| ︽ᠠᠪᠤ ᠡᠵᠢ ᠪᠢᠳᠡᠨ ᠢ ᠦᠷᠡᠴᠢᠯᠡᠨ ᠲᠡᠵᠢᠭᠡᠵᠦ᠂ ᠪᠢᠳᠡ ᠲᠠᠯᠠ ᠶᠢᠨ ᠭᠦᠨ ᠳᠤ ᠵᠣᠯ ᠵᠢᠷᠭᠠᠯ ᠲᠠᠢ ᠦᠰᠴᠦ | ᠪᠣᠶᠢᠵᠢᠭᠰᠠᠨ᠃ ᠪᠢᠳᠡ ᠪᠣᠯ ᠤᠯᠤᠰ ᠤᠨ ᠬᠡᠦᠬᠡᠳ᠂ ᠲᠠᠯᠠ ᠨᠤᠲᠤᠭ ᠤᠨ ᠬᠡᠦᠬᠡᠳ︾ ᠭᠡᠵᠦ ᠨᠠᠷᠠᠨᠴᠢᠮᠡᠭ ᠤᠨ ᠳᠡᠭᠦᠦ | ᠪᠠᠲᠤᠬᠦᠦ ᠮᠠᠯ ᠤᠨ ᠬᠠᠰᠢᠶᠠᠨ ᠳᠠᠭᠠᠨ ᠶᠠᠭᠠᠷᠠᠵᠤ ᠪᠠᠶᠢᠭᠰᠠᠨ ᠴᠤ ᠪᠢᠳᠡᠨ ᠤ ᠠᠰᠠᠭᠤᠯᠲᠠ ᠶᠢ ᠣᠮᠤᠭ ᠪᠠᠷᠳᠠᠮ | ᠬᠠᠷᠢᠭᠤᠯᠵᠤ ᠪᠠᠶᠢᠯᠠ᠃ | 1959 ᠣᠨ ᠠᠴᠠ 1961 ᠣᠨ ᠪᠣᠯᠲᠠᠯᠠᠬᠢ ᠬᠤᠭᠤᠴᠠᠭᠠ ᠪᠣᠯ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠤᠨ | ᠲᠡᠦᠬᠡᠨ ᠬᠠᠭᠤᠳᠠᠰᠤᠨ ᠳᠠᠬᠢ ᠲᠤᠶᠢᠯ ᠤᠨ ᠬᠦᠨᠳᠦ ᠴᠢᠬᠤᠯᠠ ᠨᠢᠭᠡᠨ ᠬᠠᠭᠤᠳᠠᠰᠤ ᠪᠣᠯᠬᠤ ᠨᠢ ᠳᠠᠮᠵᠢᠭ ᠦᠭᠡᠢ ᠶᠤᠮ᠃ | ᠡᠨᠡ ᠬᠦ ᠬᠤᠭᠤᠴᠠᠭᠠᠨ ᠳᠤ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠪᠦᠬᠦ ᠤᠯᠤᠰ ᠢ ᠬᠠᠮᠤᠷᠴᠤ᠂ ᠱᠠᠩᠬᠠᠢ᠂ ᠵᠢᠶᠠᠩᠰᠤ᠂ ᠵᠧᠵᠢᠶᠠᠩ᠂ | ᠠᠨᠾᠦ᠋ᠢ ᠵᠡᠷᠭᠡ ᠭᠠᠵᠠᠷ ᠤᠨ ᠦᠨᠦᠴᠢᠨ ᠬᠡᠦᠬᠡᠳ ᠴᠤᠭᠯᠠᠷᠠᠪᠠ᠃ ᠲᠡᠳᠡ ᠨᠡᠶᠢᠳᠡᠮ ᠳᠡᠭᠡᠨ ᠰᠢᠮᠡ ᠲᠡᠵᠢᠭᠡᠯ ᠮᠠᠭᠤ | ᠲᠤᠯᠠ ᠡᠪᠡᠳᠴᠢᠨ ᠡᠮᠬᠡᠭ ᠲᠤ ᠨᠡᠷᠪᠡᠭᠳᠡᠵᠦ᠂ ᠵᠠᠷᠢᠮ ᠨᠢ ᠪᠦᠷ ᠦᠬᠦᠬᠦ ᠶᠢᠨ ᠰᠦᠷᠳᠡᠭᠦᠯᠦᠯ ᠳᠤ ᠲᠤᠯᠭᠠᠷᠠᠵᠤ ᠪᠠᠶᠢᠪᠠ᠃ | ᠲᠡᠶᠢᠨ ᠬᠦ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠲᠡᠷᠢᠭᠦᠯᠡᠭᠴᠢ | ᠪᠠᠶᠢᠭᠰᠠᠨ ᠤᠯᠠᠭᠠᠨᠬᠦᠦ ᠶᠢᠨ ᠬᠦᠴᠦᠲᠡᠢ ᠳᠡᠮᠵᠢᠯᠭᠡ ᠳᠣᠣᠷᠠ᠂ ᠡᠯᠡ ᠭᠠᠵᠠᠷ ᠤᠨ ᠮᠠᠯᠴᠢᠳ ᠳᠡᠭᠡᠳᠦ ᠱᠠᠲᠤᠨ ᠤ | ᠤᠷᠢᠶᠠᠯᠠᠭᠠ ᠶᠢ ᠴᠤᠤᠷᠢᠶᠠᠲᠤᠨ ᠳᠠᠭᠠᠵᠤ᠂ ᠭᠤᠷᠪᠠᠨ ᠮᠢᠩᠭᠠᠨ ᠦᠨᠦᠴᠢᠨ ᠬᠡᠦᠬᠡᠳ ᠢ ᠦᠪᠦᠷ ᠮᠣᠩᠭᠤᠯ ᠢ | ᠠᠪᠴᠢᠷᠠᠬᠤ ᠡᠨᠡ ᠬᠦ ᠴᠢᠬᠤᠯᠠ ᠶᠡᠭᠡ ᠰᠢᠢᠳᠪᠦᠷᠢᠲᠦ ᠪᠣᠳᠣᠯᠭᠠ ᠶᠢ ᠬᠠᠶᠢᠷᠠ ᠬᠠᠯᠠᠮᠵᠢ ᠶᠢᠨ ᠪᠤᠤᠬᠢᠶᠠ ᠠᠵᠢᠯᠯᠠᠭᠠ | ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ ᠪᠢᠯᠡ᠃ | | | | ᠬᠡᠦᠬᠡᠳ ᠤᠳ ᠤᠮᠠᠷᠠᠰᠢ ᠮᠣᠷᠳᠠᠬᠤ ᠭᠠᠯᠲᠤ ᠲᠡᠷᠭᠡᠨ ᠳᠤ ᠰᠠᠭᠤᠵᠤ᠂ ᠡᠬᠡ ᠤᠯᠤᠰ ᠤᠨ ᠤᠮᠠᠷᠠᠲᠤ | ᠬᠢᠯᠢ ᠳᠤ ᠪᠠᠶᠢᠷᠢᠯᠠᠭᠠ ᠦᠪᠦᠷ ᠮᠣᠩᠭᠤᠯ ᠳᠤ ᠢᠷᠡᠪᠡ᠃ ᠡᠭᠦᠨ ᠳᠤ ᠬᠦᠯᠦᠨ ᠪᠣᠶᠢᠷ ᠲᠤ ᠢᠷᠡᠭᠰᠡᠨ ᠬᠡᠦᠬᠡᠳ 300 | ᠭᠠᠷᠤᠢ ᠪᠣᠢ᠃ 1964 ᠣᠨ ᠳᠤ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠮᠠᠯᠴᠢᠨ ᠲᠠᠪᠠᠭ᠋ᠠᠢ ᠪᠣᠯᠣᠨ ᠳᠤᠯᠮᠠ | ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠠᠵᠢᠯᠴᠢ ᠬᠢᠴᠢᠶᠡᠩᠭᠦᠢ ᠪᠠᠷ ᠠᠵᠤ ᠲᠦᠷᠦᠨ᠂ ᠠᠵᠢᠯ ᠬᠦᠳᠡᠯᠮᠦᠷᠢ ᠪᠠᠷ ᠢᠶᠠᠨ ᠦᠭᠡᠳᠡ | ᠡᠰᠡᠷᠡᠭ᠂ ᠭᠡᠷ ᠪᠦᠯᠢ ᠨᠢ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠪᠣᠯᠪᠠᠴᠤ ᠬᠠᠷᠠᠬᠠᠨ ᠦᠪᠡᠷ ᠤᠨ ᠬᠡᠦᠬᠡᠳ ᠦᠭᠡᠢ ᠪᠠᠶᠢᠵᠤ᠂ | ︽ᠤᠯᠤᠰ ᠤᠨ ᠬᠡᠦᠬᠡᠳ︾ ᠢ ᠡᠷᠭᠦᠨ ᠲᠡᠵᠢᠭᠡᠬᠦ ᠱᠠᠭᠠᠷᠳᠠᠯᠭᠠ ᠳᠤ ᠨᠡᠶᠢᠴᠡᠵᠦ ᠪᠠᠶᠢᠪᠠ᠃ ᠬᠤᠪᠢ ᠢᠷᠦᠭᠡᠯ ᠠᠴᠠ | ᠪᠣᠯᠵᠤ᠂ 4 ᠨᠠᠰᠤᠲᠠᠢ ᠪᠠᠲᠤᠬᠦᠦ ᠪᠣᠯᠣᠨ 6 ᠨᠠᠰᠤᠲᠠᠢ ᠨᠠᠷᠠᠨᠴᠢᠮᠡᠭ ᠬᠤᠶᠠᠷ ᠲᠠᠪᠠᠭ᠋ᠠᠢ ᠪᠣᠯᠣᠨ ᠳᠤᠯᠮᠠ ᠶᠢᠨ | ᠦᠷᠡᠴᠢᠯᠡᠭᠰᠡᠨ ᠬᠡᠦᠬᠡᠳ ᠪᠣᠯᠪᠠ᠃ ᠪᠠᠭᠠ ᠨᠠᠰᠤᠨ ᠤ ᠠᠯᠢᠪᠠ ᠪᠦᠬᠦᠨ ᠨᠢ ᠨᠠᠷᠠᠨᠴᠢᠮᠡᠭ᠂ ᠪᠠᠲᠤᠬᠦᠦ ᠡᠭᠡᠴᠢ ᠳᠡᠭᠦᠦ | ᠬᠤᠶᠠᠷ ᠤᠨ ᠬᠠᠮᠤᠭ ᠤᠨ ᠨᠠᠨᠳᠢᠨ ᠳᠤᠷᠠᠳᠬᠠᠯ ᠨᠢ ᠪᠠᠶᠢᠯᠠ᠃ ︽ᠪᠠᠭᠠ ᠪᠠᠶᠢᠬᠤ ᠳᠤ ᠣᠳᠣ ᠶᠢᠨ ᠬᠢ ᠲᠠᠢ ᠠᠳᠠᠯᠢ | ᠦᠭᠡᠢ᠂ ᠠᠪᠤ ᠡᠵᠢ ᠬᠤᠶᠠᠷ ᠮᠠᠨᠢ ᠲᠡᠷᠡ ᠬᠤᠯᠠ ᠠᠴᠠ ᠬᠠᠰᠠᠭ ᠲᠡᠷᠭᠡᠨ ᠳᠤ ᠰᠠᠭᠤᠵᠤ ᠮᠠᠨᠵᠤᠤᠷ ᠲᠤ ᠬᠦᠷᠴᠦ᠂ | ᠳᠠᠬᠢᠨ ᠮᠠᠨᠵᠤᠤᠷ ᠠᠴᠠ ᠨᠢᠭᠡ ᠰᠦᠨᠢ ᠭᠠᠯᠲᠤ ᠲᠡᠷᠭᠡᠨ ᠳᠤ ᠰᠠᠭᠤᠭᠠᠳ ᠰᠠᠶ᠋ᠢ ᠬᠠᠶᠢᠯᠠᠷ ᠲᠤ ᠢᠷᠡᠵᠦ ᠪᠢᠯᠡ᠃ | ᠲᠡᠭᠡᠬᠦ ᠳᠤ ᠠᠪᠠᠭᠠ ᠡᠭᠡᠴᠢ ᠪᠢᠳᠡᠨ ᠢ ᠳᠠᠭᠠᠭᠤᠯᠤᠭᠠᠳ ᠠᠪᠤ ᠡᠵᠢ ᠬᠤᠶᠠᠷ ᠢ ᠮᠠᠨᠢ ᠬᠦᠯᠢᠶᠡᠵᠦ ᠪᠠᠶᠢᠪᠠ᠃ ᠠᠪᠤ ᠡᠵᠢ | ᠮᠠᠨᠢ ᠪᠢᠳᠡᠨ ᠢ ᠬᠠᠷᠠᠭᠠᠳ ᠦᠪᠡᠷ ᠤᠨ ᠬᠡᠦᠬᠡᠳ ᠲᠠᠢ ᠪᠣᠯᠣᠭᠰᠠᠨ ᠳᠠᠭᠠᠨ ᠪᠠᠶᠠᠷᠯᠠᠵᠤ᠂ ᠪᠠᠰᠠ ᠪᠢᠳᠡᠨ ᠤ ᠤᠴᠠᠷᠠᠯ ᠳᠤ | ᠵᠣᠪᠠᠵᠤ᠂ ᠶᠠᠩᠵᠤ ᠶᠢᠨ ᠰᠡᠳᠬᠢᠯᠭᠡ ᠳᠠᠪᠬᠤᠴᠠᠵᠤ ᠪᠠᠶᠢᠭᠰᠠᠨ ᠭᠡᠵᠦ ᠰᠡᠭᠦᠯ ᠳᠤ ᠶᠠᠷᠢᠵᠤ ᠪᠠᠶᠢᠭᠰᠠᠨ᠃ ᠲᠡᠷᠡ ᠬᠤᠶᠠᠷ | ᠦᠨᠦᠴᠢᠨ ᠬᠡᠦᠬᠡᠳ ᠤᠳ ᠢᠶᠠᠨ ᠬᠠᠶᠢᠯᠠᠷ ᠲᠤ ᠢᠷᠡᠭᠰᠡᠨ ᠢ ᠳᠤᠭᠤᠯᠵᠤ᠂ ᠮᠦᠨ ᠴᠤ ᠠᠪᠠᠭᠠ ᠡᠭᠡᠴᠢ ᠪᠠᠷ ᠪᠢᠳᠡᠨ ᠢ | ᠲᠣᠰᠤᠭᠤᠯᠵᠤ᠂ ᠪᠢᠳᠡᠨ ᠤ ᠢᠳᠡᠵᠦ ᠤᠤᠭᠤᠵᠤ ᠡᠮᠦᠰᠴᠦ ᠵᠡᠭᠦᠵᠦ ᠪᠠᠶᠢᠬᠤ ᠲᠠᠯᠠ ᠪᠠᠷ ᠬᠠᠯᠠᠮᠵᠢᠯᠠᠵᠤ᠂ | ᠢᠷᠡᠬᠦ ᠠᠴᠠ ᠪᠠᠨ ᠡᠮᠦᠨᠡ ᠬᠡᠳᠦᠨ ᠡᠳᠦᠷ ᠰᠠᠶᠢᠬᠠᠨ ᠤᠨᠲᠠᠵᠤ ᠴᠢᠳᠠᠭᠠ ᠦᠭᠡᠢ ᠭᠡᠳᠡᠭ᠃ ᠠᠪᠤ ᠡᠵᠢ ᠬᠤᠶᠠᠷ | ᠢᠷᠡᠳᠡᠭ ᠡᠳᠦᠷ ᠠᠪᠠᠭᠠ ᠡᠭᠡᠴᠢ 4 ᠨᠠᠰᠤᠲᠠᠢ ᠨᠠᠮᠠᠶᠢ ᠲᠡᠪᠡᠷᠢᠵᠦ᠂ 6 ᠨᠠᠰᠤᠲᠠᠢ ᠡᠭᠡᠴᠢ ᠶᠢ ᠮᠢᠨᠢ ᠬᠦᠲᠦᠯᠦᠭᠡᠳ | ᠠᠪᠤ ᠡᠵᠢ ᠬᠤᠶᠠᠷ ᠢ ᠬᠦᠯᠢᠶᠡᠵᠦ ᠪᠠᠶᠢᠭᠰᠠᠨ᠃ ᠠᠪᠤ ᠣᠷᠤᠵᠤ ᠢᠷᠡᠮᠡᠭᠴᠡ ᠡᠭᠡᠴᠢ ᠶᠢ ᠲᠡᠪᠡᠷᠢᠨ ᠠᠪᠴᠤ᠂ ᠡᠵᠢ ᠮᠢᠨᠢ | ᠨᠠᠮᠠᠶᠢ ᠬᠠᠯᠠᠭᠤᠨ ᠡᠯᠢᠭᠡᠨ ᠳᠡᠭᠡᠨ ᠲᠡᠪᠡᠷᠢᠵᠦ ᠠᠪᠤᠭᠰᠠᠨ᠃ ᠪᠢᠳᠡ ᠦᠭᠡ ᠬᠡᠯᠡ ᠨᠡᠪᠲᠡᠷᠡᠯᠴᠡᠬᠦ ᠦᠭᠡᠢ᠂ ᠲᠠᠨᠢᠯ ᠪᠣᠰᠤ | ᠣᠷᠴᠢᠨ ᠲᠣᠭᠤᠷᠢᠨ ᠳᠤ ᠢᠷᠡᠭᠡᠳ ᠭᠠᠶᠢᠬᠠᠵᠤ ᠪᠠᠶᠢᠭᠰᠠᠨ ᠴᠤ ᠬᠤᠶᠠᠷ ᠭᠠᠷ ᠢᠶᠠᠨ ᠳᠡᠯᠭᠡᠵᠦ᠂ ᠬᠠᠯᠠᠭᠤᠨ | ᠡᠯᠢᠭᠡᠨ ᠳᠡᠭᠡᠨ ᠪᠢᠳᠡᠨ ᠢ ᠨᠠᠭᠠᠯᠳᠤᠭᠤᠯᠤᠭᠰᠠᠨ ᠲᠡᠷᠡᠬᠡᠨ ᠮᠦᠴᠡ ᠶᠢ ᠬᠡᠵᠢᠶᠡ ᠴᠦ ᠮᠠᠷᠲᠠᠳᠠᠭ ᠦᠭᠡᠢ︾ ᠭᠡᠳ | ᠪᠠᠲᠤᠬᠦᠦ ᠶᠢᠨ ᠳᠠᠭᠤ ᠨᠢ ᠵᠠᠩᠭᠢᠷᠠᠵᠤ᠂ ᠨᠢᠳᠦᠨ ᠳᠤᠨᠢ ᠨᠢᠯᠪᠤᠰᠤ ᠡᠷᠭᠢᠯᠳᠦᠨᠡ᠃ | | | | ᠦᠷᠡᠴᠢᠯᠡᠭᠰᠡᠨ ᠠᠪᠤ ᠡᠵᠢ ᠨᠢ ᠲᠡᠷᠡ ᠬᠤᠶᠠᠷ ᠢ ᠦᠪᠡᠷ ᠠᠴᠠ ᠨᠢ ᠤᠨᠠᠭᠰᠠᠨ ᠮᠡᠲᠦ ᠬᠠᠶᠢᠷᠠᠯᠠᠵᠤ | ᠬᠠᠯᠠᠮᠵᠢᠯᠠᠭᠰᠠᠨ ᠢᠶᠠᠷ ᠲᠡᠷᠡ ᠬᠤᠶᠠᠷ ᠲᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠦᠪᠡᠷᠰᠡᠳ ᠢ ᠪᠠᠨ ᠦᠨᠦᠴᠢᠨ ᠬᠡᠦᠬᠡᠳ ᠤᠨ | ᠲᠤᠭᠠᠨ ᠠᠴᠠ ᠭᠠᠷᠭᠠᠵᠠᠢ᠃ | ᠨᠠᠷᠠᠨᠴᠢᠮᠡᠭ᠂ ᠪᠠᠲᠤᠬᠦᠦ ᠳᠤ ᠰᠢᠬᠢᠷ ᠪᠤᠷᠠᠮ᠂ ᠠᠯᠢᠮᠠ ᠵᠢᠮᠢᠰ ᠭᠡᠵᠦ ᠲᠤᠩ ᠬᠤᠪᠣᠷ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ | ᠲᠡᠭᠦᠨ ᠤ ᠠᠮᠢᠳᠤᠷᠠᠯ ᠬᠠᠶᠢᠷᠠ ᠪᠠᠷ ᠪᠢᠯᠬᠠᠵᠤ ᠪᠠᠶᠢᠯᠠ᠃ ᠵᠡᠷᠭᠡᠯᠡᠳᠡᠭᠡ ᠭᠡᠷ ᠤᠨ ᠠᠬᠠ ᠡᠭᠡᠴᠢ ᠨᠠᠷ ᠨᠢ ᠦᠷᠬᠦᠯᠵᠢ | ᠴᠠᠭᠠᠨ ᠰᠠᠷᠠ ᠪᠠᠷ ᠦᠯᠡᠳᠡᠭᠡᠭᠰᠡᠨ ᠬᠡᠳᠦᠨ ᠰᠢᠬᠢᠷ ᠢᠶᠠᠨ ᠲᠡᠷᠡ ᠡᠭᠡᠴᠢ ᠳᠡᠭᠦᠦ ᠬᠤᠶᠠᠷ ᠲᠠᠢ ᠬᠤᠪᠢᠶᠠᠯᠴᠠᠨᠠ᠃ | ᠪᠠᠰᠠ ᠬᠠᠮᠲᠤ ᠨᠠᠭᠠᠳᠴᠤ᠂ ᠬᠠᠮᠲᠤ ︽ᠬᠡᠷᠡᠭ ᠲᠠᠲᠠᠨᠠ︾᠃ ︽ᠡᠭᠡᠴᠢ ᠪᠢᠳᠡ ᠬᠤᠶᠠᠷ ᠶᠣᠰᠣᠲᠠᠢ ᠠᠵᠠ ᠲᠠᠢ | ᠬᠡᠦᠬᠡᠳ ᠤᠳ᠃ ᠠᠪᠤ ᠡᠵᠢ ᠬᠤᠶᠠᠷ ᠮᠠᠨᠢ ᠦᠷᠬᠦᠯᠵᠢ ᠨᠠᠮ ᠪᠠ ᠤᠯᠤᠰ ᠤᠨ ᠲᠦᠷᠥ ᠶᠢᠨ ᠪᠣᠳᠣᠯᠭᠠ ᠶᠢᠨ | ᠰᠠᠶᠢᠨ ᠢᠶᠠᠷ ᠪᠢᠳᠡ ᠬᠤᠶᠠᠷ ᠲᠠᠢ ᠤᠴᠠᠷᠠᠵᠤ᠂ ᠵᠠᠶᠠᠭᠠᠨ ᠤ ᠦᠷᠡ ᠲᠠᠢ ᠪᠣᠯᠵᠠᠢ ᠭᠡᠵᠦ ᠬᠡᠯᠡᠳᠡᠭ᠃ ᠣᠳᠤ ᠪᠢᠳᠡ | ᠪᠠᠰᠠ ᠨᠠᠮ ᠵᠠᠰᠠᠭ ᠤᠨ ᠬᠠᠯᠠᠮᠵᠢᠯᠠᠯ ᠢᠶᠠᠷ ᠵᠣᠯ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠵᠦ ᠶᠠᠪᠤᠨᠠ᠃ ᠡᠭᠡᠴᠢ ᠪᠢᠳᠡ ᠬᠤᠶᠠᠷ | ᠨᠠᠮ ᠪᠠ ᠤᠯᠤᠰ ᠣᠷᠣᠨ ᠳᠠᠭᠠᠨ ᠦᠨᠢ ᠡᠭᠦᠷᠢᠳᠡ ᠲᠠᠯᠠᠷᠬᠠᠵᠤ ᠶᠠᠪᠤᠨᠠ︾ ᠭᠡᠵᠦ ᠨᠠᠷᠠᠨᠴᠢᠮᠡᠭ ᠬᠡᠯᠡᠨᠡ᠃ ︽ᠪᠢ | ᠠᠷᠢᠯᠤᠭᠠᠴᠢ ᠪᠣᠯᠣᠭᠰᠠᠨ ᠡᠷᠭᠦᠯᠲᠡ ᠠᠪᠤ ᠡᠵᠢ ᠪᠠᠨ ᠦᠷᠬᠦᠯᠵᠢ ᠳᠤᠷᠠᠰᠳᠠᠭ᠃ ᠲᠡᠳᠡ ᠮᠢᠨᠤ ᠦᠨᠦᠴᠢᠷᠡᠭᠰᠡᠨ | ᠵᠢᠷᠦᠬᠡ ᠶᠢ ᠬᠠᠶᠢᠷᠠ ᠪᠠᠷ ᠢᠪᠡᠭᠡᠭᠰᠡᠨ᠃ ᠣᠳᠤ ᠪᠢᠳᠡ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠵᠦ ᠶᠠᠪᠤᠨᠠ᠃ ᠬᠡᠷᠪᠡ ᠠᠪᠤ | ᠡᠵᠢ ᠮᠢᠨᠢ ᠠᠮᠢᠳᠤ ᠪᠠᠶᠢᠭᠰᠠᠨ ᠪᠣᠯ ᠪᠢᠳᠡᠨ ᠤ ᠰᠠᠶᠢᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠢ ᠬᠠᠷᠠᠭᠠᠳ ᠶᠠᠭᠠᠬᠢᠵᠦ ᠪᠠᠶᠠᠷᠯᠠᠵᠤ | ᠶᠠᠪᠤᠬᠤ ᠪᠣᠯ ᠭᠡᠵᠦ ᠪᠢ ᠪᠣᠳᠣᠳᠠᠭ᠃ ᠡᠷᠭᠦᠯᠲᠡ ᠠᠪᠤ ᠡᠵᠢ ᠶᠢ ᠪᠠᠨ ᠠᠴᠢᠯᠠᠨ ᠵᠢᠷᠭᠠᠭᠠᠵᠤ ᠴᠢᠳᠠᠭᠠ ᠦᠭᠡᠢ ᠨᠢ | ᠡᠭᠡᠴᠢ ᠪᠢᠳᠡ ᠬᠤᠶᠠᠷ ᠤᠨ ᠨᠠᠰᠤᠨ ᠤ ᠬᠠᠷᠠᠮᠰᠠᠯ︾ ᠭᠡᠵᠦ ᠪᠠᠲᠤᠬᠦᠦ ᠠᠪᠤ ᠡᠵᠢ ᠲᠠᠢ ᠪᠠᠨ ᠲᠠᠲᠠᠭᠤᠯᠤᠭᠰᠠᠨ | ᠬᠠᠭᠤᠴᠢᠨ ᠭᠡᠷᠡᠯ ᠵᠢᠷᠤᠭ ᠭᠠᠷᠭᠠᠵᠤ ᠦᠵᠡᠭᠦᠯᠪᠡ᠃ ᠨᠠᠷᠠᠨᠴᠢᠮᠡᠭ᠂ ᠪᠠᠲᠤᠬᠦᠦ ᠬᠤᠶᠠᠷ ᠢ ᠦᠷᠡᠴᠢᠯᠡᠭᠰᠡᠨ ᠳᠠᠷᠠᠭᠠᠬᠠᠨ | ᠲᠠᠲᠠᠭᠤᠯᠤᠭᠰᠠᠨ ᠵᠢᠷᠤᠭ ᠰᠡᠭᠦᠳᠡᠷ ᠪᠠᠶᠢᠯᠠ᠃ ︽ᠠᠪᠤ ᠡᠵᠢ ᠮᠢᠨᠢ ᠦᠷᠡ ᠬᠡᠦᠬᠡᠳ ᠲᠠᠢ ᠪᠣᠯᠣᠯᠠ ᠭᠡᠵᠦ ᠪᠢᠳᠡᠨ ᠢ | ᠳᠠᠭᠠᠭᠤᠯᠵᠤ ᠰᠢᠨᠡ ᠳᠡᠪᠡᠯ ᠬᠢᠵᠦ ᠥᠭᠭᠦᠭᠡᠳ ᠭᠡᠷ ᠪᠦᠯᠢ ᠶᠢᠨ ᠬᠠᠮᠲᠤ ᠶᠢᠨ ᠰᠡᠭᠦᠳᠡᠷ ᠲᠠᠲᠠᠭᠤᠯᠤᠭᠰᠠᠨ ᠨᠢ ᠡᠨᠡ︾ | ᠭᠡᠵᠦ ᠰᠡᠭᠦᠳᠡᠷ ᠢᠶᠠᠨ ᠬᠠᠷᠠᠭᠤᠯᠤᠯᠠ᠃ ᠨᠠᠷᠠᠨᠴᠢᠮᠡᠭ ᠪᠠᠲᠤᠬᠦᠦ ᠶᠢᠨ ᠠᠪᠤ ᠡᠵᠢ ᠬᠤᠶᠠᠷ ᠨᠢ ᠲᠡᠷᠡ ᠬᠤᠶᠠᠷ ᠢ ᠲᠡᠪᠡᠷᠢᠨ | ᠰᠠᠭᠤᠵᠤ᠂ ᠭᠠᠷ ᠢ ᠨᠢ ᠴᠢᠩᠭᠠ ᠠᠳᠬᠤᠨ ᠲᠠᠲᠠᠭᠤᠯᠤᠭᠰᠠᠨ ᠰᠡᠭᠦᠳᠡᠷ ᠠᠴᠠ ᠠᠪᠤ ᠡᠵᠢ ᠶᠢᠨ ᠬᠢᠨᠢ ᠪᠠᠶᠠᠷᠯᠠᠵᠤ | ᠳᠣᠭᠲᠣᠯᠣᠭᠰᠠᠨ ᠰᠡᠳᠬᠢᠯ ᠲᠣᠳᠣ ᠠᠴᠠ ᠲᠣᠳᠣ᠁ | | — ᠠᠪᠤ ᠡᠵᠢ ᠬᠤᠶᠠᠷ ᠮᠠᠨᠢ ᠨᠠᠰᠤ ᠪᠠᠷ ᠢᠶᠠᠨ ᠠᠵᠢᠯᠴᠢ ᠠᠷᠪᠢᠴᠢ ᠪᠠᠷ ᠠᠵᠤ ᠲᠦᠷᠦᠵᠦ᠂ ᠡᠭᠡᠴᠢ ᠪᠢᠳᠡ | ᠬᠤᠶᠠᠷ ᠲᠤ ᠪᠡᠶᠡ ᠪᠠᠷ ᠢᠶᠠᠨ ᠬᠡᠪ ᠳᠦᠷᠢᠮ ᠪᠣᠯᠵᠤ ᠮᠠᠰᠢ ᠣᠯᠠᠨ ᠶᠣᠰᠤ ᠤᠴᠢᠷ ᠢ ᠵᠢᠭᠠᠵᠤ ᠦᠭᠭᠦᠭᠰᠡᠨ᠃ ᠣᠳᠤ | ᠪᠢᠳᠡ ᠬᠤᠶᠠᠷ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠨᠤᠲᠤᠭ ᠲᠤ ᠠᠮᠤᠷ ᠰᠠᠶᠢᠬᠠᠨ ᠠᠵᠤ ᠲᠦᠷᠦᠵᠦ ᠪᠠᠶᠢᠨᠠ᠃ ᠡᠭᠡᠴᠢ ᠪᠢᠳᠡ | ᠬᠤᠶᠠᠷ ᠡᠨᠡ ᠰᠠᠶᠢᠬᠠᠨ ᠨᠤᠲᠤᠭ᠂ ᠲᠡᠷᠡ ᠰᠠᠶᠢᠬᠠᠨ ᠠᠪᠤ ᠡᠵᠢ ᠶᠢᠨ ᠦᠷᠡ ᠨᠢ ᠪᠣᠯᠵᠤ ᠪᠣᠶᠢᠵᠢᠭᠰᠠᠨ ᠨᠢ ᠪᠢᠳᠡ | ᠬᠤᠶᠠᠷ ᠤᠨ ᠡᠨᠡ ᠨᠠᠰᠤᠨ ᠤ ᠬᠠᠮᠤᠭ ᠤᠨ ᠶᠡᠭᠡ ᠠᠵᠠ ᠵᠠᠪᠰᠢᠶᠠᠨ ᠭᠡᠬᠦ ᠳᠤ ᠪᠠᠲᠤᠬᠦᠦ ᠶᠢᠨ ᠰᠡᠳᠬᠢᠯ ᠨᠢ | ᠳᠣᠭᠳᠣᠯᠣᠩᠬᠠᠨ ᠪᠠᠶᠢᠯᠠ᠃ ᠣᠳᠤ ᠨᠠᠷᠠᠨᠴᠢᠮᠡᠭ ᠪᠠᠲᠤᠬᠦᠦ ᠡᠭᠡᠴᠢ ᠳᠡᠭᠦᠦ ᠬᠤᠶᠠᠭᠤᠯᠠ ᠪᠠᠨ ᠴᠦᠮ ᠮᠠᠯ ᠮᠠᠯᠵᠢᠵᠤ᠂ | ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠰᠤᠷᠭᠠᠯ ᠵᠠᠬᠢᠶᠠ ᠶᠢ ᠡᠷᠬᠢᠮᠯᠡᠨ ᠳᠠᠭᠠᠵᠤ ᠶᠠᠪᠤᠨᠠ᠃ ᠲᠡᠷᠡ ᠬᠤᠶᠠᠷ ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ | ᠦᠰᠴᠦ ᠪᠣᠶᠢᠵᠢᠭᠤᠯᠤᠭᠰᠠᠨ ᠡᠨᠡ ᠬᠦ ᠨᠤᠲᠤᠭ ᠤᠰᠤᠨ ᠢᠶᠠᠨ ᠳᠡᠭᠡᠳᠦᠯᠡᠨ ᠵᠢᠷᠭᠠᠬᠤ ᠪᠣᠯᠣᠨᠠ᠃ | | ᠨᠢᠯᠬᠠ ᠪᠠᠭᠠ ᠳᠠᠭᠠᠨ ᠬᠠᠭᠠᠴᠠᠬᠤ ᠶᠢᠨ ᠵᠣᠪᠠᠯᠠᠩ ᠠᠮᠰᠠᠭᠰᠠᠨ ᠴᠦ ᠨᠠᠮ ᠵᠠᠰᠠᠭ ᠤᠨ ᠬᠠᠯᠠᠮᠵᠢᠯᠠᠯ ᠳᠣᠣᠷᠠ | ᠲᠠᠯᠠ ᠨᠤᠲᠤᠭ ᠲᠤ ᠬᠥᠯ ᠭᠢᠰᠬᠢᠵᠦ᠂ ᠮᠠᠯᠴᠢᠨ ᠠᠪᠤ ᠡᠵᠢ ᠶᠢᠨ ᠡᠩ ᠦᠭᠡᠢ ᠶᠡᠭᠡ ᠬᠠᠶᠢᠷᠠ ᠶᠢᠨ ᠳᠣᠣᠷᠠ ᠦᠰᠦᠨ | ᠪᠣᠶᠢᠵᠢᠭᠰᠠᠨ ᠲᠡᠳᠡ ᠪᠣᠯ ︽ᠤᠯᠤᠰ ᠤᠨ ᠬᠡᠦᠬᠡᠳ︾᠂ ᠨᠡᠩ ᠴᠦ ᠲᠠᠯᠠ ᠨᠤᠲᠤᠭ ᠤᠨ ᠦᠬᠢᠳ ᠬᠦᠪᠡᠭᠦᠳ ᠶᠤᠮ᠁ | | | | ᠰᠤᠷᠪᠤᠯᠵᠢᠯᠠᠭᠴᠢ ᠪᠦᠷᠢᠨᠲᠣᠭᠲᠠᠬᠤ | ᠴᠢᠮᠡᠭᠡᠯᠡᠭᠴᠢ ᠤᠶᠠᠩᠭᠠ | | |