| ᠨᠤᠳᠤᠭ ᠤᠨ ᠢᠶᠠᠨ ᠬᠠᠯᠠᠭᠤᠨ ᠡᠯᠡᠰᠦᠨ ᠳᠤ ᠪᠤᠷᠪᠢ ᠪᠠᠨ ᠰᠢᠷᠠᠵᠦ ᠤᠳᠠᠳᠠᠯᠠ ᠰᠠᠭᠤᠬᠤ ᠳᠤ ᠤᠨᠢᠶᠠᠷᠳᠤᠬᠰᠠᠨ ᠮᠠᠩᠬᠠᠨ ᠲᠤᠯᠤᠭᠠᠳ ᠡᠷᠳᠡ ᠨᠠᠮᠤᠷ ᠤᠨ | ᠠᠭᠠᠭ ᠠᠮᠢᠰᠬᠤᠭᠠ ᠪᠠᠷ ᠴᠣᠨᠤᠨ ᠰᠦᠢᠯᠡᠬᠢᠯᠡᠵᠦ ᠬᠢᠶᠠᠭ᠂ ᠰᠢᠷᠠᠯᠵᠢ ᠶᠢᠨ ᠡᠬᠡᠬᠦᠨ ᠦᠨᠦᠷ ᠬᠠᠮᠠᠷ ᠴᠤᠷᠬᠢᠨᠠ᠃ ᠨᠤᠳᠤᠭ ᠲᠠᠭᠠᠨ ᠬᠠᠶᠢᠷᠠᠳᠠᠢ ᠲᠦᠮᠡ ᠲᠦᠮᠡᠨ | ᠬᠦᠮᠦᠨ ᠤ ᠵᠢᠷᠦᠬᠡᠨ ᠡᠬᠡᠰᠢᠭ ᠢ ᠲᠠᠭᠠᠭᠠᠵᠦ ᠬᠠᠶᠢᠷᠠ ᠶᠢᠨ ᠲᠤᠷᠭᠠᠨ ᠰᠢᠪᠡᠨᠡᠭᠡ ᠪᠠᠨ ᠨᠤᠳᠤᠭ ᠤᠨ ᠰᠠᠯᠬᠢᠨ ᠤ ᠬᠤᠩᠭᠤᠷ ᠮᠦᠷᠦᠬᠡᠳᠦᠯ ᠢᠶᠠᠷ ᠰᠡᠪᠰᠢᠨ ᠰᠡᠪᠰᠢᠨ | ᠤᠨᠠᠭᠠᠬᠤ ᠳᠤ ᠴᠡᠴᠡᠬᠡᠰ ᠤᠨ ᠨᠡᠬᠦᠳᠡᠯ ᠳᠤ ᠪᠠᠷᠠᠭᠠᠨ ᠡᠬᠦᠯᠡ ᠴᠡᠯᠮᠡᠵᠦ ᠨᠠᠭᠤᠷ ᠤᠨ ᠭᠠᠯᠠᠭᠤᠳ ᠤᠨ ᠪᠤᠴᠠᠬᠤ ᠲᠠᠭᠤᠨ ᠭᠠᠩᠭᠠᠷ ᠭᠤᠩᠭᠤᠷ ᠲᠤᠭᠤᠯᠳᠠᠨᠠ᠃ | ᠦᠷᠦᠮᠡ ᠰᠦ ᠦᠳᠭᠡᠷᠡᠭᠰᠡᠨ ᠰᠠᠶᠢᠬᠠᠨ ᠤᠯᠠᠷᠢᠯ ᠬᠡᠵᠦ ᠡᠵᠢ ᠦᠷ ᠴᠦᠷ ᠢᠶᠠᠷ ᠪᠤᠰᠴᠦ ᠬᠡᠳᠦᠨ ᠦᠨᠢᠶᠡ ᠪᠠᠨ ᠰᠢᠪᠳᠦᠷᠴᠦ ᠨᠠᠮᠤᠷ ᠤᠨ ᠰᠠᠭᠠᠯᠢ ᠠᠪᠳᠠᠭ᠃ | ᠲᠤᠭᠤᠯ ᠪᠢᠷᠠᠭᠤᠳ ᠤᠨ ᠮᠦᠬᠡᠷᠡᠯᠳᠦᠬᠦ ᠲᠠᠭᠤᠨ ᠰᠢᠩᠭᠡᠷᠡᠵᠦ ᠠᠶᠢᠯ ᠤᠨ ᠠᠪᠠᠭᠠ ᠶᠢᠨ ᠪᠦᠳᠦᠬᠦᠨ ᠲᠠᠭᠤ ᠬᠤᠯᠠᠳᠠᠬᠤ ᠪᠠᠷ ᠲᠡᠭᠦᠦ ᠨᠠᠷ ᠢᠶᠠᠨ ᠰᠡᠷᠢᠭᠡᠨ ᠡᠮᠦᠰᠭᠡᠵᠦ | ᠵᠡᠬᠦᠯᠬᠡᠨ ᠢᠳᠡᠬᠦᠯᠵᠦ ᠤᠤᠭᠤᠯᠭᠠᠭᠠᠳ ᠬᠠᠰᠢᠶᠠᠨ ᠤ ᠯᠤᠤᠯᠢ ᠠᠷᠪᠠᠢ ᠦᠭᠳᠡᠬᠡᠵᠦ ᠭᠠᠭᠠᠢ ᠲᠠᠬᠢᠶᠠ ᠪᠠᠨ ᠲᠡᠵᠢᠬᠡᠳᠡᠭ᠃ ᠤᠯᠠᠭᠠᠨ ᠨᠠᠷᠠ ᠪᠤᠯᠳᠠᠶᠢᠵᠦ ᠡᠷᠳᠡ ᠶᠢᠨ | ᠰᠢᠬᠦᠳᠡᠷᠢ ᠡᠭᠰᠢᠬᠦ ᠪᠠᠷ ᠠᠪᠤ ᠮᠢᠨᠢ ᠬᠤᠨᠢᠨ ᠳᠠᠭᠠᠨ ᠭᠠᠷᠳᠠᠭ᠃ ᠰᠢᠯᠪᠢᠬᠦᠷ ᠫᠢᠰ ᠲᠠᠱ ᠲᠤᠤᠭᠠᠷᠴᠦ ᠬᠤᠨᠢᠨ ᠰᠦᠷᠦᠭ ᠠᠯᠭᠤᠷᠬᠠᠨ ᠢᠳᠡᠰᠢᠯᠡᠭᠰᠡᠭᠡᠷ ᠪᠡᠯᠴᠢᠬᠡᠷ ᠲᠤ | ᠲᠤᠬᠳᠠᠬᠤ ᠳᠤ ᠡᠵᠢ ᠬᠤᠶᠢᠨᠠ ᠠᠴᠠ ᠨᠢ ᠭᠠᠭᠴᠠ ᠡᠯᠵᠢᠬᠡ ᠬᠦᠯᠯᠡᠭᠰᠡᠨ ᠲᠡᠷᠬᠡ ᠪᠠᠨ ᠴᠢᠷᠴᠦ ᠠᠵᠢᠯ ᠳᠠᠭᠠᠨ ᠶᠠᠪᠤᠳᠠᠭ᠃ ᠰᠠᠨᠳᠤᠤ ᠱᠠᠬᠢᠭᠤᠯᠤᠨ | ᠬᠢᠯᠠᠯᠵᠠᠭᠤᠯᠬᠤ ᠳᠤ ᠬᠢᠶᠠᠷᠠᠨ ᠤᠨᠠᠬᠰᠠᠨ ᠡᠪᠡᠰᠦ ᠪᠤᠬᠠᠯ ᠢ ᠤᠪᠤᠭᠠᠯᠠᠵᠦ᠂ ᠬᠠᠳᠠᠬᠰᠠᠨ ᠠᠯᠢᠰᠤ ᠪᠠᠨ ᠪᠤᠮᠪᠠᠯᠵᠠᠳᠠᠯᠠ ᠲᠡᠭᠡᠭᠡᠭᠡᠳ ᠢᠷᠡᠬᠦ ᠳᠤ ᠠᠯᠢᠰᠤᠨ | ᠤᠪᠤᠭᠠᠨ ᠳᠤ ᠨᠢᠭᠤᠯᠴᠠᠵᠦ ᠦᠰᠦ ᠲᠤᠯᠤᠭᠠᠢ ᠪᠠᠨ ᠰᠢᠷᠢᠯᠳᠦᠳᠡᠯᠡ ᠬᠦᠶᠦᠳᠡᠭ ᠪᠠᠶᠢᠯᠠ ᠪᠢᠳᠠ᠃ | ᠡᠯᠵᠢᠬᠡᠨ ᠲᠡᠷᠬᠡ ᠬᠦᠭᠯᠡᠬᠦᠯᠵᠦ᠂ ᠲᠡᠷᠬᠡᠨ ᠶᠠᠰᠢᠩ ᠠᠴᠠ ᠠᠳᠤᠷᠢᠳᠠᠯᠠ ᠵᠢᠭᠤᠷᠠᠵᠦ ᠰᠠᠭᠤᠬᠤ ᠳᠤ ᠬᠠᠳᠤᠭᠤᠷ᠂ ᠰᠠᠨᠳᠤᠤ ᠬᠠᠩᠬᠢᠷ ᠵᠢᠩᠭᠢᠷ ᠲᠤᠤᠭᠠᠷᠴᠦ | ᠬᠠᠳᠤᠯᠠᠩ ᠤᠨ ᠤᠯᠠᠷᠢᠯ ᠬᠠᠶᠠᠭᠠᠨ ᠳᠤ ᠪᠠᠭᠤᠨᠠ᠃ ᠲᠡᠷᠡ ᠵᠢᠯ ᠤᠨ ᠨᠠᠮᠤᠷ ᠪᠢ ᠶᠡᠭᠡ ᠬᠦᠰᠡᠯ ᠡᠪᠦᠷᠯᠡᠵᠦ ᠮᠠᠩᠬᠠᠨ ᠨᠤᠳᠤᠭ ᠠᠴᠠ ᠬᠦᠯ ᠢᠶᠠᠨ ᠰᠤᠭᠤᠯᠵᠦ | ᠬᠦᠰᠡᠯ ᠤᠨ ᠲᠠᠷᠳᠠᠩ ᠬᠠᠷᠭᠤᠢ ᠵᠦᠭ ᠲᠡᠪᠳᠡᠷᠢᠭᠰᠡᠨ ᠶᠤᠮ᠃ ᠠᠷᠢᠭᠤᠨ ᠡᠷᠳᠡᠮ ᠢᠶᠠᠨ ᠰᠤᠶᠤᠷᠬᠠᠬᠰᠠᠨ ᠠᠴᠢᠳᠤ ᠪᠠᠭᠰᠢ ᠨᠠᠷ ᠮᠢᠨᠢ ᠡᠪᠦᠬᠡᠷᠡᠵᠦ᠂ ᠭᠠᠯ | ᠰᠢᠯ ᠤᠨ ᠢᠶᠠᠨ ᠴᠠᠭᠠᠨᠠ ᠠᠴᠠ ᠭᠠᠷ ᠤᠳᠠᠰᠤ ᠱᠠᠭᠠᠶᠢᠨ ᠵᠢᠷᠳᠢᠨᠴᠦ ᠶᠢᠨ ᠰᠤᠨᠢᠨ ᠭᠠᠶᠢᠬᠠᠮᠰᠢᠭ ᠢ ᠠᠩᠬᠠᠷᠴᠦ ᠴᠠᠭ ᠦᠶᠡ ᠶᠢᠨ ᠰᠠᠶᠢᠬᠠᠨ ᠳᠤ ᠪᠠᠶᠠᠰᠴᠦ ᠰᠠᠭᠤᠨᠠ᠃ | ᠲᠦᠷᠪᠡᠨ ᠵᠢᠯ ᠦᠯᠦᠬᠡᠶᠢᠳᠡᠭᠰᠠᠨ ᠡᠬᠡ ᠰᠤᠷᠭᠠᠭᠤᠯᠢ ᠮᠢᠨᠢ ᠠᠶᠢᠯ ᠤᠨ ᠪᠠᠷᠠᠭᠤᠨ ᠲᠡᠨᠵᠢᠨ ᠳᠤ ᠡᠪᠡᠰᠦ ᠰᠦᠷᠡᠯ ᠤᠨ ᠲᠤᠮᠳᠠ ᠰᠦᠷ ᠮᠠᠭᠤᠳᠠᠢ ᠶᠤᠷᠳᠦ᠋ᠢᠨᠠ᠃ ᠠ | ᠂ ᠡ᠂ ᠢ᠂ ᠠᠷᠠᠪ ᠲᠤᠭᠠ ᠶᠢ ᠲᠠᠨ ᠤ ᠪᠠᠨ ᠡᠪᠦᠷ ᠲᠤ ᠲᠤᠬᠯᠠᠨ ᠪᠠᠶᠢᠬᠤ ᠳᠠᠭᠠᠨ ᠨᠢᠳᠦᠯᠡᠭᠰᠡᠨ ᠶᠤᠮ ᠳ᠋ᠧ᠂ ᠰᠤᠷᠭᠠᠭᠤᠯᠢ ᠮᠢᠨᠢ︕ ᠠᠨᠳᠠ ᠶᠢᠨ ᠲᠠᠩᠭᠠᠷᠢᠭ | ᠡᠬᠡᠳᠡᠷᠡᠭᠰᠡᠨ ᠤᠨᠠᠭᠠᠨ ᠨᠠᠶᠢᠵᠠ ᠨᠠᠷ ᠲᠠᠷᠢᠶᠠᠨ ᠵᠤᠷᠬᠠ ᠪᠠᠷ ᠬᠦᠯᠦᠰᠦ ᠪᠠᠨ ᠤᠷᠤᠰᠬᠠᠨ ᠵᠠᠮᠨᠠᠬᠤ ᠳᠤ ᠠᠪᠤ ᠡᠵᠢ ᠳᠤᠨᠢ ᠪᠢᠰᠢ᠂ ᠬᠤᠪᠢ ᠵᠠᠶᠠᠭᠠᠨ ᠳᠤᠨᠢ ᠭᠤᠮᠤᠳᠠᠵᠦ | ᠭᠠᠭᠴᠠᠭᠠᠷ ᠬᠤᠯᠠ ᠶᠠᠪᠤᠬᠰᠠᠨ ᠪᠢᠯᠡ᠃ ᠪᠢᠯᠢᠭ ᠤᠬᠠᠭᠠᠨ ᠤ ᠤᠩᠭᠤᠳ ᠬᠠᠶᠢᠷᠠᠯᠠᠬᠰᠠᠨ ᠨᠤᠳᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ | ᠬᠤᠷᠸᠠ ᠶᠢᠨ ᠵᠢᠮᠠ ᠪᠠᠷ ᠪᠤᠴᠠᠬᠤ ᠳᠤ ᠬᠠᠭᠤᠴᠢᠨ ᠦᠯᠢᠬᠡᠷ ᠤᠳ ᠰᠢᠨᠡ ᠵᠤᠭᠤᠭ ᠢᠶᠠᠷ ᠰᠤᠯᠢᠬᠳᠠᠨᠠ᠃ | ᠵᠠᠯᠠᠭᠤ ᠨᠠᠰᠤ ᠵᠠᠬᠠ ᠠᠴᠠ ᠪᠠᠨ ᠵᠤᠯᠠᠷᠠᠵᠦ᠂ ᠢᠳᠡᠷ ᠨᠠᠰᠤᠨ ᠤ ᠢᠳᠡᠷᠡᠬᠦᠨ ᠵᠢᠪᠬᠤᠭᠠ ᠪᠠᠷ ᠲᠠᠰᠢᠭᠤᠷᠳᠠᠭᠤᠯᠵᠦ ᠬᠢᠭᠰᠡᠨ᠂ ᠪᠦᠳᠦᠬᠡᠭᠰᠡᠨ ︽ᠬᠦᠷᠦᠩᠭᠡ︾ | ᠪᠠᠨ ᠬᠠᠨᠳᠢᠪᠯᠠᠬᠤ ᠪᠠᠷ ᠨᠤᠳᠤᠭ ᠤᠨ ᠢᠶᠠᠨ ᠪᠤᠭᠤᠷᠤᠯ ᠡᠷᠬᠢᠨ ᠳᠤ ᠤᠳᠠᠳᠠᠯᠠ ᠰᠠᠭᠤᠬᠤ ᠳᠤ ᠲᠠᠰᠤᠷᠠᠬᠰᠠᠨ ᠤᠴᠢᠭ ᠵᠠᠯᠭᠠᠬᠳᠠᠵᠦ ᠬᠠᠶᠢᠷᠠ ᠶᠢᠨ ᠲᠤᠷᠭᠠᠨ | ᠰᠢᠪᠡᠨᠡᠭᠡ ᠪᠠᠨ ᠭᠠᠵᠠᠷ ᠨᠤᠳᠤᠭ ᠲᠠᠭᠠᠨ ᠢᠯᠡᠬᠡᠨᠡᠮ᠃ | ᠠᠪᠤ ᠶᠢᠨ ᠬᠤᠨᠢᠨ ᠳᠤ ᠶᠠᠪᠤᠳᠠᠭ ᠪᠤᠷᠤ ᠴᠤᠪᠤᠭᠠ᠂ ᠡᠵᠢ ᠶᠢᠨ ᠦᠳᠦᠷᠮᠡ ᠳᠤ ᠤᠪᠤᠭᠠᠯᠠᠬᠰᠠᠨ ᠲᠠᠪᠤᠨ ᠲᠠᠷᠢᠶᠠ ᠁ ᠡᠨᠡ ᠪᠦᠬᠦ ᠶᠠᠭᠤᠮᠠ ᠠᠴᠠ | ᠰᠡᠳᠭᠢᠯ ᠤᠨ ᠲᠠᠮᠢᠷ ᠰᠡᠯᠬᠦᠭᠰᠡᠨ ᠬᠦᠮᠦᠨ ᠤ ᠦᠷᠡ ᠪᠢ ᠨᠤᠳᠤᠭ ᠤᠰᠤᠨ ᠳᠠᠭᠠᠨ ᠲᠤᠰᠤᠯ ᠬᠦᠴᠦ ᠪᠠᠨ ᠡᠷᠬᠦᠵᠦ᠂ ᠬᠠᠶᠢᠷᠠ ᠶᠢᠨ ᠦᠷᠢ ᠨᠦᠬᠦᠬᠦ ᠪᠠᠷ ᠶᠡᠭᠡ | ᠦᠢᠯᠡᠰ ᠤᠨ ᠬᠦᠯᠦᠭ ᠤᠨ ᠵᠢᠯᠤᠭᠤ ᠵᠠᠯᠠᠬᠰᠠᠨ ᠶᠤᠮ᠃ ᠤᠬᠠᠭᠠᠷᠠᠯ ᠲᠦᠬᠡᠷᠬᠡ᠂ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ᠂ ᠦᠢᠯᠡᠰ ᠵᠢᠳᠬᠦᠯ ᠤᠨ ᠴᠢᠨᠳᠠᠮᠤᠨᠢ ᠲᠠᠮᠠᠭᠠ ᠶᠢ | ᠵᠢᠷᠦᠬᠡᠨ ᠳᠡᠭᠡᠨ ᠲᠠᠷᠤᠵᠦ᠂ ᠵᠡᠬᠦᠳᠦᠨ ᠳᠡᠭᠡᠨ ᠲᠡᠪᠡᠷᠢᠵᠦ ᠦᠨᠦᠰᠦᠨ᠂ ᠠᠷᠤᠤᠬᠠᠨ ᠮᠦᠷᠦᠬᠡᠳᠦᠯ ᠤᠨ ᠲᠦᠯᠦᠬᠡ ᠮᠦᠩᠭᠡᠷᠡᠬᠦ ᠪᠠᠷ ᠴᠢᠷᠮᠠᠶᠢᠬᠰᠠᠨ ᠬᠡᠨ ᠨᠢᠬᠡᠨ | ᠬᠦᠮᠦᠨ ᠤ ᠬᠠᠯᠠᠭᠤᠨ ᠤᠷᠮᠠᠰ ᠢᠶᠠᠷ ᠰᠢᠷᠬᠠ ᠪᠠᠨ ᠠᠨᠠᠭᠠᠵᠦ᠂ ᠪᠢᠯᠢᠭ ᠤᠨ ᠬᠦᠷᠡᠩ ᠤᠨ ᠵᠤ ᠶᠢ ᠴᠠᠩᠳᠤᠭᠤᠯᠤᠨ ᠭᠠᠯᠬᠢᠭᠤᠯᠵᠦ ᠶᠠᠪᠤᠬᠤ ᠳᠤ ᠬᠦᠰᠡᠯ ᠮᠦᠷᠦᠬᠡᠳᠦᠯ | ᠶᠠᠮᠠᠷᠬᠠᠨ ᠰᠠᠶᠢᠬᠠᠨ ᠪᠠᠶᠢᠯᠠ᠃ | ᠵᠤᠨ ᠤ ᠴᠡᠴᠡᠭ ᠤᠨ ᠮᠢᠷᠠᠯᠵᠠᠭᠠᠨ ᠳᠤ ᠡᠷᠪᠡᠬᠡᠢ ᠵᠦᠬᠡᠢ ᠪᠦᠵᠢᠭᠯᠡᠨ᠂ ᠬᠦᠷᠡᠯᠵᠡᠭᠡᠨᠡ ᠴᠠᠷᠴᠠᠬᠠᠢ ᠵᠢᠷᠬᠢᠨ ᠲᠤᠩᠭᠤᠳᠬᠤ ᠳᠤ ᠨᠠᠮᠤᠷ ᠤᠨ ᠲᠠᠩᠰᠤᠭ ᠤᠯᠠᠷᠢᠯ | ᠬᠠᠶᠢᠷᠠ ᠨᠠᠶᠢᠷ ᠦᠬᠡᠢ ᠦᠮᠴᠢᠷᠬᠡᠨ ᠦᠷᠠ ᠵᠢᠮᠢᠰ᠂ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠶᠢᠨ ᠡᠬᠡᠰᠢᠭ ᠲᠠᠭᠤᠤ ᠪᠠᠷ ᠰᠦᠯᠡᠨᠡ᠃ ᠡᠪᠦᠯ ᠢᠷᠡᠬᠦ ᠠᠴᠠ ᠡᠮᠦᠨᠡ ᠬᠦᠨᠡᠰᠦᠨ ᠤ | ᠪᠦᠷᠢᠳᠭᠡᠯ ᠳᠤ ᠶᠠᠭᠠᠷᠠᠳᠠᠭ ᠬᠦᠮᠦᠰ ᠬᠠᠪᠤᠷ ᠤᠨ ᠠᠭᠤᠷ ᠢᠶᠠᠷ ᠠᠮᠤᠷᠵᠢᠵᠦ ᠰᠢᠨᠠ ᠰᠤᠳᠤᠨ ᠶᠠᠭᠤᠮᠠ ᠶᠢ ᠬᠦᠯᠢᠶᠡᠵᠦ ᠴᠦᠬᠦᠳᠡᠭ ᠴᠦ ᠨᠠᠰᠤᠨ ᠤ ᠨᠠᠮᠤᠷ ᠲᠤ | ᠲᠠᠷᠭᠤ ᠰᠠᠭᠤᠬᠤ ᠪᠠᠷ ᠨᠢᠯᠬᠠᠰᠠᠭ ᠪᠤᠳᠤᠯ ᠵᠡᠬᠦᠳᠦᠨ ᠠᠴᠠ ᠠᠷᠢᠯᠦᠨᠠ᠃ | ᠰᠢᠨᠡᠬᠡᠨ ᠵᠠᠰᠠᠬᠰᠠᠨ ᠵᠠᠮ ᠬᠡᠷ ᠬᠡᠷ ᠤᠨ ᠡᠬᠦᠳᠡᠨ ᠳᠤ ᠨᠡᠪᠳᠡᠷᠡᠵᠦ᠂ ᠵᠠᠮ ᠲᠠᠭᠠᠬᠰᠠᠨ ᠬᠡᠷ ᠤᠳ ᠤᠨ ᠬᠦᠷᠢᠶᠠ ᠬᠠᠰᠢᠶᠠ ᠬᠦᠬᠡ᠂ ᠤᠯᠠᠭᠠᠨ ᠲᠤᠭᠤᠰᠭᠠ ᠪᠠᠷ | ᠠᠯᠠᠬᠯᠠᠨ ᠬᠡ ᠤᠭᠠᠯᠵᠠ ᠨᠢ ᠬᠡᠬᠡᠮᠰᠦᠭ ᠰᠠᠶᠢᠬᠠᠨ᠃ ᠪᠠᠶᠢᠰᠢᠩ ᠤᠨ ᠡᠬᠦᠳᠡᠨ ᠳᠤ ᠪᠦᠳᠦᠬᠦᠨ ᠲᠷᠠᠺᠲ᠋ᠤᠷ ᠬᠦᠷᠴᠢᠬᠢᠨᠡᠵᠦ ᠲᠠᠷᠢᠶᠠ ᠬᠠᠳᠤᠬᠤ ᠮᠠᠰᠢᠨ᠂ ᠡᠪᠡᠰᠦ | ᠰᠦᠷᠡᠯ ᠲᠠᠷᠤᠰᠢᠭᠤᠯᠬᠤ ᠮᠠᠰᠢᠨ᠂ ᠬᠠᠳᠤᠯᠠᠩ ᠬᠤᠷᠢᠶᠠᠬᠤ ᠮᠠᠰᠢᠨ ᠁ ᠵᠠᠬᠠ ᠲᠠᠷᠠᠭᠠᠯᠠᠨ ᠵᠢᠭᠳᠡᠷᠡᠵᠦ ᠴᠢᠨᠡᠬᠡᠯᠢᠭ ᠨᠡᠶᠢᠬᠡᠮ ᠤᠨ ᠦᠩᠭᠡ ᠲᠦᠷᠬᠦ ᠶᠢ | ᠮᠡᠳᠡᠬᠡᠯᠡᠬᠦ ᠳᠤ ᠪᠠᠶᠠᠵᠢᠯ ᠤᠨ ᠵᠠᠮ ᠢᠶᠠᠨ ᠡᠯᠬᠦᠭᠰᠡᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠰᠤᠩᠭᠤᠭᠤᠯᠢ ᠶᠢᠨ ᠪᠢᠯᠧᠲ ᠢᠶᠠᠨ ᠲᠤᠰᠢᠶᠠᠭᠠᠳ ᠬᠠᠨᠤᠮᠵᠢᠳᠠᠢ᠃ ︽ᠠᠶᠢᠯ ᠬᠦᠮᠦᠨ ᠤ | ᠠᠮᠢ ᠨᠢᠬᠡ᠂ ᠰᠠᠭᠠᠬᠠᠯᠳᠠ ᠬᠦᠮᠦᠨ ᠤ ᠰᠠᠨᠠᠭᠠ ᠨᠢᠬᠡ︾ ᠬᠡᠳᠡᠭ ᠰᠠᠨ᠃ ᠭᠠᠴᠠᠭᠠᠨ ᠲᠠᠷᠤᠭᠠ᠂ ᠱᠦᠵᠢ ᠬᠡᠨ ᠬᠡᠨ ᠮᠠᠨᠢ ᠨᠠᠮ ᠤᠨ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ | ᠲᠤᠭᠤᠰᠢᠯᠠᠭᠤᠯᠤᠨ ᠠᠶᠢᠯ ᠠᠶᠢᠮᠠᠭ ᠢᠶᠠᠨ ᠲᠠᠭᠠᠭᠤᠯᠤᠨ ᠦᠬᠡᠳᠡᠯᠡᠯ ᠬᠦᠭᠵᠢᠯ ᠤᠨ ᠴᠢᠯᠦᠬᠡᠳᠦ ᠬᠠᠷᠭᠤᠢ ᠶᠢ ᠵᠤᠷᠢᠳᠠᠭ ᠶᠤᠮ ᠪᠣᠯ ᠨᠤᠳᠤᠭ ᠤᠰᠤᠨ ᠤ ᠨᠠᠪᠳᠠᠭ | ᠰᠠᠪᠳᠠᠭ᠂ ᠡᠵᠡᠳ ᠰᠠᠬᠢᠭᠤᠰᠤ ᠮᠢᠨᠢ ᠪᠠᠶᠠᠰᠬᠤ ᠨᠢ ᠡ᠃ | ᠨᠠᠪᠳᠠᠷᠬᠠᠢ ᠨᠤᠤᠷᠬᠠᠢ ᠰᠢᠪᠠᠷ ᠪᠠᠶᠢᠰᠢᠩ᠂ ᠰᠡᠳᠡᠷᠬᠡᠢ ᠵᠠᠳᠠᠭᠠᠢ ᠬᠠᠰᠢᠶᠠ ᠰᠠᠷᠠᠪᠴᠢ ᠪᠠᠨ ᠰᠢᠨᠡᠳᠭᠡᠭᠰᠡᠨ ᠠᠪᠠᠭᠠ ᠠᠨᠢᠶᠠ ᠨᠠᠷ ᠤᠨ ᠲᠠᠭᠤ ᠱᠤᠤ | ᠦᠨᠳᠦᠷᠵᠢᠵᠦ ᠲᠠᠭᠢᠭᠠᠳ ᠲᠢᠶᠠᠨᠵᠢᠨ ︵ᠮᠠᠨ ᠤ ᠭᠠᠴᠠᠭᠠ ᠶᠢᠨ ᠨᠢᠬᠡ ᠪᠦᠯᠦᠭ ᠬᠦᠮᠦᠰ ᠲᠢᠶᠠᠨᠵᠢᠨ ᠳᠤ ᠬᠦᠴᠦᠨ ᠤ ᠠᠵᠢᠯ ᠬᠢᠵᠦ ᠪᠤᠢ︶ ᠤᠷᠤᠵᠦ ᠬᠦᠴᠦ | ᠶᠠᠪᠤᠬᠤ ᠦᠬᠡᠢ᠂ ᠬᠡᠳᠦᠨ ᠮᠦ ᠲᠠᠷᠢᠶᠠ ᠮᠢᠨᠢ ᠪᠢᠳᠡᠨ ᠳᠡᠭᠡᠨ ᠠᠮᠢ ᠠᠮᠢᠵᠢᠷᠠᠯ ᠪᠤᠯᠬᠤ ᠨᠢ᠂ ᠲᠡᠳᠭᠦᠮᠵᠢ ᠶᠢᠨ ᠮᠠᠯ ᠤᠨᠤᠭᠠ ᠪᠠᠨ ᠮᠡᠨᠳᠦ ᠤᠨᠳᠤᠷᠤᠭᠤᠯᠤᠶᠠ᠂ | ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠢᠵᠢᠯᠢ ᠲᠠᠰᠤᠯ ᠬᠦᠮᠦᠰ ᠲᠠᠢ ᠪᠠᠨ ᠤᠴᠠᠷᠠᠵᠦ ᠵᠤᠭᠤᠬᠳᠠᠬᠤ ᠳᠤ ᠰᠡᠳᠭᠢᠯ ᠰᠠᠨᠠᠭᠠ ᠰᠠᠷᠠᠭᠤᠯᠵᠢᠨᠠ ᠬᠡᠵᠦ ᠦᠬᠡ ᠵᠤᠭᠤᠭ ᠲᠡᠯᠬᠡᠵᠦ᠂ | ᠤᠶᠤᠳᠠᠯ ᠬᠠᠳᠬᠤᠮᠠᠯ ᠢᠶᠠᠨ ᠡᠬᠢᠯᠡᠬᠦᠯᠦᠨᠡ᠃ ᠤᠬᠠᠭᠠᠨ ᠰᠠᠨᠠᠭᠠ ᠪᠠᠨ ᠡᠵᠡᠮᠳᠡᠵᠦ᠂ ᠬᠦᠰᠡᠯ ᠲᠡᠮᠡᠦᠯᠦᠯ ᠤᠨ ᠵᠦᠭ ᠴᠢᠭ ᠢᠶᠠᠨ ᠠᠨᠳᠠᠭᠤᠷᠠᠯ ᠦᠬᠡᠢ ᠵᠦᠪ | ᠡᠷᠬᠢᠬᠦᠯᠵᠦ᠂ ᠬᠦᠮᠦᠨ ᠠᠷᠠᠳ ᠲᠠᠭᠠᠨ᠂ ᠨᠠᠮ ᠵᠠᠰᠠᠭ ᠲᠠᠭᠠᠨ ᠤᠶᠢᠭᠠ ᠦᠬᠡᠢ ᠵᠢᠳᠬᠦᠬᠦ ᠤᠬᠠᠭᠠᠨ ᠤ ᠦᠷ ᠢ ᠴᠠᠶᠢᠯᠭᠠᠵᠦ ᠲᠦᠷᠦᠵᠦ ᠦᠰᠦᠭᠰᠡᠨ ᠴᠠᠭᠠᠨ | ᠮᠠᠩᠬᠠᠨ ᠳᠠᠭᠠᠨ ᠴᠠᠬᠢᠷᠮᠠ ᠰᠢᠭ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠲᠠᠢ ᠤᠷᠭᠤᠬᠤ ᠶᠠᠭᠤᠳᠠᠢ ᠰᠠᠶᠢᠬᠠᠨ᠃ | ᠠᠮᠢᠳᠤᠷᠠᠯ ᠵᠢᠷᠤᠭ ᠰᠢᠭ ᠰᠠᠶᠢᠬᠠᠨ ᠪᠤᠯᠤᠯᠠ᠂ ᠵᠢᠷᠤᠭ ᠰᠢᠭ ᠠᠮᠢᠳᠤᠷᠠᠯ ᠱᠠᠬᠯᠠᠬᠰᠠᠨ ᠤᠶᠤᠳᠠᠯ ᠨᠡᠩ ᠰᠠᠶᠢᠬᠠᠨ ᠡ᠃ ᠬᠦᠬᠡᠬᠤᠳᠡ ᠪᠡᠬᠡᠵᠢᠩ ᠬᠦᠷᠳᠡᠯᠠ | ᠶᠠᠪᠤᠵᠦ ᠲᠦᠰᠢᠶᠡᠳᠦ ᠬᠠᠳᠬᠤᠮᠠᠯ ᠤᠷᠠᠯᠠᠯ ᠢᠶᠠᠨ ᠭᠠᠶᠢᠬᠠᠭᠤᠯᠤᠬᠰᠠᠨ ᠠᠶᠢᠯ ᠤᠨ ᠪᠦᠰᠡᠬᠦ᠋ᠴᠦᠳ ᠭᠠᠨᠵᠤᠭᠠ ᠲᠦᠬᠦᠷᠡᠩ ᠪᠤᠴᠠᠵᠦ ᠶᠠᠪᠤᠨᠠ᠃ ᠦᠢᠯᠡ | ᠬᠠᠶᠢᠴᠢ ᠪᠠᠨ ᠤᠷᠬᠢᠭᠠᠳ ᠠᠷᠪᠠ ᠬᠤᠷᠢᠨ ᠵᠢᠯ ᠪᠤᠯᠤᠬᠰᠠᠨ ᠠᠪᠠᠭᠠᠶᠢᠴᠤᠤᠯ ᠤᠳᠠᠰᠤ ᠵᠡᠬᠦᠦ ᠪᠠᠨ ᠰᠦᠪᠡᠯᠡᠨ ᠬᠠᠶᠠᠬᠳᠠᠬᠰᠠᠨ ᠬᠤᠷᠤᠭᠤᠪᠴᠢ ᠪᠠᠨ ᠡᠷᠢᠵᠦ | ᠮᠤᠩᠭᠢᠨᠠᠨᠠ᠃ ᠳᠠᠯᠠ ᠬᠦᠷᠦᠭᠰᠡᠨ ᠡᠵᠢ ᠮᠢᠨᠢ ᠭᠠᠯ ᠰᠢᠯ ᠵᠡᠬᠦᠵᠦ ᠬᠤᠷᠤᠭᠤᠨ ᠡᠷᠳᠡᠮ ᠢᠶᠠᠨ ᠰᠤᠷᠢᠵᠦ ᠡᠬᠢᠯᠡᠯᠡ᠃ ᠤᠶᠤᠳᠠᠯ ᠬᠠᠳᠬᠤᠮᠠᠯ ᠢᠶᠠᠷ ᠶᠠᠳᠠᠭᠤ ᠶᠢ | ᠲᠡᠳᠬᠦᠬᠦ ᠤᠷᠢᠶᠠᠯᠠᠭᠠ ᠶᠢ ᠲᠠᠭᠠᠨ ᠴᠤᠤᠷᠢᠶᠠᠳᠤᠵᠦ ᠱᠠᠪᠢ ᠬᠦᠮᠦᠵᠢᠬᠦᠯᠦᠬᠡᠳ ᠶᠠᠭᠠᠷᠠᠤ᠃ ᠮᠠᠰᠢᠨ ᠲᠧᠭᠨᠢᠭ ᠡᠵᠢ ᠶᠢ ᠨᠦᠷᠢ ᠬᠦᠳᠡᠯᠮᠤᠷᠢ ᠠᠴᠠ ᠴᠢᠯᠦᠬᠡᠯᠡᠵᠦ᠂ | ᠠᠵᠢᠯ ᠬᠢᠳᠡᠯ ᠠᠯᠳᠠᠬᠤ ᠳᠤ ᠬᠦᠷᠬᠡᠭᠰᠡᠨ᠂ ᠤᠳᠤ ᠠᠰᠢᠬᠦᠢ ᠰᠠᠶᠢᠨ ᠪᠤᠯᠤᠯᠠ᠃ | ᠦᠨᠢᠶᠡ ᠲᠤᠭᠤᠯ ᠤᠨ ᠮᠦᠬᠡᠷᠡᠯᠳᠦᠬᠦ ᠲᠠᠭᠤᠨ ᠳᠤ ᠦᠳᠡᠰᠢ ᠶᠢᠨ ᠪᠦᠷᠦᠢ ᠢᠳᠡᠭ ᠢᠳᠡᠭ ᠢᠶᠠᠷ ᠨᠠᠭᠠᠰᠢᠯᠠᠵᠦ ᠰᠡᠬᠦᠳᠡᠷᠰᠢᠭᠰᠡᠨ ᠰᠡᠳᠭᠢᠯ ᠤᠨ ᠬᠠᠶᠠᠭᠠ ᠶᠢ | ᠪᠦᠷᠬᠦᠯᠡ᠃ ᠠᠮᠢᠳᠤᠷᠠᠯ ᠤᠨ ᠬᠡᠬᠡᠨ ᠮᠦᠷᠦᠬᠡᠳᠦᠯ ᠬᠦᠷᠳᠡᠯᠡ ᠪᠠᠯᠠᠷᠠᠬᠤ ᠬᠠᠷᠠᠩᠭᠤᠢ ᠪᠦᠷᠦᠢ ᠠᠴᠠ ᠡᠮᠦᠨᠡ ᠬᠢᠵᠦ ᠬᠦᠢᠴᠡᠳᠭᠡᠬᠦ ᠠᠵᠢᠯ ᠤᠨ ᠦᠷᠢ ᠪᠠᠨ | ᠲᠤᠭᠠᠯᠠᠵᠦ ᠬᠦᠰᠢᠭᠰᠡᠨ ᠰᠡᠳᠭᠢᠯ ᠢᠶᠠᠨ ᠲᠠᠭᠠᠭᠠᠵᠦ ᠶᠠᠳᠠᠨ ᠪᠤᠰᠬᠤ ᠳᠤ ᠲᠡᠭᠷᠢ ᠳᠤ ᠨᠠᠯᠠᠷᠠᠬᠰᠠᠨ ᠲᠤᠯᠤᠩ ᠰᠢᠷᠭᠠᠯᠳᠤᠨ ᠬᠤᠪᠢ ᠶᠢᠨ ᠭᠠᠳᠠᠨᠠ ᠭᠤᠶᠤᠮᠰᠤᠭ᠃ | ᠲᠡᠷᠳᠡᠭᠡ ᠬᠦᠳᠦᠯ ᠠᠴᠠ ᠰᠡᠤᠬᠡ ᠮᠠᠰᠢᠨ ᠵᠢᠷᠪᠢᠯᠵᠡᠨ ᠵᠢᠷᠪᠢᠯᠵᠡᠨ ᠲᠠᠷᠢᠶᠡᠨ ᠤ ᠬᠦᠮᠦᠰ ᠬᠡᠷ ᠵᠦᠭ ᠢᠶᠠᠨ ᠤᠪᠤᠨ ᠴᠤᠪᠤᠨ ᠪᠤᠴᠠᠨᠠ᠃ ᠡᠨᠡ ᠵᠢᠯ ᠨᠠᠷᠠᠨ | ᠬᠤᠸᠠᠷ ᠤᠨ ᠲᠠᠷᠢᠶᠠ ᠢᠯᠡᠳᠳᠡ ᠪᠠᠭᠠᠰᠤᠬᠰᠠᠨ ᠪᠠᠶᠢᠨᠠ᠃ ᠬᠡᠳᠦᠨ ᠵᠢᠯ ᠲᠠᠷᠠᠭᠠᠯᠠᠨ ᠨᠠᠷᠠᠨ ᠬᠤᠸᠠᠷ ᠨᠢ ᠨᠠᠮᠤᠷ ᠤᠨ ᠬᠤᠷᠢᠶᠠᠯᠳᠠ ᠶᠢᠨ ᠭᠤᠬᠠ ᠦᠵᠦᠬᠦᠷ ᠲᠤ | ᠢᠯᠵᠢᠷᠠᠨ ᠰᠦᠢᠳᠴᠦ᠂ ᠬᠦᠷᠦᠩᠭᠡ ᠮᠦᠩᠭᠦ ᠪᠠᠨ ᠬᠦᠨᠳᠡᠷᠦᠨ ᠦᠷᠢ ᠰᠢᠷᠢ ᠳᠤ ᠪᠠᠷᠢᠯᠳᠤᠬᠰᠠᠨ ᠨᠤᠳᠤᠭ ᠤᠨ ᠠᠬᠠ ᠲᠡᠭᠦᠦ ᠨᠠᠷ ᠡᠷᠳᠡᠨᠢ ᠰᠢᠰᠢ᠂ ᠰᠢᠷᠠ ᠪᠤᠷᠴᠠᠭ | ᠭᠤᠤᠯᠳᠠᠭᠤ ᠲᠠᠷᠢᠯᠠ᠃ ᠬᠤᠷᠢᠶᠠᠯᠳᠠ ᠶᠢᠨ ᠰᠠᠶᠢᠬᠠᠨ ᠳᠠᠭᠠᠨ ᠰᠤᠭᠳᠤᠭᠤᠷᠠᠭᠰᠠᠨ ᠬᠦᠮᠦᠰ ᠠᠴᠠ ᠠᠵᠠ ᠵᠢᠷᠭᠠᠯ ᠤᠨ ᠦᠨᠦᠷ ᠬᠠᠩᠬᠤᠯᠤᠨᠠ᠃ ᠵᠢᠷᠭᠠᠯ ᠤᠨ | ᠢᠨᠢᠶᠡᠳᠦ ᠠᠴᠠ ᠲᠤᠭᠤᠯᠳᠠᠬᠤ ᠴᠠᠯᠬᠢᠶᠠᠨ ᠡᠬᠡ ᠭᠠᠵᠠᠷ ᠤᠨ ᠠᠭᠤᠷ ᠢᠶᠠᠷ ᠲᠠᠮᠵᠢᠨ ᠨᠠᠮᠠᠢᠢ ᠢᠯᠪᠢᠵᠦ ᠪᠠᠶᠢᠯᠠ᠃ | ᠦᠪᠡᠷ ᠢ ᠪᠠᠨ ᠤᠷᠭᠤᠬᠤ ᠤᠯᠠᠭᠠᠨ ᠨᠠᠷᠠᠨ ᠢᠶᠠᠷ ᠴᠡᠨᠡᠭᠯᠡᠵᠦ ᠦᠷ ᠤᠨ ᠬᠢᠷᠠᠭᠤ ᠠᠴᠠ ᠬᠠᠷᠠᠮᠨᠠᠵᠦ ᠬᠡᠷ ᠵᠦᠭ ᠢᠶᠠᠨ ᠡᠷᠬᠢᠬᠦ ᠳᠤ ᠳ᠋ᠧᠩ ᠤᠨ ᠬᠡᠷᠡᠯ | ᠦᠬᠡᠳᠡ ᠠᠴᠠ ᠤᠴᠢᠯᠠᠨᠠ᠃ ᠲᠦᠷᠦᠭᠰᠡᠨ ᠭᠠᠷᠤᠬᠰᠠᠨ ᠭᠠᠵᠠᠷ ᠠᠴᠠ ᠪᠠᠨ ᠬᠠᠶᠢᠷᠠ ᠶᠢᠨ ᠢᠯᠴᠢ ᠤᠭᠤᠬᠢᠭᠤᠯᠵᠦ ᠶᠡᠭᠡ ᠦᠢᠯᠡᠰ ᠤᠨ ᠲᠦᠷᠦᠬᠡ ᠬᠢᠰᠭᠢᠨ | ᠦᠨᠳᠡᠶᠢᠬᠦ ᠳᠤ ᠨᠤᠳᠤᠭ ᠤᠰᠤᠨ ᠤ ᠮᠠᠨᠢ ᠪᠤᠭᠤᠷᠤᠯᠴᠤᠳ ︽ᠦᠢᠯᠡᠰ ᠤᠨ ᠰᠠᠶᠢᠬᠠᠨ ᠳᠠᠭᠠᠨ ᠵᠢᠷᠭᠠᠭᠠᠷᠠᠢ︕︾ ᠬᠡᠵᠦ ᠰᠠᠴᠤᠯᠢ ᠡᠷᠬᠦᠨ ᠰᠢᠪᠡᠨᠡᠩᠭᠡᠨ ᠪᠠᠶᠢᠪᠠ᠃ | |