| ᠴᠣ · ᠳᠤᠭᠠᠷᠵᠠᠪ | | | ︽ᠮᠣᠩᠭᠤᠯ ᠤᠯᠤᠰ ᠤᠨ 18 ᠠᠶᠢᠮᠠᠭ᠂ ᠬᠤᠲᠠ ᠨᠤᠭᠤᠳ ᠲᠤ ᠪᠠᠷᠭᠤ ᠮᠣᠩᠭᠤᠯᠴᠤᠳ ᠠᠵᠤ ᠲᠥᠷᠦᠳᠡᠭ ᠭᠡᠪᠡᠯ ᠭᠠᠳᠠᠭᠠᠳᠤ ᠶᠢᠨ ᠬᠦᠮᠦᠨ ᠢᠲᠡᠭᠡᠬᠦ | ᠪᠠᠶᠢᠬᠠ᠃ ᠬᠠᠷᠢᠨ ᠮᠣᠩᠭᠤᠯᠴᠤᠳ ᠦᠪᠡᠷᠰᠡᠳ ᠢᠶᠠᠨ ᠢᠲᠡᠭᠡᠬᠦ ᠦᠭᠡᠢ᠃ ︿ᠪᠠᠷᠭᠤᠴᠤᠳ ᠲᠡᠶᠢᠮᠦ ᠣᠯᠠᠨ ᠭᠡᠵᠦ ᠦᠦ︖﹀ ᠭᠡᠮᠡᠨ ᠮᠦᠷᠦ ᠪᠠᠨ ᠬᠠᠪᠴᠢᠭᠠᠨᠠᠭᠤᠯᠤᠨ | ᠭᠠᠶᠢᠬᠠᠬᠤ ᠬᠠᠯᠬᠠᠴᠤᠳ ᠵᠦᠩᠳᠡᠭᠡᠨ ᠪᠣᠢ︾ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠪᠣᠯ ᠦᠨᠡᠨ ᠶᠤᠮ᠃ | ᠬᠤᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠤ ᠡᠬᠢᠨ ᠳᠤ ᠮᠣᠩᠭᠤᠯ ᠤᠯᠤᠰ ᠬᠦᠮᠦᠨ ᠠᠮᠠ ᠪᠣᠯᠣᠨ ᠶᠠᠰᠤᠲᠠᠨ ᠢ ᠪᠦᠷᠢᠳᠬᠡᠬᠦ ᠳᠤ ᠪᠠᠷᠭᠤ ᠶᠠᠰᠤᠲᠠᠨ ᠰᠠᠶ᠋ᠢ 2000 | ᠭᠠᠷᠤᠢ ᠯᠡ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡ ᠬᠦ ᠪᠦᠷᠢᠳᠭᠡᠯ ᠤᠨ ᠲᠤᠭᠠ ᠦᠨᠡᠨ ᠪᠠᠶᠢᠳᠠᠯ ᠲᠠᠢ ᠦᠯᠦ ᠨᠡᠶᠢᠴᠡᠨᠡ ᠭᠡᠳᠡᠭ ᠨᠢ ᠶᠠᠮᠠᠷ ᠴᠤ ᠮᠠᠷᠭᠤᠭᠠᠨ ᠦᠬᠡᠢ ᠪᠢᠯᠡ᠃ | ᠡᠶᠢᠮᠦ ᠠᠴᠠ ᠮᠣᠩᠭᠤᠯ ᠤᠯᠤᠰ ᠤᠨ ᠪᠠᠷᠭᠤ ᠶᠠᠰᠤᠲᠠᠨ ᠢ ᠰᠣᠳᠤᠯᠬᠤ ᠳᠤ ᠡᠨᠡ ᠲᠤᠭᠠ ᠪᠠᠷ ᠦᠨᠳᠦᠰᠦᠯᠡᠯ ᠪᠣᠯᠭᠠᠬᠤ ᠦᠭᠡᠢ ᠶᠤᠮ᠃ | ︽ᠣᠳᠣ ᠶᠢᠨ ᠮᠣᠩᠭᠤᠯ ᠤᠯᠤᠰ ᠤᠨ ᠳᠣᠷᠣᠨᠠᠲᠤ ᠠᠶᠢᠮᠠᠭ᠂ ᠭᠤᠪᠢ ᠰᠦᠮᠪᠦᠷ ᠠᠶᠢᠮᠠᠭ᠂ ᠳᠣᠷᠤᠨᠠᠭᠤᠪᠢ ᠠᠶᠢᠮᠠᠭ ᠤᠨ ᠳᠠᠯᠠᠨᠵᠢᠷᠭᠠᠯᠠᠩ᠂ ᠠᠶᠢᠷᠠᠭ᠂ ᠶᠡᠭᠡ | ᠬᠡᠲᠡ᠂ ᠠᠯᠳᠠᠨᠰᠢᠷᠡᠭᠡ᠂ ᠳᠤᠮᠳᠠᠭᠤᠪᠢ ᠠᠶᠢᠮᠠᠭ ᠤᠨ ᠦᠯᠵᠡᠶᠢᠲᠦ᠂ ᠭᠤᠷᠪᠠᠨᠰᠠᠶᠢᠬᠠᠨ᠂ ᠲᠠᠷᠠᠩ᠂ ᠰᠠᠶᠢᠨᠴᠠᠭᠠᠨ᠂ ᠯᠤᠤᠰ᠂ ᠳᠡᠯᠭᠡᠷᠬᠠᠩᠭᠠᠢ᠂ ᠰᠠᠶᠢᠬᠠᠨ ᠣᠪᠣᠭᠠ᠂ | ᠡᠷᠳᠡᠨᠢᠳᠠᠯᠠᠢ᠂ ᠬᠤᠯᠲᠠ᠂ ᠳᠣᠷᠣᠨᠠᠲᠤ ᠠᠶᠢᠮᠠᠭ ᠤᠨ ᠴᠢᠯᠠᠭᠤᠨ ᠬᠤᠷᠣᠭᠠᠲᠤ᠂ ᠰᠡᠷᠭᠦᠯᠡᠩ᠂ ᠪᠠᠶᠠᠨᠵᠢᠷᠭᠠᠯᠠᠩ᠂ ᠪᠦᠷᠢᠨ᠂ ᠡᠷᠳᠡᠨᠢᠰᠡᠩᠳᠦ᠂ ᠤᠪᠰᠤ ᠠᠶᠢᠮᠠᠭ ᠤᠨ | ᠳᠠᠪᠤᠰᠤᠲᠤ᠂ ᠪᠦᠬᠡᠮᠦ᠋ᠷᠡᠨ᠂ ᠲᠦᠷᠬᠡᠨ᠂ ᠤᠯᠠᠭᠠᠠᠭᠤᠮ᠂ ᠨᠠᠷᠠᠨᠪᠤᠯᠠᠭ᠂ ᠴᠡᠴᠡᠭ᠂ ᠪᠤᠯᠠᠭᠠᠨ᠂ ᠬᠦᠪᠰᠦᠭᠦᠯ ᠠᠶᠢᠮᠠᠭ ᠤᠨ ᠰᠢᠨᠡ ᠢᠳᠡᠷ᠂ ᠭᠠᠯᠳᠤ᠂ ᠵᠢᠷᠭᠠᠯᠠᠩ᠂ | ᠬᠡᠨᠳᠡᠢ ᠠᠶᠢᠮᠠᠭ ᠤᠨ ᠪᠠᠶᠠᠠᠬᠤᠳᠳᠤᠭ᠂ ᠮᠦᠷᠡᠨ᠂ ᠳᠡᠯᠭᠡᠷᠬᠠᠨ᠂ ᠪᠠᠶᠠᠠᠮᠦ᠋ᠩᠬᠡ᠂ ᠳᠠᠷᠬᠠᠨ᠂ ᠰᠦᠬᠡᠪᠠᠭᠠᠳᠤᠷ ᠠᠶᠢᠮᠠᠭ ᠤᠨ ᠲᠦᠮᠡᠨᠴᠣᠭᠲᠤ᠂ ᠰᠦᠬᠡᠪᠠᠭᠠᠲᠤᠷ᠂ | ᠲᠦᠪᠰᠢᠠᠰᠢᠷᠡᠭᠡ᠂ ᠠᠭᠤᠯᠠ ᠪᠠᠶᠠᠨ ᠰᠣᠮᠣᠨ ᠳᠤ ᠪᠠᠷᠭᠤ᠂ ᠪᠠᠷᠭᠤᠳ᠂ ᠪᠠᠷᠭᠤᠮᠤᠳ ᠣᠪᠣᠭ᠂ ᠬᠡᠨᠳᠡᠢ ᠠᠶᠢᠮᠠᠭ ᠤᠨ ᠡᠮᠦᠨᠡᠳᠡᠯᠭᠡᠷ᠂ ᠳᠠᠲᠠᠯ ᠰᠣᠮᠣᠨ ᠳᠤ | ᠪᠠᠷᠭᠤᠵᠢᠨ ᠣᠪᠣᠭ᠃ ᠭᠤᠪᠢ - ᠠᠯᠳᠠᠢ ᠠᠶᠢᠮᠠᠭ ᠤᠨ ᠴᠢᠨᠳᠠᠮᠤᠨᠢ ᠰᠣᠮᠣᠨ ᠳᠤ ᠪᠠᠷᠭᠤ᠂ ᠳᠠᠷᠬᠠᠨ ᠣᠪᠣᠭ᠃ ᠳᠣᠷᠣᠨᠠᠲᠤ ᠠᠶᠢᠮᠠᠭ ᠤᠨ ᠴᠠᠭᠠᠨ ᠣᠪᠣᠭᠠ | ᠰᠣᠮᠣᠨ ᠳᠤ ᠳᠠᠭᠤᠷ ᠪᠠᠷᠭᠤ ᠣᠪᠣᠭ᠃ ᠵᠠᠪᠬᠠᠨ ᠠᠶᠢᠮᠠᠭ ᠤᠨ ᠲᠣᠰᠣᠠᠴᠡᠩᠭᠡᠯ᠂ ᠨᠥᠮᠦᠷᠭᠡ᠂ ᠳᠣᠷᠣᠨᠠᠲᠤ ᠠᠶᠢᠮᠠᠭ ᠤᠨ ᠬᠠᠯᠬᠠ ᠭᠤᠣᠯ᠂ ᠴᠠᠭᠠᠨ ᠣᠪᠣᠭᠠ | ᠰᠣᠮᠣᠨ ᠳᠤ ᠴᠢᠪᠴᠢᠨ ᠪᠠᠷᠭᠤ ᠣᠪᠣᠭ᠃ ᠳᠣᠷᠣᠨᠠᠲᠤ ᠠᠶᠢᠮᠠᠭ ᠤᠨ ᠴᠠᠭᠠᠨ ᠣᠪᠣᠭᠠ ᠰᠣᠮᠣᠨ ᠳᠤ ᠰᠣᠯᠣᠨ ᠪᠠᠷᠭᠤ ᠣᠪᠣᠭ ᠪᠠᠶᠢᠭᠠ ᠨᠢ ᠪᠦᠷᠢᠳᠭᠡᠭᠳᠡᠭᠰᠡᠨ | ᠪᠠᠶᠢᠨᠠ᠃ | ᠵᠠᠪᠬᠠᠨ ᠠᠶᠢᠮᠠᠭ ᠤᠨ ᠰᠠᠩᠲᠤ ᠮᠠᠷᠭᠠᠴᠠ ᠰᠣᠮᠣᠨ ᠳᠤ ᠬᠡᠰᠡᠭ ᠪᠠᠷᠭᠤ ᠰᠠᠭᠤᠳᠠᠭ᠃ ᠤᠷᠢᠳᠤ ᠲᠡᠳᠡᠨ ᠢ ᠵᠠᠰᠠᠭᠲᠤ ᠬᠠᠨ ᠰᠡᠴᠡᠨ ᠰᠠᠷᠲᠠᠭᠤᠯ ᠤᠨ | ᠬᠤᠰᠢᠭᠤᠨ ᠤ ᠪᠠᠷᠭᠤ ᠨᠤᠲᠤᠭ ᠬᠡᠮᠡᠳᠡᠭ ᠪᠠᠶᠢᠵᠠᠢ᠃ ᠠᠮᠠᠨ ᠳᠣᠮᠤᠭ ᠢᠶᠠᠷ ᠪᠣᠯ ᠲᠡᠳᠡ ᠡᠷᠲᠡ ᠴᠠᠭ ᠲᠤ ᠬᠦᠯᠦᠨ᠂ ᠪᠣᠶᠢᠷ ᠨᠠᠭᠤᠷ ᠤᠨ ᠡᠷᠭᠢ ᠬᠠᠪᠢ ᠠᠴᠠ ᠴᠡᠷᠢᠭ | ᠳᠠᠶᠢᠨ ᠤ ᠬᠥᠯ ᠢᠶᠠᠷ ᠲᠡᠨᠳᠡ ᠬᠦᠷᠴᠦ ᠰᠠᠭᠤᠷᠢᠰᠢᠭᠰᠠᠨ ᠭᠡᠨᠡ︾ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠪᠣᠢ᠃ | ᠶᠡᠷᠦ ᠨᠢ ᠮᠣᠩᠭᠤᠯ ᠤᠯᠤᠰ ᠤᠨ ᠣᠯᠠᠨ ᠠᠶᠢᠮᠠᠭ᠂ ᠬᠤᠲᠠ ᠳᠤ ᠪᠠᠷᠭᠤ ᠰᠤᠮᠤ ᠪᠣᠢ ᠭᠡᠰᠡᠨ ᠲᠡᠮᠳᠡᠭᠯᠡᠯ ᠤᠳ ᠪᠠᠶᠢᠳᠠᠭ᠃ ᠭᠡᠲᠡᠯᠡ ᠮᠣᠩᠭᠤᠯ ᠤᠯᠤᠰ ᠤᠨ | ᠣᠷᠴᠢᠮ ᠤᠨ ᠬᠦᠮᠦᠨ ᠠᠮᠠ ᠶᠢᠨ ᠲᠣᠭᠠᠯᠠᠯᠭᠠ ᠳᠤ ᠪᠠᠷᠭᠤ ᠶᠠᠰᠤᠲᠠᠨ ᠤ ᠬᠦᠮᠦᠨ ᠠᠮᠠ ᠶᠢ ᠵᠦᠪᠬᠡᠨ 2000 ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠴᠢᠩᠭᠢᠪᠡᠯ | ᠶᠠᠭᠠᠬᠢᠭᠠᠳ ᠡᠶᠢᠮᠦᠷᠬᠦ ᠬᠠᠷᠢᠴᠠᠯᠠᠰᠢ ᠦᠭᠡᠢ ᠪᠠᠭᠠ ᠲᠤᠭᠠ ᠭᠠᠷᠤᠭᠰᠠᠨ ᠪᠣᠢ︖ ᠭᠡᠪᠡᠯ ᠮᠢᠨᠤ ᠦᠵᠡᠬᠦ ᠪᠠᠷ ᠬᠤᠶᠠᠷ ᠵᠦᠢᠯ ᠤᠨ ᠰᠢᠯᠲᠠᠭᠠᠨ ᠪᠣᠢ᠃ ᠨᠢᠭᠡ ᠨᠢ᠂ | ᠮᠣᠩᠭᠤᠯ ᠤᠯᠤᠰ ᠤᠨ ᠶᠡᠭᠡ ᠬᠡᠯᠮᠡᠭᠳᠡᠯ ᠤᠨ ᠦᠶᠡ ᠳᠤ ᠵᠦᠪᠯᠡᠯᠲᠦ ᠬᠤᠯᠪᠣᠭᠠᠲᠤ ᠤᠯᠤᠰ ᠤᠨ ᠦᠭᠡ ᠶᠢ ᠰᠣᠨᠣᠰᠬᠤ ᠦᠬᠡᠢ ᠬᠦᠮᠦᠨ ᠪᠦᠬᠦᠨ ᠬᠠᠷᠠᠰᠠᠯᠲᠠᠢ ᠪᠠᠷ | ᠳᠠᠷᠤᠩᠭᠤᠶᠢᠯᠠᠭᠳᠠᠭᠰᠠᠨ ᠤ ᠬᠠᠮᠲᠤ᠂ ᠬᠠᠯᠬᠠ ᠶᠠᠰᠤᠲᠠᠨ ᠪᠤᠰᠤ ᠶᠠᠰᠤᠲᠠᠨ ᠤ ᠬᠦᠮᠦᠰ ᠴᠦ ᠰᠦᠢᠷᠡᠯᠲᠡ ᠶᠢᠨ ᠴᠢᠨᠠᠷᠲᠠᠢ ᠬᠦᠨᠦᠭᠡᠯ ᠳᠤ ᠤᠴᠠᠷᠠᠭᠰᠠᠨ ᠪᠢᠯᠡ᠃ | ᠡᠭᠦᠨ ᠳᠤ ᠪᠠᠷᠭᠤ᠂ ᠪᠣᠷᠢᠶᠠᠳ ᠶᠠᠰᠤᠲᠠᠨ ᠤ ᠬᠦᠮᠦᠰ ᠬᠠᠮᠤᠭ ᠠᠴᠠ ᠬᠦᠨᠳᠦ ᠳᠠᠭᠠᠷᠢᠭᠳᠠᠭᠰᠠᠨ ᠪᠣᠯᠬᠤᠷ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠠᠮᠢ ᠪᠡᠶᠡ ᠪᠠᠨ ᠬᠠᠮᠠᠭᠠᠯᠠᠬᠤ | ᠡᠭᠦᠳᠡᠨ ᠠᠴᠠ ᠨᠡᠯᠢᠶᠡᠳ ᠣᠯᠠᠨ ᠪᠠᠷᠭᠤ ᠬᠦᠮᠦᠨ ᠦᠪᠡᠷ ᠤᠨ ᠶᠠᠰᠤᠲᠠᠨ ᠢᠶᠠᠨ ᠨᠢᠭᠤᠵᠦ ᠬᠠᠯᠬᠠ ᠶᠠᠰᠤᠲᠠᠨ ᠬᠡᠮᠡᠨ ᠦᠭᠡᠷᠡᠴᠢᠯᠡᠭᠰᠡᠨ ᠶᠤᠮ᠃ ᠨᠦᠭᠦᠭᠡ ᠨᠢ ᠣᠨ | ᠵᠢᠯ ᠤᠨ ᠤᠯᠠᠷᠢᠬᠤ ᠶᠢ ᠳᠠᠭᠠᠭᠠᠳ ᠶᠠᠰᠤᠲᠠᠨ ᠢᠶᠠᠨ ᠨᠢᠭᠤᠭᠰᠠᠨ ᠪᠠᠷᠭᠤᠴᠣᠳ ᠤᠨ ᠬᠤᠶᠢᠴᠢᠰ ᠨᠢ ᠪᠢ ᠪᠣᠯ ᠪᠠᠷᠭᠤ ᠬᠦᠮᠦᠨ ᠭᠡᠳᠡᠭ ᠢᠶᠠᠨ ᠮᠡᠳᠡᠬᠦ ᠪᠠᠨ ᠪᠣᠯᠢᠭᠰᠠᠨ | ᠶᠤᠮ᠃ | ᠪᠢᠳᠡ ᠡᠭᠦᠨ ᠠᠴᠠ ᠬᠤᠶᠢᠰᠢ ᠮᠣᠩᠭᠤᠯ ᠤᠯᠤᠰ ᠤᠨ ᠪᠠᠷᠭᠤ ᠶᠠᠰᠤᠲᠠᠨ ᠢ ᠤᠶᠢᠯᠠᠭᠠᠵᠦ ᠰᠣᠳᠤᠯᠬᠤ ᠳᠠᠭᠠᠨ ᠶᠡᠭᠡ ᠬᠡᠯᠮᠡᠭᠳᠡᠯ ᠤᠨ ᠶᠡᠭᠡ ᠬᠢᠯᠢᠰ ᠢ | ᠲᠤᠶᠢᠯᠪᠤᠷᠢᠲᠠᠢ ᠦᠭᠡᠶᠢᠰᠭᠡᠵᠦ᠂ ᠲᠡᠦᠬᠡᠨ ᠦᠨᠡᠨ ᠢ ᠨᠢ ᠰᠡᠷᠭᠦᠭᠡᠵᠦ ᠥᠭᠬᠦ ᠶᠢ ᠮᠠᠷᠲᠠᠵᠤ ᠪᠣᠯᠬᠤ ᠦᠬᠡᠢ ᠶᠤᠮ᠃ | ᠳᠣᠣᠷᠠ᠂ ᠪᠢ ᠵᠦᠪᠬᠡᠨ ᠬᠦᠯᠦᠨ ᠪᠤᠶᠢᠷ ᠠᠴᠠ ᠮᠣᠩᠭᠤᠯ ᠤᠯᠤᠰ ᠲᠤ ᠨᠡᠭᠦᠵᠦ ᠣᠷᠣᠭᠰᠠᠨ ᠭᠤᠷᠪᠠᠨ ᠰᠤᠮᠤ ᠶᠢ ᠳᠤᠷᠠᠳᠤᠶᠠ᠄ | | | ᠠᠪᠳᠠᠷᠠᠪᠠᠶᠠᠨ ᠰᠣᠮᠣ | | | ᠮᠣᠩᠭᠤᠯ ᠤᠯᠤᠰ ᠤᠨ ᠲᠥᠪ ᠠᠶᠢᠮᠠᠭ ᠤᠨ ᠠᠪᠳᠠᠷᠠᠪᠠᠶᠠᠨ ᠰᠣᠮᠣ ᠨᠢ ᠠᠶᠢᠮᠠᠭ ᠤᠨ ᠲᠥᠪ ᠵᠠᠭᠤᠨᠮᠣᠳᠤ ᠶᠢᠨ ᠲᠠᠯᠠ ᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ 100 | ᠺᠢᠯᠤᠮᠧᠲᠷ ᠤᠨ ᠵᠠᠢ ᠳᠤ ᠪᠠᠶᠢᠳᠠᠭ᠃ | ᠲᠤᠰ ᠰᠤᠮᠤ ᠶᠢᠨ ᠢᠷᠡᠯ ᠡᠭᠦᠰᠦᠯ ᠭᠡᠪᠡᠯ᠂ ᠤᠯᠠᠭᠴᠢᠨ ᠮᠤᠭᠠᠢ ᠵᠢᠯ ︵1917 ᠣᠨ︶ ᠤᠨ ᠬᠠᠪᠤᠷ ᠠᠴᠠ ᠰᠧᠪᠵᠢᠩᠭᠡ ᠶᠢᠨ ᠳᠡᠭᠡᠷᠡᠮ ᠬᠠᠶᠢᠯᠠᠷ ᠬᠤᠲᠠ ᠶᠢ | ᠡᠵᠡᠯᠡᠪᠡ ᠭᠡᠰᠡᠨ ᠴᠢᠮᠡᠭᠡ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ ᠵᠤᠨ ᠤ ᠦᠶᠡᠰ ᠢᠶᠠᠷ ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠢ ᠳᠣᠪᠳᠤᠨᠪᠠᠯᠵᠤᠤᠷ ᠭᠠᠯᠢᠳᠠ ᠶᠢ ᠠᠯᠠᠵᠤ ᠠᠳᠤᠭᠤ ᠮᠠᠯ ᠢ | ᠨᠢ ᠳᠡᠭᠡᠷᠡᠮᠳᠡᠪᠡ ᠭᠡᠵᠦ ᠰᠣᠨᠣᠰᠳᠠᠵᠦ᠂ ᠳᠡᠭᠡᠷᠡᠮ ᠤᠨ ᠬᠡᠰᠡᠭ ᠬᠦᠮᠦᠰ ᠵᠢᠷᠭᠤᠭᠠᠳᠠᠢ ᠭᠡᠳᠡᠭ ᠭᠠᠵᠠᠷ ᠲᠤ ᠢᠷᠡᠵᠦ ᠬᠡᠳᠦᠨ ᠬᠦᠮᠦᠨ ᠢᠶᠠᠨ ᠠᠯᠠᠭᠤᠯᠤᠭᠠᠳ ᠪᠤᠴᠠᠵᠠᠢ᠃ | ᠡᠭᠦᠨ ᠠᠴᠠ ᠪᠣᠯᠵᠤ᠂ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠭᠠᠷᠤᠨ ᠮᠠᠯᠴᠢᠳ ᠠᠶᠤᠨ ᠳᠦᠷᠪᠡᠵᠦ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠭᠠᠷᠤᠨ ᠬᠦᠪᠡᠭᠡᠲᠦ ᠤᠯᠠᠭᠠᠨ ᠤ ᠳᠦᠷᠪᠡᠨ ᠤ | ᠭᠤᠷᠪᠠ᠂ ᠬᠦᠪᠡᠭᠡᠲᠦ ᠬᠥᠬᠡ ᠶᠢᠨ ᠭᠤᠷᠪᠠᠨ ᠤ ᠨᠢᠭᠡ᠂ ᠰᠢᠯᠤᠭᠤᠨ ᠤᠯᠠᠭᠠᠨ ᠤ 20 ᠭᠠᠷᠤᠢ ᠡᠷᠦᠬᠡ ᠵᠡᠷᠭᠡ ᠮᠠᠯᠴᠢᠳ᠂ ᠪᠠᠷᠤᠭᠯᠠᠪᠠᠯ 200 ᠭᠠᠷᠤᠢ ᠡᠷᠦᠬᠡ᠂ 800 | ᠭᠠᠷᠤᠢ ᠬᠦᠮᠦᠨ᠂ 30000 ᠲᠦᠮᠡ ᠭᠠᠷᠤᠢ ᠮᠠᠯ ᠢ ᠠᠪᠴᠤ ᠬᠠᠯᠬᠠ ᠶᠢᠨ ᠨᠤᠲᠤᠭ ᠲᠤ ᠨᠡᠭᠦᠨ ᠣᠷᠣᠪᠠ᠃ | ᠪᠠᠰᠠ ᠬᠦᠪᠡᠭᠡᠲᠦ ᠤᠯᠠᠭᠠᠨ ᠬᠤᠰᠢᠭᠤᠨ ᠤ ᠫᠤᠩᠰᠤᠭᠷᠠᠪᠳᠠᠨ ᠵᠠᠩᠭᠢ ᠴᠢᠪᠰᠢᠩᠭᠡ ᠲᠠᠢ ᠡᠷᠬᠡ ᠪᠤᠯᠢᠶᠠᠯᠳᠤᠭᠠᠳ ᠬᠦᠴᠦᠨ ᠮᠡᠬᠦᠰᠳᠡᠵᠦ᠂ 1915 ᠣᠨ ᠤ | ᠨᠠᠮᠤᠷ ᠣᠶᠢᠷᠠ ᠲᠦᠷᠦᠯ ᠤᠨ 20 ᠣᠷᠴᠢᠮ ᠡᠷᠦᠬᠡ ᠬᠦᠮᠦᠰ ᠬᠠᠯᠬᠠ ᠶᠢᠨ ᠨᠤᠲᠤᠭ ᠲᠤ ᠨᠡᠭᠦᠨ ᠣᠴᠢᠭᠰᠠᠨ ᠪᠠ 1917 ᠣᠨ ᠤ 4 ᠰᠠᠷᠠ ᠳᠤ ᠬᠦᠪᠡᠭᠡᠲᠦ | ᠤᠯᠠᠭᠠᠨ ᠪᠠ ᠬᠦᠪᠡᠭᠡᠲᠦ ᠬᠥᠬᠡ ᠬᠤᠰᠢᠭᠤᠨ ᠤ ᠬᠡᠰᠡᠭ ᠴᠢᠨᠡᠭᠡᠯᠢᠭ ᠡᠷᠦᠬᠡ ᠫᠤᠩᠰᠤᠭᠷᠠᠪᠳᠠᠨ ᠤ ᠬᠤᠶᠢᠨᠠ ᠠᠴᠠ ᠨᠡᠭᠦᠨ ᠣᠴᠢᠵᠦ ᠨᠡᠶᠢᠯᠡᠪᠡ᠃ ᠡᠳᠡᠭᠡᠷ ᠠᠶᠢᠯ | ᠵᠤᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠭᠠᠷ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠳᠡᠭᠡᠷᠡᠮ ᠠᠴᠠ ᠳᠦᠷᠪᠡᠵᠦ ᠣᠴᠢᠭᠰᠠᠨ ᠠᠶᠢᠯ ᠤᠳ ᠲᠠᠢ ᠨᠡᠶᠢᠯᠡᠭᠡᠳ ᠬᠠᠮᠲᠤ ᠪᠠᠷ ᠬᠠᠯᠬᠠ ᠶᠢᠨ | ᠨᠤᠲᠤᠭ ᠲᠤ ᠣᠷᠣᠵᠠᠢ᠃ | ᠡᠳᠡᠭᠡᠷ ᠵᠤᠨ 1918 ᠣᠨ ᠤ ᠬᠠᠪᠤᠷ ᠬᠠᠯᠲᠠᠷ ᠤᠨ ᠭᠤᠪᠢ ᠳᠤ ᠬᠦᠷᠦᠭᠡᠳ ᠲᠡᠳᠡᠨ ᠤ ᠲᠦᠷᠦᠭᠦᠴᠦᠳ 20 ᠭᠠᠷᠤᠢ ᠬᠦᠮᠦᠰ ᠵᠦᠪᠯᠡᠯᠳᠦᠵᠦ ᠪᠣᠭᠳᠠ | ᠵᠢᠪᠽᠦ᠋ᠨᠳᠠᠮᠪᠠ ᠬᠤᠲᠣᠭᠲᠣ ᠳᠤ ᠱᠠᠪᠢ ᠪᠣᠯᠬᠤ ᠪᠠᠷ ᠲᠣᠭᠲᠠᠵᠠᠢ᠃ ᠪᠣᠭᠳᠠ ᠵᠢᠪᠽᠦ᠋ᠨᠳᠠᠮᠪᠠ ᠬᠤᠲᠣᠭᠲᠣ ᠳᠤ ᠠᠶᠢᠯᠠᠳᠬᠠᠯ ᠣᠴᠢᠭᠰᠠᠨ ᠲᠦᠷᠦᠭᠦᠴᠦᠳ ᠤᠨ | ᠲᠦᠯᠦᠭᠡᠯᠡᠭᠴᠢᠳ 100 ᠶᠤᠸᠠᠨᠪᠤᠤ ᠡᠷᠭᠦᠵᠦ ᠪᠠᠷᠠᠯᠠᠨ ᠮᠦᠷᠭᠦᠵᠦ ᠮᠣᠳᠤᠷ ᠤᠨ ᠠᠳᠢᠰ ᠬᠦᠷᠲᠡᠵᠡᠢ᠃ ᠪᠣᠭᠳᠠ ᠡᠵᠡᠨ ᠲᠡᠳᠡᠨ ᠤ ᠬᠦᠰᠡᠯᠲᠡ ᠶᠢ ᠶᠣᠰᠤᠭᠠᠷ | ᠪᠣᠯᠭᠠᠵᠦ᠂ ᠡᠶᠢᠨ ᠬᠦ 200 ᠰᠢᠬᠠᠮ ᠡᠷᠦᠬᠡ ᠶᠢᠨ 1000 ᠰᠢᠬᠠᠮ ᠪᠠᠷᠭᠤᠴᠣᠳ ︽ᠪᠣᠭᠳᠠ ᠶᠢᠨ ᠱᠠᠪᠢ︾ ᠪᠣᠯᠵᠤ᠂ ᠪᠣᠭᠳᠠ ᠠᠭᠤᠯᠠ ᠶᠢᠨ ᠡᠮᠦᠨᠡ ᠵᠦᠭ ᠲᠤ | ᠮᠠᠨᠽᠤᠰᠢᠷᠢ ᠬᠤᠳᠣᠭᠳᠣ ᠴᠡᠷᠡᠨᠳᠣᠷᠵᠢ ᠶᠢᠨ ᠨᠤᠲᠤᠭ - ᠠᠪᠳᠠᠷᠠᠬᠠᠩᠭᠠᠢ ᠠᠭᠤᠯᠠ ᠶᠢ ᠲᠥᠪ ᠪᠣᠯᠭᠠᠭᠰᠠᠨ ᠭᠤᠪᠢ ᠨᠤᠲᠤᠭ ᠢᠶᠠᠷ ᠴᠢᠯᠦᠭᠡᠲᠡᠢ ᠨᠤᠲᠤᠭᠯᠠᠳᠠᠭ | ᠪᠣᠯᠵᠠᠢ᠃ ᠲᠡᠷᠡ ᠦᠶᠡ ᠠᠴᠠ ᠬᠤᠶᠢᠰᠢ ᠡᠳᠡᠭᠡᠷ ᠪᠠᠷᠭᠤᠴᠣᠳ ᠢ ᠠᠪᠳᠠᠷᠠᠪᠠᠶᠠᠨ ᠤ ᠪᠠᠷᠭᠤ ᠭᠡᠵᠦ ᠨᠡᠷᠡᠯᠡᠳᠡᠭ ᠪᠣᠯᠵᠠᠢ᠃ | 1923 ᠣᠨ ᠳᠤ ᠮᠣᠩᠭᠤᠯ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠱᠠᠪᠢ ᠪᠠᠷᠭᠤ ᠶᠢ ᠤᠯᠠᠭᠠᠨᠪᠠᠭᠠᠲᠤᠷ ᠬᠤᠲᠠ ᠠᠴᠠ ᠪᠠᠷᠠᠭᠤᠨᠰᠢ ᠨᠤᠲᠤᠭ ᠭᠠᠷᠭᠠᠵᠦ | ᠨᠤᠲᠤᠭᠯᠠᠭᠤᠯᠤᠨᠠ ᠭᠡᠰᠡᠨ ᠲᠣᠭᠲᠠᠭᠠᠯ ᠭᠠᠷᠭᠠᠵᠠᠢ᠃ ᠡᠭᠦᠨ ᠠᠴᠠ ᠪᠣᠯᠵᠤ᠂ 1924 ᠣᠨ ᠤ ᠡᠪᠦᠯ ᠱᠠᠪᠢ ᠪᠠᠷᠭᠤ ᠶᠢᠨ ᠲᠦᠷᠦᠭᠦᠴᠦᠳ ᠨᠢᠭᠤᠴᠠ ᠪᠠᠷ | ᠵᠦᠪᠯᠡᠯᠳᠦᠵᠦ ᠨᠤᠲᠤᠭ ᠪᠤᠴᠠᠬᠤ ᠪᠡᠯᠡᠳᠬᠡᠯ ᠬᠢᠵᠡᠢ᠃ ᠢᠩᠭᠢᠭᠡᠳ ᠮᠦᠨ ᠡᠪᠦᠯ ᠳᠡᠭᠡᠨ ᠨᠡᠯᠢᠶᠡᠳ ᠵᠤᠨ ᠢᠶᠠᠨ ᠲᠠᠷᠬᠠᠭᠠᠭᠰᠠᠨ ᠦᠭᠡᠢ ᠰᠠᠭᠤᠷᠢᠨ ᠤ ᠣᠷᠴᠢᠮ ᠢᠶᠠᠷ | ᠨᠤᠲᠤᠭᠯᠠᠭᠤᠯᠤᠭᠠᠳ ᠢᠷᠡᠬᠦ ᠬᠠᠪᠤᠷ ᠨᠢ ᠡᠭᠦᠳᠡ ᠶᠢᠨ ᠵᠢᠷᠠᠩ ᠭᠡᠬᠦ ᠭᠠᠵᠠᠷ ᠠᠭᠠᠵᠢᠮ ᠢᠶᠠᠷ ᠴᠤᠭᠯᠠᠷᠠᠨ ᠲᠦᠪᠯᠡᠷᠡᠭᠡᠳ᠂ 1925 ᠣᠨ ᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ | 4 ᠰᠠᠷᠠ ᠶᠢᠨ ᠨᠢᠭᠡᠨ ᠰᠦᠨᠢ ᠬᠦᠷᠢᠶᠡ ᠬᠠᠪᠢᠷᠭᠠ ᠶᠢᠨ ᠬᠤᠶᠢᠳᠣ ᠲᠠᠯᠠ ᠪᠠᠷ ᠬᠢᠯᠢ ᠳᠠᠪᠠᠨ ᠨᠢᠭᠡ ᠬᠡᠰᠡᠭ ᠵᠤᠨ ᠨᠢ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠨ ᠢᠷᠡᠵᠡᠢ᠃ | ᠱᠠᠪᠢ ᠪᠠᠷᠭᠤ ᠶᠢᠨ ᠵᠤᠨ ᠢ ᠵᠣᠭᠰᠤᠭᠠᠯ ᠵᠢᠷᠭᠠᠯᠠᠩᠲᠤ ᠠᠭᠤᠯᠠ ᠶᠢᠨ ᠬᠤᠰᠢᠭᠤᠨ ᠤ ᠨᠢᠭᠡ ᠰᠤᠮᠤ ᠪᠣᠯᠭᠠᠨ ᠵᠠᠬᠢᠷᠤᠭᠤᠯᠵᠤ᠂ ᠠᠪᠳᠠᠷᠠ᠂ ᠪᠠᠶᠠᠨ ᠬᠤᠶᠠᠷ | ᠠᠭᠤᠯᠠ ᠪᠠᠷ 1924 ᠣᠨ ᠳᠤ ᠠᠪᠳᠠᠷᠠᠪᠠᠶᠠᠨ ᠰᠤᠮᠤ ᠭᠡᠵᠦ ᠨᠡᠷᠡᠶᠢᠳᠦᠭᠡᠳ ᠨᠠᠢᠮᠠᠨ ᠪᠠᠭ ᠲᠠᠢ ᠴᠣᠯ ᠪᠠᠷᠭᠤ ᠰᠣᠮᠣ ᠪᠣᠯᠵᠠᠢ᠃ ᠲᠤᠰ ᠰᠤᠮᠤ 1927 ᠣᠨ ᠳᠤ | 158 ᠡᠷᠦᠬᠡ᠂ 867 ᠬᠦᠮᠦᠨ ᠲᠠᠢ ᠪᠠᠶᠢᠪᠠ᠃ | ᠠᠪᠳᠠᠷᠠᠪᠠᠶᠠᠨ ᠰᠣᠮᠣᠨ ᠤ ᠲᠥᠪ ᠨᠢ ᠬᠤᠷᠢᠭᠠᠳ ᠵᠢᠯ ᠳᠤ ᠰᠢᠷᠠᠬᠤᠳᠳᠤᠭ᠂ ᠪᠠᠶᠠᠨᠴᠢᠯᠠᠭᠤᠲᠤ᠂ ᠬᠦᠷᠵᠡᠲᠦ ᠵᠡᠷᠭᠡ ᠭᠠᠵᠠᠷ ᠤᠳ ᠲᠤ ᠪᠠᠶᠢᠭᠰᠠᠨ ᠢᠶᠠᠨ | 1938 ᠣᠨ ᠳᠤ ᠦᠪᠦᠷᠰᠢᠪᠠᠷᠲᠤ ᠭᠡᠬᠦ ᠭᠠᠵᠠᠷ ᠰᠠᠭᠤᠷᠢᠰᠢᠵᠠᠢ᠃ | ᠠᠪᠳᠠᠷᠠᠪᠠᠶᠠᠨ ᠤ ᠪᠠᠷᠭᠤ ᠣᠪᠣᠭ ᠤᠳ᠄ ᠠᠪᠠᠭᠠᠴᠤᠯ᠂ ᠭᠤᠴᠢᠳ᠂ ᠲᠣᠩᠭᠤᠶᠢᠳ᠂ ᠴᠡᠭᠡᠵᠢᠨ᠂ ᠳᠠᠭᠠᠷᠢᠳᠠᠨ᠂ ᠰᠢᠷᠠᠶᠢᠳ᠂ ᠭᠦᠢᠴᠡᠯᠢᠭ᠂ ᠤᠯᠢᠶᠠᠳ᠂ | ᠪᠣᠳᠤᠩᠭᠤᠳ᠂ ᠦᠵᠦᠨ᠂ ᠶᠦᠩᠰᠢᠶᠡᠪᠦ᠂ ᠵᠤᠷᠭᠤᠨ᠂ ᠠᠯᠠᠭᠤᠢ᠂ ᠴᠠᠭᠠᠨ ᠤᠭᠤᠷᠠᠭ᠂ ᠬᠤᠨᠳᠤᠨ᠂ ᠭᠠᠯᠵᠤᠳ᠂ ᠬᠠᠩᠭᠢᠨ᠂ ᠲᠡᠮᠦᠷᠴᠢᠨ᠂ ᠨᠣᠮᠣᠴᠢᠨ᠂ ᠬᠠᠷᠠᠭᠠᠨᠠ | ᠵᠡᠷᠭᠡ ᠪᠣᠯᠣᠨᠠ᠃ | ᠠᠪᠳᠠᠷᠠᠪᠠᠶᠠᠨ ᠤ ᠵᠣᠨ ᠪᠣᠯ ᠤᠤᠯ ᠤᠨ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠭᠠᠷᠤᠨ ᠰᠢᠯᠤᠭᠤᠨ ᠰᠢᠷᠠ ᠬᠤᠰᠢᠭᠤᠨ ᠤ ᠬᠢᠨ ᠶᠤᠮ᠃ ᠮᠣᠩᠭᠤᠯ ᠤᠯᠤᠰ ᠲᠤ | ᠣᠷᠣᠭᠰᠠᠨ ᠤ ᠬᠤᠶᠢᠨᠠ ᠭᠤᠷᠪᠠᠨ ᠬᠡᠰᠡᠭ ᠪᠣᠯᠪᠠ᠃ ᠨᠢᠭᠡ ᠬᠡᠰᠡᠭ ᠨᠢ ᠮᠠᠩᠯᠠᠢ ᠸᠠᠩ ᠳᠠᠮᠳᠢᠨᠰᠦ᠋ᠷᠦᠩ ᠤᠨ ᠬᠤᠰᠢᠭᠤᠨ ᠳᠤ ᠣᠷᠣᠪᠠ᠃ ᠨᠦᠭᠦᠭᠡ ᠬᠡᠰᠡᠭ ᠨᠢ | ᠬᠡᠷᠦᠯᠦᠨ ᠤ ᠵᠡᠭᠦᠨ ᠲᠠᠯᠠ ᠳᠤ ᠦᠯᠡᠳᠡᠭᠡᠳ ᠴᠠᠰᠢ ᠪᠠᠨ ᠨᠡᠭᠦᠪᠡ᠃ ᠪᠠᠰᠠ ᠨᠢᠭᠡ ᠬᠡᠰᠡᠭ ᠨᠢ ᠬᠦᠯᠦᠨ ᠪᠣᠶᠢᠷ ᠲᠠᠭᠠᠨ ᠪᠤᠴᠠᠪᠠ᠃ | | |