| ᠵᠣᠬᠢᠶᠠᠭᠴᠢ᠄ ᠵᠢ᠊· ᠪᠠᠶᠠᠷᠲᠦ | | ᠰᠠᠨᠠᠭᠠᠨ ᠳᠤ ᠤᠷᠤᠮᠠ ᠦᠭᠡᠢ ᠡᠨᠡ ᠬᠠᠶᠢᠯᠠᠰᠤ ᠶᠢ ᠰᠠᠨᠠᠨ ᠦᠭᠡᠶᠢᠯᠡᠵᠦ ᠪᠢ ᠤᠳᠠᠭᠠᠨ ᠬᠠᠷᠠᠯᠠ᠃ ᠦᠷᠦᠭᠡᠯ ᠠᠴᠠ ᠪᠠᠨ ᠳᠠᠰᠤᠷᠠᠨ ᠦᠨᠦᠴᠢᠷᠡᠵᠦ | ᠪᠡᠷᠬᠡᠲᠡᠨ᠂ ᠭᠠᠭᠴᠠᠭᠠᠷ ᠤᠷᠭᠤᠭᠰᠠᠨ ᠴᠦ ᠬᠡᠨ ᠨᠢᠭᠡᠨ ᠤ ᠳᠤᠳᠤᠮᠳᠠᠯᠭᠠ ᠪᠠᠷ ᠭᠡᠭᠡᠨᠴᠢᠷ ᠰᠢᠯᠤᠭᠤᠨ ᠤᠷᠭᠤᠭᠰᠠᠨ ᠢᠶᠠᠨ ᠤᠯᠠᠨ ᠳᠤ ᠦᠵᠡᠭᠦᠯᠦᠶᠡ ᠭᠡᠰᠡᠨ ᠰᠢᠭ | ᠤᠮᠤᠭᠲᠠᠶᠢᠬᠠᠨ ᠰᠡᠬᠦ᠋ᠨᠡ᠃ | ᠮᠠᠩᠬᠠᠨ ᠤᠷᠤᠢ ᠳᠡᠭᠡᠷᠡ ᠮᠠᠯ ᠤᠨ ᠮᠦᠷ ᠲᠧ ᠬᠤᠷᠭᠤᠳᠠᠨ ᠠᠮᠢᠯᠠᠭᠰᠠᠨ ᠨᠢᠯᠬᠠ ᠵᠤᠭᠠ ᠶᠢ ᠮᠠᠯ ᠤᠨᠤᠭᠠ᠂ ᠰᠠᠯᠬᠢ ᠰᠢᠭᠤᠷᠭᠠᠨ ᠳᠤ ᠰᠦᠢᠳᠴᠢᠬᠡᠬᠦ ᠪᠤᠢ | ᠭᠡᠵᠦ ︽ᠠᠪᠤ ᠶᠢᠨ ᠪᠤᠷᠣ ᠮᠠᠩᠬᠠ︾ ᠶᠢᠨ ᠳᠡᠷᠭᠡᠳᠡᠬᠢ ᠨᠠᠮᠬᠠᠨ ᠪᠤᠷᠣ ᠲᠤᠯᠤᠭᠠᠳ ᠤᠨ ᠳᠥᠷᠦᠭᠡᠨ ᠳᠡᠭᠡᠷᠡ ᠤᠪᠣᠭᠠᠨ ᠰᠦᠯᠳᠡ ᠶᠢᠨ ᠰᠤᠭᠰᠤᠢ ᠮᠡᠲᠦ ᠲᠤᠷᠨᠢᠭᠤᠨ | ᠤᠷᠭᠤᠭᠰᠠᠨ ᠡᠨᠡ ᠬᠠᠶᠢᠯᠠᠰᠤ ᠶᠢ ᠬᠦᠮᠦᠨ ᠤ ᠬᠠᠵᠠᠭᠠᠢ᠂ ᠬᠡᠦᠬᠡᠳ ᠤᠨ ᠪᠤᠷᠤᠭᠤ ᠶᠢ ᠵᠠᠯᠠᠵᠦ ᠵᠠᠰᠠᠬᠤ ᠰᠢᠭ ᠵᠢᠪᠬᠤᠯᠠᠩᠲᠦ ᠠᠬᠠ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠵᠦ᠂ | ᠠᠰᠠᠷᠠᠨ ᠳᠤᠳᠤᠮᠳᠠᠭᠠᠳ ᠬᠥᠯ ᠢ ᠨᠢ ᠳᠦᠷᠦᠭᠡᠨ ᠳᠤ᠂ ᠭᠠᠷ ᠢ ᠨᠢ ᠭᠠᠨᠵᠤᠭᠠᠨ ᠳᠤ ᠬᠦᠷᠭᠡᠨ ︽ᠬᠡᠦᠬᠡᠳ︾ ᠰᠢᠭ ᠬᠦᠮᠦᠨ ᠤ ᠤᠷᠴᠢᠯᠠᠩ ᠳᠤ ᠲᠤᠮᠤ ᠪᠠᠳᠠᠷᠠᠭᠤᠨ | ᠪᠤᠯᠭᠠᠵᠠᠢ᠃ | ᠡᠨᠡ ᠬᠠᠶᠢᠯᠠᠰᠤ ᠡᠷᠡ ᠶᠢᠨ ᠵᠡᠷᠭᠡ ᠳᠤ ᠲᠤᠯᠵᠣ᠂ ᠦᠵᠡᠮᠵᠢ ᠲᠡᠭᠦᠰ᠂ ᠦᠨᠳᠦᠰᠦ ᠪᠠᠲᠦ ᠬᠠᠳᠬᠤᠨ᠂ ᠦᠷᠡᠯᠡᠵᠦ ᠨᠠᠮᠠᠭᠠᠯᠠᠭᠠᠳ᠂ ᠭᠠᠩ ᠬᠠᠭᠰᠠᠷᠠᠭᠠᠨ ᠤ | ᠠᠶᠤᠯ ᠠᠴᠠ ᠠᠶᠤᠬᠤ ᠦᠭᠡᠢ᠂ ᠬᠠᠲᠠᠭᠤ ᠰᠢᠷᠦᠭᠦᠨ ᠰᠢᠭᠤᠷᠭᠠᠨ ᠠᠴᠠ ᠠᠯᠵᠢᠶᠠᠬᠤ ᠦᠭᠡᠢ᠂ ᠭᠠᠴᠢᠭᠳᠠᠬᠤ ᠳᠠᠷᠤᠯᠠᠯ ᠦᠭᠡᠢ᠂ ᠭᠠᠭᠴᠠᠭᠠᠷᠳᠠᠬᠤ ᠵᠣᠪᠠᠯ ᠦᠭᠡᠢ᠂ | ᠪᠡᠷᠬᠡ ᠶᠢ ᠳᠠᠪᠠᠭᠤ ᠲᠡᠩᠭᠡᠭᠡ ᠲᠠᠢ᠂ ᠪᠡᠳᠡᠷᠡᠬᠦ ᠶᠢ ᠲᠤᠭᠤᠯᠬᠤ ᠴᠢᠳᠠᠯ ᠲᠠᠢ ᠬᠠᠶᠢᠯᠠᠰᠤ ᠪᠣᠯᠵᠠᠢ᠃ | ᠠᠬᠠ ᠶᠢᠨ ᠬᠠᠶᠢᠯᠠᠰᠤ ᠶᠢ ᠬᠠᠷᠠᠬᠤ ᠳᠤ ᠠᠷᠪᠢᠨ ᠵᠢᠷᠤᠭ ᠳᠤᠳᠤᠷᠠᠨᠠ᠂ ᠠᠮᠢᠳᠤᠷᠠᠯ ᠤᠨ ᠮᠥᠷ ᠳᠤᠷᠠᠶᠢᠨᠠ᠃ ᠪᠠᠶᠢᠭᠠᠯᠢ ᠶᠢᠨ ᠮᠤᠳᠣ ᠴᠢᠯᠠᠭᠤ᠂ ᠡᠪᠡᠰᠦ | ᠤᠷᠭᠤᠮᠠᠯ᠂ ᠡᠵᠡᠨ ᠤᠩᠭᠤᠳ ᠲᠠᠢ᠂ ᠰᠥᠭ ᠰᠦᠨᠡᠰᠦ ᠲᠠᠢ᠂ ᠡᠶᠡ ᠨᠠᠶᠢᠷ ᠢᠶᠠᠷ ᠡᠪᠰᠢᠨ ᠳᠦᠰᠢᠯᠴᠡᠵᠦ᠂ ᠡᠷᠡᠭᠦᠯ ᠪᠠᠳᠠᠷᠠᠭᠤᠨ ᠤᠷᠭᠤᠳᠠᠭ ᠢ ᠬᠡᠯᠡᠨᠡ᠃ | ᠠᠬᠠ ᠶᠢᠨ ᠬᠠᠶᠢᠯᠠᠰᠤᠨ ᠤ ᠤᠶᠢᠷᠠᠯᠴᠠᠭᠠ ᠬᠡᠳᠦᠨ ᠪᠤᠲᠠ ᠪᠤᠷᠭᠠᠰᠤ ᠵᠢᠪᠠᠷ ᠢ ᠬᠠᠯᠬᠠᠯᠠᠨ ᠨᠦᠮᠦᠷᠴᠦ᠂ ᠨᠢᠯᠬᠠ ᠵᠤᠭᠠ ᠶᠢᠨ ᠦᠰᠦᠨ ᠲᠦᠯᠵᠢᠬᠦ ᠳᠤᠨᠢ | ᠦᠮᠦᠭ ᠳᠦᠰᠢᠭ ᠪᠤᠯᠬᠤ ᠳᠤ ᠠᠬᠠ ᠪᠠᠶᠠᠷᠯᠠᠨ᠄ ︽ᠬᠠᠮᠲᠦ ᠳᠠᠭᠠᠨ ᠳᠦᠰᠢᠯᠴᠡᠨ ᠤᠷᠭᠤᠭ᠂ ᠬᠠᠨᠢᠰᠠᠨ ᠨᠢᠭᠲᠠᠷᠠᠵᠤ ᠲᠣᠮᠣ ᠪᠤᠯᠤᠭ︕︾ ᠭᠡᠵᠦ ᠬᠠᠳᠠᠭᠰᠠᠨ | ᠪᠤᠷᠭᠠᠰᠤᠨ ᠲᠦᠯᠡᠭᠡ ᠪᠠᠷ ᠬᠦᠷᠢᠶᠡᠯᠡᠨ ᠬᠠᠮᠠᠭᠠᠯᠠᠵᠦ᠂ ᠭᠠᠩᠳᠠᠵᠤ ᠵᠦᠳᠡᠬᠦ ᠳᠤᠨᠢ ᠤᠰᠤᠯᠠᠵᠦ᠂ ᠭᠠᠴᠢᠭᠳᠠᠵᠤ ᠪᠡᠷᠬᠡᠳᠡᠬᠦ ᠳᠤᠨᠢ ᠡᠯᠪᠡᠷᠢᠯᠡᠭᠰᠡᠨ ᠠᠴᠠ ᠪᠦᠷ ᠴᠦ | ᠬᠦᠴᠦ ᠲᠠᠮᠢᠷ ᠢ ᠨᠢ ᠨᠦᠬᠦᠵᠦ᠂ ᠬᠦᠰᠡᠭᠰᠡᠨ ᠰᠠᠨᠠᠭᠠ ᠶᠢ ᠨᠢ ᠠᠴᠢᠯᠠᠨ᠂ ᠬᠦᠴᠦᠷᠬᠡᠭ ᠪᠤᠯᠭᠠᠨ ᠤᠷᠭᠤᠭᠤᠯᠤᠭᠰᠠᠨ ᠪᠠᠶᠢᠪᠠ᠃ | ᠭᠠᠵᠠᠷ ᠤᠨ ᠭᠦᠬᠦ ᠪᠣᠷᠣ ᠲᠤᠯᠤᠭᠠᠳ ᠤᠨ ᠤᠷᠤᠢ ᠳᠤ ᠨᠠᠷᠠ ᠬᠤᠷᠠ ᠶᠢᠨ ᠴᠢᠭᠢᠭ ᠰᠢᠮᠡ ᠶᠢ ᠪᠤᠯᠢᠶᠠᠯᠴᠠᠯ ᠦᠭᠡᠢ ᠬᠤᠪᠢᠶᠠᠯᠴᠠᠨ ᠰᠢᠮᠡᠵᠢᠵᠦ᠂ ᠵᠠᠭᠤᠷᠠ | ᠤᠶᠢᠷᠠ ᠪᠠᠨ ᠪᠠᠲᠦ ᠨᠢᠭᠲᠠᠷᠠᠨ᠂ ᠵᠠᠭᠤᠷᠠᠭᠠᠨ ᠬᠠᠭᠠᠴᠠᠯ ᠦᠭᠡᠢ ᠤᠷᠭᠤᠨ᠂ ᠪᠠᠶᠢᠭᠠᠯᠢ ᠶᠢᠨ ᠡᠪᠰᠡᠯ᠂ ᠬᠦᠮᠦᠨ ᠤ ᠠᠴᠢᠯᠠᠯ ᠢ ᠦᠵᠡᠭᠦᠯᠵᠦ ᠰᠡᠬᠦ᠋ᠨᠡ᠃ | ᠠᠪᠤ ᠮᠢᠨᠢ ᠪᠤᠷᠣ ᠮᠠᠩᠬᠠᠨ ᠤ ᠪᠠᠨ ᠰᠢᠪᠠᠭ ᠤᠨ ᠲᠤᠯᠤᠭᠠᠢ ᠳᠡᠭᠡᠷᠡ ᠰᠠᠭᠤᠵᠦ᠂ ᠳᠤᠷᠤᠨᠠ ᠶᠢᠨ ᠨᠠᠷᠠᠨ ᠠᠴᠠ ᠢᠯᠴᠢ ᠡᠨᠧᠷᠭᠢ ᠳᠤᠰᠴᠦ᠂ ᠲᠤᠪᠤ | ᠲᠤᠯᠤᠭᠠᠳ ᠤᠨ ᠢᠢᠡᠨ ᠰᠡᠭᠦᠳᠡᠷ ᠠᠴᠠ ᠴᠢᠭᠢᠭ ᠠᠭᠠᠷ ᠬᠦᠷᠲᠡᠨ᠂ ᠠᠮᠤᠷ ᠲᠠᠶᠢᠪᠤᠩ ᠤᠷᠤᠰᠢᠨ᠂ ᠳᠤᠩᠭᠤᠳᠣᠭᠰᠠᠨ ᠠᠮᠢᠲᠠᠨ ᠵᠢᠭᠦᠷᠲᠡᠨ ᠤ ᠪᠠᠨ ᠨᠠᠶᠢᠷᠠᠯ ᠠᠴᠠ | ᠠᠷᠢᠭᠤᠨ ᠰᠠᠨᠠᠭᠠᠨ ᠤ ᠢᠲᠡᠭᠡᠯ ᠡᠪᠦᠷᠯᠡᠨ ᠵᠢᠷᠭᠠᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠠᠷᠢᠭᠤᠨ ᠰᠦᠨᠡᠰᠦ ᠨᠢ ᠪᠣᠷᠣ ᠮᠠᠩᠬᠠᠨ ᠤ ᠰᠢᠪᠠᠭ ᠤᠨ ᠲᠤᠯᠤᠭᠠᠢ ᠳᠡᠭᠡᠷᠡ ᠦᠨᠢ | ᠬᠤᠷᠭᠤᠳᠠᠨ ᠰᠠᠭᠠᠲᠠᠵᠤ᠂ ᠬᠦᠮᠦᠨ ᠠᠷᠠᠳ᠂ ᠬᠡᠦᠬᠡᠳ ᠬᠤᠶᠢᠴᠢᠰ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠳᠤ ᠪᠠᠶᠠᠰᠳᠠᠭ ᠬᠡᠮᠡᠨ ᠪᠢ ᠵᠠᠯᠪᠠᠷᠢᠨ ᠰᠠᠭᠤᠳᠠᠭ᠃ | ᠲᠡᠭᠡᠭᠡᠳ ᠯᠠ ᠳᠡᠷᠭᠡᠳᠡ ᠮᠢᠨᠢ ᠪᠠᠶᠢᠭᠠ ᠠᠮᠢᠳᠤᠷᠠᠮᠠᠷ ᠦᠭᠡᠢ ᠵᠦᠳᠡᠭᠰᠡᠨ ᠨᠢᠯᠬᠠ ᠰᠤᠶᠤᠭᠠ ᠶᠢ ᠠᠬᠠ ᠮᠢᠨᠢ ᠬᠦᠳᠡᠯᠮᠤᠷᠢ ᠬᠦᠴᠦ᠂ ᠬᠦᠯᠦᠰᠦᠨ | ᠳᠤᠰᠣᠯ ᠢᠶᠠᠷ ᠢᠶᠠᠨ ᠠᠷᠠᠴᠢᠯᠠᠨ ᠬᠠᠶᠢᠷᠠᠯᠠᠵᠦ ᠤᠷᠭᠤᠭᠤᠯᠤᠭᠰᠠᠨ ᠢ ᠠᠪᠤ ᠬᠠᠷᠠᠭᠠᠳ᠄ ︽ᠬᠦᠦ ᠮᠢᠨᠢ ᠪᠣᠯᠵᠤ ᠪᠠᠶᠢᠨᠠ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠢᠶᠠᠨ ᠮᠤᠳᠣ | ᠤᠷᠭᠤᠮᠠᠯ ᠢ ᠠᠰᠠᠷᠠᠨ ᠡᠯᠪᠡᠷᠢᠯᠡᠵᠦ᠂ ᠠᠮᠢᠯᠠᠭᠤᠯᠤᠨ ᠤᠷᠭᠤᠭᠤᠯᠬᠤ ᠭᠡᠵᠦ ᠠᠮᠢᠳᠤ ᠶᠢᠨ ᠵᠠᠶᠠᠭᠠᠨ ᠤ ᠠᠴᠢᠯᠠᠯ ᠪᠤᠶᠠᠨ ᠰᠢᠦ︕ ᠡᠬᠡ ᠪᠠᠶᠢᠭᠠᠯᠢ ᠮᠢᠨᠢ ᠡᠷᠡᠭᠦᠯ | ᠪᠦᠲᠦᠨ᠂ ᠡᠩᠭᠡ ᠲᠠᠶᠢᠪᠤᠩ ᠪᠠᠶᠢᠭᠰᠠᠨ ᠴᠠᠭ ᠲᠤ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ᠂ ᠠᠮᠢᠲᠠᠨ ᠵᠢᠭᠦᠷᠲᠡᠨ ᠬᠠᠷᠢᠯᠴᠠᠨ ᠳᠦᠰᠢᠯᠴᠡᠵᠦ᠂ ᠬᠠᠨᠢᠰᠠᠨ ᠤᠷᠤᠰᠢᠬᠤ ᠵᠠᠶᠠᠭᠠ | ᠳᠠᠰᠤᠷᠠᠬᠤ ᠦᠭᠡᠢ︕︾ ᠭᠡᠵᠦ ᠠᠷᠢᠭᠤᠨ ᠰᠦᠨᠡᠰᠦ ᠨᠢ ᠠᠮᠤᠷᠯᠢᠩᠭᠤᠢ ᠪᠠᠶᠠᠰᠳᠠᠭ ᠪᠠᠶᠢᠬᠤ ᠬᠡᠮᠡᠨ ᠪᠢ ᠪᠤᠳᠣᠳᠠᠭ᠃ | ᠠᠬᠠ ᠶᠢᠨ ᠤᠳᠣ ᠰᠤᠯᠢᠷᠰᠢᠵᠦ ᠠᠪᠤ ᠶᠢᠨ ᠳᠡᠷᠭᠡᠳᠡ ᠤᠴᠢᠭᠰᠠᠨ ᠠᠴᠠ ᠬᠤᠶᠢᠰᠢ ᠰᠢᠬᠦᠷ ᠮᠡᠲᠦ ᠰᠡᠭᠦᠳᠡᠷ ᠬᠠᠶᠢᠷᠠᠯᠠᠭᠰᠠᠨ ᠲᠡᠷᠡ ᠬᠠᠶᠢᠯᠠᠰᠤ ᠶᠢ ᠠᠬᠠ ᠮᠢᠨᠢ | ᠠᠯᠤᠰ ᠬᠤᠯᠠ ᠶᠢ ᠪᠠᠷᠠᠯᠠᠨ ᠠᠮᠤᠭᠤᠯᠠᠩ ᠲᠠᠶᠢᠪᠤᠩ ᠵᠤᠭᠰᠤᠵᠤ ᠪᠠᠶᠢᠨᠠ ᠬᠡᠮᠡᠨ ᠰᠡᠳᠭᠢᠯ ᠳᠡᠭᠡᠨ ᠠᠮᠢᠯᠠᠭᠤᠯᠤᠨ ᠮᠦᠷᠦᠭᠡᠳᠬᠦ ᠪᠤᠯᠤᠭᠰᠠᠨ᠃ ᠠᠮᠢᠵᠢᠷᠠᠯ ᠤᠨ | ᠵᠠᠶᠠᠭᠠ ᠶᠢ ᠳᠦᠰᠢᠨ ᠪᠤᠰᠤᠭᠰᠠᠨ ᠠᠬᠠ ᠶᠢᠨ ᠬᠠᠶᠢᠯᠠᠰᠤ ᠶᠢ ᠠᠬᠢᠨ ᠳᠠᠬᠢᠨ ᠰᠢᠷᠲᠡᠬᠦ ᠳᠤ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠮᠠᠩᠬᠠ ᠲᠤᠯᠤᠭᠠᠳ᠂ ᠤᠢ ᠲᠠᠶᠢᠭᠠ᠂ ᠡᠪᠡᠰᠦ | ᠤᠷᠭᠤᠮᠠᠯ ᠨᠢ ᠬᠡᠷᠪᠡ ᠬᠡᠯᠡ ᠲᠠᠢ ᠪᠠᠶᠢᠭᠰᠠᠨ ᠪᠣᠯ ᠬᠡᠴᠢᠨᠡᠨ ᠤᠯᠠᠨ ᠲᠤᠭᠠᠴᠢᠭᠠᠳ ᠪᠠᠷᠠᠬᠤ ᠦᠭᠡᠢ ᠭᠤᠮᠤᠷᠬᠠᠯ᠂ ᠭᠤᠨᠢᠭ᠂ ᠪᠠᠰᠠ ᠪᠠᠶᠠᠷ ᠪᠠᠶᠠᠰᠤᠯ ᠪᠠᠶᠢᠳᠠᠭ ᠪᠣᠯ⁈ | ᠭᠡᠵᠦ ᠰᠡᠳᠭᠢᠯ ᠵᠦᠭᠡᠯᠡᠷᠡᠨ ᠪᠤᠳᠤᠯᠭᠠᠰᠢᠷᠠᠲᠠᠬ᠃ | ᠡᠬᠡ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠶᠢᠨ ᠡᠯᠢᠭᠡᠨ ᠳᠤᠨᠢ ᠲᠤᠷᠨᠢᠨ᠂ ᠡᠯᠪᠡᠭ ᠪᠠᠶᠠᠨ ᠭᠡᠰᠢᠭ ᠢ ᠨᠢ ᠬᠦᠷᠲᠡᠨ᠂ ᠬᠤᠷᠠ ᠨᠠᠷᠠ ᠲᠠᠢ ᠠᠭᠠᠷ ᠢ ᠨᠢ ᠠᠮᠢᠰᠬᠤᠨ᠂ ᠬᠤᠪᠢ | ᠵᠠᠶᠠᠭᠠᠨ ᠤ ᠪᠠᠨ ᠲᠡᠷᠭᠡᠯ ᠳᠤ ᠪᠠᠶᠠᠷ ᠴᠡᠩᠭᠡᠯ ᠢ ᠬᠠᠨᠤᠲᠠᠯᠠ ᠡᠳ᠋ᠯᠡᠬᠦ ᠳᠡᠭᠡᠨ ᠡᠨᠡᠷᠢᠯ ᠢ ᠬᠠᠷᠢᠭᠤᠯᠠᠬᠤ ᠦᠭᠡᠢ᠂ ᠡᠯᠪᠡᠷᠢᠯᠡᠬᠦ ᠶᠢ ᠰᠠᠨᠠᠬᠤ ᠦᠭᠡᠢ᠂ ᠰᠠᠶᠢᠨ ᠰᠠᠶᠢᠬᠠᠨ ᠢ | ᠪᠢᠰᠢᠷᠡᠨ ᠰᠢᠲᠦᠬᠦ ᠦᠭᠡᠢ᠂ ᠰᠠᠯᠠᠩ ᠪᠤᠬᠢᠷ ᠢ ᠬᠦᠭᠡᠭᠡᠴᠡᠯᠳᠦᠵᠦ᠂ ᠰᠠᠨᠠᠭᠠ ᠬᠦᠰᠡᠯ ᠴᠠᠳᠬᠤ ᠦᠭᠡᠢ᠂ ᠬᠤᠪᠢᠨᠴᠢᠷ ᠭᠡᠷᠴᠡᠭᠡᠢ ᠲᠡᠮᠡᠴᠡᠯᠳᠦᠨ᠂ ᠪᠠᠶᠠᠨ ᠡᠯᠪᠡᠭ | ᠪᠠᠶᠢᠭᠠᠯᠢ ᠶᠢᠨ ᠪᠠᠶᠢᠬᠤ ᠪᠦᠬᠦᠨ ᠢ ᠬᠢᠮᠠᠭᠠᠳᠠᠵᠦ ᠬᠠᠶᠢᠷᠠᠯᠠᠬᠤ ᠦᠭᠡᠢ᠂ ᠪᠦᠷᠢᠯᠭᠡᠵᠦ ᠳᠠᠯᠬᠢᠳᠠᠬᠤ ᠤᠬᠠᠭᠠᠨ ᠳᠤ ᠪᠥᠭᠦᠳᠡ ᠰᠢᠭᠤᠷᠬᠠᠢ ᠪᠤᠯᠴᠢᠬᠠᠭᠰᠠᠨ ᠨᠢ ᠶᠠᠭᠤᠨ | ᠪᠣᠢ ᠭᠡᠵᠦ ᠠᠬᠠ ᠶᠢᠨ ᠬᠠᠶᠢᠯᠠᠰᠤ ᠶᠢ ᠠᠷᠭᠠᠳᠠᠨ ᠬᠠᠷᠢᠭᠤ ᠬᠦᠰᠡᠬᠦ ᠳᠤ᠄ ︽ᠦᠷᠦᠭᠡᠯ ᠠᠴᠠ ᠪᠢᠲᠡᠭᠡᠢ ᠰᠢᠯᠲᠠᠭ ᠡᠷᠢ᠂ ᠦᠪᠡᠷ ᠤᠨ ᠪᠡᠶᠡ ᠠᠴᠠ ᠪᠠᠨ ᠡᠷᠢ︕︾ | ᠭᠡᠵᠦ ᠦᠨᠦ ᠬᠠᠶᠢᠯᠠᠰᠤ ᠠᠰᠠᠭᠤᠯᠲᠠ ᠶᠢᠨ ᠲᠡᠮᠳᠡᠭ ᠪᠤᠯᠵᠣ ᠬᠠᠷᠠᠭᠳᠠᠨᠠ᠃ | ᠠᠬᠠ ᠮᠢᠨᠢ ᠶᠡᠭᠡ ᠶᠢ ᠪᠦᠲᠦᠭᠡᠵᠦ᠂ ᠢᠷᠡᠭᠡᠳᠦᠢ ᠳᠤ ᠱᠠᠭᠰᠢᠮᠠᠷ ᠤᠶᠢᠯᠡᠰ ᠬᠢᠭᠡ ᠦᠭᠡᠢ ᠴᠦ᠂ ᠵᠢᠩᠭᠢᠨᠢ ᠠᠪᠤᠷᠭᠤ ᠤᠶᠢᠯᠡᠰ ᠴᠦ ᠭᠡᠳ ᠵᠢᠷ ᠤᠨ ᠮᠦᠷᠲᠡᠭᠡᠨ | ᠵᠢᠵᠢᠭ ᠪᠠᠭᠠ ᠠᠴᠠ ᠡᠬᠢᠯᠡᠳᠡᠭ ᠦᠨᠡᠨ ᠶᠤᠰᠣ ᠶᠢ ᠪᠢᠰᠢᠷᠡᠯ ᠳᠤᠷᠠᠰᠤᠮᠵᠢ ᠶᠢᠨ ᠳᠤᠮᠳᠠ ᠬᠠᠨᠠᠶᠢᠨ ᠵᠤᠭᠰᠤᠭᠰᠠᠨ ᠬᠠᠶᠢᠯᠠᠰᠤ ᠪᠠᠷ ᠢᠶᠠᠨ ᠪᠢᠳᠡᠨ ᠳᠤ ᠦᠵᠡᠭᠦᠯᠵᠦ | ᠦᠯᠡᠳᠡᠭᠡᠭᠰᠡᠨ ᠥᠪ ᠲᠠᠢ᠃ | ᠬᠦᠮᠦᠨ ᠤᠷᠴᠢᠯᠠᠩ ᠬᠤᠷᠸᠠ ᠳᠤ ᠠᠮᠢᠳᠤᠷᠠᠵᠦ ᠲᠡᠮᠡᠴᠡᠬᠦ ᠳᠡᠭᠡᠨ ᠪᠦᠷᠢᠯᠭᠡᠭᠰᠡᠨ ᠪᠣᠯᠬᠢ ᠨᠢᠭᠦᠯ᠂ ᠪᠦᠲᠦᠭᠡᠭᠰᠡᠨ ᠢᠷᠠᠭᠤ ᠤᠶᠢᠯᠡᠰ ᠢᠶᠠᠷ ᠢᠶᠠᠨ ᠮᠦᠬᠦᠵᠦ | ᠳᠠᠯᠳᠠᠷᠢᠬᠤ ᠪᠤᠶᠤ ᠮᠦᠩᠭᠡᠷᠡᠵᠦ ᠳᠤᠷᠠᠰᠤᠭᠳᠠᠬᠤ ᠬᠤᠪᠢ ᠵᠠᠶᠠᠭᠠᠨ ᠤ ᠲᠠᠪᠢᠯᠠᠩ ᠢ ᠠᠰᠬᠠᠷᠠᠭᠤᠯᠤᠭᠰᠠᠨ ᠬᠦᠯᠦᠰᠦ᠂ ᠠᠯᠬᠤᠭᠰᠠᠨ ᠮᠥᠷ ᠠᠴᠠ ᠨᠢ ᠢᠯᠭᠠᠷᠠᠳᠠᠭ ᠢ | ᠠᠬᠠ ᠶᠢᠨ ᠬᠠᠶᠢᠯᠠᠰᠤᠨ ᠠᠴᠠ ᠣᠯᠵᠦ ᠤᠩᠰᠢᠭᠰᠠᠨ ᠪᠢᠯᠡ᠃ | ᠠᠬᠠ ᠮᠢᠨᠢ ᠬᠦᠩᠭᠡᠨ ᠰᠡᠷᠭᠦᠯᠡᠩ ᠳᠠᠷᠢᠬᠢ ᠲᠠᠢ᠂ ᠬᠦᠳᠡᠯᠮᠤᠷᠢ ᠳᠤ ᠡᠷᠡᠯᠬᠡᠭ ᠵᠠᠩ ᠲᠠᠢ᠂ ᠰᠤᠨᠢᠭᠤᠴᠢ ᠠᠵᠢᠭᠴᠢ᠂ ᠰᠣᠳᠣᠯᠵᠦ ᠨᠢᠭᠲᠠᠯᠠᠬᠤ ᠳᠤᠷᠠ ᠲᠠᠢ᠃ | ᠬᠤᠭᠤᠯᠠᠲᠦ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠶᠠᠷᠬᠠᠨ ᠣᠨ ᠢ ᠲᠡᠭᠦᠰᠴᠦ᠂ ᠠᠷᠪᠢᠨ ᠳᠡᠭᠦᠦᠨᠠᠷ ᠲᠠᠢ᠂ ᠠᠮᠢᠳᠤᠷᠠᠯ ᠬᠦᠴᠢᠷᠳᠡᠯ ᠲᠠᠢ ᠠᠴᠠ ᠠᠬᠢᠨ ᠳᠠᠪᠰᠢᠬᠤ | ᠬᠦᠰᠡᠯ ᠢᠶᠠᠨ ᠤᠷᠬᠢᠵᠦ᠂ ᠠᠶᠢᠯ ᠭᠡᠷ ᠲᠡᠭᠡᠨ ᠢᠷᠡᠵᠦ ᠮᠠᠯᠵᠢᠯ᠂ ᠬᠦᠳᠡᠯᠮᠤᠷᠢ ᠶᠢᠨ ᠶᠡᠭᠡ ᠳᠠᠯᠠᠢ ᠳᠤ ᠵᠦᠳᠡᠭᠰᠡᠨ ᠪᠤᠯᠪᠠᠴᠦ ᠰᠤᠷᠤᠨᠠ᠂ ᠪᠦᠲᠦᠭᠡᠨᠡ ᠭᠡᠬᠦ ᠬᠦᠰᠡᠯ | ᠲᠡᠭᠦᠨ ᠢ ᠤᠷᠤᠭᠰᠢ ᠬᠦᠲᠦᠯᠵᠦ᠂ ᠪᠠᠭᠠ ᠰᠠᠭᠠ ᠰᠤᠷᠤᠭᠰᠠᠨ ᠢᠶᠠᠨ᠂ ᠴᠠᠭᠠᠨ ᠴᠠᠰᠤ᠂ ᠰᠢᠷᠭᠠᠯ ᠡᠯᠡᠰᠦᠨ ᠳᠡᠭᠡᠷᠡ ᠬᠤᠷᠠᠭᠠ ᠲᠤᠭᠤᠯ ᠢᠶᠠᠨ ᠬᠠᠷᠢᠭᠤᠯᠵᠦ | ᠶᠠᠪᠤᠬᠤ ᠳᠠᠭᠠᠨ ᠴᠠᠭᠠᠨ ᠲᠤᠯᠤᠭᠠᠢ ᠪᠠᠨ ᠰᠢᠯᠪᠢᠭᠦᠷ ᠤᠨ ᠢᠶᠠᠨ ᠡᠰᠢ ᠪᠠᠷ ᠪᠠᠶᠢᠩᠭᠤ ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠵᠦ᠂ ᠦᠨᠡᠰᠦᠨ ᠰᠠᠮᠪᠠᠷᠠ ᠳᠡᠭᠡᠷᠡ ᠦᠰᠦᠭ ᠬᠤᠯᠪᠤᠵᠦ᠂ | ᠦᠭᠦᠯᠡᠪᠦᠷᠢ ᠵᠤᠬᠢᠶᠠᠨ᠂ ᠬᠦᠴᠢᠷ ᠪᠡᠷᠬᠡ ᠶᠢ ᠳᠠᠪᠠᠵᠦ᠂ ᠬᠦᠰᠡᠯᠡᠩ ᠤᠨ ᠰᠠᠶᠢᠬᠠᠨ ᠢᠶᠠᠨ ᠡᠳ᠋ᠯᠡᠵᠦ ᠶᠠᠪᠤᠭᠰᠠᠨ ᠭᠡᠵᠦ ᠶᠠᠷᠢᠵᠦ ᠪᠠᠶᠢᠭᠰᠠᠨ ᠨᠢ ᠪᠤᠳᠤᠭᠳᠠᠨᠠ᠃ | ᠬᠦᠮᠦᠨ ᠪᠣᠯᠭᠠᠨ ᠤ ᠠᠮᠢᠳᠤᠷᠠᠯ ᠤᠨ ᠪᠦᠳᠦᠷᠢᠭᠰᠡᠨ ᠲᠡᠦᠬᠡ᠂ ᠪᠦᠲᠦᠭᠡᠭᠰᠡᠨ ᠤᠶᠢᠯᠡᠰ ᠢ ᠬᠦᠯᠦᠰᠦ ᠬᠦᠳᠡᠯᠮᠤᠷᠢ ᠪᠠᠷ ᠢᠶᠠᠨ ᠪᠢᠴᠢᠭᠰᠡᠨ ᠷᠤᠮᠠᠨ ᠴᠦ ᠭᠡᠯᠲᠡᠢ︕ | ᠠᠬᠠ ᠶᠢᠨ ᠮᠢᠨᠢ ᠠᠮᠢᠳᠤᠷᠠᠯ ᠤᠶᠢᠯᠡᠰ᠂ ᠠᠴᠢᠷ ᠬᠤᠶᠢᠴᠢᠰ ᠬᠡᠮᠡᠨ ᠠᠯᠬᠤᠭᠰᠠᠨ ᠮᠥᠷ᠂ ᠠᠵᠢᠯᠯᠠᠭᠰᠠᠨ ᠬᠦᠯᠦᠰᠦᠨ ᠠᠴᠠ ᠠᠮᠢᠯᠠᠨ ᠤᠷᠭᠤᠭᠰᠠᠨ ᠬᠠᠶᠢᠯᠠᠰᠤ ᠪᠣᠯ | ᠠᠯᠲᠠᠨ ᠬᠤᠷᠸᠠ ᠳᠤ ᠠᠴᠢ ᠡᠯᠪᠡᠷᠢᠯ ᠢ ᠢᠯᠡᠷᠬᠡᠶᠢᠯᠡᠭᠰᠡᠨ ᠠᠮᠢᠳᠤᠷᠠᠯ ᠤᠨ ᠦᠯᠢᠭᠡᠷᠲᠦ ᠷᠤᠮᠠᠨ᠂ ᠠᠴᠢᠷ ᠬᠤᠶᠢᠴᠢᠰ ᠤᠨ ᠬᠢᠨᠢ ᠤᠩᠰᠢᠬᠤ ᠤᠳᠣᠮ ᠳᠠᠮᠵᠢᠭᠰᠠᠨ | ᠤᠬᠠᠭᠠᠨ ᠤ ᠨᠢᠭᠡᠨ ᠵᠠᠬᠢᠶᠠ ᠶᠤᠮ᠃ | ᠲᠡᠷᠡ ᠪᠦᠬᠦᠨ ᠢ ᠤᠷᠭᠤᠭᠤᠯᠤᠨ ᠲᠡᠩᠭᠡᠷᠡᠭᠦᠯᠵᠦ᠂ ᠤᠬᠠᠭᠠᠷᠠᠭᠤᠯᠤᠨ ᠪᠤᠰᠤᠭᠰᠠᠨ ᠡᠨᠡ ᠬᠠᠶᠢᠯᠠᠰᠤᠨ ᠠᠴᠠ ᠪᠢ᠄ ︽ᠠᠮᠢᠳᠤ ᠳᠠᠭᠠᠨ ᠪᠡᠶᠡ ᠪᠡᠶᠡ ᠪᠠᠨ | ᠬᠠᠶᠢᠷᠠᠯᠠᠬᠤ︾ ᠠᠭᠤᠤ ᠤᠬᠠᠭᠠᠨ ᠤ ᠤᠴᠢᠭ ᠢ ᠤᠯᠤᠭᠰᠠᠨ᠃ | ᠭᠦᠨ ᠮᠦᠷᠦᠭᠡᠳᠦᠯ᠂ ᠬᠦᠰᠡᠯ ᠢᠲᠡᠭᠡᠯ ᠤᠨ ᠬᠦᠨᠳᠦ ᠪᠤᠳᠣᠯ ᠢᠶᠠᠷ ᠠᠬᠠ ᠶᠢᠨ ᠬᠠᠶᠢᠯᠠᠰᠤ ᠶᠢ ᠠᠬᠢᠨ ᠰᠢᠷᠲᠡᠬᠦ ᠳᠤ ᠨᠢᠭᠡᠨ ᠱᠠᠭᠠᠵᠠᠭᠠᠢ ᠨᠢᠰᠦᠨ ᠢᠷᠡᠵᠦ᠂ | ᠠᠬᠠ ᠶᠢᠨ ᠬᠠᠶᠢᠯᠠᠰᠤᠨ ᠤ ᠨᠠᠮᠠᠭᠠᠨ ᠳᠡᠭᠡᠷᠡ ᠰᠠᠭᠤᠵᠦ ᠱᠠᠭᠰᠢᠨᠠ᠃ ᠪᠠᠶᠠᠷᠯᠠᠭᠰᠠᠨ ᠴᠦ ᠰᠢᠬ᠂ ᠪᠠᠴᠢᠮᠳᠠᠭᠰᠠᠨ ᠴᠦ ᠰᠢᠬ ᠪᠠᠶᠢᠬᠤ ᠨᠢ ᠡᠭᠦᠷ ᠢᠶᠠᠨ ᠵᠠᠰᠠᠵᠦ | ᠡᠭᠦᠷᠢᠳᠡ ᠲᠠᠶᠢᠪᠤᠩ ᠦᠷᠡᠵᠢᠨ ᠤᠷᠤᠰᠢᠶᠠ ᠭᠡᠰᠡᠨ ᠬᠦᠰᠡᠯ ᠢᠶᠠᠨ ᠬᠡᠯᠡᠵᠦ ᠪᠠᠶᠢᠭᠠ ᠴᠦ ᠶᠤᠮᠰᠢᠭ᠂ ᠦᠵᠡᠭᠳᠡᠬᠦ ᠦᠭᠡᠢ ᠤᠳᠠᠭᠰᠠᠨ ᠠᠬᠠ ᠶᠢ ᠮᠢᠨᠢ ᠠᠳᠡᠭᠦᠷᠡᠵᠦ | ᠱᠠᠭᠰᠢᠭᠠ ᠶᠤᠮ ᠰᠢᠬ᠂ ᠬᠠᠴᠢᠨ ᠴᠦ ᠬᠦᠭᠡᠷᠦᠬᠦ᠋ᠯᠡᠯᠲᠡᠢ ᠱᠠᠭᠰᠢᠨᠠ᠃ | ᠦᠨᠢᠷ ᠵᠠᠶᠠᠭᠠ᠂ ᠦᠭᠡᠳᠡᠯᠡᠬᠦ ᠲᠠᠪᠢᠯᠠᠩ ᠲᠠᠢ ᠡᠨᠡ ᠬᠠᠶᠢᠯᠠᠰᠤ ᠪᠣᠯ ᠬᠦᠮᠦᠨ ᠤ ᠨᠤᠭᠤᠭᠠᠨ ᠮᠦᠰᠦ ᠢᠢ ᠬᠦᠵᠢ ᠳᠡᠯᠡᠬᠡᠢ ᠳᠤ ᠦᠵᠡᠭᠦᠯᠦᠭᠰᠡᠨ ᠠᠳᠢᠰ | ᠬᠦᠷᠲᠡᠭᠡᠯ ᠲᠠᠢ᠂ ᠠᠮᠢᠳᠤᠷᠠᠯ ᠤᠨ ᠨᠤᠮᠢᠨ ᠬᠤᠷᠤᠢ ᠶᠤᠮ᠃ ᠬᠦᠷᠦᠰᠦᠲᠦ ᠳᠡᠯᠡᠬᠡᠢ ᠶᠢᠨ ᠤᠰᠤ ᠶᠢ ᠰᠤᠳᠠᠰᠤ ᠪᠠᠷ ᠢᠶᠠᠨ ᠠᠭᠤᠷᠰᠢᠭᠤᠯᠵᠦ᠂ ᠬᠥᠬᠡ ᠲᠡᠭᠷᠢ ᠶᠢᠨ | ᠡᠭᠦᠯᠡ ᠶᠢ ᠪᠤᠷᠤᠭᠠᠨ ᠢᠶᠠᠷ ᠤᠷᠢᠭᠰᠠᠨ᠂ ᠭᠠᠩ ᠲᠠᠶᠢᠯᠬᠤ ᠭᠠᠵᠠᠷ ᠤᠨ ᠠᠯᠲᠠᠨ ᠭᠠᠳᠠᠰᠤ ᠶᠤᠮ᠃ | ᠦᠷᠡ ᠬᠤᠶᠢᠴᠢᠰ᠂ ᠦᠨᠳᠦᠰᠦ ᠨᠠᠮᠠᠭᠠ ᠮᠢᠨᠢ︕ ᠡᠳᠦᠷ ᠪᠤᠯᠭᠠᠨ ᠤ ᠨᠠᠷᠠᠨ ᠠᠴᠠ ᠢᠯᠴᠢ ᠳᠤᠰᠤᠭᠰᠠᠨ ᠡᠨᠡ ᠬᠠᠶᠢᠯᠠᠰᠤᠨ ᠳᠠᠭᠠᠨ ᠰᠠᠭᠠᠯᠢ ᠰᠦᠨ ᠤ | ᠳᠡᠭᠡᠵᠢ ᠪᠠᠨ ᠰᠠᠶᠢᠬᠠᠨ ᠮᠡᠨᠳᠦ ᠶᠢᠨ ᠬᠦᠰᠡᠯ ᠲᠠᠢ ᠬᠠᠮᠲᠦ ᠡᠷᠭᠦᠨ ᠰᠠᠴᠤᠯᠠᠵᠦ᠂ ᠰᠢᠪᠰᠢᠨ ᠳᠠᠭᠠᠳᠬᠠᠵᠦ ᠪᠠᠶᠢᠭᠠᠷᠠᠢ︕ ᠤᠷᠭᠤᠬᠤ ᠤᠬᠠᠭᠠᠨ ᠤ ᠰᠢᠳᠢ᠂ | ᠤᠨᠳᠤᠷᠬᠤ ᠪᠤᠶᠠᠨ ᠤ ᠭᠡᠰᠢᠭ ᠲᠠ ᠨᠠᠷ ᠢ ᠢᠪᠡᠭᠡᠨ ᠳᠡᠳᠬᠦᠵᠦ᠂ ᠲᠠᠩᠰᠤᠭ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠡᠩᠭᠡ ᠳᠦᠰᠢᠯᠴᠡᠨ ᠵᠢᠷᠭᠠᠬᠤ ᠶᠤᠮ︕ | ᠠᠬᠠ ᠶᠢᠨ ᠮᠢᠨᠢ ᠬᠠᠶᠢᠯᠠᠰᠤ᠂ ᠠᠷᠢᠭᠤᠨ ᠬᠦᠳᠡᠯᠮᠤᠷᠢ ᠶᠢᠨ ᠪᠤᠰᠤᠭᠠ ᠬᠡᠶᠢᠮᠤᠷᠢ᠂ ᠠᠭᠤᠤᠴᠢ ᠬᠦᠰᠡᠯᠡᠩ ᠤᠨ ᠨᠤᠭᠤᠭᠠᠨ ᠲᠤᠭ ᠶᠤᠮ᠃ ᠠᠮᠢᠳᠤᠷᠠᠯ ᠤᠨ | ᠦᠷᠲᠡᠭ ᠢ ᠪᠢᠳᠡᠨ ᠳᠤ ᠲᠠᠨᠢᠭᠤᠯᠤᠭᠰᠠᠨ ᠠᠯᠲᠠᠨ ᠭᠡᠰᠢᠭ ᠲᠠᠢ ᠤᠶᠢᠯᠡᠰ ᠤᠨ ᠢᠷᠠᠭᠤ ᠳᠠᠭᠤᠯᠠᠯ ᠶᠤᠮ ᠡ︕ | | |