| ᠭᠤᠷᠪᠠ | ︽ᠴᠦᠢᠳᠤᠩ ᠤᠨ ᠲᠣᠯᠤᠭᠠᠢ ᠲᠣᠯᠠᠰᠭᠢᠬᠤ ᠳᠤ ᠥᠩᠭᠡᠷᠡᠴᠢᠬᠡᠳᠡᠭ ᠵᠠᠯᠠᠭᠤ ᠨᠠᠰᠤ | ᠴᠦᠪᠢᠲ ᠤᠨ ᠵᠡᠪᠡᠨ ᠳᠤ ᠣᠯᠠᠨᠲᠠ ᠰᠢᠷᠬᠠᠳᠣᠳᠠᠭ ᠴᠤ ᠠᠵᠢᠭ ᠦᠭᠡᠢ ᠵᠠᠯᠠᠭᠤ ᠨᠠᠰᠣ | ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠣᠩᠰᠢᠬᠤ ᠶᠢᠨ ᠵᠠᠢ ᠳᠤ ᠪᠠᠷᠠᠴᠢᠬᠠᠳᠠᠭ ᠵᠠᠯᠠᠭᠤ ᠨᠠᠰᠤ | ᠮᠠᠷᠭᠠᠰᠢ ᠮᠠᠷᠭᠠᠰᠢ ᠭᠡᠵᠦ ᠬᠤᠳᠠᠷᠭᠠᠯᠠᠭᠰᠠᠭᠠᠷ ᠪᠠᠶᠢᠵᠤ ᠶᠠᠪᠤᠴᠢᠬᠠᠳᠠᠭ ᠵᠠᠯᠠᠭᠤ ᠨᠠᠰᠣ︾ | — ︽ᠵᠠᠯᠠᠭᠤ ᠨᠠᠰᠣ︾ | ᠡᠨᠡ ᠬᠥᠮᠥᠨ ᠪᠣᠯ ᠮᠢᠨᠤ ︽ᠪᠠᠭᠰᠢ︾᠃ ᠨᠡᠷᠡ ᠯᠤᠤᠬᠠ᠂ ᠣᠪᠣᠭ ᠵᠠᠯᠠᠶᠢᠷ᠃ | ︽ᠬᠡᠦᠬᠡᠳ ᠤᠨ ᠢᠶᠠᠨ ᠮᠦᠷᠦᠭᠡᠳᠦᠯ ᠳᠤ ᠢᠳᠡᠭᠡᠭᠡᠷᠡᠢ᠃ ᠮᠦᠷᠦᠭᠡᠳᠬᠦ ᠳᠤ ᠵᠢᠭᠦᠷ ᠤᠷᠭᠤᠳᠠᠭ᠂ ᠮᠦᠷᠦᠭᠡᠳᠬᠦ ᠳᠤ ᠬᠦᠰᠡᠯ ᠪᠡᠶᠡᠯᠡᠳᠡᠭ᠃ ᠬᠡᠦᠬᠡᠳ ᠢ | ᠤᠷᠮᠠᠰᠢᠭᠤᠯᠵᠦ ᠵᠣᠷᠢᠭ ᠢᠳᠡᠭᠡᠯ ᠦᠭᠴᠦ᠂ ᠰᠡᠳᠭᠢᠭᠦᠢ ᠶᠢ ᠨᠢ ᠲᠡᠯᠡᠷᠡᠭᠦᠯᠵᠤ᠂ ᠲᠣᠮᠣ ᠶᠠᠭᠤᠮᠠ ᠶᠢ ᠮᠦᠷᠦᠭᠡᠳᠦᠭᠦᠯᠵᠦ ᠪᠠᠶᠢᠭᠠᠷᠠᠢ᠃ ᠪᠢᠳᠡ ᠬᠡᠦᠬᠡᠳ ᠢᠶᠠᠨ | ᠳ᠋ᠣᠺᠲ᠋ᠣᠷ ᠡᠷᠳᠡᠮᠲᠡᠨ᠂ ᠬᠠᠭᠠᠨ ᠬᠠᠳᠣᠨ ᠪᠣᠯᠭᠠᠬᠤ ᠴᠢᠬᠤᠯᠠ ᠪᠢᠰᠢ᠂ ᠬᠠᠷᠢᠨ ᠬᠦᠮᠦᠨ ᠪᠣᠯᠭᠠᠬᠤ᠂ ᠬᠦᠳᠡᠯᠮᠦᠷᠢᠯᠡᠬᠦ ᠳᠤᠷᠠ ᠲᠠᠢ᠂ ᠡᠬᠡ ᠰᠣᠶᠣᠯ ᠳᠠᠭᠠᠨ | ᠬᠠᠶᠢᠷᠠᠲᠠᠢ᠂ ᠬᠠᠶᠢᠷᠠ ᠠᠴᠢ ᠶᠢ ᠮᠡᠳᠡᠬᠦ ᠬᠦᠮᠦᠨ ᠪᠣᠯᠭᠠᠨ ᠬᠦᠮᠦᠵᠢᠬᠦᠯᠬᠦ ᠨᠡᠩ ᠴᠢᠬᠤᠯᠠ︾ ᠬᠡᠮᠡᠨ ᠪᠠᠭᠰᠢ ᠮᠢᠨᠢ ᠦᠨᠦᠳᠦᠷ ᠮᠠᠷᠭᠠᠰᠢ ᠶᠢᠨ ᠠᠯᠢᠨ ᠳᠤ ᠴᠦ | ᠰᠤᠷᠬᠤᠢ ᠶᠢᠨ ᠬᠦᠰᠡᠯ ᠤᠨ ᠨᠣᠭᠲᠣ ᠦᠭᠡᠢ ᠲᠡᠮᠡᠦᠯᠣᠯ ᠳᠤ᠂ ᠰᠤᠷᠭᠠᠬᠤᠢ ᠶᠢᠨ ᠰᠦᠰᠦ ᠪᠠᠷ ᠮᠦᠷᠦᠭᠡᠳᠦᠯ ᠬᠠᠶᠢᠷᠠᠯᠠᠵᠣ᠂ ᠪᠤᠷᠠᠮ ᠢᠢᠡᠷ ᠪᠢᠰᠢ ᠣᠷᠮᠠ ᠪᠠᠷ | ᠳᠡᠳᠬᠦᠨ ᠢᠨᠢᠶᠡᠮᠰᠦᠭ ᠬᠠᠷᠠᠴᠠ᠂ ᠶᠡᠷᠦᠮᠳᠡᠭ ᠦᠭᠡ᠂ ᠣᠷᠣᠯᠳᠣᠯᠭᠠ ᠪᠠᠷᠢᠮᠲᠠᠯᠠᠯ ᠢᠶᠠᠷ ᠢᠶᠠᠨ ᠢᠳᠡᠭᠡᠯ ᠬᠠᠶᠢᠷᠠ ᠪᠠᠨ ᠵᠤᠷᠢᠭᠤᠯᠵᠤ᠂ ᠠᠬᠢᠯᠲᠠ ᠲᠠᠪᠠᠯᠳᠠ ᠶᠢᠨ | ᠬᠦᠴᠦ ᠣᠯᠭᠤᠵᠤ᠂ ᠤᠷᠤᠯᠳᠤᠵᠤ ᠮᠦᠷᠦ᠋ᠴᠡᠬᠦ ᠶᠢᠨ ᠰᠢᠨᠳᠠᠰᠤ ᠶᠢ ᠬᠦᠷᠲᠡᠭᠡᠨ᠂ ᠤᠬᠠᠭᠠᠵᠢᠵᠤ ᠲᠣᠮᠣᠭᠠᠵᠢᠬᠤ ᠶᠢᠨ ᠰᠢᠳᠢ ᠶᠢ ᠬᠠᠶᠢᠷᠠᠯᠠᠳᠠᠭ ᠨᠢᠭᠡᠨ ᠪᠣᠯᠵᠣ ᠶᠠᠪᠤᠨᠠ᠃ | | ︽ᠬᠢᠬᠦ ᠬᠦᠮᠦᠨ ᠳᠤ ᠠᠷᠭᠠ ᠮᠤᠩᠳᠠᠬᠤ ᠦᠭᠡᠢ᠂ ᠬᠢᠬᠦ ᠦᠭᠡᠢ ᠬᠦᠮᠦᠨ ᠳᠤ ᠰᠢᠯᠲᠠᠭ ᠮᠤᠩᠳᠠᠬᠤ ᠦᠭᠡᠢ︾ ᠬᠡᠮᠡᠨ ᠦᠪᠡᠷ ᠤᠨ ᠢᠶᠠᠨ ᠰᠢᠯᠦᠭ | ᠲᠣᠭᠤᠷᠪᠢᠯ ᠤᠨ ᠵᠠᠮ ᠢᠶᠠᠷ ᠵᠠᠮᠨᠠᠭᠰᠠᠨ ᠬᠢᠭᠡᠳ ᠣᠩᠨᠢᠭᠤᠳ ᠠᠷᠠᠳ ᠤᠨ ᠣᠷᠠᠨ ᠪᠦᠲᠦᠭᠡᠯᠴᠢᠳ ᠤᠨ ᠬᠤᠯᠪᠤᠭᠠᠨ ᠤ ᠪᠠᠨ ᠦᠴᠦᠭᠡᠳᠦᠷ ᠦᠨᠦᠳᠦᠷ ᠤᠨ ᠲᠤᠬᠠᠢ ︽ | ᠣᠣᠭᠠᠯ ᠨᠣᠲᠤᠭ᠂ ᠣᠳᠣᠮ ᠰᠣᠶᠣᠯ᠂ ᠣᠬᠠᠭᠠᠨ ᠨᠣᠮ︾ ᠭᠡᠬᠦ ᠰᠡᠳᠥᠪ ᠢᠶᠠᠷ ᠵᠠᠯᠭᠠᠮᠵᠢ ᠦᠶᠡ ᠶᠢᠨ ᠬᠢᠨ ᠳᠡᠭᠡᠨ ᠢᠷᠡᠬᠦ ᠮᠠᠷᠭᠠᠰᠢ ᠳᠤᠨᠢ ᠰᠡᠳᠭᠢᠯ ᠢᠳᠡᠭᠡᠯ ᠤᠨ | ᠰᠢᠪᠡᠨᠡᠭᠡ ᠪᠠᠨ ᠶᠠᠷᠢᠳᠠᠭ ᠪᠠᠶᠢᠯᠠ᠃ | ︽ᠮᠠᠷᠭᠠᠰᠢ ᠪᠢ ᠣᠣᠭᠠᠯ ᠨᠣᠲᠤᠭ ᠤᠨ ᠢᠶᠠᠨ ᠬᠠᠷᠠᠭᠤᠯ ᠪᠣᠯᠣᠨᠠ ᠁︾ | ︽ᠮᠠᠷᠭᠠᠰᠢ ᠪᠢ ᠣᠳᠣᠮ ᠰᠣᠶᠣᠯ ᠤᠨ ᠢᠶᠠᠨ ᠵᠠᠯᠭᠠᠮᠵᠢᠯᠠᠭᠴᠢ ᠪᠣᠯᠣᠨᠠ ᠁︾ | ︽ᠮᠠᠷᠭᠠᠰᠢ ᠪᠢ ᠣᠬᠠᠭᠠᠨ ᠨᠣᠮ ᠲᠠᠢ ᠬᠦᠮᠦᠨ ᠪᠣᠯᠣᠨᠠ ᠁︾ | ᠡᠨᠡ ᠪᠥᠬᠦᠨ ᠪᠣᠯ ᠬᠡᠦᠬᠡᠳ ᠤᠳ ᠤᠨ ᠬᠢᠨᠢ ᠰᠡᠳᠭᠢᠯ ᠤᠨ ᠳᠠᠭᠤᠨ ᠪᠠᠶᠢᠯᠠ᠃ | ︽ᠬᠤᠪᠢ ᠵᠠᠶᠠᠭᠠ ᠭᠡᠭᠴᠢ ᠵᠤᠯ ᠵᠠᠪᠰᠢᠶᠠᠨ ᠪᠢᠰᠢ ᠬᠠᠷᠢᠨ ᠰᠣᠩᠭᠤᠯᠲᠠ ᠶᠣᠮ᠂ ᠬᠦᠰᠡᠯᠡᠩ ᠪᠢᠰᠢ ᠬᠠᠷᠢᠨ ᠠᠵᠢᠯᠯᠠᠭᠠ ᠶᠣᠮ᠂ ᠨᠡᠷᠡ ᠦᠭᠡ ᠪᠢᠰᠢ ᠬᠠᠷᠢᠨ | ᠦᠢᠯᠡ ᠦᠭᠡ ᠶᠣᠮ᠃ ᠬᠤᠪᠢ ᠵᠠᠶᠠᠭᠠ ᠭᠡᠭᠴᠢ ᠲᠠᠯᠪᠢᠵᠤ ᠶᠠᠪᠤᠭᠤᠯᠳᠠᠭ ᠪᠢᠰᠢ ᠬᠠᠷᠢᠨ ᠠᠳᠬᠤᠵᠣ ᠠᠪᠳᠠᠭ ᠶᠣᠮ︾ ᠭᠡᠵᠦ ᠪᠠᠭᠰᠢ ᠮᠢᠨᠢ ᠲᠠᠩᠳᠠ ᠶᠠᠷᠢᠳᠠᠭ᠃ | ᠲᠡᠶᠢᠮᠦ ᠡ᠂ ᠠᠭᠤᠯᠠ ᠶᠢᠨ ᠢᠶᠠᠨ ᠬᠦᠬᠡ ᠴᠢᠯᠠᠭᠤ ᠶᠢ ᠳᠡᠷᠡᠯᠡᠵᠦ ᠲᠦᠷᠦᠭᠰᠡᠨ ᠬᠦᠮᠦᠨ ᠤ ᠵᠤᠷᠢᠬ ᠬᠠᠳᠠᠨ᠂ ᠤᠰᠤᠨ ᠤ ᠬᠢ ᠪᠠᠨ ᠬᠦᠨ ᠴᠡᠭᠡᠯ ᠢ ᠬᠠᠷᠠᠵᠤ | ᠦᠰᠦᠭᠰᠡᠨ ᠬᠦᠮᠦᠨ ᠤ ᠰᠡᠳᠭᠢᠯ ᠲᠤᠩᠭᠠᠯᠠᠭ᠂ ᠠᠭᠤᠳᠠᠮ ᠲᠠᠯᠠ ᠪᠠᠨ ᠪᠠᠷᠠᠳᠠᠵᠤ ᠦᠰᠦᠭᠰᠡᠨ ᠬᠦᠮᠦᠨ ᠤ ᠰᠠᠨᠠᠬ᠋ᠠ ᠬᠤᠯᠠ ᠪᠠᠶᠢᠬᠤ ᠣᠴᠢᠷᠲᠠᠢ᠃ ᠣᠬᠠᠭᠠᠨ ᠤ | ᠣᠨᠳᠣᠷᠤᠭᠠ ᠨᠢ ᠦᠨᠡᠨ ᠤ ᠦᠷᠭᠦᠯᠵᠢᠯᠡᠯ ᠪᠣᠯᠵᠤ᠂ ᠦᠶᠡ ᠵᠠᠯᠭᠠᠮᠵᠢ ᠨᠤᠭᠤᠳ ᠨᠢ ᠢᠲᠡᠭᠡᠯ ᠤᠨ ᠨᠠᠷᠠᠨ᠂ ᠠᠮᠢ ᠨᠠᠰᠤᠨ ᠤ ᠢᠯᠴᠢ ᠭᠡᠭᠡ ᠨᠢ ᠪᠣᠯᠵᠤ ᠳᠤᠯᠠᠭᠠᠯᠠᠵᠠᠢ᠃ | | ︽ᠲᠠᠷᠢᠶᠠ ᠲᠠᠷᠢᠭᠰᠠᠨ ᠰᠢᠯᠦᠭᠴᠢ ᠶᠢᠨ ᠭᠤᠨᠢᠭ ᠢ ᠬᠠᠮᠢᠭᠠ ᠠᠴᠠ ᠡᠷᠢᠨᠡᠮ | ᠲᠠᠮᠠᠬᠢᠨ ᠤᠲᠤᠭᠠ ᠪᠠᠷ ᠰᠡᠳᠭᠢᠯ ᠠᠷᠭᠠᠳᠠᠭᠰᠠᠨ ᠵᠢᠷᠦᠬᠡᠨ ᠳᠤ ᠨᠢ ᠬᠡᠨ ᠪᠠᠭᠲᠠᠨᠠᠮ | ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ ᠲᠤ ᠲᠠᠷᠢᠭᠰᠠᠨ ᠵᠡᠭᠦᠳᠦ ᠨᠢ ᠴᠡᠩᠬᠡᠷ ᠭᠤᠷᠤᠬᠠᠨ ᠪᠠᠶᠢᠨᠠᠮ | ᠳᠡᠯᠡᠬᠡᠢ ᠶᠢᠨ ᠭᠦᠨ ᠳᠤ ᠬᠤᠷᠢᠶᠠᠭᠰᠠᠨ ᠲᠠᠷᠢᠶᠠ ᠨᠢ ᠮᠦᠩᠬᠡ ᠶᠢᠨ ᠣᠨᠢᠰᠤᠭᠠ ᠪᠠᠶᠢᠨᠠᠮ︾ | — ᠵᠢ᠊ · ᠴᠡᠩᠬᠡᠯ ᠤᠨ ᠪᠢᠴᠢᠭᠡᠰᠦ | ᠲᠡᠭᠦᠨ ᠤ ᠦᠴᠦᠭᠡᠳᠦᠷ ᠳᠣᠮᠤᠭ ᠦᠨᠡᠨ᠂ ᠵᠡᠭᠦᠳᠦ ᠡᠷᠢᠯᠬᠢᠯᠡᠯ ᠢᠶᠠᠷ ᠳᠦᠭᠦᠷᠡᠩ ᠠᠭᠠᠳ ᠦᠨᠦᠳᠦᠷ ᠨᠢ ᠲᠤᠤᠯᠢᠰᠯᠢᠭ ᠦᠨᠡᠨ᠂ ᠰᠠᠶᠢᠨ ᠰᠠᠶᠢᠬᠠᠨ ᠤ | ᠬᠦᠭᠡᠭᠡᠴᠡᠯᠳᠦᠯ ᠪᠢᠯᠬᠠᠮᠠ ᠪᠣᠯᠬᠤᠷ ᠦᠨᠡᠨ ᠤ ᠦᠷᠭᠦᠯᠵᠢᠯᠡᠯ ᠪᠤᠶᠤ ᠮᠠᠷᠭᠠᠰᠢ ᠨᠢ ᠬᠡᠮᠨᠡᠯ ᠦᠭᠡᠷᠡ ᠪᠠᠶᠢᠬᠤ ᠨᠢ ᠦᠨᠡᠨᠲᠡᠢ᠃ ᠭᠡᠬᠦ ᠳᠡᠭᠡᠨ ᠲᠡᠷᠡ ᠶᠡᠷᠤ ᠳᠣᠷᠠᠰᠣᠮᠵᠢ | ᠵᠦᠭ ᠤᠳᠬᠤᠢ ᠦᠴᠦᠭᠡᠳᠦᠷ ᠢᠶᠠᠨ ᠮᠠᠷᠳᠠᠭᠠ ᠦᠭᠡᠢ᠃ | ᠤᠯᠠᠭᠠᠨ ᠲᠣᠭᠤᠰᠣᠨ ᠤ ᠡᠬᠢᠯᠡᠯ ᠲᠡᠭᠦᠰᠭᠡᠯ ᠨᠢ ᠦᠨᠡᠨ ᠪᠤᠶᠤ ᠴᠠᠭ ᠬᠤᠭᠤᠴᠠᠭᠠ᠃ |