| ᠳ᠋ᠣᠺᠲ᠋ᠤᠷ᠂ ᠫᠷᠦᠹᠧᠰᠰᠤᠷ ᠭ᠊ · ᠭᠠᠩᠲᠤᠭᠲᠠᠬᠤ ︵ᠮᠣᠩᠭᠤᠯ︶ | ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ | ᠰᠠᠩ ᠤᠨ ᠪᠦᠷᠢᠯᠳᠦᠬᠦᠨ ᠤ ᠣᠨᠴᠠᠯᠢᠭ | ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤ ᠶᠢ ᠪᠠᠷᠭᠤ ᠪᠤᠷᠢᠶᠠᠳ ᠤᠨ ᠠᠶᠠᠯᠭᠤᠨ ᠳᠤ ᠪᠠᠭᠲᠠᠭᠠᠵᠤ ᠰᠤᠳᠤᠯᠤᠭᠰᠠᠭᠠᠷ | ᠢᠷᠡᠭᠰᠡᠨ ᠰᠤᠳᠤᠯᠭᠠᠨ ᠤ ᠤᠯᠠᠮᠵᠢᠯᠠᠯ ᠲᠠᠢ᠃ ᠡᠨᠡ ᠨᠢ ᠦᠦᠬᠡ ᠲᠡᠦᠬᠡ᠂ ᠤᠭᠰᠠᠭᠠ ᠭᠠᠷᠪᠠᠯᠢ᠂ ᠥᠪ ᠤᠯᠠᠮᠵᠢᠯᠠᠯ | ᠂ ᠡᠰᠡᠪᠡᠯ ᠠᠶᠠᠯᠭᠤᠨ ᠤ ᠳᠠᠭᠤᠳᠠᠯᠭᠠ ᠶᠢᠨ ᠬᠡᠪ ᠰᠢᠨᠵᠢ ᠵᠡᠷᠭᠡ ᠣᠯᠠᠨ ᠲᠠᠯᠠ ᠶᠢ ᠬᠠᠮᠤᠷᠤᠭᠰᠠᠨ ᠤᠯᠠ ᠰᠠᠭᠤᠷᠢ | ᠲᠠᠢ ᠠᠩᠭᠢᠯᠠᠯ ᠭᠡᠳᠡᠭ ᠨᠢ ᠮᠠᠷᠭᠤᠭᠠᠨ ᠦᠭᠡᠢ ᠦᠨᠡᠨ᠃ ᠡᠶᠢᠮᠦ ᠤᠴᠢᠷ ᠠᠴᠠ ᠮᠢᠨᠦ ᠪᠡᠶᠡ ᠮᠣᠩᠭᠤᠯ ᠤᠯᠤᠰ ᠲᠤ | ᠣᠷᠤᠰᠢᠨ ᠰᠠᠭᠤᠳᠠᠭ ᠳᠣᠷᠤᠨᠠᠳᠤ ᠠᠶᠢᠮᠠᠭ ᠤᠨ ᠭᠤᠷᠪᠠᠨ ᠵᠠᠭᠠᠯ᠂ ᠬᠥᠯᠥᠨ ᠪᠣᠶᠢᠷ᠂ ᠲᠥᠪ ᠠᠶᠢᠮᠠᠭ ᠤᠨ ᠠᠪᠳᠠᠷᠠ | ᠪᠠᠶᠠᠨ ᠰᠤᠮᠤᠨ ᠤ ︵ᠬᠠᠭᠤᠴᠢᠨ ᠨᠡᠷᠡ︶ ᠪᠠᠷᠭᠤ ᠨᠠᠷ ᠤᠨ ᠶᠠᠷᠢᠯᠴᠠᠬᠤ ᠦᠭᠡ ᠬᠡᠯᠡᠯᠭᠡ ᠶᠢ ᠪᠠᠶᠢᠴᠠᠭᠠᠨ ᠲᠡᠮᠳᠡᠭᠯᠡᠵᠦ | ᠠᠪᠤᠭᠰᠠᠨ ᠢᠶᠠᠨ ︽ᠪᠤᠷᠢᠶᠠᠳ ᠠᠶᠠᠯᠭᠤᠨ ᠤ ᠲᠣᠯᠢ︾ ᠬᠡᠮᠡᠬᠦ ᠨᠣᠮ ᠳᠤ ᠪᠠᠨ ᠪᠠᠷᠭᠤ ᠠᠮᠠᠨ ᠠᠶᠠᠯᠭᠤᠨ ᠤ | ᠥᠪᠡᠷᠮᠢᠴᠡ ᠳᠠᠭᠤᠳᠠᠯᠭᠠ ᠲᠠᠢ 1300 ᠣᠷᠴᠢᠮ ᠦᠭᠡ ᠰᠣᠩᠭᠤᠵᠤ ᠣᠷᠤᠭᠤᠯᠤᠭᠰᠠᠨ ᠶᠤᠮ᠃ ᠮᠥᠨ | ᠲᠡᠷᠡᠴᠢᠯᠡᠨ ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠢ ᠲᠡᠮᠳᠡᠭᠯᠡᠭᠰᠡᠨ ᠰᠢᠨᠡ ᠪᠠᠷᠭᠤ᠂ ᠬᠠᠭᠤᠴᠢᠨ ᠪᠠᠷᠭᠤ | ᠰᠤᠳᠤᠯᠤᠯ ᠤᠨ ᠦᠭᠡᠰ ᠤᠨ ᠴᠧᠰᠧ ᠶᠢ ︵чэсийг︶ ᠨᠢᠭᠲᠠᠯᠠᠨ ᠥᠪᠡᠷ ᠬᠤᠭᠤᠷᠤᠨᠳᠤ ᠨᠢ | ᠰᠠᠶᠢᠲᠤᠷ ᠬᠠᠷᠢᠴᠠᠭᠤᠯᠤᠨ ᠦᠵᠡᠭᠰᠡᠨ ᠪᠢᠯᠡ᠃ ︵ᠨᠣᠮ ᠵᠦᠢ ᠳᠤ ᠦᠵᠡᠨᠡ ᠦᠦ︶ | ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤ ᠨᠢ ᠳᠠᠩ ᠢᠶᠠᠷ ᠢᠶᠠᠨ ᠴᠢᠪᠴᠢᠨ ᠪᠠᠷᠭᠤ᠂ ᠰᠣᠯᠤᠨ ᠪᠠᠷᠭᠤ᠂ ᠪᠠᠷᠭᠤ ᠪᠤᠷᠢᠶᠠᠳ | ᠭᠡᠳ ᠠᠯᠲᠠᠢ ᠬᠡᠯᠡᠨ ᠤ ᠵᠡᠭᠦᠨ ᠰᠠᠯᠠᠭᠠ ᠶᠢ ᠪᠠᠭᠲᠠᠭᠠᠭᠰᠠᠨ ᠮᠣᠩᠭᠤᠯ ᠬᠡᠯᠡᠨ ᠤ ᠥᠪᠡᠷᠮᠢᠴᠡ ᠨᠢᠭᠡᠨ ᠳᠡᠯᠭᠡᠷ ᠪᠠᠶᠠᠨ | ᠠᠮᠠᠨ ᠠᠶᠠᠯᠭᠤ ᠮᠥᠨ ᠪᠥᠭᠡᠳ ᠮᠣᠩᠭᠤᠯ ᠬᠡᠯᠡ ᠰᠤᠳᠤᠯᠤᠭᠠᠴᠢᠳ ᠤᠨ ᠰᠣᠨᠢᠷᠬᠠᠯ ᠢ ᠵᠦᠢ ᠶᠣᠰᠤᠭᠠᠷ ᠲᠠᠲᠠᠭᠰᠠᠭᠠᠷ | ᠢᠷᠡᠭᠰᠡᠨ ᠪᠢᠯᠡ᠃ ᠡᠷᠳᠡᠮᠲᠡᠳ ᠤᠨ ᠰᠣᠨᠢᠷᠬᠠᠯ ᠢ ᠳᠠᠲᠠᠳᠠᠭ ᠭᠤᠣᠯ ᠰᠢᠯᠳᠠᠭᠠᠨ ᠨᠢ ᠶᠠᠭᠤ ᠪᠣᠢ ᠭᠡᠪᠡᠯ ᠪᠠᠷᠭᠤ | ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠪᠦᠷᠢᠯᠳᠦᠬᠦᠨ ᠤ ᠣᠨᠴᠠᠯᠢᠭ ᠨᠢ ᠶᠤᠮ᠃ | ⒈ᠪᠠᠷᠭᠤ ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠰᠠᠩ ᠤᠨ ᠪᠦᠷᠢᠯᠳᠦᠬᠦᠨ ᠤ ᠣᠨᠴᠠᠯᠢᠭ ᠨᠢ ᠶᠠᠭᠤᠨ ᠤ ᠡᠮᠦᠨᠡ | ᠡᠷᠲᠡᠨ ᠤ ᠮᠣᠩᠭᠤᠯ ᠬᠡᠯᠡᠨ ᠳᠤ ᠪᠣᠯᠤᠨ ᠳᠤᠮᠳᠠᠳᠤ ᠦᠶᠡ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠳᠤ ᠬᠡᠷᠡᠭᠯᠡᠭᠳᠡᠵᠦ ᠪᠠᠶᠢᠭᠰᠠᠨ | ᠦᠯᠡᠮᠵᠢ ᠠᠷᠪᠢᠨ ᠲᠣᠭᠠᠨ ᠤ ᠦᠭᠡᠰ ᠢ ᠥᠨᠥᠳᠦᠷ 21 ᠳ᠋ᠤᠭᠡᠷ ᠵᠠᠭᠤᠨ ᠳᠤ ᠲᠡᠭᠡᠭᠡᠵᠦ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ | ᠬᠤᠪᠤᠷ ᠨᠠᠨᠳᠢᠨ ᠦᠭᠡᠰ ᠤᠨ ᠰᠠᠩ ᠲᠠᠢ᠃ ᠵᠢᠱᠢᠶᠡ ᠨᠢ᠄ ᠠᠩᠭᠠᠯᠠᠬᠤ ︵ангаалах︶ ︵ | ᠪᠦᠰᠡᠯᠡᠬᠦ᠂ ᠲᠣᠭᠤᠷᠢᠬᠤ︶᠂ ᠠᠩᠭᠠᠯᠳᠤᠬᠤ ︵ангаалдах︶ ︵ᠲᠠᠯᠠ ᠲᠠᠯᠠ ᠠᠴᠠ ᠨᠢ | ᠪᠡᠳᠡᠷᠢᠬᠦ ︵ᠡᠷᠢᠬᠦ︶ ᠪᠦᠰᠡᠯᠡᠵᠦ ᠬᠦᠷᠢᠶᠡᠯᠡᠬᠦ︶᠂ ᠪᠠᠳᠠᠭᠠᠨ ︵бадган︶ ︵ᠡᠪᠡᠳᠴᠢᠨ ᠬᠠᠭᠤᠴᠢ︶ | ᠂ ᠪᠤᠭᠠ ︵бугаа︶ ︵ᠪᠤᠭᠤᠶᠢᠪᠴᠢ︶᠂ ᠭᠡᠨᠡᠨ ︵гэнэн︶ ︵ᠰᠠᠨᠠᠭᠠᠨ ᠳᠤ ᠦᠭᠡᠢ᠂ | ᠰᠠᠨᠠᠮᠰᠠᠷ ᠦᠭᠡᠢ︶᠂ ᠳᠡᠭᠡᠬᠦ ︵дэхэх︶ ︵ᠳᠠᠪᠢᠷᠠᠬᠤ︶᠂ ᠵᠠᠭᠠᠷᠲᠠᠬᠤ ︵ | заардах︶ ︵ᠮᠣᠷᠢ ᠡᠪᠰᠢᠶᠡᠬᠦ︶᠂ ᠨᠠᠮᠬᠠ ︵намха︶ ︵ᠶᠣᠳᠤᠷ︶᠂ ᠲᠤᠭᠠᠷ | ︵тугаар︶ ︵ᠰᠠᠶ᠋ᠢ︶᠂ ᠲᠠᠷᠱᠠᠬᠠᠢ ︵таршаахий︶ ︵ᠴᠠᠷᠴᠠᠬᠠᠢ︶ | ᠂ ᠣᠩᠭᠤᠷ ︵унгар︶ ︵ᠤᠩᠭᠤᠰᠤ︶᠂ ᠦᠭᠡᠭ ︵үхэг︶ ︵ᠱᠦᠭᠡ᠂ ᠱᠦᠭᠦᠢ︶ | ᠂ ᠠᠭᠤᠳᠠᠬᠢ ︵уудхи︶ ︵ᠠᠭᠤᠰᠬᠢ︶᠂ ᠬᠤᠯᠢᠮᠤᠾᠤ ︵ | холимохуу︶ ︵ᠬᠤᠯᠮᠠᠰ︶᠂ ᠱᠠᠯᠠᠮ ︵шалам︶ ︵ᠣᠯᠣᠮ︶᠂ | ᠡᠲᠡᠷᠬᠡᠬᠦ ︵этэрхэх︶ ︵ᠪᠠᠷᠳᠠᠮᠨᠠᠬᠤ︶᠂ ᠶᠣᠯᠳᠠᠮ ︵юлдам︶ ︵ | ᠢᠯᠳᠠᠮ︶᠂ ᠶᠠᠯᠠᠪᠠᠷᠠᠩ ︵ялбаран︶ ︵ᠶᠠᠩᠭᠤᠴᠢ︶ ᠭᠡᠬᠦ ᠮᠡᠲᠦ᠃ ᠡᠳᠡᠭᠡᠷ ᠨᠢ ᠳᠤᠮᠳᠠᠳᠤ | ᠡᠷᠲᠡᠨ ᠤ ᠲᠣᠯᠢ ᠪᠢᠴᠢᠭ᠂ ᠬᠠᠭᠤᠴᠢᠨ ᠲᠣᠬᠢᠶᠠᠨ ᠤ ᠪᠢᠴᠢᠭ᠂ ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠳᠤ ᠪᠤᠬᠠᠭᠤ | ᠪᠤᠷ ᠪᠤᠭᠠ ᠶᠢ ᠪᠠᠷ ᠪᠤᠭᠠ᠂ ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠳᠤ ᠭᠡᠨᠡᠨ᠂ ᠮᠣᠩᠭᠤᠯ ᠤᠨ ᠨᠢᠭᠤᠴᠠ | ᠲᠣᠪᠴᠢᠶᠠᠨ ᠳᠤ ᠲᠤᠭᠠᠷ ᠭᠡᠬᠦ ᠮᠡᠲᠦ ᠪᠣᠢ᠃ ᠪᠠᠷ᠂ ᠤᠩᠭᠤᠷ᠂ ᠪᠤᠷ᠂ ᠤᠩᠭᠤᠾᠠ᠂ ᠮᠣ᠂ ᠤᠩᠭᠤᠯᠤᠨ᠂ ᠨᠤᠸᠠ᠂ | ᠾᠤᠩᠭᠤᠰᠤᠨ ᠡᠷᠲᠡᠨ ᠤ ᠬᠡᠯᠪᠡᠷᠢ ᠶᠢ ᠨᠢ ᠰᠡᠷᠭᠦᠭᠡᠪᠡᠯ ᠾᠤᠩᠭᠤᠷᠰᠤᠨ ᠪᠣᠯᠤᠨᠠ᠃ ᠡᠳᠡᠭᠡᠷ ᠬᠤᠪᠤᠷ ᠨᠠᠨᠳᠢᠨ | ᠦᠭᠡᠰ ᠤᠨ ᠰᠠᠩ ᠢ ᠠᠭᠤᠳᠠᠯᠤᠨ ᠢᠯᠡᠷᠡᠭᠦᠯᠵᠦ ᠰᠤᠳᠤᠯᠭᠠᠨ ᠤ ᠡᠷᠭᠢᠯᠲᠡ ᠳᠤ ᠣᠷᠤᠭᠤᠯᠵᠤ᠂ ᠡᠷᠲᠡ ᠴᠠᠭ ᠤᠨ | ᠲᠠᠲ᠋ᠠᠷ ᠮᠣᠩᠭᠤᠯ ᠬᠡᠯᠡ ︵ᠶᠢᠰᠦᠨ ᠲᠠᠲ᠋ᠠᠷ ᠨᠠᠷ︶ ᠶᠠᠭᠠᠬᠢᠵᠤ ᠶᠠᠷᠢᠵᠤ ᠬᠡᠯᠡᠵᠦ ᠪᠠᠶᠢᠵᠤ ᠪᠣᠢ ᠭᠡᠳᠡᠭ ᠢ ᠰᠡᠷᠭᠦᠭᠡᠬᠦ | ᠪᠠᠷᠢᠮᠲᠠ ᠭᠠᠷᠴᠤ ᠢᠷᠡᠬᠦ ᠤᠴᠢᠷ ᠲᠠᠢ ᠶᠤᠮ᠃ ᠡᠶᠢᠮᠦ ᠤᠴᠢᠷ ᠠᠴᠠ ᠬᠠᠭᠤᠴᠢᠨ ᠪᠠᠷᠭᠤ᠂ ᠰᠣᠯᠤᠨ᠂ ᠴᠢᠪᠴᠢᠨ᠂ | ᠰᠢᠨᠡ ᠪᠠᠷᠭᠤ᠂ ᠮᠣᠩᠭᠤᠯ ᠤᠯᠤᠰ ᠤᠨ ᠪᠠᠷᠭᠤ ᠨᠠᠷ᠂ ᠪᠠᠷᠭᠤᠵᠢᠨ᠂ ᠬᠤᠷᠢ ᠪᠤᠷᠢᠶᠠᠳ ᠠᠶᠠᠯᠭᠤ ᠶᠢ ᠭᠦᠢ ᠴᠤᠭᠭᠠᠷ | ᠨᠢ ᠡᠪ ᠤᠨ ᠵᠠᠶᠠᠭᠠᠨ ᠳᠤ ᠵᠠᠶᠠᠭᠠᠯᠠᠭᠤᠯᠵᠤ ᠰᠤᠳᠤᠯᠬᠤ ᠨᠢ ᠵᠦᠢᠲᠡᠢ ᠪᠠᠶᠢᠨᠠ᠃ ᠡᠪ ᠤᠨ ᠵᠠᠶᠠᠭᠠᠨ ᠳᠤ | ᠵᠠᠶᠠᠭᠠᠯᠠᠭᠤᠯᠵᠤ ᠭᠡᠳᠡᠭ ᠤᠨ ᠤᠴᠢᠷ ᠨᠢ ᠮᠣᠩᠭᠤᠯ — ᠬᠢᠲᠠᠳ — ᠣᠷᠤᠰ ᠭᠤᠷᠪᠠᠨ ᠤᠯᠤᠰ ᠤᠨ ᠡᠷᠳᠡᠮᠲᠡᠨ | ᠰᠤᠳᠤᠯᠤᠭᠠᠴᠢᠳ ᠬᠦᠴᠦ ᠪᠠᠨ ᠨᠢᠭᠡᠳᠬᠡᠨ᠂ ᠪᠠᠷᠭᠤ ᠪᠤᠷᠢᠶᠠᠳ ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠰᠠᠩ ᠤᠨ | ᠡᠭᠦᠰᠪᠦᠷᠢ ᠪᠦᠷᠢᠯᠳᠦᠬᠦᠨ ᠢ ᠡᠪ ᠡᠶᠡ᠂ ᠵᠦᠢ ᠲᠣᠭᠲᠠᠭᠠᠯ ᠢᠶᠠᠷ ᠨᠢ ᠥᠪᠡᠷ ᠲᠤ ᠨᠢ ᠪᠠᠶᠢᠭᠠ ᠬᠦᠴᠦᠨ ᠵᠦᠢᠯ ᠢᠶᠠᠷ | ᠢᠷᠠᠭᠤᠯᠤᠨ ᠰᠤᠳᠤᠯᠬᠤ ᠰᠠᠨᠠᠭᠠ ᠶᠢ ᠳᠡᠪᠰᠢᠭᠦᠯᠵᠦ ᠪᠠᠶᠢᠨᠠ᠃ | ⒉ᠪᠠᠷᠭᠤ ᠮᠣᠩᠭᠤᠯᠴᠤᠳ ᠪᠡᠯᠴᠢᠭᠡᠷ ᠤᠨ ᠮᠠᠯ ᠮᠠᠯᠯᠠᠭᠠ ᠪᠠᠨ ᠡᠷᠭᠢᠯᠡᠨ ᠠᠭᠤᠳᠠᠮ ᠰᠠᠶᠢᠬᠠᠨ ᠲᠠᠯᠠ | ᠨᠤᠲᠤᠭ ᠲᠤ ᠪᠠᠨ ᠲᠠᠪᠠ ᠪᠠᠷ ᠢᠶᠠᠨ ᠨᠡᠭᠦᠵᠦ ᠪᠤᠶᠠᠨᠲᠤ ᠰᠠᠶᠢᠬᠠᠨ ᠮᠠᠯ ᠰᠦᠷᠦᠭ ᠢᠶᠠᠨ ᠥᠰᠬᠡᠨ ᠦᠷᠡᠵᠢᠭᠦᠯᠵᠦ᠂ | ᠰᠢᠮᠡ ᠶᠢ ᠨᠢ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠣᠯᠠᠨ ᠵᠠᠭᠤᠨ ᠮᠢᠩᠭᠠᠨ ᠢ ᠲᠤᠭᠤᠯᠵᠤ ᠢᠷᠡᠬᠦ ᠳᠤ ᠪᠠᠨ ᠮᠣᠩᠭᠤᠯ ᠠᠵᠤ | ᠲᠥᠷᠥᠬᠦ ᠤᠬᠠᠭᠠᠨ ᠢ ᠴᠣᠭᠴᠠᠯᠠᠨ ᠪᠥᠷᠢᠯᠳᠦᠭᠦᠯᠵᠦ᠂ ᠪᠠᠷᠭᠤ ᠮᠣᠩᠭᠤᠯ ᠬᠡᠪ ᠶᠣᠰᠤ᠂ ᠵᠠᠩ ᠵᠠᠩᠰᠢᠯ᠂ ᠦᠭᠡ | ᠬᠡᠯᠡᠯᠭᠡ ᠶᠢ ᠪᠣᠢ ᠪᠣᠯᠭᠠᠭᠰᠠᠨ ᠲᠡᠷᠡ ᠨᠦᠷᠢ ᠶᠡᠭᠡ ᠬᠦᠴᠦ ᠬᠥᠳᠡᠯᠮᠦᠷᠢ᠂ ᠲᠡᠷᠡ ᠦᠨᠡᠲᠦ ᠰᠠᠶᠢᠬᠠᠨ ᠦᠭᠡ ᠬᠡᠯᠡᠯᠭᠡ | ᠶᠢ ᠰᠢᠨᠵᠢᠭᠡᠴᠢᠳ ᠪᠢᠳᠡ ᠰᠢᠨᠵᠢᠯᠡᠭᠡ ᠰᠤᠳᠤᠯᠭᠠᠨ ᠤ ᠡᠷᠭᠢᠯᠲᠡ ᠳᠤ ᠣᠷᠤᠭᠤᠯᠤᠯ ᠦᠭᠡᠢ ᠪᠠᠶᠢᠭᠰᠠᠭᠠᠷ ᠡᠳᠦᠢ | ᠬᠥᠷᠦᠯᠡ᠃ ᠭᠡᠲᠡᠯᠡ ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤ᠂ ᠪᠡᠯᠴᠢᠭᠡᠷ ᠤᠨ ᠮᠠᠯ ᠮᠠᠯᠯᠠᠭᠠᠨ ᠤ ᠦᠭᠡ ᠬᠡᠯᠡᠯᠭᠡ ᠪᠠᠷ ᠬᠠᠯᠬᠠ | ᠮᠣᠩᠭᠤᠯ᠂ ᠣᠶᠢᠷᠠᠳ ᠮᠣᠩᠭᠤᠯ᠂ ᠪᠤᠷᠢᠶᠠᠳ ᠮᠣᠩᠭᠤᠯ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠣᠯᠠᠨ ᠠᠶᠠᠯᠭᠤᠨ ᠠᠴᠠ ᠬᠠᠪᠢ | ᠦᠭᠡᠢ ᠣᠯᠠᠨ ᠦᠭᠡ ᠲᠠᠢ ᠰᠢᠭ ᠨᠠᠳᠠ ᠰᠠᠨᠠᠭᠳᠠᠳᠠᠭ ᠶᠤᠮ᠃ ᠶᠠᠭᠠᠬᠢᠭᠠᠳ ᠲᠡᠷᠡ ᠪᠣᠢ ᠭᠡᠪᠡᠯ ᠪᠠᠷᠭᠤ ᠶᠢᠨ ᠠᠮᠠᠨ | ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠰᠠᠩ ᠤᠨ ᠪᠦᠷᠢᠯᠳᠦᠬᠦᠨ ᠨᠢ ᠨᠡᠶᠢᠯᠡᠭ ᠨᠢᠭᠲᠠᠷᠠᠯ ᠰᠠᠶᠢᠲᠠᠢ ᠶᠢᠨ ᠳᠡᠭᠡᠷᠡ ᠪᠠᠷᠭᠤ | ᠮᠣᠩᠭᠤᠯᠴᠤᠳ ᠪᠡᠯᠴᠢᠭᠡᠷ ᠤᠨ ᠮᠠᠯ ᠮᠠᠯᠯᠠᠭᠠᠨ ᠤ ᠠᠰᠤᠷᠤ ᠶᠡᠭᠡ ᠲᠤᠷᠰᠢᠯᠭᠠ ᠲᠠᠢ ᠠᠷᠠᠳ ᠲᠦᠮᠡᠨ ᠤᠴᠢᠷ ᠠᠴᠠ | ᠪᠠᠶᠠᠨ ᠪᠠᠷᠭᠤ ᠶᠢᠨ ᠮᠠᠯ ᠰᠦᠷᠦᠭ ᠭᠡᠵᠤ ᠬᠤᠯᠠ ᠣᠶᠢᠷᠠ ᠳ᠋ᠠᠬᠢᠨ ᠳᠤ ᠶᠡᠭᠡ ᠠᠯᠳᠠᠷᠰᠢᠭᠰᠠᠨ ᠪᠢᠯᠡ᠃ ᠮᠠᠯ | ᠮᠠᠯᠯᠠᠭᠠᠨ ᠤ ᠦᠭᠡ ᠬᠡᠯᠡᠯᠭᠡ ᠭᠡᠬᠦ ᠳᠤ᠂ ᠨᠡᠶᠢᠲᠡ ᠮᠣᠩᠭᠤᠯᠴᠤᠳ ᠤᠨ ᠲᠦᠭᠡᠮᠡᠯ ᠦᠭᠡ ᠬᠡᠯᠡᠯᠭᠡ ᠳᠡᠭᠡᠷᠡ ᠪᠠᠷᠭᠤ | ᠠᠮᠠᠨ ᠠᠶᠠᠯᠭᠤᠨ ᠤ ᠦᠪᠡᠷ ᠤᠨ ᠬᠢᠨᠢ ᠦᠭᠡᠰ ᠤᠨ ᠰᠠᠩ ᠤᠨ ᠥᠪᠡᠷᠮᠢᠴᠡ ᠳᠠᠭᠤᠳᠠᠯᠭᠠ᠂ ᠤᠳᠬᠠ ᠠᠭᠤᠯᠭᠠ | ᠲᠠᠢ ᠦᠭᠡᠰ ᠮᠠᠰᠢ ᠠᠷᠪᠢᠨ ᠪᠠᠶᠢᠳᠠᠭ ᠶᠤᠮ ᠪᠢᠯᠡ᠃ ᠪᠢ ᠵᠦᠭᠡᠷ ᠠᠮᠠᠨ ᠠᠴᠠ ᠪᠠᠨ ᠵᠢᠱᠢᠶᠡ ᠲᠠᠲᠠᠵᠤ ᠬᠡᠯᠡᠬᠦ ᠳᠤ᠂ | ᠡᠮᠡᠭᠡᠯ ᠳᠡᠭᠡᠷᠡ ᠠᠶᠢᠪᠠᠵᠤ ︵айбийж︶ ᠰᠠᠭᠤᠬᠤ᠂ ᠡᠪᠡᠶᠢᠵᠦ ︵ээбийж︶᠂ | ᠪᠡᠭᠡᠪᠡᠶᠢᠵᠦ ︵бээвийж︶᠂ ᠪᠡᠭᠡᠴᠡᠶᠢᠵᠦ ︵бээчийж︶᠂ | ᠪᠡᠭᠽᠡᠶᠢᠵᠦ ︵бэгзийж︶ ᠰᠠᠭᠤᠬᠤ ᠭᠡᠵᠤ ᠪᠣᠢ᠃ ᠮᠠᠯ ᠳᠤ ᠶᠠᠪᠤᠬᠤ ᠳᠤ ᠪᠠᠨ ᠠᠶᠢᠷᠠᠯᠵᠢᠨ ︵ | айралжан︶ ︵ᠠᠯᠮᠠᠢ︶᠂ ᠠᠨᠠᠭᠠ ︵анага︶ ᠣᠷᠤᠴᠠ ︵урч︶ ︵ | ᠣᠪᠤᠬᠠᠢ︶ ᠲᠥᠭᠦᠭᠡᠷᠴᠦ ᠣᠳᠤᠷ ᠲᠤ ᠭᠠᠷᠬᠤ᠂ ᠠᠩᠭᠠᠯ ᠪᠣᠶᠢᠭᠠᠨ ᠢᠶᠠᠨ ᠲᠠᠲᠠᠵᠦ ᠨᠡᠭᠦᠬᠦ ᠵᠥᠭᠡᠭᠡᠬᠦ᠂ ᠠᠳᠤᠭᠤ | ᠮᠠᠯ ᠳᠤ ᠶᠠᠪᠤᠨᠠ ᠭᠡᠬᠦ ᠠᠴᠠ ᠠᠬᠠᠷᠴᠢᠯᠠᠭᠠᠳ ︵ᠴᠢᠬᠤᠯᠲᠠᠬᠤ︶ ᠭᠠᠷᠬᠤ ᠴᠢᠨᠢ ᠶᠠᠭᠤ ᠪᠣᠢ︖ ᠬᠤᠰᠠ | ᠾᠢᠢᠨᠡᠭ ᠬᠤᠶᠠᠷ ︵ᠬᠤᠴᠠ ᠢᠷᠭᠡ ᠬᠤᠶᠠᠷ︶ ᠨᠡᠭᠦᠳᠡᠯ ᠳᠤ ᠲᠦᠦᠷᠢ ︵туурь︶ ︵ᠲᠠᠭᠤᠪᠤᠷᠢ︶ | ᠳᠠᠭᠤᠬᠤ᠂ ᠲᠠᠩᠵᠢᠵᠦ ︵тэнжиж︶ ᠶᠠᠳᠠᠭᠠᠳ ᠲᠠᠩᠴᠢᠷᠡᠵᠦ ︵тэнчиржэ︶ | ᠪᠠᠶᠢᠨᠠ᠃ ᠡᠷᠡ ᠬᠥᠮᠥᠨ ᠤ ᠪᠡᠨᠡ ︵бэнэ︶ ᠦᠭᠡᠢ᠂ ᠢᠰᠢᠭᠡᠨ ᠲᠡᠭᠡᠨ ᠤ ᠬᠤᠲᠠᠭᠠ ᠦᠭᠡᠢ᠂ ᠮᠠᠯ | ᠤᠨ ᠣᠭᠰᠢᠯ ᠬᠡᠶᠢᠷᠡᠬᠦ ︵гийрэх︶ ︵ᠲᠠᠩᠲᠠᠬᠤ︶ ᠠᠳᠡ ᠾᠧ ︵ | эндэхээ︶ ᠵᠡᠭᠦᠨᠰᠢ ᠪᠠᠨ ᠪᠡᠯᠴᠢᠭᠡᠷ ᠬᠦᠯᠭᠡᠨ ︵гүлгэн︶ ︵ᠨᠡᠯᠦᠩᠬᠢ ᠳᠤ ᠪᠠᠨ | ︶ ᠰᠠᠾᠧ ᠲᠠᠢ ︵сахатий︶ ︵ᠴᠠᠰᠤᠲᠠᠢ︶᠂ ᠮᠡᠩᠭᠢᠨ ᠬᠤᠷᠠᠭᠠ᠂ ᠮᠠᠯ ᠳᠤ ᠮᠠᠬᠠᠰᠢᠨ ᠬᠥᠮᠥᠨ | ︵ᠮᠠᠬᠠᠷᠠᠤ︶᠂ ᠲᠤᠭᠤᠯ ᠳᠤ ᠪᠠᠨ ᠮᠡᠬᠡᠢ ︵ᠡᠩᠬᠦᠷᠡᠢ︶᠂ ᠮᠤᠬᠠᠯᠠᠢ ᠦᠨᠢᠶᠡ ︵ᠳᠦᠨᠵᠢᠨ︶᠂ ᠳᠡᠯᠭᠡᠷᠢ ︵ | тэлгэри︶ ᠾᠧᠬᠡᠬᠡ ︵хэхэхэ︶᠂ ᠾᠧᠰᠯᠡᠨ ︵ | хэсэлэн︶ ᠮᠠᠯ ︵ᠤᠷᠲᠤ ᠬᠥᠯ ᠢᠶᠠᠨ ᠡᠷᠭᠦᠵᠦ ᠳᠤᠭᠤᠯᠳᠠᠳᠠᠭ︶᠂ ᠲᠥᠬᠦᠷ ︵ | түхир︶ ︵ᠪᠦᠷᠢᠨ︶ ᠬᠡᠷᠡᠭᠯᠡᠯ ᠲᠠᠢ ᠡᠮᠡᠭᠡᠯ᠂ ᠮᠣᠷᠢ ᠤᠷᠭᠠᠯᠠᠬᠤ ᠳᠤ ᠪᠠᠨ ᠳ᠋ᠤᠶᠢᠭᠤᠨ ︵ᠰᠣᠯᠤᠭᠠᠢ︶ | ᠂ ᠲᠤᠩᠭᠢᠷ ᠰᠠᠭᠠᠨ ᠲᠠᠯᠠ᠂ ᠲᠡᠪᠡᠭᠬᠡᠲᠦ ︵тэбэгхт︶ ᠰᠠᠱᠰᠠᠭ ᠲᠠᠢ ︵ | сашсагтай︶ ᠤᠯᠠᠭᠠᠨ᠂ ᠮᠠᠯ ᠳᠤ ᠪᠠᠨ ᠰᠣᠯᠤᠭᠢ ᠦᠭᠡᠨ ᠤ ︵ | солоохий үгы︶ ᠬᠥᠮᠥᠨ ᠭᠡᠬᠦ ᠮᠡᠲᠦ᠃ ᠪᠠᠷᠭᠤ ᠠᠮᠠᠨ ᠠᠶᠠᠯᠭᠤᠨ ᠤ ᠮᠠᠯ ᠮᠠᠯᠯᠠᠭᠠᠨ ᠤ | ᠦᠭᠡᠰ ᠢ ᠲᠤᠰᠬᠠᠶᠢᠯᠠᠨ ᠬᠥᠲᠦᠯᠪᠦᠷᠢ ᠪᠣᠯᠪᠠᠰᠤᠷᠠᠭᠤᠯᠵᠤ ᠰᠤᠷᠪᠤᠯᠵᠢᠯᠠᠨ ᠰᠤᠳᠤᠯᠬᠤ ᠨᠢ ᠴᠢᠬᠤᠯᠠ ᠪᠠᠶᠢᠨᠠ᠃ | ᠴᠣᠬᠤᠮ ᠳᠤ ᠪᠠᠨ ᠡᠶᠢᠮᠦ ᠰᠤᠳᠤᠯᠭᠠᠨ ᠤ ᠬᠡᠪᠯᠡᠭᠳᠡᠭᠰᠡᠨ ᠮᠠᠲ᠋ᠧᠷᠢᠶᠠᠯ ᠪᠠᠷᠤᠭ ᠦᠭᠡᠢ ᠪᠠᠶᠢᠨᠠ᠃ ᠡᠭᠦᠨ ᠢ | ᠰᠤᠳᠤᠯᠬᠤ ᠰᠤᠳᠤᠯᠭᠠᠨ ᠤ ᠲᠠᠯᠠᠪᠤᠷ ᠠᠴᠠ ᠡᠵᠡᠨ ᠢᠶᠠᠨ ᠬᠦᠯᠢᠶᠡᠭᠡᠳ ᠮᠣᠩᠭᠤᠯ ᠤᠯᠤᠰ ᠲᠤ ᠴᠦ ᠲᠡᠷᠡ᠂ ᠬᠢᠲᠠᠳ | ᠤᠯᠤᠰ ᠲᠤ ᠴᠦ ᠲᠡᠷᠡ ᠪᠠᠶᠢᠵᠤ ᠯᠡ ᠪᠠᠶᠢᠨᠠ᠃ ᠮᠠᠯ ᠳᠤ ᠰᠣᠯᠣᠭᠤᠬᠠᠢ ᠲᠠᠢ ︵ | солоохйитий︶ ᠨᠢᠳᠦ ᠲᠠᠢ᠂ ᠮᠠᠯ ᠤᠨ ᠲᠥᠷᠥ ᠲᠠᠢ ︵дөртэй︶ | ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤ ᠰᠤᠳᠤᠯᠤᠭᠠᠴᠢ ᠮᠠᠯ ᠳᠤ ᠴᠦ ᠲᠡᠷᠡ᠂ ᠦᠭᠡᠨ ᠳᠤ ᠴᠦ ᠲᠡᠷᠡ ᠮᠠᠬᠠᠰᠢᠨ ᠵᠠᠯᠠᠭᠤ | ᠬᠦᠪᠡᠭᠦᠳ ᠥᠬᠢᠳ ᠢ ᠪᠡᠯᠡᠳᠬᠡᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠣᠯᠵᠤ ᠪᠠᠶᠢᠨᠠ᠃ | ⒊ᠪᠠᠷᠭᠤ ᠵᠣᠨ ᠤ ᠤᠳᠬᠠ ᠰᠣᠶᠤᠯ᠂ ᠬᠡᠪ ᠵᠠᠩᠰᠢᠯ᠂ ᠣᠶᠤᠨ ᠰᠠᠨᠠᠭᠠᠨ ᠤ ᠶᠢᠷᠲᠢᠨᠴᠦ ᠳᠤ ᠪᠥᠭᠡ | ᠮᠥᠷᠭᠦᠯ ᠬᠢᠭᠡᠳ ᠪᠤᠷᠬᠠᠨ ᠱᠠᠰᠢᠨ ᠤ ᠤᠬᠠᠭᠠᠨ ᠤ ᠨᠥᠯᠥᠭᠡᠯᠡᠭᠰᠡᠨ ᠨᠥᠯᠥᠭᠡᠯᠡᠯ ᠴᠠᠭᠯᠠᠰᠢ ᠦᠭᠡᠢ ᠶᠡᠭᠡ ᠲᠤᠯᠠ | ᠪᠠᠷᠭᠤ ᠶᠢᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠰᠠᠩ ᠤᠨ ᠰᠠᠩ ᠣᠨᠴᠠᠭᠠᠢ ᠪᠠᠶᠢᠷᠢ ᠶᠢ ᠡᠵᠡᠯᠡᠨᠡ᠃ ᠪᠠᠷᠭᠤ ᠪᠥᠭᠡ ᠶᠢᠨ | ᠦᠭᠡ ᠬᠡᠯᠡᠯᠭᠡ᠂ ᠶᠣᠰᠤ ᠵᠠᠶ᠋ᠢᠭ᠂ ᠬᠡᠪ ᠮᠠᠶ᠋ᠢᠭ ᠨᠢ ᠬᠠᠯᠬᠠ᠂ ᠪᠤᠷᠢᠶᠠᠳ᠂ ᠳᠠᠷᠬᠠᠳ᠂ ᠬᠤᠷᠴᠢᠨ᠂ ᠣᠷᠢᠶᠠᠩᠬᠠᠢ | ᠪᠥᠭᠡ ᠠᠴᠠ ᠥᠪᠡᠷᠮᠢᠴᠡ ᠪᠠᠶᠢᠳᠠᠭ ᠨᠢ ᠡᠮᠦᠰᠬᠡᠯ ᠲᠣᠨᠤᠭ ᠤᠨ ᠨᠡᠷᠡ᠂ ᠬᠤᠯᠪᠤᠭᠠ ᠬᠤᠷᠰᠢᠶᠠ ᠦᠭᠡ᠂ ᠬᠡᠯᠡᠴᠡ | ᠬᠡᠯᠡᠯᠭᠡ ᠠᠴᠠ ᠨᠢ ᠦᠵᠡᠬᠦ ᠳᠤ ᠢᠯᠡᠷᠬᠡᠢ᠃ ᠵᠢᠱᠢᠶᠡ ᠨᠢ᠄ ᠲᠠᠶᠢᠯᠲᠠᠢ ︵тайлтай︶ ᠪᠥᠭᠡ ︵ | ᠬᠠᠨ︶᠂ ᠲᠠᠬᠢᠯᠭᠠᠲᠠᠢ ᠪᠥᠭᠡ ︵ᠨᠣᠶᠠᠨ︶᠂ ᠲᠡᠷᠡᠭ ︵дэргэ︶ ᠪᠥᠭᠡ ︵ᠱᠠᠪᠢ︶᠂ ᠣᠩᠭᠤ ︵ | ᠣᠩᠭᠤᠳ︶᠂ ᠡᠬᠡ ᠪᠠᠶᠢᠭᠤᠯᠵᠢᠨ ︵ᠠᠷᠬᠠᠯ архаал ᠡᠯᠭᠡᠪᠴᠢᠨ ᠲᠣᠯᠢ︶᠂ ᠶᠡᠭᠡ᠂ ᠳᠤᠮᠳᠠᠳᠤ᠂ | ᠪᠠᠭᠠ ᠲᠤᠯᠢ᠂ ᠣᠷᠬᠢᠭᠤᠯᠭᠠ ︵ᠽᠠᠪᠳᠠᠷ завдар︶᠂ ᠬᠦᠷᠡᠩ ᠤᠯᠠᠭᠠᠨ ᠠᠪᠠᠭᠠᠯᠳᠠᠢ᠂ ᠡᠴᠢᠭᠡ | ᠪᠠᠶᠢᠭᠤᠯᠵᠢᠨ ︵ᠠᠪᠠᠭᠠᠯᠳᠠᠢ ᠶᠢᠨ ᠪᠠᠭ︶᠂ ᠮᠠᠶᠢᠬᠤᠭᠤᠵᠢ ︵майхуужи︶︵ᠣᠷᠭᠤᠢ︶᠂ | ᠭᠡᠰᠡ ︵хэсэ︶ ᠳ᠋ᠠᠪᠢᠭᠤᠷ ︵давиур︶᠂ ᠬᠤᠶᠠᠷ ᠬᠤᠷᠪᠢ ︵ᠰᠣᠷᠪᠢ︶ ᠪᠠᠷᠠᠭᠤᠨ | ᠬᠤᠷᠪᠢ ᠠᠵᠢᠷᠭᠠᠨ᠂ ᠵᠡᠭᠦᠨ ᠬᠤᠷᠪᠢ ᠭᠡᠭᠦᠦ ᠲᠣᠯᠤᠭᠠᠢ ᠲᠠᠢ ᠪᠠᠶᠢᠳᠠᠭ᠃ ᠪᠠᠷᠠᠭᠤᠨ ᠬᠤᠷᠪᠢ ᠨᠢ ᠵᠡᠭᠦᠨ ᠬᠤᠷᠪᠢ | ᠠᠴᠠ ᠪᠠᠨ ᠨᠢᠭᠡ ᠪᠠᠷᠢᠮ ᠥᠨᠳᠦᠷ ᠪᠠᠶᠢᠨᠠ᠃ ᠳᠦᠷᠪᠡᠨ ᠬᠤᠨᠢᠨ ᠱᠠᠭᠠᠢ᠂ ᠨᠠᠢᠮᠠᠨ ᠾᠤᠭᠤᠳᠠᠯ ︵ | хуудал︶᠂ ᠽᠠᠷᠯᠢᠮ ︵зарлим︶ ︵ᠳᠠᠶᠢᠯᠭᠠ︶᠂ ᠲᠡᠯᠡᠳᠡ ︵ | тэлэдэ︶ ᠭᠠᠷᠠᠬᠠ ︵ᠡᠴᠢᠭᠡ ᠮᠣᠳᠤᠨ ᠳᠤ ᠠᠪᠠᠷᠢᠬᠤ︶᠂ ᠰᠤᠷᠭᠠᠨᠠᠭ ᠲᠠᠲᠠᠬᠠ ︵ᠰᠤᠮᠨᠠᠷ ᠲᠠᠲᠠᠬᠤ | ︶ ᠲᠧᠯᠡ ᠲᠠᠬᠢᠬᠠ ᠪᠥᠭᠡ ᠶᠢᠨ ᠱᠠᠨᠳᠠᠩ ᠭᠡᠬᠦ ᠮᠡᠲᠦ᠃ ︽ᠬᠠᠭᠤᠴᠢᠨ ᠪᠠᠷᠭᠤᠴᠤᠳ ᠤᠨ ᠪᠥᠭᠡ ᠶᠢᠨ ᠱᠠᠰᠢᠨ | ᠰᠢᠲᠦᠯᠭᠡ︾ ᠭᠡᠳᠡᠭ ᠪᠠᠶᠠᠷᠳᠠᠯᠠᠢ ᠶᠢᠨ ᠥᠭᠦᠯᠡᠯ ᠠᠴᠠ ︵6:153 — 249︶ ᠡᠰᠢᠯᠡᠪᠡ᠃ ᠲᠦᠮᠡᠨ ᠲᠦᠮᠡᠨ | ᠵᠢᠯ ᠤᠨ ᠣᠶᠤᠨ ᠪᠢᠯᠢᠭ ᠤᠨ ᠦᠯᠡᠮᠵᠢ ᠰᠠᠩ ᠤᠨ ᠡᠭᠦᠳᠡ ᠨᠢ ᠪᠥᠭᠡ ᠮᠥᠷᠭᠦᠯ ᠤᠨ ᠦᠭᠡ ᠶᠢᠨ ᠰᠠᠩ ᠳᠤ | ᠪᠠᠶᠢᠳᠠᠭ ᠲᠤᠯᠠ ᠪᠠᠷᠭᠤ ᠪᠥᠭᠡ ᠮᠥᠷᠭᠦᠯ ᠤᠨ ᠦᠭᠡᠰ ᠤᠨ ᠰᠠᠩ ᠢ ᠪᠦᠷᠢᠯᠳᠦᠭᠦᠯᠵᠦ ᠴᠣᠭᠴᠠᠯᠠᠭᠠᠵᠤ᠂ ᠰᠤᠳᠤᠯᠤᠨ | ᠰᠢᠨᠵᠢᠯᠡᠵᠦ ᠲᠦᠯᠬᠢᠨ ᠣᠷᠤᠵᠤ ᠴᠢᠳᠠᠪᠠᠯ ᠴᠠᠭᠯᠠᠰᠢ ᠦᠭᠡᠢ ᠶᠡᠭᠡ ᠮᠡᠳᠡᠯᠭᠡ ᠶᠢᠨ ᠡᠷᠳᠡᠨᠢ ᠶᠢᠨ ᠰᠠᠩ ᠳᠤ | ᠨᠡᠪᠲᠡᠷᠡᠯᠡ ᠭᠡᠰᠡᠨ ᠦᠭᠡ᠃ | ⒋ᠪᠠᠷᠭᠤ ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠰᠠᠩ ᠤᠨ ᠪᠦᠷᠢᠯᠳᠦᠬᠦᠨ ᠳᠤ ᠠᠯᠲᠠᠢ ᠬᠡᠯᠡᠨ ᠤ ᠨᠡᠶᠢᠲᠡᠯᠢᠭ | ᠦᠭᠡᠰ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠠᠴᠠ ᠮᠠᠨᠵᠤ᠂ ᠡᠸᠡᠩᠬᠢ᠂ ᠬᠠᠨᠠᠢ᠂ ᠰᠣᠯᠤᠨ᠂ ᠣᠷᠴᠤᠨ᠂ ᠵᠦᠷᠴᠢᠳ ᠭᠠᠷᠤᠯ ᠤᠨ | ᠦᠭᠡ ᠢᠳᠡᠭᠡᠰᠢᠨ ᠲᠣᠭᠲᠠᠨᠢᠵᠤ ᠬᠡᠪᠰᠢᠭᠡᠳ ᠣᠨ ᠤᠳᠠᠭᠠᠨ ᠵᠢᠯ ᠳᠤ ᠤᠯᠠᠷᠢᠨ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠢᠷᠡᠵᠡᠢ᠃ | ᠵᠢᠱᠢᠶᠡ ᠨᠢ᠄ ᠮᠠᠨᠵᠤ ᠬᠡᠯᠡᠨ ᠠᠴᠠ ᠠᠩᠭᠠᠯ ︵ᠭᠡᠷ ᠪᠦᠯᠢ︶ ︿ᠮᠠ᠊ · ᠠᠩᠭᠠᠯ ᠪᠣᠶᠢᠲ᠋ᠠ ︵ᠠᠯᠪᠠᠨ ᠪᠢᠴᠢᠭ ︿ | ᠪᠠᠶᠢᠲ᠋ᠠ᠂ ᠭᠠᠯᠢᠳᠠ ︵ᠭᠠᠷ ᠤᠨ ᠳᠠᠷᠤᠭᠠ︶ ︿ᠮᠠ᠊ · ᠭᠠᠯᠠᠾᠢᠳᠠ᠂ ᠳᠠᠯᠵᠢ ︵ᠡᠨᠡ ᠴᠢᠮᠠ ᠳᠤ ᠶᠠᠮᠠᠷ ᠳᠠᠯᠵᠢ ᠲᠠᠢ | ᠶᠤᠮ ᠪᠣᠢ︖︶ ︿ᠮᠠ᠊ · ᠳᠠᠯᠵᠢ᠂ ᠵᠠᠯᠠᠨ᠂ ᠯᠠᠶᠢᠭᠠᠨ ︵ᠵᠠᠯᠬᠠᠭᠤ︶ ︿ᠮᠠ᠊ · ᠯᠠᠶᠢᠬᠤ᠂ ᠮᠤᠬᠠᠨᠳᠠ ︵ᠣᠪᠤᠭ ᠤᠨ | ᠠᠬᠠᠯᠠᠭᠴᠢ︶ ︿ᠮᠠ᠊ · ︵ᠮᠣᠬᠤᠨ ᠢ ᠳ᠋ᠠ︶᠂ ᠨᠢᠶᠠᠬᠠᠷᠠᠬᠤ ︵ᠬᠢᠲᠠᠳ ᠢᠶᠠᠷ ᠶᠠᠷᠢᠬᠤ︶᠂ ︿ᠮᠠ᠊ · ᠨᠢᠺᠠᠨ᠄ | ᠣᠶᠣᠩᠭᠤ ︵ᠴᠢᠬᠤᠯᠠ︶ ︿ᠮᠠ᠊ · ᠣᠶᠤᠩᠭᠤ᠂ ᠲᠠᠰᠢᠭᠠ ︵ᠰᠤᠷᠭᠠᠭᠤᠯᠢ︶ ︿ᠮᠠ᠊ · ᠲᠠᠴᠢᠺᠤ᠂ ᠤᠭᠠᠷᠳᠠ ︵ | ᠪᠦᠭᠦᠳᠡ ᠶᠢᠨ ᠳᠠᠷᠤᠭᠠ︶ ᠮᠠ᠊ ᠦᠭᠡᠷᠢᠳᠠ᠂ ᠦᠭᠮᠧ ︵ᠠᠪᠠᠭᠠ ᠪᠡᠷᠭᠡᠨ︶ ᠮᠠ᠊᠂ ᠦᠭᠦᠮᠧ᠂ ᠬᠠᠯᠠ ︵ᠣᠪᠤᠭ︶ | ᠮᠠ᠊ ᠬᠠᠯᠠ ᠭᠡᠬᠦ ᠮᠡᠲᠦ ︵8︶ | ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤᠨ ᠤ ᠡᠭᠦᠰᠪᠦᠷᠢ ᠪᠦᠷᠢᠯᠳᠦᠬᠦᠨ ᠢ ᠰᠤᠳᠤᠯᠬᠤ ᠳᠤ ᠪᠠᠨ ᠲᠦᠷᠺ — ᠮᠣᠩᠭᠤᠯ — | ᠪᠠᠷᠭᠤ ᠳᠤᠮᠳᠠ ᠶᠢᠨ ᠦᠭᠡᠰ᠂ ᠮᠠᠨᠵᠤ — ᠮᠣᠩᠭᠤᠯ — ᠪᠠᠷᠭᠤ ᠳᠤᠮᠳᠠ ᠶᠢᠨ ᠦᠭᠡᠰ᠂ ᠮᠠᠨᠵᠤ ᠣᠷᠤᠰᠢᠯ ᠦᠭᠡᠰ᠂ | ᠶᠠᠺᠤᠲ — ᠪᠤᠷᠢᠶᠠᠳ — ᠪᠠᠷᠭᠤ ᠳᠤᠮᠳᠠ ᠶᠢᠨ ᠦᠭᠡᠰ᠂ ᠪᠠᠷᠭᠤ ᠪᠤᠷᠢᠶᠠᠳ ᠦᠭᠡᠰ᠂ ᠡᠸᠡᠩᠬᠢ ᠭᠠᠷᠪᠠᠯᠢ ᠲᠠᠢ᠂ | ᠬᠠᠨᠠᠢ ᠭᠠᠷᠪᠠᠯᠢ ᠲᠠᠢ᠂ ᠰᠣᠯᠤᠨ ᠭᠠᠷᠪᠠᠯᠢ ᠲᠠᠢ᠂ ᠣᠷᠴᠤᠨ ᠭᠠᠷᠪᠠᠯᠢ ᠲᠠᠢ᠂ ᠵᠦᠷᠴᠢᠳ ᠭᠠᠷᠪᠠᠯᠢ ᠲᠠᠢ ᠪᠠᠷᠭᠤ | ᠦᠭᠡᠰ ᠭᠡᠬᠦᠴᠢᠯᠡᠨ ᠨᠠᠷᠢᠪᠴᠢᠯᠠᠨ ᠰᠤᠳᠤᠯᠵᠤ ᠪᠦᠷᠢᠳᠬᠡᠬᠦ ᠨᠢ ᠵᠦᠢᠲᠡᠢ ᠪᠠᠶᠢᠨᠠ᠃ ᠢᠩᠭᠢᠵᠦ ᠰᠤᠳᠤᠯᠪᠠᠯ ᠵᠥᠪᠬᠡᠨ | ᠪᠠᠷᠭᠤ ᠠᠮᠠᠨ ᠠᠶᠠᠯᠭᠤᠨ ᠤ ᠰᠤᠳᠤᠯᠤᠯ ᠳᠤ ᠲᠡᠳᠦᠢ ᠦᠭᠡᠢ ᠨᠡᠶᠢᠲᠡ ᠠᠯᠲᠠᠢ ᠶᠢᠨ ᠬᠡᠯᠡᠨ ᠤ ᠰᠤᠳᠤᠯᠤᠯ ᠳᠤ | ᠳᠣᠷᠪᠢᠲᠠᠢ ᠬᠤᠪᠢ ᠨᠡᠮᠡᠷᠢ ᠪᠣᠯᠤᠨᠠ᠃ | ⒌ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤ ᠨᠢ ᠬᠢᠲᠠᠳ ᠬᠡᠯᠡ ᠰᠣᠶᠤᠯ᠂ ᠡᠳ᠋ ᠤᠨ ᠵᠠᠰᠠᠭ᠂ ᠤᠯᠤᠰ ᠲᠥᠷᠥ ᠶᠢᠨ | ᠬᠦᠷᠢᠶᠡᠯᠡᠯ ᠳᠣᠲᠤᠷᠠ ᠪᠠᠶᠢᠭᠠ ᠲᠤᠯᠠ ᠬᠤᠣᠰ ᠬᠡᠯᠡ ᠲᠠᠢ ᠪᠠᠶᠢᠬᠤ ᠨᠢ ᠵᠠᠶᠢᠯᠠᠰᠢ ᠦᠭᠡᠢ᠃ ᠬᠤᠯᠢᠮᠠᠭ ᠬᠡᠯᠡ ᠲᠠᠢ | ᠪᠣᠯᠴᠢᠬᠠᠬᠤ ᠦᠭᠡᠢ ᠶᠢᠨ ᠲᠥᠯᠥᠭᠡ ᠴᠢᠷᠮᠠᠶᠢᠵᠤ ᠪᠠᠶᠢᠭᠠ ᠨᠢ ᠬᠥᠮᠥᠨ ᠪᠦᠷᠢ ᠶᠢᠨ ᠬᠦᠰᠡᠯ ᠡᠷᠡᠮᠡᠯᠵᠡᠯ᠃ ᠬᠢᠲᠠᠳ | ᠣᠷᠤᠮᠠᠯ ᠦᠭᠡ ᠶᠢ ᠵᠣᠬᠢᠰᠲᠠᠢ ᠬᠡᠷᠡᠭᠯᠡᠬᠦ ᠬᠡᠷᠡᠭᠯᠡᠭᠡ ᠨᠢᠭᠡᠨᠲᠡ ᠲᠣᠭᠲᠠᠵᠠᠢ᠃ ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤ ᠨᠡᠶᠢᠲᠡ | ᠮᠣᠩᠭᠤᠯ ᠬᠡᠯᠡ ᠠᠶᠠᠯᠭᠤ ᠲᠠᠢ ᠪᠠᠨ ᠬᠦᠢ ᠬᠡᠯᠬᠢᠶᠡ ᠪᠠᠷ ᠢᠶᠠᠨ ᠬᠤᠯᠪᠤᠭᠠᠲᠠᠢ ᠲᠤᠯᠠ ᠳᠠᠷᠬᠠᠯᠠᠭᠠ ᠰᠠᠶᠢᠲᠠᠢ ᠲᠥᠪ | ᠮᠣᠩᠭᠤᠯ ᠬᠡᠯᠡ ᠠᠶᠠᠯᠭᠤ ᠮᠥᠨ᠃ ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤᠨ ᠤ ᠳᠠᠷᠬᠠᠯᠠᠭᠠ ᠶᠢ ᠬᠠᠳᠠᠭᠠᠯᠠᠨ ᠪᠠᠷᠢᠵᠤ ᠪᠠᠶᠢᠭᠠ | ᠭᠤᠣᠯ ᠬᠦᠴᠦᠨ ᠵᠦᠢᠯ ᠮᠣᠩᠭᠤᠯ ᠪᠢᠴᠢᠭ ᠪᠣᠯᠬᠤ ᠤᠴᠢᠷ ᠠᠴᠠ ᠠᠮᠠᠨ ᠠᠶᠠᠯᠭᠤ ᠪᠠᠨ ᠴᠡᠪᠡᠷ ᠢᠶᠠᠷ ᠨᠢ | ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠠ ᠶᠤᠮ᠃ ᠮᠣᠩᠭᠤᠯ ᠪᠢᠴᠢᠭ ᠪᠣᠯ ᠪᠥᠬᠦ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠢᠴᠢᠭ ᠪᠣᠯᠬᠤ ᠤᠴᠢᠷ | ᠠᠴᠠ ᠮᠣᠩᠭᠤᠯ ᠬᠡᠯᠡᠨ ᠤ ᠭᠤᠣᠯ ᠶᠣᠰᠤ ᠪᠠᠨ᠂ ᠭᠤᠣᠯᠴᠢ ᠱᠤᠭᠤᠮ ᠢᠶᠠᠨ ᠶᠡᠷᠦ ᠠᠯᠳᠠᠳᠠᠭ ᠦᠭᠡᠢ᠃ ᠣᠯᠠᠨ | ᠮᠣᠩᠭᠤᠯᠴᠤᠳ ᠢᠶᠠᠨ ᠢᠮᠠᠭᠳᠠ ᠬᠤᠯᠪᠤᠵᠤ ᠪᠠᠶᠢᠳᠠᠭ᠃ ᠲᠡᠭᠡᠭᠡᠳ ᠪᠠᠷᠭᠤ ᠠᠮᠠᠨ ᠠᠶᠠᠯᠭᠤ ᠪᠠᠷ ᠢᠶᠠᠨ ᠳᠠᠭᠤᠳᠠᠬᠤ | ᠪᠦᠬᠦᠶᠢᠯᠡ ᠪᠣᠯᠤᠯᠴᠠᠭᠠ ᠶᠢ ᠬᠠᠩᠭᠠᠵᠤ ᠥᠭᠳᠡᠭ᠃ | ⒍ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠰᠠᠩ ᠤᠨ ᠡᠭᠦᠰᠪᠦᠷᠢ ᠪᠦᠷᠢᠯᠳᠦᠬᠦᠨ ᠳᠤ ᠠᠷᠠᠪ᠂ ᠫᠧᠷᠰ | ᠂ ᠣᠶᠢᠭᠤᠷ᠂ ᠲᠦᠷᠺ᠂ ᠬᠢᠲᠠᠳ᠂ ᠰᠣᠯᠤᠩᠭᠤᠰ᠂ ᠶᠠᠫᠤᠨ᠂ ᠣᠷᠤᠰ᠂ ᠡᠨᠡᠳᠬᠡᠭ᠂ ᠲᠦᠪᠡᠳ᠂ ᠵᠦᠷᠴᠢᠳ᠂ | ᠮᠠᠨᠵᠤ᠂ ᠳᠠᠭᠤᠷ᠂ ᠡᠸᠦ᠋ᠷᠦᠫᠡ ᠬᠡᠯᠡᠨ ᠤ ᠦᠭᠡᠰ ᠵᠣᠬᠢᠬᠤ ᠵᠣᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠨᠡᠪᠲᠡᠷᠡᠨ ᠣᠷᠤᠭᠰᠠᠨ ᠨᠢ | ᠡᠳᠡᠭᠡᠷ ᠤᠯᠤᠰ ᠣᠷᠤᠨ ᠲᠠᠢ ᠡᠷᠲᠡᠨ ᠠᠴᠠ ᠨᠠᠭᠠᠰᠢ ᠬᠤᠳᠠᠯᠳᠤᠭᠠ ᠠᠷᠠᠯᠵᠢᠶᠠ᠂ ᠱᠠᠰᠢᠨ ᠮᠥᠷᠭᠦᠯ᠂ ᠤᠯᠤᠰ | ᠲᠥᠷᠥ᠂ ᠡᠳ᠋ ᠤᠨ ᠵᠠᠰᠠᠭ ᠤᠨ ᠬᠠᠷᠢᠯᠴᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠤ ᠭᠡᠷᠡᠴᠢ ᠪᠣᠯᠤᠨ ᠦᠯᠡᠳᠡᠵᠡᠢ᠃ ᠡᠳᠡᠭᠡᠷ ᠦᠭᠡᠰ ᠢ | ᠰᠣᠶᠤᠯ ᠤᠨ ᠬᠦᠷᠢᠶᠡᠨ ᠳᠤ ᠨᠢ ᠴᠠᠭ ᠦᠶᠡ ᠲᠠᠢ ᠨᠢ ᠤᠶᠠᠯᠳᠤᠭᠤᠯᠤᠨ ᠰᠤᠳᠤᠯᠵᠤ ᠲᠡᠦᠬᠡᠴᠢᠯᠡᠨ ᠭᠠᠷᠭᠠᠵᠤ | ᠢᠷᠡᠪᠡᠯ ᠰᠣᠨᠢᠷᠬᠠᠯᠲᠠᠢ ᠰᠤᠳᠤᠯᠭᠠ ᠪᠣᠯᠤᠨᠠ᠃ | ⒎ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠰᠠᠩ ᠤᠨ ᠪᠦᠷᠢᠯᠳᠦᠬᠦᠨ ᠢ ᠪᠠᠷᠭᠤ ᠪᠤᠷᠢᠶᠠᠳ ᠠᠶᠠᠯᠭᠤᠨ | ᠤ ᠳᠡᠯᠭᠡᠷ ᠬᠦᠷᠢᠶᠡᠨ ᠳᠤ ᠠᠪᠴᠤ ᠰᠤᠳᠤᠯᠬᠤ ᠶᠠᠪᠤᠳᠠᠯ ᠲᠣᠩ ᠴᠢᠬᠤᠯᠠ ᠪᠠᠶᠢᠨᠠ᠃ ᠪᠠᠷᠭᠤ ᠪᠤᠷᠢᠶᠠᠳ ᠠᠶᠠᠯᠭᠤᠨ | ᠤ ᠳᠤᠮᠳᠠ ᠶᠢᠨ ᠦᠭᠡᠰ ᠨᠢ ᠭᠡᠬᠦ ᠳᠤ ᠶᠠᠮᠠᠷ ᠶᠠᠮᠠᠷ ᠦᠭᠡᠰ ᠪᠠᠶᠢᠨᠠ ᠪᠣᠢ︖ ᠪᠤᠷᠢᠶᠠᠳ ᠤᠨ ᠶᠠᠮᠠᠷ ᠶᠠᠮᠠᠷ ᠠᠮᠠᠨ | ᠠᠶᠠᠯᠭᠤᠨ ᠳᠤ ᠶᠠᠭᠠᠬᠢᠵᠤ ᠬᠡᠯᠡᠭᠳᠡᠳᠡᠭ ᠪᠣᠢ︖ ᠢᠷᠡᠯ ᠭᠠᠷᠤᠯ ᠨᠢ ᠶᠠᠮᠠᠷ ᠦᠭᠡ ᠶᠤᠮ︖ ᠪᠠᠷᠭᠤ ᠶᠢᠨ | ᠠᠶᠠᠯᠭᠤᠨ ᠳᠤ ᠬᠠᠮᠢᠶᠠᠷᠤᠯ ᠦᠭᠡᠢ ᠪᠤᠷᠢᠶᠠᠳ ᠠᠶᠠᠯᠭᠤᠨ ᠤ ᠦᠭᠡᠰ ᠨᠢ ᠠᠯᠢ ᠪᠣᠢ︖ ᠪᠤᠷᠢᠶᠠᠳ ᠠᠶᠠᠯᠭᠤᠨ ᠳᠤ | ᠬᠠᠮᠢᠶᠠᠷᠤᠯ ᠦᠭᠡᠢ ᠪᠠᠷᠭᠤ ᠠᠶᠠᠯᠭᠤᠨ ᠤ ᠦᠭᠡᠰ ᠨᠢ ᠠᠯᠢ ᠪᠣᠢ︖ ᠮᠣᠩᠭᠤᠯ ᠬᠡᠯᠡᠨ ᠳᠤ ᠬᠠᠮᠢᠶᠠᠷᠤᠯ ᠦᠭᠡᠢ | ᠪᠠᠷᠭᠤ ᠪᠤᠷᠢᠶᠠᠳ ᠦᠭᠡᠰ ᠨᠢ ᠠᠯᠢ ᠪᠣᠢ︖ ᠬᠠᠷᠢᠴᠠᠩᠭᠤᠢ ᠬᠡᠳᠦᠨ ᠬᠤᠪᠢ ᠡᠵᠡᠯᠡᠵᠦ ᠪᠠᠶᠢᠨᠠ︖ ᠮᠣᠩᠭᠤᠯ | ᠬᠡᠯᠡᠨ ᠳᠤ ᠬᠠᠮᠢᠶᠠᠷᠤᠯ ᠦᠭᠡᠢ ᠪᠠᠷᠭᠤ ᠪᠤᠷᠢᠶᠠᠳ ᠦᠭᠡᠰ ᠨᠢ ᠠᠯᠢ ᠪᠣᠢ︖ ᠮᠣᠩᠭᠤᠯ ᠬᠡᠯᠡᠨ ᠤ ᠬᠡᠳᠦᠢ ᠦᠶᠡ ᠳᠤ | ᠬᠠᠮᠢᠶᠠᠷᠬᠤ ᠪᠣᠢ︖ ᠭᠡᠬᠦ ᠮᠡᠳᠦᠴᠢᠯᠡᠨ ᠰᠤᠳᠤᠯᠪᠠᠯ ᠮᠠᠰᠢ ᠰᠣᠨᠢᠷᠬᠠᠯᠲᠠᠢ ᠳ᠋ᠦᠩᠨᠡᠯᠲᠡ ᠭᠠᠷᠤᠨᠠ᠃ | ⒏ᠪᠠᠷᠭᠤ ᠶᠢᠨ ᠠᠮᠠᠨ ᠠᠶᠠᠯᠭᠤᠨ ᠤ ᠥᠪᠡᠷᠮᠢᠴᠡ ᠥᠪᠡᠷ ᠤᠨ ᠬᠢᠨᠢ ᠦᠭᠡ ᠭᠡᠪᠡᠯ ᠦᠢ ᠲᠦᠮᠡ᠂ | ᠦᠯᠢᠭᠡᠷᠯᠡᠪᠡᠯ᠄ ᠠᠨᠳᠠᠭᠠ ᠲᠠᠢ ︵ᠴᠢᠬᠤᠯᠠ᠂ ᠡᠷᠬᠢᠮ︶᠂ ᠠᠯᠲᠠ ︵ᠬᠡᠦᠬᠡ︶ ᠪᠠᠨᠢᠭᠠᠨ ︵ᠯᠠᠭᠱᠠᠨ︶᠂ | ᠪᠣᠶᠢᠮᠠᠬᠤ ︵ᠡᠯᠪᠡᠭ ᠳᠡᠯᠪᠡᠭ ᠬᠦᠷᠦᠯᠴᠡᠬᠦ︶᠂ ᠭᠠᠳᠠᠢ ︵ᠰᠠᠮᠫᠠᠨ︶᠂ ᠳ᠋ᠠᠩᠰᠢᠬᠤ ︵ᠪᠠᠯᠪᠠᠭ᠋ᠤ︶᠂ ᠵᠠᠨᠤᠭᠠ | ᠲᠠᠢ ︵ᠵᠣᠷᠢᠭᠤᠳᠠ︶᠂ ᠵᠠᠨᠠ ︵ᠱᠣᠳᠠᠩ ᠭᠡᠵᠢᠭᠡ︶᠂ ᠢᠪᠡᠭᠡᠷᠡᠭ ︵ᠳᠣᠲᠤᠨᠤᠴᠢᠯᠠᠮᠠᠲᠠᠭᠠᠢ︶᠂ | ᠯᠠᠭᠠᠭᠢᠬᠤ ︵ᠯᠥᠪᠬᠢᠬᠦ︶᠂ ᠮᠢᠲ᠋ᠢᠢᠨ ︵ᠵᠦᠭᠡᠷ︶᠂ ᠨᠠᠶᠤ ︵ᠠᠮᠠᠷᠠᠭ ᠨᠥᠬᠦᠷ︶᠂ ᠣᠷᠭᠤᠢ ᠣᠲᠤᠭ ᠦᠭᠡᠢ ︵ | ᠡᠮᠬᠢ ᠵᠠᠮᠪᠠᠷᠠᠭᠠ ᠦᠭᠡᠢ︶᠂ ᠥᠭᠡᠳᠡᠲᠡᠶᠢᠬᠡᠨ ︵ᠣᠯᠢᠭᠲᠠᠶᠢᠬᠠᠨ︶᠂ ᠾᠠᠯᠪᠠ ︵ᠰᠠᠯᠠᠭᠠ︶᠂ | ᠾᠠᠮᠠᠯᠳᠤᠬᠤ ︵ᠰᠠᠮᠭᠠᠷᠳᠠᠬᠤ︶᠂ ᠾᠤᠬᠤᠭ ᠲᠥᠭᠡᠷᠭᠡ ᠶᠠᠪᠤᠬᠤ᠂ ᠲᠣᠪᠰᠤᠭᠠ ︵ᠪᠣᠯᠵᠤᠭᠠ ᠬᠤᠭᠤᠴᠠᠭᠠ︶᠂ | ᠳᠤᠨᠳᠠᠭᠤᠨ ︵ᠲᠣᠭᠲᠠᠭᠤᠨ᠂ ᠨᠠᠮᠵᠢᠭᠤᠨ︶᠂ ᠲᠦᠬᠦᠷ ︵ᠪᠦᠷᠢᠨ︶᠂ ᠣᠶᠢᠮᠠᠷᠵᠠᠭᠠᠢ ︵ᠲᠡᠨᠡᠭᠳᠡᠭᠦᠦ︶᠂ ᠫᠠᠯᠪᠠᠤ | ︵ᠴᠦᠯᠯᠡᠭᠡᠨ ᠤ ᠬᠥᠮᠥᠨ︶᠂ ᠬᠠᠵᠢᠩ ︵ᠬᠠᠵᠠᠷ︶᠂ ᠬᠡᠨᠬᠢᠳ ︵ᠬᠤᠮᠤᠬᠠᠢ︶᠂ ᠨᠣᠣᠷᠠᠢ ᠬᠢᠮᠡᠭ᠂ ᠬᠤᠩᠭᠤ ︵ | ᠬᠠᠲᠠᠭᠤ ᠴᠢᠬᠢ ᠲᠠᠢ︶ ᠳᠦᠯᠡᠢ ᠬᠥᠮᠥᠨ ᠳᠥᠷᠪᠡ ᠬᠡᠯᠡᠭᠦᠯᠦᠨᠡ᠂ ᠬᠤᠩᠭᠤ ᠬᠥᠮᠥᠨ ᠬᠤᠶᠠᠷ ᠬᠡᠯᠡᠭᠦᠯᠦᠨᠡ᠂ | ᠰᠢᠪᠬᠡ ︵ᠦᠰᠦᠨ ᠤ ᠬᠠᠪᠴᠢᠶᠠᠷᠢ︶᠂ ᠰᠦᠦᠷᠭᠡ ︵ᠴᠣᠣᠵᠢᠨ ᠤ ᠳᠠᠷᠤᠭᠤᠯᠭᠠ︶᠂ ᠡᠪᠰᠡᠭᠡ ︵ᠡᠪ︶᠂ ᠡᠭᠡᠨᠢᠬᠦ | ︵ᠲᠡᠭᠡᠨᠡᠭᠡᠯᠵᠡᠬᠦ︶᠂ ᠶᠡᠬᠡᠯᠡᠢ ︵ᠶᠡᠭᠡ ᠡᠬᠡᠨᠡᠷ︶᠂ ᠶᠠᠩᠭᠢᠷ ︵ᠠᠳᠠᠯᠢᠬᠠᠨ︶ ᠭᠡᠬᠦ ᠮᠡᠲᠦ ︵8︶᠃ | | ᠪᠠᠷᠭᠤ ᠠᠮᠠᠨ ᠠᠶᠠᠯᠭᠤᠨ ᠤ ᠥᠪᠡᠷᠮᠢᠴᠡ ᠦᠭᠡ ᠬᠡᠯᠡᠯᠭᠡ ᠪᠣᠯ ᠮᠣᠩᠭᠤᠯ ᠬᠡᠯᠡᠨ ᠤ ᠪᠦᠲᠦᠴᠡ ᠪᠦᠬᠦᠢ | ᠬᠤᠪᠤᠷ ᠨᠠᠨᠳᠢᠨ ᠦᠭᠡ ᠮᠥᠨ ᠤ ᠲᠤᠯᠠ ᠨᠠᠷᠢᠨ ᠨᠡᠷᠡ ᠲᠣᠮᠢᠶᠠ ᠣᠨᠤᠭᠠᠵᠤ ᠪᠣᠯᠪᠠᠰᠤᠷᠠᠭᠤᠯᠬᠤ ᠳᠤ ᠴᠢᠬᠤᠯᠠ | ᠬᠡᠷᠡᠭᠴᠡᠭᠡᠲᠡᠢ ᠶᠤᠮ᠃ ᠮᠥᠨ ᠲᠡᠭᠦᠨᠴᠢᠯᠡᠨ ︽ᠬᠤᠩᠭᠤ᠂ ᠰᠦᠦᠷᠭᠡ᠂ ᠬᠢᠮᠡᠭ᠂ ᠲᠣᠪᠴᠢᠶᠠ︾ ᠮᠡᠲᠦ ᠦᠭᠡᠰ ᠢ | ᠳᠡᠯᠭᠡᠷ ᠮᠣᠩᠭᠤᠯ ᠤᠳᠬᠠ ᠵᠣᠬᠢᠶᠠᠯ ᠤᠨ ᠬᠡᠯᠡᠨ ᠳᠤ ᠣᠷᠤᠭᠤᠯᠵᠤ ᠨᠡᠶᠢᠲᠡ ᠳᠤ ᠬᠡᠪᠰᠢᠭᠦᠯᠬᠦ ᠨᠢ ᠵᠣᠬᠢᠰᠲᠠᠢ ᠮᠡᠲᠦ | ᠰᠠᠨᠠᠭᠳᠠᠨᠠ᠃ | ᠳ᠋ᠦᠩᠨᠡᠵᠦ ᠬᠡᠯᠡᠬᠦ ᠳᠤ᠂ ᠪᠠᠷᠭᠤ ᠠᠮᠠᠨ ᠠᠶᠠᠯᠭᠤᠨ ᠤ ᠦᠭᠡᠰ ᠤᠨ ᠰᠠᠩ ᠤᠨ ᠡᠭᠦᠰᠪᠦᠷᠢ ᠪᠦᠷᠢᠯᠳᠦᠬᠦᠨ ᠨᠢ | ᠠᠯᠲᠠᠢ ᠶᠢᠨ ᠬᠡᠯᠡ ᠨᠦᠭᠦᠳ ᠬᠢᠭᠡᠳ ᠮᠣᠩᠭᠤᠯ ᠤᠨ ᠣᠯᠠᠨ ᠠᠶᠠᠯᠭᠤᠨ ᠤ ᠰᠢᠮᠡ ᠴᠣᠭᠴᠠᠯᠠᠭᠰᠠᠨ ᠪᠠ ᠣᠯᠠᠨ | ᠰᠣᠶᠤᠯ ᠬᠤᠷᠠᠯᠳᠤᠵᠤ ᠬᠤᠷᠠᠮᠳᠠᠯᠠᠭᠳᠠᠭᠰᠠᠨ ᠦᠭᠡ ᠶᠢᠨ ᠰᠠᠩ ᠤᠨ ᠦᠯᠡᠮᠵᠢ ᠪᠠᠶᠠᠯᠢᠭ ᠠᠮᠠᠨ ᠠᠶᠠᠯᠭᠤ ᠪᠣᠯᠬᠤ | ᠤᠴᠢᠷ ᠣᠷᠤᠨ ᠪᠦᠬᠦᠨ ᠤ ᠮᠣᠩᠭᠤᠯᠴᠢ ᠡᠷᠳᠡᠮᠲᠡᠳ ᠡᠪ ᠤᠨ ᠵᠠᠶᠠᠭᠠ ᠵᠠᠶᠠᠭᠠᠯᠠᠭᠤᠯᠵᠤ ᠡᠷᠳᠡᠮ ᠰᠤᠳᠤᠯᠭᠠᠨ ᠤ | ᠡᠷᠭᠢᠯᠲᠡᠨ ᠳᠤ ᠣᠷᠤᠭᠤᠯᠵᠤ᠂ ᠨᠣᠮ ᠤᠨ ᠬᠦᠷᠲᠤ ᠪᠣᠯᠭᠠᠨ ᠡᠷᠭᠢᠭᠦᠯᠦᠭᠲᠦᠨ︕ | ︵ᠦ᠊ · ᠰᠧᠪᠡᠯ ᠺᠢᠷᠢᠯ ᠦᠰᠦᠭ ᠠᠴᠠ ᠪᠠᠭᠤᠯᠭᠠᠪᠠ︶ | |