ᠯᠾ᠊ · ᠠᠯᠲᠠᠨᠴᠡᠴᠡᠭ | ᠢᠪᠡᠭᠡᠯ ᠤᠨ ᠭᠡᠭᠡᠨ ᠲᠡᠭᠷᠢ | ᠬᠤᠷᠭᠤᠯ ᠲᠠᠢ ᠬᠥᠬᠡ ᠪᠠᠭᠤᠴᠠᠨ ᠳᠡᠭᠡᠷᠡ | ᠬᠦᠢ ᠲᠠᠰᠤᠷᠠᠨ ᠤᠬᠢᠯᠠᠵᠤ ᠤᠨᠠᠭᠰᠠᠨ ᠶᠤᠮ | ᠤᠲᠤᠭᠠ ᠲᠠᠢ ᠪᠣᠷᠤ ᠭᠡᠷ ᠤᠨ | ᠭᠤᠯᠤᠮᠲᠠᠨ ᠤ ᠵᠠᠬᠠ ᠳᠤ ᠬᠥᠮᠥᠨ ᠪᠣᠯᠤᠭᠰᠠᠨ ᠶᠤᠮ | ᠱᠠᠩᠳᠠᠭᠤᠨ ᠰᠢᠷᠭᠠᠯ ᠤᠭᠤᠷᠠᠭ ᠢ ᠨᠢ | ᠰᠢᠮᠠᠨ ᠰᠢᠮᠠᠨ ᠵᠢᠷᠭᠠᠵᠤ ᠥᠰᠥᠭᠰᠡᠨ ᠶᠤᠮ | ᠴᠠᠩ ᠲᠠᠢ ᠮᠥᠩᠭᠦᠨ ᠡᠪᠦᠯ ᠢ | ᠬᠠᠶᠢᠷᠠ ᠶᠢᠨ ᠭᠠᠯ ᠳᠤ ᠨᠢ ᠮᠠᠷᠲᠠᠵᠤ ᠦᠳᠡᠭᠰᠡᠨ ᠶᠤᠮ | ᠰᠠᠭᠠᠯᠢ ᠶᠢᠨ ᠦᠨᠦᠷ ᠲᠠᠢ ᠬᠤᠷᠮᠤᠢ ᠳᠤ ᠨᠢ | ᠪᠥᠭᠡᠴᠡᠶᠢᠯᠡᠭᠳᠡᠵᠦ ᠳᠤᠯᠠᠭᠠᠬᠠᠨ ᠦᠰᠦᠭᠰᠡᠨ ᠶᠤᠮ | ᠰᠠᠭᠠᠷᠢ ᠲᠠᠢ ᠪᠤᠨᠲᠤᠭᠤᠷ ᠬᠠᠴᠠᠷ ᠢᠶᠠᠨ | ᠦᠨᠦᠰᠦᠭᠦᠯᠵᠦ ᠵᠣᠷᠭᠤ ᠪᠠᠷ ᠢᠶᠠᠨ ᠲᠣᠷᠨᠢᠭᠰᠠᠨ ᠶᠤᠮ | ᠱᠠᠩᠨᠠᠯ ᠤᠨ ᠮᠧᠳᠠᠯ ᠠᠴᠠ ᠴᠦ ᠢᠯᠡᠭᠦᠦ | ᠰᠠᠶᠢᠬᠠᠨ ᠰᠤᠷᠭᠠᠯ ᠳᠤ ᠨᠢ ᠤᠬᠠᠭᠠᠷᠠᠭᠰᠠᠨ ᠶᠤᠮ | ᠰᠠᠷᠠᠭᠤᠯ ᠲᠠᠯᠠ ᠶᠢᠨ ᠡᠯᠢᠭᠡᠨ ᠠᠴᠠ | ᠰᠠᠶᠢᠨ ᠤ ᠢᠷᠦᠭᠡᠯ ᠢᠶᠠᠨ ᠢᠯᠡᠭᠡᠭᠰᠡᠨ ᠶᠤᠮ | ᠰᠦᠨ ᠰᠠᠴᠤᠯᠢ ᠳᠤ ᠨᠢ ᠬᠤᠯᠠ ᠶᠢᠨ ᠵᠠᠮ | ᠴᠠᠭᠠᠬᠠᠨ ᠰᠤᠨᠤᠯᠵᠠᠵᠤ ᠪᠠᠶᠢᠭᠰᠠᠨ ᠶᠤᠮ | ᠭᠦᠨ ᠬᠠᠶᠢᠷᠠ ᠳᠤ ᠨᠢ ᠬᠤᠵᠢᠮ ᠤᠨ ᠢᠷᠡᠭᠡᠳᠦᠢ | ᠰᠠᠷᠠᠭᠤᠯᠬᠠᠨ ᠴᠡᠩᠬᠡᠷᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ | ᠰᠡᠳᠬᠢᠯ ᠲᠡᠨᠢᠭᠦᠨ ᠭᠦᠦ ᠶᠢᠨ ᠴᠢᠨᠢ ᠪᠣᠳᠤᠯ | ᠦᠶᠦᠭ ᠲᠠᠪᠠᠲᠠᠢ ᠪᠠᠶᠢᠭᠰᠠᠨ ᠶᠤᠮ | ᠰᠡᠷᠵᠢᠮ ᠡᠷᠭᠦᠭᠰᠡᠨ ᠡᠵᠢ ᠶᠢᠨ ᠮᠢᠨᠢ ᠪᠠᠷᠠ | ᠰᠠᠨᠠᠭᠠᠨ ᠳᠤ ᠲᠣᠳᠤᠬᠠᠨ ᠬᠠᠷᠠᠭᠳᠠᠬᠤ ᠶᠤᠮ | ᠡᠩᠬᠡ ᠶᠢᠨ ᠪᠡᠯᠭᠡᠲᠦ ᠣᠷᠴᠢᠯᠠᠩ ᠳᠤ | ᠮᠥᠩᠬᠡ ᠶᠢᠨ ᠪᠦᠪᠡᠢ ᠠᠶᠠᠯᠤᠭᠰᠠᠨ | ᠢᠪᠡᠭᠡᠯ ᠤᠨ ᠭᠡᠭᠡᠨ ᠲᠡᠭᠷᠢ | ᠡᠵᠢ ᠬᠥᠮᠥᠨ ᠭᠡᠳᠡᠭ ᠴᠢᠨᠢ | ᠵᠢᠷᠦᠬᠡᠨ ᠲᠣᠯᠳᠤᠨ ᠠᠴᠠ ᠤᠨᠳᠤᠷᠤᠭᠰᠠᠨ | ᠬᠠᠶᠢᠷᠠ ᠶᠢᠨ ᠠᠷᠢᠭᠤᠨ ᠮᠥᠷᠡᠨ | ᠵᠡᠭᠦᠳᠦᠨ ᠭᠤᠪᠢ ᠠᠴᠠ ᠮᠠᠨᠳᠤᠭᠰᠠᠨ | ᠠᠴᠢᠯᠠᠯ ᠤᠨ ᠠᠯᠲᠠᠨ ᠨᠠᠷᠠᠨ | ᠵᠦᠩ ᠪᠢᠯᠢᠭ ᠠᠴᠠ ᠤᠶᠠᠭᠳᠠᠭᠰᠠᠨ | ᠰᠠᠯᠵᠤ ᠤᠴᠠᠷᠠᠬᠤ ᠲᠠᠪᠢᠯᠠᠩ | ᠵᠥᠭᠡᠯᠡᠨ ᠠᠯᠠᠭ ᠽᠠᠮᠪᠤᠯᠢᠩ ᠤᠨ | ᠰᠠᠨᠠᠵᠤ ᠲᠦᠰᠢᠬᠦ ᠵᠠᠶᠠᠭᠠ | ᠠᠮᠢᠳᠤ ᠶᠠᠪᠤᠭᠠ ᠨᠠᠰᠤᠨ ᠳᠤ ᠪᠠᠨ | ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ ᠶᠡᠭᠡ ᠠᠴᠢᠲᠠᠨ | ᠠᠬᠢᠭᠠᠳ ᠵᠠᠯᠭᠠᠵᠤ ᠥᠪᠯᠡᠬᠦ | ᠮᠣᠩᠭᠤᠯ ᠬᠥᠮᠥᠨ ᠤ ᠭᠦᠨ ᠤᠬᠠᠭᠠᠨ | ᠠᠮᠤᠭᠤᠯᠠᠩ ᠪᠤᠭᠤᠷᠤᠯ ᠬᠤᠷᠸᠠ ᠳᠤ | ᠬᠠᠷᠢᠭᠤᠯᠵᠤ ᠲᠡᠶᠢᠯᠬᠦ ᠦᠭᠡᠢ ᠠᠭᠤᠤ ᠡᠨᠡᠷᠢᠯ | ᠠᠰᠢᠳᠠ ᠶᠢᠨ ᠪᠤᠷᠬᠠᠨ ᠵᠠᠶᠠᠭᠠᠨ ᠳᠤ | ᠰᠦᠭᠦᠳᠴᠦ ᠮᠥᠷᠭᠦᠬᠦ ᠭᠠᠭᠴᠠᠬᠠᠨ ᠰᠢᠲᠦᠭᠡᠨ᠃ | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ ᠄ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ | ᠬᠤᠰᠢᠭᠤᠨ ᠤ ᠬᠡᠷᠦᠯᠦᠨ ᠰᠤᠮᠤᠨ ᠤ ᠨᠠᠶᠢᠷᠠᠮᠳᠠᠯ ᠭᠠᠴᠠᠭᠠ |