| ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠦᠪᠦᠷᠪᠣᠯᠠᠭ ᠰᠣᠮᠣ ᠶᠢᠨ ᠣᠯᠠᠭᠠᠨᠨᠠᠭᠤᠷ ᠭᠠᠴᠠᠭᠠ ᠪᠠᠷ ᠨᠣᠲᠤᠭ ᠲᠠᠢ ᠣᠯᠠᠭᠠᠨᠴᠡᠴᠡᠭ ᠪᠣᠯ ᠪᠠᠷᠭᠤ | ᠮᠤᠩᠭᠤᠯᠴᠤᠳ ᠤᠨ ᠵᠠᠩᠭᠠ ᠶᠢᠨ ᠰᠤᠶᠤᠯ ᠢ ᠡᠷᠬᠦᠵᠦ ᠶᠠᠪᠤᠭᠠ ᠮᠠᠯᠴᠢᠨ ᠪᠦᠰᠡᠭᠦᠢ᠃ ᠲᠡᠷᠡ ᠨᠦᠬᠦᠷ ᠲᠠᠢ ᠪᠠᠨ ᠬᠦᠳᠡᠭᠡ ᠨᠣᠲᠤᠭ ᠲᠠᠭᠠᠨ ᠬᠤᠨᠢ ᠮᠠᠯ ᠢᠶᠠᠨ | ᠳᠣᠳᠣᠮᠳᠠᠵᠣ ᠠᠮᠢᠳᠣᠷᠠᠳᠠᠭ᠃ 2017 ᠣᠨ ᠳᠤ ᠦᠬᠢᠨ ᠨᠢ ᠬᠡᠣᠭᠡᠳ ᠲᠠᠢ ᠪᠣᠯᠬᠤ ᠳᠤᠨᠢ ᠲᠡᠷᠡ ᠵᠢᠭᠡ ᠬᠦᠣ ᠳᠡᠭᠡᠨ ᠬᠦᠭᠡ ᠲᠣᠷᠭᠠᠨ ᠭᠠᠳᠠᠷ ᠲᠠᠢ ᠵᠠᠩᠭᠠ ᠬᠢᠵᠣ | ᠪᠡᠯᠡᠭᠯᠡᠭᠰᠡᠨ ᠶᠣᠮ᠃ ᠬᠦᠭᠡ ᠲᠣᠷᠭᠠᠨ ᠵᠠᠩᠭᠠ ᠲᠠᠢ ᠬᠦᠣ ᠶᠢ ᠬᠠᠮᠢᠭᠠ ᠶᠠᠪᠣᠪᠠᠯ ᠬᠠᠮᠢᠭᠠᠬᠢ ᠬᠦᠮᠦᠰ ᠦᠬᠦᠭᠡᠷᠳᠡᠨᠡ᠃ ᠨᠢᠭᠡᠨ ᠣᠳᠠᠭᠠ ᠠᠮᠣᠭᠤᠯᠠᠩ | ᠪᠠᠯᠭᠠᠰᠣᠨ ᠳᠤ ᠣᠷᠣᠰ ᠮᠣᠩᠭᠤᠯ ᠤᠨ ᠳᠡᠯᠭᠡᠨ ᠦᠵᠡᠭᠦᠯᠦᠯᠭᠡ ᠶᠠᠪᠣᠭᠳᠠᠬᠤ ᠳᠤ ᠣᠯᠠᠭᠠᠨᠴᠡᠴᠡᠭ ᠤᠨ ᠬᠡᠣᠭᠡᠨ ᠨᠢ ᠵᠠᠩᠭᠠ ᠲᠠᠢ ᠬᠦᠣ ᠪᠠᠨ ᠲᠡᠪᠡᠷᠢᠭᠡᠳ ᠳᠡᠯᠭᠡᠭᠦᠷ | ᠲᠣᠭᠤᠷᠢᠬᠤ ᠳᠤ ᠮᠣᠩᠭᠤᠯ ᠣᠯᠣᠰ ᠤᠨ ᠨᠢᠭᠡᠨ ᠡᠭᠡᠴᠢ ᠵᠠᠩᠭᠠ ᠶᠢ ᠨᠢ ᠦᠵᠡᠭᠡᠳ ᠮᠠᠰᠢ ᠲᠤᠭᠤᠵᠤ᠂ ᠣᠯᠣᠰ ᠲᠠᠭᠠᠨ ᠪᠣᠴᠠᠬᠤ ᠳᠠᠭᠠᠨ ᠵᠠᠪᠠᠯ ᠨᠢᠭᠡ ᠶᠢ ᠬᠢᠯᠭᠡᠵᠣ | ᠠᠪᠠᠴᠢᠨᠠ ᠭᠡᠯᠡ᠃ ᠢᠩᠭᠢᠵᠣ ᠭᠡᠨᠡᠳᠲᠠ ᠶᠢᠨ ᠵᠠᠬᠢᠶᠠᠯᠠᠭᠠ ᠢᠷᠡᠬᠦ ᠳᠤ ᠣᠯᠠᠭᠠᠨᠴᠡᠴᠡᠭ ᠪᠠᠶᠠᠷᠯᠠᠭᠰᠠᠨ ᠨᠢ ᠭᠠᠷᠴᠠᠭᠠ ᠦᠭᠡᠢ᠃ ᠢᠡᠭᠬᠢᠭᠡᠳ ᠣᠯᠠᠭᠠᠨᠴᠡᠴᠡᠭ ᠤᠨ | ᠵᠠᠩᠭᠠ ᠬᠢᠬᠦ ᠪᠠᠭ᠋ᠠᠲᠠᠢ ᠮᠦᠷᠲᠡᠭᠡᠨ ᠶᠠᠭᠠᠷᠠᠯᠲᠠᠢ ᠠᠵᠢᠯ ᠨᠢ ᠡᠬᠢᠯᠡᠪᠠ᠃ | | | | ᠠᠩᠬᠠᠨ ᠳᠠᠭᠠᠨ ᠬᠦᠮᠦᠰ ᠵᠠᠩᠭᠠ ᠶᠢ ᠨᠢᠭᠡ ᠬᠤᠶᠠᠷ ᠢᠶᠠᠷ ᠬᠢᠯᠭᠡᠳᠡᠭ ᠪᠠᠶᠢᠭᠰᠠᠨ ᠢᠶᠠᠨ ᠣᠳᠣ ᠪᠣᠯᠬᠤ ᠳᠤ ᠵᠠᠷᠢᠮ ᠳᠠᠭᠠᠨ ᠨᠢᠭᠡ ᠣᠳᠠᠭᠠ ᠳᠤ ᠠᠷᠪᠠᠭᠠᠳ | ᠵᠠᠬᠢᠶᠠᠯᠠᠭᠠ ᠢᠷᠡᠳᠡᠭ ᠪᠣᠯᠣᠯᠠ᠃ ᠬᠤᠳᠠ ᠬᠤᠰᠢᠭᠤ ᠶᠢᠨ ᠬᠤᠳᠠᠯᠳᠤᠭᠠ ᠳᠡᠯᠭᠡᠭᠦᠷ᠂ ᠡᠰᠡᠭᠦᠯᠡ ᠰᠢᠨᠵᠢᠶᠠᠩ᠂ ᠰᠢᠯᠢ ᠶᠢᠨ ᠭᠤᠣᠯ᠂ ᠲᠦᠩᠯᠢᠶᠤᠤ ᠵᠡᠷᠭᠡ ᠶᠢᠨ | ᠬᠤᠯᠠ ᠶᠢᠨ ᠬᠦᠮᠦᠰ ᠴᠦ ᠠᠪᠳᠠᠭ ᠪᠣᠯᠵᠠᠢ᠃ ᠰᠤᠷᠪᠤᠯᠵᠢᠯᠠᠭᠴᠢ ᠣᠯᠠᠭᠠᠨᠴᠡᠴᠡᠭ ᠢ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠬᠦᠷᠬᠦ ᠳᠤ ᠲᠡᠷᠡ ᠶᠠᠭ ᠰᠠᠶᠢᠬᠠᠨ ᠬᠦᠳᠡᠭᠡ | ᠭᠡᠷ ᠠᠴᠠ ᠪᠠᠨ ᠬᠤᠰᠢᠭᠤᠨ ᠳᠠᠭᠠᠨ ᠢᠷᠡᠵᠣ ᠬᠤᠯᠠ ᠶᠢᠨ ᠵᠠᠬᠢᠶᠠᠯᠠᠭᠠ ᠶᠢᠨ ᠵᠠᠩᠭᠠ ᠬᠢᠭᠡᠳ ᠶᠠᠭᠠᠷᠠᠵᠣ ᠪᠠᠶᠢᠯᠠ᠃ | ᠨᠢᠳᠦᠨᠣᠨ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠳᠡᠯᠭᠡᠨ ᠪᠣᠷᠣᠯᠠᠭᠤᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠶᠠᠪᠣᠭᠳᠠᠬᠤ ᠳᠤ ᠣᠯᠠᠭᠠᠨᠴᠡᠴᠡᠭ ᠦᠪᠡᠷ ᠤᠨ ᠬᠢᠭᠰᠡᠨ | ᠵᠠᠩᠭᠠ ᠪᠠᠨ ᠠᠪᠣᠭᠠᠳ ᠣᠴᠢᠯᠠ᠃ ᠲᠡᠭᠦᠨ ᠤ ᠬᠢᠭᠰᠡᠨ ᠰᠢᠷᠢᠮᠡᠯ ᠢᠰᠡᠭᠡᠢ ᠵᠠᠩᠭᠠ ᠶᠢ ᠨᠢ ᠡᠮᠦᠨᠡ ᠣᠷᠣᠨ ᠤ ᠬᠢᠳᠠᠳ ᠬᠦᠮᠦᠨ ᠠᠪᠣᠨᠠ ᠭᠡᠰᠡᠨ ᠳᠤ ᠰᠢᠨᠡ ᠪᠠᠷᠭᠤ | ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠮᠦᠽᠸᠢ ᠶᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠲᠡᠭᠦᠨ ᠢ ᠨᠢ ᠬᠤᠳᠠᠯᠳᠣᠨ ᠠᠪᠴᠣ ᠮᠦᠽᠸᠢ ᠳᠡᠭᠡᠨ ᠲᠠᠯᠪᠢᠭᠰᠠᠨ ᠭᠡᠨᠡ᠃ ᠵᠠᠩᠭᠠ ᠶᠢ ᠨᠢ ᠬᠢᠳᠠᠳ | ᠬᠦᠮᠦᠰ ᠴᠦ ᠠᠪᠳᠠᠭ ᠨᠢ ᠲᠡᠭᠦᠨ ᠳᠤ ᠲᠣᠩ ᠣᠮᠣᠭᠰᠢᠯᠲᠠᠢ ᠰᠠᠨᠠᠭᠳᠠᠳᠠᠭ᠃ 2017 ᠣᠨ ᠳᠤ ᠬᠠᠮᠤᠭ ᠠᠩᠬᠠ ᠵᠢᠭᠡ ᠬᠦᠣ ᠳᠡᠭᠡᠨ ᠵᠠᠩᠭᠠ ᠬᠢᠵᠣ | ᠪᠠᠶᠢᠭᠰᠠᠨ ᠠᠴᠠ ᠣᠳᠣ ᠪᠣᠯᠬᠤ ᠳᠤ ᠬᠤᠯᠠ ᠣᠶᠢᠷᠠ ᠶᠢᠨ ᠬᠦᠮᠦᠰ ᠲᠤ 200 ᠭᠠᠷᠣᠢ ᠵᠠᠩᠭᠠ ᠬᠢᠵᠣ ᠪᠠᠶᠢᠨᠠ᠃ | | | | ᠬᠤᠯᠪᠤᠭᠠᠰᠦ — ᠪᠠᠷᠭᠤ ᠮᠤᠩᠭᠤᠯᠴᠤᠳ ᠤᠨ ᠬᠡᠷᠡᠭᠯᠡᠳᠡᠭ ᠦᠯᠦᠭᠡᠢ ᠶᠢ ᠵᠠᠩᠭᠠ ᠭᠡᠳᠡᠭ᠃ ᠮᠠᠰᠢ ᠳᠦᠭᠦᠮ ᠠᠪᠰᠠᠷᠬᠠᠨ ᠮᠦᠷᠲᠡᠭᠡᠨ ᠪᠠᠭᠢᠯᠢᠭ᠌ | ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠤᠪᠤᠶᠢᠮᠠ ᠪᠤᠯᠵᠠᠢ᠃ ᠮᠣᠩᠭᠤᠯᠴᠣᠳ ᠪᠣᠯ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠦᠲᠡᠨ ᠪᠤᠯᠬᠤᠷ ᠣᠮᠠᠷᠠᠳᠣ ᠶᠢᠨ ᠬᠦᠢᠲᠡᠨ | ᠰᠡᠷᠢᠭᠦᠨ ᠭᠠᠵᠠᠷ ᠣᠷᠣᠨ ᠳᠤ ᠠᠮᠢᠳᠣᠷᠠᠬᠤ ᠳᠠᠭᠠᠨ ᠮᠣᠩᠭᠤᠯ ᠭᠡᠷ ᠤᠨ ᠣᠨᠢ ᠠᠴᠠ ᠦᠯᠦᠭᠡᠢ ᠪᠠᠨ ᠡᠯᠭᠦᠨ᠂ ᠨᠢᠯᠬᠠ ᠬᠡᠣᠭᠡᠳ ᠢ ᠪᠦᠬᠡᠴᠡᠶᠢᠯᠡᠨ ᠪᠣᠭᠤᠵᠣ᠂ | ᠦᠯᠣᠭᠡᠢ ᠪᠠᠨ ᠬᠦᠩᠭᠡᠨ ᠬᠦᠳᠡᠯᠭᠡᠵᠣ᠂ ᠬᠡᠣᠬᠡᠳ ᠢᠶᠠᠨ ᠠᠮᠲᠠᠳᠣ ᠨᠦᠢᠷ ᠲᠤᠨᠢ ᠣᠷᠣᠭᠤᠯᠣᠨᠡ᠃ ᠡᠶᠢᠨ ᠬᠦ ᠣᠨᠢ ᠠᠴᠠ ᠡᠯᠭᠦᠳᠡᠭ ᠨᠢ ᠭᠠᠵᠠᠷ ᠠᠴᠠ ᠦᠨᠳᠦᠷ | ᠪᠠᠶᠢᠵᠣ᠂ ᠬᠡᠣᠭᠡᠳ ᠢᠶᠠᠨ ᠰᠡᠯᠬᠢ ᠠᠪᠴᠦ ᠳᠠᠭᠠᠷᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠃ ᠮᠦᠨ ᠴᠤ ᠬᠡᠣᠭᠡᠳ ᠤᠨ ᠦᠯᠦᠭᠡᠢ ᠨᠢ ᠨᠡᠭᠦᠵᠣ ᠪᠠᠭᠤᠵᠣ ᠶᠠᠪᠣᠬᠤ ᠳᠤ ᠪᠦᠭᠡ | ᠪᠠᠶᠢᠵᠣ ᠬᠡᠣᠭᠡᠳ ᠤᠨ ᠳᠣᠷᠬᠢᠵᠣ ᠭᠡᠮᠲᠦᠬᠦ ᠠᠴᠠ ᠰᠡᠷᠭᠡᠶᠢᠯᠡᠵᠣ ᠳᠡᠶᠢᠯᠳᠡᠭ ᠳᠠᠪᠬᠤᠷ ᠦᠢᠯᠡᠳᠦᠯ ᠲᠠᠢ᠃ | | | | ᠮᠣᠩᠭᠤᠯᠴᠣᠳ ᠤᠨ ᠨᠡᠶᠢᠳᠠᠮ ᠬᠡᠷᠡᠭᠯᠡᠵᠣ ᠪᠠᠶᠢᠳᠠᠭ ᠦᠯᠦᠭᠡᠢ ᠨᠢ ᠬᠤᠶᠠᠷ ᠠᠷᠠᠯ ᠲᠠᠢ᠃ ᠬᠤᠶᠠᠷ ᠠᠷᠠᠯ ᠨᠢ ᠬᠤᠶᠠᠷ ᠲᠣᠬᠤᠢ ᠢᠯᠡᠭᠦᠣ ᠣᠷᠲᠣ᠂ ᠲᠣᠣᠷᠠ | ᠲᠠᠯᠠ ᠨᠢ ᠬᠠᠭᠠᠰ ᠨᠣᠮᠣᠨ ᠬᠡᠯᠪᠡᠷᠢᠲᠠᠢ ᠮᠣᠳᠣᠨ ᠬᠠᠪᠲᠠᠰᠣ ᠪᠠᠷ ᠪᠦᠳᠦᠭᠰᠡᠨ ᠪᠦᠭᠡᠳ ᠬᠤᠶᠠᠷ ᠠᠷᠠᠯ ᠲᠡᠭᠡᠷᠡ ᠨᠢ ᠭᠤᠶᠣᠮᠰᠤᠭ ᠵᠢᠵᠢᠭ ᠴᠣᠩᠬᠤ ᠣᠷᠠᠯᠠᠨ | ᠵᠠᠰᠠᠭᠰᠠᠨ ᠪᠠᠶᠢᠳᠠᠭ᠃ ᠨᠣᠮᠣᠨ ᠬᠡᠯᠪᠡᠷᠢᠲᠠᠢ ᠠᠷᠠᠯ ᠤᠨ ᠢᠷᠣᠭᠠᠷ ᠨᠢ ᠦᠯᠣᠭᠡᠢ ᠶᠢ ᠬᠦᠳᠡᠯᠭᠡᠬᠦ ᠦᠢᠯᠡᠳᠣᠯ ᠲᠠᠢ᠂ ᠠᠷᠠᠯ ᠲᠡᠭᠡᠷᠡᠬᠢ ᠵᠢᠵᠢᠭ ᠴᠣᠩᠬᠤ ᠨᠢ ᠨᠢᠯᠬᠠ | ᠬᠡᠣᠬᠡᠳ ᠢᠶᠠᠨ ᠲᠠᠷᠣᠨ ᠣᠶᠠᠬᠤ ᠳᠤ ᠬᠡᠷᠡᠭᠯᠡᠨᠡ᠃ ᠦᠯᠣᠭᠡᠢ ᠬᠢᠬᠦ ᠮᠣᠳᠣ ᠶᠢ ᠵᠠᠪᠠᠯ ᠦᠷᠡᠯᠡᠬᠦ ᠮᠣᠳᠣ ᠰᠣᠩᠭᠤᠨᠠ᠃ ᠦᠯᠣᠭᠡᠢ ᠶᠢᠨ ᠲᠣᠯᠣᠭᠠᠢ ᠨᠢ ᠬᠠᠪᠢᠷᠭᠠᠨ | ᠰᠠᠷᠠ ᠬᠡᠯᠪᠡᠷᠢᠲᠠᠢ᠂ ᠪᠣᠷᠭᠠᠰᠣ ᠶᠢ ᠮᠠᠳᠠᠶᠢᠯᠭᠠᠭᠰᠠᠨ ᠤ ᠲᠠᠷᠠᠭᠠ ᠣᠯᠠᠭᠠᠨ ᠪᠣᠶᠣ ᠴᠠᠭᠠᠨ ᠪᠦᠰ ᠢᠶᠠᠷ ᠪᠦᠷᠬᠦᠨ ᠣᠶᠣᠵᠣ᠂ ᠬᠦᠣ ᠪᠣᠯ ᠮᠣᠷᠢ᠂ ᠪᠦᠷᠭᠦᠳ ᠵᠡᠷᠭᠡ | ᠠᠮᠢᠲᠠᠨ ᠤ ᠵᠢᠷᠤᠮᠠᠯ ᠢ ᠣᠷᠠᠯᠠᠨ ᠣᠶᠣᠵᠣ᠂ ᠡᠷᠡᠯᠬᠡᠭ ᠪᠠᠭᠠᠲᠣᠷ ᠭᠡᠶᠢᠮᠤᠷᠢ ᠲᠠᠢ ᠪᠣᠯᠬᠤ ᠶᠢ ᠪᠡᠯᠭᠡᠳᠡᠳᠡᠭ᠃ ᠦᠬᠢᠨ ᠪᠣᠯ ᠬᠤᠸᠠᠷ ᠴᠡᠴᠡᠭ᠂ ᠮᠣᠳᠣ ᠣᠷᠭᠤᠮᠠᠯ ᠢ | ᠬᠠᠳᠬᠤᠨ ᠣᠶᠣᠵᠣ᠂ ᠰᠡᠴᠡᠨ ᠰᠡᠷᠬᠦᠯᠡᠩ ᠭᠤᠶᠣ ᠬᠡᠭᠡᠨᠴᠢᠷ ᠪᠣᠯᠬᠤ ᠶᠢ ᠨᠢ ᠵᠦᠩᠨᠡᠳᠡᠭ᠃ ᠦᠯᠣᠭᠡᠢ ᠶᠢᠨ ᠲᠣᠯᠣᠭᠠᠢ ᠳᠤ ᠪᠠᠰᠠ ᠲᠣᠯᠢ᠂ ᠪᠠᠷᠰ ᠤᠨ ᠰᠠᠪᠠᠷ᠂ | ᠢᠮᠠᠭᠠᠨ ᠡᠪᠡᠷ᠂ ᠬᠤᠨᠢᠨ ᠱᠠᠭᠠ ᠡᠯᠭᠦᠳᠡᠭ ᠨᠢ ᠭᠠᠢ ᠪᠠᠷᠴᠢᠳ ᠢ ᠠᠷᠢᠯᠭᠠᠵᠣ᠂ ᠠᠮᠣᠷ ᠲᠠᠶᠢᠪᠤᠡᠭ ᠢ ᠬᠦᠰᠡᠨ ᠪᠡᠯᠭᠡᠳᠡᠭᠰᠠᠨ ᠰᠠᠨᠠᠭᠠ ᠪᠣᠯᠣᠨᠠ᠃ ᠣᠳᠣ ᠴᠦ ᠭᠡᠳ | ᠦᠯᠣᠭᠡᠢ ᠶᠢᠨ ᠲᠣᠯᠣᠭᠠᠢ ᠳᠤ ᠲᠣᠯᠢ ᠡᠯᠭᠦᠬᠦ ᠨᠢ ᠨᠡᠯᠢᠶᠡᠳ ᠬᠠᠳᠠᠭᠠᠯᠠᠭᠳᠠᠵᠣ ᠪᠠᠶᠢᠨᠠ᠃ ᠦᠯᠣᠭᠡᠢ ᠶᠢᠨ ᠲᠡᠪᠢᠰᠭᠡᠷ ᠢ ᠵᠣᠬᠢᠶᠠᠬᠤ ᠳᠠᠭᠠᠨ ᠴᠡᠪᠡᠷᠯᠡᠵᠦ ᠬᠠᠳᠠᠭᠠᠭᠰᠠᠨ | ᠰᠠᠭᠠᠭ ᠤᠨ ᠬᠠᠯᠢᠰᠣ ᠶᠢ ᠪᠦᠰ ᠣᠭᠤᠲᠠᠨ ᠳᠤ ᠰᠠᠪᠠᠯᠠᠵᠣ ᠣᠶᠣᠭᠠᠳ ᠬᠠᠮᠤᠭ ᠤᠨ ᠲᠣᠣᠷᠠ ᠨᠢ ᠲᠡᠪᠢᠰᠣᠨᠡ᠃ ᠡᠨᠡ ᠨᠢ ᠴᠢᠬᠢᠭ ᠢ ᠰᠡᠷᠭᠡᠶᠢᠯᠡᠵᠣ᠂ ᠬᠠᠯᠠᠭᠤᠨ ᠢ | ᠲᠠᠷᠬᠠᠭᠠᠬᠤ ᠦᠢᠯᠡᠳᠣᠯ ᠲᠠᠢ᠃ ᠲᠠᠷᠠᠭᠠ ᠨᠢ ᠬᠤᠴᠢᠯᠭᠠ ᠶᠢᠨ ᠨᠢᠭᠡ ᠦᠵᠣᠭᠦᠷ ᠢ ᠦᠯᠣᠭᠡᠢ ᠶᠢᠨ ᠲᠣᠯᠣᠭᠠᠢ ᠣᠷᠣᠭᠤ ᠬᠠᠨᠳᠣᠭᠤᠯᠤᠨ ᠲᠡᠯᠭᠡᠵᠦ ᠲᠠᠯᠪᠢᠭᠠᠳ᠂ | ᠲᠡᠭᠡᠷᠡ ᠨᠢ ᠬᠠᠯᠠᠭᠤᠯᠵᠣ ᠬᠠᠭᠤᠷᠠᠶᠢᠯᠠᠭᠰᠠᠨ ᠮᠠᠩᠬᠠᠨ ᠰᠢᠷᠣᠢ ᠪᠠᠨ ᠲᠡᠭᠰᠢᠯᠡᠨ ᠲᠡᠪᠢᠰᠴᠣ᠂ ᠬᠡᠣᠬᠡᠳ ᠤᠨ ᠲᠣᠯᠣᠭᠠᠢ ᠶᠢ ᠦᠯᠣᠭᠡᠢ ᠶᠢᠨ ᠬᠠᠶᠠᠭᠠᠨ ᠳᠤ ᠲᠣᠯᠭᠠᠨ | ᠬᠡᠣᠬᠡᠳ ᠢᠶᠠᠨ ᠬᠡᠪᠳᠡᠬᠦᠯᠦᠨᠡ᠃ ᠡᠨᠡ ᠨᠢ ᠬᠦᠩᠭᠡᠵᠢᠯᠲᠡ ᠠᠴᠠ ᠪᠣᠯᠣᠭᠰᠠᠨ ᠬᠡᠣᠬᠡᠳ ᠤᠨ ᠲᠣᠯᠣᠭᠠᠢ ᠬᠡᠳᠦᠷᠬᠡᠢ ᠭᠤᠵᠤᠭᠤᠷ ᠪᠣᠯᠣᠭᠰᠠᠨ ᠢ ᠵᠠᠯᠠᠷᠠᠭᠤᠯᠬᠤ | ᠦᠢᠯᠠᠳᠣᠯ ᠲᠠᠢ᠃ ᠲᠡᠪᠢᠰᠦᠭᠰᠡᠨ ᠮᠠᠩᠬᠠ ᠰᠢᠷᠣᠢ ᠨᠢ ᠬᠡᠣᠬᠡᠳ ᠲᠤ ᠲᠠᠭᠠᠲᠠᠢ ᠮᠦᠷᠲᠡᠭᠡᠨ ᠰᠢᠭᠡᠰᠣ ᠶᠢ ᠰᠢᠩᠭᠡᠭᠡᠬᠦ ᠦᠢᠯᠡᠳᠦᠯ ᠲᠠᠢ᠃ ᠬᠡᠣᠬᠡᠳ ᠢᠶᠠᠨ ᠴᠢᠩᠭᠠ | ᠪᠠᠭᠯᠠᠭᠠᠳ ᠦᠯᠣᠭᠡᠢ ᠶᠢᠨ ᠠᠷᠠᠯ ᠳᠤ ᠵᠣᠬᠢᠶᠠᠭᠰᠠᠨ ᠪᠦᠰᠡ ᠪᠠᠷ ᠴᠢᠩᠭᠠ ᠲᠠᠷᠣᠭᠤᠯᠣᠨ ᠣᠶᠠᠨᠠ᠂ ᠡᠨᠡ ᠨᠢ ᠬᠡᠣᠬᠡᠳ ᠤᠨ ᠬᠦᠯ ᠮᠣᠷᠣᠢ ᠪᠣᠯᠬᠤ ᠠᠴᠠ | ᠰᠡᠷᠭᠡᠶᠢᠯᠡᠨᠡ᠃ ᠣᠳᠣ ᠠᠮᠢᠳᠣᠷᠠᠯ ᠤᠨ ᠨᠦᠬᠦᠴᠡᠯ ᠰᠠᠶᠢᠵᠢᠷᠠᠭᠰᠠᠨ ᠲᠣᠯᠠ ᠰᠢᠭᠡᠰᠣ ᠠᠭᠤᠰᠬᠠᠬᠤ ᠪᠦᠰ ᠢᠶᠠᠷ ᠮᠠᠩᠬᠠ ᠰᠢᠷᠣᠢ ᠶᠢ ᠣᠷᠣᠯᠠᠭᠤᠯᠬᠤ ᠨᠢ ᠣᠯᠠᠨ | ᠪᠣᠯᠵᠠᠢ᠃ | | | | ︽ᠦᠷᠢᠯ ᠤᠨ ᠰᠠᠶᠢᠬᠠᠨ ᠮᠣᠳᠣ ᠪᠠᠷ | ᠦᠯᠦᠭᠡᠢ ᠰᠢᠭᠠᠵᠣ ᠦᠭᠭᠦᠭᠰᠡᠨ ᠠᠪᠦ ᠮᠢᠨᠢ | ᠦᠷᠯᠦᠭᠡ ᠦᠳᠡᠰᠢ ᠶᠢᠨ ᠬᠦᠢᠲᠡᠨ ᠳᠤ | ᠡᠭᠦᠷᠴᠦ ᠨᠠᠭᠠᠳᠣᠭᠤᠯᠳᠠᠭ ᠡᠵᠢ ᠮᠢᠨᠢ | ᠠᠪᠦ ᠳᠠᠭᠠᠨ ᠡᠵᠢ ᠳᠡᠭᠡᠨ | ᠪᠦᠬᠡᠷᠦᠯᠡᠢ ᠳᠡᠭᠦᠣ ᠮᠢᠨᠢ ᠪᠣᠣ ᠤᠬᠢᠯᠠᠭᠠᠷᠠᠢ | ᠬᠠᠶᠢᠯᠠᠰᠣᠨ ᠰᠠᠶᠢᠬᠠᠨ ᠮᠣᠳᠣ ᠪᠠᠷ | ᠬᠠᠷᠭᠤᠢ ᠰᠢᠭᠠᠵᠣ ᠦᠭᠭᠦᠭᠰᠡᠨ ᠠᠪᠦ ᠮᠢᠨᠢ | ᠬᠠᠷᠠᠩᠭᠤᠢ ᠰᠦᠨᠢ ᠶᠢᠨ ᠬᠦᠢᠲᠡᠨ ᠳᠤ | ᠬᠠᠷᠠᠭᠠᠯᠵᠠᠵᠣ ᠨᠠᠭᠠᠳᠣᠭᠤᠯᠳᠠᠭ ᠡᠵᠢ ᠮᠢᠨᠢ | ᠠᠪᠦ ᠳᠠᠭᠠᠨ ᠡᠵᠢ ᠳᠡᠭᠡᠨ | ᠪᠦᠬᠡᠷᠦᠯᠡᠢ ᠳᠡᠭᠦᠣ ᠮᠢᠨᠢ ᠪᠣᠣ ᠤᠬᠢᠯᠠᠭᠠᠷᠠᠢ ᠁ ᠪᠦᠪᠡᠢ︾ ᠭᠡᠵᠣ ᠳᠠᠭᠤᠯᠠᠬᠤ ᠮᠤᠩᠭᠤᠯ ᠠᠷᠠᠳ ᠤᠨ ᠪᠦᠪᠡᠢ ᠶᠢᠨ ᠳᠠᠭᠤᠤ ᠳᠤ ᠣᠷᠢᠳᠣ ᠴᠠᠭ ᠠᠴᠠ | ᠦᠷᠢᠯ᠂ ᠬᠠᠶᠢᠯᠠᠰᠣᠨ ᠮᠣᠳᠣ ᠪᠠᠷ ᠦᠯᠦᠭᠡᠢ ᠬᠢᠳᠡᠭ ᠭᠡᠭᠴᠢ ᠨᠢ ᠢᠯᠡᠭᠡᠨ ᠬᠠᠷᠠᠭᠳᠠᠨᠠ᠃ | | | | ᠮᠣᠩᠭᠤᠯᠴᠣᠳ ᠤᠨ ᠬᠡᠣᠬᠡᠳ ᠢᠶᠠᠨ ᠦᠯᠦᠭᠡᠶᠢᠳᠡᠵᠦ ᠦᠰᠭᠡᠬᠦ ᠶᠣᠰᠣ ᠨᠢ ᠦᠷᠡ ᠬᠡᠣᠬᠡᠳ ᠢᠶᠠᠨ ᠡᠷᠡᠭᠦᠯ ᠰᠠᠶᠢᠬᠠᠨ ᠪᠡᠶᠡ ᠲᠦᠷᠬᠦ ᠲᠠᠢ ᠪᠣᠯᠭᠠᠨ | ᠲᠣᠷᠨᠢᠭᠤᠯᠣᠨ ᠪᠤᠶᠢᠵᠢᠭᠤᠯᠬᠤ ᠳᠤ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠦᠢᠯᠡᠳᠣᠯ ᠴᠢᠳᠠᠪᠣᠷᠢ ᠪᠠᠨ ᠦᠵᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠣᠷᠢᠳᠣ ᠶᠢᠨ ᠴᠠᠭ ᠲᠤ ᠬᠦᠮᠦᠰ ᠬᠡᠣᠭᠡᠳ ᠢᠶᠠᠨ | ᠵᠠᠩᠭᠠᠯᠠᠭᠠᠳ ᠠᠷᠣ ᠨᠢᠷᠣᠭᠤᠨ ᠳᠠᠭᠠᠨ ᠪᠣᠭᠤᠵᠣ ᠮᠣᠷᠢ ᠪᠠᠨ ᠣᠨᠣᠭᠠᠳ ᠮᠠᠯ ᠬᠤᠨᠢ ᠳᠠᠭᠠᠨ ᠶᠠᠪᠣᠬᠤ ᠡᠰᠡᠭᠦᠯᠡ ᠰᠣᠮᠣ ᠶᠢᠨ ᠲᠦᠪ ᠬᠦᠷᠳᠡᠭ ᠴᠦ ᠪᠠᠶᠢᠭᠰᠠᠨ ᠶᠣᠮ᠃ | ᠵᠠᠩᠭᠠᠯᠠᠵᠣ ᠣᠷᠢᠶᠠᠵᠣ ᠰᠣᠷᠣᠭᠰᠠᠨ ᠬᠡᠣᠭᠡᠳ ᠵᠠᠩᠭᠠᠯᠠᠵᠣ ᠪᠣᠭᠤᠬᠤ ᠳᠤ ᠰᠠᠶ᠋ᠢ ᠣᠨᠲᠠᠳᠠᠭ᠃ ᠲᠡᠭᠰᠢ ᠰᠠᠶᠢᠬᠠᠨ ᠪᠣᠭᠤᠭᠳᠠᠵᠣ ᠦᠯᠦᠭᠡᠶᠢᠳᠡᠭᠦᠯᠵᠣ ᠣᠨᠲᠠᠭᠰᠠᠨ | ᠬᠡᠣᠭᠡᠳ ᠭᠠᠷ ᠬᠦᠯ ᠨᠢ ᠰᠠᠷᠪᠠᠯᠵᠠᠬᠤ ᠳᠤ ᠰᠣᠴᠢᠵᠣ ᠰᠡᠷᠢᠳᠡᠭ ᠦᠭᠡᠢ ᠠᠮᠣᠷ ᠲᠠᠶᠢᠪᠤᠡᠭ ᠣᠨᠲᠠᠳᠠᠭ ᠶᠣᠮ᠃ ᠦᠯᠦᠭᠡᠢ ᠵᠠᠩᠭᠠ ᠲᠠᠢ ᠬᠡᠣᠭᠡᠳ ᠭᠠᠵᠠᠷ ᠣᠨᠠᠬᠤ ᠳᠤ | ᠬᠡᠣᠭᠡᠳ ᠤᠨ ᠨᠢᠭᠤᠷ ᠳᠡᠭᠡᠭᠰᠢ ᠬᠠᠷᠠᠵᠣ ᠣᠨᠠᠳᠠᠭ ᠨᠢ ᠤᠳᠤᠮᠰᠢᠯᠳᠤ ᠮᠣᠩᠭᠤᠯ ᠤᠨ ᠳᠠᠷᠬᠠᠨ ᠬᠦᠮᠦᠨ ᠤ ᠣᠷᠠ ᠣᠬᠠᠭᠠᠨ ᠨᠢᠭᠤᠭᠳᠠᠵᠣ ᠪᠠᠶᠢᠳᠠᠭ᠃ ᠴᠠᠭ | ᠦᠶᠡ ᠶᠢᠨ ᠬᠦᠭᠵᠢᠯᠲᠠ ᠶᠢ ᠳᠠᠭᠠᠭᠠᠳ ᠣᠷᠴᠢᠮ ᠤᠨ ᠵᠢᠯ ᠳᠤ ᠬᠦᠮᠦᠰ ᠬᠤᠳᠠ ᠰᠠᠭᠤᠷᠢᠰᠢᠯ ᠳᠤ ᠬᠡᠣᠭᠡᠳ ᠤᠨ ᠣᠷᠣ ᠠᠪᠴᠤ ᠬᠡᠷᠡᠭᠯᠡᠳᠡᠭ ᠪᠣᠯᠵᠠᠢ᠃ ᠭᠡᠬᠦ ᠳᠤ | ᠮᠠᠰᠢᠨ ᠲᠡᠷᠭᠡ ᠲᠠᠢ ᠠᠶᠠᠯᠠᠬᠤ ᠬᠦᠮᠦᠰ ᠲᠤ ᠵᠠᠩᠭᠠ ᠨᠢ ᠬᠠᠷᠢᠨ ᠮᠠᠰᠢ ᠰᠠᠶᠢᠨ ᠡᠳ᠋ ᠪᠣᠯᠵᠣ᠂ ᠨᠢᠯᠬᠠ ᠬᠡᠣᠭᠡᠳ ᠤᠨ ᠬᠦᠵᠦᠭᠦᠣ ᠨᠢᠷᠣᠭᠤ ᠶᠢ ᠬᠠᠮᠠᠭᠠᠯᠠᠬᠤ᠂ | ᠬᠠᠯᠠᠭᠤᠴᠠᠵᠤ ᠳᠠᠭᠠᠷᠠᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠴᠢᠳᠠᠮᠵᠢ ᠪᠠᠷ ᠢᠶᠠᠨ ᠳᠠᠬᠢᠨᠲᠠ ᠲᠠᠨᠢᠭᠳᠠᠵᠤ ᠬᠡᠷᠡᠭᠯᠡᠭᠡᠨ ᠳᠤ ᠳᠠᠬᠢᠨ ᠣᠷᠣᠨ ᠪᠠᠶᠢᠷᠢ ᠪᠠᠨ ᠣᠯᠵᠠᠢ᠃ | | ᠵᠤᠬᠢᠶᠠᠭᠴᠢ᠄ ᠪᠦᠷᠢᠨᠵᠠᠪ | | |