| ᠠᠶᠢᠯ ᠤᠨ ᠠᠬᠠ ᠴᠡᠬᠡᠵᠢ ᠪᠠᠨ ᠤᠷᠤᠭᠰᠢ ᠲᠦᠷᠢᠵᠦ ᠬᠦᠯ ᠢᠶᠠᠨ ᠴᠢᠷᠦᠭᠰᠡᠭᠡᠷ ᠠᠶᠢᠰᠤᠢ᠃ ᠭᠠᠷ ᠢᠶᠠᠨ ᠰᠠᠵᠢᠬᠤ ᠦᠭᠡᠢ ᠬᠠᠷᠢᠨ ᠠᠷᠤᠨᠰᠢ ᠪᠠᠨ | ᠲᠡᠷᠪᠠᠶᠢᠯᠬᠡᠵᠦ ᠶᠠᠪᠤᠳᠠᠭ ᠰᠤᠨᠢᠨ ᠬᠦᠮᠦᠨ᠃ | ︽ᠰᠠᠶᠢᠨ ᠤᠤ᠂ ᠲᠠ︕ ᠭᠡᠷ ᠲᠠᠶᠠᠭᠠᠷ ᠢᠶᠠᠨ ᠰᠠᠶᠢᠨ ᠪᠠᠶᠢᠵᠠᠭᠠᠨᠠ ᠤᠤ︖︾ ᠭᠡᠰᠡᠨ ᠳᠤ᠂ ︽ᠰᠠᠶᠢᠨ᠂ ᠰᠠᠶᠢᠨ ᠤᠤ︖︾ ᠭᠡᠳ ᠶᠠᠮᠠᠷ ᠨᠢᠬᠡᠨ | ᠵᠦᠢᠯ ᠳᠤ ᠶᠠᠭᠠᠷᠠᠭᠰᠠᠨ ᠪᠤᠯᠤᠯᠳᠠᠢ ᠨᠢᠳᠦ ᠨᠢ ᠲᠤᠭᠳᠠᠵᠤ ᠶᠠᠳᠠᠨᠠ᠃ | ︽ᠬᠠᠮᠢᠭᠠ ᠤᠴᠢᠬᠤ ᠭᠡᠵᠤ ᠶᠠᠪᠤᠨᠠ︖︾ ᠬᠡᠰᠡᠨ ᠳᠤ᠂ ︽ᠪᠠᠯᠭᠠᠰᠤᠨ ᠲᠡᠭᠡᠷᠡ ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠴᠤᠭᠯᠠᠭᠠᠨ ᠪᠤᠯᠬᠤ ᠭᠡᠳ ᠬᠦᠯ ᠭᠠᠵᠠᠷ | ᠬᠦᠷᠬᠦ ᠦᠭᠡᠢ ᠲᠡᠭᠳᠡᠵᠦ ᠶᠠᠪᠤᠨᠠ᠃ ᠠᠶᠢᠯ ᠤᠨ ᠠᠬᠠ ᠨᠢ ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠳᠤ ᠲᠠᠪᠳᠠᠭᠳᠠᠵᠤ ᠶᠠᠪᠤᠭᠰᠠᠨ︾ ᠭᠡᠳ ᠮᠠᠶᠢᠵᠢᠬᠢᠨᠠᠪᠠ᠃ | ᠬᠦᠯ ᠨᠢ ᠬᠤᠮᠦ᠋ᠢᠵᠦ ᠲᠠᠮᠤᠯᠳᠤᠵᠤ ︵ᠨᠢᠬᠡ ᠬᠦᠯ ᠨᠢ ᠨᠦᠬᠦᠭᠡ ᠬᠦᠯ ᠳᠤ ᠲᠡᠭᠡᠭᠯᠡᠨ ᠤᠶᠢᠴᠢᠬᠤ︶ ᠤᠨᠠᠬᠤ ᠳᠤ ᠬᠤᠯᠠ ᠦᠭᠡᠢ ᠮᠠᠶᠢᠵᠢᠬᠢᠨᠠᠬᠤ ᠨᠢ ᠡᠮᠨᠢᠭ | ᠲᠤᠭᠰᠢᠨ ᠤᠨᠤᠵᠤ᠂ ᠠᠵᠢᠯ ᠤᠨ ᠬᠦᠨᠳᠦ ᠶᠢ ᠬᠢᠵᠦ ᠶᠠᠪᠤᠭᠰᠠᠨ ᠢᠶᠠᠨ ᠭᠡᠷᠡᠴᠢᠯᠡᠬᠦ ᠭᠡᠰᠡᠨ ᠮᠡᠳᠦ᠃ ᠨᠤᠭᠤᠭᠠᠨ ᠲᠠᠰᠠᠮᠠ ᠲᠠᠢ ᠴᠠᠭᠠᠨ ᠪᠤᠯᠢᠭᠠᠷᠢ ᠭᠤᠳᠤᠯ ᠨᠢ | ᠤᠷᠤᠭ ᠬᠠᠯᠳᠠᠷ ᠪᠤᠯᠵᠠᠢ᠃ ᠲᠤᠭᠤᠰᠤ ᠰᠢᠷᠤᠢ ᠲᠠᠭᠠᠭᠠᠬᠤ ᠪᠠᠷ ᠬᠠᠷᠠ ᠪᠠᠷᠠᠭᠠᠨ ᠦᠩᠭᠡᠳᠡᠢ ᠭᠤᠳᠤᠯ ᠡᠮᠦᠰᠦᠭᠰᠡᠨ ᠦᠭᠡᠢ ᠨᠢ ᠬᠠᠷᠢᠨ ᠵᠠᠯᠠᠭᠤ ᠽᠠᠨᠳᠠᠨ | ᠶᠠᠪᠤᠭᠰᠠᠨ ᠢᠶᠠᠷ ᠢᠶᠠᠨ ᠪᠠᠭᠠᠷᠬᠠᠬᠤ ᠭᠡᠰᠡᠨ ᠶᠤᠮ ᠪᠢᠵᠠ᠃ | ᠡᠷᠦᠬᠡ ᠶᠢᠨ ᠴᠡᠷᠢᠭ ᠭᠡᠰᠡᠨ ᠨᠢ ᠮᠠᠨᠤᠰ ᠢ ᠪᠠᠭᠠ ᠳᠤ ᠬᠦᠴᠦ ᠲᠤᠷᠪᠢ ᠲᠠᠢ᠂ ᠵᠠᠯᠠᠭᠤ ᠢᠳᠡᠷᠴᠦᠳ ᠨᠢ ᠡᠷᠦᠬᠡ ᠶᠢᠨ ᠴᠡᠷᠢᠭ ᠲᠤ ᠲᠠᠳᠠᠭᠳᠠᠭᠠᠳ ᠬᠡᠦᠬᠡᠳ | ᠬᠦᠭᠰᠢᠳ ᠯᠡ ᠮᠠᠯ ᠤᠨ ᠵᠠᠬᠠ ᠲᠡᠭᠡᠷᠡ ᠬᠤᠴᠤᠷᠳᠠᠭ ᠪᠠᠶᠢᠯᠠ᠃ ᠠᠪᠤ ᠬᠡᠳᠦᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠲᠡᠮᠡᠭᠡ ᠬᠦᠳᠦᠯᠦᠨ᠂ ᠤᠷᠳᠤ ᠠᠭᠤᠯᠠᠨ ᠠᠴᠠ ᠡᠪᠡᠰᠦᠨ ᠬᠦᠷᠢᠶᠡ | ᠲᠠᠳᠠᠬᠤ ᠮᠤᠳᠤ ᠪᠠᠭᠤᠯᠭᠠᠬᠤ ᠪᠠᠷ ᠶᠠᠪᠤᠭᠠᠳ ᠡᠵᠡᠬᠦᠢ᠃ | ᠮᠠᠨ ᠤ ᠬᠢ ᠬᠤᠨᠢ ᠤᠯᠠᠨ ᠲᠠᠢ᠃ ᠴᠡᠰᠤ ᠤᠷᠤᠵᠤ ᠲᠡᠭᠷᠢ ᠬᠦᠢᠳᠡᠷᠡᠨ ᠮᠠᠯ ᠢᠶᠠᠨ ᠬᠠᠰᠢᠶᠠᠯᠠᠵᠤ ᠡᠬᠢᠯᠡᠩᠬᠦᠳᠡ ᠬᠤᠷᠤᠭᠠ ᠬᠤᠳᠠᠨ ᠤ ᠰᠢᠭᠡᠭ ᠵᠤᠵᠠᠭᠠᠷᠠᠨ | ᠬᠤᠷᠢ ᠬᠤᠨᠤᠬᠤ ᠦᠭᠡᠢ ᠯᠠ ᠬᠦᠷᠵᠡᠩ ᠬᠢᠰᠭᠢᠬᠦ ᠠᠵᠢᠯ ᠭᠠᠷᠤᠨᠠ᠃ | ᠨᠢᠬᠡ ᠡᠳᠦᠷ ᠪᠠᠷᠪᠠᠶᠢᠭᠰᠠᠨ ᠬᠠᠷᠠ ᠰᠠᠬᠠᠯ ᠲᠠᠢ ᠲᠠᠭᠵᠢᠭᠠᠷ ᠵᠢᠵᠢᠭᠬᠡᠨ ᠪᠡᠶᠡ ᠲᠠᠢ ᠪᠠᠳᠤᠴᠠᠭᠠᠨ ᠭᠡᠭᠴᠢ ᠬᠦᠮᠦᠨ᠂ ᠠᠳᠤᠭᠤᠴᠢᠨ ᠠᠪᠠᠭᠠ ᠴᠢᠮᠡᠳ ᠤᠨ | ᠬᠠᠮᠳᠤ ᠬᠦᠷᠵᠡᠩ ᠬᠢᠰᠭᠢᠯᠴᠡᠬᠦ ᠪᠠᠷ ᠢᠷᠡᠯᠡ᠃ | ᠬᠤᠨᠢ ᠬᠤᠳᠠᠯᠠᠭᠤᠯᠵᠤ ᠶᠠᠪᠤᠩᠭᠠᠨ ᠪᠢ᠂ ᠠᠬᠠ ᠳᠤ᠄ ︽ᠲᠡᠷᠪᠠᠶᠢᠭᠡᠳ ᠶᠠᠪᠠᠭᠠᠨ ᠭᠠᠯᠠᠭᠤ ᠰᠢᠭ ᠶᠠᠮᠠᠷ ᠬᠠᠴᠢᠨ ᠠᠯᠬᠤᠳᠠᠭ ᠬᠦᠮᠦᠨ ᠪᠤᠢ︖︾ | ᠭᠡᠰᠡᠨ ᠳᠤ᠂ ︽ᠪᠠᠷᠪᠠᠶᠢᠭᠰᠠᠨ ᠬᠠᠷᠠ ᠰᠠᠬᠠᠯ ᠨᠢ ᠪᠠᠷᠢᠭᠤᠯ ᠵᠠᠭᠤᠴᠢᠬᠠᠭᠰᠠᠨ ᠶᠤᠮᠰᠢᠭ᠃ ᠶᠡᠷᠦ ᠨᠢ ᠡᠨᠡ ︿ᠪᠠᠷᠢᠭᠤᠯ ᠰᠠᠬᠠᠯᠳᠤ﹀ ᠴᠢᠨᠢ ᠲᠠᠭᠳᠠᠭᠠᠨᠠᠭᠠᠳ ᠬᠦᠷᠵᠡᠩ | ᠲᠠᠭᠠᠭᠠᠳᠠᠭ ᠶᠤᠮ ᠪᠤᠯ ᠤᠤ ᠳ᠋ᠠ︾ ᠭᠡᠵᠤ ᠪᠠᠶᠢᠨᠡ᠃ ᠪᠢ ᠲᠤᠰᠴᠤ ᠠᠪᠤᠭᠠᠳ ︽ᠶᠤᠰᠤᠳᠠᠢ ᠤᠨᠤᠭᠠᠭᠰᠠᠨ ᠨᠠᠷᠠ︾ ᠬᠡᠳᠡᠯᠡ ᠡᠵᠢ ᠬᠡᠵᠢᠶᠡᠨᠡᠢ ᠦᠭᠡᠢ ᠤᠯᠤᠭᠠᠳ | ᠰᠤᠨᠤᠰᠴᠢᠬᠠᠵᠠᠢ᠃ ︽ᠲᠡᠷᠡ ᠬᠦᠮᠦᠨ ᠤ ᠲᠠᠭᠳᠠᠭᠠᠷ ᠪᠠᠶᠠ᠂ ᠪᠠᠷᠪᠠᠭᠠᠷ ᠰᠠᠬᠠᠯ ᠨᠢ ᠲᠠ ᠨᠠᠷ ᠲᠤ ᠶᠠᠮᠠᠷ ᠬᠠᠮᠢᠶᠠ ᠲᠠᠢ ᠶᠤᠮ︖ ᠬᠦᠮᠦᠨ ᠤ ᠲᠦᠷᠦᠭᠰᠡᠨ | ᠲᠦᠷᠬᠦ ᠶᠢ ᠦᠯᠡᠵᠦ ᠰᠡᠪᠯᠡᠬᠦ ᠳᠡᠭᠡᠨ ᠁ ᠵᠠᠳᠠᠷᠠᠭᠰᠠᠨ ᠠᠮᠠ ᠲᠠᠢ ᠲᠤᠷᠠᠰᠭᠠ ᠨᠤᠭᠤᠳ︾ ᠭᠡᠵᠤ ᠵᠠᠩᠳᠤᠷᠪᠠ᠃ | ᠤᠷᠤᠢ ᠨᠢ ᠴᠢᠮᠠᠳ ᠠᠪᠠᠭᠠ ᠵᠡᠬᠦᠨ ᠭᠡᠷ ᠲᠤ ᠡᠮᠡᠭᠡ᠂ ᠡᠵᠢ ᠬᠤᠶᠠᠷ ᠲᠠᠢ ᠬᠠᠭᠤᠴᠢᠯᠠᠨ᠂ ᠦᠨᠦ ︽ᠪᠠᠷᠢᠭᠤᠯ ᠰᠠᠬᠠᠯᠳᠤ︾ ᠮᠠᠨ ᠤ ᠠᠬᠠ ᠲᠡᠬᠦᠦ | ᠭᠤᠷᠪᠠ ᠲᠠᠢ ᠪᠠᠷᠠᠭᠤᠨ ᠭᠡᠷ ᠲᠤ ᠱᠠᠭᠠ ᠬᠠᠮᠤᠯᠠ᠃ ᠤᠷᠤᠢ ᠤᠷᠤᠢ ᠱᠠᠭᠠ ᠬᠠᠮᠤᠳᠠᠭ ᠮᠠᠨ ᠤ ᠭᠤᠷᠪᠠ ᠱᠠᠭᠠ ᠬᠠᠮᠤᠬᠤ ᠳᠠᠭᠠᠨ ᠤᠪᠤᠭᠠ ᠯᠠ ᠳ᠋ᠠ᠃ ᠬᠠᠷᠢᠨ ︽ | ᠪᠠᠷᠢᠭᠤᠯ ᠰᠠᠬᠠᠯᠳᠤ︾ ᠱᠠᠭᠠ ᠬᠠᠮᠤᠬᠤ ᠳᠠᠭᠠᠨ ᠲᠠᠭᠠᠷᠠᠤᠬᠠᠨ᠃ ᠬᠠᠷᠢᠭᠤ ᠦᠭᠡᠢ ᠰᠢᠬᠦᠭᠳᠡᠬᠦ ᠶᠢᠨ ᠲᠤᠯᠤᠭᠠᠢ ᠲᠡᠭᠡᠷᠡ ︽ᠵᠠ᠂ ᠵᠠ᠂ ᠶᠠᠷᠰᠢᠭ︕ ᠱᠠᠭᠠ | ᠬᠠᠮᠤᠵᠤ ᠲᠤᠭᠯᠠᠬᠤ ᠪᠠᠷ ᠶᠠᠮᠠᠷ ᠬᠡᠦᠬᠡᠳ ᠴᠦ ᠪᠢᠰᠢ᠃ ᠠᠶᠢᠯ ᠤᠨ ᠠᠪᠠᠭᠠ ᠨᠢ ᠲᠠ ᠨᠠᠷ ᠲᠤ ᠦᠯᠢᠭᠡᠷ ᠶᠠᠷᠢᠶᠠ︾ ᠭᠡᠯᠡ᠃ | ︽ᠠᠪᠠᠭᠠ ᠨᠢ ᠲᠠᠪᠬᠢᠵᠤ ᠶᠠᠪᠤᠭᠠ ᠮᠤᠷᠢᠨ ᠲᠡᠭᠡᠷᠡ ᠠᠴᠠ ᠲᠡᠷᠡᠰᠦ ᠪᠤᠷᠭᠠᠰᠤ ᠪᠠᠷ ᠪᠦᠳᠦᠭᠡᠭᠳᠡᠭᠰᠡᠨ ᠮᠠᠭᠤᠰᠠᠶᠢᠨ ᠫᠠᠢ ᠨᠤᠭᠤᠳ ᠤᠨ ᠭᠠᠯ ᠮᠠᠩᠨᠠᠢ ᠶᠢ ᠨᠢ | ᠭᠠᠯ ᠪᠤᠳᠠᠷᠠᠳᠠᠯᠠ ᠤᠨᠤᠭᠠᠳᠠᠭ ᠮᠡᠷᠭᠡᠨ ᠫᠤᠤᠴᠢ᠃ ᠮᠦᠯᠬᠦᠵᠦ ᠤᠷᠤᠭᠰᠢᠯᠠᠬᠤ ᠳᠠᠭᠠᠨ ᠪᠦᠷ ᠴᠦ ᠭᠠᠷᠮᠠᠭᠠᠢ᠃ ᠵᠡᠬᠦᠨ ᠰᠤᠭᠤᠨ ᠳᠠᠭᠠᠨ ᠫᠤᠤ ᠪᠠᠨ ᠰᠤᠭᠤᠪᠴᠢᠯᠠᠵᠤ᠂ | ᠪᠠᠷᠠᠭᠤᠨ ᠲᠤᠬᠤᠢ ᠪᠠᠷ ᠢᠶᠠᠨ ᠲᠤᠬᠤᠶᠢᠯᠳᠠᠨ ᠤᠷᠤᠭᠰᠢᠯᠠᠬᠤ ᠳᠤ ᠪᠤᠰᠤᠳ ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠳ ᠲᠡᠷᠳᠡᠭᠡ ᠲᠡᠨᠳᠡ ᠮᠢᠨᠦ ᠲᠤᠭᠤᠰᠤᠨ ᠳᠤ ᠪᠤᠯᠠᠭᠳᠠᠨ | ᠬᠤᠴᠤᠷᠳᠠᠭ᠃ ᠶᠡᠷᠦ ᠨᠢ ᠮᠠᠨ ᠤ ᠪᠠᠷᠢᠭᠠᠳᠠ ᠳᠤ ᠮᠢᠨᠦ ᠡᠮᠦᠨᠡ ᠭᠠᠷᠬᠤ ᠲᠤᠷᠪᠢᠳᠠᠢ ᠡᠷᠡ ᠪᠠᠶᠢᠭᠠ ᠦᠭᠡᠢ ᠶᠤᠮ︾ ᠭᠡᠰᠡᠨ ᠳᠤ᠂ ︽ᠢ᠂ ᠶᠠᠮᠠᠷ ᠴᠢᠳᠠᠯ ᠲᠠᠢ | ᠶᠤᠮ︖︾ ᠭᠡᠳ ᠲᠡᠬᠦᠦ ᠮᠢᠨᠢ ᠲᠠᠭᠤ ᠠᠯᠳᠠᠨᠠ᠃ | ︽ᠴᠢᠳᠠᠯ ᠲᠠᠢ ᠪᠠᠷ ᠵᠤᠭᠰᠤᠬᠤ ᠦᠭᠡᠢ ᠵᠤᠷᠢᠭ ᠲᠠᠢ᠃ ᠬᠠᠳᠠ ᠴᠢᠯᠠᠭᠤ᠂ ᠤᠷᠪᠤᠭ ᠪᠤᠳᠠ᠂ ᠴᠠᠰᠤ ᠮᠦᠰᠦᠨ ᠲᠡᠭᠡᠬᠦᠷ ᠵᠠᠮ ᠭᠤᠯᠤᠬᠤ ᠦᠭᠡᠢ ᠲᠡᠩᠺ ᠰᠢᠭ | ᠰᠢᠭᠤᠷᠬᠠᠢ ᠤᠷᠤᠭᠰᠢᠯᠠᠳᠠᠭ᠃ ᠲᠤᠯᠠᠭᠠᠨ ᠤ ᠴᠠᠭ ᠲᠤ ᠡᠪᠦᠳᠦᠭ᠂ ᠲᠤᠬᠤᠢ ᠬᠤᠶᠠᠷ ᠤᠯᠠᠭᠠᠨ ᠬᠠᠯᠴᠠᠭᠠᠢ ᠪᠤᠯᠤᠨᠠ᠃ ᠬᠠᠷᠢᠨ ᠬᠦᠢᠳᠡᠨ ᠤ ᠤᠯᠠᠷᠢᠯ ᠳᠤ | ᠠᠷᠠᠰᠤᠨ ᠬᠤᠪᠴᠠᠰᠤ᠂ ᠰᠢᠷᠢᠨ ᠭᠤᠳᠤᠯ ᠨᠠᠮᠡᠷᠢ ᠪᠤᠯᠬᠤ ᠨᠢ ᠴᠦ ᠪᠤᠯᠤᠨᠠ᠃ ᠠᠷᠠᠰᠤᠨ ᠬᠤᠪᠴᠠᠰᠤᠨ ᠤ ᠡᠩᠭᠡᠷ ᠲᠤᠬᠤᠢ᠂ ᠨᠡᠬᠡᠢ ᠦᠮᠦᠳᠦᠨ ᠤ ᠡᠪᠦᠳᠦᠭ | ᠲᠠᠰᠢᠶᠠ᠂ ᠭᠤᠳᠤᠯ ᠪᠠᠭᠠᠷᠳᠤᠭ ᠤᠨ ᠬᠠᠮᠠᠷ ᠬᠤᠩᠰᠢᠶᠠᠷ ᠢ ᠲᠡᠰᠭᠡᠨᠡ ᠭᠡᠵᠤ ᠦᠭᠡᠢ᠃ ᠦᠭᠡᠷ ᠤᠨ ᠰᠢᠷᠢ ᠪᠠᠷ ᠦᠳᠡᠭᠰᠡᠨ ᠴᠦ ᠬᠤᠶᠠᠷ ᠬᠤᠨᠤᠬᠤ ᠦᠭᠡᠢ | ᠴᠤᠭᠤᠷᠠᠨᠠ᠃ ᠮᠡᠷᠭᠡᠵᠢᠯ ᠢᠶᠠᠨ ᠲᠡᠭᠡᠭᠰᠢᠯᠡᠬᠦᠯᠵᠦ᠂ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠱᠠᠯᠳᠠᠩ ᠲᠤᠬᠤᠢ᠂ ᠨᠢᠴᠦᠬᠦᠨ ᠡᠪᠦᠳᠦᠭ ᠢᠶᠠᠷ ᠲᠡᠮᠡᠴᠡᠵᠦ ᠶᠠᠪᠤᠭᠰᠠᠨ | ᠳ᠋ᠠ︾ ᠭᠡᠳ ᠬᠠᠨᠠ ᠶᠢᠨ ᠲᠤᠯᠤᠭᠠᠢ ᠰᠢᠷᠳᠡᠨ ᠰᠠᠬᠠᠯ ᠢᠶᠠᠨ ᠰᠢᠪᠳᠤᠷᠠᠪᠠ᠃ ᠮᠠᠨᠤᠰ ᠢ ᠬᠡᠦᠬᠡᠳ ᠭᠡᠵᠤ ᠡᠯᠡᠭ ᠪᠠᠷᠢᠨ ᠬᠤᠳᠠᠯ ᠵᠠᠯᠠᠵᠤ ᠪᠠᠶᠢᠬᠤ ᠶᠢ ᠨᠢ ᠮᠡᠳᠡᠵᠦ | ᠪᠠᠶᠢᠭᠰᠠᠨ ᠴᠦ ᠬᠦᠭᠳᠡᠢ ᠶᠠᠷᠢᠶᠠᠨ ᠳᠤᠨᠢ ᠲᠠᠳᠠᠭᠳᠠᠨᠠ᠃ | ︽ᠪᠠᠰᠠ ᠨᠢᠬᠡ ᠦᠯᠢᠬᠡᠷ ᠶᠠᠷᠢᠭᠠᠴᠢ︕︾ ᠭᠡᠳ ᠤᠳᠬᠤᠨ ᠲᠡᠬᠦᠦ ᠮᠢᠨᠢ ᠱᠠᠯᠠᠯᠠ᠃ | ︽ᠵᠠ᠂ ᠲᠡᠭᠡᠶᠡ︕ ᠨᠢᠬᠡ ᠡᠳᠦᠷ ᠪᠢ ᠮᠠᠨᠳᠤᠬᠤ ᠲᠤᠯᠤᠭᠠᠢ ᠶᠢᠨ ᠤᠷᠤᠢ ᠲᠡᠭᠡᠷᠡ ᠠᠳᠤᠭᠤ ᠲᠤᠷᠠᠨᠳᠠᠵᠤ ᠰᠠᠭᠤᠳᠠᠯᠠ ᠲᠤᠷᠠᠨ ᠤ ᠬᠠᠷᠠᠭᠠᠨ ᠳᠤ | ᠲᠠᠶᠢᠰᠤᠨ ᠤ ᠬᠠᠷᠠ ᠨᠢᠰᠭᠡᠯ ᠤᠷᠤᠭᠠᠳ ᠢᠷᠡᠪᠡ᠃ ᠶᠠᠳᠠᠵᠤ ᠫᠤᠤ ᠪᠠᠨ ᠡᠬᠦᠷᠴᠦ ᠭᠠᠷᠤᠭᠰᠠᠨ ᠦᠭᠡᠢ᠃ ᠰᠠᠨᠳᠤᠷᠬᠤ ᠳᠠᠭᠠᠨ ᠭᠠᠭᠴᠠ ᠦᠰᠦᠷᠦᠨ ᠵᠢᠬᠦᠷ ᠠᠴᠠ ᠨᠢ | ᠲᠠᠳᠠᠵᠤ ᠤᠨᠠᠭᠠᠭᠰᠠᠨ ᠶᠤᠮ︾ ᠬᠡᠳᠡᠯᠡ ᠠᠬᠠ ᠫᠦᠰᠭᠢᠳᠡᠯᠡ ᠢᠨᠢᠶᠡᠭᠡᠳ᠄ ︽ᠲᠠᠶᠢᠰᠤᠨ ᠤ ᠨᠢᠰᠭᠡᠯ ᠢ ᠤᠤ︖︾ ᠭᠡᠰᠡᠨ ᠳᠤ᠂ ︽ᠵᠠ᠂ ᠵᠠ︕ ᠬᠤᠷᠠᠭᠠ ᠲᠠᠢ | ᠬᠤᠨᠢᠨ ᠤ ᠲᠡᠭᠡᠬᠦᠷ ᠬᠠᠷᠠ ᠰᠢᠪᠠᠭᠤ ᠡᠷᠬᠢᠯᠳᠦᠵᠦ ᠪᠠᠶᠢᠬᠤ ᠪᠠᠷ ᠨᠢ ᠰᠢᠬᠦᠷᠡᠭᠰᠡᠨ ᠶᠤᠮ︾ ᠬᠡᠯᠡ᠃ ︽ᠲᠡᠶᠢᠮᠦ ᠦᠨᠳᠦᠷ ᠲᠡᠭᠡᠷᠡ ᠠᠴᠠ ᠤᠤ︖︾ ᠭᠡᠳ ᠲᠡᠬᠦᠦ | ᠮᠢᠨᠢ ᠭᠠᠶᠢᠬᠠᠭᠰᠠᠨ ᠶᠠᠩᠵᠤ ᠲᠠᠢ ᠲᠤᠯᠤᠭᠠᠢ ᠪᠠᠨ ᠲᠠᠯᠵᠢᠢᠯᠭᠠᠪᠠ᠃ ︽ᠮᠦᠯᠬᠦᠭᠰᠡᠭᠡᠷ ᠪᠠᠶᠢᠭᠠᠳ ᠠᠪᠠᠭᠠ ᠶᠢᠨ ᠬᠢᠨᠢ ᠭᠠᠷ ᠰᠤᠨᠴᠢᠬᠠᠭᠰᠠᠨ ᠶᠤᠮ ᠯᠠ ᠳ᠋ᠠ᠃ ᠵᠠ᠂ | ᠵᠠ᠂ ᠡᠷᠳᠡᠭᠡᠨ ᠬᠠᠵᠠᠭᠤᠯᠠᠵᠤ ᠰᠡᠬᠦᠵᠢ ᠪᠠᠨ ᠠᠮᠠᠷᠠᠭᠠᠶᠠ︾ ᠭᠡᠳ ᠪᠤᠰᠪᠠ᠃ | | |