| ᠵᠣᠬᠢᠶᠠᠭᠴᠢ᠄ ᠯ᠊·ᠰᠣᠨᠢᠨ | | ᠲᠦᠷᠬᠦᠮ ᠳᠡᠭᠡᠨ ᠬᠠᠷᠢᠬᠤ ᠳᠤ ᠮᠠᠨᠢ ᠵᠤᠤᠬᠠᠨ ᠬᠡᠷ ᠠᠴᠠ ᠵᠠᠷᠮᠠ ᠶᠢᠨ ᠲᠠᠰᠤᠯ ᠦᠨᠦᠷ ᠰᠡᠩᠭᠢᠨᠡᠵᠦ ᠲᠡᠷᠡ ᠰᠠᠶᠢᠬᠠᠨ ᠠᠮᠳᠠ ᠶᠢ ᠨᠢ ᠪᠤᠳᠤᠬᠤ ᠠᠴᠠ | ᠠᠷᠠᠭᠠᠨ ᠳᠤ ᠰᠢᠯᠦᠰᠦ ᠬᠤᠷᠠᠮᠠᠷ ᠪᠣᠯᠪᠠ᠃ ᠠᠪᠳᠠᠷᠠ ᠬᠤᠷᠭᠤ ᠶᠢ ᠨᠢ ᠤᠩᠭᠢᠴᠢᠵᠦ ᠠᠶᠠᠭᠠ ᠵᠠᠷᠮᠠ ᠤᠯᠤᠭᠠᠳ ᠠᠷᠠᠢ ᠠᠮᠠ ᠲᠦᠬᠦᠷᠳᠡᠯᠡ ᠡᠮᠬᠦᠶᠡ ᠭᠡᠳᠡᠯᠡ | ︽ᠬᠠᠭᠠᠵᠦ ᠦᠬᠦᠨᠡ︕︾ ᠬᠡᠰᠡᠨ ᠲᠠᠭᠤ ᠴᠢᠬᠢᠨ ᠬᠡᠩᠭᠡᠷᠭᠡ ᠲᠡᠯᠡᠰᠴᠦ ᠪᠢᠯᠡ᠃ ᠡᠷᠬᠢᠵᠦ ᠬᠠᠷᠠᠬᠤ ᠳᠤ ᠡᠵᠢ ᠠᠯᠠᠭᠠ᠂ ᠶᠠᠬᠢᠷ ᠲᠠᠭᠤᠨ ᠴᠦ ᠠᠯᠠᠭᠠ᠂ ︽ᠠᠭᠠᠭ | ᠵᠠᠷᠮᠠ ᠪᠠᠨ ᠬᠠᠷᠠᠮᠨᠠᠵᠦ ᠁︾ ᠭᠡᠰᠡᠨ ᠭᠤᠴᠢᠨ ᠵᠢᠯ ᠤᠨ ᠭᠤᠮᠤᠳᠠᠯ ᠴᠦ ᠠᠯᠠᠭᠠ᠃ | ᠬᠠᠭᠤᠷᠤᠬᠰᠠᠨ ᠠᠮᠤ ᠳᠠᠭᠠᠨ ᠵᠦᠪ ᠦᠭᠡᠢ ᠪᠠᠶᠢᠬᠰᠠᠨ ᠴᠠᠭ ᠢ ᠶᠠᠭᠤᠨ ᠬᠡᠯᠡᠬᠦᠪ᠂ ᠡᠵᠢ ᠬᠠᠭᠤᠷᠠᠢ ᠪᠤᠳᠠᠭᠠ ᠪᠠᠨ ᠠᠷᠪᠢᠯᠠᠬᠤ ᠭᠡᠵᠦ ᠲᠠᠩᠳᠠ ᠵᠠᠷᠮᠠ ᠲᠠᠢ | ᠬᠤᠯᠢᠵᠦ ᠢᠳᠡᠬᠦᠯᠳᠡᠭ᠃ ᠲᠡᠭᠡᠬᠦ ᠪᠠᠷ ᠡᠷᠳᠡᠨᠢ ᠰᠢᠰᠢ ᠬᠠᠭᠤᠷᠬᠤ᠂ ᠲᠠᠯᠬᠠᠳᠠᠬᠤ ᠬᠡᠵᠦ ᠠᠵᠦ ᠨᠡᠮᠡᠭᠳᠡᠳᠡᠭ ᠶᠤᠮ᠃ ᠡᠵᠢ ᠮᠢᠨᠢ ᠱᠠᠯᠠᠮᠠᠭᠠᠢ ᠰᠢᠭᠤᠷᠬᠠᠢ ᠬᠦᠮᠦᠨ | ᠪᠤᠯᠬᠤᠷ ᠠᠵᠢᠯ ᠶᠠᠪᠤᠳᠠᠯ ᠳᠤ ᠬᠤᠶᠢᠷᠭᠤᠰᠢᠳᠠᠭ ᠦᠭᠡᠢ᠂ ᠰᠠᠷᠠ ᠠᠯᠤᠰᠯᠠᠯ ᠦᠭᠡᠢ ᠲᠦᠯᠡᠭᠡ ᠱᠤᠭᠠᠢ ᠬᠠᠳᠠᠭᠠᠵᠦ ᠡᠷᠳᠡᠨᠢ ᠰᠢᠰᠢ ᠬᠠᠭᠤᠷᠴᠦ ᠬᠠᠭᠤᠷᠠᠢ | ᠬᠦᠨᠡᠰᠦ ᠪᠠᠨ ᠠᠮᠵᠢᠭᠤᠯᠤᠨ ᠪᠡᠯᠡᠳᠭᠡᠳᠡᠭ᠃ | ᠮᠠᠨᠠᠶᠢᠬᠢᠨ ᠤ ᠠᠷᠴᠢᠭᠤᠷ ᠤᠨ ᠶᠠᠭᠠᠷᠠᠤ ᠴᠠᠭ ᠤᠨ ᠦᠷᠯᠦᠬᠡᠨ ᠤ ᠴᠠᠢ᠂ ᠰᠠᠨᠳᠤᠤ ᠶᠢᠨ ᠬᠦᠮᠦᠰ ᠤᠨ ᠦᠳᠡ ᠶᠢᠨ ᠬᠦᠨᠡᠰᠦ᠂ ᠡᠪᠦᠯ ᠤᠨ ᠤᠬᠤᠷ ᠡᠳᠦᠷ ᠤᠨ | ᠦᠳᠡ ᠶᠢᠨ ᠬᠤᠭᠤᠯᠠ᠂ ᠡᠭᠡᠴᠢ ᠲᠡᠭᠦᠦ ᠬᠡᠳᠦᠭᠦᠯᠡ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠦᠳᠡ ᠶᠢᠨ ᠬᠦᠨᠡᠰᠦ᠂ ᠰᠤᠯᠠ ᠢᠳᠡᠭᠡᠨ ᠮᠠᠨᠢ ᠪᠠᠷᠤᠭ ᠯᠡ ᠵᠠᠷᠮᠠ ᠬᠠᠭᠤᠷᠠᠢ | ᠪᠤᠳᠠᠭᠠ ᠪᠠᠶᠢᠬᠰᠠᠨ ᠶᠤᠮ᠃ ᠵᠠᠷᠮᠠ ᠨᠢ ᠤᠰᠤ᠂ ᠲᠤᠰᠤ᠂ ᠰᠦ ᠶᠢ ᠶᠡᠭᠡ ᠰᠢᠩᠭᠡᠭᠡᠳᠡᠭ ᠪᠤᠯᠬᠤᠷ ᠬᠤᠳᠬᠤᠨ ᠬᠤᠳᠬᠤᠭᠠᠳ ᠶᠠᠪᠤᠭᠤᠷᠢ ᠦᠭᠡᠢ ᠪᠠᠶᠢᠳᠠᠭ᠃ | ᠲᠡᠶᠢᠮᠦ ᠠᠴᠠ ᠤᠯᠠᠩᠭᠢ ᠳᠠᠭᠠᠨ ᠡᠯᠡᠰᠦᠨ ᠰᠢᠬᠢᠷ ᠬᠤᠯᠢᠭᠠᠳ ᠡᠮᠬᠦᠳᠡᠭ᠃ ︽ᠪᠤᠤ ᠬᠠᠭᠠᠶᠠ︾ ᠬᠡᠵᠦ ᠪᠤᠳᠤᠵᠦ ᠪᠠᠶᠢᠳᠠᠯᠠ ᠪᠤᠤ ᠲᠠᠢ ᠨᠢ ᠬᠠᠭᠠᠭᠠᠳ ᠨᠢᠰᠦ | ᠨᠢᠯᠪᠤᠰᠤ ᠪᠠᠨ ᠭᠤᠭᠤᠵᠢᠳᠠᠯᠠ ᠬᠠᠨᠢᠶᠠᠵᠦ ᠬᠠᠭᠰᠢᠬᠤ ᠳᠤ ᠡᠵᠢ ᠲᠡᠭᠡᠷᠡ ᠠᠴᠠ ᠨᠢ ᠲᠠᠰᠢᠭᠤᠷ ᠨᠡᠮᠡᠵᠦ ︽ᠬᠠᠭᠠᠵᠦ ᠦᠬᠦᠨᠡ᠂ ᠠᠭᠠᠵᠢᠭᠤ ᠢᠳᠡᠬᠦ ᠪᠠᠨ ᠶᠠᠭᠠᠬᠢᠯᠠ︕ | ︾ ᠭᠡᠵᠦ ᠤᠨᠳᠤᠭᠤᠴᠠᠨᠠ᠃ ᠠᠭᠠᠭ ᠵᠠᠷᠮᠠ ᠪᠠᠨ ᠬᠠᠷᠠᠮᠨᠠᠭᠠᠳ ᠬᠠᠭᠠᠭᠤᠯᠴᠢᠬᠠᠯᠠ ᠭᠡᠵᠦ ᠭᠤᠤᠯ ᠢᠶᠠᠨ ᠭᠤᠷᠦ᠋ᠢᠳᠠᠯᠠ ᠭᠤᠮᠤᠳᠠᠳᠠᠭ ᠪᠠᠶᠢᠬᠰᠠᠨ ᠯᠡ ᠳ᠋ᠠ | ᠬᠦᠬᠡᠷᠦᠬᠦᠢ ᠁ | ᠡᠵᠢ ᠤᠷᠤᠵᠦ ᠢᠷᠡᠬᠡᠳ ᠵᠠᠷᠮᠠ ᠬᠤᠯᠠᠭᠠᠶᠢᠯᠠᠵᠦ ᠪᠠᠶᠢᠬᠰᠠᠨ ᠨᠠᠳᠠ ᠳᠤ᠄ ︽ᠪᠠᠰᠠ ᠯᠠ ᠮᠠᠭᠤ ᠵᠠᠷᠮᠠ ᠪᠠᠨ ᠢᠳᠡᠶᠡ ᠬᠡᠵᠦ ᠲᠤᠷᠠᠯᠠᠴᠢᠬᠠᠪᠠᠤ︕ ᠲᠡᠷᠡ | ᠴᠢᠨᠢ ᠬᠦᠯᠦᠭᠡ ᠲᠡᠵᠢᠭᠡᠬᠦ ᠬᠡᠵᠦ ᠪᠦᠳᠦᠬᠦᠯᠢᠭ ᠲᠠᠯᠬᠠᠳᠠᠬᠰᠠᠨ ᠵᠠᠷᠮᠠ ᠰᠢᠤ᠂ ᠴᠢ ᠢᠳᠡᠪᠡᠯ ᠰᠢᠨᠡ ᠬᠠᠭᠤᠷᠴᠦ ᠦᠭᠭᠦᠶᠡ ᠭᠡᠯᠡ︾᠃ ᠬᠡᠳᠦᠨ ᠡᠳᠦᠷ ᠤᠨ ᠬᠢᠨᠢ | ᠲᠠᠷᠠᠭᠠ ᠡᠵᠢ ᠮᠢᠨᠢ ᠤᠭᠤᠳᠠ ᠲᠠᠢ ᠵᠠᠷᠮᠠ ᠪᠠᠨ ᠲᠡᠪᠡᠷᠢᠭᠰᠡᠬᠡᠷ ᠲᠦᠷᠢᠶᠡᠰᠦᠨ ᠮᠠᠰᠢᠨ ᠠᠴᠠ ᠪᠠᠭᠤᠵᠦ ᠢᠷᠡᠯᠡ᠃ ᠰᠢᠨᠡ ᠵᠠᠷᠮᠠ ᠶᠢᠨ ᠰᠠᠶᠢᠬᠠᠨ ᠦᠨᠦᠷ ᠦᠷᠦᠭᠡ | ᠲᠦᠭᠦᠷᠡᠩ ᠬᠠᠩᠬᠤᠯᠵᠦ ᠬᠤᠪᠳᠤᠭ ᠬᠦᠷᠭᠡᠨᠡ᠃ ᠤᠳᠤ ᠪᠢ ᠵᠠᠷᠮᠠ ᠡᠮᠬᠦᠬᠦ ᠳᠤ ᠬᠠᠭᠠᠬᠤ ᠦᠭᠡᠢ ᠪᠤᠯᠴᠢᠬᠠᠬᠰᠠᠨ᠃ ᠬᠠᠭᠰᠠᠭᠠᠬᠰᠠᠨ ᠦᠷᠦᠮᠡ᠂ ᠨᠦᠢᠳᠠᠨ | ᠬᠤᠷᠤᠳ᠂ ᠵᠦᠭᠡᠭᠡᠢ᠂ ᠡᠯᠡᠰᠦᠨ ᠰᠢᠬᠢᠷ ᠁ ᠬᠤᠯᠢᠴᠠ ᠨᠢ ᠪᠢᠯᠬᠠᠷᠠᠬᠰᠠᠨ ᠵᠠᠷᠮᠠ ᠪᠠᠨ ᠬᠠᠯᠪᠠᠭᠠ ᠪᠠᠷ ᠤᠳᠬᠤᠵᠦ ᠪᠠᠭᠠ ᠪᠠᠭᠠ ᠪᠠᠷ ᠡᠮᠬᠦᠬᠦ ᠳᠤ ᠡᠵᠢ ᠶᠢᠨ | ᠮᠢᠨᠢ ᠡᠨᠡᠷᠢᠩᠭᠦᠢ ᠲᠦᠷᠬᠦ ᠬᠠᠯᠪᠠᠭᠠᠨ ᠳᠤ ᠤᠶᠢᠵᠦ ᠬᠠᠷᠠᠬᠳᠠᠨᠠ᠃ ᠠᠭᠠᠭ ᠵᠠᠷᠮᠠ ᠢᠳᠡᠬᠦᠯᠦᠭᠰᠡᠨ ᠴᠦ ᠶᠠᠭᠠᠬᠢᠬᠤᠪ᠂ ᠠᠯᠠᠭ ᠦᠭᠡᠢ ᠬᠠᠶᠢᠷᠠ ᠪᠠᠷ ᠢᠶᠠᠨ | ᠪᠦᠬᠡᠴᠡᠶᠢᠯᠡᠨ ᠦᠰᠭᠡᠭᠰᠡᠨ ᠡᠵᠢ ᠶᠢᠨ ᠢᠶᠠᠨ ᠠᠴᠢ ᠬᠠᠶᠢᠷᠠ ᠶᠢ ᠶᠠᠭᠠᠬᠢᠨᠠᠮ᠂ ᠠᠮᠳᠠᠳᠠᠨ ᠪᠦᠬᠦᠨ ᠤ ᠲᠡᠭᠡᠵᠢ᠂ ᠰᠢᠮᠡ ᠲᠠᠢ ᠢᠳᠡᠭᠡᠨ ᠪᠤᠯᠭᠠᠨ ᠤ ᠰᠤᠷᠭᠤᠭ ᠠᠴᠠ | ᠡᠷᠬᠦᠨ ᠪᠠᠷᠢᠪᠠᠴᠦ ᠰᠦᠨ ᠰᠡᠳᠭᠢᠯ ᠤᠨ ᠬᠢᠨᠢ ᠬᠠᠷᠢᠭᠤ ᠶᠠᠭᠤᠨ ᠬᠦᠢᠴᠡᠨᠡ ᠪᠤᠢ᠃ | ︽ᠡᠷᠳᠡᠨᠢ ᠰᠢᠰᠢ ᠬᠠᠭᠤᠷᠬᠤ ᠳᠤ ᠢᠨᠢᠶᠡᠬᠦ ᠶᠤᠮ ᠰᠢᠤ᠂ ᠬᠡᠤᠬᠡᠳ ᠢᠨᠢᠶᠡᠬᠦ ᠲᠤᠳᠤᠮ ᠡᠷᠳᠡᠨᠢ ᠰᠢᠰᠢ ᠬᠤᠸᠠᠷ ᠭᠠᠷᠬᠤ ᠨᠢ ᠠᠷᠪᠢᠨ︾ ᠬᠡᠵᠦ ᠡᠵᠢ ᠬᠡᠯᠡᠨᠡ᠃ | ᠡᠮᠳᠡᠷᠬᠡᠢ ᠰᠢᠳᠦᠨ ᠤ ᠪᠠᠨ ᠴᠠᠭᠠᠨᠠ ᠠᠴᠠ ᠬᠡᠯᠡ ᠪᠠᠨ ᠪᠤᠯᠳᠠᠯᠵᠠᠭᠤᠯᠤᠨ ᠨᠢᠯᠪᠤᠰᠤ ᠰᠢᠯᠦᠰᠦ ᠪᠠᠨ ᠭᠤᠭᠤᠵᠢᠳᠠᠯᠠ ᠢᠨᠢᠶᠡᠭᠡᠳ ᠯᠡ ᠪᠠᠶᠢᠯᠠ᠃ ᠭᠡᠳᠡᠭᠡᠯᠡᠵᠦ ᠪᠠᠶᠢᠮᠠᠷ | ᠬᠠᠳᠠᠭᠠᠨᠠᠳᠠᠯᠠ ᠢᠨᠢᠶᠡᠬᠦ ᠳᠤ ᠡᠵᠢ ᠴᠦ ᠲᠠᠭᠠᠨ ᠪᠠᠶᠠᠰᠴᠦ ᠬᠠᠨᠴᠤᠢ ᠪᠠᠷ ᠢᠶᠠᠨ ᠬᠦᠯᠦᠰᠦ ᠪᠠᠨ ᠵᠦᠯᠬᠦᠨ ᠵᠦᠯᠬᠦᠨ ᠬᠤᠳᠬᠤᠭᠤᠷ ᠮᠤᠳᠤ ᠪᠠᠨ ᠵᠣᠬᠰᠤᠯ ᠦᠭᠡᠢ | ᠬᠦᠳᠡᠯᠬᠡᠨᠡ᠃ ᠵᠠᠳᠠᠷᠠᠬᠰᠠᠨ ᠡᠷᠳᠡᠨᠢ ᠰᠢᠰᠢ ᠲᠤᠭᠤᠭᠠᠨ ᠤ ᠭᠠᠳᠠᠨᠠ ᠲᠤᠳᠤᠨᠠ ᠦᠰᠦᠷᠬᠢᠯᠡᠨ ᠰᠠᠭᠠᠭ ᠤᠨ ᠴᠡᠴᠡᠭ ᠰᠢᠭ ᠴᠠᠭᠠᠨ ᠬᠤᠸᠠᠷ ᠲᠡᠯᠭᠡᠷᠡᠨᠡ᠃ | ᠲᠤᠭᠤᠭᠠᠨ ᠠᠴᠠ ᠦᠰᠦᠷᠬᠦ ᠴᠠᠭᠠᠨ ᠴᠡᠴᠡᠭᠡᠰ᠂ ᠡᠵᠢ ᠶᠢᠨ ᠰᠡᠪᠡᠯᠭᠡ ᠶᠢ ᠦᠨᠦᠰᠦᠨ ᠦᠨᠦᠰᠦᠨ ᠮᠦᠩᠭᠦᠨ ᠪᠤᠭᠤᠷᠤᠯ ᠪᠤᠯᠳᠠᠯᠠ ᠪᠤᠳᠤᠬᠯᠠᠵᠠᠢ᠃ ᠡᠵᠢ ᠮᠢᠨᠢ | ᠲᠠᠭᠤᠤ ᠬᠢᠩᠰᠢᠴᠢᠬᠡᠭᠰᠡᠨ ᠨᠠᠮᠪᠠᠳᠠᠶᠢᠬᠠᠨ ᠨᠠᠬᠢᠯᠵᠠᠨᠠ᠃ | ᠦᠯᠦᠭᠡᠢ ᠰᠠᠵᠢᠯᠠᠨ ᠦᠷᠡ ᠪᠠᠨ ᠪᠦᠪᠠᠶᠢᠯᠡᠵᠦ ᠪᠠᠶᠢᠬᠤ ᠳᠠᠭᠠᠨ᠂ ᠬᠦᠨᠵᠢᠯᠡ ᠲᠡᠪᠢᠰᠭᠡᠷ ᠬᠠᠪᠤᠵᠦ᠂ ᠤᠯᠠ ᠵᠤᠯᠤᠭ ᠴᠠᠷᠳᠠᠵᠦ ᠰᠠᠭᠤᠬᠤ ᠳᠠᠭᠠᠨ᠂ ᠬᠤᠪᠴᠠᠰᠤ | ᠬᠤᠨᠠᠷ ᠤᠬᠢᠶᠠᠵᠦ ᠨᠦᠬᠦᠬᠡᠰᠦ ᠬᠠᠯᠠᠭᠠᠰᠤ ᠲᠠᠯᠪᠢᠵᠦ ᠪᠠᠶᠢᠬᠤ ᠳᠠᠭᠠᠨ᠂ ᠠᠷᠤᠭ ᠰᠠᠪᠠᠷ ᠢᠶᠠᠨ ᠡᠬᠦᠷᠦᠬᠡᠳ ᠠᠷᠭᠠᠯ ᠲᠦᠯᠡᠭᠡ ᠤᠶᠢᠷᠠᠳᠤᠭᠤᠯᠵᠦ ᠪᠠᠶᠢᠬᠤ ᠳᠠᠭᠠᠨ ᠁ | ᠳᠠᠩᠳᠠ ᠲᠠᠭᠤᠤ ᠠᠶᠠᠯᠵᠦ ᠪᠠᠶᠢᠬᠰᠠᠨ ᠰᠠᠨ᠃ ᠬᠢᠭᠡᠳ ᠪᠠᠷᠠᠰᠢ ᠦᠭᠡᠢ ᠨᠦᠷᠢ ᠬᠦᠳᠡᠯᠮᠤᠷᠢ᠂ ᠬᠦᠯᠢᠶᠡᠭᠡᠳ ᠵᠢᠷᠭᠠᠳᠠᠭ ᠦᠭᠡᠢ ᠤᠷᠲᠦ ᠨᠠᠷᠠᠨ ᠢ ᠪᠦᠪᠡᠢ ᠶᠢᠨ | ᠲᠠᠭᠤᠤ ᠪᠠᠷ ᠠᠷᠭᠠᠳᠠᠵᠦ ᠲᠠᠶᠢᠳᠬᠤᠷᠠᠳᠠᠭ ᠡᠵᠢ ᠶᠢᠨ ᠢᠶᠠᠨ ᠬᠠᠭᠤᠷᠤᠬᠰᠠᠨ ᠬᠠᠶᠢᠷᠠ ᠶᠢᠨ ᠠᠮᠳᠠ ᠲᠠᠢ ᠵᠠᠷᠮᠠ ᠪᠠᠷ ᠦᠯ ᠵᠤᠯᠭᠠᠵᠦ ᠰᠡᠳᠭᠢᠯ ᠦᠶᠦᠭ ᠶᠠᠪᠤᠬᠤ ᠳᠤ | ᠬᠦᠳᠡᠭᠡ ᠶᠢᠨ ᠠᠮᠢᠳᠤᠷᠠᠯ ᠤᠨ ᠤᠭᠤᠷᠠᠭ ᠰᠢᠷᠭᠠᠯ ᠲᠡᠪᠢᠰᠭᠡᠷ ᠲᠡᠭᠡᠷᠡ ᠨᠤᠮᠢᠨ ᠨᠤᠭᠤᠭᠠᠨ ᠵᠡᠬᠦᠲᠦ ᠲᠡᠷᠭᠡᠯᠰᠢᠨᠡ᠃ | ᠬᠠᠯᠠᠭᠤᠨ ᠲᠠᠢ ᠬᠦᠢᠳᠡᠨ ᠲᠠᠢ ᠤᠯᠠᠷᠢᠯ ᠢ ᠲᠡᠭᠰᠢᠯᠡᠬᠦ ᠬᠡᠵᠦ ᠡᠵᠢ ᠬᠦᠮᠦᠨ ᠬᠠᠶᠢᠷᠠ ᠪᠤᠯᠵᠦ ᠠᠰᠠᠳᠠᠭ ᠶᠤᠮ ᠰᠠᠨ᠃ ᠡᠵᠢ ᠶᠢᠨ ᠢᠶᠠᠨ ᠲᠦᠷᠡᠯᠵᠡᠭᠰᠡᠨ | ᠬᠠᠶᠢᠷᠠ ᠶᠢᠨ ᠬᠢᠨᠢ ᠢᠯᠴᠢᠨ ᠳᠤ ᠰᠡᠳᠭᠢᠯ ᠢᠶᠠᠨ ᠡᠬᠡᠬᠡᠵᠦ ᠲᠤᠯᠠᠭᠠᠴᠠᠬᠤ ᠳᠤ ᠠᠶᠠᠭᠠ ᠵᠠᠷᠮᠠ ᠠᠴᠠ ᠠᠮᠢᠳᠤᠷᠠᠯ ᠤᠨ ᠭᠠᠰᠢᠭᠤᠨ ᠠᠮᠲᠠ᠂ ᠠᠵᠠ ᠵᠢᠷᠭᠠᠯ ᠤᠨ | ᠱᠠᠩᠳᠠᠭᠤᠨ ᠠᠮᠳᠠ᠂ ᠦᠯᠡᠮᠵᠢ ᠬᠠᠶᠢᠷᠠ ᠶᠢᠨ ᠰᠢᠬᠢᠷᠯᠢᠭ ᠠᠮᠳᠠ ᠠᠮᠳᠠᠯᠠᠬᠳᠠᠨᠠ᠃ |