| ᠬᠤᠨᠲᠣᠨ ᠪᠠᠭᠠᠲᠤᠷ | | | ᠰᠠᠯᠬᠢ ᠦᠶᠡ ᠦᠶᠡᠬᠡᠨ ᠰᠡᠷᠴᠢᠭᠢᠨᠡᠨ | ᠬᠠᠲᠠᠭᠰᠠᠨ ᠨᠠᠪᠴᠢ ᠲᠠᠷᠪᠠᠨᠠ | ᠠᠭᠤᠯᠠᠰ ᠬᠦᠷᠡᠩᠲᠦᠨᠡ | ᠬᠡᠰᠡᠭ ᠡᠭᠦᠯᠡ | ᠴᠡᠩᠬᠡᠷ ᠣᠭᠲᠠᠷᠭᠤᠢ ᠶᠢ ᠴᠢᠮᠡᠭᠯᠡᠨ | ᠭᠡᠯᠪᠡᠷᠢ ᠳᠦᠷᠰᠦ ᠪᠠᠨ ᠬᠤᠪᠢᠷᠠᠭᠤᠯᠤᠨ ᠠᠯᠢᠶᠠᠷᠬᠠᠨᠠ | | | ᠳᠡᠭᠳᠡᠭᠡᠬᠡᠢ ᠪᠠᠨ ᠳᠠᠭᠠᠭᠤᠯᠤᠭᠰᠠᠨ | ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ | ᠨᠠᠭᠤᠷ ᠲᠠᠭᠠᠨ ᠬᠤᠷᠭᠤᠳᠠᠨ | ᠰᠠᠯᠵᠤ ᠶᠠᠳᠠᠨ ᠡᠷᠭᠢᠴᠡᠵᠦ | ᠲᠠᠭᠤ ᠪᠠᠨ ᠤᠨᠠᠭᠠᠭᠰᠠᠭᠠᠷ | ᠵᠡᠯᠡᠯᠡᠨ ᠵᠡᠯᠡᠯᠡᠨ | ᠬᠥᠬᠡ ᠲᠡᠭᠷᠢ ᠳᠤ ᠠᠭᠤᠰᠤᠨᠠ | | ᠦᠷᠡᠯᠡᠵᠦ ᠬᠤᠩᠭᠤᠷᠴᠠᠭᠯᠠᠭᠰᠠᠨ ᠰᠠᠬᠤᠯᠠᠭ ᠪᠡᠯᠴᠢᠭᠡᠷ ᠲᠤ | ᠥᠨᠢᠷ ᠰᠦᠷᠦᠭ ᠭᠡᠪᠳᠡᠭᠦ ᠨᠢ ᠬᠡᠪᠲᠡᠵᠦ ᠪᠡᠯᠴᠢᠭᠦ ᠨᠢ ᠪᠡᠯᠴᠢᠨᠡ | ᠣᠭᠤᠲᠣᠨᠠ ᠵᠤᠷᠠᠮᠠ ᠭᠦᠶᠦᠭᠡ ᠴᠤᠭᠯᠠᠭᠤᠯᠤᠨ ᠶᠠᠭᠠᠷᠠᠯᠳᠤᠵᠤ | ᠣᠪᠣᠶᠢᠵᠤ ᠲᠤᠪᠤᠶᠢᠭᠠᠳ ᠪᠤᠬᠠᠯ ᠰᠢᠭ᠋ ᠬᠠᠷᠠᠭᠳᠠᠨᠠ | ᠪᠥᠭᠡᠮ ᠪᠥᠭᠡᠮ ᠬᠠᠷᠠ ᠣᠭᠤᠲᠣᠨᠠ ᠰᠢᠭ᠋ ᠪᠠᠯᠠᠷᠠᠵᠤ | ᠪᠤᠷᠭᠠᠰᠤ ᠶᠢᠨ ᠰᠢᠭᠤᠷᠭᠠ ᠭᠡᠨᠡᠳᠲᠡ ᠭᠡᠨᠡᠳᠲᠡᠬᠡᠨ | ᠨᠢᠳᠦ ᠨᠡᠭᠡᠭᠡᠯᠭᠡᠬᠦ ᠦᠭᠡᠢ ᠰᠢᠪᠬᠠᠳᠠᠨᠠ | | | ᠵᠡᠭᠡᠷᠡ ᠶᠢᠨ ᠭᠦᠶᠦᠳᠡᠯ ᠰᠢᠭ | ᠭᠢᠯᠭᠠᠨᠠ ᠶᠢᠨ ᠣᠷᠣᠢ ᠦᠶᠡᠯᠵᠡᠵᠦ | ᠵᠢᠭᠠᠷ ᠤᠨ ᠦᠨᠦᠷ ᠲᠠᠢ | ᠬᠤᠩᠭᠤᠷ ᠰᠠᠯᠬᠢ | ᠴᠡᠭᠡᠵᠢ ᠠᠭᠤᠵᠢᠷᠠᠭᠤᠯᠤᠨ | ᠥᠰᠴᠦ ᠲᠦᠷᠦᠭᠰᠡᠨ ᠡᠯᠢᠭᠡᠨ ᠨᠤᠲᠤᠭ ᠲᠤ ᠮᠢᠨᠢ | ᠥᠩᠭᠡᠲᠦ ᠪᠠᠶᠢᠭᠠᠯᠢ ᠳᠡᠯᠭᠡᠷ ᠨᠠᠮᠤᠷ ᠢ ᠢᠷᠡᠬᠦ ᠵᠢᠷᠤᠭᠯᠠᠪᠠ | | | |