| ᠤᠳᠤ ᠶᠢᠨ ᠰᠢᠨᠠ ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ ᠤ ᠪᠤᠬᠠ ᠶᠢᠨ ᠳᠠᠯᠠ ᠳᠠᠬᠢ ᠳᠠᠷᠢᠶᠠᠯᠠᠩ ᠤᠨ ᠤᠷᠤᠮ ᠪᠤᠯ ᠳᠠᠩ ᠤᠯᠤᠰ ᠤᠨ ᠦᠶᠠ ᠠᠴᠠ ᠡᠭᠢᠯᠡᠭᠡᠳ | ᠭᠢᠳᠡᠨ᠂ ᠮᠠᠨᠵᠦ ᠴᠢᠩ ᠵᠡᠷᠭᠡ ᠭᠡᠳᠤᠨ ᠳᠦᠷᠤ ᠶᠢ ᠳᠡᠮᠵᠢᠵᠦ᠂ ᠭᠡᠰᠡᠭ ᠭᠡᠰᠡᠭ ᠬᠤᠭᠤᠴᠠᠭᠠᠨ ᠳᠤ ᠳᠠᠷᠢᠵᠦ ᠪᠠᠶᠢᠭᠰᠠᠨ ᠭᠠᠵᠠᠷ ᠪᠤᠯᠤᠨᠠ᠃ ᠳᠠᠶᠢᠮᠤ ᠠᠴᠠ ᠠᠳᠡ | ᠨᠤᠳᠤᠭᠯᠠᠵᠦ ᠪᠠᠶᠢᠭᠰᠠᠨ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠴᠤ ᠵᠤᠭᠢᠬᠤ ᠭᠡᠮᠵᠢᠶᠠᠨ ᠤ ᠳᠠᠷᠢᠶᠠ ᠳᠦᠮᠦᠰᠤ ᠳᠠᠷᠢᠬᠤ ᠠᠷᠭᠠ ᠶᠢ ᠡᠵᠡᠮᠰᠢᠭᠰᠡᠨ ᠪᠠᠶᠢᠨᠠ᠃ ᠪᠠᠷᠭᠤ ᠶᠢᠨ ᠳᠠᠷᠢᠶᠠ | ᠳᠦᠮᠦᠰᠤ ᠳᠠᠷᠢᠵᠦ ᠪᠠᠶᠢᠭᠰᠠᠨ ᠳᠤᠬᠠᠢ ᠦᠬᠦᠯᠡᠪᠡᠯ᠂ ᠪᠠᠷᠭᠤ ᠶᠢᠨ ᠠᠷᠠᠳ ᠳᠦᠮᠡᠨ ᠭᠡᠳᠦ᠋ᠢᠪᠡᠷ ᠴᠤᠯ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠤᠶᠢᠯᠡᠳᠪᠤᠷᠢᠯᠡᠯ ᠢ ᠡᠷᠭᠢᠯᠡᠳᠡᠭ | ᠪᠤᠯᠪᠠᠴᠤ ᠪᠠᠰᠠ ᠬᠦᠷᠦᠰᠤ ᠰᠢᠷᠤᠢ᠂ ᠴᠠᠭ ᠠᠭᠠᠷ ᠤᠨ ᠪᠠᠶᠢᠳᠠᠯ ᠨᠦᠭᠦᠴᠡᠯ ᠲᠤᠬᠢᠷᠠᠮᠵᠢᠳᠠᠢ᠂ ᠢᠯᠠᠩᠭᠤᠶᠠ ᠬᠤᠷᠠ ᠳᠤᠨᠤᠳᠠᠰᠤ ᠡᠯᠪᠡᠭ ᠴᠠᠭ ᠡᠷᠡᠨ ᠳᠤᠭᠢᠶᠠᠯᠳᠤᠪᠠᠯ | ᠪᠠᠭᠠ ᠰᠠᠭᠠ ᠠᠳᠠᠷ ᠤᠨ ᠳᠠᠷᠢᠶᠠ᠂ ᠭᠤᠤᠯᠳᠠᠭᠤ ᠮᠤᠩᠭᠤᠯ ᠠᠮᠤ ᠳᠠᠷᠢᠵᠦ ᠬᠦᠨᠡᠰᠤᠨ ᠤ ᠨᠦᠬᠦᠪᠤᠷᠢ ᠪᠤᠯᠭᠠᠳᠠᠭ ᠮᠡᠷᠭᠡᠵᠢᠯᠳᠡᠢ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡ ᠨᠢ | ᠭᠡᠨᠡᠳᠳᠡ ᠶᠢᠨ ᠳᠤᠭᠢᠶᠠᠯᠳᠤᠯ ᠪᠢᠰᠢ᠂ ᠬᠠᠷᠢᠨ ᠳᠡᠤᠭᠡ ᠶᠢᠨ ᠶᠠᠮᠠᠷ ᠨᠢᠭᠡᠨ ᠤᠯᠪᠠᠭᠠ ᠪᠠᠶᠢᠭᠰᠠᠨ ᠠᠴᠠ ᠰᠠᠶ᠋ᠢ ᠳᠠᠶᠢᠮᠤ ᠳᠠᠷᠢᠮᠠᠯ ᠤᠨ ᠪᠤᠯᠪᠠᠰᠤᠷᠠᠩᠭᠤᠢ ᠮᠠᠷᠭᠡᠵᠢᠯ ᠢ | ᠤᠯᠠᠮᠵᠢᠯᠠᠨ ᠠᠰᠢᠭᠯᠠᠵᠦ ᠪᠠᠶᠢᠭᠰᠠᠨ ᠨᠢ ᠮᠡᠳᠡᠭᠡᠵᠢ ᠶᠤᠮ᠃ ᠵᠢᠱᠢᠶᠡᠯᠡᠪᠡᠯ᠂ ᠴᠢᠯᠤᠭᠡᠯᠡᠭᠳᠡᠬᠦ ᠠᠴᠠ ᠡᠮᠤᠨᠠ ᠰᠢᠨᠠ ᠪᠠᠷᠭᠤ ᠶᠢᠨ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨ ᠤ | ᠮᠠᠯᠴᠢᠨ ᠠᠷᠠᠳ ᠰᠠᠯᠭᠢ ᠪᠠᠭᠠ ᠲᠠᠢ ᠪᠠᠷᠳᠠᠭᠠ ᠪᠤᠯᠳᠤᠷᠤᠤ ᠨᠤᠳᠤᠭ ᠤᠨ ᠴᠠᠭᠠᠯᠵᠢ ᠴᠢᠷᠮᠠ ᠭᠠᠵᠠᠷ ᠲᠤ ᠬᠠᠷᠠ ᠪᠤᠳᠠᠭᠠ ︵ᠮᠤᠩᠭᠤᠯ ᠠᠮᠤ︶ ᠳᠠᠷᠢᠳᠠᠭ ᠪᠠᠶᠢᠭᠰᠠᠨ | ᠃ ᠳᠠᠷᠢᠬᠤ ᠳᠠᠭᠠᠨ ᠭᠤᠤᠯᠳᠠᠭᠤ ᠳᠠᠩ ᠡᠷᠤᠭᠡ ᠪᠠᠷ ᠳᠤᠰ ᠳᠤᠰ ᠲᠠᠭᠠᠨ ᠦᠪᠡᠷ ᠤᠨ ᠭᠡᠷᠡᠭᠴᠡᠭᠡᠨ ᠤ ᠭᠢᠷᠢ ᠪᠠᠷ ᠬᠠᠷᠠ ᠪᠤᠳᠠᠭᠠ ᠳᠠᠷᠢᠬᠤ ᠠᠴᠠ ᠪᠢᠰᠢ᠂ ᠶᠡᠷᠤ | ᠢᠯᠡᠬᠦᠴᠡ ᠳᠠᠷᠢᠳᠠᠭ ᠦᠭᠡᠢ᠃ ᠤᠳᠤ ᠴᠤ ᠭᠡᠰᠡᠨ ᠬᠠᠭᠤᠴᠢᠨ ᠳᠠᠷᠢᠶᠠᠨ ᠤ ᠳᠠᠯᠠᠩ ᠨᠢ ᠮᠡᠳᠡᠭᠳᠡᠬᠦ ᠭᠠᠵᠠᠷ ᠤᠳ ᠪᠤᠢ᠃ ᠬᠠᠷᠢᠨ ᠴᠦᠭᠡᠨ ᠳᠤᠭᠠᠨ ᠤ ᠮᠠᠯ | ᠴᠦᠭᠡᠨᠳᠡᠢ ᠵᠤᠨ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠳᠦᠪᠯᠡᠷᠡᠩᠬᠦᠢ ᠨᠤᠳᠤᠭᠯᠠᠵᠦ ᠵᠤᠭᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠳᠠᠷᠢᠶᠠᠯᠠᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠳᠠᠳᠠᠨ ᠢ ︽ᠴᠤᠷᠵᠢ ᠶᠢᠨ ᠵᠤᠨ | ︾ ᠪᠤᠶᠤ ︽ᠴᠤᠷᠵᠢ ᠶᠢᠨ ᠪᠦᠭᠡᠮ︾ ᠭᠡᠯᠴᠠᠳᠡᠭ ᠰᠠᠨ᠃ ᠬᠤᠵᠢᠮ ᠨᠢ ᠶᠠᠫᠤᠨ ᠳᠡᠭᠡᠷᠡᠮ ᠢᠷᠡᠭᠡᠳ ᠠᠯᠤᠰ ᠤᠨ ᠠᠶᠠᠨ ᠵᠠᠮ ᠬᠠᠭᠠᠭᠳᠠᠵᠦ᠂ ᠠᠮᠤ ᠪᠤᠳᠠᠭᠠ | ᠬᠤᠪᠤᠷᠳᠠᠬᠤ ᠦᠶᠠ ᠳᠤ ᠮᠦᠨ ᠠᠮᠤ ᠬᠦᠨᠡᠰᠤ ᠪᠠᠨ ᠨᠦᠬᠦᠪᠤᠷᠢᠯᠡᠵᠦ ᠪᠠᠶᠢᠪᠠ᠃ ᠴᠢᠯᠤᠭᠡᠯᠡᠭᠳᠡᠭᠰᠡᠨ ᠤ ᠳᠠᠷᠠᠭᠠ᠂ ᠨᠤᠳᠤᠭ ᠪᠡᠯᠴᠢᠭᠡᠷ ᠢ ᠦᠷᠭᠡᠳᠭᠡᠵᠦ ᠠᠮᠢ | ᠠᠬᠤᠢ ᠶᠢ ᠬᠠᠮᠠᠭᠠᠯᠠᠬᠤ ᠡᠬᠦᠳᠡᠨ ᠠᠴᠠ ᠬᠦᠨᠡᠰᠤᠨ ᠠᠮᠤ ᠮᠠᠯᠵᠢᠬᠤ ᠤᠷᠤᠨ ᠳᠤ ᠳᠠᠷᠢᠬᠤ ᠶᠢ ᠨᠢᠭᠡᠳᠤᠯᠳᠡᠢ ᠬᠤᠷᠢᠭᠯᠠᠨ ᠵᠤᠭᠰᠤᠭᠠᠭᠰᠠᠨ ᠶᠤᠮ᠃ ᠡᠶᠢᠮᠤ ᠵᠢᠱᠢᠶᠠ | ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤ᠂ ᠡᠸᠡᠩᠭᠢ ᠬᠤᠰᠢᠭᠤᠨ ᠳᠤ ᠪᠠᠰᠠ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠬᠠᠷᠠ ᠪᠤᠳᠠᠭᠠ ᠳᠠᠷᠢᠬᠤ ᠠᠷᠭᠠ ᠮᠡᠷᠭᠡᠵᠢᠯ ᠤᠨ ᠳᠠᠯᠠ ᠪᠠᠷ ᠮᠠᠯ ᠤᠨ | ᠬᠦᠯ ᠳᠤ ᠳᠠᠭᠠᠷᠢᠭᠳᠠᠬᠤ ᠦᠭᠡᠢ ᠰᠡᠯᠡᠬᠦᠤ ᠴᠢᠯᠤᠭᠡ ᠭᠠᠵᠠᠷ ᠢ ᠰᠤᠩᠭᠤᠵᠦ ᠬᠠᠭᠠᠯᠪᠤᠷᠢᠯᠠᠬᠤ ᠭᠡᠮᠵᠢᠶᠠᠨ ᠳᠡᠭᠡᠨ ᠦᠷᠠ ᠪᠠᠨ ᠤᠷᠢᠳᠡ ᠪᠠᠷ ᠰᠠᠴᠤᠭᠠᠳ᠂ ᠳᠠᠷᠠᠭᠠ ᠨᠢ | ᠦᠭᠡᠷ ᠠᠨᠵᠢᠰᠤ ᠪᠠᠷ ᠵᠢᠷᠤᠬᠠ ᠭᠠᠷᠭᠠᠵᠦ ᠬᠠᠭᠠᠯᠪᠠᠯ ᠪᠤᠯᠴᠢᠬᠠᠨᠠ᠃ ᠰᠠᠴᠤᠭᠰᠠᠨ ᠦᠷᠠ ᠨᠢ ᠬᠠᠭᠠᠯᠤᠭᠰᠠᠨ ᠰᠢᠷᠤᠢ ᠳᠤ ᠳᠠᠷᠤᠭᠳᠠᠭᠠᠳ ᠠᠶᠠᠨᠳᠠᠭᠠᠨ ᠮᠦᠷᠯᠡᠨ | ᠤᠷᠭᠤᠳᠠᠭ᠃ ᠭᠡᠬᠦ ᠳᠡᠭᠡᠨ ᠴᠡᠭᠡᠯ ᠭᠡᠮᠡᠬᠦ ᠬᠤᠯᠢᠮᠠᠭ ᠡᠪᠡᠰᠤ ᠶᠡᠭᠡᠳᠡᠢ ᠪᠠᠶᠢᠳᠠᠭ᠃ ᠬᠠᠪᠤᠷ ᠳᠠᠷᠢᠪᠠᠯ ᠨᠠᠮᠤᠷ ᠪᠤᠯᠪᠠᠰᠤᠷᠠᠬᠤ ᠳᠤ ᠨᠢ ᠬᠠᠳᠤᠵᠦ ᠠᠪᠤᠨᠠ᠃ | ᠬᠠᠳᠤᠭᠰᠠᠨ ᠪᠤᠳᠠᠭᠠ ᠪᠠᠨ ᠪᠤᠭᠤᠵᠢᠯᠠᠵᠦ᠂ ᠳᠦᠷᠦᠬᠦᠤ ᠶᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠭᠡᠰᠡᠭ ᠭᠡᠰᠡᠭ ᠤᠪᠤᠭᠠᠯᠠᠨᠠ᠃ ᠡᠬᠦᠨ ᠢ ︽ᠪᠤᠳᠠᠭᠠ ᠱᠠᠳᠤᠯᠠᠬᠤ︾ ᠭᠡᠨᠠ᠃ | ᠳᠠᠷᠠᠭᠠ ᠨᠢ ᠨᠡᠯᠢᠶᠡᠳ ᠡᠳᠤᠷ ︽ᠪᠤᠳᠠᠭᠠᠨ ᠤ ᠭᠢᠰᠭᠢᠬᠦᠷ︾ ᠵᠠᠰᠠᠵᠦ ᠦᠭᠡᠷ ᠢᠶᠠᠷ ᠪᠤᠳᠠᠭᠠ ᠪᠠᠨ ᠭᠢᠰᠭᠢᠬᠦᠯᠵᠦ ᠦᠳᠤᠷᠮᠠ ᠳᠡᠭᠡᠷᠡ ᠪᠠᠨ ᠬᠠᠷᠠ ᠪᠤᠳᠠᠭᠠ ᠪᠠᠨ | ᠤᠨᠠᠭᠠᠵᠦ ᠠᠪᠤᠨᠠ᠃ ᠰᠦᠷᠢᠯ ᠢ ᠨᠢ ᠢᠯᠭᠠᠵᠦ ᠴᠡᠪᠡᠷᠯᠡᠭᠡᠳ ᠪᠤᠳᠠᠭᠠ ᠪᠠᠨ ᠦᠳᠦᠷᠮᠠ ᠳᠡᠭᠡᠷᠡ ᠬᠠᠳᠠᠭᠠᠵᠦ ᠰᠠᠯᠭᠢᠨ ᠳᠤ ᠭᠡᠶᠢᠰᠭᠡᠵᠦ ᠴᠡᠪᠡᠷᠯᠡᠳᠡᠭ᠃ ᠴᠡᠪᠡᠷ | ᠪᠤᠳᠠᠭᠠ ᠪᠠᠨ ᠪᠤᠰᠤᠭᠠ ᠳᠦᠬᠦᠷᠢᠭ ᠭᠡᠯᠪᠡᠷᠢᠳᠡᠢ ᠵᠤᠭᠤᠷᠢ ᠤᠬᠤᠵᠦ ᠵᠤᠭᠤᠷᠢᠯᠠᠬᠤ ᠪᠤᠶᠤ ᠪᠦᠬᠦᠯᠢ ᠦᠭᠡᠷ ᠤᠨ ᠠᠷᠠᠰᠤᠨ ᠳᠤᠯᠤᠮ ᠳᠤ ᠰᠠᠪᠠᠯᠠᠵᠦ ᠬᠠᠩᠬᠠᠢ | ᠳᠡᠷᠭᠡᠨ ᠳᠤ ᠠᠴᠢᠭᠠᠳ ᠨᠡᠬᠦᠬᠦ ᠳᠤ ᠪᠡᠯᠡᠳᠭᠡᠨᠠ᠃ ᠠᠨᠵᠢᠰᠤ ᠶᠢ ᠳᠤᠰᠬᠠᠢ ᠭᠠᠵᠠᠷ ᠳᠠᠯᠪᠢᠵᠦ ᠬᠠᠳᠠᠭᠠᠯᠠᠨᠠ᠃ ᠰᠠᠶᠢᠨ ᠤᠷᠭᠤᠭᠰᠠᠨ ᠪᠤᠳᠠᠭᠠᠨ ᠠᠴᠠ ᠪᠠᠨ ᠰᠠᠶᠢᠨ | ᠦᠷᠠ ᠰᠤᠩᠭᠤᠵᠦ ᠦᠯᠡᠳᠡᠭᠡᠨᠠ᠃ ᠰᠤᠨᠢᠷᠬᠠᠯᠳᠠᠢ ᠨᠢ ᠠᠳᠠᠷ ᠤᠨ ᠳᠠᠷᠢᠶᠠᠨ ᠤ ᠤᠷᠭᠤᠴᠠ ᠨᠢ ᠭᠡᠭᠡᠷᠡ ᠶᠢᠨ ᠡᠪᠡᠰᠤᠨ ᠤ ᠤᠷᠭᠤᠴᠠ ᠶᠢ ᠳᠠᠷᠤᠵᠦ ᠦᠨᠳᠤᠷ | ᠤᠷᠭᠤᠬᠤ ᠮᠦᠷᠳᠡᠭᠡᠨ ᠨᠤᠳᠤᠭ ᠲᠠᠭᠠᠨ ᠵᠤᠭᠢᠴᠠᠭᠰᠠᠨ ᠳᠦᠷᠤᠯ ᠵᠦᠢᠯ ᠪᠠᠶᠢᠭᠰᠠᠨ ᠠᠵᠠᠢ᠃ ᠨᠢᠭᠡ ᠨᠡᠬᠦᠳᠡᠯ ᠡᠷᠤᠭᠡ ᠶᠢᠨ ᠳᠠᠷᠢᠬᠤ ᠭᠡᠮᠵᠢᠶᠠ ᠨᠢ ᠳᠠᠪᠢ ᠵᠢᠷᠠᠨ | ᠠᠯᠬᠤᠮ ᠤᠨ ᠭᠡᠳᠤᠨ ᠠᠷᠪᠠᠨ ᠵᠢᠷᠤᠬᠠ ᠠᠴᠠ ᠯᠠ ᠵᠦᠩᠳᠡᠭᠡᠨ ᠬᠦᠷᠤᠯᠴᠡᠭᠡ ᠲᠠᠢ ᠪᠤᠳᠠᠭᠠ ᠬᠤᠷᠢᠶᠠᠳᠠᠭ ᠠᠵᠠᠢ᠃ ᠡᠬᠦᠨ ᠠᠴᠠ ᠦᠵᠡᠬᠦ ᠳᠤ᠂ ᠴᠢᠬᠤᠯᠠᠳᠠᠢ | ᠦᠶᠠ ᠳᠤ ᠮᠠᠯᠴᠢᠳ ᠵᠦᠪᠭᠡᠨ ᠦᠪᠡᠷ ᠢ ᠪᠠᠨ ᠬᠠᠩᠭᠠᠬᠤ ᠰᠤᠩᠭᠤᠯᠳᠠ ᠶᠢᠨ ᠴᠢᠨᠠᠷ ᠲᠠᠢ ᠵᠢᠵᠢᠭ ᠴᠢᠯᠤᠭᠡᠳᠤ ᠳᠠᠷᠢᠶᠠᠯᠠᠩ ᠡᠷᠭᠢᠯᠡᠳᠡᠭ ᠪᠠᠶᠢᠪᠠ᠃ ᠳᠡᠭᠡᠭᠡᠳ ᠪᠠᠰᠠ | ᠪᠦᠷᠢᠨ ᠳᠦᠬᠦᠷ ᠰᠢᠰᠲᠧᠮ ᠲᠠᠢ ᠳᠠᠷᠢᠶᠠᠯᠠᠬᠤ ᠪᠤᠯᠪᠠᠰᠤᠷᠠᠩᠭᠤᠢ ᠮᠡᠷᠭᠡᠵᠢᠯ ᠲᠠᠢ ᠶᠤᠮ᠃ ᠦᠭᠡᠷᠡ ᠳᠦᠷᠤᠯ ᠵᠦᠢᠯ ᠢ ᠤᠭᠳᠤ ᠳᠠᠷᠢᠳᠠᠭ ᠦᠭᠡᠢ᠃ ᠳᠠᠩ | ᠤᠯᠤᠰ ᠤᠨ ᠦᠶᠠ ᠶᠢᠨ ᠳᠡᠤᠭᠡ ᠶᠢᠨ ᠳᠡᠮᠳᠡᠭᠯᠡᠯ ᠳᠠᠬᠢ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠢ ︽ᠪᠠᠭᠠ ᠰᠠᠭᠠ ᠳᠠᠷᠢᠶᠠ ᠳᠦᠮᠤᠰᠤ ᠳᠠᠷᠢᠵᠦ ᠠᠮᠢᠳᠤᠷᠠᠵᠦ ᠪᠠᠶᠢᠭᠰᠠᠨ︾ ﹇14 | ﹈ ᠭᠡᠳᠡᠭ ᠳᠡᠮᠳᠡᠭᠯᠡᠯ ᠠᠴᠠ ᠦᠵᠡᠬᠦ ᠳᠤ᠂ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠳᠠᠷᠢᠶᠠᠯᠠᠬᠤ ᠠᠷᠭᠠ ᠨᠢ ᠡᠷᠳᠡ ᠤᠷᠢᠳᠤ ᠶᠢᠨ ᠳᠡᠤᠭᠡᠨ ᠤᠯᠪᠠᠭᠠ ᠲᠠᠢ ᠪᠠᠶᠢᠨᠠ᠃ | ᠶᠠᠭᠠᠭᠢᠪᠠᠴᠤ ᠰᠠᠶ᠋ᠢ ᠰᠤᠷᠤᠭᠰᠠᠨ ᠪᠤᠶᠤ ᠳᠦᠷ ᠵᠠᠭᠤᠷᠠ ᠶᠢᠨ ᠠᠵᠢᠯᠯᠠᠭᠠ ᠪᠢᠰᠢ ᠪᠤᠯᠤᠯᠳᠠᠢ᠃ | ᠪᠠᠷᠭᠤ ᠮᠤᠩᠭᠤᠯᠴᠤᠳ ᠳᠠᠷᠢᠮᠠᠯ ᠳᠠᠷᠢᠵᠦ ᠪᠠᠶᠢᠭᠰᠠᠨ ᠨᠢ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢᠨ ᠳᠠᠭᠢᠯᠭᠠ ᠰᠢᠳᠦᠯᠭᠡ ᠶᠢᠨ ᠤᠶᠢᠯᠡ ᠳᠤ ᠪᠠᠰᠠ ᠢᠯᠡᠷᠡᠵᠦ | ᠪᠠᠶᠢᠨᠠ᠃ ᠵᠢᠱᠢᠶᠠ ᠨᠢ᠂ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠮᠠᠨᠢ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢᠨ ᠳᠠᠭᠢᠯᠭᠠ ᠳᠤ ᠪᠦᠬᠦᠯᠢ ᠬᠤᠨᠢ᠂ ᠴᠠᠭᠠᠨ ᠢᠳᠡᠭᠡ ᠡᠷᠬᠦᠬᠦ ᠠᠴᠠ | ᠭᠠᠳᠠᠨᠠ ᠪᠠᠰᠠ ᠳᠤᠰᠬᠠᠶᠢᠯᠠᠨ ᠳᠠᠪᠤᠨ ᠳᠠᠷᠢᠶᠠ ᠶᠢᠨ ᠦᠷᠠ ᠶᠢ ᠡᠷᠬᠦᠳᠡᠭ ᠶᠤᠮ᠃ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠳᠠᠪᠤᠨ ᠳᠠᠷᠢᠶᠠ ᠶᠢᠨ ᠦᠷᠠ ᠶᠢ ᠬᠠᠶᠢᠷᠬᠠᠨ | ᠠᠭᠤᠯᠠᠨ ᠳᠠᠭᠠᠨ ᠡᠷᠬᠦᠵᠦ ᠪᠠᠶᠢᠭᠠ ᠨᠢ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠮᠦᠨ ᠳᠠᠷᠢᠶᠠ ᠳᠦᠮᠦᠰᠤ ᠳᠠᠷᠢᠳᠠᠭ ᠪᠠᠶᠢᠭᠰᠠᠨ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠬᠠ᠃ | ︵ᠳᠦᠷᠪᠡ︶ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠰᠢᠳᠦᠭᠡᠨ ᠪᠢᠰᠢᠷᠡᠯ | ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠰᠢᠳᠦᠭᠡᠨ ᠪᠢᠰᠢᠷᠡᠯ ᠤᠨ ᠨᠢᠭᠡᠨ ᠭᠤᠤᠯ ᠤᠶᠢᠯᠠ ᠠᠵᠢᠯᠯᠠᠭᠠ ᠨᠢ ᠠᠭᠤᠯᠠ ᠬᠠᠶᠢᠷᠬᠠᠨ ᠢ ᠰᠢᠳᠦᠬᠦ ᠶᠠᠪᠤᠳᠠᠯ ᠪᠤᠯᠤᠨᠠ᠃ | ᠠᠭᠤᠯᠠ ᠬᠠᠶᠢᠷᠬᠠᠨ ᠰᠢᠳᠦᠵᠦ ᠪᠠᠶᠢᠬᠤ ᠨᠢ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠠᠭᠤᠯᠠ ᠤᠰᠤᠨ ᠤ ᠬᠦᠴᠦᠨ ᠢᠶᠠᠷ᠂ ᠠᠭᠠᠷ ᠳᠡᠭᠷᠢ ᠶᠢᠨ ᠬᠦᠴᠦᠨ ᠢᠶᠠᠷ ᠡᠨᠡ ᠳᠡᠯᠡᠭᠡᠢ ᠳᠤ | ᠤᠷᠤᠰᠢᠨ ᠳᠤᠭᠳᠠᠨᠢᠵᠦ᠂ ᠪᠠᠶᠢᠭᠠᠯᠢ ᠶᠢᠨ ᠡᠨᠧᠷᠭᠢ ᠬᠦᠴᠦᠨ ᠢᠶᠠᠷ ᠳᠤᠷᠨᠢᠨ ᠤᠨᠳᠤᠷᠴᠤ ᠪᠤᠢ ᠭᠡᠵᠦ ᠦᠵᠡᠭᠰᠡᠭᠡᠷ ᠢᠷᠡᠭᠰᠡᠨ ᠯᠦᠭᠡ ᠬᠤᠯᠪᠤᠭᠠ ᠲᠠᠢ ᠶᠤᠮ᠃ ᠡᠨᠡ | ᠳᠤᠬᠠᠢ ᠮᠠᠨᠵᠦ ᠴᠢᠩ ᠤᠨ ᠪᠢᠴᠢᠭ ᠤᠨ ᠬᠦᠮᠤᠨ ᠳᠠᠯᠠᠩᠭᠤᠳ · ᠬᠦᠪᠡᠷᠢ ︵1831 — 1890 ᠤᠨ︶ ᠠᠴᠠ ᠪᠤᠭᠳᠠ ᠠᠭᠤᠯᠠ ᠶᠢᠨ ᠳᠤᠬᠠᠢ ᠪᠢᠴᠢᠭᠰᠡᠨ | ᠰᠢᠯᠦᠭ ᠲᠡᠭᠡᠨ ︽ᠳᠡᠭᠡᠳᠤ ᠪᠤᠱᠤᠭᠳᠤ ᠭᠤᠷᠪᠠᠨ ᠰᠦᠮᠪᠤᠷ ／ ᠳᠠᠯᠠᠢ ᠪᠤᠶᠢᠷ ᠳᠦᠰᠢᠮᠠᠯ ᠲᠠᠢ ／ ᠤᠷᠱᠤᠨ ᠭᠡᠷᠤᠯᠤᠨ ᠤᠨᠤᠯᠭᠠ ᠲᠠᠢ ／ ᠤᠭ᠍ᠶᠤ ᠰᠤᠪᠤᠳ | ᠡᠮᠡᠭᠡᠯ ᠲᠠᠢ᠃ ／ ᠬᠤᠷᠮᠤᠰᠳᠠ ᠳᠡᠭᠷᠢ ᠶᠢᠨ ᠵᠢᠭᠠᠪᠤᠷᠢ ᠪᠠᠷ ／ ᠬᠤᠨ ᠰᠢᠪᠠᠭᠤ ᠭᠡᠯᠡᠮᠤᠷᠴᠢ ᠲᠠᠢ ／ ᠬᠤᠪᠤᠭ ᠠᠶᠢᠮᠠᠭ ᠵᠤᠨ ᠳᠠᠭᠠᠨ ／ ᠬᠤᠯᠪᠤᠭᠠ ᠪᠤᠯᠬᠤ ᠨᠢ | ᠪᠢ ᠪᠠᠶᠢᠨᠠ᠃ ／ ᠬᠠᠳᠠᠢ ᠬᠠᠭᠠᠨ ᠤ ᠵᠠᠷᠯᠢᠭ ᠲᠠᠢ ／ ᠬᠠᠯᠬᠠ ᠴᠠᠭᠠᠨ ᠬᠠᠨᠢ ᠲᠠᠢ ／ ᠰᠤᠶᠤᠯᠵᠢ ᠠᠭᠤᠯᠠ ᠰᠤᠨᠤᠷ ᠲᠠᠢ ／ ᠮᠤᠭᠠᠢ ᠶᠢᠨ ᠠᠭᠤᠯᠠ | ᠮᠤᠳᠤᠷ ᠲᠠᠢ᠃ ／ ᠮᠤᠩᠭᠤᠯ ᠪᠠᠷᠭᠤᠴᠤᠳ ᠤᠨ ᠦᠯᠦᠭᠡᠢ ／ ᠮᠦᠩᠭᠡ ᠳᠤᠭᠳᠠᠨᠢᠭᠴᠢ ᠤᠷᠤᠨ ᠭᠡᠮᠡᠭᠳᠡᠭᠰᠡᠨ ／ ᠬᠦᠯᠦᠨ ᠪᠤᠶᠢᠷ ᠤᠨ ᠦᠷᠠᠩ ᠤᠨ ᠳᠠᠯᠠ ／ | ᠬᠦᠮᠤᠨ ᠠᠳᠤᠭᠤᠰᠤᠨ ᠤ ᠵᠢᠷᠭᠠᠯᠠᠩ᠃ ／ ᠳᠡᠭᠷᠢ ᠳᠡᠳᠬᠦᠭᠴᠢ ᠶᠢᠨ ᠳᠡᠪᠤᠨ ᠤᠨ ᠳᠤ ／ ᠳᠠᠶᠢᠵᠦ ᠪᠢᠰᠢᠷᠡᠭᠰᠡᠨ ᠠᠯᠳᠠᠨ ᠰᠦᠮᠪᠤᠷ ／ ᠤᠭᠰᠠᠭᠠ | ᠠᠶᠢᠮᠠᠭᠳᠠᠨ ᠤ ᠤᠯᠠ ᠮᠦᠷ ᠢ ᠭᠡᠪᠯᠡᠭᠰᠡᠨ ／ ᠤᠨᠴᠠ ᠭᠠᠶᠢᠬᠠᠮᠰᠢᠭᠳᠤ ᠪᠤᠭᠳᠠ ᠰᠦᠮᠪᠤᠷ᠃ ／ ᠬᠠᠷᠠ ᠴᠠᠭᠠᠨ ᠠᠭᠤᠯᠠ ᠪᠠᠷ ／ ᠬᠠᠷᠠᠭᠤᠯ ᠮᠠᠨᠠᠭᠠ | ᠳᠠᠯᠪᠢᠭᠰᠠᠨ ／ ᠬᠠᠯᠳᠠᠵᠦ ᠢᠷᠡᠬᠦ ᠬᠤᠯᠠᠭᠠᠢ ᠶᠢ ／ ᠬᠠᠮᠠᠭᠠᠯᠠᠵᠦ ᠬᠠᠰᠢᠭᠰᠠᠨ ᠬᠠᠶᠢᠷᠬᠠᠨ ᠮᠢᠨᠢ᠃ ／ ᠳᠤᠭᠠ ᠦᠭᠡᠢ ᠮᠠᠯ ᠤᠨ ᠳᠤᠭᠤᠰᠤ ᠲᠠᠢ ／ ᠳᠤᠰᠤ | ᠮᠢᠯᠢᠶᠠᠭᠰᠠᠨ ᠬᠠᠶᠢᠷᠬᠠᠨ ᠮᠢᠨᠢ ／ ᠪᠤᠴᠠᠵᠦ ᠬᠠᠨᠳᠤᠨ ᠪᠠᠷᠠᠯᠬᠠᠬᠤ ᠳᠤ ／ ᠬᠠᠶᠢᠷᠠ ᠪᠠᠨ ᠬᠦᠷᠳᠡᠭᠡᠭᠰᠡᠨ ᠪᠤᠭᠳᠠ ᠮᠢᠨᠢ᠃ ／ ᠨᠠᠶᠢᠮᠠᠷ ᠳᠡᠭᠡᠷᠡᠮ ᠤᠨ ᠠᠷᠪᠠᠨ | ᠵᠢᠯ ᠳᠤ ／ ᠨᠠᠭᠠᠨᠳᠠᠢ ᠶᠢᠨ ᠨᠠᠷᠠᠰᠤ ᠠᠴᠠ ᠳᠠᠶᠢᠵᠦ ／ ᠬᠠᠷᠠ ᠮᠤᠷᠢᠨ ᠵᠢᠯ ᠤᠨ ᠵᠤᠨ ／ ᠬᠠᠯᠠᠮᠵᠢᠯᠠᠵᠦ ᠰᠡᠷᠬᠦᠭᠰᠡᠨ ᠰᠦᠮᠪᠤᠷ ᠮᠢᠨᠢ᠃ ／ ᠠᠭᠢ ᠭᠠᠩᠭᠠ | ᠬᠠᠩᠬᠤᠯᠤᠭᠰᠠᠨ ／ ᠠᠯᠳᠠᠨ ᠭᠤᠷᠪᠠᠨ ᠬᠠᠶᠢᠷᠬᠠᠨ ᠮᠢᠨᠢ ／ ᠭᠠᠵᠠᠷ ᠳᠡᠯᠡᠭᠡᠢ ᠶᠢᠨ ᠪᠠᠭᠠᠳᠤᠷ ᠬᠠᠭᠠᠨ ／ ᠭᠠᠶᠢᠬᠠᠮᠰᠢᠭᠳᠤ ᠠᠴᠢᠯᠠᠯ ᠢᠶᠠᠨ ᠬᠦᠷᠳᠡᠭᠡᠭᠰᠡᠨ᠃ ／ | ᠦᠪᠤᠷ ᠲᠡᠭᠡᠨ ᠦᠢ ᠳᠦᠮᠠᠨ ᠮᠠᠯ ᠤᠨ ᠬᠦᠷᠢᠶᠠ ／ ᠠᠷᠤ ᠳᠤ ᠪᠠᠨ ᠠᠷᠢᠶᠠᠳᠠᠨ ᠪᠦᠬᠦᠳᠡ ᠶᠢᠨ ᠨᠠᠭᠠᠳᠤᠮ ᠲᠠᠢ ／ ᠠᠯᠤᠰ ᠬᠤᠯᠠ ᠠᠴᠠ ᠪᠠᠷᠠᠯᠬᠠᠬᠤ ᠳᠤ ／ | ᠠᠯᠠᠭ ᠵᠠᠭᠠᠨ ᠤ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ᠃ ／ ᠬᠠᠯᠬᠠ ᠳᠦᠷᠪᠡᠨ ᠠᠶᠢᠮᠠᠭᠳᠠᠨ ᠳᠤ ／ ᠬᠦᠢᠳᠡᠨ ᠬᠠᠷᠠᠭᠠᠳᠤ ᠭᠡᠮᠡᠭᠳᠡᠭᠰᠡᠨ ／ ᠪᠠᠷᠭᠤ ᠨᠠᠢᠮᠠᠨ ᠠᠶᠢᠮᠠᠭᠳᠠᠨ ᠳᠤ | ／ ᠪᠠᠶᠠᠨᠮᠦ᠋ᠩᠭᠡ ᠠᠭᠤᠯᠠ ᠭᠡᠮᠡᠭᠳᠡᠭᠰᠡᠨ᠃ ／ ᠡᠷᠭᠡᠨᠢᠳᠤ ᠮᠡᠷᠭᠡᠨ ᠬᠦᠪᠡᠬᠦᠨ ᠤ ／ ᠡᠷᠳᠡᠮᠳᠤ ᠬᠠᠷᠪᠤᠯᠭᠠ ᠶᠢ ᠰᠢᠯᠭᠠᠭᠰᠠᠨ ／ ᠡᠷᠡᠯᠭᠡᠭ ᠬᠦᠴᠦᠳᠤ | ᠪᠦᠭᠡᠴᠤᠳ ᠤᠨ ／ ᠡᠷᠡ ᠶᠢᠨ ᠴᠢᠳᠠᠯ ᠢ ᠰᠢᠯᠭᠠᠷᠠᠭᠤᠯᠤᠭᠰᠠᠨ᠃ ／ ᠡᠷᠡᠮᠡᠭ ᠭᠡᠬᠦᠤ ᠶᠢᠨ ᠤᠨᠠᠭᠠ ᠶᠢᠨ ／ ᠡᠷᠴᠢᠳᠤ ᠰᠢᠷᠮᠤᠰᠤ ᠶᠢ ᠪᠠᠶᠢᠴᠠᠭᠠᠭᠰᠠᠨ ／ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠬᠦᠷᠢᠶᠠ ／ ᠡᠷᠡᠯᠭᠡᠭ ᠭᠤᠷᠪᠠᠨ ᠪᠠᠭᠠᠳᠤᠷ᠃ ／ ᠡᠪᠦᠭᠡ ᠳᠡᠭᠡᠳᠤᠰ ᠮᠢᠨᠢ ᠳᠠᠶᠢᠵᠦ ／ ᠤᠯᠠ ᠮᠦᠷ ᠢᠶᠠᠨ ᠦᠯᠡᠳᠡᠭᠡᠭᠰᠡᠨ | ／ ᠦᠷᠠ ᠤᠭᠰᠠᠭᠠ ᠪᠢᠳᠠᠨ ᠳᠤ ／ ᠦᠮᠦᠭ ᠪᠤᠯᠤᠭᠰᠠᠨ ᠬᠠᠶᠢᠷᠬᠠᠨ ᠠᠭᠤᠯᠠ᠃ ／ ᠪᠠᠶᠠᠨ ᠪᠠᠷᠭᠤ ᠪᠢᠳᠠᠨ ᠤ ／ ᠪᠠᠭ᠋ᠠᠷᠠᠯ ᠰᠦᠰᠦᠭ ᠢ ᠳᠠᠳᠠᠭᠰᠠᠨ ／ | ᠬᠠᠷᠠᠩᠭᠤᠢ ᠰᠦᠨᠢ ᠶᠢᠨ ᠬᠦᠭ ᠲᠤ ／ ᠬᠠᠨᠢ ᠪᠤᠯᠤᠭᠰᠠᠨ ᠰᠦᠮᠪᠤᠷ ᠬᠠᠶᠢᠷᠬᠠᠨ᠃ ／ ᠬᠠᠷᠠᠳᠠᠭ ᠳᠠᠶᠢᠰᠤᠨ ᠢ ᠠᠵᠢᠭᠯᠠᠬᠤ ᠳᠤ ／ ᠬᠠᠷᠠᠭᠤᠯ ᠮᠠᠨᠠᠭᠠ ᠶᠢᠨ | ᠳᠦᠰᠢᠮᠠᠯ ／ ᠬᠠᠷᠢᠶᠠᠳᠤ ᠤᠯᠠᠨ ᠠᠶᠢᠮᠠᠭᠳᠠᠨ ᠢᠶᠠᠨ ／ ᠬᠠᠶᠢᠷᠠᠯᠠᠵᠦ ᠦᠷᠦᠰᠢᠶᠠᠨ ᠳᠡᠳᠬᠦᠮᠤᠢ︾ ﹇15﹈ ᠭᠡᠵᠦ ᠰᠢᠯᠦᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠳᠠᠯᠠᠩᠭᠤᠳ · | ᠬᠦᠪᠡᠷᠢ ᠶᠢᠨ ᠰᠢᠯᠦᠭ ᠠᠴᠠ ᠪᠤᠭᠳᠠ ᠠᠭᠤᠯᠠ ᠨᠢ ᠡᠷᠳᠡᠨ ᠳᠡᠭᠡᠨ ︽ᠭᠤᠷᠪᠠᠨ ᠰᠦᠮᠪᠤᠷ︾᠂ ︽ᠮᠦᠩᠭᠡ ᠳᠤᠭᠳᠠᠨᠢᠭᠴᠢ ᠤᠷᠤᠨ︾᠂ ︽ᠠᠯᠳᠠᠨ ᠰᠦᠮᠪᠤᠷ︾᠂ | ︽ᠪᠤᠭᠳᠠ ᠰᠦᠮᠪᠤᠷ︾᠂ ︽ᠠᠯᠳᠠᠨ ᠭᠤᠷᠪᠠᠨ ᠬᠠᠶᠢᠷᠬᠠᠨ︾᠂ ︽ᠬᠦᠢᠳᠡᠨ ᠬᠠᠷᠠᠭᠠᠳᠤ︾᠂ ︽ᠪᠠᠶᠠᠨᠮᠦ᠋ᠩᠭᠡ ᠠᠭᠤᠯᠠ︾᠂ ︽ᠡᠷᠡᠯᠭᠡᠭ ᠭᠤᠷᠪᠠᠨ ᠪᠠᠭᠠᠳᠤᠷ︾ | ᠂ ︽ᠬᠠᠶᠢᠷᠬᠠᠨ ᠠᠭᠤᠯᠠ︾᠂ ︽ᠰᠦᠮᠪᠤᠷ ᠬᠠᠶᠢᠷᠬᠠᠨ︾ ᠭᠡᠵᠦ ᠨᠡᠷᠡᠯᠡᠭᠳᠡᠵᠦ ᠪᠠᠶᠢᠭᠰᠠᠨ ᠢ ᠮᠡᠳᠡᠵᠦ ᠪᠤᠯᠤᠨᠠ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ ︽ᠨᠠᠷᠠᠨ ᠬᠠᠨ︾ | ᠂ ︽ᠳᠦᠯᠦᠨ ᠬᠠᠷᠠ︾ ᠭᠡᠵᠦ ᠨᠡᠷᠡᠯᠡᠭᠳᠡᠳᠡᠭ ﹇16﹈ ᠭᠡᠨᠡ᠃ ᠡᠳᠡᠭᠡᠷ ᠨᠡᠷᠡᠰ ᠢ ᠬᠤᠷᠢᠶᠠᠩᠭᠤᠶᠢᠯᠠᠪᠠᠯ᠂ ︽ᠨᠠᠷᠠᠨ ᠬᠠᠨ︾᠂ ︽ᠪᠤᠭᠳᠠ ᠠᠭᠤᠯᠠ︾᠂ ︽ | ᠪᠤᠭᠳᠠ ᠰᠦᠮᠪᠤᠷ︾ ᠭᠡᠳᠡᠭ ᠨᠢ ᠰᠢᠳᠦᠭᠡᠨ ᠪᠢᠰᠢᠷᠠᠯ ᠤᠨ ᠡᠬᠦᠳᠡᠨ ᠠᠴᠠ︔ ︽ᠭᠤᠷᠪᠠᠨ ᠰᠦᠮᠪᠤᠷ︾᠂ ︽ᠠᠯᠳᠠᠨ ᠭᠤᠷᠪᠠᠨ ᠬᠠᠶᠢᠷᠬᠠᠨ︾ ᠭᠡᠳᠡᠭ ᠨᠢ ᠭᠡᠯᠪᠡᠷᠢ | ᠳᠦᠷᠰᠤ ᠪᠠᠷ ᠨᠢ︔ ︽ᠡᠷᠡᠯᠭᠡᠭ ᠭᠤᠷᠪᠠᠨ ᠪᠠᠭᠠᠳᠤᠷ︾ ᠭᠡᠳᠡᠭ ᠨᠢ ᠬᠠᠷᠠᠭᠤᠯ ᠰᠠᠭᠢᠭᠤᠯ ᠤᠨ ᠡᠬᠦᠳᠡᠨ ᠠᠴᠠ︔ ︽ᠳᠦᠯᠦᠨ ᠬᠠᠷᠠ︾᠂ ︽ᠬᠦᠢᠳᠡᠨ ᠬᠠᠷᠠᠭᠠᠳᠤ | ︾ ᠭᠡᠳᠡᠭ ᠨᠢ ᠳᠤᠮᠤᠭ ᠤᠯᠠᠮᠵᠢᠯᠠᠯ ᠠᠴᠠ︔ ︽ᠮᠦᠩᠭᠡ ᠳᠤᠭᠳᠠᠨᠢᠭᠴᠢ ᠤᠷᠤᠨ︾᠂ ︽ᠪᠠᠶᠠᠨᠮᠦ᠋ᠩᠭᠡ ᠠᠭᠤᠯᠠ︾᠂ ︽ᠬᠠᠶᠢᠷᠬᠠᠨ ᠠᠭᠤᠯᠠ︾ ᠭᠡᠳᠡᠭ ᠨᠢ ᠪᠡᠯᠬᠡ | ᠳᠡᠮᠪᠡᠷᠢᠯ ᠤᠨ ᠡᠬᠦᠳᠡᠨ ᠠᠴᠠ ᠨᠡᠷᠡᠯᠡᠭᠰᠡᠨ ᠪᠠᠶᠢᠨᠠ᠃ ᠳᠤᠰ ᠰᠢᠯᠦᠭ ᠲᠤ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠨᠢ ᠡᠭᠢᠨ ᠳᠡᠭᠡᠨ ᠪᠦᠭᠡ ᠤᠩᠭᠤᠳ ᠲᠠᠢ ᠬᠠᠶᠢᠷᠬᠠᠨ | ᠪᠠᠶᠢᠭᠰᠠᠨ ᠠᠴᠠ ᠬᠤᠵᠢᠮ ᠨᠢ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠤᠶᠢᠯᠠ ᠪᠠᠷ ᠳᠡᠭᠢᠬᠤ ᠪᠤᠯᠤᠭᠰᠠᠨ ᠢ ᠳᠤᠳᠤᠷᠬᠠᠶᠢᠯᠠᠭᠰᠠᠨ ᠪᠦᠭᠡᠳ ᠪᠠᠰᠠ ︽ᠮᠤᠩᠭᠤᠯ ᠪᠠᠷᠭᠤᠴᠤᠳ ᠤᠨ | ᠦᠯᠦᠭᠡᠢ ／ ᠮᠦᠩᠭᠡ ᠳᠤᠭᠳᠠᠨᠢᠭᠴᠢ ᠤᠷᠤᠨ︾᠂ ︽ᠬᠦᠮᠤᠨ ᠠᠳᠤᠭᠤᠰᠤᠨ ᠤ ᠵᠢᠷᠭᠠᠯᠠᠩ︾᠂ ︽ᠤᠭᠰᠠᠭᠠ ᠠᠶᠢᠮᠠᠭᠳᠠᠨ ᠤ ᠤᠯᠠ ᠮᠦᠷ ᠢ ᠭᠡᠪᠯᠡᠭᠰᠡᠨ ／ | ᠤᠨᠴᠠ ᠭᠠᠶᠢᠬᠠᠮᠰᠢᠭᠳᠤ ᠪᠤᠭᠳᠠ ᠰᠦᠮᠪᠤᠷ︾᠂ ︽ᠬᠠᠯᠳᠠᠵᠦ ᠢᠷᠡᠬᠦ ᠬᠤᠯᠠᠭᠠᠢ ᠶᠢ ／ ᠬᠠᠮᠠᠭᠠᠯᠠᠵᠦ ᠬᠠᠰᠢᠭᠰᠠᠨ ᠬᠠᠶᠢᠷᠬᠠᠨ ᠮᠢᠨᠢ︾ ᠭᠡᠵᠦ ᠳᠤᠬᠠᠢ ᠶᠢᠨ | ᠦᠶᠠ ᠳᠤ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠳᠡᠤᠭᠡ ᠰᠤᠶᠤᠯ᠂ ᠠᠵᠦ ᠤᠨᠳᠤᠷᠤᠯ᠂ ᠠᠳᠠᠯ ᠤᠶᠢᠯᠡᠰ ᠢ ᠪᠦᠬᠦ ᠳᠠᠯᠠ ᠪᠠᠷ ᠬᠤᠷᠢᠶᠠᠩᠭᠤᠶᠢᠯᠠᠭᠰᠠᠨ ᠪᠠᠶᠢᠨᠠ᠃ | ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠨᠢ ᠠᠯᠢ ᠡᠷᠳᠡᠨ ᠳᠡᠭᠡᠨ ᠪᠦᠭᠡ ᠤᠩᠭᠤᠳ ᠲᠠᠢ ᠰᠢᠳᠦᠭᠡᠨᠳᠤ ᠬᠠᠶᠢᠷᠬᠠᠨ ᠪᠠᠶᠢᠵᠠᠢ᠃ ᠳᠠᠶᠢᠮᠤ ᠠᠴᠠ᠂ ᠪᠠᠷᠭᠤ | ᠮᠤᠩᠭᠤᠯᠴᠤᠳ ᠨᠢ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢ ︽ᠬᠠᠶᠢᠷᠬᠠᠨ ᠠᠭᠤᠯᠠ︾ ᠪᠤᠶᠤ ︽ᠰᠦᠮᠪᠤᠷ ᠠᠭᠤᠯᠠ︾ ᠭᠡᠵᠦ ᠳᠠᠭᠤᠳᠠᠨ ᠰᠢᠳᠦᠳᠡᠭ ᠶᠤᠮ᠃ ᠪᠦᠭᠡ | ᠤᠩᠭᠤᠳ ᠲᠠᠢ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠠᠴᠠ ᠦᠵᠡᠬᠦ ᠳᠤ᠂ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠪᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠬᠦᠯᠦᠨ ᠪᠤᠶᠢᠷ ᠤᠨ ᠳᠠᠯᠠ ᠨᠤᠳᠤᠭ ᠨᠢ | ᠪᠠᠯᠠᠷᠯᠢᠭ ᠦᠶᠠ ᠶᠢᠨ ᠪᠦᠭᠡ ᠮᠦᠷᠬᠦᠯ ᠤᠨ ᠦᠶᠠ ᠠᠴᠠ ᠬᠦᠮᠤᠨ ᠠᠷᠠᠳ ᠠᠵᠦ ᠳᠦᠷᠦᠵᠦ ᠪᠠᠶᠢᠭᠰᠠᠨ ᠢ ᠪᠠᠰᠠ ᠨᠢᠭᠡ ᠳᠠᠯᠠ ᠪᠠᠷ ᠨᠤᠳᠠᠯᠠᠭᠰᠠᠨ ᠪᠠᠶᠢᠨᠠ᠃ ᠳᠡᠷᠡ | ᠬᠦ ᠡᠷᠳᠡᠨ ᠤ ᠬᠦᠮᠤᠨ ᠠᠷᠠᠳ ᠨᠢ ᠳᠠᠷᠤᠢ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠪᠤᠯᠤᠨᠠ᠃ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠠᠯᠢ ᠡᠷᠳᠡᠨ ᠠᠴᠠ ᠪᠦᠭᠡ ᠤᠩᠭᠤᠳ ᠰᠢᠳᠦᠭᠡᠨ ᠲᠠᠢ | ᠬᠦᠮᠤᠰ ᠪᠤᠯᠬᠤ ᠭᠡᠷᠡᠴᠢᠯᠡᠭᠰᠡᠨ ᠶᠤᠮ᠃ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠠᠵᠦ ᠤᠨᠳᠤᠷᠤᠯ᠂ ᠰᠤᠶᠤᠯ ᠢᠷᠭᠡᠨᠰᠢᠯ ᠠᠴᠠ ᠠᠵᠢᠭᠯᠠᠬᠤ ᠳᠤ᠂ ᠨᠤᠳᠤᠭ ᠤᠰᠤ ᠶᠢᠨ | ᠠᠭᠤᠯᠠ ᠤᠩᠭᠤᠳ᠂ ᠨᠠᠪᠳᠠᠭ ᠰᠠᠪᠳᠠᠭ ᠨᠢ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠳᠤᠷᠨᠢᠯ ᠬᠦᠭᠵᠢᠯᠳᠡ ᠳᠤ ᠬᠦᠴᠦᠨ ᠪᠤᠶᠤ ᠡᠨᠧᠷᠭᠢ ᠬᠠᠩᠭᠠᠳᠠᠭ ᠳᠤᠯᠠ ᠪᠠᠷᠭᠤ | ᠮᠤᠩᠭᠤᠯᠴᠤᠳ ᠮᠠᠨᠢ ᠡᠷᠳᠡ ᠳᠡᠭᠡᠳᠤ ᠦᠶᠠ ᠠᠴᠠ ᠪᠠᠨ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢ ᠰᠢᠳᠦᠵᠦ ᠳᠠᠭᠢᠭᠰᠠᠭᠠᠷ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠮᠡᠨᠡᠩ ᠤᠨ ᠪᠤᠭᠳᠠ | ᠠᠭᠤᠯᠠ ᠨᠢ ᠪᠦᠭᠡ ᠢᠳᠤᠭᠠᠨ ᠤ ᠤᠩᠭᠤᠳ ᠲᠠᠢ ᠰᠢᠳᠦᠭᠡᠨᠳᠤ ᠬᠠᠶᠢᠷᠬᠠᠨ ᠪᠠᠶᠢᠭᠰᠠᠨ ᠢ ᠭᠡᠷᠡᠴᠢᠯᠡᠬᠦ ᠨᠢᠭᠡᠨ ᠪᠠᠷᠢᠮᠳᠠ ᠭᠡᠪᠡᠯ᠂ 1740 ᠤᠨ ᠳᠤ ᠮᠡᠨᠡᠩ ᠤᠨ | ᠪᠤᠭᠳᠠ ᠠᠭᠤᠯᠠ ᠶᠢᠨ ᠪᠦᠭᠡ ᠤᠩᠭᠤ ᠶᠢ ᠨᠢ ᠳᠠᠯᠠᠨ ᠳᠡᠷᠭᠡ ᠪᠠᠷ ᠳᠡᠭᠡᠬᠡᠵᠦ᠂ ᠲᠠᠭᠠᠨ ᠳᠡᠯ ᠠᠭᠤᠯᠠᠨ ᠳᠤ ᠠᠪᠠᠴᠢᠭᠰᠠᠨ ᠭᠡᠳᠡᠭ ᠠᠮᠠᠨ ᠤᠯᠠᠮᠵᠢᠯᠠᠯ ᠪᠠᠶᠢᠳᠠᠭ᠃ | ᠳᠤᠰ ᠤᠯᠠᠮᠵᠢᠯᠠᠯ ᠳᠤ ᠤᠵᠤᠭᠤᠷ ᠲᠤ ᠲᠠᠭᠠᠨ ᠳᠡᠯ ᠠᠭᠤᠯᠠ ᠨᠢ ᠢᠳᠤᠭᠠᠨ ᠤᠩᠭᠤ ᠲᠠᠢ ᠠᠭᠤᠯᠠ ᠪᠠᠶᠢᠵᠦ᠂ ᠬᠤᠵᠢᠮ ᠨᠢ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢᠨ | ᠪᠦᠭᠡ ᠤᠩᠭᠤ ᠶᠢ ᠠᠪᠠᠴᠢᠭᠰᠠᠨ ᠠᠴᠠ ᠲᠠᠭᠠᠨ ᠳᠡᠯ ᠨᠢ ᠪᠦᠭᠡ ᠢᠳᠤᠭᠠᠨ ᠤᠩᠭᠤ ᠲᠠᠢ ᠠᠭᠤᠯᠠ ᠪᠤᠯᠵᠠᠢ ᠭᠡᠳᠡᠭ ﹇17﹈᠃ ᠮᠤᠩᠭᠤᠯ ᠦᠭᠡᠨ ᠳᠤ ︽ᠳᠠᠯᠠ︾ | ᠭᠡᠵᠦ ᠤᠯᠠᠨ ᠳᠤᠭᠠ ᠶᠢ ᠢᠯᠡᠳᠭᠡᠭᠰᠡᠨ ᠤᠳᠬᠠ ᠪᠠᠷ ᠠᠷᠪᠢᠨ ᠭᠡᠷᠡᠭᠯᠡᠭᠳᠡᠳᠡᠭ ᠶᠤᠮ᠃ ᠵᠢᠱᠢᠶᠡ ᠨᠢ᠂ ︽ᠳᠠᠯᠠᠨ ᠭᠡᠯᠡᠳᠤ︾᠂ ︽ᠳᠡᠯᠡᠨ ᠬᠤᠳᠠᠯᠴᠢ︾᠂ ︽ | ᠳᠠᠯᠠᠨ ᠨᠦᠮᠦᠷᠭᠡᠰ︾ ᠭᠡᠬᠦ ᠵᠡᠷᠭᠡ ᠨᠢ ᠪᠦᠷ ᠤᠯᠠᠨ ᠳᠤᠭᠠ ᠶᠢ ᠢᠯᠡᠳᠭᠡᠭᠰᠡᠨ ᠤᠳᠬᠠ ᠪᠦᠬᠦᠢ ᠦᠭᠡ ᠪᠤᠯᠤᠨᠠ᠃ ᠠᠮᠠᠨ ᠳᠤᠮᠤᠭ ᠲᠤ ᠳᠤᠷᠠᠳᠴᠤ ᠪᠤᠢ ᠳᠠᠯᠠᠨ | ᠳᠡᠷᠭᠡ ᠪᠠᠷ ᠪᠦᠭᠡ ᠤᠩᠭᠤᠳ ᠢ ᠳᠡᠭᠡᠭᠡᠭᠰᠡᠨ ᠭᠡᠰᠡᠨ ᠢᠶᠠᠷ ᠦᠵᠡᠬᠦ ᠳᠤ ᠭᠡᠳᠦ᠋ᠢᠴᠢᠨᠡᠨ ᠤᠯᠠᠨ ᠤᠩᠭᠤᠳ ᠪᠠᠶᠢᠭᠰᠠᠨ ᠪᠤᠢ︖ ᠳᠡᠭᠡᠵᠦ ᠪᠤᠳᠤᠪᠠᠯ ᠮᠡᠨᠡᠩ ᠤᠨ | ᠪᠤᠭᠳᠠ ᠠᠭᠤᠯᠠ ᠨᠢ ᠭᠡᠳᠦ᠋ᠢᠴᠢᠨᠡᠨ ᠦᠶᠠ ᠶᠢᠨ ᠪᠦᠭᠡ ᠤᠩᠭᠤᠳ ᠤᠨ ᠬᠦᠴᠦᠨ ᠢ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠮᠠᠰᠢ ᠤᠷᠳᠤ ᠤᠳᠠᠭᠠᠨ ᠵᠢᠯ ᠤᠨ ᠳᠡᠤᠭᠡ ᠲᠠᠢ | ᠰᠢᠳᠦᠭᠡᠨᠳᠤ ᠬᠠᠶᠢᠷᠬᠠᠨ ᠪᠤᠯᠬᠤ ᠶᠢ ᠡᠷᠭᠡ ᠦᠬᠡᠢ ᠰᠠᠨᠠᠭᠳᠠᠭᠤᠯᠤᠨᠠ᠃ ᠬᠤᠵᠢᠮ ᠨᠢ᠂ ᠳᠠᠩ ᠤᠯᠤᠰ ᠤᠨ ᠦᠶᠡ ᠪᠤᠯᠬᠤ ᠳᠤ 6 ᠳᠦᠮᠠᠨ ᠡᠷᠤᠭᠡ 1 ᠳᠦᠮᠡᠨ | ᠴᠡᠷᠢᠭ ᠲᠠᠢ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠮᠦᠨ ᠯᠡ ᠪᠦᠭᠡ ᠤᠩᠭᠤᠳ ᠤᠨ ᠰᠢᠳᠦᠭᠡᠨᠳᠤ ᠬᠠᠶᠢᠷᠬᠠᠨ ᠢᠶᠠᠨ ᠳᠡᠭᠢᠵᠦ ᠰᠢᠳᠦᠵᠦ ᠪᠠᠶᠢᠭᠰᠠᠨ ᠨᠢ ᠮᠡᠳᠡᠭᠡᠵᠢ ᠶᠤᠮ᠃ | ᠳᠡᠤᠭᠡ ᠶᠢᠨ ᠳᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠨᠠᠭᠠᠳᠤ ᠵᠠᠬᠠ ᠨᠢ 7 ᠳ᠋ᠤᠭᠠᠷ ᠵᠠᠭᠤᠨ ᠤ ᠡᠭᠢᠨ ᠠᠴᠠ 1740 ᠤᠨ ᠪᠤᠯᠳᠠᠯᠠ ᠮᠢᠩᠭᠠᠨ ᠵᠢᠯ | ᠪᠦᠭᠡ ᠮᠦᠷᠬᠦᠯ ᠤᠨ ᠰᠢᠳᠦᠯᠭᠡ ᠳᠡᠭᠢᠯᠭᠠ ᠪᠠᠷ ᠢᠶᠠᠨ ᠬᠠᠶᠢᠷᠬᠠᠨ ᠠᠭᠤᠯᠠ ᠪᠠᠨ ᠳᠡᠭᠡᠳᠤᠯᠡᠨ ᠳᠡᠭᠢᠵᠦ᠂ ᠬᠦᠯᠦᠨ ᠪᠤᠶᠢᠷ ᠤᠷᠤᠨ ᠳᠠᠭᠠᠨ ᠪᠠᠶᠢᠭᠠᠯᠢ | ᠳᠡᠯᠡᠭᠡᠢ ᠲᠠᠢ ᠪᠠᠨ ᠵᠤᠭᠢᠴᠠᠨ᠂ ᠠᠮᠤᠷ ᠮᠡᠨᠳᠤ ᠠᠵᠦ ᠳᠦᠷᠦᠵᠦ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠪᠦᠭᠡ ᠶᠢᠨ ᠳᠠᠭᠤᠳᠠᠯᠭᠠ ᠳᠤ ︽ᠳᠠᠯᠠ ᠭᠤᠪᠢ ᠨᠤᠳᠤᠭ ᠲᠠᠭᠠᠨ ／ | ᠳᠡᠩᠰᠤᠭ ᠮᠠᠯ ᠪᠡᠯᠴᠢᠭᠰᠡᠨ ／ ᠳᠠᠲ᠋ᠠᠷ ᠮᠤᠩᠭᠤᠯ ᠦᠶᠠ ᠠᠴᠠ ／ ᠳᠠᠨᠢᠵᠦ ᠪᠢᠰᠢᠷᠡᠭᠰᠡᠨ ᠭᠤᠷᠪᠠᠨ ᠰᠦᠮᠪᠤᠷ ／ ᠁︾ ﹇18﹈ ᠭᠡᠵᠦ ᠪᠦᠭᠡᠯᠡᠳᠡᠭ | ᠪᠠᠶᠢᠵᠠᠢ᠃ | 16 ᠳ᠋ᠤᠭᠠᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠪᠠᠷ ᠪᠤᠳ᠋ᠳ᠋ᠾᠨ ᠶᠢᠨ ᠱᠠᠰᠢᠨ ᠮᠤᠩᠭᠤᠯ ᠤᠷᠤᠨ ᠳᠤ ᠨᠡᠪᠴᠢᠨ ᠤᠷᠤᠭᠰᠡᠨ ᠠᠴᠠ ᠬᠤᠶᠢᠰᠢ᠂ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠨᠢ | ᠮᠦᠨ ᠮᠤᠩᠭᠤᠯ ᠤᠨ ᠪᠤᠰᠤᠳ ᠶᠠᠰᠤᠳᠠᠨ ᠤᠭᠰᠠᠭᠠᠳᠠᠨ ᠯᠤᠭᠠ ᠠᠳᠠᠯᠢ ᠪᠠᠷ ᠪᠤᠳ᠋ᠳ᠋ᠾᠨ ᠶᠢᠨ ᠱᠠᠰᠢᠨ ᠤ ᠭᠡᠯᠦ᠋ᠭᠪᠡ ᠶᠢᠨ ᠪᠦᠯᠦᠭ ᠢ ᠰᠢᠳᠦᠬᠦ ᠪᠤᠯᠤᠭᠰᠠᠨ ᠶᠤᠮ᠃ | ᠳᠡᠭᠡᠭᠡᠳ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠨᠢᠭᠡ ᠪᠦᠯᠦᠭ ᠨᠢ ᠤᠤᠯ ᠠᠴᠠ ᠳᠡᠭᠢᠵᠦ ᠰᠢᠳᠦᠵᠦ ᠪᠠᠶᠢᠭᠰᠠᠨ ᠪᠦᠭᠡ ᠤᠩᠭᠤᠳ ᠢᠶᠠᠨ ᠬᠠᠶᠠᠵᠦ᠂ ᠪᠤᠳ᠋ᠳ᠋ᠾᠨ ᠶᠢᠨ ᠱᠠᠰᠢᠨ ᠤ | ᠭᠡᠯᠦ᠋ᠭᠪᠡ ᠶᠢᠨ ᠪᠦᠯᠦᠭ ᠤᠨ ᠦᠵᠡᠯ ᠤᠷᠤᠰᠬᠠᠯ ᠢ ᠬᠦᠯᠢᠶᠡᠨ ᠠᠪᠴᠠᠢ᠃ ᠭᠡᠯᠦ᠋ᠭᠪᠡ ᠶᠢᠨ ᠪᠦᠯᠦᠭ ᠢ ᠮᠤᠩᠭᠤᠯ ᠤᠷᠤᠨ ᠳᠤ ︽ᠰᠢᠷᠠ ᠶᠢᠨ ᠱᠠᠰᠢᠨ︾ ᠭᠡᠳᠡᠭ | ᠶᠤᠮ᠃ 1730 ᠤᠨ ᠠᠴᠠ ᠬᠤᠶᠢᠰᠢ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠨᠢ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠰᠢᠳᠦᠵᠦ᠂ 1740 ᠤᠨ ᠳᠤ ᠬᠠᠶᠢᠷᠬᠠᠨ ᠠᠭᠤᠯᠠ ᠶᠢᠨ ᠪᠦᠭᠡ | ᠤᠩᠭᠤᠳ ᠢᠶᠠᠨ ᠴᠤ ᠰᠢᠯᠵᠢᠬᠦᠯᠵᠦ᠂ ᠲᠠᠭᠠᠨ ᠳᠠᠯ ᠠᠭᠤᠯᠠᠨ ᠳᠤ ᠨᠡᠬᠦᠯᠭᠡᠪᠡ᠃ ᠳᠡᠬᠦᠨ ᠠᠴᠠ ᠬᠤᠶᠢᠰᠢ᠂ ᠬᠠᠶᠢᠷᠬᠠᠨ ᠠᠭᠤᠯᠠ ᠪᠠᠨ ︽ᠪᠤᠭᠳᠠ ᠠᠭᠤᠯᠠ︾ ᠭᠡᠵᠦ | ᠨᠡᠷᠡᠯᠡᠭᠡᠳ᠂ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠤᠶᠢᠯᠡ ᠠᠵᠢᠯᠯᠠᠭᠠ ᠪᠠᠷ ᠳᠡᠭᠢᠵᠦ ᠰᠢᠳᠦᠬᠦ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠮᠠᠨᠵᠦ ᠴᠢᠩ ᠤᠨ ᠦᠶᠠ ᠳᠤ᠂ ᠬᠦᠪᠡᠭᠡᠳᠤ ᠤᠯᠠᠭᠠᠨ | ᠬᠤᠰᠢᠭᠤᠨ ᠤ ᠬᠢᠨ ᠳᠠᠭᠢᠯᠭᠠ ᠶᠢᠨ ᠤᠶᠢᠯᠡ ᠶᠢ ᠡᠷᠭᠢᠯᠡᠵᠦ ᠶᠠᠪᠤᠭᠳᠠᠭᠤᠯᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠦᠯᠦ ᠰᠢᠷᠠ᠂ ᠬᠦᠯᠦ ᠤᠯᠠᠭᠠᠨ᠂ ᠬᠦᠪᠡᠭᠡᠳᠤ ᠤᠯᠠᠭᠠᠨ᠂ | ᠬᠦᠪᠡᠭᠡᠳᠤ ᠬᠦᠭᠡ ᠵᠡᠷᠭᠡ ᠳᠦᠷᠪᠡᠨ ᠬᠤᠰᠢᠭᠤ ᠡᠭᠡᠯᠵᠢᠯᠡᠨ᠂ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠳᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠠᠯᠪᠠᠨ ᠠᠴᠠ | ᠡᠷᠭᠢᠯᠡᠨ ᠶᠠᠪᠤᠭᠳᠠᠭᠤᠯᠵᠦ᠂ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠳᠤᠯᠤᠭᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠭᠤᠷᠪᠠᠨ ᠳᠤ ᠪᠦᠬᠦ ᠠᠷᠠᠳ ᠢᠶᠠᠷ ᠢᠶᠠᠨ ᠳᠠᠭᠢᠳᠠᠭ ᠶᠤᠮ᠃ ᠳᠡᠭᠡᠭᠡᠳ | ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢᠨ ᠤᠯᠠᠮᠵᠢᠯᠠᠯᠳᠤ ᠳᠠᠭᠢᠯᠭᠠ ᠨᠢ ᠵᠢᠯ ᠳᠤ ᠬᠤᠶᠠᠷ ᠤᠳᠠᠭᠠ ᠶᠠᠪᠤᠭᠳᠠᠳᠠᠭ ᠪᠤᠯᠵᠠᠢ᠃ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠪᠠᠨ | ᠳᠠᠭᠢᠬᠤ ᠠᠴᠠ ᠡᠮᠤᠨᠠ ᠭᠡᠳᠤᠨ ᠬᠤᠨᠤᠭ ᠠᠴᠠ ᠡᠭᠢᠯᠡᠨ᠂ ᠭᠠᠨᠵᠤᠤᠷ ᠰᠦᠮᠠ ᠪᠤᠯᠤᠨ ᠳ᠋ᠠᠰᠢᠫᠤᠩᠰᠤᠭ ᠰᠦᠮᠠ ᠶᠢᠨ ᠯᠠᠮᠠ ᠨᠡᠷ ᠬᠤᠷᠠᠵᠦ ᠨᠤᠮ ᠰᠤᠳᠤᠷ ᠤᠩᠰᠢᠨ | ᠳᠠᠭᠢᠯᠭᠠ ᠳᠠᠭᠤᠰᠳᠠᠯᠠ ᠱᠠᠰᠢᠨ ᠤ ᠤᠶᠢᠯᠡ ᠤᠶᠢᠯᠡᠳᠦᠳᠡᠭ᠃ ᠳᠠᠭᠢᠯᠭᠠ ᠶᠢᠨ ᠡᠳᠤᠷ ᠬᠦᠮᠤᠰ ᠦᠷ ᠤᠨ ᠭᠡᠭᠡ ᠪᠠᠷ ᠠᠭᠤᠯᠠ ᠤᠩᠭᠤᠳ ᠲᠠᠭᠠᠨ ᠡᠷᠬᠦᠬᠦ ᠶᠠᠭᠤᠮᠠ | ᠭᠡᠤᠮᠠ ᠪᠠᠨ ᠠᠪᠴᠤ ᠪᠤᠭᠳᠠ ᠠᠭᠤᠯᠠᠨ ᠳᠤ ᠬᠦᠷᠦᠭᠡᠳ ᠡᠷᠡᠭᠳᠡᠶᠢᠴᠤᠳ ᠨᠢ ᠠᠭᠤᠯᠠᠨ ᠳᠤ ᠭᠠᠷᠴᠤ ᠠᠭᠤᠯᠠ ᠤᠩᠭᠤᠳ ᠲᠠᠭᠠᠨ ᠮᠦᠷᠬᠦᠨ᠂ ᠡᠮᠡᠭᠳᠡᠶᠢᠴᠤᠳ ᠨᠢ | ᠠᠭᠤᠯᠠᠨ ᠬᠤᠷᠮᠤᠢ ᠳᠤ ᠦᠯᠡᠳᠡᠨ ᠮᠦᠷᠬᠦᠨ ᠳᠠᠭᠠᠳᠬᠠᠳᠠᠭ᠃ ᠠᠭᠤᠯᠠᠨ ᠳᠤ ᠡᠷᠬᠦᠬᠦ ᠶᠠᠭᠤᠮᠠ ᠭᠤᠤᠯᠳᠠᠭᠤ ᠪᠦᠬᠦᠯᠢ ᠬᠤᠨᠢ᠂ ᠴᠠᠭᠠᠨ ᠢᠳᠡᠭᠡ᠂ ᠳᠠᠪᠤᠨ | ᠳᠠᠷᠢᠶᠠ ᠶᠢᠨ ᠦᠷᠠ᠂ ᠪᠤᠤᠪᠤ᠂ ᠬᠠᠳᠠᠭ ᠵᠡᠷᠭᠡ ᠪᠠᠶᠢᠳᠠᠭ᠃ ᠠᠭᠤᠯᠠᠨ ᠳᠤ ᠭᠠᠷᠴᠤ ᠳᠠᠭᠢᠬᠤ ᠬᠦᠮᠤᠰ ᠵᠠᠮ ᠤᠨ ᠬᠠᠵᠠᠭᠤ ᠪᠠᠷ ᠬᠢ ᠵᠢᠵᠢᠭ ᠤᠪᠤᠭᠠ ᠠᠴᠠ ᠡᠭᠢᠯᠡᠨ | ᠨᠠᠷᠠ ᠵᠦᠪ ᠭᠤᠷᠪᠠ ᠭᠤᠷᠢᠶᠠᠯᠠᠵᠦ᠂ ᠢᠳᠡᠭᠡ ᠪᠤᠳᠠᠭᠠᠨ ᠤ ᠳᠡᠭᠡᠵᠢ ᠪᠤᠯᠤᠨ ᠬᠠᠳᠠᠭ ᠢᠶᠠᠨ ᠡᠷᠬᠦᠵᠦ᠂ ᠳᠠᠷᠠᠭᠠ ᠨᠢ ᠤᠪᠤᠭᠠᠨ ᠳᠠᠭᠠᠨ ᠮᠦᠷᠬᠦᠳᠡᠭ ᠪᠠᠶᠢᠨᠠ᠃ | ᠤᠳᠤ ᠭᠤᠤᠯ ᠳᠠᠭᠢᠯᠭᠠ ᠨᠢ 10 ᠴᠠᠭ ᠤᠨ ᠦᠶᠠ ᠪᠠᠷ ᠡᠭᠢᠯᠡᠵᠦ᠂ ᠯᠠᠮᠠ ᠨᠡᠷ ᠠᠭᠤᠯᠠ ᠶᠢᠨ ᠳᠠᠭᠢᠯᠭᠠ ᠶᠢᠨ ᠰᠠᠩ ᠪᠤᠯᠤᠨ ᠠᠭᠤᠯᠠ ᠶᠢᠨ ᠰᠤᠳᠤᠷ ᠤᠩᠰᠢᠵᠦ | ᠠᠭᠤᠯᠠ ᠪᠠᠨ ᠳᠠᠭᠢᠳᠠᠭ ᠪᠤᠯᠵᠠᠢ᠃ ᠳᠠᠷᠠᠭᠠ ᠨᠢ ᠨᠠᠮᠳᠠᠭ ᠳᠠᠯᠠᠯᠭᠠ ᠠᠪᠴᠤ᠂ ᠭᠡᠰᠢᠭ ᠪᠤᠶᠠᠨ ᠬᠤᠷᠦ᠋ᠢᠯᠠᠨ ᠠᠭᠤᠯᠠ ᠶᠢᠨ ᠳᠡᠭᠢᠯᠭᠠ ᠦᠨᠳᠦᠷᠯᠡᠳᠡᠭ ﹇19﹈᠃ | ᠠᠭᠤᠯᠠ ᠤᠪᠤᠭᠠ ᠶᠢᠨ ᠳᠡᠭᠢᠯᠭᠠ ᠳᠤ ᠤᠴᠢᠬᠤ ᠳᠠᠯᠢᠮ ᠢᠶᠠᠷ ᠳᠠᠨᠢᠯ ᠳᠠᠰᠤᠯ ᠬᠦᠮᠤᠰ ᠤᠴᠠᠷᠠᠨ ᠵᠤᠯᠭᠠᠵᠦ᠂ ᠬᠦᠮᠤᠨ ᠠᠷᠠᠳ ᠤᠨ ᠰᠠᠶᠢᠨ ᠮᠡᠨᠳᠤ ᠪᠠᠨ ᠮᠡᠳᠡᠯᠴᠠᠵᠦ | ᠂ ᠬᠤᠷᠠ ᠪᠤᠷᠤᠭᠠᠨ ᠳᠡᠭᠰᠢ᠂ ᠮᠠᠯ ᠰᠦᠷᠦᠭ ᠤᠨ ᠢᠶᠠᠨ ᠦᠷᠨᠢᠯ ᠬᠦᠭᠵᠢᠯ ᠢ ᠤᠶᠢᠯᠠᠭᠠᠯᠴᠠᠨ᠂ ᠠᠳᠠᠯ ᠤᠶᠢᠯᠠᠰ ᠤᠨ ᠠᠷᠭᠠ ᠳᠡᠮ ᠢᠶᠠᠨ ᠬᠠᠷᠢᠯᠴᠠᠨ ᠤᠯᠠᠮᠵᠢᠯᠠᠳᠠᠭ | ᠶᠤᠮ᠃ ᠤᠷᠴᠢᠨ ᠦᠶᠠ ᠪᠤᠯᠬᠤ ᠳᠤ᠂ ᠳᠠᠩ ᠴᠤᠯᠭᠤᠢ ᠳᠠᠭᠢᠯᠭᠠ ᠶᠢᠨ ᠬᠦᠳᠡᠯᠭᠡᠭᠡᠨ ᠠᠴᠠ ᠪᠠᠨ ᠤᠯᠠᠨ ᠳᠦᠮᠠᠨᠴᠢ ᠴᠢᠨᠠᠷ ᠲᠠᠢ ᠰᠤᠶᠤᠯ ᠵᠤᠭᠠᠴᠠᠯ ᠤᠨ ᠠᠵᠢᠯᠯᠠᠭᠠ | ᠂ ᠨᠠᠶᠢᠷ ᠨᠠᠭᠠᠳᠤᠮ ᠪᠤᠯᠤᠨ ᠬᠦᠭᠵᠢᠪᠠ᠃ ᠵᠢᠱᠢᠶᠠ ᠨᠢ᠂ ᠪᠠᠷᠠᠭᠠ ᠳᠠᠸᠠᠷ ᠤᠨ ᠰᠤᠯᠢᠯᠴᠠᠭᠠ᠂ ᠦᠨᠳᠦᠰᠦᠳᠡᠨ ᠤ ᠭᠠᠷ ᠤᠷᠠᠯᠠᠯ ᠭᠢᠭᠡᠳ ᠬᠤᠪᠴᠠᠰᠤ ᠵᠠᠰᠠᠯ ᠤᠨ | ᠦᠵᠡᠬᠦᠯᠦᠯᠭᠡ᠂ ᠨᠠᠭᠠᠳᠤᠮ ᠳᠤᠭᠯᠠᠭᠠᠮ᠂ ᠳᠠᠭᠤᠤ ᠪᠦᠵᠢᠭ ᠤᠨ ᠳᠤᠭᠯᠠᠯᠳᠠ᠂ ᠰᠢᠨᠵᠢᠯᠡᠬᠦ ᠮᠡᠷᠭᠡᠵᠢᠯ ᠤᠨ ᠤᠬᠠᠭᠤᠯᠭᠠ ᠵᠡᠷᠭᠡ ᠤᠯᠠᠨ ᠠᠭᠤᠯᠭᠠ ᠲᠠᠢ ᠪᠤᠯᠪᠠ᠃ | ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢᠨ ᠤᠩᠭᠤᠳ ᠳᠠᠭᠢᠯᠭᠠ ᠶᠢᠨ ᠤᠶᠢᠯᠡ ᠠᠵᠢᠯᠯᠠᠭᠠ ᠶᠢᠨ ᠬᠦᠭᠵᠢᠯᠳᠡ ᠠᠴᠠ ᠦᠵᠡᠬᠦ ᠳᠤ᠂ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠨᠢ | ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠤ ᠠᠴᠠ ᠪᠠᠨ ᠳᠡᠭᠢᠵᠦ ᠰᠢᠳᠦᠭᠰᠡᠭᠡᠷ ᠢᠷᠡᠭᠰᠡᠨ ᠰᠢᠳᠦᠭᠡᠨᠳᠤ ᠬᠠᠶᠢᠷᠬᠠᠨ ᠪᠤᠯᠤᠨᠠ᠃ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢᠨ | ᠳᠠᠭᠢᠯᠭᠠ ᠳᠤ ᠳᠠᠪᠤᠨ ᠳᠠᠷᠢᠶᠠ ᠶᠢᠨ ᠦᠷᠠ ᠶᠢ ᠡᠷᠬᠦᠬᠦ ᠵᠠᠩ ᠤᠶᠢᠯᠠ ᠠᠴᠠ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠠᠯᠢ ᠡᠷᠳᠡᠨ ᠠᠴᠠ ᠪᠠᠨ ᠵᠤᠭᠢᠬᠤ ᠭᠡᠮᠵᠢᠶᠡᠨ ᠤ ᠳᠠᠷᠢᠮᠠᠯ | ᠤᠷᠭᠤᠮᠠᠯ ᠢ ᠡᠷᠭᠢᠯᠡᠵᠦ ᠪᠠᠶᠢᠭᠰᠠᠨ ᠢ ᠮᠡᠳᠡᠵᠦ ᠪᠤᠯᠤᠨᠠ᠃ ᠮᠦᠨ ᠴᠤ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠵᠤᠭᠤᠷ ᠳᠡᠭᠡᠳᠤ ᠶᠢᠨ ᠦᠶᠠ ᠠᠴᠠ ᠪᠠᠨ ᠬᠦᠯᠦᠨ ᠪᠤᠶᠢᠷ ᠤᠨ | ᠳᠠᠯᠠ ᠨᠤᠳᠤᠭ ᠲᠤ ᠨᠡᠬᠦᠳᠡᠯᠯᠡᠨ ᠠᠵᠦ ᠳᠦᠷᠦᠵᠦ ᠪᠠᠶᠢᠭᠰᠠᠨ ᠢ ᠨᠦᠬᠦᠭᠡ ᠳᠠᠯᠠ ᠪᠠᠷ ᠪᠠᠳᠤᠳᠠᠢ ᠭᠡᠷᠡᠴᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠭᠤᠷᠪᠠ᠂ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠭᠢᠭᠡᠳ ᠪᠠᠶᠢᠭᠠᠯᠢ ᠠᠬᠤᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ | ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠳᠡᠤᠭᠡ ᠰᠤᠶᠤᠯ ᠤᠨ ᠦᠪ ᠢ ᠬᠠᠳᠠᠭᠠᠯᠠᠭᠰᠠᠨ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠵᠢᠴᠢ ᠬᠦᠮᠤᠨ ᠠᠷᠠᠳ ᠤᠨ ᠰᠤᠶᠤᠯ ᠢᠷᠭᠡᠨᠰᠢᠯ ᠢ | ᠬᠠᠮᠠᠭᠠᠯᠠᠵᠦ᠂ ᠤᠯᠠᠮᠵᠢᠯᠠᠵᠦ ᠬᠦᠭᠵᠢᠬᠦᠯᠬᠦ ᠠᠵᠢᠯ ᠪᠤᠯ ᠴᠢᠬᠤᠯᠠ ᠠᠵᠢᠯ ᠤᠨ ᠨᠢᠭᠡᠨ ᠨᠢ ᠶᠤᠮ᠃ ᠤᠶᠢᠷᠠ ᠶᠢᠨ ᠭᠡᠳᠤᠨ ᠵᠢᠯ ᠠᠴᠠ ᠠᠭᠤᠯᠠ ᠤᠪᠤᠭᠠ ᠶᠢᠨ | ᠳᠡᠭᠢᠯᠭᠠ ᠳᠤ ᠶᠡᠭᠡ ᠭᠡᠪᠴᠢᠶᠠᠨ ᠢᠶᠠᠷ ᠰᠦ᠂ ᠠᠷᠢᠭᠢ ᠠᠰᠬᠠᠵᠦ᠂ ᠰᠢᠭᠢᠷ᠂ ᠪᠤᠭᠤᠷᠰᠤᠭ ᠰᠠᠴᠤᠵᠦ᠂ ᠬᠠᠳᠠᠭ ᠳᠤᠷᠭᠠ ᠶᠡᠭᠡ ᠪᠠᠷ ᠵᠠᠩᠭᠢᠳᠦᠭᠠᠳ ᠠᠭᠤᠯᠠ | ᠤᠪᠤᠭᠠ ᠶᠢ ᠳᠤᠩ ᠪᠤᠭᠢᠷᠳᠠᠭᠤᠯᠵᠦ ᠪᠠᠶᠢᠭᠠ ᠦᠵᠡᠭᠳᠡᠯ ᠤᠯᠠᠰᠢᠷᠠᠪᠠ᠃ ᠭᠡᠳᠦ᠋ᠢᠪᠡᠷ ᠬᠤᠭ ᠨᠤᠪᠰᠢ ᠶᠢᠨ ᠬᠠᠶᠢᠷᠴᠠᠭ ᠭᠢᠵᠦ ᠳᠠᠯᠪᠢᠭᠰᠠᠨ ᠪᠤᠯᠪᠠᠴᠤ | ᠬᠠᠶᠢᠷᠴᠠᠭ ᠲᠤᠨᠢ ᠬᠤᠭ ᠨᠤᠪᠰᠢ ᠪᠠᠨ ᠭᠢᠬᠦ ᠦᠭᠡᠢ᠂ ᠬᠠᠷᠢᠨ ᠬᠠᠮᠢᠭᠠ ᠬᠠᠮᠢᠶᠠ ᠦᠭᠡᠢ ᠳᠤᠷᠠ ᠳᠠᠪᠠ ᠪᠠᠷ ᠢᠶᠠᠨ ᠭᠠᠵᠠᠷ ᠰᠠᠢ ᠦᠭᠡᠢ ᠬᠠᠶᠠᠬᠤ ᠦᠵᠡᠭᠳᠡᠯ | ᠤᠯᠠᠰᠢᠷᠠᠵᠦ ᠪᠠᠶᠢᠨᠠ᠃ ᠨᠡᠩ ᠤᠨᠴᠠᠭᠠᠶᠢᠯᠠᠨ ᠦᠨᠳᠦᠰᠦᠳᠡᠨ ᠤ ᠡᠷᠭᠢᠮ ᠳᠡᠭᠡᠳᠤ ᠡᠳ᠋ᠯᠡᠯ ᠭᠡᠷᠡᠭᠯᠡᠯ ᠤᠨ ᠭᠡᠪ ᠵᠠᠭᠪᠤᠷ ᠢᠶᠠᠷ ᠬᠤᠭ ᠨᠤᠪᠰᠢ ᠶᠢᠨ ᠬᠠᠶᠢᠷᠴᠠᠭ ᠴᠤ | ᠭᠢᠭᠰᠡᠨ ᠪᠠᠶᠢᠳᠠᠭ᠃ ᠵᠢᠱᠢᠶᠠ ᠨᠢ᠂ ᠳᠤᠯᠭᠠ ᠶᠢᠨ ᠭᠡᠯᠪᠡᠷᠢ ᠲᠠᠢ ᠬᠤᠭ ᠤᠨ ᠬᠠᠶᠢᠷᠴᠠᠭ᠂ ᠠᠷᠤᠭ ᠰᠠᠪᠠᠷ ᠤᠨ ᠭᠡᠯᠪᠡᠷᠢ ᠲᠠᠢ ᠬᠤᠭ ᠤᠨ ᠬᠠᠶᠢᠷᠴᠠᠭ᠂ ᠰᠦ | ᠠᠶᠢᠷᠠᠭ ᠤᠨ ᠬᠦᠨᠦᠭ ᠤᠨ ᠭᠡᠯᠪᠡᠷᠢ ᠲᠠᠢ ᠬᠤᠭ ᠤᠨ ᠬᠠᠶᠢᠷᠴᠠᠭ᠂ ᠮᠤᠩᠭᠤᠯ ᠭᠤᠳᠤᠯ ᠤᠨ ᠭᠡᠯᠪᠡᠷᠢ ᠲᠠᠢ ᠬᠤᠭ ᠤᠨ ᠬᠠᠶᠢᠷᠴᠠᠭ ᠵᠡᠷᠭᠡ᠃ ᠦᠨᠳᠦᠰᠦᠳᠡᠨ ᠤ ᠡᠳ᠋ᠯᠡᠯ | ᠭᠡᠷᠡᠭᠯᠡᠯ ᠤᠨ ᠭᠡᠪ ᠵᠠᠭᠪᠤᠷ ᠢᠶᠠᠷ ᠤᠶᠢᠯᠡᠳᠤᠭ᠍ᠰᠠᠨ ᠬᠤᠭ ᠤᠨ ᠬᠠᠶᠢᠷᠴᠠᠭ ᠨᠢ ᠦᠨᠳᠦᠰᠦᠳᠡᠨ ᠤ ᠰᠤᠶᠤᠯ ᠢᠷᠭᠡᠨᠰᠢᠯ ᠢ ᠬᠠᠮᠠᠭᠠᠯᠠᠵᠦ ᠬᠦᠭᠵᠢᠬᠦᠯᠵᠦ ᠪᠠᠶᠢᠬᠤ ᠶᠠᠪᠤᠳᠠᠯ | ᠤᠭᠳᠤ ᠪᠢᠰᠢ᠂ ᠬᠠᠷᠢᠨ ᠳᠡᠷᠡ ᠨᠢ ᠦᠨᠳᠦᠰᠦᠳᠡᠨ ᠤ ᠵᠠᠩ ᠳᠠᠳᠬᠠᠯ ᠢ ᠭᠠᠵᠢᠭᠤᠳᠠᠭᠤᠯᠵᠦ ᠳᠤᠷᠤᠮᠵᠢᠯᠡᠵᠦ ᠪᠠᠶᠢᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠤᠴᠢᠷ ᠨᠢ᠂ ᠳᠤᠯᠭᠠ | ᠠᠷᠤᠭ ᠰᠠᠪᠠᠷ ᠭᠤᠷᠪᠠ ᠪᠤᠯ ᠮᠤᠩᠭᠤᠯ ᠤᠨ ᠭᠠᠯ ᠭᠤᠯᠤᠮᠳᠠ ᠶᠢᠨ ᠭᠤᠷᠪᠠᠨ ᠡᠷᠴᠢᠯᠡᠭᠡᠰᠤ ᠶᠤᠮ᠃ ᠳᠠᠶᠢᠮᠤ ᠠᠴᠠ᠂ ᠮᠤᠩᠭᠤᠯ ᠬᠦᠮᠤᠨ ᠭᠠᠯ ᠭᠤᠯᠤᠮᠳᠠ ᠶᠢ | ᠪᠤᠬᠢᠷᠳᠤᠭᠤᠯᠬᠤ ᠶᠢ ᠬᠠᠮᠤᠭ ᠠᠴᠠ ᠴᠡᠭᠡᠷᠯᠡᠵᠦ᠂ ᠳᠤᠯᠭᠠ ᠠᠷᠤᠭ ᠰᠠᠪᠠᠷ ᠢ ᠪᠤᠭᠢᠷᠳᠠᠭᠤᠯᠳᠠᠭ ᠦᠭᠡᠢ ᠶᠤᠮ᠃ ᠰᠦ ᠠᠶᠢᠷᠠᠭ ᠤᠨ ᠬᠦᠨᠦᠭ ᠪᠤᠯ ᠢᠳᠡᠭᠡᠨ | ᠤᠮᠳᠠᠭᠠᠨ ᠤ ᠳᠡᠭᠡᠵᠢ ᠠᠷᠢᠭᠤᠨ ᠴᠠᠭᠠᠨ ᠰᠦ ᠭᠢᠳᠡᠭ ᠰᠠᠪᠠ ᠰᠠᠭᠤᠯᠠᠭᠠ ᠪᠤᠯᠤᠨᠠ᠃ ᠳᠠᠶᠢᠮᠤ ᠠᠴᠠ ᠮᠤᠩᠭᠤᠯᠴᠤᠳ ᠰᠠᠭᠠᠯᠢ ᠶᠢᠨ ᠬᠦᠨᠦᠭ᠂ ᠠᠶᠢᠷᠠᠭ ᠳᠠᠷᠠᠭ ᠤᠨ | ᠬᠦᠨᠦᠭ ᠢᠶᠠᠨ ᠬᠠᠮᠤᠭ ᠠᠴᠠ ᠡᠷᠭᠢᠮᠨᠡᠨ᠂ ᠠᠷᠢᠭᠤᠨ ᠴᠠᠪᠡᠷ ᠪᠠᠶᠢᠯᠭᠠᠳᠠᠭ ᠶᠤᠮ᠃ ᠭᠤᠳᠤᠯ ᠪᠤᠯ ᠮᠤᠩᠭᠤᠯ ᠬᠦᠮᠤᠨ ᠤ ᠳᠤᠷᠨᠢᠨ ᠵᠤᠭᠰᠤᠬᠤ ᠶᠢ ᠪᠡᠯᠭᠡᠳᠡᠭᠰᠡᠨ ᠪᠡᠯᠭᠡ | ᠳᠡᠮᠪᠡᠷᠢᠯ ᠲᠠᠢ ᠬᠤᠪᠴᠠᠰᠤ ᠵᠠᠰᠠᠯ ᠳᠤᠯᠠ ᠮᠤᠩᠭᠤᠯ ᠬᠦᠮᠤᠨ ᠭᠤᠳᠤᠯ ᠢᠶᠠᠨ ᠳᠤᠩ ᠡᠷᠭᠢᠮᠨᠡᠵᠦ᠂ ᠭᠤᠳᠤᠯ ᠳᠡᠭᠡᠷᠡ ᠭᠢᠰᠭᠢᠬᠦ᠂ ᠭᠤᠳᠤᠯ ᠢᠶᠠᠨ ᠬᠠᠮᠢᠶᠠ ᠨᠠᠮᠢᠶᠠ | ᠦᠭᠡᠢ ᠬᠠᠶᠠᠬᠤ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠳᠡᠭ ᠶᠤᠮ᠃ | ᠬᠦᠮᠤᠨ ᠠᠷᠠᠳ ᠪᠦᠬᠦᠨ ᠢᠶᠠᠷ ᠢᠶᠠᠨ ᠦᠪᠡᠷ ᠤᠨ ᠳᠡᠤᠭᠡ ᠰᠤᠶᠤᠯ ᠢᠶᠠᠨ ᠤᠶᠢᠯᠡᠭᠠᠨ ᠮᠡᠳᠡᠵᠦ᠂ ᠠᠭᠤᠯᠠ ᠤᠰᠤ ᠪᠠᠨ ᠪᠤᠭᠢᠷᠳᠠᠭᠤᠯᠬᠤ ᠦᠭᠡᠢ᠂ | ᠦᠨᠳᠦᠰᠦᠳᠡᠨ ᠤ ᠡᠳ᠋ᠯᠡᠯ ᠭᠡᠷᠡᠭᠯᠡᠯ ᠢ ᠪᠤᠭᠢᠷᠳᠠᠭᠤᠯᠬᠤ ᠦᠭᠡᠢ᠂ ᠦᠨᠳᠦᠰᠦᠳᠡᠨ ᠤ ᠪᠠᠨ ᠰᠡᠳᠭᠢᠯ ᠰᠠᠨᠠᠭᠠ ᠶᠢ ᠪᠤᠭᠢᠷᠳᠠᠭᠤᠯᠬᠤ ᠦᠭᠡᠢ ᠪᠠᠷ ᠡᠭᠡ ᠪᠠᠶᠢᠭᠠᠯᠢ ᠪᠠᠨ | ᠬᠠᠶᠢᠷᠠᠯᠠᠵᠦ᠂ ᠡᠭᠡ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠵᠤᠭᠢᠴᠠᠭᠰᠠᠨ ᠠᠭᠤᠯᠠ ᠤᠪᠤᠭᠠ ᠳᠠᠭᠢᠵᠦ ᠰᠢᠳᠦᠬᠦ ᠠᠵᠢᠯᠯᠠᠭᠠ ᠪᠠᠨ ᠶᠠᠪᠤᠭᠤᠯᠪᠠᠯ ᠵᠤᠭᠢᠨᠠ᠃ ᠬᠠᠷᠢᠨ ᠤᠷᠴᠢᠮ ᠤᠨ | ᠭᠡᠳᠤᠨ ᠵᠢᠯ ᠠᠴᠠ ᠡᠭᠢᠯᠡᠨ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠨᠠᠮ ᠵᠠᠰᠠᠭ ᠤᠨ ᠭᠠᠵᠠᠷ᠂ ᠨᠠᠶᠢᠭᠡᠮ ᠨᠠᠶᠢᠳᠠ ᠶᠢᠨ ᠬᠢᠨ᠂ ᠪᠠᠷᠭᠤ ᠰᠤᠳᠤᠯᠤᠯ ᠤᠨ ᠬᠢᠨ | ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠵᠢᠴᠢ ᠪᠠᠶᠢᠭᠠᠯᠢ ᠠᠬᠤᠢ᠂ ᠠᠮᠢ ᠠᠬᠤᠢ ᠶᠢ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠪᠤᠳᠠᠳᠤ ᠠᠵᠢᠯᠯᠠᠭᠠ ᠨᠤᠭᠤᠳ ᠢ ᠶᠠᠪᠤᠭᠤᠯᠵᠦ ᠡᠭᠢᠯᠡᠭᠰᠡᠨ | ᠪᠠᠶᠢᠨᠠ᠃ ᠵᠢᠱᠢᠶᠠ ᠨᠢ᠂ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢ ᠳᠠᠭᠢᠬᠤ ᠳᠤ ᠠᠭᠤᠯᠠᠨ ᠤ ᠤᠷᠤᠢ ᠳᠤ ᠰᠦ ᠠᠷᠢᠭᠢ ᠠᠰᠬᠠᠵᠦ᠂ ᠰᠢᠭᠢᠷ ᠪᠤᠭᠤᠷᠰᠤᠭ ᠰᠠᠴᠤᠬᠤ ᠶᠢ | ᠬᠤᠷᠢᠭᠯᠠᠭᠰᠠᠨ᠂ ᠠᠭᠤᠯᠠ ᠶᠢᠨ ᠳᠠᠭᠢᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠶᠢ ᠤᠶᠠᠯᠳᠤᠭᠤᠯᠤᠨ ᠮᠡᠳᠡᠯᠭᠡ ᠮᠡᠷᠭᠡᠰᠢᠯ ᠤᠯᠠᠮᠵᠢᠯᠠᠬᠤ ︵ᠮᠠᠯ ᠠᠵᠦ ᠠᠬᠤᠢ᠂ ᠬᠦᠮᠤᠨ ᠪᠡᠶᠡ ᠶᠢᠨ | ᠡᠷᠡᠬᠦᠯ ᠮᠡᠨᠳᠤ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠡᠷᠡᠬᠦᠯ ᠮᠡᠨᠳᠤ᠂ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠮᠡᠳᠡᠯᠭᠡ ᠵᠡᠷᠭᠡ︶᠂ ᠬᠦᠮᠤᠨ ᠠᠷᠠᠳ ᠤᠨ ᠬᠠᠷᠢᠯᠴᠠᠭᠠ ᠶᠢ ᠨᠢᠭᠳᠠᠷᠠᠭᠤᠯᠬᠤ ︵ | ᠬᠤᠯᠠ ᠤᠶᠢᠷᠡ ᠶᠢᠨ ᠬᠦᠮᠤᠰ ᠴᠢᠯᠤᠭᠡᠳᠡᠢ ᠬᠦᠭᠡᠷᠤᠯᠳᠦᠬᠦ᠂ ᠬᠤᠳᠠᠯᠳᠤᠭᠠ ᠠᠷᠠᠯᠵᠢᠶᠠ ᠭᠢᠬᠦ᠂ ᠬᠠᠷᠢᠯᠴᠠᠨ ᠰᠤᠷᠠᠭ ᠴᠢᠮᠡᠭᠡ ᠤᠶᠢᠯᠠᠭᠠᠯᠴᠠᠬᠤ︶᠂ ᠮᠠᠯᠴᠢᠨ | ᠳᠦᠮᠡᠨ ᠢᠶᠠᠨ ᠪᠠᠶᠠᠰᠬᠠᠬᠤ ︵ᠦᠨᠳᠦᠰᠦᠳᠡᠨ ᠤ ᠭᠠᠷ ᠤᠷᠠᠯᠠᠯ᠂ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠦᠵᠡᠬᠦᠯᠦᠯᠭᠡ᠂ ᠳᠠᠭᠤᠤ ᠬᠦᠭᠵᠢᠮ ᠤᠨ ᠰᠤᠨᠢᠷᠬᠠᠯ᠂ ᠨᠠᠶᠢᠷ ᠨᠠᠭᠠᠳᠤᠮ | ᠡᠷᠭᠢᠯᠡᠬᠦ︶ ᠵᠡᠷᠭᠡ ᠪᠠᠶᠠᠯᠢᠭ ᠠᠭᠤᠯᠭᠠ ᠲᠠᠢ ᠠᠵᠢᠯᠯᠠᠭᠠ ᠨᠤᠭᠤᠳ ᠢ ᠡᠷᠭᠢᠯᠡᠵᠦ᠂ ᠠᠭᠤᠯᠠ ᠬᠠᠶᠢᠷᠬᠠᠨ ᠤ ᠳᠠᠭᠢᠯᠭᠠ ᠶᠢ ᠤᠯᠠᠮ ᠠᠷᠢᠭᠤᠨ ᠴᠠᠪᠡᠷ᠂ ᠬᠦᠷ | ᠬᠦᠭᠵᠢᠶᠠᠨ ᠲᠠᠢ ᠪᠤᠯᠭᠠᠵᠦ ᠪᠠᠶᠢᠨᠠ᠃ ᠡᠳᠡᠭᠡᠷ ᠠᠵᠢᠯᠯᠠᠭᠠ ᠨᠤᠭᠤᠳ ᠪᠤᠯ ᠪᠢᠰᠢᠷᠡᠬᠦᠰᠢᠳᠠᠢ ᠮᠦᠷᠳᠡᠭᠡᠨ ᠮᠠᠭᠳᠠᠭᠤᠰᠢᠳᠠᠢ ᠠᠵᠢᠯᠯᠠᠭᠠ ᠪᠤᠯᠤᠨᠠ᠃ | ᠪᠠᠭᠴᠠᠯᠠᠪᠠᠯ᠂ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠨᠢ ᠮᠤᠩᠭᠤᠯᠴᠤᠳ ᠤᠨ ᠠᠵᠦ ᠠᠬᠤᠢ᠂ ᠳᠤᠷᠨᠢᠯ ᠤᠨᠳᠤᠷᠤᠯ ᠳᠤ ᠭᠡᠰᠢᠭ ᠪᠤᠶᠠᠨ ᠤᠯᠭᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ | ᠦᠭᠡᠢ᠂ ᠪᠠᠷᠭᠤᠴᠤᠳ ᠢᠶᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠮᠤᠩᠭᠤᠯᠴᠤᠳ ᠤᠨ ᠮᠠᠨᠢ ᠠᠯᠢ ᠡᠷᠳᠡᠨ ᠠᠴᠠ ᠰᠢᠳᠦᠵᠦ ᠳᠠᠭᠢᠭᠰᠠᠭᠠᠷ ᠢᠷᠡᠭᠰᠡᠨ ᠮᠠᠰᠢ ᠡᠷᠳᠡᠨ ᠤ ᠪᠦᠭᠡ | ᠤᠩᠭᠤᠳ ᠲᠠᠢ ᠰᠢᠳᠦᠭᠡᠨᠳᠤ ᠬᠠᠶᠢᠷᠬᠠᠨ ᠪᠠᠶᠢᠨᠠ᠃ ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ ᠶᠢᠨ ᠳᠠᠭᠢᠯᠭᠠ ᠨᠢ ᠬᠦᠯᠦᠨ ᠪᠤᠶᠢᠷ ᠤᠨ ᠮᠠᠯ ᠠᠵᠦ ᠠᠬᠤᠢ ᠶᠢᠨ ᠬᠦᠭᠵᠢᠯᠳᠡ ᠶᠢ | ᠠᠭᠢᠭᠤᠯᠤᠨ᠂ ᠬᠦᠮᠤᠨ ᠠᠷᠠᠳ ᠤᠨ ᠰᠡᠳᠭᠢᠬᠦᠢ ᠶᠢ ᠨᠡᠭᠡᠭᠡᠭᠳᠡᠬᠦᠯᠵᠦ᠂ ᠠᠷᠠᠳ ᠳᠦᠮᠠᠨ ᠢᠶᠠᠨ ᠪᠠᠶᠠᠰᠬᠠᠨ ᠵᠤᠭᠠᠴᠠᠯ ᠤᠨ ᠤᠶᠢᠯᠡᠰ ᠢ ᠬᠦᠭᠵᠢᠬᠦᠯᠵᠦ᠂ ᠬᠦᠮᠤᠰ ᠤᠨ | ᠤᠩᠭᠤᠨ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠵᠦ ᠬᠠᠮᠠᠭᠠᠯᠠᠬᠤ ᠤᠬᠠᠮᠰᠠᠷ ᠢ ᠨᠢ ᠨᠡᠮᠡᠭᠳᠡᠬᠦᠯᠬᠦ ᠬᠦᠴᠦᠨ ᠵᠦᠢᠯ ᠪᠤᠯᠵᠤ ᠪᠠᠶᠢᠨᠠ᠃ | ᠵᠡᠬᠦᠯᠳᠡ᠄ | ﹇14﹈ 【宋】 欧阳修 宋祁撰 ︽新唐书︾ 卷二百一十七，回鹘，中华书局， | 1975年 | ﹇15﹈ ᠳᠠᠯᠠᠩᠭᠤᠳ · ᠬᠦᠪᠡᠷᠢ ᠶᠢᠨ ︽ᠤᠯᠠᠨ ᠮᠤᠩᠭᠤᠯᠴᠤᠳ ᠤᠨ ᠤᠭ ᠡᠭᠢ ᠶᠢ ᠳᠡᠮᠳᠡᠭᠯᠡᠭᠰᠡᠨ ᠪᠢᠴᠢᠭ ᠤᠷᠤᠰᠢᠪᠡ︾᠂ ᠦᠪᠤᠷ ᠮᠤᠩᠭᠤᠯ ᠤᠨ | ᠰᠤᠶᠤᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2010 ᠤᠨ᠂ 254 — 258 ᠳ᠋ᠤᠭᠠᠷ ᠨᠢᠭᠤᠷ ᠲᠤ᠃ | ﹇16﹈ ﹇18﹈ ᠫᠦ᠊ · ᠪᠠᠽᠠᠷᠳᠢᠪᠢ ᠶᠢᠨ ᠡᠮᠭᠢᠳᠭᠡᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠳᠠᠯᠠᠩᠭᠤᠳ ᠬᠦᠪᠡᠷᠢ︾᠂ ᠦᠪᠤᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠭᠡᠪᠯᠡᠯ ᠤᠨ | ᠬᠤᠷᠢᠶᠠ᠂ 2011 ᠤᠨ᠂ 4᠂ 5 ᠳ᠋ᠤᠭᠠᠷ ᠨᠢᠭᠤᠷ ᠲᠤ᠃ | ﹇17﹈ ᠫᠦ᠊ · ᠪᠠᠽᠠᠷᠳᠢᠪᠢ ᠭᠤᠸᠠᠢ ᠶᠠᠷᠢᠭᠰᠠᠨ ᠢ ᠳᠡᠮᠳᠡᠭᠯᠡᠭᠰᠡᠨ ᠳᠡᠮᠳᠡᠭᠯᠡᠯ ᠠᠴᠠ᠃ | ﹇19﹈ ᠫᠦ᠊ · ᠪᠠᠽᠠᠷᠳᠢᠪᠢ ᠶᠢᠨ ︽ᠰᠢᠨᠠ ᠪᠠᠷᠭᠤᠴᠤᠳ ᠤᠨ ᠰᠢᠳᠦᠭᠡᠨ — ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ︾ — ︽ᠦᠪᠤᠷ ᠮᠤᠩᠭᠤᠯ ᠤᠨ | ᠵᠢᠷᠤᠭᠳᠤ ᠰᠡᠳᠬᠦᠯ︾᠂ 2013 ᠤᠨ ᠤ 5 ᠳ᠋ᠤᠭᠠᠷ ᠬᠤᠭᠤᠴᠠᠭᠠ᠂ 66 — 67 ᠳ᠋ᠤᠭᠠᠷ ᠨᠢᠭᠤᠷ ᠲᠤ᠃ | | ᠵᠤᠬᠢᠶᠠᠭᠴᠢ᠄ ᠱᠠᠭᠳᠠᠷ ᠤᠨ ᠰᠤᠩᠳᠤᠢ | | |