ᠨᠠ᠊· · ᠥᠯᠵᠡᠶᠢᠳᠡᠯᠭᠡᠷ | | | ᠪᠠᠭᠰᠢ ᠠ᠋᠂ ᠲᠠ ᠮᠢᠨᠢ ᠪᠤᠷᠬᠠᠨ ᠪᠢᠰᠢ ᠲᠤᠯᠠ | ᠲᠠᠨ ᠳᠠᠭᠠᠨ ᠪᠢ | ᠥᠨᠥᠴᠢᠨ ᠵᠤᠯᠠ ᠠᠰᠠᠭᠠᠵᠤ | ᠥᠷᠥᠭᠡᠰᠦᠨ ᠬᠦᠵᠢ ᠴᠦ ᠤᠡᠭᠭᠠᠰᠬᠠᠭᠠ ᠦᠭᠡᠢ | ᠭᠡᠲᠡᠯᠡ᠂ ᠪᠢ ᠲᠠᠨ ᠳᠠᠭᠠᠨ | ᠳᠠᠭᠠᠳᠬᠠᠬᠤ ᠶᠣᠰᠣᠲᠠᠢ ᠪᠠᠨ ᠳᠠᠭᠠᠳᠬᠠᠵᠤ | ᠭᠤᠶᠤᠬᠤ ᠶᠣᠰᠣᠲᠠᠢ ᠪᠠᠨ ᠭᠤᠶᠤᠭᠠᠳ ᠳᠠᠰᠴᠢᠬᠠᠭᠰᠠᠨ | ᠪᠠᠭᠰᠢ ᠠ᠋᠂ ᠲᠠ ᠮᠢᠨᠢ ᠴᠢᠳᠬᠦᠷ ᠪᠢᠰᠢ ᠲᠤᠯᠠ | ᠲᠠᠨ ᠳᠠᠭᠠᠨ ᠪᠢ ᠶᠠᠮᠠᠷ ᠴᠦ | ᠰᠡᠷᠡᠳᠡᠬᠦ ᠰᠡᠷᠭᠡᠶᠢᠯᠡᠬᠦ ᠰᠡᠳᠬᠢᠯ ᠦᠭᠡᠢ | ᠭᠡᠲᠡᠯᠡ᠂ ᠪᠢ ᠬᠠᠷᠠᠩᠭᠤᠢ ᠳᠤ ᠠᠭᠠᠯᠢᠭᠦᠶᠢᠳᠡᠬᠦ ᠳᠡᠭᠡᠨ ᠲᠠᠨ ᠠᠴᠠ ᠪᠠᠨ | ᠰᠦᠨᠡᠰᠦ ᠪᠠᠨ ᠵᠠᠪᠬᠠᠷᠠᠲᠠᠯᠠ ᠠᠶᠤᠳᠠᠭ ᠲᠤᠯᠠ | ᠳᠠᠩᠳᠠ ᠲᠠᠨ ᠤ ᠰᠤᠷᠭᠠᠯ ᠢᠶᠠᠷ ᠭᠡᠷᠡᠯ ᠲᠠᠭᠠᠵᠦ ᠶᠠᠪᠤᠳᠠᠭ ᠳ᠋ᠠ | ᠪᠠᠭᠰᠢ ᠠ᠋᠂ ᠲᠠ ᠮᠢᠨᠢ ᠮᠢᠨᠤ ᠠᠪᠤ ᠡᠵᠢ ᠪᠢᠰᠢ ᠲᠤᠯᠠ | ᠲᠠᠨ ᠳᠠᠭᠠᠨ ᠪᠢ | ᠴᠠᠯᠢᠩ ᠠᠴᠠ ᠪᠠᠨ ᠬᠤᠭᠤᠰᠤᠯᠠᠵᠤ ᠦᠭᠳᠡᠭ ᠦᠭᠡᠢ | ᠴᠠᠮᠴᠠ ᠶᠢ ᠴᠢᠨᠢ ᠤᠬᠢᠶᠠᠵᠤ ᠭᠠᠭᠴᠠ ᠴᠦ ᠤᠳᠠᠭᠠ ᠪᠠᠶᠠᠷᠯᠠᠭᠤᠯᠤᠭᠠ ᠦᠭᠡᠢ | ᠭᠡᠲᠡᠯᠡ ᠪᠢ ᠰᠡᠳᠬᠢᠯ ᠬᠤᠭᠤᠰᠤᠳᠠᠬᠤ ᠪᠦᠷᠢ ᠳᠡᠭᠡᠨ | ︽ᠠᠪᠤ ᠡᠵᠢ ᠮᠢᠨᠢ ᠰᠢᠭ ᠢᠯᠡᠭᠦᠦ ᠬᠦᠨᠳᠦᠲᠡᠢ ᠰᠢᠤ ᠲᠠ︾ ᠬᠡᠮᠡᠨ | ᠠᠷᠭᠠ ᠶᠢ ᠴᠢᠨᠢ ᠠᠯᠳᠠᠷᠠᠭᠠᠵᠤ | ᠥᠷᠥᠪᠴᠢᠬᠡᠨ ᠬᠠᠶᠢᠷᠠ ᠶᠢ ᠴᠢᠨᠢ | ᠦᠷᠡ ᠠᠴᠠ ᠴᠢᠨᠢ ᠬᠤᠪᠢᠶᠠᠵᠤ ᠠᠪᠳᠠᠭ | ᠪᠠᠭᠰᠢ ᠠ᠋᠂ ᠲᠠ ᠮᠢᠨᠢ ᠮᠢᠨᠤ ᠠᠮᠠᠷᠠᠭ ᠬᠠᠨᠢ ᠪᠢᠰᠢ ᠲᠤᠯᠠ | ᠲᠠᠨ ᠢ ᠪᠠᠨ ᠪᠢ ᠬᠡᠵᠢᠶᠡ ᠴᠦ | ᠨᠣᠶᠢᠷ ᠠᠯᠳᠠᠲᠠᠯᠠ ᠪᠠᠨ ᠰᠠᠨᠠᠵᠤ ᠪᠠᠶᠢᠭᠠ ᠦᠭᠡᠢ | ᠭᠡᠲᠡᠯᠡ ᠪᠢ ᠰᠠᠶᠢᠬᠠᠨ ᠠᠮᠠᠷᠠᠭ ᠲᠠᠭᠠᠨ ᠭᠤᠯᠣᠭᠳᠠᠬᠤ ᠠᠴᠠ ᠡᠮᠢᠶᠡᠵᠦ | ᠨᠣᠶᠢᠷ ᠬᠤᠯᠵᠢᠬᠤ ᠪᠣᠯᠭᠠᠨ ᠳᠠᠭᠠᠨ | ᠳᠠᠩᠳᠠ ᠲᠠᠨ ᠤ ᠨᠡᠷᠡ ᠳᠤ ᠥᠪᠡᠷ ᠢ ᠪᠠᠨ ᠬᠠᠮᠢᠶᠠᠳᠤᠭᠤᠯᠵᠦ | ᠲᠠᠨ ᠤ ᠳᠦᠷᠢ ᠪᠠᠷ ᠥᠪᠡᠷ ᠢ ᠪᠠᠨ ᠡᠰᠬᠡᠵᠦ ᠮᠡᠩᠳᠡᠭᠦᠷᠡᠳᠡᠭ ᠯᠡ ᠳ᠋ᠠ | ᠪᠠᠭᠰᠢ ᠠ᠋᠂ ᠲᠠ ᠮᠢᠨᠢ ᠲᠣᠯᠢ ᠪᠢᠴᠢᠭ ᠪᠢᠰᠢ ᠲᠤᠯᠠ | ᠲᠠᠨ ᠢ ᠪᠠᠨ ᠪᠢ ᠬᠡᠵᠢᠶᠡ ᠴᠦ ᠬᠠᠶᠢᠷᠠᠲᠠᠢ ᠨᠣᠮ ᠢᠶᠠᠨ ᠰᠢᠭ᠋ | ᠡᠯᠢᠭᠡᠨ ᠳᠡᠭᠡᠨ ᠲᠡᠪᠡᠷᠢᠨ ᠨᠠᠨᠳᠢᠩᠨᠠᠵᠤ ᠦᠵᠡᠭᠡ ᠦᠭᠡᠢ | ᠭᠡᠲᠡᠯᠡ ᠪᠢ ᠲᠣᠯᠢ ᠤᠷᠪᠠᠭᠤᠯᠤᠨ ᠮᠤᠬᠤᠷᠳᠠᠬᠤ ᠪᠦᠷᠢ ᠳᠡᠭᠡᠨ | ᠲᠠᠨ ᠤ ᠪᠠᠨ ᠤᠲᠠᠰᠤᠨ ᠤ ᠨᠣᠮᠧᠷ ᠢ | ᠲᠠᠷᠢᠬᠢ ᠪᠠᠷ ᠢᠶᠠᠨ ᠪᠢᠰᠢ | ᠬᠤᠷᠤᠭᠤᠨ ᠥᠨᠳᠡᠭᠡ ᠪᠠᠷ ᠢᠶᠠᠨ ᠪᠤᠳᠤᠭᠠᠳ ᠣᠯᠴᠢᠬᠠᠳᠠᠭ | ᠪᠠᠭᠰᠢ ᠠ᠋᠂ ᠪᠢ ᠲᠠᠨ ᠢ ᠪᠠᠨ | ᠡᠨᠡ ᠶᠢᠷᠲᠢᠨᠴᠦ ᠶᠢᠨ ᠬᠠᠮᠤᠭ ᠤᠨ ᠪᠦᠷᠢᠨ ᠬᠠᠮᠤᠭ ᠤᠨ ᠨᠠᠷᠢᠨ | ᠨᠡᠪᠲᠡᠷᠬᠡᠢ ᠲᠣᠯᠢ ᠭᠡᠵᠦ ᠰᠠᠨᠠᠳᠠᠭ ᠰᠢᠤ | ᠭᠡᠲᠡᠯᠡ᠂ ᠪᠢ ᠲᠠᠨ ᠢ ᠪᠠᠨ | ᠲᠣᠯᠢ ᠪᠢᠴᠢᠭ ᠪᠣᠯᠣᠭᠠᠳ ᠬᠡᠪᠲᠡᠴᠢᠬᠡᠬᠦ ᠠᠴᠠ ᠦᠬᠦᠲᠡᠯᠡ ᠠᠶᠤᠨᠠ | ᠪᠠᠭᠰᠢ ᠠ᠋᠂ ᠪᠢ ᠲᠠᠨ ᠢ ᠪᠠᠨ | ᠳᠤᠯᠠᠭᠠᠬᠠᠨ ᠪᠡᠷᠠ ᠶᠢ ᠬᠠᠷᠠᠵᠤ ᠶᠠᠪᠤᠬᠤ ᠳᠤᠷᠠᠲᠠᠢ | ᠴᠢᠨᠦ ᠳᠤᠯᠠᠭᠠᠨ ᠴᠢᠷᠠᠢ᠂ ᠲᠠᠰᠤᠯᠬᠠᠨ ᠨᠣᠮᠧᠷ ᠨᠠᠳᠠ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠥᠭᠴᠦ | ᠳᠠᠭᠤᠳᠠᠭᠠᠳ ᠰᠡᠷᠡᠳᠡᠭ ᠦᠭᠡᠢ ᠲᠣᠯᠢ ᠪᠢᠴᠢᠭ ᠨᠦᠭᠦᠳ | ᠳᠠᠩᠳᠠ ᠨᠠᠮᠠᠶᠢ ᠮᠤᠬᠤᠷᠳᠠᠯ ᠳᠤ ᠣᠷᠣᠭᠤᠯᠳᠠᠭ ᠰᠢᠤ | ᠭᠡᠲᠡᠯᠡ᠂ ᠪᠢ ᠲᠠᠨ ᠤ ᠪᠠᠨ ᠨᠠᠶᠢᠷᠠᠭᠤᠯᠤᠭᠰᠠᠨ ᠲᠣᠯᠢ ᠪᠢᠴᠢᠭ ᠢ | ᠠᠷᠭᠠ ᠦᠭᠡᠢ ᠯᠡ | ᠬᠡᠨ ᠠᠴᠠ ᠴᠦ ᠤᠷᠢᠲᠠᠵᠤ ᠵᠠᠬᠢᠶᠠᠯᠠᠨᠠ ᠠ᠋᠂ ᠪᠠᠭᠰᠢ ᠠ᠋︕ | |