| ᠲᠦᠷᠪᠡ᠂ ᠠᠶᠠᠨ ᠤ ᠳᠥᠷᠦᠭᠡ ᠬᠠᠩᠭᠢᠨᠠᠬᠤᠢ | ᠬᠠᠮᠢᠭᠠ ᠭᠠᠵᠠᠷ ᠶᠠᠪᠤᠭᠰᠠᠨ ᠴᠤ ᠵᠠᠮ ᠤᠨ ᠬᠠᠨᠢ ᠲᠠᠢ ᠪᠠᠶᠢᠬᠤ ᠰᠠᠶᠢᠬᠠᠨ | ᠬᠠᠮᠢᠭᠠ ᠭᠠᠵᠠᠷ ᠣᠴᠢᠭᠰᠠᠨ ᠴᠤ ᠬᠠᠨᠢ ᠨᠥᠭᠦᠳ ᠲᠠᠢ ᠪᠠᠨ ᠣᠴᠢᠬᠤ ᠰᠠᠶᠢᠬᠠᠨ | ᠬᠠᠮᠢᠭᠠ ᠭᠠᠵᠠᠷ ᠬᠦᠷᠦᠭᠰᠡᠨ ᠴᠤ ᠬᠠᠨᠢ ᠨᠥᠭᠦᠳ ᠲᠠᠢ ᠪᠠᠶᠢᠬᠤ ᠨᠡᠩ ᠴᠤ ᠰᠠᠶᠢᠬᠠᠨ | 2014 ᠣᠨ ᠤ 6 ᠰᠠᠷᠠ ᠶᠢᠨ 24 ᠤ ᠥᠷᠯᠦᠭᠡ ᠳ᠋᠊ · ᠪᠠᠭᠠᠲᠤᠷ ᠪᠢᠳᠡ ᠬᠤᠶᠠᠷ ᠨᠢᠭᠡ ᠲᠡᠷᠭᠡ ᠲᠠᠢ᠂ ᠪᠠᠭᠠᠲᠤᠷ᠂ ᠢᠯᠠᠯᠲᠠ ᠠᠪᠠᠭᠠᠢ ᠠᠬᠠᠢ ᠬᠤᠶᠠᠭᠤᠯᠠ | ᠨᠢᠭᠡ ᠲᠡᠷᠭᠡ ᠲᠠᠢ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠤ ᠲᠥᠪ ᠪᠠᠯᠭᠠᠷᠭᠤᠣᠯ ᠪᠠᠯᠭᠠᠰᠤᠨ ᠠᠴᠠ ᠬᠠᠶᠢᠯᠠᠷ ᠬᠦᠷᠬᠦ ᠪᠠᠷ ᠬᠥᠳᠡᠯᠦᠭᠰᠡᠨ ᠶᠤᠮ᠃ ᠪᠢᠳᠡ ᠬᠤᠣᠯᠢᠩᠭᠤᠣᠯ ᠠᠴᠠ | ᠰᠢᠭᠤᠳ ᠬᠢᠩᠭᠠᠨ ᠠᠶᠢᠮᠠᠭ ᠬᠦᠷᠬᠦ ᠵᠠᠮ ᠢ ᠮᠡᠳᠡᠬᠦ ᠦᠭᠡᠢ ᠪᠣᠯᠬᠤᠷ ᠵᠡᠭᠦᠨ ᠬᠤᠶᠢᠰᠢ ᠪᠠᠨ ᠴᠢᠭ ᠲᠠᠢ ᠬᠡᠰᠡᠭ ᠠᠭᠤᠯᠠ ᠶᠢᠨ ᠤᠷᠢᠳᠤᠭᠤᠷ ᠰᠡᠶᠧᠯᠵᠢ ᠶᠢᠨ | ᠭᠤᠣᠯ ᠤᠨ ᠬᠥᠨᠳᠡᠢ ᠳᠠᠮᠵᠢᠵᠤ᠂ ᠪᠣᠭᠳᠠ ᠠᠭᠤᠯᠠ ᠶᠢᠨ ᠵᠠᠮ ᠢ ᠡᠯᠭᠦᠬᠦ ᠰᠠᠨᠠᠭᠠ ᠲᠠᠢ ᠵᠠᠮ ᠢᠶᠠᠨ ᠬᠥᠭᠡᠭᠡᠯᠡ᠃ ᠰᠡᠶᠧᠯᠵᠢ ᠶᠢᠨ ᠭᠤᠣᠯ ᠤᠨ ᠬᠥᠨᠳᠡᠢ ᠳᠤ ᠰᠢᠷᠦᠭᠦᠨ | ᠪᠣᠷᠣᠭᠠᠨ ᠳᠤ ᠳᠠᠭᠠᠷᠢᠭᠳᠠᠵᠤ᠂ ᠲᠡᠷᠭᠡ ᠪᠠᠨ ᠭᠠᠯᠭᠢᠭᠤᠯᠵᠤ ᠶᠠᠪᠤᠭᠰᠠᠭᠠᠷ ᠪᠣᠭᠳᠠ ᠠᠭᠤᠯᠠ ᠶᠢᠨ ᠵᠠᠮ ᠢ ᠠᠷᠠᠢ ᠭᠡᠵᠦ ᠡᠯᠭᠦᠵᠦ ᠠᠪᠤᠯᠠ᠃ ᠠᠳᠡ ᠬᠡᠳᠦ᠋ᠢᠪᠡᠷ | ᠪᠣᠷᠣᠭᠠᠨ ᠦᠭᠡᠢ ᠴᠤ ᠵᠠᠮ ᠨᠢ ᠡᠪᠳᠡᠷᠡᠵᠤ᠂ ᠵᠠᠮ ᠤᠨ ᠬᠠᠳᠠ ᠴᠢᠯᠠᠭᠤ ᠲᠡᠭᠡᠭᠯᠡᠭᠡᠳ ᠲᠡᠷᠭᠡ ᠤᠨᠤᠭᠠ ᠶᠠᠪᠤᠬᠤ ᠠᠷᠭᠠ ᠦᠭᠡᠢ᠃ ᠳᠡᠭᠡᠷᠡ ᠠᠴᠠ ᠨᠢ ᠥᠭᠡᠳᠡ ᠠᠴᠠ | ᠳᠠᠩᠳᠠ ᠬᠥᠨᠳᠦ ᠲᠡᠬᠡᠬᠡᠰᠢ ᠲᠠᠢ ᠲᠣᠮᠣ ᠠᠴᠢᠶᠠᠨ ᠤ ᠮᠠᠰᠢᠨ ᠵᠥᠷᠢᠬᠦ ᠲᠠᠢ᠂ ᠪᠢᠳᠡ ᠬᠡᠳᠦ ᠶᠢᠨ ᠪᠣᠭᠳᠠ ᠠᠭᠤᠯᠠ ᠶᠢᠨ ᠵᠠᠮ ᠤᠨ ᠠᠶᠠᠯᠠᠯ ᠤᠷᠤᠭᠰᠢ ᠪᠠᠨ | ᠳᠥᠬᠦᠴᠡ ᠪᠠᠷ ᠠᠨᠠᠢ ᠯᠡ ᠪᠠᠶᠢᠯᠠ᠃ | ︽ᠡᠨᠡ ᠵᠠᠮ ᠬᠠᠷᠢᠨ ᠰᠠᠶᠢᠨ᠂ ᠠᠱᠢᠭᠦᠢ ᠠᠷᠢᠬᠢᠨ ᠤ ᠰᠢᠷᠠ ᠲᠠᠯᠪᠢᠭᠳᠠᠴᠢᠬᠠᠯᠠ︾ ᠭᠡᠵᠦ ᠳ᠋᠊ · ᠪᠠᠭᠠᠲᠤᠷ ᠮᠠᠨᠢ ᠬᠥᠭᠡᠷᠴᠦ᠂ ᠬᠥᠯᠦᠰᠦ ᠪᠠᠨ ᠵᠦᠯᠬᠦᠬᠦ ᠵᠠᠪ | ᠦᠭᠡᠢ ᠲᠡᠷᠭᠡᠨ ᠤ ᠵᠢᠯᠤᠭᠤ ᠪᠠᠨ ᠡᠷᠭᠢᠭᠦᠯᠵᠦ ᠵᠠᠮ ᠤᠨ ᠴᠢᠯᠠᠭᠤᠨ ᠠᠴᠠ ᠵᠠᠶᠢᠯᠠᠵᠤ ᠪᠤᠯᠳᠠᠨ ᠥᠩᠭᠡᠷᠡᠨᠡ᠃ ᠵᠠᠷᠢᠮ ᠴᠢᠯᠠᠭᠤ ᠶᠢ ᠨᠢ ᠠᠷᠭᠠ ᠦᠭᠡᠢ | ᠲᠡᠷᠭᠡᠨ ᠠᠴᠠ ᠪᠠᠨ ᠪᠠᠭᠤᠵᠤ ᠵᠠᠶᠢᠯᠠᠭᠤᠯᠤᠨᠠ᠃ ᠢᠩᠭᠢᠵᠦ ᠶᠠᠪᠤᠭᠰᠠᠭᠠᠷ ᠪᠠᠶᠢᠵᠤ᠂ ᠣᠷᠣᠢ ᠶᠢᠨ 8 ᠴᠠᠭ ᠥᠩᠭᠡᠷᠡᠵᠦ ᠪᠠᠶᠢᠬᠤ ᠳᠤ ᠪᠢᠳᠡ ᠬᠡᠳᠦ ᠬᠢᠩᠭᠠᠨ ᠤ ᠪᠠᠢ | ᠯᠠᠩ ᠪᠠᠯᠭᠠᠰᠤᠨ ︵白狼镇︶ ᠳᠤ ᠬᠦᠷᠴᠦ ᠶᠠᠭᠤᠮᠠ ᠢᠳᠡᠯᠡ᠃ ᠦᠷᠯᠦᠬᠡᠨ ᠠᠴᠠ ᠠᠪᠤᠭᠠᠳ ᠬᠡᠯᠡᠨ ᠳᠡᠭᠡᠷᠡ ᠶᠠᠭᠤᠮᠠ ᠲᠠᠯᠪᠢᠭᠠ ᠦᠭᠡᠢ ᠪᠣᠯᠬᠤᠷ | ᠬᠤᠭᠤᠯᠠ ᠴᠦ ᠶᠡᠭᠡ ᠠᠮᠲᠠᠲᠠᠢ ᠰᠠᠶᠢᠬᠠᠨ ᠪᠠᠶᠢᠯᠠ᠃ ᠨᠥᠭᠦᠭᠡ ᠪᠠᠭᠠᠲᠤᠷ ᠤᠨ ᠬᠦᠦ ᠪᠠᠶᠢᠭᠠᠯᠢ ᠨᠢ ᠳ᠋᠊ · ᠪᠠᠭᠠᠲᠤᠷ ᠤᠨ ᠬᠡᠦᠬᠡᠨ ᠵᠠᠯᠮᠠ ᠲᠠᠢ ᠬᠠᠮᠲᠤ ᠬᠦᠯᠦᠨ | ᠪᠤᠶᠢᠷ ᠳᠡᠬᠡᠳᠦ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ ᠲᠡᠭᠦᠰᠦᠭᠡᠳ ᠡᠳᠡ ᠬᠤᠶᠠᠷ ᠬᠡᠦᠬᠡᠳ ᠢᠶᠠᠨ ᠲᠤᠰᠬᠤ ᠪᠠᠷ ᠶᠠᠪᠤᠵᠤ ᠪᠠᠶᠢᠭᠠ ᠨᠢ ᠡᠨᠡ ᠶᠤᠮ᠃ ᠪᠠᠭᠠᠲᠤᠷ ᠢᠯᠠᠯᠲᠠ | ᠠᠪᠠᠭᠠᠢ ᠠᠬᠠᠢ ᠬᠤᠶᠠᠷ ᠳᠠᠷᠤᠤᠬᠠᠨ ᠵᠠᠩ ᠲᠠᠢ᠂ ᠨᠠᠮ ᠶᠠᠷᠢᠶᠠ ᠲᠠᠢ ᠬᠦᠮᠦᠰ᠃ ᠪᠢᠳᠡ ᠲᠡᠨᠳᠡ ᠠᠴᠠ ᠬᠥᠳᠡᠯᠵᠦ᠂ ᠨᠥᠮᠦᠷᠭᠡ ᠶᠢᠨ ᠷᠠᠰᠢᠶᠠᠨ᠂ ᠢᠷᠪᠢᠰ ᠳᠠᠮᠵᠢᠵᠤ | ᠬᠠᠶᠢᠯᠠᠷ ᠵᠦᠭ ᠠᠶᠠᠯᠠᠯᠠ᠃ ᠵᠠᠮ ᠲᠤᠵᠢ ᠪᠣᠷᠤᠭᠠ ᠰᠢᠪᠡᠷᠡᠭᠰᠡᠭᠡᠷ ᠪᠠᠶᠢᠯᠠ᠃ ᠰᠥᠨᠢ ᠶᠢᠨ 2 ᠴᠠᠭ ᠤᠨ ᠪᠠᠷᠤᠭ ᠢᠶᠠᠷ ᠡᠸᠡᠩᠬᠢ ᠬᠤᠰᠢᠭᠤᠨ ᠤ ᠲᠥᠪ ᠪᠠᠶᠠᠨ | ᠲᠣᠬᠤᠢ ᠪᠠᠷ ᠣᠷᠣᠵᠤ᠂ ᠬᠠᠶᠢᠯᠠᠷ ᠤᠨ ᠵᠠᠬᠠ ᠡᠯᠭᠦᠯᠡ᠃ ᠬᠡᠳᠦᠭᠦᠯᠡ ᠬᠠᠶᠢᠯᠠᠷ ᠬᠤᠲᠠ ᠶᠢᠨ ᠰᠢᠨ ᠸᠠᠩ ᠴᠤᠤ ︵新王朝︶ ᠭᠡᠳᠡᠭ ᠨᠢᠭᠡ ᠪᠠᠭᠤᠳᠠᠯ | ᠣᠯᠵᠤ ᠠᠮᠠᠷᠠᠭᠠᠳ ᠥᠷᠯᠦᠭᠡ ᠨᠢ ᠬᠤᠶᠠᠷ ᠰᠤᠷᠤᠭᠴᠢ ᠪᠠᠨ ᠳᠠᠭᠤᠳᠠᠵᠤ ᠬᠠᠮᠲᠤ ᠴᠠᠢ ᠤᠤᠭᠤᠯᠠ᠃ ᠬᠤᠶᠠᠷ ᠬᠡᠦᠬᠡᠳ ᠡᠴᠢᠭᠡ ᠡᠬᠡ ᠲᠠᠢ ᠪᠠᠨ ᠠᠭᠤᠯᠵᠠᠭᠠᠳ | ᠮᠥᠨ ᠯᠡ ᠡᠷᠬᠡᠯᠡᠬᠦ ᠵᠠᠩ ᠢᠶᠠᠨ ᠠᠯᠳᠠᠬᠤ ᠦᠭᠡᠢ᠂ ᠡᠨᠡ ᠶᠢ ᠲᠡᠷᠡ ᠶᠢ ᠭᠡᠵᠦ᠂ ᠡᠴᠢᠬᠡ ᠡᠬᠡ ᠪᠠᠷ ᠢᠶᠠᠨ ᠵᠥᠪᠰᠢᠶᠡᠷᠡᠭᠦᠯᠵᠦ ᠯᠡ ᠪᠠᠶᠢᠯᠠ᠃ ᠪᠠᠭᠠᠲᠤᠷ᠂ ᠢᠯᠠᠯᠲᠠ | ᠬᠤᠶᠠᠷ ᠨᠢᠭᠡᠨ ᠵᠠᠮ ᠬᠠᠮᠲᠤ ᠶᠠᠪᠤᠭᠰᠠᠨ ᠤ ᠪᠠᠨ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠵᠦ᠂ ᠳ᠋᠊ · ᠪᠠᠭᠠᠲᠤᠷ ᠪᠢᠳᠡ ᠬᠤᠶᠠᠷ ᠲᠠᠢ ᠰᠠᠯᠬᠤ ᠶᠣᠰᠤ ᠬᠦᠢᠴᠡᠳᠬᠡᠨ᠂ ᠬᠦᠦ ᠪᠠᠨ | ᠳᠠᠭᠠᠭᠤᠯᠵᠤ ᠪᠣᠴᠠᠬᠤ ᠪᠣᠯᠣᠭᠰᠠᠨ ᠢᠶᠠᠨ ᠶᠠᠷᠢᠯᠠ᠃ ᠳ᠋᠊ · ᠪᠠᠭᠠᠲᠤᠷ ᠪᠢᠳᠡ ᠬᠤᠶᠠᠷ ᠴᠤ ᠬᠦᠯᠦᠨ ᠪᠤᠶᠢᠷ ᠳᠡᠬᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠤᠶᠢᠷᠠᠯᠴᠠᠭᠠᠬᠢ ᠢᠦᠢ ᠶᠢᠩ | ︵钰盈︶ ᠪᠠᠭᠤᠳᠠᠯ ᠳᠤ ᠪᠠᠭᠤᠵᠤ ᠠᠮᠠᠷᠠᠯᠠ᠃ | ᠣᠷᠤᠢ ᠨᠢ ᠬᠦᠯᠦᠨ ᠪᠤᠶᠢᠷ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠦᠹᠧᠰᠰᠤᠷ᠂ ᠰᠠᠷᠲᠠᠭᠤᠯ ᠣᠪᠤᠭᠲᠤ ᠱᠠᠭᠳᠠᠷ ᠤᠨ ᠰᠤᠩᠳᠤᠢ ᠭᠤᠸᠠᠢ ᠢᠷᠡᠵᠦ᠂ ᠵᠠᠮ ᠤᠨ ᠴᠢᠯᠡᠭᠡ | ᠲᠠᠶᠢᠯᠬᠤ ᠬᠡᠮ ᠪᠠᠷᠢᠶᠠ ᠭᠡᠵᠦ ᠵᠠᠯᠠᠯᠠ᠃ ᠰᠤᠩᠳᠤᠢ ᠭᠤᠸᠠᠢ᠂ ᠳ᠋᠊ · ᠪᠠᠭᠠᠲᠤᠷ ᠬᠤᠶᠠᠷ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠲᠡᠦᠬᠡ ᠶᠢᠨ ᠰᠠᠯᠪᠤᠷᠢ ᠠᠴᠠ | ᠲᠡᠭᠦᠰᠦᠭᠰᠡᠨ ᠨᠣᠮ ᠤᠨ ᠠᠬᠠ ᠳᠡᠭᠦᠦ ᠪᠠᠶᠢᠭᠰᠠᠨ ᠰᠠᠠᠵᠠᠢ᠃ ᠰᠤᠩᠳᠤᠢ ᠭᠤᠸᠠᠢ ᠲᠡᠦᠬᠡ ᠰᠤᠳᠤᠯᠭᠠᠨ ᠤ ᠲᠤᠬᠠᠢ ︽ᠮᠣᠩᠴᠤᠳ︾᠂ ︽ᠮᠣᠩᠭᠤᠯ ᠤᠨ ᠡᠷᠲᠡᠨ ᠤ | ᠲᠡᠦᠬᠡᠨ ᠭᠠᠵᠠᠷ ᠤᠨ ᠵᠢᠷᠤᠭ︾᠂ ︽ᠡᠷᠲᠡᠨ ᠤ ᠪᠠᠷᠭᠤ ᠶᠠᠰᠣᠲᠠᠨ︾᠂ ︽ᠪᠠᠷᠭᠤ ᠣᠪᠤᠭ ᠤᠨ ᠰᠤᠳᠤᠯᠤᠯ︾ ᠵᠡᠷᠭᠡ ᠣᠯᠠᠨ ᠨᠣᠮ ᠲᠣᠭᠤᠷᠪᠢᠯ ᠲᠠᠢ ᠴᠤ | ᠦᠭᠡ ᠪᠠᠨ ᠠᠭᠠᠵᠢᠭᠤ ᠲᠠᠶᠢᠪᠤᠭᠤ ᠶᠠᠷᠢᠴᠢᠬᠠᠭᠰᠠᠨ᠂ ᠶᠡᠭᠡ ᠬᠢᠨᠠᠭᠤᠷ ᠯᠠᠪᠳᠠᠭᠤᠨ᠂ ᠡᠶᠡᠯᠳᠡᠭ ᠵᠥᠭᠡᠯᠡᠨ ᠵᠠᠩ ᠲᠠᠢ ᠬᠦᠮᠦᠨ ᠪᠠᠶᠢᠯᠠ᠃ ᠢᠩᠭᠢᠭᠡᠳ ᠠᠭᠤᠯᠠ | ᠤᠰᠤᠨ ᠳᠠᠭᠠᠨ ᠰᠡᠷᠵᠢᠮ ᠢᠶᠠᠨ ᠡᠷᠬᠦᠨ ᠣᠯᠠᠭᠤᠯᠠ ᠪᠠᠨ ᠲᠠᠨᠢᠯᠴᠠᠭᠠᠳ ᠨᠢᠭᠡᠨ ᠬᠡᠮ᠂ ᠪᠠᠶᠠᠷᠯᠠᠭᠠᠳ ᠨᠢᠭᠡᠨ ᠬᠡᠮ᠂ ᠲᠠᠨ ᠤ ᠮᠠᠨ ᠤ ᠦᠭᠡᠢ ᠨᠢᠭᠡᠨ ᠬᠡᠮ︕ | ᠰᠤᠩᠳᠤᠢ ᠭᠤᠸᠠᠢ ᠶᠢᠨ ᠭᠡᠷᠭᠡᠢ ᠵ᠊ · ᠰᠧᠨᠳᠡᠮᠡ ᠬᠠᠮᠨᠢᠭᠠᠨ ᠡᠸᠡᠩᠬᠢ ᠬᠦᠮᠦᠨ᠂ ᠮᠥᠨ ᠬᠦᠯᠦᠨ ᠪᠤᠶᠢᠷ ᠳᠡᠬᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠬᠡᠯᠡ | ᠤᠳᠬᠠ ᠵᠣᠬᠢᠶᠠᠯ ᠤᠨ ᠫᠷᠦᠹᠧᠰᠰᠤᠷ᠂ ︽ᠬᠠᠮᠨᠢᠭᠠᠨ ᠡᠸᠡᠩᠬᠢ ᠰᠤᠳᠤᠯᠤᠯ︾ ᠵᠡᠷᠭᠡ ᠰᠤᠳᠤᠯᠭᠠᠨ ᠤ ᠨᠣᠮ ᠲᠠᠢ᠃ ᠦᠭᠡ ᠶᠢ ᠠᠰ ᠰᠢᠭᠤᠳ ᠶᠠᠷᠢᠴᠢᠬᠠᠭᠰᠠᠨ᠂ | ᠶᠣᠰᠤᠲᠠᠢ ᠣᠷᠣᠰ ᠤᠨ ᠶᠡᠭᠡ ᠰᠢᠯᠦᠭᠴᠢ ᠠ᠊ · ᠰ᠊ · ᠫᠦᠱᠺᠢᠨ ᠤ ︽ᠠᠰᠪᠤᠷᠢ ᠴᠠᠶᠢᠯᠭᠠᠨ ᠬᠠᠮᠨᠢᠭᠠᠨ ᠲᠦᠩᠭᠦᠰ︾ ᠭᠡᠵᠦ ᠪᠢᠴᠢᠭᠰᠡᠨ ᠰᠢᠯᠦᠭ ᠤᠨ ᠪᠠᠳᠠᠭ ᠢ | ᠰᠠᠨᠠᠭᠳᠠᠭᠤᠯᠬᠤ ᠠᠰᠪᠤᠷᠢ ᠰᠢᠯᠤᠭᠤᠨ ᠵᠠᠩ ᠲᠠᠢ ᠰᠢᠷᠠᠮᠤᠨ ᠪᠦᠰᠡᠭᠦᠢ ᠪᠠᠶᠢᠯᠠ᠃ ᠲᠠᠨᠢᠯᠴᠠᠭᠠᠳ ᠨᠢᠭᠡᠨ ᠬᠡᠮ᠂ ᠪᠠᠶᠠᠷᠯᠠᠭᠠᠳ ᠨᠢᠭᠡᠨ ᠬᠡᠮ᠃ | ᠳᠠᠶᠢᠯᠠᠯᠭᠠ ᠳᠤ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠬᠦᠯᠦᠨ ᠪᠤᠶᠢᠷ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠤ ᠬᠤᠷᠢᠶᠠᠨ ᠤ ᠠᠬᠠᠮᠠᠳ ᠨᠠᠶᠢᠷᠠᠭᠤᠯᠤᠭᠴᠢ᠂ ᠵᠤᠬᠢᠶᠠᠯᠴᠢ ᠰ᠊ · ᠪᠠᠭᠠᠨᠠ | ᠭᠤᠸᠠᠢ ᠪᠢᠳᠡ ᠬᠤᠶᠠᠷ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ ᠥᠪᠦᠷ ᠮᠣᠩᠭᠤᠯ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠤ ᠬᠤᠷᠢᠶᠠᠨ ᠠᠴᠠ ᠡᠷᠬᠢᠯᠡᠭᠰᠡᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ︽ᠠᠷᠪᠠᠨ | ᠰᠢᠨᠡ ᠣᠳᠤᠨ︾ ᠢ ᠬᠦᠬᠢᠭᠦᠯᠬᠦ ᠬᠤᠷᠠᠯ ᠢᠶᠠᠷ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠳᠤ ᠠᠭᠤᠯᠵᠠᠵᠤ ᠲᠠᠨᠢᠯᠴᠠᠭᠰᠠᠨ ᠬᠠᠭᠤᠴᠢᠨ ᠲᠠᠨᠢᠯ᠃ ᠪᠠᠭᠠᠨᠠ ᠭᠤᠸᠠᠢ ᠮᠥᠨ | ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠯᠠ᠃ ᠦᠭᠡ ᠪᠠᠨ ᠰᠥᠭᠡᠩᠬᠢᠳᠡᠭᠦᠦ ᠬᠤᠭᠤᠯᠠᠢ ᠪᠠᠷ ᠶᠥᠭᠡᠲᠡᠢ ᠶᠠᠷᠢᠬᠤ ᠳᠠᠭᠠᠨ ᠪᠠᠰᠠ ᠪᠠᠭᠠ ᠭᠢᠩᠭᠢᠨᠡᠵᠦ ᠢᠨᠢᠶᠡᠬᠦ ᠲᠠᠢ ᠪᠠᠶᠢᠳᠠᠭ᠃ ᠲᠡᠭᠦᠨ ᠤ | ᠭᠡᠷᠭᠡᠢ ᠨᠠ᠊ · ᠰᠧᠮᠵᠢᠳ ᠲᠠᠢ ᠠᠭᠤᠯᠵᠠᠭᠠ ᠦᠭᠡᠢ ᠴᠤ ᠰᠢᠯᠦᠭ ᠢ ᠨᠢ ᠣᠯᠠᠨ ᠣᠩᠰᠢᠭᠰᠠᠨ᠂ ᠮᠠᠨ ᠤ ᠣᠷᠤᠨ ᠤ ᠰᠠᠶᠢᠨ ᠰᠢᠯᠦᠭᠴᠢ ᠶᠢᠨ ᠨᠢᠭᠡᠨ᠃ ᠠᠭᠤᠯᠵᠠᠭᠠᠳ | ᠨᠢᠭᠡᠨ ᠬᠡᠮ᠂ ᠪᠠᠶᠠᠷᠯᠠᠭᠠᠳ ᠨᠢᠭᠡᠨ ᠬᠡᠮ᠂ ᠰᠠᠶᠢᠨ ᠰᠢᠯᠦᠭᠴᠢ ᠠᠪᠠᠭᠠᠢ ᠲᠠᠢ ᠳᠤᠨᠢ ᠪᠠᠶᠠᠷᠯᠠᠭᠠᠳ ᠪᠠᠰᠠ ᠨᠢᠭᠡᠨ ᠬᠡᠮ ᠠᠵᠤᠭᠤ᠃ | ᠳᠠᠶᠢᠯᠠᠯᠭᠠ ᠳᠤ ᠰᠤᠩᠳᠤᠢ ᠭᠤᠸᠠᠢ᠂ ᠰᠧᠨᠳᠡᠮᠡ ᠪᠠᠭᠰᠢ ᠬᠤᠶᠠᠷ ᠤᠨ ᠰᠠᠶᠢᠬᠠᠨ ᠨᠠᠶᠢᠵᠠ᠂ ᠬᠦᠯᠦᠨ ᠪᠤᠶᠢᠷ ᠤᠨ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠡᠭᠡᠳᠦ | ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠣᠯᠠᠮᠳᠡᠯᠭᠡᠷ᠂ ᠨᠠᠷᠠᠨᠴᠡᠴᠡᠭ ᠭᠡᠳᠡᠭ ᠪᠠᠷᠭᠤ ᠨᠤᠲᠤᠭ ᠤᠨ ᠬᠤᠶᠠᠷ ᠪᠦᠰᠡᠭᠦᠢ ᠲᠠᠢ ᠲᠠᠨᠢᠯᠴᠠᠯᠠ᠃ ᠶᠡᠷᠦ ᠨᠢ ᠪᠠᠷᠭᠤ ᠪᠦᠰᠡᠭᠦ᠋ᠢᠴᠦᠳ ᠪᠡᠶᠡ | ᠬᠠᠷᠠᠭᠠ ᠰᠠᠶᠢᠨ᠂ ᠵᠢᠰᠦ ᠴᠢᠷᠠᠢ ᠥᠩᠭᠡᠯᠢᠭ ᠭᠤᠪᠠᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠪᠠᠷᠭᠤᠵᠢᠨ ᠭᠤᠸᠠ᠂ ᠠᠯᠤᠨ ᠭᠤᠸᠠ᠂ ᠨᠠᠷᠠᠩᠭᠤᠸᠠ ᠣᠯᠠᠨ ᠪᠠᠶᠢᠳᠠᠭ᠃ ᠲᠡᠷᠡ | ᠮᠥᠷᠲᠡᠭᠡᠨ ᠲᠡᠭᠷᠢ ᠶᠢᠨ ᠬᠥᠪᠡᠭᠦᠳ ᠲᠥᠷᠦᠭᠦᠯᠳᠡᠭ ᠠᠭᠤᠤ ᠠᠭᠤᠳᠠᠮ ᠪᠦᠰᠡᠭᠦ᠋ᠢᠴᠦᠳ ᠪᠢᠯᠡ᠃ ᠤᠯᠠᠮᠳᠡᠯᠭᠡᠷ᠂ ᠨᠠᠷᠠᠨᠴᠡᠴᠡᠭ ᠬᠤᠶᠠᠷ ᠴᠤ ᠶᠠᠷᠢᠶᠠ | ᠬᠥᠭᠡᠷᠦᠭᠡ ᠲᠠᠢ ᠨᠠᠷᠭᠢᠶᠠ ᠰᠠᠶᠢᠬᠠᠨ ᠰᠡᠳᠭᠢᠯ ᠲᠠᠢ᠂ ᠪᠡᠶᠡ ᠨᠠᠮᠪᠠ ᠲᠣᠭᠲᠠᠭᠰᠠᠨ᠂ ᠰᠤᠶᠤᠯ ᠪᠣᠯᠪᠠᠰᠤᠷᠠᠯ ᠥᠨᠳᠦᠷ ᠠᠪᠠᠭᠠᠶᠢᠴᠤᠯ ᠪᠠᠶᠢᠯᠠ᠃ ᠴᠢᠩᠭᠢᠭᠡᠳ | ᠲᠠᠨᠢᠯᠴᠠᠭᠠᠳ ᠨᠢᠭᠡᠨ ᠬᠡᠮ᠂ ᠪᠠᠶᠠᠷᠯᠠᠭᠠᠳ ᠨᠢᠭᠡᠨ ᠬᠡᠮ᠂ ᠤᠯᠠᠮ ᠰᠠᠶᠢᠬᠠᠨ ᠳᠡᠯᠭᠡᠷᠡᠬᠦ ᠶᠢᠨ ᠨᠢᠭᠡᠨ ᠬᠡᠮ᠂ ᠨᠠᠷᠠᠨ ᠤ ᠴᠡᠴᠡᠭ ᠰᠢᠭ ᠭᠠᠩᠬᠤᠯᠵᠠᠬᠤ ᠶᠢᠨ ᠪᠠᠰᠠ | ᠨᠢᠭᠡᠨ ᠬᠡᠮ ᠠᠨᠠ᠃ | ᠬᠠᠶᠢᠯᠠᠷ ᠤᠨ ᠦᠳᠡᠰᠢ ᠲᠡᠭᠷᠢ ᠳᠤ ᠣᠳᠤᠳ ᠭᠢᠯᠠᠯᠵᠠᠵᠤ᠂ ᠴᠣᠩᠬᠤ ᠪᠠᠷ ᠴᠢᠭᠢᠭ ᠤᠨ ᠦᠨᠦᠷ ᠲᠠᠢ ᠰᠠᠯᠬᠢ ᠰᠡᠪᠡᠯᠵᠠᠨ᠂ ᠳᠡᠯᠭᠡᠷ ᠵᠣᠨ ᠤ ᠥᠩᠰᠢᠭ | ᠰᠠᠶᠢᠬᠠᠨ ᠰᠡᠳᠭᠢᠯ ᠳᠤ ᠬᠠᠩᠬᠤᠯᠤᠨᠠ᠃ | ᠪᠢᠳᠡ ᠨᠢᠭᠡᠨ ᠰᠢᠷᠡᠭᠡᠨᠡ ᠨᠤᠲᠤᠭ ᠨᠤᠲᠤᠭ ᠤᠨ ᠵᠣᠭᠤᠭ ᠢᠶᠠᠨ ᠳᠡᠯᠭᠡᠵᠦ ᠠᠮᠠ ᠬᠠᠯᠠᠭᠰᠠᠭᠠᠷ ᠬᠡᠨ ᠨᠢᠭᠡᠨ ᠳᠡᠭᠡᠨ ᠬᠡᠮ ᠡᠷᠭᠦᠵᠦ᠂ ᠰᠡᠳᠭᠢᠯ ᠬᠦᠭᠰᠡᠭᠰᠡᠬᠡᠷ | ᠲᠠᠷᠬᠠᠬᠤ ᠦᠭᠡᠢ ᠨᠠᠶᠢᠷ᠂ ᠪᠣᠴᠠᠬᠤ ᠦᠭᠡᠢ ᠰᠢᠪᠠᠭᠤ ᠰᠢᠭ᠋ ᠰᠠᠭᠤᠭᠰᠠᠨ ᠪᠢᠯᠡ᠃ | 26 ᠤ ᠥᠷᠯᠦᠭᠡ ᠪᠠᠭᠠᠨᠠ᠂ ᠰᠣᠨᠢᠨ ᠤ ᠬᠤᠷᠢᠶᠠᠨ ᠤ ᠡᠯᠪᠡᠷᠢᠯᠲᠦ᠂ ᠰᠤᠩᠳᠤᠢ ᠭᠤᠸᠠᠢ ᠭᠤᠷᠪᠠᠭᠤᠯᠠ ᠳ᠋᠊ · ᠪᠠᠭᠠᠲᠤᠷ ᠪᠢᠳᠡ ᠬᠤᠶᠠᠷ ᠢ ᠡᠸᠡᠩᠬᠢ | ᠬᠤᠰᠢᠭᠤᠨ ᠤ ᠰᠢᠨᠡᠬᠡᠨ ᠪᠠᠷᠠᠭᠤᠨ ᠰᠣᠮᠣ ᠶᠢᠨ ᠨᠤᠲᠤᠭ ᠢᠶᠠᠷ ᠳᠠᠭᠠᠭᠤᠯᠵᠤ ᠲᠣᠭᠤᠷᠢᠯᠠ᠃ ᠰᠢᠨᠡᠬᠡᠨ ᠪᠠᠷᠠᠭᠤᠨ ᠰᠣᠮᠣ ᠶᠢᠨ ︽ᠨᠤᠲᠤᠭ︾ ᠪᠣᠷᠢᠶᠠᠳ ᠬᠡᠦᠬᠡᠳ ᠤᠨ | ᠴᠡᠴᠡᠷᠯᠢᠭ ᠨᠢ ᠪᠠᠷᠭᠤ ᠪᠣᠷᠢᠶᠠᠳ ᠤᠨ ᠭᠡᠷ ᠤᠨ ᠬᠦᠮᠦᠵᠢᠯ ᠤᠨ ᠶᠣᠰᠤ ᠵᠠᠩᠰᠢᠯ ᠢᠶᠠᠷ ᠬᠡᠦᠬᠡᠳ ᠢᠶᠠᠨ ᠬᠦᠮᠦᠵᠢᠭᠦᠯᠬᠦ ᠠᠴᠠ ᠭᠠᠳᠠᠨᠠ᠂ ᠦᠨᠦ ᠶᠢᠨ ᠴᠡᠴᠡᠷᠯᠢᠭ ᠤᠨ | ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠠᠷᠭᠠ ᠪᠠᠷᠢᠯ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠡᠷᠬᠢᠯᠡᠵᠦ ᠪᠠᠶᠢᠬᠤ ᠲᠤᠬᠠᠢ ᠪᠠᠨ ᠴᠡᠴᠡᠷᠯᠢᠭ ᠤᠨ ᠡᠷᠬᠢᠯᠡᠭᠴᠢ ᠵᠢᠷᠭᠠᠯ ᠶᠠᠷᠢᠵᠤ ᠪᠠᠶᠢᠯᠠ᠃ ᠵᠢᠷᠭᠠᠯ | ᠭᠡᠭᠴᠢ ᠭᠠᠴᠠᠭᠠᠨ ᠤ ᠳᠠᠷᠤᠭᠠ ᠶᠢᠨ ᠠᠵᠢᠯ ᠲᠠᠢ᠂ ᠭᠡᠷᠭᠡᠢ ᠴᠡᠴᠡᠭᠮᠡ ᠲᠠᠢ ᠪᠠᠨ ᠡᠨᠡ ᠴᠡᠴᠡᠷᠯᠢᠭ ᠢ ᠡᠷᠬᠢᠯᠡᠵᠦ ᠪᠠᠶᠢᠭᠠ ᠠᠵᠢ᠃ ᠵᠢᠷᠭᠠᠯ ᠤᠨ ᠡᠵᠢ ᠨᠢ ᠪᠣᠯ ᠶᠠᠫᠤᠨ | ᠪᠠᠭᠤᠵᠤ ᠥᠭᠬᠦ ᠦᠶᠡ ᠳᠤ ᠣᠷᠬᠢᠵᠤ ᠶᠠᠪᠤᠭᠰᠠᠨ ᠬᠡᠦᠬᠡᠳ ᠭᠡᠨᠡ᠃ ᠠᠬᠠ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠥᠯᠪᠡᠷᠴᠦ ᠦᠬᠦᠬᠦ ᠶᠢᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠪᠠᠶᠢᠬᠤ ᠳᠤ | ᠪᠣᠷᠢᠶᠠᠳ ᠮᠠᠯᠴᠢᠨ ᠣᠯᠵᠤ ᠠᠪᠤᠭᠠᠳ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠵᠤ ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠭᠦᠯᠦᠭᠰᠡᠨ ᠳᠤ ᠠᠬᠠ ᠨᠢ ᠬᠡᠳᠦ ᠢᠳᠡᠭᠡᠳ ᠭᠡᠳᠡᠰᠦ ᠨᠢ ᠢᠷᠡᠵᠦ | ᠦᠬᠦᠵᠡᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠠᠬᠠ ᠨᠢ ᠳᠣᠯᠤᠭᠠ ᠨᠠᠢᠮᠠᠨ ᠨᠠᠰᠤᠨ ᠤ ᠲᠥᠯᠦᠪ ᠲᠠᠢ᠂ ᠳᠡᠭᠦᠦ ᠦᠬᠢᠨ ᠨᠢ ᠲᠠᠪᠤᠨ ᠨᠠᠰᠤᠨ ᠤ ᠵᠢᠱᠢᠶᠡ ᠲᠠᠢ ᠪᠠᠶᠢᠵᠠᠢ᠃ | ᠲᠡᠭᠡᠭᠡᠳ ᠡᠨᠡ ᠶᠠᠫᠣᠨ ᠬᠡᠦᠬᠡᠨ ᠢ ᠦᠷᠡᠴᠢᠯᠠᠨ ᠪᠦᠮᠦ ᠭᠡᠳᠡᠭ ᠨᠡᠷᠡ ᠥᠭᠴᠦ᠂ ᠰᠤᠷᠭᠠᠭᠤᠯᠢ ᠰᠤᠷᠲᠠᠯ ᠰᠤᠷᠭᠠᠵᠤ᠂ ᠠᠶᠢᠯ ᠭᠡᠷ ᠪᠣᠯᠭᠠᠵᠠᠢ᠃ ᠪᠦᠮᠦ ᠰᠣᠮᠣᠨ ᠤ | ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠪᠣᠯᠵᠤ᠂ ᠰᠡᠭᠦᠯ ᠳᠤᠨᠢ ᠶᠠᠫᠤᠨ ᠠᠴᠠ ᠠᠪᠤ ᠪᠠᠨ ᠰᠤᠷᠠᠭᠯᠠᠵᠤ ᠣᠯᠣᠭᠠᠳ ᠲᠦᠷᠦᠭᠦᠦ ᠬᠡᠳᠦᠨ ᠵᠢᠯ ᠶᠠᠫᠤᠨ ᠳᠠᠭᠠᠨ ᠣᠴᠢᠵᠤ | ᠠᠮᠢᠳᠤᠷᠠᠭᠰᠠᠨ ᠭᠡᠨᠡ᠃ ᠬᠤᠶᠠᠷ ᠬᠡᠦᠬᠡᠳ ᠲᠠᠢ᠂ ᠨᠢᠭᠡ ᠨᠢ ᠡᠨᠡ ᠵᠢᠷᠭᠠᠯ᠂ ᠨᠦᠬᠦᠬᠡ ᠨᠢ ᠬᠥᠬᠡᠬᠤᠲᠠ ᠳᠤ ᠪᠥᠬᠡ ᠶᠢᠨ ᠰᠤᠷᠭᠠᠭᠴᠢ ᠪᠠᠷ ᠪᠠᠭᠰᠢᠯᠠᠵᠤ ᠪᠠᠶᠢᠨᠠ | ᠭᠡᠵᠦ ᠪᠠᠭᠠᠨᠠ ᠭᠤᠸᠠᠢ ᠨᠠᠳᠠ ᠳᠤ ᠶᠠᠷᠢᠭᠰᠠᠨ ᠶᠤᠮ᠃ | ᠲᠡᠨᠳᠡ ᠠᠴᠠ ᠪᠠᠨ ᠪᠢᠳᠡ ᠰᠢᠨᠡᠬᠡᠨ ᠰᠤᠮᠤ ᠶᠢᠨ ᠪᠣᠷᠢᠶᠠᠳ ᠮᠥᠽᠸᠢ ᠶᠢ ᠦᠵᠡᠯᠡ᠃ ᠡᠷᠲᠡᠨ ᠤ ᠪᠣᠷᠢᠶᠠᠳᠴᠤᠳ ᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ᠂ ᠬᠤᠪᠴᠠᠰᠤ ᠵᠠᠰᠠᠯ | ᠂ ᠰᠢᠨᠡᠬᠡᠨ ᠰᠣᠮᠣ ᠶᠢᠨ ᠨᠡᠷᠡᠲᠦ ᠬᠦᠮᠦᠰ ᠤᠨ ᠨᠠᠮᠲᠠᠷ ᠰᠡᠭᠦᠳᠡᠷ ᠢ ᠳᠡᠯᠭᠡᠨ ᠲᠠᠨᠢᠯᠴᠠᠭᠤᠯᠵᠤ ᠪᠠᠶᠢᠯᠠ᠃ ᠳᠠᠭᠤᠴᠢᠨ ᠴᠡᠴᠡᠭᠮᠡ ᠡᠨᠡ ᠨᠤᠲᠤᠭ ᠤᠨ ᠬᠦᠮᠦᠨ | ᠶᠣᠮᠰᠠᠨᠵᠠᠢ᠃ ᠲᠡᠨᠳᠡ ᠠᠴᠠ ᠪᠠᠨ ᠪᠢᠳᠡ ᠪᠠᠭᠠᠨᠠ ᠭᠤᠸᠠᠢ ᠶᠢᠨ ᠵᠠᠯᠠᠯᠭᠠ ᠪᠠᠷ ᠡᠸᠡᠩᠬᠢ ᠶᠢᠨ ᠬᠠᠮᠰᠠᠷᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠭᠠᠵᠠᠷ ᠬᠦᠷᠴᠦ ᠪᠣᠷᠢᠶᠠᠳ ᠬᠤᠭᠤᠯᠠ | ᠵᠠᠭᠤᠰᠢ ᠶᠢᠨ ᠵᠣᠭᠤᠭ ᠪᠠᠷᠢᠯᠠ᠃ | ᠰᠢᠨᠡᠬᠡᠨ ᠰᠣᠮᠣ ᠶᠢᠨ ᠪᠣᠷᠢᠶᠠᠳᠴᠤᠳ ᠴᠥᠭᠡᠨ ᠴᠤ ᠭᠡᠰᠡᠨ ᠬᠦᠮᠦᠨ ᠲᠥᠷᠦᠯᠬᠢᠲᠡᠨ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠬᠦᠨᠳᠦᠯᠡᠬᠦ᠂ ᠠᠮᠢᠲᠠᠨ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠬᠤ | ᠂ ᠰᠣᠶᠣᠯ ᠢᠶᠠᠨ ᠬᠠᠶᠢᠷᠠᠯᠠᠬᠤ᠂ ᠨᠡᠶᠢᠭᠡᠮ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠰᠡᠳᠭᠢᠯ᠂ ᠵᠠᠩ ᠠᠷᠠᠠᠰᠢᠨ ᠨᠢ ᠮᠥᠩᠬᠡᠲᠡ ᠬᠡᠪ ᠢᠶᠠᠷ ᠪᠠᠶᠢᠬᠤ ᠨᠢ ᠨᠢᠳᠦᠨᠡ ᠢᠯᠡᠬᠡᠨ ᠪᠠᠶᠢᠯᠠ᠃ | 27 ᠤ ᠦᠳᠡ ᠶᠢᠨ ᠬᠤᠶᠢᠨᠠ ᠬᠦᠯᠦᠨ ᠪᠤᠶᠢᠷ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠤ ᠬᠤᠷᠢᠶᠠᠨ ᠤ ᠨᠠᠰᠤᠨᠴᠡᠴᠡᠭ ᠤᠨ ᠰᠤᠷᠪᠤᠯᠵᠢᠯᠠᠭᠠ ᠶᠢ ᠬᠦᠯᠢᠶᠡᠯᠡ᠃ | ᠨᠠᠰᠤᠨᠴᠡᠴᠡᠭ ᠭᠡᠭᠴᠢ ᠰᠤᠷᠪᠤᠯᠵᠢᠯᠠᠭᠠ ᠶᠢᠨ ᠮᠡᠷᠭᠡᠵᠢᠯ ᠳᠡᠭᠡᠨ ᠴᠠᠭᠠᠷᠠᠭᠰᠠᠨ᠂ ᠬᠡᠯᠡ ᠶᠠᠷᠢᠶᠠᠨ ᠳᠠᠭᠠᠨ ᠠᠱᠢᠭᠦᠢ ᠰᠠᠶᠢᠨ᠂ ᠣᠢ ᠪᠢᠯᠢᠭ ᠬᠤᠷᠴᠠ ᠲᠣᠳᠣᠷᠬᠠᠢ᠂ | ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠰᠣᠶᠣᠯ ᠰᠡᠳᠭᠢᠴᠡ ᠲᠠᠢ ᠠᠲᠠᠯᠠ ᠪᠠᠨ ᠡᠭᠡᠯ ᠪᠣᠷᠣᠭᠵᠢᠭᠤᠨ ᠵᠠᠩ ᠲᠠᠢ ᠪᠦᠰᠡᠬᠦᠢ ᠪᠠᠶᠢᠯᠠ᠃ ᠳ᠋᠊ · ᠪᠠᠭᠠᠲᠤᠷ᠂ ᠰᠤᠩᠳᠤᠢ ᠭᠤᠸᠠᠢ | ᠬᠤᠶᠠᠭᠤᠯᠠ ᠡᠷᠭᠦᠨᠡ ᠳᠤ ᠶᠠᠪᠤᠭᠰᠠᠨ ᠪᠣᠯᠬᠤᠷ ᠪᠠᠭᠠᠨᠠ ᠭᠤᠸᠠᠢ ᠪᠢᠳᠡ ᠬᠤᠶᠠᠷ ᠲᠡᠷᠡ ᠦᠳᠡ ᠶᠢᠨ ᠬᠤᠶᠢᠨᠠ ᠪᠣᠷᠢᠶᠠᠳ ᠬᠤᠭᠤᠯᠠᠨ ᠭᠡᠷ ᠲᠤ ᠰᠢᠷᠠ ᠲᠠᠶᠢᠯᠵᠤ | ᠰᠠᠭᠤᠯᠠ᠃ | 28 ᠤ ᠥᠷᠯᠦᠭᠡ ᠰᠤᠩᠳᠤᠢ ᠭᠤᠸᠠᠢ ᠰᠧᠨᠳᠡᠮᠡ ᠪᠠᠭᠰᠢ᠂ ᠪᠠᠭᠠᠨᠠ ᠭᠤᠸᠠᠢ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠤ ᠳᠠᠷᠤᠭᠠ ᠰ᠊ | · ᠲᠡᠷᠭᠡᠯ᠂ ᠭᠡᠷᠭᠡᠢ ᠨᠢ ᠬᠠᠰᠤᠨᠲᠤᠶᠠᠭᠠ᠂ ᠰᠤᠶᠤᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠤ ᠮᠣᠩᠭᠤᠯ ᠨᠠᠶᠢᠷᠠᠭᠤᠯᠬᠤ ᠬᠡᠯᠲᠡᠰ ᠤᠨ ᠡᠷᠬᠢᠯᠡᠭᠴᠢ ᠳᠣᠷᠵᠢ᠂ ᠭᠡᠷᠭᠡᠢ ᠨᠢ | ᠤᠶᠤᠩᠭᠤᠸᠠ ᠨᠠᠷ ᠳ᠋᠊ · ᠪᠠᠭᠠᠲᠤᠷ ᠪᠢᠳᠡ ᠬᠤᠶᠠᠷ ᠢ ᠮᠡᠷᠭᠡᠯ ᠤᠨ ᠵᠤᠰᠠᠯᠠᠩ ᠢᠶᠠᠷ ᠲᠣᠭᠤᠷᠢᠭᠤᠯᠬᠤ ᠠᠶᠠᠯᠠᠯ ᠪᠣᠯᠣᠯᠠ᠃ ᠪᠢᠳᠡ ᠬᠠᠭᠤᠴᠢᠨ ᠪᠠᠷᠭᠤ ᠶᠢᠨ | ᠠᠳᠠᠭᠠᠢ ᠶᠢᠨ ᠷᠠᠰᠢᠶᠠᠨ ᠠᠴᠠ ᠬᠦᠷᠲᠡᠵᠦ᠂ ᠣᠪᠤᠭᠠᠨ ᠳᠤᠨᠢ ᠴᠢᠯᠠᠭᠤ ᠨᠡᠮᠡᠭᠡᠳ᠂ ᠵᠡᠭᠦᠨ ᠤᠷᠤᠭᠰᠢ ᠪᠠᠨ ᠪᠠᠭᠤᠵᠤ᠂ ᠮᠡᠷᠭᠡᠯ ᠳᠤ ᠤᠶᠢᠷᠠᠳᠤᠬᠤ ᠳᠤ ᠵᠣᠰᠠᠯᠠᠩ ᠤᠨ | ᠠᠶᠢᠯ ᠤᠳ ᠤᠨ ᠪᠠᠷᠠ ᠴᠠᠶᠢᠯᠵᠠᠨ ᠬᠠᠷᠠᠭᠳᠠᠨᠠ᠃ ᠮᠡᠷᠭᠡᠯ ᠤᠨ ᠬᠥᠨᠳᠡᠢ ᠶᠡᠭᠡ ᠥᠷᠭᠡᠨ ᠳᠡᠭᠡᠷᠡ ᠪᠠᠨ ᠨᠠᠮᠤᠭ ᠲᠠᠢ᠃ ᠪᠢᠳᠡ ᠵᠠᠮ ᠳᠠᠭᠠᠵᠤ ᠶᠠᠪᠤᠵᠤ ᠪᠠᠶᠢᠲᠠᠯᠠ | ᠭᠡᠨᠡᠳᠲᠡ ᠯᠡ ᠰ᠊ · ᠲᠡᠷᠭᠡᠯ ᠤᠨ ᠲᠡᠷᠭᠡ ᠨᠠᠮᠤᠭ ᠲᠤ ᠰᠠᠭᠤᠴᠢᠬᠠᠪᠠ᠃ ᠲᠡᠷᠭᠡ ᠪᠠᠨ ᠭᠠᠷᠭᠠᠬᠤ ᠭᠡᠵᠦ ᠣᠷᠣᠯᠳᠤᠬᠤ ᠳᠤᠳᠤᠮ ᠤᠯᠠᠮ ᠰᠢᠭᠢᠳᠴᠦ᠂ ᠭᠠᠷᠭᠠᠬᠤ | ᠠᠷᠭᠠ ᠦᠭᠡᠢ ᠪᠣᠯᠣᠯᠠ᠃ ᠰᠤᠩᠳᠤᠢ ᠭᠤᠸᠠᠢ ᠨᠥᠭᠦᠭᠡ ᠬᠡᠳᠦ ᠪᠠᠨ ᠠᠪᠤᠭᠠᠳ ᠵᠣᠷᠢᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠬᠦᠷᠭᠡᠵᠦ᠂ ᠲᠷᠠᠺᠲ᠋ᠣᠷ ᠳᠠᠭᠤᠳᠠᠬᠤ ᠪᠠᠷ ᠪᠣᠯᠣᠯᠠ᠃ | ᠰ᠊ · ᠲᠡᠷᠭᠡᠯ ᠪᠢᠳᠡ ᠬᠤᠶᠠᠷ ᠦᠯᠡᠳᠡᠪᠡ᠃ ᠳᠥᠴᠢᠭᠡᠳ ᠮᠢᠨᠦ᠋ᠲ ᠤᠨ ᠳᠠᠷᠠᠭᠠ ᠪᠠᠭᠠᠨᠠ ᠭᠤᠸᠠᠢ ᠨᠢᠭᠡ ᠣᠷᠣᠰᠬᠤᠤ ᠴᠢᠷᠠᠢ ᠲᠠᠢ ᠬᠦᠮᠦᠨ ᠤ ᠲᠷᠠᠺᠲ᠋ᠣᠷ ᠢᠶᠠᠷ | ᠢᠷᠡᠵᠦ ᠲᠡᠷᠭᠡ ᠶᠢ ᠲᠠᠲᠠᠵᠤ ᠭᠠᠷᠭᠠᠯᠠ᠃ ᠮᠡᠷᠭᠡᠯ ᠤᠨ ᠨᠠᠮᠤᠭ ᠲᠤ ᠪᠠᠷᠤᠭ ᠭᠤᠷᠪᠠᠨ ᠴᠠᠭ ᠰᠢᠬᠠᠮ ᠰᠠᠭᠠᠳᠠᠪᠠ᠃ ᠰ᠊ · ᠲᠡᠷᠭᠡᠯ ᠪᠢᠳᠡᠨ ᠢ ᠢᠷᠡᠬᠦ ᠳᠤ ᠰᠤᠩᠳᠤᠢ | ᠭᠤᠸᠠᠢ ᠲᠡᠳᠡᠨᠦᠰ ᠮᠡᠷᠭᠡᠯ ᠤᠨ ᠴᠡᠯ ᠨᠣᠭᠤᠭᠠᠨ ᠵᠦᠯᠭᠡ ᠲᠠᠢ ᠠᠭᠤᠵᠢᠮᠬᠠᠨ ᠲᠣᠬᠤᠢ ᠳᠤ ᠠᠶᠠᠨ ᠤ ᠲᠤᠯᠭᠠ ᠪᠠᠨ ᠲᠤᠯᠵᠤ᠂ ᠴᠠᠢ ᠪᠠᠨ ᠴᠢᠨᠠᠵᠤ ᠪᠠᠶᠢᠯᠠ᠃ | ᠰᠧᠨᠳᠡᠮᠡ ᠪᠠᠭᠰᠢ᠂ ᠴᠠᠢ ᠢᠳᠡᠭᠡᠨ ᠤ ᠳᠡᠭᠡᠵᠢ ᠪᠠᠨ ᠭᠤᠷᠪᠠᠨ ᠰᠣᠪᠤᠭᠤᠷ ᠠᠭᠤᠯᠠ ᠶᠢᠨ ᠲᠡᠭᠷᠢ᠂ ᠭᠠᠵᠠᠷ ᠤᠰᠤᠨ ᠳᠠᠭᠠᠨ ᠡᠷᠭᠦᠵᠦ᠂ ᠪᠢᠳᠡ ᠬᠡᠭᠡᠷᠡ ᠶᠢᠨ | ᠴᠠᠢ ᠠᠮᠰᠠᠯᠠ᠃ | ᠣᠶᠣᠩᠭᠤᠸᠠ᠂ ᠬᠠᠰᠤᠨᠲᠤᠶᠠᠭᠠ᠂ ᠳᠣᠷᠵᠢ ᠠᠬᠠ ᠱᠣᠷᠤᠯᠠᠭ ᠰᠢᠷᠠᠨᠠ᠃ ᠰᠧᠨᠳᠡᠮᠡ ᠪᠠᠭᠰᠢ᠂ ᠰ᠊ · ᠲᠡᠷᠭᠡᠯ ᠬᠤᠶᠠᠷ ᠢᠳᠡᠭᠡ ᠵᠠᠭᠤᠰᠢ ᠪᠠᠨ ᠲᠠᠪᠠᠭᠯᠠᠨᠠ᠃ | ᠮᠡᠷᠭᠡᠯ ᠤᠨ ᠬᠦᠨᠳᠡᠢ ᠬᠥᠬᠡ ᠤᠨᠢᠶᠠᠷ ᠲᠤ ᠬᠥᠯᠪᠡᠷᠢᠵᠦ᠂ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠡᠭᠦᠯᠡᠨ ᠤ ᠲᠣᠯᠣᠭᠠᠢ᠂ ᠠᠭᠤᠯᠠᠰ ᠤᠨ ᠣᠷᠣᠢ ᠬᠤᠶᠠᠷ ᠢᠯᠭᠠᠭᠳᠠᠮᠠ ᠦᠭᠡᠢ | ᠰᠥᠮᠡᠯᠵᠡᠩᠬᠡᠨ ᠬᠠᠷᠠᠭᠳᠠᠨᠠ᠃ ᠮᠡᠷᠭᠡᠯ ᠲᠤᠪ ᠲᠤᠩᠭᠠᠯᠠᠭ ᠨᠠᠮ ᠨᠠᠮᠤᠭᠤᠬᠠᠨ ᠤᠷᠤᠰᠤᠨᠠ᠃ ᠰᠡᠷᠢᠭᠦᠨ ᠰᠠᠯᠬᠢ ᠰᠡᠪᠡᠯᠵᠡᠵᠦ᠂ ᠤᠰᠤᠨ ᠤ ᠦᠨᠦᠷ ᠬᠠᠩᠬᠤᠯᠵᠤ᠂ | ᠮᠡᠷᠭᠡᠯ ᠤᠨ ᠳᠡᠨᠵᠢᠨᠡ ᠵᠣᠰᠠᠯᠠᠩ ᠤᠨ ᠠᠶᠢᠯ ᠡᠷᠲᠡ ᠪᠤᠯᠵᠤ ᠥᠩᠭᠡᠷᠡᠭᠰᠡᠨ ᠬᠡᠯᠡᠵᠦ ᠳᠡᠶᠢᠯᠦᠰᠢ ᠦᠭᠡᠢ ᠨᠢᠭᠡᠨ ᠵᠦᠢᠯ ᠤᠨ ᠵᠢᠷᠭᠠᠯᠠᠩ ᠮᠡᠲᠦ ᠬᠠᠷᠠᠭᠳᠠᠨᠠ᠃ ︽ | ᠮᠠᠨ ᠤ ᠡᠪᠦᠯᠵᠢᠶᠡ ᠡᠨᠡᠦᠬᠡᠨ ᠳᠣᠣᠷᠠ ᠪᠠᠶᠢᠭᠰᠠᠨ︾ ᠭᠡᠵᠦ ᠰᠧᠨᠳᠡᠮᠡ ᠪᠠᠭᠰᠢ ᠶᠠᠷᠢᠨᠠ᠃ ᠬᠠᠭᠤᠴᠢᠨ ᠪᠠᠷᠭᠤ ᠶᠢᠨ ᠡᠨᠡ ᠡᠸᠡᠩᠬᠢ ᠰᠣᠮᠣ ᠶᠢᠨ ᠨᠤᠲᠤᠭ ᠰᠧᠨᠳᠡᠮᠡ | ᠪᠠᠭᠰᠢ ᠶᠢᠨ ᠲᠥᠷᠦᠭᠰᠡᠨ ᠨᠤᠲᠤᠭ ᠶᠣᠮᠰᠠᠨᠵᠠᠢ᠃ | ᠰ᠊ · ᠲᠡᠷᠭᠡᠯ ᠭᠡᠭᠴᠢ ᠬᠦᠳᠡᠷ ᠪᠦᠳᠦᠭᠦᠨ ᠪᠡᠶᠡ ᠲᠠᠢ ᠲᠠᠷᠭᠤᠨ ᠰᠢᠷᠠ ᠡᠷᠡ᠂ ᠬᠥᠭᠡᠷᠴᠦ ᠨᠠᠷᠭᠢᠬᠤ ᠳᠤᠷᠠ ᠲᠠᠢ ᠠᠲᠠᠯᠠ ᠪᠠᠨ ᠠᠬᠠᠮᠠᠳ ᠳᠡᠭᠡᠷᠡ ᠦᠶᠡ ᠪᠠᠨ | ᠬᠦᠨᠳᠦᠯᠡᠳᠡᠭ ᠬᠤᠷᠴᠢᠨ ᠬᠦᠮᠦᠰ ᠤᠨ ᠶᠣᠰᠤ ᠵᠠᠩᠰᠢᠯ ᠢᠶᠠᠨ ᠪᠠᠷᠢᠵᠤ ᠰᠤᠷᠤᠭᠰᠠᠨ ᠬᠦᠮᠦᠨ ᠪᠠᠶᠢᠯᠠ᠃ ︽ᠣᠳᠤ ᠰᠢᠯᠦᠭ ᠤᠨ ᠨᠣᠮ ᠠᠷᠪᠢᠳᠴᠤ ᠪᠠᠶᠢᠨᠠ᠂ | ᠰᠢᠯᠦᠭ ᠤᠨ ᠨᠣᠮ ᠣᠩᠰᠢᠳᠠᠭ ᠬᠦᠮᠦᠨ ᠴᠥᠭᠡᠷᠡᠵᠦ᠂ ᠰᠢᠯᠦᠭ ᠤᠨ ᠨᠣᠮ ᠤᠨ ᠲᠠᠷᠬᠠᠭᠠᠯᠲᠠ ᠴᠤ ᠲᠤᠩ ᠪᠠᠭᠠ᠂ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠳᠤ ᠳᠠᠷᠤᠭᠠᠰᠤ | ᠲᠤᠯᠭᠠᠷᠠᠵᠤ ᠪᠠᠶᠢᠨᠠ ᠰᠢᠦ︾ ᠭᠡᠵᠦ ᠬᠡᠪᠯᠡᠯ ᠤᠨ ᠠᠵᠢᠯ ᠬᠢᠳᠡᠭ ᠬᠦᠮᠦᠨ ᠤ ᠬᠤᠪᠢ ᠠᠴᠠ ᠨᠣᠮ ᠬᠡᠪᠯᠡᠯ᠂ ᠤᠩᠰᠢᠭᠴᠢ᠂ ᠰᠤᠶᠤᠯ᠂ ᠵᠠᠬᠠ ᠳᠡᠯᠭᠡᠭᠦᠷ ᠤᠨ | ᠬᠠᠷᠢᠴᠠᠭᠠᠨ ᠤ ᠲᠠᠯᠠ ᠪᠠᠷ ᠪᠠᠶᠢᠴᠠᠭᠠᠵᠤ ᠰᠤᠳᠤᠯᠤᠭᠰᠠᠨ ᠦᠵᠡᠯᠲᠡ ᠪᠠᠨ ᠳᠡᠯᠭᠡᠵᠦ᠂ ᠥᠪᠡᠷ ᠢᠶᠠᠨ ᠴᠤ ᠣᠳᠤ ᠶᠠᠮᠠᠷ ᠵᠣᠬᠢᠶᠠᠯ ᠪᠢᠴᠢᠬᠦ ᠲᠤᠬᠠᠢ ᠰᠠᠨᠠᠭᠠ ᠵᠣᠪᠠᠵᠤ | ᠪᠠᠶᠢᠬᠤ ᠪᠠᠨ ᠶᠠᠷᠢᠵᠤ ᠰᠠᠭᠤᠨᠠ᠃ | ᠳᠣᠷᠵᠢ ᠠᠬᠠ ᠪᠣᠯ ᠥᠪᠦᠷ ᠮᠣᠩᠭᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠨᠠᠳᠠ ᠠᠴᠠ ᠨᠢᠭᠡ ᠳᠡᠭᠡᠷᠡ ᠠᠩᠭᠢ ᠳᠤ ᠪᠠᠶᠢᠭᠰᠠᠨ ᠮᠢᠨᠤ ᠨᠣᠮ ᠤᠨ ᠠᠬᠠ᠂ ᠠᠷᠤ | ᠬᠤᠷᠴᠢᠨ ᠨᠤᠲᠤᠭ ᠲᠠᠢ ᠬᠦᠮᠦᠨ᠃ ᠦᠭᠡ ᠳᠠᠭᠤ ᠴᠥᠭᠡᠨ ᠲᠠᠢ ᠴᠤ ᠬᠤᠱᠣᠩ ᠱᠤᠭ ᠦᠭᠡ ᠬᠡᠯᠡᠵᠦ ᠢᠨᠢᠶᠡᠬᠦ ᠳᠤᠷᠠᠲᠠᠢ ᠶᠢᠨ ᠨᠢᠭᠡᠨ ᠠᠵᠢ᠃ | ᠠᠯᠳᠠ ᠬᠢᠷᠢᠲᠠᠢ ᠨᠠᠷᠠ ᠲᠠᠢ ᠪᠠᠶᠢᠬᠤ ᠳᠤ ᠪᠢᠳᠡ ᠲᠡᠨᠳᠡ ᠠᠴᠠ ᠬᠥᠳᠡᠯᠵᠦ᠂ ᠵᠣᠰᠠᠯᠠᠩ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠨᠢᠭᠡᠨ ᠠᠶᠢᠯ ᠳᠤ ᠬᠦᠷᠴᠦ᠂ ᠣᠷᠤᠢ ᠶᠢᠨ | ᠵᠣᠭᠤᠭ ᠪᠠᠷᠢᠬᠤ ᠪᠠᠷ ᠪᠣᠯᠣᠯᠠ᠃ ᠣᠴᠢᠭᠰᠠᠨ ᠴᠢᠨᠢ ᠬᠠᠷᠢᠨ ᠲᠦᠷᠦᠭᠦᠬᠡᠨ ᠮᠠᠨ ᠤ ᠲᠡᠷᠭᠡ ᠶᠢ ᠨᠠᠮᠤᠭ ᠠᠴᠠ ᠲᠠᠳᠠᠵᠤ ᠭᠠᠷᠭᠠᠭᠰᠠᠨ ᠥᠨᠦ ᠰᠢᠷᠠ ᠨᠢᠳᠦ ᠲᠠᠢ ᠰᠢᠷᠠ | ᠰᠠᠬᠠᠯ ᠲᠠᠢ ᠡᠷᠡ ᠶᠢᠨ ᠬᠢ ᠪᠠᠶᠢᠯᠠ᠃ ᠪᠠᠲᠤᠵᠢᠷᠭᠠᠯ ᠭᠡᠳᠡᠭ ᠬᠠᠮᠨᠢᠭᠠᠨ ᠡᠸᠡᠩᠬᠢ ᠬᠦᠮᠦᠨ᠂ ᠪᠠᠭᠠᠨᠠ ᠭᠤᠸᠠᠢ ᠶᠢᠨ ᠬᠠᠮᠲᠤ ᠰᠤᠷᠤᠯᠭᠠᠲᠠᠨ ᠭᠡᠨᠡ᠃ ᠰᠧᠨᠳᠡᠮᠡ | ᠪᠠᠭᠰᠢ ᠶᠢ ᠳᠠᠭᠠᠵᠤ ᠪᠢᠳᠡ ᠬᠡᠳᠦ ᠴᠤ ᠪᠠᠳᠣᠵᠢᠷᠭᠠᠯ ᠭᠤᠸᠠᠢ ᠶᠢᠨ ᠳᠤ ᠳᠥᠷᠬᠦᠮ ᠳᠡᠭᠡᠨ ᠢᠷᠡᠭᠰᠡᠨ ᠬᠡᠦᠬᠡᠨ ᠰᠢᠭ ᠡᠵᠡᠨ ᠮᠡᠳᠡᠵᠦ ᠡᠷᠬᠡᠯᠡᠩᠬᠡᠨ᠂ ᠯᠠᠪᠳᠠᠭᠤᠨ | ᠰᠠᠭᠤᠯᠠ᠃ ᠪᠠᠲᠣᠵᠢᠷᠭᠠᠯ ᠴᠤ ᠬᠠᠯᠠᠭᠤᠨ ᠰᠠᠶᠢᠬᠠᠨ ᠰᠡᠳᠭᠢᠯ ᠲᠠᠢ᠂ ᠶᠠᠷᠢᠶᠠ ᠬᠥᠭᠡᠷᠦᠭᠡ ᠲᠠᠢ᠂ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠬᠥᠳᠡᠭᠡ ᠶᠢᠨ ᠮᠠᠯᠴᠢᠨ ᠬᠦᠮᠦᠨ᠂ | ᠪᠢᠳᠡᠨ ᠢ ᠪᠠᠭᠠ ᠪᠠᠭᠠ ᠪᠠᠷ ᠱᠠᠯᠠᠵᠤ ᠪᠠᠶᠢᠭᠰᠠᠭᠠᠷ ᠰᠦᠨᠢ ᠣᠷᠣᠢ ᠪᠣᠯᠣᠯᠠ᠃ ᠪᠠᠲᠤᠵᠢᠷᠭᠠᠯ ᠤᠨ ᠬᠢᠨ ᠲᠠᠢ ᠰᠠᠯᠬᠤ ᠶᠣᠰᠤ ᠪᠠᠨ ᠬᠦᠢᠴᠡᠳᠭᠡᠵᠦ᠂ ᠰᠥᠨᠢ | ᠬᠠᠶᠢᠯᠠᠷ ᠲᠤ ᠢᠷᠡᠬᠦ ᠳᠤ ᠨᠢᠭᠡᠨᠲᠡ ᠰᠥᠨᠢ ᠶᠢᠨ 12 ᠴᠠᠭ ᠪᠣᠯᠵᠠᠢ᠃ | 29 ᠤ ᠥᠷᠯᠦᠭᠡ ᠰ᠊ · ᠲᠡᠷᠭᠡᠯ ᠳᠡᠭᠦᠦ ᠪᠢᠳᠡᠨ ᠢ ᠲᠣᠰᠴᠤ ᠴᠠᠢ ᠤᠤᠭᠤᠯᠭᠠᠵᠤ᠂ ᠡᠸᠡᠩᠬᠢ ᠶᠢᠨ ᠨᠠᠶᠢᠷ ᠲᠤ ᠵᠠᠯᠠᠯᠠ᠃ ᠠᠯᠠᠱᠠ ᠠᠴᠠ ᠯ᠊ · ᠡᠩᠬᠡᠬᠠᠳᠠ | ᠤᠲᠠᠰᠤ ᠢᠷᠡᠭᠦᠯᠵᠦ᠂ 7 ᠰᠠᠷᠠ ᠶᠢᠨ 1 ᠳᠤ ᠵᠡᠭᠦᠨ ᠦᠵᠦᠮᠦᠴᠢᠨ ᠳᠤ᠂ ︽ᠲᠡᠭᠷᠢ ᠶᠢᠨ ᠪᠣᠲᠤᠭᠤ︾ ᠶᠢᠨ ᠠᠩᠬᠠᠨ ᠤ ᠰᠢᠯᠭᠠᠷᠠᠭᠤᠯᠤᠯᠲᠠ ᠳᠤ ᠢᠷᠠᠵᠤ | ᠣᠷᠣᠯᠴᠠᠬᠤ ᠶᠢ ᠨᠠᠶᠢᠳᠠᠭᠰᠠᠨ ᠪᠣᠯᠬᠤᠷ ᠳ᠋᠊ · ᠪᠠᠭᠠᠲᠤᠷ᠂ ᠵᠠᠯᠮᠠ ᠪᠢᠳᠡ ᠭᠤᠷᠪᠠ ᠡᠸᠡᠩᠬᠢ ᠶᠢᠨ ᠨᠠᠶᠢᠷ ᠲᠤ ᠣᠴᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠠᠶᠠᠨ ᠤ ᠠᠯᠲᠠᠨ | ᠪᠤᠭᠤᠯᠭᠠ ᠡᠷᠭᠢᠭᠦᠯᠵᠦ᠂ ᠬᠠᠶᠢᠯᠠᠷ ᠠᠴᠠ ᠮᠤᠷᠳᠠᠨ᠂ ᠣᠷᠤᠢ 9 ᠴᠠᠭ ᠥᠩᠭᠡᠷᠡᠭᠡᠳ ᠵᠠᠷᠤᠳ ᠤᠨ ᠯᠦᠪᠸᠢ ᠳᠤ ᠬᠦᠷᠴᠦ ᠬᠤᠨᠣᠭᠠᠳ᠂ ᠮᠠᠷᠭᠠᠰᠢ ᠨᠢ ᠵᠡᠭᠦᠨ | ᠦᠵᠦᠮᠦᠴᠢᠨ ᠳᠤ ᠬᠦᠷᠦᠭᠰᠡᠨ ᠪᠢᠯᠡ᠃ | | |