ᠯᠤᠤᠪᠠᠩ ᠦᠨᠳᠡᠭᠡ ᠺᠣᠹᠧ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2025/1/3
      ᠠᠪᠤ ᠦᠬᠢᠨ ᠬᠤᠶᠠᠷ ᠶᠠᠷᠢᠯᠴᠠᠵᠤ ᠪᠠᠶᠢᠯ᠎ᠠ᠃ ᠦᠬᠢᠨ ᠠᠮᠢᠳᠤᠷᠠᠯ ᠨᠢ ᠪᠡᠷᠬᠡᠰᠢᠶᠠᠯ ᠢᠶᠠᠷ ᠲᠦᠬᠦᠷᠠᠩ ᠪᠠᠶᠢᠭ᠎ᠠ ᠶᠢ ᠦᠪᠡᠷ ᠲᠤᠨᠢ ᠬᠦᠨᠳᠤ ᠬᠡᠴᠡᠬᠦᠤ ᠶᠠᠭᠤᠮ᠎ᠠ ᠶᠡᠭᠡ ᠳᠤᠯᠭᠠᠷᠠᠳᠠᠭ ᠢ ᠡᠶᠢᠮᠤ ᠶᠡᠭᠡ ᠠᠰᠠᠭᠤᠳᠠᠯ ᠢ ᠬᠡᠷᠬᠢᠨ ᠲᠠᠪᠠᠨ ᠳᠤᠭᠤᠯᠬᠤ ᠪᠠᠨ ᠮᠡᠳᠡᠭᠡ ᠦᠬᠡᠢ ᠪᠠᠶᠢᠭ᠎ᠠ ᠪᠠᠨ ᠠᠪᠤ ᠳᠠᠭᠠᠨ ᠶᠠᠷᠢᠵᠠᠢ᠃       ᠡᠬᠦᠨ ᠢ ᠰᠤᠨᠤᠰᠤᠭᠰᠠᠠ ᠠᠪᠤ ᠨᠢ ︽ᠠᠪᠤ ᠨᠢ ᠴᠢᠮ᠎ᠠ ᠳᠤ ᠶᠡᠭᠡ ᠶᠠᠭᠤᠮ᠎ᠠ ᠦᠵᠡᠬᠦᠯᠦᠶ᠎ᠠ︕︾ ᠬᠡᠳ ᠦᠬᠢᠨ ᠢ ᠲᠠᠭᠠᠭᠤᠯᠤᠨ ᠭᠠᠯ ᠵᠤᠤᠬᠠᠨ ᠤ ᠪᠠᠨ ᠦᠷᠦᠬᠡᠨ ᠳᠤ ᠤᠷᠤᠵᠠᠢ᠃ ᠦᠬᠢᠨ ᠤ ᠠᠪᠤ ᠨᠢ ᠠᠯᠳᠠᠷᠳᠡᠢ ᠳᠤᠭᠤᠭᠠᠴᠢ ᠬᠦᠮᠤᠨ ᠪᠠᠶᠢᠯ᠎ᠠ᠃       ᠵᠤᠤᠬᠠᠨ ᠲᠡᠬᠡᠷ᠎ᠠ ᠢᠵᠢᠯᠢ ᠬᠡᠮᠵᠢᠶ᠎ᠠ ᠲᠠᠢ ᠤᠰᠤ ᠲᠠᠢ ᠢᠵᠢᠯᠢᠬᠡᠨ ᠭᠤᠷᠪᠠᠨ ᠰᠠᠪᠠ ᠲᠠᠯᠪᠢᠵᠠᠢ᠃ ᠡᠬᠢᠨ ᠤ ᠰᠠᠪᠠ ᠲᠠᠢ ᠤᠰᠤᠨ ᠳᠤ ᠯᠤᠤᠪᠠᠩ᠂ ᠲᠠᠷᠠᠭ᠎ᠠ ᠶᠢᠨ ᠰᠠᠪᠠ ᠲᠠᠢ ᠤᠰᠤᠨ ᠳᠤ ᠨᠢᠬᠡ ᠦᠨᠳᠡᠭᠡ᠂ ᠰᠡᠬᠦᠯ ᠤᠨ ᠰᠠᠪᠠ ᠲᠠᠢ ᠤᠰᠤᠨ ᠳᠤ ᠪᠦᠬᠦᠯᠢ ᠺᠣᠹᠧ ᠬᠢᠵᠤ ᠢᠵᠢᠯᠢ ᠭᠠᠯ ᠲᠡᠬᠡᠷ᠎ᠠ ᠪᠤᠴᠠᠯᠭᠠᠵᠠᠢ᠃ ᠪᠦᠬᠦᠳᠠ ᠶᠢ ᠨᠢ 20 ᠮᠢᠨᠦ᠋ᠲ ᠪᠤᠴᠠᠯᠭᠠᠭᠠᠳ ᠭᠠᠷᠭᠠᠪᠠ᠃ ᠲᠠᠷᠠᠭ᠎ᠠ ᠨᠢ ᠰᠢᠷᠡᠬᠡᠨ ᠲᠡᠬᠡᠷ᠎ᠠ ᠬᠤᠶᠠᠷ ᠲᠠᠪᠠᠭ᠂ ᠨᠢᠬᠡ ᠠᠶᠠᠭ᠎ᠠ ᠠᠪᠴᠢᠷᠠᠵᠤ ᠲᠠᠯᠪᠢᠭᠠᠳ ᠲᠠᠪᠠᠭ ᠤᠳ ᠲᠤ ᠦᠨᠳᠡᠭᠡ ᠯᠤᠤᠪᠠᠩ ᠢ ᠠᠶᠠᠭᠠᠨ ᠳᠤ ᠺᠣᠹᠧ ᠶᠢ ᠬᠢᠪᠠ᠃       — ᠵᠠ᠂ ᠦᠬᠢᠨ ᠮᠢᠨᠢ ᠡᠳᠡᠬᠡᠷ ᠶᠠᠭᠤ ᠪᠤᠢ︖       — ᠯᠤᠤᠪᠠᠩ᠂ ᠦᠨᠳᠡᠭᠡ᠂ ᠺᠣᠹᠧ᠃       — ᠲᠡᠬᠡᠪᠡᠯ ᠶᠠᠮᠠᠷᠬᠠᠨ ᠪᠤᠯᠤᠭᠰᠠᠠ ᠪᠠᠶᠢᠭ᠎ᠠ ᠶᠢ ᠨᠢ ᠬᠡᠯᠡᠬᠡᠳ ᠠᠯᠢ᠃ ᠦᠬᠢᠨ ᠯᠤᠤᠪᠠᠩ ᠢ ᠰᠡᠷᠡᠭᠡ ᠪᠠᠷ ᠬᠠᠳᠬᠤᠵᠤ ᠦᠵᠡᠬᠦ ᠳᠤ ᠨᠡᠯᠢᠶᠠᠳ ᠵᠦᠬᠡᠯᠡᠷᠡᠭᠰᠡᠡ᠂ ᠦᠨᠳᠡᠭᠡ ᠶᠢ ᠬᠠᠯᠢᠰᠤᠯᠠᠬᠤ ᠳᠤ ᠬᠡᠳᠤᠷᠬᠡᠢ ᠶᠡᠭᠡ ᠪᠤᠯᠵᠤ ᠬᠠᠳᠠᠭᠤᠷᠠᠭᠰᠠᠠ᠂ ᠬᠠᠷᠢᠨ ᠺᠣᠹᠧ ᠶᠢ ᠠᠮᠳᠠᠯᠠᠬᠤ ᠳᠤ ᠰᠠᠶᠢᠬᠠᠨ ᠠᠮᠳᠠᠳᠠᠢ ᠪᠤᠯᠤᠭᠰᠠᠠ ᠪᠠᠶᠢᠪᠠ᠃       — ᠠᠪᠤ ᠡ᠂ ᠲᠠ ᠶᠠᠭᠠᠬᠢᠭᠠᠳ ᠡᠬᠦᠨ ᠢ ᠨᠠᠳᠠ ᠳᠤ ᠦᠵᠡᠬᠦᠯᠵᠤ ᠪᠠᠶᠢᠭ᠎ᠠ ᠶᠤᠮ ᠪᠤᠢ︖       — ᠦᠬᠢᠨ ᠮᠢᠨᠢ᠂ ᠪᠦᠬᠦᠳᠠ ᠶᠢ ᠨᠢ ᠨᠢᠬᠡ ᠢᠵᠢᠯᠢ ᠬᠡᠮᠵᠢᠶ᠎ᠠ ᠲᠠᠢ ᠤᠰᠤᠨ ᠳᠤ ᠢᠵᠢᠯᠢᠬᠡᠨ ᠭᠠᠯ ᠲᠠᠬᠡᠷ᠎ᠠ ᠠᠳᠠᠯᠢ ᠬᠤᠭᠤᠴᠠᠭᠠᠨ ᠳᠤ ᠴᠢᠨᠠᠬᠤ ᠳᠤ ᠪᠦᠬᠦᠳᠠ ᠦᠬᠡᠷ᠎ᠠ ᠦᠬᠡᠷ᠎ᠠ ᠪᠤᠯᠤᠭᠰᠠᠠ ᠪᠠᠶᠢᠨ᠎ᠠ᠃ ᠯᠤᠤᠪᠠᠩ ᠡᠬᠢᠨ ᠳᠡᠭᠡᠨ ᠬᠠᠳᠠᠭᠤ ᠪᠠᠶᠢᠬᠰᠠᠠ ᠴᠤ ᠪᠤᠴᠠᠯᠤᠭᠰᠠᠠ ᠤ ᠲᠠᠷᠠᠭ᠎ᠠ ᠬᠡᠳᠤᠷᠬᠡᠢ ᠵᠦᠬᠡᠯᠡᠷᠡᠭᠰᠡᠡ᠂ ᠦᠨᠳᠡᠭᠡ ᠰᠢᠩᠬᠡᠨ ᠪᠠᠶᠢᠬᠰᠠᠠ ᠴᠤ ᠪᠤᠴᠠᠯᠤᠭᠰᠠᠠ ᠤ ᠲᠠᠷᠠᠭ᠎ᠠ ᠬᠡᠳᠤᠷᠬᠡᠢ ᠬᠠᠳᠠᠭᠤ ᠪᠤᠯᠤᠭᠰᠠᠠ᠃ ᠬᠠᠷᠢᠨ ᠨᠢᠬᠡ ᠠᠳᠬᠤ ᠭᠠᠰᠢᠭᠤᠨ ᠺᠣᠹᠧ ᠪᠦᠷ ᠰᠠᠶᠢᠬᠠᠨ ᠠᠮᠳᠠᠳᠠᠢ ᠪᠤᠯᠵᠤ᠂ ᠪᠤᠴᠠᠯᠵᠤ ᠪᠠᠶᠢᠬᠤ ᠳᠠᠭᠠᠨ ᠴᠤ ᠰᠠᠶᠢᠬᠠᠨ ᠦᠨᠤᠷᠳᠤᠵᠤ ᠪᠠᠶᠢᠬᠰᠠᠠ᠃       — ᠦᠬᠢᠨ ᠮᠢᠨᠢ᠂ ᠴᠢ ᠡᠳᠡᠬᠡᠷ ᠤᠨ ᠠᠯᠢ ᠨᠢ ᠪᠤᠢ︖ ᠪᠡᠷᠬᠡᠰᠢᠶᠠᠯ ᠳᠤᠯᠭᠠᠷᠠᠬᠤ ᠪᠠᠷ ᠢᠶᠠᠨ ᠶᠠᠭᠠᠬᠢᠳᠠᠭ ᠪᠤᠢ︖ ᠯᠤᠤᠪᠠᠩ ᠤᠤ᠂ ᠦᠨᠳᠡᠭᠡ ᠤᠤ᠂ ᠡᠰᠡᠪᠡᠯ ᠺᠣᠹᠧ ᠤᠤ︖       ᠤᠩᠰᠢᠬᠴᠢ ᠲᠠ ᠠᠯᠢ ᠨᠢ ᠪᠤᠢ︖       ᠪᠤᠳᠤᠯᠬᠢᠯᠠᠵᠤ ᠦᠵᠡᠬᠡᠷᠡᠢ᠃       ︵︽ᠲᠡᠯᠡᠬᠡᠢ ᠶᠢᠨ ᠰᠤᠷᠭᠠᠮᠵᠢᠳᠤ ᠦᠬᠦᠯᠡᠯᠬᠡ︾ ᠠᠴᠠ ᠨᠠᠶᠢᠷᠠᠭᠤᠯᠤᠨ ᠠᠪᠤᠪᠠ︶
ᠢᠷᠡᠯᠲᠡ᠄ ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠣᠩᠭᠤᠯ ᠬᠡᠯᠡᠨ ᠤ ᠰᠣᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶ᠎ᠡ