| ᠤᠷᠭᠤᠮᠠᠯ ᠤᠨ ᠰᠠᠶᠢᠬᠠᠨ ᠨᠢ ᠴᠡᠴᠡᠭ ᠤᠨ ᠲᠤᠮᠳᠠ ᠪᠠᠶᠢᠳᠠᠭ᠂ ᠬᠦᠮᠦᠨ ᠤ ᠰᠠᠶᠢᠬᠠᠨ ᠨᠢ | ᠪᠦᠰᠡᠬᠦ᠋ᠢᠴᠤᠳ ᠤᠨ ᠲᠤᠮᠳᠠ ᠪᠠᠶᠢᠳᠠᠭ ᠭᠡᠳᠡᠭ ᠨᠢ ᠨᠠᠷᠠᠨ ᠤ ᠢᠯᠴᠢ᠂ ᠬᠦᠷᠦᠰᠦᠨ ᠤ ᠰᠢᠮᠠ ᠳᠤ ᠤᠷᠭᠤᠨ | ᠲᠡᠯᠭᠡᠷᠡᠳᠡᠭ ᠬᠤᠧᠠᠷ ᠴᠡᠴᠡᠭ ᠪᠤᠯᠤᠨ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠠᠯᠠᠭᠠᠨ ᠳᠠᠬᠢ ᠰᠤᠪᠤᠳ ᠡᠷᠳᠡᠨᠢ᠂ ᠡᠷᠠ | ᠨᠦᠬᠦᠷ ᠤᠨ ᠢᠶᠠᠨ ᠬᠠᠨᠢ ᠲᠦᠰᠢᠭ᠂ ᠦᠷᠠ ᠬᠡᠤᠬᠡᠳ ᠤᠨ ᠢᠶᠠᠨ ᠡᠨᠡᠷᠢᠯᠳᠤ ᠡᠵᠢ ᠪᠤᠯᠤᠭᠰᠠᠨ ᠪᠦᠰᠡᠬᠦᠢ ᠬᠦᠮᠦᠨ | ᠪᠤᠯ ᠡᠨᠡ ᠶᠢᠷᠳᠢᠨᠴᠦ ᠶᠢᠨ ᠡᠬᠦᠷᠢᠳᠡ ᠶᠢᠨ ᠭᠤᠸᠠ ᠦᠵᠡᠰᠬᠦᠯᠡᠩ ᠭᠡᠰᠡᠨ ᠬᠦᠨ ᠤᠳᠬᠠ ᠲᠠᠢ ᠦᠭᠡ ᠶᠤᠮ ᠤᠤ | ᠭᠡᠵᠥ ᠪᠢ ᠪᠤᠳᠤᠳᠠᠭ᠃ | ᠬᠦᠮᠦᠰ ᠤᠨ ᠰᠡᠳᠬᠢᠯ ᠳᠤ ᠬᠤᠧᠠᠷ ᠴᠡᠴᠡᠭ ᠪᠤᠯᠤᠨ ᠪᠦᠰᠡᠬᠦᠢ ᠬᠦᠮᠦᠨ ᠤ ᠭᠤᠸᠠ ᠦᠵᠡᠰᠬᠦᠯᠡᠩ | ᠦᠨᠢᠳᠠ ᠡᠬᠦᠷᠢᠳᠡ ᠦᠩᠭᠡ ᠪᠠᠨ ᠠᠯᠳᠠᠳᠠᠭ ᠦᠭᠡᠢ ᠮᠡᠳᠦ ᠬᠦᠰᠡᠯ ᠴᠢᠷᠮᠠᠶᠢᠯᠭᠠ ᠲᠠᠢ ᠬᠦᠮᠦᠨ ᠠᠯᠢ ᠴᠠᠭ | ᠦᠶᠠ ᠳᠤ ᠴᠦ ᠬᠡᠷᠡᠯ ᠬᠢᠯᠪᠠᠭᠠ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠢᠩᠬᠢᠭᠡᠳ ᠪᠢ ᠬᠤᠧᠠᠷ ᠴᠡᠴᠡᠭ ᠢᠶᠠᠷ ᠦᠢᠯᠡᠰ ᠢᠶᠠᠨ | ᠪᠤᠯᠭᠠᠵᠦ᠂ ᠠᠵᠢᠯ ᠠᠮᠢᠳᠤᠷᠠᠯ ᠳᠠᠭᠠᠨ ᠲᠡᠮᠡᠤᠯᠵᠦ ᠶᠠᠪᠤᠭᠠ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ︽ | ᠸᠠᠠᠰᠧᠮᠪᠠᠷᠦᠦ︾ ᠴᠡᠴᠡᠭ ᠤᠨ ᠲᠡᠯᠭᠡᠬᠦᠷ ᠤᠨ ᠡᠵᠡᠭᠳᠡᠢ ᠵᠠᠯᠠᠭᠤ ᠪᠠᠷᠭᠤ ᠪᠦᠰᠡᠬᠦᠢ ᠴᠢᠮᠡᠭ ᠢ ᠠᠵᠢᠯ ᠦᠢᠯᠡᠰ | ᠠᠮᠢᠳᠤᠷᠠᠯ ᠤᠨ ᠬᠠᠷᠭᠤᠢ ᠳᠠᠭᠠᠨ ᠡᠶᠡᠷᠬᠦ ᠡᠨᠧᠷᠬᠢ ᠲᠠᠢ ᠪᠦᠭᠡᠳ ᠴᠢᠷᠮᠠᠶᠢᠯᠭᠠ ᠲᠠᠢ ᠬᠡᠷᠡᠯ ᠬᠢᠯᠪᠠᠭᠠ ᠲᠠᠢ ᠠᠵᠢᠯᠯᠡᠵᠦ | ᠠᠮᠢᠳᠤᠷᠠᠵᠦ ᠪᠠᠶᠢᠭᠠ ᠦᠢ ᠤᠯᠠᠨ ᠪᠦᠰᠡᠬᠦ᠋ᠢᠴᠤᠳ ᠤᠨ ᠲᠦᠯᠦᠭᠡᠯᠡᠭᠴᠢ ᠲᠦᠷᠢ ᠪᠤᠯᠭᠠᠨ ᠲᠡᠯᠡᠬᠡᠢ ᠶᠢᠨ | ᠡᠮᠡᠭᠳᠠᠶᠢᠴᠤᠳ ᠤᠨ ᠪᠠᠶᠠᠷ ᠤᠨ ᠡᠳᠦᠷ ᠤᠨ ᠲᠠᠰᠢᠷᠠᠮ ᠢᠶᠠᠷ ᠲᠡᠬᠦᠨ ᠤ ᠲᠤᠬᠠᠢ ᠤᠩᠰᠢᠭᠴᠢ ᠲᠠᠨ ᠳᠠᠭᠠᠨ | ᠲᠠᠨᠢᠯᠴᠠᠭᠤᠯᠤᠨ ᠲᠤᠯᠢᠯᠠᠭᠤᠯᠤᠶᠠ︕ | | | | | | ᠲᠠᠯᠠᠩᠭᠤᠳ ᠬᠠᠯᠠ ᠶᠢᠨ ᠴᠢᠮᠡᠭ ᠪᠤᠯ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠯᠳ᠋ᠬᠠᠮᠡᠭᠡᠯ ᠪᠠᠯᠭᠠᠰᠤᠨ ᠤ | ᠨᠠᠷᠠᠳᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠠᠶᠢᠯ ᠳᠤ ᠦᠬᠢᠨ ᠦᠷᠠ ᠪᠤᠯᠤᠨ ᠵᠠᠶᠠᠭᠠᠵᠦ᠂ 2006 ᠤᠨ ᠤ 7 ᠰᠠᠷᠠ ᠳᠤ | ᠦᠪᠦᠷ ᠮᠤᠩᠭᠤᠯ ᠤᠨ ᠲᠠᠷᠢᠶᠠᠯᠠᠩ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠤᠢ ᠰᠢᠭᠤᠢ ᠶᠢᠨ ᠰᠠᠯᠪᠤᠷᠢ ᠠᠴᠠ ᠲᠡᠬᠦᠰᠴᠠᠢ᠃ | 2007 ᠤᠨ ᠤ 12 ᠰᠠᠷᠠ ᠳᠤ ᠪᠡᠭᠡᠵᠢᠩ ᠳᠤ ᠤᠴᠢᠵᠦ ᠨᠢᠭᠡᠨ ᠺᠤᠮᠫᠠᠨᠢ ᠳᠤ ᠠᠵᠢᠯᠯᠠᠵᠦ ᠪᠠᠶᠢᠭᠰᠠᠨ ᠠᠴᠠ | 2010 ᠤᠨ ᠳᠤ ᠬᠠᠰᠢᠯᠠ ᠦᠪᠡᠷ ᠤᠨ ᠰᠤᠷᠤᠭᠰᠠᠨ ︽ᠴᠡᠴᠡᠷᠯᠢᠭ ᠤᠨ ᠵᠢᠷᠤᠭ ᠲᠦᠯᠦᠪᠯᠡᠭᠡ︾ ᠭᠡᠬᠦ ᠲᠤᠰᠬᠠᠢ | ᠮᠡᠷᠭᠡᠵᠢᠯ ᠳᠡᠭᠡᠨ ᠲᠤᠬᠢᠷᠠᠭᠰᠠᠨ ᠠᠵᠢᠯ ᠤᠯᠵᠦ᠂ ᠲᠤᠯᠠᠭᠠᠨ ᠬᠦᠯᠡᠮᠵᠢ ᠳᠤ ᠭᠠᠳᠠᠭᠠᠳᠤ ᠠᠴᠠ ᠤᠷᠤᠭᠤᠯᠤᠭᠰᠠᠨ | ᠦᠨᠡᠳᠦ ᠬᠤᠧᠠᠷ ᠴᠡᠴᠡᠭ ᠪᠡ ᠡᠪᠡᠰᠦ ᠤᠷᠭᠤᠮᠠᠯ ᠢ ᠠᠷᠠᠴᠢᠯᠡᠵᠦ ᠪᠤᠷᠤᠯᠠᠭᠤᠯᠬᠤ ᠲᠤᠬᠠᠢ ᠰᠤᠷᠤᠯᠴᠠᠪᠠ᠃ ᠡᠨᠡ ᠬᠦ | ᠠᠵᠢᠯ ᠳᠠᠭᠠᠨ ᠭᠤᠷᠪᠠᠨ ᠵᠢᠯ ᠴᠢᠷᠮᠠᠶᠢᠨ ᠡᠩ ᠤᠨ ᠠᠵᠢᠯᠳᠠᠨ ᠠᠴᠠ ᠠᠴᠠ ᠪᠠᠨ ᠬᠦᠯᠡᠮᠵᠢ ᠶᠢᠨ ᠢᠶᠠᠨ ᠲᠠᠷᠤᠭᠠ ᠪᠤᠯᠵᠦ | ᠂ ᠲᠠᠬᠢᠭᠠᠳ ᠲᠡᠳ᠋ ᠵᠠᠬᠢᠷᠤᠯ ᠤᠨ ᠲᠤᠰᠠᠯᠠᠭᠴᠢ ᠪᠤᠯᠳᠠᠯᠠ ᠲᠡᠪᠰᠢᠭᠰᠡᠨ ᠲᠡᠷᠡ᠂ ᠫᠧᠩᠰᠡᠳᠦ ᠬᠤᠧᠠᠷ ᠢ ᠬᠡᠷᠬᠢᠨ | ᠠᠷᠠᠴᠢᠯᠠᠵᠦ ᠲᠡᠵᠢᠭᠡᠬᠦ᠂ ᠶᠠᠭᠠᠬᠢᠵᠦ ᠤᠰᠤᠯᠠᠬᠤ᠂ ᠬᠤᠷᠤᠬᠠᠢᠢᠳᠤᠭᠰᠠᠨ ᠬᠤᠧᠠᠷ ᠤᠨ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠢ | ᠶᠠᠭᠠᠬᠢᠵᠦ ᠲᠤᠳᠤᠯᠠᠵᠦ ᠠᠷᠢᠯᠭᠠᠬᠤ᠂ ᠴᠡᠴᠡᠭ ᠤᠨ ᠦᠩᠭᠡ ᠦᠵᠡᠮᠵᠢ ᠶᠢᠨ ᠴᠢᠨᠠᠷ ᠢ ᠶᠠᠭᠠᠬᠢᠵᠦ ᠪᠠᠳᠤᠯᠠᠬᠤ ᠵᠡᠷᠭᠡ | ᠮᠡᠷᠭᠡᠵᠢᠯ ᠤᠨ ᠲᠡᠯᠠ ᠪᠠᠷ ᠴᠠᠭᠠᠷᠠᠵᠠᠢ᠃ | ᠬᠦᠯ ᠦᠢᠮᠡᠭᠡᠨ ᠲᠠᠢ ᠪᠡᠭᠡᠵᠢᠩ ᠬᠤᠳᠠ ᠳᠤ ᠠᠵᠢᠯ ᠳᠠᠭᠠᠨ ᠠᠮᠵᠢᠯᠳᠠᠳᠠᠢ ᠴᠦ᠂ ᠬᠦᠳᠡᠭᠡ ᠨᠤᠳᠤᠭ ᠨᠢ | ᠡᠷᠢᠭᠳᠡᠵᠦ᠂ ᠨᠠᠶᠢᠵᠠ ᠵᠠᠯᠠᠭᠤ ᠪᠤᠯᠤᠳ ᠲᠠᠢ ᠪᠠᠨ ᠴᠤᠭ ᠪᠠᠶᠢᠬᠤ ᠶᠢ ᠬᠦᠰᠡᠭᠰᠡᠨ ᠴᠢᠮᠡᠭ᠂ 2013 ᠤᠨ ᠤ 7 | ᠰᠠᠷᠠ ᠳᠤ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠦ ᠬᠤᠷᠢᠮ ᠢᠶᠠᠨ ᠬᠢᠵᠦ᠂ ᠵᠤᠯ ᠵᠢᠷᠭᠠᠯᠳᠤ ᠬᠡᠷ ᠡᠷᠦᠬᠡ ᠪᠠᠨ ᠪᠤᠰᠬᠠᠯᠠ᠃ | ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠦ ᠢᠷᠡᠭᠰᠡᠨ ᠤ ᠲᠠᠷᠠᠭᠠ ᠲᠡᠷᠡ ᠬᠡᠳᠦ᠋ᠢᠪᠡᠷ ᠠᠯᠪᠠᠳᠠᠨ ᠤ ᠰᠢᠯᠭᠠᠯᠳᠠ ᠳᠤ ᠤᠷᠤᠯᠴᠠᠵᠦ᠂ | ᠠᠯᠪᠠᠨ ᠤ ᠠᠵᠢᠯᠳᠡᠨ ᠪᠤᠯᠴᠢᠬᠠᠶᠠ ᠭᠡᠰᠡᠨ ᠰᠠᠨᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠴᠦ ᠨᠦᠬᠦᠷ ᠤᠨ ᠬᠢᠨᠢ ᠠᠵᠢᠯ ᠶᠠᠭᠠᠷᠠᠤ ᠠᠴᠠ᠂ | ᠨᠢᠷᠠᠢ ᠦᠷᠠ ᠶᠢ ᠨᠢ ᠬᠠᠷᠠᠵᠦ ᠬᠠᠷᠠᠭᠠᠯᠵᠠᠬᠤ ᠬᠦᠮᠦᠨ ᠦᠭᠡᠢ ᠪᠦᠭᠡᠳ ᠦᠪᠡᠷ ᠢᠶᠠᠨ ᠴᠤ ᠬᠤᠧᠠᠷ ᠴᠡᠴᠡᠭ ᠲᠤ | ᠠᠷᠭᠠ ᠦᠭᠡᠢ ᠲᠤᠷᠠ ᠪᠠᠬᠠ ᠲᠠᠢ ᠤᠴᠢᠷ ᠠᠴᠠ ᠬᠤᠰᠢᠭᠤᠨ ᠲᠦᠪ ᠠᠯᠳ᠋ᠬᠠᠮᠡᠭᠡᠯ ᠪᠠᠯᠭᠠᠰᠤᠨ ᠳᠠᠭᠠᠨ 2015 | ᠤᠨ ᠤ 4 ᠰᠠᠷᠠ ᠳᠤ ︽ᠸᠠᠠᠰᠧᠮᠪᠠᠷᠦᠦ︾ ᠴᠡᠴᠡᠭ ᠤᠨ ᠲᠡᠯᠭᠡᠬᠦᠷ ᠢᠶᠠᠨ ᠨᠡᠭᠡᠭᠡᠪᠡ᠃ | | | | | ᠴᠢᠮᠡᠭ ᠴᠡᠴᠡᠭ ᠤᠨ ᠲᠡᠯᠭᠡᠬᠦᠷ ᠢᠶᠠᠨ ᠨᠡᠭᠡᠭᠡᠬᠦ ᠠᠴᠠ ᠡᠮᠤᠨᠠ᠂ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ | ᠬᠤᠶᠠᠷᠬᠠᠨ ᠴᠡᠴᠡᠭ ᠤᠨ ᠲᠡᠯᠭᠡᠬᠦᠷ ᠲᠠᠢ ᠪᠠᠶᠢᠵᠠᠢ ᠭᠡᠨᠠ᠃ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠪᠤᠯᠬᠤᠷ ᠲᠡᠳᠡᠨ ᠤ ᠲᠤᠰᠬᠠᠢ | ᠮᠡᠷᠭᠡᠵᠢᠯ ᠨᠢ ᠲᠤᠳᠠᠮᠠᠭ ᠪᠠᠶᠢᠵᠦ᠂ ᠭᠤᠤᠯᠳᠠᠭᠤ ᠬᠠᠶᠢᠯᠠᠷ ᠠᠴᠠ ᠪᠠᠷᠠᠭᠠ ᠤᠷᠤᠭᠤᠯᠵᠦ᠂ ᠬᠤᠧᠠᠷ ᠴᠡᠴᠡᠭ ᠤᠨ ᠬᠢᠨᠢ | ᠦᠩᠬᠡ ᠦᠵᠡᠮᠵᠢ ᠶᠠᠰᠤ ᠴᠢᠨᠠᠷ ᠤᠨ ᠲᠡᠯᠠ ᠪᠠᠷ ᠬᠠᠷᠢᠴᠠᠩᠭᠤᠢ ᠰᠠᠶᠢᠨ ᠪᠢᠰᠢ ᠪᠠᠶᠢᠯᠠ᠃ ᠲᠡᠭᠡᠭᠡᠳ ᠴᠢᠮᠡᠭ | ᠦᠪᠡᠷ ᠤᠨ ᠴᠡᠴᠡᠭ ᠤᠨ ᠲᠡᠯᠭᠡᠬᠦᠷ ᠤᠨ ᠢᠶᠠᠨ ᠰᠤᠷᠭᠤᠭ ᠬᠤᠧᠠᠷ ᠢᠶᠠᠨ ᠺᠦᠨᠮᠢᠩ ᠤᠨ ᠲᠤᠰᠬᠠᠢ ᠬᠤᠧᠠᠷ ᠴᠡᠴᠡᠭ ᠤᠨ | ᠬᠦᠷᠢᠶᠡᠯᠡᠩ ᠠᠴᠠ ᠤᠷᠤᠭᠤᠯᠵᠦ᠂ ᠫᠧᠩᠰᠠ ᠲᠠᠢ ᠬᠤᠧᠠᠷ ᠢᠶᠠᠨ ᠭᠤᠧᠠᠩᠵᠧᠦ ᠠᠴᠠ ᠤᠷᠤᠭᠤᠯᠵᠦ᠂ ᠬᠤᠧᠠᠷ ᠤᠨ | ᠫᠧᠩᠰᠠ ᠪᠠᠨ ᠴᠦ ᠨᠡᠷᠡᠳᠦ ᠲᠡᠮᠳᠡᠭ ᠢ ᠰᠤᠩᠭᠤᠨ ᠤᠷᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠢᠩᠬᠢᠵᠦ ᠶᠠᠰᠤ ᠴᠢᠨᠠᠷ ᠢ | ᠪᠠᠳᠤᠯᠠᠬᠤ ᠶᠢᠨ ᠲᠦᠯᠦᠭᠡ ᠡᠮᠤᠨᠠᠳᠤ ᠤᠷᠤᠨ ᠠᠴᠠ ᠪᠠᠷᠠᠭᠠ ᠤᠷᠤᠭᠤᠯᠬᠤ ᠨᠢ ᠲᠡᠭᠡᠭᠡᠪᠦᠷᠢ ᠶᠢᠨ ᠦᠨᠠ ᠪᠠ ᠵᠠᠮ | ᠵᠠᠭᠤᠷᠠ ᠶᠢᠨ ᠠᠷᠠᠴᠢᠯᠠᠭᠠ ᠬᠢᠬᠦ ᠦᠨᠠ ᠨᠢ ᠪᠦᠷ ᠦᠨᠳᠦᠷ ᠪᠠᠶᠢᠳᠠᠭ᠃ ᠭᠡᠳᠡᠯᠠ ᠲᠡᠷᠡ ᠪᠤᠷᠤᠯᠠᠭᠤᠯᠭᠠ ᠪᠠᠨ | ᠪᠠᠳᠤᠯᠠᠬᠤ ᠶᠢᠨ ᠲᠦᠯᠦᠭᠡ ᠠᠰᠢᠭ ᠤᠯᠵᠠᠪᠤᠷᠢ ᠲᠤᠤᠷᠠ ᠪᠠᠶᠢᠭᠰᠠᠨ ᠴᠦ ᠪᠤᠷᠤᠯᠠᠭᠤᠯᠭᠠ ᠶᠢᠨ ᠦᠨᠠ ᠬᠠᠩᠰᠢ ᠪᠠᠨ | ᠪᠤᠰᠤᠳ ᠠᠴᠠ ᠦᠨᠳᠦᠷ ᠪᠤᠯᠭᠠᠠᠭᠰᠠᠨ ᠦᠭᠡᠢ ᠪᠡᠨᠠ ᠯᠡ ᠪᠠᠳᠤᠯᠠᠪᠡ᠃ ᠲᠡᠷᠡ ᠬᠡᠳᠦ᠋ᠢᠪᠡᠷ ᠶᠡᠭᠡ | ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠰᠤᠷᠤᠭᠰᠠᠨ ᠪᠦᠭᠡᠳ ᠲᠤᠮᠤ ᠬᠤᠳᠠ ᠳᠤ ᠮᠡᠷᠭᠡᠵᠢᠯ ᠢᠶᠠᠨ | ᠲᠡᠭᠡᠭᠰᠢᠯᠡᠬᠦᠯᠦᠭᠰᠡᠨ ᠪᠤᠯᠪᠠᠴᠦ᠂ ᠨᠤᠳᠤᠭ ᠤᠨ ᠬᠦᠮᠦᠰ ᠲᠡᠭᠡᠨ ᠬᠡᠵᠢᠶᠠ ᠡᠬᠦᠷᠢᠳᠡ ᠴᠠᠭ ᠤᠨ ᠤᠷᠤᠰᠬᠠᠯ ᠢ | ᠲᠠᠭᠠᠭᠰᠠᠨ ᠬᠠᠮᠤᠭ ᠤᠨ ᠭᠤ ᠤᠠ᠋ ᠰᠠᠶᠢᠬᠠᠨ ᠢ ᠡᠳ᠋ᠯᠡᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠦᠷᠬᠦᠯᠵᠢᠯᠡᠨ ᠰᠤᠷᠤᠯᠴᠠᠬᠤ ᠪᠠᠨ ᠶᠡᠷᠦ | ᠰᠤᠯᠠᠷᠠᠭᠤᠯᠤᠭᠰᠠᠨ ᠦᠭᠡᠢ ᠴᠠᠭ ᠢᠮᠠᠭᠳᠠ ᠰᠢᠨᠠ ᠮᠡᠷᠭᠡᠵᠢᠯ ᠰᠤᠷᠴᠦ᠂ ᠮᠡᠷᠭᠡᠵᠢᠯ ᠮᠡᠳᠡᠯᠭᠡ ᠶᠢᠨ ᠲᠡᠯ ᠠ ᠪᠠᠷ | ᠦᠪᠡᠷ ᠢ ᠪᠠᠨ ᠲᠡᠭᠡᠭᠰᠢᠯᠡᠬᠦᠯᠦᠭᠰᠡᠭᠡᠷ ᠢᠷᠡᠯᠠ᠃ 2016 ᠤᠨ ᠤ 6 ᠰᠠᠷᠠ ᠳᠤ ᠭᠤᠧᠠᠩᠵᠧᠦ ᠳᠤ ᠲᠤᠰᠬᠠᠢᠢᠯᠠᠨ | ᠤᠴᠢᠵᠦ ᠰᠤᠷᠭᠤᠭ ᠴᠡᠴᠡᠭ ᠠᠷᠠᠴᠢᠯᠠᠬᠤ ᠶᠢ ᠰᠠᠷᠠ ᠰᠢᠬᠠᠮ ᠰᠤᠷᠤᠯᠴᠠᠵᠦ ᠮᠡᠷᠭᠡᠵᠢᠯ ᠤᠨ ᠦᠨᠡᠮᠯᠡᠯ ᠤᠯᠤᠭᠰᠠᠨ | ᠶᠤᠮ᠃ ᠲᠡᠷᠡ ᠬᠦ ᠰᠤᠷᠭᠠᠭᠤᠯᠢ ᠨᠢ ᠰᠦᠯᠵᠢᠶᠡᠨ ᠲᠡᠭᠡᠷᠡᠬᠢ ᠰᠤᠷᠤᠯᠴᠠᠯᠭᠠ ᠴᠦ ᠪᠠᠶᠢᠳᠠᠭ ᠠᠴᠠ ᠬᠠᠷᠢᠵᠦ | ᠢᠷᠡᠭᠰᠡᠨ ᠤ ᠰᠡᠬᠦᠯᠡᠷ ᠵᠢᠯ ᠪᠦᠷᠢ ᠰᠦᠯᠵᠢᠶᠡᠨ ᠰᠤᠷᠤᠯᠴᠠᠯᠭᠠ ᠪᠠᠨ ᠪᠠᠷᠢᠮᠳᠠᠯᠠᠵᠦ᠂ ᠪᠦᠬᠦ ᠤᠯᠤᠰ ᠤᠨ ᠵᠠᠬᠠ | ᠲᠡᠯᠭᠡᠬᠦᠷ ᠤᠨ ᠪᠠᠶᠢᠳᠠᠯ ᠢ ᠮᠡᠳᠡᠵᠦ᠂ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠠᠨ ᠴᠡᠴᠡᠭ ᠤᠨ ᠦᠢᠯᠡᠰ ᠢ | ᠤᠷᠤᠭᠰᠢ ᠪᠠᠨ ᠲᠦᠯᠬᠢᠪᠡ᠃ 2018 ᠤᠨ ᠤ 3 ᠰᠠᠷᠠ ᠳᠤ ᠺᠦᠨᠮᠢᠩ ᠳᠤ ᠤᠴᠢᠵᠦ ᠦᠨᠠ ᠬᠠᠩᠰᠢ ᠶᠢᠨ ᠲᠤᠬᠠᠢ | ᠪᠠᠶᠢᠴᠠᠭᠠᠯᠳᠠ ᠬᠢᠵᠦ᠂ ᠪᠠᠷᠠᠭᠠ ᠤᠷᠤᠭᠤᠯᠬᠤ ᠭᠠᠵᠠᠷ ᠢᠶᠠᠨ ᠲᠡᠬᠢᠨᠳᠠ ᠰᠤᠩᠭᠤᠭᠰᠠᠨ ᠪᠠᠶᠢᠨᠠ᠃ | | | | | | ᠶᠢᠷᠳᠢᠨᠴᠦ ᠶᠢᠨ ᠵᠢᠮᠠ ᠳᠤ ᠠᠵᠢᠯ ᠦᠢᠯᠡᠰ ᠤᠨ ᠠᠮᠵᠢᠯᠳᠠ ᠶᠢ ᠭᠠᠷ ᠤᠨ ᠠᠯᠠᠭᠠ ᠪᠠᠨ ᠤᠷᠪᠠᠭᠤᠯᠬᠤ | ᠮᠡᠳᠦ ᠠᠮᠠᠷᠬᠠᠨ ᠤᠯᠳᠠᠭ ᠦᠭᠡᠢ ᠶᠤᠮ ᠴᠢᠨᠢ᠃ ᠬᠤᠧᠠᠷ ᠴᠡᠴᠡᠭ ᠤᠷᠤᠯᠳᠤᠵᠦ᠂ ᠲᠤᠷᠠ ᠰᠤᠨᠢᠷᠬᠠᠯ ᠲᠠᠢ | ᠵᠦᠢᠯ ᠢᠶᠠᠨ ᠬᠢᠵᠦ ᠪᠠᠶᠢᠭᠠ ᠡᠮᠡᠭᠳᠠᠢ ᠵᠤᠯ ᠵᠢᠷᠭᠠᠯ ᠲᠠᠢ ᠴᠦ᠂ ᠲᠡᠬᠦᠨ ᠤ ᠵᠤᠯ ᠵᠢᠷᠭᠠᠯ ᠨᠢ ᠮᠠᠰᠢ ᠤᠯᠠᠨ ᠬᠦᠴᠢᠷ | ᠪᠡᠷᠬᠡᠰᠢᠶᠡᠯ ᠢ ᠲᠠᠪᠠᠭ᠋ᠤ ᠴᠢᠬᠤᠯᠠ ᠲᠠᠢ᠃ ᠤᠯᠠᠨ ᠤ ᠮᠡᠳᠡᠭᠡᠵᠢ ᠪᠠᠷ ᠬᠦᠯᠦᠨ ᠪᠤᠶᠢᠷ ᠤᠨ ᠠᠭᠤᠷ ᠠᠮᠢᠰᠬᠤᠯ ᠨᠢ | ᠲᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠤᠨ ᠬᠦᠢᠳᠡᠨ ᠨᠡᠶᠢᠰᠯᠡᠯ ᠤᠯᠠᠭᠠᠨᠪᠠᠭᠠᠳᠤᠷ ᠠᠴᠠ ᠴᠦ ᠬᠦᠢᠳᠡᠨ ᠪᠠᠶᠢᠵᠦ᠂ ᠰᠢᠨᠠ ᠪᠠᠷᠭᠤ | ᠪᠠᠷᠠᠭᠤᠨ ᠬᠤᠰᠢᠭᠤ ᠨᠢ ᠮᠠᠨ ᠤ ᠬᠤᠳᠠ ᠶᠢᠨ ᠨᠡᠯᠢᠶᠡᠳ ᠪᠤᠶᠢᠳᠠ ᠬᠤᠰᠢᠭᠤ ᠰᠢᠶᠠᠨ ᠪᠤᠯᠬᠤ ᠶᠤᠮ᠃ ᠲᠡᠭᠡᠬᠦᠯᠡᠷ | ᠠᠮᠢᠳᠤ ᠬᠤᠧᠠᠷ᠂ ᠰᠤᠷᠭᠤᠭ ᠴᠡᠴᠡᠭ ᠤᠷᠤᠭᠤᠯᠬᠤ ᠳᠤ ᠴᠦ ᠮᠠᠰᠢ ᠲᠦᠬᠦᠮ ᠦᠭᠡᠢ᠃ ᠴᠢᠮᠡᠭ ᠪᠠᠷᠠᠭᠠ ︵ᠰᠢᠨᠠ | ᠰᠤᠷᠭᠤᠭ ᠴᠡᠴᠡᠭ ᠪᠡ ᠠᠮᠢᠳᠤ ᠬᠤᠧᠠᠷ︶ ᠤᠷᠤᠭᠤᠯᠬᠤ ᠳᠠᠭᠠᠨ ᠦᠩᠭᠡᠷᠡᠭᠰᠡᠨ ᠳᠤ ᠺᠦᠡᠮᠢᠩ ᠠᠴᠠ ᠪᠡᠭᠡᠵᠢᠩ ᠳᠤ | ᠬᠦᠷᠭᠡᠵᠦ᠂ ᠲᠡᠬᠢᠨ ᠪᠡᠭᠡᠵᠢᠩ ᠠᠴᠠ ᠮᠠᠨᠵᠤᠤᠷ ᠲᠤ ᠪᠠᠭᠤᠭᠰᠠᠨ ᠪᠠᠷᠠᠭᠠ ᠪᠠᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠴᠠ ᠪᠠᠨ | ᠢᠷᠡᠵᠦ ᠲᠤᠰᠳᠠᠭ ᠪᠠᠶᠢᠭᠰᠠᠨ ᠪᠤᠯ ᠤᠳᠤ ᠨᠢᠰᠬᠡᠯ ᠤᠨ ᠡᠬᠡᠯᠵᠢ ᠶᠢᠨ ᠬᠤᠪᠢᠷᠠᠯᠳᠠ ᠠᠴᠠ ᠪᠤᠯᠵᠦ᠂ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠠᠴᠠ ᠨᠡᠩ ᠬᠤᠯᠠ ᠰᠢᠭ᠋ ᠬᠠᠶᠢᠯᠠᠷ ᠠᠴᠠ ᠪᠠᠷᠠᠭᠠ ᠪᠠᠨ ᠲᠤᠰᠳᠠᠭ ᠪᠤᠯᠪᠠ᠃ ᠡᠨᠡ ᠨᠢ ᠰᠢᠨᠠ ᠰᠤᠷᠭᠤᠭ | ᠴᠡᠴᠡᠭ ᠨᠢ ᠲᠡᠬᠦᠨ ᠤ ᠲᠡᠯᠭᠡᠬᠦᠷ ᠲᠤ ᠬᠦᠷᠳᠡᠯᠠ ᠴᠠᠭ ᠤᠨ ᠲᠡᠯᠠ ᠪᠠᠷ ᠤᠷᠦ᠋ᠢᠳᠠᠳᠠᠭ ᠢᠶᠠᠷ ᠦᠯᠦ ᠪᠡᠷᠠᠨ | ᠲᠡᠭᠡᠭᠡᠪᠦᠷᠢ ᠶᠢᠨ ᠦᠨᠠ ᠦᠷᠳᠡᠭ ᠨᠢ ᠴᠦ ᠦᠨᠳᠦᠷ ᠪᠤᠯᠪᠠ᠃᠂ ᠵᠠᠷᠢᠮ ᠳᠠᠭᠠᠨ ᠤᠷᠤᠢ ᠶᠢᠨ ᠡᠬᠡᠯᠵᠢ ᠶᠢᠨ | ᠨᠢᠰᠬᠡᠯ ᠳᠤ ᠲᠠᠭᠠᠷᠠᠪᠠᠯ᠂ ᠴᠢᠮᠡᠭ ᠦᠪᠡᠷ ᠢᠶᠠᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠴᠠ ᠬᠠᠶᠢᠯᠠᠷ ᠲᠤ ᠬᠦᠷᠳᠡᠯᠠ ᠮᠠᠰᠢᠨ | ᠵᠢᠯᠤᠭᠤᠳᠴᠦ ᠵᠦᠭᠡᠭᠡᠵᠦ ᠠᠪᠠᠴᠢᠨᠠ᠃ ᠡᠪᠦᠯ ᠤᠨ ᠴᠠᠭ ᠲᠤ ᠤᠷᠤᠢ ᠶᠢᠨ ᠲᠤᠯᠤᠭᠠ ᠨᠠᠢᠮᠠᠨ ᠴᠠᠭ᠂ ᠵᠠᠷᠢᠮ ᠳᠠᠭᠠᠨ | 9 ᠴᠠᠭ ᠲᠤ ᠨᠢᠰᠬᠡᠯ ᠠᠴᠠ ᠬᠤᠧᠠᠷ ᠢᠶᠠᠨ ᠲᠤᠰᠴᠦ᠂ ᠲᠡᠭᠡᠭᠡᠳ ᠬᠤᠧᠠᠷ ᠴᠡᠴᠡᠭ ᠤᠨ ᠰᠢᠨᠠ ᠰᠤᠷᠭᠤᠭ ᠴᠢᠨᠠᠷ ᠢ | ᠪᠠᠳᠤᠯᠠᠬᠤ ᠶᠢᠨ ᠲᠦᠯᠦᠭᠡ ᠰᠦᠨᠢ ᠪᠠᠷ ᠬᠡᠴᠢᠨᠡᠨ ᠤᠳᠠᠭᠠ ᠵᠠᠮ ᠬᠦᠭᠡᠭᠡᠵᠦ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠠᠭᠠᠨ | ᠬᠦᠷᠦᠭᠰᠡᠨ ᠢ ᠪᠠᠨ ᠲᠡᠷᠡ ᠦᠪᠡᠷ ᠢᠶᠠᠨ ᠴᠦ ᠲᠤᠭᠠᠯᠠᠭᠰᠠᠨ ᠦᠭᠡᠢ᠃ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠡᠳᠦᠷ ᠪᠤᠯᠪᠠᠯ | ᠲᠡᠬᠦᠨ ᠤ ᠨᠢᠭᠡ ᠭᠠᠷᠠᠭ ᠤᠨ ᠡᠮᠤᠨᠠ ᠠᠴᠠ ᠰᠤᠷᠭᠤᠭ ᠴᠡᠴᠡᠭ ᠢᠶᠠᠨ ᠲᠤᠰᠬᠤ᠂ ᠠᠷᠠᠴᠢᠯᠡᠵᠦ ᠴᠢᠮᠡᠭᠯᠡᠬᠦ ᠭᠡᠵᠦ | ᠤᠯᠠᠨ ᠲᠡᠯᠠ ᠪᠠᠷ ᠶᠠᠭᠠᠷᠠᠬᠤ ᠪᠡ ᠬᠦᠮᠦᠨ ᠬᠦᠮᠦᠨ ᠤ ᠲᠤᠷᠠ ᠰᠤᠨᠢᠷᠬᠠᠯ ᠳᠤ ᠲᠠᠭᠠᠷᠠᠭᠤᠯᠵᠦ ᠴᠢᠮᠡᠭᠯᠡᠨᠠ ᠭᠡᠭᠴᠢ | ᠪᠠᠰᠠ ᠲᠠᠷᠢᠬᠢ ᠪᠠᠷᠠᠳᠠᠭ ᠠᠵᠢᠯ ᠶᠤᠮ ᠭᠡᠵᠥ ᠪᠢ ᠪᠤᠳᠤᠵᠦ ᠪᠠᠶᠢᠳᠠᠯᠠ᠃ ︽ᠦᠢᠯᠡᠰ ᠪᠤᠰᠬᠠᠬᠤ ᠭᠡᠭᠴᠢ | ᠬᠡᠳᠦ᠋ᠢᠴᠢᠨᠡᠨ ᠬᠦᠴᠢᠷ ᠴᠦ ᠡᠬᠦᠨ ᠢ ᠪᠠᠨ ᠪᠢ ᠲᠤᠭᠤᠯᠵᠦ ᠭᠠᠷᠴᠦ ᠴᠢᠳᠠᠨᠠ᠃ ᠪᠢ ᠴᠡᠴᠡᠭ ᠤᠨ | ᠲᠡᠯᠭᠡᠬᠦᠷ ᠤᠨ ᠢᠶᠠᠨ ᠨᠡᠷᠠ ᠶᠢ ᠴᠠᠰᠤᠳᠤ ᠠᠭᠤᠯᠠᠠ ᠳᠤ ᠤᠷᠭᠤᠳᠠᠭ ᠸᠠᠠᠰᠧᠮᠪᠠᠷᠦᠦ ᠴᠡᠴᠡᠭ ᠤᠨ ᠨᠡᠷᠠ ᠪᠠᠷ ᠨᠡᠷᠡᠯᠡᠪᠡ᠃ | ᠡᠨᠡ ᠪᠤᠯ ᠴᠠᠰᠤᠳᠤ ᠠᠭᠤᠯᠠᠨ ᠳᠤ ᠬᠤᠤᠰ ᠢᠶᠠᠷ ᠢᠶᠠᠨ ᠤᠷᠭᠤᠳᠠᠭ ᠴᠡᠴᠡᠭ᠂ ᠶᠠᠮᠠᠷ ᠴᠦ ᠬᠦᠴᠢᠷ ᠪᠠᠷᠬᠡᠰᠢᠶᠡᠯ ᠢ | ᠲᠠᠭᠠᠵᠦ ᠴᠢᠳᠠᠬᠤ᠂ ᠠᠮᠢᠳᠤᠷᠠᠯ ᠳᠤ ᠪᠠ ᠬᠤᠳᠠᠯᠳᠤᠭᠠ ᠠᠷᠠᠯᠵᠢᠶᠠ ᠳᠠᠭᠠᠨ ᠨᠤᠭᠤᠷᠠᠯ ᠪᠦᠳᠦᠷᠢᠯ ᠢ ᠲᠠᠪᠠᠵᠦ | ᠴᠢᠳᠠᠨᠠ ᠭᠡᠳᠡᠭ ᠢ ᠪᠡᠯᠭᠡᠳᠡᠵᠦ ᠪᠠᠶᠢᠨᠠ︾ ᠭᠡᠵᠥ ᠴᠢᠮᠡᠭ ᠲᠡᠯᠭᠡᠬᠦᠷ ᠤᠨ ᠢᠶᠠᠨ ᠲᠤᠬᠠᠢ ᠲᠠᠨᠢᠯᠴᠠᠭᠤᠯᠬᠤ ᠶᠢ | ᠰᠤᠨᠤᠰᠤᠭᠠᠳ ᠴᠡᠴᠡᠭ ᠬᠤᠧᠠᠷ ᠭᠡᠵᠦ ᠬᠦᠮᠦᠰ ᠤᠨ ᠤᠷᠮᠠ ᠵᠤᠷᠢᠭ ᠢ ᠡᠷᠴᠢᠯᠡᠳᠡᠭ ᠪᠠᠰᠠ ᠨᠢᠭᠡᠨ ᠦᠢᠯᠡᠳᠦᠯ ᠲᠠᠢ | ᠭᠡᠳᠡᠭ ᠢ ᠮᠡᠳᠡᠯᠠ᠃ | | | | | | ᠴᠢᠮᠡᠭ ᠶᠠᠭ ᠯᠡ ᠸᠠᠠᠰᠧᠮᠪᠠᠷᠦᠦ ᠴᠡᠴᠡᠭ ᠮᠡᠳᠦ᠃ ᠲᠡᠷᠡ ᠤᠳᠤ ᠬᠤᠶᠠᠷ ᠬᠡᠤᠬᠡᠳ ᠤᠨ ᠡᠵᠢ ᠪᠤᠯᠵᠠᠢ᠃ | ᠲᠡᠬᠦᠨ ᠤ ᠨᠦᠬᠦᠷ ᠪᠤᠯᠤᠳ ᠨᠢ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠢ ᠰᠢᠭᠤᠢ ᠶᠢᠨ ᠲᠤᠪᠴᠢᠶᠠᠨ ᠳᠤ | ᠠᠵᠢᠯᠯᠠᠳᠠᠭ ᠪᠤᠯᠬᠤᠷ ᠵᠢᠯ ᠪᠦᠷᠢ ᠶᠢᠨ ᠬᠠᠪᠤᠷ ᠠᠴᠠ ᠡᠪᠤᠯ ᠤᠨ ᠠᠷᠪᠠᠨ ᠨᠢᠭᠡᠨ ᠰᠠᠷ ᠠ ᠪᠤᠯᠳᠠᠯ ᠠ ᠬᠦᠳᠡᠭᠡ | ᠪᠠᠭᠤᠵᠦ ᠶᠠᠭᠠᠷᠠᠳᠠᠭ ᠭᠡᠨᠠ᠃ ᠤᠨᠴᠠᠭᠠᠢᠢᠯᠠᠨ ᠤᠷᠴᠢᠮ ᠤᠨ ᠬᠤᠶᠠᠷ ᠵᠢᠯ ᠪᠤᠯᠤᠳ ᠪᠠᠰᠠ ᠭᠠᠴᠠᠭᠠᠠ ᠳᠤ ᠰᠠᠭᠤᠭᠠ | ᠶᠠᠳᠠᠭᠤ ᠶᠢ ᠲᠡᠳᠬᠦᠬᠦ ᠺᠠᠳ᠋ᠷ ᠢᠶᠠᠷ ᠪᠠᠭᠤᠭᠰᠠᠨ ᠠᠴᠠ ᠨᠡᠩ ᠴᠦ ᠬᠦᠮᠦᠨ ᠤ ᠪᠠᠷᠠ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ᠃ | ᠲᠡᠭᠡᠭᠡᠭᠰᠡᠠ ᠴᠦ ᠴᠢᠮᠡᠭ ᠨᠦᠬᠦᠷ ᠲᠡᠭᠡᠨ ᠭᠤᠮᠤᠳᠠᠵᠦ ᠤᠴᠠᠭᠠᠷᠯᠠᠳᠠᠭ ᠦᠭᠡᠢ ᠪᠦᠭᠡᠳ ᠠᠯᠪᠠᠨ ᠠᠵᠢᠯ ᠳᠠᠭᠠᠨ | ᠴᠢᠷᠮᠠᠶᠢᠵᠦ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠲᠤᠰᠠ ᠬᠢᠵᠦ ᠠᠮᠤᠷ ᠲᠦᠪᠰᠢᠨ ᠪᠠᠶᠢᠬᠤ ᠶᠢ ᠯᠡ ᠬᠦᠰᠡᠵᠦ᠂ ᠤᠯᠠᠩᠬᠢ ᠳᠠᠭᠠᠨ | ᠭᠠᠭᠴᠠᠭᠠᠷ ᠢᠶᠠᠨ ᠬᠤᠶᠠᠷ ᠬᠡᠤᠬᠡᠳ ᠢᠶᠠᠨ ᠬᠠᠷᠠᠵᠦ ᠬᠠᠷᠠᠭᠠᠯᠵᠠᠳᠠᠭ᠃ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠡᠳᠦᠷ ᠶᠠᠭᠠᠷᠠᠦ | ᠪᠤᠯᠪᠠᠯ ᠬᠤᠶᠠᠷ ᠬᠡᠤᠬᠡᠳ ᠤᠨ ᠢᠶᠠᠨ ᠢᠳᠡᠵᠦ ᠤᠤᠭᠤᠬᠤ ᠶᠠᠭᠤᠮᠠ ᠶᠢ ᠨᠢ ᠪᠡᠯᠡᠳᠬᠡᠵᠦ ᠦᠭᠬᠦᠭᠡᠳ | ᠬᠤᠶᠠᠭᠤᠯᠠ ᠶᠢ ᠨᠢ ᠭᠡᠷ ᠲᠡᠭᠡᠨ ᠤᠷᠬᠢᠬᠤ ᠪᠤᠶᠤ ᠪᠤᠰᠤᠳ ᠢ ᠭᠤᠶᠤᠵᠦ ᠬᠠᠷᠠᠭᠤᠯᠳᠠᠭ ᠭᠡᠨᠠ᠃ ︽ᠡᠵᠢ ᠠᠪᠤ | ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠬᠤᠶᠠᠷ ᠬᠡᠤᠬᠡᠳ ᠲᠡᠭᠡᠨ ᠤᠰᠤᠯᠳᠠᠭᠰᠠᠨ ᠮᠡᠳᠦ ᠭᠡᠳᠡᠯᠠ ᠮᠠᠨ ᠤ ᠬᠤᠶᠠᠷ ᠬᠡᠤᠬᠡᠳ ᠪᠠᠰᠠ | ᠪᠢᠳᠡ ᠬᠤᠶᠠᠷ ᠤᠨ ᠠᠵᠢᠯ ᠤᠨ ᠴᠢᠨᠠᠷ ᠠᠴᠠ ᠪᠤᠯᠵᠦ ᠪᠠᠭᠠ ᠠᠴᠠ ᠪᠠᠨ ᠴᠡᠴᠡᠭ ᠬᠤᠧᠠᠷ ᠢ ᠲᠠᠰᠤᠳᠠᠵᠦ ᠡᠪᠳᠡᠬᠦ | ᠦᠭᠡᠢ᠂ ᠬᠦᠳᠡᠭᠡ ᠭᠠᠷᠴᠦ ᠤᠷᠴᠢᠨ ᠲᠤᠭᠤᠷᠢᠨ ᠢ ᠬᠠᠮᠠᠭᠠᠯᠠᠬᠤ ᠭᠡᠰᠡᠨ ᠢ ᠮᠠᠰᠢ ᠤᠢᠢᠯᠠᠭᠠᠳᠠᠭ ᠪᠤᠯᠪᠠ︾ ᠭᠡᠵᠥ | ᠴᠢᠮᠡᠭ ᠬᠡᠤᠬᠡᠳ ᠢᠶᠠᠨ ᠦᠷᠦᠪᠳᠦᠬᠦ ᠪᠦᠭᠡᠳ ᠦᠪᠡᠷ ᠤᠨ ᠠᠵᠢᠯ ᠦᠢᠯᠡᠰ ᠨᠢ ᠬᠡᠤᠬᠡᠳ ᠲᠡᠭᠡᠨ ᠵᠦᠪ ᠲᠡᠯᠠ ᠶᠢᠨ | ᠰᠤᠷᠭᠠᠯ ᠪᠤᠯᠤᠭᠰᠠᠨ ᠳᠠᠭᠠᠨ ᠪᠠᠶᠠᠷᠯᠠᠨᠠ᠃ | ᠴᠡᠴᠡᠭ ᠤᠨ ᠰᠠᠶᠢᠬᠠᠨ ᠦᠵᠡᠮᠵᠢ ᠪᠠ ᠠᠩᠬᠢᠯᠤᠮ ᠠ ᠦᠨᠦᠷ ᠤᠨ ᠬᠢᠨ ᠠᠷᠢᠭᠤᠳᠬᠠᠯ ᠳᠤ ᠴᠦ ᠶᠤᠮ ᠤᠤ᠂ | ᠡᠨᠡᠷᠢᠯ ᠵᠢᠷᠦᠮ ᠢ ᠪᠠᠷᠢᠮᠳᠠᠯᠠᠳᠠᠭ ᠴᠢᠮᠡᠭ ᠲᠦᠷᠦᠯ ᠰᠠᠳᠤᠨ ᠤ ᠪᠠᠨ ᠬᠠᠪᠰᠤᠷᠤᠮᠵᠢ ᠲᠡᠮᠵᠢᠯᠭᠡ ᠶᠢ ᠬᠦᠷᠳᠡᠪᠡᠯ | ᠲᠠᠯᠠᠷᠬᠠᠨ ᠶᠠᠪᠤᠳᠠᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠦᠪᠡᠷ ᠢᠶᠠᠨ ᠴᠦ ᠪᠤᠰᠤᠳ ᠲᠤ ᠲᠤᠰᠠ ᠪᠤᠯᠵᠦ᠂ ᠲᠦᠷᠬᠦᠮ ᠪᠤᠯᠤᠨ | ᠬᠠᠳᠠᠮ ᠤᠨ ᠲᠡᠯᠠ ᠳᠠᠭᠠᠨ ᠮᠠᠰᠢ ᠡᠨᠡᠷᠢᠯ ᠬᠠᠶᠢᠷᠠᠳᠠᠢ᠂ ᠤᠬᠠᠭᠠᠨ ᠲᠤᠮᠤᠭᠠ ᠲᠠᠢ ᠦᠬᠢᠨ ᠪᠠ ᠪᠡᠷᠢ ᠬᠦᠮᠦᠨ᠃ | ᠲᠡᠭᠡᠭᠡᠳ ᠮᠦᠨ ᠴᠦ ᠭᠠᠷ ᠤᠷᠠᠨ ᠤᠬᠠᠭᠠᠨ ᠰᠡᠷᠭᠡᠭ ᠬᠠᠳᠠᠮ ᠲᠡᠬᠦᠦ ᠬᠡᠤᠬᠡᠨ ᠲᠤᠯᠢ ᠪᠠᠨ ᠦᠪᠡᠷ ᠤᠨ ᠴᠡᠴᠡᠭ ᠤᠨ | ᠦᠢᠯᠡᠰ ᠲᠡᠭᠡᠨ ᠲᠠᠳᠠᠨ ᠤᠷᠤᠭᠤᠯᠵᠦ᠂ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ ᠬᠢᠳᠡᠭ᠃ ᠤᠳᠤ ᠲᠤᠯᠢ ᠴᠦ ᠬᠤᠧᠠᠷ ᠴᠡᠴᠡᠭ | ᠠᠷᠠᠴᠢᠯᠡᠵᠦ ᠲᠡᠵᠢᠭᠡᠬᠦ ᠪᠠ ᠪᠤᠷᠤᠯᠠᠭᠤᠯᠭᠠ ᠶᠢᠨ ᠲᠡᠯᠠ ᠪᠠᠷ ᠮᠡᠷᠭᠡᠰᠢᠭᠰᠡᠨ ᠪᠠᠶᠢᠨᠠ᠃ ᠢᠩᠬᠢᠭᠡᠳ ᠬᠤᠵᠢᠮ | ᠬᠤᠶᠢᠰᠢᠳᠠ ᠡᠬᠡᠴᠢ ᠲᠡᠬᠦᠦ ᠬᠤᠶᠠᠭᠤᠯᠠ ᠪᠠᠨ ᠦᠢᠯᠡᠰ ᠢᠶᠠᠨ ᠦᠷᠭᠡᠳᠬᠡᠵᠦ᠂ ᠲᠠᠬᠢᠨ ᠨᠢᠭᠡ ᠬᠤᠪᠢᠶᠠᠷᠢ ᠲᠡᠯᠭᠡᠬᠦᠷ | ᠡᠷᠬᠢᠯᠡᠬᠦ ᠰᠠᠨᠠᠭᠠ ᠲᠠᠢ ᠭᠡᠨᠠ᠃ | ᠴᠢᠮᠡᠭ ᠪᠤᠯ ᠦᠪᠡᠷ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠬᠦᠰᠡᠯ ᠴᠢᠷᠮᠠᠶᠢᠯᠭᠠ ᠪᠠᠷ ᠢᠶᠠᠨ ᠴᠢᠮᠡᠭᠯᠡᠵᠦ ᠶᠠᠪᠤᠭᠠ ᠭᠤᠸᠠ | ᠦᠵᠡᠰᠬᠦᠯᠡᠩ ᠪᠦᠰᠡᠬᠦᠢ᠃ ᠪᠢ ᠲᠡᠬᠦᠨ ᠤ ᠰᠤᠷᠭᠤᠭ ᠴᠡᠴᠡᠭ ᠠᠴᠠ ᠨᠢ ᠴᠢᠷᠮᠠᠶᠢᠯᠭᠠ ᠶᠢᠨ ᠬᠦᠴᠦᠨ ᠳᠤ ᠲᠡᠯᠭᠡᠷᠡᠬᠦ | ᠴᠡᠴᠡᠭ ᠨᠡᠩ ᠠᠩᠬᠢᠯᠤᠮᠠ ᠭᠡᠳᠡᠭ ᠢ ᠤᠬᠠᠯᠠ᠃ | | | ᠰᠤᠷᠪᠤᠯᠵᠢᠯᠠᠭᠴᠢ᠄ ᠤᠷᠭᠤᠮᠠᠯ | |