| ᠶᠢᠰᠦᠢ ᠬᠠᠳᠤᠨ ᠪᠤᠯ ᠴᠢᠩᠬᠢᠰ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠬᠠᠳᠤᠨ ᠪᠤᠯᠤᠨᠠ᠃ ᠠᠮᠢᠳᠤᠷᠠᠵᠦ ᠪᠠᠶᠢᠭᠰᠠᠨ ᠤᠨ ᠵᠢᠯ ᠤᠨ ᠳᠤᠬᠠᠢ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠯ | ᠦᠬᠡᠢ᠃ ᠳᠠᠲ᠋ᠠᠷ ᠠᠶᠢᠮᠠᠭ ᠤᠨ ᠬᠦᠮᠦᠨ᠃ ᠠᠯᠤᠬᠠᠢ ᠳᠠᠲ᠋ᠠᠷ ᠤᠨ ᠳᠦᠷᠦᠬᠦᠤ ᠶᠡᠭᠡ ᠴᠡᠷᠡᠨ ᠤᠨ ᠦᠬᠢᠨ᠃ ᠰᠤᠷᠪᠤᠯᠵᠢ ᠳᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠴᠢᠩᠬᠢᠰ | ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠤᠷᠳᠤ ᠶᠢᠨ ᠡᠵᠡᠨ ᠬᠠᠳᠤᠨ ᠮᠦᠨ᠃ ᠶᠢᠰᠦᠬᠡᠨ ᠬᠠᠳᠤᠨ ᠤ ᠳᠦᠷᠦᠭᠰᠡᠨ ᠡᠬᠡᠴᠢ ᠨᠢ ᠪᠤᠯᠤᠨᠠ᠃ | 1202 ᠤᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠳᠠᠲ᠋ᠠᠷ ᠠᠶᠢᠮᠠᠭ ᠢ ᠶᠡᠭᠡ ᠪᠠᠷ ᠢᠯᠠᠭᠰᠠᠨ ᠤ ᠳᠠᠷᠠᠭᠠ᠂ ᠲᠠᠲ᠋ᠠᠷ ᠠᠶᠢᠮᠠᠭ ᠲᠤ ᠶᠡᠭᠡ ᠵᠠᠯᠬᠠᠭᠠᠯ ᠦᠵᠡᠬᠦᠯᠵᠦ ᠪᠠᠶᠢᠭᠠᠳ | ᠳᠡᠨᠳᠡ ᠶᠢᠰᠦᠢ ᠬᠠᠳᠤᠨ ᠤ ᠦᠬᠢᠨ ᠳᠡᠬᠦᠤ ᠶᠢᠰᠦᠬᠡᠨ ᠢ ᠬᠠᠳᠤᠨ ᠪᠤᠯᠭᠠᠨ ᠠᠪᠴᠠᠢ᠃ ᠶᠢᠰᠦᠬᠡᠨ ᠬᠠᠳᠤᠨ ᠴᠢᠩᠬᠢᠰ ᠬᠠᠭᠠᠨ ᠳᠤ ᠳᠠᠭᠠᠯᠠᠭᠳᠠᠪᠠ᠃ ᠶᠢᠰᠦᠬᠡᠨ | ᠬᠠᠳᠤᠨ᠄ ︽ᠬᠠᠭᠠᠨ ᠰᠤᠶᠤᠷᠬᠠᠪᠠᠯ᠂ ᠨᠠᠮᠠ ᠶᠢ ᠪᠤᠳᠠ ᠪᠤᠯᠭᠠᠵᠦ ᠠᠰᠠᠷᠠᠮᠤ᠂ ᠨᠠᠳᠠ ᠳᠤ ᠶᠢᠰᠦᠢ ᠨᠡᠷᠡᠳᠦ ᠡᠬᠡᠴᠢ ᠪᠤᠶᠤ᠃ ᠳᠡᠷᠡ ᠨᠠᠳᠠ ᠠᠴᠠ ᠳᠡᠬᠡᠷᠡ᠂ ᠬᠠᠨ | ᠬᠦᠮᠦᠨ ᠳᠤ ᠵᠤᠬᠢᠯᠳᠤᠬᠤ ᠭᠤᠸᠠ ᠠᠵᠠᠢ᠃ ᠰᠠᠶ᠋ᠢᠬᠠᠨ ᠬᠦᠷᠬᠡᠨ ᠲᠠᠢ ᠪᠤᠯᠵᠦ ᠬᠤᠷᠢᠮᠯᠠᠭᠰᠠᠨ ᠪᠢᠯᠡ᠂ ᠡᠳᠦᠬᠡ ᠡᠨᠡ ᠪᠤᠳᠤᠯᠢᠶᠠᠨ ᠳᠤ ᠬᠠᠮᠢᠭᠠᠰᠢ ᠤᠳᠤᠭᠰᠠᠨ ᠢ | ᠦᠯᠦ ᠮᠡᠳᠡᠨᠡ︾ ᠬᠡᠪᠡ᠃ ᠡᠨᠡ ᠦᠬᠡᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠦᠬᠦᠯᠡᠷᠦᠨ᠄ ︽ᠡᠬᠡᠴᠢ ᠴᠢᠨᠢ ᠴᠢᠮᠠ ᠠᠴᠠ ᠰᠠᠶᠢᠨ ᠪᠦᠬᠡᠰᠦ ᠡᠷᠢᠬᠦᠯᠦᠶᠡ᠃ ᠡᠬᠡᠴᠢ ᠪᠠᠨ | ᠢᠷᠡᠪᠡᠯ ᠴᠢ ᠵᠠᠶᠢᠯᠠᠵᠦ ᠦᠭᠬᠦᠨᠡ ᠤᠤ︖︾ ᠬᠡᠪᠡ᠃ ᠶᠢᠰᠦᠬᠡᠨ ᠬᠠᠳᠤᠨ᠄ ︽ᠬᠠᠭᠠᠨ ᠤ ᠰᠤᠶᠤᠷᠬᠠᠯ ᠢᠶᠠᠷ ᠡᠬᠡᠴᠢ ᠲᠠᠢ ᠪᠠᠨ ᠤᠴᠠᠷᠠᠪᠠᠯ ᠡᠬᠡᠴᠢ ᠳᠡᠭᠡᠨ | ᠰᠠᠭᠤᠳᠠᠯ ᠳᠠᠯᠪᠢᠵᠦ ᠵᠠᠶᠢᠯᠠᠰᠤ︾ ᠬᠡᠪᠡ᠃ ᠡᠨᠡ ᠦᠬᠡᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠵᠠᠷᠯᠢᠭ ᠪᠠᠭᠤᠯᠭᠠᠵᠦ ᠡᠷᠢᠬᠦᠯᠪᠡᠯ᠂ ᠶᠢᠰᠦᠢ ᠬᠦᠷᠬᠡᠨ ᠲᠠᠢ ᠪᠠᠨ ᠬᠠᠮᠳᠤ ᠤᠢ | ᠰᠢᠭᠤᠢ ᠪᠠᠷ ᠶᠠᠪᠤᠵᠦ ᠪᠠᠶᠢᠬᠤ ᠲᠠᠢ ᠪᠢᠳᠡᠨ ᠤ ᠴᠡᠷᠢᠭ ᠤᠳ ᠵᠤᠯᠭᠠᠵᠠᠢ᠃ ᠡᠷᠡ ᠨᠢ ᠳᠤᠳᠠᠭᠠᠵᠦ ᠤᠳᠪᠠ᠃ ᠶᠢᠰᠦᠢ ᠬᠠᠳᠤᠨ ᠢ ᠳᠡᠨᠳᠡ ᠠᠴᠠ ᠠᠪᠴᠢᠷᠠᠪᠠ᠃ | ᠶᠢᠰᠦᠬᠡᠨ ᠬᠠᠳᠤᠨ ᠡᠬᠡᠴᠢ ᠪᠠᠨ ᠦᠵᠡᠬᠡᠳ ᠤᠷᠢᠳᠠ ᠦᠬᠦᠯᠡᠭᠰᠡᠨ ᠦᠬᠡᠨ ᠳᠡᠭᠡᠨ ᠬᠦᠷᠴᠦ᠂ ᠤᠷᠤᠨ ᠠᠴᠠ ᠪᠠᠨ ᠪᠤᠰᠴᠤ᠂ ᠡᠬᠡᠴᠢ ᠪᠠᠨ ᠰᠠᠭᠤᠷᠢᠨ ᠳᠠᠭᠠᠨ | ᠰᠠᠭᠤᠯᠭᠠᠵᠦ᠂ ᠳᠡᠷᠡ ᠦᠪᠡᠰᠦᠪᠡᠨ ᠳᠤᠤᠷᠠ ᠰᠠᠭᠤᠳᠠᠯ ᠳᠤ ᠰᠠᠭᠤᠪᠠ᠃ ᠶᠢᠰᠦᠬᠡᠨ ᠬᠠᠳᠤᠨ ᠤ ᠦᠬᠦᠯᠡᠭᠰᠡᠨ ᠦᠬᠡ ᠲᠠᠢ ᠠᠳᠠᠯᠢ ᠪᠤᠯᠪᠠ᠃ ᠴᠢᠩᠬᠢᠰ ᠬᠠᠭᠠᠨ | ᠰᠡᠳᠬᠢᠯ ᠳᠡᠭᠡᠨ ᠳᠤᠭᠳᠠᠭᠠᠵᠦ᠂ ᠶᠢᠰᠦᠢ ᠶᠢ ᠠᠪᠴᠤ᠂ ᠬᠠᠳᠤᠨ ᠤ ᠵᠡᠷᠬᠡ ᠳᠤ ᠰᠠᠭᠤᠯᠭᠠᠪᠠ᠃ ᠶᠢᠰᠦᠢ ᠬᠠᠳᠤᠨ ᠭᠤᠸᠠ ᠬᠡᠬᠡᠨᠴᠢᠷ᠂ ᠰᠡᠴᠡᠨ ᠰᠡᠷᠬᠦᠯᠡᠩ᠂ | ᠠᠯᠤᠰ ᠤᠨ ᠪᠤᠳᠤᠯᠭᠠ ᠲᠠᠢ ᠳᠤᠯᠠ ᠴᠢᠩᠬᠢᠰ ᠬᠠᠭᠠᠨ ᠤ ᠬᠠᠶᠢᠷᠠ ᠶᠢ ᠬᠦᠷᠳᠡᠵᠡᠢ᠃ | 1219 ᠤᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠬᠤᠷᠢᠨ ᠳᠦᠮᠡᠨ ᠶᠡᠭᠡ ᠴᠡᠷᠢᠭ ᠳᠠᠶᠢᠴᠢᠯᠠᠨ᠂ ᠬᠤᠷᠽᠧᠮ ᠤᠯᠤᠰ ᠲᠤ ᠴᠡᠬᠡᠷᠯᠡᠬᠦᠯᠦᠯᠳᠡ ᠶᠢᠨ ᠳᠠᠶᠢᠯᠠᠯᠳᠠ ᠬᠢᠬᠦ ᠪᠠᠷ | ᠴᠡᠷᠢᠭᠯᠡᠬᠦ ᠶᠢᠨ ᠡᠮᠦᠨᠡᠬᠢ ᠶᠡᠭᠡ ᠬᠤᠷᠠᠯᠳᠠᠢ ᠳᠡᠬᠡᠷᠡ᠂ ᠬᠠᠭᠠᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠬᠦᠮᠦᠨ ᠢ ᠳᠤᠭᠳᠠᠭᠠᠬᠤ ᠳᠤᠬᠠᠢ ᠴᠢᠬᠤᠯᠠ ᠳᠤᠷᠠᠳᠤᠯᠭᠠ ᠶᠢ ᠶᠢᠰᠦᠢ | ᠬᠠᠳᠤᠨ ᠭᠠᠷᠭᠠᠵᠠᠢ᠃ ᠴᠢᠩᠬᠢᠰ ᠬᠠᠭᠠᠨ ᠡᠨᠡ ᠬᠦ ᠳᠤᠷᠠᠳᠤᠯᠭᠠ ᠶᠢ ᠬᠦᠯᠢᠶᠡᠨ ᠠᠪᠴᠤ᠂ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠬᠦᠪᠡᠬᠦᠨ ᠦᠬᠡᠳᠡᠢ ᠶᠢ ᠴᠢᠩᠬᠢᠰ ᠬᠠᠭᠠᠨ ᠤ | ᠶᠡᠭᠡ ᠤᠷᠤ ᠶᠢᠨ ᠵᠠᠯᠭᠠᠮᠵᠢᠯᠠᠭᠴᠢ ᠪᠠᠷ ᠳᠤᠭᠳᠠᠭᠠᠵᠠᠢ᠃ | 1225 ᠤᠨ ᠤ ᠨᠠᠮᠤᠷ ᠴᠢᠩᠬᠢᠰ ᠬᠠᠭᠠᠨ ᠳᠠᠪᠤᠳᠠᠬᠢ ᠤᠳᠠᠭᠠ ᠳᠠᠩᠭᠤᠳ ᠤᠯᠤᠰ ᠢ ᠳᠠᠶᠢᠯᠠᠬᠤ ᠳᠤ ᠶᠢᠰᠦᠢ ᠬᠠᠳᠤᠨ ᠢ ᠳᠠᠭᠠᠭᠤᠯᠤᠨ ᠶᠠᠪᠤᠭᠰᠠᠨ ᠪᠦᠬᠡᠳ | ᠬᠠᠭᠠᠨ ᠮᠤᠷᠢᠨ ᠠᠴᠠ ᠪᠠᠨ ᠤᠨᠠᠵᠦ ᠴᠢᠯᠡᠬᠡᠷᠬᠡᠨ ᠪᠦᠬᠦᠢ ᠳᠤ ᠶᠢᠰᠦᠢ ᠬᠠᠳᠤᠨ ᠳᠦᠷᠦ ᠶᠢᠨ ᠶᠡᠭᠡ ᠬᠤᠷᠠᠯᠳᠠᠢ ᠶᠢ ᠡᠷᠬᠢᠯᠡᠨ ᠬᠤᠷᠠᠯᠳᠤᠭᠤᠯᠵᠦ ᠪᠠᠶᠢᠪᠠ᠃ ᠬᠠᠭᠠᠨ ᠢ | ᠨᠠᠰᠤ ᠨᠦᠭᠴᠢᠬᠦ ᠦᠶᠡ ᠳᠤ ᠮᠦᠨ ᠶᠢᠰᠦᠢ ᠬᠠᠳᠤᠨ ᠬᠠᠵᠠᠭᠤ ᠳᠤᠨᠢ ᠪᠠᠶᠢᠵᠠᠢ᠃ ᠤᠯᠠᠮᠵᠢᠯᠠᠯ ᠢᠶᠠᠷ ᠶᠢᠰᠦᠢ ᠬᠠᠳᠤᠨ ᠠᠴᠠ ᠨᠢᠬᠡ ᠬᠦᠪᠡᠬᠦᠨ ᠲᠠᠢ ᠪᠠᠶᠢᠯᠠ ᠬᠡᠳᠡᠭ᠃ | ᠪᠠᠯᠴᠢᠷ ᠦᠶᠡ ᠳᠡᠭᠡᠨ ᠨᠦᠭᠴᠢᠯᠡ ᠬᠡᠵᠦ ᠶᠠᠷᠢᠵᠦ ᠪᠤᠢ᠃ ᠨᠠᠷᠠ ᠨᠢ ᠴᠠᠭᠤᠷ ᠬᠡᠳᠡᠭ᠃ ︽ᠯᠤ· ᠠᠯᠳᠠᠨ ᠳᠤᠪᠴᠢ︾ ᠳᠤ ︽ᠶᠢᠰᠦᠢ ᠬᠠᠳᠤᠨ ᠠᠴᠠ | ᠳᠦᠷᠦᠭᠰᠡᠨ ᠵᠦᠴᠢᠪᠡᠢ︾ ᠬᠡᠵᠦ ᠳᠡᠮᠳᠡᠭᠯᠡᠵᠦ ᠪᠠᠶᠢᠬᠤ ᠪᠠ ᠴᠠᠭᠤᠷ ᠢ ᠶᠢᠰᠦᠬᠡᠨ ᠬᠠᠳᠤᠨ ᠠᠴᠠ ᠳᠦᠷᠦᠭᠰᠡᠨ ᠬᠡᠵᠡᠢ᠃ ︽ᠯᠤ·ᠠᠯᠳᠠᠨ ᠳᠤᠪᠴᠢ︾ ᠳᠤ ︽ | ᠰᠢᠷᠭᠠᠴᠢ ᠶᠢᠨ ᠤᠷᠳᠤ︾ ᠬᠡᠵᠦ᠂ ︽ᠪᠡᠶᠡ ᠪᠠᠷ ᠳᠠᠶᠢᠯᠠᠭᠰᠠᠨ ᠳᠡᠮᠳᠡᠭᠯᠡᠯ︾ ᠳᠤ ︽ᠳᠤᠤᠯᠠ ᠶᠢᠨ ᠬᠠᠷᠠ ᠳᠦᠨ ᠳᠠᠬᠢ ᠤᠷᠳᠤᠨ︾ ᠬᠡᠵᠦ᠂ ︽ᠶᠤᠸᠠᠨ | ᠤᠯᠤᠰ ᠤᠨ ᠳᠡᠤᠬᠡ︾ ᠳᠤ ︽ᠭᠤᠷᠪᠠᠳᠤᠭᠠᠷ ᠤᠷᠳᠤ︾ ᠬᠡᠵᠦ ᠳᠤᠰ ᠳᠤᠰ ᠨᠡᠷᠡᠯᠡᠵᠡᠢ᠃ | | |