| ᠴᠠᠰᠤᠨ ᠴᠡᠴᠡᠭ ᠠᠶᠠᠷ ᠠᠶᠠᠷ ᠪᠦᠵᠢᠨ ᠡᠬᠡ ᠲᠡᠯᠡᠬᠡᠢ ᠶᠢ ᠴᠠᠭᠠᠨ ᠦᠩᠭᠡ ᠪᠠᠷ ᠴᠢᠮᠡᠭᠯᠡᠬᠦ ᠦᠶᠡ ᠳᠤ᠂ ᠮᠤᠳᠤᠨ ᠮᠦᠴᠢᠷ ᠲᠡᠭᠡᠷᠡ ᠴᠠᠰᠤᠨ ᠪᠠᠳᠮᠠᠷᠠᠭᠠ | ᠲᠡᠭᠦᠵᠢᠩᠨᠡᠨᠡ᠂ ᠭᠡᠷ ᠪᠠᠶᠢᠰᠢᠩ ᠭᠡᠷᠡᠮ ᠬᠠᠨᠠ ᠴᠠᠭᠠᠨ ᠮᠠᠯᠠᠭᠠᠢ ᠵᠡᠭᠦᠨᠡ᠃ ᠠᠯᠤᠰ ᠤᠨ ᠠᠭᠤᠯᠠ ᠲᠤᠯᠤᠭᠠᠳ ᠴᠠᠶᠢᠷᠠᠨ ᠰᠦᠮᠡᠯᠵᠡᠨᠡ᠃ ᠬᠦᠷᠢᠶᠡᠨ ᠱᠤᠩ | ᠲᠡᠭᠡᠷᠡ ᠰᠠᠭᠤᠭᠰᠠᠨ ᠬᠦᠭᠡᠷᠦᠬᠦᠢ ᠨᠢᠭᠡᠨ ᠪᠤᠯᠵᠤᠮᠤᠷ ᠢ ᠱᠤᠬᠤᠭᠤᠷᠠᠬᠠᠨ ᠬᠠᠷᠠᠵᠤ ᠪᠠᠶᠢᠭᠰᠠᠭᠠᠷ᠂ ᠪᠤᠯᠵᠤᠮᠤᠷ ᠪᠠᠷᠢᠬᠤ ᠭᠡᠰᠡᠨ ᠡᠯᠭᠡᠭ ᠤᠨ ᠲᠡᠭᠡᠰᠦ ᠶᠢ | ᠴᠢᠩᠭᠠᠭᠠᠬᠤ ᠪᠠᠨ ᠮᠠᠷᠳᠠᠨᠠ᠃ ᠴᠠᠰᠤᠨ ᠤ ᠲᠠᠷᠠᠭᠠ ᠬᠦᠷᠢᠶᠡᠨ ᠤ ᠴᠠᠰᠤ ᠶᠢ ᠬᠦᠷᠳᠦᠨ ᠴᠢᠨᠡᠭᠡ ᠱᠦᠭᠦᠷᠳᠡᠨ ᠠᠷᠢᠯᠭᠠᠵᠤ᠂ ᠠᠮᠤ ᠪᠤᠷᠴᠠᠭ ᠰᠠᠶᠢᠵᠠᠳᠠᠬᠤ ᠲᠤᠮᠤ | ᠡᠯᠭᠡᠭ ᠢ ᠮᠤᠳᠤ ᠪᠠᠷ ᠲᠤᠯᠵᠤ᠂ ᠡᠯᠭᠡᠭ ᠤᠨ ᠲᠤᠤᠷᠠ ᠠᠳᠬᠤ ᠠᠮᠤ ᠰᠠᠴᠤᠵᠤ᠂ ᠡᠯᠭᠡᠭ ᠤᠨ ᠭᠠᠵᠠᠷ ᠲᠠᠢ ᠬᠦᠷᠦᠯᠴᠡᠵᠦ ᠪᠠᠶᠢᠭᠠ ᠲᠤᠤᠷᠠ ᠲᠠᠯᠠ ᠳᠤ ᠨᠢᠭᠡᠨ ᠨᠠᠷᠢᠨ | ᠤᠷᠳᠤ ᠲᠡᠭᠡᠰᠦ ᠶᠢ ᠤᠶᠠᠵᠤ ᠲᠠᠯᠪᠢᠨᠠ᠃ ᠪᠤᠯᠵᠤᠮᠤᠷ ᠤᠳ ᠡᠯᠭᠡᠭ ᠤᠨ ᠲᠤᠤᠷᠠᠬᠢ ᠠᠮᠤ ᠪᠤᠳᠠᠭᠠ ᠳᠤ ᠭᠤᠷᠢᠯᠠᠵᠤ ᠨᠢᠰᠤᠨ ᠢᠷᠡᠵᠦ ᠢᠳᠡᠮᠡᠭᠴᠡ ᠡᠯᠭᠡᠭ ᠠᠴᠠ | ᠤᠶᠠᠭᠰᠠᠨ ᠲᠡᠭᠡᠰᠦ ᠶᠢ ᠤᠭᠵᠤᠮ ᠲᠠᠳᠠᠨ ᠪᠤᠯᠵᠤᠮᠤᠷ ᠢ ᠡᠯᠭᠡᠭ ᠲᠤ ᠬᠦᠮᠦᠷᠢᠵᠦ ᠪᠠᠷᠢᠵᠤ ᠠᠪᠤᠨᠠ᠃ ᠡᠯᠭᠡᠭ ᠠᠴᠠ ᠤᠶᠠᠭᠰᠠᠨ ᠲᠡᠭᠡᠰᠦᠨ ᠤ ᠨᠢᠭᠡ ᠦᠵᠦᠬᠦᠷ ᠢ | ᠭᠠᠳᠠᠷ ᠡᠭᠦᠳᠡᠨ ᠲᠤᠤᠭᠤᠷ ᠰᠢᠷᠭᠤᠭᠤᠯᠵᠤ᠂ ᠬᠦᠮᠦᠨ ᠨᠢ ᠪᠤᠯᠵᠤᠮᠤᠷ ᠠᠴᠠ ᠨᠢᠭᠤᠵᠤ᠂ ᠡᠭᠦᠳᠡ ᠶᠢ ᠵᠠᠪᠰᠠᠷᠯᠠᠵᠤ ᠰᠡᠮᠡᠭᠡᠷ ᠠᠵᠢᠭᠯᠠᠨᠠ᠃ | ᠴᠠᠰᠤᠨ ᠤ ᠲᠠᠷᠠᠭᠠ ᠪᠤᠯᠵᠤᠮᠤᠷ ᠪᠠᠷᠢᠬᠤ ᠨᠢ ᠲᠦᠢᠯ ᠤᠨ ᠪᠠᠶᠠᠰᠤᠯ ᠲᠠᠢ᠃ ᠡᠯᠭᠡᠭ ᠲᠠᠳᠠᠬᠤ ᠲᠡᠭᠡᠰᠦ ᠶᠢ ᠠᠬᠠ ᠨᠠᠷ ᠠᠳᠬᠤᠳᠠᠭ᠃ ᠪᠢ ᠬᠦᠮᠦᠷᠢᠭᠰᠡᠨ | ᠡᠯᠭᠡᠭ ᠠᠴᠠ ᠫᠦᠷᠴᠢᠬᠢᠨᠡᠨ ᠨᠢᠰᠭᠦ ᠪᠤᠯᠵᠤᠮᠤᠷ ᠢ ᠪᠠᠷᠢᠬᠤ ᠳᠤ ᠬᠠᠮᠵᠢᠨᠠ᠂ ᠰᠢᠷᠠᠭᠰᠠᠨ ᠪᠤᠯᠵᠤᠮᠤᠷ ᠤᠨ ᠠᠮᠳᠠ ᠶᠢ ᠪᠤᠳᠤᠬᠤᠯᠠᠷ ᠤᠳᠤ ᠴᠦ ᠭᠡᠰᠡᠨ ᠰᠢᠯᠤᠰᠤ | ᠭᠤᠭᠤᠵᠢᠵᠦ ᠤᠷᠤᠭᠤᠯ ᠢᠶᠠᠨ ᠲᠠᠮᠰᠢᠶᠠᠯᠠᠨᠠ ᠁ | ᠴᠠᠰᠤᠨ ᠤ ᠲᠠᠷᠠᠭᠠ ᠪᠢᠳᠡ ᠪᠠᠰᠠ ᠬᠦᠷᠢᠶᠡᠨ ᠤ ᠴᠠᠰᠤ ᠶᠢ ᠱᠦᠭᠦᠷᠳᠡᠨᠡ᠃ ᠱᠦᠬᠦᠷᠳᠡᠵᠦ ᠤᠪᠤᠭᠠᠯᠠᠭᠰᠠᠨ ᠴᠠᠰᠤ ᠪᠠᠷ ᠴᠠᠰᠤᠨ ᠬᠦᠮᠦᠨ ᠪᠠᠷᠢᠵᠤ | ᠨᠠᠭᠠᠳᠤᠨᠠ᠃ ᠵᠢᠵᠢᠭ ᠴᠢᠯᠠᠭᠤ ᠮᠤᠳᠤ ᠪᠠᠷ ᠴᠠᠰᠤᠨ ᠬᠦᠮᠦᠨ ᠳᠡᠭᠡᠨ ᠨᠢᠳᠤ ᠠᠮᠠ ᠬᠠᠮᠠᠷ ᠵᠤᠬᠢᠶᠠᠵᠦ ᠦᠭᠭᠦ ᠪᠦᠭᠡᠳ ᠪᠠᠰᠠ ᠮᠠᠯᠠᠭᠠᠢ ᠡᠮᠦᠰᠭᠡᠨᠡ᠃ ᠮᠠᠭᠤ | ᠠᠯᠴᠢᠭᠤᠷ ᠪᠤᠶᠤ ᠦᠪᠡᠷ ᠤᠨ ᠮᠠᠯᠠᠭᠠᠢ ᠠᠯᠴᠢᠭᠤᠷ ᠢᠶᠠᠨ ᠴᠦ ᠵᠡᠭᠦᠯᠭᠡᠨᠡ᠃ ᠪᠢᠳᠠ ᠦᠪᠡᠷ ᠤᠨ ᠪᠠᠷᠢᠭᠰᠠᠨ ᠴᠠᠰᠤᠨ ᠬᠦᠮᠦᠨ ᠢᠶᠠᠨ ᠦᠵᠡᠨ ᠦᠵᠡᠨ ᠪᠠᠶᠠᠷᠯᠠᠨᠠ᠃ | ᠡᠷᠬᠢᠵᠦ ᠲᠤᠭᠤᠷᠢᠭᠠᠳ ᠬᠦᠶᠦᠵᠦ ᠲᠤᠭᠯᠠᠵᠤ ᠨᠠᠭᠠᠳᠤᠨᠠ᠃ ᠬᠦᠯᠦᠰᠦ ᠭᠠᠷᠳᠠᠯᠠ ᠲᠤᠭᠯᠠᠬᠤ ᠳᠤ ᠡᠵᠢ ᠮᠢᠨᠢ ᠵᠢᠪᠠᠷ ᠠᠪᠤᠭᠤᠵᠠᠢ ᠭᠡᠵᠦ ᠰᠠᠨᠠᠭᠤᠯᠤᠨᠠ᠃ ᠰᠢᠬᠢᠷ | ᠰᠢᠭ ᠴᠠᠰᠤ ᠶᠢ ᠦᠵᠡᠭᠡᠳ ᠠᠮᠳᠠᠯᠠᠶᠠ ᠭᠡᠵᠦ ᠰᠠᠨᠠᠨᠠ᠃ ᠲᠡᠭᠡᠬᠦ ᠳᠤ ᠡᠵᠢ ᠮᠢᠨᠢ᠄ ︽ᠴᠠᠰᠤ ᠢᠳᠡᠵᠦ ᠪᠤᠯᠬᠤ ᠦᠭᠡᠢ ᠰᠢᠦ᠂ ᠬᠠᠨᠢᠶᠠᠳᠤ ᠶᠢᠨ ᠡᠪᠡᠳᠴᠢᠨ ᠤᠯᠤᠨᠠ | ︾ ᠭᠡᠵᠦ ᠰᠡᠷᠡᠮᠵᠢᠯᠡᠭᠦᠯᠦᠭᠡᠳ ᠪᠢᠳᠡᠨ ᠳᠤ ᠴᠠᠰᠤ ᠢᠳᠡᠭᠦᠯᠳᠡᠭ ᠦᠭᠡᠢ᠃ ᠲᠡᠭᠡᠬᠦ ᠳᠤ ᠪᠢ ᠲᠡᠭᠷᠢ ᠲᠡᠭᠡᠷᠡ ᠶᠠᠭᠠᠬᠢᠭᠠᠳ ᠡᠶᠢᠮᠦ ᠠᠷᠪᠢᠨ ᠰᠢᠬᠢᠷ ᠮᠡᠳᠦ ᠴᠠᠰᠤ | ᠪᠠᠶᠢᠭᠰᠠᠨ ᠪᠤᠢ ᠭᠡᠵᠦ ᠰᠤᠨᠢᠭᠤᠴᠢᠯᠠᠨᠠ᠃ ᠠᠪᠴᠦ ᠢᠳᠡᠵᠦ ᠪᠤᠯᠳᠠᠭ ᠦᠭᠡᠢ ᠴᠦ ᠠᠯᠠᠭᠠᠨ ᠲᠡᠭᠡᠷᠡ ᠪᠠᠨ ᠲᠠᠯᠪᠢᠭᠠᠳ ᠤᠪ ᠤᠶᠢᠷᠠᠬᠠᠨ ᠠᠴᠠ ᠰᠢᠨᠵᠢᠵᠦ | ᠪᠠᠭᠠᠷᠬᠠᠳᠠᠭ᠃ ᠲᠡᠭᠡᠬᠦ ᠳᠤ ᠲᠤᠭᠯᠠᠨ ᠭᠦᠶᠦᠭᠡᠳ ᠬᠠᠯᠠᠭᠤᠴᠠᠭᠰᠠᠨ ᠪᠡᠶᠡ ᠳᠤ ᠵᠢᠷᠢᠰ ᠭᠢᠳᠡᠯᠡ ᠰᠡᠷᠢᠬᠦᠨ ᠰᠡᠷᠡᠭᠳᠡᠯ ᠦᠭᠴᠦ᠂ ᠠᠶᠠᠷᠬᠠᠨ ᠬᠠᠶᠢᠯᠬᠤ ᠠᠯᠠᠭᠠᠨ ᠤ | ᠮᠢᠨᠢ ᠴᠠᠰᠤ ᠡᠭᠦᠷᠢᠳᠡ ᠪᠦᠳᠦᠨ ᠪᠠᠶᠢᠭᠠᠰᠠᠢ ᠭᠡᠵᠦ ᠬᠦᠰᠡᠨᠡ᠃ | ᠡᠪᠦᠯ ᠤᠨ ᠤᠯᠠᠷᠢᠯ ᠤᠨ ᠬᠠᠮᠤᠭ ᠢᠷᠠᠭᠤ ᠠᠶᠠᠯᠭᠤ ᠪᠤᠯ ᠴᠠᠰᠤ ᠤᠷᠤᠵᠤ ᠪᠠᠶᠢᠭᠠ ᠠᠨᠢᠷ ᠬᠦᠭᠵᠢᠮ᠃ ᠡᠨᠡ ᠬᠦ ᠨᠠᠮ ᠵᠢᠮ ᠠᠮᠤᠷ ᠠᠮᠤᠭᠤᠯᠠᠩ ᠤᠷᠴᠢᠨ ᠳᠤ | ᠰᠡᠳᠭᠢᠯ ᠮᠢᠨᠢ ᠤᠶᠢᠯᠤᠨ ᠲᠠᠪᠠᠯᠭᠠᠯᠠᠬᠤ ᠪᠠᠨ ᠪᠤᠯᠢᠵᠤ᠂ ᠶᠠᠭ ᠯᠠ ᠨᠠᠮ ᠲᠠᠶᠢᠪᠤᠩ ᠲᠠᠯᠠᠢ ᠶᠢᠨ ᠤᠰᠤ ᠰᠢᠭ ᠮᠡᠯᠳᠡᠯᠵᠡᠨᠡ᠃ ᠡᠨᠡ ᠬᠦ ᠪᠦᠳᠡᠬᠢᠬᠡᠨ ᠴᠠᠭᠠᠨ ᠠᠶᠠᠯᠭᠤ | ᠬᠦᠭᠵᠢᠮ ᠢ ᠰᠤᠨᠤᠰᠤᠭᠰᠠᠭᠠᠷ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠡᠬᠡ ᠪᠠᠶᠢᠭᠠᠯᠢ ᠳᠤ ᠠᠭᠤᠰᠴᠤ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠡᠷᠭᠦᠭᠰᠡᠨ ᠭᠤᠴᠤ ᠢᠷᠠᠭᠤ ᠬᠦᠭᠵᠢᠮ ᠳᠤ | ᠰᠤᠭᠳᠤᠭᠤᠷᠠᠵᠤ᠂ ᠪᠤᠳᠤᠯ ᠰᠡᠳᠭᠢᠯ ᠮᠢᠨᠢ ᠲᠠᠬᠢᠨ ᠤᠶᠢᠯᠤᠨ ᠲᠠᠪᠠᠯᠭᠠᠯᠠᠨᠠ᠃ ᠭᠡᠳᠡᠯᠡ ᠡᠨᠡ ᠬᠦ ᠲᠠᠪᠠᠯᠭᠠᠨ ᠦᠵᠡᠭᠳᠡᠰᠢ ᠦᠭᠡᠢ᠂ ᠪᠠᠷᠢᠭᠳᠠᠰᠢ ᠦᠭᠡᠢ᠂ ᠵᠦᠪᠬᠡᠨ | ᠲᠤᠨᠤᠯᠵᠠᠭᠰᠠᠭᠠᠷ ᠬᠤᠯᠠ ᠶᠢᠨ ᠬᠤᠯᠠ ᠤᠳᠤᠨᠠ ᠁ ᠡᠨᠡ ᠦᠶᠡ ᠳᠤ ᠨᠢᠳᠤ ᠪᠠᠨ ᠠᠨᠢᠪᠬᠢᠵᠤ ᠠᠪᠬᠤ ᠳᠤ ᠰᠤᠷᠮᠤᠤᠰᠤᠨ ᠳᠤ ᠨᠠᠭᠠᠯᠳᠤᠭᠰᠠᠨ ᠴᠠᠰᠤ ᠬᠠᠴᠠᠷ | ᠲᠡᠭᠡᠬᠦᠷ ᠠᠶᠠᠷᠬᠠᠨ ᠭᠤᠯᠭᠤᠷᠢᠨᠠ᠃ ᠰᠡᠳᠭᠢᠯ ᠤᠨ ᠢᠶᠠᠨ ᠲᠠᠭᠤᠨ ᠢ ᠴᠢᠩᠨᠠᠵᠤ᠂ ᠦᠪᠡᠷ ᠲᠠᠢ ᠪᠠᠨ ᠶᠠᠷᠢᠯᠴᠠᠬᠤ ᠳᠤ ᠡᠨᠡ ᠲᠡᠯᠡᠬᠡᠢ ᠡᠪᠴᠢᠬᠦᠦ ᠴᠡᠬᠡᠵᠢᠨ ᠳᠤ | ᠠᠭᠤᠰᠴᠢᠬᠠᠭᠰᠠᠨ ᠰᠢᠬ᠂ ᠡᠰᠡᠭᠦᠯᠡ ᠦᠪᠡᠷ ᠢᠶᠠᠨ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠢᠶᠠᠨ ᠨᠢᠬᠡᠨ ᠰᠢᠷᠭᠡᠭ ᠴᠠᠰᠤ ᠪᠤᠯᠴᠢᠬᠠᠭᠰᠠᠨ ᠰᠢᠭ ᠬᠦᠭᠰᠡᠨᠡ᠃ ᠭᠬᠢᠷ ᠦᠭᠡᠢ ᠠᠷᠢᠭᠤᠨ | ᠴᠠᠭᠠᠨ ᠵᠢᠷᠳᠢᠨᠴᠦ ᠳᠤ ᠤᠷᠤᠰᠢᠵᠦ ᠪᠠᠶᠢᠬᠤ ᠪᠠᠨ ᠮᠡᠳᠡᠷᠡᠬᠦ ᠦᠶᠡ ᠳᠤ ᠦᠪᠡᠷ ᠢᠶᠠᠨ ᠲᠤᠳᠤᠷᠠ ᠠᠴᠠ ᠪᠠᠨ ᠠᠷᠢᠭᠤᠰᠴᠤ ᠲᠤᠩᠭᠠᠯᠠᠭᠰᠢᠵᠤ ᠭᠡᠷᠡᠯᠳᠦᠨᠡ︕ | ᠴᠠᠰᠤᠨ ᠳᠤ ᠮᠦᠷ ᠢᠶᠠᠨ ᠭᠠᠷᠭᠠᠬᠤ ᠭᠡᠵᠦ ᠲᠡᠷᠭᠡᠨ ᠬᠦᠷᠳᠦᠨ ᠤ ᠲᠠᠷ ᠢ ᠲᠠᠭᠤᠷᠢᠶᠠᠵᠤ ᠨᠢᠬᠡ ᠨᠢᠭᠡ ᠮᠦᠷ ᠢᠶᠠᠷ ᠵᠢᠭᠳᠡᠷᠡᠬᠦᠯᠦᠨ ᠠᠯᠬᠤᠯᠠᠨᠠ᠃ ᠲᠷᠠᠺᠲ᠋ᠤᠷ | ᠮᠠᠰᠢᠨ ᠲᠠᠢ ᠪᠤᠯᠬᠤ ᠶᠢ ᠬᠦᠰᠡᠨ ᠵᠦᠩᠨᠡᠵᠦ ᠪᠠᠶᠢᠭᠰᠠᠨ ᠪᠤᠳᠤᠯ ᠮᠢᠨᠢ ᠨᠡᠶᠢᠭᠡᠮ ᠤᠨ ᠨᠢᠰᠭᠦ ᠮᠡᠳᠦ ᠲᠦᠷᠭᠡᠨ ᠬᠦᠭᠵᠢᠯᠳᠡ ᠪᠠᠷ ᠤᠳᠠᠯ ᠦᠭᠡᠢ ᠪᠡᠶᠡᠯᠡᠭᠳᠡᠵᠦ᠂ ᠡᠷᠦᠬᠡ | ᠪᠦᠷᠢ ᠮᠠᠰᠢᠨ ᠲᠷᠠᠺᠲ᠋ᠤᠷ ᠲᠠᠢ ᠪᠤᠯᠵᠠᠢ᠃ | ᠪᠢᠳᠡ ᠪᠠᠰᠠ ︽ᠴᠠᠰᠤᠨ ᠪᠠᠶᠢᠯᠳᠤᠭᠠᠨ︾ ᠬᠢᠨᠡ᠃ ᠦᠰᠦ ᠲᠤᠯᠤᠭᠠᠢ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠬᠦᠵᠦᠬᠦᠦ ᠰᠡᠭᠡᠷ ᠪᠦᠷ ᠴᠠᠰᠤ ᠪᠤᠯᠴᠢᠬᠠᠭᠰᠠᠨ ᠤᠷᠤᠵᠤ | ᠢᠷᠡᠬᠦ ᠳᠤ ᠡᠵᠢ ᠮᠢᠨᠢ ᠦᠭᠦᠭᠡᠷᠳᠡᠭᠰᠡᠨ ᠰᠢᠬᠦᠮᠵᠢᠯᠡᠭᠰᠡᠨ ᠬᠠᠷᠠᠴᠠ ᠪᠠᠷ ᠰᠢᠷᠪᠢᠵᠦ᠄ ︽ᠡᠨᠡ ᠠᠯᠢᠶᠠ ᠪᠠᠨᠳᠢ ᠨᠠᠷ ᠡ᠂ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠨᠤᠷᠭᠠᠵᠤ᠂ | ᠪᠢᠳᠡᠭᠡᠢ ᠬᠢᠮᠤᠷᠠᠴᠢᠬᠠ ᠳ᠋ᠠ︕︾ ᠭᠡᠵᠦ ᠦᠭᠡᠯᠡᠨᠡ᠃ | ︽ᠴᠠᠰᠤᠨ ᠲᠡᠭᠡᠷᠡ ᠮᠦᠷ ᠲᠠᠢ᠂ ᠴᠠᠭᠠᠰᠤᠨ ᠲᠡᠭᠡᠷᠡ ᠨᠡᠷᠡ ᠲᠠᠢ ᠶᠠᠪᠤ︾ ᠭᠡᠳᠡᠭ ᠡᠪᠦᠭᠡᠳ ᠤᠨ ᠰᠤᠷᠭᠠᠯ ᠢ ᠠᠯᠢ ᠭᠡᠵᠢᠶᠡ ᠦᠭᠡᠯᠡᠢ ᠪᠤᠯᠤᠭᠠᠳ ᠤᠬᠠᠭᠰᠠᠨ | ᠪᠢᠯᠡ᠃ |