᠬᠡᠳᠡ ᠭᠠᠪᠢᠶᠠ ᠪᠠᠶᠢᠭᠤᠯᠤᠨ ︽ᠮᠠᠩᠯᠠᠢ | ᠪᠠᠭᠠᠳᠤᠷ︾ ᠴᠤᠯᠠ ᠪᠠᠷ ᠱᠠᠩᠨᠠᠭᠤᠯᠵᠠᠢ᠃ 1915 ᠤᠨ ᠳᠤ ᠮᠠᠩᠯᠠᠢ ᠪᠠᠭᠠᠳᠤᠷ ᠲᠠᠮᠳᠢᠨᠰᠦ᠋ᠷᠦᠩ ᠬᠢᠶᠠᠭᠳᠤ ᠳᠤ ᠪᠤᠯᠤᠭᠰᠠᠨ ᠤᠷᠤᠰ᠂ ᠬᠢᠳᠡᠳ᠂ ᠮᠤᠩᠭᠤᠯ | ᠭᠤᠷᠪᠠᠨ ᠤᠯᠤᠰ ᠤᠨ ᠬᠡᠯᠡᠯᠴᠡᠭᠡᠷ ᠲᠤ ᠤᠷᠤᠯᠴᠠᠭᠰᠠᠨ ᠪᠦᠭᠡᠳ ᠲᠤᠰ ᠭᠡᠷᠡ ᠪᠠᠷ ᠪᠠᠷᠭᠤ ᠶᠢ ᠲᠤᠮᠳᠠᠳᠤ ᠢᠷᠭᠡᠨ ᠤᠯᠤᠰ ᠤᠨ ᠵᠡᠭᠦᠨ ᠭᠤᠷᠪᠠᠨ ᠨᠤᠳᠤᠭ ᠤᠨ | ᠪᠦᠷᠢᠯᠳᠦᠬᠦᠨ ᠳᠤ ᠦᠯᠡᠳᠡᠭᠡᠬᠦ ᠪᠠᠷ ᠪᠤᠯᠵᠠᠢ᠃ | ᠡᠶᠢᠮᠦ ᠳᠤ ᠲᠠᠮᠳᠢᠨᠰᠦ᠋ᠷᠦᠩ ᠨᠤᠳᠤᠭ ᠲᠠᠭᠠᠨ ᠤᠴᠢᠨ ᠠᠯᠪᠠᠳᠤ ᠪᠠᠨ ᠲᠠᠭᠠᠭᠤᠯᠤᠨ ᠮᠤᠩᠭᠤᠯ ᠤᠯᠤᠰ ᠲᠤ ᠨᠡᠭᠦᠨ ᠢᠷᠡᠬᠦ ᠳᠤ ᠴᠡᠴᠡᠨ ᠬᠠᠨ ᠠᠶᠢᠮᠠᠭ ᠤᠨ | ᠰᠠᠩ ᠪᠠᠶᠢᠰᠡ ᠰᠠᠩᠰᠠᠷᠠᠶᠢᠳᠤᠷᠵᠢ ᠶᠢᠨ ᠬᠤᠰᠢᠭᠤᠨ ᠤ ᠨᠤᠳᠤᠭ ᠤᠨ ᠲᠠᠪᠤᠨ ᠬᠠᠷᠠᠭᠤᠯ ᠤᠨ ᠭᠠᠵᠠᠷ ᠢ ᠤᠯᠭᠤᠵᠤ᠂ ᠵᠠᠭᠠᠯ ᠠᠭᠤᠯᠠ᠂ ᠭᠤᠷᠪᠠᠨ ᠨᠠᠭᠤᠷ ᠢᠶᠠᠷ | ᠨᠤᠳᠤᠭᠯᠠᠭᠤᠯᠤᠭᠰᠠᠨ ᠨᠢ ᠮᠠᠩᠯᠠᠢ ᠸᠠᠩ ᠤᠨ ᠬᠤᠰᠢᠭᠤ ᠪᠤᠯᠵᠠᠢ᠃ ᠡᠨᠡ ᠬᠤᠰᠢᠭᠤ ᠨᠢ 1923 ᠤᠨ ᠳᠤ ᠬᠠᠨ ᠬᠡᠨᠳᠡᠢ ᠠᠭᠤᠯᠠ ᠶᠢᠨ ᠠᠶᠢᠮᠠᠭ ᠤᠨ ᠠᠮᠤᠭᠤᠯᠠᠩ | ᠬᠠᠨ ᠠᠭᠤᠯᠠ ᠶᠢᠨ ᠬᠤᠰᠢᠭᠤ ᠴᠤᠭ ᠠᠭᠤᠯᠠ ᠶᠢᠨ ᠰᠤᠮᠤ ᠭᠡᠭᠳᠡᠵᠤ ᠪᠠᠶᠢᠭᠠᠳ 1927 ᠤᠨ ᠳᠤ ᠤᠯᠵᠠ ᠭᠤᠤᠯ ᠤᠨ ᠬᠤᠰᠢᠭᠤᠨ ᠳᠤ ᠨᠢᠭᠡᠳᠦᠭᠡᠳ᠂ 1931 | ᠤᠨ ᠳᠤ ᠲᠡᠭᠡᠷᠡᠬᠢ ᠬᠤᠰᠢᠭᠤᠨ ᠠᠴᠠ ᠲᠠᠰᠤᠷᠠᠨ ᠭᠤᠷᠪᠠᠨ ᠵᠠᠭᠠᠯ ᠰᠤᠮᠤ ᠪᠤᠯᠤᠭᠰᠠᠨ ᠶᠤᠮ᠃ ᠭᠤᠷᠪᠠᠨ ᠵᠠᠭᠠᠯ ᠰᠤᠮᠤ ᠨᠢ 1956 ᠤᠨ ᠳᠤ ᠲᠠᠬᠢᠨ | ᠪᠠᠶᠢᠭᠤᠯᠤᠭᠳᠠᠵᠠᠢ᠃ | ᠭᠤᠷᠪᠠᠨ ᠵᠠᠭᠠᠯ ᠤᠨ ᠪᠠᠷᠭᠤ ᠨᠠᠷ ᠨᠢ ᠬᠠᠭᠤᠴᠢᠨ ᠬᠦᠯᠦᠨ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠤ᠂ ᠬᠤᠶᠢᠭᠤᠷ ᠤᠯᠵᠠ ᠵᠦᠭ ᠲᠤ ᠨᠤᠳᠤᠭᠯᠠᠬᠤ ᠬᠦᠪᠡᠭᠡᠲᠦ | ᠴᠠᠭᠠᠨ᠂ ᠰᠢᠯᠤᠭᠤᠨ ᠴᠠᠭᠠᠨ᠂ ᠰᠢᠯᠤᠭᠤᠨ ᠤᠯᠠᠭᠠᠨ᠂ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠠᠴᠠ ᠢᠷᠡᠭᠰᠡᠳ ᠪᠤᠯᠤᠨᠠ᠃ ᠪᠠᠷᠭᠤ ᠨᠠᠷ ᠤᠨ ᠨᠢᠭᠡ ᠬᠡᠰᠡᠭ ᠨᠢ ᠲᠦᠪ | ᠠᠶᠢᠮᠠᠭ ᠤᠨ ︵ᠬᠠᠭᠤᠴᠢᠨ︶ ᠠᠪᠳᠠᠷᠠᠪᠠᠶᠠᠨ ᠰᠤᠮᠤ ᠶᠢᠨ ᠬᠠᠷᠢᠶᠠᠳᠤ ᠨᠠᠷ ᠪᠦᠭᠡᠳ ᠬᠦᠯᠦᠨ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠳᠠᠬᠢ ᠬᠦᠪᠡᠭᠡᠳᠦ ᠬᠦᠬᠡ᠂ ᠰᠢᠯᠤᠭᠤᠨ ᠰᠢᠷᠠ᠂ | ᠰᠢᠯᠤᠭᠤᠨ ᠤᠯᠠᠭᠠᠨ᠂ ᠬᠦᠪᠡᠭᠡᠳᠦ ᠤᠯᠠᠭᠠᠨ ᠬᠤᠰᠢᠭᠤᠨ ᠠᠴᠠ 1910 ᠬᠡᠳᠦᠨ ᠤᠨ ᠤ ᠦᠶᠡ ᠳᠤ ᠪᠠᠽᠡᠷᠭᠠᠷᠤᠳᠢ ᠴᠤᠷᠵᠢ ᠯᠠᠮᠠ᠂ ᠸᠴᠢᠷᠪᠠᠨᠢ ᠬᠦᠩ᠂ ᠵᠠᠮᠪᠠᠯ | ᠬᠦᠩ᠂ ᠲᠠᠤᠯᠠᠢ ᠬᠦᠩ ᠨᠠᠷ ᠤᠨ ᠤᠳᠤᠷᠢᠳᠤᠯᠭᠠ ᠪᠠᠷ ᠮᠤᠩᠭᠤᠯ ᠳᠤ ᠢᠷᠡᠵᠤ᠂ ᠪᠤᠭᠳᠠ ᠶᠢᠨ ᠱᠠᠪᠢ ᠪᠤᠯᠵᠤ ᠲᠦᠰᠢᠶᠡᠳᠦ ᠬᠠᠨ ᠠᠶᠢᠮᠠᠭ ᠤᠨ ᠲᠠᠷᠬᠠᠨ ᠴᠢᠨ | ᠸᠠᠩ ᠤᠨ ᠬᠤᠰᠢᠭᠤ ᠨᠤᠳᠤᠭ ᠠᠴᠠ ᠠᠪᠳᠠᠷᠠᠪᠠᠶᠠᠨ ᠴᠢᠯᠠᠭᠤᠳᠤ ᠭᠡᠳᠡᠭ ᠭᠠᠵᠠᠷ ᠢ ᠠᠪᠴᠤ ᠨᠤᠳᠤᠭᠯᠠᠨ᠂ ᠪᠤᠭᠳᠠ ᠶᠢᠨ ᠶᠡᠭᠡ ᠱᠠᠪᠢ ᠶᠢᠨ ᠡᠷᠳᠡᠨᠢ ᠬᠤᠪᠢᠯᠭᠠᠨ ᠤ | ᠪᠠᠷᠭᠤ ᠤᠲᠤᠭ ᠪᠤᠯᠵᠠᠢ᠃ | ᠲᠤᠰ ᠤᠲᠤᠭ ᠨᠢ 1925 ᠤᠨ ᠠᠴᠠ ᠲᠡᠯᠭᠡᠷ ᠶᠡᠭᠡ ᠠᠭᠤᠯᠠ ᠶᠢᠨ ᠠᠶᠢᠮᠠᠭ ᠤᠨ ᠵᠤᠭᠰᠤᠭᠠᠯ ᠵᠢᠷᠭᠠᠯᠠᠩᠳᠤ ᠠᠭᠤᠯᠠ ᠶᠢᠨ ᠬᠤᠰᠢᠭᠤᠨ ᠳᠤ | ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠭᠠᠳ 1931 ᠤᠨ ᠳᠤ ᠲᠦᠪ ᠠᠶᠢᠮᠠᠭ ᠤᠨ ᠠᠪᠳᠠᠷᠠᠪᠠᠶᠠᠨ ᠰᠤᠮᠤ ᠭᠡᠭᠳᠡᠬᠦ ᠪᠤᠯᠵᠠᠢ᠃ ᠡᠨᠡ ᠰᠤᠮᠤ 1956 ᠤᠨ ᠳᠤ ᠲᠠᠳᠠᠨ | ᠪᠠᠭᠤᠭᠳᠠᠵᠤ ᠰᠡᠷᠭᠦᠯᠡᠩ᠂ ᠪᠠᠶᠠᠨ᠂ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠳᠤ ᠨᠡᠶᠢᠯᠡᠭᠰᠡᠨ ᠤᠴᠢᠷ ᠠᠪᠳᠠᠷᠠᠪᠠᠶᠠᠨ ᠤ ᠪᠠᠷᠭᠤ ᠨᠠᠷ ᠲᠡᠭᠡᠷᠡᠬᠢ ᠰᠤᠮᠤᠨ ᠳᠤ ᠲᠠᠷᠬᠠᠨ ᠰᠠᠭᠤᠵᠤ | ᠪᠠᠶᠢᠨᠠ᠃ ᠲᠠᠭᠦᠨ ᠠᠴᠠ ᠭᠠᠳᠠᠨᠠ ᠶᠡᠭᠡ ᠱᠠᠪᠢ ᠶᠢᠨ ᠦᠨᠢᠶᠡ ᠠᠭᠤᠯᠠ᠂ ᠱᠠᠵᠢᠨ ᠬᠤᠷᠠᠬᠤ᠂ ᠬᠡᠷᠦᠯᠦᠨ ᠪᠠᠶᠠᠨ ᠬᠠᠨ ᠠᠭᠤᠯᠠ ᠶᠢᠨ ᠤᠳᠤᠭ ᠲᠤ ᠪᠠᠷᠭᠤ | ᠤᠳᠤᠭ ᠠᠴᠠ ᠤᠷᠤᠯᠴᠠᠨ ᠰᠢᠨᠡ ᠵᠠᠰᠠᠭ ᠵᠠᠬᠢᠷᠭᠠᠨ ᠳᠤ ᠪᠠᠭᠳᠠᠭᠰᠠᠨ ᠢ ᠲᠡᠮᠳᠡᠭᠯᠡᠯᠳᠡᠢ᠃ ᠲᠤᠷᠤᠨᠠᠳᠤ ᠳᠤ ᠰᠡᠬᠦᠯ ᠳᠤ ︵1946 ᠤᠨ ᠤ ᠨᠠᠮᠤᠷ︶ ᠢᠷᠠᠵᠤ | ᠨᠤᠳᠤᠭᠯᠠᠭᠰᠠᠨ ᠪᠠᠷᠭᠤ ᠨᠠᠷ ᠨᠢ ᠲᠤᠰ ᠠᠶᠢᠮᠠᠭ ᠤᠨ ᠬᠦᠯᠦᠨ ᠪᠤᠶᠢᠷ ᠰᠤᠮᠤᠨ ᠳᠤ ᠰᠠᠭᠤᠵᠤ ᠪᠠᠶᠢᠨᠠ᠃ ᠡᠨᠡ ᠪᠠᠷᠭᠤ ᠨᠢ ᠰᠢᠨᠡ ᠪᠠᠷᠭᠤ ᠶᠢᠨ ᠬᠦᠪᠡᠭᠡᠳᠦ ᠴᠠᠭᠠᠨ | ᠬᠤᠰᠢᠭᠤᠨ ᠠᠴᠠ ᠨᠡᠭᠦᠳᠡᠯᠯᠡᠨ ᠢᠷᠡᠵᠤ᠂ ᠬᠦᠯᠦᠨ ᠪᠤᠶᠢᠷ ᠰᠤᠮᠤᠨ ᠤ ᠦᠨᠳᠦᠰᠦᠨ ᠬᠦᠮᠦᠨ ᠠᠮᠠ ᠨᠤᠳᠤᠭᠯᠠᠳᠠᠭ ᠬᠦᠪᠡᠭᠡᠳᠦ ᠴᠠᠭᠠᠨ᠂ ᠰᠢᠯᠤᠭᠤᠨ ᠴᠠᠭᠠᠨ᠂ | ᠬᠦᠪᠡᠭᠡᠳᠦ ᠰᠢᠷᠠ ᠬᠤᠰᠢᠭᠤᠨ ᠤ ᠬᠦᠮᠦᠰ ᠶᠤᠮ᠃ ᠡᠨᠡ ᠪᠠᠷᠭᠤ ᠶᠢ ᠱᠠᠷᠠᠶᠢᠪᠤᠤ ᠭᠡᠳᠡᠭ ᠬᠦᠮᠦᠨ ᠤᠳᠤᠷᠢᠳᠤᠨ ᠢᠷᠡᠵᠡᠢ᠃ ᠶᠡᠷᠦ ᠪᠠᠷᠭᠤ ᠨᠠᠷ ᠨᠢ ᠪᠤᠷᠢᠶᠠᠳ᠂ | ᠬᠠᠯᠬᠠ᠂ ᠦᠪᠦᠷᠯᠡᠭᠴᠢᠳ ᠤᠨ ᠬᠤᠯᠢᠮᠠᠭ ᠤᠪᠤᠭ ᠠᠴᠠ ᠪᠦᠷᠢᠯᠳᠦᠳᠡᠭ ᠤᠨ ᠨᠢᠭᠡᠨ ᠠᠳᠠᠯᠢ ᠬᠡᠯᠡ ᠠᠶᠠᠯᠭᠤ᠂ ᠵᠠᠩ ᠰᠤᠷᠳᠠᠯ ᠰᠤᠶᠤᠯ ᠨᠢ ᠮᠦᠨ ᠬᠤᠯᠢᠮᠠᠭ | ᠰᠢᠨᠵᠢ ᠲᠠᠢ ᠶᠤᠮ᠃ | ᠪᠠᠷᠭᠤ ᠶᠢᠨ ᠲᠤᠳᠤᠷᠠ ᠲᠠᠷᠠᠭᠠᠬᠢ ᠤᠪᠤᠭ ︵ᠬᠠᠯᠠ︶ ᠪᠠᠭᠳᠠᠳᠠᠭ᠃ ᠡᠭᠦᠨ ᠳᠤ᠄ | 1. ᠠᠪᠠᠭᠠᠴᠤᠤᠯ 2. ᠦᠵᠦᠨ 3. ᠭᠤᠴᠢᠳ 4. ᠬᠠᠩᠭᠢᠨ 5. ᠴᠡᠭᠡᠵᠢᠨ 6. ᠵᠤᠷᠭᠤᠨ 7. ᠳᠠᠭᠠᠷᠢᠲᠠᠨ 8. ᠬᠠᠷᠭᠠᠨᠠ 9. ᠶᠦᠩᠰᠢᠶᠠᠪᠦ 10. | ᠴᠠᠭᠠᠨ ᠤᠭᠤᠷᠠᠭ 11. ᠤᠯᠢᠶᠠᠳ 12. ᠬᠠᠭᠴᠤᠳ 13. ᠪᠤᠳᠤᠩᠭᠤᠳ 14. ᠰᠢᠷᠠᠶᠢᠳ 15. ᠨᠤᠮᠤᠴᠢᠨ 16. ᠬᠤᠸᠠᠰᠠᠢ 17. ᠬᠦᠪᠭᠦᠳ ︵ᠬᠦᠪᠳᠦᠳ︶ | 18. ᠠᠯᠭᠤᠢ 19. ᠭᠠᠯᠵᠤᠳ 20. ᠬᠤᠨᠳᠤᠨ 21. ᠬᠤᠳᠠᠢ 22. ᠬᠦᠢᠰᠦᠯᠢᠭ ︵ᠬᠦᠢᠴᠡᠯᠢᠭ︶ 23. ᠬᠠᠯᠪᠢᠨ 24. ᠠᠪᠬᠠᠨ 25. ᠭᠦᠵᠠᠩ 26. | ᠰᠡᠭᠡᠷᠴᠢᠨ ᠵᠡᠷᠭᠡ ᠪᠤᠯᠤᠨᠠ᠃ ᠪᠠᠷᠭᠤ ᠶᠢᠨ ᠤᠪᠤᠭ ᠤᠳ ᠠᠴᠠ ᠵᠤᠩᠬᠢᠯᠠᠬᠤ ᠨᠢ ᠬᠤᠷᠢ ᠪᠤᠷᠢᠶᠠᠳ ᠤᠨ ᠡᠴᠢᠭᠡ ︵ᠤᠪᠤᠭ︶ ᠪᠤᠯᠬᠤ ᠪᠦᠭᠡᠳ ᠪᠤᠰᠤᠳ ᠨᠢ | ᠬᠠᠮᠨᠢᠭᠠᠨ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠤᠪᠤᠭ ᠤᠳ ᠪᠠᠶᠢᠨᠠ᠃ | ᠪᠠᠷᠭᠤ ᠶᠠᠰᠤᠳᠠᠨ ᠤ ᠭᠡᠯᠡ ᠠᠶᠠᠯᠭᠤ ᠨᠢ ᠪᠦᠬᠦᠯᠢ ᠳᠡᠭᠡᠨ ᠲᠤᠷᠤᠨᠠᠳᠤ ᠮᠤᠩᠭᠤᠯ ᠤᠨ ᠪᠠᠷᠭᠤ ᠪᠤᠷᠢᠶᠠᠳ ᠤᠨ ᠠᠮᠠᠨ ᠠᠶᠠᠯᠭᠤᠨ ᠳᠤ ᠪᠠᠭᠳᠠᠬᠤ ᠪᠦᠭᠡᠳ | ᠬᠠᠭᠤᠴᠢᠨ ᠪᠠᠷᠭᠤ ᠨᠢ ᠰᠤᠯᠤᠨ ︵ᠮᠠᠨᠵᠤ ᠬᠠᠮᠨᠢᠭᠠᠨ︶᠂ ᠴᠢᠪᠴᠢᠨ ︵ᠪᠤᠷᠢᠶᠠᠳ︶᠂ ᠦᠭᠡᠯᠡᠳ ︵ᠤᠶᠢᠷᠠᠳ︶ ᠠᠶᠠᠯᠭᠤᠳᠠᠨ ᠳᠤ ᠪᠠᠭᠳᠠᠬᠤ ᠪᠦᠭᠡᠳ ᠰᠢᠨᠡ | ᠪᠠᠷᠭᠤ ᠨᠢ ᠪᠠᠷᠭᠤ — ᠪᠤᠷᠢᠶᠠᠳ ᠤᠨ ᠠᠮᠠᠨ ᠠᠶᠠᠯᠭᠤ ᠪᠤᠶᠤ ᠬᠦᠪᠡᠭᠡᠳᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠠᠶᠠᠯᠭᠤ᠂ ᠪᠠᠷᠭᠤ — ᠬᠠᠯᠬᠠ ᠶᠢᠨ ᠠᠶ᠋ᠯᠠᠭᠤ᠂ ᠰᠢᠯᠤᠭᠤᠨ | ᠬᠦᠬᠡ᠂ ᠬᠦᠪᠡᠭᠡᠳᠦ ᠬᠦᠭᠡ ᠬᠤᠰᠢᠭᠤᠨ ᠤ ᠠᠶᠠᠯᠭᠤ ᠭᠡᠰᠡᠨ ᠢᠯᠭᠠᠪᠦᠷᠢᠳᠡᠢ ᠪᠠᠶᠢᠬᠤ ᠠᠵᠢ᠃ | 17 — 18 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠤᠷᠤᠰ ᠤᠨ ᠡᠵᠡᠨᠳᠦ ᠬᠦᠷᠦᠨ ᠭᠠᠵᠠᠷ ᠨᠤᠳᠤᠭ ᠢᠶᠠᠨ ᠲᠡᠯᠡᠬᠦ ᠳᠤ ᠲᠦᠷᠢᠭᠳᠡᠨ ᠪᠠᠷᠭᠤᠵᠢᠨ ᠲᠦᠬᠦᠮ | ᠨᠤᠳᠤᠭ ᠢᠶᠠᠨ ᠤᠷᠬᠢᠨ᠂ ᠬᠠᠯᠬᠠ ᠶᠢᠨ ᠴᠡᠴᠡᠨ ᠬᠠᠨ ᠠᠶᠢᠮᠠᠭ ᠤᠨ ᠪᠠᠶᠢᠰᠡ ᠵᠠᠩᠴᠢᠪᠳᠤᠷᠵᠢ᠂ ᠪᠠᠶᠢᠯᠡ ᠸᠠᠩᠴᠢᠨ᠂ ᠸᠠᠩ ᠳᠤᠷᠵᠢᠵᠠᠪ᠂ ᠵᠠᠰᠠᠭ ᠱᠠᠭᠳᠠᠷᠵᠠᠪ ᠤᠨ | ᠵᠡᠷᠭᠡ ᠬᠡᠳᠦᠨ ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠭᠠᠳ ᠨᠤᠶᠠᠳ ᠤᠨ ᠲᠠᠷᠤᠯᠠᠯ ᠠᠴᠠ ᠵᠠᠶᠢᠯᠠᠨ 1734 ᠤᠨ ᠳᠤ ᠮᠠᠨᠵᠤ ᠶᠢᠨ ᠨᠠᠶᠢᠷᠠᠯᠳᠤ ᠲᠦᠪ ᠬᠠᠭᠠᠨ ᠳᠤ | ᠡᠷᠭᠦᠨ ᠮᠡᠳᠡᠭᠦᠯᠦᠭᠰᠡᠨ ᠢᠶᠠᠷ ᠬᠦᠯᠦᠨ ᠪᠤᠶᠢᠷ ᠲᠤ ᠨᠡᠭᠦᠳᠡᠯᠯᠡᠨ ᠢᠷᠡᠵᠤ ᠰᠢᠨᠡ ᠪᠠᠷᠭᠤ ᠬᠡᠮᠡᠨ ᠨᠡᠷᠡᠯᠡᠭᠳᠡᠬᠦ ᠪᠤᠯᠤᠭᠰᠠᠨ ᠠᠵᠢ᠃ | 1911 ᠤᠨ ᠤ 12 ᠳ᠋ᠤᠭᠠᠷ ᠰᠠᠷᠠ ᠶᠢᠨ 29 ᠳᠤ ᠤᠯᠠᠨᠠ ᠡᠷᠭᠦᠭᠳᠡᠭᠰᠡᠨ ᠪᠤᠭᠳᠠ ᠬᠠᠭᠠᠨᠳᠤ ᠮᠤᠩᠭᠤᠯ ᠤᠯᠤᠰ ᠲᠤᠩᠬᠠᠭᠯᠠᠭᠰᠠᠨ ᠠᠴᠠ 15 | ᠬᠤᠨᠤᠭ ᠤᠨ ᠲᠠᠷᠠᠭᠠ ᠬᠦᠯᠦᠨ ᠪᠤᠶᠢᠷ ᠲᠤ ᠦᠨᠳᠦᠰᠦᠲᠡᠨ ᠤ ᠡᠷᠬᠡ ᠴᠢᠯᠦᠭᠡᠨ ᠤ ᠲᠡᠮᠡᠴᠡᠯ ᠭᠠᠷᠴᠦ᠂ ᠬᠠᠶᠢᠯᠠᠷ ᠬᠤᠳᠠ ᠶᠢ ᠬᠢᠳᠡᠳ ᠲᠦᠰᠢᠮᠠᠯ ᠠᠴᠠ ᠴᠢᠯᠦᠭᠡᠯᠡᠵᠤ᠂ | ᠪᠠᠷᠭᠤ ᠶᠢᠨ ᠨᠤᠶᠠᠳ ᠬᠤᠷᠠᠯᠳᠤᠨ᠂ ᠪᠤᠭᠳᠠ ᠬᠠᠭᠠᠨᠳᠤ ᠮᠤᠩᠭᠤᠯ ᠤᠯᠤᠰ ᠲᠤ ᠨᠢᠭᠡᠳᠬᠦ ᠪᠠᠷ ᠰᠢᠢᠳᠪᠦᠷᠢᠯᠡᠵᠤ᠂ ᠲᠡᠮᠡᠴᠡᠯ ᠢ ᠮᠠᠩᠯᠠᠶᠢᠯᠠᠭᠴᠢᠳ ᠤᠨ ᠨᠢᠭᠡ ᠰᠤᠮᠤᠨ | ᠵᠠᠩᠭᠢ ᠵᠠ᠊ · ᠲᠠᠮᠳᠢᠨᠰᠦ᠋ᠷᠦᠩ ︵ᠮᠠᠩᠯᠠᠢ ᠪᠠᠭᠠᠳᠤᠷ ᠲᠠᠮᠳᠢᠨᠰᠦ᠋ᠷᠦᠩ︶ ᠵᠢᠷᠭᠤᠭᠠᠨ ᠨᠦᠬᠦᠷ ᠤᠨ ᠬᠠᠮᠳᠤ ᠶᠡᠭᠡ ᠬᠦᠷᠢᠶᠡᠨ ᠳᠤ ᠢᠷᠡᠵᠤ ᠨᠢᠭᠡᠳᠬᠦ ᠪᠢᠴᠢᠭ ᠢ | ᠪᠠᠷᠢᠭᠰᠠᠨ ᠪᠠᠶᠢᠳᠠᠭ᠃ 1912 ᠤᠨ ᠤ ᠬᠤᠪᠳᠤ ᠶᠢᠨ ᠪᠠᠶᠢᠯᠳᠤᠭᠠᠨ᠂ 1913 ᠤᠨ ᠤ ᠦᠪᠦᠷ ᠮᠤᠩᠭᠤᠯ ᠢ ᠴᠢᠯᠦᠭᠡᠯᠡᠬᠦ ᠲᠠᠪᠤᠨ ᠵᠠᠮ ᠤᠨ ᠪᠠᠶᠢᠯᠳᠤᠭᠠᠨ ᠳᠤ | ᠪᠠᠷᠭᠤᠳ ᠤᠨ ᠲᠤᠮᠳᠠ ᠠᠴᠠ ᠨᠢᠭᠡ ᠴᠡᠷᠢᠭ ᠤᠨ ᠵᠠᠩᠵᠤᠨ᠂ 10 ᠭᠠᠷᠤᠢ ᠪᠠᠭᠠᠳᠤᠷ ᠲᠦᠷᠦᠭᠰᠡᠨ ᠪᠠᠶᠢᠨᠠ᠃ 1928 ᠤᠨ ᠳᠤ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ | ᠮᠤᠩᠭᠤᠯ ᠠᠷᠠᠳ ᠤᠯᠤᠰ ᠢᠶᠠᠷ ᠳᠡᠮᠵᠢᠭᠳᠡᠵᠦ ᠦᠳᠦᠭᠡᠭᠳᠡᠭᠰᠡᠨ᠂ ᠲᠠᠭᠤᠷ ᠬᠦᠮᠦᠨ ᠮᠧᠷᠰᠧ ᠪᠠᠷ ᠤᠳᠤᠷᠢᠳᠤᠭᠤᠯᠤᠭᠰᠠᠨ ᠪᠠᠷᠭᠤ ᠶᠢᠨ ᠵᠡᠪᠰᠡᠭᠳᠦ ᠪᠤᠰᠤᠯᠭᠠ | ᠭᠤᠮᠢᠨᠳᠡᠩ ᠤᠨ ᠵᠠᠰᠠᠭ ᠤᠨ ᠪᠤᠳᠤᠯᠭᠠ ᠶᠢ ᠡᠰᠡᠷᠭᠦᠴᠡᠨ ᠬᠦᠯᠦᠨ ᠪᠤᠶᠢᠷ ᠲᠤ ᠲᠡᠭᠳᠡᠵᠤ᠂ ᠤᠳᠠᠯ ᠦᠭᠡᠢ ᠬᠦᠴᠦᠨ ᠳᠤ ᠠᠪᠳᠠᠭᠳᠠᠨ ᠲᠠᠷᠤᠭᠳᠠᠵᠤ ᠪᠠᠶᠢᠭᠰᠠᠨ᠃ | ᠪᠠᠷᠭᠤᠳ ᠬᠦᠯᠦᠨ ᠪᠤᠶᠢᠷ ᠠᠴᠠ ᠪᠠᠨ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠮᠤᠩᠭᠤᠯ ᠠᠷᠠᠳ ᠤᠯᠤᠰ ᠲᠤ 1912᠂ 1916 — 1917᠂ 1928᠂ | 1946 ᠤᠨ ᠨᠤᠭᠤᠳ ᠲᠤ ᠲᠤᠰ ᠲᠤᠰ ᠨᠡᠭᠦᠳᠡᠯᠯᠡᠨ ᠢᠷᠠᠵᠤ᠂ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠤᠨ ᠭᠤᠷᠪᠠᠨ ᠵᠠᠭᠠᠯ᠂ ᠬᠦᠯᠦᠨ ᠪᠤᠶᠢᠷ᠂ ᠲᠦᠪ ᠠᠶᠢᠮᠠᠭ ᠤᠨ ᠪᠡᠶᠡᠨ᠂ | ᠰᠡᠷᠭᠦᠯᠡᠩ ᠰᠤᠮᠤᠨ ᠳᠤ᠂ ᠤᠯᠠᠭᠠᠨᠪᠠᠭᠠᠳᠤᠷ ᠬᠤᠳᠠ ᠪᠤᠯᠤᠨ ᠪᠤᠰᠤᠳ ᠠᠶᠢᠮᠠᠭ᠂ ᠬᠤᠳᠠ ᠨᠤᠭᠤᠳ ᠲᠤ ᠠᠵᠤ ᠲᠦᠷᠦᠨ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ᠃ 1949 | ᠤᠨ ᠳᠤ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠳᠡᠳ ᠠᠷᠠᠳ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠵᠤ᠂ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠤᠪᠢᠶᠡᠷᠢ ᠰᠢᠨᠡᠴᠢᠯᠡᠭᠳᠡᠬᠦ ᠳᠤ ᠬᠠᠭᠤᠴᠢᠨ᠂ ᠰᠢᠨᠡ ᠪᠠᠷᠭᠤ | ᠨᠡᠶᠢᠯᠡᠵᠤ ᠨᠢᠭᠡᠨ ᠬᠤᠰᠢᠭᠤ ᠶᠢ ᠪᠦᠷᠢᠳᠦᠭᠦᠯᠬᠦ ᠪᠤᠯᠵᠠᠢ᠃ ᠬᠠᠭᠤᠴᠢᠨ ᠪᠠᠷᠭᠤ ᠶᠢ ᠡᠸᠡᠩᠭᠢ᠂ ᠤᠷᠴᠤᠨ᠂ ᠲᠠᠭᠤᠷ ᠶᠠᠰᠤᠳᠠᠨ ᠨᠤᠭᠤᠳ ᠤᠨ ᠬᠠᠮᠳᠤ ᠰᠤᠯᠤᠨ | ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | 2009 ᠤᠨ ᠤ 1 ᠰᠠᠷᠠ ᠶᠢᠨ 9 ᠤ ᠮᠡᠳᠡᠭᠡ ᠪᠠᠷ ᠲᠤᠷᠤᠨᠠᠳᠤ ᠠᠶᠢᠮᠠᠭ ᠤᠨ ᠭᠤᠷᠪᠠᠨ ᠵᠠᠭᠠᠯ ᠰᠤᠮᠤᠨ ᠳᠤ 400 ᠡᠷᠦᠬᠡ᠂ 1351 ᠬᠦᠮᠦᠨ ᠠᠮᠠ᠂ | ᠬᠦᠯᠦᠨ ᠪᠤᠶᠢᠷ ᠰᠤᠮᠤᠨ ᠳᠤ 464 ᠡᠷᠦᠬᠡ ᠶᠢᠨ 1758 ᠬᠦᠮᠦᠨ ᠠᠮᠠ ᠪᠠᠷᠭᠤ ᠶᠠᠰᠤᠳᠠᠨ ᠳᠤ ᠲᠤᠭᠠᠯᠠᠭᠳᠠᠵᠠᠢ᠃ ᠤᠳᠤ ᠪᠠᠷ ᠪᠠᠷᠭᠤᠳ ᠨᠢ ᠮᠤᠩᠭᠤᠯ | ᠤᠯᠤᠰ ᠤᠨ 13 ᠠᠶᠢᠮᠠᠭ᠂ 47 ᠰᠤᠮᠤᠨ ᠳᠤ 15 ᠪᠠᠷᠭᠤ ᠤᠪᠤᠭ᠂ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠬᠢᠳᠡᠳ ᠠᠷᠠᠳ ᠤᠯᠤᠰ ᠤᠨ 7 ᠮᠤᠵᠢ᠂ ᠦᠪᠦᠷ ᠮᠤᠩᠭᠤᠯ ᠤᠨ | ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ 19 ᠬᠤᠰᠢᠭᠤ᠂ 15 ᠭᠠᠴᠠᠭᠠ᠂ ᠰᠢᠶᠡᠨ᠂ ᠬᠤᠳᠠ ᠨᠤᠭᠤᠳ ᠲᠤ 25 ᠪᠠᠷᠭᠤ ᠤᠪᠤᠭ ᠪᠤᠯᠤᠨ ᠲᠦᠷᠺᠮᠧᠨ ᠤᠯᠤᠰ ᠲᠤ | ᠪᠠᠶᠠᠷᠭᠤ ᠪᠠᠷᠭᠤ᠂ ᠺᠠᠽᠠᠭᠰᠲ᠋ᠠᠨ ᠤᠯᠤᠰ ᠪᠤᠶᠤ ᠺᠠᠱᠭᠠᠷ ᠲᠤ ᠪᠠᠶᠠᠷᠭᠤ ᠶᠢᠨ ᠪᠠᠷᠭᠤ ᠤᠪᠤᠭ ᠤᠳ ᠪᠠᠶᠢᠨᠠ᠃ |