| ᠭᠤᠷᠪᠠ᠂ ᠬᠤᠨ ᠰᠢᠪᠠᠭᠤᠨ ᠭᠠᠷᠪᠠᠯᠢᠲᠠᠨ | ᠨᠢᠭᠡᠨ ᠤᠰᠤ ᠶᠢ ᠤᠤᠭᠤᠵᠤ᠂ ᠲᠥᠮᠡᠨ ᠤᠰᠤ ᠶᠢ ᠭᠠᠳᠤᠯᠤᠭᠰᠠᠨ ᠪᠠᠷᠭᠤᠴᠤᠳ ᠥᠪᠡᠷ ᠢ ᠪᠠᠨ ︽ᠬᠤᠨ ᠰᠢᠪᠠᠭᠤᠨ ᠭᠠᠷᠪᠠᠯᠢ ᠲᠠᠢ᠂ ᠬᠤᠷᠢᠶᠠᠳ | ᠪᠣᠷᠢᠶᠠᠳ ᠣᠪᠤᠭ ᠲᠠᠢ᠂ ᠬᠤᠰᠤ ᠮᠣᠳᠤᠨ ᠰᠡᠷᠡᠭᠡ ᠲᠠᠢ︾ ᠭᠡᠵᠦ ᠬᠡᠯᠡᠳᠡᠭ᠃ ᠣᠨ ᠵᠢᠯ ᠤᠨ ᠰᠢᠭᠤᠷᠭᠠᠨ᠂ ᠣᠯᠠᠨ ᠶᠠᠰᠣᠲᠠᠨ ᠤᠭᠰᠠᠭᠠᠲᠠᠨ ᠤ ᠨᠡᠭᠦᠳᠡᠯ ᠤᠨ ᠬᠥᠯ | ᠳᠠᠭᠠᠵᠤ᠂ ᠬᠦᠯᠦᠨ ᠨᠠᠭᠤᠷ ᠠᠴᠠ ᠨᠡᠭᠦᠭᠰᠡᠨ ᠪᠠᠷᠭᠤᠴᠤᠳ ᠪᠠᠷᠭᠤ ᠪᠠᠭᠠᠲᠤᠷ ᠳᠠᠶᠢᠴᠢᠨ ᠨᠣᠶᠠᠨ ᠤ ᠦᠶᠡ ᠪᠤᠶᠤ 9 ᠁ 10 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠪᠠᠷ | ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠡᠮᠦᠨᠡᠬᠢ ︽ᠪᠠᠷᠭᠤᠵᠢᠨ ᠳᠥᠬᠦᠮ︾ ᠢᠶᠠᠷ ᠨᠤᠲᠤᠭᠯᠠᠵᠤ ᠣᠨ ᠤᠳᠠᠭᠰᠠᠭᠠᠷ᠂ ᠪᠠᠷᠭᠤ ᠪᠠᠭᠠᠲᠤᠷ ᠤᠨ ᠪᠠᠭᠠ ᠬᠦᠦ ᠬᠤᠷᠢᠯᠠᠷᠲᠠᠢ ᠶᠢᠨ | ᠦᠶᠡ ᠳᠤ ᠲᠦᠩᠭᠡᠯᠢᠭ ᠭᠤᠷᠤᠬᠠᠨ ᠳᠤ ᠢᠷᠡᠵᠦ᠂ ᠪᠠᠷᠭᠤᠵᠢᠨ ᠭᠤᠸᠠ ᠲᠠᠢ ᠬᠡᠷᠯᠠᠨ᠂ ᠠᠷᠢᠭ ᠤᠰᠤᠨᠠ ᠠᠯᠤᠩᠭᠤᠸᠠ ᠦᠬᠢᠨ ᠢ ᠲᠥᠷᠦᠭᠦᠯᠵᠦ᠂ ᠬᠥᠬᠡ ᠪᠣᠯᠲᠤᠭ | ᠭᠡᠳᠡᠭ ᠭᠠᠵᠠᠷ ᠨᠤᠲᠤᠭᠯᠠᠵᠤ ᠪᠠᠶᠢᠭᠰᠠᠭᠠᠷ ᠪᠤᠯᠠᠭᠠᠴᠢᠨ ᠭᠡᠷᠡᠮᠦᠴᠢᠨ ᠲᠠᠢ ᠬᠡᠷᠡᠭᠦᠯ ᠪᠤᠯᠤᠨ᠂ ᠵᠡᠭᠦᠨ ᠬᠤᠶᠢᠰᠢ ᠪᠠᠨ ᠨᠡᠭᠦᠵᠦ᠂ ᠣᠳᠤ ᠶᠢᠨ ᠣᠷᠣᠰ ᠤᠨ ᠶᠠᠺᠦᠲ ᠤᠨ | ᠣᠯᠬᠤᠮ ᠭᠤᠣᠯ ᠤᠨ ᠰᠠᠪᠠ ᠭᠠᠵᠠᠷ ᠢᠶᠠᠷ ᠢᠷᠡᠵᠦ ᠰᠢᠷᠠᠯᠲᠠᠢ ᠭᠡᠭᠴᠢ ᠬᠠᠲᠤᠨ ᠢ ᠪᠠᠭᠤᠯᠭᠠᠨ᠂ ᠭᠠᠯᠵᠤᠳ᠂ ᠬᠤᠸᠠᠰᠠᠢ᠂ ᠰᠢᠷᠠᠶᠢᠳ᠂ ᠬᠥᠪᠲᠦᠳ᠂ ᠭᠤᠴᠢᠳ ︵ | ᠬᠤᠱᠢᠳ︶ ᠲᠠᠪᠤᠨ ᠬᠥᠪᠡᠭᠦᠨ ᠲᠠᠢ ᠪᠣᠯᠵᠤ᠂ ᠰᠢᠷᠠᠯᠲᠠᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠵᠡᠭᠦᠨ ᠤᠷᠤᠭᠰᠢ ᠪᠠᠨ ᠨᠡᠭᠦᠵᠦ ᠠᠷᠤ ᠬᠢᠩᠭᠠᠨ ᠤ ᠡᠮᠦᠨᠡ ᠠᠮᠤᠷ | ᠮᠦᠷᠡᠨ ᠤ ᠲᠠᠯᠠ ᠳᠤ ᠢᠷᠡᠵᠦ ᠨᠠᠭᠠᠳᠠᠢ ᠭᠡᠭᠴᠢ ᠲᠠᠢ ᠬᠤᠷᠢᠮᠯᠠᠨ᠂ ᠬᠠᠷᠭᠠᠨᠠ᠂ ᠬᠤᠳᠠᠢ᠂ ᠪᠣᠳᠤᠩᠭᠤᠳ᠂ ᠬᠠᠯᠪᠢᠨ᠂ ᠴᠠᠭᠠᠨ᠂ ᠪᠠᠳᠤᠨᠠᠢ ᠬᠡᠮᠡᠬᠦ ᠵᠢᠷᠭᠤᠭᠠᠨ | ᠬᠥᠪᠡᠭᠦᠨ ᠲᠠᠢ ᠪᠣᠯᠣᠭᠰᠠᠨ ᠬᠡᠬᠦ ᠲᠡᠦᠬᠡ ᠶᠢᠨ ᠤᠯᠪᠠᠭᠠ᠂ ᠥᠨᠦ ᠶᠢᠨ ᠪᠠᠷᠭᠤ ᠪᠣᠷᠢᠶᠠᠳᠴᠤᠳ ᠤᠨ ᠠᠶᠠᠨ ᠵᠠᠮ ᠤᠨ ᠨᠢᠭᠡᠨ ᠲᠠᠰᠤᠷᠬᠠᠢ ᠪᠣᠯᠵᠤ᠂ ᠲᠥᠮᠡᠨ | ᠤᠰᠤᠨ ᠤ ᠲᠡᠷᠲᠡᠭᠡ ᠳᠤ ᠨᠢᠭᠡᠨ ᠳᠠᠯᠠᠢ ᠪᠤᠯᠤᠨ ᠴᠠᠯᠬᠢᠯᠠᠨᠠᠮ ᠪᠣᠶᠤ᠃ | ᠨᠡᠭᠡᠷᠡᠨ ᠡᠨᠡ ᠬᠦ ᠬᠤᠨ ᠰᠢᠪᠠᠭᠤᠨ ᠭᠠᠷᠪᠠᠯᠢᠲᠠᠳ ᠤᠰᠤ ᠨᠠᠭᠤᠷ ᠢᠶᠠᠨ ᠲᠠᠭᠠᠨ᠂ ᠤᠯᠠᠷᠢᠬᠤ ᠴᠠᠭ ᠤᠨ ᠰᠠᠯᠬᠢᠨᠠ ᠲᠠᠷᠴᠣᠭᠯᠠᠵᠤ᠂ ᠨᠠᠷᠠ ᠰᠠᠷᠠ | ᠣᠳᠤᠳ ᠤᠨ ᠭᠡᠷᠡᠯ ᠮᠡᠲᠦ ᠰᠠᠴᠤᠷᠠᠵᠤ᠂ ᠤᠰᠤ ᠨᠠᠭᠤᠷ᠂ ᠠᠭᠠᠷ ᠲᠡᠭᠷᠢ ᠮᠡᠲᠦ ᠲᠤᠩᠭᠠᠯᠠᠭᠰᠢᠵᠤ᠂ ᠡᠪᠡᠰᠦ ᠮᠣᠳᠤ ᠴᠡᠴᠡᠭ ᠨᠠᠪᠴᠢ ᠮᠡᠲᠦ ᠤᠷᠭᠤᠨ ᠲᠥᠯᠵᠢᠵᠦ᠂ | ᠡᠩᠬᠡ ᠦᠷᠭᠦᠯᠵᠢᠯᠡᠬᠦ ᠶᠢᠨ ᠤᠬᠠᠭᠠ ᠰᠣᠷᠢᠭᠰᠠᠨ ᠨᠡᠭᠦᠳᠡᠯᠴᠢᠨ ᠵᠠᠶᠠᠭᠠᠨ ᠤ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠵᠤ᠂ ᠪᠥᠬᠡ ᠪᠠᠨ ᠪᠠᠷᠢᠯᠳᠤᠨ᠂ ︽ᠦᠶᠡ ᠶᠢᠨ ᠦᠶᠡ ᠳᠤ᠂ | ᠪᠡᠶᠡ ᠶᠢᠨ ᠪᠡᠶᠡ ᠳᠤ ᠶᠠᠳᠠᠷᠠᠯ ᠦᠭᠡᠢ︾ ᠡᠭᠦᠯᠡ ᠮᠡᠲᠦ ᠬᠤᠷᠠᠵᠤ᠂ ᠡᠭᠦᠯᠡ ᠮᠡᠲᠦ ᠠᠷᠢᠯᠤᠨ ᠨᠢᠭᠡᠨ ᠵᠦᠭ ᠢ ᠵᠣᠷᠢᠨᠠᠮ ᠠᠵᠢ᠃ | ᠪᠠᠷᠭᠤᠴᠤᠳ ᠤᠨ ᠡᠨᠡ ᠠᠭᠤᠤ ᠶᠡᠭᠡ ᠵᠠᠢ ᠶᠢᠨ ᠨᠢᠭᠡᠨ ᠳᠤ ᠪᠠᠭᠲᠠᠵᠤ᠂ ᠪᠢ 2018 ᠣᠨ ᠤ 7 ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠪᠠᠷ ᠬᠤᠶᠠᠳᠠᠬᠢ ᠤᠳᠠᠭᠠ ᠬᠦᠯᠦᠨ | ᠨᠠᠭᠤᠷ ᠲᠤ ᠣᠴᠢᠭᠰᠠᠨ ᠶᠣᠮᠰᠠᠨ᠃ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠳ᠋᠊ · ᠪᠠᠭᠠᠲᠤᠷ᠂ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ | ᠪᠠᠳᠠᠷᠠᠬᠤ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠳᠤ ᠠᠵᠢᠯᠯᠠᠳᠠᠭ ᠰᠤᠶᠤᠯᠴᠡᠴᠡᠭ᠂ ᠠᠯᠲᠠᠨᠴᠢᠮᠡᠭ ᠪᠢᠳᠡ ᠲᠠᠪᠤᠭᠤᠯᠠ ᠰᠤ᠊ ᠪᠠᠭᠰᠢ ᠶᠢᠨ ᠰᠤᠷᠤᠭᠴᠢ ᠪᠣᠯᠣᠭᠰᠠᠨ ᠤ | ᠬᠤᠪᠢ ᠠᠴᠠ ᠪᠠᠭᠰᠢ ᠶᠢᠨ ᠢᠶᠠᠨ ᠲᠡᠩᠬᠡᠭᠡ ᠶᠢ ᠪᠣᠯᠭᠤᠭᠠᠬᠤ ᠪᠠᠷ ᠬᠦᠷᠦᠭᠰᠠᠨ ᠤ ᠮᠠᠷᠭᠠᠰᠢ ᠨᠢ ᠰᠤ᠊ ᠪᠠᠭᠰᠢ ᠪᠢᠳᠡᠨ ᠢ ᠳᠠᠭᠠᠭᠤᠯᠵᠤ ᠬᠦᠯᠦᠨ ᠨᠠᠭᠤᠷ ᠦᠵᠡᠭᠦᠯᠬᠦ ᠪᠠᠷ | ᠣᠴᠢᠵᠤ ᠪᠠᠶᠢᠭᠠ ᠨᠢ ᠲᠡᠷᠡ ᠪᠢᠯᠡ᠃ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠᠨ ᠤ ᠤᠤᠯ ᠤᠨ ᠲᠡᠷᠢᠭᠦᠯᠡᠭᠴᠢ ᠪᠢ᠊ · | ᠳᠠᠮᠳᠢᠨᠰᠦ᠋ᠷᠦᠩ᠂ ᠤ · ᠸᠴᠢᠷᠪᠠᠨᠢ᠂ ᠨᠠ᠊ · ᠮᠦᠩᠬᠡᠪᠡᠶᠡᠷ᠂ ᠪᠢ᠊ · ᠤᠯᠠᠭᠠᠨ᠂ ᠤᠷᠭᠤᠭᠠᠵᠠᠢ ᠨᠠᠷ ᠲᠠᠢ ᠬᠠᠮᠲᠤ ᠭᠠᠯ ᠠᠶᠠᠨ ᠪᠣᠯᠵᠤ᠂ ᠬᠦᠯᠦᠨ ᠨᠠᠭᠤᠷ ᠤᠨ | ᠬᠥᠪᠡᠭᠡᠨ ᠳᠤ ᠦᠳᠡᠯᠡᠵᠦ ᠰᠠᠭᠤᠭᠰᠠᠨ ᠲᠡᠷᠡᠬᠡᠨ ᠬᠤᠷᠣᠮ ᠠᠰᠳᠠᠭᠠᠨ ᠨᠢᠭᠡᠨ ᠠᠮᠢᠰᠬᠤᠯ ᠲᠠᠢ᠂ ᠠᠰᠳᠠᠭᠠᠨ ᠨᠢᠭᠡᠨ ᠬᠥᠭ ᠠᠶᠠᠯᠭᠤ ᠲᠠᠢ ᠰᠠᠨᠠᠭᠳᠠᠨᠠ᠃ | ᠪᠠᠷᠭᠤ ᠪᠤᠷᠢᠶᠠᠳ ᠡᠷᠲᠡᠨ ᠤ ᠮᠣᠩᠭᠤᠯ ᠤᠨ ᠦᠯᠡᠳᠡᠭᠳᠡᠯ᠂ ᠲᠥᠷᠦᠯᠬᠢ ᠪᠢᠯᠢᠭᠲᠦ ᠲᠡᠭᠷᠢᠯᠢᠭ ᠬᠦᠮᠦᠰ ᠪᠠᠷᠭᠤ ᠪᠤᠷᠢᠶᠠᠳ ᠲᠤ ᠲᠥᠷᠦᠳᠡᠭ ᠭᠡᠰᠡᠨ ᠬᠠᠨ | ᠲᠡᠭᠷᠢ ᠶᠢᠨ ᠰᠠᠯᠬᠢ ᠢᠰᠬᠡᠷᠬᠦ ᠰᠢᠭ᠂ ᠬᠠᠮᠢᠭᠠ ᠡᠷᠲᠡᠨ ᠤ ᠨᠠᠷᠠᠨ ᠭᠡᠷᠡᠯᠲᠦ ᠲᠠᠯᠠ ᠰᠠᠴᠤᠷᠠᠬᠤ ᠰᠢᠭ᠋ ᠰᠡᠳᠭᠢᠯ ᠤᠨ ᠨᠢᠭᠡᠨ ᠠᠶᠠᠯᠭᠤ — ᠰᠢᠷᠠᠨᠤᠳ ᠣᠪᠤᠭᠲᠤ ᠮ᠊ | · ᠴᠧᠪᠡᠯᠮᠡ ᠪᠠᠭᠰᠢ ᠮᠢᠨᠢ ᠠᠵᠢ᠃ | ᠪᠤᠷᠤᠭᠠᠨ ᠬᠤᠷᠠ ᠲᠠᠲᠠᠭᠤ ᠵᠢᠯ ᠳᠡᠭᠡᠨ ᠬᠦᠯᠦᠨ ᠨᠠᠭᠤᠷ ᠤᠨ ᠳᠤᠮᠳᠠᠭᠤᠷ ᠨᠡᠭᠦᠭᠡᠳ ᠭᠠᠷᠳᠠᠭ ᠵᠠᠮ ᠲᠠᠢ ᠪᠠᠶᠢᠳᠠᠭ ᠭᠡᠵᠦ ᠨᠠᠰᠣᠲᠠᠶᠢᠴᠤᠣᠯ ᠶᠠᠷᠢᠳᠠᠭ᠃ | ᠪᠤᠶᠢᠷ ᠬᠦᠯᠦᠨ ᠤ ᠵᠠᠪᠰᠠᠷ ᠣᠷᠱᠤᠨ ᠭᠤᠣᠯ ᠮᠢᠨᠤ ᠲᠥᠷᠦᠭᠰᠡᠨ ᠨᠤᠲᠤᠭ ᠭᠡᠰᠡᠨ ᠣᠮᠣᠭᠰᠢᠯ ᠪᠠᠭ᠋ᠠᠷᠬᠠᠯ ᠤᠨ ᠨᠠᠮᠬᠠᠷᠠᠰᠢ ᠦᠭᠡᠢ ᠠᠲᠠᠯᠠ ᠪᠠᠨ ᠨᠠᠮ ᠳᠠᠷᠤᠤᠬᠠᠨ | ᠨᠢᠭᠡᠨ ᠬᠥᠭᠲᠦ ᠠᠶᠠᠯᠭᠤ — ᠬᠤᠸᠠᠰᠠᠢ ᠣᠪᠤᠭᠲᠤ ᠪᠢ᠊ · ᠳᠠᠮᠳᠢᠨᠰᠦ᠋ᠷᠦᠩ ᠪᠣᠶᠤ᠃ | ᠪᠠᠭᠠ ᠳᠠᠭᠠᠨ ᠪᠢ ᠦᠪᠦᠸ᠋ ᠲᠠᠢ ᠪᠠᠨ ᠮᠡᠨᠡᠩ ᠤᠨ ᠪᠣᠭᠳᠠ ᠠᠭᠤᠯᠠ ᠶᠢᠨ ᠲᠠᠬᠢᠯᠭᠠ ᠳᠤ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ᠃ ᠠᠭᠤᠯᠠ ᠶᠢᠨ ᠪᠠᠷᠠ ᠤᠶᠢᠷᠠᠳᠤᠭᠠᠳ | ᠡᠬᠢᠯᠠᠩᠬᠦᠳᠠ ᠦᠪᠦᠸ᠋ ᠮᠠᠷᠽᠠᠶᠢᠯᠠᠵᠤ ᠡᠬᠢᠯᠡᠳᠡᠭ᠃ ᠮᠡᠨᠡᠩ ᠤᠨ ᠪᠣᠭᠳᠠ ᠲᠡᠭᠷᠢ ᠶᠢᠨ ᠠᠭᠤᠯᠠ ᠳ᠋ᠠ ᠭᠡᠰᠡᠨ ᠳᠠᠯᠳᠠ ᠣᠷᠴᠢᠯᠠᠩ ᠲᠠᠢ ᠬᠤᠯᠪᠤᠭᠠᠲᠠᠢ ᠰᠡᠳᠭᠢᠯ ᠤᠨ | ᠨᠢᠭᠡᠨ ᠴᠢᠪᠬᠠᠳᠠᠰᠤᠨ ᠤ ᠨᠢᠭᠤᠴᠠ ᠠᠶᠠᠯᠭᠤ — ᠭᠦᠢᠴᠡᠯᠢᠭ ᠣᠪᠤᠭᠲᠤ ᠪ᠊ · ᠸᠴᠢᠷᠪᠠᠨᠢ ᠪᠠᠶᠢᠯᠠ᠃ | ᠣᠯᠠᠨ ᠵᠢᠯ ᠢᠶᠠᠷ ᠰᠸ᠊ ᠪᠠᠭᠰᠢ ᠠᠴᠠ ᠪᠠᠨ ᠰᠢᠯᠦᠭ ᠰᠤᠷᠬᠤ ᠭᠡᠵᠦ ᠣᠯᠠᠨ ᠰᠠᠶᠢᠬᠠᠨ ᠶᠠᠭᠤᠮᠠ ᠰᠣᠨᠣᠰᠤᠭᠰᠠᠨ ᠡ ᠬᠡᠬᠦ ᠰᠡᠳᠭᠢᠯ ᠤᠨ ᠴᠣᠩᠬᠤ ᠪᠠᠷ ᠨᠢ | ᠠᠷᠠᠨᠰᠢᠨ ᠤ ᠲᠤᠩᠭᠠᠯᠠᠭ᠂ ᠠᠷᠢᠭᠤᠨ ᠭᠠᠯᠪᠢᠷ ᠤᠨ ᠦᠵᠡᠰᠭᠦᠯᠡᠩ ᠭᠢᠯᠠᠯᠵᠠᠭᠰᠠᠨ ᠥᠯᠡᠮᠵᠢ ᠶᠢᠨ ᠳᠠᠩᠰᠤᠭ ᠠᠶᠠᠯᠭᠤ — ᠰᠢᠷᠠᠶᠢᠳ ᠤᠪᠤᠭᠳᠤ ᠪᠢ᠊ · ᠤᠯᠠᠭᠠᠨ | ᠠᠵᠢ᠃ ᠪᠠᠷᠭᠤ ᠪᠠᠷᠭᠤ ᠪᠠᠷ ᠢᠶᠠᠨ ᠪᠠᠷᠢᠯᠳᠤᠳᠠᠭ ᠪᠥᠬᠡ ᠲᠠᠢ᠂ ᠳᠠᠭᠤᠯᠠᠳᠠᠭ ᠳᠠᠭᠤᠴᠢᠨ ᠲᠠᠢ ᠭᠡᠬᠦ ᠰᠢᠭ ᠯᠡ ᠨᠠᠮ ᠳᠠᠭᠤ ᠦᠭᠡᠢ ᠠᠲᠠᠯᠠ ᠪᠠᠨ ᠨᠠᠯᠠᠭᠠᠷ | ᠲᠡᠦᠬᠡ ᠪᠠᠨ ᠡᠭᠦᠷᠴᠦ ᠲᠡᠬᠦᠷᠴᠤ ᠢᠷᠡᠭᠰᠡᠨ ᠮᠣᠷᠢᠲᠠᠨ ᠤᠳᠤᠮ ᠤᠨ ᠭᠤᠨᠳᠠᠰᠢ ᠦᠭᠡᠢ ᠬᠥᠬᠡ ᠠᠶᠠᠯᠭᠤ — ᠰᠢᠷᠠᠶᠢᠳ ᠤᠷᠭᠤᠭᠠᠵᠠᠢ ᠪᠠᠶᠢᠯᠠ᠃ | ᠢᠷᠠᠯᠵᠠᠭᠰᠠᠨ ᠴᠠᠭᠠᠨ ᠰᠢᠳᠤ ᠲᠠᠢ᠂ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠬᠦᠠᠳᠤᠤᠷ ᠬᠡᠮᠡᠷ ᠲᠠᠨᠠᠭᠠᠷ ᠰᠠᠶᠢᠬᠠᠨ ᠪᠠᠶᠠ ᠲᠠᠢ᠂ ᠲᠠᠯᠪᠠᠯᠵᠠᠭᠰᠠᠨ ᠦᠷᠬᠡᠨ ᠮᠦᠷᠤ ᠲᠠᠢ᠂ | ᠬᠠᠨᠠᠭᠠᠷ ᠴᠡᠬᠡᠵᠢ ᠲᠠᠢ᠂ ᠬᠠᠯᠠᠭᠤᠨ ᠴᠢᠷᠠᠢ ᠲᠠᠢ᠂ ᠦᠬᠡᠨ ᠤ ᠦᠨᠡᠨ ᠢ ᠯᠡ ᠰᠤᠨᠤᠰᠬᠤ ᠬᠡᠵᠤ ᠢᠨᠢᠶᠡᠳᠤ ᠠᠯᠳᠠᠵᠤ ᠬᠦᠯᠢᠶᠡᠭᠰᠠᠨ ᠵᠠᠭᠤᠨ ᠵᠢᠯ ᠤᠨ ᠬᠦᠪᠴᠢᠷᠡᠭᠰᠠᠨ | ᠨᠢᠬᠡᠨ ᠠᠶᠠᠯᠭᠤ — ᠠᠷᠤ ᠬᠤᠷᠴᠢᠨ ᠨᠤᠳᠤᠭ ᠲᠠᠢ ᠨᠠ᠊ · ᠮᠦᠩᠬᠡᠪᠡᠶᠡᠷ ᠠᠵᠢ᠃ | ᠬᠥᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠨᠡᠯᠦ᠋ᠢᠭᠰᠡᠨ᠂ ᠬᠥᠭᠡᠰᠦᠷᠡᠬᠦ ᠳᠠᠪᠠᠯᠭᠠᠨ ᠦᠭᠡᠢ ᠵᠢᠭᠳᠡ ᠮᠡᠯᠲᠡᠯᠵᠡᠭᠰᠡᠨ ᠬᠦᠯᠦᠨ ᠳᠠᠯᠠᠢ ᠨᠡᠭᠡᠷᠡᠨ ᠬᠤᠨ ᠰᠢᠪᠠᠭᠤᠨ ᠤ ᠨᠠᠭᠤᠷ᠂ | ᠬᠤᠯᠠ ᠶᠢᠨ ᠲᠡᠭᠷᠢ ᠶᠢᠨ ᠨᠠᠭᠤᠷ ᠠᠵᠢ᠃ | ᠤᠯᠠᠨ ᠬᠤᠨ ᠨᠥᠷᠭᠢᠯᠳᠦᠨ ᠡᠷᠭᠢᠯᠳᠦᠨ᠂ ᠲᠡᠭᠷᠢ ᠶᠢᠨ ᠡᠭᠦᠯᠡ ᠲᠠᠢ ᠬᠤᠯᠢᠯᠳᠤᠨ ᠤᠰᠤᠨᠠ ᠪᠠᠭᠤᠵᠤ ᠬᠥᠪᠦᠭᠰᠡᠭᠡᠷ᠂ ᠴᠠᠭᠠᠰᠢᠯᠠᠭᠰᠠᠭᠠᠷ᠂ ᠨᠠᠭᠤᠷ ᠤᠨ | ᠭᠤᠣᠯ ᠤᠷᠤᠭᠤ ᠣᠷᠤᠵᠤ ᠠᠯᠠᠭᠠ ᠪᠣᠯᠣᠨᠠ᠃ ᠨᠡᠭᠡᠷᠡᠨ ᠲᠡᠷᠡ ᠨᠠᠭᠤᠷ ᠤᠨ ᠭᠤᠣᠯ ᠢᠶᠠᠷ ᠭᠠᠲᠤᠯᠵᠤ ᠪᠣᠯᠬᠤ ᠬᠦᠢᠬᠡᠨ ᠤᠰᠤ ᠲᠠᠢ ᠭᠠᠵᠠᠷ ᠪᠠᠶᠢᠳᠠᠭ ᠴᠤ ᠪᠤᠯᠪᠠ | ᠤᠤ᠂ ᠰᠢᠪᠠᠭᠤᠳ ᠲᠡᠨᠳᠡ ᠬᠦᠷᠴᠦ ᠠᠮᠠᠷᠠᠳᠠᠭ ᠴᠤ ᠪᠤᠯᠪᠠ ᠤᠤ ᠳ᠋ᠠ︖ ᠲᠡᠭᠡᠭᠡᠳ ᠮᠥᠨ ᠵᠡᠭᠦᠨ ᠬᠤᠶᠢᠰᠢ ᠪᠠᠨ ᠨᠢᠰᠳᠡᠭ ᠴᠤ ᠪᠤᠯᠪᠠ ᠤᠤ︖ | ᠬᠤᠷᠢᠯᠠᠷᠲᠠᠢ ᠮᠡᠷᠭᠡᠨ ᠲᠡᠭᠷᠢ ᠠᠴᠠ ᠨᠢᠰᠴᠦ ᠪᠠᠭᠤᠭᠰᠠᠨ ᠭᠤᠷᠪᠠᠨ ᠬᠤᠨ ᠤ ᠨᠢᠭᠡ ᠲᠠᠢ ᠨᠢ ᠬᠤᠷᠢᠮᠯᠠᠵᠤ᠂ ᠠᠷᠪᠠᠨ ᠨᠢᠭᠡᠨ ᠬᠥᠪᠡᠭᠦᠨ ᠲᠠᠢ ᠪᠣᠯᠤᠭᠠᠳ᠂ | ᠬᠤᠨ ᠱᠣᠷᠭᠠ ᠬᠠᠲᠤᠨ ᠨᠢ ᠬᠤᠷᠢᠯᠠᠷᠲᠠᠢ ᠮᠡᠷᠭᠡᠨ ᠢ ᠬᠠᠭᠤᠷᠴᠤ ᠬᠤᠪᠴᠠᠰᠤ ᠪᠠᠨ ᠠᠪᠴᠤ ᠡᠮᠦᠰᠦᠭᠡᠳ ᠨᠢᠰᠴᠤ ᠭᠠᠷᠬᠤ ᠳᠤ ᠬᠤᠷᠢᠯᠠᠷᠲᠠᠢ ᠮᠡᠷᠭᠡᠨ ᠪᠠᠷᠢᠵᠤ | ᠵᠠᠪᠳᠤᠭᠠ ᠦᠭᠡᠢ ᠭᠠᠴᠢᠭᠳᠠᠵᠤ᠄ ︽ᠴᠢ ᠶᠠᠪᠤᠪᠠᠯ ᠶᠠᠪᠤ ᠳ᠋ᠠ᠂ ᠬᠠᠷᠢᠨ ᠠᠷᠪᠠᠨ ᠨᠢᠭᠡᠨ ᠬᠥᠪᠡᠭᠦᠨ ᠳᠡᠭᠡᠨ ᠨᠡᠷᠡ ᠥᠭ ᠳ᠋ᠠ︾ ᠭᠡᠰᠡᠨ ᠳᠤ ︽ᠭᠠᠯᠵᠤᠳ᠂ | ᠬᠤᠸᠠᠰᠠᠢ᠂ ᠬᠥᠪᠲᠦᠳ᠂ ᠬᠠᠯᠪᠢᠨ᠂ ᠴᠠᠭᠠᠨ᠂ ᠭᠤᠴᠢᠳ᠂ ᠰᠢᠷᠠᠶᠢᠳ᠂ ᠪᠣᠳᠤᠩᠭᠤᠳ᠂ ᠬᠠᠷᠭᠠᠨᠠ᠂ ᠪᠠᠳᠣᠨᠠᠢ᠂ ᠬᠤᠳᠠᠢ︾ ᠭᠡᠵᠦ ᠠᠷᠪᠠᠨ ᠨᠢᠬᠡᠨ | ᠬᠦᠪᠡᠬᠦᠨ ᠳᠡᠭᠡᠨ ᠨᠡᠷᠡ ᠬᠠᠶᠢᠷᠠᠯᠠᠭᠠᠳ ︽ᠦᠶᠡ ᠶᠢᠨ ᠦᠶᠡ ᠳᠤ᠂ ᠪᠡᠶᠡ ᠶᠢᠨ ᠪᠡᠶᠡ ᠳᠤ ᠪᠦᠦ ᠶᠠᠳᠠᠷᠠ ᠡ︾ ᠬᠡᠳ ᠵᠡᠭᠦᠨ ᠬᠤᠶᠢᠰᠢ ᠪᠠᠨ ᠨᠢᠰᠴᠤ ᠣᠳᠤᠭᠰᠠᠨ | ᠳᠣᠮᠤᠭ ᠤᠶᠠᠷᠠᠯᠲᠠᠢ ᠮᠥᠷᠲᠡᠭᠡᠨ ᠭᠠᠶᠢᠬᠠᠮᠰᠢᠭ ᠲᠠᠢ᠃ | ᠡᠷᠲᠡᠨ ᠤ ᠬᠢᠲᠠᠳ ᠤᠨ ᠳᠣᠮᠤᠭ ᠲᠤ ᠴᠠᠩ ᠡᠸ᠋ ᠳᠠᠬᠢᠨᠢ ᠲᠡᠭᠷᠢ ᠳᠡᠭᠡᠨ ᠨᠢᠰᠴᠦ ᠪᠣᠴᠠᠭᠰᠠᠨ ᠭᠡᠵᠦ ᠪᠠᠶᠢᠳᠠᠭ᠃ ᠡᠷᠲᠡᠨ ᠤ ᠮᠠᠶᠠᠴᠤᠳ ᠤᠨ ᠳᠣᠮᠤᠭ ᠲᠤ | ᠺᠦᠺᠦᠷ ᠬᠠᠨ ᠮᠠᠶᠠᠴᠤᠳ ᠲᠤ ᠡᠷᠳᠡᠨᠢ ᠰᠢᠰᠢ ᠶᠢ ᠬᠦᠮᠦᠨ ᠠᠴᠠ ᠪᠦᠳᠦᠭᠦᠨ ᠪᠣᠯᠲᠠᠯᠠ ᠲᠠᠷᠢᠬᠤ ᠠᠷᠭᠠ᠂ ᠬᠥᠪᠦᠩ ᠢ ᠬᠡᠳᠦᠨ ᠵᠦᠢᠯ ᠤᠨ ᠥᠩᠭᠡ ᠲᠠᠢ ᠲᠠᠷᠢᠬᠤ | ᠠᠷᠭᠠ ᠶᠢ ᠵᠢᠭᠠᠵᠤ ᠥᠭᠭᠦᠭᠡᠳ ︽ᠪᠢ ᠡᠷᠭᠢᠵᠦ ᠢᠷᠡᠨᠡ︾ ᠭᠡᠵᠦ ᠠᠮᠠᠯᠳᠠᠭᠠᠳ ᠲᠡᠭᠷᠢ ᠥᠭᠡᠳᠡ ᠨᠢᠰᠦᠨ ᠣᠳᠤᠭᠰᠠᠨ ᠭᠡᠵᠦ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠳᠣᠮᠤᠭ | ᠦᠨᠡᠨ ᠳᠡᠭᠡᠨ ᠨᠢᠭᠡᠯᠡ ᠭᠠᠷᠪᠠᠯᠢ ᠡᠭᠦᠰᠦᠯᠲᠡᠢ ᠪᠠᠶᠢᠬᠤ ᠶᠣᠰᠤᠲᠠᠢ ᠪᠢᠯᠡ᠃ ᠡᠷᠲᠡᠨ ᠤ ᠭᠷᠸᠢᠡ ᠤᠨ ᠳᠣᠮᠤᠭ ᠲᠤ ᠭᠠᠷᠳᠠᠭ ︽ᠫᠷᠦ᠋ᠮᠢᠴᠦ᠋ᠰ ᠲᠡᠭᠷᠢ ᠶᠢᠨ ᠭᠠᠯ ᠢ | ᠬᠤᠯᠠᠭᠠᠶᠢᠯᠠᠭᠰᠠᠨ︾ ᠭᠡᠳᠡᠭ ᠨᠢ ᠮᠣᠩᠭᠤᠯ ᠤᠨ ᠳᠡᠭᠡᠳᠦᠰ ᠪᠣᠯᠬᠤ ᠠᠯᠲᠠᠢ ᠠᠭᠤᠯᠠᠨ ᠠᠴᠠ ᠨᠡᠭᠦᠵᠦ ᠲᠢᠭᠷᠢᠰ ︵ᠲᠡᠭᠷᠢ︶ ᠮᠥᠷᠡᠨ ᠡᠸᠦ᠋ᠪᠷᠠᠳ᠋ ᠮᠥᠷᠡᠨ ᠤ | ᠪᠣᠯᠪᠠᠰᠤᠨ ᠢ ᠪᠦᠲᠦᠭᠡᠭᠰᠡᠨ ᠰᠦᠮᠢᠷᠴᠦᠳ ᠤᠨ ︽ᠵᠢᠷᠭᠠᠮᠢᠰᠠᠢ︾ ᠭᠡᠳᠡᠭ ᠲᠤᠤᠯᠢ ᠠᠴᠠ ᠬᠠᠭᠤᠯᠤᠭᠰᠠᠨ ᠭᠡᠵᠦ ᠣᠳᠤ ᠦᠶᠡ ᠶᠢᠨ ᠡᠷᠳᠡᠮᠲᠡᠳ ᠰᠣᠳᠤᠯᠵᠤ ᠪᠠᠶᠢᠬᠤ | ᠪᠥᠭᠡᠳ ᠳᠡᠯᠡᠬᠡᠢ ᠳᠡᠭᠡᠷᠡ ᠲᠡᠭᠷᠢ ᠲᠠᠢ ᠬᠤᠯᠪᠤᠭᠠᠲᠠᠢ ᠦᠯᠢᠭᠡᠷ ᠳᠣᠮᠤᠭ ᠬᠠᠮᠤᠭ ᠤᠨ ᠤᠯᠠᠨ ᠦᠨᠳᠦᠰᠦᠲᠡᠨ ᠪᠣᠯ ᠵᠦᠪᠬᠡᠨ ᠮᠣᠩᠭᠤᠯ ᠭᠡᠰᠡᠨ ᠳᠡᠯᠡᠬᠡᠢ ᠶᠢᠨ | ᠡᠷᠳᠡᠮᠲᠡᠳ ᠤᠨ ᠰᠣᠳᠣᠯᠭᠠ ᠵᠠᠭᠤᠨ ᠵᠢᠯ ᠪᠣᠯᠵᠤ ᠪᠠᠶᠢᠨᠠ᠃ | ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠳᠤ ᠲᠡᠮᠳᠡᠭᠯᠡᠵᠦ ᠦᠯᠡᠳᠡᠭᠰᠡᠨ ᠬᠤᠷᠢᠯᠠᠷᠲᠠᠢ ᠮᠡᠷᠭᠡᠨ ᠤ ᠦᠬᠢᠨ ᠠᠯᠤᠩᠭᠤᠸᠠ ᠲᠡᠭᠷᠢ ᠶᠢᠨ ᠬᠥᠪᠡᠭᠦᠨ | ᠲᠥᠷᠦᠭᠦᠯᠦᠭᠰᠡᠨ ᠦᠯᠢᠭᠡᠷ᠂ ᠪᠠᠷᠭᠤᠴᠤᠳ ᠥᠪᠡᠷ ᠢ ᠪᠠᠨ ᠲᠡᠭᠷᠢ ᠶᠢᠨ ᠬᠤᠨ ᠰᠢᠪᠠᠭᠤᠨ ᠠᠴᠠ ᠡᠭᠦᠰᠦᠯᠲᠡᠢ ᠭᠡᠵᠦ ᠳᠣᠮᠣᠭᠯᠠᠳᠠᠭ ᠰᠡᠳᠭᠢᠯᠭᠡ ᠪᠠᠷᠭᠤ | ᠪᠤᠷᠢᠶᠠᠳᠴᠤᠳ ᠢ ᠨᠡᠩ ᠭᠦᠨ ᠳᠠᠯᠳᠠ᠂ ᠠᠯᠤᠰ ᠬᠤᠯᠠ ᠶᠢᠨ ᠣᠳᠤᠲᠤ ᠲᠡᠭᠷᠢ ᠶᠢᠨ ᠠᠶᠠ ᠡᠭᠡᠰᠢᠭᠯᠡᠩ ᠲᠠᠢ ᠪᠣᠯᠭᠠᠵᠤ ᠪᠠᠶᠢᠨᠠ᠃ | | |