| ᠳᠥᠷᠪᠡ᠂ ᠢᠯ ᠬᠠᠭᠠᠨᠲᠤ ᠤᠯᠤᠰ | ᠢᠯ ᠬᠠᠭᠠᠨᠲᠤ ᠤᠯᠤᠰ ᠪᠣᠯ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠳᠤᠮᠳᠠᠴᠢ ᠠᠴᠠ 14 ᠳ᠋ᠦ᠋ᠭᠡᠷ ᠵᠠᠭᠤᠨ ᠤ ᠳᠤᠮᠳᠠᠴᠢ ᠬᠦᠷᠲᠡᠯᠡ ᠫᠧᠷᠰ ᠢ ᠨᠣᠶᠠᠷᠬᠠᠭᠰᠠᠨ ᠮᠣᠩᠭᠤᠯ | ᠬᠠᠭᠠᠨᠲᠤ ᠤᠯᠤᠰ ᠪᠣᠯᠣᠨᠠ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠳᠥᠷᠪᠡᠳᠦᠭᠡᠷ ᠬᠦᠦ ᠲᠣᠯᠣᠢ ᠶᠢᠨ ᠬᠦᠪᠡᠭᠦᠨ ᠦᠯᠡᠬᠦ ᠪᠠᠶᠢᠭᠤᠯᠪᠠ᠃ ᠦᠯᠡᠬᠦ ᠪᠠ ᠲᠡᠭᠦᠨ ᠤ ᠵᠠᠯᠭᠠᠮᠵᠢᠯᠠᠭᠴᠢ | ᠨᠠᠷ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠢᠯᠠ ᠬᠠᠭᠠᠨ ᠭᠡᠵᠦ ᠳᠠᠭᠤᠳᠠᠵᠠᠢ᠃ ᠢᠯ ᠭᠡᠳᠡᠭ ᠦᠭᠡ ᠪᠣᠯ ᠲᠦᠷᠺ ᠦᠭᠡ ᠶᠢᠨ ᠬᠠᠷᠢᠶᠠᠯᠠᠭᠳᠠᠬᠤ ᠭᠡᠰᠡᠨ ᠤᠳᠬᠠ ᠲᠠᠢ᠃ | 1221 ᠣᠨ ᠠᠴᠠ 1222 ᠣᠨ ᠬᠦᠷᠲᠡᠯᠡ ᠴᠢᠩᠭᠢᠰ ᠬᠠᠭᠠᠨ ᠬᠤᠷᠧᠰᠮ ᠢ ᠮᠦᠬᠦᠭᠡᠬᠦ ᠳᠠᠶᠢᠨ ᠳᠤ ᠫᠧᠷᠰ ᠤᠨ ᠵᠡᠭᠦᠨ ᠲᠠᠯᠠ ᠶᠢᠨ ᠬᠤᠷᠠᠰᠠᠨ ᠣᠷᠣᠨ ᠤ | ᠬᠤᠲᠠ ᠨᠤᠭᠤᠳ ᠢ ᠡᠵᠡᠯᠡᠵᠡᠢ᠃ 1231 ᠣᠨ ᠳᠤ᠂ ᠦᠭᠡᠳᠡᠢ ᠶᠡᠭᠡ ᠵᠠᠩᠵᠤᠨ ᠴᠣᠷᠮᠠᠭᠠᠨ ᠢ ᠲᠣᠮᠢᠯᠠᠵᠤ ᠭᠤᠷᠪᠠᠨ ᠲᠦᠮᠡᠨ ᠮᠣᠩᠭᠤᠯ ᠴᠡᠷᠢᠭ ᠳᠠᠶᠢᠴᠢᠯᠠᠵᠤ | ᠪᠠᠷᠠᠭᠤᠨᠰᠢ ᠳᠠᠶᠢᠯᠠᠵᠤ᠂ ᠫᠧᠷᠰ ᠤᠨ ᠪᠠᠷᠠᠭᠤᠨ ᠣᠷᠣᠨ ᠤ ᠤᠯᠤᠰ ᠢᠶᠠᠨ ᠰᠡᠷᠭᠦᠭᠡᠨᠡ ᠭᠡᠵᠦ ᠣᠷᠣᠯᠳᠣᠵᠣ ᠪᠠᠶᠢᠭᠠ ᠬᠤᠷᠧᠰᠮ ᠤᠨ ᠰᠤᠯᠳᠠᠨ ᠵᠢᠯᠠᠯᠳᠢᠨ ᠢ | ᠮᠦᠬᠦᠭᠡᠵᠦ᠂ ᠫᠧᠷᠰ ᠤᠨ ᠶᠡᠬᠡᠩᠬᠢ ᠬᠡᠰᠡᠭ ᠭᠠᠵᠠᠷ ᠣᠷᠣᠨ ᠢ ᠲᠦᠪᠰᠢᠳᠭᠡᠭᠰᠡᠨ ᠪᠠ ᠢᠯᠪᠢᠨ ᠳᠠᠭᠠᠭᠤᠯᠪᠠ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ᠂ ᠭᠧᠷᠦᠭᠡ᠂ ᠠᠷᠮᠠᠨᠢᠶᠠ | ᠵᠡᠷᠭᠡ ᠤᠯᠤᠰ ᠤᠳ ᠤᠷᠢᠳ ᠬᠤᠵᠢᠳ ᠮᠣᠩᠭᠤᠯ ᠢ ᠳᠠᠭᠠᠪᠠ᠃ ᠴᠤᠷᠮᠠᠭᠠᠨ᠂ ᠦᠭᠡᠳᠡᠢ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠳᠠᠭᠠᠭᠤᠯᠤᠭᠰᠠᠨ ᠴᠡᠷᠢᠭ ᠢᠶᠠᠨ ᠠᠪᠴᠤ ᠫᠧᠷᠰ | ᠣᠷᠣᠨ ᠳᠤ ᠳᠠᠷᠤᠭᠠ ᠪᠣᠯᠵᠤ ᠰᠠᠭᠤᠵᠠᠢ᠃ ᠪᠠᠰᠠ ᠠᠮᠦ᠋ ᠮᠦᠷᠡᠨ ᠠᠴᠠ ᠪᠠᠷᠠᠭᠤᠨᠰᠢ ᠫᠧᠷᠰ ᠤᠨ ᠡᠯᠡ ᠮᠤᠵᠢ ᠳᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠶᠠᠮᠤᠨ ᠪᠠᠶᠢᠭᠤᠯᠪᠠ᠃ | 1251 ᠣᠨ ᠳᠤ ᠮᠦᠩᠬᠡ ᠬᠠᠭᠠᠨ ᠰᠠᠭᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠠᠮᠦ᠋ ᠮᠦᠷᠡᠨ ᠵᠡᠷᠭᠡ ᠭᠠᠵᠠᠷ ᠲᠤ ᠱᠠᠩ ᠱᠤ᠋ ᠱᠢ ᠶᠠᠮᠤᠨ ᠪᠠᠶᠢᠭᠤᠯᠵᠠᠢ᠃ ᠠᠷᠢᠭᠤᠨ ᠢ ᠡᠨᠡ | ᠬᠤᠪᠢᠶᠠᠷᠢ ᠮᠤᠵᠢ ᠶᠢᠨ ᠳᠠᠷᠤᠭᠠᠴᠢ ᠨᠣᠶᠠᠨ ᠪᠣᠯᠭᠠᠵᠤ ᠬᠤᠷᠠᠰᠠᠨ ᠤ ᠲᠦᠰ ᠬᠤᠲᠠ ᠪᠠᠷ ᠭᠤᠣᠯ ᠭᠠᠵᠠᠷ ᠪᠣᠯᠭᠠᠪᠠ᠃ 1252 ᠣᠨ ᠳᠤ ᠮᠦᠩᠬᠡ ᠬᠠᠭᠠᠨ | ᠲᠦᠷᠦᠭᠰᠡᠨ ᠳᠡᠭᠦᠦ ᠦᠯᠡᠬᠦ ᠪᠠᠨ ᠲᠣᠮᠢᠯᠠᠵᠤ᠂ ᠫᠧᠷᠰ ᠲᠤ ᠣᠴᠢᠭᠤᠯᠵᠤ ᠵᠠᠬᠢᠷᠤᠭᠤᠯᠤᠭᠠᠳ᠂ ᠪᠠᠰᠠ ᠪᠠᠭᠤᠵᠤ ᠥᠭᠭᠦᠭᠡᠳᠦᠢ ᠤᠯᠤᠰ ᠤᠳ ᠢ ᠲᠥᠪᠰᠢᠳᠭᠡ ᠭᠡᠵᠡᠢ | ᠃ ᠡᠭᠦᠨ ᠤ ᠬᠠᠮᠲᠤ ᠴᠤᠷᠮᠠᠭᠠᠨ ᠪᠠ ᠺᠠᠱᠮᠢᠷ ᠵᠡᠷᠭᠡ ᠭᠠᠵᠠᠷ ᠤᠨ ᠮᠣᠩᠭᠤᠯ ᠴᠡᠷᠢᠭ ᠢ ᠪᠦᠷ ᠦᠯᠡᠬᠦ ᠳᠤ ᠵᠠᠬᠢᠷᠤᠭᠤᠯᠪᠠ᠃ ᠮᠦᠩᠬᠡ ᠬᠠᠭᠠᠨ ᠪᠠᠰᠠ ᠤᠭᠰᠠᠭᠠ ᠶᠢᠨ | ᠡᠯᠡ ᠸᠠᠩ ᠨᠠᠷ ᠤᠨ ᠬᠠᠮᠢᠶᠠᠷᠴᠤ ᠪᠠᠶᠢᠭᠠ ᠴᠡᠷᠢᠭ ᠤᠨ ᠠᠷᠪᠠᠨ ᠤ ᠬᠤᠶᠠᠷ ᠢ ᠦᠯᠡᠬᠦ ᠶᠢ ᠳᠠᠭᠠᠵᠤ ᠳᠠᠶᠢᠨ ᠳᠤ ᠮᠣᠷᠳᠠ ᠭᠡᠵᠦ ᠵᠠᠷᠯᠢᠭ ᠪᠠᠭᠤᠯᠭᠠᠪᠠ᠃ 1256 | ᠣᠨ ᠳᠤ᠂ ᠦᠯᠡᠬᠦ ᠴᠡᠷᠢᠭ ᠳᠠᠶᠢᠴᠢᠯᠠᠵᠤ᠂ ᠮᠠᠽᠠᠨᠳᠠᠷᠠᠨ ︵ᠣᠳᠤ ᠶᠢᠨ ᠢᠷᠠᠨ ᠤ ᠮᠠᠽᠠᠨᠳᠠᠷᠠᠨ ᠮᠤᠵᠢ︶ ᠤ ᠣᠯᠠᠨ ᠠᠭᠤᠯᠠᠨ ᠬᠤᠲᠠ ᠪᠠᠷ ᠪᠦᠷᠢᠯᠳᠦᠭᠰᠡᠨ | ᠮᠦᠯᠠᠬᠢᠳ᠋ ᠤᠯᠤᠰ ᠢ ᠮᠦᠬᠦᠭᠡᠵᠦ ︵ᠮᠦᠯᠡᠬᠢᠳ᠋ ᠭᠡᠳᠡᠭ ᠪᠣᠯ ᠢᠰᠯᠠᠮ ᠤᠨ ᠱᠠᠰᠢᠨ ᠤ ᠨᠢᠭᠡᠨ ᠡᠲᠡᠭᠡᠳ᠂ ᠢᠰᠯᠠᠮᠴᠤᠳ ᠪᠣᠯ ᠲᠡᠳᠡᠨ ᠢ ᠮᠦᠯᠠᠬᠢᠳ᠋ ᠭᠡᠵᠦ | ᠳᠠᠭᠤᠳᠠᠳᠠᠭ᠂ ᠤᠳᠬᠠ ᠨᠢ ᠮᠤᠵᠢᠭᠤ ᠡᠲᠡᠭᠡᠳ ᠭᠡᠰᠡᠨ ᠶᠤᠮ︶᠂ 1258 ᠣᠨ ᠳᠤ ᠦᠯᠡᠬᠦ ᠴᠡᠷᠢᠭ ᠳᠠᠶᠢᠴᠢᠯᠠᠵᠤ᠂ ᠪᠠᠭᠳᠠᠳ᠋ ︵ᠣᠳᠤ ᠶᠢᠨ ᠢᠷᠠᠺ ᠤᠨ | ᠨᠡᠶᠢᠰᠯᠡᠯ ᠪᠠᠭᠳᠠᠳ᠋︶ ᠢ ᠡᠪᠳᠡᠨ ᠡᠵᠡᠯᠡᠪᠡ᠃ ᠳ᠋ᠠᠵᠢᠺᠧᠰ ᠤᠯᠤᠰ ᠢ ᠮᠦᠬᠦᠭᠡᠵᠦ᠂ ᠰᠡᠭᠦᠯ ᠤᠨ ᠨᠢᠭᠡ ᠡᠵᠡᠨ ᠬᠠᠯᠢᠹᠠ ᠶᠢ ᠪᠠᠷᠢᠪᠴᠢᠯᠠᠨ ᠠᠯᠠᠪᠠ᠃ 1259 | ᠣᠨ ᠳᠤ᠂ ᠦᠯᠡᠬᠦ ᠴᠡᠷᠢᠭ ᠢᠶᠠᠨ ᠭᠤᠷᠪᠠᠨ ᠵᠠᠮ ᠬᠤᠪᠢᠶᠠᠵᠤ ᠰᠢᠷᠢᠶᠠ ᠵᠦᠭ ᠳᠠᠭᠠᠷᠢᠵᠤ ᠣᠷᠣᠪᠠ᠃ 1260 ᠣᠨ ᠤ ᠬᠠᠪᠤᠷ ᠦᠯᠡᠬᠦ᠂ ᠮᠦᠩᠬᠡ ᠬᠠᠭᠠᠨ | ᠰᠧᠴᠤᠸᠠᠨ ᠳᠤ ᠪᠡᠶᠡ ᠪᠠᠷᠠᠭᠰᠠᠨ ᠴᠢᠮᠡᠭᠡ ᠶᠢ ᠰᠣᠨᠣᠰᠣᠭᠠᠳ ᠬᠡᠲᠡᠪᠤᠬᠠ ᠪᠠᠷ ᠭᠠᠪᠰᠢᠭᠠᠶᠢᠯᠠᠭᠴᠢ ᠴᠡᠷᠢᠭ ᠳᠠᠶᠢᠴᠢᠯᠠᠭᠤᠯᠤᠨ ᠤᠷᠤᠭᠰᠢᠯᠠᠭᠤᠯᠤᠯᠠ᠃ ᠦᠪᠡᠷ ᠢᠶᠠᠨ | ᠨᠢᠭᠡ ᠪᠦᠯᠦᠭ ᠴᠡᠷᠢᠭ ᠢᠶᠠᠨ ᠳᠠᠶᠢᠴᠢᠯᠠᠨ ᠫᠧᠷᠰ ᠲᠤ ᠡᠷᠭᠢᠪᠡ᠃ 9 ᠰᠠᠷᠠ ᠳᠤ ᠬᠡᠲᠡᠪᠤᠬᠠ ᠶᠧᠵᠢᠫᠲ ᠤᠨ ᠰᠤᠯᠳᠠᠨ ᠬᠤᠲ᠋ᠤᠭ ᠤᠨ ᠴᠡᠷᠢᠭ ᠲᠤ ᠳᠡᠶᠢᠯᠦᠭᠳᠡᠵᠦ᠂ | ᠨᠢᠭᠡᠨᠳᠡ ᠡᠵᠡᠯᠡᠭᠰᠡᠨ ᠰᠢᠷᠢᠶᠠ ᠶᠢᠨ ᠡᠯᠡ ᠬᠤᠲᠠ ᠪᠠᠨ ᠳᠠᠬᠢᠨ ᠠᠯᠳᠠᠭᠰᠠᠨ ᠪᠠᠶᠢᠯᠠ᠃ | ᠦᠯᠡᠬᠦ᠂ ᠫᠧᠷᠰ ᠣᠷᠣᠨ ᠳᠠᠭᠠᠨ ᠬᠠᠷᠢᠭᠠᠳ᠂ ᠬᠤᠪᠢᠯᠠᠢ ᠨᠢᠭᠡᠨᠲᠡ ᠶᠡᠭᠡ ᠬᠠᠭᠠᠨ ᠰᠠᠭᠤᠭᠰᠠᠨ ᠪᠦᠭᠡᠳ ᠣᠳᠬᠤᠨ ᠳᠡᠭᠦᠦ ᠠᠷᠢᠭᠪᠤᠬᠠ ᠲᠠᠢ ᠪᠠᠨ ᠬᠠᠭᠠᠨ | ᠡᠷᠬᠡ ᠪᠣᠯᠢᠶᠠᠯᠳᠤᠵᠤ ᠪᠠᠶᠢᠨᠠ ᠭᠡᠰᠡᠨ ᠴᠢᠮᠡᠭᠡ ᠶᠢ ᠰᠣᠨᠣᠰᠣᠭᠠᠳ ᠮᠣᠩᠭᠤᠯ ᠣᠷᠣᠨ ᠳᠠᠭᠠᠨ ᠡᠷᠭᠢᠵᠦ ᠢᠷᠡᠭᠰᠡᠨ ᠦᠬᠡᠢ᠃ ᠦᠯᠡᠬᠦ᠂ ᠬᠤᠪᠢᠯᠠᠢ ᠪᠠ | ᠠᠷᠢᠭᠪᠤᠬᠠ ᠳᠤ ᠪᠦᠷ ᠡᠯᠴᠢ ᠲᠣᠮᠢᠯᠠᠵᠤ᠂ ᠬᠤᠪᠢᠯᠠᠢ ᠶᠢᠨ ᠶᠡᠭᠡ ᠬᠠᠭᠠᠨ ᠰᠠᠭᠤᠭᠰᠠᠨ ᠢ ᠬᠦᠷᠢᠶᠡᠯᠡᠨ᠂ ᠠᠷᠢᠭᠪᠤᠬᠠ ᠶᠢᠨ ᠡᠷᠬᠡ ᠪᠤᠯᠢᠶᠠᠯᠳᠤᠬᠤ ᠶᠢ ᠰᠢᠭᠦᠮᠵᠢᠯᠡᠭᠰᠡᠨ | ᠰᠠᠨᠠᠭᠠ ᠪᠠᠨ ᠢᠯᠡᠳᠭᠡᠵᠡᠢ᠃ ᠬᠤᠪᠢᠯᠠᠢ ᠡᠯᠴᠢ ᠲᠣᠮᠢᠯᠠᠵᠤ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ᠂ ᠠᠮᠦ᠋ ᠮᠦᠷᠡᠨ ᠠᠴᠠ ᠪᠠᠷᠠᠭᠤᠨᠰᠢ ᠶᠧᠵᠢᠫᠲ ᠤᠨ ᠬᠢᠯᠢ ᠬᠦᠷᠲᠡᠯᠡ ᠫᠧᠷᠰ ᠤᠨ | ᠭᠠᠵᠠᠷ ᠪᠠ ᠲᠤᠰ ᠣᠷᠣᠨ ᠳᠤ ᠪᠠᠶᠢᠭᠠ ᠮᠣᠩᠭᠤᠯ᠂ ᠳ᠋ᠠᠵᠢᠺᠧᠰ ᠤᠨ ᠴᠡᠷᠢᠭ ᠠᠷᠠᠳ ᠢ ᠪᠦᠷ ᠦᠯᠡᠬᠦ ᠶᠢᠨ ᠨᠣᠶᠠᠷᠬᠠᠯ ᠳᠣᠣᠷᠠ ᠪᠣᠯᠭᠠᠪᠠ᠃ ᠢᠩᠭᠢᠭᠡᠳ | ᠤᠤᠯ ᠳᠠᠭᠠᠨ ᠮᠣᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨ ᠠᠴᠠ ᠰᠢᠭᠤᠳ ᠵᠠᠬᠢᠷᠴᠤ ᠪᠠᠶᠢᠭᠰᠠᠨ ᠫᠧᠷᠰ ᠤᠨ ᠣᠷᠣᠨ ᠳᠠᠷᠤᠢ ᠦᠯᠡᠬᠦ ᠶᠢᠨ ᠬᠠᠷᠢᠶᠠᠲᠤ ᠣᠷᠣᠨ ᠪᠣᠯᠵᠤ᠂ ᠢᠯ | ᠬᠠᠭᠠᠨᠲᠤ ᠤᠯᠤᠰ ᠪᠣᠢ ᠪᠣᠯᠪᠠ᠃ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠨᠤᠲᠤᠭ ᠪᠣᠯ ᠵᠡᠭᠦᠨ ᠠᠴᠠ ᠠᠮᠦ᠋ ᠮᠦᠷᠡᠨ ᠪᠠ ᠡᠨᠡᠳᠬᠡᠭ ᠭᠤᠣᠯ᠂ ᠪᠠᠷᠠᠭᠤᠨ ᠲᠠᠯᠠ ᠨᠢ ᠪᠠᠭᠠ | ᠠᠽᠢᠶᠠ ᠶᠢᠨ ᠨᠢᠭᠡ ᠬᠡᠰᠡᠭ ᠢ ᠪᠠᠭᠲᠠᠭᠠᠵᠤ᠂ ᠡᠮᠦᠨᠡᠰᠢ ᠫᠧᠷᠰ ᠤᠨ ᠪᠤᠯᠤᠩ ᠲᠤᠯᠵᠤ᠂ ᠬᠤᠶᠢᠰᠢ ᠺᠡᠦ᠋ᠺᠡᠰ ᠤᠨ ᠠᠭᠤᠯᠠ ᠬᠦᠷᠦᠨᠡ᠃ ᠮᠢᠯᠠᠬᠠ ︵ᠣᠳᠤ ᠶᠢᠨ | ᠢᠷᠠᠨ ᠠᠽᠧᠷᠪᠠᠶᠢᠵᠠᠨ ᠤ ᠮᠢᠯᠠᠬᠠ︶ ᠪᠠᠷ ᠨᠡᠶᠢᠰᠯᠡᠯ ᠬᠤᠲᠠ ᠪᠣᠯᠭᠠᠵᠤ᠂ ᠽᠠᠶᠢᠰᠢᠶᠠᠩ ᠨᠡᠷᠡᠯᠡᠵᠦ᠂ ᠪᠦᠬᠦ ᠤᠯᠤᠰ ᠤᠨ ᠤᠯᠤᠰ ᠲᠦᠷᠦ ᠶᠢᠨ ᠬᠠᠮᠢᠶᠠᠷᠤᠭᠤᠯᠵᠤ᠂ | ᠡᠯᠡ ᠮᠤᠵᠢ ᠳᠤ ᠳᠠᠷᠤᠭᠠᠴᠢ ᠨᠣᠶᠠᠨ ᠰᠠᠭᠤᠯᠭᠠᠵᠤ᠂ ᠪᠠᠰᠠ ᠠᠬᠠᠮᠠᠳ ᠬᠦᠪᠡᠭᠦᠨ ᠠᠪᠠᠬᠠ ᠪᠠᠷ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠵᠡᠭᠦᠨ ᠣᠷᠣᠨ ᠤ ᠬᠤᠷᠧᠰᠮ ᠵᠡᠷᠭᠡ | ᠮᠤᠵᠢ ᠶᠢ ᠬᠠᠮᠢᠶᠠᠷᠤᠭᠤᠯᠪᠠ᠃ 1262 ᠣᠨ ᠳᠤ᠂ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠪᠡᠷᠬᠡ᠂ ᠦᠯᠡᠬᠦ ᠶᠢᠨ ᠡᠷᠬᠡᠰᠢᠶᠡᠯ ᠳᠤ ᠪᠠᠶᠢᠭᠠ ᠠᠽᠧᠷᠪᠠᠶᠢᠵᠠᠨ | ᠣᠷᠣᠨ ᠢ ᠪᠣᠯᠢᠶᠠᠯᠴᠠᠨ ᠳᠠᠶᠢᠯᠠᠪᠠ᠃ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠬᠤᠶᠠᠷ ᠵᠢᠯ ᠢᠯᠡᠭᠦᠦ ᠰᠢᠷᠦᠭᠦᠨ ᠲᠤᠯᠤᠯᠳᠤᠵᠠᠢ᠃ ᠪᠡᠷᠬᠡ ᠬᠡᠳᠦᠶᠢᠪᠡᠷ ᠴᠡᠷᠢᠭ ᠡᠭᠡᠭᠰᠡᠨ ᠪᠣᠯᠪᠠᠴᠤ | ᠡᠭᠦᠨ ᠠᠴᠠ ᠬᠤᠶᠢᠰᠢ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠪᠠ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠬᠤᠭᠤᠷᠣᠨᠳᠣ ᠨᠤᠲᠤᠭ ᠳᠡᠪᠢᠰᠬᠡᠷ ᠪᠤᠯᠢᠶᠠᠯᠳᠤᠬᠤ ᠳᠠᠶᠢᠨ ᠦᠷᠭᠦᠯᠵᠢ ᠭᠠᠷᠴᠤ | ᠪᠠᠶᠢᠯᠠ᠃ | 1265 ᠣᠨ ᠳᠤ ᠦᠯᠡᠬᠦ ᠪᠡᠶᠡ ᠪᠠᠷᠠᠵᠤ᠂ ᠣᠯᠠᠨ ᠤᠭᠰᠠᠭᠠ ᠶᠢᠨ ᠸᠠᠩ ᠪᠠ ᠶᠡᠭᠡ ᠰᠠᠶᠢᠳ ᠨᠠᠷ ᠠᠪᠠᠬᠠ ᠶᠢ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠪᠣᠯᠭᠠᠪᠠ | ᠃ ᠠᠪᠠᠬᠠ᠂ ᠶᠤᠸᠠᠨ ᠤᠯᠤᠰ ᠤᠨ ᠶᠡᠭᠡ ᠬᠠᠭᠠᠨ ᠤ ᠵᠦᠪᠰᠢᠶᠡᠷᠡᠯ ᠢ ᠣᠯᠣᠭᠰᠠᠨ ᠦᠬᠡᠢ ᠠᠴᠠ ᠡᠯᠴᠢ ᠲᠣᠮᠢᠯᠠᠨ ᠶᠣᠸᠠᠨ ᠤᠯᠤᠰ ᠤᠨ ᠶᠡᠭᠡ ᠬᠠᠭᠠᠨ ᠳᠤ | ᠭᠠᠰᠢᠭᠤᠳᠠᠯ ᠤᠨ ᠴᠢᠮᠡᠭᠡ ᠬᠦᠷᠭᠡᠵᠦ᠂ ᠠᠳᠡᠬᠢ ᠪᠠᠶᠢᠳᠠᠯ ᠢᠶᠠᠨ ᠮᠡᠳᠡᠭᠳᠡᠭᠰᠡᠨ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠡᠯᠴᠢ ᠲᠣᠮᠢᠯᠠᠨ ᠵᠤᠤ ᠪᠢᠴᠢᠭ ᠪᠠᠷᠢᠭᠤᠯᠵᠤ ᠠᠪᠠᠬᠠ ᠶᠢ ᠢᠯ | ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠢᠶᠠᠷ ᠡᠷᠭᠦᠮᠵᠢᠯᠡᠵᠡᠢ᠃ ᠣᠳᠤ ᠶᠢᠨ ᠣᠯᠳᠠᠭᠰᠠᠨ 1279 ᠣᠨ ᠤ ᠠᠪᠠᠬᠠ ᠶᠢᠨ ᠪᠠᠭᠤᠯᠭᠠᠭᠰᠠᠨ ᠨᠢᠭᠡᠨ ᠬᠠᠭᠤᠳᠠᠰᠣ ᠵᠠᠷᠯᠢᠭ ᠳᠡᠭᠡᠷᠡ | ︽ᠤᠯᠤᠰ ᠢ ᠵᠠᠰᠠᠨ ᠠᠷᠠᠳ ᠢ ᠠᠮᠤᠷᠵᠢᠭᠤᠯᠬᠤ ᠡᠷᠳᠡᠨᠢ︾ ᠭᠡᠵᠦ ᠬᠢᠲᠠᠳ ᠢᠶᠠᠷ ᠪᠢᠴᠢᠭᠰᠡᠨ ᠳᠥᠷᠪᠡᠯᠵᠢᠨ ᠲᠠᠮᠠᠭᠠ ᠲᠠᠢ ᠪᠠᠶᠢᠪᠠ᠃ ᠪᠣᠳᠣᠬᠤ ᠳᠤ ᠡᠨᠡ ᠲᠠᠮᠠᠭᠠ | ᠪᠣᠯ ᠬᠤᠪᠢᠯᠠᠢ ᠬᠠᠭᠠᠨ ᠠᠴᠠ ᠠᠪᠠᠬᠠ ᠳᠤ ᠱᠠᠩᠨᠠᠭᠰᠠᠨ ᠲᠠᠮᠠᠭᠠ ᠮᠦᠨ᠃ ᠠᠪᠠᠬᠠ᠂ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠨᠡᠶᠢᠰᠯᠡᠯ ᠬᠤᠲᠠ ᠪᠠᠨ | ᠲᠧᠪᠷᠢᠽ ︵ᠣᠳᠤ ᠶᠢᠨ ᠢᠷᠠᠨ ᠤ ᠠᠽᠧᠷᠪᠠᠶᠢᠵᠠᠨ ᠤ ᠲᠧᠪᠷᠢᠽ︶ ᠳᠤ ᠪᠣᠯᠭᠠᠪᠠ᠃ ᠮᠢᠯᠠᠬᠠ ᠬᠤᠲᠠ ᠳᠡᠳ᠋ ᠨᠡᠶᠢᠰᠯᠡᠯ ᠪᠣᠯᠪᠠ᠃ ᠬᠤᠪᠢᠯᠠᠢ ᠬᠠᠭᠠᠨ ᠡᠮᠦᠨᠡᠲᠦ | ᠰᠦᠩ ᠤᠯᠤᠰ ᠢ ᠳᠠᠶᠢᠯᠠᠬᠤ ᠦᠶᠡ ᠳᠤ ᠠᠪᠠᠬᠠ᠂ ᠤᠷᠠᠨ ᠳᠠᠷᠬᠠᠴᠤᠳ ᠢ ᠡᠯᠰᠡᠨ ᠠᠪᠴᠤ᠂ ᠬᠤᠪᠢᠯᠭᠠᠨ ᠫᠤᠤᠴᠢ ᠠᠯᠤᠸᠠᠳᠢᠩ ᠪᠠ ᠢᠰᠠᠮᠢᠨ ᠵᠡᠷᠭᠡ ᠬᠦᠮᠦᠨ ᠢ | ᠶᠣᠸᠠᠨ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠳᠠᠶᠢᠳᠤ ᠬᠤᠲᠠ ᠳᠤ ᠣᠴᠢᠭᠤᠯᠵᠤ᠂ ᠢᠩᠭᠢᠭᠡᠳ ᠠᠷᠠᠪ ᠤᠨ ᠫᠤᠤ ᠵᠡᠪᠰᠡᠭ ᠬᠢᠬᠦ ᠮᠡᠷᠭᠡᠵᠢᠯ ᠢ ᠳᠤᠮᠳᠠᠳᠤ ᠤᠯᠤᠰ ᠲᠤ ᠤᠯᠠᠮᠵᠢᠯᠠᠨ | ᠢᠷᠡᠪᠡ᠃ | 1282 ᠣᠨ ᠳᠤ ᠠᠪᠠᠬᠠ ᠨᠠᠰᠤ ᠪᠠᠷᠠᠵᠤ᠂ ᠲᠡᠭᠦᠨ ᠤ ᠳᠡᠭᠦᠦ ᠳᠡᠭᠦᠳᠡᠷ ︵ᠠᠬᠠᠮᠠᠳ︶ ᠡᠵᠡᠨ ᠰᠠᠭᠤᠷᠢ ᠶᠢ ᠵᠠᠯᠭᠠᠮᠵᠢᠯᠠᠪᠠ᠃ 1282 ᠣᠨ ᠳᠤ | ᠠᠪᠠᠬᠠ ᠶᠢᠨ ᠬᠦᠪᠡᠭᠦᠨ ᠠᠷᠢᠭᠤᠨ᠂ ᠦᠪᠡᠷ ᠢ ᠪᠠᠨ ᠡᠴᠢᠭᠡ ᠰᠢᠭ ᠢᠶᠠᠨ ᠬᠤᠪᠢᠯᠠᠢ ᠬᠠᠭᠠᠨ ᠤ ᠨᠡᠷᠡᠯᠡᠭᠰᠡᠨ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠭᠡᠳ ᠬᠠᠭᠠᠨ | ᠰᠠᠭᠤᠷᠢᠨ ᠢ ᠪᠢ ᠵᠠᠯᠭᠠᠮᠵᠢᠯᠠᠪᠠᠯ ᠵᠣᠬᠢᠰᠲᠠᠢ ᠭᠡᠪᠡ᠃ ᠢᠩᠭᠢᠭᠡᠳ ᠠᠷᠢᠭᠤᠨ ᠡᠷᠬᠡᠲᠦ ᠰᠠᠶᠢᠳ ᠪᠤᠬᠠ ᠶᠢᠨ ᠳᠡᠮᠵᠢᠯᠭᠡ ᠪᠠᠷ ᠴᠡᠷᠢᠭ ᠢᠶᠠᠨ ᠳᠠᠶᠢᠴᠢᠯᠠᠵᠤ᠂ ᠠᠪᠠᠭᠠ | ᠳᠡᠭᠦᠳᠡᠷ ᠢ ᠬᠦᠭᠡᠭᠡᠨ ᠶᠠᠪᠤᠭᠤᠯᠵᠤ᠂ ᠶᠣᠸᠠᠨ ᠤ ᠲᠦᠷᠦ ᠳᠤ ᠴᠢᠮᠡᠭᠡ ᠮᠡᠳᠡᠭᠦᠯᠪᠡ᠃ ᠬᠤᠪᠢᠯᠠᠢ ᠬᠠᠭᠠᠨ᠂ ᠠᠷᠢᠭᠤᠨ ᠢ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠢᠶᠠᠷ | ᠡᠷᠭᠦᠮᠵᠢᠯᠡᠭᠰᠡᠨ ᠪᠦᠭᠡᠳ ᠪᠤᠬᠠ ᠳᠤ ᠴᠧᠩᠰᠢᠶᠠᠩ ᠤᠨ ᠲᠤᠰᠢᠶᠠᠯ ᠥᠭᠴᠡᠢ᠃ ᠡᠭᠦᠨ ᠠᠴᠠ ᠡᠮᠦᠨᠡ᠂ ᠬᠤᠪᠢᠯᠠᠢ ᠬᠠᠭᠠᠨ ᠪᠤᠯᠤ ᠴᠧᠩᠰᠢᠶᠠᠩ ᠵᠡᠷᠭᠡ ᠬᠦᠮᠦᠨ ᠢ | ᠢᠯ ᠬᠠᠭᠠᠨᠲᠤ ᠤᠯᠤᠰ ᠲᠤ ᠲᠤᠮᠢᠯᠠᠵᠤ ᠲᠡᠳᠡ᠂ 1282 ᠣᠨ ᠳᠤ ᠬᠦᠷᠴᠡᠢ᠃ ᠪᠤᠯᠤ᠂ ᠶᠣᠸᠠᠨ ᠤ ᠲᠦᠷᠦ ᠳᠤ ᠴᠢᠬᠤᠯᠠ ᠡᠷᠬᠡ ᠶᠢ ᠠᠳᠬᠤᠵᠤ ᠪᠠᠶᠢᠭᠰᠠᠨ | ᠪᠦᠭᠡᠳ ᠮᠡᠳᠡᠯᠭᠡ ᠲᠠᠢ ᠬᠦᠮᠦᠨ ᠪᠠᠶᠢᠵᠠᠢ᠃ ᠠᠷᠢᠭᠤᠨ᠂ ᠪᠤᠯᠤ ᠴᠧᠩᠰᠢᠶᠠᠩ ᠢ ᠡᠵᠡᠨ ᠣᠷᠣᠨ ᠳᠠᠭᠠᠨ ᠦᠯᠡᠳᠡᠭᠡᠨ ᠲᠦᠷᠦ ᠶᠢᠨ ᠵᠦᠪᠯᠡᠭᠴᠢ ᠪᠣᠯᠭᠠᠪᠠ᠃ ᠠᠪᠠᠬᠠ᠂ | ᠠᠷᠢᠭᠤᠨ ᠡᠴᠢᠭᠡ ᠬᠦᠪᠡᠭᠦᠨ ᠰᠢᠷᠢᠶᠠ ᠣᠷᠣᠨ ᠢ ᠡᠵᠡᠯᠡᠬᠦ ᠶᠢᠨ ᠲᠦᠯᠦᠭᠡ ᠡᠸᠦ᠋ᠷᠦᠫᠡ ᠶᠢᠨ ᠾᠷᠢᠰᠲ᠋ᠣᠰ ᠤᠨ ᠤᠯᠤᠰ ᠲᠠᠢ ᠬᠤᠯᠪᠤᠭᠠ ᠪᠠᠶᠢᠭᠤᠯᠬᠤ ᠲᠦᠷᠦ ᠶᠢᠨ | ᠪᠣᠳᠣᠯᠭᠠ ᠠᠪᠴᠤ ᠷᠤᠮ ᠤᠨ ᠱᠠᠰᠢᠨ ᠤ ᠬᠠᠭᠠᠨ ᠪᠠ ᠠᠩᠭ᠍ᠯᠢ᠂ ᠹᠷᠠᠨᠼᠢ ᠵᠡᠷᠭᠡ ᠤᠯᠤᠰ ᠲᠤ ᠡᠯᠴᠢ ᠲᠣᠮᠢᠯᠠᠨ ᠨᠠᠶᠢᠷᠰᠠᠭ ᠬᠠᠷᠢᠴᠠᠭᠠ ᠪᠠᠶᠢᠭᠤᠯᠪᠠ᠃ 1291 | ᠣᠨ ᠳᠤ ᠠᠷᠢᠭᠤᠨ ᠦᠷᠭᠦᠵᠦ᠂ ᠲᠡᠭᠦᠨ ᠤ ᠳᠡᠭᠦᠦ ᠷᠢᠨᠴᠢᠨᠳᠣᠷᠵᠢ ︵ᠭᠠᠭ᠋ᠠᠶᠢᠲᠤ︶ ᠰᠠᠭᠤᠷᠢ ᠶᠢ ᠵᠠᠯᠭᠠᠵᠤ᠂ ᠳᠤᠷᠠ ᠲᠠᠪᠠ ᠪᠠᠷ ᠮᠦᠩᠭᠦ ᠵᠣᠭᠤᠰ ᠵᠠᠷᠤᠨ᠂ | ᠤᠯᠤᠰ ᠤᠨ ᠰᠠᠩ ᠬᠦᠮᠦᠷᠭᠡ ᠶᠢ ᠬᠤᠭᠤᠰᠣᠷᠠᠭᠤᠯᠤᠭᠰᠠᠨ ᠪᠢᠯᠡ᠃ ᠡᠶᠢᠮᠦ ᠠᠴᠠ ᠲᠡᠷᠡ᠂ ᠶᠣᠸᠠᠨ ᠤᠯᠤᠰ ᠢ ᠳᠠᠭᠤᠷᠢᠶᠠᠨ ᠵᠣᠭᠤᠰ ᠬᠢᠬᠦ ᠶᠢ ᠰᠡᠳᠭᠢᠭᠰᠡᠨ ᠳᠤ᠂ ᠪᠤᠯᠤ | ᠴᠧᠩᠰᠢᠶᠠᠩ ᠡᠨᠡ ᠠᠵᠢᠯ ᠢ ᠤᠳᠤᠷᠢᠳᠪᠠ᠃ ᠭᠡᠪᠡᠴᠦ ᠤᠳᠠᠯ ᠦᠭᠡᠢ ᠡᠨᠡᠬᠦ ᠵᠣᠭᠤᠰ ᠢ ᠬᠡᠷᠡᠭᠯᠡᠬᠦ ᠦᠬᠡᠢ ᠪᠣᠯᠵᠠᠢ᠃ | 1295 ᠣᠨ ᠳᠤ ᠡᠷᠬᠡᠲᠦ ᠰᠠᠶᠢᠳ ᠷᠢᠨᠴᠢᠨᠳᠣᠷᠵᠢ ᠶᠢ ᠠᠯᠠᠵᠤ᠂ ᠪᠠᠶᠢᠳᠣ ᠶᠢ ᠤᠯᠤᠰ ᠤᠨ ᠡᠵᠡᠨ ᠪᠣᠯᠭᠠᠪᠠ᠃ ᠠᠷᠢᠭᠤᠨ ᠤ ᠬᠦᠪᠡᠭᠦᠨ ᠭᠠᠽᠠᠨ ᠴᠡᠷᠢᠭ | ᠳᠠᠶᠢᠴᠢᠯᠠᠵᠤ᠂ ᠲᠡᠭᠦᠨ ᠲᠠᠢ ᠡᠵᠡᠨ ᠡᠷᠬᠡ ᠪᠤᠯᠢᠶᠠᠯᠳᠤᠭᠰᠠᠨ ᠠᠵᠢ᠃ ᠭᠠᠽᠠᠨ᠂ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠹᠸᠥᠳᠡᠯ ᠤᠨ ᠡᠵᠡᠳ ᠪᠠ ᠮᠦᠰᠯᠢᠮᠴᠤᠳ ᠤᠨ | ᠳᠡᠮᠵᠢᠯᠭᠡ ᠶᠢ ᠣᠯᠬᠤ ᠶᠢᠨ ᠲᠦᠯᠦᠭᠡ ᠮᠦᠰᠯᠢᠮ ᠤᠨ ᠱᠠᠰᠢᠨ ᠢ ᠰᠢᠲᠦᠵᠦ᠂ ᠤᠯᠤᠰ ᠤᠨ ᠱᠠᠰᠢᠨ ᠪᠣᠯᠭᠠᠪᠠ᠃ ᠭᠠᠽᠠᠨ ᠡᠵᠡᠨ ᠰᠠᠭᠤᠷᠢ ᠶᠢ ᠵᠠᠯᠭᠠᠭᠰᠠᠨ ᠪᠠ | ᠱᠠᠰᠢᠨ ᠰᠢᠲᠦᠭᠡᠨ ᠢ ᠦᠭᠡᠷᠡᠴᠢᠯᠡᠨ ᠰᠢᠲᠦᠭᠰᠡᠨ ᠶᠠᠪᠤᠳᠠᠯ ᠨᠢ ᠶᠣᠸᠠᠨ ᠤᠯᠤᠰ ᠤᠨ ᠲᠡᠮᠦᠷ ᠬᠠᠭᠠᠨ ᠤ ᠵᠦᠪᠰᠢᠶᠡᠷᠡᠯ ᠢ ᠣᠯᠣᠭᠰᠠᠨ ᠪᠢᠯᠡ᠃ 1298 ᠣᠨ ᠳᠤ | ᠭᠠᠽᠠᠨ ᠡᠯᠴᠢ ᠲᠣᠮᠢᠯᠠᠨ ᠶᠣᠸᠠᠨ ᠤᠯᠤᠰ ᠲᠤ ᠣᠴᠢᠭᠤᠯᠵᠤ᠂ ᠰᠣᠪᠣᠳ ᠡᠷᠳᠡᠨᠢ ᠵᠡᠷᠭᠡ ᠬᠤᠪᠤᠷ ᠴᠤᠬᠠᠭ ᠡᠳᠡ ᠡᠷᠳᠡᠨᠢᠰ ᠢ ᠶᠡᠭᠡ ᠬᠠᠭᠠᠨ ᠳᠤ ᠡᠷᠭᠦᠪᠡ᠃ | ᠥᠩᠭᠡᠷᠡᠭᠰᠡᠨ ᠳᠤ ᠮᠦᠩᠬᠡ ᠬᠠᠭᠠᠨ ᠤ ᠴᠠᠭ ᠦᠶᠡ ᠳᠤ᠂ ᠵᠦᠩᠶᠣᠸᠠᠨ ᠭᠠᠵᠠᠷ ᠤᠨ ᠵᠠᠩ ᠳ᠋ᠧ ᠯᠦ ᠵᠠᠮ ᠳᠠᠭᠠᠤ ᠣᠷᠣᠨ ᠢ ᠦᠯᠡᠬᠦ ᠳᠤ ᠬᠠᠷᠢ ᠨᠤᠲᠤᠭ ᠢᠶᠠᠷ | ᠱᠠᠩᠨᠠᠪᠠ᠃ ᠲᠡᠮᠦᠷ ᠬᠠᠭᠠᠨ ᠤ ᠴᠠᠭ ᠦᠶᠡ ᠳᠤ ᠦᠯᠡᠬᠦ ᠶᠢᠨ ᠡᠨᠡᠬᠦ ᠬᠠᠷᠢᠶᠠᠲᠤ ᠣᠷᠣᠨ ᠠᠴᠠ ᠲᠠᠲᠠᠵᠤ ᠠᠪᠤᠭᠰᠠᠨ ᠵᠢᠯ ᠤᠨ ᠱᠠᠩᠨᠠᠯ ᠢ ᠭᠠᠽᠠᠨ ᠬᠠᠭᠠᠨ ᠳᠤ | ᠥᠭᠪᠡ᠃ ᠣᠳᠤ ᠪᠣᠯᠲᠠᠯᠠ ᠦᠯᠡᠳᠡᠵᠦ ᠪᠠᠶᠢᠭᠠ 1302 ᠣᠨ ᠳᠤ ᠭᠠᠽᠠᠨ ᠬᠠᠭᠠᠨ ᠹᠷᠠᠨᠼᠢ ᠶᠢᠨ ᠬᠠᠭᠠᠨ ᠳᠤ ᠥᠭᠭᠦᠭᠰᠡᠨ ᠵᠠᠬᠢᠳᠠᠯ ᠳᠤ ᠬᠢᠲᠠᠳ ᠢᠶᠠᠷ | ᠰᠡᠶᠢᠯᠦᠭᠰᠡᠨ ︽ᠸᠠᠩ ᠤᠨ ᠣᠷᠳᠣ᠂ ᠤᠯᠤᠰ ᠢ ᠲᠣᠭᠲᠠᠭᠠᠬᠤ᠂ ᠠᠷᠠᠳ ᠢ ᠵᠠᠰᠠᠬᠤ ᠡᠷᠳᠡᠨᠢ︾ ᠭᠡᠰᠡᠨ ᠲᠠᠮᠠᠭᠠ ᠲᠠᠢ ᠪᠠᠶᠢᠳᠠᠭ᠃ | ᠡᠨᠡ ᠲᠠᠮᠠᠭᠠ ᠪᠣᠯ ᠶᠣᠸᠠᠨ ᠤᠯᠤᠰ ᠠᠴᠠ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠳᠤ ᠰᠢᠨᠡ ᠰᠡᠶᠢᠯᠵᠦ ᠥᠭᠭᠦᠭᠰᠡᠨ ᠲᠠᠮᠠᠭᠠ ᠮᠦᠨ᠃ ᠭᠠᠽᠠᠨ ᠬᠠᠭᠠᠨ | ᠰᠠᠭᠤᠷᠢ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠨᠡᠶᠢᠭᠡᠮ ᠤᠨ ᠦᠭᠡᠷᠡᠴᠢᠯᠡᠯᠲᠡ ᠬᠢᠵᠦ᠂ ᠭᠠᠵᠠᠷ ᠲᠠᠷᠢᠶᠠ᠂ ᠭᠠᠶᠢᠯᠢ ᠭᠤᠪᠴᠢᠭᠤᠷ᠂ ᠥᠷᠲᠡᠭᠡ | ᠵᠠᠮ᠂ ᠵᠣᠭᠤᠰ ᠵᠤᠭᠠ ᠵᠡᠷᠭᠡ ᠶᠢᠨ ᠳᠦᠷᠢᠮ ᠢ ᠰᠢᠨᠡ ᠪᠠᠷ ᠲᠣᠭᠲᠠᠭᠠᠵᠤ᠂ ᠪᠠᠰᠠ ᠮᠣᠩᠭᠤᠯ ᠤᠨ ᠢᠵᠠᠭᠤᠷᠲᠠᠨ ᠵᠠᠩᠵᠤᠨ ᠵᠠᠬᠢᠷᠤᠭᠴᠢ ᠪᠠ ᠨᠣᠶᠠᠨ ᠠᠴᠠ | ᠳᠤᠷᠠ ᠪᠠᠷ ᠢᠶᠠᠨ ᠭᠠᠶᠢᠯᠢ ᠭᠤᠪᠴᠢᠭᠤᠷ ᠠᠪᠬᠤ ᠶᠢ ᠬᠤᠷᠢᠭᠯᠠᠭᠰᠠᠨ ᠠᠴᠠ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠲᠠᠷᠢᠶᠠᠯᠠᠩ ᠠᠵᠤ ᠠᠬᠤᠢ᠂ ᠭᠠᠷ ᠦᠢᠯᠡᠳᠪᠦᠷᠢ ᠪᠠ | ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠦᠭᠵᠢᠵᠦ᠂ ᠤᠯᠤᠰ ᠤᠨ ᠣᠷᠣᠯᠭᠠ ᠨᠡᠮᠡᠭᠳᠡᠪᠡ᠃ ᠭᠠᠽᠠᠨ ᠬᠠᠭᠠᠨ ᠪᠠᠰᠠ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠭᠵᠢᠯᠲᠡ ᠶᠢ ᠬᠦᠬᠢᠭᠦᠯᠵᠦ᠂ ᠨᠡᠶᠢᠰᠯᠡᠯ | ᠬᠤᠲᠠᠨ ᠳᠠᠭᠠᠨ ᠣᠳᠣᠨ ᠣᠷᠣᠨ ᠤ ᠰᠤᠳᠤᠯᠭᠠᠨ ᠤ ᠭᠠᠵᠠᠷ ᠪᠠᠶᠢᠭᠤᠯᠵᠤ᠂ ᠪᠠᠰᠠ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠤᠨ ᠴᠧᠩᠰᠢᠶᠠᠩ ᠷᠠᠰᠢᠳ᠋ — ᠠᠳ᠋ — ᠳ᠋ᠢᠨ ᠢ | ᠵᠠᠷᠯᠢᠭᠳᠠᠵᠤ ︽ᠰᠤᠳᠤᠷ ᠤᠨ ᠴᠢᠭᠤᠯᠭᠠᠨ︾ ᠢ ᠡᠮᠬᠢᠳᠭᠡᠪᠡ᠃ ᠭᠠᠽᠠᠨ ᠬᠠᠭᠠᠨ ᠪᠣᠯ ᠣᠯᠠᠨ ᠵᠦᠢᠯ ᠤᠨ ᠬᠡᠯᠡ ᠳᠤ ᠨᠡᠪᠲᠡᠷᠬᠡᠢ ᠪᠦᠭᠡᠳ ᠣᠳᠣᠨ ᠤᠬᠠᠭᠠᠨ᠂ ᠡᠮ | ᠡᠮᠨᠡᠯᠭᠡ ᠪᠠ ᠨᠡᠯᠢᠶᠡᠳ ᠣᠯᠠᠨ ᠤᠷᠠᠨ ᠮᠡᠷᠭᠡᠵᠢᠯ ᠳᠤ ᠪᠦᠷ ᠮᠡᠷᠭᠡᠵᠢᠭᠰᠡᠨ ᠶᠤᠮ᠃ ᠢᠯᠠᠩᠭᠤᠶᠠ ᠲᠡᠦᠬᠡᠨ ᠳᠤ ᠶᠡᠭᠡ ᠪᠠᠬᠠ ᠲᠠᠢ ᠪᠦᠭᠡᠳ ᠰᠡᠴᠡᠨ ᠮᠡᠷᠭᠡᠨ ᠡᠵᠡᠨ | ᠭᠡᠵᠦ ᠬᠦᠨᠳᠦᠳᠬᠡᠭᠳᠡᠨ ᠳᠠᠭᠤᠳᠠᠭᠳᠠᠵᠤ ᠪᠠᠶᠢᠪᠠ᠃ ᠲᠡᠷᠡ ᠶᠧᠵᠢᠫᠲ ᠤᠨ ᠨᠢᠭᠡ ᠸᠠᠩᠲᠤ ᠤᠯᠤᠰ ᠲᠠᠢ ᠰᠢᠷᠢᠶᠠ ᠶᠢ ᠪᠤᠯᠢᠶᠠᠯᠴᠠᠨ ᠣᠯᠠᠨᠲᠠ ᠳᠠᠶᠢᠨ ᠬᠢᠵᠦ᠂ | ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠲᠤᠸᠠ ᠡᠨᠡ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠵᠤ᠂ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠵᠡᠭᠦᠨ ᠬᠡᠰᠡᠭ ᠤᠨ ᠲᠤᠬᠠᠷᠠ ︵ᠣᠳᠤ ᠶᠢᠨ | ᠠᠹᠭᠠᠨᠢᠰᠲ᠋ᠠᠨ ᠤ ᠵᠡᠭᠦᠨ ᠬᠤᠶᠢᠳᠤ ᠣᠷᠣᠨ ᠳᠤ ᠪᠣᠢ︶ ᠭᠡᠳᠡᠭ ᠭᠠᠵᠠᠷ ᠢ ᠡᠵᠡᠯᠡᠨ ᠠᠪᠤᠪᠠ᠃ 1304 ᠣᠨ ᠳᠤ ᠭᠠᠽᠠᠨ ᠬᠠᠭᠠᠨ ᠪᠡᠶᠡ ᠪᠠᠷᠠᠵᠤ᠂ ᠲᠡᠭᠦᠨ ᠤ | ᠳᠡᠭᠦᠦ ᠬᠠᠷᠠᠪᠠᠨᠳᠠ ︵ᠦᠯᠵᠡᠶᠢᠲᠦ︶ ᠡᠵᠡᠨ ᠰᠠᠭᠤᠷᠢ ᠶᠢ ᠵᠠᠯᠭᠠᠮᠵᠢᠯᠠᠨ᠂ ᠨᠡᠶᠢᠰᠯᠡᠯ ᠢᠶᠠᠨ ᠰᠦᠨᠲ᠋ᠠᠨᠢᠶᠧ ︵ᠣᠳᠤ ᠶᠢᠨ ᠢᠷᠠᠨ ᠤ ᠠᠽᠧᠷᠪᠠᠶᠢᠵᠠᠨ ᠤ ᠰᠦᠯᠲᠨᠢᠶᠧ︶ | ᠳᠤ ᠨᠡᠭᠦᠯᠭᠡᠪᠡ᠃ ᠬᠠᠷᠠᠪᠠᠨᠳᠠ ᠠᠬᠠ ᠶᠢᠨ ᠢᠶᠠᠨ ᠲᠣᠭᠲᠠᠭᠠᠭᠰᠠᠨ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢ ᠪᠠᠷᠢᠮᠲᠠᠯᠠᠨ ᠶᠠᠪᠤᠭᠤᠯᠵᠤ᠂ ᠷᠠᠰᠢᠳ᠋ — ᠠᠳ᠋ — ᠳ᠋ᠢᠨ ᠢᠶᠠᠷ ᠮᠦᠨ | ᠴᠧᠩᠰᠢᠶᠠᠩ ᠪᠣᠯᠭᠠᠵᠤ᠂ ᠠᠵᠤ ᠠᠬᠤᠢ᠂ ᠰᠣᠶᠣᠯ ᠢ ᠦᠷᠬᠦᠯᠵᠢᠯᠡᠨ ᠬᠦᠭᠵᠢᠭᠦᠯᠵᠡᠢ᠃ ᠷᠠᠰᠢᠳ᠋ — ᠠᠳ᠋ — ᠳ᠋ᠢᠨ ︽ᠰᠣᠳᠤᠷ ᠤᠨ ᠴᠢᠭᠤᠯᠭᠠᠨ︾ ᠤ ᠣᠯᠠᠨ | ᠪᠤᠳᠢ ᠶᠢ ᠡᠮᠬᠢᠳᠬᠡᠨ ᠪᠢᠴᠢᠭᠰᠡᠨ ᠠᠴᠠ ᠭᠠᠳᠠᠨᠠ᠂ ᠪᠠᠰᠠ ︽ᠢᠯ ᠬᠠᠭᠠᠨ ᠤ ᠳᠤᠮᠳᠠᠳᠤ ᠤᠯᠤᠰ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠡᠷᠳᠡᠨᠢ ᠶᠢᠨ ᠰᠠᠩ︾ ᠭᠡᠰᠡᠨ | ᠨᠣᠮ ᠢ ᠡᠮᠬᠢᠳᠭᠡᠪᠡ᠃ ᠡᠨᠡ ᠨᠣᠮ ᠳᠠᠭᠠᠨ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠯᠡ ᠲᠦᠷᠦ ᠶᠢᠨ ᠡᠮ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠤ ᠠᠮᠵᠢᠯᠲᠠ ᠶᠢ ᠲᠠᠨᠢᠯᠴᠠᠭᠤᠯᠪᠠ᠃ ᠡᠨᠡ | ᠦᠶᠡ ᠶᠢᠨ ᠶᠠᠭ ᠶᠣᠸᠠᠨ ᠤᠯᠤᠰ ᠤᠨ ᠲᠡᠮᠦᠷ ᠬᠠᠭᠠᠨ ᠤ ᠦᠶᠡ ᠪᠠ ᠳᠤᠸᠠ᠂ ᠴᠡᠪᠡᠷ ᠬᠤᠶᠠᠷ ᠡᠪᠰᠡᠨ ᠮᠣᠩᠭᠤᠯ ᠤᠨ ᠬᠠᠭᠠᠨ ᠤᠭᠰᠠᠭᠠᠨ ᠤ ᠳᠣᠲᠣᠷᠠᠬᠢ | ᠬᠢᠮᠤᠷᠠᠯᠳᠤᠭᠠᠨ ᠲᠦᠷ ᠵᠣᠭᠰᠤᠵᠤ᠂ ᠵᠡᠭᠦᠨ ᠪᠠᠷᠠᠭᠤᠨ ᠵᠠᠮ ᠨᠡᠪᠲᠡᠷᠡᠯᠭᠡ ᠦᠷᠬᠦᠯᠵᠢᠯᠡᠨ ᠨᠡᠪᠲᠡᠷᠡᠭᠰᠡᠨ ᠴᠠᠭ ᠪᠠᠶᠢᠪᠠ᠃ ᠢᠯ ᠬᠠᠭᠠᠨᠲᠤ ᠤᠯᠤᠰ ᠪᠠ ᠶᠣᠸᠠᠨ | ᠤᠯᠤᠰ ᠤᠨ ᠡᠯᠴᠢᠳ ᠤᠨ ᠶᠠᠪᠤᠯᠴᠠᠭᠠ ᠨᠡᠩ ᠣᠯᠠᠰᠢᠷᠠᠭᠰᠠᠨ ᠪᠠᠶᠢᠯᠠ᠃ | 1305 ᠣᠨ ᠳᠤ ᠬᠠᠷᠠᠪᠠᠨᠳᠠ᠂ ᠹᠷᠠᠨᠼᠢ ᠶᠢᠨ ᠸᠠᠩ ᠫᠸᠧᠷ ᠳᠥᠷᠪᠡᠳᠦᠭᠡᠷ ᠲᠤ ᠡᠨᠡ ᠴᠢᠮᠡᠭᠡ ᠶᠢ ᠬᠡᠯᠡᠵᠦ ᠥᠭᠭᠦᠭᠰᠡᠨ ᠵᠠᠬᠢᠳᠠᠯ ᠳᠡᠭᠡᠷᠡ ᠮᠦᠨ ᠬᠢᠲᠠᠳ | ᠦᠰᠦᠭ ᠢᠶᠠᠷ ᠰᠡᠶᠢᠯᠦᠭᠰᠡᠨ ︽ᠦᠨᠡᠨ ᠵᠠᠶᠠᠭᠠᠲᠤ ᠬᠠᠭᠠᠨ᠂ ᠲᠦᠮᠡᠨ ᠬᠠᠷᠢ ᠶᠢ ᠢᠯᠪᠢᠨ ᠳᠠᠭᠠᠭᠤᠯᠬᠤ ᠶᠢᠨ ᠡᠷᠳᠡᠨᠢ︾ ᠭᠡᠰᠡᠨ ᠳᠥᠷᠪᠡᠯᠵᠢᠨ ᠲᠠᠮᠠᠭᠠ ᠲᠠᠢ ᠪᠠᠶᠢᠪᠠ᠃ | 1316 ᠣᠨ ᠳᠤ ᠬᠠᠷᠠᠪᠠᠨᠳᠠ ᠪᠡᠶᠡ ᠪᠠᠷᠠᠵᠤ᠂ ᠲᠡᠭᠦᠨ ᠤ ᠬᠦᠪᠡᠭᠦᠨ ᠠᠪᠣᠰᠠᠶᠢᠳ᠋ ᠰᠠᠭᠤᠷᠢ ᠵᠠᠯᠭᠠᠮᠵᠢᠯᠠᠨ ᠰᠠᠭᠤᠪᠠ᠃ ᠲᠡᠭᠡᠭᠡᠳ ᠲᠡᠷᠡ ᠤᠤᠯ ᠤᠨ | ᠨᠡᠶᠢᠰᠯᠡᠯ ᠲᠧᠪᠷᠢᠽ ᠳᠡᠭᠡᠨ ᠡᠭᠡᠵᠦ ᠨᠡᠶᠢᠰᠯᠡᠨ ᠰᠠᠭᠤᠯᠠ᠃ ᠡᠷᠬᠡᠲᠦ ᠰᠠᠶᠢᠳ ᠴᠦᠪᠠᠨ᠂ ᠠᠪᠤᠰᠠᠶᠢᠳ᠋ ᠢ ᠡᠵᠡᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠯᠭᠠᠬᠤ ᠳᠤ ᠲᠤᠰᠠᠯᠠᠭᠰᠠᠨ | ᠭᠠᠪᠢᠶᠠ ᠲᠠᠢ ᠪᠣᠯᠵᠤ ᠠᠪᠤᠰᠠᠶᠢᠳ᠋ ᠲᠡᠭᠦᠨ ᠤ ᠲᠦᠯᠦᠭᠡ ᠶᠣᠸᠠᠨ ᠤᠯᠤᠰ ᠲᠤ ᠵᠡᠷᠭᠡ ᠭᠤᠶᠤᠴᠢᠯᠠᠵᠤ ᠥᠭᠭᠦᠭᠰᠡᠨ ᠳᠤ᠂ 1324 ᠣᠨ ᠳᠤ ᠶᠣᠸᠠᠨ ᠤᠯᠤᠰ ᠤᠨ | ᠶᠢᠰᠦᠨᠲᠡᠮᠦᠷ ᠬᠠᠭᠠᠨ ᠠᠴᠠ ᠴᠦᠪᠠᠨ ᠳᠤ ᠭᠦᠸᠧ ᠭᠦᠩ ︵ᠤᠯᠤᠰ ᠤᠨ ᠭᠦᠩ︶ ᠵᠡᠷᠭᠡ ᠥᠭᠭᠦᠭᠰᠡᠨ ᠪᠦᠭᠡᠳ ᠮᠦᠩᠭᠦᠨ ᠲᠠᠮᠠᠭᠠ᠂ ᠠᠯᠳᠠᠨ ᠴᠤᠴᠤᠭᠠ ᠱᠠᠩᠨᠠᠪᠠ | ᠃ ᠡᠶᠢᠮᠦ ᠠᠴᠠ᠂ ᠤᠯᠤᠰ ᠤᠨ ᠲᠦᠷᠦ ᠶᠢ ᠭᠠᠭᠴᠠᠭᠠᠷ ᠠᠳᠬᠤᠵᠤ ᠦᠷᠡ ᠬᠡᠦᠬᠡᠳ ᠨᠢ ᠪᠦᠷ ᠴᠢᠬᠤᠯᠠ ᠡᠷᠬᠡ ᠶᠢ ᠠᠳᠬᠤᠨ ᠠᠪᠤᠰᠠᠶᠢᠳ᠋ ᠬᠠᠭᠠᠨ ᠲᠠᠢ ᠵᠦᠷᠢᠴᠡᠯ | ᠡᠭᠦᠰᠴᠡᠢ᠃ ᠠᠪᠤᠰᠠᠶᠢᠳ᠋ ᠬᠠᠭᠠᠨ᠂ ᠴᠦᠪᠠᠨ ᠤ ᠭᠤᠷᠪᠠᠳᠤᠭᠠᠷ ᠬᠦᠦ ᠶᠢ ᠶᠠᠯᠠᠳᠠᠨ ᠠᠯᠠᠭᠰᠠᠨ ᠳᠤ ᠴᠦᠪᠠᠨ ᠤᠷᠪᠠᠵᠤ ᠢᠯᠠᠭᠳᠠᠨ ᠠᠯᠠᠭᠳᠠᠪᠠ᠃ ᠡᠨᠡ ᠤᠳᠠᠭᠠᠨ ᠤ | ᠳᠣᠲᠣᠭᠠᠳᠤ ᠶᠢᠨ ᠤᠷᠪᠠᠯᠭᠠᠨ ᠤ ᠳᠠᠷᠠᠭᠠ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠢᠳᠡ ᠬᠦᠴᠦ ᠨᠢ ᠪᠠᠭᠤᠷᠠᠨ᠂ ᠨᠣᠶᠠᠷᠬᠠᠭᠴᠢ ᠪᠦᠯᠦᠭ ᠤᠨ ᠳᠣᠲᠣᠷᠠᠬᠢ ᠵᠦᠷᠢᠴᠡᠯ ᠪᠠ | ᠤᠯᠤᠰ ᠤᠨ ᠳᠣᠲᠣᠷᠠᠬᠢ ᠦᠨᠳᠦᠰᠦᠲᠡᠨ ᠤ ᠵᠦᠷᠢᠴᠡᠯ᠂ ᠠᠩᠭᠢ ᠶᠢᠨ ᠵᠦᠷᠢᠴᠡᠯ ᠨᠡᠩ ᠬᠤᠷᠴᠠ ᠰᠢᠷᠦᠭᠦᠨ ᠪᠣᠯᠣᠭᠰᠠᠨ ᠠᠵᠢ᠃ | 1335 ᠣᠨ ᠳᠤ᠂ ᠠᠪᠤᠰᠠᠶᠢᠳ᠋ ᠦᠭᠦᠭᠰᠡᠨ ᠤ ᠳᠠᠷᠠᠭᠠ᠂ ᠢᠯ ᠬᠠᠭᠠᠨᠲᠤ ᠤᠯᠤᠰ ᠲᠦᠷᠭᠡᠨ ᠳᠣᠷᠣᠶᠢᠲᠠᠨ᠂ ᠡᠷᠬᠡᠲᠦ ᠲᠦᠰᠢᠮᠡᠯ᠂ ᠴᠡᠷᠢᠭ ᠤᠨ ᠵᠠᠩᠵᠤᠨ | ᠨᠠᠷ ᠦᠪᠡᠷ ᠦᠪᠡᠷ ᠢᠶᠠᠨ ᠮᠠᠨᠤᠤᠯ ᠬᠠᠭᠠᠨ ᠪᠤᠰᠬᠠᠵᠤ᠂ ᠬᠠᠷᠢᠯᠴᠠᠨ ᠬᠠᠳᠬᠤᠯᠳᠤᠨ ᠳᠠᠭᠠᠷᠢᠵᠤ ᠳᠣᠪᠲᠣᠯᠵᠠᠢ᠃ 1335 ᠣᠨ ᠳᠤ ᠬᠢᠪᠴᠠᠭ ᠬᠠᠭᠠᠨᠲᠤ | ᠤᠯᠤᠰ ᠤᠨ ᠡᠵᠡᠨ ᠵᠠᠨᠢ ᠪᠠᠬᠢ ᠲᠧᠪᠷᠢᠽ ᠢ ᠡᠵᠡᠯᠡᠵᠦ᠂ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠷᠬᠡ ᠠᠳᠬᠤᠵᠤ ᠪᠠᠶᠢᠭᠰᠠᠨ ᠴᠦᠪᠠᠨ ᠤ ᠦᠷᠡᠳᠦᠰ ᠢ ᠬᠢᠲᠤᠨ ᠠᠯᠠᠵᠤ᠂ | ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠡᠵᠡᠨ ᠨᠦᠰᠠᠶᠢᠷᠸᠠᠨ ᠦᠯᠦ ᠮᠡᠳᠡᠭ ᠦᠬᠡᠢ ᠪᠣᠯᠪᠠ᠃ ᠡᠨᠡᠬᠦ ᠰᠠᠮᠠᠭᠤᠨ ᠳᠤ ᠨᠢᠭᠡ ᠬᠡᠰᠡᠭ ᠣᠷᠣᠨ ᠨᠤᠲᠤᠭ ᠤᠨ ᠢᠵᠠᠭᠤᠷᠲᠠᠨ ᠪᠠᠰᠠ | ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠵᠤ᠂ ᠲᠤᠰᠠᠭᠠᠷ ᠲᠤᠭᠲᠠᠨᠢᠨ᠂ ᠣᠷᠣᠨ ᠨᠤᠲᠤᠭ ᠢ ᠬᠡᠰᠡᠭᠯᠡᠨ ᠡᠵᠡᠯᠡᠬᠦ ᠪᠠᠶᠢᠳᠠᠯ ᠪᠣᠢ ᠪᠣᠯᠵᠠᠢ᠃ ᠪᠠᠭᠳᠠᠳ᠋ ᠢ ᠡᠵᠡᠯᠡᠵᠦ ᠪᠠᠶᠢᠭᠰᠠᠨ | ᠮᠣᠩᠭᠤᠯ ᠤᠨ ᠢᠵᠠᠭᠤᠷᠲᠠᠨ ᠬᠠᠰ ︵ᠵᠠᠯᠠᠶᠢᠷ ᠣᠪᠣᠭᠲᠠᠨ︶ 1340 ᠣᠨ ᠳᠤ ᠪᠡᠶᠡ ᠪᠠᠨ ᠬᠠᠨ ᠡᠷᠭᠦᠮᠵᠢᠯᠡᠪᠡ᠃ 1358 ᠣᠨ ᠳᠤ ᠲᠡᠭᠦᠨ ᠤ ᠬᠦᠪᠡᠭᠦᠨ | ᠤᠸᠠᠰ ᠬᠠᠨ ᠠᠽᠧᠷᠪᠠᠶᠢᠵᠠᠨ ᠵᠡᠷᠭᠡ ᠮᠤᠵᠢ ᠶᠢ ᠡᠵᠡᠯᠡᠨ ᠲᠧᠪᠷᠢᠽ ᠳᠤ ᠨᠡᠭᠦᠨ ᠨᠡᠶᠢᠰᠯᠡᠪᠡ᠃ ᠲᠡᠦᠬᠡᠨ ᠳᠡᠭᠡᠷᠡ ᠲᠡᠳᠡᠨ ᠤ ᠤᠯᠤᠰ ᠢ ᠵᠠᠯᠠᠶᠢᠷ ᠸᠠᠩᠲᠤ ᠤᠯᠤᠰ | ᠭᠡᠵᠡᠢ᠃ 14 ᠳ᠋ᠦ᠋ᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠪᠠᠷ ᠵᠠᠯᠠᠶᠢᠷ ᠸᠠᠩᠲᠤ ᠤᠯᠤᠰ ᠲᠡᠮᠦᠷ ᠤᠨ ᠬᠠᠭᠠᠨᠲᠤ ᠤᠯᠤᠰ ᠲᠤ ᠮᠦᠬᠦᠭᠡᠭᠳᠡᠪᠡ᠃ | | |