ᠫᠠᠭᠪᠠ ︵1235 ~ 1280︶ ᠪᠣᠯ ᠲᠥᠪᠡᠳ ᠤᠨ ᠪᠤᠷᠬᠠᠨ ᠱᠠᠰᠢᠨ ᠤ ᠰᠠᠵᠠ ᠶᠢᠨ ᠶᠣᠰᠣᠨ ᠤ ᠲᠠᠪᠤᠳᠤᠭᠠᠷ ᠦᠶᠡ ᠶᠢᠨ ᠪᠣᠭᠳᠠ᠂ ᠲᠠᠶᠢᠶᠤᠸᠠᠨ | ᠤᠯᠤᠰ ᠤᠨ ᠬᠠᠭᠠᠨ ᠤ ᠪᠠᠭᠰᠢ᠂ ᠲᠦᠷᠪᠡᠯᠵᠢᠨ ᠦᠰᠦᠭ ᠢ ᠵᠣᠬᠢᠶᠠᠭᠰᠠᠨ ᠬᠦᠮᠦᠨ᠃ ᠲᠡᠷᠡ ᠪᠠᠷ ᠲᠥᠪᠡᠳ ᠤᠨ ᠲᠣᠭᠠᠯᠠᠯ ᠢᠶᠠᠷ ᠳᠦᠳᠦᠭᠡᠷ ᠰᠠᠶᠢᠲᠤᠷ | ᠭᠠᠷᠤᠭᠰᠠᠨ ᠤ ᠡᠮᠡ ᠮᠣᠳᠤᠨ ᠬᠤᠨᠢᠨ ᠵᠢᠯ ︵1235︶ ᠲᠥᠪᠡᠳ ᠤᠨ ᠺᠤᠨ ᠣᠪᠣᠭ ᠲᠠᠢ ᠰᠤᠷᠪᠤᠯᠵᠢᠲᠤ ᠭᠡᠷ ᠲᠤ ᠲᠦᠷᠦᠵᠡᠢ᠃ ︽ᠫᠠᠭᠪᠠ ᠯᠠᠮᠠ ᠶᠢᠨ | ᠲᠤᠭᠤᠵᠢ︾ ᠳᠤ ︽ᠫᠠᠭᠪᠠ ᠠᠨᠤ ᠡᠴᠢᠭᠡ ᠶᠢᠨ ᠲᠠᠪᠢᠨ ᠬᠤᠶᠠᠳᠤᠭᠠᠷ ᠮᠣᠳᠤᠨ ᠵᠢᠯ ᠤᠨ ᠭᠤᠷᠪᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠵᠢᠷᠭᠤᠭᠠᠨᠠ ᠪᠠᠷᠠᠭᠤᠨ ᠮᠤᠵᠢ | ᠡᠬ᠋ᠭᠮᠷᠢᠩ ᠳᠠᠬᠢ ᠯᠤᠳ ᠤᠨ ᠨᠦᠬᠡ ᠭᠡᠮᠡᠬᠦ ᠣᠷᠣᠨᠠ ᠭᠡᠶᠢᠭᠰᠡᠨ ᠪᠤᠯᠠᠢ︾ ᠭᠡᠵᠡᠢ᠃ ᠲᠡᠭᠦᠨ ᠤ ᠡᠴᠢᠭᠡ ᠨᠢ ᠰᠡᠵᠡ ᠪᠠᠨᠳᠢᠳᠠ ᠭᠦᠩᠭᠠᠵᠠᠯᠰᠠᠨ ᠤ ᠳᠡᠭᠦᠦ | ᠰᠤᠳᠨᠠᠮᠵᠠᠯᠰᠠᠨ ᠭᠡᠳᠡᠭ᠃ ᠰᠡᠵᠡ ᠪᠠᠨᠳᠢᠳᠠ ᠭᠦᠩᠭᠠᠵᠠᠯᠰᠠᠨ ᠢ ᠳᠠᠭᠠᠵᠦ ᠯᠢᠶᠠᠩᠵᠸᠦ ᠳᠤ ᠢᠷᠡᠭᠰᠡᠨ ᠴᠠᠬᠨᠠᠳᠣᠷᠵᠢ ᠪᠣᠯ ᠫᠠᠭᠪᠠ ᠶᠢᠨ ᠲᠦᠷᠦᠭᠰᠡᠨ ᠳᠡᠭᠦᠦ ᠶᠤᠮ᠃ | ᠫᠠᠭᠪᠠ ᠶᠢᠨ ᠵᠢᠩᠬᠢᠨᠢ ᠨᠡᠷᠡ ᠨᠢ ᠯᠣᠷᠣᠶᠢᠵᠠᠯᠰᠠᠨ ᠭᠡᠳᠡᠭ᠃ ᠫᠠᠭᠪᠠ ᠯᠠᠮᠠ ᠪᠣᠯ ᠨᠢᠯᠬᠠ ᠪᠠᠭᠠ ᠠᠴᠠ ᠪᠠᠨ ᠣᠨᠴᠠ ᠰᠡᠴᠡᠨ ᠰᠡᠷᠭᠦᠯᠡᠩ ᠬᠡᠦᠬᠡᠳ ᠪᠠᠶᠢᠵᠠᠢ᠃ ︽ | ᠲᠡᠨᠳᠡᠴᠡ ᠭᠤᠷᠪᠠᠨ ᠨᠠᠰᠣᠨ ᠳᠤ ᠪᠠᠨ ᠮᠲᠱᠾᠤ᠋ ᠰᠺᠶᠧᠰ ᠨᠡᠷᠡᠲᠦ ᠪᠦᠲᠦᠭᠡᠯ ᠤᠨ ᠠᠷᠭᠠ ᠶᠢ ᠴᠡᠭᠡᠵᠢ ᠪᠠᠷ ᠨᠣᠮᠯᠠᠭᠰᠠᠨ ᠢᠶᠠᠷ ᠪᠦᠭᠦᠳᠡ ᠭᠠᠶᠢᠬᠠᠯᠳᠤᠵᠦ᠂ ︿ᠡᠨᠡ | ᠭᠡᠪᠡᠰᠦ ᠮᠠᠭᠠᠳ ᠨᠢᠭᠡᠨ ᠬᠤᠳᠤᠭ ᠲᠤ ᠫᠠᠭᠪᠠ ᠠᠵᠤᠭᠤ﹀ ᠭᠡᠮᠡᠯᠳᠦᠭᠰᠡᠨ ᠢᠶᠠᠷ ᠲᠡᠭᠦᠨ ᠠᠴᠠ ᠬᠤᠶᠢᠨᠠᠭᠰᠢ ︿ᠫᠠᠭᠪᠠ﹀ ᠭᠡᠮᠡᠬᠦ ᠴᠣᠯᠠ ᠤᠬᠤᠬᠠᠲ᠋ᠠ ᠠᠯᠳᠠᠷᠰᠢᠭᠰᠠᠨ | ᠪᠤᠯᠠᠢ︾ ᠭᠡᠵᠦ ︽ᠫᠠᠭᠪᠠ ᠯᠠᠮᠠ ᠶᠢᠨ ᠲᠤᠭᠤᠵᠢ︾ ᠳᠤ ᠲᠡᠮᠳᠡᠭᠯᠡᠵᠦ ᠪᠤᠢ᠃ | ᠫᠠᠭᠪᠠ ᠭᠡᠳᠡᠭ ᠨᠢ ᠲᠥᠪᠡᠳ ᠢᠶᠠᠷ ᠬᠤᠲᠤᠭᠲᠤ ᠭᠡᠰᠡᠨ ᠤᠳᠬᠠ ᠲᠠᠢ ᠦᠭᠡ᠃ ᠫᠠᠭᠪᠠ ᠶᠢᠨ ᠨᠢᠭᠡ ᠨᠠᠰᠤᠨ ᠤ ᠦᠢᠯᠡ ᠠᠮᠢᠳᠤᠷᠠᠯ ᠨᠢ 13 ᠳ᠋ᠤᠭᠠᠷ | ᠵᠠᠭᠤᠨ ᠤ ᠰᠡᠭᠦᠯ ᠤᠨ ᠬᠠᠭᠠᠰ ᠤᠨ ᠮᠣᠩᠭᠤᠯᠴᠤᠳ ᠤᠨ ᠤᠯᠤᠰ ᠲᠥᠷᠥ᠂ ᠱᠠᠰᠢᠨ᠂ ᠰᠣᠶᠣᠯ ᠲᠠᠢ ᠰᠢᠭᠤᠳ ᠬᠤᠯᠪᠣᠭᠠ ᠲᠠᠢ ᠶᠤᠮ᠃ ᠭᠦᠳᠡᠨ ᠨᠣᠶᠠᠨ ᠤ | ᠳᠠᠭᠤᠳᠠᠯᠭᠠ ᠪᠠᠷ 1246 ᠣᠨ ᠳᠤ ᠰᠡᠵᠡ ᠪᠠᠨᠳᠢᠳᠠ ᠭᠦᠩᠭᠠᠵᠠᠯᠰᠠᠨ ᠯᠢᠶᠠᠩᠵᠸᠦ ᠶᠢᠨ ᠭᠠᠵᠠᠷ ᠬᠦᠷᠴᠦ ᠢᠷᠡᠬᠦ ᠳᠤ ᠫᠠᠭᠪᠠ ᠪᠠᠷᠠ ᠪᠣᠯᠵᠤ ᠢᠷᠡᠪᠡ᠃ ᠳᠠᠷᠠᠭᠠ | ᠵᠢᠯ ᠨᠢ 1247 ᠣᠨ ᠤ ᠴᠠᠭᠠᠨ ᠰᠠᠷᠠ ᠳᠤ ᠭᠦᠳᠠᠨ ᠨᠣᠶᠠᠨ ᠤᠮᠠᠷᠠ ᠠᠴᠠ ᠪᠤᠴᠠᠵᠤ ᠢᠷᠡᠭᠡᠳ ᠭᠦᠩᠭᠠᠵᠠᠯᠰᠠᠨ ᠢ ᠠᠪᠴᠣ ᠠᠭᠤᠯᠵᠠᠬᠤ ᠳᠤ ᠫᠠᠭᠪᠠ | ᠪᠠᠶᠢᠯᠴᠠᠭᠰᠠᠨ ᠪᠦᠭᠡᠳ ᠰᠠᠶ᠋ᠢ 13 ᠨᠠᠰᠤᠲᠠᠢ ᠪᠠᠶᠢᠪᠠ᠃ ᠡᠨᠡ ᠥᠶᠡ ᠠᠴᠠ ᠡᠬᠢᠯᠡᠭᠡᠳ᠂ 1280 ᠣᠨ ᠳᠤ 45 ᠨᠠᠰᠤᠲᠠᠢ ᠨᠠᠰᠤ ᠪᠠᠷᠠᠲᠠᠯᠠ ᠲᠡᠷᠡ ᠪᠠᠷ | ᠮᠣᠩᠭᠤᠯ ᠶᠡᠭᠡ ᠭᠦᠷᠦᠨ ᠪᠠ ᠲᠠᠶᠢᠶᠤᠸᠠᠨ ᠤᠯᠤᠰ ᠤᠨ ᠲᠥᠷᠥ ᠱᠠᠰᠢᠨ ᠬᠤᠶᠠᠷ ᠲᠠᠢ ᠨᠢᠭᠲᠠ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠵᠠᠢ᠃ | ᠫᠠᠭᠪᠠ ᠯᠢᠶᠠᠩᠵᠸᠦ ᠳᠤ ᠢᠷᠡᠭᠰᠡᠨ ᠤ ᠪᠠᠨ ᠳᠠᠷᠠᠭᠠ ᠵᠢᠯ ᠠᠴᠠ ᠶᠡᠭᠡ ᠠᠪᠠᠭᠠ ᠭᠦᠩᠭᠠᠵᠠᠯᠰᠠᠨ ᠠᠴᠠ ᠪᠠᠨ ᠴᠢᠨᠠᠭᠰᠢ ᠰᠡᠵᠡ ᠶᠢᠨ ᠶᠣᠰᠤᠨ ᠤ ᠨᠢᠭᠤᠴᠠ | ᠣᠪᠢᠳᠠᠰ ᠪᠠ ᠲᠠᠪᠤᠨ ᠤᠬᠠᠭᠠᠨ ᠢ ᠰᠤᠷᠪᠠ᠃ ᠮᠣᠩᠭᠤᠯ ᠤᠨ ᠳᠡᠭᠡᠳᠦ ᠳᠠᠪᠬᠤᠷᠭᠠᠲᠠᠨ ᠲᠠᠢ ᠠᠭᠤᠯᠵᠠᠵᠦ ᠣᠶᠢᠷᠠᠳᠬᠤ ᠶᠠᠪᠤᠴᠠ ᠳᠤ ᠮᠣᠩᠭᠤᠯ᠂ ᠬᠢᠲᠠᠳ᠂ | ᠲᠥᠪᠡᠳ ᠭᠤᠷᠪᠠᠨ ᠦᠨᠳᠦᠰᠦᠲᠡᠨ ᠤ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠬᠤᠯᠪᠣᠭᠠ᠂ ᠲᠤᠬᠠᠢ ᠶᠢᠨ ᠥᠶᠡ ᠶᠢᠨ ᠴᠠᠭ ᠤᠨ ᠪᠠᠶᠢᠳᠠᠯ ᠶᠢ ᠪᠠᠰᠠ ᠨᠡᠯᠢᠶᠡᠳ ᠣᠶᠢᠯᠠᠭᠠᠵᠦ | ᠮᠡᠳᠡᠬᠦ ᠪᠣᠯᠵᠠᠢ᠃ 1251 ᠣᠨ ᠳᠤ ᠭᠦᠩᠭᠠᠵᠠᠯᠰᠠᠨ ᠪᠣᠯᠣᠨ ᠭᠦᠲᠠᠨ ᠨᠣᠶᠠᠨ ᠪᠦᠷ ᠨᠠᠰᠤ ᠨᠦᠭᠴᠢᠪᠡ᠃ ᠰᠡᠵᠡ ᠪᠠᠨᠳᠢᠳᠠ ᠭᠦᠩᠭᠠᠵᠠᠯᠰᠠᠨ ᠨᠠᠰᠤ | ᠨᠥᠭᠴᠢᠬᠦ ᠠᠴᠠ ᠪᠠᠨ ᠡᠮᠦᠨᠡ ᠫᠠᠭᠪᠠ ᠯᠠᠮᠠ ᠳᠤ ︽ᠱᠠᠰᠢᠨ ᠤ ᠦᠬᠦᠷᠭᠡ ᠶᠢ ᠦᠬᠦᠷᠡᠵᠦ ᠴᠢᠳᠠᠬᠤ ᠭᠡᠮᠡᠨ ᠠᠶᠢᠯᠠᠳᠴᠤ ᠨᠣᠮ ᠤᠨ ᠯᠠᠪᠠᠢ ᠬᠢᠭᠡᠳ ᠪᠠᠳᠢᠷ ᠠᠶᠠᠭᠠ | ᠲᠡᠷᠢᠭᠦᠲᠡᠨ ᠢᠶᠠᠨ ᠰᠣᠶᠣᠷᠬᠠᠵᠦ︾᠂ ︽ᠱᠠᠰᠢᠨ ᠢ ᠲᠤᠰᠢᠶᠠᠭᠰᠠᠨ ᠪᠤᠯᠠᠢ︾ ᠭᠡᠵᠦ ︽ᠫᠠᠭᠪᠠ ᠯᠠᠮᠠ ᠶᠢᠨ ᠲᠤᠭᠤᠵᠢ︾ ᠲᠤ ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠲᠡᠷᠡ ᠵᠢᠯ ᠫᠠᠭᠪᠠ | 17 ᠨᠠᠰᠤᠲᠠᠢ ᠪᠠᠶᠢᠪᠠ᠃ ᠡᠨᠡ ᠦᠶᠡ ᠠᠴᠠ ᠡᠬᠢᠯᠡᠵᠦ ᠫᠠᠭᠪᠠ ᠯᠠᠮᠠ ᠰᠡᠵᠡ ᠶᠢᠨ ᠶᠣᠰᠤᠨ ᠤ ᠲᠦᠷᠦᠭᠦᠦ ᠯᠠᠮᠠ ᠶᠢᠨ ᠬᠤᠪᠢ ᠪᠠᠷ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ | ᠬᠠᠭᠠᠨ᠂ ᠨᠣᠶᠠᠳ ᠲᠠᠢ ᠠᠭᠤᠯᠵᠠᠵᠦ ᠲᠥᠷᠥ ᠱᠠᠰᠢᠨ ᠤ ᠶᠠᠪᠤᠳᠠᠯ ᠢ ᠵᠦᠪᠳᠡᠯᠴᠡᠬᠦ ᠪᠣᠯᠪᠠ᠃ ᠶᠠᠭᠤᠨ ᠤ ᠡᠮᠦᠨᠡ 1251 ᠣᠨ ᠳᠤ ᠬᠤᠪᠢᠯᠠᠢ ᠴᠡᠷᠢᠭ ᠳᠠᠶᠢᠴᠢᠯᠠᠨ | ᠪᠠᠷᠠᠭᠤᠨ ᠡᠮᠦᠨᠡᠰᠢ ᠣᠷᠣᠵᠦ ᠯᠢᠦ ᠫᠠᠨ ᠱᠠᠨ ᠠᠭᠤᠯᠠᠨ ᠳᠤ ᠬᠦᠷᠦᠭᠡᠳ ᠭᠦᠳᠠᠨ ᠨᠣᠶᠠᠨ ᠤ ᠳᠡᠷᠭᠡᠳᠡ ᠡᠯᠴᠢ ᠲᠣᠮᠢᠯᠠᠨ ᠰᠡᠵᠡ ᠪᠠᠨᠳᠢᠳᠠ ᠭᠦᠩᠭᠠᠵᠠᠯᠰᠠᠨ ᠢ | ᠵᠠᠯᠠᠭᠰᠠᠨ ᠪᠣᠯᠪᠠᠴᠣ ᠭᠦᠩᠭᠠᠵᠠᠯᠰᠠᠨ ᠨᠠᠰᠤ ᠦᠨᠳᠦᠷ ᠪᠡᠶᠡ ᠮᠠᠭᠤ ᠪᠠᠶᠢᠭᠰᠠᠨ ᠤᠴᠢᠷ ᠫᠠᠭᠪᠠ ᠶᠢ ᠣᠷᠣᠨ ᠳᠠᠭᠠᠨ ᠶᠠᠪᠤᠭᠤᠯᠪᠠ᠃ ᠢᠩᠭᠢᠭᠡᠳ ᠫᠠᠭᠪᠠ ᠯᠠᠮᠠ | ᠬᠤᠪᠢᠯᠠᠢ ᠲᠠᠢ ᠠᠩᠬᠠᠳᠤᠭᠠᠷ ᠤᠳᠠᠭᠠ ᠠᠭᠤᠯᠵᠠᠭᠰᠠᠨ ᠪᠠᠶᠢᠨᠠ᠃ ᠳᠠᠷᠠᠭᠠ ᠨᠢ 1253 ᠣᠨ ᠳᠤ ᠫᠠᠭᠪᠠ ᠯᠠᠮᠠ ᠬᠤᠪᠢᠯᠠᠢ ᠲᠠᠢ ᠬᠤᠶᠠᠳᠠᠬᠢ ᠤᠳᠠᠭᠠ ᠪᠠᠨ | ᠠᠭᠤᠯᠵᠠᠬᠤ ᠳᠤ ᠬᠤᠪᠢᠯᠠᠢ ᠪᠡᠶᠡ ᠪᠠᠷ ᠢᠶᠠᠨ ᠲᠡᠷᠢᠭᠦᠯᠡᠨ 25 ᠬᠦᠮᠦᠨ ᠡᠾᠢ ᠸᠠᠵᠷᠠ ᠶᠢᠨ ᠠᠪᠢᠰᠢᠭ ᠠᠪᠴᠤ ᠲᠥᠪᠡᠳ ᠤᠨ ᠪᠤᠷᠬᠠᠨ ᠱᠠᠰᠢᠨ ᠤ ᠶᠣᠰᠣᠨ ᠳᠤ | ᠬᠦᠨᠳᠦᠯᠡᠯ ᠭᠦᠢᠴᠡᠳᠭᠡᠪᠡ᠃ | 1257 ᠣᠨ ᠳᠤ᠂ ᠮᠦᠩᠬᠡ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠪᠤᠷᠬᠠᠨ ᠪᠠ ᠪᠤᠮᠪᠤ ᠶᠢᠨ ᠬᠤᠶᠠᠷ ᠱᠠᠰᠢᠨ ᠤ ᠮᠡᠯᠵᠢᠶᠡ ᠶᠢ ᠱᠠᠩᠳᠤ ᠬᠤᠲᠠ ᠳᠤ ᠬᠤᠪᠢᠯᠠᠢ ᠵᠣᠬᠢᠶᠠᠨ | ᠪᠠᠶᠢᠭᠤᠯᠤᠨ ᠶᠠᠪᠤᠭᠤᠯᠤᠭᠰᠠᠨ ᠳᠤ ᠪᠤᠷᠬᠠᠨ ᠱᠠᠰᠢᠨ ᠤ ᠲᠠᠯᠠ ᠢᠯᠠᠪᠠ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ᠂ ᠪᠤᠷᠬᠠᠨ ᠱᠠᠰᠢᠨ᠂ ᠪᠤᠮᠪᠤ ᠶᠢᠨ ᠱᠠᠰᠢᠨ᠂ ᠡᠾᠷᠢᠰᠲ᠋ᠤᠰ ᠤᠨ | ᠱᠠᠰᠢᠨ᠂ ᠢᠰᠯᠠᠮ ᠤᠨ ᠱᠠᠰᠢᠨ ᠵᠡᠷᠭᠡ ᠣᠯᠠᠨ ᠱᠠᠰᠢᠨ ᠤ ᠳᠤᠮᠳᠠ ᠠᠴᠠ ᠪᠤᠷᠬᠠᠨ ᠱᠠᠰᠢᠨ ᠲᠡᠷᠢᠭᠦᠨ ᠪᠠᠶᠢᠷᠢ ᠳᠤ ᠣᠷᠣᠬᠤ ᠪᠣᠯᠵᠠᠢ᠃ ᠡᠨᠡ ᠤᠳᠠᠭᠠᠨ ᠳᠤ | ᠮᠡᠯᠵᠢᠶᠡᠨ ᠳᠤ ᠫᠠᠭᠪᠠ ᠯᠠᠮᠠ ᠣᠷᠤᠯᠴᠠᠭᠰᠠᠨ ᠶᠤᠮ᠃ | 1260 ᠣᠨ ᠳᠤ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠬᠠᠭᠠᠨ ᠤ ᠰᠠᠭᠤᠷᠢ ᠶᠢ ᠬᠤᠪᠢᠯᠠᠢ ᠵᠠᠯᠭᠠᠮᠵᠢᠯᠠᠪᠠ᠃ ᠡᠨᠡ ᠦᠶᠡ ᠠᠴᠠ ᠪᠤᠷᠬᠠᠨ ᠱᠠᠰᠢᠨ ᠤ ᠨᠡᠷᠡ ᠬᠦᠨᠳᠦ᠂ | ᠪᠠᠶᠢᠷᠢ ᠰᠠᠭᠤᠷᠢ ᠪᠦᠷ ᠦᠨᠳᠦᠷ ᠪᠣᠯᠢᠵᠦ᠂ ᠫᠠᠭᠪᠠ ᠯᠠᠮᠠ ᠳᠤ ᠤᠯᠤᠰ ᠤᠨ ᠭᠦᠦᠰᠢ ᠴᠣᠯᠠ ᠦᠭᠴᠦ᠂ ᠬᠠᠰ ᠲᠠᠮᠠᠭᠠ ᠭᠠᠷᠳᠠᠭᠤᠯᠵᠠᠢ᠃ ᠡᠭᠦᠨ ᠢᠶᠠᠷ ᠦᠯᠦ ᠪᠠᠷᠠᠮ | ᠂ ᠦᠢ ᠼᠠᠩ ᠤᠨ ᠲᠥᠷᠥ ᠱᠠᠰᠢᠨ ᠤ ᠬᠠᠮᠤᠭ ᠤᠨ ᠳᠡᠭᠡᠳᠦ ᠡᠷᠬᠡ ᠶᠢ ᠫᠠᠭᠪᠠ ᠯᠠᠮᠠ ᠳᠤ ᠲᠤᠰᠢᠶᠠᠵᠦ᠂ ᠲᠥᠪᠡᠳ ᠤᠨ ᠣᠷᠣᠨ ᠨᠤᠲᠤᠭ ᠲᠤ ᠲᠥᠷᠥ ᠪᠠ ᠱᠠᠰᠢᠨ ᠢ | ᠬᠤᠣᠰᠯᠠᠭᠰᠠᠨ ᠵᠠᠰᠠᠭ ᠢ ᠠᠩᠬᠠ ᠪᠠᠶᠢᠭᠤᠯᠪᠠ᠃ | 1264 ᠣᠨ ᠳᠤ ᠬᠤᠪᠢᠯᠠᠢ ᠨᠡᠶᠢᠰᠯᠡᠯ ᠢᠶᠠᠨ ᠳᠠᠶᠢᠳᠤ ᠬᠤᠲᠠ ᠳᠤ ᠰᠢᠯᠵᠢᠭᠦᠯᠵᠦ᠂ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠲᠥᠪ ᠤᠨ ᠪᠠᠶᠢᠭᠤᠯᠭᠠ ᠳᠤ ᠽᠦᠩ ᠵᠢᠢ | ᠶᠤᠸᠠᠨ ᠭᠡᠮᠡᠬᠦ ᠪᠤᠷᠬᠠᠨ ᠱᠠᠰᠢᠨ ᠤ ᠲᠣᠶᠢᠳ ᠪᠠ ᠲᠥᠪᠡᠳ ᠤᠨ ᠶᠠᠪᠤᠳᠠᠯ ᠢ ᠮᠡᠳᠡᠬᠦ ᠶᠠᠮᠤᠨ ᠪᠠᠶᠢᠭᠤᠯᠬᠤ ᠳᠤ ᠪᠠᠨ ᠲᠤᠰ ᠪᠠᠶᠢᠭᠤᠯᠭᠠ ᠶᠢᠨ ᠡᠷᠬᠡ ᠮᠡᠳᠡᠯ ᠢ | ᠫᠠᠭᠪᠠ ᠳᠤ ᠲᠤᠰᠢᠶᠠᠪᠠ᠃ 1288 ᠣᠨ ᠳᠤ ᠲᠤᠰ ᠪᠠᠶᠢᠭᠤᠯᠭᠠ ᠶᠢ ᠰᠢᠤᠸᠠᠨ ᠵᠧᠩ ᠶᠤᠸᠠᠨ ᠪᠣᠯᠭᠠᠪᠠ᠃ | 1265 ᠣᠨ ᠳᠤ᠂ ᠫᠠᠭᠪᠠ ᠯᠠᠮᠠ ᠲᠥᠪᠡᠳ ᠤᠨ ᠰᠡᠵᠡ ᠬᠡᠶᠢᠳ ᠲᠡᠭᠡᠨ ᠪᠤᠴᠠᠵᠦ᠂ ︽ᠤᠯᠤᠰ ᠤᠨ ᠪᠠᠭᠰᠢ︾ ᠪᠦᠭᠡᠳ ᠰᠡᠵᠡ ᠶᠢᠨ ᠶᠣᠰᠤᠨ ᠤ ᠱᠠᠰᠢᠨ ᠢ | ᠪᠠᠷᠢᠭᠴᠢ ᠶᠢᠨ ᠬᠤᠪᠢ ᠪᠠᠷ ᠱᠠᠰᠢᠨ ᠲᠥᠷᠥ ᠶᠢᠨ ᠦᠢᠯᠡ ᠶᠢ ᠶᠡᠭᠡ ᠪᠠᠷ ᠦᠢᠯᠡᠳᠴᠦ ᠠᠰᠤᠷᠤ ᠠᠮᠵᠢᠯᠲᠠ ᠣᠯᠣᠭᠰᠠᠨ ᠠᠵᠢ᠃ | ᠫᠠᠭᠪᠠ ᠯᠠᠮᠠ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠰᠡᠵᠡ ᠰᠦᠮᠡ ᠳᠤ ᠪᠠᠨ ᠪᠤᠴᠠᠭᠠᠳ ᠡᠩ ᠲᠡᠷᠢᠭᠦᠨ ᠳᠤ ᠲᠥᠪᠡᠳ ᠲᠤ ᠪᠠᠶᠢᠭᠰᠠᠨ | ᠪᠤᠷᠬᠠᠨ ᠱᠠᠰᠢᠨ ᠤ ᠪᠤᠰᠤᠳ ᠶᠣᠰᠤᠨ ᠤ ᠬᠤᠭᠤᠷᠣᠨᠳᠣᠬᠢ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠵᠦ᠂ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠪᠤᠷᠬᠠᠨ ᠱᠠᠰᠢᠨ ᠤ | ᠲᠥᠷᠥ ᠶᠢᠨ ᠪᠣᠳᠤᠯᠭᠠ ᠶᠢ ᠲᠥᠪᠡᠳ ᠣᠷᠣᠨ ᠳᠤ ᠬᠡᠷᠡᠭᠵᠢᠭᠦᠯᠵᠡᠢ᠃ ᠫᠠᠭᠪᠠ ᠯᠠᠮᠠ ᠶᠢᠨ ᠡᠨᠡᠬᠦ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠳᠠᠷᠠᠭᠠᠬᠢ ᠪᠦᠬᠦᠯᠢ ᠶᠤᠸᠠᠨ ᠤ | ᠦᠶᠡ ᠶᠢᠨ ᠲᠥᠷᠥ᠂ ᠱᠠᠰᠢᠨ ᠤ ᠬᠠᠷᠢᠴᠠᠭᠠ ᠳᠤ ᠭᠦᠨ ᠨᠥᠯᠥᠭᠡ ᠦᠵᠡᠭᠦᠯᠵᠡᠢ᠃ ᠲᠥᠷᠥ ᠶᠢᠨ ᠲᠠᠯᠠ ᠪᠠᠷ᠂ ᠰᠡᠵᠡ ᠰᠦᠮᠡ ᠶᠢᠨ ᠤᠤᠯ ᠤᠨ ᠳ᠋ᠪᠤᠨ ᠴᠧᠨ ︵ | ᠵᠠᠰᠠᠭ ᠤᠨ ᠨᠣᠶᠠᠨ︶ ᠱᠠᠭᠵᠠᠰᠠᠩᠪᠤ ᠶᠢ ᠳᠡᠭᠡᠭᠰᠢ ᠮᠡᠳᠡᠭᠦᠯᠦᠨ ᠲᠥᠪᠡᠳ ᠣᠷᠣᠨ ᠤ ᠵᠠᠰᠠᠭ ᠤᠨ ᠶᠠᠪᠤᠳᠠᠯ ᠢ ᠮᠡᠳᠡᠬᠦ ᠨᠣᠶᠠᠨ ᠪᠣᠯᠭᠠᠪᠠ᠃ ᠡᠨᠡ ᠦᠶᠡ ᠠᠴᠠ | ᠡᠬᠢᠯᠡᠵᠦ᠂ ᠲᠥᠪᠡᠳ ᠣᠷᠣᠨ ᠤ ᠲᠥᠷᠥ ᠵᠠᠰᠠᠭ ᠤᠨ ᠶᠠᠪᠣᠳᠠᠯ ᠢ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠬᠠᠭᠠᠨ ᠲᠥᠷᠥ ᠶᠢᠨ ᠲᠣᠮᠢᠯᠠᠭᠰᠠᠨ ᠳ᠋ᠪᠤᠨ ᠴᠧᠨ ᠨᠣᠶᠠᠨ ᠮᠡᠳᠡᠵᠦ᠂ | ᠱᠠᠰᠢᠨ ᠤ ᠶᠠᠪᠤᠳᠠᠯ ᠢ ︽ᠤᠯᠤᠰ ᠤᠨ ᠪᠠᠭᠰᠢ︾ ᠮᠡᠳᠡᠬᠦ ᠪᠣᠯᠵᠠᠢ᠃ ᠪᠠᠷᠤᠭ 1268 ᠣᠨ ᠤ ᠦᠶᠡ ᠪᠠᠷ ᠬᠤᠪᠢᠯᠠᠢ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠲᠥᠪᠡᠳ ᠣᠷᠣᠨ ᠤ | ᠠᠷᠪᠠᠨ ᠭᠤᠷᠪᠠᠨ ᠲᠦᠮᠡᠨ ᠤ ᠨᠣᠶᠠᠳ ᠢ ᠱᠠᠭᠵᠠᠰᠠᠮᠪᠤ ᠲᠣᠮᠢᠯᠠᠨ ᠲᠣᠭᠲᠠᠭᠠᠬᠤ ᠪᠣᠯᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠤᠨ ᠲᠥᠷᠥ ᠠᠴᠠ | ᠲᠣᠮᠢᠯᠠᠨ ᠢᠷᠡᠭᠦᠯᠦᠭᠰᠡᠨ ᠬᠤᠶᠠᠷ ᠨᠣᠶᠠᠨ ᠤ ᠣᠷᠤᠯᠴᠠᠯᠭᠠ ᠲᠠᠢ ᠪᠠᠷ ᠲᠥᠪᠡᠳ ᠣᠷᠣᠨ ᠤ ᠡᠷᠦᠬᠡ ᠠᠮᠠ ᠶᠢᠨ ᠲᠤᠭᠠ ᠶᠢ ᠬᠤᠶᠠᠳᠠᠬᠢ ᠤᠳᠠᠭᠠ ᠪᠠᠨ ᠪᠦᠷᠢᠳᠭᠡᠵᠦ | ᠂ ᠠᠯᠪᠠ ᠭᠠᠶᠢᠯᠢ ᠠᠪᠬᠤ ᠠᠵᠢᠯ ᠢ ᠵᠣᠬᠢᠴᠠᠭᠤᠯᠪᠠ᠃ ᠪᠠᠰᠠ ᠤᠯᠠᠭᠠ ᠦᠷᠲᠡᠭᠡ ᠶᠢᠨ ᠳᠦᠷᠢᠮ ᠢ ᠲᠣᠭᠲᠠᠭᠠᠵᠠᠢ᠃ | 1260 ᠣᠨ ᠳᠤ᠂ ᠬᠤᠪᠢᠯᠠᠢ ᠶᠡᠭᠡ ᠣᠷᠣ ᠰᠠᠭᠤᠵᠦ᠂ ᠫᠠᠭᠪᠠ ᠯᠠᠮᠠ ᠶᠢ ᠤᠯᠤᠰ ᠤᠨ ᠪᠠᠭᠰᠢ ᠡᠷᠭᠦᠮᠵᠢᠯᠡᠵᠦ᠂ ᠬᠠᠰ ᠲᠠᠮᠠᠭᠠ ᠰᠣᠶᠣᠷᠬᠠᠭᠰᠠᠨ ᠲᠡᠷᠡ | ᠦᠶᠡ ᠳᠤ ᠮᠣᠩᠭᠤᠯ ᠤᠨ ᠰᠢᠨᠡ ᠦᠰᠦᠭ ᠲᠤᠭᠤᠷᠪᠢᠨ ᠪᠦᠲᠦᠭᠡ ᠭᠡᠰᠡᠨ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ ᠪᠠᠶᠢᠪᠠ᠃ 1269 ᠣᠨ ᠳᠤ᠂ ᠫᠠᠭᠪᠠ ᠯᠠᠮᠠ ᠰᠢᠨᠡ ᠦᠰᠦᠭ | - ᠲᠦᠷᠪᠡᠯᠵᠢᠨ ᠦᠰᠦᠭ ᠢ ᠪᠣᠯᠪᠠᠰᠤᠷᠠᠭᠤᠯᠤᠭᠠᠳ ᠬᠤᠪᠢᠯᠠᠢ ᠬᠠᠭᠠᠨ ᠳᠤ ᠡᠷᠭᠦᠨ ᠪᠠᠷᠢᠪᠠ᠃ ᠮᠦᠨ 1269 ᠣᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠵᠠᠷᠯᠢᠭ ᠪᠠᠭᠤᠯᠭᠠᠨ | ᠮᠣᠩᠭᠤᠯ ᠰᠢᠨᠡ ᠦᠰᠦᠭ ︵ᠳᠦᠷᠪᠡᠯᠵᠢᠨ ᠦᠰᠦᠭ︶ ᠢ ᠵᠢᠩᠬᠢᠨᠢ ᠪᠠᠷ ᠲᠤᠩᠬᠠᠭᠯᠠᠨ ᠶᠠᠪᠤᠭᠤᠯᠪᠠ᠃ 1270 ᠣᠨ ᠳᠤ᠂ ᠬᠤᠪᠢᠯᠠᠢ ᠬᠠᠭᠠᠨ ᠫᠠᠭᠪᠠ ᠯᠠᠮᠠ ᠶᠢ | ᠬᠠᠭᠠᠨ ᠤ ᠪᠠᠭᠰᠢ ᠡᠷᠭᠦᠮᠵᠢᠯᠡᠵᠦ᠂ ︽ᠲᠡᠭᠷᠢ ᠶᠢᠨ ᠳᠣᠣᠷᠠ᠂ ᠭᠠᠵᠠᠷ ᠤᠨ ᠳᠡᠭᠡᠷᠡ᠂ ᠡᠨᠡᠳᠭᠡᠭ ᠪᠤᠷᠬᠠᠨ ᠤ ᠬᠦᠪᠡᠭᠦᠨ᠂ ᠬᠤᠪᠢᠯᠭᠠᠨ ᠪᠤᠷᠬᠠᠨ᠂ ᠦᠰᠦᠭ ᠢ | ᠲᠤᠬᠤᠷᠪᠢᠭᠴᠢ᠂ ᠳᠡᠯᠡᠬᠡᠢ ᠳ᠋ᠠᠬᠢᠨ ᠢ ᠡᠩᠬᠡᠵᠢᠭᠦᠯᠦᠭᠴᠢ᠂ ᠲᠠᠪᠤᠨ ᠤᠬᠠᠭᠠᠨ ᠤ ᠣᠷᠣᠨ ᠢ ᠣᠬᠠᠭᠰᠠᠨ ᠪᠠᠨᠳᠢᠳᠠ ᠫᠠᠭᠪᠠ ᠳ᠋ᠢᠱᠢᠷᠢ︾ ᠭᠡᠮᠡᠬᠦ ᠴᠣᠯᠠ ᠬᠠᠶᠢᠷᠠᠯᠠᠪᠠ᠃ | 1269 ᠣᠨ ᠠᠴᠠ 1273 ᠣᠨ ᠪᠣᠯᠲᠠᠯᠠ ᠬᠤᠪᠢᠯᠠᠢ ᠬᠠᠭᠠᠨ᠂ ᠫᠠᠭᠪᠠ ᠯᠠᠮᠠ ᠪᠠᠷ ᠽᠦᠩ ᠵᠢᠢ ᠶᠤᠸᠠᠨ ᠤ ᠠᠵᠢᠯ ᠢ ᠬᠢᠯᠭᠡᠵᠦ᠂ ᠲᠥᠪᠡᠳ ᠤᠨ | ᠰᠡᠵᠡ ᠶᠢᠨ ᠵᠠᠰᠠᠭ ᠤᠨ ᠠᠵᠢᠯ ᠢ ᠱᠠᠭᠵᠠᠰᠠᠩᠪᠤ ᠳᠤ ᠦᠭᠭᠦᠭᠰᠡᠨ ᠪᠠᠶᠢᠪᠠ᠃ 1274 ᠣᠨ ᠳᠤ᠂ ᠫᠠᠭᠪᠠ ᠯᠠᠮᠠ ᠠᠴᠠ ᠲᠥᠪᠡᠳ ᠲᠤ ᠪᠠᠨ ᠪᠣᠴᠠᠶᠠ ᠭᠡᠬᠦ ᠳᠤ | ᠬᠤᠪᠢᠯᠠᠢ ᠬᠠᠭᠠᠨ ᠲᠡᠭᠦᠨ ᠢ ᠬᠤᠷᠢᠭᠯᠠᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠳᠡᠭᠦᠦ ᠷᠢᠨᠴᠢᠨᠵᠠᠯᠰᠠᠨ ᠢᠶᠠᠷ ᠫᠠᠭᠪᠠ ᠶᠢᠨ ᠠᠵᠢᠯ ᠢ ᠣᠷᠤᠯᠠᠭᠤᠯᠵᠦ᠂ ᠴᠡᠷᠢᠭ ᠲᠣᠮᠢᠯᠠᠨ ᠫᠠᠭᠪᠠ ᠶᠢ | ᠰᠡᠵᠡ ᠰᠦᠮᠡ ᠳᠤ ᠬᠦᠷᠭᠡᠪᠡ᠃ ᠫᠠᠭᠪᠠ ᠲᠥᠪᠡᠳ ᠲᠡᠭᠡᠨ ᠪᠤᠴᠠᠭᠰᠠᠨ ᠤ ᠳᠠᠷᠠᠭᠠ 1277 ᠣᠨ ᠳᠤ ᠥᠪᠡᠳᠡᠭᠰᠢ ᠶᠡᠭᠡ ᠨᠣᠮ ᠤᠨ ᠬᠤᠷᠠᠯ ᠬᠢᠬᠦ ᠳᠤ 8 ᠲᠦᠮᠡ | ᠭᠠᠷᠤᠢ ᠬᠦᠮᠦᠨ ᠴᠤᠭᠯᠠᠷᠠᠭᠰᠠᠨ ᠭᠡᠳᠡᠭ᠃ ᠲᠥᠪᠡᠳ ᠤᠨ ᠲᠣᠭᠠᠯᠠᠯ ᠢᠶᠠᠷ ᠲᠠᠪᠤᠳᠤᠭᠠᠷ ᠰᠠᠶᠢᠲᠤᠷ ᠭᠠᠷᠤᠭᠰᠠᠨ ᠤ ᠲᠡᠮᠦᠷ ᠯᠤᠤ ᠵᠢᠯ ︵1280︶᠂ ᠫᠠᠭᠪᠠ ᠯᠠᠮᠠ | 45 ᠨᠠᠰᠤᠲᠠᠢ ᠳᠤ ᠪᠠᠨ ᠰᠡᠵᠡ ᠶᠢᠨ ᠰᠦᠮᠡ ᠳᠤ ᠪᠠᠨ ᠨᠠᠰᠤ ᠨᠥᠭᠴᠢᠪᠡ᠃ ᠬᠤᠪᠢᠯᠠᠢ ᠬᠠᠭᠠᠨ ᠡᠭᠦᠨ ᠢ ᠰᠣᠨᠤᠰᠤᠭᠠᠳ ᠲᠤᠶᠢᠯ ᠤᠨ ᠶᠡᠭᠡ ᠪᠠᠷ ᠭᠠᠰᠢᠭᠤᠳᠠᠵᠦ | ᠤᠷᠲᠤ ᠴᠤᠯᠠ ᠨᠡᠬᠡᠮᠵᠢᠯᠡᠨ ᠰᠣᠶᠣᠷᠬᠠᠵᠦ ᠲᠡᠭᠦᠨ ᠢ ᠬᠦᠨᠳᠦᠳᠭᠡᠵᠦ ᠪᠠᠶᠢᠭᠰᠠᠨ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠪᠡ᠃ ᠬᠤᠪᠢᠯᠠᠢ ᠬᠠᠭᠠᠨ ᠠᠴᠠ ᠬᠤᠶᠢᠰᠢ ᠲᠠᠶᠢᠶᠤᠸᠠᠨ | ᠤᠯᠤᠰ ᠤᠨ ᠬᠠᠭᠠᠳ ᠰᠦᠮᠡ ᠪᠠᠷᠢᠵᠦ ᠫᠠᠭᠪᠠ ᠯᠠᠮᠠ ᠶᠢ ᠳᠠᠬᠢᠵᠦ ᠪᠠᠶᠢᠭᠰᠠᠨ ᠪᠤᠶᠤ ᠬᠦᠷᠦᠭ ᠢ ᠨᠢ ᠵᠢᠷᠣᠬᠤ᠂ ᠱᠤᠭᠤᠬᠤ ᠵᠡᠷᠭᠡ ᠪᠠᠷ ᠥᠷᠭᠡᠨ ᠣᠯᠠᠨ ᠤ ᠳᠤᠮᠳᠠ | ᠲᠠᠬᠢᠭᠤᠯᠵᠦ ᠪᠠᠶᠢᠪᠠ᠃ | ᠫᠠᠭᠪᠠ ᠯᠠᠮᠠ ᠲᠠᠶᠢᠶᠤᠸᠠᠨ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ ᠣᠷᠴᠢᠭᠤᠯᠭᠠ ᠶᠢᠨ ᠪᠠᠶᠢᠭᠤᠯᠭᠠ ᠭᠠᠷᠭᠠᠵᠦ᠂ ᠱᠠᠪᠢ ᠨᠠᠷ ᠢᠶᠠᠨ ᠳᠠᠭᠠᠭᠤᠯᠵᠦ᠂ ᠰᠠᠨᠰᠺᠷᠢᠲ | ᠬᠡᠯᠡᠨ ᠠᠴᠠ ᠡᠳᠦᠢ ᠲᠡᠳᠦᠢ ᠨᠣᠮ ᠰᠤᠳᠤᠷ ᠣᠷᠴᠢᠭᠤᠯᠤᠭᠰᠠᠨ ᠠᠴᠠ ᠭᠠᠳᠠᠨᠠ᠂ ᠦᠪᠡᠷ ᠢᠶᠠᠨ 30 ᠭᠠᠷᠤᠢ ᠨᠣᠮ ᠢ ᠵᠣᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠪᠠᠶᠢᠪᠠ᠃ ︽ | ᠫᠠᠭᠪᠠ ᠯᠠᠮᠠ ᠶᠢᠨ ᠲᠤᠭᠤᠵᠢ︾ ᠶᠢᠨ 16 ᠳ᠋ᠤᠭᠠᠷ ᠪᠦᠯᠦᠭ ᠲᠤ ︽ᠫᠠᠭᠪᠠ ᠪᠯᠠᠮᠠ ᠶᠢᠨ ᠭᠠᠶᠢᠬᠠᠮᠰᠢᠭ ᠰᠠᠶᠢᠨ ᠵᠣᠬᠢᠶᠠᠩᠭᠤᠢ ᠶᠢᠨ ᠭᠠᠷᠴᠠᠭ ᠠᠨᠤ︾ ᠭᠡᠵᠦ | ᠭᠠᠷᠴᠠᠭ ᠲᠠᠯᠪᠢᠭᠠᠳ ᠤᠨ ᠵᠣᠬᠢᠶᠠᠭᠰᠠᠨ ᠵᠣᠬᠢᠶᠠᠯ ᠢ ᠲᠦᠷᠦᠯ ᠬᠤᠪᠢᠶᠠᠨ ᠲᠠᠨᠢᠯᠴᠠᠭᠤᠯᠪᠠ᠃ | | |