| ᠴᠢᠩᠭᠢᠰ ᠬᠠᠭᠠᠨ ᠠᠮᠢᠳᠤ ᠰᠡᠷᠡᠭᠦᠨ ᠪᠠᠶᠢᠬᠤ ᠳᠠᠭᠠᠨ ᠲᠦᠷᠪᠡᠨ ᠬᠦᠪᠡᠭᠦᠨ ᠳᠡᠭᠡᠨ ᠡᠵᠡᠮᠰᠢᠯ ᠣᠷᠣᠨ ᠬᠤᠪᠢᠳᠠᠨ ᠣᠯᠭᠤᠵᠠᠢ᠃ ᠣᠳᠣ ᠶᠢᠨ ᠠᠷᠠᠯ | ᠲᠠᠩᠭᠢᠰ ᠠᠴᠠ ᠪᠠᠷᠠᠭᠤᠨᠰᠢ᠂ ᠺᠠᠰᠫᠢ ᠠᠴᠠ ᠪᠠᠷᠠᠭᠤᠨᠰᠢ᠂ ᠺᠠᠰᠫᠢ ᠶᠢᠨ ᠳᠠᠯᠠᠢ ᠠᠴᠠ ᠤᠮᠠᠷᠠᠰᠢᠬᠢ ᠨᠤᠲᠤᠭ ᠢ ᠠᠬᠠᠮᠠᠳ ᠬᠦᠦ ᠵᠦᠴᠢ ᠳᠡᠭᠡᠨ ᠥᠭᠪᠡ᠃ ᠠᠯᠲᠠᠢ | ᠠᠭᠤᠯᠠ ᠠᠴᠠ ᠪᠠᠷᠠᠭᠤᠨᠰᠢ ᠠᠮᠦ᠋ ᠮᠦᠷᠡᠨ ᠬᠦᠷᠲᠡᠯᠡ᠂ ᠲᠣᠬᠠᠶᠢᠯᠠᠪᠠᠯ ᠲᠡᠭᠷᠢ ᠠᠭᠤᠯᠠ ᠶᠢᠨ ᠠᠷᠤ ᠦᠪᠦᠷ᠂ ᠤᠭ ᠤᠨ ᠪᠠᠷᠠᠭᠤᠨ ᠯᠢᠶᠣᠣ ᠤᠯᠤᠰ ᠤᠨ ᠭᠠᠵᠠᠷ | ᠨᠤᠲᠤᠭ ᠢ ᠳᠡᠳ᠋ ᠬᠦᠦ ᠴᠠᠭᠠᠳᠠᠢ ᠳᠠᠭᠠᠨ ᠣᠯᠭᠤᠵᠠᠢ᠃ ᠣᠳᠣ ᠶᠢᠨ ᠡᠯᠪᠡᠭ ᠭᠤᠣᠯ ᠤᠨ ᠳᠡᠭᠡᠳᠦ ᠤᠷᠤᠰᠬᠠᠯ ᠠᠴᠠ ᠪᠠᠷᠠᠭᠤᠨᠰᠢ ᠪᠠᠯᠬᠠᠰ ᠨᠠᠭᠤᠷ ᠤᠨ ᠵᠡᠭᠦᠨᠲᠡᠬᠢ᠂ | ᠤᠭ ᠤᠨ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠡᠵᠡᠮᠰᠢᠯ ᠨᠤᠲᠤᠭ ᠢ ᠭᠤᠷᠪᠠᠳᠤᠭᠠᠷ ᠬᠦᠦ ᠦᠭᠡᠳᠡᠢ ᠳᠡᠭᠡᠨ ᠥᠭᠭᠦᠭᠰᠡᠨ ᠪᠠᠶᠢᠯᠠ᠃ | ᠦᠭᠡᠳᠡᠢ ᠬᠠᠭᠠᠨ ᠪᠠ ᠮᠦᠩᠬᠡ ᠬᠠᠭᠠᠨ ᠤ ᠦᠶᠡ ᠳᠤ᠂ ᠵᠦᠴᠢ ᠶᠢᠨ ᠬᠦᠪᠡᠭᠦᠨ ᠪᠠᠲᠤ 1235 ᠣᠨ ᠠᠴᠠ 1241 ᠣᠨ ᠬᠦᠷᠲᠡᠯᠡ ᠴᠡᠷᠢᠭ ᠳᠠᠶᠢᠴᠢᠯᠠᠨ | ᠪᠠᠷᠠᠭᠤᠨᠰᠢ ᠳᠠᠶᠢᠯᠠᠵᠦ ᠬᠢᠪᠴᠠᠭ ᠨᠤᠲᠤᠭ ᠢ ᠲᠦᠪᠰᠢᠳᠭᠡᠵᠦ ᠤᠮᠠᠷᠠᠰᠢ ᠣᠷᠣᠰ ᠤᠨ ᠨᠤᠲᠤᠭ ᠢ ᠳᠣᠪᠲᠣᠯᠵᠤ᠂ ᠪᠠᠷᠠᠭᠤᠨᠳᠠᠬᠢ ᠫᠤᠯᠱᠠ ᠶᠢ ᠡᠵᠡᠯᠡᠵᠦ᠂ ᠡᠮᠦᠨᠡᠰᠢ | ᠮᠠᠵᠠᠷ ︵ᠬᠠᠩᠭᠠᠷᠢ︶ ᠶᠢ ᠳᠠᠶᠢᠯᠠᠵᠤ ᠳᠠᠭᠠᠭᠤᠯᠪᠠ᠃ ᠲᠣᠯᠣᠢ ᠶᠢᠨ ᠬᠦᠪᠡᠭᠦᠨ᠃ ᠮᠦᠩᠬᠡ ᠬᠠᠭᠠᠨ ᠤ ᠳᠡᠭᠦᠦ ᠦᠯᠡᠬᠦ 1253 ᠣᠨ ᠠᠴᠠ 1259 ᠣᠨ | ᠬᠦᠷᠲᠡᠯᠡ ᠪᠠᠷᠠᠭᠤᠨᠰᠢ ᠳᠠᠶᠢᠯᠠᠬᠤ ᠳᠠᠭᠠᠨ ᠢᠷᠡᠨ᠂ ᠪᠠᠭᠳᠠᠳ᠋ ᠢ ᠡᠵᠡᠯᠡᠨ᠂ ᠠᠷᠠᠪ ᠢ ᠳᠠᠶᠢᠯᠠᠨ ᠳᠠᠭᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠮᠣᠩᠭᠤᠯ ᠬᠠᠭᠠᠨᠲᠤ | ᠤᠯᠤᠰ ᠤᠨ ᠨᠤᠲᠤᠭ ᠳᠡᠪᠢᠰᠭᠡᠷ ᠨᠢ ᠨᠡᠩ ᠦᠷᠭᠡᠵᠢᠵᠡᠢ᠃ ᠶᠠᠭ ᠡᠨᠡ ᠬᠦ ᠶᠠᠪᠤᠴᠠ ᠳᠤ ᠳᠦᠷᠪᠡᠨ ᠬᠠᠭᠠᠨᠲᠤ ᠤᠯᠤᠰ ᠪᠣᠢ ᠪᠣᠯᠣᠭᠰᠠᠨ ᠪᠢᠯᠡ᠃ ᠳᠠᠷᠤᠢ ᠵᠦᠴᠢ | ᠬᠠᠭᠠᠨᠲᠤ ᠤᠯᠤᠰ ︵ᠪᠠᠰᠠ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠭᠡᠳᠡᠭ︶᠂ ᠦᠭᠡᠳᠡᠢ ᠬᠠᠭᠠᠨᠲᠤ ᠤᠯᠤᠰ᠂ ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ᠂ ᠢᠯ ᠬᠠᠭᠠᠨᠲᠤ ᠤᠯᠤᠰ ᠵᠡᠷᠭᠡ | ᠳᠦᠷᠪᠡᠨ ᠤᠯᠤᠰ ᠪᠣᠯᠣᠨᠠ᠃ | ᠨᠢᠭᠡ᠂ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ | ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠢ ᠪᠠᠰᠠ ᠠᠯᠳᠠᠨ ᠣᠷᠳᠣᠲᠤ ᠬᠠᠭᠠᠨᠲᠤ ᠤᠯᠤᠰ ᠪᠣᠶᠣ ᠵᠦᠴᠢ ᠬᠠᠭᠠᠨᠲᠤ ᠤᠯᠤᠰ ᠭᠡᠳᠡᠭ᠃ 1255 ᠣᠨ ᠳᠤ᠂ ᠴᠢᠩᠭᠢᠰ | ᠬᠠᠭᠠᠨ ᠳᠦᠷᠪᠡᠨ ᠬᠦᠪᠡᠭᠦᠨ ᠳᠡᠭᠡᠨ ᠨᠤᠲᠤᠭ ᠬᠤᠪᠢᠶᠠᠵᠦ ᠦᠭᠬᠦ ᠦᠶᠡ ᠳᠤ ᠤᠤᠭᠠᠨ ᠬᠦᠪᠡᠭᠦᠨ ᠵᠦᠴᠢ ᠳᠡᠭᠡᠨ ᠬᠤᠪᠢᠶᠠᠵᠤ ᠦᠭᠭᠦᠭᠰᠡᠨ ᠨᠤᠲᠤᠭ ᠪᠣᠯ ᠡᠷᠴᠢᠰ | ᠭᠤᠣᠯ ᠠᠴᠠ ᠪᠠᠷᠠᠭᠤᠨᠰᠢᠬᠢ ᠬᠤᠷᠧᠰᠮ ᠠᠴᠠ ᠬᠤᠶᠢᠰᠢ ᠮᠣᠩᠭᠤᠯ ᠴᠡᠷᠢᠭ ᠤᠨ ᠮᠣᠷᠢᠨ ᠤ ᠲᠤᠭᠤᠷᠠᠢ ᠬᠦᠷᠦᠭᠰᠡᠨ ᠭᠠᠵᠠᠷ ᠢ ᠪᠦᠷ ᠪᠠᠭᠲᠠᠭᠠᠨᠠ᠃ ᠵᠦᠴᠢ ᠶᠢᠨ | ᠠᠮᠢᠳᠤ ᠰᠡᠷᠡᠭᠦᠨ ᠪᠠᠶᠢᠬᠤ ᠳᠠᠭᠠᠨ ᠨᠣᠶᠠᠷᠬᠠᠵᠤ ᠪᠠᠶᠢᠭᠰᠠᠨ ᠣᠷᠣᠨ ᠭᠡᠪᠡᠯ ᠦᠷᠡᠯ ᠭᠤᠣᠯ ᠠᠴᠠ ᠵᠡᠭᠦᠨᠰᠢ᠂ ᠬᠢᠪᠴᠠᠭ ᠤᠨ ᠲᠠᠯᠠ ᠨᠤᠲᠤᠭ ᠤᠨ ᠵᠡᠭᠦᠨ ᠲᠠᠯᠠ ᠪᠠ | ᠠᠮᠦ᠋ ᠮᠦᠷᠡᠨ ᠰᠸᠢᠢᠷ — ᠳ᠋ᠠᠷᠢᠶᠠ ᠮᠦᠷᠡᠨ ᠤ ᠳᠣᠣᠷᠠᠳᠤ ᠤᠷᠤᠰᠬᠠᠯ ᠤᠨ ᠬᠤᠷᠧᠰᠮ ᠣᠷᠣᠨ ᠪᠣᠯᠣᠨᠠ᠃ | 1236 —1240 ᠣᠨ ᠬᠦᠷᠲᠡᠯᠡ ᠵᠦᠴᠢ ᠶᠢᠨ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠪᠠᠲᠤ ᠦᠷᠡᠯ ᠭᠤᠣᠯ ᠠᠴᠠ ᠪᠠᠷᠠᠭᠤᠨᠰᠢ ᠸᠣᠯᠭᠠ ᠭᠤᠣᠯ ᠳᠠᠭᠠᠤ ᠣᠷᠣᠨ ᠤ | ᠬᠢᠪᠴᠠᠭ᠂ ᠪᠤᠯᠭᠠᠷᠢᠶᠠ ᠵᠡᠷᠭᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠲᠦᠪᠰᠢᠳᠭᠡᠵᠦ᠂ ᠣᠷᠣᠰ ᠤᠨ ᠡᠯᠡ ᠭᠦᠩᠲᠦ ᠤᠯᠤᠰ ᠢ ᠠᠯᠪᠠᠳᠠᠨ ᠲᠦᠰᠢᠮᠡᠯ ᠪᠣᠯᠭᠠᠵᠤ ᠠᠯᠪᠠ | ᠪᠠᠷᠢᠭᠤᠯᠤᠭᠰᠠᠨ ᠠᠵᠢ᠃ 1243 ᠣᠨ ᠳᠤ ᠪᠠᠲᠤ ᠬᠤᠶᠠᠳᠤᠭᠠᠷ ᠤᠳᠠᠭᠠᠨ ᠤ ᠪᠠᠷᠠᠭᠤᠨᠰᠢ ᠳᠠᠶᠢᠯᠠᠬᠤ ᠳᠠᠶᠢᠨ ᠢᠶᠠᠷ ᠳᠠᠮᠵᠢᠨ ᠸᠣᠯᠭᠠ ᠭᠤᠣᠯ ᠤᠨ ᠬᠦᠪᠡᠭᠡ | ᠳᠡᠭᠡᠷᠡ ᠢᠷᠡᠵᠦ᠂ ᠵᠡᠭᠦᠨ ᠡᠷᠴᠢᠰ ᠭᠤᠣᠯ ᠠᠴᠠ ᠪᠠᠷᠠᠭᠤᠨᠰᠢ ᠣᠷᠣᠰ ᠬᠦᠷᠲᠡᠯᠡ᠂ ᠡᠮᠦᠨᠡᠰᠢ ᠪᠠᠯᠬᠠᠱ ᠨᠠᠭᠤᠷ ᠠᠴᠠ ᠳᠣᠲᠣᠭᠠᠳᠤ ᠲᠠᠩᠭᠢᠰ᠂ ᠬᠠᠷᠠ ᠲᠠᠩᠭᠢᠰ ᠠᠴᠠ | ᠬᠤᠶᠢᠰᠢ ᠤᠮᠠᠷᠠᠲᠤ ᠲᠤᠶᠢᠯ ᠤᠨ ᠴᠠᠭᠠᠷᠢᠭ ᠣᠷᠴᠢᠮ ᠬᠦᠷᠲᠡᠯᠡᠬᠢ ᠦᠷᠭᠡᠨ ᠠᠭᠤᠳᠠᠮ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠢ ᠪᠠᠶᠢᠭᠤᠯᠪᠠ᠃ | ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠳᠤ ᠦᠨᠳᠦᠰᠦᠲᠡᠨ ᠤ ᠪᠦᠷᠢᠯᠳᠦᠭᠦᠨ ᠣᠯᠠᠨ᠂ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠶᠢᠨ ᠬᠡᠮᠵᠢᠶᠡ ᠠᠳᠠᠯᠢ ᠦᠬᠡᠢ | ᠪᠠᠶᠢᠪᠠ᠃ ᠬᠤᠷᠧᠰᠮ᠂ ᠸᠣᠯᠭᠠ ᠭᠤᠣᠯ ᠤᠨ ᠳᠠᠭᠠᠤ ᠭᠧᠷᠮᠡᠨ᠂ ᠬᠤᠶᠢᠳᠤ ᠺᠡᠦ᠋ᠺᠡᠰ ᠵᠡᠷᠭᠡ ᠣᠷᠣᠨ ᠳᠤ ᠬᠤᠷᠧᠰᠮ ᠪᠤᠯᠭᠠᠷᠢᠶᠠ᠂ ᠮᠣᠷᠳᠣᠳᠠ᠂ ᠠᠰᠦ᠋ᠰ᠂ ᠭᠷᠢᠭ᠂ ᠣᠷᠣᠰ | ᠵᠡᠷᠭᠡ ᠬᠦᠮᠦᠰ ᠠᠮᠢᠳᠤᠷᠠᠵᠤ ᠪᠠᠶᠢᠪᠠ᠃ ᠡᠳᠡᠨᠠᠷ ᠭᠤᠣᠯᠳᠠᠭᠤ ᠲᠠᠷᠢᠶᠠᠯᠠᠩ ᠠᠵᠤ ᠠᠬᠤᠢ ᠪᠠ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠢᠵᠦ ᠨᠡᠯᠢᠶᠡᠳ ᠡᠷᠲᠡ ᠹᠸᠥᠳᠡᠯ ᠨᠡᠶᠢᠭᠡᠮ ᠳᠤ | ᠰᠢᠯᠵᠢᠵᠡᠢ᠃ ᠸᠣᠯᠭᠠ ᠭᠤᠣᠯ ᠤᠨ ᠳᠣᠣᠷᠠᠳᠤ ᠤᠷᠤᠰᠬᠠᠯ ᠤᠨ ᠪᠠᠲᠤ ᠰᠠᠷᠠᠢ᠂ ᠬᠤᠷᠧᠰᠮ ᠤᠨ ᠦᠷᠭᠨᠡᠴᠢ᠂ ᠭᠧᠷᠮᠡᠨ ᠤ ᠰᠤᠳᠠᠰ ᠪᠠ ᠠᠰᠦ᠋ᠰ ᠳᠠᠯᠠᠢ ᠳᠠᠭᠠᠤ ᠶᠢᠨ | ᠬᠤᠲᠠ ᠪᠠᠯᠭᠠᠰᠤ ᠪᠣᠯ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠶᠢᠨ ᠶᠡᠭᠡ ᠬᠤᠲᠠ ᠪᠦᠭᠡᠳ ᠪᠠᠷᠠᠭᠤᠨᠳᠠᠬᠢ ᠣᠷᠣᠨ ᠤ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠤ ᠲᠥᠪ ᠪᠣᠯᠣᠨᠠ᠃ ᠡᠳᠡᠭᠡᠷ | ᠣᠷᠣᠨ ᠤ ᠠᠵᠤ ᠠᠬᠤᠢ ᠨᠡᠯᠢᠶᠡᠳ ᠬᠦᠭᠵᠢᠩᠭᠦᠢ ᠴᠦ ᠬᠢᠪᠴᠠᠭ ᠤᠨ ᠲᠠᠯᠠ ᠨᠤᠲᠤᠭ ᠳᠡᠭᠡᠷᠡᠬᠢ ᠮᠠᠯ ᠠᠵᠤ ᠠᠬᠤᠢ ᠪᠠᠷ ᠨᠡᠭᠦᠳᠡᠯᠯᠡᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ | ᠬᠢᠪᠴᠠᠭ᠂ ᠺᠠᠩᠯᠢ᠂ ᠲᠦᠷᠺ᠂ ᠮᠣᠩᠭᠤᠯ ᠵᠡᠷᠭᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠨᠡᠯᠢᠶᠡᠳ ᠬᠤᠴᠣᠷᠣᠩᠭᠤᠢ ᠪᠠᠶᠢᠵᠤ᠂ ᠹᠸᠥᠳᠠᠯ ᠤᠨ ᠬᠠᠷᠢᠴᠠᠭᠠ ᠰᠠᠶ᠋ᠢ ᠰᠠᠶ᠋ᠢ ᠡᠬᠢᠯᠡᠵᠦ | ᠪᠠᠶᠢᠯᠠ᠃ ᠭᠤᠣᠯ ᠨᠣᠶᠠᠷᠬᠠᠬᠤ ᠪᠠᠶᠢᠷᠢᠨ ᠳᠤ ᠪᠠᠶᠢᠭᠰᠠᠨ ᠮᠣᠩᠭᠤᠯ ᠬᠦᠮᠦᠨ᠂ ᠬᠦᠮᠦᠨ ᠤ ᠲᠤᠭᠠ ᠪᠠᠷ ᠲᠤᠩ ᠪᠠᠭᠠ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠣᠷᠴᠢᠨ ᠲᠤᠭᠤᠷᠢᠨ ᠤ | ᠬᠢᠪᠴᠠᠭ᠂ ᠲᠦᠷᠺᠴᠤᠳ ᠲᠤ ᠢᠳᠡᠭ ᠢᠳᠡᠭ ᠢᠶᠠᠷ ᠨᠦᠯᠦᠭᠡᠯᠡᠭᠳᠡᠵᠦ᠂ 14 ᠳ᠋ᠦ᠋ᠭᠡᠷ ᠵᠠᠭᠤᠨ ᠤ ᠡᠮᠦᠨᠡᠬᠢ ᠦᠶᠡ ᠪᠣᠯᠣᠭᠠᠳ ᠨᠢᠭᠡᠨᠲᠡ ᠲᠦᠷᠺ ᠦᠭᠡ ᠪᠠᠷ ᠶᠠᠷᠢᠯᠴᠠᠬᠤ | ᠪᠣᠯᠵᠠᠢ᠃ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠯᠡ ᠬᠤᠲᠠ᠂ ᠭᠠᠵᠠᠷ ᠣᠷᠣᠨ ᠪᠠ ᠬᠠᠷᠢᠶᠠᠲᠤ ᠣᠷᠣᠰ ᠤᠨ ᠡᠯᠡ ᠭᠦᠩᠲᠦ ᠤᠯᠤᠰ ᠲᠤ ᠪᠠᠰᠬᠠ ︵ᠳᠠᠷᠤᠭᠠᠴᠢ — | ᠵᠣᠬᠢᠶᠠᠭᠴᠢ︶ ᠲᠣᠮᠢᠯᠠᠨ ᠨᠣᠶᠠᠷᠬᠠᠵᠤ ᠰᠠᠭᠤᠳᠠᠭ ᠪᠠᠶᠢᠯᠠ᠃ ᠲᠡᠳᠡᠨ ᠠᠴᠠ ᠡᠯᠡ ᠵᠦᠢᠯ ᠤᠨ ᠭᠠᠶᠢᠯᠢ ᠭᠤᠪᠴᠢᠭᠤᠷ᠂ ᠲᠦᠷᠢᠶᠡᠰᠦ ᠲᠠᠳᠠᠪᠤᠷᠢ ᠶᠢ ᠠᠯᠪᠠᠴᠢᠨ ᠲᠠᠲᠠᠳᠠᠭ | ᠪᠠᠶᠢᠪᠠ᠃ ᠪᠠᠲᠤ᠂ ᠪᠠᠷᠠᠭᠤᠨᠰᠢ ᠳᠠᠶᠢᠯᠠᠬᠤ ᠳᠠᠶᠢᠨ ᠠᠴᠠ ᠪᠤᠴᠠᠵᠤ ᠢᠷᠡᠭᠰᠡᠨ ᠤ ᠳᠠᠷᠠᠭᠠ᠂ ᠸᠣᠯᠭᠠ ᠭᠤᠣᠯ ᠤᠨ ᠳᠣᠣᠷᠠᠳᠤ ᠤᠷᠤᠰᠬᠠᠯ ᠤᠨ ᠣᠷᠣᠨ ᠳᠤ ᠰᠠᠷᠠᠢ | ᠬᠤᠲᠠ ︵ᠣᠳᠣ ᠶᠢᠨ ᠠᠰᠲᠷᠠᠬᠠᠨ ᠣᠷᠴᠢᠮ ᠪᠣᠢ︶ ᠶᠢ ᠪᠠᠶᠢᠭᠤᠯᠵᠠᠢ᠃ ᠬᠠᠭᠠᠨᠲᠤ ᠤᠯᠤᠰ ᠤᠨ ᠳᠣᠲᠤᠷᠠ ᠪᠠᠲᠤ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠠᠬᠠ ᠳᠡᠭᠦᠦ ᠪᠠ | ᠲᠡᠳᠡᠨᠠᠷ ᠤᠨ ᠦᠷᠡᠰ ᠪᠦᠷ ᠦᠶᠡ ᠵᠠᠯᠭᠠᠮᠵᠢᠯᠠᠬᠤ ᠨᠤᠲᠤᠭ ᠳᠡᠪᠢᠰᠭᠡᠷ ᠬᠢᠭᠡᠳ ᠬᠠᠷᠢᠶᠠᠲᠤ ᠴᠡᠷᠢᠭ ᠲᠠᠢ᠃ ᠡᠳᠡᠭᠡᠷ ᠣᠷᠣᠨ ᠪᠠᠲᠤ ᠶᠢᠨ ᠬᠤᠶᠢᠴᠢ ᠦᠶᠡ ᠳᠤ | ᠬᠠᠷᠢᠶᠠᠯᠠᠭᠳᠠᠬᠤ ᠬᠠᠭᠠᠰ ᠲᠤᠰᠠᠭᠠᠷ ᠲᠣᠭᠲᠠᠨᠢᠭᠰᠠᠨ ᠤᠯᠤᠰ ᠤᠨ ᠰᠢᠨᠵᠢᠲᠡᠢ ᠪᠣᠯᠵᠤ ᠬᠦᠭᠵᠢᠵᠡᠢ᠃ ᠪᠠᠲᠤ᠂ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠢ ᠪᠠᠶᠢᠭᠤᠯᠤᠭᠠᠳ ᠴᠡᠷᠢᠭ᠂ | ᠵᠠᠰᠠᠭ ᠤᠶᠠᠯᠳᠤᠭᠰᠠᠨ ᠨᠣᠶᠠᠷᠬᠠᠬᠤ ᠪᠠᠶᠢᠭᠤᠯᠤᠮᠵᠢ ᠶᠢ ᠪᠠᠷᠢᠮᠲᠠᠯᠠᠨ ᠢᠵᠠᠭᠤᠷᠲᠠᠳ ᠤᠨ ᠬᠠᠷᠢᠶᠠᠨ ᠳᠤ ᠪᠣᠢ ᠲᠦᠮᠡᠨ ᠡᠷᠦᠬᠡ᠂ ᠮᠢᠩᠭᠠᠨ ᠡᠷᠦᠬᠡ᠂ ᠵᠠᠭᠤᠨ ᠡᠷᠦᠬᠡ᠂ | ᠠᠷᠪᠠᠨ ᠡᠷᠦᠬᠡ ᠶᠢᠨ ᠲᠦᠷᠦ ᠵᠠᠰᠠᠭ ᠤᠨ ᠦᠨᠳᠦᠰᠦᠨ ᠨᠢᠭᠡᠴᠡ ᠪᠠᠷ ᠢᠶᠠᠨ ᠴᠡᠷᠢᠭ ᠤᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠴᠦ ᠪᠣᠯᠭᠠᠵᠤ ᠪᠠᠶᠢᠪᠠ᠃ | ᠪᠠᠲᠤ ᠶᠢᠨ ᠠᠬᠠ ᠤᠷᠲᠤ ᠪᠣᠯᠣᠨ ᠲᠡᠭᠦᠨ ᠤ ᠬᠤᠶᠢᠴᠢ ᠦᠶᠡ ᠣᠳᠤ ᠶᠢᠨ ᠪᠠᠷᠠᠭᠤᠨ ᠰᠢᠪᠡᠷ᠂ ᠬᠠᠰᠠᠬᠠᠰᠲ᠋ᠠᠨ ᠢ ᠡᠵᠡᠯᠡᠨ ᠴᠠᠭᠠᠨ ᠮᠠᠬᠠᠶᠢᠲᠤ ᠤᠯᠤᠰ | ᠪᠠᠶᠢᠭᠤᠯᠪᠠ᠃ | ᠭᠦᠶᠦᠭ ᠬᠠᠭᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠪᠠᠲᠤ ᠲᠤᠯᠤᠢ ᠶᠢᠨ ᠶᠡᠭᠡ ᠬᠦᠦ ᠮᠦᠩᠭᠡ ᠶᠢ ᠳᠡᠮᠵᠢᠵᠦ ᠮᠣᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨ ᠤ ᠰᠠᠭᠤᠷᠢᠨ ᠳᠤ | ᠡᠷᠬᠡ ᠭᠤᠣᠯᠴᠢᠯᠠᠨ ᠰᠠᠭᠤᠯᠭᠠᠭᠰᠠᠨ ᠪᠦᠭᠡᠳ ᠦᠭᠡᠳᠡᠢ᠂ ᠴᠠᠭᠠᠳᠠᠢ ᠬᠤᠶᠠᠷ ᠬᠠᠭᠠᠨᠲᠤ ᠤᠯᠤᠰ ᠤᠨ ᠢᠵᠠᠭᠤᠷᠲᠠᠳ ᠲᠤ ᠳᠠᠷᠤᠯᠲᠠ ᠦᠵᠡᠭᠦᠯᠵᠦ᠂ ᠵᠠᠪᠰᠢᠶᠠᠨ ᠢ | ᠳᠠᠯᠢᠮᠳᠠᠭᠤᠯᠤᠨ ᠠᠮᠦ᠋ ᠮᠦᠷᠡᠨ᠂ ᠰᠸᠢᠢᠷ — ᠳ᠋ᠠᠷᠢᠶᠠ ᠮᠦᠷᠡᠨ ᠤ ᠭᠠᠵᠠᠷ ᠣᠷᠣᠨ ᠢ ᠡᠵᠡᠯᠡᠨ ᠥᠭᠴᠡᠢ᠃ 1255 ᠣᠨ ᠳᠤ ᠪᠠᠲᠤ ᠪᠡᠶᠡ ᠪᠠᠷᠠᠪᠠ᠃ | ᠪᠠᠲᠤ ᠶᠢᠨ ᠰᠠᠭᠤᠷᠢ ᠶᠢ ᠲᠡᠭᠦᠨ ᠤ ᠳᠡᠭᠦᠦ ᠪᠡᠷᠬᠡ ᠡᠷᠬᠡ ᠡᠵᠡᠯᠡᠪᠡ᠃ ᠲᠡᠭᠦᠨ ᠤ ᠡᠷᠬᠡ ᠠᠳᠬᠤᠭᠰᠠᠨ ︵1257 — 1268︶ ᠴᠠᠭ ᠦᠶᠡ ᠠᠴᠠ | ᠡᠬᠢᠯᠡᠵᠦ ᠠᠯᠳᠠᠨ ᠣᠷᠳᠣᠲᠤ ᠬᠠᠨ ᠤᠯᠤᠰ ᠨᠢ ᠨᠡᠷᠡ ᠳᠡᠭᠡᠷᠡ ᠪᠠᠨ ᠮᠣᠩᠭᠤᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠬᠠᠷᠢᠶᠠᠲᠤ ᠤᠯᠤᠰ ᠭᠡᠭᠳᠡᠵᠦ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ ᠦᠨᠡᠨ | ᠬᠡᠷᠡᠭ ᠳᠡᠭᠡᠷᠡ ᠪᠠᠨ ᠨᠢᠭᠡᠨᠲᠡ ᠲᠤᠰᠠᠭᠠᠷ ᠲᠣᠭᠲᠠᠨᠢᠭᠰᠠᠨ᠂ ᠪᠡᠶᠡ ᠪᠠᠨ ᠳᠠᠭᠠᠭᠠᠭᠰᠠᠨ ᠤᠯᠤᠰ ᠤᠨ ᠰᠢᠨᠵᠢᠲᠡᠢ ᠪᠣᠯᠵᠠᠢ᠃ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠵᠢᠷᠠᠭᠠᠳ ᠣᠨ ᠤ | ᠡᠬᠢ ᠪᠠᠷ ᠪᠣᠯᠭᠠᠷᠢᠶᠠ ᠳᠤ ᠴᠢᠳᠬᠤᠭᠰᠠᠨ ᠵᠣᠭᠤᠰ ᠤᠨ ᠳᠡᠭᠡᠷᠡ ᠠᠷᠢᠭᠪᠣᠬᠠ ᠶᠢ ᠶᠡᠭᠡ ᠴᠠᠭᠠᠨ ᠬᠠᠭᠠᠨ ᠬᠡᠮᠡᠨ ᠡᠷᠭᠦᠮᠵᠢᠯᠡᠵᠦ᠂ ᠮᠣᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨ ᠤ | ᠰᠠᠭᠤᠷᠢ ᠶᠢ ᠠᠷᠢᠭᠪᠣᠬᠠ ᠳᠤ ᠥᠭᠬᠦ ᠰᠠᠨᠠᠭᠠ ᠪᠡᠷᠬᠡ ᠡᠷᠬᠡ ᠳᠤ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ 1260 — 1264 ᠣᠨ ᠬᠦᠷᠲᠡᠯᠡ ᠲᠡᠷᠡ ᠠᠷᠢᠭᠪᠣᠬᠠ ᠬᠢᠭᠡᠳ | ᠬᠤᠪᠢᠯᠠᠢ ᠶᠢᠨ ᠬᠤᠭᠤᠷᠣᠨᠳᠣᠬᠢ ᠬᠠᠭᠠᠨ ᠡᠷᠬᠡ ᠶᠢᠨ ᠲᠡᠮᠡᠴᠡᠭᠡᠨ ᠳᠤ ᠣᠷᠣᠯᠴᠠᠭᠰᠠᠨ ᠦᠬᠡᠢ᠂ ᠬᠠᠷᠢᠨ ᠬᠤᠶᠠᠷ ᠲᠠᠯᠠ ᠳᠤ ᠡᠯᠴᠢ ᠲᠣᠮᠢᠯᠠᠨ ᠡᠪᠰᠡᠬᠦ ᠶᠢ ᠬᠦᠰᠡᠵᠦ | ᠪᠠᠶᠢᠪᠠ᠃ | 1262 ᠣᠨ ᠳᠤ ᠪᠠ 1265 — 1266 ᠣᠨ ᠤ ᠬᠤᠭᠤᠷᠣᠨᠳᠤ ᠪᠡᠷᠬᠡ᠂ ᠢᠯ ᠬᠠᠭᠠᠨᠲᠤ ᠤᠯᠤᠰ ᠲᠠᠢ ᠺᠡᠦ᠋ᠺᠡᠰ ᠣᠷᠣᠨ ᠢ ᠪᠤᠯᠢᠶᠠᠯᠳᠤᠬᠤ ᠶᠢᠨ | ᠲᠦᠯᠦᠭᠡ ᠶᠧᠵᠢᠫᠲ ᠤᠯᠤᠰ ᠲᠠᠢ ᠬᠤᠯᠪᠣᠭᠠ ᠪᠠᠶᠢᠭᠤᠯᠤᠨ ᠶᠧᠵᠢᠫᠲ ᠲᠠᠢ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠤ ᠬᠠᠷᠢᠴᠠᠭᠠ ᠡᠭᠦᠰᠬᠡᠵᠦ ᠪᠠᠶᠢᠭᠰᠠᠨ ᠢᠶᠠᠷ ᠢᠰᠯᠠᠮ ᠤᠨ | ᠰᠣᠶᠣᠯ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠢ ᠨᠦᠯᠦᠭᠡᠯᠡᠵᠦ ᠡᠬᠢᠯᠡᠪᠡ᠃ | ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠳᠠᠶᠢᠨ ᠤ ᠶᠠᠪᠤᠳᠠᠯ ᠠᠴᠠ ᠪᠣᠯᠵᠤ᠂ ᠪᠡᠷᠬᠡ ᠵᠡᠭᠦᠨᠰᠢ ᠬᠠᠨᠳᠤᠬᠤ ᠲᠡᠩᠬᠡᠬᠡ ᠦᠬᠡᠢ ᠪᠣᠯᠵᠤ᠂ ᠠᠮᠦ᠋ ᠮᠦᠷᠡᠨ᠂ ᠰᠸᠢᠢᠷ — ᠳ᠋ᠠᠷᠢᠶᠠ | ᠮᠦᠷᠡᠨ ᠤ ᠭᠠᠵᠠᠷ ᠨᠤᠲᠤᠭ ᠢ ᠴᠠᠭᠠᠳᠠᠢ ᠶᠢᠨ ᠣᠮᠪᠣᠯ ᠬᠦᠦ ᠠᠯᠤᠬᠤ ᠳᠤ ᠪᠤᠯᠢᠶᠠᠭᠳᠠᠪᠠ᠃ ᠡᠶᠢᠨ ᠬᠦ ᠪᠡᠷᠬᠡ ᠦᠭᠡᠳᠡᠢ ᠶᠢᠨ ᠣᠮᠪᠣᠯ ᠬᠠᠶᠢᠳᠤ ᠶᠢ ᠳᠡᠮᠵᠢᠵᠦ | ᠠᠯᠤᠬᠤ ᠲᠠᠢ ᠪᠠᠶᠢᠯᠳᠤᠭᠰᠠᠨ ᠢᠶᠠᠷ ᠬᠠᠶᠢᠳᠤ ᠶᠡᠬᠡᠳᠡ ᠬᠦᠴᠦᠷᠬᠡᠭᠵᠢᠭᠰᠡᠨ ᠪᠠᠶᠢᠯᠠ᠃ | 1266 ᠣᠨ ᠳᠤ ᠪᠡᠷᠬᠡ ᠨᠠᠰᠤ ᠪᠠᠷᠠᠵᠤ᠂ ᠮᠦᠩᠬᠡ ᠲᠡᠮᠦᠷ ᠰᠠᠭᠤᠷᠢᠨ ᠳᠤ ᠰᠠᠭᠤᠪᠠ᠃ ᠮᠦᠩᠬᠡ ᠲᠡᠮᠦᠷ᠂ ᠬᠤᠪᠢᠯᠠᠢ ᠶᠢᠨ ᠡᠷᠭᠦᠮᠵᠢᠯᠡᠯ ᠢ ᠣᠯᠵᠤ | ᠪᠠᠶᠢᠭᠰᠠᠨ ᠪᠦᠭᠡᠳ ᠬᠤᠪᠢᠯᠠᠢ ᠶᠢᠨ ᠵᠠᠷᠯᠢᠭ ᠢᠶᠠᠷ ᠬᠠᠶᠢᠳᠤ ᠶᠢᠨ ᠵᠦᠭ ᠨᠢᠭᠡᠨ ᠰᠠᠯᠠᠭᠠ ᠡᠰᠡᠷᠭᠦᠴᠡᠯ ᠤᠨ ᠴᠡᠷᠢᠭ ᠭᠠᠷᠭᠠᠵᠤ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠨᠢ ᠤᠳᠠᠯ | ᠦᠬᠡᠢ ᠬᠠᠶᠢᠳᠤ ᠲᠠᠢ ᠡᠪᠰᠡᠭᠰᠡᠨ ᠠᠵᠢ᠃ ᠴᠠᠭᠠᠳᠠᠢ ᠶᠢᠨ ᠬᠤᠶᠢᠴᠢ ᠦᠶᠡ ᠶᠢᠨ ᠪᠠᠷᠠᠭ᠂ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠢ ᠳᠠᠭᠠᠷᠢᠨ ᠳᠣᠪᠲᠣᠯᠬᠤ ᠳᠤ ᠲᠡᠷᠡ | ᠬᠠᠶᠢᠳᠤ ᠲᠠᠢ ᠬᠤᠯᠪᠣᠭᠠᠲᠤ ᠴᠡᠷᠢᠭ ᠪᠠᠶᠢᠭᠤᠯᠵᠤ ᠪᠠᠷᠠᠭ ᠢ ᠳᠠᠶᠢᠯᠠᠪᠠ᠃ 1277 ᠣᠨ ᠳᠤ᠂ ᠮᠦᠩᠬᠡ ᠬᠠᠭᠠᠨ ᠤ ᠬᠦᠦ ᠰᠢᠯᠵᠢ ᠶᠤᠸᠠᠨ ᠤᠯᠤᠰ ᠠᠴᠠ ᠤᠷᠪᠠᠵᠤ | ᠬᠠᠶᠢᠳᠤ ᠶᠢᠨ ᠳᠣᠪᠲᠣᠯᠣᠯ ᠢ ᠰᠡᠷᠡᠮᠵᠢᠯᠡᠨ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠬᠤᠪᠢᠯᠠᠢ ᠶᠢᠨ ᠬᠦᠪᠡᠭᠦᠨ ᠨᠣᠮᠣᠬᠠᠨ ᠢ ᠪᠠᠷᠢᠪᠴᠢᠯᠠᠨ ᠠᠪᠤᠭᠠᠳ ᠬᠠᠶᠢᠳᠤ ᠲᠠᠢ ᠬᠤᠯᠪᠣᠭᠠ ᠠᠪᠴᠤ | ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠲᠤ ᠬᠦᠷᠭᠡᠨ ᠣᠴᠢᠵᠣ ᠬᠡᠳᠦᠨ ᠵᠢᠯ ᠬᠤᠷᠢᠵᠤ ᠰᠠᠭᠤᠪᠠ᠃ 1282 ᠣᠨ ᠳᠤ ᠲᠣᠭᠲᠠᠭᠠ ᠮᠦᠩᠬᠡ ᠬᠢᠪᠴᠠᠭ ᠤᠨ ᠡᠵᠡᠨ | ᠪᠣᠯᠣᠮᠠᠭᠴᠠ ᠨᠣᠮᠣᠬᠠᠨ ᠢ ᠲᠠᠯᠪᠢᠨ ᠶᠠᠪᠤᠭᠤᠯᠵᠠᠢ᠃ | ᠲᠣᠭᠲᠠᠭᠠ ᠮᠦᠩᠬᠡ ︵1282 — 1287 ᠣᠨ ᠬᠦᠷᠲᠡᠯᠡ ᠰᠠᠭᠤᠷᠢᠨ ᠳᠤ ᠪᠠᠶᠢᠪᠠ︶᠂ ᠲᠤᠯᠠ ᠪᠤᠬᠠ ︵1287 — 1291 ᠣᠨ ᠬᠦᠷᠲᠡᠯᠡ︶ | ᠬᠤᠶᠠᠭᠤᠯᠠ ᠶᠢᠨ ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ ᠦᠶᠡ ᠬᠠᠷᠠ ᠲᠠᠩᠭᠢᠰ ᠤᠨ ᠭᠠᠵᠠᠷ ᠣᠷᠣᠨ ᠢ ᠤᠭᠰᠠᠭᠠ ᠶᠢᠨ ᠸᠠᠩᠲᠤ ᠨᠣᠬᠠᠢ ᠡᠵᠡᠯᠡᠨ ᠰᠠᠭᠤᠵᠤ᠂ ᠡᠷᠬᠡ | ᠰᠦᠷ ᠪᠠᠷ ᠢᠶᠠᠨ ᠬᠢᠪᠴᠠᠭ ᠤᠨ ᠪᠦᠬᠦᠶᠢᠯᠡ ᠮᠡᠳᠡᠯ ᠢ ᠡᠵᠡᠮᠰᠢᠵᠦ ᠪᠠᠶᠢᠭᠰᠠᠨ ᠠᠵᠢ᠃ ᠲᠣᠭᠲᠠᠭᠠ ᠬᠠᠭᠠᠨ ︵1291 — 1313 ᠣᠨ ᠬᠦᠷᠲᠡᠯᠡ | ᠰᠠᠭᠤᠷᠢᠨ ᠳᠤ ᠪᠠᠶᠢᠪᠠ︶ ᠡᠷᠬᠡ ᠪᠠᠷᠢᠭᠰᠠᠨ ᠤ ᠳᠠᠷᠠᠭᠠ᠂ 1300 ᠣᠨ ᠳᠤ ᠨᠣᠬᠠᠢ ᠶᠢ ᠳᠠᠶᠢᠯᠠᠵᠤ᠂ ᠬᠠᠭᠠᠨ ᠡᠷᠬᠡ ᠪᠠᠨ ᠪᠣᠯᠢᠶᠠᠨ ᠠᠪᠣᠭᠰᠠᠨ ᠪᠦᠭᠡᠳ | ᠲᠣᠭᠲᠠᠭᠠ 1302 ᠣᠨ ᠳᠤ ᠴᠡᠷᠢᠭ ᠭᠠᠷᠭᠠᠵᠤ ᠶᠤᠸᠠᠨ ᠤᠯᠤᠰ ᠢ ᠬᠠᠪᠰᠤᠷᠴᠤ ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠳᠤᠸᠠ ᠶᠢ ᠴᠣᠬᠢᠵᠣ᠂ ᠦᠭᠡᠳᠡᠢ | ᠬᠠᠭᠠᠨᠲᠤ ᠤᠯᠤᠰ ᠤᠨ ᠴᠡᠪᠡᠷ ᠢ ᠳᠠᠶᠢᠯᠠᠪᠠ᠃ ᠳᠤᠸᠠ᠂ ᠴᠡᠪᠡᠷ ᠬᠤᠶᠠᠷ ᠳᠡᠶᠢᠯᠦᠭᠳᠡᠭᠡᠳ ᠶᠤᠸᠠᠨ ᠤᠯᠤᠰ ᠤᠨ ᠶᠡᠭᠡ ᠬᠠᠭᠠᠨ ᠢ ᠳᠠᠭᠠᠵᠠᠢ᠃ | 1308 ᠣᠨ ᠳᠤ ᠶᠣᠸᠠᠨ ᠤᠯᠤᠰ ᠤᠨ ᠬᠠᠶᠢᠰᠠᠨ ᠬᠠᠭᠠᠨ ᠲᠣᠭᠲᠠᠭᠠ ᠬᠠᠭᠠᠨ ᠢ ᠨᠢᠩ ᠱᠦ ᠸᠠᠩ ᠡᠷᠭᠦᠮᠵᠢᠯᠡᠪᠡ᠃ ᠲᠣᠭᠲᠠᠭᠠ 1313 ᠣᠨ ᠳᠤ ᠨᠠᠰᠤ | ᠪᠠᠷᠠᠵᠠᠢ᠃ ᠲᠣᠭᠲᠠᠭᠠ ᠶᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠲᠡᠭᠦᠨ ᠤ ᠠᠴᠢ ᠬᠦᠦ ᠦᠽᠢ ᠪᠠᠬᠢ ᠰᠠᠭᠤᠷᠢᠨ ᠳᠤ ᠰᠠᠭᠤᠵᠤ᠂ ᠳᠠᠷᠠᠭᠠ ᠵᠢᠯ ᠨᠢ ᠶᠤᠸᠠᠨ ᠤᠯᠤᠰ ᠤᠨ | ᠠᠶᠤᠷᠪᠠᠷᠠᠪᠳᠠ ᠬᠠᠭᠠᠨ ᠦᠽᠢ ᠪᠠᠬᠢ ᠶᠢ ᠬᠢᠪᠴᠠᠭ ᠤᠯᠤᠰ ᠤᠨ ᠵᠢᠩᠭᠢᠨᠢ ᠡᠵᠡᠨ ᠢᠶᠠᠷ ᠡᠷᠭᠦᠮᠵᠢᠯᠡᠪᠡ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠪᠠ | ᠶᠡᠭᠡ ᠶᠤᠸᠠᠨ ᠤᠯᠤᠰ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠦᠷᠭᠦᠯᠵᠢ ᠡᠯᠴᠢ ᠢᠯᠡᠭᠡᠵᠦ᠂ ᠡᠪ ᠨᠠᠶᠢᠷᠲᠠᠢ ᠪᠠᠶᠢᠭᠰᠠᠨ ᠶᠤᠮ᠃ 1336 ᠣᠨ ᠳᠤ ᠦᠽᠢ ᠪᠠᠬᠢ᠂ ᠶᠤᠸᠠᠨ | ᠤᠯᠤᠰ ᠤᠨ ᠬᠠᠭᠠᠨ ᠳᠤ ᠬᠠᠷᠢᠶᠠᠲᠤ ᠣᠷᠣᠨ ᠤ ᠵᠢᠯ ᠤᠨ ᠱᠠᠩᠨᠠᠯ ᠢᠶᠠᠨ ᠴᠡᠷᠢᠭ ᠲᠡᠭᠡᠨ ᠬᠤᠪᠢᠶᠠᠵᠦ ᠥᠭᠭᠦᠨᠡ ᠭᠡᠵᠦ ᠭᠤᠶᠤᠴᠢᠯᠠᠪᠠ᠃ ᠳᠠᠷᠠᠭᠠ ᠵᠢᠯ ᠨᠢ ᠶᠤᠸᠠᠨ | ᠤᠯᠤᠰ ᠠᠴᠠ ᠵᠦᠴᠢ ᠶᠢᠨ ᠦᠷᠡᠳᠦᠰ ᠲᠤ ᠵᠢᠯ ᠤᠨ ᠱᠠᠩᠨᠠᠯ ᠣᠯᠭᠤᠬᠤ ᠭᠠᠵᠠᠷ ᠢ ᠫᠢᠩᠶᠠᠩ ᠵᠡᠷᠭᠡ ᠬᠠᠷᠢᠶᠠᠲᠤ ᠣᠷᠣᠨ ᠭᠡᠵᠦ ᠬᠤᠪᠢᠶᠠᠵᠤ ᠥᠭᠭᠦᠭᠡᠳ ᠲᠤᠰᠬᠠᠢ | ᠬᠦᠮᠦᠨ ᠭᠠᠷᠭᠠᠵᠤ ᠬᠠᠮᠢᠶᠠᠷᠤᠭᠤᠯᠪᠠ᠃ ᠦᠽᠢ ᠪᠠᠬᠢ ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ ᠳᠠᠭᠠᠨ ᠲᠥᠪ ᠲᠤ ᠲᠥᠪᠯᠡᠷᠡᠭᠦᠯᠦᠨ ᠵᠠᠬᠢᠷᠬᠤ ᠡᠷᠬᠡ ᠶᠢ ᠪᠠᠶᠢᠭᠤᠯᠵᠤ᠂ ᠪᠦᠬᠦ | ᠤᠯᠤᠰ ᠢᠶᠠᠨ ᠡᠮᠬᠢᠯᠡᠨ ᠴᠡᠭᠴᠡᠯᠡᠭᠰᠡᠨ ᠢᠶᠠᠷ ᠲᠤᠬᠠᠢ ᠶᠢᠨ ᠦᠶᠡ ᠨᠢ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠬᠠᠮᠤᠭ ᠤᠨ ᠬᠦᠴᠦᠷᠬᠡᠭ ᠴᠠᠭ ᠦᠶᠡ ᠪᠣᠯᠣᠭᠰᠠᠨ ᠶᠤᠮ᠃ | ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠬᠤᠲᠠ ᠪᠠᠨ ᠪᠡᠷᠬᠡ ᠰᠠᠷᠠᠢ ᠬᠤᠲᠠ ︵ᠣᠳᠤ ᠶᠢᠨ ᠣᠷᠣᠰ ᠤᠨ ᠸᠣᠯᠭᠠᠩᠷᠠᠲ ᠤᠨ ᠣᠷᠴᠢᠮ︶ ᠳᠤ ᠨᠡᠭᠦᠯᠭᠡᠪᠡ᠃ | ᠡᠭᠦᠨ ᠤ ᠬᠠᠮᠲᠤ ᠢᠯ ᠬᠠᠭᠠᠨᠲᠤ ᠤᠯᠤᠰ ᠪᠠ ᠶᠧᠵᠢᠫᠲ ᠤᠯᠤᠰ ᠤᠳ ᠲᠠᠢ ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠᠨ ᠤ ᠬᠠᠷᠢᠯᠴᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠠᠷᠠᠯᠵᠢᠶᠠ | ᠬᠤᠳᠠᠯᠳᠤᠭᠠ ᠶᠡᠬᠡᠳᠡ ᠬᠦᠭᠵᠢᠵᠦ ᠪᠠᠶᠢᠯᠠ᠃ | ᠦᠽᠢ ᠪᠠᠬᠢ ᠶᠢᠨ ᠦᠶᠡ ᠳᠤ ᠸᠣᠯᠭᠠ ᠭᠤᠣᠯ ᠤᠨ ᠳᠣᠣᠷᠠᠳᠤ ᠤᠷᠤᠰᠬᠠᠯ ᠳᠠᠭᠠᠤ ᠣᠷᠣᠨ ᠢᠶᠠᠷ ᠢᠰᠯᠠᠮ ᠤᠨ ᠱᠠᠰᠢᠨ ᠶᠡᠬᠡᠳᠡ ᠳᠡᠯᠭᠡᠷᠡᠵᠦ ᠪᠠᠶᠢᠭᠰᠠᠨ | ᠪᠦᠭᠡᠳ ᠦᠽᠢ ᠪᠠᠬᠢ ᠠᠴᠠ ᠬᠤᠶᠢᠴᠢ ᠦᠶᠡ ᠶᠢᠨ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠬᠠᠭᠠᠳ ᠢᠰᠯᠠᠮ ᠤᠨ ᠱᠠᠰᠢᠨ ᠢ ᠰᠢᠲᠦᠨ ᠪᠢᠰᠢᠷᠡᠳᠡᠭ ᠪᠠᠶᠢᠭᠰᠠᠨ ᠠᠴᠠ | ᠬᠡᠰᠡᠭ ᠪᠦᠯᠦᠭ ᠮᠣᠩᠭᠤᠯᠴᠤᠳ ᠴᠦ ᠢᠰᠯᠠᠮᠵᠢᠵᠤ ᠪᠠᠶᠢᠵᠠᠢ᠃ ᠦᠽᠢ ᠪᠠᠬᠢ ᠶᠢᠨ ᠬᠦᠪᠡᠭᠦᠨ ᠵᠠᠨᠢ ᠪᠠᠬᠢ ︵1342 — 1357 ᠣᠨ︶ ᠪᠠ ᠣᠮᠪᠣᠯ ᠬᠦᠦ | ᠪᠡᠷᠳᠢ ᠪᠠᠬᠢ ︵1357 — 1359 ᠣᠨ ᠳᠤ ᠡᠷᠬᠡ ᠮᠡᠳᠡᠵᠦ ᠪᠠᠶᠢᠪᠠ︶ ᠨᠠᠷ ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ ᠳᠠᠭᠠᠨ 1356 — 1359 ᠣᠨ ᠬᠦᠷᠲᠡᠯᠡ ᠤᠷᠢᠳ | ᠬᠤᠵᠢᠳ ᠬᠤᠶᠠᠷ ᠤᠳᠠᠭᠠ ᠠᠽᠠᠷᠪᠠᠶᠢᠵᠠᠨ ᠵᠦᠭ ᠳᠠᠭᠠᠷᠢᠯᠲᠠ ᠬᠢᠭᠰᠡᠨ ᠪᠣᠯᠪᠠᠴᠤ ᠢᠯᠠᠯᠲᠠ ᠣᠯᠣᠭᠰᠠᠨ ᠦᠭᠡᠢ᠃ ᠢᠩᠭᠢᠭᠰᠡᠨ ᠢᠶᠠᠷ ᠰᠢᠷᠢᠶᠡ ᠠᠴᠠ ᠭᠠᠵᠠᠷ ᠤᠨ | ᠳᠤᠮᠳᠠᠳᠤ ᠲᠠᠩᠭᠢᠰ ᠬᠦᠷᠲᠡᠯᠡᠬᠢ ᠵᠠᠮ ᠨᠡᠪᠲᠡᠷᠡᠯᠭᠡ ᠶᠢ ᠡᠵᠡᠯᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠮᠦᠷᠲᠡᠬᠡᠨ ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠ ᠨᠢ ᠬᠤᠷᠢᠭᠯᠠᠯᠲᠠ ᠳᠤ ᠤᠴᠠᠷᠠᠭᠰᠠᠨ | ᠪᠠᠶᠢᠯᠠ᠃ | 1357 ᠣᠨ ᠳᠤ ᠵᠠᠨᠢ ᠪᠠᠬᠢ ᠠᠯᠠᠭᠳᠠᠭᠰᠠᠨ ᠠᠴᠠ ᠡᠬᠢᠯᠡᠨ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠳᠤ ᠬᠢᠮᠤᠷᠠᠯᠳᠤᠭᠠᠨ ᠲᠠᠰᠤᠷᠠᠭᠠ ᠦᠬᠡᠢ ᠪᠣᠯᠵᠤ | 1357 — 1380 ᠣᠨ ᠬᠦᠷᠲᠡᠯᠡᠬᠢ ᠬᠤᠷᠢᠨ ᠬᠡᠳᠦᠬᠡᠨ ᠵᠢᠯ ᠤᠨ ᠳᠣᠲᠣᠷᠠ ᠬᠠᠭᠠᠨᠲᠤ ᠤᠯᠤᠰ ᠤᠨ ᠬᠠᠭᠠᠨ ᠡᠷᠬᠡ ᠬᠤᠷᠢᠨ ᠬᠡᠳᠦ ᠤᠳᠠᠭᠠ ᠰᠣᠯᠢᠭᠳᠠᠭᠰᠠᠨ | ᠠᠵᠢ᠃ 1371 ᠣᠨ ᠠᠴᠠ ᠬᠤᠶᠢᠰᠢ ᠣᠷᠣᠰ ᠤᠨ ᠡᠯᠡ ᠭᠦᠩᠲᠦ ᠤᠯᠤᠰ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠬᠢᠮᠤᠷᠠᠯᠳᠤᠭᠠᠨ ᠢ ᠦᠵᠡᠵᠦ | ᠭᠠᠷᠤᠭᠠᠳ ᠡᠯᠪᠡᠭ ᠪᠠᠷᠢᠴᠠ ᠡᠷᠭᠦᠬᠦ ᠪᠠᠨ ᠪᠣᠯᠢᠪᠠ᠃ 1380 ᠣᠨ ᠳᠤ ᠣᠷᠳᠣ ᠶᠢᠨ ᠦᠷᠡᠳᠦᠰ ᠲᠣᠭᠲᠠᠮᠢᠰᠢ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠶᠢᠨ | ᠲᠡᠮᠡᠴᠡᠯ ᠢ ᠳᠠᠷᠤᠩᠭᠤᠶᠢᠯᠠᠵᠤ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠪᠣᠯᠪᠠ᠃ ᠡᠭᠦᠨ ᠠᠴᠠ ᠡᠬᠢᠯᠡᠨ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠷᠬᠡ ᠮᠡᠳᠡᠯ ᠵᠦᠴᠢ ᠶᠢᠨ | ᠶᠡᠭᠡ ᠬᠦᠦ ᠤᠷᠲᠤ ᠶᠢᠨ ᠦᠷᠡᠳᠦᠰ ᠲᠤ ᠰᠢᠯᠵᠢᠪᠡ᠃ | 1382 ᠣᠨ ᠳᠤ ᠲᠣᠭᠲᠠᠮᠢᠰᠢ ᠮᠣᠰᠺᠧᠨ ᠶᠢ ᠡᠵᠡᠯᠡᠨ ᠠᠪᠴᠤ᠂ ᠣᠷᠣᠰ ᠬᠦᠮᠦᠨ ᠢ ᠠᠯᠪᠠᠳᠠᠨ ᠳᠠᠬᠢᠨ ᠭᠠᠶᠢᠯᠢ ᠭᠤᠪᠴᠢᠭᠤᠷ ᠲᠤᠰᠢᠶᠠᠯᠭᠠᠬᠤ ᠪᠣᠯᠪᠠ᠃ | ᠲᠣᠭᠲᠠᠮᠢᠰᠢ ᠶᠢᠨ ᠬᠦᠴᠦᠷᠬᠡᠭᠵᠢᠭᠰᠡᠨ ᠶᠠᠪᠤᠳᠠᠯ ᠨᠢ ᠭᠡᠨᠡᠳᠲᠡ ᠶᠢᠨ ᠪᠢᠰᠢ᠂ ᠬᠠᠷᠢᠨ ᠳᠤᠮᠳᠠᠳᠤ ᠠᠽᠢᠶᠠ ᠶᠢᠨ ᠨᠣᠶᠠᠷᠬᠠᠭᠴᠢ ᠲᠡᠮᠦᠷ ᠤᠨ ᠬᠦᠴᠦᠲᠡᠢ ᠳᠡᠮᠵᠢᠯᠭᠡ | ᠳᠣᠣᠷᠠ ᠬᠦᠴᠦᠷᠬᠡᠭᠵᠢᠭᠰᠡᠨ ᠬᠡᠷᠡᠭ ᠪᠠᠶᠢᠵᠠᠢ᠃ ᠭᠡᠳᠡᠯᠡ ᠡᠨᠡ ᠬᠤᠶᠠᠷ ᠳᠡᠮᠡᠢ ᠤᠳᠠᠯ ᠦᠬᠡᠢ ᠡᠶᠡ ᠮᠠᠭᠤᠳᠠᠵᠤ᠂ ᠬᠤᠶᠠᠭᠤᠯᠠ ᠶᠢᠨ ᠬᠤᠭᠤᠷᠣᠨᠳᠤ 1389 — | 1395 ᠣᠨ ᠬᠦᠷᠲᠡᠯᠡ ᠭᠤᠷᠪᠠ ᠤᠳᠠᠭᠠᠨ ᠤ ᠶᠡᠭᠡ ᠳᠠᠶᠢᠨ ᠪᠣᠯᠵᠤ ᠦᠩᠭᠡᠷᠡᠭᠰᠡᠨ ᠪᠦᠭᠡᠳ ᠲᠡᠮᠦᠷ ᠤᠨ ᠢᠯᠠᠯᠲᠠ ᠪᠠᠷ ᠳᠠᠭᠤᠰᠪᠠ᠃ ᠲᠡᠭᠡᠭᠡᠳ ᠲᠡᠮᠦᠷ ᠸᠣᠯᠭᠠ | ᠭᠤᠣᠯ ᠳᠠᠭᠠᠤ ᠣᠷᠣᠨ ᠤ ᠨᠡᠯᠢᠶᠡᠳ ᠣᠯᠠᠨ ᠬᠤᠲᠠ ᠪᠠᠯᠭᠠᠰᠤ ᠶᠢ ᠡᠵᠡᠯᠡᠨ᠂ ᠭᠧᠷᠮᠡᠨ ᠵᠡᠷᠭᠡ ᠭᠠᠵᠠᠷ ᠤᠨ ᠡᠯᠡ ᠬᠤᠲᠠ ᠶᠢ ᠪᠣᠯᠢᠶᠠᠨ ᠠᠪᠤᠭᠰᠠᠨ ᠢᠶᠠᠷ ᠬᠢᠪᠴᠠᠭ | ᠬᠠᠭᠠᠨᠲᠤ ᠤᠯᠤᠰ ᠤᠨ ᠠᠵᠤ ᠠᠬᠤᠢ ᠳᠣᠷᠣᠶᠢᠲᠠᠬᠤ ᠵᠦᠭ ᠲᠡᠭᠡᠨ ᠬᠠᠨᠳᠤᠭᠰᠠᠨ ᠪᠠᠶᠢᠯᠠ᠃ | 14 ᠳ᠋ᠦ᠋ᠭᠡᠷ ᠵᠠᠭᠤᠨ ᠤ ᠶᠡᠷᠡᠭᠡᠳ ᠣᠨ ᠤ ᠰᠡᠭᠦᠯᠴᠢ ᠪᠠᠷ ᠴᠠᠭᠠᠨ ᠮᠠᠶᠢᠬᠠᠨᠲᠤ ᠤᠯᠤᠰ ᠤᠨ ᠨᠣᠶᠠᠨ ᠶᠧᠳᠡᠬᠦ ᠮᠠᠨᠤᠯ ᠬᠠᠭᠠᠨ ᠢᠶᠠᠨ ᠦᠳᠦᠭᠡᠭᠡᠳ ᠬᠢᠪᠴᠠᠭ | ᠬᠠᠭᠠᠨᠲᠤ ᠤᠯᠤᠰ ᠤᠨ ᠶᠡᠬᠡᠩᠬᠢ ᠬᠡᠰᠡᠭ ᠣᠷᠣᠨ ᠨᠤᠲᠤᠭ ᠢ ᠨᠢᠭᠡᠳᠭᠡᠵᠦ ᠠᠪᠤᠭᠰᠠᠨ ᠪᠦᠭᠡᠳ ᠲᠡᠷᠡ ᠪᠠᠰᠠ 1399 ᠯᠢᠲᠸᠠ ᠶᠢ ᠡᠵᠡᠯᠡᠵᠦ ᠲᠡᠳᠡᠨ ᠤ | ᠦᠷᠭᠡᠳᠭᠡᠯ ᠢ ᠬᠤᠷᠢᠭᠯᠠᠪᠠ᠃ | 1408 ᠣᠨ ᠳᠤ ᠶᠧᠳᠡᠬᠦ ᠣᠷᠣᠰ ᠢ ᠳᠣᠪᠲᠣᠯᠣᠨ ᠣᠯᠠᠨ ᠬᠤᠲᠠ ᠰᠠᠭᠤᠷᠢᠨ ᠢ ᠡᠪᠳᠡᠭᠰᠡᠨ ᠪᠣᠯᠪᠠᠴᠤ ᠮᠣᠰᠺᠧᠨ ᠶᠢ ᠡᠵᠡᠯᠡᠵᠦ ᠴᠢᠳᠠᠭᠰᠠᠨ ᠦᠬᠡᠢ᠃ | 1410 — 1412 ᠣᠨ ᠬᠦᠷᠲᠡᠯᠡ ᠳᠣᠲᠣᠭᠠᠳᠤ ᠶᠢᠨ ᠬᠢᠮᠤᠷᠠᠯ ᠶᠡᠭᠡ ᠪᠠᠶᠢᠭᠰᠠᠨ ᠴᠦ ᠲᠡᠷᠡ ᠡᠷᠬᠡ ᠪᠠᠨ ᠠᠯᠳᠠᠵᠤ ᠳᠤᠲᠠᠭᠠᠨ ᠶᠠᠪᠤᠪᠠ᠃ | 15 ᠳ᠋ᠤᠭᠠᠷ ᠵᠠᠭᠤᠨ ᠤ ᠬᠤᠷᠢᠭᠠᠳ ᠣᠨ ᠤ ᠡᠬᠢᠨ ᠤ ᠦᠶᠡ ᠳᠤ ᠰᠢᠪᠡᠷ ᠬᠠᠭᠠᠨᠲᠤ ᠤᠯᠤᠰ᠂ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠠᠴᠠ ᠰᠠᠯᠵᠤ ᠲᠤᠰᠠᠭᠠᠷ | ᠲᠤᠭᠲᠠᠨᠢᠪᠠ᠃ 15 ᠳ᠋ᠤᠭᠠᠷ ᠵᠠᠭᠤᠨ ᠤ ᠳᠤᠮᠳᠠᠴᠢ ᠦᠶᠡ ᠳᠤ ᠪᠠᠰᠠ ᠺᠠᠽᠠᠨ ᠬᠠᠭᠠᠨᠲᠤ ᠤᠯᠤᠰ ᠵᠠᠳᠠᠷᠠᠨ ᠭᠠᠷᠴᠤ ᠲᠤᠰᠬᠠᠢ ᠤᠯᠤᠰ ᠪᠣᠯᠣᠭᠰᠠᠨ ᠠᠵᠢ᠃ | ᠵᠠᠯᠭᠠᠪᠠᠷ ᠠᠰᠲᠷᠠᠬᠠᠨ ᠬᠠᠭᠠᠨᠲᠤ ᠤᠯᠤᠰ ᠪᠣᠢ ᠪᠣᠯᠵᠤ᠂ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠮᠰᠢᠯ ᠣᠷᠣᠨ ᠨᠢ ᠬᠢᠵᠠᠭᠠᠷᠲᠠᠢ ᠪᠣᠯᠣᠭᠰᠠᠨ ᠠᠴᠠ ᠣᠳᠤ ᠬᠢᠪᠴᠠᠭ | ᠬᠠᠭᠠᠨᠲᠤ ᠤᠯᠤᠰ ᠭᠡᠵᠦ ᠳᠠᠭᠤᠳᠠᠬᠤ ᠦᠬᠡᠢ ᠬᠠᠷᠢᠨ ᠶᠡᠭᠡ ᠮᠠᠶᠢᠬᠠᠨᠲᠤ ᠬᠠᠭᠠᠨᠲᠤ ᠤᠯᠤᠰ ᠭᠡᠵᠦ ᠨᠡᠷᠡᠯᠡᠬᠦ ᠪᠣᠯᠵᠠᠢ᠃ | 1480 ᠣᠨ ᠳᠤ ᠶᠡᠭᠡ ᠮᠠᠶᠢᠬᠠᠨᠲᠤ ᠬᠠᠭᠠᠨᠲᠤ ᠤᠯᠤᠰ ᠤᠨ ᠬᠠᠨ ᠠᠭᠮᠠ ᠴᠡᠷᠢᠭ ᠳᠠᠶᠢᠴᠢᠯᠠᠵᠤ ᠣᠷᠣᠰ ᠢ ᠳᠠᠶᠢᠯᠠᠷᠠ ᠮᠣᠷᠳᠠᠭᠰᠠᠨ ᠪᠣᠯᠪᠠᠴᠤ ᠣᠷᠣᠰ ᠤᠨ | ᠴᠡᠷᠢᠭ ᠤᠨ ᠬᠦᠴᠦᠨ ᠠᠴᠠ ᠰᠦᠷᠳᠡᠵᠦ ᠪᠠᠶᠢᠯᠳᠤᠭᠰᠠᠨ ᠦᠭᠡᠢ ᠪᠠᠷ ᠴᠡᠷᠢᠭ ᠡᠭᠡᠪᠡ᠃ 1502 ᠣᠨ ᠳᠤ ᠶᠡᠭᠡ ᠮᠠᠶᠢᠬᠠᠨᠲᠤ ᠬᠠᠭᠠᠨᠲᠤ ᠤᠯᠤᠰ ᠮᠦᠬᠦᠪᠡ᠃ | | | | |