| ᠮᠠᠨᠳᠣᠭᠤᠯᠢ ᠬᠠᠭᠠᠨ ᠪᠣᠯᠣᠨ ᠪᠠᠶᠠᠨᠮᠦ᠋ᠩᠬᠡ ᠵᠣᠨᠣᠩ ᠨᠠᠷ ᠣᠶᠢᠷᠠ ᠣᠶᠢᠷᠠᠬᠠᠨ ᠨᠠᠰᠣ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠮᠣᠩᠭᠤᠯ ᠤᠨ ᠬᠠᠭᠠᠨ ᠰᠢᠷᠡᠭᠡᠨ ᠳᠤ ᠠᠯᠳᠠᠨ | ᠣᠷᠤᠭ ᠤᠨ ᠬᠢᠨ ᠠᠴᠠ ᠵᠠᠯᠠᠷᠠᠬᠤ ᠭᠠᠭᠴᠠ ᠬᠦᠮᠦᠨ ᠪᠣᠯ ᠪᠠᠶᠠᠨᠮᠦ᠋ᠩᠬᠡ ᠵᠣᠨᠣᠩ ᠤᠨ ᠦᠨᠦᠴᠢᠨ ᠬᠤᠴᠣᠷᠣᠭᠰᠠᠨ ᠬᠦᠦ ᠪᠠᠳᠣᠮᠦ᠋ᠩᠬᠡ ᠪᠠᠶᠢᠯᠠ᠃ ᠡᠨᠡ ᠦᠶᠡ ᠳᠤ | ᠪᠣᠯᠣᠭᠰᠠᠨ ᠬᠠᠭᠠᠨ ᠰᠢᠷᠡᠭᠡᠨ ᠤ ᠲᠦᠯᠦᠭᠡ ᠬᠢᠮᠣᠷᠠᠯ ᠲᠡᠮᠡᠴᠡᠯ ᠤᠨ ᠵᠠᠪᠰᠠᠷ ᠢᠶᠠᠷ ᠮᠠᠨᠳᠣᠭᠤᠯᠢ ᠬᠠᠭᠠᠨ ᠤ ᠪᠡᠯᠪᠡᠰᠦᠨ ᠬᠠᠳᠣᠨ ᠮᠠᠨᠳᠣᠬᠠᠢ᠂ ᠬᠠᠭᠠᠨ ᠤ ᠲᠦᠷᠦ ᠳᠤ | ᠵᠢᠳᠬᠦᠵᠦ ᠶᠠᠪᠣᠭᠰᠠᠨ ᠲᠦᠰᠢᠮᠡᠳ ᠤᠨ ᠳᠡᠮᠵᠢᠯᠬᠡ ᠪᠠᠷ᠂ ᠣᠷᠳᠣᠰ ᠲᠤ ᠪᠠᠶᠢᠭᠠ ᠨᠠᠢᠮᠠᠨ ᠴᠠᠭᠠᠨ ᠭᠡᠷ ᠤᠨ ᠡᠮᠦᠨᠡ ᠪᠠᠳᠣᠮᠦ᠋ᠩᠬᠡ ᠶᠢ ᠶᠡᠭᠡ ᠬᠠᠭᠠᠨ ᠤ ᠰᠠᠭᠤᠷᠢᠨ | ᠳᠤ ᠵᠠᠯᠠᠬᠤ ᠶᠣᠰᠣᠯᠠᠯ ᠢ ᠦᠢᠯᠡᠳᠴᠦ᠄ ︽ᠠᠮᠢ ᠨᠢ ᠪᠠᠳᠣ᠂ ᠲᠦᠷᠦ ᠨᠢ ᠮᠦᠩᠬᠡ᠂ ᠶᠠᠪᠣᠳᠠᠯ ᠶᠣᠰᠣ ᠨᠢ ᠰᠠᠶᠢᠨ ᠳᠠᠶᠠᠩ ᠪᠦᠬᠦᠳᠡ ᠶᠢᠨ ᠡᠵᠡᠨ ᠪᠣᠯᠳᠣᠭᠠᠢ︾ | ᠭᠡᠮᠡᠨ ᠳᠠᠶᠠᠩ ᠬᠠᠭᠠᠨ ᠴᠣᠯᠠ ᠶᠢ ᠡᠷᠭᠦᠵᠡᠢ᠃ ᠡᠶᠢᠨᠬᠦ ᠮᠠᠨᠳᠣᠬᠠᠢ ᠰᠡᠴᠡᠨ ᠬᠠᠳᠣᠨ ᠮᠣᠩᠭᠤᠯ ᠤᠨ ᠲᠦᠷᠦ᠂ ᠮᠣᠩᠭᠤᠯ ᠣᠯᠣᠰ ᠤᠨ ᠳᠣᠰᠠᠭᠠᠷ ᠳᠣᠭᠳᠠᠨᠢᠯ ᠤᠨ | ᠲᠦᠯᠦᠭᠡ ᠠᠮᠢ ᠪᠡᠶᠡ ᠦᠯᠦ ᠬᠠᠶᠢᠷᠠᠯᠠᠨ᠂ ᠪᠢᠴᠢᠬᠠᠨ ᠬᠦᠦ ᠪᠠᠳᠣᠮᠦ᠋ᠩᠬᠡ ᠶᠢ ᠬᠠᠭᠠᠨ ᠰᠢᠷᠡᠭᠡᠨ ᠳᠤ ᠡᠷᠭᠦᠮᠵᠢᠯᠡᠨ᠂ ᠰᠠᠯᠣᠨ ᠳᠣᠰᠠᠭᠠᠷᠯᠠᠭᠰᠠᠨ ᠣᠯᠠᠨ ᠣᠪᠣᠭ | ᠠᠶᠢᠮᠠᠭ ᠢ ᠲᠦᠷᠦ ᠶᠢᠨ ᠨᠢᠭᠡ ᠵᠢᠯᠣᠭᠤᠨ ᠳᠤ ᠣᠷᠣᠭᠤᠯᠬᠤ ᠶᠢᠨ ᠲᠦᠯᠦᠬᠡ ᠲᠡᠮᠡᠴᠡᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡᠬᠦ ᠲᠡᠮᠡᠴᠡᠯ ᠤᠨ ᠭᠤᠣᠯ ᠵᠣᠷᠢᠯᠭᠠ ᠨᠢ | ᠮᠣᠩᠭᠤᠯ ᠤᠨ ᠲᠦᠷᠦ ᠶᠢ ᠠᠯᠳᠠᠨ ᠣᠷᠤᠭ ᠤᠨ ᠬᠢᠨ ᠤ ᠮᠡᠳᠡᠯ ᠳᠤ ᠪᠠᠶᠢᠯᠭᠠᠵᠦ᠂ ᠣᠯᠣᠰ ᠤᠨ ᠨᠢᠭᠡᠳᠦᠮᠡᠯ ᠪᠠᠶᠢᠳᠠᠯ ᠢ ᠬᠠᠩᠭᠠᠬᠤ᠂ ᠡᠭᠦᠨ ᠤ ᠳᠣᠯᠠᠳᠠ ᠶᠠᠭᠤᠨ ᠤ | ᠡᠮᠦᠨᠡ ᠪᠠᠷᠠᠭᠤᠨ ᠵᠡᠬᠦᠨ ᠮᠣᠩᠭᠤᠯ ᠢ ᠳᠠᠬᠢᠨ ᠨᠢᠭᠡᠳᠬᠡᠬᠦ ᠳᠤ ᠣᠷᠣᠰᠢᠵᠦ ᠪᠠᠶᠢᠪᠠ᠃ ᠮᠣᠩᠭᠤᠯ ᠤᠨ ᠬᠠᠭᠠᠨᠳᠣ ᠲᠦᠷᠦ ᠶᠢᠨ ᠬᠦᠴᠦ ᠴᠢᠳᠠᠯ ᠰᠣᠯᠠᠷᠠᠭᠰᠠᠨ ᠲᠡᠷᠡ | ᠦᠶᠡ ᠳᠤ ᠣᠶᠢᠷᠠᠳ ᠤᠨ ᠳᠠᠶᠢᠵᠢ ᠨᠠᠷ ᠤᠨ ᠨᠦᠯᠦᠭᠡ ᠢᠳᠡᠪᠬᠢᠵᠢᠵᠦ᠂ ᠪᠠᠷᠠᠭᠤᠨ ᠵᠡᠬᠦᠨ ᠮᠣᠩᠭᠤᠯ ᠤᠨ ᠬᠤᠭᠤᠷᠣᠨᠳᠣ ᠦᠷᠬᠦᠯᠵᠢ ᠶᠢᠨ ᠳᠠᠶᠢᠨ ᠰᠠᠮᠠᠭᠤᠨ ᠲᠠᠢ | ᠪᠠᠶᠢᠵᠠᠢ᠃ | ᠪᠡᠯᠡᠳᠬᠡᠯ ᠢᠶᠠᠨ ᠰᠠᠶᠢᠳᠣᠷ ᠪᠠᠵᠠᠭᠠᠭᠰᠠᠨ ᠤ ᠡᠴᠣᠰ ᠲᠤ ᠶᠡᠭᠡ ᠬᠠᠭᠠᠨ ᠤ ᠴᠡᠷᠢᠭ ᠲᠦᠷᠪᠡᠨ ᠣᠶᠢᠷᠠᠳ ᠤᠨ ᠨᠣᠳᠤᠭ ᠣᠷᠣᠭᠤ ᠬᠡᠰᠢᠭᠳᠡᠨ ᠤ ᠠᠯᠠᠶᠢᠳᠣᠩ | ᠢᠶᠠᠷ ᠭᠠᠵᠠᠷᠴᠢᠯᠠᠭᠤᠯᠣᠨ ᠶᠠᠪᠣᠵᠦ᠂ ᠳᠡᠰ ᠪᠦᠷᠢᠳᠦ ᠬᠡᠮᠡᠬᠦ ᠭᠠᠵᠠᠷ ᠲᠤ ᠰᠢᠢᠳᠪᠦᠷᠢᠯᠡᠬᠦ ᠳᠣᠯᠣᠯᠳᠣᠭᠠᠨ ᠬᠢᠵᠦ᠂ ᠳᠡᠳᠡᠨ ᠢ ᠳᠠᠭᠠᠷᠠ ᠣᠷᠣᠭᠤᠯᠣᠭᠰᠠᠨ ᠪᠠᠶᠢᠨᠠ᠃ | ᠳᠡᠳᠡ ᠣᠶᠢᠷᠠᠳ ᠢ ᠡᠵᠡᠯᠡᠭᠰᠡᠨ ᠤ ᠳᠠᠷᠠᠭᠠ ᠦᠪᠡᠷ ᠤᠨ ᠢᠶᠠᠨ ᠡᠷᠬᠡᠰᠢᠶᠡᠯ ᠳᠤ ᠪᠠᠶᠢᠯᠭᠠᠬᠤ ᠶᠢᠨ ᠳᠣᠯᠠᠳᠠ ᠳᠣᠰᠬᠠᠢ ᠬᠠᠥᠯᠢ ᠭᠠᠷᠭᠠᠨ ᠮᠦᠷᠳᠡᠭᠦᠯᠵᠡᠢ᠃ ᠲᠡᠷᠡ | ᠴᠠᠭᠠᠵᠠ ᠳᠤ ︽ᠭᠡᠷ ᠢᠶᠠᠨ ᠣᠷᠳᠣ ᠬᠡᠵᠦ ᠪᠣᠣ ᠬᠡᠯᠡ ᠦᠷᠬᠦᠬᠡ ᠬᠡᠵᠦ ᠬᠡᠯᠡ᠂ ᠵᠠᠪᠢᠯᠠᠵᠦ ᠪᠣᠣ ᠰᠠᠭᠤ ᠰᠦᠬᠦᠷᠡᠵᠦ ᠰᠠᠭᠤ᠂ ᠮᠢᠬᠠ ᠶᠢ ᠬᠢᠳᠤᠭᠠ ᠪᠠᠷ ᠪᠣᠣ ᠢᠳᠡ | ᠠᠮᠠ ᠪᠠᠷ ᠬᠠᠵᠠᠵᠦ ᠢᠳᠡ᠂ ᠠᠶᠢᠷᠠᠭ ᠢ ᠴᠡᠭᠡ ᠬᠡᠵᠦ ᠬᠡᠯᠡ︾ ᠭᠡᠵᠦ ᠳᠣᠷᠠᠳᠬᠤ ᠳᠤ᠂ ᠣᠶᠢᠷᠠᠳ ᠤᠳ ᠮᠢᠬᠠ ᠶᠢ ᠬᠢᠳᠤᠭᠠ ᠪᠠᠷ ᠢᠳᠡᠬᠦ ᠶᠢ ᠭᠤᠶᠣᠭᠰᠠᠨ ᠠᠵᠢ᠃ | ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ ᠡᠶᠢᠨᠬᠦ ᠲᠦᠷᠪᠡᠨ ᠣᠶᠢᠷᠠᠳ ᠢ ᠲᠦᠪᠰᠢᠳᠬᠡᠬᠡᠳ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠲᠦᠮᠡᠳ ᠤᠨ ᠬᠤᠱᠣᠢ᠂ ᠢᠰᠮᠠᠯ ᠳᠠᠶᠢᠵᠢ ᠵᠡᠷᠬᠡ | ᠳᠠᠶᠢᠰᠣᠨ ᠨᠤᠭᠤᠳ ᠢᠶᠠᠨ ᠳᠠᠷᠣᠵᠠᠢ᠃ ᠢᠰᠮᠠᠯ ᠳᠠᠶᠢᠵᠢ ᠣᠷᠢᠳᠣ ᠨᠢ ᠪᠠᠶᠠᠨᠮᠦ᠋ᠩᠬᠡ ᠵᠣᠨᠣᠩ ᠢ ᠠᠯᠠᠭᠠᠳ᠂ ᠪᠠᠳᠣᠮᠦ᠋ᠩᠬᠡ ᠶᠢᠨ ᠡᠬᠡ ᠰᠢᠬᠡᠷ ᠳᠠᠶᠢᠬᠡᠦ ᠶᠢ | ᠣᠯᠵᠠᠯᠠᠨ ᠪᠣᠴᠠᠭᠰᠠᠨ ᠪᠠᠶᠢᠪᠠ᠃ ᠡᠶᠢᠮᠦ ᠳᠤ ᠲᠡᠭᠦᠨ ᠣᠷᠣᠭᠤ ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ ᠶᠡᠭᠡ ᠴᠡᠷᠢᠭ ᠤᠨ ᠬᠦᠴᠦ ᠢᠯᠡᠬᠡᠬᠦ ᠳᠤ᠂ ᠢᠰᠮᠠᠯ ᠤᠨ ᠭᠡᠷ ᠤᠨ | ᠵᠠᠷᠣᠴᠠ ᠴᠡᠷᠢᠭ ᠤᠳ ᠤᠨ ᠮᠣᠷᠢᠨ ᠲᠦᠪᠡᠷᠭᠡᠨ ᠢ ᠰᠣᠨᠣᠰᠴᠣ᠂ ᠰᠠᠶᠢᠨ ᠬᠠᠯᠳᠠᠷ ᠮᠣᠷᠢ ᠶᠢ ᠲᠡᠬᠦᠨ ᠳᠤ ᠣᠨᠣᠭᠤᠯᠣᠨ ᠵᠢᠭᠤᠳᠠᠭᠠᠯᠭᠠᠵᠠᠢ᠃ ᠭᠡᠪᠡᠴᠦ ᠲᠡᠬᠦᠨ ᠢ | ᠬᠠᠭᠠᠨ ᠤ ᠴᠡᠷᠢᠭ ᠤᠨ ᠲᠡᠷᠢᠬᠦᠨ ᠳᠣᠭᠤᠭᠠᠴᠢ ᠰᠢᠬᠦᠰᠦ ᠬᠠᠷᠪᠣᠵᠦ ᠠᠯᠠᠭᠰᠠᠨ ᠢᠶᠠᠷ ᠪᠠᠳᠣᠮᠦ᠋ᠩᠬᠡ ᠬᠠᠭᠠᠨ ᠡᠴᠢᠬᠡ ᠶᠢᠨ ᠢᠶᠠᠨ ᠦᠰᠢᠶᠡ ᠶᠢ ᠠᠪᠣᠭᠰᠠᠨ ᠪᠠᠶᠢᠨᠠ᠃ | ᠡᠬᠦᠨ ᠤ ᠳᠠᠷᠠᠭᠠ ᠪᠠᠳᠣᠮᠦ᠋ᠩᠬᠡ ᠬᠠᠭᠠᠨ ᠣᠶᠢᠭᠤᠳ ᠤᠨ ᠪᠡᠭᠡᠷᠰᠡᠨ ᠳᠠᠶᠢᠵᠢ ᠶᠢ ᠬᠢᠯᠴᠠᠷ ᠤᠨ ᠲᠦᠬᠦᠮ ᠬᠡᠳᠡᠭ ᠭᠠᠵᠠᠷ ᠳᠡᠶᠢᠯᠡᠨ ᠶᠡᠬᠡᠳᠡ ᠴᠣᠬᠢᠵᠠᠢ᠃ | ᠡᠶᠢᠨᠬᠦ ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ ᠪᠣᠯᠣᠨ ᠮᠠᠨᠳᠣᠬᠠᠢ ᠰᠡᠴᠡᠨ ᠬᠠᠳᠣᠨ ᠨᠠᠷ ᠨᠡᠶᠢᠳᠡ ᠮᠣᠩᠭᠤᠯ ᠤᠨ ᠲᠦᠷᠦ ᠶᠢ ᠨᠢᠭᠡᠳᠭᠡᠭᠰᠡᠨ ᠤ ᠳᠠᠷᠠᠭᠠ ᠬᠡᠷᠦᠯᠦᠨ | ᠮᠦᠷᠡᠨ ᠤ ᠬᠦᠪᠡᠭᠡᠨ ᠳᠤ 1505 ᠣᠨ ᠳᠤ ᠶᠡᠭᠡ ᠨᠠᠶᠢᠷ ᠬᠢᠵᠦ᠂ ᠡᠬᠦᠨ ᠳᠡᠭᠡᠷᠡ ᠮᠠᠨᠳᠣᠬᠠᠢ ᠰᠡᠴᠡᠨ ᠬᠠᠳᠣᠨ ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ ᠪᠣᠯᠣᠨ ᠣᠯᠠᠨ | ᠲᠦᠰᠢᠮᠡᠳ ᠲᠤ ᠲᠦᠷᠦ ᠣᠯᠣᠰ ᠢᠶᠠᠨ ᠵᠠᠰᠠᠬᠤ ᠳᠠᠷᠬᠠᠨ ᠡᠷᠬᠡ ᠶᠢ ᠳᠣᠰᠢᠶᠠᠨ ᠦᠭᠴᠦ᠂ ᠦᠪᠡᠷ ᠢᠶᠠᠨ ᠲᠦᠷᠦ ᠶᠢᠨ ᠬᠡᠷᠡᠭ ᠲᠤ ᠣᠷᠣᠯᠴᠠᠬᠤ ᠦᠬᠡᠢ ᠬᠡᠳᠡᠭ | ᠢᠶᠠᠨ ᠵᠠᠷᠯᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠦᠶᠡ ᠬᠦᠷᠳᠡᠯᠡ ᠮᠠᠨᠳᠣᠬᠠᠢ ᠰᠡᠴᠡᠨ ᠬᠠᠳᠣᠨ ᠲᠦᠷᠦ ᠶᠢᠨ ᠬᠡᠷᠡᠭ ᠲᠤ ᠭᠤᠣᠯᠯᠠᠬᠤ ᠡᠭᠦᠷᠭᠡ ᠶᠢ ᠬᠦᠢᠴᠡᠳᠬᠡᠨ ᠪᠠᠯᠴᠢᠷ ᠬᠠᠭᠠᠨ | ᠢ ᠵᠢᠭᠠᠨ ᠴᠢᠭᠯᠡᠬᠦᠯᠵᠦ ᠪᠠᠶᠢᠵᠠᠢ᠃ | ᠡᠭᠦᠨ ᠤ ᠳᠠᠷᠠᠭᠠ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠳᠤ ᠵᠣᠨᠣᠩ ᠪᠣᠯᠭᠠᠨ ᠶᠠᠪᠣᠭᠤᠯᠣᠭᠰᠠᠨ ᠣᠯᠣᠰᠪᠣᠯᠣᠳ ᠬᠦᠦ ᠶᠢ ᠨᠢ ᠶᠦᠩᠰᠢᠶᠡᠪᠤ ᠶᠢᠨ ᠢᠪᠡᠷᠡᠢ ᠳᠠᠶᠢᠵᠢ᠂ | ᠣᠷᠳᠣᠰ ᠤᠨ ᠮᠠᠨᠳᠣᠭᠤᠯᠢ ᠠᠬᠠᠯᠠᠬᠤᠢ ᠬᠤᠶᠠᠷ ︽ᠪᠢᠳᠡ ᠳᠡᠭᠡᠷᠡ ᠪᠠᠨ ᠨᠣᠶᠠᠨ ᠠᠪᠬᠤ ᠶᠢᠨ ᠬᠡᠷᠡᠭ ᠶᠠᠭᠤᠨ᠂ ᠦᠪᠡᠷ ᠤᠨ ᠲᠡᠷᠢᠬᠦᠨ ᠢᠶᠠᠨ ᠦᠪᠡᠷᠰᠡᠳ ᠢᠶᠠᠨ | ᠮᠡᠳᠡᠵᠦ ᠠᠪᠣᠶᠠ︾ ᠭᠡᠮᠡᠨ ᠬᠤᠣᠪᠢᠯᠳᠣᠭᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠦ᠂ ᠰᠢᠪᠠᠭᠤᠴᠢᠨ ᠤ ᠪᠣᠯᠵᠣᠮᠣᠷ ᠬᠡᠭᠴᠢ ᠶᠢ ᠬᠠᠳᠬᠤᠨ᠂ ᠣᠯᠣᠰᠪᠣᠯᠣᠳ ᠬᠦᠦ ᠶᠢ ᠨᠢ | ᠠᠯᠠᠭᠤᠯᠪᠠ᠃ ᠡᠶᠢᠨᠬᠦ ᠬᠠᠨ ᠬᠦᠦ ᠠᠯᠠᠭᠤᠯᠣᠭᠰᠠᠨ ᠨᠢ ᠡᠨᠡ ᠦᠶᠡ ᠳᠤ ᠮᠣᠩᠭᠤᠯ ᠤᠨ ᠨᠡᠶᠢᠬᠡᠮ ᠪᠦᠷᠢᠨ ᠴᠡᠭᠴᠡᠷᠡᠵᠦ᠂ ᠨᠢᠬᠡᠨ ᠬᠠᠭᠠᠨ ᠤ ᠵᠠᠬᠢᠷᠭᠠᠨ ᠳᠤ ᠣᠷᠣᠵᠦ | ᠴᠢᠳᠠᠭᠠ ᠦᠬᠡᠢ ᠶᠢᠨ ᠲᠡᠭᠡᠷᠡ ᠣᠭᠰᠠᠭᠠ ᠭᠠᠷᠪᠠᠯᠢ ᠪᠠᠷ ᠢᠶᠠᠨ ᠨᠢᠬᠡᠳᠦᠭᠰᠡᠨ ᠠᠶᠢᠮᠠᠭ ᠤᠨ ᠬᠠᠨ᠂ ᠢᠵᠠᠭᠤᠷᠳᠠᠨ ᠨᠤᠭᠤᠳ ᠦᠪᠡᠷ ᠲᠡᠭᠡᠨ ᠴᠡᠷᠢᠭ ᠤᠨ ᠬᠦᠴᠦ | ᠲᠠᠢ ᠪᠠᠶᠢᠭᠰᠠᠨ ᠤ ᠢᠯᠡᠷᠡᠯ ᠪᠠᠶᠢᠪᠠ᠃ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠳᠤ ᠭᠠᠷᠣᠭᠰᠠᠨ ᠪᠣᠰᠣᠯᠭᠠ ᠶᠢ ᠳᠠᠷᠣᠭᠤᠯᠬᠤ ᠪᠠᠷ ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ ᠴᠡᠷᠢᠭ ᠤᠨ | ᠬᠦᠴᠦ ᠢᠯᠡᠭᠡᠭᠰᠡᠨ ᠪᠣᠯᠪᠠᠴᠣ ᠡᠬᠢᠨ ᠤ ᠣᠳᠠᠭᠠ ᠳᠤ ᠠᠮᠵᠢᠯᠳᠠ ᠦᠬᠡᠢ ᠪᠠᠶᠢᠯᠳᠣᠵᠦ ᠣᠬᠤᠷᠢᠵᠠᠢ᠃ ᠬᠡᠪᠡᠴᠦ ᠬᠠᠭᠠᠨ ᠪᠡᠯᠡᠳᠬᠡᠯ ᠢᠶᠠᠨ ᠰᠠᠶᠢᠳᠣᠷ ᠪᠠᠵᠠᠭᠠᠭᠰᠠᠨ ᠤ | ᠡᠴᠦᠰ ᠲᠤ 1508 ᠣᠨ ᠳᠤ ᠳᠠᠯᠠᠨ ᠲᠡᠷᠢᠬᠦᠨ ᠬᠡᠮᠡᠬᠦ ᠭᠠᠵᠠᠷ ᠲᠤ ᠰᠢᠢᠳᠪᠦᠷᠢᠯᠡᠬᠦ ᠳᠣᠯᠣᠯᠳᠣᠭᠠᠨ ᠢ ᠬᠢᠭᠰᠡᠨ ᠪᠦᠭᠡᠳ ᠡᠨᠡ ᠪᠠᠶᠢᠯᠳᠣᠭᠠᠨ ᠳᠤ ᠳᠠᠶᠠᠩ ᠬᠠᠭᠠᠨ | ᠤ ᠳᠠᠯᠠ ᠳᠤ ᠬᠤᠷᠴᠢᠨ᠂ ᠠᠪᠠᠭᠠ᠂ ᠠᠷᠪᠠᠨ ᠬᠤᠶᠠᠷ ᠲᠦᠮᠡᠳ᠂ ᠠᠷᠪᠠᠨ ᠬᠤᠶᠠᠷ ᠣᠳᠤᠭ ᠬᠠᠯᠬᠠ᠂ ᠶᠦᠩᠰᠢᠶᠡᠪᠤ ᠶᠢᠨ ᠨᠠᠢᠮᠠᠨ ᠣᠳᠤᠭ᠂ ᠴᠠᠬᠠᠷ ᠤᠨ ᠴᠡᠷᠢᠭ | ᠣᠷᠣᠯᠴᠠᠵᠠᠢ᠃ ᠪᠠᠶᠢᠯᠳᠣᠭᠠᠨ ᠤ ᠳᠣᠮᠳᠠᠭᠤᠷ ᠰᠠᠶᠢᠨ ᠠᠯᠠᠭ ᠪᠠᠭᠠᠳᠣᠷ ᠦᠨᠡᠨᠴᠢ ᠪᠠᠭᠠᠳᠣᠷ ᠡᠷᠡᠰ ᠢᠶᠠᠨ ᠳᠠᠭᠠᠭᠤᠯᠵᠦ᠂ ᠶᠡᠭᠡ ᠴᠡᠷᠢᠭ ᠤᠨ ᠪᠠᠶᠢᠯᠳᠣᠭᠠᠨ ᠪᠣᠯᠵᠦ | ᠪᠣᠢ ᠪᠠᠶᠢᠷᠢᠨ ᠤ ᠭᠠᠳᠠᠭᠤᠷ ᠨᠢ ᠳᠣᠭᠤᠷᠢᠨ ᠭᠠᠷᠣᠭᠠᠳ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠤ ᠴᠡᠷᠢᠭ ᠤᠨ ᠠᠷᠣ ᠠᠴᠠ ᠴᠦᠮᠦᠷᠡᠨ ᠣᠷᠣᠪᠠ᠃ ᠲᠡᠬᠦᠨ ᠤ ᠱᠠᠯᠠᠮᠠᠭᠠᠢ | ᠴᠡᠷᠢᠭ ᠶᠠᠭᠤᠨ ᠤ ᠲᠦᠷᠦᠬᠦᠨ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠤ ᠴᠡᠷᠢᠭ ᠤᠨ ᠳᠤᠭ ᠢ ᠪᠣᠯᠢᠶᠠᠨ ᠠᠪᠬᠤ ᠶᠢ ᠣᠷᠣᠯᠳᠣᠭᠰᠠᠨ ᠪᠦᠭᠡᠳ ᠡᠨᠡ ᠦᠶᠡ ᠳᠤ ᠣᠷᠳᠣᠰ ᠤᠨ | ᠴᠡᠷᠢᠭ ᠤᠨ ᠳᠣᠭᠴᠢ ᠮᠦᠩᠬᠡᠬᠦᠦ ᠭᠡᠭᠴᠢ ᠰᠦᠯᠳᠡ ᠪᠠᠨ ᠠᠪᠣᠨ ︽ᠬᠠᠭᠠᠨ ᠡᠵᠡᠨ ᠤ ᠬᠠᠷᠠ ᠰᠦᠯᠳᠡ ᠬᠠᠭᠠᠨ ᠦᠷᠡ ᠳᠤ ᠢᠷᠡᠪᠡ︾ ᠬᠡᠮᠡᠨ ᠳᠡᠳᠡᠨ ᠢ ᠳᠠᠭᠠᠵᠦ | ᠢᠷᠡᠪᠡ᠃ ᠰᠠᠶᠢᠨ ᠠᠯᠠᠭ ᠡᠬᠦᠨ ᠢ ᠴᠢᠳᠠᠮᠠᠭᠠᠢ ᠠᠰᠢᠭᠯᠠᠨ ᠰᠦᠯᠳᠡᠨ ᠤ ᠳᠡᠷᠭᠡᠳᠡ ᠢᠷᠡᠭᠰᠡᠨ ᠪᠠᠷᠠᠭᠤᠨ ᠲᠦᠮᠡᠨ ᠤ ᠴᠡᠷᠢᠭ ᠤᠳ ᠤᠨ ᠶᠡᠬᠡᠩᠬᠢ ᠶᠢ ᠣᠰᠠᠳᠬᠠᠵᠠᠢ᠃ | ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠤ ᠴᠡᠷᠢᠭ ᠤᠳ ᠢ ᠣᠳᠣᠷᠢᠳᠴᠣ ᠶᠠᠪᠣᠭᠰᠠᠨ ᠣᠷᠳᠣᠰ ᠤᠨ ᠮᠠᠨᠳᠣᠭᠤᠯᠢ ᠠᠬᠠᠯᠠᠬᠤᠢ ᠢᠯᠠᠭᠳᠠᠨ ᠵᠢᠭᠤᠳᠠᠭᠠᠬᠤ ᠳᠤ᠂ ᠪᠠᠳᠣᠮᠦ᠋ᠩᠬᠡ | ᠳᠠᠶᠠᠩ ᠬᠠᠭᠠᠨ ᠤ ᠴᠡᠷᠢᠭ ᠤᠳ ᠲᠡᠬᠦᠨ ᠢ ᠮᠦᠷᠳᠡᠨ ᠬᠦᠬᠡᠬᠡᠭᠰᠡᠬᠡᠷ᠂ ᠬᠦᠬᠡ ᠨᠠᠭᠤᠷ ᠤᠨ ᠴᠠᠶᠢᠳᠠᠮ ᠬᠡᠮᠡᠬᠦ ᠭᠠᠵᠠᠷ ᠲᠤ ᠰᠦᠨᠦᠬᠡᠪᠡ᠃ ᠪᠠᠷᠠᠭᠤᠨ ᠲᠦᠮᠡᠨ ᠲᠠᠢ | ᠪᠠᠶᠢᠯᠳᠣᠭᠰᠠᠨ ᠡᠨᠡ ᠪᠠᠶᠢᠯᠳᠣᠭᠠᠨ ᠳᠤ ᠳᠠᠶᠠᠩ ᠬᠠᠭᠠᠨ ᠣᠶᠢᠷᠠᠳ ᠤᠨ ᠰᠢᠬᠦᠰᠢᠳᠡᠢ ᠪᠠᠭᠠᠳᠣᠷ ᠲᠠᠢ ᠵᠦᠪᠯᠡᠯᠳᠦᠨ᠂ ᠳᠡᠳᠡᠨ ᠤ ᠨᠣᠮᠣᠨ ᠲᠦᠯᠬᠢᠬᠦᠷ ᠤᠨ ᠡᠰᠡᠷᠬᠦ | ᠵᠢᠷᠠᠨ ᠨᠢᠬᠡᠨ ᠪᠣᠬᠠ ᠰᠡᠵᠢᠬᠦᠷ ᠬᠡᠮᠡᠬᠦ ᠴᠡᠷᠢᠭ ᠤᠨ ᠪᠠᠶᠢᠷᠢᠯᠠᠯ ᠢ ᠠᠮᠵᠢᠯᠳᠠ ᠲᠠᠢ ᠪᠠᠷ ᠠᠰᠢᠭᠯᠠᠭᠰᠠᠨ ᠪᠠᠶᠢᠨᠠ᠃ ᠨᠣᠮᠣᠨ ᠲᠦᠯᠬᠢᠭᠦᠷ ᠬᠡᠳᠡᠭ ᠨᠢ ᠨᠣᠮᠣᠨ ᠬᠡᠯᠪᠡᠷᠢ | ᠲᠠᠢ ᠵᠢᠭᠰᠠᠭᠠᠯ ᠢᠶᠠᠷ ᠳᠠᠶᠢᠰᠣᠨ ᠢ ᠬᠦᠴᠦ ᠪᠠᠷ ᠠᠭᠠᠭᠯᠠᠵᠦ ᠲᠦᠯᠬᠢᠬᠦ᠂ ᠲᠦᠷᠢᠬᠦ ᠰᠢᠬᠠᠬᠤ ᠬᠡᠳᠡᠭ ᠠᠴᠠ ᠡᠬᠦᠰᠦᠯ ᠲᠠᠢ ᠪᠦᠭᠡᠳ ᠡᠴᠦᠰ ᠤᠨ ᠵᠣᠷᠢᠯᠭᠠ ᠨᠢ | ᠡᠰᠡᠷᠬᠦ ᠡᠳᠡᠭᠡᠳ ᠢᠶᠠᠨ ᠪᠦᠰᠡᠯᠡᠵᠦ᠂ ᠣᠰᠠᠳᠬᠠᠬᠤ ᠳᠤ ᠣᠷᠣᠰᠢᠵᠦ ᠪᠠᠶᠢᠪᠠ᠃ ᠵᠢᠷᠠᠨ ᠨᠢᠬᠡᠨ ᠪᠣᠬᠠ ᠰᠡᠵᠢᠬᠦᠷ ᠬᠡᠳᠡᠭ ᠨᠢ ᠡᠨᠡ ᠰᠣᠮᠣ ᠬᠡᠯᠪᠡᠷᠢ ᠲᠠᠢ ᠵᠢᠭᠰᠠᠭᠠᠯ | ᠤᠨ ᠡᠰᠡᠷᠬᠦ ᠲᠡᠭᠦᠨ ᠢ ᠳᠣᠳᠣᠷᠠ ᠠᠴᠠ ᠭᠠᠳᠠᠭᠰᠢ ᠨᠢ ᠪᠣᠬᠠ ᠶᠢᠨ ᠰᠡᠵᠢᠬᠦᠷ ᠮᠡᠳᠦ ᠰᠡᠳᠡᠯᠦᠨ ᠭᠠᠷᠴᠣ᠂ ᠪᠠᠶᠢᠯᠳᠣᠭᠠᠨ ᠤ ᠵᠢᠷᠣᠮ ᠢ ᠨᠢ ᠠᠯᠳᠠᠭᠳᠠᠭᠤᠯᠬᠤ ᠠᠷᠭᠠ | ᠪᠠᠶᠢᠵᠠᠢ᠃ | ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ ᠮᠣᠩᠭᠤᠯ ᠤᠨ ᠠᠯᠪᠠᠨ ᠶᠣᠰᠣᠨ ᠤ ᠬᠠᠭᠠᠨ ᠪᠣᠯᠵᠦ ᠠᠯᠪᠠᠳᠣ ᠪᠠᠨ ᠬᠤᠷᠢᠶᠠᠵᠦ ᠨᠢᠭᠡᠳᠭᠡᠭᠰᠡᠨ ᠤ ᠳᠠᠷᠠᠭᠠ ᠮᠢᠩ ᠣᠯᠣᠰ | ᠡᠷᠳᠡᠨ ᠤ ᠬᠠᠭᠠᠳ ᠤᠨ ᠣᠯᠠᠮᠵᠢᠯᠠᠯᠳᠣ ᠪᠣᠳᠣᠯᠭᠠ ᠪᠠᠨ ᠪᠠᠷᠢᠮᠳᠠᠯᠠᠨ ᠣᠷᠢᠶᠠᠩᠬᠠᠢ ᠲᠦᠮᠡᠨ ᠤ ᠮᠣᠩᠭᠤᠯᠴᠣᠳ ᠢ ᠬᠠᠭᠠᠨ ᠤ ᠡᠰᠡᠷᠬᠦ ᠳᠣᠷᠬᠢᠷᠠᠬᠤ ᠪᠣᠯᠪᠠ᠃ ᠡᠶᠢᠮᠦ | ᠠᠴᠠ ᠬᠠᠭᠠᠨ ᠣᠷᠢᠶᠠᠩᠬᠠᠢ ᠣᠷᠣᠭᠤ ᠳᠠᠶᠢᠯᠠᠷᠠ ᠮᠣᠷᠳᠠᠬᠤ ᠶᠢᠨ ᠡᠮᠦᠨᠡ ᠬᠦᠦ ᠪᠠᠷᠰᠪᠣᠯᠣᠳ ᠲᠤ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠠᠴᠠ ᠴᠡᠷᠢᠭ ᠭᠠᠷᠭᠠᠬᠤ ᠶᠢ ᠵᠠᠷᠯᠢᠭ | ᠪᠣᠯᠭᠠᠭᠠᠳ᠂ ᠦᠪᠡᠷ ᠢᠶᠠᠨ ᠵᠡᠬᠦᠨ ᠲᠦᠮᠡᠨ ᠠᠴᠠ ᠬᠠᠯᠬᠠ ᠴᠠᠬᠠᠷ ᠬᠤᠶᠠᠷ ᠲᠦᠮᠡᠨ ᠤ ᠴᠡᠷᠢᠭ ᠢ ᠠᠪᠣᠨ ᠮᠣᠷᠳᠠᠭᠰᠠᠨ ᠪᠠᠶᠢᠨᠠ᠃ ᠡᠶᠢᠨᠬᠦ ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ | ᠬᠠᠭᠠᠨ ᠣᠷᠢᠶᠠᠩᠬᠠᠢ ᠶᠢᠨ ᠴᠡᠷᠢᠭ ᠲᠠᠢ ᠵᠣᠷᠭᠤᠯ ᠤᠨ ᠵᠣ ᠭᠡᠳᠡᠭ ᠭᠠᠵᠠᠷ ᠳᠣᠯᠭᠠᠷᠠᠨ ᠪᠠᠶᠢᠯᠳᠣᠪᠠ᠃ ᠵᠣᠷᠭᠤᠯ ᠤᠨ ᠵᠣ ᠳᠡᠭᠡᠷᠡ ᠪᠠᠶᠢᠯᠳᠣᠬᠤ ᠶᠢᠨ ᠡᠮᠦᠨᠡ ᠬᠠᠯᠬᠠ | ᠵᠠᠷᠣᠳ ᠤᠨ ᠪᠠᠰᠠᠩ ᠳᠠᠪᠣᠨᠠᠩ᠂ ᠴᠠᠬᠠᠷ ᠰᠠᠶᠢᠨ ᠴᠡᠭᠡᠵᠢ ᠶᠢᠨ ᠬᠦᠪᠡᠬᠦᠨ ᠡᠩᠬᠡᠪᠡᠢ ᠬᠦᠨᠳᠡᠯᠡᠨ᠂ ᠪᠠᠷᠠᠭᠤᠨ ᠲᠦᠮᠡᠨ ᠠᠴᠠ ᠣᠷᠳᠣᠰ ᠬᠠᠷᠠᠬᠠᠳᠠᠨ ᠤ ᠠᠯᠴᠣᠳᠠᠢ | ᠠᠬᠠᠯᠠᠬᠤᠢ ᠨᠠᠷ ᠢ ᠢᠷᠡᠭᠦᠯ ᠳᠤ ᠪᠠᠶᠢᠯᠳᠣᠭᠤᠯᠵᠠᠢ᠃ 15 — 16 ᠳ᠋ᠣᠭᠠᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠮᠣᠩᠭᠤᠯ ᠴᠡᠷᠢᠭ ᠤᠨ ᠪᠠᠶᠢᠯᠳᠣᠭᠠᠨ ᠳᠤ ᠨᠡᠪᠳᠡᠷᠡᠭᠰᠡᠨ ᠨᠢᠬᠡ | ᠰᠣᠳᠣᠨ ᠵᠦᠢᠯ ᠪᠣᠯ ︽ᠢᠷᠡᠭᠦᠯ ᠴᠡᠷᠢᠭ ᠤᠨ ᠳᠣᠯᠣᠯᠳᠣᠭᠠᠨ︾ ᠪᠠᠶᠢᠪᠠ᠃ ᠪᠠᠶᠢᠯᠳᠣᠭᠴᠢ ᠬᠤᠶᠠᠷ ᠳᠠᠯᠠ ᠪᠠᠶᠢᠷᠢ ᠵᠢᠭᠰᠠᠭᠠᠯ ᠢᠶᠠᠨ ᠪᠡᠯᠡᠳᠬᠡᠵᠦ᠂ ᠳᠣᠯᠣᠯᠳᠣᠬᠤ | ᠳᠤ ᠪᠡᠯᠡᠨ ᠪᠣᠯᠣᠭᠰᠠᠨ ᠤ ᠳᠠᠷᠠᠭᠠ ᠬᠠᠷᠢᠯᠴᠠᠨ ᠳᠣᠬᠢᠷᠠᠯᠴᠠᠭᠰᠠᠨ ᠤ ᠳᠠᠭᠠᠦ ᠢᠷᠡᠭᠦᠯ ᠴᠡᠷᠢᠭ ᠤᠨ ᠳᠣᠯᠣᠯᠳᠣᠭᠠᠨ ᠬᠢᠳᠡᠭ᠃ ᠡᠨᠡ ᠳᠣᠯᠣᠯᠳᠣᠭᠠᠨ ᠤ ᠭᠤᠣᠯ | ᠵᠣᠷᠢᠯᠭᠠ ᠨᠢ ᠢᠷᠡᠭᠦᠯ ᠳᠤ ᠭᠠᠷᠣᠭᠰᠠᠨ ᠪᠠᠭᠠᠳᠣᠷ ᠡᠷᠡ ᠴᠡᠷᠢᠭ ᠤᠨ ᠰᠦᠷ ᠬᠦᠴᠦ ᠪᠠᠷ ᠡᠰᠡᠷᠬᠦ ᠳᠠᠯᠠ ᠶᠢᠨ ᠢᠶᠠᠨ ᠴᠡᠷᠢᠭ ᠤᠳ ᠤᠨ ᠵᠣᠷᠢᠭ ᠰᠦᠰᠦ ᠶᠢ | ᠮᠣᠬᠤᠭᠠᠬᠤ ᠳᠤ ᠣᠷᠣᠰᠢᠵᠦ ᠪᠠᠶᠢᠵᠠᠢ᠃ ᠠᠳᠡ ᠳᠣᠯᠣᠯᠳᠣᠬᠤ ᠪᠠᠭᠠᠳᠣᠷ ᠤᠳ ᠤᠨ ᠳᠤᠭᠠ ᠭᠤᠣᠯ ᠲᠦᠯᠦᠪ ᠬᠤᠶᠠᠷ ᠪᠠᠶᠢᠬᠤ ᠪᠦᠭᠡᠳ ᠬᠠᠮᠤᠭ ᠤᠨ ᠰᠢᠯᠢᠳᠡᠭ | ᠪᠠᠭᠠᠳᠣᠷ ᠤᠳ ᠢ ᠭᠠᠷᠭᠠᠳᠠᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠡᠶᠢᠨᠬᠦ ᠡᠨᠡ ᠣᠳᠠᠭᠠ ᠶᠢᠨ ᠪᠠᠶᠢᠯᠳᠣᠭᠠᠨ ᠳᠤ ᠣᠷᠢᠶᠠᠩᠬᠠᠢ ᠶᠢᠨ ᠴᠡᠷᠢᠭ ᠢ ᠪᠣᠳᠠ ᠴᠣᠬᠢᠵᠦ᠂ ᠳᠡᠳᠡᠨ ᠤ | ᠲᠦᠮᠡᠨ ᠨᠡᠷᠡ ᠶᠢ ᠨᠢ ᠪᠣᠯᠢᠭᠤᠯᠣᠨ ᠦᠯᠡᠳᠡᠭᠰᠡᠨ ᠳᠠᠪᠣᠨ ᠲᠦᠮᠡᠨ ᠳᠤ ᠵᠢᠱᠢᠭᠰᠡᠨ ᠪᠠᠶᠢᠨᠠ᠃ | ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ 1488 ᠤᠨ ᠳᠤ ᠮᠢᠩ ᠣᠯᠣᠰ ᠲᠤ ᠡᠯᠴᠢ ᠢᠯᠡᠬᠡᠵᠦ ᠬᠠᠭᠠᠨ ᠰᠢᠷᠡᠭᠡᠨ ᠳᠤ ᠰᠠᠭᠤᠭᠰᠠᠨ ᠢᠶᠠᠨ ᠮᠡᠳᠡᠭᠳᠡᠨ ᠨᠠᠶᠢᠷᠠᠮᠳᠠᠯᠳᠣ | ᠬᠠᠷᠢᠯᠴᠠᠭᠠ ᠪᠠᠶᠢᠭᠤᠯᠬᠤ ᠬᠦᠰᠡᠯ ᠲᠠᠢ ᠪᠠᠶᠢᠭᠠ ᠪᠠᠨ ᠮᠡᠳᠡᠭᠳᠡᠭᠰᠡᠨ ᠪᠣᠯᠪᠠᠴᠣ᠂ ᠮᠢᠩ ᠣᠯᠣᠰ ᠠᠴᠠ ᠨᠠᠭᠠᠰᠢ ᠲᠠᠢ ᠬᠠᠷᠢᠭᠤ ᠦᠭᠴᠦ ᠨᠠᠶᠢᠷᠠᠮᠳᠠᠬᠤ ᠶᠢ ᠬᠦᠰᠡᠭᠰᠡᠨ | ᠦᠬᠡᠢ ᠪᠠᠷ ᠦᠯᠦ ᠪᠠᠷᠠᠮ ᠳᠠᠯᠳᠠᠭᠤᠷ ᠶᠠᠪᠣᠭᠤᠯᠭᠠ ᠬᠢᠵᠦ᠂ ᠮᠣᠩᠭᠤᠯᠴᠣᠳ ᠢ ᠳᠠᠬᠢᠨ ᠳᠣᠳᠣᠷᠠ ᠠᠴᠠ ᠨᠢ ᠪᠣᠳᠠᠷᠠᠭᠠᠨ ᠪᠣᠰᠠᠨᠢᠭᠤᠯᠬᠤ ᠶᠢ ᠡᠷᠡᠮᠡᠯᠵᠡᠬᠦ ᠪᠣᠯᠪᠠ᠃ | ᠡᠶᠢᠮᠦ ᠳᠤ ᠳᠠᠶᠠᠩ ᠬᠠᠭᠠᠨ 1500 ᠣᠨ ᠳᠤ ᠮᠢᠩ ᠣᠯᠣᠰ ᠣᠷᠣᠭᠤ ᠶᠡᠭᠡ ᠴᠡᠷᠢᠭ ᠤᠨ ᠬᠦᠴᠦ ᠪᠠᠷ ᠣᠣᠯᠭᠠᠯᠠᠬᠤ ᠳᠠᠭᠠᠨ ᠳ᠋ᠠᠲ᠋ᠦ᠋ᠩ᠂ ᠶᠠᠨ ᠡᠾᠧ᠂ ᠲᠢᠶᠠᠨ | ᠴᠧᠩ᠂ ᠮᠠ ᠪᠠ ᠵᠡᠷᠭᠡ ᠭᠠᠵᠠᠷ ᠤᠳ ᠢ ᠳᠣᠪᠳᠣᠯᠣᠨ ᠰᠦᠢᠳᠬᠡᠭᠰᠡᠨ ᠪᠠᠶᠢᠨᠠ᠃ ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ 1505 ᠣᠨ ᠳᠤ ᠰᠢᠣᠸᠠᠨᠹᠦ᠋ ᠶᠢᠨ ᠣᠷᠴᠢᠮ | ᠢᠶᠠᠷ ᠬᠢᠳᠠᠳ ᠣᠷᠣᠭᠤ ᠳᠣᠪᠳᠣᠯᠣᠨ ᠢᠷᠡᠬᠦ ᠳᠤ ᠮᠢᠩ ᠣᠯᠣᠰ ᠤᠨ ᠳᠠᠯᠠ ᠠᠴᠠ 2615 ᠬᠦᠮᠦᠨ ᠠᠮᠢ ᠦᠷᠡᠭᠳᠡᠵᠦ᠂ 1156 ᠬᠦᠮᠦᠨ ᠰᠢᠷᠬᠠᠳᠣᠵᠦ᠂ | 6500 ᠭᠠᠷᠣᠢ ᠳᠣᠯᠣᠭᠠᠢ ᠠᠳᠣᠭᠤ ᠮᠠᠯ ᠤᠨ ᠬᠤᠬᠢᠷᠠᠯ ᠣᠴᠠᠷᠠᠵᠠᠢ᠃ ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ ᠣᠳᠠᠭᠠ ᠳᠠᠷᠠᠭᠠ ᠮᠢᠩ ᠣᠯᠣᠰ ᠤᠨ ᠬᠢᠯᠢ ᠳᠤ | ᠳᠣᠪᠳᠣᠯᠬᠤ ᠪᠣᠯᠣᠭᠰᠠᠨ ᠰᠢᠯᠳᠠᠭᠠᠨ ᠨᠢ ᠬᠢᠳᠠᠳ ᠤᠨ ᠴᠡᠷᠢᠭ ᠡᠳ᠋ ᠤᠨ ᠵᠠᠰᠠᠭ ᠤᠨ ᠬᠦᠴᠦᠨ ᠴᠢᠳᠠᠯ ᠢ ᠰᠣᠯᠠᠷᠠᠭᠤᠯᠵᠦ᠂ ᠣᠯᠣᠰ ᠤᠨ ᠢᠶᠠᠨ ᠭᠠᠳᠠᠭᠠᠳᠣ ᠠᠶᠣᠯ | ᠦᠬᠡᠢ ᠪᠠᠶᠢᠳᠠᠯ ᠢ ᠬᠠᠩᠭᠠᠬᠤ᠂ ᠳᠣᠰᠠᠭᠠᠷ ᠳᠣᠭᠳᠠᠨᠢᠯ ᠢᠶᠠᠨ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠭᠦᠯᠵᠦ᠂ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠬᠤᠶᠠᠷ ᠣᠯᠣᠰ ᠤᠨ ᠬᠡᠮᠵᠢᠶᠡᠨ ᠳᠤ ᠬᠠᠷᠢᠯᠴᠠᠬᠤ | ᠳᠤ ᠣᠷᠣᠰᠢᠵᠦ ᠪᠠᠶᠢᠪᠠ᠃ ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ 1514 ᠣᠨ ᠳᠤ ᠳ᠋ᠠᠲ᠋ᠦ᠋ᠩ᠂ ᠱᠦᠸᠧᠵᠸᠦ᠂ ᠨᠢᠩ ᠡᠦ ᠵᠡᠷᠭᠡ ᠮᠣᠵᠢ ᠳᠤ ᠳᠣᠪᠳᠣᠯᠵᠦ ᠶᠡᠬᠡᠬᠡᠨ | ᠰᠦᠢᠳᠬᠡᠯ ᠣᠴᠠᠷᠠᠭᠤᠯᠣᠭᠰᠠᠨ ᠪᠦᠭᠡᠳ ᠬᠢᠳᠠᠳ ᠤᠨ ᠡᠵᠡᠨ ᠬᠠᠭᠠᠨ ᠮᠣᠩᠭᠤᠯᠴᠣᠳ ᠤᠨ ᠳᠣᠪᠳᠣᠯᠭᠠᠨ ᠢ ᠨᠢᠴᠣᠭᠠᠬᠤ ᠪᠠᠷ ᠴᠣᠣ ᠶᠣᠸᠠᠢ ᠬᠡᠭᠴᠢ ᠶᠢ ᠴᠡᠷᠢᠭ ᠤᠨ | ᠵᠠᠩᠵᠣᠨ ᠢᠶᠠᠷ ᠳᠣᠮᠢᠯᠠᠵᠦ ᠢᠯᠡᠭᠡᠭᠰᠡᠨ ᠪᠣᠯᠪᠠᠴᠣ ᠮᠣᠩᠭᠤᠯᠴᠣᠳ ᠵᠦᠪᠬᠡᠨ ᠭᠤᠷᠪᠠᠨ ᠬᠦᠮᠦᠨ ᠢᠶᠠᠨ ᠠᠯᠠᠭᠤᠯᠣᠭᠰᠠᠨ ᠠᠴᠠ ᠦᠬᠡᠷᠡ ᠬᠤᠬᠢᠷᠠᠯ ᠬᠦᠯᠢᠶᠡᠭᠰᠡᠨ | ᠦᠬᠡᠢ᠃ ᠮᠣᠩᠭᠤᠯᠴᠣᠳ ᠤᠨ ᠡᠨᠡ ᠠᠮᠵᠢᠯᠳᠠ ᠳᠡᠳᠡᠨ ᠤ ᠰᠠᠨᠠᠭᠠ ᠰᠡᠳᠬᠢᠯ ᠢ ᠶᠡᠬᠡᠳᠡ ᠡᠷᠬᠦᠭᠰᠡᠨ ᠪᠠᠶᠢᠨᠠ᠃ | ᠳᠠᠶᠠᠩ ᠬᠠᠭᠠᠨ 1515 ᠣᠨ ᠳᠤ ᠰᠢᠣᠸᠠᠨ ᠬᠤᠸᠠ᠂ ᠳ᠋ᠠᠲ᠋ᠦ᠋ᠩ ᠤᠨ ᠬᠢᠯᠢ ᠶᠢᠨ ᠳᠠᠭᠠᠣ ᠬᠡᠳᠦᠨ ᠠᠷᠪᠠᠨ ᠪᠠᠬᠢᠯᠡᠭᠰᠡᠨ ᠭᠠᠵᠠᠷ ᠤᠳ ᠪᠠᠶᠢᠭᠤᠯᠵᠦ᠂ | ᠳᠡᠨᠳᠡ ᠠᠴᠠ ᠬᠢᠳᠠᠳ ᠤᠨ ᠨᠣᠳᠤᠭ ᠤᠨ ᠬᠦᠨ ᠣᠷᠣᠭᠤ ᠬᠠᠯᠳᠠᠨ ᠳᠣᠪᠳᠣᠯᠬᠤ ᠪᠣᠯᠪᠠ᠃ ᠮᠣᠩᠭᠤᠯᠴᠣᠳ ᠤᠨ ᠡᠶᠢᠨᠬᠦ ᠮᠢᠩ ᠣᠯᠣᠰ ᠤᠨ ᠬᠢᠯᠢ ᠶᠢᠨ ᠣᠷᠴᠢᠮ | ᠲᠦᠰᠢᠴᠡ ᠭᠠᠵᠠᠷ ᠤᠳ ᠪᠣᠯᠣᠭᠰᠠᠨ ᠢᠶᠠᠷ ᠭᠢᠳᠠᠳ ᠤᠨ ᠬᠢᠯᠢ ᠳᠤ ᠳᠣᠷᠠᠳᠠᠢ ᠴᠠᠭ ᠲᠠᠭᠠᠨ ᠳᠣᠪᠳᠣᠯᠬᠤ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠦᠶᠡ ᠠᠴᠠ ᠬᠢᠳᠠᠳ ᠤᠳ | ᠶᠡᠬᠡᠪᠴᠢᠯᠡᠨ ᠬᠤᠷᠢᠭᠯᠠᠨ ᠬᠠᠮᠠᠭᠠᠯᠠᠬᠤ ᠪᠠᠶᠢᠯᠳᠣᠭᠠᠨ ᠢ ᠶᠠᠪᠣᠭᠤᠯᠵᠦ ᠡᠬᠢᠯᠡᠭᠰᠡᠨ ᠠᠵᠢ᠃ ᠡᠶᠢᠨᠬᠦ ᠮᠣᠩᠭᠤᠯᠴᠣᠳ ᠳᠠᠪᠰᠢᠬᠤ ᠪᠠᠶᠢᠯᠳᠣᠭᠠᠨ ᠢ ᠴᠦᠬᠦᠷᠡᠯᠳᠡ ᠦᠬᠡᠢ | ᠶᠠᠪᠣᠭᠤᠯᠵᠦ ᠪᠠᠶᠢᠭᠰᠠᠨ ᠣᠴᠢᠷ ᠬᠢᠳᠠᠳ ᠤᠨ ᠳᠠᠯᠠ ᠳᠣᠷᠰᠢᠯᠭᠠ ᠲᠠᠢ ᠵᠠᠩᠵᠣᠨ ᠵᠠᠩ ᠶᠦᠩ ᠭᠡᠭᠴᠢ ᠪᠠᠷ ᠴᠡᠷᠢᠭ ᠣᠳᠣᠷᠢᠳᠣᠭᠤᠯᠣᠨ᠂ ᠮᠣᠩᠭᠤᠯᠴᠣᠳ ᠢ | ᠪᠦᠷᠢᠮᠦᠰᠦᠨ ᠳᠠᠷᠣᠭᠤᠯᠬᠤ ᠪᠠᠷ ᠢᠯᠡᠭᠡᠭᠰᠡᠨ ᠪᠣᠯᠪᠠᠴᠣ ᠳᠡᠳᠦᠢ ᠯᠡ ᠠᠮᠵᠢᠯᠳᠠ ᠣᠯᠣᠯ ᠦᠬᠡᠢ ᠪᠠᠷ ᠴᠣᠬᠢᠭᠳᠠᠨ ᠣᠬᠤᠷᠢᠵᠦ᠂ ᠣᠯᠠᠮ ᠢᠶᠠᠷ ᠲᠡᠭᠦᠨ ᠤ ᠡᠰᠡᠷᠬᠦ | ᠪᠠᠶᠢᠯᠳᠣᠭᠰᠠᠨ ᠳᠠᠶᠠᠩ ᠬᠠᠭᠠᠨ ᠤ ᠴᠡᠷᠢᠭ ᠤᠳ ᠪᠡᠭᠡᠵᠢᠩ ᠬᠤᠳᠠ ᠶᠢ ᠪᠦᠰᠡᠯᠡᠨ᠂ ᠮᠢᠩ ᠣᠯᠣᠰ ᠢᠶᠠᠷ ᠪᠠᠭᠤᠯᠳᠠ ᠬᠢᠯᠬᠡᠵᠦ᠂ ᠴᠡᠷᠢᠭ ᠢᠶᠠᠨ ᠡᠷᠬᠢᠬᠦᠯᠦᠨ ᠳᠠᠳᠠᠵᠦ | ᠪᠠᠶᠢᠵᠠᠢ᠃ | ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ 1516 ᠣᠨ ᠤ ᠨᠠᠮᠣᠷ 70 ᠮᠢᠩᠭᠠᠨ ᠴᠡᠷᠢᠭ ᠤᠨ ᠬᠦᠴᠦ ᠪᠠᠷ ᠳᠠᠬᠢᠨ ᠳᠣᠪᠳᠣᠯᠵᠦ ᠪᠡᠭᠡᠵᠢᠩ ᠠᠴᠠ ᠵᠡᠬᠦᠨ ᠳᠡᠶᠢᠰᠢ | ᠣᠷᠣᠰᠢᠬᠤ ᠽᠢ ᠵᠸᠦ᠂ ᠪᠣᠣ ᠶᠠᠨ ᠺᠸᠦ ᠵᠡᠷᠭᠡ ᠮᠣᠵᠢ ᠶᠢ ᠰᠦᠢᠳᠭᠡᠭᠰᠡᠨ ᠠᠵᠢ᠃ ᠡᠨᠡ ᠦᠶᠡ ᠳᠤ ᠳᠠᠶᠠᠩ ᠬᠠᠭᠠᠨ ᠤ ᠴᠡᠷᠢᠭ ᠦᠷᠬᠡᠨ ᠹᠷᠣᠨᠲ ᠢᠶᠠᠷ ᠨᠢᠬᠡᠨ | ᠵᠡᠷᠭᠡ ᠳᠡᠪᠰᠢᠵᠦ᠂ ᠬᠢᠷᠢᠨ ᠮᠣᠵᠢ ᠶᠢᠨ ᠬᠤᠶᠢᠳᠣ ᠬᠠᠭᠠᠰ ᠢ ᠡᠵᠡᠯᠡᠨ᠂ 20 ᠣᠷᠴᠢᠮ ᠬᠤᠳᠠ ᠴᠠᠶᠢᠵᠠ ᠶᠢ ᠡᠪᠳᠡᠨ ᠰᠦᠢᠳᠭᠡᠭᠰᠡᠨ ᠪᠠᠶᠢᠨᠠ᠃ ᠬᠢᠳᠠᠳ ᠤᠨ | ᠮᠢᠩ ᠣᠯᠣᠰ ᠲᠠᠢ ᠳᠠᠶᠠᠩ ᠬᠠᠭᠠᠨ ᠤ ᠬᠢᠭᠰᠡᠨ ᠰᠡᠬᠦᠯᠴᠢ ᠶᠢᠨ ᠳᠣᠯᠣᠯᠳᠣᠭᠠᠨ 1517 ᠣᠨ ᠳᠤ ᠪᠣᠯᠵᠠᠢ᠃ ᠡᠨᠡ ᠣᠳᠠᠭᠠ ᠳᠤ 20 ᠮᠢᠩᠭᠠᠨ ᠴᠡᠷᠢᠭ ᠢᠶᠠᠷ | ᠶᠢᠨ ᠵᠸᠦ ᠳᠤ ᠨᠡᠪᠳᠡᠷᠡᠨ ᠣᠷᠣᠪᠠ᠃ ᠮᠣᠩᠭᠤᠯᠴᠣᠳ ᠶᠠᠨ ᠡᠾᠧ ᠳᠤ ᠬᠢᠳᠠᠳ ᠤᠨ ᠴᠡᠷᠢᠭ ᠢ ᠪᠦᠰᠡᠯᠡᠨ ᠠᠪᠣᠭᠰᠠᠨ ᠪᠦᠭᠡᠳ ᠡᠨᠡ ᠦᠶᠡ ᠳᠤ ᠮᠢᠩ ᠣᠯᠣᠰ ᠤᠨ | ᠡᠵᠡᠨ ᠬᠠᠭᠠᠨ ᠢᠶᠠᠷ ᠣᠳᠣᠷᠢᠳᠣᠭᠤᠯᠣᠭᠰᠨ ᠶᠡᠭᠡ ᠴᠡᠷᠢᠭ ᠢᠷᠡᠵᠦ᠂ ᠬᠤᠶᠠᠷ ᠬᠤᠨᠤᠭ ᠤᠨ ᠳᠣᠷᠰᠢ ᠴᠢᠰᠣ ᠠᠰᠬᠠᠷᠠᠭᠤᠯᠣᠭᠰᠨ ᠰᠢᠷᠦᠬᠦᠨ ᠳᠣᠯᠣᠯᠳᠣᠭᠠᠨ | ᠪᠣᠯᠣᠭᠰᠠᠨ ᠪᠦᠭᠡᠳ ᠮᠣᠩᠭᠤᠯᠴᠣᠳ ᠠᠷᠭᠠ ᠪᠣᠶᠣ ᠣᠬᠤᠷᠢᠨ ᠭᠠᠷᠴᠣ ᠪᠠᠶᠢᠵᠠᠢ᠃ ᠡᠶᠢᠨᠬᠦ ᠳᠣᠭᠤᠨᠳᠡᠮᠦᠷ ᠬᠠᠭᠠᠨ ᠤ ᠳᠠᠷᠠᠭᠠ ᠬᠢ ᠬᠠᠭᠠᠳ ᠤᠨ ᠳᠣᠳᠣᠷᠠ ᠠᠴᠠ | ᠮᠣᠩᠭᠤᠯ ᠣᠯᠣᠰ ᠤᠨ ᠲᠡᠦᠬᠡ᠂ ᠮᠣᠩᠭᠤᠯ ᠤᠨ ᠲᠦᠷᠦ ᠶᠢᠨ ᠲᠡᠦᠬᠡᠨ ᠳᠤ ᠳᠣᠳᠣ ᠣᠯᠠ ᠮᠦᠷ ᠢᠶᠠᠨ ᠦᠯᠡᠳᠡᠭᠡᠭᠰᠡᠨ ᠬᠦᠮᠦᠨ ᠨᠢ ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ | ᠪᠣᠯᠵᠠᠢ᠃ ᠪᠠᠳᠣᠮᠦ᠋ᠩᠬᠡ ᠬᠠᠭᠠᠨ ᠴᠡᠷᠢᠭ ᠣᠯᠣᠰ ᠲᠦᠷᠦ᠂ ᠡᠳ᠋ ᠤᠨ ᠵᠠᠰᠠᠭ ᠤᠨ ᠬᠦᠨᠳᠦ ᠨᠦᠬᠦᠴᠡᠯ ᠳᠤ ᠮᠣᠩᠭᠤᠯ ᠤᠨ ᠲᠦᠷᠦ ᠣᠯᠣᠰ ᠤᠨ ᠨᠢᠬᠡᠳᠦᠯ ᠢ | ᠬᠠᠩᠭᠠᠵᠦ ᠴᠢᠳᠠᠭᠰᠠᠨ ᠨᠢᠨ ᠮᠣᠩᠭᠤᠯ ᠣᠯᠣᠰ ᠴᠠᠭᠠᠰᠢᠳᠠ ᠣᠷᠳᠣ ᠣᠳᠠᠭᠠᠨ ᠬᠤᠭᠤᠴᠠᠭᠠᠨ ᠳᠤ ᠣᠷᠣᠰᠢᠨ ᠳᠣᠭᠳᠠᠨᠢᠬᠤ᠂ ᠭᠠᠵᠠᠷ ᠨᠣᠳᠤᠭ ᠤᠨ ᠪᠦᠷᠢᠨ | ᠪᠦᠳᠦᠨ ᠪᠠᠶᠢᠳᠠᠯ ᠢ ᠬᠠᠩᠭᠠᠬᠤ ᠭᠠᠳᠠᠭᠠᠳᠣ᠂ ᠳᠣᠳᠣᠭᠠᠳᠣ ᠨᠦᠬᠦᠴᠡᠯ ᠢ ᠪᠦᠷᠢᠳᠦᠬᠦᠯᠦᠨ ᠦᠭᠴᠦ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠳᠠᠰᠢᠷᠠᠮ ᠳᠤ ᠳᠣᠷᠠᠳᠬᠤ ᠳᠤ᠂ | ᠪᠠᠳᠣᠮᠦ᠋ᠩᠬᠡ ᠳᠠᠶᠠᠩ ᠬᠠᠭᠠᠨ ᠪᠣᠯ ᠮᠣᠩᠭᠤᠯ ᠤᠨ ᠬᠠᠭᠠᠳ ᠤᠨ ᠳᠣᠳᠣᠷᠠ ᠠᠴᠠ ᠬᠠᠮᠤᠭ ᠤᠨ ᠣᠳᠠᠭᠠᠨ ᠪᠣᠶᠣ 47 ᠵᠢᠯ ᠲᠦᠷᠦ ᠪᠠᠷᠢᠭᠰᠡᠨ ᠭᠡᠳᠡᠭ ᠢᠶᠠᠷ ᠢᠶᠠᠨ | ᠳᠡᠦᠬᠡᠨ ᠳᠤ ᠦᠯᠡᠳᠡᠭᠰᠡᠨ ᠶᠣᠮ᠃ | | |