| ᠮᠠᠷᠭᠠᠰᠢ ᠨᠢ ᠬᠤᠷᠤᠭᠠ ᠬᠢᠰᠭᠢᠯᠡ᠃ ᠤᠭ ᠤᠨ ᠮᠠᠶ᠋ᠢᠭ ᠬᠦᠯ ᠲᠠᠢ ᠦᠨᠦ ︽ᠪᠠᠷᠢᠭᠤᠯ ᠰᠠᠬᠠᠯᠳᠤ︾ ᠲᠤᠮᠤ ᠲᠦᠷᠪᠡᠯᠵᠢᠨ ᠬᠦᠷᠵᠡᠩ ᠢ ᠲᠠᠭᠠᠭᠠᠵᠤ | ᠶᠠᠳᠠᠭᠰᠠᠨ ᠶᠠᠩᠵᠤ ᠲᠠᠢ ᠮᠠᠶᠢᠵᠢᠭᠴᠢᠨ ᠠᠯᠬᠤᠬᠤ ᠶᠢ ᠬᠠᠷᠠᠭᠰᠠᠨ ᠲᠡᠬᠦᠦ ᠮᠢᠨᠢ ︽ᠠᠶᠢᠯ ᠤᠨ ᠠᠪᠠᠭᠠ ᠡ︕ ᠲᠡ ᠬᠦᠷᠵᠡᠩ ᠵᠦᠭᠡᠭᠡᠵᠦ ᠨᠠᠭᠠᠰᠢ ᠴᠠᠭᠠᠰᠢ | ᠶᠠᠪᠤᠬᠤ ᠶᠢᠨ ᠭᠡᠷᠡᠭ ᠦᠭᠡᠢ ᠯᠠ ᠳ᠋ᠠ᠃ ᠰᠤᠨᠳᠠᠭ ᠭᠠᠷ ᠢᠶᠠᠷ ᠢᠶᠠᠨ ᠁︾ ᠭᠡᠳᠡᠯᠡ ︽ᠬᠦᠨᠳᠦ ᠬᠦᠷᠵᠡᠩ ᠭᠠᠭᠴᠠᠬᠠᠨ ᠲᠠᠯᠠ ᠠᠴᠠ ᠨᠢ ᠠᠳᠬᠤᠬᠤ ᠪᠠᠷ | ᠪᠡᠶᠡ ᠪᠠᠨ ᠲᠠᠭᠠᠭᠠᠬᠤ ᠦᠭᠡᠢ ᠵᠠᠮ ᠤᠨ ᠲᠤᠮᠳᠠ ᠬᠠᠭᠠᠷᠠᠴᠢᠬᠠᠨᠠ ᠯᠠ ᠳ᠋ᠠ᠃ ᠬᠠᠷᠢᠨ ᠠᠪᠠᠭᠠ ᠶᠢᠨ ᠬᠢᠨᠢ ᠭᠠᠷ ᠬᠦᠷᠵᠡ ᠰᠢᠭ ᠦᠷᠭᠡᠨ ᠪᠠᠶᠢᠭᠰᠠᠨ ᠪᠤᠯ ᠪᠤᠯᠬᠤ | ᠯᠠ ᠶᠤᠮ︾ ᠭᠡᠵᠤ ᠪᠠᠶᠢᠨᠠ᠃ | ᠪᠢ ᠡᠮᠡᠭᠡ ᠠᠴᠠ ︽ᠡᠨᠡ ᠠᠶᠢᠯ ᠤᠨ ᠠᠪᠠᠭᠠ ᠵᠢᠭᠠᠬᠠᠨ ᠬᠦᠭᠡᠷᠦᠦ ᠶᠤᠮ ᠤᠤ ᠳ᠋ᠠ︖︾ ᠭᠡᠰᠡᠨ ᠳᠤ᠄ ︽ᠬᠦᠮᠦᠨ ᠤ ᠨᠢᠬᠡ ᠵᠠᠩ ᠯᠠ ᠪᠠᠶᠢᠭᠠ ᠪᠢᠵᠡ᠃ | ᠬᠠᠷᠢᠨ ︿ᠠᠶᠢᠯ ᠤᠨ ᠠᠪᠠᠭᠠ﹀ ᠭᠡᠬᠦ ᠪᠠᠨ ᠪᠤᠯᠢ︕ ᠠᠬᠠ ᠠᠴᠠ ᠴᠢᠨᠢ ᠬᠡᠳᠦᠬᠡᠨ ᠯᠠ ᠠᠬᠠ ᠶᠤᠮ᠃ ︿ᠠᠶᠢᠯ ᠤᠨ ᠠᠬᠠ﹀ ᠭᠡᠵᠤ ᠪᠡᠢ︾ ᠬᠡᠪᠡ᠃ ︽ᠪᠠᠷᠪᠠᠭᠠᠷ | ᠬᠠᠷᠠ ᠰᠠᠬᠠᠯ ᠲᠠᠢ ᠬᠦᠮᠦᠨ ᠢ ᠤᠤ︖︾ ᠬᠡᠰᠡᠨ ᠳᠤ᠂ ︽ᠬᠦᠮᠦᠨ ᠢ ᠰᠠᠬᠠᠯ ᠢᠶᠠᠷ ᠨᠢ ᠪᠢᠰᠢ ᠨᠠᠰᠤ ᠪᠠᠷ ᠨᠢ ᠬᠦᠨᠳᠦᠯᠡᠳᠡᠭ ᠶᠤᠮ᠃ ᠶᠡᠷᠦ ᠨᠢ ᠠᠪᠤ ᠡᠵᠢ ᠪᠠᠨ | ᠠᠮᠢᠳᠤ ᠰᠡᠷᠡᠬᠦᠨ ᠪᠠᠶᠢᠬᠤ ᠳᠤ ᠰᠠᠬᠠᠯ ᠲᠠᠯᠪᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ︾ ᠬᠡᠯᠡ᠃ ︽ᠬᠦᠬᠡᠷᠦᠬᠦᠢ᠂ ᠲᠡᠭᠡᠪᠡᠯ ᠦᠨᠦᠴᠢᠨ ᠶᠤᠮ ᠪᠠᠶᠢᠨᠠ ᠰᠢᠳᠠ︾ ᠭᠡᠰᠡᠨ ᠳᠤ᠂ ︽ | ᠲᠤᠭᠤᠢ᠂ ᠶᠠᠭᠤ ᠲᠤᠩᠭᠤᠰᠳᠠᠭ ᠵᠤᠯᠢᠭ ᠪᠤᠢ︕ ᠠᠪᠤ ᠡᠵᠢ ᠨᠢ ᠬᠤᠶᠠᠭᠤᠯᠠ ᠬᠤᠶᠠᠭᠤᠯᠠ ᠪᠠᠨ ᠡᠷᠡᠬᠦᠯ ᠰᠠᠷᠠᠭᠤᠯ ᠰᠠᠶᠢᠬᠠᠨ ᠯᠠ ᠶᠠᠪᠤᠭᠠ᠃ ᠶᠡᠬᠡᠴᠦᠦᠯ ᠨᠢ | ᠰᠤᠷᠭᠠᠳᠠᠭ ᠦᠭᠡᠢ ᠶᠤᠮ ᠤᠤ᠂ ᠬᠡᠯᠡᠭᠰᠡᠨ ᠢ ᠨᠢ ᠲᠤᠭᠤᠳᠠᠭ ᠦᠭᠡᠢ ᠶᠤᠮ ᠤᠤ᠂ ᠭᠡᠦᠬᠡᠳ ᠢᠶᠠᠷ ᠢᠶᠠᠨ ᠯᠠ ᠰᠠᠬᠠᠯ ᠰᠠᠷᠪᠠᠶᠢᠯᠭᠠᠭᠰᠠᠨ ᠬᠠᠷᠠᠭᠳᠠᠳᠠᠭ ᠶᠤᠮ︾ ᠭᠡᠵᠤ | ᠠᠶᠠ ᠮᠠᠭᠤᠳᠠᠶᠢᠬᠠᠨ ᠲᠤᠤᠭᠠᠷᠪᠠ᠃ | ᠲᠡᠷᠡ ᠨᠢᠬᠡᠨ ᠡᠪᠦᠯ ᠮᠠᠨ ᠤ ᠬᠢ ᠠᠶᠢᠯ ᠤᠨ ᠠᠬᠠ ᠲᠠᠢ ᠬᠠᠮᠳᠤ ᠡᠪᠦᠯᠵᠢᠵᠦ ᠪᠢᠯᠡ᠃ | ᠨᠢᠬᠡ ᠡᠳᠦᠷ ᠪᠢ ᠠᠶᠢᠯ ᠤᠨ ᠠᠬᠠ ᠶᠢᠨ ᠳᠤ ᠤᠷᠤᠭᠰᠠᠨ ᠴᠢᠨᠢ ᠬᠦᠪᠬᠡᠨ ᠲᠠᠭᠯᠠᠭᠠ ᠲᠠᠢ ᠠᠪᠳᠠᠷᠠ ᠠᠴᠠ ᠪᠠᠨ ᠶᠠᠭᠤ ᠨᠢᠬᠡ ᠶᠢ ᠠᠪᠬᠤ ᠭᠡᠳ ᠰᠠᠨᠳᠠᠯᠢ | ᠲᠡᠭᠡᠷᠡ ᠵᠤᠭᠰᠤᠨ ᠠᠪᠳᠠᠷᠠ ᠤᠷᠤᠭᠤ ᠪᠠᠨ ᠲᠤᠩᠭᠤᠶᠢᠵᠤ ᠬᠠᠷᠠᠭᠳᠠᠪᠠ᠃ ︽ᠲᠠ ᠠᠪᠳᠠᠷᠠ ᠶᠢᠨ ᠢᠶᠠᠨ ᠢᠷᠤᠭᠠᠷ ᠲᠤ ᠬᠦᠷᠬᠦ ᠦᠭᠡᠢ ᠪᠠᠶᠢᠭᠠ ᠶᠤᠮ ᠤᠤ︖︾ | ᠭᠡᠰᠡᠨ ᠳᠤ᠂ ︽ᠠᠪᠳᠠᠷᠠ ᠶᠢᠨ ᠢᠶᠠᠨ ᠢᠷᠤᠭᠠᠷ ᠲᠤ ᠬᠦᠷᠬᠦ ᠦᠭᠡᠢ ᠡᠷᠡ ᠬᠠᠮᠢᠭᠠ ᠪᠠᠶᠢᠭᠰᠠᠨ ᠶᠤᠮ᠂ ᠠᠯᠢ᠂ ᠲᠡᠬᠦᠦ ᠮᠢᠨᠢ︕ ᠭᠠᠯ ᠤᠨ ᠬᠠᠪᠴᠢᠭᠤᠷ ᠠᠪᠤᠭᠠᠳ | ᠠᠯᠢ︾ ᠬᠡᠯᠡ᠃ ︽ᠬᠠᠪᠴᠢᠭᠤᠷ ᠢᠶᠠᠷ ᠶᠠᠭᠠᠬᠢᠬᠤ ᠶᠤᠮ︖︾ ᠭᠡᠰᠡᠨ ᠳᠤ᠂ ︽ᠪᠤᠭᠤᠳᠠᠯ ᠲᠠᠢ ᠴᠦᠢᠳᠡᠩ ᠠᠪᠳᠠᠷᠠ ᠶᠢᠨ ᠢᠷᠤᠭᠠᠷ ᠲᠤ ᠤᠷᠤᠴᠢᠬᠠᠭᠠᠳ ᠁ | ︾ ᠭᠡᠵᠤ ᠪᠠᠶᠢᠨᠠ᠃ ︽ᠲᠠᠨ ᠤ ᠰᠤᠨᠳᠠᠭ ᠭᠠᠷ︖︾ ᠭᠡᠰᠡᠨ ᠳᠤ᠂ ︽ᠭᠠᠯ ᠤᠨ ᠡᠳ᠋ᠯᠡᠬᠦᠨ ᠢ ᠬᠠᠪᠴᠢᠭᠤᠷ ᠢᠶᠠᠷ ᠤᠷᠤᠯᠳᠤᠳᠠᠭ ᠶᠤᠮ᠃ ᠵᠠ᠂ ᠵᠠ᠂ ᠠᠬᠠ ᠨᠢ | ᠭᠠᠷ ᠢᠶᠠᠨ ᠰᠤᠩᠭᠠᠭᠠᠳ ᠠᠪᠴᠢᠬᠠᠶᠠ︾ ᠭᠡᠳ ᠲᠤᠩᠭᠤᠶᠢᠳᠠᠯᠠ ᠲᠤᠯᠤᠭᠠᠢ ᠨᠢ ᠲᠡᠶᠢᠯᠦᠨ ᠠᠪᠳᠠᠷᠠ ᠳᠤ ᠤᠶᠢᠴᠢᠪᠠ᠃ ᠴᠢᠷᠠᠢ ᠨᠢ ᠴᠢᠷᠠᠢ ᠪᠢᠰᠢ ᠪᠤᠯᠴᠢᠬᠠᠭᠰᠠᠨ | ᠪᠤᠰᠴᠤ ᠢᠷᠡᠭᠡᠳ᠄ ︽ᠵᠠ᠂ ᠲᠡᠬᠦᠦ ᠮᠢᠨᠢ᠂ ᠡᠨᠡ ᠤᠴᠢᠷ ᠢ ᠬᠡᠨ ᠳᠤ ᠴᠦ ᠪᠢᠳᠡᠬᠡᠢ ᠬᠡᠯᠡᠭᠡᠷᠡᠢ︾ ᠬᠡᠪᠡ᠃ ᠬᠤᠶᠠᠷ ᠬᠦᠯ ᠨᠢ ᠭᠤᠵᠤᠰᠭᠢᠭᠡᠳ ᠲᠠᠯᠳᠠᠷᠠᠭᠰᠠᠨ | ᠬᠦᠭᠳᠡᠢ ᠲᠦᠷᠢ ᠨᠢ ᠨᠢᠳᠦᠨ ᠳᠤ ᠦᠵᠡᠭᠳᠡᠭᠡᠳ ᠢᠨᠢᠶᠡᠳᠦ ᠪᠠᠨ ᠪᠠᠷᠢᠵᠤ ᠶᠠᠳᠠᠭᠰᠠᠨ ᠪᠢ ᠪᠤᠰᠢᠭᠤᠬᠠᠨ ᠭᠠᠷᠴᠤ᠂ ᠠᠭᠤᠰᠭᠢ ᠪᠠᠨ ᠠᠭᠤᠵᠢᠷᠠᠳᠠᠯᠠ ᠢᠨᠢᠶᠡᠵᠦ ᠪᠢᠯᠡ᠃ | | ᠴᠠᠰᠤ ᠬᠠᠶᠢᠯᠤᠨ ᠭᠠᠵᠠᠷ ᠲᠠᠷᠯᠠᠨᠳᠤᠭᠰᠠᠨ ᠬᠠᠪᠤᠷ ᠤᠨ ᠨᠢᠬᠡᠨ ᠡᠳᠦᠷ ᠪᠢ ᠲᠦᠯᠡᠭᠡ ᠲᠡᠬᠦᠵᠦ ᠶᠠᠪᠤᠳᠠᠯᠠ ᠠᠶᠢᠯ ᠤᠨ ᠠᠬᠠ ᠰᠢᠷᠠ ᠲᠠᠶᠢᠯᠤᠭ ᠢᠶᠠᠨ | ᠬᠦᠳᠦᠯᠦᠨ ᠫᠤᠤ ᠪᠠᠨ ᠮᠦᠷᠦᠪᠴᠢᠯᠡᠨ ᠠᠶᠢᠰᠤᠢ᠃ ᠫᠤᠤ ᠪᠠᠨ ᠲᠡᠮᠡᠬᠡᠨ ᠤ ᠪᠠᠨ ᠪᠦᠬᠦᠨ ᠠᠴᠠ ᠡᠯᠬᠦᠳᠡᠭ ᠪᠤᠯᠤᠭᠠᠰᠠᠢ ᠭᠡᠵᠤ ᠪᠤᠳᠤᠨ ᠬᠦᠯᠢᠶᠡᠵᠦ ᠵᠤᠭᠰᠤᠪᠠ᠃ | ᠴᠠᠭᠠᠨ ᠨᠡᠬᠡᠢ ᠲᠡᠪᠡᠯ ᠤᠨ ᠬᠢᠨᠢ ᠲᠡᠯᠡ ᠡᠩᠭᠡᠷ ᠶᠠᠭᠤ ᠴᠦ ᠦᠭᠡᠢ ᠨᠤᠷᠴᠢᠬᠠᠵᠠᠢ᠃ ︽ᠲᠠᠨ ᠤ ᠲᠠᠯᠠ ᠡᠩᠭᠡᠷ ᠶᠠᠭᠠᠬᠢᠭᠠᠳ ᠨᠤᠷᠴᠢᠬᠠᠭᠰᠠᠨ ᠶᠤᠮ︖︾ | ᠭᠡᠰᠡᠨ ᠳᠤ᠂ ︽ᠪᠤᠳᠠᠨ ᠳᠤ ᠬᠢᠷᠤᠭᠰᠠᠨ ᠲᠠᠤᠯᠠᠢ ᠲᠠᠭᠠᠷᠠᠬᠤ ᠪᠠᠷ ᠨᠢ ᠪᠤᠰᠤᠭᠠᠳ ᠲᠠᠭᠰᠢᠴᠢᠬᠠᠬᠤ ᠠᠴᠠ ᠨᠢ ᠪᠤᠯᠭᠤᠮᠵᠢᠯᠠᠨ᠂ ᠬᠤᠯᠠ ᠠᠴᠠ ᠮᠦᠯᠬᠦᠵᠦ ᠤᠴᠢᠭᠠᠳ | ᠤᠨᠢᠯᠠᠭᠰᠠᠨ ᠶᠤᠮ︾ ᠭᠡᠵᠤ ᠪᠠᠶᠢᠨᠠ᠃ ᠦᠨᠡᠭᠡᠷ ᠰᠢᠷᠠ ᠲᠡᠶᠢᠯᠤᠭ ᠤᠨ ᠬᠢᠨᠢ ᠪᠦᠬᠦᠨ ᠠᠴᠠ ᠲᠠᠤᠯᠠᠢ ᠡᠯᠬᠦᠭᠡ ᠲᠠᠢ ᠬᠠᠷᠠᠭᠳᠠᠪᠠ᠃ ᠡᠷᠦᠬᠡ ᠶᠢᠨ ᠴᠡᠷᠢᠭ ᠲᠡᠭᠡᠷᠡ | ᠰᠤᠷᠤᠭᠰᠠᠨ ᠡᠷᠳᠡᠮ ᠢᠶᠠᠨ ᠬᠡᠷᠡᠭᠯᠡᠭᠰᠡᠨ ᠠᠵᠢ᠃ ︽ᠨᠡᠬᠡᠢ ᠲᠡᠪᠡᠯ ᠤᠨ ᠬᠢᠨᠢ ᠡᠩᠭᠡᠷ ᠶᠠᠭᠤ ᠴᠦ ᠦᠭᠡᠢ ᠬᠠᠳᠠᠭᠠᠳ ᠬᠤᠷᠴᠶᠢᠴᠢᠬᠠᠨᠠ ᠳ᠋ᠠ︾ ᠭᠡᠵᠤ ᠪᠤᠳᠤᠳᠠᠯᠠ᠄ | ︽ᠵᠠ᠂ ᠵᠠ᠂ ᠬᠠᠷᠢᠵᠤ ᠪᠤᠷᠤ ᠶᠢᠨ ᠱᠦᠯᠦ ᠤᠭᠤᠴᠢᠯᠠᠨ ᠲᠤᠯᠠᠭᠠᠴᠠᠶᠠ ᠪᠠᠶᠢᠵᠤ ᠁︾ ᠭᠡᠳ ᠪᠠᠶᠠᠷᠳᠠᠢ ᠨᠢ ᠠᠷᠭᠠ ᠦᠭᠡᠢ ᠴᠠᠭᠠᠰᠢᠯᠠᠪᠠ᠃ ᠲᠠᠤᠯᠠᠢ᠂ | ᠫᠤᠤ ᠠᠴᠠ ᠨᠢ ᠠᠷᠠᠢ ᠬᠦᠩᠬᠡᠨ ᠪᠠᠶᠢᠮᠠᠷ ᠶᠤᠮ᠃ ︽ᠬᠠᠩᠭᠠᠢ ᠲᠡᠯᠡᠬᠡᠢ ᠭᠠᠨᠵᠤᠭᠠ ᠲᠤᠰᠤᠳᠠᠯᠠ︕︾ ᠭᠡᠵᠤ ᠪᠡᠯᠭᠡᠰᠢᠶᠡᠭᠰᠡᠨ ᠶᠤᠮ ᠪᠢᠵᠡ ᠳ᠋ᠠ᠂ ᠬᠦᠬᠡᠷᠦᠬᠦᠢ︕ | ᠪᠤᠳᠠᠨ ᠤ ᠪᠤᠷᠤ ᠲᠠᠤᠯᠠᠢ ᠪᠢᠰᠢ ᠨᠠᠮᠤᠷ ᠤᠨ ᠲᠠᠷᠭᠤᠨ ᠤᠭᠤᠨᠤ ᠤᠨᠠᠭᠠᠭᠰᠠᠨ ᠶᠤᠮᠰᠢᠭ ᠬᠦᠭᠡᠷᠴᠦ ᠶᠠᠪᠤᠭᠠ ᠨᠢ ᠢᠨᠢᠶᠡᠳᠦᠮ ᠲᠠᠢ ᠴᠦ ᠶᠤᠮᠰᠢᠭ᠂ ᠦᠷᠦᠪᠳᠦᠯ ᠲᠠᠢ | ᠴᠦ ᠶᠤᠮᠰᠢᠭ ᠰᠠᠨᠠᠭᠳᠠᠪᠠ᠃ | ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤᠨ ᠳᠠᠭᠠᠨ ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠪᠠᠶᠢᠯᠳᠤᠭᠴᠢ ᠶᠢᠨ ᠬᠤᠪᠢ ᠪᠠᠷ ︽ᠲᠠᠶᠢᠨ ᠤ ᠪᠡᠯᠡᠳᠭᠡᠯ ᠤᠨ ᠭᠤᠤ ᠮᠠᠯᠳᠠᠬᠤ᠂ ᠬᠤᠷᠤᠭᠠ | ᠰᠠᠷᠠᠪᠴᠢ ᠪᠠᠷᠢᠬᠤ᠂ ᠬᠤᠳᠳᠤᠭ ᠤᠰᠤ ᠯᠠᠶᠢᠳᠠᠬᠤ᠂ ᠡᠪᠡᠰᠦ ᠬᠠᠳᠤᠯᠠᠩ ᠬᠤᠷᠢᠶᠠᠬᠤ᠂ ᠤᠰᠤᠨ ᠴᠦᠬᠦᠷᠦᠮ ᠪᠠᠶᠢᠭᠤᠯᠬᠤ᠂ ᠡᠪᠡᠰᠦᠨ ᠬᠦᠷᠢᠶᠡ ᠲᠤᠤᠷᠯᠠᠬᠤ᠂ | ᠪᠤᠷᠳᠤᠭᠠᠨ ᠰᠠᠭᠤᠷᠢᠨ ᠭᠠᠷᠭᠠᠬᠤ᠂ ᠨᠤᠭᠤᠭᠠᠨ ᠪᠤᠷᠳᠤᠭᠠ ᠲᠠᠷᠤᠰᠢᠭᠤᠯᠬᠤ ᠁︾ ᠭᠡᠳ ᠪᠢᠰᠢᠬᠦᠢ ᠠᠷᠪᠢᠨ ᠬᠠᠮᠳᠤ ᠶᠢᠨ ᠬᠦᠳᠡᠯᠮᠦᠷᠢ ᠳᠤ ᠪᠡᠶᠡ ᠬᠠᠶᠢᠷᠠ | ᠦᠭᠡᠢ ᠵᠢᠳᠬᠦᠵᠦ ᠶᠠᠪᠤᠭᠰᠠᠨ ᠨᠢ ᠶᠠᠭᠤ ᠶᠠᠭᠤᠨ ᠠᠴᠠ ᠴᠦ ᠦᠨᠡᠨ ᠶᠤᠮᠳᠠᠭ᠃ | ︽ᠬᠦᠮᠦᠨ ᠤ ᠨᠢᠬᠡ ᠵᠠᠩ ᠯᠠ ᠪᠢᠵᠡ︕︾ ᠭᠡᠵᠤ ᠡᠮᠡᠭᠡ ᠶᠢᠨ ᠬᠡᠯᠡᠳᠡᠭ ᠵᠦᠪ᠃ ᠶᠠᠷᠢᠶᠠᠨ ᠳᠠᠭᠠᠨ ᠬᠠᠯᠠᠮᠰᠢᠨ ᠵᠠᠷᠢᠮ ᠳᠠᠭᠠᠨ ᠬᠠᠮᠢᠶᠠ ᠬᠠᠷᠢᠶᠠ ᠦᠭᠡᠢ | ᠦᠰᠭᠡᠭᠡᠨ ᠲᠦᠰᠭᠡᠭᠡᠨ ᠲᠠᠢ ᠳᠡᠭᠡᠬᠦᠯᠳᠡᠭ ᠴᠦ ᠭᠡᠨ ᠨᠢᠬᠡᠨ ᠳᠤ ᠬᠤᠤᠷ ᠬᠦᠷᠭᠡᠭᠰᠡᠨ ᠦᠭᠡᠢ᠃ ᠬᠠᠷᠢᠨ ᠦᠷᠦᠭᠡᠯ ᠪᠤᠰᠤᠳ ᠢ ᠢᠨᠢᠶᠡᠯᠭᠡᠵᠦ ᠪᠠᠶᠠᠰᠬᠠᠵᠤ | ᠶᠠᠪᠤᠭᠰᠠᠨ ᠤ ᠪᠠᠨ ᠠᠴᠢ ᠪᠠᠷ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ ᠰᠠᠶᠢᠨ ᠢ ᠦᠵᠡᠵᠦ᠂ ᠠᠵᠠ ᠵᠢᠷᠭᠠᠯ ᠲᠠᠢ ᠦᠳᠡᠯᠦᠭᠡ ᠨᠠᠰᠤ ᠪᠠᠨ ᠡᠯᠡᠭᠡᠵᠦ ᠶᠠᠪᠤᠭᠠ ᠪᠤᠶᠠᠨᠳᠠᠨ ᠤ ᠨᠢᠬᠡ᠂ | ᠠᠶᠢᠯ ᠤᠨ ᠠᠬᠠ ᠮᠢᠨᠢ᠃ | ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠬᠢᠨᠢ ᠴᠤᠭᠯᠠᠭᠠᠨ ᠦᠯᠵᠡᠢ ᠬᠡᠶᠢᠮᠦᠷᠢ ᠲᠠᠢ ᠪᠤᠯᠬᠤ ᠪᠤᠯᠳᠤᠭᠠᠢ︕ | |