︽ᠮᠣᠩᠭᠤᠯᠴᠤᠳ ᠤᠨ ᠭᠡᠷ ᠤᠨ ᠰᠤᠷᠭᠠᠯ ᠪᠣᠯᠪᠠᠰᠤ ᠡᠷᠲᠡᠨ ᠠᠴᠠ ᠡᠬᠡᠨᠡᠷ ᠪᠠᠷᠢᠵᠤ ᠶᠠᠪᠤᠭᠤᠯᠤᠨ ᠠᠮᠤᠢ︾ ᠭᠡᠵᠦ ᠯᠣᠪᠰᠠᠩᠴᠣᠶᠢᠳᠠᠨ ᠠᠴᠠ ᠭᠡᠷ ᠤᠨ | ᠬᠦᠮᠦᠵᠢᠯ ᠳᠤᠮᠳᠠᠬᠢ ᠮᠣᠩᠭᠤᠯ ᠡᠬᠡ ᠶᠢᠨ ᠦᠢᠯᠡᠳᠦᠯ ᠢ ᠵᠥᠪ ᠦᠨᠡᠯᠡᠭᠰᠡᠨ ᠪᠢᠯᠡ᠃ ᠬᠡᠳᠦᠶᠢᠪᠡᠷ ᠡᠴᠢᠭᠡ ᠡᠬᠡ ᠬᠠᠮᠲᠤ ᠪᠠᠷ ᠦᠷᠡ ᠬᠡᠦᠬᠡᠳ ᠢᠶᠠᠨ ᠬᠦᠮᠦᠵᠢᠭᠦᠯᠬᠦ | ᠡᠭᠦᠷᠭᠡ ᠲᠠᠢ ᠪᠣᠯᠪᠠᠴᠤ ᠡᠷᠲᠡᠨ ᠤ ᠨᠡᠶᠢᠭᠡᠮ ᠤᠨ ᠡᠯᠡ ᠵᠦᠢᠯ ᠤᠨ ᠵᠦᠷᠢᠴᠡᠯ ᠮᠦᠷᠭᠦᠯᠳᠦᠭᠡᠨ᠂ ᠳᠠᠶᠢᠨ ᠳᠠᠵᠢᠨ ᠵᠢᠴᠢ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ ᠠᠵᠤ ᠠᠬᠤᠢ ᠶᠢᠨ | ᠬᠦᠭᠵᠢᠯᠲᠡ ᠶᠢᠨ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠣᠯᠵᠤ᠂ ᠭᠡᠷ ᠤᠨ ᠡᠵᠡᠨ ᠪᠣᠯᠣᠭᠰᠠᠨ ᠡᠴᠢᠭᠡ ᠨᠢ ᠦᠷᠭᠦᠯᠵᠢ ᠠᠶᠠᠨ ᠳᠠᠶᠢᠨ᠂ ᠠᠩ ᠭᠦᠷᠦᠭᠡ ᠳᠤ ᠮᠣᠷᠳᠠᠳᠠᠭ ᠤᠴᠢᠷ ᠠᠴᠠ | ᠶᠡᠷᠦᠩᠬᠡᠢ ᠳᠡᠭᠡᠨ ᠡᠬᠡᠴᠤᠳ ᠤᠨ ᠬᠦᠮᠦᠵᠢᠯ ᠢᠶᠠᠷ ᠭᠤᠣᠯᠯᠠᠳᠠᠭ ᠨᠢ ᠠᠶᠠᠨᠳᠠᠭᠠᠨ ᠤ ᠪᠠᠶᠢᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠡᠴᠢᠭᠡ ᠨᠢ ᠡᠷᠲᠡ ᠨᠠᠰᠤ ᠨᠥᠭᠴᠢᠪᠡᠯ | ᠪᠡᠯᠪᠡᠰᠦᠨ ᠬᠤᠴᠣᠷᠣᠭᠰᠠᠨ ᠡᠬᠡ ᠨᠢ ᠦᠨᠦᠴᠢᠨ ᠬᠡᠦᠬᠡᠳ ᠢᠶᠠᠨ ᠠᠰᠠᠷᠠᠨ ᠲᠡᠵᠢᠭᠡᠬᠦ᠂ ᠰᠤᠷᠭᠠᠨ ᠬᠦᠮᠦᠵᠢᠭᠦᠯᠬᠦ ᠡᠭᠦᠷᠭᠡ ᠶᠢ ᠭᠠᠭᠴᠠᠭᠠᠷ ᠡᠭᠦᠷᠭᠡᠯᠡᠳᠡᠭ ᠪᠠᠶᠢᠭᠰᠠᠨ᠃ | ᠠᠯᠤᠨ ᠭᠤᠸᠠ ᠡᠬᠡ᠂ ᠨᠣᠮᠣᠯᠣᠨ ᠡᠬᠡ᠂ ᠦᠭᠡᠯᠦᠨ ᠡᠬᠡ᠂ ᠰᠤᠷᠬᠠᠭᠳᠠᠨᠢ ᠪᠠᠬᠢ ᠵᠡᠷᠭᠡ ᠡᠬᠡᠴᠤᠳ ᠪᠦᠷ ᠭᠠᠭᠴᠠ ᠪᠡᠶᠡ ᠪᠠᠷ ᠦᠨᠦᠴᠢᠨ ᠬᠡᠦᠬᠡᠳ ᠢᠶᠠᠨ ᠦᠰᠭᠡᠨ | ᠬᠦᠮᠦᠵᠢᠭᠦᠯᠦᠭᠰᠡᠨ ᠶᠤᠮ᠃ | ᠣᠶᠢᠷᠠᠳ ᠤᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠤ᠄ ︽ᠦᠨᠦᠴᠢᠨ ᠲᠠᠪᠤᠨ ᠬᠦᠪᠡᠭᠦᠨ ᠢᠶᠠᠨ ᠣᠶᠢᠷᠠᠳ ᠤᠨ ᠰᠠᠶᠢᠨ ᠪᠣᠯᠭᠠᠵᠤ᠂ ᠲᠠᠪᠤᠨ ᠪᠠᠷᠰ ᠨᠡᠷᠡ ᠥᠭᠭᠦᠭᠦᠯᠦᠭᠰᠡᠨ | ᠠᠪᠠᠢ ᠬᠠᠲᠤᠨ︾ ᠭᠡᠳᠡᠭ ᠮᠠᠭᠲᠠᠭᠠᠯ ᠪᠠᠶᠢᠳᠠᠭ᠃ ᠠᠪᠠᠢ ᠬᠠᠲᠤᠨ ᠪᠣᠯ ᠳᠥᠷᠪᠡᠨ ᠣᠶᠢᠷᠠᠳ ᠤᠨ ᠲᠡᠦᠬᠡᠨ ᠳᠡᠭᠡᠷᠡ ᠨᠡᠷᠡ ᠠᠯᠳᠠᠷ ᠲᠠᠢ᠂ ᠰᠣᠳᠣ ᠮᠡᠷᠭᠡᠨ ᠪᠣᠳᠣᠯᠭᠠ | ᠤᠬᠠᠭᠠᠨ ᠲᠠᠢ᠂ ᠡᠷᠡᠰ ᠰᠢᠭᠤᠷᠬᠠᠢ ᠵᠠᠩ ᠵᠣᠷᠢᠭ ᠲᠠᠢ ᠪᠦᠰᠡᠭᠦᠢ ᠶᠤᠮ᠃ ᠣᠶᠢᠷᠠᠳᠴᠤᠳ ᠤᠨ ᠪᠠᠭ᠋ᠠᠷᠬᠠᠯ ᠪᠣᠯᠣᠭᠰᠠᠨ ︽ᠲᠠᠪᠤᠨ ᠪᠠᠷᠰ︾ ᠬᠡᠮᠡᠭᠳᠡᠭᠰᠡᠨ ᠲᠠᠪᠤᠨ | ᠬᠡᠦᠬᠡᠳ ᠲᠠᠢ᠃ ᠲᠠᠪᠤᠨ ᠬᠡᠦᠬᠡᠳ ᠢᠶᠠᠨ ᠣᠶᠢᠷᠠᠳ ᠡᠷᠡᠴᠤᠳ ᠲᠤ ᠯᠡ ᠪᠠᠶᠢᠳᠠᠭ ᠬᠠᠲᠠᠭᠤ ᠰᠢᠨᠳᠠᠰᠤ ᠲᠠᠢ ᠦᠰᠭᠡᠨ᠂ ᠣᠶᠢᠷᠠᠳ ᠡᠷᠡᠴᠤᠳ ᠲᠤ ᠯᠡ ᠪᠠᠶᠢᠳᠠᠭ | ᠬᠠᠳᠠᠨ ᠤᠶᠤᠨ ᠲᠠᠢ ᠬᠦᠮᠦᠵᠢᠭᠦᠯᠦᠭᠰᠡᠨ ᠬᠠᠲᠤᠨ ᠪᠠᠭᠠᠲᠤᠷ ᠡᠬᠡ ᠪᠢᠯᠡ᠃ | ᠠᠪᠠᠢ ᠬᠠᠲᠤᠨ ᠴᠣᠷᠣᠰ ᠠᠶᠢᠮᠠᠭ ᠤᠨ ᠰᠣᠷᠪᠣᠯᠵᠢᠲᠤ ᠭᠡᠷ ᠤᠨ ᠦᠬᠢᠨ ᠶᠤᠮ᠃ ᠶᠠᠳᠠᠷ ᠴᠢᠩᠰᠠᠩ ᠤᠨ ᠬᠠᠲᠤᠨ ᠪᠠᠶᠢᠪᠠ᠃ ᠶᠠᠳᠠᠷ ᠴᠢᠩᠰᠠᠩ | ᠥᠩᠭᠡᠷᠡᠭᠰᠡᠨ ᠤ ᠳᠠᠷᠠᠭᠠ ᠦᠶᠡ ᠳᠡᠭᠦᠦ ᠬᠠᠨᠢ ᠨᠣᠶᠠᠨ ᠬᠤᠩᠭᠤᠷ ᠲᠠᠢ ᠵᠠᠯᠭᠠᠨ ᠰᠠᠭᠤᠵᠤ ᠲᠠᠪᠤᠨ ᠬᠦᠪᠡᠭᠦᠨ ᠲᠦᠷᠦᠪᠡ᠃ ᠠᠪᠠᠢ ᠬᠠᠲᠤᠨ ᠤ ᠲᠠᠪᠤᠨ ᠬᠦᠪᠡᠭᠦᠨ | ᠪᠠᠶᠢᠪᠠᠭᠠᠰ᠂ ᠲᠦᠮᠡᠨᠳᠡᠢ ᠣᠶᠢᠵᠠᠩ ᠬᠦᠨᠳᠡᠯᠡᠨ ᠲᠦᠷᠭᠡᠴᠢ ᠤᠪᠠᠰᠢ᠂ ᠲᠦᠷᠦᠪᠠᠶᠢᠬᠤ ᠭᠦᠦᠰᠢ ᠬᠠᠭᠠᠨ᠂ ᠵᠠᠰᠠᠭᠲᠤ ᠴᠢᠩ ᠪᠠᠭᠠᠲᠤᠷ᠂ ᠪᠤᠶᠠᠨ ᠬᠠᠲᠠᠨ ᠪᠠᠭᠠᠲᠤᠷ ︵ | ᠪᠠᠰᠠ ᠪᠣᠶᠠᠨ ᠣᠳᠬᠤᠨ ᠭᠡᠳᠡᠭ︶ ᠭᠡᠬᠦ ᠲᠠᠪᠤᠭᠤᠯᠠ ᠶᠢ ᠲᠡᠦᠬᠡᠨ ᠳᠤ ᠪᠠᠰᠠ ︽ᠲᠠᠪᠤᠨ ᠪᠠᠷᠰ︾ ᠭᠡᠳᠡᠭ᠃ ᠬᠠᠨᠢ ᠨᠣᠶᠠᠨ ᠬᠤᠩᠭᠤᠷ ᠳᠠᠶᠢᠨ ᠳᠤ ᠠᠳᠡᠬᠦ ᠦᠶᠡᠰ | ᠲᠡᠭᠦᠨ ᠤ ᠬᠦᠪᠡᠭᠦᠳ ᠨᠢ ᠬᠠᠷᠠᠬᠠᠨ ᠪᠠᠭᠠ ᠪᠠᠯᠴᠢᠷ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠣᠶᠢᠷᠠᠳ ᠤᠨ ᠢᠵᠠᠭᠤᠷᠲᠠᠳ ᠬᠠᠨᠢ ᠨᠣᠶᠠᠨ ᠬᠤᠩᠭᠤᠷ ᠤᠨ ᠪᠠᠭᠠᠲᠤᠷ ᠰᠦᠷ ᠢ | ᠬᠦᠨᠳᠦᠳᠬᠡᠨ ᠳᠤᠷᠠᠰᠬᠠᠵᠤ᠂ ᠲᠡᠭᠦᠨ ᠤ ᠬᠠᠲᠤᠨ ᠠᠪᠠᠢ ᠶᠢ ᠵᠣᠷᠢᠭ ᠤᠬᠠᠭᠠᠨ ᠲᠠᠢ ᠳᠣᠲᠣᠷᠠ ᠲᠠᠮᠢᠷ ᠲᠠᠢ ᠪᠦᠰᠡᠭᠦᠢ ᠬᠡᠮᠡᠨ ᠢᠳᠡᠭᠡᠨ ᠨᠠᠶᠢᠳᠠᠵᠤ᠂ ᠪᠠᠶᠢᠪᠠᠭᠠᠰ ᠢ | ᠡᠷᠡ ᠶᠢᠨ ᠵᠡᠷᠭᠡ ᠳᠤ ᠬᠦᠷᠲᠡᠯᠡ ᠬᠤᠱᠤᠳ ᠠᠶᠢᠮᠠᠭ ᠢ ᠵᠠᠰᠠᠭᠯᠠᠨ᠂ ᠣᠶᠢᠷᠠᠳ ᠤᠨ ᠴᠢᠭᠤᠯᠭᠠᠨ ᠤ ᠡᠷᠬᠡ ᠶᠢ ᠠᠳᠬᠤᠭᠤᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃ | 1608 ᠣᠨ ᠳᠤ ᠬᠠᠯᠬᠠ ᠶᠢᠨ ᠯᠠᠶᠢᠬᠤᠷ ᠬᠠᠨ ᠤ ᠦᠶᠡ ᠳᠡᠭᠦᠦ ᠬᠤᠳᠣᠭᠤᠶᠢᠳ ᠤᠨ ᠣᠷᠣ ᠶᠢ ᠡᠵᠡᠯᠡᠵᠦ ᠪᠠᠶᠢᠭᠰᠠᠨ ᠱᠣᠯᠣᠢ ᠤᠪᠠᠰᠢ ᠬᠤᠩ ᠲᠠᠶᠢᠵᠢ | ᠭᠡᠭᠴᠢ ᠬᠠᠰᠠᠭ ᠤᠨ ᠬᠠᠨ ᠤ ᠬᠤᠯᠪᠣᠭᠠᠯᠠᠨ᠂ ᠣᠶᠢᠷᠠᠳ ᠢ ᠬᠠᠷᠢᠶᠠᠲᠤ ᠠᠯᠪᠠᠲᠤ ᠪᠣᠯᠭᠠᠬᠤ ᠵᠣᠷᠢᠯᠭᠠ ᠠᠴᠠ ᠪᠠᠷᠠᠭᠤᠨ ᠵᠡᠭᠦᠨ ᠡᠮᠦᠨᠡ ᠬᠤᠶᠠᠷ ᠲᠠᠯᠠ ᠠᠴᠠ | ᠬᠠᠪᠴᠢᠨ ᠳᠣᠪᠲᠣᠯᠵᠠᠢ᠃ ᠡᠨᠡ ᠬᠦ ᠳᠠᠶᠢᠨ ᠮᠠᠰᠢ ᠪᠠᠴᠢᠮ ᠲᠤᠯᠭᠠᠮ᠂ ᠨᠡᠯᠢᠶᠡᠳ ᠪᠡᠯᠡᠳᠬᠡᠯ ᠲᠡᠭᠦᠰ ᠨᠦᠷᠢᠵᠦ ᠢᠷᠡᠭᠰᠡᠨ ᠭᠡᠳᠡᠭ ᠨᠢ ᠦᠵᠡᠲᠡᠯᠡ ᠢᠯᠡᠷᠬᠡᠢ᠃ | ᠦᠷᠪᠢᠰᠦᠨ ᠨᠣᠴᠣᠳᠠᠭ ᠦᠪᠡᠷ ᠵᠠᠭᠤᠷᠠ ᠶᠢᠨ ᠳᠠᠶᠢᠨ ᠤ ᠭᠠᠯ ᠭᠡᠭᠴᠢ ᠶᠡᠷᠦ ᠨᠢ ᠠᠶᠢᠮᠠᠭ ᠤᠭᠰᠠᠭᠠ ᠶᠢᠨ ᠠᠰᠢᠭ ᠲᠤᠰ ᠤᠨ ᠡᠭᠦᠳᠡᠨ ᠠᠴᠠ ᠬᠦᠮᠦᠰᠬᠡ ᠨᠢᠳᠦᠨ ᠤ | ᠬᠤᠭᠤᠷᠣᠨᠳᠣ ᠳᠦᠷᠡᠯᠵᠡᠳᠡᠭ ᠪᠠᠶᠢᠯᠠ᠃ | ᠠᠪᠠᠢ ᠬᠠᠲᠤᠨ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠳᠠᠶᠢᠨ ᠵᠢᠯᠣᠭᠤᠳᠴᠤ ᠪᠠᠭᠠᠲᠤᠷᠯᠠᠪᠠ᠃ | ᠠᠪᠠᠢ ᠬᠠᠲᠤᠨ ᠡᠷᠴᠢᠰ ᠮᠦᠷᠡᠨ ᠤ ᠪᠠᠷᠠᠭᠤᠨ ᠡᠷᠭᠢ ᠶᠢᠨ ᠬᠤᠱᠤᠳ ᠲᠣᠷᠭᠤᠳ ᠠᠶᠢᠮᠠᠭ ᠢ ᠵᠢᠯᠣᠭᠤᠳᠣᠨ ᠬᠠᠰᠠᠭ ᠤᠨ ᠣᠯᠠᠨ ᠢ ᠪᠤᠲᠠ ᠴᠣᠬᠢᠭᠠᠳ᠂ ᠡᠪᠢ | ᠭᠤᠣᠯ ᠤᠨ ᠳᠡᠭᠡᠳᠦ ᠤᠷᠤᠰᠬᠠᠯ ᠤᠨ ᠴᠣᠷᠣᠰ ᠬᠤᠶᠢᠳ ᠠᠶᠢᠮᠠᠭ ᠢ ᠵᠢᠯᠣᠭᠤᠳᠣᠨ ᠬᠠᠯᠬᠠ ᠶᠢᠨ ᠱᠣᠯᠣᠢ ᠤᠪᠠᠰᠢ ᠬᠤᠩ ᠲᠠᠶᠢᠵᠢ ᠶᠢᠨ ᠳᠣᠪᠲᠣᠯᠣᠯᠲᠠ ᠶᠢ ᠪᠤᠲᠠ | ᠨᠢᠷᠭᠡᠪᠡ᠃ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠠᠷᠭᠠ ᠠᠪᠳᠠᠯ ᠠᠴᠠ ᠠᠪᠠᠢ ᠬᠠᠲᠤᠨ ᠤ ᠠᠷᠤᠤᠬᠠᠨ ᠪᠠᠭᠠᠲᠤᠷᠯᠢᠭ ᠠᠷᠭᠠ ᠪᠣᠳᠣᠯ᠂ ᠠᠤᠭᠠ ᠬᠦᠴᠦᠲᠦ ᠡᠷᠬᠡ ᠮᠡᠳᠡᠯ ᠢ | ᠠᠨᠳᠠᠯ ᠦᠭᠡᠢ ᠰᠠᠶᠢᠬᠠᠨ ᠦᠵᠡᠵᠦ ᠭᠠᠷᠬᠤ ᠶᠤᠮ᠃ ᠠᠪᠠᠢ ᠬᠠᠲᠤᠨ ᠪᠠᠷᠠᠭᠤᠨ ᠤ ᠬᠢᠨ ᠢ ᠪᠠᠷᠠᠭᠤᠨ ᠢᠶᠠᠷ ᠨᠢ ᠲᠦᠪᠰᠢᠳᠬᠡᠯᠡ᠂ ᠵᠡᠭᠦᠨ ᠤ ᠬᠢ ᠶᠢ ᠵᠡᠭᠦᠨ ᠢᠶᠠᠷ ᠨᠢ | ᠪᠤᠲᠠ ᠨᠢᠷᠭᠡᠪᠡ᠃ ᠳᠠᠶᠢᠨ ᠤ ᠰᠡᠯᠡᠮᠡ᠂ ᠪᠠᠶᠢᠯᠳᠤᠭᠠᠨ ᠤ ᠮᠣᠷᠢᠳ᠂ ᠰᠤᠮᠤ ᠶᠢᠨ ᠱᠤᠤᠭᠢᠶᠠᠨ᠂ ᠠᠯᠠᠯᠳᠤᠭᠠᠨ ᠤ ᠳᠠᠭᠤᠨ ᠳᠤᠮᠳᠠᠭᠤᠷ ᠪᠠᠶᠢᠯᠳᠤᠵᠤ ᠶᠠᠪᠤᠯᠠ᠃ | ᠲᠤᠭ ᠤᠨ ᠳᠣᠣᠷᠠ ᠠᠭᠲᠠ ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠤ ᠵᠢᠯᠣᠭᠤ ᠳᠣᠭᠲᠤᠷᠤᠨ ᠵᠠᠬᠢᠷᠬᠤ᠂ ᠬᠤᠶᠠᠭ ᠳᠤᠭᠤᠯᠠᠭᠠ ᠲᠠᠢ ᠬᠤᠷ ᠰᠠᠭᠠᠳᠠᠭ ᠲᠠᠢ ᠠᠪᠠᠢ | ᠬᠠᠲᠤᠨ᠂ ᠠᠰᠤᠷᠤ ᠦᠵᠡᠰᠬᠦᠯᠡᠩᠲᠡᠢ ᠴᠤᠭ ᠵᠢᠪᠬᠤᠭᠠ ᠲᠡᠭᠦᠯᠳᠡᠷ︕ ᠶᠠᠭᠤᠲᠠᠢ ᠰᠦᠷ ᠭᠡᠷᠡᠯᠲᠡᠢ᠂ ᠶᠠᠭᠠᠬᠢᠭᠰᠠᠨ ᠰᠦᠯᠳᠡ ᠬᠡᠶᠢᠮᠣᠷᠢ ᠲᠠᠢ ᠬᠠᠲᠤᠨ ᠪᠠᠭᠠᠲᠤᠷ | ᠪᠣᠢ︖ | 1609 ᠣᠨ ᠤ ᠬᠠᠪᠤᠷ ᠤᠨ ᠠᠳᠠᠭ ᠰᠠᠷᠠ ᠳᠤ ᠣᠷᠣᠰ ᠤᠨ ᠲᠠᠯᠠ ᠬᠤᠲᠠ ᠶᠢᠨ ᠵᠠᠩᠵᠤᠨ ᠤ ᠲᠣᠮᠢᠯᠠᠭᠰᠠᠨ ᠡᠯᠴᠢ ᠭᠧᠯᠦ᠋ᠫᠢᠨ ᠭᠡᠭᠴᠢ ᠣᠶᠢᠷᠠᠳ | ᠨᠤᠲᠤᠭ ᠲᠤ ᠢᠷᠡᠪᠡ᠃ | ᠭᠧᠯᠦ᠋ᠫᠢᠨ ᠡᠯᠴᠢᠯᠡᠵᠦ ᠵᠣᠭᠰᠣᠨᠠ᠃ ᠦᠨᠳᠦᠷ ᠰᠠᠭᠤᠳᠠᠯ ᠳᠤ ᠠᠮᠤᠭᠤᠯᠠᠩ ᠰᠠᠭᠠᠲᠠᠭᠰᠠᠨ ᠶᠡᠬᠡᠮᠰᠦᠭ ᠬᠠᠲᠤᠨ ᠠᠪᠠᠢ᠂ ᠡᠩ ᠤᠨ ᠬᠠᠷᠠᠴᠠ ᠪᠠᠷ ᠦᠩᠭᠡᠶᠢᠨ | ᠬᠠᠷᠠᠨᠠ᠃ ᠦᠨᠦᠳᠦᠷ ᠤᠨ ᠠᠪᠠᠢ ᠬᠠᠲᠤᠨ ᠤ ᠭᠤᠶᠣᠯᠠᠵᠤ ᠵᠡᠭᠦᠭᠰᠡᠨ ᠪᠣᠷᠳᠤᠭᠤ ᠨᠢ ᠰᠠᠴᠤᠭᠲᠤ ᠳᠤᠭᠤᠯᠠᠭᠠ ᠰᠢᠭ᠋ ᠰᠦᠷ ᠭᠡᠭᠡ ᠰᠠᠴᠤᠷᠠᠨᠠ᠃ ᠰᠣᠯᠣᠩᠭᠠ ᠶᠢᠨ | ᠡᠮᠵᠢᠶᠡᠷᠢ ᠲᠠᠢ᠂ ᠴᠡᠴᠡᠭ ᠤᠨ ᠭᠡᠭᠡ ᠲᠠᠢ᠂ ᠭᠦᠨ ᠤᠯᠠᠭᠠᠨ ᠥᠩᠭᠡ ᠲᠠᠢ ᠲᠦᠷᠦ ᠶᠢᠨ ᠳᠡᠪᠡᠯ ᠤᠨ ᠬᠢᠨᠢ ᠠᠯᠲᠠ ᠮᠦᠩᠭᠦᠨ ᠲᠣᠪᠴᠢ ᠰᠢᠯᠪᠢ ᠠᠴᠠ ᠨᠢ ᠠᠯᠲᠠ | ᠮᠦᠩᠭᠦᠨ ᠭᠡᠷᠡᠯ ᠣᠶᠢᠨᠠ᠃ | ᠰᠠᠶᠢᠬᠠᠨ ᠬᠦᠮᠦᠨ ᠤ ᠭᠡᠷᠡᠯ ᠭᠡᠭᠡ ᠳᠤ ᠰᠠᠯᠬᠢᠨ ᠬᠦᠷᠲᠡᠯᠡ ᠠᠮᠢᠰᠬᠤᠭᠠ ᠪᠠᠨ ᠳᠠᠷᠤᠨᠠ᠃ | ᠰᠠᠨᠠᠭᠠᠨ ᠳᠤ ᠣᠷᠣᠮᠠ ᠦᠭᠡᠢ ᠣᠷᠣᠰ ᠡᠯᠴᠢ᠂ ᠰᠡᠳᠬᠢᠯ ᠳᠤ ᠪᠠᠭᠤᠮᠠ ᠦᠭᠡᠢ ᠦᠷᠭᠡᠰᠦᠲᠦ ᠦᠭᠡ ᠳᠠᠮᠵᠢᠭᠤᠯᠤᠨᠠ᠃ | -- ︽ᠣᠷᠣᠰ ᠤᠨ ᠬᠠᠷᠢᠶᠠᠲᠤ ᠪᠣᠯᠵᠤ ᠭᠠᠶᠢᠯᠢ ᠲᠠᠲᠠᠪᠤᠷᠢ ᠲᠤᠰᠢᠶᠠᠪᠠᠯ ᠰᠠᠶ᠋ᠢ ᠰᠢᠪᠧᠷᠢᠶᠠ ᠶᠢᠨ ᠲᠠᠯᠠ ᠳᠤ ᠮᠠᠯᠵᠢᠬᠤ ᠶᠢ ᠵᠦᠪᠰᠢᠶᠡᠷᠡᠨᠡ︾ ᠭᠡᠨᠡ᠃ ᠬᠠᠷᠠ | ᠰᠠᠨᠠᠭᠠᠨ ᠤ ᠬᠤᠣᠷᠲᠤ ᠬᠤᠢ ᠡᠷᠭᠢᠯᠳᠦᠨ ᠬᠤᠶᠢᠯᠠᠷᠠᠵᠤ᠂ ᠬᠠᠨ ᠲᠡᠭᠷᠢ ᠶᠢᠨ ᠨᠠᠷᠠᠨ ᠤ ᠢᠯᠴᠢ ᠶᠢ ᠬᠠᠯᠬᠠᠯᠠᠬᠤ ᠪᠠᠷ ᠰᠠᠨᠠᠭᠠᠷᠬᠠᠪᠠ᠃ | ᠠᠪᠠᠢ ᠬᠠᠲᠤᠨ ᠨᠢᠳᠦ ᠡᠷᠭᠦᠨ ᠠᠯᠤᠰ ᠢ ᠪᠠᠷᠠᠯᠠᠨ᠂ ᠳᠠᠭᠤᠨ ᠤ ᠥᠩᠭᠡ ᠶᠢ ᠴᠢᠩᠭᠠᠯᠠᠵᠤ ᠲᠥᠪ ᠣᠮᠣᠭᠯᠠᠩ ᠢᠶᠠᠷ ᠲᠡᠭᠷᠢ ᠶᠢᠨ ᠵᠠᠷᠯᠢᠭ ᠢ ᠤᠯᠠᠮᠵᠢᠯᠠᠨᠠ᠃ | -- ︽ᠪᠢᠳᠡ ᠶᠡᠷᠦ ᠠᠴᠠ ᠶᠠᠮᠠᠷᠪᠠ ᠬᠦᠮᠦᠨ ᠳᠤ ᠠᠯᠪᠠ ᠪᠠᠷᠢᠵᠤ ᠦᠵᠡᠭᠡᠳᠦᠢ᠂ ᠬᠠᠷᠢᠨ ᠴᠠᠭᠠᠨ ᠬᠠᠯᠢᠮᠠᠭ ᠠᠴᠠ ᠠᠯᠪᠠ ᠠᠪᠳᠠᠭ᠃ ᠬᠤᠵᠢᠮ | ᠬᠤᠶᠢᠰᠢ ᠳᠠᠭᠠᠨ ᠶᠠᠮᠠᠷ ᠬᠦᠮᠦᠨ ᠳᠤ ᠴᠦ ᠡᠳ᠋ ᠶᠠᠭᠤᠮᠠ ᠪᠠᠷ ᠭᠠᠶᠢᠯᠢ ᠲᠤᠰᠢᠶᠠᠬᠤ ᠦᠬᠡᠢ︾ ᠭᠡᠵᠦ ᠡᠭᠦᠯᠡ ᠦᠭᠡᠢ ᠲᠤᠩᠭᠠᠯᠠᠭ ᠡᠳᠦᠷ ᠢᠶᠠᠷ ᠭᠢᠯᠪᠠᠭᠠᠨ ᠴᠠᠬᠢᠯᠠᠨ | ᠠᠶᠤᠩᠭᠠ ᠳᠠᠭᠤᠷᠢᠰᠴᠤ ᠬᠠᠳᠠ ᠴᠢᠯᠠᠭᠤ ᠮᠡᠲᠦ ᠬᠠᠲᠠᠭᠤ ᠬᠠᠷᠢᠭᠤ ᠶᠢ ᠣᠷᠣᠰ ᠤᠨ ᠡᠯᠴᠢ ᠳᠤ ᠪᠠᠭᠤᠯᠭᠠᠪᠠ᠃ | ᠬᠤᠷᠴᠠ ᠢᠷ ᠤᠨ ᠰᠣᠮᠣ ᠰᠡᠯᠡᠮᠡ ᠬᠠᠷᠰᠢᠯᠳᠤᠭᠰᠠᠨ ᠦᠭᠡᠢ᠂ ᠬᠤᠶᠠᠷ ᠢᠮᠠᠬᠤ ᠶᠢ ᠲᠣᠷᠭᠠᠨ ᠬᠡᠯᠡᠨ ᠤ ᠬᠠᠷᠢᠭᠤ ᠲᠡᠳᠦᠢ᠃ ᠡᠨᠡ ᠬᠦ ᠬᠠᠷᠢᠭᠤ ᠦᠴᠦᠬᠡᠨ | ᠵᠠᠢ ᠵᠦᠪᠳᠡᠯᠴᠡᠭᠡ ᠠᠯᠠᠭᠠ᠂ ᠶᠠᠪᠤᠬᠤ ᠡᠯᠴᠢ ᠢᠷᠡᠭᠰᠡᠨ ᠮᠥᠷ ᠢᠶᠠᠷ ᠢᠶᠠᠨ ᠱᠣᠭᠰᠢᠪᠠ᠃ | ᠣᠨ ᠰᠠᠷᠠ ᠶᠢᠨ ᠤᠷᠤᠰᠬᠠᠯ ᠳᠤ ᠣᠶᠢᠷᠠᠳ ᠤᠨ ︽ᠲᠠᠪᠤᠨ ᠪᠠᠷᠰ︾ ᠦᠰᠦᠨ ᠪᠣᠵᠠᠭᠠᠶᠢᠷᠠᠬᠤ ᠶᠢᠨ ᠬᠠᠮᠲᠤ ᠠᠪᠠᠢ ᠬᠠᠲᠤᠨ ᠤ ᠵᠠᠰᠠᠭᠯᠠᠯ ᠳᠣᠣᠷᠠ | ᠬᠤᠱᠣᠳ ᠠᠶᠢᠮᠠᠭ ᠴᠦ ᠶᠡᠬᠡᠳᠡ ᠬᠦᠴᠦᠷᠬᠡᠭᠵᠢᠵᠡᠢ᠃ 1611 ᠣᠨ ᠳᠤ ᠠᠪᠠᠢ ᠬᠠᠲᠤᠨ ᠴᠢᠭᠤᠯᠭᠠᠨ ᠳᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢᠶᠠᠨ ᠪᠠᠶᠢᠪᠠᠭᠠᠰ ᠲᠤ ᠵᠦᠢ | ᠶᠣᠰᠣ ᠪᠠᠷ ᠰᠢᠯᠵᠢᠭᠦᠯᠦᠨ ᠥᠭᠴᠡᠢ᠃ | ᠠᠪᠠᠢ ᠬᠠᠲᠤᠨ ᠤ ᠪᠢᠯᠢᠭ ᠤᠶᠤᠨ ᠳᠤ ᠲᠠᠪᠤᠨ ᠬᠦᠪᠡᠭᠦᠳ ᠨᠢ ᠲᠠᠪᠤᠨ ᠪᠠᠷᠰ ᠪᠣᠯᠵᠤ ᠬᠦᠮᠦᠵᠢᠭᠳᠡᠪᠡ᠃ ᠮᠣᠩᠭᠤᠯ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ | ᠲᠡᠦᠬᠡᠨ ᠳᠤ ᠭᠤᠣᠯ ᠦᠢᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨ ᠨᠢ ᠶᠠᠷᠢᠶᠠᠨ ᠦᠭᠡᠢ ︽ᠭᠡᠷ ᠤᠨ ᠬᠦᠮᠦᠵᠢᠯ︾ ᠶᠤᠮ᠂ ᠭᠡᠷ ᠤᠨ ᠬᠦᠮᠦᠵᠢᠯ ᠤᠨ ᠭᠤᠣᠯ ᠪᠠᠭᠠᠲᠤᠷ ᠪᠣᠯ ︽ | ᠮᠣᠩᠭᠤᠯ ᠡᠬᠡᠴᠤᠣᠯ︾ ᠪᠢᠯᠡ︕ ᠡᠬᠡ ᠠᠴᠠ ᠬᠡᠯᠡᠵᠦ ᠶᠣᠰᠣ ᠶᠢ ᠵᠢᠭᠠᠬᠤ᠂ ᠡᠬᠡ ᠠᠴᠠ ᠬᠢᠵᠦ ᠮᠡᠷᠭᠡᠵᠢᠯ ᠢ ᠰᠤᠷᠭᠠᠬᠤ᠂ ᠪᠡᠶᠡ ᠪᠠᠷ ᠳᠦᠷᠢᠮ ᠦᠵᠡᠭᠦᠯᠵᠦ | ᠳᠠᠭᠠᠭᠤᠯᠬᠤ᠂ ᠦᠢᠯᠡ ᠪᠠᠷ ᠳᠠᠭᠤᠷᠢᠶᠠᠯ ᠪᠣᠯᠵᠤ ᠵᠢᠯᠣᠭᠤᠳᠬᠤ ᠵᠡᠷᠭᠡ ᠶᠢ ᠪᠣᠳᠠᠲᠠᠢ ᠦᠢᠯᠡᠳᠦᠯᠭᠡ ᠳᠤ ᠬᠡᠦᠬᠡᠳ ᠢᠶᠠᠨ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠳᠠᠭ ᠪᠠᠶᠢᠵᠠᠢ᠃ | ᠮᠠᠷᠺᠦ ᠫᠣᠯᠤ᠄ ︽ᠡᠬᠡᠨᠡᠷ ᠪᠦᠰᠡᠭᠦᠶᠢᠴᠤᠳ ᠤᠨ ᠴᠡᠪᠡᠷ ᠠᠷᠢᠭᠤᠨ ᠬᠢᠭᠡᠳ ᠬᠥᠳᠡᠯᠵᠦ ᠠᠭᠠᠰᠢᠯᠠᠬᠤ ᠶᠢᠨ ᠶᠣᠰᠣ ᠶᠣᠰᠣᠯᠠᠯ ᠲᠠᠢ ᠰᠠᠶᠢᠬᠠᠨ ᠠᠨᠤ ᠶᠢᠷᠲᠢᠨᠴᠦ | ᠳᠡᠭᠡᠷᠡ ᠮᠣᠩᠭᠤᠯ ᠠᠴᠠ ᠬᠡᠲᠦᠷᠡᠭᠴᠢᠳ ᠦᠬᠡᠢ︾ ᠭᠡᠰᠡᠨ ᠶᠤᠮ᠃ ᠯᠣᠪᠰᠠᠶᠢᠴᠤᠶᠢᠳᠠᠨ ᠠᠴᠠ᠄ ︽ᠮᠣᠩᠭᠤᠯ ᠤᠨ ᠡᠬᠡᠨᠡᠷ ᠦᠬᠢᠳ ᠴᠢᠨᠠᠷ ᠰᠠᠶᠢᠲᠠᠢ ᠲᠦᠷᠦᠮᠣᠢ᠂ | ᠡᠷᠲᠡᠨ ᠤ ᠶᠣᠰᠣ ᠶᠢ ᠠᠯᠳᠠᠬᠤ ᠦᠬᠡᠢ ᠪᠠᠷᠢᠵᠤ ᠶᠠᠪᠤᠬᠤ ᠴᠦᠮ ᠡᠬᠡᠨᠡᠷ ᠤᠨ ᠲᠡᠩᠬᠡᠬᠡ ᠠᠮᠤᠢ᠂ ᠬᠤᠯᠠ ᠶᠢᠨ ᠪᠣᠳᠣᠯ ᠲᠠᠢ ᠶᠡᠬᠡᠮᠰᠦᠭ ᠡᠬᠡᠨᠡᠷ ᠡᠷᠲᠡᠨ ᠠᠴᠠ ᠡᠳᠦᠭᠡ | ᠬᠦᠷᠲᠡᠯᠡ ᠣᠯᠠᠨ ᠭᠠᠷᠪᠠᠢ︾᠂ ︽ᠮᠣᠩᠭᠤᠯᠴᠤᠳ ᠤᠨ ᠭᠡᠷ ᠤᠨ ᠰᠤᠷᠭᠠᠯ ᠪᠣᠯᠪᠠᠰᠤ ᠡᠷᠲᠡᠨ ᠠᠴᠠ ᠡᠬᠡᠨᠡᠷ ᠪᠠᠷᠢᠵᠤ ᠶᠠᠪᠤᠭᠤᠯᠤᠨ ᠠᠮᠤᠢ︾ ᠭᠡᠪᠡ᠃ | ᠲᠡᠶᠢᠮᠦ ᠡ᠂ ᠠᠪᠠᠢ ᠬᠠᠲᠤᠨ ᠪᠣᠯ ᠲᠡᠳᠡᠭᠡᠷ ᠶᠣᠰᠣ ᠲᠠᠢ᠂ ᠨᠡᠷᠡ ᠲᠠᠢ᠂ ᠬᠦᠮᠦᠵᠢᠯ ᠰᠤᠷᠭᠠᠯ ᠰᠠᠶᠢᠲᠠᠢ ᠪᠦᠰᠡᠭᠦᠶᠢᠴᠤᠳ ᠤᠨ ᠳᠣᠲᠣᠷᠠᠬᠢ ᠨᠢᠭᠡᠨ ᠶᠤᠮᠰᠠᠨ᠃ | | | |