| ᠠᠯᠠᠭᠠᠨ ᠳᠡᠭᠡᠷᠡ ᠪᠠᠨ ᠪᠥᠮᠪᠥᠷᠢᠭᠦᠯᠦᠨ ᠥᠰᠬᠡᠭᠰᠡᠨ ᠬᠡᠳᠦᠢ ᠮᠥᠨ ᠪᠣᠯᠪᠠᠴᠤ | ᠠᠪᠠᠭ᠋ᠠᠢ ᠶᠢᠨ ᠨᠠᠰᠤᠨ ᠳᠤ ᠬᠦᠷᠬᠦ ᠶᠢᠨ ᠴᠠᠭ ᠲᠤ | ᠠᠶᠢᠯ ᠤᠨ ᠪᠡᠷᠢ ᠪᠣᠯᠭᠠᠨ ᠬᠠᠷᠢ ᠳᠤ ᠥᠭᠳᠡᠭ ᠶᠣᠰᠤᠲᠠᠢ᠃ | ᠬᠠᠯᠢᠭᠤᠨ ᠮᠠᠯᠠᠭᠠᠢ ᠶᠢ ᠬᠠᠷᠴᠠᠭᠠᠯᠠᠨ ᠡᠮᠦᠰᠬᠡᠵᠦ | ᠬᠠᠨᠢ ᠣᠯᠠᠨ ᠨᠥᠬᠦᠳ ᠢᠶᠠᠷ ᠴᠢᠨᠢ | ᠬᠠᠰᠢᠭᠤᠯᠤᠨ ᠰᠠᠭᠤᠯᠭᠠᠳᠠᠭ ᠠᠨᠤ | ᠬᠠᠨ ᠲᠥᠷᠥ ᠶᠢᠨ ᠶᠣᠰᠤᠨ ᠪᠢᠯᠡ᠂ | ᠬᠠᠶᠢᠷᠠᠲᠤ ᠠᠪᠤ ᠡᠵᠢ ᠬᠤᠶᠠᠷ ᠤᠨ ᠴᠢᠨᠢ | ᠬᠠᠶᠢᠷᠠᠯᠠᠵᠤ ᠪᠠᠶᠢᠭᠠ ᠪᠡᠯᠡᠭ ᠪᠣᠯᠪᠠᠰᠤ | ᠠᠷᠤ ᠮᠣᠩᠭᠤᠯ ᠤᠨ ᠠᠷᠢᠭᠤᠨ ᠭᠭᠢᠪ | ᠠᠷᠢᠬᠢ ᠨᠡᠷᠡᠲᠡᠢ ᠰᠠᠷᠬᠤᠳ ᠪᠠᠶᠢᠨᠠ ᠁ ᠭᠡᠬᠦ ᠮᠡᠲᠦ ᠪᠠᠷ ᠪᠡᠯᠡᠭ ᠤᠨ ᠵᠦᠢᠯ ᠢ ᠳᠠᠷᠠᠭᠠᠯᠠᠨ ᠬᠡᠯᠡᠵᠦ ᠲᠡᠭᠦᠰᠬᠡᠬᠦ | ᠳᠤ ᠬᠡᠦᠬᠡᠨ ᠬᠤᠷᠮᠤᠢ ᠳᠡᠪᠢᠰᠦᠨ ᠮᠥᠷᠭᠦᠭᠡᠳ ᠭᠠᠷ ᠳᠡᠭᠡᠷᠡᠬᠢ ᠬᠠᠳᠠᠭ ᠢᠶᠠᠨ ᠠᠪᠴᠤ ᠡᠪᠦᠷᠲᠦᠯᠡᠭᠡᠳ ᠠᠷᠢᠬᠢ ᠶᠢ | ᠨᠢ ᠮᠠᠩᠨᠠᠢ ᠳᠠᠭᠠᠨ ᠲᠦᠷᠬᠢᠭᠡᠳ ᠪᠤᠴᠠᠭᠠᠨ ᠪᠠᠷᠢᠨᠠ᠃ ᠬᠤᠷᠢᠮ ᠤᠨ ᠣᠯᠠᠨ ᠬᠤᠨᠳᠠᠭᠠ ᠡᠷᠭᠦᠨ ᠳᠠᠭᠤᠯᠠᠵᠤ ᠨᠠᠶᠢᠷ | ᠦᠷᠭᠦᠯᠵᠢᠯᠡᠨᠡ᠃ | ᠦᠳᠡᠰᠢ ᠶᠢᠨ ᠬᠠᠷᠠᠩᠭᠤᠢ ᠪᠦᠷᠦᠢ ᠪᠣᠯᠬᠤ ᠦᠶᠡ ᠳᠤ ᠬᠦᠷᠭᠡᠨ ᠬᠦᠦ᠂ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠶᠣᠰᠤ ᠪᠠᠷ | ᠬᠤᠪᠴᠠᠰᠤᠯᠠᠵᠤ ᠵᠠᠰᠠᠭᠠᠳ ᠬᠤᠳᠠ ᠶᠢᠨ ᠲᠦᠷᠦᠭᠦᠦ ᠪᠣᠯᠤᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠨᠥᠬᠦᠳ ᠰᠠᠯᠳᠡ ᠪᠠᠨ | ᠳᠠᠭᠠᠭᠤᠯᠵᠤ᠂ ᠬᠤᠶᠠᠳᠠᠬᠢ ᠤᠳᠠᠭᠠ ᠬᠠᠳᠠᠮ ᠳᠠᠭᠠᠨ ᠬᠦᠷᠭᠡᠯᠡᠵᠦ ᠢᠷᠡᠨᠡ᠃ ᠬᠦᠷᠭᠡᠨ ᠲᠠᠯᠠ᠂ ᠬᠡᠦᠬᠡᠨ ᠲᠠᠯᠠ | ᠠᠴᠠ ᠲᠤᠰᠬᠠᠶᠢᠯᠠᠨ ᠪᠡᠯᠡᠳᠬᠡᠭᠰᠡᠨ ᠭᠡᠷ ᠲᠤ ᠪᠠᠭᠤᠵᠤ ᠬᠡᠦᠬᠡᠨ ᠲᠠᠯᠠ ᠶᠢᠨ ᠬᠤᠷᠢᠮ ᠤᠨ ᠭᠡᠷ ᠲᠤ ᠣᠷᠤᠵᠤ ᠬᠤᠷᠢᠮ | ᠳᠤ ᠬᠡᠷᠡᠭᠯᠡᠬᠦ ᠠᠷᠢᠬᠢ᠂ ᠬᠠᠳᠠᠭ ᠪᠠ ᠴᠠᠭᠠᠨ ᠢᠳᠡᠭᠡᠨ᠂ ᠮᠢᠬᠠ ᠰᠢᠭᠦᠰᠦ ᠵᠡᠷᠭᠡ ᠶᠢ ᠫᠢᠯᠠ ᠲᠠᠪᠠᠭ ᠲᠤ ᠦᠷᠦᠵᠦ | ᠪᠡᠯᠡᠳᠬᠡᠭᠡᠳ ᠭᠡᠷ ᠲᠤ ᠣᠷᠤᠬᠤ ᠴᠠᠭ ᠢ ᠬᠦᠯᠢᠶᠡᠨᠡ᠃ | ᠬᠡᠦᠬᠡᠨ ᠤ ᠭᠡᠷ ︵ᠬᠠᠳᠠᠮ ᠤᠨ ᠭᠡᠷ︶ ᠠᠴᠠ ︽ᠬᠦᠷᠭᠡᠨ ᠣᠷᠤᠬᠤ ᠪᠣᠯᠤᠯᠠ︾ ᠭᠡᠬᠦᠯᠡᠷ ᠬᠤᠳᠠ ᠶᠢᠨ ᠲᠦᠷᠦᠭᠦᠦ | ᠨᠢ ᠬᠦᠷᠭᠡᠨ ᠪᠣᠯᠤᠨ ᠬᠠᠮᠲᠤ ᠢᠷᠡᠭᠰᠡᠳ ᠢᠶᠠᠨ ᠳᠠᠭᠠᠭᠤᠯᠵᠤ ᠬᠡᠦᠬᠡᠨ ᠤ ᠭᠡᠷ ᠲᠤ ᠣᠷᠤᠭᠠᠳ ᠬᠦᠷᠭᠡᠨ ᠢ ᠪᠤᠷᠬᠠᠨ | ᠳᠤ ᠵᠤᠯᠠ ᠬᠦᠵᠢ ᠪᠠᠷᠢᠭᠤᠯᠵᠤ ᠮᠥᠷᠭᠦᠭᠦᠯᠦᠭᠡᠳ ᠬᠠᠳᠠᠮ ᠠᠪᠤ ᠡᠵᠢ ᠪᠣᠯᠤᠨ ᠨᠠᠰᠤᠲᠠᠨ ᠲᠣᠮᠤᠭᠠᠲᠠᠨ ᠳᠤ ᠬᠠᠳᠠᠭ | ᠪᠠᠷᠢᠵᠤ ᠰᠠᠷᠬᠤᠳ ᠳᠡᠪᠰᠢᠭᠦᠯᠦᠨ ᠮᠥᠷᠭᠦᠵᠦ ᠨᠠᠰᠤᠲᠠᠳ ᠤᠨ ᠢᠷᠦᠭᠡᠯ ᠢ ᠬᠦᠯᠢᠶᠡᠨᠡ᠃ | ᠢᠩᠭᠢᠭᠡᠳ ᠬᠤᠶᠠᠷ ᠲᠠᠯᠠ ᠠᠷᠢᠬᠢ ᠳᠠᠷᠠᠰᠤ ᠪᠠᠨ ᠰᠦᠩ ᠨᠡᠶᠢᠯᠡᠭᠦᠯᠦᠨ᠂ ᠢᠳᠡᠭᠡᠨ ᠰᠢᠭᠦᠰᠦ ᠪᠠᠨ | ᠬᠠᠮᠲᠤᠷᠠᠭᠤᠯᠤᠨ ᠪᠠᠶᠢᠵᠤ ᠴᠤᠬᠤᠮ ᠴᠦ ︽ᠬᠢᠲᠤᠭᠠ ᠲᠠᠯᠪᠢᠯ ᠦᠭᠡᠢ ᠮᠢᠬᠠ ᠢᠳᠡᠵᠦ ᠬᠤᠨᠳᠠᠭᠠ ᠲᠠᠯᠪᠢᠯ ᠦᠭᠡᠢ | ᠠᠷᠢᠬᠢ ᠤᠤᠭᠤᠵᠤ︾ ᠦᠭᠡ ᠶᠢᠨ ᠰᠠᠶᠢᠨ ᠢ ᠶᠠᠷᠢᠯᠴᠠᠵᠤ ᠢᠷᠦᠭᠡᠯ ᠤᠨ ᠰᠠᠶᠢᠨ ᠢ ᠬᠡᠯᠡᠵᠦ ᠨᠠᠶᠢᠷᠯᠠᠨ ᠨᠠᠷᠭᠢᠯᠳᠤᠳᠠᠭ | ᠪᠢᠯᠡ᠃ ᠬᠤᠶᠠᠷ ᠲᠠᠯᠠ ᠶᠢᠨ ᠳᠠᠭᠤᠴᠢᠨ ᠳᠤ ᠳᠠᠭᠤᠤ ᠶᠢᠨ ᠳᠤᠭᠤᠷᠠ ᠳᠡᠪᠰᠢᠭᠦᠯᠬᠦ ᠳᠤ ᠳᠠᠭᠤᠴᠢᠳ ᠠᠷᠢᠬᠢ | ᠪᠠᠯᠭᠤᠨ ᠬᠤᠭᠤᠯᠠᠢ ᠵᠠᠰᠠᠨ᠂ ︽ᠡᠷᠳᠡᠨᠢ ᠠᠭᠤᠯᠠ ᠶᠢᠨ ᠪᠠᠷᠠ︾᠂ ︽ᠨᠠᠷᠢᠬᠠᠨ ᠬᠠᠯᠢᠭᠤᠨ︾ ᠁ ᠵᠡᠷᠭᠡ | ᠳᠠᠭᠤᠤ ᠨᠤᠭᠤᠳ ᠢ ᠳᠠᠭᠤᠯᠠᠨᠠ᠃ ᠡᠨᠡ ᠮᠡᠲᠦ ᠪᠠᠷ ᠰᠥᠨᠢ ᠳᠥᠯᠢ ᠪᠣᠯᠲᠠᠯᠠ ᠨᠠᠶᠢᠷᠯᠠᠭᠠᠳ ᠬᠦᠷᠭᠡᠨ ᠤ ᠲᠠᠯᠠ | ᠲᠤᠰᠬᠠᠢ ᠭᠡᠷ ᠲᠡᠭᠡᠨ ᠪᠤᠴᠠᠬᠤ ᠳᠤ ᠬᠡᠦᠬᠡᠨ ᠤ ᠲᠠᠯᠠ ᠱᠠᠭᠠ ᠠᠪᠬᠤ᠂ ᠴᠦ᠋ ᠴᠣᠬᠢᠬᠤ᠂ ᠲᠠᠷᠪᠠᠭᠠᠴᠠᠬᠤ ᠵᠡᠷᠭᠡ ᠪᠠᠷ | ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠨᠢ ᠨᠠᠭᠠᠳᠳᠠᠭ᠃ | ⑥ ᠬᠡᠦᠬᠡᠨ ᠮᠣᠷᠳᠠᠭᠤᠯᠬᠤ | ᠡᠷᠲᠡ ᠨᠠᠷᠠ ᠭᠠᠷᠬᠤ ᠠᠴᠠ ᠡᠮᠦᠨᠡ ᠬᠦᠷᠭᠡᠨ ᠤ ᠲᠠᠯᠠ ᠬᠡᠦᠬᠡᠨ ᠤ ᠭᠡᠷ ᠲᠤ ᠣᠷᠤᠵᠤ᠂ ᠴᠠᠢ ᠢᠳᠡᠭᠡ ᠬᠦᠯᠢᠶᠡᠬᠦ | ᠪᠠ ᠬᠤᠶᠠᠷ ᠲᠠᠯᠠ ᠶᠢᠨ ᠨᠠᠰᠤᠲᠠᠨ ᠳᠠᠭᠠᠨ ᠰᠢᠭᠦᠰᠦ ᠲᠠᠯᠪᠢᠵᠤ ᠠᠷᠢᠬᠢ ᠪᠠᠷᠢᠭᠠᠳ ᠬᠡᠳᠦᠨ ᠵᠡᠷᠭᠡ | ᠲᠣᠭᠤᠷᠢᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠬᠠᠳᠠᠮ ᠡᠴᠢᠭᠡ ᠨᠢ ᠨᠢᠭᠡᠨ ᠰᠤᠮᠤ ᠠᠳᠬᠤᠵᠤ ᠬᠦᠷᠭᠡᠨ ᠬᠦᠦ ᠪᠠᠨ ᠰᠦᠭᠦᠳᠬᠡᠨ | ᠤᠷᠲᠤ ᠬᠤᠷᠮᠤᠢ ᠳᠡᠭᠡᠷᠡ ᠨᠢ ᠰᠤᠮᠤ ᠪᠠᠨ ᠬᠠᠳᠬᠤᠭᠠᠳ᠄ | ᠣᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠣᠯᠲᠤᠭᠠᠢ | ᠡᠷᠲᠡ ᠳᠡᠭᠡᠷᠡ ᠴᠢᠩᠭᠢᠰ ᠬᠠᠭᠠᠨ ᠤ ᠵᠣᠬᠢᠶᠠᠨ ᠲᠣᠭᠲᠠᠭᠠᠭᠰᠠᠨ | ᠡᠳᠦᠭᠡ ᠮᠠᠨ ᠤ ᠮᠣᠩᠭᠤᠯᠴᠤᠳ ᠤᠨ ᠵᠠᠩᠰᠢᠯ ᠶᠣᠰᠤ ᠪᠠᠷ | ᠡᠩᠬᠦᠷᠡᠢ ᠬᠦᠷᠭᠡᠨ ᠬᠦᠪᠡᠭᠦᠨ ᠴᠢᠮᠡᠳᠤᠷ | ᠡᠷᠳᠡᠨᠢ ᠶᠢᠨ ᠰᠤᠮᠤ ᠱᠠᠩᠨᠠᠬᠤ ᠶᠢᠨ ᠤᠴᠢᠷ ᠪᠣᠯ | ᠁ | ᠳᠠᠶᠢᠨ ᠳᠤ ᠪᠠᠷᠢᠪᠠᠯ ᠮᠠᠩᠭᠤᠰ ᠢ ᠳᠠᠷᠤᠳᠠᠭ | ᠳᠠᠯᠠᠯᠭᠠᠨ ᠳᠤ ᠬᠢᠪᠡᠯ ᠪᠤᠶᠠᠨ ᠢ ᠬᠤᠷᠢᠶᠠᠳᠠᠭ | ᠠᠪᠠ ᠳᠤ ᠬᠡᠷᠡᠭᠯᠡᠪᠡᠯ ᠮᠡᠷᠭᠡᠨ ᠵᠡᠪᠰᠡᠭ | ᠠᠶᠠᠨ ᠳᠤ ᠬᠡᠷᠡᠭᠯᠡᠪᠡᠯ ᠬᠠᠮᠠᠭᠠᠯᠠᠬᠤ ᠵᠡᠪᠰᠡᠭ | ᠁ | ᠪᠠᠯᠪᠤ ᠶᠢᠨ ᠳᠠᠷᠬᠠᠨ ᠪᠠᠯᠪᠠᠵᠤ ᠬᠢᠭᠰᠡᠨ | ᠪᠠᠭᠠᠲᠤᠷ ᠳᠠᠷᠬᠠᠨ ᠳᠠᠪᠲᠠᠵᠤ ᠬᠢᠭᠰᠡᠨ | ᠡᠭᠦᠳᠡᠨ ᠣᠨᠤ ᠲᠠᠢ | ᠡᠷᠦᠬᠡᠨ ᠬᠤᠰᠢᠭᠤ ᠲᠠᠢ | ᠡᠭᠦᠯᠡᠨ ᠭᠡ ᠲᠠᠢ | ᠡᠷᠳᠡᠨᠢ ᠶᠢᠨ ᠴᠠᠭᠠᠨ ᠰᠤᠮᠤ ᠭᠡᠬᠦ ᠮᠡᠲᠦ ᠪᠠᠷ ᠢᠷᠦᠭᠡᠭᠡᠳ ᠰᠤᠮᠤ ᠪᠠᠨ ᠬᠦᠷᠭᠡᠨ ᠳᠡᠭᠡᠨ ᠥᠭᠬᠦ ᠳᠤ ᠬᠦᠷᠭᠡᠨ ᠨᠢ | ᠲᠣᠰᠤᠨ ᠠᠪᠴᠤ ᠮᠥᠷᠭᠦᠨᠡ᠃ ᠬᠠᠳᠠᠮ ᠡᠬᠡ ᠨᠢ ᠦᠨᠳᠤᠰᠤᠨ ᠠᠶᠠᠭᠠᠨ ᠳᠤ ᠰᠦ ᠬᠢᠵᠦ ᠪᠠᠷᠢᠬᠤ ᠳᠤ ᠬᠦᠷᠭᠡᠨ | ᠬᠦᠦ ᠬᠥᠯ ᠲᠠᠲᠠᠨ ᠬᠦᠯᠢᠶᠡᠵᠦ ᠬᠤᠷᠮᠤᠢ ᠳᠡᠪᠢᠰᠦᠨ ᠮᠥᠷᠭᠦᠵᠦ ᠰᠦ ᠶᠢ ᠨᠢ ᠤᠤᠭᠤᠭᠠᠳ ᠠᠶᠠᠭᠠ ᠶᠢ ᠨᠢ | ᠡᠪᠦᠷᠲᠦᠯᠡᠨᠡ᠃ | ᠢᠩᠭᠢᠭᠡᠳ ᠬᠦᠷᠭᠡᠨ ᠭᠠᠷᠴᠤ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠰᠠᠭᠠᠳᠠᠭ ᠨᠤᠮᠤ ᠪᠠᠨ ᠠᠪᠴᠤ | ᠠᠭᠰᠠᠭᠠᠳ ᠮᠣᠷᠢᠨ ᠳᠠᠭᠠᠨ ᠮᠣᠷᠳᠠᠮᠠᠭᠴᠠ ᠬᠤᠷᠳᠤᠯᠠᠨ ᠳᠠᠪᠬᠢᠨᠠ᠃ ᠡᠨᠡ ᠦᠶᠡ ᠳᠤ ᠬᠦᠷᠭᠡᠨ ᠤ ᠨᠠᠷᠠ ᠪᠤᠯᠢᠶᠠᠬᠤ | ᠭᠡᠵᠤ ᠬᠡᠦᠬᠡᠨ ᠲᠠᠯᠠ ᠠᠴᠠ ᠬᠤᠷᠳᠤᠨ ᠮᠣᠷᠢ ᠲᠠᠢ ᠬᠥᠮᠥᠨ ᠬᠦᠷᠭᠡᠨ ᠢ ᠬᠥᠭᠡᠭᠡᠵᠦ ᠭᠦᠢᠴᠡᠬᠦ ᠪᠠᠷ ᠶᠠᠭᠠᠷᠠᠯᠳᠤᠨᠠ᠃ | ᠮᠥᠨ ᠬᠦᠷᠭᠡᠨ ᠲᠠᠯᠠ ᠶᠢᠨ ᠬᠡᠳᠦᠨ ᠵᠠᠯᠠᠭᠤᠴᠤᠳ ᠬᠡᠦᠬᠡᠨ ᠢ ᠪᠤᠯᠢᠶᠠᠭᠰᠠᠨ ᠪᠣᠯᠵᠤ ᠰᠢᠨᠡ ᠴᠠᠭᠠᠨ ᠢᠰᠡᠭᠡᠢ | ᠳᠡᠪᠢᠰᠦᠭᠰᠡᠨ ᠪᠣᠱᠤᠭᠠᠨ ᠳᠡᠭᠡᠭᠦᠷ ᠠᠪᠤᠨ ᠭᠠᠷᠤᠭᠠᠳ ᠮᠣᠷᠢᠨ ᠳᠤᠨᠢ ᠮᠣᠷᠳᠠᠭᠤᠯᠳᠠᠭ᠃ ᠡᠨᠡ ᠦᠶᠡ ᠳᠤ ᠬᠡᠦᠬᠡᠨ | ᠮᠣᠷᠳᠠᠬᠤ ᠪᠠᠷᠰ ᠴᠠᠭ ᠪᠣᠯᠤᠭᠰᠠᠨ ᠪᠠᠶᠢᠳᠠᠭ᠃ ᠡᠭᠦᠨ ᠢ ᠬᠡᠦᠬᠡᠨ ᠮᠣᠷᠳᠠᠭᠤᠯᠬᠤ ᠭᠡᠳᠡᠭ᠃ | ⑦ ᠬᠡᠦᠬᠡᠨ ᠬᠦᠷᠭᠡᠬᠦ | ᠬᠡᠦᠬᠡᠨ ᠬᠦᠷᠭᠡᠬᠦ ᠳᠤ ᠡᠴᠢᠭᠡ ᠨᠢ ᠣᠴᠢᠳᠠᠭ ᠦᠭᠡᠢ᠃ ᠠᠪᠠᠭᠠ᠂ ᠠᠬᠠ᠂ ᠨᠠᠭᠠᠴᠤ᠂ ᠡᠬᠡ᠂ ᠬᠤᠳᠠ ᠶᠢᠨ | ᠲᠦᠷᠦᠭᠦᠦ᠂ ᠨᠠᠶᠢᠵᠠ ᠨᠥᠬᠦᠳ ᠨᠢ ᠣᠴᠢᠳᠠᠭ᠃ ᠮᠥᠨ ᠬᠡᠦᠬᠡᠨ ᠤ ᠢᠨᠵᠢ ᠭᠡᠵᠤ ᠠᠳᠤᠭᠤ᠂ ᠦᠬᠡᠷ᠂ ᠬᠤᠨᠢ | ᠥᠭᠬᠦ ᠠᠴᠠ ᠭᠠᠳᠠᠨᠠ ᠡᠳ᠋ ᠪᠠᠷᠠᠭᠠ᠂ ᠡᠷᠬᠢᠨᠡᠭ ᠲᠡᠷᠭᠡ ᠥᠭᠳᠡᠭ᠃ | ᠬᠦᠷᠭᠡᠨ ᠲᠠᠯᠠ ᠳᠤ ᠣᠴᠢᠮᠠᠭᠴᠠ ᠬᠡᠦᠬᠡᠨ ᠢ ᠮᠣᠷᠢᠨ ᠳᠡᠭᠡᠷᠡ ᠠᠴᠠ ᠡᠷᠭᠦᠨ ᠪᠠᠭᠤᠯᠭᠠᠵᠤ᠂ ︽ᠦᠰᠦ | ᠬᠠᠭᠠᠯᠬᠤ ᠭᠡᠷ︾ ᠲᠤ ᠣᠷᠤᠭᠤᠯᠵᠤ ᠭᠠᠭᠴᠠ ᠭᠦᠷᠦᠭᠰᠡᠨ ᠦᠰᠦ ᠶᠢ ᠨᠢ ᠬᠤᠶᠠᠷ ᠲᠠᠶᠢᠰᠢ ᠬᠠᠭᠠᠯᠵᠤ᠂ | ᠬᠠᠪᠴᠢᠭᠤᠷ᠂ ᠲᠠᠲᠠᠭᠤᠷ᠂ ᠬᠠᠷᠠ ᠬᠢᠯᠢᠩ ᠮᠠᠯᠠᠭᠠᠢ᠂ ᠠᠪᠠᠭᠠᠢ ᠳᠡᠪᠡᠯ᠂ ᠤᠤᠵᠢ ᠡᠮᠦᠰᠬᠡᠵᠦ ᠬᠤᠪᠴᠠᠰᠤᠯᠠᠨᠠ᠃ | ⑧ ᠪᠠᠷᠠᠭᠠ ᠬᠤᠷᠢᠶᠠᠬᠤ | ᠪᠠᠷᠠᠭᠠ ᠬᠤᠷᠢᠶᠠᠬᠤ ᠪᠣᠯ ᠬᠡᠦᠬᠡᠨ ᠤ ᠵᠠᠰᠠᠯ ᠤᠨ ᠬᠤᠪᠴᠠᠰᠤ ᠪᠠ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ ᠬᠦᠷᠭᠡᠨ ᠤ ᠭᠡᠷ ᠲᠤ | ᠣᠷᠤᠭᠤᠯᠤᠨ ᠣᠯᠠᠨ ᠤ ᠨᠢᠳᠦᠨ ᠳᠤ ᠦᠵᠡᠭᠦᠯᠦᠨ ᠲᠡᠭᠰᠢᠯᠡᠨ ᠲᠠᠯᠪᠢᠬᠤ ᠶᠢ ᠬᠡᠯᠡᠨᠡ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠬᠢᠷᠢ | ᠵᠡᠷᠭᠡ ᠶᠢᠨ ᠪᠠᠷᠠᠭᠠ ᠲᠠᠢ ᠪᠡᠷᠢ ᠪᠠᠭᠤᠭᠰᠠᠨ ᠢ ᠣᠯᠠᠨ ᠳᠤ ᠦᠵᠡᠭᠦᠯᠦᠨᠡ᠃ | ⑨ ᠰᠢᠨᠡ ᠪᠡᠷᠢ ᠶᠢ ᠰᠢᠨᠡ ᠭᠡᠷ ᠲᠤ ᠣᠷᠤᠭᠤᠯᠬᠤ | ᠪᠠᠷᠤᠭ ᠮᠣᠷᠢᠨ ᠴᠠᠭ ᠤᠨ ᠡᠬᠢ ᠪᠠᠷ ᠬᠦᠷᠭᠡᠨ ᠤ ᠬᠤᠳᠠ ᠶᠢᠨ ᠲᠦᠷᠦᠭᠦᠦ ︽ᠴᠠᠭ ᠪᠣᠯᠤᠯᠠ︾ ᠭᠡᠵᠤ ᠭᠤᠷᠪᠠᠨᠲᠠ | ᠳᠠᠭᠤᠳᠠᠭᠰᠠᠨ ᠤ ᠳᠠᠷᠠᠭᠠ ᠰᠢᠨᠡ ᠪᠡᠷᠢ ᠶᠢᠨ ᠨᠢᠭᠤᠷ ᠢ ᠪᠦᠲᠡᠭᠡᠵᠦ᠂ ᠢᠪᠡᠭᠡᠯ ᠵᠢᠯ ᠲᠠᠢ ᠡᠮᠡᠭᠲᠡᠢ ᠬᠥᠮᠥᠨ ᠢᠶᠠᠷ | ᠳᠠᠭᠠᠭᠤᠯᠵᠤ ᠬᠦᠷᠭᠡᠨ ᠤ ᠭᠡᠷ ᠤᠨ ᠳᠡᠷᠭᠡᠳᠡ ᠬᠦᠷᠴᠦ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠬᠤᠶᠠᠷ ᠭᠠᠷ ᠢᠶᠠᠨ ᠨᠠᠮᠠᠨᠴᠢᠯᠠᠨ ᠭᠡᠷ | ᠠᠴᠠ ᠠᠳᠢᠰ ᠠᠪᠤᠨᠠ᠃ ᠮᠠᠯᠠᠭᠠᠢ ᠪᠠᠨ ᠡᠮᠦᠰᠦᠭᠡᠳ ᠭᠡᠷ ᠲᠤ ᠣᠷᠤᠵᠤ ᠡᠭᠦᠳᠡᠨ ᠳᠤ ᠵᠣᠭᠰᠤᠨᠠ᠃ | ᠬᠦᠷᠭᠡᠨ ᠲᠠᠯᠠ ᠶᠢᠨ ᠲᠣᠮᠤᠭᠠᠲᠠᠨ ᠠᠴᠠ ᠨᠢᠭᠡᠨ ᠬᠥᠮᠥᠨ ᠪᠠᠷᠠᠭᠤᠨ ᠭᠠᠷ ᠲᠠᠭᠠᠨ ᠸᠴᠢᠷ᠂ ᠵᠡᠭᠦᠨ ᠭᠠᠷ ᠲᠤ ᠪᠠᠨ | ᠬᠤᠩᠬᠤ ᠪᠠᠷᠢᠵᠤ ᠭᠠᠯ ᠤᠨ ᠢᠷᠦᠭᠡᠯ ᠤᠩᠰᠢᠵᠤ ᠰᠢᠨᠡ ᠪᠡᠷᠢ ᠶᠢ ᠭᠠᠯ ᠳᠤ ᠮᠥᠷᠭᠦᠭᠦᠯᠦᠨᠡ᠃ ᠡᠭᠦᠨ ᠤ ᠳᠠᠷᠠᠭᠠ | ᠰᠢᠨᠡ ᠪᠠᠷᠢ ᠬᠠᠳᠠᠮ ᠡᠬᠡ ᠡᠴᠢᠭᠡ᠂ ᠨᠠᠰᠤᠲᠠᠨ ᠲᠣᠮᠤᠭᠠᠲᠠᠨ ᠳᠤ ᠮᠥᠷᠭᠦᠵᠦ᠂ ᠴᠠᠢ ᠠᠶᠠᠭᠠᠯᠠᠵᠤ ᠢᠳᠡᠭᠡ | ᠲᠠᠯᠪᠢᠨᠠ᠃ | ᠢᠩᠭᠢᠭᠡᠳ ᠬᠦᠷᠭᠡᠨ ᠲᠠᠯᠠ ᠶᠢᠨ ᠨᠠᠶᠢᠷ ᠡᠬᠢᠯᠡᠵᠦ ᠨᠠᠶᠢᠷ ᠤᠨ ᠳᠤᠮᠳᠠ ᠬᠡᠦᠬᠡᠨ ᠤ ᠲᠠᠯᠠ ᠢᠨᠵᠢ ᠮᠡᠳᠡᠭᠦᠯᠦᠨᠡ᠂ | ᠮᠥᠨ ᠬᠤᠶᠠᠷ ᠲᠠᠯᠠ ᠠᠴᠠ ᠪᠠᠨ ᠬᠦᠷᠭᠡᠨ ᠬᠡᠦᠬᠡᠨ ᠳᠤ ᠪᠡᠯᠡᠭ ᠰᠡᠯᠡᠭ ᠢᠶᠠᠨ ᠥᠭᠭᠦᠭᠡᠳ ᠨᠠᠶᠢᠷ ᠥᠨᠳᠦᠷᠯᠡᠨᠡ᠃ | ⑩ ᠪᠤᠯᠤᠩ ᠨᠠᠶᠢᠷ | ᠬᠤᠶᠠᠷ ᠲᠠᠯᠠ ᠶᠢᠨ ᠠᠬᠠᠮᠠᠳ ᠲᠣᠮᠤᠭᠠᠲᠠᠨ ᠪᠣᠯᠤᠨ ᠬᠦᠷᠭᠡᠨ ᠬᠡᠦᠬᠡᠨ ᠤ ᠲᠥᠷᠥᠯ ᠰᠠᠳᠤᠨ ᠬᠤᠨᠤᠬᠤ ᠶᠣᠰᠤ ᠲᠠᠢ | ᠲᠤᠯᠠ ᠡᠳᠡᠭᠡᠷ ᠵᠣᠴᠢᠳ ᠢ ᠲᠤᠰᠬᠠᠢ ᠭᠡᠷ ᠲᠤ ᠤᠷᠢᠵᠤ᠂ ᠶᠡᠭᠡ ᠬᠤᠷᠢᠮ ᠤᠨ ᠳᠠᠷᠠᠭᠠ ᠪᠠᠭᠠ ᠬᠤᠷᠢᠮ ᠪᠡᠯᠡᠳᠬᠡᠵᠦ᠂ | ᠠᠭᠤᠯᠭᠠ ᠨᠢ ᠬᠤᠮᠰᠠᠬᠠᠨ᠂ ᠴᠠᠭ ᠨᠢ ᠠᠭᠤᠵᠢᠭᠤ ᠪᠠᠶᠢᠵᠤ ᠬᠤᠶᠠᠷ ᠬᠡᠦᠬᠡᠳ ᠤᠨ ᠬᠤᠷᠢᠮ ᠤᠨ ᠶᠠᠪᠤᠳᠠᠯ | ᠰᠡᠳᠬᠢᠯᠴᠢᠯᠡᠨ ᠪᠦᠲᠦᠵᠦ᠂ ᠨᠠᠶᠢᠷ ᠬᠤᠷᠢᠮ ᠨᠢ ᠰᠠᠶᠢᠨ ᠰᠠᠶᠢᠬᠠᠨ ᠲᠡᠭᠦᠰᠴᠦ ᠦᠷᠡ ᠬᠡᠦᠬᠡᠳ ᠤᠨ ᠶᠡᠭᠡ ᠶᠠᠪᠤᠳᠠᠯ | ᠥᠯᠵᠡᠢ ᠪᠡᠯᠭᠡ ᠲᠡᠭᠦᠯᠳᠡᠷ ᠪᠣᠯᠤᠭᠰᠠᠨ ᠢ ᠪᠡᠯᠭᠡᠯᠡᠵᠦ ᠬᠢᠭᠰᠡᠨ ᠨᠠᠶᠢᠷ ᠢᠶᠠᠨ ︽ᠪᠤᠯᠤᠩ ᠨᠠᠶᠢᠷ︾ ᠭᠡᠳᠡᠭ᠃ | ᠡᠷᠬᠢᠯᠲᠡ ᠪᠣᠯᠤᠨ ᠠᠶᠢᠯᠴᠢ | ᠬᠡᠦᠬᠡᠨ ᠠᠶᠢᠯ ᠳᠤ ᠮᠣᠷᠳᠠᠭᠰᠠᠨ ᠤ ᠳᠠᠷᠠᠭᠠ ᠬᠡᠦᠬᠡᠨ ᠢᠶᠠᠨ ᠬᠦᠷᠭᠡᠵᠦ ᠣᠴᠢᠭᠰᠠᠨ ᠡᠬᠡ᠂ ᠬᠦᠷᠭᠡᠨ ᠤ ᠳᠤ ᠪᠠᠨ | ᠭᠤᠷᠪᠠ ᠬᠤᠨᠤᠭᠠᠳ ᠪᠤᠴᠠᠳᠠᠭ᠃ ᠡᠴᠢᠭᠡ ᠨᠢ᠂ ᠡᠬᠡ ᠶᠢᠨ ᠶᠠᠪᠤᠭᠰᠠᠨ ᠡᠳᠦᠷ ᠣᠴᠢᠵᠤ ᠬᠤᠨᠤᠭᠠᠳ ᠢᠷᠡᠳᠡᠭ᠃ | ᠡᠭᠦᠨ ᠢ ᠭᠤᠷᠪᠠ ᠬᠤᠨᠤᠭ ᠤᠨ ᠡᠷᠬᠢᠯᠲᠡ ᠭᠡᠳᠡᠭ᠃ ᠮᠥᠨ ᠰᠠᠷᠠ ᠶᠢᠨ ᠳᠤᠮᠳᠠᠭᠤᠷ ᠠᠶᠢᠯᠴᠢ᠂ ᠰᠠᠷᠠ ᠶᠢᠨ | ᠠᠶᠢᠯᠴᠢ ᠭᠡᠳ ᠬᠡᠦᠬᠡᠨ ᠢᠶᠠᠨ ᠡᠷᠭᠢᠳᠡᠭ ᠪᠤᠶᠤ ᠬᠡᠦᠬᠡᠨ ᠨᠢ ᠲᠥᠷᠬᠦᠮ ᠳᠡᠭᠡᠨ ᠡᠷᠭᠢᠵᠦ ᠣᠴᠢᠳᠠᠭ ᠵᠠᠩ ᠵᠢᠷᠤᠮ | ᠪᠠᠶᠢᠳᠠᠭ᠃ ︵ᠦᠷᠭᠦᠯᠵᠢᠯᠡᠯ ᠨᠢ ᠳᠠᠷᠠᠭᠠᠴᠢ ᠶᠢᠨ ᠳ᠋ᠤᠭᠠᠷ ᠲᠤ ᠪᠣᠢ︶ | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠤᠯᠤᠰ | ᠲᠥᠷᠥ ᠶᠢᠨ ᠵᠥᠪᠯᠡᠯᠭᠡᠨ ᠤ ᠰᠣᠶᠤᠯ ᠲᠡᠦᠬᠡ ᠰᠤᠳᠤᠯᠬᠤ ᠠᠯᠪᠠᠨ ᠭᠡᠷ |