| ᠮᠦᠩᠬᠡ ᠬᠠᠭᠠᠨ ︵1208 — 1259︶᠃ ᠬᠦᠶᠦᠭ ᠢ ᠨᠠᠰᠣ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠬᠠᠭᠠᠨ ᠰᠢᠷᠡᠭᠡ ᠡᠵᠡᠯᠡᠬᠦ᠂ ᠲᠦᠪ ᠵᠠᠰᠠᠭ ᠤᠨ ᠡᠷᠬᠡᠨ ᠤ | ᠨᠦᠯᠦᠭᠡ ᠪᠠᠨ ᠨᠡᠪᠳᠡᠷᠡᠭᠦᠯᠬᠦ ᠶᠢᠨ ᠲᠦᠯᠦᠬᠡ ᠬᠠᠨ ᠬᠦᠪᠡᠭᠦᠳ᠂ ᠶᠡᠬᠡᠰ ᠨᠣᠶᠠᠳ ᠬᠤᠶᠠᠷ ᠳᠣᠮᠣ ᠡᠪᠰᠡᠯ ᠪᠣᠯᠣᠨ ᠳᠡᠮᠡᠴᠡᠯᠳᠦᠵᠡᠢ᠃ ᠦᠬᠡᠳᠡᠢ ᠴᠠᠭᠠᠳᠠᠢ ᠶᠢᠨ | ᠦᠷᠡ ᠠᠴᠢ ᠨᠠᠷ ᠳᠡᠯᠡᠴᠡᠵᠦ᠂ ᠵᠦᠴᠢ᠂ ᠳᠣᠯᠣᠢ ᠶᠢᠨ ᠣᠭᠰᠠᠭᠠᠨ ᠤ ᠨᠣᠶᠠᠳ ᠲᠠᠢ ᠰᠢᠷᠦᠬᠦᠨ ᠲᠡᠮᠡᠴᠡᠯ ᠬᠢᠵᠦ᠂ ᠣᠯᠠᠮ ᠢᠶᠠᠷ ᠦᠬᠡᠳᠡᠢ ᠶᠢᠨ ᠣᠭᠰᠠᠭᠠᠨ ᠤ | ᠨᠣᠶᠠᠳ ᠤᠨ ᠳᠣᠮᠳᠠ ᠨᠣᠴᠢᠳᠠᠢ ᠬᠠᠭᠠᠷᠠᠯ ᠭᠠᠷᠣᠭᠰᠠᠨ ᠢ ᠠᠰᠢᠭᠯᠠᠨ᠂ ᠵᠦᠴᠢ ᠶᠢᠨ ᠦᠷᠡ ᠠᠴᠢ ᠨᠠᠷ ᠳᠣᠯᠣᠢ ᠶᠢᠨ ᠬᠦᠪᠡᠭᠦᠳ ᠤᠨ ᠨᠢᠬᠡ ᠶᠢ ᠬᠠᠭᠠᠨ | ᠰᠠᠭᠤᠯᠭᠠᠬᠤ ᠪᠠᠷ ᠰᠢᠢᠳᠴᠡᠢ᠃ ᠳᠣᠬᠠᠶᠢᠯᠠᠨ ᠮᠦᠩᠬᠡ ᠶᠢ ᠪᠠᠳᠣ ᠶᠢᠨ ᠣᠷᠳᠣᠨ ᠳᠤ ᠣᠴᠢᠵᠦ ᠨᠣᠶᠠᠳ ᠤᠨ ᠴᠢᠭᠤᠯᠭᠠᠨ ᠳᠤ ᠣᠷᠣᠯᠴᠠᠬᠤ ᠳᠤ ᠪᠠᠳᠣ ᠬᠠᠭᠠᠨ ︽ | ᠬᠠᠨ ᠬᠦᠪᠡᠭᠦᠳ ᠤᠨ ᠳᠣᠳᠣᠷᠠ ᠠᠴᠠ ᠮᠦᠩᠬᠡ ᠯᠡ ᠬᠠᠭᠠᠨ ᠬᠦᠮᠦᠨ ᠤ ᠪᠢᠯᠢᠭ ᠲᠡᠭᠦᠰ ᠶᠣᠮ᠂ ᠶᠠᠭᠠᠬᠢᠭᠠᠳ ᠬᠡᠪᠡᠯ ᠡᠨᠡ ᠬᠦᠮᠦᠨ ᠶᠢᠷᠳᠢᠨᠴᠦ ᠶᠢᠨ ᠰᠠᠶᠢᠨ ᠮᠠᠭᠤ | ᠶᠢ ᠦᠵᠡᠵᠦ᠂ ᠬᠠᠮᠤᠭ ᠬᠡᠷᠡᠭ ᠶᠠᠪᠣᠳᠠᠯ ᠤᠨ ᠠᠰᠢᠭ ᠵᠣᠪᠠᠯᠠᠩ ᠢ ᠠᠮᠰᠠᠨ᠂ ᠶᠠᠩᠵᠦ ᠪᠦᠷᠢ ᠶᠢᠨ ᠣᠷᠣᠨ ᠳᠤ ᠣᠯᠠᠨ ᠣᠳᠠᠭᠠ ᠴᠡᠷᠢᠭ ᠵᠠᠬᠢᠷᠣᠨ ᠶᠠᠪᠣᠭᠰᠠᠨ | ᠪᠦᠭᠡᠳ ᠣᠶᠣᠨ ᠪᠢᠯᠢᠭ ᠨᠢ ᠣᠯᠠᠨ ᠠᠴᠠ ᠬᠡᠳᠦᠶᠢᠳᠴᠡᠢ︾ ᠭᠡᠵᠦ ᠳᠡᠬᠦᠨ ᠢ ᠬᠠᠭᠠᠨ ᠰᠣᠩᠭᠤᠬᠤ ᠰᠠᠨᠠᠯ ᠢᠶᠠᠨ ᠬᠡᠯᠡᠵᠦ ᠪᠠᠶᠢᠵᠠᠢ᠃ ᠡᠶᠢᠨᠬᠦ 1251 ᠣᠨ ᠤ 7 | ᠳ᠋ᠣᠭᠠᠷ ᠰᠠᠷᠠ ᠶᠢᠨ ᠨᠢᠬᠡᠨ ᠳᠤ ᠮᠣᠩᠭᠤᠯ ᠤᠨ ᠶᠡᠭᠡ ᠬᠦᠷᠦᠨ ᠤ ᠬᠠᠭᠠᠨ ᠡᠷᠬᠦᠮᠵᠢᠯᠡᠬᠦ ᠬᠤᠷᠠᠯᠳᠠᠢ ᠶᠢ ᠪᠡᠷᠬᠡ ᠨᠣᠶᠠᠨ ᠣᠳᠣᠷᠢᠳᠴᠣ᠂ ᠬᠡᠷᠦᠯᠦᠨ ᠤ ᠬᠦᠳᠡᠭᠡ ᠠᠷᠠᠯ | ᠳᠤ ᠬᠤᠷᠠᠯᠳᠣᠭᠤᠯᠣᠭᠰᠠᠨ ᠪᠠᠶᠢᠨᠠ᠃ ᠮᠦᠩᠬᠡ ᠬᠠᠭᠠᠨ ᠪᠣᠯᠣᠮᠠᠭᠴᠠ ᠦᠯᠵᠡᠶᠢᠳᠡᠢ ᠲᠡᠷᠡ ᠡᠳᠦᠷ ᠬᠡᠨ ᠬᠦᠮᠦᠨ ᠮᠠᠷᠭᠤᠨ ᠳᠡᠮᠡᠴᠡᠯᠳᠦᠵᠦ᠂ ᠮᠣᠷᠢ ᠮᠠᠯ ᠢ ᠣᠨᠣᠨ | ᠵᠣᠪᠠᠭᠠᠵᠦ᠂ ᠮᠠᠯ ᠨᠢᠳᠣᠯᠬᠤ᠂ ᠠᠷᠠᠭᠠᠳᠠᠨ ᠵᠢᠭᠦᠷᠳᠡᠨ ᠢ ᠦᠷᠬᠦᠬᠡᠵᠦ᠂ ᠭᠠᠵᠠᠷ ᠰᠢᠷᠣᠢ ᠣᠰᠣ ᠣᠷᠭᠤᠮᠠᠯ ᠢ ᠬᠦᠨᠳᠡᠵᠦ ᠪᠣᠯᠬᠤ ᠦᠬᠡᠢ᠂ ᠴᠦᠮ ᠨᠠᠶᠢᠷ ᠲᠠᠢ | ᠰᠠᠶᠢᠬᠠᠨ ᠴᠡᠩᠬᠡᠨ ᠦᠩᠬᠡᠷᠡᠭᠡᠬᠦ ᠬᠡᠷᠡᠭᠳᠡᠢ ᠬᠡᠮᠡᠨ ᠳᠣᠰᠬᠠᠢ ᠵᠠᠷᠯᠢᠭ ᠪᠠᠭᠤᠯᠭᠠᠵᠠᠢ᠃ ᠮᠦᠩᠬᠡ ᠬᠠᠭᠠᠨ ᠨᠣᠮ ᠤᠨ ᠣᠬᠠᠭᠠᠨ ᠲᠠᠢ ᠠᠴᠠ ᠭᠠᠳᠠᠨᠠ᠂ ᠴᠡᠷᠢᠭ ᠵᠠᠬᠢᠷᠭᠠᠨ | ᠤ ᠬᠠᠳᠠᠭᠤ ᠪᠣᠳᠣᠯᠭᠠ ᠲᠠᠢ ᠬᠦᠮᠦᠨ ᠪᠠᠶᠢᠪᠠ᠃ ᠲᠡᠷᠡ ᠪᠠᠷ ᠠᠬᠠ ᠲᠡᠭᠦᠦ ᠠᠷᠪᠠᠨ ᠨᠢᠬᠡᠬᠦᠯᠡ᠂ ᠡᠳᠡᠭᠡᠷ ᠠᠴᠠ ᠮᠦᠩᠬᠡ᠂ ᠬᠤᠪᠢᠯᠠᠢ᠂ ᠬᠦᠯᠡᠬᠦ᠂ ᠠᠷᠢᠭᠪᠦ᠋ᠬᠡ | ᠲᠦᠷᠪᠡ ᠡᠬᠡ ᠨᠢᠬᠡᠳᠡᠢ ᠪᠣᠯᠠᠢ᠃ ᠡᠳᠡ ᠨᠠᠷ ᠰᠣᠷᠬᠤᠭᠳᠠᠨᠢ ᠬᠠᠳᠣᠨ ᠠᠴᠠ ᠲᠦᠷᠦᠭᠰᠡᠨ ᠲᠦᠷᠪᠡᠨ ᠬᠦᠦ ᠪᠣᠯᠠᠢ᠃ | ᠮᠦᠩᠬᠡ ᠬᠠᠭᠠᠨ ᠶᠡᠭᠡ ᠮᠣᠩᠭᠤᠯ ᠣᠯᠣᠰ ᠤᠨ ᠲᠦᠷᠦ ᠶᠢ ᠬᠢᠮᠣᠷᠠᠯ ᠠᠴᠠ ᠭᠠᠷᠭᠠᠵᠦ᠂ ᠣᠷᠣᠨ ᠨᠣᠳᠤᠭ ᠲᠤ ᠳᠠᠷᠣᠭᠠᠴᠢ ᠵᠠᠬᠢᠷᠣᠭᠴᠢ ᠨᠠᠷ ᠢ ᠨᠢᠬᠡ | ᠪᠦᠷᠢᠴᠢᠯᠡᠨ ᠳᠣᠮᠢᠯᠠᠵᠦ᠂ ᠬᠠᠳᠠᠭᠤ ᠵᠠᠬᠢᠷᠭᠠ ᠳᠣᠭᠳᠠᠭᠠᠵᠠᠢ᠃ ᠲᠦᠷᠡᠺᠢᠨᠡ᠂ ᠬᠦᠶᠦᠭ᠂ ᠬᠠᠶᠢᠮᠢᠱᠢ ᠶᠢᠨ ᠦᠶᠡ ᠳᠤ ᠶᠡᠬᠡᠰ ᠨᠣᠶᠠᠳ ᠠᠴᠠ ᠵᠦᠢ ᠪᠣᠰᠣ ᠪᠠᠷ | ᠫᠠᠶᠢᠰᠠ ᠳᠠᠷᠬᠠᠭᠠᠨ᠂ ᠠᠯᠪᠠ ᠳᠠᠳᠠᠪᠣᠷᠢ ᠣᠯᠭᠤᠭᠰᠠᠨ ᠶᠠᠪᠣᠳᠠᠯ ᠢ ᠪᠣᠷᠣᠭᠤᠰᠢᠶᠠᠨ᠂ ᠴᠦᠮ ᠢ ᠬᠦᠴᠦᠨ ᠦᠬᠡᠢ ᠪᠣᠯᠭᠠᠵᠦ᠂ ᠬᠤᠶᠢᠰᠢᠳᠠ ᠬᠡᠨ ᠬᠦᠮᠦᠨ ᠡᠵᠡᠨ | ᠬᠠᠭᠠᠨ ᠤ ᠲᠦᠯᠦᠬᠡᠨ ᠤ ᠰᠠᠶᠢᠳ ᠤᠨ ᠵᠦᠪᠰᠢᠶᠡᠷᠡᠯ ᠦᠬᠡᠢ ᠪᠠᠷ ᠮᠣᠵᠢ᠂ ᠬᠢᠵᠠᠭᠠᠷ ᠠᠴᠠ ᠡᠯᠳᠡᠪ ᠠᠯᠪᠠ ᠳᠠᠳᠠᠬᠤ ᠡᠷᠬᠡ ᠶᠢᠨ ᠫᠠᠶᠢᠰᠠ ᠣᠯᠭᠤᠬᠤ᠂ ᠳᠣᠷᠠ | ᠵᠣᠷᠢᠭ ᠢᠶᠠᠷ ᠢᠶᠠᠨ ᠵᠠᠷᠯᠢᠭ ᠳᠠᠷᠬᠠᠭᠠᠬᠤ ᠶᠠᠪᠣᠳᠠᠯ ᠢ ᠬᠠᠳᠠᠭᠤ ᠬᠤᠷᠢᠭᠯᠠᠵᠠᠢ᠃ ᠮᠦᠨ ᠣᠯᠣᠰ ᠬᠦᠷᠦᠨ ᠤ ᠬᠡᠮᠵᠢᠶᠡ ᠪᠠᠷ ᠬᠦᠮᠦᠨ ᠠᠮᠠ ᠶᠢᠨ ᠪᠦᠷᠢᠳᠬᠡᠯ | ᠳᠣᠭᠠᠯᠠᠯᠭᠠ ᠶᠢ ᠰᠢᠨᠡ ᠪᠠᠷ ᠶᠠᠪᠣᠭᠤᠯᠣᠭᠰᠠᠨ ᠨᠢ ᠣᠯᠣᠰ ᠤᠨ ᠰᠠᠩ ᠬᠦᠮᠦᠷᠭᠡ ᠡᠳ᠋ ᠤᠨ ᠵᠠᠰᠠᠭ ᠤᠨ ᠣᠷᠣᠯᠭᠠ ᠶᠢ ᠦᠷᠬᠦᠯᠵᠢᠯᠡᠬᠦᠯᠵᠦ᠂ ᠰᠢᠨᠡ ᠭᠠᠵᠠᠷ ᠣᠷᠣᠨ | ᠢ ᠡᠵᠡᠯᠡᠨ ᠠᠪᠴᠣ᠂ ᠮᠣᠩᠭᠤᠯ ᠬᠦᠷᠦᠨ ᠤ ᠨᠣᠳᠤᠭ ᠳᠡᠪᠢᠰᠭᠡᠷ ᠢ ᠳᠡᠯᠡᠵᠦ ᠦᠷᠭᠡᠳᠬᠡᠬᠦ ᠪᠠᠷ ᠰᠢᠢᠳᠴᠡᠢ᠃ | 1252 ᠣᠨ ᠳᠤ ᠮᠦᠩᠬᠡ ᠬᠠᠭᠠᠨ ᠳᠡᠭᠦᠦ ᠬᠤᠪᠢᠯᠠᠢ ᠳᠤ ᠴᠡᠷᠢᠭ ᠦᠭᠴᠦ᠂ ᠰᠦᠩ ᠣᠯᠣᠰ ᠢ ᠳᠣᠬᠠᠶᠢᠯᠠᠨ ᠳ᠋ᠠᠯᠢ — ᠶᠦᠨᠨᠠᠨ ᠢ ᠪᠠᠶᠢᠯᠳᠣᠨ | ᠳᠠᠭᠠᠭᠤᠯᠬᠤ ᠳᠣᠰᠢᠶᠠᠯ ᠦᠭᠴᠦ᠂ ᠵᠡᠬᠦᠨ ᠣᠷᠣᠭᠰᠢ ᠮᠣᠷᠳᠠᠭᠤᠯᠵᠠᠢ᠃ ᠬᠤᠪᠢᠯᠠᠢ ᠪᠣᠯᠣᠨ ᠣᠷᠢᠶᠠᠩᠬᠠᠶᠢᠳᠠᠢ ᠵᠠᠩᠵᠣᠨ ᠤ ᠣᠳᠣᠷᠢᠳᠣᠭᠰᠠᠨ ᠴᠡᠷᠢᠭ ᠳᠡᠭᠡᠷᠡᠬᠢ | ᠭᠠᠵᠠᠷ ᠤᠳ ᠢ ᠡᠵᠡᠯᠡᠨ᠂ ᠬᠢᠳᠠᠳ ᠤᠨ ᠡᠮᠦᠨᠡᠳᠦ ᠨᠣᠳᠤᠭ ᠢᠶᠠᠷ ᠦᠷᠬᠦᠯᠵᠢᠯᠡᠬᠦᠯᠦᠨ ᠪᠠᠶᠢᠯᠳᠣᠭᠠᠨ ᠬᠢᠵᠡᠢ᠃ ᠮᠦᠨ ᠦᠪᠡᠷ ᠤᠨ ᠨᠦᠬᠦᠬᠡ ᠳᠡᠬᠦᠦ ᠬᠦᠯᠡᠬᠦ ᠪᠠᠷ | ᠪᠠᠷᠠᠭᠤᠨ ᠵᠦᠭ ᠲᠤ ᠬᠢᠬᠦ ᠳᠠᠶᠢᠨ ᠢ ᠣᠳᠣᠷᠢᠳᠣᠭᠤᠯᠵᠠᠢ᠃ ᠲᠡᠦᠬᠡᠨ ᠳᠤ ᠲᠡᠭᠦᠨ ᠢ ᠮᠣᠩᠭᠤᠯ ᠴᠡᠷᠢᠭ ᠭᠤᠷᠪᠠᠳᠠᠬᠢ ᠣᠳᠠᠭᠠ ᠪᠠᠨ ᠪᠠᠷᠠᠭᠤᠨ ᠵᠦᠭ ᠲᠤ | ᠳᠠᠶᠢᠯᠠᠭᠰᠠᠨ ᠳᠠᠶᠢᠨ ᠬᠡᠳᠡᠭ᠃ ᠬᠦᠯᠡᠬᠦ ᠶᠢᠨ ᠴᠡᠷᠢᠭ ᠢᠷᠠᠨ ᠤ ᠰᠡᠬᠦᠯᠴᠢ ᠶᠢᠨ ᠭᠠᠯ ᠭᠤᠯᠣᠮᠳᠠ ᠪᠣᠯᠵᠦ ᠪᠠᠶᠢᠭᠰᠠᠨ ᠢᠰᠮᠠᠶᠢᠯᠢᠲ ᠤᠨ ᠣᠯᠣᠰ ᠢ ᠡᠵᠡᠯᠡᠵᠦ᠂ | ᠴᠠᠭᠠᠰᠢᠯᠠᠨ ᠪᠠᠭᠳᠠᠳ᠋ ᠤᠨ ᠬᠠᠯᠢᠹᠠᠲ ᠤᠨ ᠣᠯᠣᠰ ᠢ ᠮᠦᠬᠦᠬᠡᠵᠡᠢ᠃ 1236 ᠣᠨ ᠳᠤ ᠮᠦᠩᠬᠡ ᠬᠠᠭᠠᠨ ᠪᠠᠳᠣ ᠶᠢ ᠳᠠᠭᠠᠵᠦ᠂ ᠪᠠᠷᠠᠭᠤᠨ ᠵᠦᠭ ᠲᠤ ᠳᠠᠶᠢᠨ | ᠬᠢᠵᠦ ᠶᠠᠪᠣᠬᠤ ᠦᠶᠡ ᠳᠡᠭᠡᠨ ᠪᠠᠭᠳᠠᠳ᠋ ᠬᠤᠳᠠ ᠮᠣᠩᠭᠤᠯᠴᠣᠳ ᠤᠨ ᠡᠰᠡᠷᠬᠦ ᠲᠡᠮᠡᠴᠡᠯ ᠤᠨ ᠲᠦᠪ ᠪᠣᠯᠵᠦ ᠪᠠᠶᠢᠭᠰᠠᠨ ᠢ ᠳᠡᠨᠳᠡ ᠪᠠᠶᠢᠭᠰᠠᠨ ᠮᠣᠩᠭᠤᠯᠴᠣᠳ ᠢ | ᠠᠯᠠᠵᠦ ᠳᠡᠯᠡᠵᠦ ᠪᠠᠶᠢᠭᠰᠠᠨ ᠢ ᠨᠢᠳᠦ ᠪᠠᠷ ᠦᠵᠡᠵᠦ ᠴᠢᠬᠢ ᠪᠠᠷ ᠳᠣᠭᠤᠯᠣᠭᠰᠠᠨ ᠪᠢᠯᠡ᠃ ᠮᠦᠨ 1238 ᠣᠨ ᠳᠤ ᠮᠠᠬᠠᠮᠣᠳ᠋ ᠬᠡᠳᠡᠭ ᠳᠠᠷᠬᠠᠨ ᠤ ᠣᠳᠣᠷᠢᠳᠣᠯᠭᠠ | ᠪᠠᠷ ᠮᠣᠩᠭᠤᠯ ᠤᠨ ᠡᠰᠡᠷᠬᠦ ᠪᠣᠰᠣᠯᠭᠠ ᠭᠠᠷᠭᠠᠵᠦ᠂ ᠮᠣᠩᠭᠤᠯ ᠤᠨ ᠬᠠᠭᠠᠳ ᠢ ᠳᠣᠷᠣᠮᠵᠢᠯᠠᠵᠦ ᠪᠠᠶᠢᠭᠰᠠᠨ ᠶᠠᠪᠣᠳᠠᠯ ᠢ ᠰᠠᠶᠢᠨ ᠮᠡᠳᠡᠳᠡᠭ ᠪᠠᠶᠢᠭᠰᠠᠨ ᠨᠢ ᠪᠠᠷᠠᠭᠤᠨ | ᠵᠦᠭ ᠲᠤ ᠬᠢᠬᠦ ᠳᠠᠶᠢᠨ ᠤ ᠭᠤᠣᠯ ᠰᠢᠯᠳᠠᠭᠠᠨ ᠪᠣᠯᠵᠠᠢ᠃ ᠪᠠᠶᠠᠨ ᠣᠯᠣᠰ ᠣᠷᠣᠨ ᠢ ᠪᠠᠶᠢᠯᠳᠣᠨ ᠡᠵᠡᠯᠡᠪᠡᠯ ᠡᠳ᠋ ᠪᠠᠶᠠᠯᠢᠭ᠂ ᠡᠷᠳᠡᠨᠢᠰ ᠤᠨ ᠵᠦᠢᠯ ᠶᠡᠭᠡ ᠣᠯᠬᠤ ᠨᠢ | ᠯᠠᠪᠳᠠᠢ᠂ ᠬᠡᠬᠦ ᠳᠡᠭᠡᠨ ᠳᠡᠷᠡ ᠪᠣᠯ ᠮᠣᠩᠭᠤᠯᠴᠣᠳ ᠤᠨ ᠳᠠᠬᠢᠨ ᠬᠢᠬᠦ ᠭᠤᠣᠯ ᠰᠢᠯᠳᠠᠭᠠᠨ ᠪᠢᠰᠢ ᠪᠠᠶᠢᠯᠠ᠃ | ᠮᠦᠩᠬᠡ ᠬᠠᠭᠠᠨ ᠪᠦᠬᠦ ᠬᠢᠳᠠᠳ ᠢ ᠪᠠᠶᠢᠯᠳᠣᠨ ᠡᠵᠡᠯᠡᠬᠦ ᠶᠠᠪᠣᠳᠠᠯ ᠢ ᠨᠢᠬᠡ ᠳᠣᠮᠣ ᠵᠣᠷᠢᠯᠭᠠ ᠪᠠᠨ ᠪᠣᠯᠭᠠᠭᠰᠠᠨ ᠪᠠᠶᠢᠨᠠ᠃ ᠭᠡᠪᠡᠴᠦ ᠡᠨᠡ ᠨᠢ ᠲᠡᠶᠢᠮᠦ ᠠᠮᠠᠷ | ᠠᠵᠢᠯ ᠪᠢᠰᠢ ᠪᠠᠶᠢᠯᠠ᠃ ᠣᠯᠠᠨ ᠬᠦᠮᠦᠨ ᠠᠮᠠ ᠲᠠᠢ᠂ ᠡᠷᠳᠡᠨ ᠤ ᠲᠦᠷᠦ ᠰᠣᠶᠣᠯ ᠤᠨ ᠣᠯᠠᠮᠵᠢᠯᠠᠯ ᠲᠠᠢ᠂ ᠠᠭᠤᠳᠠᠮ ᠨᠣᠳᠤᠭ ᠳᠡᠪᠢᠰᠭᠡᠷᠳᠦ᠂ ᠴᠠᠭ ᠠᠭᠤᠷ ᠤᠨ | ᠬᠦᠨᠳᠦ ᠨᠦᠬᠦᠴᠡᠯ ᠲᠠᠢ ᠬᠢᠳᠠᠳ ᠣᠷᠣᠨ ᠢ ᠡᠵᠡᠯᠡᠬᠦ ᠳᠤ ᠶᠡᠬᠡᠬᠡᠨ ᠬᠦᠴᠦ᠂ ᠣᠬᠠᠭᠠᠨ ᠬᠡᠷᠡᠭᠳᠡᠢ ᠪᠠᠶᠢᠪᠠ᠃ ᠡᠶᠢᠮᠦ ᠳᠤ 1256 ᠣᠨ ᠤ ᠰᠡᠭᠦᠯᠡᠷ ᠶᠡᠭᠡ | ᠬᠤᠷᠠᠯᠳᠠᠢ ᠬᠤᠷᠠᠵᠦ᠂ ᠬᠢᠳᠠᠳ ᠤᠨ ᠡᠮᠦᠨᠡᠳᠦ ᠰᠦᠩ ᠣᠯᠣᠰ ᠢ ᠪᠠᠶᠢᠯᠳᠣᠨ ᠡᠵᠡᠯᠡᠬᠦ ᠠᠰᠠᠭᠤᠳᠠᠯ ᠬᠡᠯᠡᠯᠴᠡᠵᠡᠢ᠃ ᠬᠤᠷᠠᠯᠳᠣᠭᠠᠨ ᠤ ᠦᠶᠡ ᠪᠠᠷ ᠠᠳᠡ ᠳᠡᠨᠳᠡ | ᠪᠣᠣᠬᠢᠶᠠ ᠡᠯᠴᠢ ᠵᠠᠷᠣᠵᠦ᠂ ᠬᠤᠷᠠᠯᠳᠠᠢ ᠳᠤ ᠢᠷᠡᠵᠦ ᠠᠮᠵᠢᠭᠠ ᠦᠬᠡᠢ ᠵᠠᠷᠢᠮ ᠶᠡᠬᠡᠰ ᠳᠡᠭᠡᠳᠦᠰ ᠤᠨ ᠰᠠᠨᠠᠯ ᠢ ᠠᠪᠴᠠᠢ᠃ ᠮᠦᠨ ᠪᠦᠬᠡ ᠢᠳᠣᠭᠠᠨ ᠢᠶᠠᠷ ᠲᠦᠯᠬᠡ | ᠮᠡᠷᠭᠡ ᠳᠠᠯᠪᠢᠭᠤᠯᠣᠭᠰᠠᠨ ᠪᠠᠶᠢᠨᠠ᠃ ᠶᠡᠭᠡ ᠬᠤᠷᠠᠯᠳᠠᠢ ᠳᠡᠭᠡᠷᠡ ᠮᠦᠩᠬᠡ ᠬᠠᠭᠠᠨ ᠦᠬᠦᠯᠡᠬᠦ ᠳᠡᠭᠡᠨ᠄ ︽ᠮᠢᠨᠣ ᠡᠪᠦᠭᠡ ᠡᠴᠢᠬᠡ ᠶᠡᠭᠡ ᠦᠢᠯᠡᠰ ᠢ ᠪᠦᠳᠦᠭᠡᠵᠦ᠂ | ᠨᠡᠷᠡ ᠲᠦᠷᠦ ᠪᠠᠨ ᠮᠦᠩᠬᠡ ᠠᠯᠳᠠᠷᠰᠢᠭᠤᠯᠣᠭᠰᠠᠨ ᠪᠢᠯᠡ᠃ ᠪᠢ ᠡᠪᠦᠭᠡ ᠡᠴᠢᠬᠡ ᠶᠢᠨ ᠢᠶᠠᠨ ᠠᠳᠠᠯᠢ ᠶᠡᠭᠡ ᠦᠢᠯᠡᠰ ᠢ ᠵᠠᠪᠠᠯ ᠪᠦᠳᠦᠭᠡᠨᠡ᠃ ᠡᠮᠦᠨᠡᠳᠦ ᠰᠦᠩ | ᠣᠯᠣᠰ ᠭᠡᠷᠡ ᠪᠠᠨ ᠡᠪᠳᠡᠵᠦ᠂ ᠮᠢᠨᠣ ᠡᠯᠴᠢ ᠶᠢ ᠪᠠᠷᠢᠪᠴᠢᠯᠠᠨ ᠬᠤᠷᠢᠵᠦ᠂ ᠶᠣᠰᠣ ᠵᠢᠷᠣᠮ ᠢ ᠵᠦᠷᠢᠴᠡᠪᠡ᠃ ᠡᠶᠢᠮᠦ ᠠᠴᠠ ᠴᠡᠷᠢᠭ ᠭᠠᠷᠭᠠᠨ ᠳᠠᠶᠢᠯᠠᠬᠤ ᠪᠣᠯᠣᠨᠠ︾ | ᠬᠡᠵᠡᠢ᠃ ᠶᠡᠭᠡ ᠬᠠᠭᠠᠨ ᠤ ᠦᠬᠡ ᠶᠢ ᠰᠣᠨᠣᠰᠣᠭᠠᠳ ᠨᠣᠶᠠᠳ ᠰᠠᠶᠢᠳ ᠨᠠᠷ ᠴᠣᠴᠢᠷᠳᠠᠨ᠂ ᠦᠪᠡᠷ ᠦᠪᠡᠷ ᠤᠨ ᠰᠠᠨᠠᠯ ᠳᠠᠯᠪᠢᠵᠠᠢ᠃ ᠣᠳᠬᠠᠨ ᠳᠡᠭᠦᠦ | ᠠᠷᠢᠭᠪᠦ᠋ᠬᠡ᠂ ᠬᠦᠦ ᠶᠣᠯᠣᠨᠳᠠᠰᠢ ᠨᠠᠷ ᠪᠡᠶᠡ ᠪᠠᠷ ᠴᠡᠷᠢᠭ ᠣᠳᠣᠷᠢᠳᠬᠤ ᠶᠢ ᠳᠣᠷᠠ ᠦᠬᠡᠶᠢᠴᠡᠵᠦ᠄ ︽ᠡᠮᠦᠨᠡᠳᠦ ᠰᠦᠩ ᠣᠯᠣᠰ ᠤᠨ ᠭᠠᠵᠠᠷ ᠨᠣᠳᠤᠭ ᠠᠭᠤᠳᠠᠮ᠂ | ᠭᠤᠣᠯ ᠮᠦᠷᠡᠨ ᠣᠯᠠᠨ᠂ ᠠᠭᠤᠯᠠ ᠣᠰᠣ ᠶᠡᠭᠡ᠂ ᠬᠠᠯᠠᠭᠤᠨ ᠳᠣᠯᠠᠭᠠᠨ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠣᠴᠢᠷ ᠪᠠᠶᠢᠯᠳᠣᠬᠤ ᠳᠤ ᠬᠡᠴᠡᠬᠦᠦ᠃ ᠪᠠᠰᠠ ᠳᠡᠭᠡᠭᠡᠳ ᠡᠮᠦᠨᠡᠳᠦ | ᠰᠦᠩ ᠣᠯᠣᠰ ᠤᠨ ᠴᠡᠷᠢᠭ ᠤᠨ ᠬᠦᠴᠦ ᠶᠡᠭᠡ᠃ ᠣᠰᠣᠨ ᠪᠠ ᠬᠠᠭᠤᠷᠠᠢ ᠵᠠᠮ ᠤᠨ ᠶᠡᠭᠡ ᠴᠡᠷᠢᠭ ᠲᠠᠢ᠃ ᠬᠤᠳᠠ ᠤᠳ ᠨᠢ ᠪᠠᠬᠢᠯᠡᠯᠳᠡ ᠬᠠᠮᠠᠭᠠᠯᠠᠯᠳᠠ ᠰᠠᠶᠢᠳᠠᠢ᠂ | ᠬᠦᠮᠦᠨ ᠠᠷᠠᠳ ᠨᠢ ᠨᠣᠳᠤᠭ ᠣᠰᠣᠨ ᠳᠠᠭᠠᠨ ᠬᠠᠯᠠᠭᠤᠨ ᠬᠠᠶᠢᠷᠠᠳᠠᠢ ᠣᠴᠢᠷ ᠪᠠᠭᠤᠵᠦ ᠦᠭᠳᠡᠭ ᠦᠬᠡᠢ︾ ᠬᠡᠬᠦ ᠮᠡᠳᠦ ᠪᠠᠷ ᠣᠴᠢᠷᠯᠠᠨ ᠶᠠᠷᠢᠭᠰᠠᠨ ᠠᠪᠠᠴᠣ᠂ | ᠪᠠᠳᠣ ᠬᠠᠭᠠᠨ ᠠᠴᠠ ᠬᠡᠷᠬᠢᠬᠦ ᠶᠢ ᠠᠰᠠᠭᠤᠯᠭᠠᠬᠤ ᠳᠤ ︽ᠪᠡᠶᠡ ᠪᠠᠷ ᠴᠡᠷᠢᠭ ᠠᠪᠴᠣ ᠳᠠᠶᠢᠯᠠᠨ ᠨᠡᠷᠡ ᠲᠦᠷᠦ ᠪᠠᠨ ᠮᠠᠨᠳᠣᠭᠤᠯᠬᠤ ᠨᠢ ᠵᠦᠢᠳᠡᠢ︾ ᠭᠡᠰᠡᠨ ᠬᠠᠷᠢᠭᠤ | ᠦᠭᠴᠡᠢ᠃ ᠡᠶᠢᠨᠬᠦ ᠬᠤᠷᠠᠯᠳᠠᠢ ᠪᠠᠷ ᠣᠳᠠᠭᠠᠨ ᠮᠠᠷᠭᠤᠯᠳᠣᠭᠰᠠᠨ ᠤ ᠡᠴᠦᠰ ᠲᠤ ᠮᠦᠩᠬᠡ ᠬᠠᠭᠠᠨ ᠪᠡᠶᠡ ᠪᠠᠷ ᠴᠡᠷᠢᠭ ᠠᠪᠴᠣ ᠳᠠᠶᠢᠯᠠᠬᠤ ᠪᠠᠷ ᠪᠣᠯᠵᠠᠢ᠃ | 1257 ᠣᠨ ᠤ ᠬᠠᠪᠣᠷ᠂ ᠵᠣᠨ ᠬᠤᠶᠠᠷ ᠣᠯᠠᠷᠢᠯ ᠳᠤ ᠳᠠᠶᠢᠨ ᠤ ᠪᠡᠯᠡᠳᠬᠡᠯ ᠬᠢᠵᠦ᠂ ᠴᠡᠷᠢᠭ ᠮᠣᠷᠢᠳ ᠢᠶᠠᠨ ᠰᠢᠯᠢᠨ ᠰᠣᠩᠭᠤᠵᠦ ᠠᠮᠠᠷᠠᠭᠠᠪᠠ᠃ ᠮᠦᠨ | ᠮᠣᠩᠭᠤᠯ ᠳᠤ ᠳᠠᠭᠠᠷᠠ ᠣᠷᠣᠭᠰᠠᠨ ᠬᠢᠳᠠᠳ ᠵᠠᠩᠵᠣᠨ ᠨᠠᠷ ᠢᠶᠠᠷ ᠣᠳᠣᠷᠢᠳᠣᠭᠤᠯᠭᠰᠠᠨ ᠬᠢᠳᠠᠳ ᠤᠨ ᠴᠣᠬᠤᠷ ᠴᠡᠷᠢᠭ ᠤᠨ ᠠᠩᠬᠢ ᠪᠠᠶᠢᠭᠤᠯᠪᠠ᠃ ᠪᠠᠰᠠ ᠬᠢᠳᠠᠳ | ᠨᠣᠳᠤᠭ ᠲᠤ ᠣᠰᠣᠨ ᠵᠠᠪᠢ ᠬᠢᠯᠬᠡᠵᠦ᠂ ᠵᠠᠮᠴᠢᠨ ᠭᠠᠵᠠᠷᠴᠢᠨ ᠣᠯᠵᠦ᠂ ᠭᠤᠯᠢᠷ ᠪᠣᠳᠠᠭᠠ ᠵᠡᠷᠭᠡ ᠬᠤᠭᠤᠯᠠ ᠬᠦᠨᠡᠰᠦ ᠶᠢ ᠪᠠᠵᠠᠭᠠᠵᠦ ᠪᠡᠯᠡᠳᠭᠡᠬᠦᠯᠵᠡᠢ᠃ ᠶᠡᠭᠡ | ᠬᠠᠭᠠᠨ ᠲᠠᠢ ᠬᠠᠮᠳᠣ ᠶᠠᠪᠣᠵᠦ ᠬᠤᠶᠠᠷ ᠵᠠᠮ ᠤᠨ ᠴᠡᠷᠢᠭ ᠲᠤ ᠪᠠᠶᠢᠯᠳᠣᠬᠤ 20 ᠭᠠᠷᠣᠢ ᠮᠣᠩᠭᠤᠯ ᠵᠠᠩᠵᠣᠨ᠂ ᠨᠣᠶᠠᠳ ᠲᠤ ᠡᠮᠦᠨᠡᠳᠦ ᠰᠦᠩ ᠣᠯᠣᠰ ᠤᠨ | ᠪᠠᠶᠢᠳᠠᠯ ᠢ ᠰᠣᠳᠣᠯᠣᠭᠤᠯᠵᠦ᠂ ᠳᠣᠰ ᠳᠣᠰ ᠲᠤᠨᠢ ᠳᠣᠳᠣᠷᠬᠠᠢ ᠡᠭᠦᠷᠭᠡ ᠬᠦᠯᠢᠶᠡᠯᠬᠡᠵᠡᠢ᠃ ᠴᠡᠷᠢᠭ ᠳᠠᠶᠢᠨ ᠤ ᠡᠶᠢᠮᠦᠷᠬᠦ ᠪᠡᠯᠡᠳᠬᠡᠯ ᠬᠢᠭᠰᠡᠨ ᠤ ᠳᠠᠷᠠᠭᠠ ᠲᠦᠷᠦ | ᠶᠢᠨ ᠳᠤᠭ ᠰᠦᠯᠳᠡ ᠪᠠᠨ ᠳᠠᠬᠢᠵᠠᠢ᠃ ᠢᠯᠠᠩᠭᠤᠶᠠ ᠪᠠᠶᠢᠯᠳᠣᠭᠠᠨ ᠤ ᠳᠣᠭᠰᠢᠨ ᠬᠠᠷᠠ ᠳᠤᠭ ᠢ ᠬᠡᠳᠦᠨ ᠡᠳᠦᠷ ᠣᠨᠴᠠᠭᠠᠶᠢᠯᠠᠨ ᠳᠠᠬᠢᠭᠰᠠᠨ ᠬᠡᠳᠡᠭ᠃ ᠮᠦᠩᠬᠡ | ᠬᠠᠭᠠᠨ ᠡᠷᠳᠡᠮ ᠨᠣᠮ ᠲᠠᠢ ᠢᠯᠠᠩᠭᠤᠶᠠ ᠳᠣᠭᠠᠨ ᠤ ᠣᠬᠠᠭᠠᠨ ᠳᠤ ᠭᠠᠷᠮᠠᠭᠠᠢ ᠣᠳᠣᠨ ᠣᠷᠣᠨ ᠤ ᠰᠣᠳᠣᠯᠣᠯᠳᠠᠨ ᠪᠠᠶᠢᠭᠰᠠᠨ ᠬᠢᠳᠠᠳ ᠣᠷᠣᠨ ᠤ ᠴᠠᠭ ᠠᠭᠤᠷ ᠢ | ᠶᠡᠬᠡᠳᠡ ᠨᠠᠷᠢᠪᠴᠢᠯᠠᠨ ᠰᠣᠳᠣᠯᠵᠦ᠂ ᠳ᠋ᠦᠩᠨᠡᠯᠳᠡ ᠬᠢᠳᠡᠭ ᠪᠠᠶᠢᠵᠠᠢ᠃ ᠣᠯᠠᠮ ᠢᠶᠠᠷ 1257 ᠣᠨ ᠤ ᠡᠪᠦᠯ ᠬᠠᠷᠠ ᠬᠤᠷᠣᠮ ᠨᠡᠶᠢᠰᠯᠡᠯ ᠲᠠᠢ ᠮᠣᠩᠭᠤᠯ ᠣᠷᠣᠨ | ᠢᠶᠠᠨ ᠣᠳᠬᠠᠨ ᠳᠡᠬᠦᠦ ᠠᠷᠢᠭᠪᠦ᠋ᠬᠡ᠂ ᠠᠯᠠᠨᠳᠠᠷ ᠵᠠᠩᠵᠣᠨ ᠨᠠᠷ ᠲᠤ ᠰᠠᠬᠢᠭᠤᠯᠣᠨ ᠦᠯᠡᠳᠡᠭᠡᠭᠡᠳ ᠬᠦᠳᠡᠯᠦᠭᠰᠡᠨ ᠪᠠᠶᠢᠨᠠ᠃ ᠴᠡᠷᠢᠭ ᠢᠶᠠᠨ ᠪᠠᠷᠠᠭᠤᠨ ᠵᠡᠬᠦᠨ ᠭᠠᠷ | ᠲᠤ ᠬᠤᠪᠢᠶᠠᠵᠦ᠂ ᠪᠠᠷᠠᠭᠤᠨ ᠵᠠᠮ ᠤᠨ 40 ᠮᠢᠩᠭᠠᠨ ᠴᠡᠷᠢᠭ ᠢ ᠮᠦᠩᠬᠡ ᠬᠠᠭᠠᠨ ᠪᠡᠶᠡ ᠪᠠᠷ ᠣᠳᠣᠷᠢᠳᠴᠠᠢ᠃ ᠮᠦᠩᠬᠡ ᠬᠠᠭᠠᠨ ᠢ ᠳᠠᠭᠠᠯᠳᠣᠨ ᠬᠠᠳᠠᠨ᠂ | ᠳᠣᠳᠣᠭᠠᠢ᠂ ᠮᠦᠬᠡ᠂ ᠠᠰᠣᠳᠠᠢ ᠵᠡᠷᠬᠡ ᠴᠡᠷᠢᠭ ᠤᠨ ᠠᠪᠢᠶᠠᠰᠣᠯᠢᠭ ᠵᠠᠩᠵᠣᠨ ᠨᠣᠶᠠᠳ ᠶᠠᠪᠣᠵᠠᠢ᠃ ᠵᠡᠬᠦᠨ ᠵᠠᠮ ᠤᠨ ᠶᠡᠭᠡ ᠴᠡᠷᠢᠭ ᠢ ᠳᠣᠭᠤᠴᠠᠷ ᠵᠠᠩᠵᠣᠨ | ᠶᠡᠷᠦᠩᠬᠡᠶᠢᠯᠡᠨ ᠵᠠᠬᠢᠷᠴᠣ᠂ ᠲᠡᠬᠦᠨ ᠢ ᠳᠠᠭᠠᠯᠳᠣᠨ ᠶᠢᠰᠦᠩᠬᠡ᠂ ᠬᠤᠷᠴᠢ᠂ ᠪᠣᠵᠠᠭᠠᠷ᠂ ᠮᠦᠩᠬᠡᠬᠤᠷᠴᠢ᠂ ᠴᠠᠭᠠᠨ ᠨᠠᠷ ᠤᠨ ᠨᠣᠶᠠᠳ ᠵᠠᠩᠵᠣᠨ ᠨᠠᠷ ᠶᠠᠪᠣᠵᠠᠢ᠃ ᠮᠦᠨ | ᠳᠡᠭᠦᠨ ᠠᠴᠠ ᠭᠠᠳᠠᠨᠠ ᠬᠢᠳᠠᠳ ᠵᠠᠩᠵᠣᠳ ᠴᠡᠷᠢᠭ ᠢᠶᠠᠨ ᠡᠮᠬᠢᠯᠡᠨ ᠣᠳᠣᠷᠢᠳᠴᠣ ᠵᠠᠬᠢᠷᠭᠠᠨ ᠳᠤᠨᠢ ᠣᠷᠣᠵᠦ ᠶᠠᠪᠣᠭᠰᠠᠨ ᠪᠠᠶᠢᠨᠠ᠃ 1257 ᠣᠨ ᠤ ᠰᠡᠬᠦᠯᠴᠢ | ᠪᠠᠷ ᠬᠦᠳᠡᠯᠦᠭᠰᠡᠨ ᠮᠦᠩᠬᠡ ᠬᠠᠭᠠᠨ ᠤ ᠪᠠᠷᠠᠭᠤᠨ ᠵᠠᠮ ᠤᠨ ᠶᠡᠭᠡ ᠴᠡᠷᠢᠭ ᠬᠢᠳᠠᠳ ᠤᠨ 20 ᠭᠠᠷᠣᠢ ᠬᠤᠳᠠ᠂ ᠪᠣᠭᠤᠮᠳᠠ ᠶᠢ ᠠᠪᠴᠣ ᠣᠷᠣᠭᠰᠢᠯᠠᠭᠰᠠᠭᠠᠷ ᠰᠦᠩ | ᠣᠯᠣᠰ ᠤᠨ ᠰᠲᠷᠠᠲ᠋ᠧᠬᠢ ᠶᠢᠨ ᠴᠢᠬᠤᠯᠠ ᠲᠦᠰᠢᠴᠡ ᠭᠠᠵᠠᠷ ᠪᠣᠯᠬᠤ ᠰᠧᠴᠣᠸᠠᠨ ᠮᠣᠵᠢ ᠳᠤ ᠬᠠᠯᠳᠠᠪᠠ᠃ ᠴᠢᠩᠬᠢᠰ ᠤᠨ ᠣᠳᠬᠤᠨ ᠳᠡᠬᠦᠦ ᠲᠡᠮᠦᠬᠡ ᠣᠳᠴᠢᠬᠢᠨ | ᠤ ᠬᠦᠦ ᠳᠣᠭᠤᠴᠠᠷ ᠢᠶᠠᠷ ᠣᠳᠣᠷᠢᠳᠣᠭᠤᠯᠣᠭᠰᠠᠨ ᠵᠡᠬᠦᠨ ᠵᠠᠮ ᠤᠨ 1258 ᠣᠨ ᠤ ᠲᠦᠷᠪᠡᠳᠦᠭᠡᠷ ᠰᠠᠷᠠ ᠶᠢᠨ ᠦᠶᠡᠰ ᠲᠤ ᠸᠧᠶᠧᠲᠨᠠᠮ ᠠᠴᠠ ᠬᠦᠳᠡᠯᠵᠦ᠂ | ᠰᠦᠩ ᠣᠯᠣᠰ ᠤᠨ ᠠᠷᠣ ᠳᠠᠯᠠ ᠠᠴᠠ ᠳᠣᠪᠳᠣᠯᠣᠨ᠂ ᠡᠮᠦᠨᠡᠳᠦ ᠬᠢᠳᠠᠳ ᠤᠨ ᠭᠤᠸᠠᠩᠰᠢ᠂ ᠬᠤᠨᠠᠨ ᠮᠣᠵᠢ ᠤᠳ ᠲᠤ ᠨᠡᠪᠳᠡᠷᠡᠵᠦ᠂ ᠳᠣᠰ ᠣᠨ ᠤ ᠨᠠᠢᠮᠠᠳᠣᠭᠠᠷ | ᠰᠠᠷᠠ ᠳᠤ ᠴᠠᠩᠱᠠ ᠬᠤᠳᠠ ᠶᠢ ᠪᠦᠰᠡᠯᠡᠨ ᠪᠠᠶᠢᠯᠳᠣᠵᠠᠢ᠃ | ᠮᠦᠨ ᠬᠠᠭᠠᠨ ᠤ ᠪᠡᠶᠡ ᠪᠠᠷ ᠣᠳᠣᠷᠢᠳᠣᠭᠰᠠᠨ ᠴᠡᠷᠢᠭ ᠡᠮᠦᠨᠡᠳᠦ ᠰᠦᠩ ᠣᠯᠣᠰ ᠤᠨ ᠦᠨᠳᠦᠰᠦᠨ ᠭᠤᠣᠯ ᠨᠣᠳᠤᠭ ᠱᠦ ᠶᠢ ᠳᠣᠪᠳᠣᠯᠵᠠᠢ᠃ ᠳᠡᠨᠳᠡᠬᠢ ᠶᠢᠨ | 20 ᠭᠠᠷᠣᠢ ᠴᠢᠬᠤᠯᠠ ᠪᠣᠭᠤᠮᠳᠠ ᠬᠤᠳᠠ ᠶᠢ ᠳᠠᠯᠠ ᠳᠠᠯᠠ ᠠᠴᠠ ᠨᠢ ᠪᠦᠰᠡᠯᠡᠨ ᠳᠠᠭᠠᠷᠢᠵᠠᠢ᠃ ᠰᠧᠴᠤᠸᠠᠨ ᠢᠶᠠᠷ ᠭᠤᠣᠯᠯᠠᠨ ᠲᠦᠪᠯᠡᠷᠡᠭᠰᠡᠨ ᠱᠦ ᠶᠢᠨ ᠭᠠᠵᠠᠷ | ᠨᠣᠳᠤᠭ ᠲᠤ ᠮᠣᠩᠭᠤᠯᠴᠣᠳ ᠳᠠᠶᠢᠨ ᠬᠢᠬᠦ ᠳᠤ ᠦᠨᠡᠬᠡᠷ ᠪᠡᠷᠬᠡ ᠪᠠᠶᠢᠵᠠᠢ᠃ ᠠᠳᠡ ᠬᠠᠯᠠᠭᠤᠨ ᠳᠣᠯᠠᠭᠠᠨ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠶᠢᠨ ᠳᠡᠭᠡᠷᠡ ᠬᠠᠮᠤᠭ ᠤᠨ | ᠬᠦᠴᠦᠷᠬᠡᠭ ᠪᠠᠬᠢᠯᠡᠯᠳᠡ ᠤᠳ ᠨᠢ ᠪᠣᠯᠬᠤ ᠴᠧᠩᠳᠦ᠋ ᠹᠦ᠋᠂ ᠺᠦᠢᠵᠸᠦ ᠹᠦ᠋ ᠪᠠᠶᠢᠵᠠᠢ᠃ ᠮᠣᠩᠭᠤᠯ ᠴᠡᠷᠢᠭ ᠡᠳᠡᠭᠡᠷ ᠬᠤᠳᠠ ᠪᠠᠬᠢᠯᠡᠯᠳᠡ ᠶᠢ ᠠᠮᠠᠷᠬᠠᠨ ᠳᠠᠭᠠᠷᠢᠨ | ᠡᠵᠡᠯᠡᠵᠦ ᠴᠢᠳᠠᠬᠤ ᠦᠬᠡᠢ᠂ ᠴᠡᠷᠢᠭ ᠤᠨ ᠶᠡᠭᠡ ᠪᠠᠭᠠ ᠬᠤᠬᠢᠷᠠᠯ ᠪᠠᠶᠢᠩᠭᠤ ᠦᠵᠡᠭᠰᠡᠭᠡᠷ ᠪᠠᠶᠢᠵᠠᠢ᠃ ᠡᠶᠢᠮᠦ ᠳᠤ 1259 ᠣᠨ ᠤ ᠡᠬᠢ ᠪᠠᠷ ᠮᠦᠩᠬᠡ ᠬᠠᠭᠠᠨ | ᠰᠧᠴᠣᠸᠠᠨ ᠤ ᠨᠣᠳᠤᠭ ᠲᠤ ᠴᠠᠭᠠᠨ ᠰᠠᠷᠠ ᠶᠢᠨ ᠪᠠᠶᠠᠷ ᠳᠡᠮᠳᠡᠭᠯᠡᠵᠦ᠂ ᠴᠡᠷᠢᠭ ᠤᠨ ᠬᠠᠭᠠᠯᠳᠠ ᠲᠠᠢ ᠵᠦᠪᠯᠡᠯᠬᠡᠨ ᠬᠢᠵᠦ᠂ ᠳᠠᠶᠢᠨ ᠤ ᠶᠠᠪᠣᠴᠠ ᠪᠠᠶᠢᠳᠠᠯ᠂ | ᠴᠠᠭᠠᠰᠢᠳᠠ ᠶᠢᠨ ᠵᠣᠷᠢᠯᠳᠠ ᠶᠢᠨ ᠳᠣᠬᠠᠢ ᠠᠰᠠᠭᠤᠳᠠᠯ ᠬᠡᠯᠡᠯᠴᠡᠵᠡᠢ᠃ ᠬᠤᠷᠠᠯᠳᠣᠭᠠᠨ ᠤ ᠰᠢᠢᠳᠪᠦᠷᠢ ᠪᠠᠷ ᠡᠮᠦᠨᠡᠳᠦ ᠬᠢᠳᠠᠳ ᠤᠨ ᠨᠣᠳᠤᠭ ᠲᠤ ᠮᠣᠩᠭᠤᠯ ᠴᠡᠷᠢᠭ | ᠦᠯᠡᠳᠡᠨ ᠪᠠᠶᠢᠯᠳᠣᠬᠤ ᠪᠠᠷ ᠰᠢᠢᠳᠴᠡᠢ᠃ ᠬᠡᠳᠦᠶᠢᠪᠡᠷ ᠬᠤᠷᠠᠯᠳᠣᠭᠠᠨ ᠤ ᠶᠠᠪᠣᠴᠠ ᠳᠤ ᠣᠯᠠᠨ ᠵᠠᠩᠵᠣᠨ ᠨᠣᠶᠠᠳ ︽ᠡᠮᠦᠨᠡᠳᠦ ᠨᠣᠳᠤᠭ ᠲᠤ ᠬᠠᠯᠠᠭᠤᠨ ᠬᠢᠵᠢᠭ | ᠭᠠᠷᠪᠠ᠃ ᠡᠷᠬᠢᠮ ᠳᠡᠭᠡᠳᠦᠰ ᠡᠷᠬᠢᠨ ᠪᠣᠴᠠᠭᠳᠣᠨ᠃ ᠣᠯᠣᠭᠰᠠᠨ ᠠᠷᠠᠳ ᠢᠷᠭᠡᠳ ᠢᠶᠠᠨ ᠲᠦᠰᠢᠮᠡᠯ ᠨᠣᠶᠠᠳ ᠢᠶᠠᠷ ᠢᠶᠠᠨ ᠬᠠᠷᠠᠭᠠᠯᠵᠠᠭᠤᠯᠣᠨ ᠵᠠᠬᠢᠷᠣᠭᠤᠯᠣᠬᠳᠣᠨ︾ | ᠬᠡᠮᠡᠨ ᠰᠠᠨᠠᠯ ᠢ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠴᠦ ᠮᠦᠩᠬᠡ ᠬᠠᠭᠠᠨ ᠪᠣᠴᠠᠬᠤ ᠦᠬᠡᠢ ᠦᠷᠬᠦᠯᠵᠢᠯᠡᠬᠦᠯᠦᠨ ᠪᠠᠶᠢᠯᠳᠣᠬᠤ ᠭᠤᠣᠯ ᠰᠢᠯᠳᠠᠭᠠᠨ ᠨᠢ ᠪᠠᠳᠣ᠂ ᠠᠰᠣᠳᠠᠢ ᠬᠤᠶᠠᠷ | ᠬᠦᠦ ᠪᠠᠨ ᠳᠠᠶᠢᠨ ᠤ ᠶᠠᠪᠣᠴᠠ ᠳᠤ ᠠᠯᠠᠭᠤᠯᠣᠭᠰᠠᠨ ᠠᠴᠠ ᠪᠣᠯᠵᠦ ᠬᠠᠷᠢᠭᠤ ᠠᠪᠬᠤ ᠶᠢ ᠡᠷᠡᠮᠡᠯᠵᠡᠵᠡᠢ᠃ ᠴᠦᠩᠴᠢᠩ ᠹᠦ᠋ ᠶᠢ ᠪᠠᠶᠢᠯᠳᠣᠨ ᠠᠪᠬᠤ ᠳᠤ ᠶᠠᠭᠤᠨ ᠤ | ᠡᠮᠦᠨᠡ ︽ᠳ᠋ᠢᠶᠣᠣ ᠢᠦᠢ ᠴᠧᠩ︾ ᠤᠨ ᠬᠠᠭᠠᠯᠳᠠ ᠪᠠᠬᠢᠯᠡᠯᠳᠡ ᠶᠢ ᠡᠵᠡᠯᠡᠨ ᠠᠪᠬᠤ ᠬᠡᠷᠡᠭᠳᠡᠢ ᠪᠠᠶᠢᠵᠠᠢ᠃ ᠮᠣᠩᠭᠤᠯ ᠡᠨᠡᠬᠦ ᠵᠢᠵᠢᠭ ᠪᠠᠬᠢᠯᠡᠯᠳᠡ ᠬᠤᠳᠠ ᠶᠢ | ᠪᠠᠶᠢᠯᠳᠣᠨ ᠡᠵᠡᠯᠡᠬᠦ ᠬᠡᠵᠦ ᠪᠦᠳᠦᠨ ᠳᠠᠪᠣᠨ ᠰᠠᠷᠠ ᠪᠠᠶᠢᠯᠳᠣᠵᠦ᠂ ᠮᠠᠰᠢ ᠶᠡᠭᠡ ᠬᠤᠬᠢᠷᠠᠯ ᠬᠦᠯᠢᠶᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠡᠮᠦᠨᠡᠳᠦ ᠰᠦᠩ ᠣᠯᠣᠰ ᠤᠨ ᠴᠡᠷᠢᠭ | ᠠᠷᠠᠳ ᠢ ᠵᠣᠷᠢᠭᠵᠢᠭᠤᠯᠵᠦ᠂ ᠮᠣᠩᠭᠤᠯᠴᠣᠳ ᠤᠨ ᠡᠰᠡᠷᠬᠦ ᠲᠡᠮᠡᠴᠡᠯ ᠳᠤ ᠪᠣᠰᠬᠠᠵᠦ ᠴᠢᠳᠠᠵᠠᠢ᠃ ᠡᠨᠡᠬᠦ ᠬᠦᠨᠳᠦ ᠬᠡᠴᠡᠬᠦᠦ ᠳᠠᠶᠢᠨ ᠤ ᠶᠠᠪᠣᠴᠠ ᠳᠤ ᠮᠦᠩᠬᠡ | ᠬᠠᠭᠠᠨ ᠤ ᠮᠠᠰᠢ ᠶᠡᠭᠡ ᠲᠦᠰᠢᠭ ᠪᠣᠯᠵᠦ ᠬᠦᠴᠦ ᠪᠠᠨ ᠦᠭᠴᠦ ᠪᠠᠶᠢᠭᠰᠠᠨ ᠬᠢᠳᠠᠳ ᠵᠠᠩᠵᠣᠨ ᠸᠠᠩ ᠳ᠋ᠧ ᠴᠧᠨ ᠨᠠᠰᠣ ᠪᠠᠷᠠᠭᠰᠠᠨ ᠨᠢ ᠶᠡᠭᠡ ᠭᠠᠷᠣᠵᠠ ᠬᠤᠬᠢᠷᠠᠯ | ᠲᠠᠢ ᠬᠡᠷᠡᠭ ᠪᠣᠯᠵᠠᠢ᠃ ᠡᠶᠢᠨᠬᠦ ᠬᠦᠮᠦᠨ ᠤ ᠨᠣᠳᠤᠭ ᠤᠨ ᠵᠣᠨ ᠤ ᠠᠭᠠᠬᠢᠮᠠ ᠬᠠᠯᠠᠭᠤᠨ ᠳᠤ ᠮᠣᠩᠭᠤᠯ ᠴᠡᠷᠢᠭ ᠲᠦᠢᠯ ᠳᠠᠭᠠᠨ ᠬᠦᠷᠳᠡᠯᠡ ᠶᠠᠳᠠᠷᠠᠵᠦ᠂ | ᠦᠷᠬᠦᠯᠵᠢᠯᠡᠨ ᠪᠠᠶᠢᠯᠳᠣᠬᠤ ᠳᠤ ᠬᠡᠴᠡᠬᠦᠦ ᠪᠣᠯᠣᠭᠰᠠᠨ ᠤ ᠳᠡᠬᠡᠷᠡ ᠴᠡᠷᠢᠭ ᠤᠨ ᠳᠣᠳᠣᠷᠠ ᠬᠠᠯᠠᠭᠤᠨ ᠬᠢᠵᠢᠭ ᠡᠪᠡᠳᠴᠢᠨ ᠭᠠᠷᠴᠠᠢ᠃ ᠡᠶᠢᠮᠦ ᠳᠤ ᠮᠣᠩᠭᠤᠯ ᠴᠡᠷᠢᠭ | ᠦᠯᠡᠮᠵᠢ ᠦᠬᠦᠵᠦ ᠦᠷᠡᠭᠳᠡᠨ᠂ ᠳ᠋ᠢᠶᠣᠣ ᠢᠦᠢ ᠴᠧᠩ ᠪᠣᠭᠤᠮᠳᠠ ᠬᠤᠳᠠ ᠶᠢ ᠪᠦᠰᠡᠯᠡᠨ ᠪᠠᠶᠢᠯᠳᠣᠬᠤ ᠶᠠᠪᠣᠴᠠ ᠳᠤ ᠮᠦᠩᠬᠡ ᠬᠠᠭᠠᠨ ᠦᠪᠡᠷ ᠢᠶᠠᠨ ᠡᠪᠡᠳᠴᠢᠯᠡᠵᠡᠢ | ᠃ ᠲᠡᠭᠦᠨ ᠢ ᠨᠢᠬᠡᠨ ᠣᠶᠢᠭᠤᠷ ᠡᠮᠴᠢ ᠳᠣᠰᠬᠠᠶᠢᠯᠠᠨ ᠡᠮᠴᠢᠯᠡᠭᠰᠡᠨ ᠪᠣᠯᠪᠠᠴᠣ ᠵᠠᠰᠠᠵᠦ ᠠᠪᠣᠯ ᠦᠬᠡᠢ ᠪᠠᠶᠢᠭᠰᠠᠭᠠᠷ᠂ ᠴᠦᠩᠴᠢᠩ ᠬᠤᠳᠠ ᠶᠢᠨ ᠣᠮᠠᠷᠠᠳᠣ ᠳᠤ | ᠣᠷᠣᠰᠢᠬᠤ ᠨᠢᠬᠡ ᠬᠠᠯᠠᠭᠤᠨ ᠷᠠᠰᠢᠶᠠᠨ ᠳᠤ ᠰᠣᠪᠢᠯᠠᠭᠤᠯᠬᠤ ᠪᠠᠷ ᠶᠠᠪᠣᠵᠦ ᠪᠠᠶᠢᠭᠠᠳ ᠪᠡᠶᠡ ᠪᠠᠷᠠᠵᠠᠢ᠃ | ᠮᠦᠩᠬᠡ ᠬᠠᠭᠠᠨ 1259 ᠣᠨ ᠤ 8 ᠳ᠋ᠣᠭᠠᠷ ᠰᠠᠷᠠ ᠳᠤ ᠨᠠᠰᠣ ᠪᠠᠷᠠᠭᠰᠠᠨ ᠪᠠ ᠠᠮᠢᠰᠬᠤᠭᠠ ᠬᠤᠷᠢᠶᠠᠬᠤ ᠶᠢᠨ ᠡᠮᠦᠨᠡ ︽ᠪᠢ ᠡᠨᠡ ᠨᠢᠬᠡᠨ ᠬᠤᠳᠠ ᠰᠢᠭ᠋ | ᠶᠠᠭᠤᠮᠠᠨ ᠠᠴᠠ ᠪᠣᠯᠵᠦ ᠡᠪᠡᠳᠴᠢᠨ ᠣᠯᠪᠠ᠂ ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠵᠠᠬᠢᠬᠤ ᠳᠤ ᠡᠨᠡ ᠬᠤᠳᠠ ᠶᠢ ᠡᠵᠡᠯᠡᠪᠡᠯ ᠬᠦᠮᠦᠨ ᠠᠷᠠᠳ ᠢ ᠨᠢ ᠬᠦᠢᠰᠦ ᠳᠡᠮᠳᠡᠷᠢᠨ | ᠣᠰᠠᠳᠬᠠ︾ ᠭᠡᠵᠦ ᠬᠡᠯᠡᠭᠰᠡᠨ ᠭᠡᠳᠡᠭ᠃ ᠮᠦᠩᠬᠡ ᠶᠢᠨ ᠬᠦᠦ ᠰᠢᠯᠵᠢ ᠶᠡᠬᠡᠩᠬᠢ ᠮᠣᠩᠭᠤᠯ ᠴᠡᠷᠢᠭ ᠢᠶᠠᠨ ᠠᠪᠴᠣ᠂ ᠡᠴᠢᠬᠡ ᠬᠠᠭᠠᠨ ᠤ ᠪᠠᠨ ᠱᠠᠷᠢᠯ ᠢ ᠬᠠᠮᠠᠭᠠᠯᠠᠨ | ᠡᠬᠡ ᠨᠣᠳᠤᠭ ᠲᠠᠭᠠᠨ ᠪᠣᠴᠠᠵᠠᠢ᠃ ᠮᠦᠩᠬᠡ ᠬᠠᠭᠠᠨ ᠨᠠᠰᠣ ᠪᠠᠷᠠᠭᠰᠠᠨ ᠢᠶᠠᠷ 54 ᠵᠢᠯ ᠤᠨ ᠲᠡᠦᠬᠡ ᠲᠠᠢ ᠶᠡᠭᠡ ᠮᠣᠩᠭᠤᠯ ᠣᠯᠣᠰ ᠦᠬᠡᠢ ᠪᠣᠯᠵᠦ ᠶᠣᠸᠠᠨ ᠬᠦᠷᠦᠨ | ᠬᠡᠳᠡᠭ ᠨᠡᠷᠡ ᠲᠠᠢ ᠬᠢᠳᠠᠳ ᠢᠶᠠᠷ ᠲᠦᠪᠯᠡᠷᠡᠭᠰᠡᠨ ᠡᠵᠡᠨᠳᠦ ᠬᠦᠷᠦᠨ ᠡᠬᠦᠰᠴᠡᠢ᠃ ᠶᠡᠭᠡ ᠮᠣᠩᠭᠤᠯ ᠣᠯᠣᠰ ᠤᠨ ᠲᠦᠷᠪᠡᠨ ᠳᠠᠯᠠᠢ ᠶᠡᠭᠡ ᠬᠠᠭᠠᠨ ᠤ ᠭᠤᠷᠪᠠ ᠶᠢ | ᠪᠣᠶᠣ ᠴᠢᠩᠬᠢᠰ᠂ ᠦᠬᠡᠳᠡᠢ᠂ ᠮᠦᠩᠬᠡ ᠨᠠᠷ ᠤᠨ ᠦᠶᠡ ᠳᠤ ᠭᠠᠳᠠᠭᠰᠢ ᠪᠠᠨ ᠠᠭᠤᠣ ᠶᠡᠭᠡ ᠠᠶᠠᠨ ᠳᠠᠶᠢᠨ ᠬᠢᠵᠦ᠂ ᠵᠡᠷᠯᠢᠭ ᠪᠦᠳᠦᠭᠦᠯᠢᠭ ᠬᠡᠭᠳᠡᠵᠦ ᠪᠠᠶᠢᠭᠰᠠᠨ | ᠮᠣᠩᠭᠤᠯᠴᠣᠳ ᠤᠨ ᠨᠡᠷᠡ ᠳᠡᠯᠡᠬᠡᠢ ᠳᠤ ᠲᠦᠬᠡᠨ ᠴᠣᠣᠷᠢᠶᠠᠳᠣᠵᠦ᠂ ᠰᠠᠶᠢᠨ ᠮᠠᠭᠤ ᠠᠵᠢᠯ ᠦᠢᠯᠡᠰ ᠢᠶᠠᠷ ᠢᠶᠠᠨ ᠳᠠᠲ᠋ᠠᠷ ᠮᠣᠩᠭᠤᠯ ᠴᠢᠩᠬᠢᠰ ᠤᠨ ᠮᠣᠩᠭᠤᠯ ᠭᠡᠳᠡᠭ | ᠨᠡᠷᠡ ᠶᠢ ᠵᠡᠬᠦᠪᠡ᠃ ᠮᠦᠩᠬᠡ ᠬᠠᠭᠠᠨ ᠤ ᠦᠶᠡ ᠳᠤ ᠮᠣᠩᠭᠤᠯ ᠬᠦᠷᠦᠨ ᠤ ᠨᠣᠳᠤᠭ ᠠᠰᠣᠷᠣ ᠬᠡᠮᠵᠢᠶᠡᠨ ᠳᠤ ᠬᠦᠷᠦᠭᠰᠡᠨ ᠪᠦᠬᠡᠳ ᠲᠡᠭᠦᠨ ᠢ ᠴᠢᠩᠬᠢᠰ ᠬᠠᠭᠠᠨ | ᠠᠴᠠ ᠬᠤᠶᠢᠰᠢᠬᠢ ᠶᠡᠭᠡ ᠮᠣᠩᠭᠤᠯ ᠣᠯᠣᠰ ᠤᠨ ᠬᠠᠮᠤᠭ ᠤᠨ ᠠᠭᠤᠣ ᠶᠡᠭᠡ ᠬᠠᠭᠠᠨ ᠪᠠᠶᠢᠭᠰᠠᠨ ᠭᠡᠵᠦ ᠵᠦᠢ ᠶᠣᠰᠣᠭᠠᠷ ᠦᠵᠡᠳᠡᠭ ᠠᠮᠣᠢ᠃ | | |