| ᠴᠣᠴᠣᠯᠢᠭ ᠬᠤᠯᠠᠨ | | ᠮᠡᠨᠡᠩ ᠤᠨ ᠳᠠᠯᠠ | ᠲᠡᠭᠷᠢ ᠶᠢᠨ ᠴᠡᠩᠬᠡᠷ ᠬᠠᠶᠠᠭᠠ ᠲᠠᠢ ᠨᠡᠶᠢᠯᠡᠨ ᠰᠢᠷᠭᠠᠯᠳᠤᠬᠤ | ᠳᠡᠭᠦᠰ ᠵᠢᠷᠭᠠᠯ ᠤᠨ ᠨᠠᠷᠠᠨ ᠳᠤᠯᠠᠶᠢᠭᠰᠠᠨ ᠤᠷᠤᠨ | ᠲᠡᠩᠭᠡᠭᠡᠳᠦ ᠬᠦᠯᠦᠭ ᠤᠨ ᠰᠢᠨᠳᠠᠰᠦ ᠰᠤᠷᠢᠨ ᠴᠡᠯᠡᠶᠢᠭᠰᠡᠨ | ᠲᠡᠭᠷᠢᠯᠢᠭ ᠡᠪᠦᠭᠡᠳ ᠤᠨ ᠮᠢᠨᠢ ᠦᠨᠢ ᠶᠢᠨ ᠳᠤᠮᠤᠭᠳᠦ ᠭᠤᠪᠢ | ᠮᠡᠨᠡᠩ ᠤᠨ ᠲᠠᠯᠠ | ᠮᠤᠩᠭᠤᠯ ᠤᠨ ᠰᠠᠶᠢᠬᠠᠨ ᠨᠤᠲᠤᠭ︕ | ᠠᠴᠢᠳᠦ ᠡᠵᠢ ᠶᠢᠨ ᠮᠢᠨᠢ ᠰᠠᠴᠤᠯᠢ ᠶᠢᠨ ᠰᠦᠨ ᠳᠤ ᠨᠡᠮᠡᠶᠢᠭᠰᠡᠨ | ᠠᠪᠤᠷᠠᠯᠳᠦ ᠠᠪᠤ ᠶᠢᠨ ᠮᠢᠨᠢ ᠰᠡᠩᠬᠢᠨᠡᠭᠰᠡᠨ ᠢᠰᠭᠡᠷᠦᠭᠡᠨ ᠳᠤ ᠰᠡᠷᠭᠦᠭᠰᠡᠨ | ᠠᠯᠢᠶᠠ ᠵᠢᠭᠠᠬᠠᠨ ᠨᠠᠰᠤᠨ ᠤ ᠮᠢᠨᠢ ᠳᠤᠷᠠᠰᠤᠮᠵᠢ ᠰᠢᠩᠭᠡᠭᠰᠡᠨ | ᠠᠯᠳᠠ ᠪᠡᠶᠡ ᠶᠢ ᠮᠢᠨᠢ ᠳᠤᠰᠤᠭᠰᠠᠨ ︽ᠴᠢᠨ᠋ᠸᠠ ᠶᠢᠨ ᠬᠦᠨᠳᠡᠢ︾ | ᠮᠡᠨᠡᠩ ᠤᠨ ᠲᠠᠯᠠ | ᠮᠢᠨᠤ ᠤᠨᠠᠭᠰᠠᠨ ᠰᠢᠷᠤᠢ︕ | ᠠᠷᠠᠳ ᠵᠤᠨ ᠤ ᠮᠢᠨᠢ ᠪᠤᠰᠤᠭᠠ ᠭᠡᠶᠢᠮᠤᠷᠢ ᠶᠢ ᠳᠡᠳᠬᠦᠵᠤ | ᠠᠷᠪᠠᠨ ᠵᠦᠭ ᠤᠨ ᠬᠢᠨ ᠤ ᠠᠯᠠᠭ ᠵᠠᠶᠠᠭᠠ ᠶᠢ ᠮᠠᠨᠠᠭᠰᠠᠨ | ᠠᠷᠪᠠᠨ ᠭᠤᠷᠪᠠᠨ ᠬᠦᠨᠳᠡᠢ ᠶᠢᠨ ᠬᠢᠨᠢ ᠬᠤᠶᠢᠮᠤᠷ ᠰᠦᠨᠳᠡᠷᠯᠡᠬᠦ | ᠠᠮᠤᠭᠤᠯᠠᠩ ᠬᠦᠬᠡ ᠰᠤᠪᠢᠩᠳᠦ ᠰᠦᠷᠯᠢᠭ ᠪᠠᠷᠠ ᠲᠠᠢ | ᠮᠡᠨᠡᠩ ᠤᠨ ᠪᠤᠭᠳᠠ ᠠᠭᠤᠯᠠ | ᠮᠢᠨᠤ ᠰᠢᠳᠦᠭᠡᠨ︕ | ᠡᠭᠦᠷᠢᠳᠡ ᠳᠠᠭᠤᠷᠢᠰᠬᠤ ︽ᠦᠭᠡᠷᠳᠦ ᠬᠦᠢᠲᠡᠨ︾ ᠤ ᠠᠶᠠᠯᠭᠤ ᠲᠠᠢ | ᠦᠶᠡ ᠳᠠᠮᠵᠢᠬᠤ ᠢᠰᠢᠭᠡᠨ ᠪᠦᠭᠡ ᠶᠢᠨ ᠤᠳᠤᠮ ᠲᠠᠢ | ᠡᠯᠦᠨᠴᠡ ᠠᠪᠠᠭᠠ ︽ᠤᠯᠠᠭᠠᠨ ᠳᠡᠭᠡᠭᠡ︾ ᠶᠢᠨ ᠮᠢᠨᠢ ᠳᠤᠮᠤᠭ ᠲᠠᠢ | ᠦᠨᠳᠦᠷ ᠳᠡᠭᠡᠳᠦᠰ ᠤᠨ ᠮᠢᠨᠢ ᠵᠢᠷᠭᠠᠯ ᠵᠤᠪᠠᠯᠠᠩ ᠢ ᠪᠠᠭᠳᠠᠭᠠᠭᠰᠠᠨ | ᠮᠡᠨᠡᠩ ᠤᠨ ᠲᠠᠯᠠ | ᠮᠢᠨᠤ ᠳᠡᠭᠡᠳᠦᠯᠡᠬᠦ ᠰᠤᠶᠤᠯ︕ | ᠵᠡᠭᠡᠷᠡ ᠶᠢᠨ ᠰᠦᠷᠦᠭ ᠮᠠᠯ ᠲᠠᠢ ᠨᠢ ᠵᠠᠬᠠᠯᠠᠨ ᠨᠠᠯᠠᠶᠢᠭᠰᠠᠨ | ᠵᠡᠷᠭᠡᠯᠭᠡ ᠨᠢ ᠬᠦᠷᠳᠡᠯᠡ ᠰᠡᠳᠬᠢᠯ ᠲᠠᠢ ᠮᠢᠨᠢ ᠢᠵᠢᠯᠢᠬᠡᠨ ᠳᠤᠭᠳᠤᠯᠤᠭᠰᠠᠨ | ᠵᠢᠷ ᠤᠨ ᠨᠢᠭᠡᠨ ᠴᠢᠯᠠᠭᠤ ᠨᠢ ᠴᠦ ᠠᠯᠠᠭᠠᠨ ᠳᠤ ᠬᠠᠯᠠᠭᠤᠬᠠᠨ | ᠵᠢᠯ ᠤᠨ ᠳᠦᠷᠪᠡᠨ ᠤᠯᠠᠷᠢᠯ ᠳᠤ ᠠᠳᠠᠯᠢᠬᠠᠨ ᠳᠤᠯᠠᠭᠠᠬᠠᠨ | ᠮᠡᠨᠡᠩ ᠤᠨ ᠲᠠᠯᠠ | ᠮᠤᠩᠭᠤᠯ ᠤᠨ ᠰᠠᠶᠢᠬᠠᠨ ᠨᠤᠲᠤᠭ ᠡ︕ | 2008.02.06 ︵ᠪᠢᠳᠡᠭᠦᠨ︶᠂ ᠬᠠᠶᠢᠯᠠᠷ |