| ᠤᠷᠴᠢᠮᠬᠠᠨ ᠰᠦᠯᠵᠢᠶᠡᠨ ᠵᠢᠷᠳᠢᠨᠴᠤ ᠶᠢ ᠨᠢᠭᠡᠨ ᠮᠤᠩᠭᠤᠯ ᠮᠤᠷᠢ ᠲᠤᠷᠭᠢᠭᠤᠯᠤᠭᠰᠠᠨ᠃ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ | ᠪᠠᠯᠭᠠᠰᠤ ᠶᠢᠨ ᠪᠠᠶ᠋ᠬᠠᠦ᠋ᠨᠳᠦᠷ ᠭᠠᠴᠠᠭᠠ ᠶᠢᠨ ᠮᠠᠯᠴᠢᠨ ᠲᠡᠭᠵᠢᠷᠡᠬᠦ ᠶᠢᠨ ᠰᠠᠷᠠ ᠶᠢᠨ ᠡᠮᠦᠨᠡ ᠬᠤᠳᠠᠯᠳᠤᠭᠰᠠᠨ ᠨᠢᠭᠡᠨ ᠮᠤᠷᠢ ᠭᠤᠷᠪᠠᠨ ᠵᠠᠭᠤ ᠭᠠᠷᠤᠢ ᠭᠠᠵᠠᠷ ᠤᠨ | ᠠᠯᠤᠰ ᠠᠴᠠ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠭᠠᠳ ᠢᠷᠡᠵᠡᠢ᠃ ᠠᠮᠢᠳᠤᠷᠠᠯ ᠤᠨ ᠡᠷᠭᠡ ᠪᠠᠷ ᠬᠤᠳᠠᠯᠳᠤᠭᠰᠠᠨ ᠠᠳᠤᠭᠤ ᠨᠢ ᠪᠤᠴᠠᠭᠠᠳ ᠢᠷᠡᠬᠦ ᠪᠠᠷ ᠡᠵᠡᠨ ᠨᠢ ᠪᠤᠯᠤᠭᠰᠠᠨ | ᠮᠠᠯᠴᠢᠨ ᠲᠤᠭᠳᠤᠯᠬᠤ ᠶᠢᠨ ᠡᠷᠭᠡ ᠪᠠᠷ ᠪᠡᠯᠴᠢᠭᠡᠷ ᠲᠡᠭᠡᠷᠡ ᠪᠠᠨ ᠴᠢᠯᠦᠭᠡᠳᠡᠢ ᠲᠠᠪᠬᠢᠭᠠ ᠮᠤᠷᠢ ᠪᠠᠨ ᠰᠡᠭᠦᠳᠡᠷᠯᠡᠭᠡᠳ ᠰᠦᠯᠵᠢᠶᠡᠨ ᠲᠡᠭᠡᠷᠡ ᠨᠡᠶᠢᠳᠡᠯᠡᠵᠡᠢ᠃ | ᠪᠢᠴᠢᠯᠭᠡ ᠨᠡᠶᠢᠳᠡᠯᠡᠭᠳᠡᠮᠡᠭᠴᠡ ᠰᠦᠯᠵᠢᠶᠡᠴᠢᠳ ᠤᠨ ᠠᠩᠬᠠᠷᠤᠯ ᠳᠤ ᠬᠦᠷᠴᠦ᠂ ᠡᠯᠡ ᠲᠤᠮᠤ ᠵᠠᠭᠤᠴᠢᠯᠠᠭᠤᠷ ᠰᠢᠯᠵᠢᠭᠦᠯᠦᠨ ᠨᠡᠶᠢᠳᠡᠯᠡᠭᠡᠳ ᠬᠦᠯᠢᠶᠡᠨ ᠠᠪᠴᠤ | ᠦᠵᠡᠭᠰᠡᠨ ᠬᠦᠮᠦᠨ ᠤ ᠲᠤᠭᠠ ᠳ᠋ᠦ᠋ᠩᠰᠢᠭᠤᠷ ᠢ ᠲᠠᠪᠠᠯᠠ ᠭᠡᠵᠦ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠲᠦᠪ ᠤᠨ ᠬᠢᠨ ᠮᠡᠳᠡᠭᠡᠯᠡᠵᠦ ᠪᠠᠶᠢᠭᠰᠠᠨ᠃ | ᠶᠠᠭᠠᠬᠢᠭᠠᠳ ᠡᠪ ᠡᠩ ᠤᠨ ᠨᠢᠭᠡᠨ ᠮᠤᠷᠢᠨ ᠤ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠵᠦ ᠢᠷᠡᠭᠰᠡᠨ ᠲᠤᠬᠠᠢ ᠮᠡᠳᠡᠭᠡᠯᠡᠯ ᠢᠩᠬᠢᠳᠡᠯᠡ ᠪᠠᠨ ᠬᠦᠮᠦᠰ ᠤᠨ ᠠᠩᠬᠠᠷᠤᠯ ᠢ ᠳᠠᠳᠠᠴᠢᠬᠠᠪᠠ⁈ | | ᠮᠤᠩᠭᠤᠯ ᠮᠤᠷᠢᠨ ᠤ ᠭᠠᠵᠠᠷᠴᠢ᠂ ᠨᠤᠲᠤᠭᠴᠢ᠂ ᠵᠤᠷᠢᠭᠰᠠᠨ ᠳᠠᠭᠠᠨ ᠬᠦᠷᠬᠦ ᠦᠭᠡᠢ ᠪᠤᠯ ᠵᠤᠭᠰᠤᠳᠠᠭ ᠦᠭᠡᠢ ᠴᠤᠴᠠᠰᠢ ᠦᠭᠡᠢ ᠲᠡᠮᠡᠦᠯᠬᠦ ᠵᠤᠷᠢᠭ ᠰᠠᠨᠠᠭᠠ | ᠬᠦᠮᠦᠰ ᠤᠨ ᠰᠡᠳᠬᠢᠯ ᠢ ᠲᠤᠭᠳᠤᠯᠤᠭᠤᠯᠤᠭᠰᠠᠨ ᠪᠤᠯᠤᠯᠳᠠᠢ᠃ ᠮᠤᠩᠭᠤᠯ ᠮᠤᠷᠢᠨ ᠤ ᠡᠶᠢᠮᠦᠷᠬᠦᠦ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠭᠰᠠᠨ ᠦᠯᠢᠭᠡᠷ ᠴᠦᠭᠡᠨ ᠪᠤᠰᠤ᠃ | ᠤᠨᠠᠭᠰᠠᠨ ᠨᠤᠲᠤᠭ ᠤᠨ ᠢᠶᠠᠨ ᠰᠢᠷᠤᠢ ᠲᠡᠭᠡᠷᠡ ᠵᠤᠭᠰᠤᠭᠠ ᠪᠠᠷ ᠢᠶᠠᠨ ᠦᠬᠦᠬᠦ ᠨᠢ ᠮᠤᠩᠭᠤᠯ ᠮᠤᠷᠢᠨ ᠤ ᠲᠡᠭᠷᠢ ᠳᠤ ᠡᠷᠭᠦᠭᠰᠡᠨ ᠲᠠᠩᠭᠠᠷᠢᠭ ᠴᠦ ᠭᠡᠮᠡᠷ᠃ ᠮᠠᠯᠴᠢᠨ | ᠲᠡᠭᠵᠢᠷᠡᠬᠦ ᠶᠢᠨ ᠲᠡᠷᠡ ᠮᠤᠷᠢ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠨ ᠢᠷᠡᠭᠡᠳ ᠤᠤᠭᠤᠵᠦ ᠲᠠᠳᠤᠭᠰᠠᠨ ᠤᠩᠭᠤᠴᠠ ᠠᠴᠠ ᠪᠠᠨ ᠤᠰᠤ ᠤᠤᠭᠤᠵᠦ ᠪᠠᠶᠢᠭᠰᠠᠨ ᠪᠢᠴᠢᠯᠭᠡ ᠶᠢ | ᠬᠠᠷᠠᠭᠠᠳ ᠪᠢ ᠴᠦ ᠭᠡᠰᠡᠨ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠨᠢᠯᠪᠤᠰᠤ ᠪᠦᠮᠪᠦᠷᠢᠬᠦᠯᠦᠭᠰᠡᠨ᠃ ᠭᠡᠳᠦᠨ ᠵᠠᠭᠤᠨ ᠤ ᠭᠠᠵᠠᠷ ᠠᠴᠠ ᠲᠦᠷᠦᠭᠰᠡᠨ ᠨᠤᠲᠤᠭ ᠲᠠᠭᠠᠨ | ᠪᠤᠴᠠᠬᠤ ᠪᠠᠷ ᠬᠦᠰᠡᠨ ᠲᠡᠮᠡᠦᠯᠦᠭᠡᠳ᠂ ᠬᠦᠴᠢᠷ ᠪᠡᠷᠭᠡ ᠠᠶᠤᠯ ᠪᠠᠷᠳᠠᠭᠠ ᠪᠦᠬᠦᠨ ᠢ ᠲᠤᠭᠤᠯᠵᠦ᠂ ᠪᠦᠬᠦ ᠪᠡᠶᠡ ᠨᠢ ᠰᠢᠷᠬᠠ ᠰᠤᠷᠪᠢ ᠪᠠᠷ ᠲᠦᠬᠦᠷᠡᠭᠰᠡᠨ ᠴᠦ᠂ | ᠲᠦᠷᠦᠭᠰᠡᠨ ᠨᠤᠲᠤᠭ ᠤᠨ ᠢᠶᠠᠨ ᠬᠠᠯᠠᠭᠤᠨ ᠬᠦᠷᠦᠰᠦᠨ ᠲᠡᠭᠡᠷᠡ ᠲᠤᠭᠯᠠᠨ ᠲᠠᠪᠬᠢᠵᠦ᠂ ᠷᠠᠰᠢᠶᠠᠨ ᠤᠰᠤᠨ ᠠᠴᠠ ᠪᠠᠨ ᠬᠤᠪᠳᠤᠭᠯᠠᠨ ᠤᠤᠭᠤᠵᠦ ᠪᠠᠶᠢᠭᠰᠠᠨ ᠲᠡᠷᠡ ᠬᠦ | ᠵᠤᠷᠢᠭᠰᠠᠨ ᠳᠠᠭᠠᠨ ᠬᠦᠷᠴᠦ ᠴᠢᠳᠠᠭᠰᠠᠨ ᠵᠢᠷᠭᠠᠯᠳᠠᠢ ᠲᠦᠷᠢ ᠮᠤᠩᠭᠤᠯ ᠮᠤᠷᠢᠨ ᠤ ᠰᠦᠯᠳᠡ ᠬᠡᠶᠢᠮᠤᠷᠢ ᠶᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠱᠤᠭᠤᠵᠠᠢ᠃ ᠬᠦᠰᠡᠬᠦ | ᠬᠢᠭᠡᠳ ᠬᠦᠷᠬᠦ ᠶᠢᠨ ᠵᠠᠢ ᠶᠢ ᠲᠡᠮᠦᠷ ᠲᠤᠭᠤᠷᠠᠢ ᠪᠠᠷ ᠢᠶᠠᠨ ᠲᠤᠪᠴᠢᠯᠠᠵᠦ ᠴᠢᠳᠠᠭᠰᠠᠨ ᠮᠤᠩᠭᠤᠯ ᠮᠤᠷᠢᠨ ᠤ ᠲᠡᠮᠡᠦᠯᠦᠯ ᠤᠨ ᠵᠤᠷᠢᠭ ᠶᠠᠭᠠᠬᠢᠭᠰᠠᠨ ᠪᠠᠭ᠋ᠠᠳᠤᠯᠳᠠᠢ ᠪᠢᠯᠡ︕ | | ︽ᠦᠯᠦᠭᠡᠢ ᠠᠴᠠ ᠠᠪᠰᠠ ᠬᠦᠷᠳᠡᠯᠡᠬᠢ ᠵᠠᠢ ᠶᠢ ᠠᠮᠢᠳᠤᠷᠠᠯ ᠭᠡᠳᠡᠭ︾ ᠭᠡᠵᠦ ᠨᠢᠭᠡᠨ ᠰᠢᠯᠦᠭᠴᠢ ᠰᠢᠯᠦᠭᠯᠡᠵᠦ ᠪᠠᠶᠢᠭᠰᠠᠨ᠃ ᠬᠠᠷᠢᠨ ᠠᠮᠢᠳᠤᠷᠠᠯ ᠭᠡᠳᠡᠭ | ᠦᠨᠡᠨᠳᠡᠭᠡᠨ ᠬᠦᠰᠡᠭᠰᠡᠨ ᠬᠦᠰᠡᠯ ᠢᠶᠠᠨ ᠪᠡᠶᠡᠯᠡᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠨᠢᠭᠡᠨ ᠦᠵᠦᠭᠦᠷᠳᠤ ᠰᠡᠳᠬᠢᠯ ᠢᠶᠠᠷ ᠲᠡᠮᠡᠦᠯᠬᠦ ᠲᠡᠮᠡᠦᠯᠦᠯ ᠲᠡᠳᠦᠢ᠃ ᠬᠦᠰᠡᠭᠰᠡᠨ ᠳᠡᠭᠡᠨ ᠬᠦᠷᠴᠦ | ᠲᠡᠶᠢᠯᠦᠭᠰᠡᠳ ᠪᠤᠢ᠂ ᠬᠦᠷᠴᠦ ᠡᠰᠡ ᠲᠡᠶᠢᠯᠦᠭᠰᠡᠳ ᠴᠦ ᠮᠤᠩ ᠦᠭᠡᠢ᠃ ᠡᠨᠡ ᠬᠤᠶᠠᠷ ᠤᠨ ᠵᠦᠷᠢᠶᠡ ᠨᠢ ᠲᠠᠷᠤᠢ ︽ᠲᠡᠮᠡᠦᠯᠦᠯ︾᠃ ᠪᠤᠳᠠᠭᠠᠯᠢ ᠴᠤᠭᠴᠠ ᠪᠤᠶᠤ ᠪᠦᠯᠦᠭ | ᠴᠤᠭᠴᠠ ᠭᠡᠰᠡᠨ ᠦᠭᠡᠢ ᠪᠦᠷ ᠠᠳᠠᠯᠢᠬᠠᠨ᠃ | ︽ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠳᠤ ᠵᠤᠯ ᠵᠢᠷᠭᠠᠯ ᠡᠳ᠋ᠯᠡᠬᠦᠯᠬᠦ︾ ᠬᠦᠰᠡᠯ ᠢᠶᠠᠷ ᠪᠢᠳᠠ ᠬᠠᠯᠠᠭᠤᠨ ᠠᠮᠢ ᠪᠠᠨ ᠦᠷᠡᠭᠳᠡᠬᠦᠯᠵᠦ᠂ ᠪᠦᠯᠢᠶᠡᠨ ᠴᠢᠰᠤ ᠪᠠᠨ ᠤᠷᠤᠰᠬᠠᠨ | ᠪᠠᠶᠢᠵᠦ᠂ ᠠᠭᠤᠤ ᠶᠡᠭᠡ ᠰᠢᠨᠡ ᠲᠤᠮᠳᠠᠳᠤ ᠤᠯᠤᠰ ᠢᠶᠠᠨ ᠲᠤᠷᠤᠨᠠᠳᠠᠬᠢᠨ ᠳᠤ ᠰᠦᠨᠳᠡᠷᠯᠡᠬᠦᠯᠦᠯᠡ︔ ᠵᠠᠯᠭᠠᠭᠠᠳ ᠴᠢᠨᠡᠭᠡᠯᠢᠭ ᠨᠡᠶᠢᠭᠡᠮ ᠢ ᠪᠠᠶᠢᠭᠤᠯᠤᠯᠠ︔ ᠲᠠᠬᠢᠭᠠᠳ | ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠠᠶ᠋ᠢᠬ ᠤᠨ ᠤᠳᠤᠬᠢᠴᠢᠯᠠᠯᠳᠠ ᠶᠢ ᠪᠡᠶᠡᠯᠡᠬᠦᠯᠬᠦ ᠰᠢᠨᠠ ᠠᠶᠠᠨ ᠳᠠᠭᠠᠨ ᠡᠷᠡᠮᠡᠬᠡᠶᠢᠯᠡᠨ ᠲᠡᠮᠡᠦᠯᠵᠦ ᠪᠠᠶᠢᠨᠠ᠃ ᠬᠦᠰᠡᠬᠦ ᠬᠢᠭᠡᠳ ᠬᠦᠷᠬᠦ ᠶᠢᠨ | ᠵᠠᠢ ᠶᠢ ︽ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ︾ ᠪᠠᠷ ᠲᠤᠪᠴᠢᠯᠠᠨ ᠲᠡᠮᠡᠦᠯᠪᠡᠰᠦ ᠬᠦᠷᠴᠦ ᠦᠯᠦ ᠲᠡᠶᠢᠯᠬᠦ ᠢᠷᠡᠭᠡᠳᠦᠢ ᠭᠡᠵᠦ ᠠᠯᠠᠭᠠ᠃ |