| ᠬᠠᠳᠠᠬᠦᠦ | | ᠴᠥᠬᠡᠨ ᠴᠤ ᠭᠡᠰᠡᠨ ᠮᠠᠯ ᠲᠠᠢ ᠪᠠᠨ ᠪᠠᠶᠢᠬᠤ ᠰᠠᠶᠢᠬᠠᠨ | ᠴᠦᠬᠦᠷᠡᠵᠦ ᠬᠠᠶᠠ ᠵᠥᠳᠡᠷᠡᠯᠡ ᠴᠤ ᠭᠡᠰᠡᠨ | ᠴᠠᠳᠬᠤᠯᠠᠩ ᠴᠣᠪᠣᠭᠤ ᠮᠠᠯ ᠢᠶᠠᠨ ᠬᠠᠷᠠᠬᠤ ᠪᠠᠷ | ᠴᠠᠭ ᠤᠨ ᠶᠠᠳᠠᠷᠠᠭᠠ ᠲᠠᠶᠢᠯᠤᠭᠳᠠᠵᠤ ᠠᠷᠢᠯᠳᠠᠭ ᠰᠠᠨ | ᠡᠷᠭᠢᠬᠦ ᠳᠥᠷᠪᠡᠨ ᠤᠯᠠᠷᠢᠯ ᠳᠤ | ᠡᠵᠡᠨ ᠮᠠᠯ ᠬᠤᠶᠠᠷ ᠰᠠᠯᠳᠠᠭ ᠦᠭᠡᠢ ᠶᠤᠮ | ᠡᠯᠡᠭᠡᠬᠦ ᠣᠨ ᠵᠢᠯ ᠢ | ᠡᠨᠡᠭᠰᠢᠵᠦ ᠬᠠᠮᠲᠤ ᠳᠤ ᠪᠠᠨ ᠲᠤᠭᠤᠯᠳᠠᠭ ᠶᠤᠮ | ᠡᠪᠦᠭᠡᠳ ᠡᠮᠡᠭᠡᠳ ᠤᠨ ᠦᠶᠡ ᠠᠴᠠ | ᠡᠨᠡ ᠯᠡ ᠮᠠᠯ ᠲᠠᠢ ᠪᠠᠨ ᠠᠮᠢ ᠪᠠᠨ ᠬᠤᠯᠪᠣᠭᠰᠠᠨ ᠶᠤᠮ | ᠦᠭᠰᠦᠵᠦ ᠤᠷᠤᠭᠤᠳᠠᠵᠤ ᠪᠦᠬᠦᠨ ᠢ ᠦᠵᠡᠭᠰᠡᠨ ᠶᠤᠮ | ᠦᠬᠦᠵᠦ ᠰᠡᠬᠡᠬᠦ ᠪᠠᠨ ᠬᠠᠮᠲᠤᠳᠬᠠᠵᠤ ᠪᠠᠶᠢᠭᠰᠠᠨ ᠶᠤᠮ | ᠮᠠᠯ ᠤᠨ ᠬᠡᠰᠢᠭ ᠪᠤᠶᠠᠨ ᠭᠡᠳᠡᠭ | ᠮᠠᠯᠵᠢᠭᠰᠠᠨ ᠪᠦᠬᠦᠨ ᠳᠤ ᠵᠠᠶᠠᠭᠠᠳᠠᠭ ᠦᠭᠡᠢ ᠶᠤᠮ | ᠬᠥᠳᠡᠯᠮᠦᠷᠢ ᠰᠡᠳᠬᠢᠯ ᠨᠢᠭᠡᠳᠦᠮᠡᠨᠵᠢᠨ | ᠬᠦᠮᠦᠨ ᠮᠠᠯ ᠬᠤᠶᠠᠷ ᠠᠭᠤᠰᠤᠯᠴᠠᠮᠠᠨᠵᠢᠨ | ᠬᠠᠯᠭᠤᠨ ᠳᠤ ᠬᠠᠯᠠᠵᠤ | ᠬᠦᠢᠲᠡᠨ ᠳᠤ ᠬᠦᠷᠴᠦ | ᠬᠠᠮᠤᠭ ᠪᠦᠬᠦᠨ ᠢᠶᠠᠨ ᠵᠣᠷᠢᠭᠤᠯᠤᠮᠠᠨᠵᠢᠨ | ᠬᠠᠷᠢᠭᠤ ᠳᠡᠮ ᠨᠢ ᠪᠣᠯᠵᠤ | ᠬᠠᠷᠢᠭᠤᠯᠠᠭᠰᠠᠨ ᠡᠵᠡᠨ ᠳᠤ ᠪᠠᠨ ᠢᠷᠡᠳᠡᠭ ᠶᠤᠮ | ᠬᠡᠰᠢᠭ ᠪᠤᠶᠠᠨ ᠬᠤᠪᠢᠯᠵᠤ | ᠬᠤᠷᠮᠤᠰᠳᠠ ᠲᠡᠭᠷᠢ ᠠᠴᠠ ᠢᠪᠡᠭᠡᠳᠡᠭ ᠶᠤᠮ | ᠮᠠᠯ ᠤᠨ ᠢᠶᠠᠨ ᠳᠡᠷᠭᠡᠳᠡ ᠪᠠᠶᠢᠬᠤ ᠳᠤ | ᠮᠠᠯᠴᠢᠨ ᠬᠦᠮᠦᠨ ᠭᠠᠴᠢᠭᠳᠠᠬᠤ ᠪᠠᠷ ᠦᠭᠡᠢ | ᠨᠦᠮᠦᠷᠢ ᠳᠤᠯᠠᠭᠠᠨ ᠡᠪᠦᠷ ᠲᠤ ᠨᠢ | ᠨᠥᠮᠵᠥᠭ ᠬᠠᠩᠭᠠᠯᠤᠭᠤᠨ ᠶᠠᠪᠤᠳᠠᠭ ᠶᠤᠮ | ᠨᠡᠮᠡᠷᠢ ᠬᠡᠰᠢᠭ ᠢ ᠨᠢ ᠬᠦᠷᠲᠡᠯᠴᠡᠨ | ᠨᠡᠯᠡᠶᠢᠵᠦ ᠵᠢᠷᠭᠠᠵᠤ ᠪᠠᠶᠢᠳᠠᠭ ᠶᠤᠮ | ᠡᠶᠢᠮᠦ ᠠᠴᠠ ᠮᠠᠯ ᠭᠡᠳᠡᠭ | ᠮᠠᠯᠴᠢᠨ ᠬᠦᠮᠦᠨ ᠤ ᠠᠮᠢ ᠨᠢ ᠶᠤᠮ | ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠤᠨ ᠭᠤᠣᠯ ᠨᠢ ᠶᠤᠮ | ᠮᠣᠩᠭᠤᠯ ᠨᠤᠲᠤᠭ ᠤᠨ ᠴᠢᠮᠡᠭ ᠨᠢ ᠶᠤᠮ ᠡ︕ | ᠮᠠᠯ ᠤᠨ ᠮᠢᠨᠢ ᠬᠡᠰᠢᠭ | ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ | ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ︕ |