ᠦᠭᠡᠳᠡᠢ ᠬᠠᠭᠠᠨᠲᠤ ᠤᠯᠤᠰ ᠪᠣᠯ ᠦᠭᠡᠳᠡᠢ ᠶᠢᠨ ᠣᠮᠪᠣᠯ ᠬᠠᠶᠢᠳᠤ ᠶᠢᠨ ᠪᠠᠶᠢᠭᠤᠯᠤᠭᠰᠠᠨ ᠬᠠᠭᠠᠨᠲᠤ ᠤᠯᠤᠰ ᠪᠣᠯᠣᠨᠠ᠃ ᠴᠢᠩᠭᠢᠰ ᠬᠠᠭᠠᠨ ᠬᠡᠦᠬᠡᠳ ᠲᠡᠭᠡᠨ | ᠨᠤᠲᠤᠭ ᠬᠤᠪᠢᠶᠠᠵᠤ ᠥᠭᠬᠦ ᠦᠶᠡ ᠳᠤ ᠭᠤᠷᠪᠠᠳᠤᠭᠠᠷ ᠬᠦᠪᠡᠭᠦᠨ ᠦᠭᠡᠳᠡᠢ ᠳᠤ ᠡᠮᠢᠯ ︵ᠰᠢᠨᠵᠢᠶᠠᠩ ᠤᠨ ᠡᠮᠢᠯ ᠰᠢᠶᠠᠨ︶᠂ ᠬᠤᠪᠤᠭ ︵ᠣᠳᠣ ᠶᠢᠨ | ᠰᠢᠨᠵᠢᠶᠠᠩ ᠤᠨ ᠬᠤᠪᠤᠭᠰᠠᠶᠢᠷ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠰᠢᠶᠠᠨ︶ ᠤᠨ ᠭᠠᠵᠠᠷ ᠣᠷᠣᠨ ᠢ ᠬᠤᠪᠢᠶᠠᠵᠤ ᠦᠭᠴᠡᠢ᠃ ᠦᠭᠡᠳᠡᠢ | ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ ᠳᠤ ᠪᠠᠨ ᠡᠮᠢᠯ ᠣᠷᠣᠨ ᠢ ᠤᠤᠭᠠᠨ ᠬᠦᠪᠡᠭᠦᠨ ᠭᠦᠶᠦᠭ ᠤᠨ ᠬᠠᠷᠢᠶᠠᠲᠤ ᠣᠷᠣᠨ ᠪᠣᠯᠭᠠᠵᠤ᠂ ᠳᠡᠳ᠋ ᠬᠦᠪᠡᠭᠦᠨ ᠭᠦᠳᠡᠨ ᠳᠡᠭᠡᠨ ᠡᠾᠧᠰᠢ | ᠳᠠᠭᠠᠤ ᠣᠷᠣᠨ ᠢ ᠬᠤᠪᠢᠶᠠᠨ ᠦᠭᠴᠦ ᠵᠠᠬᠢᠷᠤᠭᠤᠯᠪᠠ᠃ | ᠭᠦᠶᠦᠭ ᠬᠠᠭᠠᠨ ᠨᠠᠰᠤ ᠪᠠᠷᠠᠭᠠᠳ᠂ ᠮᠦᠩᠬᠡ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠨᠢ ᠮᠣᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨ ᠡᠷᠬᠡ᠂ ᠦᠭᠡᠳᠡᠢ ᠶᠢᠨ | ᠤᠭᠰᠠᠭᠠ ᠠᠴᠠ ᠲᠣᠯᠣᠢ ᠶᠢᠨ ᠤᠭᠰᠠᠭᠠᠨ ᠳᠤ ᠰᠢᠯᠵᠢᠭᠰᠡᠨ ᠬᠡᠷᠡᠭ ᠪᠣᠯᠵᠠᠢ᠃ ᠦᠭᠡᠳᠡᠢ ᠶᠢᠨ ᠤᠭᠰᠠᠭᠠ ᠶᠢᠨ ᠬᠤᠶᠢᠴᠢᠰ ᠳᠣᠲᠣᠷᠠ ᠭᠦᠳᠡᠨ᠂ ᠮᠦᠩᠬᠡ ᠬᠠᠭᠠᠨ | ᠲᠠᠢ ᠳᠣᠲᠣᠨᠣ ᠰᠠᠶᠢᠨ ᠶᠠᠪᠤᠯᠴᠠᠵᠤ᠂ ᠮᠦᠩᠬᠡ ᠬᠠᠭᠠᠨ ᠤ ᠢᠲᠡᠭᠡᠯ ᠢ ᠣᠯᠣᠭᠰᠠᠨ ᠪᠢᠯᠡ᠃ | ᠮᠦᠩᠬᠡ ᠬᠠᠭᠠᠨ ᠡᠾᠧᠰᠢ ᠶᠢᠨ ᠳᠠᠭᠠᠤ ᠣᠷᠣᠨ ᠢ ᠪᠠᠰᠠ ᠭᠦᠳᠡᠨ ᠳᠤ ᠬᠤᠪᠢᠶᠠᠵᠤ ᠥᠭᠪᠡ᠃ ᠭᠦᠳᠡᠨ ᠠᠴᠠ ᠪᠤᠰᠤᠳ ᠦᠭᠡᠳᠡᠢ ᠶᠢᠨ ᠬᠤᠶᠢᠴᠢᠰ ᠪᠣᠯᠬᠤ | ᠸᠠᠩ ᠨᠠᠷ ᠤᠨ ᠣᠯᠠᠩᠬᠢ ᠨᠢ ᠮᠦᠩᠬᠡ ᠬᠠᠭᠠᠨ ᠳᠤ ᠴᠦᠯᠡᠭᠳᠡᠵᠡᠢ᠃ ᠮᠠᠷᠢ ︵ᠦᠭᠡᠳᠡᠢ ᠶᠢᠨ ᠳᠣᠯᠣᠳᠤᠭᠠᠷ ᠬᠦᠪᠡᠭᠦᠨ︶ ᠶᠢ ᠡᠷᠴᠢᠰ ᠭᠤᠣᠯ ᠳᠠᠭᠠᠤ ᠶᠠᠪᠤᠭᠤᠯᠵᠤ᠂ | ᠬᠠᠳᠠᠨ ︵ᠦᠭᠡᠳᠡᠢ ᠶᠢᠨ ᠵᠢᠷᠭᠤᠳᠤᠭᠠᠷ ᠬᠦᠦ︶ ᠢ ᠪᠠᠱᠪᠠᠯᠢᠭ ᠲᠤ ᠶᠠᠪᠤᠭᠤᠯᠵᠤ᠂ ᠬᠠᠶᠢᠳᠤ ︵ᠦᠭᠡᠳᠡᠢ ᠶᠢᠨ ᠲᠠᠪᠤᠳᠤᠭᠠᠷ ᠬᠦᠦ ᠬᠠᠰᠢ ᠶᠢᠨ ᠬᠦᠪᠡᠭᠦᠨ︶ ᠶᠢ | ᠬᠠᠶᠠᠯᠢᠭ ︵ᠪᠠᠯᠬᠠᠱ ᠨᠠᠭᠤᠷ ᠤᠨ ᠵᠡᠭᠦᠨ ᠳᠤ ᠪᠣᠢ︶ ᠲᠤ ᠶᠠᠪᠤᠭᠤᠯᠵᠤ᠂ ᠲᠤᠭᠲᠠᠭᠠ ︵ᠦᠭᠡᠳᠡᠢ ᠶᠢᠨ ᠳᠦᠷᠪᠡᠳᠦᠭᠡᠷ ᠬᠦᠦ᠂ ᠬᠠᠷᠠᠴᠠᠷ ᠤᠨ ᠬᠦᠪᠡᠭᠦᠨ︶ ᠶᠢ | ᠡᠮᠢᠯ ᠳᠤ ᠶᠠᠪᠤᠭᠤᠯᠵᠤ᠂ ᠮᠦᠩᠬᠡᠪᠠᠲᠤ ︵ᠭᠦᠳᠡᠨ ᠤ ᠬᠦᠪᠡᠭᠦᠨ︶ ᠪᠠ ᠦᠭᠡᠳᠡᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠬᠠᠲᠤᠨ ᠭᠦᠳᠡᠨᠢ ᠲᠠᠢ ᠬᠠᠮᠲᠤᠪᠠᠷ ᠭᠦᠳᠡᠨ ᠤ ᠨᠤᠲᠤᠭ ᠠᠴᠠ | ᠪᠠᠷᠠᠭᠤᠨᠰᠢ ᠶᠠᠪᠤᠭᠤᠯᠵᠤ᠂ ᠰᠢᠷᠡᠮᠦᠨ ︵ᠦᠭᠡᠳᠡᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠬᠦᠦ ᠬᠦᠴᠦ ᠶᠢᠨ ᠬᠦᠪᠡᠭᠦᠨ︶ ᠬᠤᠴᠠ᠂ ᠨᠤᠬᠤ ︵ᠪᠦᠷ ᠭᠦᠶᠦᠭ ᠬᠠᠭᠠᠨ ᠤ ᠬᠦᠪᠡᠭᠦᠨ︶ | ᠨᠠᠷ ᠢ ᠵᠦᠩᠶᠤᠸᠠᠨ ᠣᠷᠣᠨ ᠪᠣᠶᠣ ᠰᠣᠯᠣᠩᠭᠤᠰ ᠲᠤ ᠴᠦᠯᠡᠵᠦ᠂ ᠴᠡᠷᠢᠭ ᠳᠠᠶᠢᠨ ᠳᠤ ᠶᠠᠪᠤᠭᠤᠯᠪᠠ᠃ ᠢᠩᠭᠢᠭᠡᠳ ᠦᠭᠡᠳᠡᠢ ᠶᠢᠨ ᠤᠤᠯ ᠤᠨ ᠬᠠᠷᠢᠶᠠᠲᠤ ᠤᠯᠤᠰ ᠢ | ᠬᠡᠳᠦ ᠬᠡᠳᠦᠨ ᠵᠢᠵᠢᠭ ᠢ ᠬᠠᠷᠢᠶᠠᠲᠤ ᠣᠷᠣᠨ ᠪᠣᠯᠭᠠᠵᠠᠢ᠃ ᠮᠦᠩᠬᠡ ᠬᠠᠭᠠᠨ ᠪᠡᠶᠡ ᠪᠠᠷᠠᠭᠠᠳ ᠠᠷᠢᠭᠪᠤᠬᠠ ᠪᠠ ᠬᠤᠪᠢᠯᠠᠢ ᠶᠡᠭᠡ ᠬᠠᠭᠠᠨ ᠤ ᠡᠷᠬᠡ ᠶᠢ ᠪᠤᠯᠢᠶᠠᠯᠳᠤᠨ | ᠳᠠᠶᠢᠯᠠᠯᠳᠤᠵᠦ ᠪᠠᠶᠢᠭᠠ ᠦᠶᠡ ᠳᠤ᠂ ᠬᠠᠶᠢᠳᠤ ᠠᠷᠢᠭᠪᠤᠬᠠ ᠶᠢ ᠳᠠᠭᠠᠵᠤ ᠬᠤᠪᠢᠯᠠᠢ ᠲᠠᠢ ᠳᠠᠶᠢᠰᠤᠩᠨᠠᠪᠠ᠃ | ᠠᠷᠢᠭᠪᠤᠬᠠ ᠢᠯᠠᠭᠳᠠᠭᠰᠠᠨ ᠤ ᠳᠠᠷᠠᠭᠠ᠂ ᠬᠠᠶᠢᠳᠤ ᠮᠦᠨ ᠬᠤᠪᠢᠯᠠᠢ ᠶᠢ ᠳᠠᠭᠠᠭᠰᠠᠨ ᠦᠬᠡᠢ᠂ 1268 ᠣᠨ ᠠᠴᠠ ᠡᠬᠢᠯᠡᠵᠦ ᠴᠡᠷᠢᠭ ᠢᠶᠠᠨ ᠳᠠᠶᠢᠴᠢᠯᠠᠨ | ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠶᠤᠸᠠᠨ ᠤᠯᠤᠰ ᠤᠨ ᠬᠢᠯᠢ ᠬᠢᠵᠠᠭᠠᠷ ᠢ ᠳᠠᠬᠢᠨ ᠳᠠᠪᠲᠠᠨ ᠳᠠᠭᠠᠷᠢᠪᠠ᠃ ᠬᠠᠶᠢᠳᠤ ᠪᠣᠯᠣᠨ ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠪᠠᠷᠠᠭ | ᠤᠷᠢᠲᠠ ᠳᠠᠶᠢᠯᠠᠯᠳᠤᠵᠤ ᠪᠠᠶᠢᠭᠰᠠᠨ ᠪᠣᠯᠪᠠᠴᠤ ᠬᠤᠵᠢᠮ ᠨᠢ ᠡᠪᠰᠡᠨ᠂ ᠢᠯ ᠭᠤᠣᠯ ᠤᠨ ᠬᠠᠪᠴᠢᠯ ᠳᠠᠭᠠᠤ ᠣᠷᠣᠨ ᠪᠠ ᠺᠠᠱᠭᠠᠷ ᠣᠷᠣᠨ ᠢ ᠡᠵᠡᠯᠡᠵᠦ᠂ ᠪᠠᠰᠠ | ᠦᠭᠡᠳᠡᠢ᠂ ᠴᠠᠭᠠᠳᠠᠢ᠂ ᠵᠦᠴᠢ ᠶᠢᠨ ᠭᠤᠷᠪᠠᠨ ᠤᠭᠰᠠᠭᠠ ᠶᠢᠨ ᠸᠠᠩ ᠨᠠᠷ ᠢ ᠴᠤᠭᠯᠠᠭᠤᠯᠵᠤ᠂ ᠳᠠᠯᠠᠰ ︵ᠣᠳᠣ ᠶᠢᠨ ᠳᠠᠯᠠᠰ ᠭᠤᠣᠯ︶ ᠭᠤᠣᠯ ᠤᠨ ᠬᠦᠪᠡᠭᠡ | ᠳᠡᠭᠡᠷᠡ ᠶᠡᠭᠡ ᠬᠤᠷᠠᠯᠳᠠᠢ ᠬᠢᠵᠡᠢ᠃ ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠪᠠᠷᠠᠭ ᠦᠬᠦᠭᠡᠳ᠂ ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ ᠦᠨᠡᠨ ᠳᠡᠭᠡᠷᠡ ᠪᠠᠨ ᠬᠠᠶᠢᠳᠤ ᠶᠢᠨ | ᠬᠠᠷᠢᠶᠠᠲᠤ ᠣᠷᠣᠨ ᠪᠣᠯᠪᠠ᠃ ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠳᠤᠸᠠ ᠴᠦ ᠬᠠᠶᠢᠳᠤ ᠶᠢ ᠳᠠᠭᠠᠵᠤ᠂ ᠣᠯᠠᠨᠲᠠ ᠶᠤᠸᠠᠨ ᠤᠯᠤᠰ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠤ | ᠬᠢᠯᠢ ᠬᠢᠵᠠᠭᠠᠷ ᠢ ᠲᠦᠢᠪᠡᠭᠡᠵᠡᠢ᠃ | ᠬᠠᠶᠢᠳᠤ ᠶᠢᠨ ᠨᠣᠶᠠᠷᠬᠠᠯ ᠤᠨ ᠳᠣᠣᠷᠠᠬᠢ ᠦᠭᠡᠳᠡᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠷᠬᠡᠰᠢᠶᠡᠯ ᠨᠤᠲᠤᠭ ᠪᠣᠯ ᠪᠠᠷᠠᠭᠤᠨᠳᠠᠬᠢ ᠺᠠᠱᠭᠠᠷ ᠪᠠ ᠳᠠᠯᠠᠰ ᠭᠤᠣᠯ ᠤᠨ | ᠬᠠᠪᠴᠢᠯ ᠬᠦᠷᠴᠦ᠂ ᠡᠮᠦᠨᠡᠰᠢ ᠲᠡᠭᠷᠢ ᠠᠭᠤᠯᠠ ᠶᠢᠨ ᠡᠮᠦᠨᠡ ᠲᠠᠯᠠ ᠶᠢᠨ ᠣᠯᠠᠨ ᠬᠤᠲᠠ ᠪᠠᠭᠲᠠᠳᠠᠭ᠃ ᠵᠡᠭᠦᠨᠰᠢ ᠬᠠᠷᠠ ᠬᠤᠰᠢᠭᠤ ︵ᠣᠳᠤ ᠶᠢᠨ ᠰᠢᠨᠵᠢᠶᠠᠩ ᠤᠨ | ᠲᠦᠷᠹᠡᠨ︶ ᠳᠤ ᠲᠤᠯᠵᠤ᠂ ᠬᠤᠶᠢᠰᠢ ᠡᠷᠴᠢᠰ ᠭᠤᠤᠯᠠᠭ ᠤᠨ ᠳᠡᠭᠡᠳᠦ ᠤᠷᠤᠰᠬᠠᠯ ᠤᠨ ᠬᠡᠰᠡᠭ ᠭᠠᠵᠠᠷ ᠢ ᠬᠠᠮᠤᠷᠴᠠᠢ᠃ ᠢᠯ ᠭᠤᠣᠯ ᠪᠠ ᠳᠠᠯᠠᠰ ᠭᠤᠣᠯ ᠳᠠᠭᠠᠤ | ᠣᠷᠣᠨ ᠢ ᠭᠤᠣᠯ ᠣᠷᠣᠨ ᠪᠣᠯᠭᠠᠵᠤ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠳᠤᠮᠳᠠᠳᠤ ᠠᠽᠢᠶᠠ ᠶᠢᠨ ᠨᠢᠭᠡᠨ ᠬᠦᠴᠦᠷᠬᠡᠭ ᠤᠯᠤᠰ ᠪᠣᠯᠪᠠ᠃ ᠬᠠᠶᠢᠳᠤ ᠶᠢᠨ ᠪᠠᠶᠢᠭᠤᠯᠤᠭᠰᠠᠨ | ᠦᠭᠡᠳᠡᠢ ᠬᠠᠭᠠᠨᠲᠤ ᠤᠯᠤᠰ᠂ ᠶᠤᠸᠠᠨ ᠤᠯᠤᠰ ᠤᠨ ᠤᠯᠤᠰ ᠲᠦᠷᠦ᠂ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠬᠦᠭᠵᠢᠯᠲᠡ ᠪᠠ ᠶᠤᠸᠠᠨ ᠤᠯᠤᠰ ᠬᠢᠭᠡᠳ ᠪᠠᠷᠠᠭᠤᠨ ᠣᠷᠣᠨ ᠤ | ᠡᠯᠡ ᠬᠠᠭᠠᠨᠲᠤ ᠤᠯᠤᠰ ᠤᠨ ᠬᠠᠷᠢᠴᠠᠭᠠ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠬᠠᠷᠢᠯᠴᠠᠨ ᠶᠠᠪᠤᠯᠴᠠᠬᠤ ᠵᠡᠷᠭᠡ ᠲᠠᠯᠠ ᠳᠤ ᠶᠡᠭᠡ ᠬᠠᠷᠰᠢᠯ ᠦᠵᠡᠭᠦᠯᠪᠡ᠃ ᠳᠤᠮᠳᠠᠳᠤ | ᠠᠽᠢᠶᠠ ᠳᠠᠬᠢ ᠮᠣᠩᠭᠤᠯ ᠤᠨ ᠵᠠᠷᠢᠮ ᠭᠠᠵᠠᠷ ᠣᠷᠣᠨ ᠳᠡᠭᠡᠷᠡᠬᠢ ᠳᠤᠷᠠᠳᠤᠭᠰᠠᠨ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ ᠣᠯᠠᠨᠲᠠ ᠰᠦᠢᠳᠴᠦ᠂ ᠣᠯᠠᠨ ᠲᠣᠭᠠᠨ ᠤ ᠠᠷᠠᠳ | ᠢᠷᠭᠡᠳ ᠳᠣᠲᠣᠭᠰᠢ ᠨᠡᠭᠦᠳᠡᠯᠯᠡᠬᠦ ᠪᠣᠯᠵᠠᠢ᠃ | 1301 ᠣᠨ ᠳᠤ᠂ ᠬᠠᠶᠢᠳᠤ ᠶᠤᠸᠠᠨ ᠤᠯᠤᠰ ᠤᠨ ᠬᠢᠯᠢ ᠬᠢᠵᠠᠭᠠᠷ ᠲᠠᠢ ᠬᠠᠯᠳᠠᠵᠤ᠂ ᠦᠪᠡᠷ ᠢᠶᠠᠨ ᠲᠡᠷᠡ ᠳᠠᠶᠢᠨ ᠳᠤ ᠰᠢᠷᠬᠠᠳᠤᠭᠠᠳ ᠡᠭᠡᠬᠦ ᠵᠠᠮ ᠳᠠᠭᠠᠨ | ᠦᠬᠦᠪᠡ᠃ ᠲᠡᠭᠡᠭᠡᠳ ᠲᠡᠭᠦᠨ ᠤ ᠬᠦᠪᠡᠭᠦᠳ ᠴᠡᠪᠡᠷ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠰᠠᠭᠤᠯᠠ᠃ ᠦᠭᠡᠳᠡᠢ ᠬᠠᠭᠠᠨ ᠤ ᠬᠤᠶᠢᠴᠢ ᠶᠢᠨ ᠦᠷᠡ ᠬᠡᠦᠬᠡᠳ ᠨᠢ | ᠬᠠᠭᠠᠨᠲᠤ ᠡᠷᠬᠡ ᠶᠢ ᠪᠤᠯᠢᠶᠠᠯᠳᠤᠬᠤ ᠵᠦᠷᠢᠴᠡᠯ ᠪᠠ ᠬᠠᠭᠠᠴᠠᠯ ᠡᠭᠦᠰᠴᠡᠢ᠃ ᠡᠶᠢᠮᠦ ᠠᠴᠠ ᠦᠭᠡᠳᠡᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠢᠳᠡ ᠬᠦᠴᠦᠨ ᠳᠣᠷᠣᠶᠢᠳᠠᠵᠤ | ᠡᠬᠢᠯᠡᠭᠰᠡᠨ ᠪᠢᠯᠡ᠃ | 1303 ᠣᠨ ᠳᠤ ᠳᠤᠸᠠ ᠪᠠ ᠴᠡᠪᠡᠷ ᠶᠤᠸᠠᠨ ᠤᠯᠤᠰ ᠲᠤ ᠡᠯᠴᠢ ᠲᠣᠮᠢᠯᠠᠵᠤ᠂ ᠡᠪᠰᠡᠨ ᠳᠠᠭᠠᠬᠤ ᠶᠢ ᠭᠤᠶᠤᠴᠢᠯᠠᠪᠠ᠃ ᠲᠡᠭᠡᠭᠡᠳ ᠶᠤᠸᠠᠨ ᠤᠯᠤᠰ ᠤᠨ | ᠶᠡᠭᠡ ᠬᠠᠭᠠᠨ ᠲᠡᠮᠦᠷ ᠭᠤᠶᠤᠴᠢᠯᠠᠯ ᠢ ᠵᠦᠪᠰᠢᠶᠡᠷᠡᠵᠡᠢ᠃ 1304 ᠣᠨ ᠳᠤ᠂ ᠳᠤᠸᠠ᠂ ᠴᠡᠪᠡᠷ ᠢ ᠳᠠᠭᠠᠷᠢᠵᠤ᠂ ᠦᠭᠡᠳᠡᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠪᠠᠷᠠᠭᠤᠨ | ᠣᠷᠣᠨ ᠤ ᠣᠯᠠᠨ ᠬᠤᠲᠠ ᠶᠢ ᠶᠡᠭᠡ ᠪᠠᠷ ᠳᠡᠭᠡᠷᠡᠮᠳᠡᠯᠡ᠃ ᠡᠨᠡ ᠦᠶᠡ ᠳᠤ᠂ ᠶᠤᠸᠠᠨ ᠤᠯᠤᠰ ᠤᠨ ᠶᠡᠭᠡ ᠬᠠᠭᠠᠨ ᠲᠡᠮᠦᠷ ᠤᠨ ᠠᠴᠢ ᠬᠦᠪᠡᠭᠦᠨ ᠬᠠᠶᠢᠰᠠᠨ ᠶᠡᠭᠡ | ᠴᠡᠷᠢᠭ ᠢᠶᠠᠨ ᠳᠠᠶᠢᠴᠢᠯᠠᠵᠤ᠂ ᠠᠯᠳᠠᠢ ᠠᠭᠤᠯᠠ ᠶᠢ ᠳᠠᠪᠠᠨ᠂ ᠴᠡᠪᠡᠷ ᠤᠨ ᠴᠡᠷᠢᠭ ᠢ ᠶᠡᠬᠡᠪᠡᠷ ᠳᠡᠶᠢᠯᠪᠡ᠃ ᠴᠡᠪᠡᠷ ᠣᠷᠣᠨ ᠬᠤᠲᠠ ᠭᠡᠷ ᠣᠭᠤᠴᠢᠬᠤ ᠠᠶᠠᠭ ᠦᠬᠡᠢ | ᠳᠤᠸᠠ ᠶᠢ ᠣᠴᠢᠵᠤ ᠳᠠᠭᠠᠪᠠ᠃ ᠦᠭᠡᠳᠡᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠬᠠᠷᠢᠶᠠᠲᠤ ᠣᠷᠣᠨ ᠤ ᠲᠣᠮᠣ ᠨᠣᠶᠠᠳ ᠤᠨ ᠨᠢᠭᠡ ᠬᠡᠰᠡᠭ ᠨᠢ ᠶᠤᠸᠠᠨ ᠤᠯᠤᠰ ᠢ ᠳᠠᠭᠠᠵᠤ᠂ | ᠶᠡᠭᠡ ᠬᠡᠰᠡᠭ ᠨᠢ ᠳᠤᠸᠠ ᠳᠤ ᠪᠠᠭᠤᠵᠤ ᠦᠭᠴᠡᠢ᠃ | 1309 ᠣᠨ ᠳᠤ ᠴᠡᠪᠡᠷ ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠨᠢᠭᠡᠨ ᠤᠳᠠᠭᠠᠨ ᠤ ᠳᠣᠲᠣᠭᠠᠳᠤ ᠶᠢᠨ ᠬᠢᠮᠤᠷᠠᠯᠳᠤᠭᠠᠨ ᠳᠤ ᠣᠷᠣᠯᠴᠠᠭᠠᠳ ᠳᠡᠶᠢᠯᠦᠭᠳᠡᠨ | ᠶᠤᠸᠠᠨ ᠤᠯᠤᠰ ᠲᠤ ᠳᠤᠲᠠᠭᠠᠵᠤ ᠣᠴᠢᠪᠠ᠃ ᠶᠤᠸᠠᠨ ᠤᠯᠤᠰ ᠤᠨ ᠬᠠᠭᠠᠨ ᠲᠡᠭᠦᠨ ᠢ ᠷᠦ ᠨᠠᠠ ᠸᠠᠩ ᠢᠶᠠᠷ ᠡᠷᠭᠦᠮᠵᠢᠯᠡᠵᠡᠢ᠃ | ᠴᠡᠪᠡᠷ ᠤᠨ ᠤᠤᠯ ᠤᠨ ᠣᠷᠣᠨ ᠨᠤᠲᠤᠭ ᠤᠨ ᠶᠡᠭᠡ ᠬᠠᠭᠠᠰ ᠨᠢ ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠡᠰᠡᠨ ᠪᠤᠬᠠ ᠶᠢᠨ ᠡᠷᠬᠡᠰᠢᠶᠡᠯ ᠳᠤ ᠣᠷᠣᠪᠠ᠃ | ᠢᠩᠭᠢᠭᠡᠳ ᠦᠭᠡᠳᠡᠢ ᠬᠠᠭᠠᠨᠲᠤ ᠤᠯᠤᠰ ᠮᠦᠬᠦᠪᠡ᠃ | | |