| ᠵᠣᠬᠢᠶᠠᠭᠴᠢ᠄ ᠪᠤ · ᠣᠶᠣᠨᠰᠣᠪᠣᠳ | | | — ᠡᠭᠡᠵᠡᠭᠡᠢ ᠠᠭᠠᠷᠣᠣᠯ ᠢᠷᠣᠭᠠᠷ ᠲᠤᠨᠢ ᠲᠡᠪᠲᠤᠭ᠍ᠰᠡᠨ ᠡᠵᠢ ᠶᠢᠨ ᠪᠤᠷᠣ ᠠᠶᠠᠭᠠ ᠬᠠᠷᠠᠭᠳᠠᠭᠠᠳ ᠪᠠᠶᠢᠨᠠ ᠳ᠋ᠠ | ᠡᠵᠢ ᠵᠠᠯᠠᠭᠤ ᠪᠠᠶᠢᠬᠤ ᠳᠠᠭᠠᠨ ᠲᠡᠩᠲᠡ ᠰᠠᠭᠠᠯᠢ ᠶᠢᠨ ᠦᠨᠦᠷ ᠲᠠᠢ᠂ ᠴᠠᠢ ᠶᠢᠨ ᠠᠮᠲᠠᠲᠠᠢ ᠰᠠᠨᠠᠭᠳᠠᠳᠠᠭ ᠰᠠᠨ᠃ ᠲᠤᠮᠤ ᠪᠤᠯᠣᠭᠠᠳ᠂ ᠠᠶᠢᠯ ᠪᠤᠯᠣᠭᠰᠠᠨ ᠴᠤ | ᠬᠠᠶᠠ ᠨᠢᠭᠡ ︽ᠠᠶᠢᠯᠴᠢᠯᠠᠬᠤ︾ ᠪᠤᠯᠭᠠᠨ ᠳᠤ ᠮᠦᠨ ᠯᠡ ᠲᠡᠶᠢᠮᠦ ᠯᠡ ᠦᠨᠦᠷ ᠲᠡᠶᠢᠮᠤ ᠯᠡ ᠠᠮᠲᠠ ᠭᠡᠷ ᠤᠷᠣᠨ ᠠᠴᠠ ᠨᠢ ᠴᠤ ᠠᠩᠬᠢᠯᠤᠨ ᠠᠮᠲᠠᠭᠳᠠᠵᠤ᠂ | ᠦᠨᠦᠷᠳᠦᠭᠳᠡᠵᠦ ᠪᠠᠶᠢᠳᠠᠭ ᠨᠢ ᠪᠦᠷ ᠬᠠᠷᠠ ᠪᠠᠭᠠ ᠠᠴᠠ ᠰᠡᠳᠭᠢᠯ ᠳᠤ ᠰᠢᠩᠭᠡᠴᠢᠬᠡᠭᠰᠡᠨ ᠤ ᠬᠢ ᠶᠤᠮ ᠦᠦ︕ | ᠦᠨᠦ ᠬᠡᠳᠦ᠋ᠪᠡᠷ ᠡᠵᠢ ᠬᠡᠪᠳᠡᠷᠢ ᠳᠤ ᠤᠷᠣᠭᠰᠠᠨ ᠴᠤ ᠤᠷᠤ ᠳᠡᠷᠡ ᠲᠦᠰᠢᠨ ᠰᠠᠭᠤᠭᠠᠳ ᠬᠠᠭᠤᠷᠣᠭᠰᠠᠨ ᠠᠮᠤ ᠬᠤᠷᠣᠳ ᠰᠢᠷᠠ ᠲᠤᠰᠣ ᠪᠤᠷᠠᠮ | ᠲᠡᠷᠢᠭᠦᠲᠡᠨ ᠢᠶᠠᠨ ᠵᠢᠵᠢᠭᠬᠡᠨ ᠴᠠᠢ ᠶᠢᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠨ ᠲᠠᠩᠰᠤᠭ ᠦᠷᠦᠴᠢᠬᠡᠭᠡᠳ ᠨᠠᠳᠠ ᠳᠤ ᠬᠠᠨᠢᠰᠤᠨ ᠤᠲᠠᠭᠠᠨ ᠴᠠᠶᠢᠯᠠᠵᠤ ᠰᠠᠭᠤᠯᠠ᠃ ᠲᠡᠷᠡ ᠬᠦ | ᠡᠨᠡᠷᠢᠩᠭᠦᠢ ᠬᠠᠷᠠᠴᠠᠨ ᠠᠴᠠ ᠨᠢ ᠬᠦᠷᠲᠡᠯᠡ ︽ᠬᠡᠣᠬᠡᠳ ᠮᠢᠨᠢ︕︾ ᠬᠡᠮᠡᠬᠦ ᠬᠠᠶᠢᠷᠠ ᠶᠢᠨ ᠠᠮᠲᠠ᠂ ᠡᠨᠡᠷᠢᠭᠰᠡᠨ ᠰᠡᠳᠭᠢᠯ ᠲᠤᠳᠤᠷᠠᠭᠠᠳ ᠯᠡ ᠁ ᠰᠡᠳᠭᠢᠯ | ᠠᠶᠠᠭᠦ᠋ᠷᠡᠭᠡᠳ᠂ ᠪᠦᠷ ᠴᠤ ᠶᠡᠭᠡ ᠰᠢᠮᠰᠢᠷᠡᠭᠰᠡᠨ ᠢ ᠬᠡᠯᠡᠬᠦ ᠦᠦ︕ ᠮᠠᠨ ᠠᠴᠠ ᠠᠯᠭᠤᠷ ᠠᠭᠠᠵᠢᠮ ᠢᠶᠠᠷ ᠬᠤᠯᠠᠳᠠᠵᠤ ᠪᠤᠢ ᠠᠮᠢ ᠨᠠᠰᠤ ᠨᠢ ᠡᠵᠢ ᠶᠢᠨ ᠦᠨᠦᠷ | ᠰᠢᠩᠭᠡᠭᠰᠡᠨ ᠴᠠᠢ ᠪᠠᠷ ᠤᠮᠳᠠᠯᠠᠵᠦ ᠶᠠᠪᠤᠭᠰᠠᠨ ᠪᠠᠭᠠ ᠨᠠᠰᠤ ᠲᠠᠢ ᠮᠢᠨᠢ ᠶᠠᠭᠤᠲᠠᠢ ᠢᠵᠢᠯ ᠠᠵᠢ᠃ ᠶᠠᠭ ᠯᠡ ᠭᠡᠷ ᠤᠨ ᠮᠢᠨᠢ ᠬᠠᠵᠠᠭᠤ ᠪᠠᠷ ᠤᠭᠲᠤ ᠠᠮᠠᠷᠠᠯ ᠦᠭᠡᠢ | ᠤᠷᠣᠰᠣᠭᠠᠳ ᠤᠷᠣᠰᠣᠭᠠᠳ ᠬᠤᠯᠠᠳᠠᠳᠠᠭ ᠬᠠᠬᠢᠷ ᠤᠨ ᠭᠤᠤᠯ ᠤᠨ ᠣᠰᠤ ᠰᠢᠤᠬᠠᠨ ᠰᠠᠨᠠᠭᠳᠠᠬᠤ ᠶᠤᠮ᠃ | ᠪᠤᠷᠣᠭᠠᠨ ᠤᠷᠣᠬᠤ ᠭᠡᠵᠦ ᠪᠠᠶᠢᠭᠠ ᠶᠤᠮ ᠪᠤᠯᠪᠠᠤ︖ ᠭᠡᠷ ᠤᠨ ᠡᠮᠦᠨᠡᠬᠢ ᠰᠠᠭᠯᠠᠭᠠᠷ ᠤᠳᠠᠨ ᠳᠤ ᠰᠦᠷᠦᠭ ᠪᠤᠯᠵᠤᠮᠤᠷ ᠪᠤᠰᠤᠨ ᠰᠠᠭᠤᠨ ᠨᠢᠭᠡ ᠶᠡᠭᠡ | ᠱᠤᠯᠣᠭᠠᠨᠠᠯᠳᠣᠭᠠᠳ ᠯᠡ᠃ ᠡᠵᠢ ᠶᠢᠨ ᠮᠢᠨᠢ ᠬᠤᠶᠠᠩ ᠰᠢᠷᠠ ᠣᠰᠤ ᠲᠠᠢ ᠬᠦᠯ ᠨᠢ ᠱᠠᠷᠬᠢᠷᠠᠨ ᠡᠪᠡᠳᠴᠦ ᠪᠤᠢ ᠪᠤᠯᠤᠯᠲᠠᠢ᠂ ᠭᠦᠨ ᠭᠦᠨ ᠠᠲᠤᠷᠢᠶᠠ | ᠬᠤᠨᠢᠶᠠᠰᠤ ᠲᠠᠢ ᠮᠠᠩᠨᠠᠢ ᠳᠤᠨᠢ ᠪᠤᠷᠴᠠᠭ ᠤᠨ ᠬᠦᠯᠦᠰᠦ ᠲᠠᠭᠠᠪᠦᠷᠢᠯᠠᠬᠤ ᠶᠤᠮ᠃ ᠪᠢ ᠡᠵᠢ ᠶᠢᠨ ᠨᠦᠮᠦᠷᠴᠦ ᠪᠠᠶᠢᠭᠠ ᠨᠢᠮᠭᠡᠨ ᠬᠦᠨᠵᠢᠯᠡ ᠶᠢᠨ ᠳᠡᠭᠡᠷᠡ | ᠬᠠᠵᠠᠭᠤ ᠳᠤᠨᠢ ᠪᠠᠶᠢᠭᠰᠠᠨ ᠨᠤᠤᠰᠣᠨ ᠬᠦᠷᠮᠡ ᠶᠢ ᠨᠢ ᠠᠪᠴᠦ ᠳᠠᠪᠬᠤᠴᠠᠨ ᠨᠦᠮᠦᠷᠢᠬᠦᠯᠵᠦ ᠦᠭᠭᠦᠭᠡᠳ ᠡᠵᠢ ᠶᠢᠨ ᠬᠦᠬᠡ ᠴᠠᠮᠴᠠ ᠶᠢ ᠡᠭᠡᠯᠳᠦᠷᠬᠡᠯᠡᠨ ᠭᠠᠳᠠᠨᠠ | ᠲᠤᠲᠤᠨᠠ ᠪᠠᠶᠢᠬᠤ ᠵᠦᠢᠯ ᠢ ᠪᠦᠷᠬᠦᠬᠦ ᠶᠢ ᠨᠢ ᠪᠦᠷᠬᠦᠵᠦ ᠭᠡᠷ ᠲᠤ ᠤᠷᠣᠭᠤᠯᠬᠤ ᠶᠢ ᠨᠢ ᠤᠷᠣᠭᠤᠯᠵᠤ ᠮᠤᠩᠭᠠᠨᠢᠪᠠ᠃ ᠡᠵᠢ ᠶᠢᠨ ᠲᠡᠷᠡ ᠴᠠᠮᠴᠠᠨ ᠠᠴᠠ ᠲᠡᠷᠡ ᠯᠡ | ᠨᠢᠭᠡ ᠲᠠᠨᠢᠯ ᠦᠨᠦᠷ ᠲᠠᠨᠢᠯ ᠠᠮᠲᠠ ᠬᠠᠮᠠᠷ ᠤᠷᠣᠭᠤ᠂ ᠰᠡᠳᠭᠢᠯ ᠤᠷᠣᠭᠤ ᠰᠡᠩᠬᠢ ᠲᠠᠲᠠᠨᠠ᠃ ᠠᠢ ᠳ᠋ᠠ᠂ ᠡᠨᠡ ᠯᠡ ᠦᠨᠦᠷ ᠡᠨᠡ ᠯᠡ ᠠᠮᠲᠠ ᠪᠢᠳᠠ ᠬᠤᠶᠠᠷ | ᠣᠳᠠᠯ ᠦᠭᠡᠢ ᠵᠢᠷᠲᠢᠨᠴᠦ ᠶᠢᠨ ᠵᠢᠮᠡ ᠪᠠᠷ ᠰᠠᠯᠤᠨᠠ ᠳ᠋ᠠ ᠭᠡᠬᠦ ᠠᠴᠠ ᠰᠡᠳᠭᠢᠯ ᠪᠠᠰᠠ ᠴᠦ ᠤᠶᠠᠷᠠᠪᠠ᠃ | ᠪᠢ ᠡᠳᠦᠷᠵᠢᠨ ᠡᠵᠢ ᠶᠢᠨ ᠢᠶᠠᠨ ᠲᠡᠷᠡ ᠴᠠᠮᠴᠠ ᠶᠢ ᠡᠭᠡᠯᠳᠦᠷᠬᠡᠯᠡᠭᠰᠡᠨ ᠬᠡᠪ ᠲᠡᠭᠡᠨ ᠭᠡᠷ ᠭᠠᠳᠠᠨᠠ ᠶᠠᠭᠠᠷᠠᠭᠠᠳ ᠯᠡ ᠪᠠᠶᠢᠯᠠ᠃ ᠡᠵᠢ ᠮᠢᠨᠢ ᠡᠷᠡᠭᠦᠯ | ᠪᠠᠶᠢᠬᠤ ᠳᠤ ᠲᠠᠩᠳᠠ ᠬᠢᠳᠡᠭ ᠲᠡᠳᠡᠭᠡᠷ ᠠᠵᠢᠯ ᠤᠳ ᠢ ᠪᠠᠶᠢᠷᠢ ᠪᠠᠶᠢᠷᠢ ᠳᠤᠨᠢ ᠤᠷᠣᠭᠤᠯᠵᠤ ᠲᠠᠯᠪᠢᠬᠤ ᠪᠠᠷ ᠡᠵᠢ ᠮᠢᠨᠢ ᠪᠠᠶᠠᠷᠯᠠᠬᠤ ᠪᠠᠶᠢᠬᠠ ᠬᠡᠵᠦ ᠰᠠᠨᠠᠯᠠ᠃ ᠲᠡᠷᠡ | ᠦᠨᠦᠷ ᠢ ᠲᠡᠷᠡ ᠠᠮᠲᠠ ᠶᠢ ᠨᠢ ᠪᠡᠶᠡ ᠳᠡᠭᠡᠨ ᠰᠢᠩᠭᠡᠭᠡᠳ ᠠᠪᠤᠶᠠ ᠭᠡᠵᠤ ᠰᠠᠨᠠᠭᠰᠠᠨ ᠶᠤᠮ᠃ ᠬᠡᠵᠢᠶᠡ ᠨᠢᠭᠡ ᠡᠳᠦᠷ ᠡᠵᠢ ᠮᠢᠨᠢ ᠲᠡᠷᠭᠡᠲᠡ ᠠᠴᠠ ᠨᠢᠰᠤᠨ | ᠤᠳᠬᠤ ᠪᠠᠷ ᠲᠡᠷᠡ ᠨᠠᠨᠳᠢᠨ ᠦᠨᠦᠷ ᠠᠮᠲᠠ ᠶᠢ ᠴᠤ ᠭᠡᠰᠡᠨ ᠦᠨᠦᠰᠦᠭᠡᠳ ᠦᠭᠡᠶᠢᠯᠡᠨ ᠰᠠᠭᠤᠬᠤ ᠰᠠᠨ ᠬᠡᠮᠡᠨ ᠪᠤᠳᠤᠨᠠ᠃ ᠬᠠᠷᠠ ᠪᠤᠷᠣ ᠠᠵᠢᠯ ᠳᠤ ᠪᠤᠷᠪᠢ | ᠪᠣᠬᠢᠰᠬᠢᠯ ᠦᠭᠡᠢ ᠡᠳᠦᠷ ᠤᠳ ᠢ ᠨᠢ ᠪᠤᠲᠣᠵᠤ ᠰᠠᠨᠠᠵᠤ ᠶᠠᠪᠤᠬᠤ ᠰᠠᠨ ᠭᠡᠮᠡᠨ ᠪᠤᠳᠣᠨᠠ᠃ ᠬᠦᠮᠦᠨ ᠦᠷᠡ ᠬᠡᠤᠬᠡᠳ ᠤᠨ ᠢᠶᠠᠨ ᠰᠡᠳᠭᠢᠯ ᠳᠤ ᠨᠢᠭᠡ ᠶᠠᠭᠤᠮᠠ | ᠬᠤᠨᠤᠭᠰᠢᠭᠤᠯᠤᠨ ᠦᠯᠡᠳᠡᠭᠡᠨᠡ ᠭᠡᠳᠡᠭ ᠶᠠᠮᠠᠷ ᠰᠠᠶᠢᠬᠠᠨ ᠡ᠃ ᠪᠢ ᠴᠤ ᠦᠳᠡᠯᠦᠭᠡᠳ ᠢᠷᠡᠬᠦ ᠪᠠᠷ ︽ᠡᠪᠦᠭᠡ ᠴᠢᠨᠢ ᠡᠮᠡᠭᠡ ᠴᠢᠨᠢ ᠁︾ ᠬᠡᠮᠡᠨ ᠦᠭᠡᠨ ᠤ | ᠣᠭᠤᠲᠠ ᠪᠠᠨ ᠲᠡᠯᠭᠡᠨᠡ᠃ ᠬᠡᠤᠬᠡᠳ ᠤᠳ ᠮᠢᠨᠢ ᠬᠤᠵᠢᠮ ᠤᠨ ᠬᠤᠵᠢᠮ ᠪᠠᠰᠠ ᠨᠠᠳᠠ ᠰᠢᠤᠬᠠᠨ ︽ᠡᠪᠦᠭᠡ ᠴᠢᠨᠢ ᠡᠮᠡᠭᠡ ᠴᠢᠨᠢ︾ ᠭᠡᠬᠦ ᠪᠤᠯᠣᠨᠠ᠃ ᠬᠦᠮᠦᠨ ᠤ | ᠤᠲᠣᠮ ᠤᠭᠰᠠᠭᠠ ᠭᠡᠵᠦ ᠡᠶᠢᠮᠦ ᠯᠡ᠂ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠦᠷᠭᠦᠯᠵᠢᠯᠡᠭᠡᠳ ᠁ | ᠪᠢ ᠡᠵᠢ ᠳᠡᠭᠡᠨ ᠣᠰᠤ ᠴᠠᠢ ᠲᠦᠬᠦᠬᠦᠯᠵᠦ ᠦᠭᠬᠦ ᠪᠠᠷ ᠤᠳᠠᠬᠤ ᠦᠭᠡᠢ ᠤᠳᠠᠬᠤ ᠦᠭᠡᠢ ᠭᠡᠷ ᠲᠤ ᠤᠷᠣᠨᠠ᠃ ᠡᠵᠢ᠄ ︽ᠬᠦᠦ ᠮᠢᠨᠢ ᠵᠦᠭᠡᠷ ᠯᠡ | ᠲᠡᠷᠭᠡᠲᠡ ᠮᠢᠨᠢ ᠰᠠᠭᠤ᠃ ᠬᠦᠮᠦᠨ ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠠᠵᠢᠯ ᠢ ᠬᠢᠭᠡᠳ ᠪᠠᠷᠠᠳᠠᠭ ᠦᠭᠡᠢ᠃ ᠠᠵᠢᠯ ᠴᠤ ᠪᠠᠷᠠᠭᠳᠠᠰᠢ ᠦᠭᠡᠢ᠃ ᠨᠢᠭᠡ ᠢᠷᠡᠭᠰᠡᠨ ᠢᠶᠠᠨ ᠠᠮᠠᠷᠠᠯ | ᠳ᠋ᠠ ᠁︾ ᠭᠡᠳ ᠯᠡ ᠰᠣᠯᠠᠬᠠᠨ ᠲᠤᠤᠭᠠᠷᠪᠠ᠃ ᠲᠡᠶᠢᠮᠤ ᠡ ᠠᠵᠢᠯ ᠭᠡᠳᠡᠭ ᠢ ᠬᠢᠭᠡᠳ ᠪᠠᠷᠠᠳᠠᠭ ᠦᠭᠡᠢ᠂ ᠪᠠᠰᠠ ᠪᠠᠷᠠᠭᠳᠠᠰᠢ ᠦᠭᠡᠢ ᠪᠠᠶᠢᠳᠠᠭ ᠶᠤᠮ ᠰᠠᠨ᠃ | ᠪᠢᠳᠠ ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ ᠵᠢᠯ ᠤᠨ ᠵᠢᠯ ᠠᠪᠤ ᠡᠵᠢ ᠲᠠᠢ ᠪᠠᠨ ᠰᠢᠨᠡᠯᠡᠬᠦ ᠪᠠᠷ ᠪᠢᠲᠡᠭᠦᠨ ᠳᠤ ᠢᠷᠡᠨᠡ᠃ ᠢᠷᠡᠬᠦ ᠪᠤᠯᠭᠠᠨ ᠠᠪᠤ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠰᠢᠨᠡ ᠶᠢᠨ | ᠨᠢᠭᠡᠨ ᠤ ᠦᠷᠯᠦᠭᠡ ᠤᠲᠣᠷ ᠲᠤ ᠤᠴᠢᠵᠦ ᠬᠦᠯᠳᠡᠭᠦᠰᠦ ᠠᠪᠴᠦ᠂ ᠮᠠᠯ ᠢᠶᠠᠨ ᠡᠪᠡᠰᠦᠯᠡᠵᠦ ᠤᠰᠤᠯᠠᠳᠠᠭ᠃ ᠲᠡᠭᠡᠭᠡᠳ ᠪᠠᠭᠠ ᠦᠳᠡ ᠶᠢᠨ ᠠᠰ ᠢᠶᠠᠷ ᠤᠲᠤᠷ ᠤᠨ | ᠭᠡᠷ ᠲᠡᠭᠡᠨ ᠭᠠᠯ ᠬᠦᠰ ᠲᠦᠯᠡᠨ ᠤᠲᠤᠭᠠ ᠤᠨᠢᠶᠠᠷ ᠭᠠᠷᠭᠠᠨ ᠴᠠᠶᠢᠯᠠᠵᠤ ᠠᠪᠤᠭᠠᠳ ᠪᠣᠴᠠᠳᠠᠭ᠃ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠮᠠᠯ ᠤᠨᠤᠭᠠ ᠭᠡᠳ ᠶᠠᠳᠠᠷᠠᠵᠤ ᠶᠠᠪᠤᠭᠠ | ᠲᠡᠭᠦᠦ ᠪᠠᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠡᠳᠦᠷ ᠠᠮᠠᠷᠠᠭᠤᠯᠵᠦ ᠪᠤᠢ ᠨᠢ ᠲᠡᠷᠡ᠃ ᠭᠡᠲᠡᠯᠡ ᠬᠡᠵᠢᠶᠡᠲᠡ ᠠᠮᠠᠷᠠᠳᠠᠭ ᠦᠭᠡᠢ ᠨᠢ ᠠᠪᠤ ᠰᠢᠦ᠃ ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠮᠠᠯ | ᠬᠤᠨᠢ ᠭᠡᠰᠡᠨ ᠠᠪᠤ ᠮᠢᠨᠢ ᠡᠵᠢ ᠰᠢᠭ ᠬᠡᠪᠲᠡᠷᠢ ᠳᠤ ᠪᠠᠶᠢᠬᠤ ᠳᠠᠭᠠᠨ ᠪᠠᠰᠠ ᠮᠠᠨᠤᠰ ᠢᠶᠠᠷ ᠲᠦᠰᠢᠭᠦᠯᠵᠦ ᠮᠠᠯ ᠠᠬᠤᠢ᠂ ᠬᠠᠰᠢᠶᠠ ᠰᠠᠷᠠᠪᠴᠢ ᠪᠠᠨ ᠠᠩᠬᠠᠷᠴᠦ᠂ | ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠠᠮᠢᠨ ᠬᠡᠰᠢᠭ ᠪᠤᠯᠤᠭᠰᠠᠨ ᠮᠠᠯ ᠠᠬᠤᠢ ᠪᠠᠨ᠂ ᠦᠪᠡᠷ ᠤᠨ ᠬᠢᠵᠦ ᠪᠦᠲᠦᠭᠡᠭᠰᠡᠨ ᠠᠮᠢᠳᠤᠷᠠᠯ ᠢᠶᠠᠨ ᠰᠡᠳᠭᠢᠯ ᠳᠡᠭᠡᠨ ᠰᠢᠩᠭᠡᠭᠡᠵᠦ | ᠪᠠᠶᠢᠭᠰᠠᠨ᠃ ᠠᠪᠤ ᠯᠡ ᠡᠵᠢ ᠶᠢᠨ ᠪᠦᠬᠦᠢ ᠵᠦᠢᠯ ᠦᠩᠭᠡ ᠳᠦᠷᠢ᠂ ᠦᠭᠡ ᠵᠤᠭᠤᠭ᠂ ᠤᠬᠠᠭᠠᠨ ᠰᠠᠨᠠᠭᠠᠨ ᠳᠤ ᠬᠠᠳᠠᠩᠰᠢᠨ ᠦᠨᠢ ᠲᠤᠷᠠᠰᠤᠯ ᠪᠤᠯᠤᠨ ᠦᠯᠡᠳᠡᠳᠡᠭ᠃ | ᠠᠢ ᠬᠦᠭᠡᠷᠦᠬᠦᠢ᠂ ᠬᠦᠮᠦᠨ ᠬᠡᠤᠬᠡᠳ ᠤᠨ ᠢᠶᠠᠨ ᠰᠡᠳᠭᠢᠯ ᠳᠤ ᠢᠩᠭᠢᠵᠦ ᠯᠡ ᠮᠦᠩᠬᠡᠷᠡᠳᠡᠭ ᠪᠠᠶᠢᠵᠤ ᠳ᠋ᠠ︕ ᠡᠵᠢ ᠨᠠᠮᠠᠢᠢ ᠵᠠᠬᠢᠵᠦ ᠬᠠᠨᠠ ᠳᠠᠭᠠᠭᠤᠯᠤᠭᠰᠠᠨ | ᠠᠪᠳᠠᠷᠠ ᠠᠴᠠ ᠪᠠᠨ ᠪᠣᠭᠤᠳᠠᠯ ᠪᠠᠭᠯᠠᠭᠠ ᠭᠠᠷᠭᠠᠯᠭᠠᠪᠠ᠃ ᠪᠣᠭᠤᠳᠠᠯ ᠳᠤᠨᠢ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠵᠢᠷᠠᠨ ᠨᠢᠭᠡᠨ ᠨᠠᠰᠤᠨ ᠤ ᠵᠢᠯ ᠤᠨ ᠪᠠᠶᠠᠷ ᠢᠶᠠᠷ ᠡᠮᠤᠰᠤᠭ᠍ᠰᠡᠨ | ᠴᠠᠶᠢᠪᠦᠷ ᠴᠡᠩᠬᠡᠷ ᠪᠦᠰ ᠲᠤᠲᠤᠷ ᠲᠠᠢ ᠪᠤᠷᠣ ᠲᠤᠷᠭᠠᠨ ᠲᠡᠷᠯᠢᠭ ᠪᠠᠶᠢᠯᠠ᠃ | ᠡᠵᠢ ᠮᠢᠨᠢ ᠡᠵᠢ ᠳᠡᠭᠡᠨ ᠭᠡᠵᠦ ᠭᠠᠷ ᠤᠨ ᠢᠶᠠᠨ ᠤᠷᠠ ᠶᠢ ᠭᠠᠷᠭᠠᠨ ᠱᠠᠭᠯᠠᠭᠰᠠᠨ ᠲᠡᠷᠡ ᠲᠡᠷᠯᠢᠭ ᠢᠶᠠᠨ ᠠᠪᠴᠣ᠄ ︽ᠴᠢᠨᠤ ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠴᠢᠨᠢ᠃ | ᠨᠠᠭᠠᠴᠤ ᠡᠮᠡᠭᠡ ᠶᠢᠨ ᠴᠢᠨᠢ ᠪᠡᠶᠡ ᠴᠢᠨᠤ ᠡᠬᠡᠨᠡᠷ ᠤᠨ ᠪᠡᠶᠡ ᠬᠠᠳᠠ ᠲᠠᠢ ᠪᠠᠷᠤᠭ ᠤᠴᠢᠨᠠ᠃ ᠡᠭᠡᠨᠡᠷ ᠲᠡᠭᠡᠨ ᠠᠪᠠᠴᠢᠵᠦ ᠦᠭᠭᠦᠭᠡᠷᠡᠢ᠃ ᠶᠠᠭᠤᠮᠠ ᠬᠡᠤᠮᠠ ᠳᠤ | ᠭᠠᠮᠲᠠᠢ᠂ ᠪᠠᠰᠠ ᠶᠠᠭᠤᠮᠠ ᠶᠢ ᠶᠠᠭᠤᠮᠠ ᠪᠤᠯᠭᠠᠵᠤ ᠴᠢᠳᠠᠳᠠᠭ ᠬᠡᠤᠬᠡᠳ ᠶᠤᠮ︾ ᠭᠡᠳ ᠳᠡᠭᠡᠷᠡ ᠲᠤᠤᠷᠠ ᠲᠠᠪᠬᠤᠴᠠᠬᠤ ᠠᠮᠢᠰᠬᠤᠭᠠ ᠪᠠᠨ ᠲᠡᠩᠴᠡᠭᠦᠯᠵᠦ ᠠᠭᠠᠵᠢᠮ | ᠶᠠᠷᠢᠨᠠ᠃ ᠪᠢ ᠬᠡᠴᠢᠨᠡᠨ ᠵᠢᠯ ᠲᠠᠷᠤᠭᠳᠠᠨ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠡᠨᠡ ᠲᠡᠷᠯᠢᠭ ᠢ ᠲᠣᠰᠣᠨ ᠠᠪᠴᠣ ᠦᠨᠦᠷᠯᠡᠵᠦ ᠲᠠᠪᠠᠷᠢᠵᠦ ᠦᠬᠢᠨ ᠪᠦᠰᠡᠬᠦᠢ ᠮᠡᠲᠦ ᠦᠭᠡ ᠦᠭᠡᠢ | ᠨᠡᠯᠢᠶᠡᠳ ᠰᠠᠭᠤᠪᠠ᠃ ᠠᠢ ᠳ᠋ᠠ᠂ ︽ᠡᠳ᠋ ᠮᠦᠩᠭᠡ ᠡᠵᠡᠡ ᠨᠢ ᠬᠡᠪᠡᠷᠡᠭ︾ ᠭᠡᠳᠡᠭ ᠢ ᠡᠨᠡ ᠯᠡ ᠲᠡᠷᠯᠢᠭ ᠬᠠᠷᠠᠭᠤᠯᠤᠭᠠᠳ ᠪᠠᠶᠢᠨᠠ ᠭᠡᠭᠡᠴᠢ︕ ᠪᠢ ᠡᠵᠢ ᠪᠠᠨ | ᠪᠠᠶᠠᠰᠬᠠᠬᠤ ᠭᠡᠵᠦ ᠲᠡᠷᠯᠢᠭ ᠢ ᠪᠡᠶᠡ ᠳᠡᠭᠡᠨ ᠲᠠᠭᠠᠷᠠᠭᠤᠯᠤᠨ ᠬᠡᠤᠬᠡᠳ ᠭᠡᠮᠡᠷ ᠠᠯᠢᠶᠠᠯᠠᠨ ᠡᠷᠭᠢᠯᠳᠦᠪᠡ᠃ ᠲᠡᠭᠡᠵᠦ ᠬᠡᠳᠦᠨᠲᠡ ᠡᠷᠭᠢᠯᠳᠦᠬᠦ ᠪᠠᠷ ᠰᠡᠪᠡᠯᠵᠡᠭᠰᠡᠨ | ᠵᠢᠪᠠᠷ ᠠᠴᠠ ᠨᠢ ᠮᠦᠨ ᠯᠡ ᠴᠠᠢ ᠶᠢᠨ ᠠᠮᠲᠠ᠂ ᠴᠠᠢ ᠶᠢᠨ ᠦᠨᠦᠷ ᠰᠦ ᠰᠠᠭᠠᠯᠢ ᠠᠷᠭᠠᠯ ᠬᠤᠷᠭᠤᠯ ᠤᠨ ᠦᠨᠦᠷ ᠬᠠᠩᠬᠤᠯᠣᠭᠠᠳ᠃ | ᠮᠢᠨᠤ ᠨᠢᠳᠣᠨ ᠳᠤ ᠨᠢᠯᠪᠤᠰᠣ ᠵᠠᠶᠢᠷᠯᠠᠭᠠᠳ ᠁ ᠪᠢ ᠲᠦᠷᠭᠡᠬᠡᠨ ᠭᠠᠳᠠᠨᠠ ᠭᠠᠷᠣᠯᠠ᠃ ᠵᠣᠨ ᠤ ᠰᠡᠭᠦᠯ ᠰᠠᠷᠠ ᠶᠢᠨ ᠲᠡᠭᠷᠢ ᠪᠠᠰᠠ ᠪᠤᠷᠣᠭᠠᠯᠠᠵᠤ ᠪᠠᠶᠢᠨᠠ | ᠪᠢᠯᠡ᠃ | ᠦᠭᠰᠦᠲᠦ ᠶᠢᠨ ᠦᠨᠳᠦᠷ ᠤᠷᠤᠢ ᠪᠠᠨ ᠡᠯᠡᠭᠳᠡᠨᠡ ᠬᠡᠮᠡᠨ ᠪᠤᠲᠤᠭᠠ ᠦᠭᠡᠢ | ᠦᠯ ᠪᠤᠭᠤᠷᠤᠯ ᠡᠵᠢ ᠪᠠᠨ ᠦᠳᠡᠯᠦᠨᠡ ᠬᠡᠮᠡᠨ ᠪᠤᠳᠤᠭᠠ ᠦᠭᠡᠢ ᠁ | |