| ᠨᠡᠶᠢᠰᠯᠡᠯ ᠤᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠲᠤ ᠪᠡᠭᠡᠵᠢᠩ ᠤᠨ ᠠᠨ ᠳ᠋ᠢᠩ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠳᠡᠳ᠋ ᠡᠷᠬᠢᠯᠡᠭᠴᠢ ᠡᠮᠴᠢ᠂ | ᠰᠡᠳᠬᠢᠴᠡ ᠶᠢᠨ ᠪᠠᠶᠢᠴᠠᠭᠠᠯᠲᠠ ᠶᠢᠨ ᠰᠠᠯᠠᠭᠠᠨ ᠤ ᠡᠷᠬᠢᠯᠡᠭᠴᠢ ᠮᠸᠡᠭ ᠹᠠᠨ ᠴᠢᠶᠠᠩ ᠵᠢᠭᠠᠵᠤ ᠭᠠᠷᠭᠠᠬᠤ ᠳᠠᠭᠠᠨ᠄ ᠰᠦᠨᠢ ᠲᠦᠯᠢᠬᠦ ᠨᠢᠭᠡᠨ ᠲᠦᠭᠡᠮᠡᠯ ᠲᠣᠮᠢᠶᠠᠯᠠᠯ ᠪᠣᠯ | ᠰᠠᠨᠠᠭᠠᠴᠢᠯᠠᠭᠠ ᠲᠠᠢ ᠪᠠᠷ ᠣᠷᠣᠶ ᠤᠨᠲᠠᠬᠤ ᠶᠠᠪᠤᠳᠠᠯ ᠪᠤᠯᠬᠤ ᠮᠥᠷᠲᠡᠭᠡᠨ ᠤᠨᠲᠠᠵᠦ ᠬᠠᠨᠤᠬᠰᠠᠨ ᠦᠭᠡᠢ ᠶᠤᠮ ᠰᠢᠭ᠋ ᠰᠠᠨᠠᠬᠳᠠᠵᠤ ᠪᠠᠶᠢᠳᠠᠭ᠃ ︽ᠬᠡᠷᠪᠡ ᠨᠢᠭᠡ | ᠬᠥᠮᠦᠨ ᠤᠤᠯ ᠨᠢ ᠪᠦᠷ ᠰᠦᠨᠢ ᠶᠢᠨ 11 ᠴᠠᠭ ᠲᠤ ᠤᠨᠲᠠᠳᠠᠭ ᠪᠠᠶᠢᠬᠰᠠᠨ ᠪᠤᠯ᠂ ᠤᠶᠢᠷᠡ ᠶᠢᠨ ᠨᠡᠯᠢᠶᠡᠳ ᠤᠷᠲᠤ ᠬᠤᠭᠤᠴᠠᠭᠠᠨ ᠳᠤ ᠪᠦᠷ ᠰᠦᠨᠢ ᠶᠢᠨ 1 | ᠴᠠᠭ ᠲᠤ ᠤᠨᠲᠠᠳᠠᠭ ᠪᠤᠯᠪᠠ᠂ ᠭᠡᠪᠡᠴᠦ ᠪᠣᠰᠬᠤ ᠴᠠᠭ ᠢᠶᠠᠨ ᠬᠤᠢᠰᠢᠯᠠᠭᠤᠯᠵᠤ᠂ ᠡᠳᠦᠷ ᠪᠦᠷᠢ ᠤᠨᠲᠠᠬᠤ᠂ ᠪᠣᠰᠬᠤ ᠴᠠᠭ ᠨᠢ ᠪᠦᠷ ᠵᠢᠮᠡ ᠬᠠᠤᠯᠢ ᠲᠠᠢ ᠪᠠᠶᠢᠪᠠᠯ | ᠤᠨᠲᠠᠬᠤ ᠨᠤᠶᠢᠷ ᠨᠢ ᠲᠡᠮᠡᠢ ᠬᠠᠷᠰᠢᠯᠠᠭᠳᠠᠳᠠᠭ ᠦᠭᠡᠢ᠂ ᠵᠢᠱᠢᠶᠡᠯᠡᠪᠡᠯ ᠰᠥᠨᠢ ᠳᠤᠮᠳᠠ ᠦᠷᠭᠦᠯᠵᠢ ᠰᠡᠷᠡᠳᠡᠭ ᠪᠤᠯᠪᠠᠴᠤ ᠡᠶᠢᠮᠦ ᠪᠠᠶᠢᠳᠠᠯ ᠨᠢ ᠪᠡᠶᠡ ᠳᠤᠨᠢ ᠲᠡᠶᠢᠮᠦ | ᠶᠡᠭᠡ ᠨᠥᠯᠥᠭᠡ ᠪᠤᠯᠳᠠᠭ ᠦᠭᠡᠢ︾ ᠬᠡᠪᠡ᠃ | ︽8 ᠴᠠᠭ ᠪᠣᠯ ᠰᠠᠶᠢᠨ ᠤᠨᠲᠠᠬᠤ ᠶᠢ ᠮᠠᠭᠠᠳᠯᠠᠬᠤ ᠪᠠᠷᠢᠮᠵᠢᠶᠠ ᠮᠥᠨ︾ ᠭᠡᠬᠦ ᠬᠡᠯᠡᠯᠭᠡ ᠳᠤ ᠴᠢᠭᠯᠡᠭᠦᠯᠦᠨ᠂ ᠮᠸᠡᠭ ᠹᠠᠨ ᠴᠢᠶᠠᠩ᠄ ᠬᠥᠮᠦᠨ ᠪᠣᠯᠭᠠᠨ ᠤ | ᠤᠨᠲᠠᠬᠤ ᠱᠠᠭᠠᠷᠳᠠᠯᠭᠠ ᠨᠢ ᠠᠳᠠᠯᠢ ᠥᠬᠡᠶ ᠪᠠᠶᠢᠳᠠᠭ᠃ ᠣᠯᠠᠩᠬᠢ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠳ ᠲᠤ ᠠᠪᠴᠤ ᠬᠡᠯᠡᠪᠡᠯ᠂ ᠵᠥᠪᠬᠡᠨ 7 ᠴᠠᠭ ᠣᠷᠴᠢᠮ ᠤᠨᠲᠠᠪᠠᠯ | ᠪᠣᠯᠴᠢᠬᠠᠨᠠ᠃ ᠰᠠᠶᠢᠨ ᠤᠨᠲᠠᠬᠰᠠᠨ ᠡᠰᠡᠬᠦ ᠶᠢ ᠮᠠᠭᠠᠳᠯᠠᠬᠤ ᠬᠠᠮᠤᠭ ᠤᠨ ᠭᠤᠣᠯ ᠪᠠᠷᠢᠮᠵᠢᠶᠠ ᠪᠣᠯ ᠬᠠᠰᠢᠯᠠ ᠪᠣᠰᠤᠭᠰᠠᠨ ᠤ ᠳᠠᠷᠠᠭᠠ ᠴᠤᠭ ᠵᠢᠪᠬᠤᠭᠠ ᠲᠠᠢ ᠡᠰᠡᠬᠦ᠂ | ᠲᠠᠮᠢᠷ ᠲᠡᠩᠬᠡᠭᠡ ᠨᠢ ᠰᠡᠷᠭᠦᠭᠰᠡᠨ ᠡᠰᠡᠬᠦ ᠶᠢ ᠦᠵᠡᠨᠡ᠂ ᠬᠠᠷᠢᠨ ᠵᠥᠪᠬᠡᠨ ᠴᠠᠭ ᠤᠨ ᠤᠷᠲᠤ ᠤᠬᠤᠷ ᠢ ᠦᠵᠡᠬᠦ ᠪᠢᠰᠢ ᠶᠤᠮ ᠭᠡᠵᠦ ᠬᠡᠯᠡᠪᠡ᠃ | ᠤᠨᠳᠠᠵᠦ ᠬᠠᠨᠤᠬᠰᠠᠨ ᠦᠭᠡᠢ ᠠᠴᠠ ᠪᠣᠯᠤᠭᠰᠠᠨ ᠬᠤᠤᠷ ᠬᠥᠨᠥᠭᠡᠯ ᠢ ᠴᠢᠳᠠᠬᠤ ᠶᠢᠨ ᠬᠢᠷᠢ ᠪᠠᠷ ᠪᠠᠭᠠᠰᠬᠠᠬᠤ ᠶᠢᠨ ᠲᠥᠯᠥᠭᠡ᠂ ᠵᠠᠷᠢᠮ ᠬᠥᠮᠦᠨ ᠦᠳᠡ ᠳᠤ | ᠤᠨᠲᠠᠬᠤ ᠪᠤᠶᠤ ᠭᠠᠷᠠᠭ ᠤᠨ ᠰᠡᠭᠦᠯᠴᠢ ᠳᠤ ᠤᠨᠲᠠᠬᠤ ᠶᠢ ᠰᠣᠩᠭᠤᠵᠦ ᠪᠤᠢ᠃ ᠮᠸᠡᠭ ᠹᠠᠨ ᠴᠢᠶᠠᠩ ᠡᠭᠦᠨ ᠶᠢᠨ ᠲᠤᠬᠠᠢ ᠵᠢᠭᠠᠵᠤ ᠭᠠᠷᠭᠠᠬᠤ ᠳᠠᠭᠠᠨ᠂ ᠦᠳᠡ ᠶᠢᠨ | ᠤᠨᠲᠠᠯᠭᠠ ᠨᠢ ᠶᠠᠳᠠᠷᠠᠭᠠ ᠶᠢ ᠨᠠᠮᠳᠠᠭᠤᠯᠵᠤ᠂ ᠦᠳᠡ ᠶᠢᠨ ᠬᠤᠶᠢᠨᠠᠬᠢ ᠠᠵᠢᠯ ᠤᠨ ᠦᠷᠡ ᠪᠦᠲᠦᠮᠵᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠪᠣᠯᠤᠨᠠ᠂ ᠭᠡᠪᠡᠴᠦ ᠬᠥᠮᠦᠨ ᠪᠦᠬᠦᠨ ᠳᠤ | ᠳᠣᠭᠢᠷᠠᠬᠤ ᠪᠢᠰᠢ ᠶᠤᠮ᠃ ᠨᠦᠢᠷ ᠬᠤᠯᠵᠢᠳᠠᠭ ᠡᠪᠡᠳᠴᠢᠲᠡᠨ ᠢᠶᠠᠷ ᠠᠪᠴᠤ ᠬᠡᠯᠡᠪᠡᠯ ᠣᠷᠳᠣ ᠬᠤᠭᠤᠴᠠᠭᠠ ᠪᠠᠷ ᠦᠳᠡ ᠳᠤ ᠤᠨᠲᠠᠵᠤ ᠪᠣᠯᠬᠤ ᠥᠬᠡᠶ᠂ ᠤᠨᠳᠠᠬᠤ | ᠴᠠᠭ ᠢᠶᠠᠨ ᠭᠤᠴᠢ ᠳᠥᠴᠢᠨ ᠮᠢᠨᠦ᠋ᠲ ᠲᠤ ᠬᠢᠵᠠᠭᠠᠷᠯᠠᠵᠤ᠂ ᠴᠢᠳᠠᠬᠤ ᠶᠢᠨ ᠳᠣᠲᠣᠷᠠ ᠥᠪᠡᠷ ᠢᠶᠠᠨ ᠭᠦᠨ ᠤᠨᠲᠠᠬᠤ ᠥᠬᠡᠶ ᠪᠠᠶᠢᠪᠠᠯ ᠵᠣᠬᠢᠨᠠ ᠬᠡᠪᠡ᠃ ᠭᠠᠷᠠᠭ ᠤᠨ | ᠰᠡᠭᠦᠯᠴᠢ ᠳᠤ ᠨᠦᠢᠷ ᠢᠶᠠᠨ ᠨᠥᠬᠦᠬᠦ ᠲᠤᠬᠠᠶ ᠮᠸᠡᠭ ᠹᠠᠨ ᠴᠢᠶᠠᠩ ᠰᠠᠨᠠᠭᠤᠯᠬᠤ ᠳᠠᠭᠠᠨ᠂ ᠵᠣᠬᠢᠰᠲᠠᠶ ᠪᠠᠶᠢᠯᠭᠠᠪᠠᠯ ᠵᠤᠬᠢᠨᠡ᠃ ︽ᠵᠢᠱᠢᠶᠡᠯᠡᠪᠡᠯ ᠨᠢᠭᠡ ᠬᠥᠮᠦᠨ ᠡᠳᠦᠷ | ᠪᠦᠷᠢ 7 ᠴᠠᠭ ᠲᠤ ᠪᠣᠰᠴᠤ᠂ ᠭᠠᠷᠠᠭ ᠤᠨ ᠰᠡᠭᠦᠯᠴᠢ ᠪᠤᠯᠬᠤ ᠳᠤ 8 ᠴᠠᠭ ᠲᠤ ᠪᠣᠰᠴᠤ᠂ ᠨᠢᠭᠡ ᠴᠠᠭ ᠠᠴᠠ ᠬᠤᠶᠢᠰᠢᠯᠠᠭᠤᠯᠪᠠᠯ ᠪᠤᠯᠴᠢᠬᠠᠨᠠ᠂ ᠦᠳᠡ ᠳᠤ | ᠤᠨᠲᠠᠬᠤ ᠳᠠᠭᠠᠨ ᠪᠠᠰᠠ ᠭᠤᠴᠢ ᠳᠥᠴᠢᠨ ᠮᠢᠨᠦ᠋ᠲ ᠢᠶᠠᠷ ᠬᠢᠵᠠᠭᠠᠷᠯᠠᠵᠦ᠂ ᠨᠢᠭᠡ ᠯᠡ ᠲᠡᠭᠡᠷᠡ ᠬᠠᠭᠠᠰ ᠡᠳᠦᠷ ᠢᠶᠠᠷ ᠢᠶᠠᠨ ᠤᠨᠲᠠᠵᠤ ᠪᠣᠯᠬᠤ ᠦᠭᠡᠢ᠃ ︵ᠤᠷᠲᠤ ᠴᠠᠭ | ᠢᠶᠠᠷ ᠨᠦᠢᠷ ᠨᠥᠬᠦᠬᠦ︶ ᠤᠨᠲᠠᠬᠤ ᠨᠢ ᠰᠠᠶᠢᠨ ᠬᠥᠮᠦᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠪᠣᠯᠤᠨᠠ᠂ ᠭᠡᠪᠡᠴᠦ ᠬᠡᠷᠪᠡ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠨᠦᠢᠷ ᠠᠯᠳᠠᠬᠰᠠᠨ ᠬᠥᠮᠦᠨ | ᠠᠪᠴᠤ ᠬᠡᠯᠡᠪᠡᠯ᠂ ᠢᠩᠭᠢᠵᠦ ᠨᠦᠢᠷ ᠨᠥᠬᠦᠬᠦ ᠨᠢ ᠭᠡᠳᠡᠷᠭᠦ ᠪᠠᠨ ᠲᠡᠭᠦᠨ ᠤ ᠳᠠᠷᠠᠭᠠ ᠨᠢᠭᠡ ᠭᠠᠷᠠᠭ ᠤᠨ ᠤᠨᠲᠠᠬᠤ ᠪᠠᠶᠢᠳᠠᠯ ᠳᠤ ᠬᠤᠪᠢᠷᠠᠯᠲᠠ ᠭᠠᠷᠭᠠᠬᠤ ᠪᠤᠯᠤᠨᠠ︾ | ᠬᠡᠪᠡ᠃ |