| ᠪᠤᠷᠵᠢᠬᠢᠨ ᠪᠠᠶᠠᠨᠳᠦ᠋ᠭᠦᠷᠡᠩ | | ᠠᠷᠭᠠᠯ ᠤᠨ ᠤᠳᠤᠭᠠ ᠰᠤᠭᠤᠨᠠᠭᠯᠠᠭᠰᠠᠨ ᠲᠡᠭᠷᠢ ᠶᠢᠨ ᠬᠥᠬᠡ ᠮᠠᠨᠳᠠᠯ ᠳᠤ | ᠠᠴᠢᠶᠠᠨ ᠤ ᠲᠡᠮᠡᠭᠡ ᠰᠢᠭ ᠡᠭᠦᠯᠡᠰ ᠨᠢ ᠬᠤᠷᠠ ᠶᠢᠨ ᠥᠩᠭᠡ ᠪᠠᠷ ᠨᠡᠭᠦᠳᠡᠯᠯᠡᠨᠡ | ᠠᠷᠤ ᠨᠤᠲᠤᠭ ᠤᠨ ᠬᠠᠪᠤᠷ ᠤᠷᠭᠠ ᠶᠢᠨ ᠦᠵᠦᠭᠦᠷ ᠨᠠᠬᠢᠯᠵᠠᠨ | ᠠᠯᠲᠠᠨ ᠬᠢᠩᠭᠠᠨ ᠤ ᠡᠩᠭᠡᠷ ᠢᠷᠭᠤᠢ ᠨᠢᠳᠦᠯᠡᠵᠦ ᠮᠦᠰᠢᠶᠡᠨᠡᠮ | | | ᠲᠡᠭᠷᠢ ᠲᠣᠯᠢᠳᠠᠭᠰᠠᠨ ᠨᠠᠭᠤᠷ ᠨᠢ ᠮᠦᠩᠭᠦᠨ ᠳᠣᠯᠬᠢᠶᠠ ᠬᠠᠶᠠᠯᠠᠬᠤ ᠳᠤ | ᠲᠡᠷᠲᠡᠭᠡ ᠠᠯᠤᠰ ᠤᠨ ᠬᠠᠷᠭᠤᠢ ᠵᠡᠷᠭᠡᠯᠭᠡᠨ ᠳᠤᠮᠳᠠ ᠪᠠᠨ ᠰᠦᠮᠡᠯᠵᠡᠨᠡ | ᠲᠡᠩᠭᠡᠯᠢᠭ ᠪᠦᠲᠦᠨ ᠡᠷᠭᠢᠯᠳᠦᠬᠦ ᠡᠬᠡ ᠭᠠᠵᠠᠷ ᠤᠨ ᠠᠮᠢᠰᠬᠤᠭᠠ | ᠲᠠᠪᠢᠯᠠᠩ ᠵᠠᠶᠠᠭᠠᠨ ᠤ ᠣᠷᠴᠢᠯᠠᠩ ᠢ ᠬᠠᠶᠢᠷᠠ ᠶᠢᠨ ᠥᠩᠭᠡ ᠪᠠᠷ ᠴᠢᠮᠡᠭᠯᠡᠨᠡᠮ | | | ᠳᠣᠯᠣᠭᠠᠨ ᠪᠤᠷᠬᠠᠨ ᠣᠳᠣᠨ ᠰᠦᠨᠢ ᠶᠢᠨ ᠲᠡᠭᠷᠢ ᠶᠢ ᠠᠰᠠᠭᠠᠵᠤ | ᠲᠤᠤᠯᠢ ᠶᠢᠨ ᠴᠡᠩᠬᠡᠷ ᠰᠠᠯᠬᠢᠨ ᠨᠢ ᠦᠨᠳᠦᠷᠯᠢᠭ ᠤᠨ ᠡᠭᠡᠰᠢᠭ ᠢ ᠴᠢᠪᠬᠠᠳᠠᠨᠠ | ᠳᠡᠯᠪᠢ ᠪᠠᠨ ᠨᠡᠭᠡᠭᠡᠵᠦ ᠪᠤᠢ ᠴᠡᠴᠡᠭ ᠤᠨ ᠵᠡᠭᠦᠳᠦ ᠬᠠᠭᠳᠠ ᠶᠢᠨ ᠳᠣᠣᠷᠠ ᠠᠴᠠ ᠴᠣᠬᠤᠶᠢᠭᠠᠳ | ᠲᠠᠩᠭᠢᠰ ᠭᠠᠲᠤᠯᠤᠭᠰᠠᠨ ᠰᠢᠪᠠᠭᠤᠳ ᠭᠠᠩᠭᠠᠷ ᠭᠤᠩᠭᠤᠷ ᠨᠠᠭᠠᠰᠢᠯᠠᠨᠠᠮ | | | ᠬᠠᠷᠴᠠᠭᠠᠢ ᠱᠣᠩᠬᠤᠷ ᠬᠠᠯᠢᠭᠰᠠᠨ ᠶᠡᠭᠡ ᠬᠢᠩᠭᠠᠨ ᠤ ᠨᠢᠷᠤᠭᠤᠨ ᠳᠤ | ᠬᠠᠳᠠᠨ ᠭᠦᠷᠦᠭᠡᠰᠦ ᠴᠠᠬᠢᠯᠵᠤ ᠠᠮᠤᠷ ᠠᠮᠤᠭᠤᠯᠠᠩ ᠳᠤ ᠭᠡᠷᠡᠯᠲᠦᠨᠡ | ᠬᠠᠰᠠᠭ ᠤᠨ ᠬᠦᠷᠳᠦ ᠲᠠᠮᠠᠭᠠᠯᠠᠭᠰᠠᠨ ᠶᠡᠭᠡ ᠲᠠᠯᠠ ᠶᠢᠨ ᠭᠦᠨ ᠳᠤ | ᠬᠠᠨ ᠲᠡᠭᠷᠢ ᠶᠢᠨ ᠬᠠᠷᠠᠴᠠᠨ ᠠᠴᠠ ᠰᠦ ᠠᠰᠬᠠᠷᠠᠳᠠᠭ ᠪᠠᠶᠢᠨᠠᠮ | |