| ᠳᠠᠪᠤ᠂ ᠡᠷᠲᠡᠨ ᠤ ᠤᠯᠠ ᠮᠥᠷ | ᠮᠢᠨᠤ ᠦᠶᠡᠯᠢᠳ ᠠᠬᠠ ᠬᠠᠷᠠᠭᠦ᠋ᠯᠦᠭᠡ ᠳᠡᠭᠡᠷᠡ ᠵᠠᠭᠤᠨ ᠤ ᠲᠠᠯᠠᠭᠠᠳ ᠣᠨ ᠳᠤ ᠴᠡᠷᠢᠭ ᠲᠤ ᠣᠷᠣᠵᠤ ᠬᠦᠯᠦᠨ ᠪᠤᠶᠢᠷ ᠤᠨ ᠬᠢᠯᠢ ᠶᠢᠨ ᠬᠠᠷᠠᠭᠤᠯ ᠤᠨ | ᠴᠡᠷᠢᠭ ᠢᠶᠠᠷ ᠪᠠᠶᠢᠵᠤ ᠪᠠᠶᠢᠭᠠᠳ ᠲᠡᠨᠳᠡ ᠪᠠᠨ ᠡᠪᠦᠳᠦᠭ ᠤᠨ ᠴᠠᠭᠳᠠᠭᠠ ᠶᠢᠨ ᠰᠠᠯᠪᠤᠷᠢ ᠠᠩᠭᠢ ᠳᠤ ᠠᠵᠢᠯ ᠬᠤᠪᠢᠶᠠᠭᠳᠠᠵᠤ᠂ ᠰᠡᠭᠦᠯ ᠳᠤᠨᠢ ᠠᠵᠢᠯ ᠢᠶᠠᠨ ᠬᠠᠶᠠᠭᠠᠳ | ᠲᠡᠷᠡ ᠨᠤᠳᠤᠭ ᠤᠨ ᠮᠠᠯᠴᠢᠨ ᠪᠤᠯᠵᠠᠢ᠃ | ᠮᠠᠨ ᠤ ᠳᠡᠭᠡᠳᠦᠰ ᠴᠤ ᠮᠥᠨ ᠬᠦᠯᠦᠨ ᠪᠤᠶᠢᠷ ᠨᠤᠲᠤᠭ ᠲᠤ ᠣᠷᠣᠰᠢᠵᠤ ᠣᠷᠣᠩᠨᠠᠵᠤ ᠥᠩᠭᠡᠷᠡᠭᠰᠡᠨ ᠴᠠᠬᠠᠷ ᠲᠥᠮᠡᠨ ᠤ ᠠᠯᠠᠭᠴᠤᠳ ᠣᠲᠤᠭ ᠤᠨ ᠳᠣᠯᠣᠳ | ᠣᠪᠤᠭ ᠤᠨ ᠬᠢᠨ ᠤ ᠨᠢᠭᠡᠨ ᠬᠡᠰᠡᠭ᠃ ᠯᠢᠭᠳᠡᠨ ᠬᠤᠲᠤᠭᠳᠤ ᠶᠢ ᠳᠠᠭᠠᠵᠤ ᠵᠥᠷᠴᠢᠨ ᠢ ᠪᠠᠶᠢᠯᠳᠤᠨ ᠳᠠᠭᠠᠭᠤᠯᠬᠤ ᠳᠠᠶᠢᠨ ᠳᠤ ᠢᠯᠠᠭᠳᠠᠵᠤ ᠬᠦᠯᠦᠨ ᠪᠤᠶᠢᠷ | ᠨᠤᠲᠤᠭ ᠲᠤ ᠲᠤᠲᠠᠭᠠᠵᠤ ᠣᠴᠢᠭᠠᠳ ᠪᠠᠷᠤᠭ 150 ᠰᠢᠬᠠᠮ ᠵᠢᠯ ᠪᠣᠯᠵᠤ᠂ ᠣᠳᠤ ᠠᠴᠠ ᠮᠥᠨ 200 ᠭᠠᠷᠤᠢ ᠵᠢᠯ ᠤᠨ ᠡᠮᠦᠨᠡ ᠵᠡᠭᠦᠨ ᠦᠵᠦᠮᠦᠴᠢᠨ ᠤ | ᠳᠣᠯᠣᠳ ᠤᠨ ᠭᠤᠪᠢ᠂ ᠳᠠᠭᠤᠲᠤ ᠳᠠᠮᠵᠢᠵᠤ᠂ ᠡᠳᠦᠭᠡ ᠶᠢᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠨᠤᠲᠤᠭ᠂ ᠯᠢᠭᠳᠡᠨ ᠬᠠᠭᠠᠨ ᠤ ︽ᠸᠴᠢᠷᠲᠦ ᠴᠠᠭᠠᠨ ᠬᠤᠲᠠ︾ ᠶᠢᠨ | ᠣᠶᠢᠷᠠᠯᠴᠠᠭᠠ ᠨᠤᠲᠤᠭ ᠲᠠᠭᠠᠨ ᠨᠡᠭᠦᠵᠦ ᠣᠴᠢᠭᠰᠠᠨ ᠲᠡᠦᠬᠡ ᠲᠠᠢ᠃ | 2016 ᠣᠨ ᠤ ᠵᠣᠨ ᠮᠠᠨ ᠤ ᠳᠡᠭᠦᠦ ᠨᠠᠰᠤᠨᠵᠢᠷᠭᠠᠯ᠂ ᠦᠶᠡᠯᠢᠳ ᠳᠡᠭᠦᠦ ᠬᠡᠦᠬᠡᠨ ᠤᠶᠤᠠᠬᠡᠷᠡᠯ ᠪᠢᠳᠡ ᠭᠤᠷᠪᠠᠨ ᠭᠡᠷ ᠢᠶᠠᠷ ᠢᠶᠠᠨ ᠪᠡᠷᠭᠡᠨ ᠤ ᠵᠢᠯ ᠢ | ᠣᠷᠤᠭᠤᠯᠬᠤ ᠪᠠᠷ ᠦᠶᠡᠯᠢᠳ ᠠᠬᠠ ᠶᠢᠨ ᠳᠤ ᠣᠴᠢᠭᠰᠠᠨ ᠪᠢᠯᠡ᠃ ᠮᠠᠷᠭᠠᠰᠢ ᠨᠢ ᠮᠠᠨ ᠤ ᠭᠡᠷ ᠤᠨ ᠬᠦᠮᠦᠨ ᠪᠠᠳᠮᠠ᠂ ᠪᠠᠳᠮᠠ ᠶᠢᠨ ᠳᠡᠭᠦᠦ ᠦᠬᠢᠨ ᠴᠣᠭᠵᠢᠯᠮᠠ | ᠪᠢᠳᠡ ᠭᠤᠷᠪᠠ ᠠᠮᠣᠭᠤᠯᠠᠩ ᠪᠠᠯᠭᠠᠰᠤᠨ ᠳᠤ ᠬᠦᠷᠴᠦ᠂ ᠰᠤ᠊ ᠪᠠᠭᠰᠢ ᠪᠠᠨ ᠡᠷᠭᠢᠵᠦ ᠦᠵᠡᠯᠡ᠃ ᠰᠤ᠊ ᠪᠠᠭᠰᠢ ᠶᠢᠨ ᠨᠥᠬᠦᠷ ᠠᠯᠳᠠᠷᠲᠤ ᠮᠣᠷᠢᠨ ᠬᠤᠭᠤᠷᠴᠢ | ᠠᠭᠸᠠᠩᠰᠢᠷᠠᠪ ᠭᠤᠸᠠᠢ ᠶᠢᠨ ᠡᠭᠡᠴᠢ ᠰᠧᠪᠡᠯᠮᠡ ᠭᠡᠭᠴᠢ ᠶᠢ ᠪᠠᠳᠮᠠ ᠶᠢᠨ ᠡᠪᠦᠭᠡ ᠠᠪᠤ ᠨᠢ ᠡᠷᠭᠦᠵᠦ ᠦᠷᠡᠴᠢᠯᠡᠭᠰᠡᠨ ᠤᠴᠢᠷ ᠠᠴᠠ ᠮᠠᠨ ᠤ ᠬᠠᠳᠠᠮ ᠤᠨ ᠬᠢᠨ | ᠠᠭᠸᠠᠩᠰᠢᠷᠠᠪ ᠭᠤᠸᠠᠢ ᠬᠢᠨ ᠲᠠᠢ ᠨᠢᠭᠡ ᠭᠡᠷ ᠤᠨ ᠬᠦᠮᠦᠨ ᠪᠣᠯᠬᠤ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠦᠷ ᠵᠠᠩᠵᠢᠶᠠ ᠭᠡᠭᠡᠨ ᠤ ᠱᠠᠪᠢᠨᠠᠷ ᠠᠶᠢᠯ | ᠪᠠᠶᠢᠵᠠᠢ᠃ ᠰᠤ᠊ ᠪᠠᠭᠰᠢ ᠬᠤᠶᠠᠷ ᠬᠡᠦᠬᠡᠨ ᠢᠶᠠᠨ ᠦᠵᠡᠭᠡᠳ ᠪᠠᠶᠠᠷᠯᠠᠬᠤ ᠶᠢᠨ ᠶᠡᠭᠡ ᠪᠠᠷ ᠪᠠᠶᠠᠷᠯᠠᠵᠤ᠂ ᠰᠠᠳᠤᠨ ᠰᠥᠯᠪᠡᠭᠡ ᠪᠠᠨ ᠳᠤᠷᠠᠰᠴᠤ᠂ ᠬᠡᠦᠬᠡᠳ ᠠᠴᠢ | ᠨᠠᠷ ᠢ ᠨᠢ ᠰᠤᠷᠠᠭᠯᠠᠨ᠂ ︽ᠬᠦᠮᠦᠨ ᠤ ᠰᠠᠳᠤᠨ ᠭᠡᠳᠡᠭ ᠬᠠᠮᠢᠭᠠ ᠪᠠᠶᠢᠬᠤ ᠦᠭᠡᠢ ᠳ᠋ᠠ᠂ ᠲᠠᠨᠠᠷ ᠬᠦᠷᠦᠭᠡᠳ ᠢᠷᠡᠭᠰᠡᠨ ᠴᠢᠨᠢ ᠰᠠᠶᠢᠬᠠᠨ ᠪᠠᠶᠢᠨᠠ ᠡ᠃ ᠪᠢ ᠴᠤ | ᠶᠠᠭᠠᠬᠢᠬᠤ ᠪᠣᠢ᠂ ᠥᠨᠦᠴᠢᠨ ᠥᠷᠦᠭᠡᠰᠦᠨ ᠪᠣᠯᠣᠭᠰᠠᠨ ᠵᠢᠭᠡ ᠬᠦᠦ ᠲᠠᠢ ᠪᠠᠨ ᠲᠡᠭᠡᠭᠡᠳ ᠨᠢᠭᠡ ᠬᠥᠭᠰᠢᠨ ᠶᠠᠭᠤᠮᠠ᠂ ᠨᠢᠭᠡ ᠨᠢᠯᠬᠠ ᠠᠮᠢᠲᠠᠨ ᠬᠤᠶᠠᠷ ᠠᠮᠢᠳᠤᠷᠠᠵᠤ | ᠪᠠᠶᠢᠨᠠ︾ ᠭᠡᠵᠦ ᠤᠶᠠᠷᠠᠯ ᠲᠦᠷᠦᠨ ᠶᠠᠷᠢᠨᠠ᠃ ᠰᠤ᠊ ᠪᠠᠭᠰᠢ ᠶᠢᠨ ᠢᠶᠠᠨ ᠪᠡᠯᠡᠳᠦᠭᠰᠡᠨ ᠬᠤᠭᠤᠯᠠ ᠴᠠᠢ ᠠᠴᠠ ᠵᠣᠭᠤᠭᠯᠠᠭᠠᠳ᠂ ᠮᠢᠨᠤ ᠰᠤᠷᠤᠭᠴᠢ ᠸᠴᠢᠷᠪᠠᠨᠢ ᠶᠢᠨ | ᠰᠠᠨᠠᠭᠤᠯᠭᠠ ᠪᠠᠷ ᠬᠦᠯᠦᠨ ᠨᠠᠭᠤᠷ ᠳᠠᠮᠵᠢᠵᠤ᠂ ᠮᠠᠨᠵᠤᠤᠷ ᠬᠤᠲᠠ ᠳᠤ ᠬᠦᠷᠬᠦ ᠪᠠᠷ ᠮᠣᠷᠳᠠᠯᠠ᠃ ᠮᠠᠨᠵᠤᠤᠷ ᠲᠤ ᠸᠴᠢᠷᠪᠠᠨᠢ ᠲᠠᠢ ᠬᠠᠮᠲᠤ ᠰᠢᠯᠢ ᠶᠢᠨ ᠭᠤᠣᠯ ᠤᠨ | ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠲᠦᠯᠦᠭᠴᠢ ᠨᠡᠪᠲᠡᠷᠡᠭᠦᠯᠦᠭᠴᠢ ᠶᠢᠨ 2005 ᠤᠨ ᠤ ᠠᠩᠭᠢ ᠳᠤ ᠰᠤᠷᠤᠯᠴᠠᠵᠤ ᠲᠡᠭᠦᠰᠦᠭᠰᠡᠨ ᠠᠮᠤᠷᠵᠢᠷᠭᠠᠯ᠂ | ᠠᠵᠢᠯᠮᠠ ᠬᠤᠶᠠᠷ ᠬᠦᠯᠢᠶᠡᠵᠦ ᠪᠠᠶᠢᠯᠠ᠃ ᠬᠦᠯᠦᠨ ᠪᠤᠶᠢᠷ ᠲᠤ ᠮᠢᠨᠤ ᠰᠤᠷᠤᠭᠴᠢ ᠠᠷᠪᠢᠨ ᠪᠠᠶᠢᠨᠠ᠃ ᠬᠦᠯᠦᠨ ᠪᠤᠶᠢᠷ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ | ᠮᠠᠰᠢᠨᠴᠢᠯᠠᠯᠲᠠ ᠶᠢᠨ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠦᠭᠰᠡᠨ ᠹᠦ᠋ ᠯᠢᠨ᠂ ᠪᠣᠷᠤ᠂ ᠰᠢᠯᠦᠭᠴᠢ ᠨᠠ᠊ · ᠰᠢᠨᠡᠰᠤᠶᠤᠯ ᠨᠠᠷ ᠪᠣᠢ᠃ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠠᠵᠢᠯ | ᠮᠡᠷᠭᠡᠵᠢᠯ ᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠦᠭᠰᠡᠨ ᠰᠤᠷᠭᠠᠯᠲᠤ᠂ ᠨᠠᠬᠢᠶᠠ᠂ ᠠᠢ ᠯᠢᠩ᠂ ᠴᠣᠭᠵᠢᠯᠮᠠ ᠨᠠᠷ ᠪᠣᠢ᠃ ᠶᠡᠭᠡ ᠬᠥᠭᠡᠷᠦᠬᠦᠨ᠂ ᠠᠰᠪᠤᠷᠢ ᠴᠠᠶᠢᠯᠭᠠᠨ | ᠵᠠᠩ ᠰᠡᠳᠭᠢᠯ ᠲᠠᠢ ᠡᠳᠡᠭᠡᠷ ᠰᠤᠷᠤᠭᠴᠢ ᠬᠡᠦᠬᠡᠳ ᠤᠳ ᠠᠴᠠ ᠪᠠᠨ ᠪᠢ ᠴᠤ ᠭᠡᠰᠡᠨ ᠣᠯᠠᠨ ᠰᠠᠶᠢᠬᠠᠨ ᠰᠡᠳᠭᠢᠯ ᠤᠨ ᠠᠷᠠᠨᠰᠢᠨ ᠢ ᠰᠤᠷᠴᠤ ᠶᠠᠪᠤᠭᠰᠠᠨ ᠯᠡ ᠳ᠋ᠠ᠃ | ᠪ᠊ · ᠸᠴᠢᠷᠪᠠᠨᠢ ᠪᠣᠯ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤ ᠨᠤᠲᠤᠭ ᠲᠠᠢ᠂ ᠡᠩ ᠤᠨ ᠦᠶᠡ ᠳᠡᠭᠡᠨ ᠦᠭᠡ ᠳᠠᠭᠤ ᠴᠥᠭᠡᠨ ᠲᠠᠢ᠂ ᠶᠠᠭᠤᠮᠠᠨ ᠤ ᠤᠬᠠᠭᠠᠨ ᠢ | ᠠᠮᠠᠷᠬᠠᠨ ᠣᠯᠬᠤ ᠬᠤᠷᠴᠠ ᠤᠬᠠᠭᠠᠯᠢᠭ ᠰᠤᠷᠤᠭᠴᠢ ᠶᠢᠨ ᠨᠢᠭᠡᠨ ᠪᠠᠶᠢᠭᠰᠠᠨ᠃ ᠣᠳᠤ ᠠᠶᠢᠯ ᠭᠡᠷ ᠪᠣᠯᠵᠤ᠂ ᠭᠡᠷᠭᠡᠢ ᠨᠢ ᠰᠠᠶᠢᠨᠲᠠᠨᠠ ᠭᠡᠭᠴᠢ ᠰᠥᠨᠢᠳ ᠨᠤᠲᠤᠭ ᠤᠨ | ᠬᠡᠦᠬᠡᠨ᠃ ᠡᠳᠡ ᠬᠤᠶᠠᠷ ᠣᠳᠤ ᠤᠷᠠᠪᠠᠳᠠᠷᠠ᠂ ᠤᠶᠤᠠᠬᠤᠷᠠ ᠭᠡᠳᠡᠭ ᠬᠤᠶᠠᠷ ᠰᠠᠶᠢᠬᠠᠨ ᠬᠡᠦᠬᠡᠨ ᠲᠠᠢ᠃ | ᠠᠮᠣᠷᠵᠢᠷᠭᠠᠯ ᠪᠣᠯ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤ ᠨᠤᠲᠤᠭ ᠲᠠᠢ᠂ ᠦᠭᠡᠨ ᠳᠤ ᠲᠤᠷᠠᠲᠠᠢ᠂ ᠡᠨᠡ ᠲᠡᠷᠡ ᠶᠢ ᠠᠰᠠᠭᠤᠬᠤ ᠲᠤᠷᠠᠲᠠᠢ᠃ ︽ᠮᠠᠨ ᠤ | ᠪᠠᠷᠭᠤ ᠳᠤ ᠴᠦ᠋ ᠬᠠᠶᠠᠬᠤ ᠨᠠᠭᠠᠳᠤᠮ᠂ ᠠᠮᠤᠷᠪᠠᠶᠠᠰᠬᠤᠯᠠᠩ ᠨᠠᠭᠠᠳᠤᠮ ᠢ ᠰᠠᠶᠢᠨ ᠨᠠᠭᠠᠳᠣᠳᠠᠭ︾ ᠭᠡᠵᠦ ᠨᠤᠲᠤᠭ ᠤᠨ ᠢᠶᠠᠨ ᠵᠠᠩ ᠰᠡᠳᠭᠢᠯᠭᠡ᠂ ᠦᠯᠢᠭᠡᠷ ᠲᠡᠦᠬᠡ | ᠶᠠᠷᠢᠬᠤ ᠲᠤᠷᠠᠲᠠᠢ ᠪᠠᠶᠢᠳᠠᠭ᠃ ᠭᠡᠷᠭᠡᠢ ᠠᠵᠢᠯᠮᠠ ᠨᠢ ᠬᠠᠭᠤᠴᠢᠨ ᠪᠠᠷᠭᠤ ᠨᠤᠲᠤᠭ ᠲᠠᠢ᠂ ᠡᠳᠡ ᠬᠤᠶᠠᠷ ᠮᠥᠨ ᠠᠯᠢᠶᠠᠬᠠᠢ᠂ ᠠᠨᠠᠤᠰᠤ ᠭᠡᠳᠡᠭ ᠬᠤᠶᠠᠷ ᠰᠠᠶᠢᠬᠠᠨ | ᠬᠡᠦᠬᠡᠨ ᠲᠠᠢ ᠪᠣᠯᠵᠠᠢ᠃ | ᠪᠢᠳᠡ ᠮᠠᠨᠵᠤᠤᠷ ᠲᠤ ᠬᠤᠨᠣᠭᠠᠳ ᠪᠣᠴᠠᠬᠤ ᠳᠠᠭᠠᠨ ᠠᠮᠣᠷᠵᠢᠷᠭᠠᠯ ᠤᠨ ᠳᠠᠭᠠᠭᠤᠯᠭᠠ ᠪᠠᠷ ᠰᠢᠨᠡ ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ ᠤ ᠨᠤᠲᠤᠭ ᠲᠠᠬᠢ ᠬᠠᠶᠢᠷᠬᠠᠨ ︵ | ᠶᠡᠭᠡ ᠠᠭᠤᠯᠠ︶ ᠭᠡᠳᠡᠭ ᠬᠤᠯᠠ ᠠᠴᠠ ᠪᠠᠷᠠ ᠲᠠᠢ ᠥᠨᠳᠦᠷ ᠠᠭᠤᠯᠠᠨ ᠳᠤ ᠵᠤᠭᠠᠴᠠᠯᠠ᠃ ᠤᠯᠤᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠲᠠᠢ ᠡᠷᠲᠡᠨ ᠤ ᠣᠩᠭᠤᠨ ᠤ ᠰᠦᠷᠦᠭ ᠡᠨᠡ | ᠠᠭᠤᠯᠠ ᠶᠢᠨ ᠳᠤᠮᠳᠠ ᠬᠡᠰᠡᠭ ᠲᠤ ᠪᠠᠶᠢᠷᠢᠯᠠᠵᠤ ᠪᠠᠶᠢᠯᠠ᠃ ᠴᠣᠬᠤᠮ ᠠᠯᠢ ᠦᠶᠡ ᠶᠢᠨ ᠪᠣᠯᠬᠤ ᠨᠢ ᠲᠣᠳᠤᠷᠬᠠᠶᠢᠯᠠᠯᠲᠠ ᠦᠭᠡᠢ ᠪᠣᠯᠪᠠᠴᠤ ᠮᠠᠨᠵᠤᠤᠷ ᠤᠨ ᠬᠤᠶᠢᠭᠤᠷ | ᠪᠠᠷᠠᠭᠤᠨᠰᠢ ᠪᠠᠨ ᠣᠷᠣᠰ ᠤᠨ ᠬᠢᠯᠢ ᠳᠤ ᠣᠷᠣᠭᠰᠠᠨ ︽ᠴᠢᠩᠭᠢᠰ ᠤᠨ ᠬᠡᠷᠡᠮ︾ ᠭᠡᠳᠡᠭ ᠡᠷᠲᠡᠨ ᠤ ᠪᠠᠷᠢᠯᠭᠠ ᠲᠠᠢ ᠨᠢᠭᠡᠨ ᠴᠠᠭ ᠦᠶᠡ ᠶᠢᠨ ᠬᠢ ᠴᠤ ᠪᠣᠯᠪᠠᠤ ᠭᠡᠵᠦ | ᠸᠴᠢᠷᠪᠠᠨᠢ᠂ ᠠᠮᠣᠷᠵᠢᠷᠭᠠᠯ ᠬᠤᠶᠠᠷ ᠶᠠᠷᠢᠵᠤ ᠪᠠᠶᠢᠯᠠ᠃ ᠬᠠᠶᠢᠷᠬᠠᠨ ᠠᠭᠤᠯᠠ ᠶᠢᠨ ᠡᠮᠦᠨᠡ ᠡᠩᠭᠡᠷ ᠤᠨ ᠠᠰᠬᠠ ᠥᠨᠳᠦᠷ ᠬᠠᠳᠠ ᠨᠢ ᠶᠠᠭ ᠯᠡ ᠡᠷᠲᠡᠨ ᠤ ᠴᠡᠷᠢᠭ | ᠵᠠᠩᠵᠤᠨ ᠤ ᠵᠢᠭᠰᠠᠭᠠᠯ ᠤᠨ ᠳᠥᠷᠬᠦ ᠲᠠᠢ ᠰᠡᠬᠦ᠋ᠢᠯᠴᠡᠵᠦ ᠪᠠᠶᠢᠲᠠᠯᠠ᠂ ᠬᠠᠶᠢᠷᠬᠠᠨ ᠤ ᠠᠷᠤ ᠳᠤ ᠪᠠᠷᠠᠭᠤᠨ ᠤᠷᠤᠭᠰᠢ ᠪᠠᠨ ᠬᠠᠷᠠᠵᠤ᠂ ᠬᠡᠪᠢᠵᠦ ᠬᠡᠪᠲᠡᠭᠰᠡᠨ | ᠠᠮᠣᠭᠤᠯᠠᠩ ᠲᠠᠶᠢᠪᠤᠩ ᠰᠢᠨᠵᠢᠲᠠᠢ ᠴᠠᠭᠠᠨ ᠲᠡᠮᠡᠭᠡᠨ ᠤ ᠬᠡᠯᠪᠡᠷᠢᠲᠡᠢ ᠨᠢᠭᠡ ᠲᠣᠮᠣ ᠬᠠᠳᠠ ᠪᠠᠶᠢᠯᠠ᠃ ᠡᠨᠡ ᠪᠦᠬᠦᠨ ᠪᠦᠷ ᠯᠡ ᠡᠷᠲᠡᠨ ᠤ ᠬᠦᠮᠦᠰ ᠤᠨ ᠪᠤᠶᠤ ᠭᠠᠳᠠᠷ | ᠣᠷᠴᠢᠯᠠᠩ ᠠᠴᠠ ᠢᠷᠡᠭᠰᠡᠳ ᠤᠨ ᠣᠢ ᠪᠢᠯᠢᠭ ᠤᠨ ᠤᠯᠠ ᠮᠥᠷ ᠴᠤ ᠪᠠᠶᠢᠵᠤ ᠮᠠᠭᠠᠳ ᠦᠬᠡᠢ ᠭᠡᠳᠡᠭ ᠰᠡᠵᠢᠭᠯᠡᠯ ᠨᠠᠳᠠ ᠳᠤ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ | ᠲᠥᠷᠦᠭᠳᠡᠵᠦ ᠪᠠᠶᠢᠯᠠ᠃ | ᠮᠣᠩᠭᠤᠯ ᠭᠠᠵᠠᠷ ᠤᠨ ᠠᠯᠢ ᠴᠤ ᠨᠤᠲᠤᠭ ᠲᠠᠢ ᠠᠳᠠᠯᠢᠬᠠᠨ ᠪᠤᠶᠤ ᠢᠯᠡᠭᠦᠲᠡᠢ ᠪᠠᠷ ᠬᠦᠯᠦᠨ ᠪᠤᠶᠢᠷ ᠤᠨ ᠡᠨᠡ ᠨᠤᠲᠤᠭ ᠲᠤ ᠡᠷᠲᠡᠨ ᠤ ᠬᠦᠮᠦᠨ | ᠲᠥᠷᠦᠯᠬᠢᠲᠡᠨ ᠢᠶᠠᠷ ᠵᠣᠭᠰᠤᠬᠤ ᠦᠭᠡᠢ᠂ ᠲᠡᠭᠷᠢ ᠲᠠᠢ ᠬᠤᠯᠪᠤᠭᠠ ᠲᠠᠢ ᠨᠢᠭᠤᠴᠠ ᠠᠮᠠ ᠳᠠᠮᠵᠢᠨ ᠤᠯᠠᠮᠵᠢᠯᠠᠭᠳᠠᠵᠤ᠂ ᠠᠭᠤᠯᠠ ᠬᠠᠳᠠᠨ ᠳᠤᠨᠢ ᠬᠦᠷᠲᠡᠯᠡ | ᠬᠠᠳᠠᠭᠠᠯᠠᠰᠤᠭᠠᠲᠠᠢ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠭᠰᠠᠭᠠᠷ ᠠᠵᠢ᠃ ᠬᠥᠩᠬᠦᠷ ᠶᠡᠭᠡ ᠰᠠᠨᠰᠠᠷ ᠣᠷᠴᠢᠯᠠᠩ ᠤᠨ ᠰᠠᠯᠬᠢ ᠲᠠᠲᠠᠭᠰᠠᠨ ᠡᠷᠴᠢᠮ ᠬᠦᠴᠦᠨ ᠳᠤ ᠨᠢᠯᠪᠤᠰᠤ ᠨᠢ | ᠬᠠᠴᠠᠷ ᠢ ᠨᠢ ᠳᠠᠭᠠᠵᠤ ᠤᠷᠤᠰᠴᠤ ᠬᠠᠲᠠᠭᠰᠠᠨ ᠣᠷᠣᠮ ᠲᠠᠢ ᠲᠥᠮᠡ ᠮᠢᠩᠭᠠᠨ ᠵᠢᠯ ᠤᠨ ᠤᠯᠠ ᠮᠥᠷ ᠮᠥᠩᠬᠡᠲᠡ ᠲᠠᠶᠢᠯᠪᠤᠷᠢ ᠦᠭᠡᠢ ᠪᠠᠷ ᠡᠨᠡ ᠨᠤᠲᠤᠭ ᠲᠤ | ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠡ︕ | | | ᠵᠤᠬᠢᠶᠠᠭᠴᠢ᠄ ᠳ᠋᠊ · ᠰᠠᠷᠠᠩᠸᠠᠩᠵᠢᠯ | | |