| ᠡᠮᠡᠭᠳᠡᠶᠢᠴᠦᠳ ᠤᠨ ᠡᠮᠦᠰᠬᠦ ᠮᠠᠯᠠᠭᠠᠢ ᠴᠢᠬᠢᠪᠴᠢ ᠳᠤ ᠡᠷᠡᠭᠳᠡᠶᠢᠴᠦᠳ ᠤᠨ ᠡᠮᠦᠰᠬᠦ ᠮᠠᠯᠠᠭᠠᠢ ᠳᠤ ᠪᠠᠶᠢᠳᠠᠭ ᠦᠭᠡᠢ ᠶᠤᠰᠤ ᠭᠤᠷᠢᠮ ᠴᠡᠭᠡᠷ ᠬᠤᠷᠢᠭᠠ ᠠᠴᠠ | ᠭᠠᠳᠠᠨᠠ ᠬᠡᠤᠬᠡᠨ ᠬᠦᠮᠦᠨ ᠪᠠ ᠡᠬᠡᠨᠡᠷ ᠬᠦᠮᠦᠨ ᠤ ᠮᠠᠯᠠᠭᠠᠢ ᠬᠡᠯᠪᠡᠷᠢ ᠶᠠᠩᠵᠦ ᠬᠡᠭᠡᠨᠴᠢᠷ ᠭᠤᠶᠤ ᠶᠢᠨ ᠬᠤᠪᠢ ᠳᠤ ᠲᠤᠳᠤᠷᠬᠠᠢ ᠢᠯᠭᠠᠭᠠ ᠲᠠᠢ᠃ ᠬᠡᠤᠬᠡᠨ ᠬᠦᠮᠦᠨ | ᠤᠯᠠᠩᠭᠢ ᠳᠠᠭᠠᠨ ᠮᠠᠯᠠᠭᠠᠢ ᠡᠮᠦᠰᠳᠡᠭ ᠵᠠᠩᠰᠢᠯ ᠦᠭᠡᠢ᠃ ᠭᠡᠪᠡᠴᠦ ᠵᠠᠷᠢᠮ ᠬᠤᠰᠢᠭᠤ ᠨᠤᠲᠤᠭ ᠤᠨ ᠬᠡᠤᠬᠡᠨᠴᠦᠳ ᠡᠪᠦᠯ ᠤᠯᠠᠭᠠᠨ ᠰᠠᠮᠫᠠᠨ ᠤᠷᠤᠢ ᠲᠠᠢ᠂ ᠤᠯᠠᠭᠠᠨ | ᠨᠤᠭᠤᠭᠠᠨ ᠬᠤᠷᠭᠤᠢ ᠪᠠᠷ ᠴᠢᠮᠡᠭᠰᠡᠨ ᠢᠰᠡᠭᠡᠢ ᠲᠤᠭᠤᠷᠴᠤᠭ ᠡᠮᠦᠰᠴᠦ᠂ ᠵᠤᠨ ᠬᠤᠷᠭᠤᠢ ᠲᠤᠷᠭᠠᠨ ᠲᠤᠭᠤᠷᠴᠤᠭ ᠪᠤᠶᠤ ᠶᠠᠤᠳᠠᠨ ᠮᠠᠯᠠᠭᠠᠢ ᠡᠮᠦᠰᠳᠡᠭ ᠵᠠᠩᠰᠢᠯ ᠲᠠᠢ | ᠃ ᠬᠡᠤᠬᠡᠨ ᠬᠦᠮᠦᠨ ᠡᠪᠦᠯ ᠤᠨ ᠬᠦᠢᠲᠡᠨ ᠳᠤ ᠪᠠᠷᠤᠭ ᠬᠦᠦ ᠬᠦᠮᠦᠨ ᠰᠢᠭ ᠬᠤᠪᠴᠠᠯᠠᠨ ᠬᠦᠳᠡᠯᠮᠦᠷᠢ ᠠᠵᠢᠯ ᠳᠤ ᠭᠠᠪᠰᠢᠭᠠᠶᠢᠯᠠᠨ ᠤᠷᠤᠯᠴᠠᠳᠠᠭ᠃ ᠬᠡᠤᠬᠡᠨ | ᠬᠦᠮᠦᠨ ᠬᠠᠷᠢ ᠳᠤ ᠮᠤᠷᠳᠠᠨ ᠬᠠᠳᠠᠮ ᠤᠨ ᠭᠠᠵᠠᠷ ᠬᠦᠷᠴᠦ᠂ ᠬᠦᠷᠭᠡᠨ ᠳᠤ ᠤᠴᠢᠨ ᠬᠦᠮᠦᠨ ᠤ ᠪᠡᠷᠢ ᠪᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠴᠡᠴᠡᠭ ᠨᠠᠪᠴᠢ ᠶᠢᠨ | ᠬᠠᠳᠬᠤᠮᠠᠯ ᠲᠠᠢ᠂ ᠬᠤᠷᠭᠤᠢ ᠵᠠᠰᠠᠷ ᠢᠶᠠᠷ ᠬᠦᠪᠡᠭᠡᠯᠡᠵᠦ ᠴᠢᠮᠡᠭᠰᠡᠨ ᠤᠯᠠᠭᠠᠨ ᠰᠠᠮᠫᠠᠨ ᠵᠠᠯᠠᠭᠠ ᠲᠠᠢ ᠲᠤᠭᠤᠢ ᠮᠠᠯᠠᠭᠠᠢ ᠡᠮᠦᠰᠬᠦ ᠪᠤᠶᠤ ᠴᠡᠴᠡᠭ ᠨᠠᠪᠴᠢ ᠶᠢᠨ | ᠬᠠᠳᠬᠤᠮᠠᠯ ᠲᠠᠢ ᠴᠢᠬᠢᠪᠴᠢ ᠵᠡᠭᠦᠭᠦ ᠶᠤᠰᠤ ᠲᠠᠢ᠃ ᠡᠭᠦᠨ ᠳᠤ ᠲᠤᠯᠤᠭᠠᠢ ᠳᠠᠭᠠᠨ ᠰᠠᠯᠠᠭᠠ ᠭᠡᠵᠢᠭᠡ ᠶᠢᠨ ᠵᠠᠰᠠᠯ ᠲᠠᠢ ᠪᠤᠯ ᠳᠤᠭᠤᠢ ᠮᠠᠯᠠᠭᠠᠢ ᠡᠮᠦᠰᠴᠦ᠂ ᠱᠠᠩᠬᠤ | ᠵᠠᠰᠠᠯ ᠲᠠᠢ ᠪᠤᠯ ᠴᠢᠬᠢᠪᠴᠢ ᠵᠡᠭᠦᠳᠡᠭ᠃ ᠴᠢᠬᠢᠪᠴᠢ ᠶᠢ ᠬᠦᠳᠡᠭᠡ ᠭᠠᠳᠠᠭᠠ ᠬᠦᠢᠲᠡᠨ ᠳᠤ ᠴᠢᠬᠢ ᠪᠠᠨ ᠳᠤᠯᠠᠭᠠᠯᠠᠬᠤ ᠭᠡᠵᠦ ᠵᠡᠭᠦᠭᠦ ᠠᠴᠠ ᠪᠢᠰᠢ ᠭᠡᠷ ᠲᠤ ᠵᠡᠭᠦᠳᠡᠭ | ᠦᠭᠡᠢ᠂ ᠡᠶᠢᠮᠦ ᠠᠴᠠ ᠭᠡᠷ ᠲᠤ ᠤᠷᠤᠮᠠᠭᠴᠠ ᠴᠢᠬᠢᠪᠴᠢ ᠪᠠᠨ ᠠᠪᠳᠠᠭ ᠶᠤᠰᠤ ᠲᠠᠢ᠃ ᠲᠤᠭᠤᠢ ᠮᠠᠯᠠᠭᠠᠢ ᠪᠤᠯ ᠡᠬᠡᠨᠡᠷ ᠬᠦᠮᠦᠨ ᠤ ᠲᠦᠷᠦ ᠶᠢᠨ ᠳᠦᠷᠪᠡᠨ | ᠡᠳ᠋ᠯᠡᠯ ᠤᠨ ᠨᠢᠭᠡ ᠪᠤᠯᠬᠤᠷ ᠪᠠᠶᠠᠷ ᠶᠤᠰᠤᠯᠠᠯ ᠤᠨ ᠲᠠᠯᠠᠪᠤᠷ ᠲᠤ᠂ ᠠᠪᠤ ᠡᠵᠢ ᠠᠬᠠᠰ ᠵᠠᠬᠠᠰ ᠤᠨ ᠳᠡᠷᠭᠡᠲᠡ ᠵᠠᠪᠠᠯ ᠡᠮᠦᠰᠳᠡᠭ ᠶᠤᠰᠤ ᠲᠠᠢ᠃ ᠬᠡᠵᠢᠶᠡ ᠵᠤᠴᠢᠨ | ᠮᠤᠷᠳᠠᠵᠤ᠂ ᠠᠪᠤ ᠡᠵᠢ ᠶᠢᠨ ᠭᠡᠷ ᠠᠴᠠ ᠤᠬᠤᠷᠢᠨ ᠭᠠᠷᠴᠤ ᠠᠰ ᠤᠨ ᠭᠡᠷ ᠲᠡᠭᠡᠨ ᠤᠷᠤᠪᠠᠯ ᠰᠠᠶ᠋ᠢ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠪᠤᠯᠳᠠᠭ᠃ ᠮᠠᠯᠠᠭᠠᠢ ᠴᠢᠬᠢᠪᠴᠢ ᠶᠢ | ᠦᠨᠳᠦᠷ ᠲᠤ ᠡᠯᠭᠦᠬᠦ ᠪᠤᠶᠤ ᠲᠤᠰᠬᠠᠢ ᠬᠠᠶᠢᠷᠴᠠᠭ ᠲᠤ ᠬᠢᠵᠦ ᠲᠠᠯᠪᠢᠳᠠᠭ᠃ ᠳᠤᠷᠠ ᠲᠠᠪᠠ ᠪᠠᠷ ᠢᠶᠠᠨ ᠠᠳᠡ ᠲᠡᠨᠳᠡ ᠬᠠᠶᠠᠯᠠᠵᠤ ᠪᠤᠯᠳᠠᠭ ᠦᠭᠡᠢ᠂ ᠢᠯᠠᠩᠭᠤᠶᠠ | ᠦᠮᠦᠳᠦ ᠭᠤᠲᠤᠯ ᠲᠠᠢ ᠤᠶᠢᠷᠠᠲᠤᠭᠤᠯᠬᠤ ᠶᠢ ᠴᠢᠩᠭᠠ ᠴᠡᠭᠡᠷᠯᠡᠳᠡᠭ᠃ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠵᠡᠭᠦᠪᠡᠯ ᠰᠠᠮᠫᠠᠨ ᠵᠠᠯᠠᠭᠠ ᠪᠦᠴᠡ ᠲᠠᠢ ᠲᠤᠭᠤᠢ ᠮᠠᠯᠠᠭᠠᠢ ᠡᠮᠦᠰᠳᠡᠭ | ᠶᠤᠰᠤ ᠲᠠᠢ᠃ ᠱᠠᠩᠬᠤ ᠵᠠᠰᠠᠯ ᠳᠤ ᠮᠠᠯᠠᠭᠠᠢ ᠡᠮᠦᠰᠳᠡᠭ ᠦᠭᠡᠢ᠃ |