| | ᠬᠠ᠊ · ᠠᠮᠤᠷᠵᠢᠷᠭᠠᠯ | | | ᠬᠤᠨᠲᠣᠨ ᠪᠠᠭᠠᠲᠤᠷ ᠳᠡᠭᠦᠦ ᠪᠣᠯ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠷᠤᠬᠠᠰᠢᠶᠠᠳᠤ ᠪᠠᠯᠭᠠᠰᠤ ᠪᠠᠷ ᠨᠤᠲᠤᠭ ᠲᠠᠢ᠂ ᠵᠠᠯᠠᠭᠤ ᠮᠠᠯᠴᠢᠨ ᠰᠢᠯᠦᠭᠴᠢ | ᠪᠥᠭᠡᠳ ᠣᠷᠴᠢᠮ ᠤᠨ ᠬᠡᠳᠦᠨ ᠵᠢᠯ ᠨᠡᠯᠢᠶᠡᠳ ᠬᠡᠳᠦᠨ ᠰᠢᠯᠦᠭ ᠪᠢᠴᠢᠵᠦ᠂ ᠤᠯᠠᠨ ᠤ ᠳᠣᠲᠣᠷᠠ ᠵᠣᠬᠢᠬᠤ ᠨᠥᠯᠥᠭᠡ ᠲᠤᠰᠬᠠᠯ ᠲᠠᠢ ᠶᠠᠪᠤᠭᠠ ᠰᠢᠯᠦᠭᠴᠢ ᠶᠢᠨ ᠨᠢᠭᠡᠨ᠃ | ᠲᠡᠭᠦᠨ ᠤ ᠨᠠᠳᠠᠳᠤ ᠬᠦᠷᠭᠡᠵᠦ ᠢᠷᠡᠭᠰᠡᠨ 10 ᠰᠢᠯᠦᠭ ᠢ ᠨᠢ ᠤᠩᠰᠢᠬᠤ ᠪᠠᠷ ᠳᠠᠮᠵᠢᠭᠠᠳ᠂ ᠬᠠᠷᠢᠭᠤ ᠪᠤᠯᠭᠠᠵᠤ᠂ ᠥᠪᠡᠷ ᠤᠨ ᠪᠤᠳᠤᠭᠰᠠᠨ ᠰᠤᠯᠠ | ᠲᠥᠷᠥᠭᠳᠡᠯ ᠢᠶᠠᠨ ᠤᠯᠠᠨ ᠲᠠᠢ ᠬᠤᠪᠢᠶᠠᠯᠴᠠᠶᠠ ᠬᠡᠮᠡᠨ ᠬᠡᠳᠦᠨ ᠶᠠᠭᠤᠮᠠ ᠪᠢᠴᠢᠯᠡ᠃ | ᠬᠡᠯᠡᠬᠦ ᠠᠴᠠ ᠰᠢᠯᠦᠭ᠂ ᠨᠠᠶᠢᠷᠠᠭᠤᠯᠤᠯ ᠭᠡᠬᠦ ᠠᠴᠠ ᠮᠢᠨᠤ ᠬᠤᠪᠢᠨ ᠳᠤ ᠴᠢᠳᠠᠪᠤᠷᠢ ᠭᠦᠶᠦᠬᠡᠨ᠂ ᠲᠡᠭᠡᠭᠦ ᠳᠡᠭᠡᠨ ᠰᠢᠯᠦᠭᠴᠢ ᠬᠥᠮᠥᠨ ᠪᠢᠰᠢ᠂ ᠰᠢᠭᠦᠮᠵᠢᠯᠡᠭᠴᠢ | ᠨᠡᠩ ᠴᠤ ᠪᠢᠰᠢ᠂ ᠶᠡᠷᠦᠳᠡ ᠶᠢᠨ ᠨᠢᠭᠡᠨ ᠤᠩᠰᠢᠭᠴᠢ ᠲᠡᠳᠦᠢ ᠯᠡ ᠬᠥᠮᠥᠨ ᠠ᠋᠃ ᠮᠢᠨᠤ ᠪᠤᠳᠤᠬᠤ ᠪᠠᠷ ︽ᠰᠢᠯᠦᠭ ᠭᠡᠳᠡᠭ ᠨᠢ ᠶᠠᠮᠠᠷᠪᠠ ᠨᠢᠭᠡᠨ ᠵᠣᠬᠢᠶᠠᠭᠴᠢ ᠶᠢᠨ | ᠨᠡᠶᠢᠭᠡᠮ ᠠᠬᠤᠢ ᠶᠢᠨ ᠲᠤᠬᠠᠢ᠂ ᠥᠪᠡᠷ ᠤᠨ ᠳᠣᠲᠣᠭᠠᠳᠤ ᠰᠡᠳᠬᠢᠯᠭᠡ ᠪᠤᠶᠤ ᠦᠵᠡᠯ ᠪᠤᠳᠤᠯ ᠢᠶᠠᠨ ᠢᠯᠡᠳᠬᠡᠳᠡᠭ ᠤᠷᠠᠯᠢᠭ ᠤᠨ ᠬᠡᠯᠪᠡᠷᠢ︾ ᠪᠠᠶᠢᠬᠠ ᠭᠡᠵᠦ | ᠦᠵᠡᠳᠡᠭ᠃ ᠬᠡᠯᠡᠯᠭᠡᠨ ᠦᠭᠡᠢ ᠬᠡᠷᠡᠭ ᠪᠣᠳᠠᠰ ᠤᠨ ᠲᠤᠬᠠᠢ᠂ ᠬᠥᠮᠥᠨ ᠪᠣᠯᠭᠠᠨ ᠥᠪᠡᠷ ᠤᠨ ᠭᠡᠰᠡᠨ ᠠᠳᠠᠯᠢ ᠪᠤᠰᠤ ᠶᠢᠨ ᠲᠠᠨᠢᠯᠲᠠ ᠲᠠᠢ ᠪᠠᠶᠢᠳᠠᠭ ᠭᠠᠵᠠᠷ ᠳ᠋ᠠ᠂ | ᠲᠡᠭᠡᠬᠦ ᠳᠡᠭᠡᠨ ᠰᠢᠯᠦᠭᠴᠢ ᠬᠥᠮᠥᠨ ᠤ ᠬᠤᠪᠢᠨ ᠳᠤ᠂ ᠨᠡᠶᠢᠭᠡᠮ᠂ ᠠᠮᠢᠳᠤᠷᠠᠯ ᠤᠨ ᠲᠠᠯᠠ ᠳᠤ ᠪᠤᠰᠤᠳ ᠠᠴᠠ ᠢᠯᠡᠭᠦᠦ ᠭᠢᠷᠠᠬᠠᠢ᠂ ᠢᠯᠡᠭᠦᠦ ᠬᠦᠴᠦ ᠬᠦᠳᠡᠯᠮᠦᠷᠢ | ᠵᠠᠷᠤᠴᠠᠭᠤᠯᠤᠨ᠂ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠲᠤᠩᠭᠠᠨ ᠪᠣᠳᠣᠯᠬᠢᠯᠠᠵᠤ᠂ ᠶᠠᠭ ᠯᠡ ︽ᠳᠡᠪᠡᠯ ᠡᠰᠬᠡᠵᠦ︾ ᠪᠠᠶᠢᠬᠤ ᠰᠢᠭ᠋ ᠤᠷᠠᠨ ᠨᠠᠷᠢᠯᠢᠭ ᠪᠠᠰᠠ ᠰᠣᠨᠣᠰᠪᠤᠷᠢᠲᠠᠢ ᠪᠠᠷ | ᠪᠤᠳᠤᠯ ᠰᠠᠨᠠᠭᠠ ᠪᠠᠨ ᠢᠯᠡᠳᠬᠡᠳᠡᠭ ᠪᠠᠶᠢᠬᠠ︕ ᠲᠡᠭᠡᠭᠦ ᠳᠡᠭᠡᠨ ᠶᠠᠭᠠᠬᠢᠬᠤᠪ᠂ ᠰᠢᠯᠦᠭᠴᠢ ᠬᠥᠮᠥᠨ ᠤ ᠥᠪᠡᠷ ᠤᠨ ᠬᠢᠨᠢ ᠬᠡᠪ ᠨᠠᠮᠪᠠ ᠭᠡᠵᠦ ᠪᠠᠶᠢᠳᠠᠭ ᠪᠥᠭᠡᠳ | ᠮᠡᠳᠡᠯᠭᠡ ᠶᠢᠨ ᠬᠦᠷᠢᠶᠡ ᠴᠠᠷᠠᠭᠠ ᠪᠤᠶᠤ ᠨᠡᠶᠢᠭᠡᠮ ᠤᠨ ᠲᠤᠷᠰᠢᠯᠭᠠ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ ᠢ ᠦᠯᠦ ᠦᠭᠡᠶᠢᠰᠬᠡᠨᠡ᠃ ᠬᠠᠷᠢᠨ ᠨᠢᠭᠡ ᠲᠠᠯᠠ ᠶᠢ ᠬᠡᠯᠡᠬᠦ ᠠᠴᠠ ︽ | ᠶᠠᠮᠠᠷᠪᠠ ᠨᠢᠭᠡᠨ ᠰᠢᠯᠦᠭᠴᠢ ᠶᠢᠨ ᠰᠢᠯᠦᠭ ᠤᠨ ᠰᠦᠭ ᠰᠦᠨᠡᠰᠦ ᠨᠢ ᠬᠠᠷᠢᠨ ᠰᠢᠯᠦᠭᠴᠢ ᠶᠢᠨ ᠥᠪᠡᠷ ᠤᠨ ᠬᠢᠨᠢ ᠮᠥᠰᠥ ᠴᠢᠨᠠᠷ ᠲᠠᠢ ᠬᠠᠷᠢᠯᠴᠠᠨ ᠬᠤᠯᠪᠣᠭᠳᠠᠯ ᠲᠠᠢ︾ | ᠪᠠᠶᠢᠬᠠ ᠭᠡᠵᠦ ᠪᠤᠳᠤᠳᠠᠭ ᠰᠠᠨ᠃ | ᠬᠤᠨᠲᠣᠨ ᠪᠠᠭᠠᠲᠤᠷ ᠳᠡᠭᠦᠦ ᠶᠢᠨ ᠰᠢᠯᠦᠭ ᠤᠨ ᠣᠯᠠᠩᠬᠢ ᠨᠢ ᠣᠷᠴᠢᠮ ᠤᠨ ᠬᠤᠶᠠᠷ ᠵᠢᠯ ᠳᠤ ᠪᠢᠴᠢᠭᠰᠡᠨ ᠶᠤᠮ ᠪᠠᠶᠢᠨᠠ᠃ ᠨᠠᠳᠠᠳᠤ ᠬᠠᠳᠠᠵᠤ ᠥᠭᠭᠦᠭᠰᠡᠨ | ᠳᠠᠷᠠᠭᠠᠯᠠᠯ ᠢᠶᠠᠷ ᠨᠢ ᠵᠢᠭᠰᠠᠭᠠᠯᠠ᠃ | ᠨᠢᠭᠡ᠂ ︽ᠰᠤᠯᠠ ᠲᠠᠲᠠᠯᠭᠠᠨ︾ ᠬᠡᠮᠡᠬᠦ ᠭᠠᠷᠴᠠᠭ ᠦᠭᠡᠢ 5 ᠪᠠᠳᠠᠭ ᠰᠢᠯᠦᠭ ᠪᠠᠶᠢᠨᠠ᠃ ᠰᠢᠯᠦᠭ ᠤᠨ ᠡᠬᠢᠨ ᠳᠤ᠄ | ︽ᠪᠢ | ᠨᠢᠭᠡᠨ ᠴᠢᠮᠬᠢ ᠰᠢᠷᠣᠢ | ᠬᠦᠴᠦᠲᠦ ᠰᠠᠯᠬᠢᠨ ᠳᠤ ᠬᠡᠶᠢᠰᠴᠦ | ᠬᠥᠬᠡ ᠣᠭᠲᠠᠷᠭᠤᠢ ᠳᠤ ᠳᠡᠭᠳᠡᠭᠰᠡᠨ ᠴᠤ | ᠭᠠᠵᠠᠷ ᠤᠨ ᠰᠢᠷᠬᠠ ᠶᠢ ᠠᠨᠠᠭᠠᠬᠤ ᠪᠠᠷ | ᠲᠤᠨᠤᠵᠤ ᠳᠣᠭᠤᠭᠰᠢ ᠪᠠᠭᠤᠳᠠᠭ ᠨᠢᠭᠡᠨ ᠴᠢᠮᠬᠢ ᠰᠢᠷᠣᠢ ᠪᠢᠯᠡ ᠁︾ ᠬᠡᠮᠡᠨ ︽ᠪᠢ︾ ᠬᠡᠮᠡᠬᠦ ᠨᠢᠭᠡᠳᠦᠭᠡᠷ ᠪᠡᠶᠡ ᠪᠠᠷ ᠪᠢᠴᠢᠭᠰᠡᠨ᠂ ᠪᠠᠶᠢᠭᠠᠯᠢ ᠶᠢᠨ | ᠦᠵᠡᠭᠳᠡᠯ ᠢ ᠳᠦᠷᠰᠦᠯᠡᠬᠦ ᠪᠠᠷ ᠳᠠᠮᠵᠢᠭᠤᠯᠤᠨ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠴᠢᠮᠬᠢ ᠰᠢᠷᠣᠢ᠂ ᠬᠡᠰᠡᠭ ᠴᠢᠯᠠᠭᠤ᠂ ᠰᠢᠷᠬᠡᠭ ᠡᠪᠡᠰᠦ᠂ ᠬᠥᠳᠡᠭᠡ ᠶᠢᠨ ᠰᠠᠯᠬᠢ ᠨᠢ ᠡᠬᠡ | ᠪᠠᠶᠢᠭᠠᠯᠢ ᠶᠢᠨ ᠣᠷᠣᠰᠢᠬᠤᠢ ᠶᠢᠨ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠪᠤᠯᠬᠤ ᠲᠡᠳᠦᠢ ᠦᠭᠡᠢ᠂ ᠬᠥᠮᠥᠨ ᠪᠠ ᠪᠠᠶᠢᠭᠠᠯᠢ ᠶᠢᠨ ᠡᠶᠡ ᠵᠣᠬᠢᠴᠠᠩᠭᠤᠢ ᠣᠷᠣᠰᠢᠬᠤᠢ ᠳᠤ ᠳᠤᠰ | ᠪᠦᠷᠢ ᠶᠢᠨ ᠬᠢᠨᠢ᠂ ᠬᠦᠨᠳᠦ ᠴᠢᠬᠤᠯᠠ ᠦᠢᠯᠡᠳᠦᠯ ᠲᠠᠢ ᠬᠡᠳᠡᠭ ᠢ ᠲᠤᠰᠬᠠᠭᠰᠠᠨ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠵᠣᠬᠢᠶᠠᠭᠴᠢ ᠶᠢᠨ ᠡᠬᠡ ᠪᠠᠶᠢᠭᠠᠯᠢ᠂ ᠠᠮᠢ ᠠᠬᠤᠢ ᠪᠠᠨ | ᠬᠠᠶᠢᠷᠠᠯᠠᠬᠤ ᠰᠣᠳᠣᠨ ᠰᠠᠶᠢᠬᠠᠨ ᠰᠠᠨᠠᠭᠠ ᠠᠬᠤᠢ ᠠᠭᠤᠯᠤᠭᠳᠠᠵᠤ ᠪᠤᠢ᠃ | ᠬᠤᠶᠠᠷ᠂ ︽ᠲᠣᠭᠤᠷᠤᠤ ᠶᠢᠨ ᠳᠡᠭᠳᠡᠭᠡᠬᠡᠢ︾ ᠭᠡᠳᠡᠭ ᠭᠠᠷᠴᠠᠭ ᠪᠦᠬᠦᠢ ᠬᠡᠦᠬᠡᠳ ᠦᠶᠡ ᠶᠢᠨ ᠳᠤᠷᠠᠰᠤᠮᠵᠢ ᠶᠢᠨ᠂ ᠬᠥᠭᠡᠷᠦᠬᠦᠨ᠂ ᠭᠢᠯᠪᠢᠭᠡᠨ ᠥᠭᠦᠯᠡᠯᠭᠡ ᠶᠢᠨ | ᠵᠣᠬᠢᠶᠠᠯ ᠪᠠᠶᠢᠨᠠ᠃ | ᠵᠣᠬᠢᠶᠠᠭᠴᠢ ᠠᠴᠠ ᠬᠡᠦᠬᠡᠳ ᠦᠶᠡ ᠪᠠᠨ ᠲᠤᠷᠠᠰᠬᠠᠨ᠂ ᠵᠢᠭᠠᠯ ᠬᠡᠦᠬᠡᠳ ᠬᠥᠳᠡᠭᠡ ᠬᠡᠭᠡᠷᠡ ᠨᠠᠭᠠᠳᠤᠨ ᠲᠣᠭᠯᠠᠬᠤ᠂ ᠥᠩᠭᠡᠲᠦ ᠰᠣᠯᠣᠩᠭᠠ ᠪᠠᠷᠢᠬᠤ ᠭᠡᠳ | ᠬᠥᠭᠡᠭᠡᠵᠦ ᠶᠠᠪᠤᠭᠰᠠᠨ᠂ ᠡᠴᠦᠰ ᠲᠡᠭᠡᠨ ᠲᠣᠭᠤᠷᠤᠤ ᠶᠢᠨ ᠳᠡᠭᠳᠡᠭᠡᠬᠡᠢ ᠪᠠᠷᠢᠵᠤ ᠠᠪᠴᠢᠷᠠᠭᠠᠳ ᠰᠡᠦᠬᠡᠨ ᠳᠣᠲᠣᠷᠠ ᠨᠢᠭᠤᠵᠤ ᠪᠠᠶᠢᠭᠰᠠᠨ ᠢ ᠨᠢ ᠠᠪᠤ ᠨᠢ ᠮᠡᠳᠡᠭᠡᠳ᠂ | ︽ᠨᠢᠯᠬᠠ ᠠᠮᠢᠳᠠᠨ ᠢ ᠡᠬᠡ ᠠᠴᠠ ᠨᠢ ᠰᠠᠯᠭᠠᠵᠤ ᠪᠤᠯᠳᠠᠭ ᠦᠭᠡᠢ ᠶᠤᠮ︾ ᠭᠡᠵᠦ ᠰᠤᠷᠭᠠᠭᠰᠠᠨ ᠢᠶᠠᠷ᠂ ᠡᠷᠭᠢᠭᠡᠳ ᠲᠣᠭᠤᠷᠤᠤ ᠶᠢᠨ ᠳᠡᠭᠳᠡᠭᠡᠬᠡᠢ ᠪᠠᠨ ᠲᠠᠯᠪᠢᠵᠤ᠂ | ᠡᠬᠡ ᠲᠠᠢ ᠨᠢ ᠠᠭᠤᠯᠵᠠᠭᠤᠯᠤᠭᠰᠠᠨ ᠵᠡᠷᠭᠡ ᠦᠢᠯᠡ ᠶᠠᠪᠤᠳᠠᠯ ᠢᠶᠠᠷ ᠳᠠᠮᠵᠢᠭᠤᠯᠤᠨ᠂ ᠨᠢᠭᠡᠨ ᠳᠦᠬᠦᠮ ᠪᠣᠷᠣᠭᠵᠢᠭᠤᠨ ᠶᠣᠰᠣ ᠤᠴᠢᠷ ᠢ ᠶᠠᠷᠢᠬᠤ ᠭᠡᠰᠡᠨ ᠪᠠᠶᠢᠨᠠ᠃ | ᠲᠡᠷᠡ ᠨᠢ ᠶᠠᠭᠤ ᠪᠤᠢ ᠭᠡᠬᠦᠯᠡᠷ ︽ᠡᠴᠢᠭᠡ ᠬᠥᠮᠥᠨ ᠬᠡᠦᠬᠡᠳ ᠢᠶᠠᠨ ᠰᠤᠷᠭᠠᠬᠤ ᠳᠠᠭᠠᠨ ᠶᠣᠰᠣ ᠤᠴᠢᠷ ᠢᠶᠠᠷ ᠬᠡᠯᠡᠵᠦ ᠰᠤᠷᠭᠠᠳᠠᠭ︾ ᠭᠡᠰᠡᠨ ᠰᠠᠨᠠᠭᠠ ᠠᠬᠤᠢ ᠪᠠᠶᠢᠵᠤ᠂ | ᠡᠭᠦᠨ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠮᠠᠯᠴᠢᠨ ᠬᠥᠮᠥᠨ ᠤ ᠠᠮᠢᠳᠠᠨ ᠭᠤᠣᠯᠲᠠᠨ ᠢ ᠬᠠᠶᠢᠷᠠᠯᠠᠬᠤ᠂ ᠠᠮᠢ ᠨᠠᠰᠤ ᠶᠢ ᠬᠦᠨᠳᠦᠳᠬᠡᠳᠡᠭ ᠭᠡᠬᠦ ᠡᠷᠬᠢᠮ ᠳᠡᠭᠡᠳᠦ ᠬᠡᠪ ᠰᠤᠷᠲᠠᠯ ᠢ | ᠢᠯᠡᠳᠬᠡᠭᠰᠡᠨ ᠶᠤᠮ ᠪᠠᠶᠢᠨᠠ᠃ | ᠡᠨᠡ ᠬᠦ ᠵᠣᠬᠢᠶᠠᠯ ᠤᠨ ᠣᠨᠴᠠᠯᠢᠭ ᠨᠢ᠂ ᠬᠡᠦᠬᠡᠳ ᠦᠶᠡ ᠶᠢᠨ ᠦᠢᠯᠡ ᠶᠠᠪᠤᠳᠠᠯ ᠢ ᠠᠮᠢᠳᠤᠯᠢᠭ ᠢᠶᠠᠷ ᠲᠤᠰᠬᠠᠭᠰᠠᠨ ᠳᠤ ᠪᠠᠶᠢᠨᠠ᠃ ᠶᠡᠷᠦᠨᠢ ᠲᠣᠮᠣ ᠬᠥᠮᠥᠨ᠂ | ᠬᠡᠦᠬᠡᠳ ᠤᠨ ᠵᠣᠬᠢᠶᠠᠯ ᠪᠢᠴᠢᠬᠦ ᠳᠤ ᠬᠠᠯᠲᠤᠰᠬᠢᠪᠡᠯ ᠲᠣᠮᠣ ᠬᠥᠮᠥᠨ ᠤ ᠦᠭᠡ ᠪᠠᠨ ᠶᠠᠷᠢᠬᠤ ᠭᠡᠳ ᠪᠠᠶᠢᠳᠠᠭ ᠶᠤᠮ ᠪᠢᠯᠡ᠂ ᠬᠠᠷᠢᠨ ᠡᠨᠡ ᠵᠣᠬᠢᠶᠠᠯ ᠳᠤ | ᠬᠤᠨᠲᠣᠨ·ᠪᠠᠭᠠᠲᠤᠷ ᠳᠡᠭᠦᠦ ᠶᠠᠭᠠᠬᠢᠳᠠᠭ ᠴᠤ ᠦᠭᠡᠢ ᠬᠡᠦᠬᠡᠳ ᠤᠨ ᠰᠡᠳᠬᠢᠯ ᠢᠶᠠᠷ ᠪᠢᠴᠢᠭᠰᠡᠨ ᠶᠤᠮ ᠪᠠᠶᠢᠨᠠ᠃ | ᠭᠤᠷᠪᠠ᠂ ︽ᠪᠢ ᠰᠢᠯᠦᠭ ᠲᠡᠭᠦᠨᠡ︾ ᠭᠡᠳᠡᠭ ᠭᠠᠷᠴᠠᠭ ᠪᠦᠬᠦᠢ 3 ᠪᠠᠳᠠᠭ ᠰᠢᠯᠦᠭ ᠪᠠᠶᠢᠯᠠ᠃ ᠡᠨᠡ ᠬᠦ ᠰᠢᠯᠦᠭ ᠤᠨ ᠵᠣᠬᠢᠶᠠᠮᠵᠢ ᠶᠢᠨ ᠲᠠᠯᠠ ᠠᠴᠠ | ᠬᠡᠯᠡᠬᠦ ᠳᠤ ︽ᠪᠢ ᠰᠢᠯᠦᠭ ᠲᠡᠭᠦᠨᠡ︾ ᠭᠡᠳ ︽ᠡᠷᠢᠯ︾ ᠳᠤ ᠮᠣᠷᠳᠠᠭᠰᠠᠨ ᠶᠤᠮ ᠪᠠᠶᠢᠨᠠ᠃ ᠬᠠᠷᠢᠨ ᠰᠢᠯᠦᠭ ᠤᠨ ᠡᠷᠢᠯ ᠳᠤ ᠤᠯᠠᠨ ᠶᠠᠭᠤᠮᠠ ᠭᠦᠦᠷᠡᠭᠰᠡᠨ ᠪᠠᠶᠢᠯᠠ᠃ | ᠲᠤᠬᠠᠶᠢᠯᠠᠪᠠᠯ᠄ | ᠨᠣᠮᠢᠨ ᠨᠣᠭᠤᠭᠠᠨ ᠲᠠᠯᠠ ᠠᠴᠠ ᠪᠠᠨ ᠪᠢ | ᠨᠠᠪᠴᠢᠨ ᠬᠡ ᠲᠠᠢ ᠰᠢᠯᠦᠭ ᠲᠡᠭᠦᠨᠡ | ᠨᠠᠭᠤᠷ ᠪᠦᠷᠢᠳᠦ ᠶᠢᠨ ᠳᠣᠯᠭᠢᠶᠠᠨ ᠠᠴᠠ ᠪᠢ | ᠭᠠᠯᠠᠭᠤᠳ ᠤᠨ ᠭᠠᠩᠭᠠᠨᠠᠭᠠ ᠲᠠᠢ ᠰᠢᠯᠦᠭ ᠲᠡᠭᠦᠨᠡ | ᠨᠤᠲᠤᠭ ᠤᠨ ᠭᠤᠸᠠᠯᠢᠭ ᠪᠦᠰᠡᠭᠦᠶᠢᠴᠦᠳ ᠠᠴᠠ ᠪᠢ | ᠬᠠᠶᠢᠷᠠ ᠶᠢᠨ ᠢᠯᠴᠢ ᠲᠠᠢ ᠰᠢᠯᠦᠭ ᠲᠡᠭᠦᠨᠡ | ᠨᠠᠮᠪᠠᠭᠠᠯᠢᠭ ᠲᠣᠮᠣᠭᠠᠲᠠᠢ ᠪᠤᠭᠤᠷᠤᠯ ᠠᠴᠠ ᠪᠠᠨ ᠪᠢ | ᠦᠯᠢᠭᠡᠷ ᠳᠤᠮᠤᠭ ᠲᠠᠢ ᠰᠢᠯᠦᠭ ᠲᠡᠭᠦᠨᠡ ᠁ ᠭᠡᠵᠦ ᠰᠠᠨᠠᠭᠠ ᠠᠬᠤᠢ ᠪᠠᠨ ᠭᠦᠨᠵᠡᠭᠡᠶᠢᠷᠡᠭᠦᠯᠦᠨ᠂ ᠪᠤᠶᠢᠷ ᠬᠥᠯᠥᠨ᠂ ᠪᠣᠭᠳᠠ ᠠᠭᠤᠯᠠ᠂ ᠬᠡᠷᠦᠯᠦᠨ | ᠮᠥᠷᠡᠨ ᠤ ᠡᠷᠬᠢᠨ ᠲᠣᠭᠤᠷᠢᠨ ᠳᠤ᠂ ᠠᠷᠠᠳ ᠲᠦᠮᠡᠨ ᠠᠴᠠ ᠪᠠᠨ ᠶᠡᠭᠡ ᠶᠠᠭᠤᠮᠠ ᠭᠦᠦᠷᠡᠳᠡᠭ ᠪᠠᠶᠢᠨᠠ ᠭᠡᠳᠡᠭ ᠢ ᠤᠬᠠᠭᠠᠷᠠᠨ᠂ ᠰᠢᠯᠦᠭᠴᠢ ᠶᠢᠨ ᠰᠡᠳᠬᠢᠬᠦᠢ | ᠨᠡᠭᠡᠭᠡᠭᠳᠡᠵᠦ ᠪᠤᠢ ᠭᠡᠳᠡᠭ ᠢᠶᠠᠨ ᠰᠢᠯᠦᠭᠯᠡᠵᠡᠢ᠃ | ᠳᠥᠷᠪᠡ᠂ ︽ᠪᠢ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠪᠢᠰᠢ︾ ᠭᠡᠳᠡᠭ ᠭᠠᠷᠴᠠᠭ ᠪᠦᠬᠦᠢ 5 ᠪᠠᠳᠠᠭ ᠰᠢᠯᠦᠭ ᠶᠤᠮ ᠪᠠᠶᠢᠨᠠ᠂ ᠲᠤᠰ ᠰᠢᠯᠦᠭ ᠲᠤ ᠵᠣᠬᠢᠶᠠᠭᠴᠢ ᠠᠴᠠ ︽ᠪᠢ | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠪᠢᠰᠢ︾ ᠭᠡᠳᠡᠭ ᠬᠢᠷᠢᠨᠠ᠄ | ᠬᠤᠨᠢᠨ ᠤ ᠲᠣᠷᠭᠠᠨ ᠪᠡᠯᠴᠢᠭᠡᠷ ᠲᠤ | ᠬᠤᠪᠢᠨ ᠤ ᠪᠤᠳᠤᠯ ᠢᠶᠠᠨ ᠴᠢᠯᠦᠭᠡᠲᠡᠢ ᠳᠡᠯᠭᠡᠵᠦ | ᠬᠤᠷᠸᠠ ᠳᠤ ᠮᠡᠨᠳᠦᠯᠡᠭᠰᠡᠨ ᠬᠤᠪᠣᠷᠬᠠᠨ ᠵᠠᠶᠠᠭᠠ ᠪᠠᠨ | ᠬᠤᠪᠲᠣᠯ ᠵᠢᠷᠦᠬᠡᠨ ᠳᠡᠭᠡᠨ ᠦᠷᠬᠦᠯᠵᠢ ᠵᠢᠷᠤᠭᠯᠠᠳᠠᠭ ᠁ | ᠡᠶᠢᠮᠦ ᠨᠢᠭᠡᠨ ᠮᠠᠯᠴᠢᠨ ᠬᠥᠮᠥᠨ ᠪᠠᠶᠢᠵᠤ᠂ ᠬᠥᠮᠥᠨ ᠪᠣᠯᠵᠤ ᠵᠠᠶᠠᠭᠠᠭᠰᠠᠨ ᠤ ᠬᠤᠪᠢᠨ ᠳᠤ ᠡᠬᠡ ᠨᠤᠲᠤᠭ᠂ ᠠᠷᠠᠳ ᠲᠦᠮᠡᠨ᠂ ᠠᠮᠢᠳᠤᠷᠠᠯ ᠢᠶᠠᠨ ᠮᠠᠭᠲᠠᠨ | ᠳᠠᠭᠤᠯᠠᠬᠤ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠲᠠᠢ ᠭᠡᠳᠡᠭ ᠥᠪᠡᠷ ᠤᠨ ᠳᠣᠲᠣᠭᠠᠳᠤ ᠪᠤᠳᠤᠯ ᠢᠶᠠᠨ ᠢᠯᠡᠳᠬᠡᠪᠡ᠃ | ᠬᠤᠨᠲᠣᠨ ᠪᠠᠭᠠᠲᠤᠷ ᠳᠡᠭᠦᠦ ᠶᠢᠨ ᠰᠢᠯᠦᠭ ᠨᠢ᠂ ᠡᠬᠡ ᠨᠤᠲᠤᠭ ᠤᠨ ᠪᠣᠷᠣ ᠬᠥᠷᠥᠰᠥᠨ ᠳᠤ ᠬᠥᠯ ᠵᠣᠭᠰᠣᠵᠤ᠂ ᠠᠮᠢᠳᠤᠷᠠᠯ ᠠᠬᠤᠢ ᠠᠴᠠ ᠰᠡᠷᠡᠯ ᠤᠨ ᠬᠦᠴᠦᠨ | ᠰᠤᠪᠢᠵᠤ᠂ ᠮᠠᠯᠴᠢᠨ ᠬᠥᠮᠥᠨ ᠤ ᠴᠠᠶᠢᠯᠭᠠᠨ ᠴᠠᠭᠠᠨ ᠵᠠᠩ ᠴᠢᠨᠠᠷ᠂ ᠴᠡᠪᠡᠷ ᠪᠣᠷᠣᠭᠵᠢᠭᠤᠨ ᠬᠡᠯᠡ ᠬᠡᠯᠡᠯᠭᠡ ᠪᠠᠷ ᠢᠶᠠᠨ᠂ ᠠᠭᠤᠯᠠ ᠤᠰᠤ᠂ ᠪᠠᠶᠢᠭᠠᠯᠢ ᠠᠬᠤᠢ᠂ ᠠᠮᠢᠳᠤᠷᠠᠯ᠂ | ᠠᠷᠠᠳ ᠲᠦᠮᠡᠨ ᠢᠶᠠᠨ ᠮᠠᠭᠲᠠᠨ ᠳᠠᠭᠤᠯᠠᠭᠰᠠᠨ ᠥᠭᠡᠳᠡᠷᠬᠡᠭ ᠦᠵᠡᠯ ᠪᠤᠳᠤᠯ ᠲᠠᠢ᠂ ᠲᠥᠪᠯᠡᠭᠦᠨ ᠪᠠᠶᠢᠷᠢ ᠶᠢᠨ ᠢᠷᠡᠭᠡᠳᠦᠢ ᠲᠠᠢ ᠵᠠᠯᠠᠭᠤ ᠰᠢᠯᠦᠭᠴᠢ ᠶᠤᠮ ᠪᠠᠶᠢᠨᠠ | ᠭᠡᠵᠦ ᠪᠤᠳᠤᠯᠠ᠃ ᠲᠡᠭᠡᠭᠦ ᠳᠡᠭᠡᠨ ᠶᠠᠭᠠᠬᠢᠬᠤᠪ᠂ ᠬᠤᠶᠢᠰᠢᠳᠠ ᠶᠢᠨ ᠰᠢᠯᠦᠭ ᠤᠨ ᠠᠶᠠᠨ ᠳᠤ ᠦᠭᠡ ᠬᠡᠯᠡᠯᠭᠡ ᠶᠢᠨ ᠤᠷᠠᠯᠢᠭᠴᠢ ᠴᠢᠨᠠᠷ ᠵᠢᠴᠢ ᠳᠣᠲᠣᠭᠠᠳᠤ | ᠪᠦᠲᠦᠴᠡ ᠶᠢᠨ ᠠᠪᠴᠠᠯᠳᠤᠭᠠ ᠶᠢ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢ ᠰᠢᠭ᠋ ᠰᠠᠨᠠᠭᠳᠠᠯᠠ᠃ | | | 2022 ᠣᠨ ᠤ 3 ᠰᠠᠷᠠ ᠶᠢᠨ 30 ᠤ ᠡᠳᠦᠷ | | | ᠬᠠ᠊· ᠠᠮᠤᠷᠵᠢᠷᠭᠠᠯ ᠤᠨ ᠲᠣᠪᠴᠢ ᠨᠠᠮᠲᠠᠷ᠄ | ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠡᠷᠳᠡᠨᠢᠠ᠋ᠭᠤᠯᠠ ᠰᠤᠮᠤ ᠪᠠᠷ ᠨᠤᠲᠤᠭ ᠲᠠᠢ᠂ 1958 ᠣᠨ ᠳᠤ ᠬᠠᠳᠠᠭᠳᠠᠢ ᠬᠠᠯᠠ ᠶᠢᠨ ᠬᠠᠶ᠋ᠢᠩᠭᠢᠷᠸᠠ | ᠪᠣᠯᠣᠨ ᠲᠤᠯᠭᠤᠷ ᠤᠨ ᠤᠤᠭᠠᠨ ᠬᠦᠦ ᠪᠣᠯᠵᠤ ᠳᠦᠷᠦᠪᠡ᠃ 1980 ᠣᠨ ᠳᠤ ᠠᠵᠢᠯ ᠳᠤ ᠣᠷᠣᠵᠤ᠂ 1985 ᠣᠨ ᠳᠤ ᠨᠠᠮ ᠳᠤ ᠡᠯᠰᠡᠭᠳᠡᠵᠦ᠂ 1982 ᠣᠨ ᠳᠤ | ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠡᠪᠯᠡᠯ ᠤᠨ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠪᠡ᠃ | ᠲᠡᠷᠡ ᠪᠠᠷ᠂ 1980 ︱ 1988 ᠣᠨ ᠬᠦᠷᠳᠡᠯᠡ᠂ ᠤᠤᠯ ᠤᠨ ᠡᠷᠳᠡᠨᠢᠠ᠋ᠭᠤᠯᠠ ᠰᠤᠮᠤᠨ ᠳᠤ ᠠᠵᠢᠯᠯᠠᠵᠤ᠂ 1988 ︱ 1993 ᠣᠨ ᠬᠦᠷᠳᠡᠯᠡ᠂ | ᠤᠤᠯ ᠤᠨ ᠬᠠᠨᠭᠭᠤᠯᠠ ᠰᠤᠮᠤᠨ ᠳᠤ ᠠᠵᠢᠯᠯᠠᠵᠤ᠂ 1993 ︱ 2001 ᠣᠨ ᠬᠦᠷᠳᠡᠯᠡ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ | ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠬᠡᠯᠲᠡᠰ ᠲᠤ ᠠᠵᠢᠯᠯᠠᠵᠤ᠂ 2001 ︱ 2018 ᠣᠨ ᠬᠦᠷᠳᠡᠯᠡ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠰᠠᠬᠢᠯᠭᠠ ᠪᠠᠲᠤ | ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠳᠤ ᠠᠵᠢᠯᠯᠠᠪᠠ᠃ | ᠲᠡᠷᠡ ᠪᠠᠷ᠂ 2007 ᠣᠨ ᠳᠤ᠂ ᠳ᠋ᠤ᠋·ᠴᠢᠯᠠᠭᠤᠨ ᠠᠭᠰᠠᠨ ᠲᠠᠢ ᠬᠠᠮᠲᠤᠷᠠᠨ ︽ᠭᠦᠯᠦ ᠰᠢᠷᠠ ᠬᠤᠰᠢᠭᠤᠨ ᠤ ᠲᠡᠦᠬᠡᠨ ᠲᠡᠮᠳᠡᠭᠯᠡᠯ︾ ᠭᠡᠳᠡᠭ ᠣᠷᠣᠨ ᠨᠤᠲᠤᠭ ᠤᠨ | ᠲᠡᠦᠬᠡ᠂ 2011 ᠣᠨ ᠳᠤ ︽ᠲᠠᠯᠠ ᠶᠢᠨ ᠱᠤᠤᠭᠢᠶᠠᠨ︾ ᠭᠡᠳᠡᠭ ᠥᠭᠦᠯᠡᠯᠭᠡ ᠶᠢᠨ ᠵᠣᠬᠢᠶᠠᠯ᠂ 2014 ᠣᠨ ᠳᠤ ︽ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠪᠥᠬᠡᠴᠦᠦᠯ ᠤᠨ ᠲᠡᠦᠬᠡ ᠲᠡᠮᠳᠡᠭᠯᠡᠯ︾ ᠭᠡᠳᠡᠭ ᠨᠣᠮ ᠬᠡᠪᠯᠡᠭᠦᠯᠪᠡ᠃ | ᠲᠡᠷᠡ ᠪᠠᠷ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠭᠡᠰᠢᠭᠦᠨ᠂ ᠣᠷᠣᠨ ᠤ ᠳᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠪᠤᠯᠬᠤ | ᠪᠠᠷᠭᠤ ᠶᠢᠨ ᠲᠤᠯᠢᠶᠠᠳᠤ ᠪᠦᠭᠡ ᠶᠢᠨ ᠥᠪᠯᠡᠨ ᠤᠯᠠᠮᠵᠢᠯᠠᠭᠴᠢ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ︽ᠪᠠᠷᠭᠤ ᠰᠣᠶᠣᠯ ᠰᠤᠳᠤᠯᠭᠠᠨ ᠤ ᠨᠡᠶᠢᠭᠡᠮᠯᠢᠭ︾ ᠤᠨ | ᠳᠡᠳ᠋ ᠲᠡᠷᠢᠭᠦᠯᠡᠭᠴᠢ᠂ ᠬᠤᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ︽ᠪᠠᠷᠭᠤ ᠪᠦᠬᠡ ᠶᠢᠨ ᠨᠡᠶᠢᠭᠡᠮᠯᠢᠭ︾ ᠤᠨ ᠲᠡᠷᠢᠭᠦᠯᠡᠭᠴᠢ ᠵᠡᠷᠭᠡ ᠨᠡᠶᠢᠭᠡᠮ ᠤᠨ ᠲᠤᠰᠢᠶᠠᠯ ᠡᠭᠦᠷᠭᠡᠯᠡᠵᠦ ᠢᠷᠡᠪᠡ᠃ | | ᠬᠤᠨᠲᠣᠨ ᠪᠠᠭᠠᠲᠤᠷ ᠤᠨ ᠲᠣᠪᠴᠢ ᠨᠠᠮᠲᠠᠷ᠄ | 1972 ᠣᠨ ᠳᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠠᠳᠤᠭᠤᠨᠴᠢᠯᠠᠭᠤ ᠰᠤᠮᠤ ᠶᠢᠨ ︵ᠤᠳᠤ ᠶᠢᠨ ᠠᠷᠤᠬᠠᠰᠢᠶᠠᠳᠤ ᠪᠠᠯᠭᠠᠰᠤ ᠶᠢᠨ︶ | ᠠᠳᠤᠭᠤᠨᠴᠢᠯᠠᠭᠤ ᠭᠠᠴᠠᠭᠠ ᠶᠢᠨ ᠬᠤᠨᠲᠣᠨ ᠬᠠᠯᠠ ᠲᠠᠢ ᠮᠢᠭᠮᠡᠷ ᠪᠣᠯᠣᠨ ᠣᠶᠤᠨᠪᠢᠯᠢᠭ᠌ ᠤᠨ ᠭᠤᠷᠪᠠᠳᠤᠭᠠᠷ ᠬᠦᠦ ᠪᠣᠯᠣᠨ ᠵᠠᠶᠠᠭᠠᠪᠠ᠃ | ᠲᠡᠷᠡ ᠪᠠᠷ 1980 ᠣᠨ ᠳᠤ ᠠᠳᠤᠭᠤᠨᠴᠢᠯᠠᠭᠤ ᠰᠤᠷᠭᠠᠭᠤᠯᠢ ᠳᠤ ᠣᠷᠣᠵᠤ᠂ 1988 ᠣᠨ ᠳᠤ ᠠᠩᠬᠠ ᠳᠤᠮᠳᠠᠳᠤ ᠪᠠᠨ ᠲᠡᠭᠦᠰᠴᠦ᠂ ᠮᠠᠯᠴᠢᠨ | ᠭᠠᠷᠤᠭᠠ ᠪᠠᠨ ᠡᠬᠢᠯᠡᠭᠦᠯᠪᠡ᠃ 2016 ᠣᠨ ᠠᠴᠠ ᠡᠬᠢᠯᠡᠨ ᠰᠢᠯᠦᠭ ᠨᠠᠶᠢᠷᠠᠭᠤᠯᠤᠯ ᠤᠷᠤᠯᠳᠤᠵᠤ᠂ ᠤᠳᠤ ᠪᠤᠯᠳᠠᠯᠠ ᠠᠶᠢᠮᠠᠭ ᠬᠤᠰᠢᠭᠤᠨ ᠤ ᠪᠠᠨ ᠬᠤᠷᠢᠭᠠᠳ | ᠱᠠᠩᠨᠠᠯ ᠬᠥᠬᠢᠭᠦᠯᠦᠯ ᠢ ᠲᠤᠰᠴᠤ ᠪᠠᠶᠢᠭᠠ ᠮᠠᠯᠴᠢᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠶᠢᠨ ᠨᠢᠭᠡᠨ᠃ | | | ᠬᠠᠶᠢᠷᠠ ᠬᠡᠯᠬᠢᠭᠰᠡᠨ ᠥᠨᠢᠳᠡ ᠶᠢᠨ ᠳᠤᠷᠠᠰᠤᠮᠵᠢ | ᠲᠤᠮᠳᠠᠳᠣ ᠶᠢᠨ ᠦᠨᠳᠦᠰᠦᠲᠡᠨ ᠤ ᠬᠠᠮᠲᠤ ᠶᠢᠨ | ᠴᠣᠭᠴᠠ ᠶᠢᠨ ᠤᠬᠠᠮᠰᠠᠷ ᠢ ᠬᠠᠷᠠᠭᠤᠯᠤᠨ | ᠦᠨᠳᠦᠰᠦᠲᠡᠨ ᠤ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠶᠢ | ᠢᠯᠡᠷᠡᠭᠦᠯᠦᠭᠰᠡᠨ ᠮᠢᠭᠮᠡᠷ ᠨᠠᠰᠤᠲᠠᠨ ᠤ | ᠦᠨᠡᠨ ᠤᠴᠠᠷᠠᠯ ᠢ ᠲᠡᠮᠳᠡᠭᠯᠡᠪᠡ | | | ᠮᠣᠯᠣᠷ | | | ᠥᠩᠭᠡᠷᠡᠵᠦ ᠣᠲᠣᠭᠰᠠᠨ ᠲᠡᠦᠬᠡ ᠶᠢᠨ ᠦᠨᠡᠨ ᠪᠢᠳᠡᠡ ᠤ ᠪᠣᠳᠣᠯ ᠰᠡᠳᠬᠢᠯ ᠳᠤ ᠬᠡᠵᠢᠶᠡᠳᠡ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠮᠥᠩᠬᠡ ᠶᠢᠨ ᠳᠤᠷᠠᠰᠤᠮᠵᠢ ᠪᠣᠯᠣᠨ | ᠦᠯᠡᠳᠡᠳᠡᠭ᠃ ᠪᠢᠳᠡᠡ ᠤ ᠣᠷᠣᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠭᠠᠵᠠᠷ ᠨᠤᠲᠤᠭ ᠲᠤ ᠠᠯᠢ ᠨᠢᠭᠡᠨ ᠴᠠᠭ ᠦᠶᠡ ᠳᠤ ᠡᠭᠦᠰᠴᠦ ᠪᠠᠶᠢᠭᠰᠠᠨ ᠲᠡᠦᠬᠡ ᠶᠢᠨ ᠪᠣᠳᠠᠲᠤ ᠦᠨᠡᠨ | ᠤᠴᠠᠷᠠᠯ ᠪᠤᠭᠤᠷᠤᠯ ᠤᠳ ᠤᠨ ᠠᠮᠠᠨ ᠶᠠᠷᠢᠶᠠ ᠪᠠᠷ ᠵᠠᠷᠢᠮ ᠨᠢ ᠰᠤᠳᠤᠷ ᠨᠣᠮ ᠳᠤ ᠪᠢᠴᠢᠭᠳᠡᠡ᠂ ᠵᠠᠷᠢᠮ ᠦᠨᠡᠲᠦ ᠵᠦᠢᠯ ᠨᠢ ᠠᠷᠠᠳ ᠤᠨ ᠳᠤᠮᠳᠠ ᠤᠯᠠᠮᠵᠢᠯᠠᠭᠳᠠᠨ | ᠶᠠᠷᠢᠭᠳᠠᠭᠰᠠᠭᠠᠷ ᠁ ᠳᠡᠭᠡᠷᠡ ᠵᠠᠭᠤᠨ ᠤ ᠳᠥᠴᠢᠭᠡᠳ ᠣᠨ᠂ ᠳᠠᠷᠤᠢ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠲᠠᠶᠢᠨ ᠤ ᠦᠶᠡ ᠪᠠᠷ ᠮᠠᠨ ᠤ ᠪᠠᠷᠭᠤ ᠶᠢᠨ ᠲᠠᠯᠠ ᠳᠤ ᠮᠠᠰᠢ | ᠣᠯᠠᠨ ᠦᠨᠡᠨ ᠲᠡᠦᠬᠡ ᠳᠤᠷᠠᠰᠤᠭᠳᠠᠨ ᠦᠯᠡᠳᠡᠭᠰᠡᠨ ᠢ ᠬᠤᠶᠢᠴᠢ ᠦᠶᠡ ᠶᠢᠨ ᠬᠢᠨ ᠮᠠᠷᠲᠠᠵᠤ ᠶᠠᠭᠠᠬᠢᠨ ᠴᠢᠳᠠᠬᠤ ᠪᠢᠯᠡ᠃ ᠲᠦᠮᠡᠨ ᠪᠣᠳᠠᠰ ᠠᠮᠢᠯᠠᠨ ᠲᠥᠯᠵᠢᠭᠰᠡᠨ | 2022 ᠣᠨ ᠤ 6 ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠡᠶᠢᠮᠦ ᠨᠢᠭᠡᠨ ᠪᠣᠳᠠᠲᠤ ᠲᠡᠦᠬᠡᠨ ᠤᠴᠠᠷᠠᠯ ᠢ ᠣᠶᠢᠯᠠᠭᠠᠬᠤ ᠪᠠᠷ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠬᠡᠷᠦᠯᠦᠨ | ᠰᠤᠮᠤᠨ ᠤ ᠰᠠᠷᠠᠭᠤᠯᠵᠠᠮ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠮᠢᠭᠮᠡᠷ ᠨᠠᠰᠤᠲᠠᠨ ᠤ ᠳᠤ ᠬᠦᠷᠬᠦ ᠳᠤ ᠨᠠᠰᠤᠲᠠᠨ ᠮᠠᠨᠢ ᠤᠬᠠᠭᠠᠨ ᠰᠠᠨᠠᠭᠠ ᠰᠠᠷᠠᠭᠤᠯᠬᠠᠨ᠂ ᠪᠡᠶᠡ ᠲᠡᠩᠬᠡᠭᠡ ᠠᠨᠤᠬᠠᠨ | ᠪᠠᠶᠢᠵᠤ ᠪᠢᠳᠡᠡ ᠢ ᠪᠠᠶᠠᠷᠲᠠᠢ ᠬᠦᠯᠢᠶᠡᠵᠦ ᠠᠪᠴᠠᠢ᠃ ᠮᠢᠭᠮᠡᠷ ᠨᠠᠰᠤᠲᠠᠨ ᠤ ᠲᠤᠬᠠᠢ ᠬᠤᠰᠢᠭᠤ ᠨᠤᠲᠤᠭ ᠤᠨ ᠨᠡᠷᠡᠲᠦ ᠮᠠᠯᠴᠢᠨ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠠᠭᠰᠠᠨ ᠶ᠊ · | ᠠᠳᠢᠶᠠ ᠭᠤᠸᠠᠢ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠰᠠᠷᠠᠭᠤᠯᠵᠠᠮ ᠤᠨ ᠳᠥᠴᠢᠨ ᠵᠢᠯ︾ ᠭᠡᠬᠦ ᠨᠣᠮ ᠠᠴᠠ ᠤᠩᠰᠢᠨ ᠣᠶᠢᠯᠠᠭᠠᠭᠰᠠᠨ ᠶᠤᠮ᠃ ᠡᠶᠢᠨ ᠬᠦ ᠰᠤᠷᠪᠤᠯᠵᠢᠯᠠᠭᠴᠢ | ᠪᠣᠳᠠᠲᠤ ᠲᠡᠦᠬᠡ ᠶᠢ ᠣᠶᠢᠯᠠᠭᠠᠬᠤ ᠪᠠᠷ ᠨᠠᠰᠤᠲᠠᠨ ᠲᠠᠢ ᠨᠢᠭᠤᠷᠳᠠᠨ ᠠᠭᠤᠯᠵᠠᠬᠤ ᠶᠢ ᠵᠣᠷᠢᠵᠤ ᠢᠷᠡᠭᠰᠡᠨ ᠮᠠᠨᠢ ᠡᠨᠡ ᠪᠠᠶᠢᠯᠠ᠃ | ᠮᠢᠭᠮᠡᠷ ᠭᠤᠸᠠᠢ 1944 ᠣᠨ ᠤ ᠪᠢᠯᠢᠭ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠳᠡᠭᠦᠦᠳᠡᠢ ᠬᠡᠮᠡᠬᠦ ᠭᠠᠵᠠᠷ | ᠵᠠᠭᠤᠭᠠᠷ ᠲᠠᠯᠠᠩᠭᠤᠳ ᠣᠪᠣᠭ ᠲᠠᠢ ᠪᠢᠮᠪᠠ ᠶᠢᠨ ᠣᠳᠬᠤᠨ ᠬᠥᠪᠡᠭᠦᠨ ᠪᠣᠯᠣᠨ ᠲᠦᠷᠦᠵᠡᠢ᠃ ᠲᠡᠷᠡ ᠪᠠᠷ ᠬᠤᠶᠠᠷ ᠨᠠᠰᠤᠲᠠᠢ ᠳᠠᠭᠠᠨ ᠨᠢᠭᠡᠨ ᠬᠢᠲᠠᠳ ᠬᠥᠮᠥᠨ ᠳᠤ | ᠬᠡᠳᠦᠨ ᠰᠠᠷᠠ ᠲᠡᠵᠢᠭᠡᠭᠳᠡᠭᠰᠡᠨ ᠲᠡᠦᠬᠡ ᠲᠠᠢ᠃ 1945 ᠣᠨ ᠤ ᠵᠣᠨ ᠲᠡᠳᠡᠨᠡᠶᠢᠬᠢ ᠣᠳᠣ ᠶᠢᠨ ᠪᠤᠶᠢᠷ ᠰᠤᠮᠤᠨ ᠤ ᠪᠣᠳᠠᠭᠠᠳᠣ ᠭᠡᠳᠡᠭ ᠭᠠᠵᠠᠷ ᠨᠤᠲᠤᠭᠯᠠᠵᠤ | ᠪᠠᠶᠢᠪᠠ᠃ ᠲᠤᠰ ᠣᠨ ᠳᠤ ᠶᠠᠫᠤᠨ ᠢ ᠡᠰᠡᠷᠭᠦᠴᠡᠬᠦ ᠲᠠᠶᠢᠨ ᠢᠯᠠᠯᠲᠠ ᠣᠯᠵᠤ᠂ ᠶᠠᠫᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠲᠡᠨ ᠢ ᠨᠤᠲᠤᠭ ᠣᠷᠣᠨ ᠠᠴᠠ ᠪᠠᠨ ᠦᠯᠳᠡᠨ ᠬᠥᠭᠡᠭᠡᠵᠦ᠂ | ᠴᠠᠭ ᠡᠷᠢᠨ ᠠᠷᠠᠢ ᠲᠣᠭᠲᠠᠪᠤᠷᠢᠵᠢᠭᠠ ᠦᠭᠡᠢ ᠪᠠᠶᠢᠵᠠᠢ᠃ | ᠲᠡᠷᠡ ᠵᠢᠯ ᠤᠨ ᠵᠣᠨ ᠤ ᠨᠢᠭᠡᠨ ᠬᠠᠯᠠᠭᠤᠨ ᠡᠳᠦᠷ ᠮᠢᠭᠮᠡᠷ ᠤᠨ ᠡᠴᠢᠭᠡ ᠨᠢ ᠮᠠᠯ ᠳᠠᠭᠠᠨ ᠶᠠᠪᠤᠵᠤ ᠡᠵᠢ ᠨᠢ ᠬᠡᠦᠬᠡᠳ ᠢᠶᠠᠨ ᠲᠡᠪᠡᠷᠢᠨ ᠭᠡᠷ ᠲᠡᠭᠡᠨ ᠢᠷᠡᠬᠦ ᠳᠤ | ᠬᠡᠳᠦᠨ ᠶᠠᠫᠤᠨ ᠴᠡᠷᠢᠭ ᠬᠠᠮᠤᠭ ᠶᠠᠭᠤᠮᠠ ᠶᠢ ᠨᠢ ᠣᠩᠭᠢᠯᠴᠢᠬᠠᠭᠰᠠᠨ᠂ ᠰᠦᠨ ᠤ ᠥᠷᠥᠮᠡ ᠶᠢ ᠨᠢ ᠢᠳᠡᠵᠦ᠂ ᠰᠦ ᠶᠢ ᠨᠢ ᠭᠠᠵᠠᠷ ᠠᠰᠬᠠᠴᠢᠬᠠᠭᠰᠠᠨ | ᠳᠡᠭᠡᠷᠡᠮᠳᠡᠯᠭᠡ ᠶᠢᠨ ᠴᠢᠨᠠᠷᠲᠠᠢ ᠰᠠᠭᠤᠵᠤ ᠳᠡᠷᠭᠡᠳᠡ ᠨᠢ ᠮᠣᠩᠭᠤᠯ ᠬᠡᠯᠡ ᠪᠠᠭ᠋ᠠᠨ ᠮᠡᠳᠡᠳᠡᠭ ᠠᠯᠳᠠᠨ ᠰᠢᠳᠦᠳᠡᠢ ᠬᠢᠲᠠᠳ ᠡᠷᠡᠭᠲᠡᠢ ᠪᠣᠯᠣᠨ ᠨᠢᠭᠡ ᠬᠡᠦᠬᠡᠳ ᠲᠡᠪᠡᠷᠢᠭᠰᠡᠨ | ᠬᠢᠲᠠᠳ ᠡᠮᠡᠭᠲᠡᠢ᠂ ᠬᠡᠳᠦᠨ ᠬᠡᠦᠬᠡᠳ ᠪᠠᠶᠢᠵᠠᠢ᠃ ᠶᠠᠫᠤᠨ ᠳᠡᠭᠡᠷᠡᠮ ᠠᠶᠤᠯᠭᠠᠨ ᠰᠦᠷᠳᠡᠭᠦᠯᠵᠦ ᠪᠠᠶᠢᠭᠠᠳ ᠮᠢᠭᠮᠡᠷ ᠤᠨ ᠡᠵᠢ ᠶᠢ ᠨᠢ ᠬᠡᠦᠬᠡᠳ ᠲᠠᠢ ᠨᠢ᠂ ᠲᠡᠳᠡᠨ ᠲᠠᠢ | ᠬᠠᠮᠲᠤ ᠶᠠᠪᠠᠭᠠᠨ ᠲᠠᠭᠤᠭᠰᠠᠭᠠᠷ ᠶᠠᠪᠤᠪᠠ ᠭᠡᠨᠡ᠃ | ᠲᠡᠷᠡ ᠦᠶᠡ ᠳᠤ ᠮᠢᠭᠮᠡᠷ ᠢ ᠡᠬᠡ ᠨᠢ ᠡᠭᠦᠷᠴᠦ᠂ ᠨᠠᠢᠮᠠᠨ ᠨᠠᠰᠤᠲᠠᠢ ᠬᠤᠲᠤᠭ ᠠᠬᠠ ᠨᠢ ᠲᠠᠭᠠᠵᠦ ᠪᠠᠶᠢᠵᠠᠢ᠃ ᠲᠡᠳᠡᠨᠡᠷ ᠶᠠᠪᠤᠭᠰᠠᠭᠠᠷ ᠨᠡᠯᠢᠶᠡᠳ ᠶᠠᠳᠠᠷᠠᠵᠤ | ︽ᠴᠢᠯᠠᠭᠤᠲᠤ ᠶᠢᠨ ᠭᠦᠦᠷ︾ ᠭᠡᠳᠡᠭ ᠭᠠᠵᠠᠷ᠂ ᠬᠡᠳᠦᠨ ᠡᠪᠳᠡᠷᠬᠡᠢ ᠰᠢᠪᠠᠷ ᠪᠠᠶᠢᠰᠢᠩ ᠤᠨ ᠳᠡᠷᠭᠡᠳᠡ ᠬᠦᠷᠴᠦ ᠢᠷᠡᠪᠡ᠃ ᠶᠠᠫᠤᠨ ᠴᠡᠷᠢᠭ ᠤᠳ ᠡᠪᠳᠡᠷᠬᠡᠢ ᠪᠠᠶᠢᠰᠢᠩ ᠳᠤ | ᠠᠮᠠᠷᠠᠨ ᠬᠤᠭᠤᠯᠠ ᠬᠢᠵᠦ ᠢᠳᠡᠵᠦ ᠪᠠᠶᠢᠲᠠᠯᠠ ᠨᠢᠭᠡ ᠣᠷᠣᠰ ᠤᠨ ᠬᠥᠩᠭᠡᠨ ᠮᠠᠰᠢᠨ ᠲᠡᠷᠭᠡᠳᠡᠭᠦᠷ ᠨᠢ ᠥᠩᠭᠡᠷᠡᠨ ᠬᠤᠯᠠ ᠠᠴᠠ ᠬᠡᠰᠡᠭ ᠫᠤᠳᠠᠯᠴᠢᠬᠠᠭᠰᠠᠠ ᠢᠶᠠᠨ | ᠡᠷᠭᠢᠭᠡᠳ ᠶᠠᠪᠤᠴᠢᠬᠠᠪᠠ᠃ ᠤᠳᠠᠯ ᠦᠭᠡᠢ ᠨᠢᠵᠢᠭᠢᠷ ᠶᠡᠭᠡ ᠪᠠᠷᠠ ᠬᠠᠷᠠᠭᠳᠠᠨ ᠫᠤᠤ ᠶᠢᠨ ᠲᠠᠭᠤᠨ ᠨᠢᠵᠢᠭᠢᠨᠡᠨ ᠰᠤᠮᠤ ᠮᠥᠨᠳᠥᠷ ᠰᠢᠭ ᠪᠠᠭᠤᠨ ᠲᠤᠯᠤᠯᠳᠤᠵᠤ᠂ | ᠲᠠᠭᠤᠭᠳᠠᠵᠤ ᠪᠠᠶᠢᠭᠰᠠᠨ ᠬᠡᠳᠦᠨ ᠬᠥᠮᠥᠰ ᠬᠡᠦᠬᠡᠳ ᠤᠳ ᠲᠠᠢ ᠪᠠᠨ ᠨᠢᠭᠡᠨ ᠡᠪᠳᠡᠷᠬᠡᠢ ᠪᠠᠶᠢᠰᠢᠩ ᠳᠤ ᠠᠮᠢ ᠳᠠᠯᠳᠠᠯᠠᠨ ᠪᠥᠭᠡᠮᠨᠡᠷᠡᠨ ᠬᠤᠷᠭᠤᠳᠠᠪᠠ᠃ ᠫᠤᠤ ᠶᠢᠨ ᠰᠤᠮᠤ | ᠰᠢᠷᠦᠭᠦᠰᠴᠦ ᠪᠠᠶᠢᠭᠰᠠᠨ ᠢᠶᠠᠨ ᠬᠡᠰᠡᠭ ᠵᠠᠭᠤᠷᠠ ᠨᠠᠮᠳᠠᠬᠤ ᠬᠤᠭᠤᠷᠣᠨᠳᠤ ᠮᠢᠭᠮᠡᠷ ᠤᠨ ᠡᠵᠢ ᠨᠢ ᠬᠡᠦᠬᠡᠳ ᠢᠶᠠᠨ ᠲᠡᠪᠡᠷᠢᠨ ᠰᠠᠨᠳᠤᠷᠤᠨ ᠭᠠᠷᠴᠤ ᠬᠡᠳᠦ ᠠᠯᠬᠤᠬᠤ ᠶᠢ | ᠵᠠᠪᠳᠤᠲᠠᠯᠠ ᠬᠡᠷᠴᠡᠭᠡᠢ ᠶᠠᠫᠤᠨ ᠴᠡᠷᠢᠭ ᠤᠨ ᠰᠤᠮᠤᠨ ᠳᠤ ᠣᠨᠣᠭᠳᠠᠨ ᠲᠡᠷᠡ ᠳᠣᠣᠷᠠ ᠪᠠᠨ ᠠᠮᠢ ᠦᠷᠡᠭᠳᠡᠪᠡ᠃ ᠤᠯᠠᠭᠠᠨ ᠴᠢᠰᠤ ᠨᠡᠯᠦᠶᠢᠨ ᠤᠷᠤᠰᠴᠤ | ᠡᠵᠢ ᠶᠢᠨ ᠢᠶᠠᠨ ᠲᠡᠪᠡᠷᠢ ᠳᠤ ᠪᠠᠶᠢᠭᠰᠠᠨ ᠮᠢᠭᠮᠡᠷ ᠴᠢᠰᠤᠨ ᠳᠤᠮᠳᠠ ᠠᠷᠠᠢ ᠴᠢᠷᠠᠯᠠᠨ ᠲᠡᠯᠴᠢᠯᠡᠨᠡ᠃ ᠤᠳᠠᠯ ᠦᠭᠡᠢ ᠶᠠᠫᠤᠨ ᠴᠡᠷᠢᠭ ᠤᠳ ᠤᠰᠠᠳᠬᠠᠭᠳᠠᠨ ᠫᠤᠤ ᠶᠢᠨ | ᠲᠠᠭᠤᠨ ᠵᠣᠭᠰᠣᠵᠤ ᠣᠷᠣᠰ ᠴᠡᠷᠢᠭ ᠤᠳ ᠬᠦᠷᠴᠦ ᠢᠷᠡᠭᠡᠳ ᠠᠮᠢᠳᠤ ᠦᠯᠡᠳᠡᠭᠰᠡᠨ ᠨᠢᠷᠠᠢ ᠬᠡᠦᠬᠡᠳ ᠲᠠᠢ ᠬᠢᠲᠠᠳ ᠡᠬᠡᠨᠡᠷ ᠪᠣᠯᠣᠨ ᠠᠯᠳᠠᠠ ᠰᠢᠳᠦᠲᠦ ᠡᠷᠡᠭᠲᠡᠢ ᠳᠤ | ᠮᠢᠬᠠ᠂ ᠠᠮᠤ ᠪᠤᠳᠠᠭᠠ ᠵᠡᠷᠭᠡ ᠢᠳᠡᠬᠦ ᠬᠦᠨᠡᠰᠦ ᠶᠢ ᠣᠷᠬᠢᠭᠠᠳ ᠶᠠᠪᠤᠵᠠᠢ᠃ ᠬᠥᠮᠥᠨ ᠠᠮᠢᠳᠠᠨ ᠤ ᠪᠠᠷᠠ ᠦᠭᠡᠢ ᠲᠠᠶᠢᠨ ᠤ ᠪᠠᠭᠤᠷᠢ ᠪᠣᠯᠤᠭᠰᠠᠨ ᠡᠪᠳᠡᠷᠬᠡᠢ | ᠪᠠᠶᠢᠰᠢᠩ ᠳᠤ ᠲᠡᠳᠡ ᠨᠡᠯᠢᠶᠡᠳ ᠬᠡᠲᠦ ᠬᠤᠨᠣᠪᠠ᠃ ᠡᠭᠦᠨ ᠳᠤ ᠬᠢᠲᠠᠳ ᠡᠬᠡᠨᠡᠷ ᠥᠪᠡᠷ ᠤᠨ ᠬᠡᠦᠬᠡᠳ ᠪᠣᠯᠣᠨ ᠮᠢᠭᠮᠡᠷ ᠢ ᠡᠭᠡᠯᠵᠢᠯᠡᠨ ᠬᠥᠬᠦᠭᠦᠯᠵᠦ᠂ ᠰᠦ ᠨᠢ ᠬᠦᠷᠬᠦ | ᠦᠭᠡᠢ ᠪᠣᠯᠪᠠᠯ ᠰᠢᠩᠭᠡᠨ ᠪᠤᠳᠠᠭᠠᠨ ᠤ ᠰᠥᠮᠥᠰᠤ ᠤᠤᠭᠤᠯᠭᠠᠵᠤ ᠮᠢᠬᠠ ᠵᠢᠵᠢᠭᠯᠡᠨ ᠬᠡᠷᠴᠢᠵᠦ ᠠᠮᠠᠨ ᠳᠤᠨᠢ ᠬᠢᠵᠦ ᠥᠭᠭᠦᠨ ᠡᠨᠡ ᠬᠡᠳᠦᠭᠦᠯᠡ ᠠᠮᠢ ᠵᠠᠯᠭᠠᠨ | ᠠᠮᠢᠳᠤᠷᠠᠵᠤ ᠪᠠᠶᠢᠯᠠ᠃ ᠨᠢᠭᠡᠨ ᠡᠳᠦᠷ ᠮᠢᠭᠮᠡᠷ ᠤᠨ ᠠᠬᠠ ᠬᠡᠳᠦᠨ ᠯᠠᠮᠠ ᠡᠨᠡᠭᠦᠷ ᠶᠠᠪᠠᠭᠠᠨ ᠥᠩᠭᠡᠷᠡᠬᠦ ᠲᠠᠢ ᠲᠠᠭᠠᠷᠠᠯᠳᠤᠨ ᠳᠣᠲᠣᠷᠠ ᠨᠢ ᠶᠠᠪᠤᠵᠤ ᠪᠠᠶᠢᠭᠰᠠᠨ | ᠥᠪᠡᠷ ᠤᠨ ︽ᠨᠠᠶᠢᠵᠠ ᠠᠮᠪᠠᠢ︾ ᠪᠠᠨ ᠲᠠᠨᠢᠨ ᠳᠠᠭᠤᠳᠠᠬᠤ ᠳᠤ ᠲᠡᠷᠡ ᠯᠠᠮᠠ ᠰᠣᠴᠢᠨ ᠭᠠᠶᠢᠬᠠᠨ ᠬᠠᠷᠠᠪᠠᠯ ᠬᠡᠳᠦᠨ ᠬᠡᠦᠬᠡᠳ ᠭᠦᠶᠦᠯᠳᠦᠵᠦ ᠪᠠᠶᠢᠯᠠ᠃ ᠲᠡᠭᠡᠭᠡᠳ | ᠲᠡᠳᠡ ᠪᠦᠭᠦᠳᠡᠭᠦᠯᠡ ᠲᠠᠢ ᠨᠢ ᠨᠢᠭᠤᠷ ᠤᠴᠠᠷᠠᠨ ᠪᠠᠶᠢᠳᠠᠯ ᠢ ᠣᠶᠢᠯᠠᠭᠠᠭᠰᠠᠨ ᠪᠠᠶᠢᠨᠠ᠃ ᠯᠠᠮᠠ ᠨᠠᠷ ᠠᠴᠠ ᠬᠡᠳᠦᠨ ᠬᠡᠦᠬᠡᠳ ᠤᠳ ᠤᠨ ᠭᠡᠷ ᠤᠨ ᠬᠥᠮᠥᠰ ᠪᠣᠯᠣᠨ | ᠲᠦᠷᠣᠯ ᠰᠠᠳᠣᠨ ᠳᠤᠨᠢ ᠴᠢᠮᠡᠭᠡ ᠥᠭᠬᠦ ᠳᠤ ᠤᠳᠠᠬᠤ ᠦᠭᠡᠢ ᠲᠤᠰᠴᠣ ᠠᠪᠠᠴᠢᠵᠠᠢ᠃ ᠮᠢᠭᠮᠡᠷ ᠬᠢᠲᠠᠳ ᠡᠵᠢ ᠶᠢᠨ ᠭᠠᠷ ᠲᠤ ᠲᠡᠵᠢᠭᠡᠭᠳᠡᠨ ᠬᠡᠳᠦᠨ ᠰᠠᠷᠠ ᠶᠢᠨ | ᠲᠠᠷᠠᠭᠠ ᠠᠪᠤ ᠨᠢ ᠰᠤᠷᠠᠭ ᠢᠶᠠᠷ ᠲᠠᠮᠵᠢᠨ ᠢᠷᠡᠵᠦ ᠠᠪᠠᠴᠢᠨ ᠲᠠᠪᠤ ᠨᠠᠰᠤᠯᠠᠭᠰᠠᠨ ᠤ ᠬᠤᠶᠢᠨᠠ ᠲᠦᠷᠣᠯ ᠪᠣᠯᠬᠤ ᠰᠦᠷᠦᠩ ᠤᠨ ᠳᠤ ᠦᠷᠡᠴᠢᠯᠡᠭᠦᠯᠦᠭᠰᠡᠨ ᠶᠤᠮ᠃ | ᠬᠤᠵᠢᠮ ᠨᠢ ᠮᠢᠭᠮᠡᠷ ᠲᠣᠮᠣ ᠪᠣᠯᠤᠭᠰᠠᠨ ᠤ ᠲᠠᠷᠠᠭᠠ ᠡᠨᠡᠷᠢᠩᠭᠦᠢ ᠰᠠᠶᠢᠬᠠᠨ ᠰᠡᠳᠬᠢᠯ ᠲᠠᠢ ᠬᠢᠲᠠᠳ ᠡᠵᠢ ᠪᠣᠯᠣᠨ ᠠᠯᠳᠠᠠ ᠰᠢᠳᠦᠲᠦ ᠠᠴᠢᠲᠠᠨ ᠢ ᠡᠷᠢᠨ | ᠰᠤᠷᠠᠭᠯᠠᠭᠰᠠᠨ ᠪᠣᠯᠪᠠᠴᠣ ᠣᠯᠣᠭᠰᠠᠨ ᠦᠭᠡᠢ ᠪᠠᠶᠢᠵᠤ᠂ ᠨᠤᠲᠤᠭ ᠤᠨ ᠬᠢᠨᠢ ᠬᠥᠮᠥᠰ ᠤᠨ ᠬᠡᠯᠡᠬᠦ ᠪᠠᠷ ᠲᠠᠶᠢᠨ ᠠᠴᠠ ᠬᠤᠶᠢᠰᠢ ᠳᠡᠮᠡᠢ ᠤᠳᠠᠭᠠ ᠦᠭᠡᠢ ᠱᠠᠨ ᠰᠢ | ᠮᠤᠵᠢ ᠳᠠᠭᠠᠨ ᠪᠤᠴᠠᠭᠰᠠᠨ ᠭᠡᠳᠡᠭ ᠴᠢᠮᠡᠭᠡ ᠣᠯᠪᠠ᠃ | ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠲᠤᠶᠢᠯ ᠤᠨ ᠬᠦᠴᠢᠷ ᠪᠡᠷᠬᠡ ᠣᠷᠴᠢᠨ ᠨᠥᠬᠦᠴᠡᠯ ᠳᠤ ᠨᠠᠮᠠᠶᠢ ᠥᠷᠥᠭᠡᠯ ᠤᠨ ᠬᠡᠦᠬᠡᠳ ᠭᠡᠵᠦ ᠢᠯᠭᠠᠯ ᠦᠭᠡᠢ ᠬᠠᠶᠢᠷᠠᠲᠠᠢ | ᠦᠷᠡ ᠲᠠᠢ ᠪᠠᠨ ᠢᠵᠢᠯᠢᠰᠢᠭᠦᠯᠦᠨ ᠡᠩᠬᠦᠷᠡᠶᠢᠯᠡᠵᠦ ᠴᠠᠭᠠᠨ ᠰᠦ ᠪᠠᠨ ᠬᠥᠬᠦᠭᠦᠯᠦᠨ ᠠᠯᠳᠠᠨ ᠠᠮᠢ ᠶᠢ ᠠᠪᠤᠷᠠᠭᠰᠠᠨ ︽ᠬᠢᠲᠠᠳ ᠡᠵᠢ︾ ᠶᠢᠨ ᠮᠢᠨᠢ ᠠᠴᠢ ᠡᠨᠡᠷᠢᠯ ᠢ | ᠶᠠᠭᠤ ᠪᠠᠷ ᠴᠤ ᠬᠠᠷᠢᠭᠤᠯᠤᠭᠠᠳ ᠪᠠᠷᠠᠰᠢ ᠦᠭᠡᠢ ᠶᠤᠮ᠃ ᠳᠤᠮᠳᠠᠷᠠᠰᠢ ᠦᠭᠡᠢ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠲᠠᠢ ᠲᠡᠷᠡ ᠡᠵᠢ ᠶᠢᠨ ᠢᠶᠠᠨ ᠠᠴᠢ ᠪᠠᠷ ᠡᠳᠦᠢ ᠥᠨᠳᠥᠷ | ᠨᠠᠰᠤᠯᠠᠲᠠᠯᠠ ᠬᠤᠷᠸᠠ ᠶᠢᠨ ᠨᠠᠷᠠ ᠶᠢ ᠪᠦᠲᠦᠨ ᠤᠭᠲᠤᠵᠤ ᠶᠠᠪᠤᠭᠠ ᠳᠠᠭᠠᠨ ᠪᠢ ᠦᠨᠡᠬᠡᠷ ᠤᠨ ᠶᠡᠭᠡ ᠠᠵᠠ ᠵᠢᠷᠭᠠᠯ ᠲᠠᠢ ᠪᠠᠶᠢᠨᠠ ᠭᠡᠵᠦ ᠮᠢᠭᠮᠡᠷ ᠨᠠᠰᠤᠲᠠᠨ ᠰᠡᠳᠬᠢᠯ | ᠳᠣᠭᠳᠣᠯᠤᠨ ᠶᠠᠷᠢᠯᠠ᠃ | ᠤᠬᠠᠭᠠ ᠲᠣᠮᠤᠭᠠ ᠣᠷᠣᠭᠰᠠᠨ ᠤ ᠲᠠᠷᠠᠭᠠ ᠮᠣᠩᠭᠤᠯ᠂ ᠬᠢᠲᠠᠳ ᠬᠤᠶᠠᠷ ᠡᠵᠢ ᠶᠢᠨ ᠢᠶᠠᠨ ᠡᠨᠡᠷᠢᠩᠭᠦᠢ ᠳᠦᠷᠢ ᠶᠢ ᠮᠢᠭᠮᠡᠷ ᠭᠤᠸᠠᠢ ᠰᠡᠳᠬᠢᠯ ᠵᠢᠷᠦᠬᠡᠨ | ᠳᠡᠭᠡᠨ ᠨᠠᠶᠠᠨ ᠨᠠᠰᠤᠯᠠᠲᠠᠯᠠ ᠮᠢᠩᠭᠠ ᠮᠢᠩᠭᠠ ᠪᠠᠷ ᠲᠥᠰᠥᠭᠡᠯᠡᠨ ᠠᠮᠢᠯᠠᠭᠤᠯᠵᠤ᠂ ᠡᠭᠡᠯ ᠪᠣᠷᠣᠭᠵᠢᠭᠤᠨ ᠠᠮᠢᠳᠤᠷᠠᠯ ᠳᠠᠭᠠᠨ ᠮᠠᠯᠴᠢᠨ ᠵᠠᠶᠠᠭᠠ ᠪᠠᠨ ᠳᠡᠭᠡᠳᠦᠯᠡᠨ ᠨᠢᠭᠡ | ᠨᠠᠰᠤ ᠪᠠᠨ ᠣᠳᠣ ᠲᠠᠢ ᠬᠡᠶᠢᠮᠣᠷᠢ ᠲᠠᠢ ᠡᠯᠡᠭᠡᠭᠰᠡᠭᠡᠷ ᠢᠷᠡᠪᠡ᠃ | ᠦᠨᠡᠬᠡᠷ ᠬᠥᠮᠥᠨ ᠬᠥᠮᠥᠨ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠯᠭᠡ᠂ ᠡᠬᠡ ᠦᠷᠡ ᠶᠢᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ᠂ ᠦᠨᠳᠦᠰᠦᠲᠡᠨ ᠤ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠪᠠᠶᠢᠮᠠᠨᠵᠢᠨ | ᠬᠤᠷᠸᠠ ᠬᠡᠵᠢᠶᠡᠳᠡ ᠪᠠᠶᠠᠷ ᠵᠢᠷᠭᠠᠯ ᠢᠶᠠᠷ ᠳᠦᠭᠦᠷᠡᠩ᠂ ᠨᠢᠩᠵᠢᠨ ᠬᠠᠶᠢᠷᠠ ᠪᠠᠷ ᠪᠢᠯᠬᠠᠵᠤ ᠪᠠᠶᠢᠳᠠᠭ᠃ ᠬᠠᠶᠢᠷᠠ ᠰᠢᠩᠭᠡᠭᠰᠡᠨ ᠬᠤᠷᠸᠠ ᠶᠢᠨ ᠠᠭᠤᠳᠠᠮᠬᠠᠨ ᠵᠠᠢ ᠳᠤ | ᠦᠨᠳᠦᠰᠦᠲᠡᠨ ᠶᠠᠰᠣᠳᠠᠨ ᠭᠡᠵᠦ ᠢᠯᠭᠠᠯ ᠦᠭᠡᠢ ᠬᠥᠮᠥᠨ ᠭᠡᠭᠴᠢ ᠬᠠᠶᠢᠷᠠ ᠶᠢᠨ ᠠᠤᠭᠠ ᠬᠦᠴᠦᠨ ᠳᠤ ᠤᠶᠠᠷᠠᠵᠤ ᠬᠠᠲᠠᠭᠤᠵᠢᠵᠤ ᠶᠠᠪᠤᠳᠠᠭ ᠵᠢᠮᠡ ᠲᠠᠢ᠃ ᠮᠢᠭᠮᠡᠷ | ᠨᠠᠰᠤᠲᠠᠨ ᠤ ᠬᠠᠶᠢᠷᠠ ᠬᠡᠯᠬᠢᠭᠰᠡᠨ ᠦᠨᠡᠨ ᠲᠡᠦᠬᠡ ᠨᠢ ᠦᠨᠳᠦᠰᠦᠲᠡᠨ ᠤ ᠬᠠᠶᠢᠷᠠ ᠰᠡᠳᠬᠢᠯᠭᠡ᠂ ᠲᠤᠮᠳᠠᠳᠣ ᠶᠢᠨ ᠦᠨᠳᠦᠰᠦᠲᠡᠨ ᠤ ᠬᠠᠮᠲᠤ ᠶᠢᠨ ᠴᠣᠭᠴᠠ ᠶᠢᠨ | ᠤᠬᠠᠮᠰᠠᠷ ᠢ ᠬᠠᠷᠠᠭᠤᠯᠤᠭᠰᠠᠨ ᠥᠨᠥᠳᠥᠷ ᠤᠨ ᠪᠢᠳᠡᠡ ᠤ ᠬᠡᠵᠢᠶᠡᠳᠡ ᠮᠠᠷᠲᠠᠵᠤ ᠪᠣᠯᠣᠰᠢ ᠦᠭᠡᠢ ᠥᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠬᠤ ᠶᠤᠮ ᠠ᠋᠃ ᠨᠠᠰᠤᠲᠠᠨ ᠤ ᠣᠷᠳᠣ | ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢ ᠨᠢ ᠬᠦᠰᠡᠨ ᠵᠥᠩᠨᠡᠶᠡ︕ | | | | |