| ᠮᠦᠩᠬᠦᠨ ᠴᠠᠭᠠᠨ ᠰᠠᠷᠠᠨ ᠤ ᠬᠠᠪᠢᠷᠭᠠᠯᠠᠵᠦ ᠲᠡᠷᠭᠡᠯᠰᠢᠬᠦ ᠶᠢᠨ ᠭᠡᠯᠪᠡᠷᠢ ᠮᠡᠳᠦ ᠵᠢᠷᠦᠭᠡ ᠮᠢᠨᠢ ᠬᠠᠭᠤᠴᠢᠨ ᠵᠢᠯ ᠢᠶᠠᠨ ᠦᠳᠡᠬᠦ ᠳᠡᠭᠡᠨ ᠤᠶᠠᠷᠠᠵᠦ | ᠬᠠᠩᠭᠠᠶᠢᠷᠠᠭᠠᠳ ᠰᠢᠨᠡ ᠤᠨ ᠢᠶᠠᠨ ᠤᠭᠳᠤᠬᠤ ᠳᠠᠭᠠᠨ ᠲᠤᠭᠳᠤᠯᠵᠦ ᠲᠦᠬᠦᠷᠳᠡᠭ ᠨᠢ ᠦᠨᠡᠨ ᠪᠠᠶᠢᠵᠠᠢ᠃ | ᠤᠨ ᠵᠢᠯ ᠭᠡᠵᠦ ᠤᠷᠤᠰᠬᠠᠯ ᠨᠢ ᠲᠠᠳᠠᠭᠤᠷᠠᠬᠤ ᠦᠭᠡᠢ ᠮᠦᠩᠭᠡ ᠶᠢᠨ ᠭᠤᠤᠯ ᠴᠦ ᠶᠤᠮ ᠤᠤ︖ ᠡᠰᠡᠬᠦᠯᠡ ᠢᠷᠡᠵᠦ ᠪᠤᠴᠠᠬᠤ ᠭᠡᠶᠢᠴᠢᠨ ᠴᠦ ᠶᠤᠮ ᠤᠤ︖ | ᠨᠢᠭᠡ ᠮᠡᠳᠡᠬᠦ ᠳᠤ 2024 ᠤᠨ ᠮᠢᠨᠢ ᠪᠢᠳᠡᠨ ᠳᠤ ᠦᠯᠢᠭᠡᠷ ᠲᠡᠦᠭᠡ᠂ ᠦᠨᠡᠨ ᠮᠦᠨ ᠢᠶᠠᠨ ᠦᠯᠡᠳᠡᠭᠡᠭᠡᠳ ᠠᠶᠠᠷᠯᠠᠨ ᠰᠠᠯᠬᠤ ᠳᠤ 2025 ᠤᠨ ᠮᠢᠨᠢ ᠤᠷᠢᠨ | ᠲᠤᠯᠠᠭᠠᠨ ᠬᠠᠪᠤᠷ ᠢᠶᠠᠨ ᠲᠠᠭᠠᠭᠤᠯᠤᠭᠠᠳ ᠡᠬᠦᠳᠡᠨ ᠪᠤᠱᠤᠭᠠᠨ ᠲᠡᠭᠡᠷᠡ ᠬᠠᠩᠬᠤᠯᠳᠠᠯᠠ ᠮᠦᠰᠢᠶᠡᠭᠰᠡᠭᠡᠷ ᠬᠦᠷᠦᠭᠡᠳ ᠢᠷᠡᠯᠡ᠃ ᠬᠦᠮᠦᠨ ᠵᠤᠨ ᠳᠠᠭᠠᠨ ᠵᠤᠪᠠᠵᠦ | ᠵᠢᠷᠭᠠᠬᠤ ᠶᠢᠨ ᠠᠮᠳᠠ ᠶᠢ ᠮᠡᠳᠡᠬᠦᠯᠳᠡᠭ ᠨᠢ ᠤᠨ ᠵᠢᠯ ᠲᠠ ᠪᠠᠶᠢᠭᠰᠠᠨ ᠠᠵᠤᠭᠤ︕ | ᠰᠢᠨᠡ ᠤᠨ ᠳᠤ ᠶᠠᠭᠤ ᠪᠦᠬᠦᠨ ᠰᠢᠨᠡ ᠪᠠᠷ ᠡᠭᠢᠯᠡᠨᠡ᠃ ᠬᠠᠭᠢᠷ ᠬᠦᠢᠳᠡᠨ ᠡᠪᠦᠯ ᠢ ᠨᠢᠴᠦᠬᠦᠨ ᠲᠤᠭᠤᠯᠤᠭᠰᠠᠨ ᠤᠢ ᠮᠤᠳᠤ ᠬᠦᠭᠡᠷᠡᠨ ᠨᠤᠭᠤᠭᠠᠷᠠᠬᠤ ᠳᠤ | ᠲᠤᠷᠤᠨᠠ ᠵᠦᠭ ᠲᠡᠮᠡᠦᠯᠵᠦ ᠵᠢᠳᠬᠦᠭᠰᠡᠨ ᠭᠤᠤᠯ ᠮᠦᠷᠡᠨ ᠮᠦᠰᠦ ᠪᠠᠨ ᠢᠰᠭᠦᠯᠵᠦ ᠡᠷᠭᠡ ᠴᠢᠯᠦᠭᠡᠳᠡᠢ ᠱᠤᠤᠭᠢᠭᠠᠳ ᠤᠷᠳᠤ ᠶᠢᠨ ᠲᠠᠭᠤᠤ ᠰᠢᠭ ᠤᠷᠮᠠ ᠶᠢ | ᠰᠡᠷᠬᠦᠭᠡᠵᠦ ᠵᠤᠷᠢᠭ ᠢ ᠮᠢᠨᠢ ᠢᠷᠯᠡᠨᠡ᠃ ᠠᠭᠤᠯᠠᠰ ᠬᠤᠷᠠᠭᠰᠠᠨ ᠴᠠᠰᠤ ᠪᠠᠨ ᠰᠢᠯᠭᠡᠭᠡᠵᠦ ᠨᠠᠷᠠᠨ ᠵᠦᠭ ᠦᠨᠳᠡᠯᠵᠡᠬᠦ ᠳᠤ ᠬᠠᠶᠢᠯ ᠤᠨ ᠤᠰᠤᠨ ᠭᠤᠤ ᠵᠢᠯᠠᠭᠠ ᠪᠠᠷ | ᠭᠤᠷᠴᠢᠭᠢᠨᠡᠨ ᠤᠷᠤᠰᠤᠨᠠ᠃ ᠠᠮᠢᠳᠤᠷᠠᠯ ᠦᠭᠡᠳᠡ ᠲᠠᠢ ᠤᠷᠤᠭᠤ ᠲᠠᠢ ᠭᠡᠳᠡᠭ ᠢ ᠠᠭᠤᠯᠠᠰ ᠪᠢᠳᠡᠨ ᠳᠤ ᠦᠵᠡᠬᠦᠯᠳᠡᠭ ᠴᠦ ᠪᠤᠯᠪᠠ ᠤᠤ︖ ᠡᠰᠡᠬᠦᠯᠡ ᠮᠦᠩᠭᠡ ᠪᠤᠰᠤ | ᠬᠤᠷᠸᠠ ᠶᠢᠨ ᠨᠢᠭᠤᠴᠠ ᠶᠢ ᠲᠠᠨᠢᠭᠤᠯᠬᠤ ᠭᠡᠮᠡᠨ ᠦᠭᠭᠢᠶᠡᠮᠦᠷ ᠰᠠᠨᠠᠳᠠᠭ ᠴᠦ ᠪᠢᠯᠢᠦ⁈ ᠲᠠᠭᠤ ᠦᠭᠡᠢ ᠠᠭᠤᠯᠠᠰ ᠤᠨ ᠲᠤᠩᠭᠠᠯᠠᠭ ᠤᠬᠠᠭᠠᠨ ᠭᠡᠵᠦ ᠶᠠᠭᠠᠭᠢᠭᠰᠠᠨ | ᠭᠤᠶᠤ︕ ᠠᠭᠤᠯᠠᠰ ᠢ ︽ᠡᠪᠭᠡᠭᠰᠡᠨ ᠰᠤᠳᠤᠷ︾ ᠭᠡᠵᠦ ᠤᠶᠠᠩᠭᠠᠯᠠᠵᠦ ᠰᠢᠯᠦᠭᠯᠡᠬᠦ ᠨᠢ ᠪᠤᠷᠤᠭᠤ ᠦᠭᠡᠢ᠃ | ᠢᠴᠡᠭᠡᠯᠡᠭᠰᠡᠨ ᠠᠮᠢᠳᠠᠳ ᠨᠠᠷᠠ ᠵᠢᠪᠠᠷ ᠢᠶᠠᠨ ᠬᠠᠷᠠᠭᠠᠳ ᠨᠠᠶᠢᠷᠠᠮᠳᠠᠭᠤ ᠤᠷᠤᠰᠢᠨᠠ ᠭᠡᠵᠦ ᠶᠠᠭᠤᠳᠠᠢ ᠵᠢᠷᠭᠠᠯ ᠪᠢᠯᠡ︖ ᠲᠦᠮᠡᠨ ᠪᠤᠳᠠᠰ ᠲᠡᠯᠭᠡᠷᠡᠭᠰᠡᠨ | ᠲᠠᠶᠢᠪᠤᠩ ᠠᠮᠤᠭᠤᠯᠠᠩ ᠤᠷᠴᠢᠨ ᠠᠬᠤᠢ ᠲᠠᠢ ᠠᠭᠤᠯᠵᠠᠨ ᠵᠤᠯᠭᠠᠭᠤᠯᠳᠠᠭ ᠨᠢ ᠡᠰᠡᠨᠢᠯ ᠤᠨ ᠬᠠᠪᠤᠷ ᠪᠤᠶᠤ ᠡᠯᠢᠭᠡᠰᠡᠭ ᠰᠢᠨᠡ ᠤᠨ ᠤ ᠢᠪᠡᠭᠡᠯ ᠬᠠᠶᠢᠷᠠ ᠪᠢᠵᠠ᠃ | ︽ᠤᠨ ᠵᠢᠯ ᠦᠭᠰᠦᠬᠦ ᠲᠤᠰᠤᠮ ᠬᠦᠷᠦᠨ ᠲᠦᠷᠦ ᠮᠢᠨᠢ ᠬᠦᠴᠦᠷᠭᠡᠭᠵᠢᠨᠡ᠂ ᠬᠦᠮᠦᠨ ᠵᠤᠨ ᠤ ᠠᠮᠢᠳᠤᠷᠠᠯ ᠬᠦᠭᠵᠢᠨᠡ᠃ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠮᠢᠨᠢ | ᠪᠡᠶᠡᠯᠡᠭᠳᠡᠨᠡ᠂ ᠬᠦᠷᠬᠦ ᠢᠷᠡᠭᠡᠳᠦᠢ ᠮᠢᠨᠢ ᠤᠶᠢᠷᠠᠳᠤᠨᠠ︾ ᠭᠡᠵᠦ ᠰᠢᠨᠡ ᠤᠨ ᠢᠶᠠᠨ ᠪᠠᠶᠠᠷ ᠲᠠᠢ ᠤᠭᠳᠤᠬᠤ ᠳᠤ ᠦᠩᠭᠡᠷᠡᠵᠦ ᠬᠤᠯᠠᠳᠠᠭᠰᠠᠨ ᠪᠠᠭᠠ ᠨᠠᠰᠤᠨ ᠤ | ᠤᠴᠠᠷᠠᠯ ᠲᠤᠭᠢᠶᠠᠯᠳᠤᠯ ᠲᠡᠷᠡ ᠴᠠᠭ ᠦᠶᠡ ᠲᠠᠢ ᠪᠠᠨ ᠤᠢ ᠤᠬᠠᠭᠠᠨ ᠳᠤ ᠤᠪᠤᠨ ᠴᠤᠪᠤᠨ ᠤᠷᠤᠵᠦ ᠢᠷᠡᠨᠡ ᠁ | ᠪᠠᠭᠠ ᠪᠠᠶᠢᠬᠤ ᠳᠤ᠂ ᠠᠶᠢᠯ ᠤᠯᠠᠨ ᠢᠶᠠᠷ ᠢᠶᠠᠨ ᠪᠠᠷᠢᠭᠠᠳᠠ ᠶᠢᠨ ᠬᠦᠷᠢᠶᠡᠨ ᠳᠤ ᠴᠤᠭᠯᠠᠷᠠᠵᠦ ᠲᠤᠭ ᠮᠠᠨᠳᠤᠭᠤᠯᠬᠤ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠬᠤ ᠨᠢ ᠰᠢᠨᠡ | ᠤᠨ ᠢᠶᠠᠨ ᠤᠭᠳᠤᠬᠤ ᠬᠠᠮᠤᠭ ᠤᠨ ᠬᠦᠷ ᠬᠦᠭᠵᠢᠶᠡᠨᠳᠡᠢ᠂ ᠤᠳᠭᠠ ᠠᠭᠤᠯᠭᠠ ᠲᠠᠢ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠶᠢᠵᠦ ᠪᠢᠯᠡ᠃ ᠤᠯᠤᠰ ᠤᠨ ᠰᠦᠯᠳᠡ ᠲᠠᠭᠤᠤ | ᠦᠨᠳᠦᠷ ᠮᠤᠳᠤᠨ ᠲᠡᠭᠡᠷᠡ ᠡᠯᠬᠦᠭᠰᠡᠨ ᠬᠤᠤᠰ ᠯᠠᠪᠠᠷ ᠠᠴᠠ ᠬᠠᠩᠭᠢᠨᠠᠨ ᠲᠠᠭᠤᠷᠢᠰᠬᠤ ᠪᠠᠷ ᠴᠡᠷᠢᠭ ᠬᠤᠪᠴᠠᠰᠤ ᠲᠠᠢ ᠭᠡᠳᠦᠨ ᠵᠠᠯᠠᠭᠤᠰ ᠪᠠᠷᠢᠭᠠᠳᠠ ᠶᠢᠨ ᠭᠡᠷ ᠠᠴᠠ | ᠬᠤᠶᠠᠷ ᠮᠦᠷ ᠢᠶᠠᠷ ᠵᠢᠭᠳᠡ ᠠᠯᠬᠤᠭᠰᠠᠭᠠᠷ ᠭᠠᠷᠴᠦ ᠢᠷᠡᠭᠰᠡᠨ ᠢᠶᠠᠨ ᠬᠦᠷᠢᠶᠡᠨ ᠤ ᠵᠡᠬᠦᠨ ᠡᠮᠦᠨᠡ ᠬᠦᠷᠴᠦ ᠤᠯᠤᠰ ᠤᠨ ᠲᠤᠭ ᠮᠠᠨᠳᠤᠭᠤᠯᠤᠨᠠ᠃ | ᠮᠠᠨ ᠤ ᠭᠠᠴᠠᠭᠠᠨ ᠤ ᠬᠢᠨ ᠤᠯᠤᠰ ᠤᠨ ᠲᠤᠭ ᠮᠠᠨᠳᠤᠭᠤᠯᠬᠤ ᠶᠤᠰᠤᠯᠠᠯ ᠢᠶᠠᠷ ᠠᠷᠭᠠ ᠶᠢᠨ ᠤᠯᠠᠷᠢᠯ ᠤᠨ ᠰᠢᠨᠠ ᠤᠨ ᠢ ᠤᠭᠳᠤᠬᠤ ᠵᠤᠷᠰᠢᠯ ᠢᠶᠠᠨ ᠤᠳᠤ | ᠴᠦ ᠭᠡᠰᠡᠨ ᠪᠠᠷᠢᠮᠳᠠᠯᠠᠭᠰᠠᠭᠠᠷ᠃ ᠡᠵᠢ ᠶᠢᠨ ᠭᠡᠯᠡᠬᠦ ᠪᠠᠷ ︽ᠠᠶᠢᠯ ᠤᠨ ᠱᠦᠵᠢ ᠲᠤᠪᠳᠤᠨ ᠡᠪᠦᠭᠡ ᠠᠴᠠ ᠯᠡ ᠡᠭᠢᠯᠡᠭᠰᠡᠨ᠁︾ ᠭᠡᠳᠡᠭ᠃ ᠪᠢ ᠲᠠᠩᠳᠠ ᠭᠠᠶᠢᠬᠠᠨ | ᠰᠤᠨᠢᠷᠬᠠᠵᠦ ᠲᠤᠪᠳᠤᠨ ᠡᠪᠦᠭᠡ ᠶᠢᠨ ᠲᠤᠬᠠᠢ ᠡᠵᠢ ᠠᠴᠠ ᠪᠠᠨ ᠠᠰᠠᠭᠤᠬᠤ ᠳᠤ ︽ᠡᠭᠡ ᠤᠷᠤᠨ᠂ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠲᠦᠢᠯ ᠤᠨ ᠬᠠᠶᠢᠷᠠᠳᠠᠢ᠃ ᠨᠡᠷᠡ | ᠨᠢᠳᠡᠷ ᠲᠡᠭᠡᠨ ᠲᠠᠩᠴᠡᠭᠰᠡᠨ ᠨᠢᠭᠡᠨ ᠡᠪ ᠬᠠᠮᠳᠤ ᠨᠠᠮ ᠤᠨ ᠭᠡᠰᠢᠬᠦᠨ ᠪᠤᠯᠤᠨᠠ︾ ᠭᠡᠵᠦ ᠲᠠᠶᠢᠯᠪᠤᠷᠢᠯᠠᠨ ᠶᠠᠷᠢᠵᠦ ᠦᠭᠴᠠᠢ᠃ | ᠤᠳᠤ ᠤᠯᠤᠰ ᠤᠨ ᠲᠤᠭ ᠮᠠᠨᠳᠤᠭᠤᠯᠬᠤ ᠳᠤ ᠭᠠᠴᠠᠭᠠᠨ ᠤ ᠨᠢᠭᠳᠠᠯᠠᠨ ᠪᠤᠳᠤᠭᠴᠢ ᠭᠡᠷ ᠲᠤᠳᠤᠷᠠᠭᠢ ᠲᠠᠭᠤ ᠲᠤᠮᠤᠷᠠᠭᠤᠯᠤᠭᠴᠢ ᠮᠠᠰᠢᠨ ᠤ ᠪᠠᠨ ᠵᠢᠵᠢᠭᠭᠡᠨ | ᠲᠠᠷᠤᠪᠴᠢ ᠪᠠᠷ ᠬᠦ᠋ᠷᠢᠶᠡᠨ ᠲᠤᠮᠳᠠ ᠠᠴᠠ ᠵᠠᠭᠢᠷᠤᠨᠠ᠃ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠭᠵᠢᠯᠳᠡ ᠶᠢ ᠪᠢᠰᠢᠷᠡᠬᠦ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ ᠦᠳᠡᠰᠢ ᠶᠢᠨ | ᠰᠡᠯᠡᠬᠦᠨ ᠳᠤ ᠭᠠᠴᠠᠭᠠᠨ ᠤ ᠬᠦᠷᠢᠶᠡᠨ ᠳᠤ ᠦᠩᠭᠡ ᠪᠦᠷᠢ ᠶᠢᠨ ᠬᠤᠸᠠᠷ ᠫᠤᠤᠵᠢᠩ ᠰᠦᠨᠢ ᠶᠢᠨ ᠤᠭᠳᠠᠷᠭᠤᠢ ᠳᠤ ᠰᠤᠯᠤᠩᠭᠠᠷᠠᠨᠠ᠃ | ︽ᠨᠠᠮ ᠲᠦᠷᠦ ᠶᠢᠨ ᠰᠠᠶᠢᠨ ᠢᠶᠠᠷ ᠤᠳᠤ ᠴᠢᠨᠢ ᠡᠳᠦᠷ ᠪᠤᠯᠭᠠᠨ ᠰᠢᠨᠡᠯᠡᠵᠦ ᠪᠤᠢ︾ ᠭᠡᠵᠦ ᠡᠪᠦᠭᠡᠳ ᠤᠨ ᠵᠤᠭᠤᠭ ᠦᠷᠬᠦᠯᠵᠢᠯᠡᠭᠡᠳ ᠬᠦᠳᠡᠭᠡ ᠨᠤᠳᠤᠭ ᠲᠤ | ᠬᠦᠭᠵᠢᠯ ᠤᠨ ᠠᠭᠤᠷ ᠠᠮᠢᠰᠬᠤᠯ ᠪᠢᠯᠬᠠᠨᠠ᠃ ᠵᠠᠯᠠᠭᠤ ᠠᠮᠠᠷᠠᠭ ᠬᠤᠤᠰ ᠤᠳ ᠮᠠᠰᠢᠨ ᠲᠡᠷᠭᠡ ᠪᠠᠨ ᠵᠢᠯᠣᠭᠤᠳᠴᠣ ᠬᠤᠳᠠ ᠤᠷᠤᠭᠠᠳ ᠨᠢᠳᠦ ᠪᠠᠨ ᠬᠤᠵᠢᠷᠯᠠᠵᠦ | ᠰᠡᠳᠭᠢᠯ ᠰᠠᠨᠠᠭᠠ ᠪᠠᠨ ᠰᠡᠷᠭᠦᠭᠡᠵᠦ ᠢᠷᠡᠨᠡ᠃ ᠡᠰᠡᠨᠢᠯ ᠤᠨ ᠬᠠᠪᠤᠷ ᠰᠠᠭᠠᠳᠠᠭᠰᠠᠨ ᠬᠦᠳᠡᠭᠡ ᠨᠤᠳᠤᠭ ᠤᠨ ᠰᠢᠨᠡ ᠨᠢᠭᠡᠨ ᠤᠨ ᠪᠠᠶᠠᠷ ᠬᠦᠷ ᠲᠠᠢ ᠲᠤᠤᠵᠠ ᠪᠠᠨ | ᠬᠠᠶᠢᠴᠢᠯᠠᠳᠠᠭ ᠶᠤᠮ ᠪᠠᠶᠢᠨᠠ᠃ | ᠤᠷᠠᠨ ᠬᠦᠬᠦᠭᠡ ᠤᠢ ᠬᠦᠪᠴᠢ ᠳᠤ ᠤᠶᠠᠬᠠᠨ ᠢᠷᠠᠭᠤ ᠲᠤᠩᠭᠤᠳᠴᠦ | ᠤᠷᠤᠭ ᠬᠠᠯᠵᠠᠨ ᠪᠤᠭᠤ ᠬᠠᠳᠠ ᠠᠰᠭᠠ ᠲᠠᠮᠵᠢᠨ ᠤᠷᠤᠮᠳᠠᠵᠦ | ᠤᠳᠤᠷ ᠨᠡᠬᠦᠳᠡᠯ ᠤᠨ ᠴᠤᠪᠤᠭᠠ ᠠᠯᠤᠰ ᠲᠤ ᠰᠤᠨᠤᠯᠵᠠᠨ ᠬᠤᠯᠠᠳᠠᠵᠦ | ᠤᠨᠠᠭᠠᠨ ᠨᠤᠳᠤᠭ ᠤᠨ ᠬᠠᠪᠤᠷ ᠤᠳᠭᠠ ᠲᠡᠬᠦᠯᠳᠡᠷ ᠰᠠᠨᠠᠭᠳᠠᠨᠠ ᠁ ᠭᠡᠰᠡᠨ ᠨᠢᠭᠡᠨ ᠰᠢᠯᠦᠭᠴᠢ ᠶᠢᠨ ︽ᠬᠠᠪᠤᠷ︾ ᠭᠡᠮᠡᠬᠦ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠮᠦᠷ | ᠪᠠᠳᠠᠭ ᠮᠢᠨᠦ ᠰᠡᠷᠡᠯ ᠢ ᠴᠢᠪᠠᠭᠳᠠᠨ ᠵᠢᠷᠦᠭᠡᠨ ᠳᠤ ᠮᠢᠨᠢ ᠭᠡᠷᠡᠯᠳᠦᠨᠡ᠃ ᠲᠡᠶᠢᠮᠦ ᠡ᠂ ᠰᠢᠨᠡ ᠤᠨ ᠢᠶᠠᠨ ᠤᠭᠳᠤᠬᠤ ᠳᠤ ᠰᠦᠨᠢ ᠨᠢ ᠬᠦᠷᠳᠡᠯᠡ ᠰᠡᠳᠭᠢᠯ ᠳᠤ | ᠲᠤᠯᠠᠭᠠᠨ᠂ ᠲᠦᠭᠡᠭᠰᠡᠨ ᠤᠳᠤᠳ ᠨᠢ ᠨᠠᠷᠠᠪᠴᠢᠨ ᠲᠡᠭᠡᠷᠡ ᠰᠠᠭᠤᠭᠠᠳ ᠶᠠᠭᠤ ᠨᠢᠭᠡ ᠰᠢᠪᠡᠨᠡᠮᠡᠷ᠂ ᠨᠠᠷᠠ ᠨᠢ ᠴᠦ ᠤᠤᠯ ᠠᠴᠠ ᠪᠠᠨ ᠡᠷᠳᠡ ᠤᠷᠭᠤᠭᠠᠳ ᠨᠠᠳᠠ | ᠤᠷᠤᠭᠤ ᠢᠨᠢᠶᠡᠭᠰᠡᠭᠡᠷ ᠢᠷᠡᠬᠦ ᠰᠢᠭ ᠪᠤᠳᠤᠭᠳᠠᠭᠠᠳ ᠪᠠᠶᠢᠳᠠᠭ ᠢ ᠦᠭᠡ ᠪᠠᠷ ᠭᠡᠷᠭᠢᠨ ᠵᠦᠢᠷᠯᠡᠬᠦ ᠪᠤᠢ︕ | ᠵᠡᠬᠦᠳᠦᠨ ᠳᠤ ᠮᠢᠨᠢ ᠴᠢ ᠭᠡᠷᠡᠯ ᠪᠤᠯᠵᠦ ᠰᠤᠯᠤᠩᠭᠠ ᠶᠢᠨ ᠦᠩᠭᠡ ᠪᠠᠷ ᠰᠠᠴᠤᠷᠠᠵᠦ ᠢᠷᠡᠨᠡ᠂ | ᠵᠢᠷᠦᠭᠡᠨ ᠳᠤ ᠮᠢᠨᠢ ᠴᠢ ᠵᠠᠮᠴᠢ ᠪᠤᠯᠵᠦ ᠤᠶᠠᠬᠠᠨ ᠲᠠᠭᠤᠤ ᠪᠠᠷ ᠬᠠᠩᠭᠢᠨᠠᠵᠦ ᠢᠷᠡᠨᠡ᠂ | ᠵᠦᠩᠨᠡᠯ ᠳᠤ ᠮᠢᠨᠢ ᠴᠢ ᠰᠢᠯᠦᠭ ᠪᠤᠯᠵᠦ ᠵᠢᠷᠭᠠᠯ ᠤᠨ ᠮᠦᠰᠢᠶᠡᠳᠦ ᠪᠠᠷ ᠠᠩᠭᠢᠯᠵᠦ ᠢᠷᠡᠨᠡ᠂ | ᠵᠦᠢᠴᠢᠯᠡᠯ ᠳᠤ ᠮᠢᠨᠢ ᠴᠢ ᠬᠦᠰᠡᠯ ᠪᠤᠯᠵᠦ ᠰᠠᠶᠢᠬᠠᠨ ᠤ ᠢᠷᠦᠭᠡᠯ ᠢᠶᠠᠷ ᠭᠢᠯᠡᠯᠵᠡᠵᠦ ᠢᠷᠡᠨᠡ᠂ | ᠦᠶᠦᠭ ᠲᠠᠩᠰᠤᠭ ᠠᠮᠢᠳᠤᠷᠠᠯ᠂ ᠦᠷᠨᠢᠵᠦ ᠲᠡᠯᠭᠡᠷᠡᠬᠦ ᠶᠢᠨ ᠵᠦᠩ᠂ ᠡᠩᠭᠡ ᠠᠮᠤᠭᠤᠯᠠᠩ ᠤᠷᠤᠰᠢᠬᠤᠢ᠂ ᠠᠯᠢᠪᠠ ᠪᠦᠬᠦᠨ ᠴᠢᠮᠠ ᠠᠴᠠ ᠰᠢᠨᠠ ᠪᠠᠷ | ᠡᠭᠢᠯᠡᠨᠡ — | ᠦᠭᠡᠳᠡ ᠭᠡᠶᠢᠮᠤᠷᠢ ᠲᠠᠢ 2025 ᠤᠨ ᠮᠢᠨᠢ︕ | | | |