ᠪᠦᠷᠳᠡ ᠬᠠᠳᠤᠨ ᠢ ᠪᠠᠰᠠ ᠪᠦᠷᠳᠡ ᠦᠵᠢᠨ ᠬᠡᠳᠡᠭ᠃ ᠪᠦᠷᠳᠡ ᠪᠤᠯ ᠴᠢᠩᠬᠢᠰ ᠬᠠᠭᠠᠨ ᠤ ᠠᠪᠠᠯᠢ ᠡᠬᠡᠨᠠᠷ᠂ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠳ᠋ᠠᠢ ᠰᠡᠴᠡᠨ ᠤ | ᠦᠬᠢᠨ᠃ ᠴᠢᠩᠬᠢᠰ ᠬᠠᠭᠠᠨ ᠤ ᠨᠠᠰᠤᠨ ᠳᠤᠷᠰᠢ ᠶᠢᠨ ᠦᠨᠡᠨᠴᠢ ᠬᠠᠨᠢ᠂ ᠳᠦᠷᠦ ᠶᠢᠨ ᠳᠦᠷᠪᠡᠨ ᠬᠠᠳᠤᠨ ᠤ ᠮᠠᠩᠯᠠᠢ᠂ ᠳᠤᠳᠤᠨᠤ ᠵᠦᠪᠯᠡᠭᠴᠢ ᠨᠢ ᠮᠦᠨ᠃ 1161 | ᠤᠨ ᠳᠤ ᠮᠡᠨᠳᠦᠯᠡᠵᠦ ᠴᠢᠩᠬᠢᠰ ᠬᠠᠭᠠᠨ ᠠᠴᠠ ᠨᠢᠬᠡ ᠨᠠᠰᠤ ᠠᠬᠠ ᠪᠠᠶᠢᠵᠦ᠂ ᠴᠠᠭᠠᠭᠴᠢᠨ ᠮᠤᠭᠠᠢ ᠵᠢᠯ ᠲᠠᠢ᠃ | 1170 ᠤᠨ ᠳᠤ ᠳᠡᠮᠦᠵᠢᠨ ᠢ ᠶᠢᠰᠦᠨ ᠨᠠᠰᠤ ᠲᠠᠢ ᠦᠶᠡ ᠳᠤ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠡᠴᠢᠬᠡ ᠨᠢ ᠬᠦᠪᠡᠬᠦᠨ ᠢᠶᠠᠨ ᠳᠠᠭᠠᠭᠤᠯᠵᠦ᠂ ᠦᠬᠡᠯᠦᠨ ᠡᠬᠡ ᠶᠢᠨ | ᠳᠦᠷᠬᠦᠮ ᠪᠤᠯᠬᠤ ᠤᠯᠬᠤᠨᠤᠳ ᠢᠷᠬᠡᠨ ᠠᠴᠠ ᠦᠬᠢᠨ ᠭᠤᠶᠤᠰᠤ ᠬᠡᠳ ᠶᠠᠪᠤᠵᠠᠢ᠃ ᠶᠠᠪᠤᠭᠰᠠᠭᠠᠷ ᠪᠠᠶᠢᠭᠠᠳ ᠴᠡᠭᠴᠡᠷ᠂ ᠴᠢᠬᠤᠷᠭᠤ ᠬᠡᠳᠡᠭ ᠬᠤᠶᠠᠷ ᠭᠠᠵᠠᠷ ᠤᠨ | ᠬᠤᠭᠤᠷᠤᠨᠳᠤ ᠬᠦᠷᠴᠦ ᠴᠤᠷᠭᠤ ᠠᠴᠠ ᠮᠤᠷᠢ ᠪᠠᠨ ᠤᠰᠤᠯᠠᠵᠦ ᠪᠠᠶᠢᠬᠤ ᠳᠤ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠳ᠋ᠠᠢ ᠰᠡᠴᠡᠨ ᠬᠡᠭᠴᠢ ᠲᠠᠢ ᠠᠭᠤᠯᠵᠠᠪᠠ᠃ ᠳ᠋ᠠᠢ ᠰᠡᠴᠡᠨ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠠᠢ ᠤᠴᠠᠷᠠᠵᠦ᠂ ᠬᠦᠪᠡᠬᠦᠨ ᠳᠡᠮᠦᠵᠢᠨ ᠳᠡᠭᠡᠨ ᠪᠡᠷᠢ ᠭᠤᠶᠤᠬᠤ ᠪᠠᠷ ᠶᠠᠪᠤᠵᠦ ᠪᠠᠶᠢᠬᠤ ᠶᠢ ᠨᠢ ᠤᠶᠢᠯᠠᠭᠠᠵᠦ ᠮᠡᠳᠡᠬᠡᠳ ᠢᠩᠬᠢᠵᠦ ᠬᠡᠯᠡᠵᠡᠢ᠄ ︽ | ᠡᠨᠡ ᠬᠦᠪᠡᠬᠦᠨ ᠴᠢᠨᠢ ᠨᠢᠳᠦᠨ ᠳᠡᠭᠡᠨ ᠭᠠᠯ ᠲᠠᠢ᠂ ᠨᠢᠭᠤᠷ ᠲᠠᠭᠠᠨ ᠬᠡᠷᠡᠯ ᠲᠠᠢ ᠬᠦᠪᠡᠬᠦᠨ ᠪᠤᠶᠤ᠃ ᠪᠢ ᠡᠨᠡ ᠰᠦᠨᠢ ᠴᠠᠭᠠᠨ ᠱᠤᠩᠬᠤᠷ ᠨᠠᠷᠠᠨ ᠰᠠᠷᠠᠨ ᠬᠤᠶᠠᠷ ᠢ | ᠠᠳᠬᠤᠨ ᠨᠢᠰᠴᠦ ᠢᠷᠡᠬᠡᠳ ᠮᠢᠨᠤ ᠭᠠᠷ ᠳᠡᠬᠡᠷᠡ ᠪᠠᠭᠤᠪᠠ ᠬᠡᠵᠦ ᠵᠡᠬᠦᠳᠦᠯᠡᠪᠡ᠃ ᠨᠠᠷᠠᠨ ᠰᠠᠷᠠᠨ ᠨᠢ ᠦᠵᠡᠭᠳᠡᠵᠦ ᠬᠠᠷᠠᠭᠳᠠᠳᠠᠭ ᠪᠤᠯᠪᠠᠴᠤ ᠱᠤᠩᠬᠤᠷ | ᠰᠢᠪᠠᠭᠤᠨᠠᠳᠬᠤᠨ ᠢᠷᠡᠭᠰᠡᠨ ᠨᠢ ᠶᠠᠮᠠᠷ ᠰᠠᠶᠢᠨ ᠳᠤᠬᠢᠶᠠᠯ ᠪᠤᠯᠬᠤ ᠪᠤᠶᠤ ᠬᠡᠵᠦ ᠪᠢᠳᠡ ᠬᠡᠯᠡᠯᠴᠡᠵᠡᠬᠡᠭᠰᠡᠨ ᠶᠤᠮ᠃ ᠱᠤᠩᠬᠤᠷ ᠰᠢᠪᠠᠭᠤᠨ ᠪᠤᠯ ᠳᠠᠨ ᠤ ᠬᠢᠶᠠᠳ | ᠢᠷᠬᠡᠨ ᠤ ᠰᠦᠯᠳᠡ ᠪᠤᠯᠬᠤ ᠳᠤᠯᠠ ᠶᠢᠰᠦᠬᠡᠢ ᠬᠤᠳᠠ ᠲᠠ ᠬᠦᠪᠡᠬᠦᠨ ᠢᠶᠠᠨ ᠳᠠᠭᠠᠭᠤᠯᠤᠨ ᠢᠷᠡᠭᠰᠡᠨ ᠨᠢ ᠡᠨᠡᠬᠦ ᠪᠡᠯᠬᠡ ᠪᠤᠯᠪᠠ︾ ᠬᠡᠵᠡᠢ᠃ ᠳ᠋ᠠᠢ ᠰᠡᠴᠡᠨ᠄ ︽ | ᠨᠤᠭᠤᠨ ᠬᠦᠪᠡᠬᠦᠳ ᠨᠤᠳᠤᠭ ᠬᠠᠷᠠᠶᠤ᠂ ᠦᠬᠢᠨ ᠬᠦᠪᠡᠬᠦᠳ ᠦᠩᠬᠡ ᠦᠵᠡᠭᠳᠡᠶᠦ᠃ ᠶᠢᠰᠦᠬᠡᠢ ᠬᠤᠳᠠ︕ ᠬᠡᠷ ᠲᠤ ᠮᠢᠨᠢ ᠤᠳᠤᠶᠠ᠂ ᠦᠬᠢᠨ ᠮᠢᠨᠢ | ᠦᠴᠦᠬᠦᠬᠡᠨ ᠪᠤᠶᠤ᠂ ᠬᠤᠳᠠ ᠦᠵᠡᠳᠦᠬᠡᠢ︕︾ ᠬᠡᠵᠦ ᠬᠡᠷ ᠲᠡᠭᠡᠨ ᠤᠳᠤᠷᠢᠳᠴᠦ ᠪᠠᠭᠤᠯᠭᠠᠪᠠ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠦᠬᠢᠨ ᠢ ᠦᠵᠡᠪᠡᠯ᠂ ᠨᠢᠭᠤᠷ ᠲᠠᠭᠠᠨ | ᠬᠡᠷᠡᠯ ᠲᠠᠢ᠂ ᠨᠢᠳᠦᠨ ᠳᠡᠭᠡᠨ ᠭᠠᠯ ᠲᠠᠢ᠂ ᠭᠤᠸᠠ ᠬᠡᠬᠡᠨᠴᠢᠷ᠂ ᠴᠤᠭ ᠵᠢᠪᠬᠤᠯᠠᠩ ᠳᠡᠬᠦᠰ ᠪᠦᠷᠢᠨ ᠳᠤᠯᠠ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠦᠵᠡᠵᠦ ᠰᠠᠨᠠᠭᠠᠨ ᠳᠤᠨᠢ ᠨᠡᠶᠢᠯᠡᠵᠡᠢ | ᠃ ᠳᠡᠷᠡ ᠰᠦᠨᠢ ᠬᠤᠨᠤᠵᠦ᠂ ᠮᠠᠷᠭᠠᠰᠢ ᠳ᠋ᠠᠢ ᠰᠡᠴᠡᠨ ᠠᠴᠠ ᠦᠬᠢᠨ ᠢ ᠨᠢ ᠭᠤᠶᠤᠪᠠᠯ᠂ ᠳ᠋ᠠᠢ ᠰᠡᠴᠡᠨ᠄ ︽ᠤᠯᠠᠨᠳᠠ ᠭᠤᠶᠤᠭᠤᠯᠵᠦ ᠦᠭᠪᠡᠯ ᠳᠡᠬᠡᠵᠢᠯᠡᠭᠳᠡᠬᠦ᠂ | ᠴᠦᠬᠡᠨᠳᠡ ᠭᠤᠶᠤᠭᠤᠯᠵᠦ ᠦᠭᠪᠡᠯ ᠳᠤᠷᠤᠮᠵᠢᠯᠠᠭᠳᠠᠬᠤ ᠬᠡᠯᠡ᠃ ᠬᠡᠳᠦᠢ ᠳᠡᠶᠢᠨ ᠦᠬᠦᠯᠡᠪᠡᠴᠦ ᠦᠬᠢᠨ ᠬᠦᠮᠦᠨ ᠤ ᠵᠠᠶᠠᠭᠠ᠂ ᠳᠦᠷᠦᠭᠰᠡᠨ ᠡᠬᠦᠳᠡᠨ ᠳᠤ ᠦᠳᠡᠯᠬᠦ | ᠦᠬᠡᠢ᠃ ᠪᠢᠳᠡ ᠦᠬᠢᠨ ᠢᠶᠠᠨ ᠦᠭᠰᠦ᠃ ᠬᠦᠪᠡᠬᠦᠨ ᠢᠶᠠᠨ ᠮᠦᠨ ᠬᠦᠷᠬᠡᠳ ᠲᠤ ᠳᠠᠯᠪᠢᠵᠦ ᠤᠳ︾ ᠬᠡᠵᠡᠢ᠃ ᠢᠩᠬᠢᠵᠦ ᠪᠦᠷᠳᠡ ᠦᠵᠢᠨ ᠪᠤᠯᠤᠨ ᠳᠡᠮᠦᠵᠢᠨ | ᠰᠦᠢ ᠤᠷᠤᠭ ᠳᠤᠭᠳᠠᠵᠠᠢ᠃ | 1178 ᠤᠨ ᠳᠤ ᠬᠤᠶᠠᠭᠤᠯᠠ ᠬᠤᠷᠢᠮᠯᠠᠵᠠᠢ᠃ ᠬᠤᠷᠢᠮᠯᠠᠭᠠᠳ ᠳᠡᠮᠡᠢ ᠤᠳᠠᠭᠰᠠᠨ ᠦᠬᠡᠢ ᠪᠦᠷᠳᠡ ᠬᠠᠳᠤᠨ ᠮᠡᠷᠬᠢᠳ ᠲᠤ ᠤᠯᠵᠠᠯᠠᠭᠳᠠᠨ ᠤᠴᠢᠵᠦ᠂ | ᠮᠡᠷᠬᠢᠳ ᠤᠨ ᠴᠢᠯᠡᠬᠡᠷ ᠪᠦᠬᠡ ᠶᠢᠨ ᠮᠡᠳᠡᠯ ᠳᠤ ᠶᠢᠰᠦᠨ ᠰᠠᠷᠠ ᠭᠠᠷᠤᠢ ᠪᠤᠯᠵᠦ᠂ ᠮᠠᠰᠢ ᠵᠤᠪᠠᠭᠤᠷᠢ ᠵᠦᠳᠡᠬᠦᠷᠢ ᠲᠠᠢ ᠠᠮᠢᠳᠤᠷᠠᠯ ᠢ ᠦᠩᠬᠡᠷᠡᠭᠡᠭᠰᠡᠨ ᠪᠠᠶᠢᠨᠠ᠃ | ᠠᠶᠢᠮᠠᠭ ᠤᠭᠰᠠᠭᠠ ᠨᠢ ᠰᠠᠷᠨᠢᠵᠦ᠂ ᠠᠶᠢᠯ ᠬᠡᠷ ᠨᠢ ᠦᠨᠦᠴᠢᠷᠡᠭᠰᠡᠨ ᠬᠦᠴᠢᠷ ᠪᠡᠷᠬᠡ ᠠᠮᠢᠳᠤᠷᠠᠯ ᠢ ᠴᠢᠩᠬᠢᠰ ᠬᠠᠭᠠᠨ ᠲᠠᠢ ᠬᠠᠮᠳᠤ ᠦᠩᠬᠡᠷᠡᠬᠡᠵᠡᠢ᠃ ᠳᠡᠮᠦᠵᠢᠨ ᠤ | ᠨᠢᠬᠡ ᠨᠠᠰᠤᠨ ᠤ ᠠᠮᠢᠳᠤᠷᠠᠯ ᠳᠤ ᠪᠦᠷᠳᠡ ᠦᠵᠢᠨ ᠳᠤᠩ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠬᠦᠯᠦᠭᠰᠡᠨ ᠪᠠᠶᠢᠳᠠᠭ᠃ ᠡᠬᠦᠨ ᠳᠤ ᠪᠦᠷᠳᠡ ᠬᠠᠳᠤᠨ ᠦᠪᠡᠷ ᠤᠨ ᠬᠡᠷ ᠤᠨ | ᠬᠢᠨᠢ ᠬᠦᠷᠬᠡᠭᠰᠡᠨ ᠪᠤᠯᠠᠭᠠᠨ ᠠᠷᠠᠰᠤᠨ ᠳᠠᠬᠤ ᠪᠠᠨ ᠬᠠᠷᠠᠮ ᠦᠬᠡᠢ ᠸᠠᠩ ᠬᠠᠨ ᠳᠤ ᠪᠡᠯᠡᠭ ᠪᠤᠯᠭᠠᠨ ᠬᠦᠷᠬᠡᠵᠦ ᠳᠡᠮᠵᠢᠯᠬᠡ ᠤᠯᠤᠭᠰᠠᠨ ᠪᠠ ᠵᠠᠮᠤᠬᠠ ᠶᠢᠨ ᠰᠠᠨᠠᠭᠠ ᠶᠢ | ᠤᠬᠠᠭᠠᠵᠦ ᠮᠡᠳᠡᠵᠦ ᠴᠢᠩᠬᠢᠰ ᠬᠠᠭᠠᠨ ᠳᠤ ᠰᠠᠨᠠᠭᠤᠯᠤᠭᠰᠠᠨ ᠵᠢᠴᠢ ᠬᠤᠩᠬᠤᠳᠠᠨ ᠤᠪᠤᠭᠳᠠᠨ ᠤ ᠬᠦᠬᠡᠴᠦ ᠪᠦᠬᠡ ᠶᠢᠨ ᠶᠠᠯᠠᠳᠤ ᠠᠵᠢᠯᠯᠠᠭᠠ ᠶᠢ ᠢᠯᠠᠴᠢᠯᠡᠨ | ᠰᠢᠬᠦᠮᠵᠢᠯᠡᠵᠦ᠂ ᠴᠢᠩᠬᠢᠰ ᠬᠠᠭᠠᠨ ᠳᠤ ᠰᠠᠨᠠᠭᠤᠯᠤᠭᠰᠠᠨ ᠬᠦᠨᠳᠤ ᠴᠢᠬᠤᠯᠠ ᠭᠠᠪᠢᠶᠠ ᠵᠡᠷᠬᠡ ᠪᠤᠢ᠃ | 1265 ᠤᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠠᠴᠠ ᠪᠦᠷᠳᠡ ᠬᠠᠳᠤᠨ ᠢ ︽ ᠪᠤᠭᠳᠠ ᠶᠢᠨ ᠳᠦᠰᠢᠶᠡ ᠬᠡᠬᠡᠨ ᠢᠪᠡᠬᠡᠯᠳᠦ ᠬᠠᠳᠤᠨ︾ ᠬᠡᠮᠡᠨ ᠨᠡᠬᠡᠮᠵᠢᠯᠡᠨ | ᠡᠷᠬᠦᠮᠵᠢᠯᠡᠵᠦ ᠳᠡᠬᠡᠳᠦᠰ ᠤᠨ ᠰᠦᠮᠡ ᠳᠡᠭᠡᠨ ᠳᠠᠬᠢᠵᠦ ᠪᠠᠶᠢᠵᠠᠢ᠃ ᠳᠡᠷᠡ ᠪᠤᠯ ᠳᠡᠮᠦᠵᠢᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠦᠨᠡᠬᠡᠷ ᠬᠦᠴᠦᠨ ᠰᠤᠷᠪᠤᠯᠵᠢ ᠶᠢᠨ ᠬᠢᠨᠢ ᠡᠬᠢ | ᠢᠷᠡᠯᠳᠡ ᠨᠢ ᠪᠠᠶᠢᠯᠠ᠃ ᠡᠩ ᠳᠡᠷᠢᠬᠦᠨ ᠳᠤ᠂ ᠳᠡᠷᠡ ᠳᠡᠮᠦᠵᠢᠨ ᠳᠤ ᠵᠦᠴᠢ᠂ ᠴᠠᠭᠠᠳᠠᠢ᠂ ᠦᠬᠡᠳᠡᠢ᠂ ᠳᠤᠯᠤᠢ ᠳᠦᠷᠪᠡᠨ ᠬᠠᠨ ᠬᠦᠪᠡᠬᠦᠨ ᠳᠦᠷᠦᠵᠦ ᠦᠭᠭᠦᠭᠰᠡᠨ | ᠶᠤᠮ᠃ ᠪᠠᠰᠠ ᠷᠠᠰᠢᠳ᠋ — ᠠᠳ᠋ — ᠳ᠋ᠢᠨ ᠤ ︽ᠰᠤᠳᠤᠷ ᠤᠨ ᠴᠢᠭᠤᠯᠭᠠᠨ︾ ᠤ ᠳᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠪᠦᠷᠳᠡ ᠠᠴᠠ ᠳᠠᠪᠤᠨ ᠬᠦᠩᠵᠦ ᠲᠠᠢ | ᠬᠡᠵᠦ ᠪᠤᠢ᠃ ᠠᠳᠡ ᠤᠨᠴᠠᠭᠠᠶᠢᠯᠠᠨ ᠵᠢᠭᠠᠵᠦ ᠭᠠᠷᠭᠠᠭᠤᠰᠢᠳᠠᠢ ᠨᠢ ᠪᠦᠷᠳᠡ ᠬᠠᠳᠤᠨ ᠪᠤᠳᠠᠳᠤ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠷ ᠢᠶᠠᠨ ᠳᠡᠮᠦᠵᠢᠨ ᠤ ᠦᠢᠯᠡᠰ ᠲᠤ ᠵᠢᠳᠬᠦᠯ | ᠦᠵᠡᠬᠦᠯᠦᠭᠰᠡᠨ ᠠᠴᠠ ᠦᠨᠡᠬᠡᠷ ᠳᠡᠮᠦᠵᠢᠨ ᠤ ᠬᠠᠵᠠᠭᠤ ᠳᠠᠬᠢ ᠭᠤᠤᠯ ᠵᠦᠪᠯᠡᠭᠴᠢ ᠨᠢ ᠮᠦᠨ᠃ ᠳᠡᠮᠦᠵᠢᠨ ᠤ ᠰᠠᠮᠠᠭᠠᠷᠳᠠᠵᠦ ᠪᠠᠶᠢᠬᠤ ᠵᠠᠩᠬᠢᠯᠠᠭᠠ ᠶᠢᠨ ᠦᠶᠡ ᠳᠤ | ᠤᠳᠠᠭᠠ ᠪᠦᠷᠢ ᠪᠦᠷᠳᠡ ᠬᠠᠳᠤᠨ ᠰᠤᠷᠭᠤᠭ ᠪᠠᠷ ᠬᠤᠯᠠ ᠤᠨ ᠬᠠᠷᠠᠴᠠ ᠲᠠᠢ ᠪᠠᠷ ᠵᠠᠮ ᠮᠦᠷ ᠢ ᠨᠢ ᠵᠢᠭᠠᠵᠦ ᠦᠭᠭᠦᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠳᠡᠮᠦᠵᠢᠨ ᠤ | ᠢᠷᠡᠬᠡᠳᠦᠢ ᠶᠢᠨ ᠦᠢᠯᠡᠰ ᠲᠤ ᠮᠠᠰᠢ ᠴᠢᠬᠤᠯᠠ ᠰᠢᠢᠳᠪᠦᠷᠢᠯᠡᠭᠴᠢ ᠦᠢᠯᠡᠳᠦᠯ ᠦᠵᠡᠬᠦᠯᠵᠡᠢ᠃ ᠪᠦᠷᠳᠡ ᠬᠠᠳᠤᠨ ᠤ ᠤᠷᠳᠤ ᠶᠢᠨ ᠳᠤᠬᠠᠢ ︽ᠯᠤ·ᠠᠯᠳᠠᠨ | ᠳᠤᠪᠴᠢ︾ ᠳᠤ ︽ᠪᠦᠷᠳᠡᠬᠡᠯᠵᠢᠨ ᠬᠠᠳᠤᠨ ᠤ ᠤᠷᠳᠤ ᠢᠨᠤ ᠬᠦᠷᠦᠢ ᠤᠷᠳᠤ︾ ᠬᠡᠵᠦ᠂ ︽ᠪᠡᠶᠡ ᠪᠠᠷ ᠳᠠᠶᠢᠯᠠᠭᠰᠠᠨ ᠳᠡᠮᠳᠡᠭᠯᠡᠯ︾ ᠳᠤ ︽ᠳᠠᠶᠢᠽᠤ ᠬᠠᠭᠠᠨ ᠤ | ᠶᠡᠭᠡ ᠤᠷᠳᠤ︾ ᠬᠡᠵᠦ᠂ ︽ᠶᠤᠸᠠᠨ ᠤᠯᠤᠰ ᠤᠨ ᠳᠡᠤᠬᠡ︾ ᠳᠤ ︽ᠬᠡᠷᠦᠯᠦᠨ ᠤ ᠠᠶᠠᠨ ᠤᠷᠳᠤ︾ ᠬᠡᠵᠦ ᠳᠤᠰ ᠳᠤᠰ ᠠᠳᠠᠯᠢ ᠦᠬᠡᠢ ᠳᠡᠮᠳᠡᠭᠯᠡᠵᠡᠢ᠃ ᠪᠦᠷᠳᠡ | ᠬᠠᠳᠤᠨ ᠤ ᠨᠠᠰᠤ ᠨᠦᠭᠴᠢᠭᠰᠡᠨ ᠤᠨ ᠤ ᠳᠤᠬᠠᠢ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠯ ᠦᠬᠡᠢ᠃ | | |