ᠪᠦᠰᠡᠭᠦᠢ ᠬᠥᠮᠥᠨ ᠵᠣᠯᠭᠠᠬᠤ ᠳᠠᠭᠠᠨ ᠪᠡᠶᠡ ᠪᠠᠨ ᠲᠥᠪ ᠪᠣᠯᠭᠠᠵᠤ᠂ ᠬᠤᠶᠠᠷ ᠭᠠᠷ ᠢᠶᠠᠨ ᠳᠣᠷᠤᠭᠰᠢ | ᠤᠨᠵᠢᠭᠤᠯᠤᠨ ᠲᠣᠬᠤᠢ ᠠᠴᠠ ᠤᠷᠤᠭᠰᠢ ᠦᠶᠡ ᠪᠠᠨ ᠪᠠᠭ᠋ᠠᠨ ᠡᠷᠭᠦᠰᠬᠢᠵᠦ᠂ ᠬᠥᠯ ᠲᠠᠲᠠᠬᠤ ᠦᠭᠡᠢ ᠪᠠᠷ ᠨᠢᠷᠤᠭᠤ | ᠪᠠᠨ ᠪᠦᠬᠦᠶᠢᠰᠬᠢᠯᠭᠡᠨ᠂ ᠬᠤᠶᠠᠷ ᠭᠠᠷ ᠢᠶᠠᠨ ᠳᠡᠯᠭᠡᠨ ︽ᠠᠮᠤᠷ ᠪᠠᠶᠢᠨᠠ ᠤᠤ︖︾ ᠭᠡᠵᠤ ᠮᠡᠨᠳᠦᠯᠡᠭᠡᠳ ᠬᠤᠷᠮᠤᠢ | ᠳᠡᠪᠢᠰᠦᠨ ᠮᠥᠷᠭᠦᠭᠡᠳ ᠭᠠᠷ ᠵᠥᠷᠢᠭᠦᠯᠡᠨ ᠵᠣᠯᠭᠠᠳᠠᠭ᠃ ᠨᠠᠰᠤ ᠣᠶᠢᠷᠠ ᠬᠥᠮᠥᠰ ᠪᠠᠰᠠ ᠭᠠᠷ ᠵᠥᠷᠢᠭᠦᠯᠡᠨ ᠬᠠᠳᠠᠭ | ᠰᠣᠯᠢᠯᠴᠠᠨᠠ᠃ ᠬᠠᠷᠢᠨ ᠨᠢᠭᠡ ᠭᠡᠷ ᠤᠨ ᠠᠪᠠᠭᠠᠢ ᠠᠬᠠᠢ ᠬᠤᠶᠠᠷ ᠬᠠᠷᠢᠯᠴᠠᠨ ᠵᠣᠯᠭᠠᠬᠤ ᠦᠭᠡᠢ ᠶᠤᠮ᠃ | ᠭᠡᠷ ᠤᠨ ᠵᠣᠯᠭᠠᠯᠲᠠ ᠪᠠᠷᠠᠪᠠᠯ᠂ ᠬᠥᠦ ᠪᠡᠷᠢᠶᠡᠳ ᠨᠢ ᠨᠠᠰᠤᠲᠠᠨ ᠪᠣᠯᠣᠨ ᠠᠪᠤ ᠡᠵᠢ ᠳᠡᠭᠡᠨ ᠴᠠᠢ ᠪᠠᠷᠢᠨ ᠢᠳᠡᠭᠡ | ᠲᠠᠯᠪᠢᠵᠤ ᠴᠠᠭᠠᠯᠠᠭᠠ ᠠᠶᠠᠭᠠᠯᠠᠵᠤ ᠠᠷᠢᠬᠢ ᠰᠦᠩᠨᠡᠨ ᠬᠠᠳᠠᠭ ᠪᠠᠷᠢᠵᠤ ᠮᠥᠷᠭᠦᠨᠡ᠂ ᠨᠠᠰᠤᠲᠠᠨ ᠨᠠᠷ ᠨᠢ ᠢᠷᠦᠭᠡᠯ | ᠬᠠᠶᠢᠷᠠᠯᠠᠬᠤ ᠪᠥᠭᠡᠳ ᠴᠠᠭᠠᠨ ᠰᠠᠷᠠ ᠶᠢᠨ ᠪᠡᠯᠡᠭ ᠭᠡᠵᠤ ᠶᠧᠪᠢᠩ ᠪᠣᠭᠤᠷᠰᠤᠭ᠂ ᠲᠤᠷᠭᠠ ᠳᠤᠷᠳᠤᠩ ᠵᠡᠷᠭᠡ ᠶᠢ | ᠬᠡᠦᠬᠡᠳ ᠠᠴᠢ ᠨᠠᠷ ᠲᠠᠭᠠᠨ ᠲᠦᠭᠡᠭᠡᠨ ᠥᠭᠳᠡᠭ ᠵᠠᠩᠰᠢᠯ ᠲᠠᠢ᠃ | ᠨᠠᠷᠠ ᠭᠠᠷᠬᠤ ᠲᠠᠢ ᠰᠠᠴᠠᠭᠤ ᠡᠷᠡᠭᠲᠡᠶᠢᠴᠦᠳ ᠮᠣᠷᠲᠠᠵᠤ ︽ᠵᠦᠭ ᠭᠠᠷᠭᠠᠬᠤ︾ ᠶᠠᠪᠤᠳᠠᠯ ᠪᠠᠶᠢᠳᠠᠭ᠃ ᠡᠨᠡ ᠨᠢ | ᠬᠥᠮᠥᠨ ᠪᠦᠬᠦᠨ ᠤ ᠨᠠᠰᠤ ᠵᠢᠯ ᠠᠳᠠᠯᠢ ᠦᠭᠡᠢ ᠲᠤᠯᠠ ︽ᠨᠠᠢᠮᠠᠨ ᠰᠠᠭᠤᠳᠠᠯ︾ ᠭᠡᠳᠡᠭ ᠦᠵᠡᠯᠭᠡ ᠶᠢᠨ ᠪᠢᠴᠢᠭ ᠢ | ᠦᠨᠳᠦᠰᠦᠯᠡᠵᠦ ︽ᠴᠤᠭ ᠬᠡᠶᠢᠮᠣᠷᠢ︾ ᠵᠦᠭ ᠲᠤ ᠮᠣᠷᠳᠠᠵᠤ ᠬᠡᠳᠦᠨ ᠵᠠᠭᠤᠨ ᠮᠧᠲᠷ ᠬᠢᠷᠢ ᠳᠠᠪᠬᠢᠵᠤ ᠨᠠᠷᠠ ᠵᠦᠭ | ᠡᠷᠬᠢᠨ ︽ᠬᠡᠰᠢᠭ ᠪᠤᠶᠠᠨ︾ ᠤ ᠵᠦᠭ ᠠᠴᠠ ᠪᠠᠨ ᠪᠤᠴᠠᠨ ᠢᠷᠡᠵᠦ ᠭᠡᠷ ᠤᠨ ᠭᠠᠳᠠᠨᠠ ᠪᠠᠨ ᠪᠠᠭᠤᠨᠠ᠃ ᠡᠭᠦᠨ | ᠢᠶᠠᠨ ᠨᠢᠭᠡ ᠵᠢᠯ ᠤᠨ ᠡᠬᠢᠨ ᠤ ᠮᠣᠷᠳᠠᠯᠲᠠ ᠪᠣᠯᠭᠠᠨ ︽ᠬᠡᠶᠢᠮᠣᠷᠢ︾ ᠪᠠᠨ ᠰᠡᠷᠭᠦᠭᠡᠵᠦ ᠪᠠᠶᠢᠨᠠ ᠭᠡᠵᠤ ᠦᠵᠡᠳᠡᠭ᠃ | ︽ᠵᠦᠭ ᠭᠠᠷᠭᠠᠵᠤ︾ ᠢᠷᠡᠭᠡᠳ ᠡᠷᠡᠭᠲᠡᠶᠢᠴᠦᠳ ᠪᠣᠯᠤᠨ ᠬᠡᠦᠬᠡᠨᠴᠦᠳ ᠠᠶᠢᠯ ᠢᠶᠠᠷ ᠲᠣᠭᠤᠷᠢᠨ ᠰᠢᠨᠡᠯᠡᠬᠦ ᠪᠠᠷ | ᠮᠣᠷᠳᠠᠵᠠᠭᠠᠨᠠ᠃ | ᠠᠶᠢᠯ ᠢᠶᠠᠷ ᠴᠠᠭᠠᠯᠠᠬᠤ ᠬᠥᠮᠥᠰ ᠲᠥᠷᠥᠯ ᠰᠠᠳᠤᠨ ᠪᠤᠶᠤ ᠬᠠᠮᠤᠭ ᠤᠨ ᠣᠶᠢᠷᠠ ᠬᠦᠷᠰᠢ ᠠᠶᠢᠯ ᠠᠴᠠ ᠪᠠᠨ ᠡᠬᠢᠯᠡᠨ | ᠰᠢᠨᠡᠯᠡᠨᠡ᠃ ᠠᠶᠢᠯ ᠳᠤ ᠰᠢᠨᠡᠯᠡᠬᠦ ᠳᠡᠭᠡᠨ ᠭᠡᠷ ᠲᠤ ᠣᠷᠤᠮᠠᠭᠴᠠ ᠥᠪᠡᠷ ᠠᠴᠠ ᠪᠠᠨ ᠨᠠᠰᠤ ᠠᠬᠠ ᠬᠥᠮᠥᠨ ᠪᠦᠬᠦᠨ | ᠳᠤ ᠬᠥᠯ ᠲᠠᠲᠠᠨ ︽ᠠᠮᠤᠷ ᠪᠠᠶᠢᠨᠠ ᠤᠤ︖ ᠠᠮᠤᠷ ᠪᠠᠶᠢᠨᠠ ᠤᠤ︖︾ ᠭᠡᠵᠤ ᠠᠮᠤᠷ ᠡᠷᠢᠬᠦ ᠳᠤ ᠠᠶᠢᠯ ᠤᠨ | ᠨᠠᠰᠤᠲᠠᠨ ︽ᠮᠡᠨᠳᠦ ᠤᠤ︖︾ ᠭᠡᠵᠤ ᠬᠠᠷᠢᠭᠤ ᠮᠡᠨᠳᠦᠯᠡᠬᠦᠯᠡᠷ᠂ ᠬᠠᠮᠤᠭ ᠲᠣᠮᠤᠭᠠᠲᠠᠢ ᠠᠴᠠ ᠨᠢ ᠡᠬᠢᠯᠡᠨ ᠴᠠᠭᠠᠨ | ᠬᠠᠳᠠᠭ ᠪᠠᠷᠢᠵᠤ ᠬᠤᠷᠮᠤᠢ ᠳᠡᠪᠢᠰᠦᠨ ᠮᠥᠷᠭᠦᠬᠦ ᠳᠤ ᠲᠡᠳᠡ ︽ᠵᠧ ᠡ︕ ᠪᠤᠭᠤᠷᠤᠯ ᠪᠣᠯᠵᠤ ᠪᠤᠶᠠᠨ ᠲᠠᠢ ᠵᠢᠷᠭᠠ︕ | ︾᠂ ︽ᠡᠷᠳᠡᠮ ᠪᠢᠴᠢᠭ ᠲᠠᠢ ᠬᠥᠮᠥᠨ ᠪᠣᠯᠵᠤ ᠡᠵᠡᠨ ᠲᠥᠷᠥ ᠳᠡᠭᠡᠨ ᠵᠢᠳᠬᠦᠵᠦ ᠶᠠᠪᠤ︕︾᠂ ︽ᠵᠧ ᠡ︕ | ᠠᠯᠪᠠ ᠪᠠᠨ ᠬᠢᠴᠢᠶᠡᠵᠦ ᠨᠣᠶᠠᠨ ᠪᠣᠯ︕ ᠠᠵᠢᠯ ᠢᠶᠠᠨ ᠬᠢᠴᠢᠶᠡᠵᠦ ᠪᠠᠶᠠᠨ ᠪᠣᠯ︕︾ ᠭᠡᠬᠦ ᠮᠡᠲᠦ ᠪᠠᠷ ᠬᠥᠮᠥᠨ ᠤ | ᠪᠠᠶᠢᠳᠠᠯ ᠢ ᠦᠵᠡᠵᠦ ᠠᠳᠠᠯᠢ ᠪᠤᠰᠤ ᠪᠠᠷ ᠢᠷᠦᠭᠡᠭᠡᠳ ᠬᠤᠶᠠᠷ ᠦᠨᠦᠰᠦᠨᠡ᠃ ᠬᠠᠮᠲᠦ ᠶᠠᠪᠤᠭᠰᠠᠳ ᠴᠦ ᠳᠡᠰ | ᠳᠠᠷᠠᠭᠠ ᠪᠠᠷ ᠢᠶᠠᠨ ︽ᠮᠠᠯ ᠰᠦᠷᠦᠭ ᠠᠮᠤᠷᠬᠠᠨ ᠪᠠᠶᠢᠨᠠ ᠤᠤ︖ ᠮᠠᠯ ᠰᠦᠷᠦᠭ ᠠᠮᠤᠷᠬᠠᠨ ᠪᠠᠶᠢᠨᠠ ᠤᠤ︖︾ | ᠭᠡᠬᠦ ᠳᠤ ᠨᠠᠰᠤᠲᠠᠨ ᠲᠠᠮᠠᠬᠢᠯᠠᠬᠤ ᠳᠠᠭᠠᠨ ︽ᠣᠨ ᠵᠢᠯ ᠳᠤ ᠠᠮᠤᠷᠬᠠᠨ ᠣᠷᠤᠪᠠ ᠤᠤ︖ ᠰᠠᠷᠠ ᠰᠢᠨᠡ ᠳᠤ | ᠰᠠᠶᠢᠬᠠᠨ ᠰᠢᠨᠡᠯᠡᠪᠠ ᠤᠤ︖︾᠂ ︽ᠮᠡᠨᠳᠦ ᠡ︕ ᠵᠢᠯ ᠳᠤ ᠠᠮᠤᠷᠬᠠᠨ᠂ ᠮᠡᠨᠲᠦ ᠡ︕ ᠰᠠᠷᠠ ᠰᠢᠨᠡ ᠳᠤ | ᠰᠠᠶᠢᠬᠠᠨ︕︾ ᠭᠡᠵᠡᠭᠡᠵᠦ ᠬᠠᠷᠢᠯᠴᠠᠨ ᠬᠥᠬᠦᠷ ᠢᠶᠠᠨ ᠰᠣᠯᠢᠯᠴᠠᠵᠤ ᠦᠨᠦᠷᠲᠦᠭᠡᠳ ᠮᠠᠯ ᠤᠨ ᠮᠡᠨᠳᠦ ᠮᠡᠳᠡᠯᠴᠡᠨᠡ᠃ | ᠠᠶᠢᠯ ᠪᠣᠯᠭᠠᠨ ᠴᠠᠢ᠂ ᠢᠳᠡᠭᠡ᠂ ᠴᠠᠭᠠᠯᠠᠭᠠ ᠠᠶᠠᠭᠠᠯᠠᠵᠤ᠂ ᠪᠡᠯᠡᠭ ᠰᠡᠯᠡᠭ ᠢᠶᠠᠨ ᠥᠭᠴᠦ ᠵᠣᠴᠢᠳ ᠢᠶᠠᠨ | ᠮᠣᠷᠳᠠᠭᠤᠯᠤᠨᠠ᠃ ᠢᠩᠭᠢᠵᠦ ᠴᠠᠭᠠᠨ ᠰᠠᠷᠠ ᠶᠢᠨ ᠴᠠᠭᠠᠯᠠᠬᠤ ᠶᠣᠰᠤᠨ ᠤᠯᠠᠮᠵᠢᠯᠠᠯᠲᠤ ᠶᠣᠰᠤ ᠪᠠᠷ ᠢᠶᠠᠨ | ᠶᠠᠪᠤᠭᠳᠠᠳᠠᠭ᠃ | ⒉ ᠤᠷᠤᠭ ᠬᠤᠷᠢᠮ ᠤᠨ ᠵᠠᠩ ᠦᠢᠯᠡ | ᠡᠨᠡᠬᠦ ᠤᠷᠤᠭ ᠬᠤᠷᠢᠮ ᠤᠨ ᠶᠣᠰᠤᠨ ᠨᠢ ᠬᠠᠭᠤᠴᠢᠨ ᠤ ᠤᠯᠠᠮᠵᠢᠯᠠᠯᠲᠤ ᠬᠤᠷᠢᠮ ᠤᠨ ᠶᠣᠰᠤᠨ ᠲᠤᠯᠠ ᠰᠠᠶᠢᠨ | ᠳᠤᠷᠠ ᠶᠢᠨ ᠬᠤᠷᠢᠮ ᠤᠨ ᠶᠣᠰᠤᠨ ᠲᠠᠢ ᠵᠦᠢᠷᠯᠡᠪᠡᠯ ᠬᠤᠴᠤᠷᠤᠩᠭᠤᠢ ᠵᠦᠢᠯ ᠴᠦ ᠨᠡᠯᠢᠶᠡᠳ ᠪᠠᠶᠢᠳᠠᠭ᠃ | ⑴ ᠥᠬᠢᠨ ᠭᠤᠶᠤᠬᠤ | ᠡᠴᠢᠭᠡ ᠡᠬᠡ ᠪᠣᠯᠤᠭᠰᠠᠳ ᠬᠦᠦ ᠨᠢ ᠠᠷᠪᠠᠨ ᠲᠠᠪᠤᠨ ᠨᠠᠰᠤ ᠬᠦᠷᠪᠡᠯ ᠥᠭᠡᠷᠡ ᠬᠠᠯᠠ ᠣᠪᠤᠭ ᠲᠠᠢ᠂ ᠠᠵᠢᠯ | ᠣᠶᠤᠳᠠᠯ ᠳᠤ ᠪᠠᠨ ᠰᠠᠶᠢᠨ᠂ ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠨᠠᠰᠤ ᠬᠤᠷᠠᠭ ᠤᠨ ᠥᠬᠢᠨ ᠢ ᠬᠡᠳᠦ ᠶᠢ ᠰᠣᠩᠭᠤᠵᠤ ᠠᠯᠢ ᠨᠢ | ᠬᠤᠪᠢ ᠢᠷᠦᠭᠡᠯ ᠲᠠᠢ ᠪᠠᠶᠢᠬᠤ ᠶᠢ ︽ᠮᠡᠷᠭᠡᠨ︾ ᠯᠠᠮᠠ ᠪᠠᠷ ᠮᠡᠷᠭᠡ ᠲᠦᠯᠭᠡ ᠦᠵᠡᠭᠦᠯᠵᠦ ᠰᠣᠩᠭᠤᠨ ᠲᠣᠭᠲᠠᠭᠠᠳᠠᠭ | ᠃ | ᠢᠩᠭᠢᠭᠡᠳ ᠬᠠᠰᠢᠷ ᠲᠣᠮᠤᠭᠠᠲᠠᠢ᠂ ᠦᠭᠡ ᠶᠠᠷᠢᠶᠠ ᠰᠠᠶᠢᠨᠲᠠᠢ ᠡᠯᠢᠭᠡ ᠪᠦᠲᠦᠨ ᠬᠥᠮᠥᠨ ᠢ ᠥᠬᠢᠨ ᠤ ᠭᠡᠷ ᠲᠤ | ᠣᠴᠢᠭᠤᠯᠵᠤ᠂ ᠪᠡᠷᠢ ᠡᠷᠢᠭᠦᠯᠳᠡᠭ᠃ | ⑵ ᠬᠤᠷᠢᠮ ᠤᠨ ᠪᠡᠯᠡᠳᠬᠡᠯ | ᠤᠷᠤᠭ ᠲᠣᠭᠲᠠᠭᠰᠠᠨ ᠤ ᠳᠠᠷᠠᠭᠠ ︽ᠮᠠᠯ ᠮᠥᠩᠭᠦ ᠥᠭᠴᠦ ᠠᠪᠬᠤ︾ ᠭᠡᠵᠤ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠬᠤᠶᠠᠷ ᠲᠠᠯᠠ | ᠶᠢᠨ ᠬᠥᠷᠥᠩᠭᠡ᠂ ᠬᠤᠭᠰᠢᠯ ᠤᠨ ᠨᠢᠮᠭᠡᠨ ᠵᠤᠵᠠᠭᠠᠨ ᠢᠶᠠᠷ ᠲᠣᠭᠲᠠᠭᠠᠭᠳᠠᠨᠠ᠃ | ᠬᠡᠦᠬᠡᠨ ᠲᠠᠯᠠ ᠬᠦᠷᠭᠡᠨ ᠤ ᠥᠭᠭᠦᠭᠰᠡᠨ ︽ᠮᠠᠯ ᠮᠥᠩᠭᠦ︾ ᠪᠠᠷ ᠨᠢᠭᠡ ᠵᠢᠯ ᠪᠤᠶᠤ ᠬᠠᠭᠠᠰ ᠵᠢᠯ ᠳᠤ ᠬᠡᠦᠬᠡᠨ ᠤ | ᠬᠤᠪᠴᠠᠰᠤ ᠵᠠᠰᠠᠯ᠂ ᠬᠠᠪᠴᠢᠭ ᠲᠠᠲᠠᠭᠤᠷ ᠬᠠᠵᠠᠭᠤ ᠶᠢᠨ ᠪᠠᠯ᠂ ᠳᠥᠷᠪᠡᠨ ᠡᠷᠢᠨ ᠤ ᠡᠮᠦᠰᠬᠦ ᠳᠡᠪᠡᠯ ᠬᠤᠪᠴᠠᠰᠤ ᠶᠢ | ᠣᠶᠤᠵᠤ ᠪᠡᠯᠡᠳᠬᠡᠨᠡ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠬᠡ ᠤᠭᠠᠯᠵᠠ ᠲᠠᠢ ᠮᠣᠳᠤᠨ ᠣᠷᠤ᠂ ᠳᠡᠪᠢᠰᠬᠡᠷ᠂ ᠲᠣᠯᠤᠭᠠᠢ᠂ | ᠬᠥᠯ ᠤᠨ ᠳᠡᠷᠡ᠂ ᠪᠠᠰᠠ ᠠᠪᠳᠠᠷᠠ᠂ ᠠᠶᠠᠭᠠᠨ ᠤ ᠰᠢᠷᠡᠭᠡ ᠵᠡᠷᠭᠡ ᠶᠢ ᠬᠢᠯᠭᠡᠵᠦ ᠪᠡᠯᠡᠳᠬᠡᠳᠡᠭ᠃ | ᠬᠦᠷᠭᠡᠨ ᠲᠠᠯᠠ ᠭᠡᠷ ᠲᠡᠷᠭᠡ ᠠᠴᠠ ᠡᠬᠢᠯᠡᠨ ᠰᠢᠨᠡᠴᠢᠯᠡᠨ ᠪᠡᠯᠡᠳᠬᠡᠬᠦ ᠶᠢᠨ ᠬᠠᠮᠲᠤ᠂ ᠬᠦᠷᠭᠡᠨ ᠤ ᠬᠤᠪᠴᠠᠰᠤ ᠳᠡᠪᠡᠯ | ᠂ ᠬᠦᠷᠮᠡ᠂ ᠬᠠᠨᠵᠢᠶᠠᠷ᠂ ᠪᠦᠰᠡ᠂ ᠮᠠᠯᠠᠭᠠᠢ ᠳᠤ ᠬᠦᠷᠲᠡᠯᠡ ᠪᠡᠯᠡᠨ ᠪᠣᠯᠭᠠᠨᠠ᠃ | ⑶ ᠬᠤᠷᠢᠮ ᠤᠨ ᠵᠠᠷ ᠬᠡᠯᠡᠬᠦ | ᠬᠤᠶᠠᠷ ᠲᠠᠯᠠ ᠶᠢᠨ ᠪᠡᠯᠡᠳᠬᠡᠯ ᠠᠵᠢᠯ ᠳᠠᠭᠤᠰᠪᠠᠯ᠂ ᠰᠠᠷᠠ ᠶᠢᠨ ᠰᠠᠶᠢᠨ᠂ ᠡᠳᠦᠷ ᠤᠨ ᠥᠯᠵᠡᠢ ᠶᠢ ᠦᠵᠡᠭᠦᠯᠵᠦ᠂ | ᠬᠡᠦᠬᠡᠨ ᠮᠣᠷᠳᠠᠭᠤᠯᠵᠤ᠂ ᠪᠡᠷᠢ ᠪᠠᠭᠤᠯᠭᠠᠬᠤ ᠡᠳᠦᠷ ᠢᠶᠠᠨ ᠲᠣᠭᠲᠠᠨᠠ᠃ | ᠬᠡᠦᠬᠡᠨ ᠲᠠᠯᠠ ︽×× ᠰᠠᠷᠠ ᠶᠢᠨ×× ᠤ ᠡᠳᠦᠷ ︿ᠲᠠᠬᠢᠯ ᠪᠡᠯᠡᠭ﹀ ᠬᠦᠯᠢᠶᠡᠨᠡ᠂×× ᠰᠠᠷᠠ ᠶᠢᠨ×× | ᠤ ᠡᠳᠦᠷ ᠤᠨ×× ᠴᠠᠭ ᠲᠤ ᠮᠣᠷᠳᠠᠭᠤᠯᠤᠨᠠ︾ ᠭᠡᠵᠤ ᠬᠤᠷᠢᠮ ᠤᠨ ᠵᠠᠷ ᠬᠡᠯᠡᠳᠡᠭ᠃ | ᠬᠦᠷᠭᠡᠨ ᠲᠠᠯᠠ ︽×× ᠰᠠᠷᠠ ᠶᠢᠨ×× ᠤ ᠡᠳᠦᠷ ︿ᠲᠠᠬᠢᠯ ᠪᠡᠯᠡᠭ﹀ ᠬᠦᠷᠭᠡᠨᠡ᠂×× ᠰᠠᠷᠠ ᠶᠢᠨ×× | ᠤ ᠡᠳᠦᠷ ᠰᠢᠨᠡ ᠭᠡᠷ ᠤᠨ ᠨᠠᠶᠢᠷ ᠬᠢᠨᠡ᠂×× ᠰᠠᠷᠠ ᠶᠢᠨ×× ᠤ ᠡᠳᠦᠷ ᠪᠡᠷᠢ ᠶᠢ ᠪᠠᠭᠤᠯᠭᠠᠨᠠ᠃×× | ᠴᠠᠭ ᠲᠤ ᠪᠡᠷᠢ ᠶᠢ ᠭᠠᠯ ᠳᠤ ᠮᠥᠷᠭᠦᠭᠦᠯᠦᠨᠡ︾ ᠭᠡᠵᠤ ᠵᠠᠷ ᠢᠶᠠᠨ ᠬᠡᠯᠡᠨᠡ᠃ | ⑷ ᠬᠤᠷᠢᠮ ᠤᠨ ᠶᠣᠰᠤᠨ ᠪᠠ ᠶᠠᠪᠤᠴᠠ | ① ᠰᠢᠨᠡ ᠭᠡᠷ ᠤᠨ ᠨᠠᠶᠢᠷ | ᠭᠦᠷᠭᠡᠨ ᠲᠠᠯᠠ ᠶᠢᠨ ᠭᠡᠷ ᠲᠡᠷᠭᠡ ᠪᠦᠷᠢᠬᠦ ᠠᠵᠢᠯ ᠳᠤ ᠬᠠᠪᠰᠤᠷᠤᠨ ᠣᠷᠤᠯᠴᠠᠭᠰᠠᠨ ᠬᠥᠮᠥᠰ ᠪᠣᠯᠤᠨ ᠬᠤᠷᠢᠮ ᠳᠤ | ᠢᠷᠡᠭᠰᠡᠨ ᠬᠥᠮᠥᠰ ᠢ ᠰᠢᠨᠡ ᠭᠡᠷ ᠲᠤ ᠵᠠᠯᠠᠵᠤ ᠴᠠᠢ ᠢᠳᠡᠭᠡ ᠪᠣᠯᠵᠤ᠂ ᠠᠷᠢᠬᠢ ᠳᠠᠷᠠᠰᠤ ᠪᠠᠷᠢᠨ ᠵᠣᠴᠢᠨ ᠢᠶᠠᠨ | ᠳᠠᠶᠢᠯᠠᠬᠤ ᠶᠢᠨ ᠬᠠᠮᠲᠤ᠂ ᠢᠷᠦᠭᠡᠯᠴᠢ ᠠᠴᠠ ᠰᠢᠨᠡ ᠭᠡᠷ ᠢ ᠢᠷᠦᠭᠡᠨ ᠮᠢᠯᠢᠶᠠᠨᠠ᠃ | ᠣᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠣᠯᠲᠤᠭᠠᠢ︕ | ᠤᠴᠠᠷᠠᠯ ᠰᠠᠶᠢᠨ ᠵᠢᠷᠭᠠᠯᠠᠩ ᠪᠣᠯᠲᠤᠭᠠᠢ︕ | ᠲᠡᠭᠰᠢ ᠵᠣᠬᠢᠶᠠᠭᠰᠠᠨ ᠡᠨᠡ ᠭᠡᠷ | ᠲᠡᠭᠷᠢ ᠶᠢᠨ ᠣᠷᠳᠤᠨ ᠮᠡᠲᠦ ᠪᠣᠯᠲᠤᠭᠠᠢ | ᠲᠡᠷᠡ ᠭᠡᠷ ᠤᠨ ᠡᠵᠡᠨ ᠠᠨᠤ | ᠲᠡᠭᠦᠰ ᠰᠠᠶᠢᠨ ᠵᠢᠷᠭᠠᠨ ᠠᠲᠤᠭᠠᠢ | ᠁ | ᠨᠠᠷᠠᠨ ᠤ ᠭᠡᠷᠡᠯ ᠢ ᠨᠠᠭᠠᠰᠢ ᠣᠷᠤᠭᠤᠯᠤᠭᠴᠢ | ᠭᠠᠯ ᠤᠨ ᠭᠡᠷᠡᠯ ᠢ ᠭᠠᠳᠠᠭᠰᠢ ᠳᠡᠯᠭᠡᠷᠡᠭᠦᠯᠦᠭᠴᠢ | ᠬᠤᠷᠯᠤ ᠡᠷᠳᠡᠨᠢ ᠶᠢᠨ ᠰᠢᠨᠵᠢᠲᠡᠢ | ᠲᠣᠭᠤᠨᠤ ᠲᠡᠭᠦᠨ ᠢ ᠮᠢᠯᠢᠶᠠᠶᠠ︕ | ᠁ | ᠥᠯᠵᠡᠢ ᠨᠠᠢᠮᠠᠨ ᠡᠳ᠋ᠯᠡᠯ ᠤᠨ ᠰᠢᠨᠵᠢᠲᠡᠢ | ᠥᠪᠴᠢ ᠰᠠᠶᠢᠨ ᠪᠡᠯᠭᠡ ᠵᠣᠬᠢᠴᠠᠭᠰᠠᠨ | ᠥᠭᠭᠢᠶᠡᠮᠦᠷ ᠰᠢᠨᠡ ᠭᠡᠷ ᠲᠡᠭᠡᠨ | ᠥᠨᠢᠷ ᠣᠯᠠᠭᠤᠯᠠ ᠪᠠᠨ ᠵᠢᠷᠭᠠᠬᠤ ᠪᠣᠯᠲᠤᠭᠠᠢ ᠭᠡᠵᠤ ᠢᠷᠦᠭᠡᠨ ᠰᠦ ᠲᠠᠷᠠᠭ ᠰᠠᠴᠤᠨ ᠮᠢᠯᠢᠶᠠᠳᠠᠭ᠂ ᠢᠩᠭᠢᠭᠡᠳ | ᠳᠠᠭᠤᠤ ᠳᠠᠭᠤᠯᠠᠵᠤ ᠨᠠᠶᠢᠷᠯᠠᠨ ᠰᠢᠨᠡ ᠭᠡᠷ ᠤᠨ ᠨᠠᠶᠢᠷ ᠲᠠᠷᠬᠠᠨᠠ᠃ | ② ᠲᠠᠬᠢᠯ ᠪᠡᠯᠡᠭ ᠬᠦᠷᠭᠡᠬᠦ | ᠬᠦᠷᠭᠡᠨ ᠬᠦᠦ ᠰᠢᠨᠡ ᠬᠤᠪᠴᠠᠰᠤ ᠡᠮᠦᠰᠴᠤ᠂ ᠬᠡᠲᠡ ᠪᠦᠰᠡᠨ ᠳᠡᠭᠡᠨ ᠳᠡᠭᠦᠵᠢᠯᠡᠵᠦ᠂ ᠰᠠᠭᠠᠳᠠᠭ ᠨᠤᠮᠤ ᠠᠭᠰᠠᠵᠤ᠂ | ᠠᠪᠤ ᠡᠵᠢ᠂ ᠬᠤᠲᠠ ᠶᠢᠨ ᠲᠦᠷᠦᠭᠦᠦ᠂ ᠠᠬᠠ ᠳᠡᠭᠦᠦ ᠲᠥᠷᠥᠯ ᠰᠠᠳᠤᠨ᠂ ᠨᠠᠶᠢᠵᠠ ᠨᠥᠬᠦᠳ ᠢᠶᠠᠨ ᠳᠠᠭᠠᠭᠤᠯᠤᠨ | ᠬᠡᠦᠬᠡᠨ ᠤ ᠲᠠᠯᠠ ᠳᠤ ︵ᠲᠠᠬᠢᠯ ᠪᠡᠯᠡᠭ︶ ᠴᠢᠨᠠᠵᠤ ᠪᠣᠯᠤᠭᠠᠭᠰᠠᠨ ᠪᠦᠬᠦᠯᠢ ᠬᠤᠨᠢᠨ ᠤ ᠮᠢᠬᠠ᠂ ᠠᠷᠢᠬᠢ᠂ ᠠᠮᠲᠠᠲᠠᠨ | ᠪᠣᠭᠤᠷᠰᠤᠭ᠂ ᠪᠤᠷᠬᠠᠨ ᠳᠤ ᠡᠷᠭᠦᠬᠦ ᠬᠠᠳᠠᠭ ᠬᠦᠵᠢ ᠵᠤᠯᠠ ᠵᠡᠷᠭᠡ ᠶᠢ ᠠᠪᠴᠤ ᠲᠣᠭᠲᠠᠭᠰᠠᠨ ᠡᠳᠦᠷ ᠤᠨ ᠦᠳᠡ | ᠠᠴᠠ ᠡᠮᠦᠨᠡ ᠵᠠᠪᠠᠯ ᠬᠦᠷᠦᠨᠡ᠃ | ᠬᠡᠦᠬᠡᠨ ᠤ ᠲᠠᠯᠠ ᠬᠦᠷᠭᠡᠨ ᠲᠠᠯᠠ ᠶᠢᠨ ︽ᠲᠠᠬᠢᠯ ᠪᠡᠯᠡᠭ︾ ᠢ ᠬᠦᠯᠢᠶᠡᠨ ᠠᠪᠴᠤ ᠴᠠᠢ᠂ ᠢᠳᠡᠭᠡ᠂ ᠠᠷᠢᠬᠢ | ᠳᠠᠷᠠᠰᠤ ᠪᠠᠷ ᠬᠦᠷᠭᠡᠨ ᠲᠠᠯᠠ ᠶᠢ ᠵᠣᠴᠢᠯᠠᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠬᠡᠯᠡᠵᠦ᠂ ᠳᠠᠭᠤᠤ ᠳᠠᠭᠤᠯᠠᠵᠤ ᠪᠡᠯᠡᠭ ᠰᠡᠯᠡᠭ | ᠥᠭᠴᠦ ︽ᠲᠠᠬᠢᠯ ᠪᠡᠯᠡᠭ ᠤᠨ ᠨᠠᠶᠢᠷ︾ ᠢᠶᠠᠨ ᠥᠨᠳᠦᠷᠯᠡᠭᠦᠯᠦᠨᠡ᠃ | ᠬᠦᠷᠭᠡᠨ ᠮᠣᠷᠳᠠᠬᠤ ᠦᠶᠡ ᠳᠤ ︽ᠬᠦᠷᠭᠡᠨ ᠲᠠᠮᠪᠠᠯᠠᠬᠤ︾ ᠭᠡᠵᠤ ᠨᠢᠭᠡᠨ ᠤᠴᠢᠷ ᠪᠣᠢ᠃ ᠬᠡᠦᠬᠡᠨ ᠲᠠᠯᠠ ᠶᠢᠨ | ᠵᠠᠯᠠᠭᠤᠴᠤᠳ ᠬᠦᠷᠭᠡᠨ ᠢ ᠦᠭᠡᠷ᠂ ᠠᠳᠤᠭᠤᠨ ᠤ ᠨᠣᠶᠢᠲᠠᠨ ᠪᠠᠭᠠᠰᠤ ᠪᠠᠷ ᠰᠢᠳᠡᠬᠦ ᠶᠢ ᠬᠡᠯᠡᠨᠡ᠃ ᠬᠤᠷᠳᠤᠨ ᠮᠣᠷᠢ | ᠲᠠᠢ ᠱᠠᠯᠠᠮᠠᠭᠠᠢ ᠬᠥᠮᠥᠨ ᠪᠠᠭᠠᠰᠤᠨ ᠳᠤ ᠣᠨᠤᠭᠳᠠᠳᠠᠭ ᠦᠭᠡᠢ᠃ ᠡᠨᠡ ᠨᠢ ᠬᠦᠷᠭᠡᠨ ᠢ ᠰᠣᠷᠢᠵᠤ ᠰᠢᠯᠭᠠᠵᠤ᠂ | ᠱᠣᠭᠯᠠᠵᠤ ᠪᠠᠶᠢᠬᠤ ᠨᠢᠭᠡᠨ ᠵᠦᠢᠯ ᠪᠣᠯᠤᠨᠠ᠃ | ③ ᠬᠡᠦᠬᠡᠨ ᠮᠡᠳᠡᠭᠦᠯᠬᠦ | ᠬᠡᠦᠬᠡᠨ ᠮᠡᠳᠡᠭᠦᠯᠬᠦ ᠭᠡᠳᠡᠭ ᠨᠢ ᠬᠠᠷᠢ ᠳᠤ ᠮᠣᠷᠳᠠᠬᠤ ᠬᠡᠦᠬᠡᠨ ᠤ ᠰᠠᠳᠤᠨ ᠲᠥᠷᠥᠯ ᠨᠢ ᠣᠶᠤᠳᠠᠯ ᠣᠶᠤᠭᠤᠯᠬᠤ | ᠨᠡᠷᠡ ᠪᠠᠷ ᠡᠴᠢᠭᠡ ᠡᠬᠡ ᠳᠤᠨᠢ ᠬᠡᠯᠡᠵᠦ ᠬᠡᠦᠬᠡᠨ ᠢ ᠭᠡᠷ ᠲᠤ ᠪᠠᠨ ᠠᠪᠴᠢᠷᠠᠬᠤ ᠳᠤ ︽ᠬᠡᠦᠬᠡᠨ ᠮᠡᠳᠡᠭᠦᠯᠬᠦ︾ ᠳᠤ | ᠤᠷᠢᠭᠳᠠᠭᠰᠠᠨ ᠬᠡᠦᠬᠡᠨᠴᠤᠳ ᠴᠤᠭᠯᠠᠷᠠᠨᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠬᠡᠦᠬᠡᠨ ᠮᠡᠳᠡᠭᠦᠯᠬᠦ ᠳᠤ ᠵᠡᠭᠦᠯᠭᠡᠬᠦ ᠢᠰᠡᠭᠡᠢ | ᠮᠠᠯᠠᠭᠠᠢ᠂ ᠨᠢᠭᠡᠨ ᠵᠠᠬᠠ ᠨᠥᠮᠦᠷᠭᠡ ︵ᠴᠣᠪᠠ︶ ᠪᠡᠯᠡᠳᠬᠡᠵᠦ᠂ ᠢᠳᠡᠷ ᠵᠠᠯᠠᠭᠤ ᠨᠠᠰᠤᠨ ᠤ ᠡᠷᠡᠭᠲᠡᠢ ᠬᠥᠮᠥᠨ ᠬᠡᠦᠬᠡᠨ | ᠳᠤ ᠮᠠᠯᠠᠭᠠᠢ ᠪᠣᠯᠤᠨ ᠨᠥᠮᠥᠷᠭᠡ ᠡᠮᠦᠰᠬᠡᠬᠦ ᠶᠢ ︽ᠬᠡᠦᠬᠡᠨ ᠮᠡᠳᠡᠭᠦᠯᠬᠦ︾ ᠭᠡᠨᠡ᠃ | ④ ᠬᠡᠦᠬᠡᠨ ᠬᠡᠰᠦᠭᠦᠯᠬᠦ | ᠬᠡᠦᠬᠡᠨ ︽ᠬᠡᠦᠬᠡᠨ ᠮᠡᠳᠡᠭᠦᠯᠦᠭᠰᠡᠨ ᠭᠡᠷ︾ ᠠᠴᠠ ᠮᠣᠷᠳᠠᠵᠤ ᠲᠥᠷᠥᠯ ᠰᠠᠳᠤᠨ᠂ ᠠᠶᠢᠯ ᠠᠶᠢᠮᠠᠭ ᠤᠨ ᠬᠢᠨ ᠢᠶᠠᠷ | ᠪᠠᠷᠤᠭ ᠪᠦᠬᠦᠯᠢ ᠡᠳᠦᠷ ᠬᠡᠰᠦᠵᠦ ᠰᠠᠯᠬᠤ ᠶᠣᠰᠤ ᠭᠦᠢᠴᠡᠳᠬᠡᠳᠡᠭ ᠲᠤᠯᠠ ᠠᠶᠢᠯ ᠪᠣᠯᠭᠠᠨ ᠪᠡᠯᠡᠭ ᠰᠡᠯᠡᠭ ᠲᠠᠢ | ᠦᠳᠡᠨ ᠮᠣᠷᠳᠠᠭᠤᠯᠳᠠᠭ᠂ ᠡᠭᠦᠨ ᠢ ᠬᠡᠦᠬᠡᠨ ᠬᠡᠰᠦᠭᠦᠯᠬᠦ ᠭᠡᠨᠡ᠃ | ⑤ ᠬᠡᠦᠬᠡᠨ ᠨᠠᠭᠠᠳᠤᠭᠤᠯᠬᠤ | ᠬᠤᠷᠢᠮ ᠳᠤ ᠢᠷᠡᠭᠰᠡᠨ ᠨᠠᠰᠤᠲᠠᠨ ᠲᠤᠮᠤᠭᠠᠲᠠᠨ ᠳᠠᠭᠠᠨ ᠴᠠᠢ ᠢᠳᠡᠭᠡᠨ ᠪᠠᠷᠢᠵᠤ ᠴᠠᠭᠠᠨ ᠬᠠᠳᠠᠭ ᠳᠡᠯᠭᠡᠨ ᠠᠷᠢᠬᠢ | ᠰᠠᠷᠬᠤᠳ ᠰᠦᠩᠨᠡᠵᠦ ᠨᠠᠶᠢᠷ ᠤᠨ ᠳᠤᠭᠤᠷᠠ ᠬᠡᠳᠦᠨᠲᠡ ᠡᠷᠭᠢᠬᠦᠯᠡᠷ᠂ ᠬᠡᠦᠬᠡᠨ ᠤ ᠡᠴᠢᠭᠡ ᠡᠬᠡ ᠪᠣᠯᠤᠨ ᠡᠭᠡᠴᠢ ᠨᠠᠷ | ᠪᠡᠷᠭᠡᠳ ᠨᠢ ᠬᠡᠦᠬᠡᠨ ᠳᠡᠭᠡᠨ ᠪᠡᠯᠡᠭ ᠥᠭᠬᠦ ᠶᠠᠪᠤᠳᠠᠯ ᠪᠠᠶᠢᠳᠠᠭ᠃ ᠬᠠᠮᠤᠭ ᠲᠦᠷᠦᠭᠦᠨ ᠳᠤ ᠬᠡᠦᠬᠡᠨ ᠪᠣᠰᠴᠤ | ᠵᠣᠭᠰᠤᠨ ᠠᠪᠤ ᠶᠢᠨ ᠢᠶᠠᠨ ᠪᠠᠷᠢᠭᠰᠠᠨ ᠬᠠᠳᠠᠭ ᠢ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠲᠣᠰᠴᠤ ᠠᠪᠤᠭᠠᠳ ᠵᠡᠭᠦᠨ ᠭᠠᠷ ᠤᠨ | ᠪᠠᠭᠤᠤ ᠳᠡᠭᠡᠷᠡ ᠪᠠᠨ ᠲᠣᠬᠤᠵᠤ ᠡᠵᠢ ᠶᠢᠨ ᠢᠶᠠᠨ ᠰᠦᠩᠨᠡᠭᠰᠡᠨ ᠮᠥᠩᠭᠦᠨ ᠠᠶᠠᠭᠠ ᠲᠠᠢ ᠠᠷᠢᠬᠢ ᠶᠢ ᠬᠦᠯᠢᠶᠡᠨ | ᠠᠪᠤᠭᠠᠳ ᠵᠣᠭᠰᠤᠬᠤ ᠳᠤ ᠠᠪᠤ ᠨᠢ᠄ | ᠡᠷᠲᠡ ᠤᠷᠢᠳᠤ ᠶᠢᠨ ᠴᠠᠭ ᠲᠤ | ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠵᠢᠭᠦᠷᠲᠡᠨ ᠥᠨᠳᠡᠭᠡ ᠪᠠᠶᠢᠬᠤ ᠮᠥᠨ ᠪᠣᠯᠪᠠᠴᠤ | ᠠᠳᠠᠯᠢ ᠰᠤᠳᠤ ᠨᠢ ᠭᠦᠢᠴᠡᠯᠳᠦᠬᠦ ᠶᠢᠨ ᠲᠡᠷᠡ ᠴᠠᠭ ᠲᠤ | ᠠᠯᠤᠰ ᠬᠤᠯᠠ ᠶᠢᠨ ᠠᠭᠤᠯᠠᠨ ᠳᠤ | ᠠᠮᠢ ᠠᠮᠢᠨ ᠳᠠᠭᠠᠨ ᠨᠢᠰᠦᠨ ᠣᠳᠳᠠᠭ ᠶᠣᠰᠤᠲᠠᠢ᠃ | ᠠᠴᠢᠲᠤ ᠠᠪᠤ ᠡᠵᠢ ᠬᠤᠶᠠᠷ ᠴᠢᠨᠢ ᠴᠢᠮᠠᠢᠢ |